Kaca:Kajawen 40 1927-10-06.pdf/13

Saka Wikisumber
Menyang navigasi Menyang panggolèkan
Kaca iki durung katitiwaca

ꦲꦸꦠꦮꦶ 4 ꦲꦶꦁ​ꦏꦁ​ꦱꦩ꧀ꦥꦸꦤ꧀ꦲꦁ​ꦒꦝꦃꦲꦶ​ꦒꦿꦶꦪ​ꦥꦶꦪꦩ꧀ꦧꦏ꧀꧈​ꦗꦭꦂꦫꦤ꧀ꦱꦏꦶꦁ​ꦲꦁ​ꦱꦭ꧀ꦲꦁ​ꦱꦭ꧀ꦭꦤ꧀ꦤꦶꦁ​ꦲꦁ​ꦒꦺꦤ꧀ꦤꦶꦥꦸꦤ꧀ꦱꦩꦶ​ꦠꦠꦤꦺꦤ꧀꧈​ꦭꦤ꧀ꦮꦺꦴꦤ꧀ꦠꦼꦤ꧀ꦲꦸꦒꦶ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦲꦁ​ꦒꦝꦃꦲꦶ​ꦫꦗꦏꦪ꧈​ꦩꦲꦺꦱ​ꦠꦸꦮꦶꦤ꧀ꦩꦺꦤ꧀ꦢ꧉​

꧋ꦠꦤꦼꦩ꧀ꦩꦤ꧀ꦤꦶꦥꦸꦤ꧀ꦥꦫ​ꦠꦶꦭꦱ꧀ꦩꦸꦫꦶꦢ꧀ꦮꦲꦸ​ꦠꦤ꧀ꦱꦃ​ꦢꦶꦥꦸꦤ꧀ꦲꦮꦠ꧀ꦲꦮꦠ꧀ꦠꦶ​ꦢꦺꦤꦶꦁ​ꦄꦗꦸꦁ​ꦭꦤ꧀ꦧꦺꦴ​ꦏꦺꦴꦤ꧀ꦱꦸꦭꦺꦤ꧀ꦲꦶꦁ​ꦩꦗ꧈​ꦩꦸꦫꦶꦃ​ꦱꦱꦿꦮꦸꦁ​ꦔꦤ꧀ꦤꦶꦁ​ꦒꦸꦫꦸ​ꦭꦤ꧀ꦩꦸꦫꦶꦢ꧀ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦲꦶꦕꦭ꧀꧉​ꦲꦶꦁ​ꦱꦫꦺꦃꦤꦶꦁ​ꦱꦧꦶꦤ꧀ꦱꦧꦶꦤ꧀ꦲꦶꦁ​ꦏꦁ​ꦏꦒꦫꦥ꧀ꦮꦲꦸ꧈​ꦱꦪ​ꦢꦔꦸ​ꦱꦪ​ꦮꦼꦮꦃ​ꦏꦛꦃ꧈​ꦒꦸꦫꦸ​ꦲꦶꦁ​ꦏꦁ​ꦏꦗꦶꦧꦃ​ꦲꦔꦮꦠ꧀ꦲꦮꦠ꧀ꦠꦶ​ꦭꦗꦼꦁ​ꦏꦧꦤ꧀ꦠꦸ​ꦢꦺꦤꦶꦁ​ꦩꦸꦫꦶꦢ꧀ꦭꦩꦶ꧈​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦲꦁ​ꦒꦝꦃꦲꦶ​ꦱꦧꦶꦤ꧀ꦥꦶꦪꦩ꧀ꦧꦏ꧀꧈​ꦭꦤ꧀ꦱꦧꦼꦤ꧀ꦮꦸꦭꦤ꧀ꦱꦥꦶꦱꦤ꧀ꦢꦶꦥꦸꦤ꧀ꦒꦼꦤ꧀ꦠꦺꦴꦱ꧀ꦱꦶ​ꦢꦺꦤꦶꦁ​ꦏꦚ꧀ꦕꦤꦶꦥꦸꦤ꧀꧉​ꦠꦶꦤ꧀ꦢꦏ꧀ꦲꦶꦁ​ꦏꦁ​ꦩꦏꦠꦼꦤ꧀ꦥꦸꦤꦶꦏ​ꦥꦽꦭꦸꦤꦶꦥꦸꦤ꧀ꦱꦸꦥꦢꦺꦴꦱ꧀ꦥꦫ​ꦠꦶꦭꦱ꧀ꦩꦸꦫꦶꦢ꧀ꦮꦲꦸ​ꦱꦠꦸꦁ​ꦒꦭ꧀ꦭꦤ꧀ꦱꦠꦸꦁ​ꦒꦭ꧀ꦭꦶꦥꦸꦤ꧀ꦠꦤ꧀ꦱꦃ​ꦱꦱꦿꦮꦸꦁ​ꦔꦤ꧀ꦱꦲ​ꦉꦉꦩ꧀ꦧꦒ꧀ꦒꦤ꧀ꦥꦸꦤꦥ​ꦲꦶꦁ​ꦏꦁ​ꦢꦢꦺꦴꦱ꧀ꦏꦥꦽꦭꦸꦮꦤ꧀ꦤꦶꦥꦸꦤ꧀꧉​

꧋ꦮꦶꦮꦶꦠ꧀ꦲꦶꦁ​ꦠꦲꦸꦤ꧀ 1924 ꦥꦩ꧀ꦧꦪꦂꦫꦤ꧀ꦤꦶꦁ​ꦲꦂꦠ​ꦲꦶꦁ​ꦏꦁ​ꦏꦱꦩ꧀ꦧꦸꦠ꧀ꦠꦏꦼꦤ꧀꧈​ꦥꦸꦤꦶꦏ​ꦭꦗꦼꦁ​ꦏꦠꦸꦩ꧀ꦧꦱ꧀ꦱꦏꦼꦤ꧀ꦥꦤ꧀ꦠꦸꦤ꧀꧈​ꦱꦲ​ꦲꦶꦁ​ꦮꦚ꧀ꦕꦶꦤꦶꦥꦸꦤ꧀ꦧꦝꦺ​ꦗꦮꦃ​ꦭꦗꦼꦁ​ꦏꦱꦩ꧀ꦧꦸꦠ꧀ꦠꦏꦼꦤ꧀ꦝꦠꦼꦁ​ꦥꦫ​ꦠꦶꦭꦱ꧀ꦩꦸꦫꦶꦢ꧀꧉​ꦢꦺꦤꦺ​ꦥꦚꦲꦸꦂꦫꦶꦥꦸꦤ꧀ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦥꦤꦺꦤ꧀ꦥꦤ꧀ꦠꦸꦤ꧀꧈​ꦏꦤ꧀ꦛꦶ​ꦏꦮꦼꦮꦃꦲꦤ꧀ 18%꧈​ꦥꦤ꧀ꦠꦸꦤ꧀ 18% ꦮꦲꦸ​ꦏꦁ​ꦒꦺ​ꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦄꦤ꧀ꦝꦶꦭ꧀ꦧꦝꦺ​ꦲꦢꦼꦒ꧀ꦒꦶꦥꦸꦤ꧀ꦏꦺꦴꦥꦼꦫꦱꦶ​ꦭꦸꦩ꧀ꦧꦸꦁ​꧉​ꦄꦤ꧀ꦝꦶꦭ꧀ꦥꦤ꧀ꦠꦸꦤ꧀ꦮꦲꦸ​ꦧꦝꦺ​ꦏꦱꦢꦺ​ꦲꦶꦁ​ꦩꦱ​ꦲꦮꦶꦱ꧀ꦥꦤ꧀ꦠꦸꦤ꧀꧈​ꦭꦤ꧀ꦲꦂꦠ​ꦥꦥꦗꦼꦁ​ꦔꦤ꧀ꦤꦶꦥꦸꦤ꧀ꦧꦝꦺ​ꦏꦠꦸꦩ꧀ꦧꦱ꧀ꦱꦏꦼꦤ꧀ꦥꦤ꧀ꦠꦸꦤ꧀ꦩꦭꦶꦃ​ꦲꦶꦁ​ꦩꦺꦴꦁ​ꦱ​ꦩꦶꦫꦃ​ꦥꦤ꧀ꦠꦸꦤ꧀꧉​ꦱꦩ꧀ꦥꦸꦤ꧀ꦠꦩ꧀ꦠꦸ​ꦱꦧꦼꦤ꧀ꦠꦲꦸꦤ꧀[4]ꦥꦤ꧀ꦠꦸꦤ꧀ꦤꦶꦥꦸꦤ꧀ꦱꦪ​ꦮꦼꦮꦃ​ꦏꦛꦃ꧈​ꦔꦤ꧀ꦠꦺꦴꦱ꧀ꦏꦛꦃꦲꦶꦁ​ꦥꦤ꧀ꦠꦸꦤ꧀ꦮꦲꦸ​ꦱꦒꦼꦢ꧀ꦲꦚꦼꦏꦥ꧀ꦥꦶ​ꦠꦸꦩꦿꦥ꧀ꦱꦢꦪ​ꦏꦥꦽꦭꦸꦮꦤ꧀ꦤꦶꦥꦸꦤ꧀ꦠꦠꦤꦺꦤ꧀ꦥꦫ​ꦠꦶꦭꦱ꧀ꦩꦸꦫꦶꦢ꧀ꦩꦸꦫꦶꦢ꧀ꦮꦲꦸ꧉​ꦩꦤꦮꦶ​ꦥꦮꦶꦠ꧀ꦠꦤ꧀ꦤꦶꦥꦸꦤ꧀ꦥꦤ꧀ꦠꦸꦤ꧀ꦮꦲꦸ​ꦱꦩ꧀ꦥꦸꦤ꧀ꦲꦒꦼꦁ​ꦱꦪꦼꦏ꧀ꦠꦺꦴꦱ꧀꧈​ꦠꦩ꧀ꦠꦸ​ꦲꦤꦏ꧀ꦏꦤ꧀ꦤꦶꦁ​ꦚꦩ꧀ꦧꦸꦠ꧀ꦥꦤ꧀ꦠꦸꦤ꧀ꦮꦲꦸ​ꦧꦝꦺ​ꦢꦶꦥꦸꦤ꧀ꦏꦶꦫꦁ​ꦔꦶ꧈​ꦲꦁ​ꦒꦼꦂ​ꦠꦸꦩꦶꦤ꧀ꦢꦏ꧀ꦏꦶꦥꦸꦤ꧀ꦱꦒꦼꦢ꧀ꦭꦸꦩꦶꦤ꧀ꦠꦸ​ꦏꦺꦩꦮꦺꦴꦤ꧀꧉​ꦠꦸꦤ꧀ꦠꦸꦤ꧀ꦤꦤ꧀ꦲꦶꦁ​ꦏꦁ​ꦩꦏꦠꦼꦤ꧀ꦮꦲꦸ꧈​ꦱꦪꦼꦏ꧀ꦠꦺꦴꦱ꧀ꦲꦒꦼꦁ​ꦱꦔꦼꦠ꧀ꦒꦸꦤꦤꦶꦥꦸꦤ꧀ꦠꦸꦩꦿꦥ꧀ꦥꦫ​ꦏꦮꦸꦭ꧉​ꦲꦩꦶꦭ​ꦲꦶꦧ​ꦱꦲꦺꦤꦶꦥꦸꦤ꧀꧈​ꦲꦸꦥꦩꦶ​ꦤꦒꦫꦶ​ꦏꦂꦱ​ꦩꦼꦮꦃꦲꦶ​ꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦥꦩꦸꦭꦁ​ꦔꦤ꧀ꦲꦶꦁ​ꦏꦁ​ꦩꦏꦠꦼꦤ꧀ꦮꦲꦸ​ꦩꦭꦶꦃ꧉​

꧋ꦩꦸꦒꦶ​ꦏꦮꦶꦒꦠꦺꦴꦱ꧀ꦤ​ꦝꦠꦼꦁ​ꦥꦫ​ꦩꦲꦺꦴꦱ꧀ꦠꦸꦮꦶꦤ꧀ꦥꦫ​ꦲꦶꦁ​ꦏꦁ​ꦱꦩꦶ​ꦩꦸꦤ꧀ꦝꦸꦠ꧀ꦥꦺꦴꦊꦏ꧀ꦱꦭ꧀ꦩꦼꦤꦏ꧀ꦠꦲꦸꦤ꧀ 1928

꧋ꦲꦶꦁ​ꦱꦫꦺꦃꦤꦶꦁ​ꦲꦶꦁ​ꦧꦧ꧀ꦥꦿꦤꦠꦤ꧀ꦥꦺꦤ꧀ꦱꦶꦪꦸꦤ꧀ꦲꦶꦁ​ꦏꦁ​ꦏꦱꦼꦧꦸꦠ꧀ꦲꦶꦁ​ꦥꦺꦴꦊꦏ꧀ꦱꦭ꧀ꦩꦼꦤꦏ꧀ꦗꦮꦶ꧈​ꦩ꧀ꦭꦪꦸ​ꦠꦸꦮꦶꦤ꧀ꦱꦸꦤ꧀ꦝ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦏꦺꦕꦺꦂ​ꦥꦩꦽꦠꦭ꧀ꦭꦶꦥꦸꦤ꧀ꦱꦏꦶꦁ​ꦧꦱ​ꦮꦭꦤ꧀ꦢꦶ꧈​ꦲꦩꦶꦭ​ꦨꦭꦺ​ꦥꦸꦱ꧀ꦠꦏ​ꦤꦸꦱꦸꦭ꧀ꦭꦶ​ꦏꦠꦿꦁ​ꦔꦤ꧀ꦏꦁ​ꦒꦺ​ꦔ꧀ꦭꦼꦉꦱ꧀ꦱꦏꦼꦤ꧀ꦏꦊꦥꦠ꧀ꦠꦤ꧀ꦮꦲꦸ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦗꦮꦺꦤ꧀ꦠꦸꦮꦶꦤ꧀ꦥꦚ꧀ꦗꦶ​ꦥꦸꦱ꧀ꦠꦏ꧉​

꧋ꦢꦺꦤꦺ​ꦏꦊꦥꦠ꧀ꦠꦤ꧀ꦮꦲꦸ​ꦲꦶꦁ​ꦏꦁ​ꦠꦸꦩꦿꦥ꧀ꦥꦺꦴꦊꦏ꧀ꦱꦭ꧀ꦩꦼꦤꦏ꧀ꦗꦮꦶ꧈​ꦏꦱꦼꦧꦸꦠ꧀ꦲꦶꦁ​ꦏꦕ​ 163-164 ꦲꦏ꧀ꦱꦫ꧇​ꦤ꧈​ꦊꦉꦱ꧀ꦱꦶꦥꦸꦤ꧀ꦏꦢꦺꦴꦱ꧀ꦲꦶꦁ​ꦔꦤ꧀ꦝꦥ꧀ꦥꦸꦤꦶꦏ꧇​

ꦤ꧈​ꦥꦺꦤ꧀ꦱꦶꦪꦸꦤ꧀ꦲꦭꦶꦠ꧀꧈​ꦩꦤꦮꦶ꧇​ 1 ꦝꦶꦤꦼꦱ꧀ꦱꦶꦥꦸꦤ꧀ꦏꦶꦫꦁ 5 ꦠꦲꦸꦤ꧀ꦱꦏꦶꦁ​ꦝꦶꦤꦼꦱ꧀ꦲꦶꦁ​ꦏꦁ​ꦏꦱꦼꦧꦸꦠ꧀ꦲꦶꦁ​ꦲꦏ꧀ꦱꦫ꧇​ꦲ꧈​ꦠꦸꦩꦿꦥ꧀ꦱꦠꦸꦁ​ꦒꦶꦭ꧀ꦱꦠꦸꦁ​ꦒꦶꦭ꧀ꦭꦶꦁ​ꦒꦺꦴꦭꦺꦴꦁ​ꦔꦤ꧀꧈​ꦩꦺꦴꦁ​ꦏ​ꦲꦸꦩꦸꦂꦫꦶꦥꦸꦤ꧀ꦠꦸꦩꦿꦥ꧀ꦱꦠꦸꦁ​ꦒꦶꦭ꧀ꦱꦠꦸꦁ​ꦒꦶꦭ꧀ꦭꦶꦁ​ꦒꦺꦴꦭꦺꦴꦁ​ꦔꦤ꧀ꦮꦲꦸ​ꦱꦩ꧀ꦥꦸꦤ꧀ꦲꦚꦼꦏꦥ꧀ꦥꦶ꧈​2 ꦩꦤꦮꦶ​ꦏꦶꦫꦁ​ꦔꦶꦥꦸꦤ꧀ꦭꦁ​ꦏꦸꦁ​ꦱꦏꦶꦁ​ 5 ꦠꦲꦸꦤ꧀(ꦤꦔꦶꦁ​ꦏꦶꦫꦁ​ꦔꦶꦥꦸꦤ꧀ꦥꦸꦤꦶꦏ​ꦧꦺꦴꦠꦼꦤ꧀ꦏꦺꦔꦶꦁ​ꦭꦁ​ꦏꦸꦁ​ꦱꦏꦶꦁ​ 10 ꦠꦲꦸꦤ꧀)ꦲꦸꦩꦸꦂꦫꦶꦁ​ꦥꦸꦁ​ꦒꦮ​ꦮꦲꦸ​ꦏꦼꦢꦃ​ꦱꦩ꧀ꦥꦸꦤ꧀ꦭꦁ​ꦏꦸꦁ​ꦱꦏꦶꦁ​ꦲꦶꦁ​ꦏꦁ​ꦏꦠꦩ꧀ꦠꦺꦴꦑꦏꦼꦤ꧀ꦲꦶꦁ​ꦲꦏ꧀ꦱꦫ꧇​ꦲ꧉​ꦭꦁ​ꦏꦸꦁ​ꦔꦶꦁ​ꦲꦸꦩꦸꦂ​ꦲꦥꦼꦱ꧀ꦱꦶꦥꦸꦤ꧀ꦏꦼꦢꦃ​ꦱꦩꦶ​ꦏꦭꦶꦪꦤ꧀ꦏꦶꦫꦁ​ꦔꦶꦁ​ꦝꦶꦤꦼꦱ꧀ꦱꦶꦥꦸꦤ꧀ꦲꦶꦁ​ꦏꦁ​ꦗꦁ​ꦏꦼꦥ꧀꧈​ꦏꦱꦸꦢ​ 5 ꦠꦲꦸꦤ꧀꧉​ꦲꦸꦥꦩꦶꦤꦶꦥꦸꦤ꧀꧇​ꦱꦠꦸꦁ​ꦒꦶꦭ꧀ꦭꦶꦁ​ꦩꦤ꧀ꦠꦿꦶ​ꦥꦸꦭꦶꦱꦶ​ꦝꦶꦤꦼꦱ꧀ꦱꦶꦥꦸꦤ꧀ꦠꦏ꧀ꦱꦶꦃ​ꦏꦶꦫꦁ​ 5 ꦠꦲꦸꦤ꧀ꦱꦏꦶꦁ​ꦲꦶꦁ​ꦏꦁ​ꦏꦠꦩ꧀ꦠꦺꦴꦑꦏꦼꦤ꧀ꦲꦶꦁ​ꦲꦏ꧀ꦱꦫ꧇​ꦲ꧈​ꦩꦸꦫꦶꦃ​ꦱꦒꦼꦢ꧀ꦢꦶꦥꦸꦤ꧀ꦲꦁ​ꦱꦭ꧀ꦥꦺꦤ꧀ꦱꦶꦪꦸꦤ꧀ꦲꦭꦶꦠ꧀꧈​ꦥꦿꦶꦪꦤ꧀ꦠꦸꦤ꧀ꦮꦲꦸ​ꦏꦼꦢꦃ​ꦱꦩ꧀ꦥꦸꦤ꧀ꦔꦸꦩꦸꦂ 50 + 8 - 5 ꦠꦲꦸꦤ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ 53 ꦠꦲꦸꦤ꧀꧉​

ꦨꦭꦺ​ꦥꦸꦱ꧀ꦠꦏ꧉​