Kaca:Kajawen 06 1928-01-21.pdf/10

Saka Wikisumber
Menyang navigasi Menyang panggolèkan
Kaca iki durung katitiwaca

ꦥꦸꦤ꧀ꦲꦸꦢꦶ​ꦔꦤ꧀ꦠꦺꦴꦱ꧀ꦏꦼꦥꦁ​ꦒꦶꦃ꧈​ꦢꦺꦤꦺꦲꦶꦁ​ꦏꦁ​ꦲꦝꦏ꧀ꦏꦤ꧀꧈​ꦗꦭꦂꦫꦤ꧀ꦥꦔꦁ​ꦒꦼꦤ꧀ꦤꦶꦥꦸꦤ꧀ꦠꦼꦊꦱ꧀ꦏꦺꦴꦩ꧀ꦥꦺꦴꦭ꧀ꦭꦤ꧀꧉​ꦩꦤꦮꦶ​ꦧꦺꦴꦠꦼꦤ꧀ꦱꦏꦶꦁ​ꦗꦭꦂꦫꦤ꧀ꦩꦏꦠꦼꦤ꧀꧈​ꦲꦶꦁ​ꦒꦶꦃ​ꦢꦶꦥꦸꦤ꧀ꦥꦢꦺꦴꦱ꧀ꦱꦶ​ꦱꦧꦧ꧀ꦱꦧꦧ꧀ꦱꦤꦺꦱ꧀ꦱꦶꦥꦸꦤ꧀꧈​ꦥꦸꦤꦥ​ꦱꦏꦶꦁ​ꦭꦸꦮꦼ꧈​ꦏꦼꦱꦼꦱꦼꦏ꧀ꦏꦼꦤ꧀ꦥꦔꦁ​ꦒꦼ꧈​ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦔꦤ꧀ꦠꦺꦴꦱ꧀ꦏꦼꦥꦁ​ꦒꦶꦃ꧉​ꦩꦤꦮꦶ​ꦩꦼꦏ꧀ꦱ​ꦧꦺꦴꦠꦼꦤ꧀ꦏꦼꦥꦁ​ꦒꦶꦃ꧈​ꦥꦸꦤꦥ​ꦗꦭꦂꦫꦤ꧀ꦱꦏꦶꦁ​ꦱꦏꦶꦠ꧀꧈​ꦭꦗꦼꦁ​ꦢꦶꦥꦸꦤ꧀ꦥꦢꦺꦴꦱ꧀ꦱꦶ꧈​ꦪꦺꦤ꧀ꦩꦱꦸꦏ꧀ꦲꦔꦶꦤ꧀꧈​ꦱꦱꦒꦼꦢ꧀ꦱꦒꦼꦢ꧀ꦭꦗꦼꦁ​ꦢꦶꦥꦸꦤ꧀ꦲꦸꦥꦏꦫ​ꦥꦶꦪꦩ꧀ꦧꦏ꧀ꦩꦤꦸꦠ꧀ꦥꦏꦸꦭꦶꦤꦤ꧀ꦲꦶꦁ​ꦏꦁ​ꦥꦿꦪꦺꦴꦒꦶ꧉​ꦩꦶꦭ​ꦩꦼꦁ​ꦒꦃꦲꦶꦁ​ꦠꦶꦪꦁ​ꦒꦝꦃ​ꦲꦤꦏ꧀ꦲꦭꦶꦠ꧀꧈​ꦥꦸꦤ꧀ꦧꦶꦪꦸꦁ​ꦲꦶꦁ​ꦒꦶꦃ​ꦠꦤ꧀ꦱꦃ​ꦱꦝꦶꦪ​ꦥꦸꦤꦥ​ꦏꦧꦼꦠꦃꦲꦤ꧀ꦲꦶꦁ​ꦏꦁ​ꦩꦶꦒꦸꦤꦤꦶ꧉​

꧋ꦥꦸꦤ꧀ꦧꦶꦪꦸꦁꦧꦺꦴꦠꦼꦤ꧀ꦏꦼꦤ꧀ꦝꦠ꧀ꦠꦤ꧀ꦱꦃꦤꦭꦶꦠꦶꦝꦠꦼꦁ​ꦲꦁ​ꦒꦺꦤ꧀ꦤꦶꦁ​ꦲꦩ꧀ꦧꦸꦧꦸꦕꦭ꧀ꦲꦤꦏ꧀ꦏꦶꦥꦸꦤ꧀꧈​ꦱꦧꦼꦤ꧀ꦥꦶꦤꦁ​ꦒꦶꦃ​ꦧꦺꦴꦠꦼꦤ꧀ꦲꦗꦼꦒ꧀꧈​ꦭꦗꦼꦁ​ꦢꦶꦥꦸꦤ꧀ꦲꦸꦢꦶ​ꦲꦗꦼꦒ꧀ꦒꦶꦥꦸꦤ꧀꧈​ꦩꦶꦭ​ꦧꦶꦪꦸꦁ​ꦠꦤ꧀ꦱꦃ​ꦔꦸꦢꦶ​ꦠꦸꦮꦶꦤ꧀ꦔꦸꦭꦶꦤꦏ꧀ꦲꦏꦼꦤ꧀꧈​ꦏꦢꦺꦴꦱ꧀ꦥꦸꦤ꧀ꦢꦶ​ꦩꦸꦫꦶꦃ​ꦲꦗꦼꦒ꧀ꦒꦶꦥꦸꦤ꧀ꦲꦁ​ꦒꦺꦤ꧀ꦤꦶꦁ​ꦲꦩ꧀ꦧꦸꦧꦸꦕꦭ꧀ꦲꦤꦏ꧀ꦏꦶꦥꦸꦤ꧀꧉​

꧋ꦢꦺꦤꦺꦩꦤꦮꦶꦲꦤꦏ꧀ꦏꦶꦥꦸꦤ꧀ꦱꦏꦶꦠ꧀꧈ꦥꦸꦤ꧀ꦧꦶꦪꦸꦁꦭꦗꦼꦁ​ꦔꦽꦢꦠꦺꦴꦱ꧀ꦠꦸꦮꦶꦤ꧀ꦮꦶꦕꦤ꧀ꦠꦼꦤ꧀꧇​ꦮꦃ​ꦱꦼꦱꦸꦏ꧀ꦠꦏ꧀ꦒꦮꦤꦼ​ꦩꦼꦚꦁ​ꦝꦺꦴꦏ꧀ꦠꦼꦂꦫꦤ꧀꧉​

꧋ꦱꦩꦤ꧀ꦠꦼꦤ꧀ꦥꦔꦽꦏ꧀ꦱꦤꦶꦁꦧꦶꦪꦸꦁꦝꦠꦼꦁꦲꦤꦏ꧀꧉ꦌꦏꦺꦴꦤꦺꦴꦩꦶ​꧋ꦠꦼꦝ​ꦧꦏꦸ​ꦠꦸꦮꦶꦤ꧀ꦏꦧꦺꦴꦫꦺꦴꦱ꧀ꦱꦤ꧀ꦲꦶꦁ​ꦠꦤꦃ​ꦏꦢꦸꦮꦁ​꧈​ꦯꦸꦫꦏꦂꦠ​꧋ꦧꦏꦸꦤꦶꦁ​ꦠꦼꦝꦤꦶꦥꦸꦤ꧀ꦠꦶꦪꦁ​ꦲꦶꦁ​ꦠꦤꦃ​ꦗꦮꦶ꧈​ꦥꦸꦤꦶꦏ꧇​ꦲꦸꦮꦺꦴꦱ꧀꧈​ꦤꦔꦶꦁ​ꦱꦮꦼꦤꦺꦃꦲꦶꦁ​ꦥꦁ​ꦒꦼꦤ꧀ꦤꦤ꧀꧈​ꦱꦪ​ꦩꦭꦶꦃ​ꦲꦶꦁ​ꦠꦤꦃ​ꦥꦉꦢꦺꦤ꧀꧈​ꦲꦸꦥꦩꦶꦤꦶꦥꦸꦤ꧀ꦠꦶꦪꦁ​ꦲꦶꦁ​ꦉꦢꦶ​ꦩꦫꦥꦶ꧈​ꦠꦼꦝꦤꦶꦥꦸꦤ꧀ꦧꦏꦸ​ꦧꦺꦴꦠꦼꦤ꧀ꦱꦼꦏꦸꦭ꧀ꦮꦺꦴꦱ꧀꧈​ꦭꦶꦩꦿꦃꦲꦶꦥꦸꦤ꧀ꦗꦒꦸꦁ​꧈​ꦢꦺꦤꦺꦠꦶꦠꦶꦪꦁ​ꦲꦶꦁ​ꦥꦉꦢꦺꦤ꧀ꦱꦏꦶꦢꦸꦭ꧀ꦉꦢꦶ​ꦭꦮꦸ꧈​ꦲꦶꦁ​ꦏꦁ​ꦏꦮꦱ꧀ꦠꦤꦤ꧀ꦠꦤꦃ​ꦏꦼꦢꦸꦮꦁ​꧈​ꦠꦼꦝꦤꦶꦥꦸꦤ꧀ꦧꦏꦸ​ꦫꦒꦶ​ꦲꦤꦺꦃ​ꦩꦭꦶꦃ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦒꦥ꧀ꦭꦺꦏ꧀꧈​ꦥꦺꦴꦲꦸꦁ​ꦒꦫꦶꦁ​꧉

꧋ꦥꦸꦤꦥꦲꦧꦏꦸꦤꦶꦁꦠꦼꦝꦠꦼꦏꦒꦥ꧀ꦭꦺꦏ꧀꧈ꦥꦸꦤꦥꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦤꦼꦩ꧀ꦩꦤ꧀ꦥꦤ꧀ꦠꦸꦤ꧀꧉​ꦎ꧈​ꦏꦛꦃ​ꦱꦔꦼꦠ꧀꧈​ꦩꦭꦃ​ꦪꦺꦤ꧀ꦥꦶꦤꦸꦗꦸ​ꦩꦺꦴꦁ​ꦱ​ꦥꦤꦺꦤ꧀ꦲꦶꦁ​ꦥꦼꦏꦼꦤ꧀ꦏꦼꦧꦏ꧀ꦮꦺꦴꦱ꧀ꦔꦸꦤ꧀ꦝꦸꦁ​ꦲꦸꦤ꧀ꦝꦸꦁ​꧉​ꦤꦔꦶꦁ​ꦲꦸꦮꦺꦴꦱ꧀ꦮꦲꦸ​ꦲꦶꦁ​ꦏꦁ​ꦒꦝꦃ​ꦱꦩ꧀ꦥꦸꦤ꧀ꦠꦶꦪꦁ​ꦱꦤꦺꦱ꧀꧉​

꧋ꦠꦸꦩꦿꦥ꧀ꦥꦶꦁꦠꦶꦪꦁꦏꦛꦃ꧈ꦱꦩꦶꦒꦝꦃꦏꦱꦼꦤꦼꦁꦔꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧉​ꦢꦢꦺꦴꦱ꧀ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀꧈​ꦠꦶꦪꦁ​ꦠꦶꦮꦺꦴꦱ꧀꧉​ꦩꦶꦭ​ꦱꦲꦁ​ꦱꦭ꧀ꦭꦶꦁ​ꦥꦤ꧀ꦠꦸꦤ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦥꦤꦺꦤ꧀ꦲꦶꦁ​ꦒꦶꦃ​ꦭꦸꦮꦸꦁ​ꦏꦱꦢꦼ꧉​ꦫꦺꦃꦤꦼ​ꦩꦺꦃ​ꦱꦧꦼꦤ꧀ꦠꦶꦪꦁ​ꦱꦩ꧀ꦥꦸꦤ꧀ꦱꦩꦶ​ꦒꦝꦃ​ꦒꦥ꧀ꦭꦺꦏ꧀ꦱꦏꦶꦁ​ꦥꦩꦼꦢꦭ꧀ꦭꦶꦁ​ꦥꦺꦴꦲꦸꦁ​ꦲꦶꦁ​ꦥꦏꦫꦁ​ꦔꦤ꧀꧈​ꦥꦿꦩꦶꦭ​ꦪꦠꦿ​ꦥꦥꦗꦼꦁ​ꦔꦤ꧀ꦤꦶꦁ​ꦮꦺꦴꦱ꧀꧈​ꦲꦶꦁ​ꦒꦶꦃ​ꦏꦠꦸꦩ꧀ꦧꦱ꧀ꦱꦏꦼꦤ꧀ꦧꦫꦁ​ꦱꦤꦺꦱ꧀꧈​ꦏꦢꦺꦴꦱ꧀ꦠ꧇​ꦥꦔꦁ​ꦒꦼ꧉​ꦢꦢꦺꦴꦱ꧀ꦥꦸꦤꦥ​ꦠꦚ꧀ꦗꦤꦶꦥꦸꦤ꧀ꦪꦠꦿ​ꦥꦥꦗꦼꦁ​ꦔꦤ꧀ꦤꦶꦁ​ꦥꦤ꧀ꦠꦸꦤ꧀ꦮꦲꦸ꧈​ꦧꦺꦴꦠꦼꦤ꧀ꦱꦤꦺꦱ꧀ꦲꦶꦁ​ꦒꦶꦃ​ꦤꦩꦸꦁ​ꦝꦠꦼꦁ​ꦥꦔꦁ​ꦒꦼ​ꦲꦶꦁ​ꦏꦁ​ꦱꦲꦼ​ꦱꦲꦼ꧈​ꦲꦸꦠꦮꦶ​ꦏꦢꦩꦼꦭ꧀ꦏꦧꦼꦠꦃꦲꦤ꧀ꦱꦤꦺꦱ꧀꧉​ꦢꦢꦺꦴꦱ꧀ꦥꦩꦼꦢꦭ꧀ꦭꦶꦁ​ꦱꦧꦶꦤ꧀ꦧꦧꦂꦥꦶꦱꦤ꧀ꦧꦺꦴꦠꦼꦤ꧀ꦏꦠꦼꦝ꧈​ꦲꦸꦠꦮꦶ​ꦧꦺꦴꦠꦼꦤ꧀ꦠꦸꦩꦺꦴꦚ꧀ꦗ​ꦲꦶꦁ​ꦏꦁ​ꦥꦽꦭꦸ꧉​

꧋ꦭꦁꦏꦸꦁꦭꦁꦏꦸꦁ꧈ꦱꦧꦼꦤ꧀ꦩꦺꦴꦁꦱꦥꦤꦺꦤ꧀ꦥꦤ꧀ꦠꦸꦤ꧀꧈​ꦥꦸꦤꦶꦏ​ꦮꦺꦴꦤ꧀ꦠꦼꦤ꧀ꦱꦊꦧꦼꦠ꧀ꦠꦶꦥꦸꦤ꧀ꦮꦸꦭꦤ꧀ꦱꦲꦼ꧈​ꦏꦛꦃ​ꦠꦶꦪꦁ​ꦒꦝꦃ​ꦢꦩꦼꦭ꧀ꦠꦏ꧀ꦱꦶꦃ​ꦭꦶꦩꦿꦃ​ꦥꦢꦺꦴꦱ꧀ꦥꦱꦸꦩ꧀ꦧꦁ​꧉​ꦢꦪꦁ​ꦮꦲꦸ꧈​ꦫꦸꦩꦲꦺꦴꦱ꧀ꦤꦶꦏ꧀ꦩꦠ꧀ꦤꦼꦝ​ꦱꦼꦏꦸꦭ꧀ꦒꦥ꧀ꦭꦺꦏ꧀ꦠꦶꦤꦶꦩ꧀ꦧꦁ​