Kaca:Kajawen 02 1928-01-07.pdf/21

Saka Wikisumber
Menyang navigasi Menyang panggolèkan
Kaca iki durung katitiwaca

ꦮꦮꦲꦺꦴꦱꦤ꧀

꧋ꦱꦸꦱꦸꦥꦼꦲꦒꦼꦩꦶꦥꦸꦤ꧀ꦫꦗꦥꦸꦠꦿꦶꦲꦶꦁꦯꦼꦧꦯꦼꦧ꧉

꧇꧔꧇꧉

꧋ꦱꦸꦱꦸꦥꦼꦮꦺꦴꦤ꧀ꦠꦼꦤ꧀ꦲꦶꦁꦤꦒꦫꦶꦆꦔ꧀ꦒꦿꦶꦱ꧀

꧋ꦏꦸꦭꦤꦸꦤ꧀ꦠꦼꦤ꧀ꦥꦶꦠꦏꦺꦤ꧀ꦥꦸꦤꦥꦱꦁꦫꦗꦥꦸꦠꦿꦶꦤꦫꦶꦩꦃꦝꦠꦼꦁꦏꦏꦮꦺꦴꦤ꧀ꦠꦼꦤꦤ꧀ꦲꦶꦁ​ꦏꦁ​ꦩꦏꦠꦼꦤ꧀ꦥꦸꦤꦶꦏ꧉​

꧋ꦯꦁꦫꦗꦥꦸꦠꦿꦶꦩꦁꦱꦸꦭꦶ꧇ꦠꦩ꧀ꦠꦸꦏꦼꦩꦮꦺꦴꦤ꧀ꦏꦸꦭꦧꦺꦴꦠꦼꦤ꧀ꦤꦫꦶꦩꦃ꧈​ꦤꦔꦶꦁ​ꦱꦥꦶꦤ꧀ꦠꦼꦤ꧀ꦲꦒꦼꦔꦶꦁ​ꦢꦪꦤꦶꦥꦸꦤ꧀ꦮꦤꦶꦠ​ꦏꦢꦺꦴꦱ꧀ꦏꦸꦭ꧈​ꦧꦝꦼ​ꦔꦗꦼꦔꦏꦼꦤ꧀ꦩꦭꦶꦃ​ꦧꦁ​ꦱ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦩꦸꦤ꧀ꦢꦸꦂ​ꦱꦢꦪ​ꦏꦮꦺꦴꦤ꧀ꦠꦼꦤꦤꦶꦥꦸꦤ꧀ꦥꦸꦤꦶꦏ꧉​ꦥꦿꦩꦶꦭ​ꦩꦤꦮꦶ​ꦱꦩ꧀ꦥꦼꦪꦤ꧀ꦥꦸꦫꦸꦤ꧀꧈​ꦧꦺꦴꦁ​ꦱ​ Fung ꦱꦩ꧀ꦥꦼꦪꦤ꧀ꦠꦸꦤ꧀ꦝꦸꦁꦱꦏꦶꦁꦤꦒꦫꦶꦤꦶꦥꦸꦤ꧀꧉ꦩꦤꦮꦶꦱꦒꦼꦢ꧀ꦏꦭꦩ꧀ꦥꦲꦤ꧀꧈​ꦱꦩ꧀ꦥꦼꦪꦤ꧀ꦧꦝꦼ​ꦏꦸꦭ​ꦒꦚ꧀ꦗꦂ​ꦲꦒꦼꦁ​ꦱꦔꦼꦠ꧀꧉​ꦱꦩ꧀ꦥꦼꦪꦤ꧀ꦧꦺꦴꦠꦼꦤ꧀ꦧꦝꦼ​ꦱꦒꦼꦢ꧀ꦔꦶꦤ꧀ꦠꦼꦤ꧀ꦔꦶꦤ꧀ꦠꦼꦤ꧀ꦲꦒꦼꦔꦶꦁ​ꦒꦚ꧀ꦗꦫꦤ꧀ꦮꦲꦸ꧉​ꦲꦶꦁ​ꦔꦿꦶꦏ​ꦮꦺꦴꦤ꧀ꦠꦼꦤ꧀ꦠꦶꦭꦱ꧀ꦏꦫꦠꦺꦴꦤ꧀꧈​ꦢꦸꦩꦸꦤꦸꦁ​ꦲꦶꦁ​ꦱꦊꦧꦼꦠꦶꦁ​ꦱꦶꦠꦶ꧈​ꦱꦂꦠ​ꦮꦺꦴꦤ꧀ꦠꦼꦤ꧀ꦏꦸꦧꦸꦫꦤꦶꦁ​ꦥꦫ​ꦫꦗ​ꦲꦶꦁ​ꦗꦩꦤ꧀ꦏꦶꦤ꧈​ꦲꦶꦁ​ꦏꦁ​ꦏꦏꦸꦧꦸꦂ​ꦏꦭꦶꦪꦤ꧀ꦫꦗꦧꦫꦤꦤꦶꦥꦸꦤ꧀꧉​ꦥꦔꦸꦧꦸꦫꦶꦥꦸꦤ꧀ꦱꦩ꧀ꦥꦸꦤ꧀ꦭꦩꦶ​ꦱꦔꦼꦠ꧀꧈​ꦱꦢꦺꦫꦺꦔꦶꦥꦸꦤ꧀ꦧꦺꦴꦁ​ꦱ​ Abati ꦢꦸꦩꦸꦒꦶꦲꦶꦁ Mur꧉ꦠꦸꦩꦿꦥꦶꦁꦧꦺꦴꦁꦱ Abati ꦫꦗꦧꦫꦤꦮꦲꦸꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦥꦲꦼꦢꦲꦶꦥꦸꦤ꧀꧈ꦗꦭꦫꦤ꧀ꦧꦺꦴꦁ​ꦱ​ Abati ꦧꦺꦴꦠꦼꦤ꧀ꦱꦒꦼꦢ꧀ꦢꦼꦢꦒꦔꦤ꧀ꦏꦭꦶꦲꦤ꧀ꦧꦺꦴꦁꦱꦱꦤꦺꦱ꧀꧉ꦏꦸꦭ​ꦩꦶꦉꦁ​ꦧꦶꦭꦶꦃ​ꦧꦺꦴꦁ​ꦱ​ꦏꦶꦊꦤꦤ꧀ꦥꦸꦤꦶꦏ​ꦉꦩꦼꦤ꧀ꦱꦔꦼꦠ꧀ꦝꦠꦼꦁ​ꦲꦼꦩꦱ꧀꧉​ꦏꦸꦭ​ꦩꦁ​ꦱꦸꦭꦶ​ꦩꦏꦠꦼꦤ꧀꧇​ꦏꦸꦭ​ꦧꦺꦴꦠꦼꦤ꧀ꦏꦼꦥꦼꦔꦶꦤ꧀ꦲꦼꦩꦱ꧀꧈​ꦲꦶꦁ​ꦏꦁ​ꦏꦸꦭ​ꦥꦶꦏꦗꦼꦔꦏꦼꦤ꧀ꦤꦩꦸꦁ​ꦱꦒꦼꦢ​ꦩꦶꦠꦸꦭꦸꦔꦶ​ꦲꦤꦏ꧀ꦏꦸꦭ꧉​

꧋ꦏꦸꦭ​ꦩꦁ​ꦱꦸꦭꦶ​ꦩꦏꦠꦼꦤ꧀꧇​ꦏꦸꦭ​ꦧꦺꦴꦠꦼꦤ꧀ꦏꦼꦥꦼꦔꦶꦤ꧀ꦲꦼꦩꦱ꧀꧈​ꦲꦶꦁ​ꦏꦁ​ꦏꦸꦭ​ꦥꦶꦏꦗꦼꦔꦏꦼꦤ꧀ꦤꦩꦸꦁ​ꦱꦒꦼꦢ​ꦩꦶꦠꦸꦭꦸꦔꦶ​ꦲꦤꦏ꧀ꦏꦸꦭ꧉​

꧋ꦯꦁꦫꦗꦥꦸꦠꦿꦶ꧇ꦩꦤꦮꦶꦩꦏꦠꦼꦤ꧀ꦱꦩ꧀ꦥꦼꦪꦤ꧀ꦏꦼꦢꦃꦲꦩ꧀ꦧꦸꦢꦶꦢꦪ꧈​ꦏꦢꦺꦴꦱ꧀ꦥꦸꦤ꧀ꦢꦶ​ꦱꦒꦼꦢꦶꦥꦸꦤ꧀ꦱꦩ꧀ꦥꦼꦪꦤ꧀ꦤꦸꦭꦸꦔꦶ​ꦧꦺꦴꦁ​ꦱ​ꦄꦧꦠꦶ꧈​ꦱꦒꦼꦢ​ꦲꦔꦿꦶꦱꦏ꧀ꦧꦿꦲꦭꦤꦶꦥꦸꦤ꧀ꦧꦺꦴꦁ​ꦱ​ꦦ꦳ꦸꦁ​ꦥꦸꦤꦶꦏ꧉​ꦥꦸꦤꦥ​ꦮꦺꦴꦤ꧀ꦠꦼꦤ꧀ꦱꦫꦤ​ꦲꦶꦁ​ꦏꦁ​ꦏꦼꦔꦶꦁ​ꦏꦁ​ꦒꦼ​ꦲꦔꦿꦶꦱꦏ꧀ꦧꦿꦲꦭ​ꦥꦸꦤꦶꦏ꧉​

꧋ꦏꦸꦭꦩꦁꦱꦸꦭꦶꦧꦶꦭꦶꦃꦮꦺꦴꦤ꧀ꦠꦼꦤ꧀꧈ꦱꦂꦠꦚꦺꦴꦧꦶꦲꦤꦼꦫꦔꦏꦼꦤ꧀ꦏꦶꦏꦶꦪꦠꦤꦶꦥꦸꦤ꧀ꦝꦶꦤꦩꦶꦠ꧀ꦱꦲ​ꦧꦫꦁ​​ꦧꦫꦁ​ꦱꦤꦺꦱꦶꦥꦸꦤ꧀ꦲꦶꦁ​ꦏꦁ​ꦱꦒꦼꦢ꧀ꦲꦩ꧀ꦧꦊꦝꦺꦴꦱ꧀꧉​

꧋ꦯꦁꦫꦗꦥꦸꦠꦿꦶꦤꦸꦤ꧀ꦠꦼꦤ꧀ꦔꦤ꧀ꦢꦶꦏ꧇ꦠꦸꦮꦤ꧀ꦝꦺꦴꦏ꧀ꦠꦼꦂ꧈​ꦥꦿꦪꦺꦴꦒꦶꦤꦶꦥꦸꦤ꧀ꦱꦩꦁ​ꦏꦼ​ꦱꦩ꧀ꦥꦼꦪꦤ꧀ꦮꦁ​ꦱꦸꦭ꧀ꦝꦠꦼꦁ​ꦤꦒꦫꦶ​ꦱꦩ꧀ꦥꦼꦪꦤ꧀꧈​ꦱꦂꦠ​ꦩꦸꦒꦶ​ꦏꦂꦱꦲ​ꦮꦁ​ꦱꦸꦭ꧀ꦩꦿꦶꦏꦶ​ꦩꦭꦶꦃ​ꦏꦭꦶꦪꦤ꧀ꦲꦩ꧀ꦧꦼꦏ꧀ꦠ​ꦝꦶꦤꦩꦶꦠ꧀ꦱꦲ​ꦧꦫꦁ​​ꦧꦫꦁ​ꦱꦤꦺꦱꦶꦥꦸꦤ꧀ꦮꦲꦸ꧉​ꦏꦗꦮꦶ​ꦥꦸꦤꦶꦏ​ꦱꦩ꧀ꦥꦼꦪꦤ꧀ꦲꦩ꧀ꦧꦼꦏ꧀ꦠ​ꦠꦶꦪꦁ​ꦏꦭꦶꦃ​ꦲꦸꦠꦮꦶ​ꦠꦶꦒ​ꦲꦶꦁ​ꦏꦁ​ꦩꦔꦼꦂꦠꦺꦴꦱ꧀ꦝꦠꦼꦁ​ꦥꦠꦿꦥꦶꦥꦸꦤ꧀ꦩꦶꦒꦸꦤꦏꦏꦼꦤ꧀ꦧꦫꦁ​​ꦧꦫꦁ​ꦮꦲꦸ꧉​ꦏꦸꦭ​ꦲꦥꦿꦱꦼꦠꦾ꧈​ꦧꦝꦼ​ꦚꦸꦏꦏꦏꦼꦤ꧀ꦫꦗꦧꦫꦤ​ꦲꦶꦁ​ꦩꦸꦂ​ꦝꦠꦼꦁ​ꦠꦶꦠꦶꦪꦁ​ꦮꦲꦸ꧉​ꦤꦩꦸꦁ​ꦱꦫꦤ​ꦭꦩ꧀ꦥꦃ​ꦩꦏꦠꦼꦤ꧀ꦱꦩ꧀ꦥꦼꦪꦤ꧀ꦱꦒꦼꦢ꧀ꦩꦶꦠꦸꦭꦸꦔꦶ​ꦲꦶꦁ​ꦏꦁ​ꦥꦸꦠꦿ꧉​

꧋ꦏꦥ꧀ꦠꦶꦤ꧀ Orme꧇ꦏꦢꦺꦴꦱ꧀ꦥꦸꦤ꧀ꦢꦶꦮꦸꦱꦤꦤꦶꦥꦸꦤ꧀ꦉꦩ꧀ꦧꦒ꧀ꦱꦩ꧀ꦥꦼꦪꦤ꧀ꦏꦭꦶꦪꦤ꧀ꦱꦁ​ꦫꦗ​ꦥꦸꦠꦿꦶ​ꦥꦸꦤꦶꦏ꧉​

꧋ꦏꦸꦭ​ꦩꦁ​ꦱꦸꦭꦶ꧇​ꦒꦶꦭꦶꦒꦶꦁ​ꦉꦩ꧀ꦧꦒ꧀꧈​ꦏꦸꦭ​ꦢꦶꦥꦸꦤ꧀ꦧꦼꦏ꧀ꦠꦤꦶ​ꦲꦼꦩꦱ꧀ꦏꦛꦃ꧈​ꦱꦂꦠ​ꦢꦶꦥꦸꦤ꧀ꦧꦼꦏ꧀ꦠ​ꦲꦶꦁ​ꦠꦶꦪꦁ​ꦲꦶꦁ​ꦏꦁ​ꦔꦼꦠꦼꦫꦏꦼꦤ꧀ꦭꦩ꧀ꦥꦃ​ꦏꦸꦭ꧈​ꦥꦸꦤꦥ​ꦩꦭꦶꦃ​ꦲꦸꦤ꧀ꦠ​ꦱꦮꦠꦮꦶꦱ꧀꧈​ꦏꦁ​ꦒꦼ​ꦲꦩ꧀ꦧꦼꦏ꧀ꦠ​ꦧꦫꦁ​​ꦧꦫꦁ​ꦲꦶꦁ​ꦏꦁ​ꦧꦝꦼ​ꦏꦸꦭ​ꦝꦠꦼꦔꦏꦼꦤ꧀ꦱꦏꦶꦁ​ꦔꦿꦶꦏꦶ꧈​ꦠꦸꦮꦶꦤ꧀ꦧꦫꦁ​​ꦧꦫꦁ​ꦱꦤꦺꦱꦶꦥꦸꦤ꧀꧈​ꦲꦶꦁ​ꦏꦁ​ꦥꦼꦂꦭꦸ​ꦥꦼꦂꦭꦸ꧉​ꦭꦩ꧀ꦥꦃ​ꦏꦸꦭ​ꦱꦏꦺꦴꦚ꧀ꦕ​ꦩꦼꦢꦭ꧀ꦲꦶꦁ​ꦩꦂꦒꦶ​ꦥꦉꦢꦺꦤ꧀꧈​ꦱꦸꦥꦢꦺꦴꦱ꧀ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏꦱꦸꦩꦼꦉꦥꦤ꧀ꦲꦶꦁ​ꦧꦺꦴꦁ​ꦱ​ Fung꧈ꦭꦗꦼꦁꦤꦸꦫꦸꦠ꧀ꦱꦒꦤ꧀ꦠꦼꦤ꧀ꦮꦼꦝꦶꦔꦤ꧀ꦠꦺꦴꦱ꧀ꦢꦸꦩꦸꦒꦶ​ꦲꦶꦁ​ Assouan꧉ꦱꦏꦶꦁꦩꦸꦂꦢꦸꦩꦸꦒꦶꦲꦶꦁ Assouan ꦭꦸꦤꦶꦏꦭꦩ꧀ꦥꦲꦤ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦢꦤ꧀ꦠꦼꦤ꧀ꦢꦔꦸꦤꦶꦥꦸꦤ꧀꧉​ꦠꦶꦠꦶꦪꦁ​ꦲꦶꦁ​ꦏꦁ​ꦔꦼꦠꦼꦫꦏꦼꦤ꧀ꦭꦩ꧀ꦥꦃ​ꦏꦸꦭ​ꦮꦲꦸ​ꦠꦸꦮꦶꦤ꧀ꦲꦸꦤ꧀ꦠ​ꦲꦸꦤ꧀ꦠꦤꦶꦥꦸꦤ꧀ꦏꦸꦭ​ꦠꦶꦭꦂ​ꦮꦺꦴꦤ꧀ꦠꦼꦤ꧀ꦲꦶꦁ​ Assouan꧉ꦱꦲꦏꦸꦭꦥꦸꦫꦶꦃꦤꦼꦁꦒꦤꦶꦝꦠꦼꦁꦏꦸꦭꦲꦶꦁꦔꦿꦶꦏ꧉ꦮꦲꦸꦲꦺꦚ꧀ꦗꦶꦁ​ꦏꦸꦭ​ꦢꦸꦩꦸꦒꦶ​ꦲꦶꦁ​ꦔꦿꦶꦏꦶ꧈​ꦱꦱꦩ꧀ꦥꦸꦤꦶꦥꦸꦤ꧀ꦮꦠꦮꦶꦱ꧀ꦤꦼꦩ꧀ꦧꦼꦭꦱ꧀ꦢꦶꦤ꧀ꦠꦼꦤ꧀ꦱꦏꦶꦁ​ꦲꦁ​ꦒꦺꦤ꧀ꦏꦸꦭ​ꦧꦶꦝꦭ꧀ꦱꦏꦶꦁ​ꦲꦶꦁ​ Assouan꧉ꦧꦉꦁꦲꦏꦸꦲꦤ꧀ꦢꦼꦊꦁꦧꦸꦏꦸꦔꦭꦩꦠ꧀꧈ꦠꦼꦠꦼꦭꦩꦤꦮꦶꦫꦶꦫꦩꦸ​ꦲꦶꦱꦶꦃ​ꦱꦸꦒꦼꦁ​ Higgs ꧈ꦱꦂꦠꦲꦢꦼꦢꦊꦩ꧀ꦲꦶꦁꦏꦼꦤꦼ꧈ꦩꦸꦭꦤꦼꦲꦏꦸꦲꦶꦪꦧꦚ꧀ꦗꦸꦂꦮꦤ꧀ꦩꦽꦤꦼ꧉​

꧋ꦠꦸꦮꦤ꧀ꦥꦿꦺꦴꦥꦼꦱꦺꦴꦂ꧇ꦭꦃ꧈ꦱꦲꦶꦏꦶꦏꦥꦿꦶꦪꦼꦏꦉꦥ꧀ꦩꦸ​ꦢꦺꦤꦺꦫꦮꦸꦃ​ꦩꦽꦤꦼ꧉

꧋ꦏꦸꦭꦩꦁꦱꦸꦭꦶ꧇ꦩꦸꦭꦤꦼꦲꦏꦸꦱꦺꦴꦮꦤ꧀ꦩꦽꦤꦼ꧈ꦲꦮꦶꦠ꧀ꦲꦏꦸ​ꦮꦼꦫꦸꦃ​ꦩꦤꦮ​ꦱꦫꦶꦫꦩꦸ​ꦝꦼꦩꦼꦤ꧀ꦩꦫꦁ​ꦧꦫꦁ​​ꦧꦫꦁ​ꦏꦸꦤ꧉​ꦏꦗꦧ​ꦲꦶꦏꦸ​ꦩꦤꦮ​ꦱꦫꦶꦫꦩꦸ​ꦏꦂꦱ​ꦩꦺꦭꦸ​ꦔꦢꦤꦶ​ꦥꦒꦮꦼꦪꦤ꧀ꦏꦁ​ꦲꦉꦥ꧀ꦢꦏ꧀ꦭꦏꦺꦴꦤꦶ​ꦲꦶꦏꦸ꧈​ꦱꦫꦶꦫꦩꦸ​ꦲꦺꦴꦫ​ꦩꦸꦁ​ꦧꦏꦭ꧀ꦢꦢꦶ​ꦮꦺꦴꦁ​ꦱꦸꦒꦶꦃ​ꦧꦲꦼ꧈​ꦤꦔꦶꦁ​ꦲꦱ꧀ꦩꦩꦸ​ꦲꦶꦪ​ꦧꦏꦭ꧀ꦩꦶꦱꦸꦮꦸꦂ꧈​ꦲꦮꦶꦠ꧀ꦲꦚꦸꦩꦼꦉꦥꦶ​ꦝꦶꦱꦶꦏ꧀ꦝꦼꦮꦼ꧈​ꦩꦫꦁ​ꦧꦫꦁ​ꦧꦫꦁ​ꦏꦸꦤ​ꦏꦁ​ꦲꦤꦺꦃ​ꦧꦔꦼꦠ꧀꧈​ꦏꦁ​ꦲꦤ​ꦲꦶꦁ​ꦔꦭꦩ꧀ꦢꦺꦴꦚ​ꦲꦶꦏꦶ꧉​

꧋ꦠꦸꦮꦤ꧀ꦥꦿꦺꦴꦥꦼꦱꦺꦴꦂ꧇ꦤꦔꦶꦁꦧꦶꦱꦲꦸꦒꦢꦢꦶꦗꦭꦫꦤ꧀ꦢꦶꦥꦠꦺꦤꦶ​ꦲꦶꦁ​ꦮꦺꦴꦁ​ꦄꦥꦿꦶꦏꦃ꧉​

꧋ꦏꦸꦭꦮꦶꦕꦤ꧀ꦠꦼꦤ꧀ꦩꦭꦶꦃ꧇ꦥꦤꦸꦮꦸꦤ꧀ꦏꦸꦩꦫꦁꦱꦫꦶꦫꦩꦸ꧈​ꦩꦸꦒ​ꦏꦂꦱꦲ​ꦔꦸꦥꦪ​ꦲꦸꦮꦺꦴꦁ​ꦏꦁ​ꦩꦔꦼꦂꦠꦶ​ꦩꦫꦁ​ꦥꦿꦏꦫ​ꦝꦶꦤꦩꦶꦠ꧀꧈​ꦭꦤ꧀ꦧꦫꦁ​ꦧꦫꦁ​ꦭꦶꦪꦤꦼ​ꦏꦁ​ꦧꦶꦱ​ꦲꦩ꧀ꦧꦊꦝꦺꦴꦱ꧀ꦩꦲꦸ꧈​ꦱꦂꦠ​ꦏꦁ​ꦒꦼꦊꦩ꧀ꦲꦔꦿꦸꦱꦏ꧀ꦧꦿꦲꦭꦤꦼ​ꦧꦺꦴꦁ​ꦱ​ Fung꧉

꧋ꦠꦸꦮꦤ꧀ꦥꦿꦺꦴꦥꦼꦱꦺꦴꦂꦮꦶꦕꦤ꧀ꦠꦼꦤ꧀ꦱꦂꦮꦶꦔꦕꦸꦔꦏꦼꦤ꧀ꦒꦒꦔꦶ​ꦥꦶꦥꦤꦶꦥꦸꦤ꧀ꦝꦠꦼꦁ​ꦏꦥ꧀ꦠꦶꦤ꧀ Orme꧈ꦠꦼꦩ꧀ꦧꦸꦔꦶꦥꦸꦤ꧀꧇ꦎ꧈ꦥꦿꦏꦫꦲꦶꦏꦸꦒꦩ꧀ꦥꦁꦧꦔꦼꦠ꧀꧉ꦠꦸꦮꦤ꧀ꦏꦥ꧀ꦠꦶꦤ꧀ꦲꦶꦏꦸ​ꦏꦗꦧ​ꦧꦺꦴꦁ​ꦱ​ꦩꦶꦭꦶꦠꦺꦂ​ꦲꦶꦪ​ꦲꦶꦤ꧀ꦱꦶꦚꦸꦂ꧈​ꦱꦂꦠ​ꦲꦏꦺꦃ​ꦱꦼꦱꦼꦉꦥꦤꦼ​ꦩꦫꦁ​ꦲꦶꦭ꧀ꦩꦸ​ꦥꦩꦶꦱꦃ꧈​ꦠꦸꦂ​ꦱꦒꦼꦢ꧀ꦧꦱ​ꦄꦫꦧ꧀꧉​ꦤꦭꦶꦏ​ꦲꦶꦱꦶꦃ​ꦕꦶꦭꦶꦏ꧀ꦠꦤ꧀ꦱꦃ​ꦲꦤ​ꦲꦶꦁ​ꦩꦼꦯꦶꦂ꧈​ꦩꦤꦮ​ꦠꦸꦮꦤ꧀ꦏꦥ꧀ꦠꦶꦤ꧀ꦏꦂꦱ꧈​ꦱꦠꦼꦩꦼꦤꦼ​ꦧꦶꦱ​ꦔꦢꦤꦶ​ꦥꦒꦮꦼꦪꦤ꧀ꦲꦶꦏꦸ꧉​

꧋ꦏꦸꦭꦩꦤꦃꦩꦤꦃꦱꦏꦼꦝꦥ꧀꧈ꦭꦗꦼꦁꦥꦶꦠꦏꦺꦤ꧀ꦝꦠꦼꦁꦠꦸꦮꦤ꧀ꦏꦥ꧀ꦠꦶꦤ꧀꧈​ꦩꦏꦠꦼꦤ꧀꧇​ꦩꦤꦮꦶ​ꦏꦸꦭ​ꦭꦤ꧀ꦥꦚ꧀ꦗꦼꦤꦼꦔꦤ꧀ꦱꦒꦼꦢ꧀ꦕꦺꦴꦤ꧀ꦝꦺꦴꦁ​ꦏꦭꦶꦪꦤ꧀ꦥꦿꦗꦚ꧀ꦗꦶꦪꦤꦶꦥꦸꦤ꧀꧈​ꦥꦸꦤꦥ​ꦏꦶꦤ꧀ꦠꦼꦤꦶꦥꦸꦤ꧀ꦥꦚ꧀ꦗꦼꦤꦼꦔꦤ꧀ꦏꦂꦱ​ꦲꦔꦢꦤꦶ​ꦥꦢꦩꦼꦭꦤ꧀ꦥꦸꦤꦶꦏ꧈​ꦠꦸꦮꦤ꧀ꦏꦥ꧀ꦠꦶꦤ꧀꧉​