Kaca:Kajawen 02 1928-01-07.pdf/15

Saka Wikisumber
Menyang navigasi Menyang panggolèkan
Kaca iki durung katitiwaca

ꦉꦩ꧀ꦧꦒꦶꦥꦸꦤ꧀ꦯꦼꦩꦂ꧈​ꦓꦫꦺꦁ​꧈​ꦭꦤ꧀ꦦꦼꦠꦿꦸꦏ꧀꧈ ꧋ꦧꦧ꧀ꦮꦮꦠꦼꦏꦤꦶꦥꦸꦤ꧀ꦠꦶꦪꦁꦚꦩ꧀ꦧꦸꦠ꧀ꦢꦩꦼꦭ꧀꧉(ꦕꦤ꧀ꦝꦏꦶꦥꦸꦤ꧀ꦏꦗꦮꦺꦤ꧀ꦎꦁ​ꦏ​ 1)

꧋ꦓꦫꦺꦁ​꧇​ꦮꦶꦱ꧀꧈​ꦩ꧈​ꦱꦲꦶꦏꦶ​ꦮꦶꦱ꧀ꦠꦏ꧀ꦭꦏꦺꦴꦤꦶ​ꦱꦺꦴꦮꦤ꧀ꦚꦁ​ꦔꦽꦱꦩꦸ​ꦩꦤꦺꦃ꧈​ꦥꦚꦸꦮꦸꦤ꧀ꦏꦸ​ꦱꦸꦥꦪ​ꦫꦩ​ꦲꦺꦁ​ꦒꦭ꧀ꦲꦥꦫꦶꦁ​ꦮꦼꦫꦸꦃ꧈​ꦏꦼꦥꦿꦶꦪꦼ​ꦩꦸꦁ​ꦒꦸꦃ​ꦮꦮꦠꦼꦏꦤꦼ​ꦟꦏꦸꦭ​ꦭꦤ꧀ꦯꦢꦼꦮ​ꦏꦸꦮꦶ꧉​ꦕꦶꦏ꧀ꦧꦺꦤ꧀ꦲꦏꦸ​ꦧꦶꦱ​ꦒꦩ꧀ꦧ꧀ꦭꦁ​꧉​

꧋ꦦꦼꦠꦿꦸꦏ꧀꧇​ꦫꦺꦁ​꧈​ꦫꦺꦁ​꧈​ꦤꦺꦏ꧀ꦠꦏ꧀ꦒꦒꦱ꧀ꦒꦒꦱ꧀ꦏꦭꦤꦼ​ꦲꦏꦸ​ꦲꦶꦱꦶꦃ​ꦲꦼꦤꦺꦴꦩ꧀꧈​ꦢꦸꦫꦸꦁ​ꦏꦼꦩ꧀ꦥꦺꦴꦁ​ꦥꦼꦫꦺꦴꦠ꧀ꦗꦩ꧀ꦥꦥꦠ꧀ꦏꦪ​ꦔꦼꦤꦼ​ꦏꦶꦪꦶ꧈​ꦲꦏꦸ​ꦠꦼꦏ​ꦧꦚ꧀ꦗꦸꦂ​ꦫꦸꦩꦱ​ꦤꦺꦏ꧀ꦧꦶꦪꦺꦤ꧀ꦏꦸꦮꦶ​ꦲꦏꦸ​ꦥꦚ꧀ꦕꦺꦤ꧀ꦏꦼꦩ꧀ꦭꦸꦁ​ꦏꦸꦁ​꧈​ꦏꦪ​ꦧꦶꦱ​ꦩꦸꦠꦼꦂ​ꦩꦸꦠꦼꦫ​ꦗꦒꦢ꧀꧈​ꦤꦺꦏ꧀ꦮꦼꦫꦸꦃ​ꦮꦺꦴꦁ​ꦠꦸꦮ​ꦏꦪ​ꦱꦶ​ꦫꦩ​ꦏꦸꦮꦶ​ꦧꦚ꧀ꦗꦸꦂ​ꦠꦏ꧀ꦒꦸꦥ꧀ꦭꦼ​ꦧꦲꦼ꧈​ꦫꦸꦩꦱꦏꦸ꧇​ꦩꦼꦱ꧀ꦛꦶ​ꦥꦼꦁ​ꦥꦼꦔꦤ꧀ꦲꦏꦸ꧈​ꦩꦼꦱ꧀ꦛꦶ​ꦱꦸꦒꦶꦃ​ꦥꦔꦗꦫꦤ꧀ꦲꦏꦸ꧈​ꦩꦼꦱ꧀ꦛꦶ​ꦏꦩ꧀ꦥꦶ​ꦲꦏꦸ꧈​ꦕꦫ​ꦨꦠꦮꦶꦤꦼ​ꦩꦼꦱ꧀ꦛꦶ​ꦗꦼꦩ꧀ꦥꦺꦴꦭ꧀ꦲꦏꦸ꧈​ꦧꦉꦁ​ꦮꦶꦱ꧀ꦒꦼꦝꦼ​ꦠꦸꦮ​ꦔꦼꦤꦼ꧈​ꦭꦒꦶ​ꦔꦿꦸꦩꦱꦤꦶ​ꦪꦺꦤ꧀ꦏꦥꦶꦤ꧀ꦠꦼꦫꦤꦏꦸ​ꦏꦶꦪꦶ​ꦢꦸꦫꦸꦁ​ꦱꦥꦶꦫꦲ꧈​ꦩꦁ​ꦏꦺꦴꦤꦺꦴ​ꦲꦸꦒ​ꦲꦔꦿꦸꦩꦱꦤꦶ꧈​ꦪꦺꦤ꧀ꦱꦥꦿꦤ​ꦱꦥꦽꦤꦼ​ꦏꦢꦺꦴꦱꦤ꧀ꦚꦁ​ꦮꦺꦴꦁ​ꦠꦸꦮ꧈​ꦲꦁ​ꦒꦺꦴꦤ꧀ꦏꦸ​ꦠꦤ꧀ꦱꦃ​ꦔꦶꦤ​ꦩꦫꦁ​ꦏꦥꦶꦤ꧀ꦠꦼꦫꦤꦼ꧈​ꦩꦸꦭꦤꦼ​ꦱꦲꦶꦏꦶ​ꦏꦶꦪꦶ​ꦠꦏ꧀ꦥꦼꦂꦭꦺꦴꦏꦏꦼ​ꦱꦺꦴꦮꦤ꧀ꦱꦶ​ꦫꦩ꧉​ꦫꦩ꧈​ꦱꦼꦩ꧀ꦧꦃ​ꦧꦼꦏꦼꦩ꧀ꦏꦸꦭ​ꦏꦠꦸꦂ​ꦠꦼꦁ​ꦱ꧀ꦭꦶꦫꦩꦸ꧈​ꦱꦶꦁ​ꦲꦼꦩ꧀ꦥꦸꦤ꧀ꦲꦼꦁ​ꦒꦶꦃ​ꦲꦼꦩ꧀ꦥꦸꦤ꧀꧈​ꦊꦥꦠ꧀ꦱꦩ꧀ꦥꦼꦪꦤ꧀ꦲꦼꦁ​ꦒꦶꦃ​ꦲꦼꦩ꧀ꦥꦸꦤ꧀ꦏꦸꦭ​ꦔꦥꦸꦫ꧉​

꧋ꦯꦼꦩꦂ​꧇​ꦌ꧈​ꦲꦺꦏ꧀꧈​ꦲꦺꦏ꧀꧈​ꦲꦺꦏ꧀꧈​ꦲꦶꦏꦶ​ꦮꦺꦴꦁ​ꦏꦼꦚ꧀ꦕ꧀ꦭꦸꦁ​꧈​ꦲꦥ​ꦮꦺꦴꦁ​ꦲꦩ꧀ꦧꦫꦁ​ꦏꦼꦤ꧀ꦠꦿꦸꦁ​꧈​ꦲꦥ​ꦮꦺꦴꦁ​ꦒꦼꦩ꧀ꦧ꧀ꦭꦸꦁ​꧈​ꦲꦤ​ꦮꦺꦴꦁ​ꦲꦺꦴꦩꦺꦴꦁ​ꦏꦛꦶꦏ꧀ꦢꦶꦮꦺꦴꦭꦏ꧀ꦮꦭꦶꦏ꧀ꦒꦺꦴꦱꦺꦴꦁ​꧉​ꦪꦺꦤ꧀ꦏꦉꦥ꧀ꦩꦸ​ꦲꦚ꧀ꦗꦭꦸꦏ꧀ꦔꦥꦸꦫ​ꦚꦁ​ꦲꦏꦸ​ꦠꦼꦩꦼꦤꦤ꧀꧈​ꦲꦶꦪ​ꦠꦏ꧀ꦔꦥꦸꦫ​ꦏꦧꦺꦃ꧈​ꦲꦶꦪ​ꦢꦺꦴꦱꦩꦸ​ꦱꦶꦁ​ꦮꦶꦱ꧀ꦏꦭꦏꦺꦴꦤ꧀꧈​ꦱꦶꦁ​ꦢꦸꦫꦸꦁ​ꦏꦭꦏꦺꦴꦤ꧀꧈​ꦭꦤ꧀ꦱꦶꦁ​ꦧꦏꦭ꧀ꦏꦺꦴꦭꦏꦺꦴꦤꦶ​ꦩꦤꦺꦃ꧉​ꦩꦸꦁ​ꦒꦸꦃ​ꦥꦶꦠꦏꦺꦴꦤ꧀ꦩꦸ​ꦓꦫꦺꦁ​꧈​ꦧꦧ꧀ꦮꦮꦠꦼꦏꦤꦼ​ꦟꦏꦸꦭ​ꦭꦤ꧀ꦯꦢꦼꦮ꧈​ꦭꦸꦮꦶꦃ​ꦝꦶꦱꦶꦏ꧀ꦢꦏ꧀ꦕꦿꦶꦠꦏꦏꦼ​ꦏꦉꦥꦼ꧇​ꦟꦏꦸꦭ​ꦭꦤ꧀ꦯꦢꦼꦮ꧈​ꦪꦲꦶꦏꦸ꧇​ꦲꦤ​ꦏꦮꦸꦭ꧈​ꦭꦤ꧀ꦲꦤ​ꦢꦼꦮ꧉​

꧋ꦓꦫꦺꦁ꧇ꦮꦺꦛꦺꦃꦛꦶꦛꦺꦃ꧈ꦏꦛꦶꦏ꧀ꦢꦶꦏꦶꦫꦠꦧꦱ꧈ꦢꦢꦶꦏꦉꦥꦼ​ꦲꦤ​ꦏꦮꦸꦭ​ꦭꦤ꧀ꦲꦤ​ꦢꦼꦮ​ꦏꦸꦮꦶ꧈​ꦲꦥ​ꦲꦤ​ꦲꦧ꧀ꦢꦶ​ꦭꦤ꧀ꦲꦤ​ꦧꦼꦤ꧀ꦢꦫ​ꦔꦺꦴꦤꦺꦴ​ꦲꦥ꧉​

꧋ꦦꦼꦠꦿꦸꦏ꧀꧇ꦭꦏꦸꦮꦶ꧈ꦮꦺꦴꦁꦏꦶꦤꦺꦏ꧀ꦏꦸꦫꦁꦔꦺꦭ꧀ꦩꦸꦤꦼ꧈​ꦩꦼꦱ꧀ꦛꦶ​ꦲꦺꦴꦫ​ꦧꦶꦱ​ꦚꦤ꧀ꦝꦏ꧀ꦲꦺꦴꦩꦺꦴꦔꦼ​ꦮꦺꦴꦁ​ꦠꦸꦮ꧈​ꦩꦸꦁ​ꦒꦸꦃ꧇​ꦲꦤ​ꦏꦮꦸꦭ​ꦭꦤ꧀ꦲꦤ​ꦢꦼꦮ​ꦏꦸꦮꦶ꧈​ꦲꦺꦴꦫ​ꦩꦸꦁ​ꦲꦤ꧀ꦢꦸꦮꦺꦤꦶ​ꦠꦼꦒꦼꦱ꧀꧈​ꦲꦤ​ꦒꦼꦢꦶꦧꦭ꧀ꦭꦤ꧀ꦲꦤ​ꦢꦲꦺꦴꦏꦼ꧈​ꦲꦤꦔꦶꦁ​ꦲꦸꦒ​ꦲꦠꦼꦒꦼꦱ꧀ꦲꦤ​ꦱꦶꦁ​ꦢꦶꦧꦮꦲꦏꦼ​ꦲꦤ​ꦱꦶꦁ​ꦩꦽꦤ꧀ꦠꦲꦏꦼ꧉​ꦫꦏ꧀ꦲꦶꦪ​ꦔꦺꦴꦤꦺꦴ​ꦠ꧈​ꦩ꧈​ꦭ​ꦮꦺꦴꦁ​ꦲꦏꦸ꧉​

꧋ꦯꦼꦩꦂ꧇ꦲꦶꦪꦩꦸꦭꦩꦁꦏꦺꦴꦤꦺꦴ꧈ꦩꦸꦁꦧꦲꦼꦲꦸꦤꦺꦤ꧀ꦲꦸꦤꦺꦤ꧀ꦩꦸ꧇​ꦭ​ꦮꦺꦴꦁ​ꦲꦏꦸ꧈​ꦏꦸꦮꦶ​ꦲꦗ​ꦏꦺꦴꦥꦶꦤ꧀ꦝꦺꦴꦤꦶ꧈​ꦩꦸꦤ꧀ꦝꦏ꧀ꦢꦶꦪꦸꦤꦺꦏꦏꦼ​ꦲꦔꦿꦗ​ꦦꦶꦂꦤꦤ꧀ꦲꦭꦶꦪꦱ꧀ꦫꦶꦪ꧈​ꦱꦤꦗꦤ꧀ꦒꦼꦝꦼꦪ​ꦥꦔꦸꦮꦱꦩꦸ꧈​ꦲꦗ​ꦥꦶꦱꦤ꧀ꦥꦶꦱꦤ꧀ꦏꦺꦴꦮꦼ​ꦲꦤ꧀ꦢꦸꦮꦺꦤꦶ​ꦮꦠꦏ꧀ꦫꦶꦪ꧈​ꦲꦮꦶꦠ꧀ꦱꦏꦧꦺꦲꦶꦁ​ꦩꦤꦸꦱ​ꦏꦸꦮꦶ​ꦩꦸꦁ​ꦲꦫꦤ꧀ꦠꦶꦠꦃ​ꦧꦲꦼ꧈​ꦢꦢꦶ​ꦲꦤ​ꦏꦭꦩꦱꦤꦼ​ꦲꦸꦁ​ꦒꦸꦭ꧀ꦲꦸꦠꦮ​ꦲꦱꦺꦴꦂ꧉

꧋ꦓꦫꦺꦁ꧇ꦩꦸꦭꦫꦶꦪꦤꦼꦱꦶꦦꦼꦠꦿꦸꦏ꧀ꦏꦸꦮꦶꦲꦺꦴꦫ