Kaca iki wis divalidasi
9
Darman ḍèk Minggu mèlu embokné menjang pasar. Ana ing pasar weruh bakul manuk, bandjur kepéngin. Manuké warna-warna: djalak, puter, dara, ṭilang, perkutut lan lijané manèh. Darman ndjaluk ditukokaké djalak. Awaké léngkak-léngkok, arep nangis. Embokné nuruti, ditukokaké sakurungané pisan, rega 15 rupijah. Darman seneng banget, ora sida nangis. Manuké pidjer diiling-ilingi. Bareng embokné wis tjukup butuhé, bandjur paḍa mulih. Ana ing ngomah didokoki pangombèn karo geḍang. Ditjanṭèlaké ing ngèmpèr.
I. RAMPUNGNA.
- Djalak iku sok bisa .......................
- Jèn puter sok bisa .......................
- Manuk mabur nganggo ......................
- Wulung iku sok mangsa ....................
- Bèṭèt lan wulung tjutjuké ... mripaté .....