Kaca iki wis divalidasi
~ ꧗ ~
| ꦤꦶꦏꦠꦏ꧀ꦱꦶꦃꦏꦼꦂꦰꦤꦩ꧀ꦥꦺꦤ꧀ꦤꦶꦠꦺꦴꦧꦠ꧀ꦠꦶꦥꦸꦤ꧀ꦩꦤꦸꦁꦱꦲꦶꦁꦏꦁꦢꦺꦴꦱ꧈ꦱꦢꦺꦫꦺꦁꦔꦶꦥꦸꦤ꧀ꦫꦺꦴꦃꦢꦸꦩꦸꦒꦶꦒꦺꦴꦫꦺꦴꦏ꧀ꦏꦤ꧀꧌꧈ | |
| ꧒꧈ | ꧋ꦩꦤꦸꦁꦱꦢꦶꦥꦸꦤ꧀ꦱꦸꦤꦠ꧀ꦠꦏꦼꦤ꧀ꦠꦸꦮꦶꦤꦣꦠꦼꦁꦠꦶꦪꦁꦱꦏꦶꦠ꧀ꦱꦤꦢꦾꦤ꧀ꦱꦏꦶꦠ꧀ꦠꦶꦥꦸꦤ꧀ꦮꦲꦸꦤꦩꦸꦁꦱꦥꦺꦭꦺꦲꦸꦠꦮꦶꦲꦶꦁꦏꦁꦱꦏꦶꦠ꧀ꦥꦹꦤꦶꦏꦱꦠꦿꦸꦤꦶꦥꦹꦤ꧀꧈ꦩꦭꦃꦱꦤꦢꦾꦤ꧀ꦲꦶꦁꦏꦁꦱꦏꦶꦠ꧀ꦮꦲꦸꦠꦼꦫꦁꦠꦶꦪꦁꦏꦥꦶꦂ꧈ꦩꦤꦮꦶꦠꦁꦒꦶꦲꦸꦠꦮꦶꦱꦤꦏ꧀ꦲꦶꦁꦒꦶꦃꦱꦸꦤꦠ꧀ꦢꦶꦥꦸꦤ꧀ꦠꦸꦮꦺꦤ꧀ꦤꦶ꧉ꦤꦔꦶꦁꦱꦸꦤꦠ꧀ꦠꦶꦥꦹꦤ꧀ꦠꦸꦮꦶꦠꦶꦪꦁꦱꦏꦶꦠ꧀ꦥꦹꦤꦶꦏ ꦒ꦳ꦧ꧀ꦧꦤ꧀ (Gobban) ꦠꦼꦒꦼꦱ꧀ꦱꦶꦥꦹꦤ꧀꧇ꦲꦶꦁꦏꦁꦢꦺꦢꦺꦄꦃꦭꦶꦲꦸꦠꦮꦶꦠꦼꦥꦁꦔꦤ꧀ꦱꦲꦺ꧈ꦧꦺꦴꦠꦼꦤ꧀ꦢꦶꦥꦸꦤ꧀ꦱꦸꦤꦠ꧀ꦠꦏꦼꦤ꧀ꦠꦸꦮꦶꦲꦼꦁꦒꦼꦁꦲꦼꦁꦒꦼꦁꦔꦤ꧀꧈ꦏꦁꦒꦺꦣꦠꦼꦁꦄꦃꦭꦶꦲꦸꦠꦮꦶꦠꦼꦥꦁꦔꦤ꧀ꦱꦲꦺꦢꦶꦥꦸꦤ꧀ꦱꦸꦤꦠ꧀ꦠꦏꦼꦤ꧀ꦩꦏꦠꦼꦤꦩꦤꦮꦶꦢꦢꦺꦴꦱ꧀ꦱꦼꦤꦼꦁꦔꦶꦥꦹꦤ꧀ꦲꦶꦁꦏꦁꦱꦏꦶꦠ꧀꧈ꦤꦔꦶꦁꦩꦤꦮꦶꦧꦺꦴꦠꦼꦤ꧀ꦢꦢꦺꦴꦱ꧀ꦱꦼꦤꦼꦁꦔꦶꦥꦹꦤ꧀ꦲꦶꦁꦏꦁꦱꦏꦶꦠ꧀ꦩꦭꦃꦢꦶꦥꦸꦤ꧀ꦩꦏꦿꦸꦃꦲꦏꦼꦤ꧀꧈ |
| ꧓꧈ | ꧋ꦠꦶꦪꦁꦲꦶꦁꦏꦁꦠꦸꦮꦶꦠꦶꦪꦁꦱꦏꦶꦠ꧀ꦥꦸꦤꦶꦏ꧈ꦩꦤꦮꦶꦒꦣꦃꦥꦔꦶꦤ꧀ꦠꦼꦤ꧀ꦧꦶꦭꦶꦃꦲꦶꦁꦏꦁꦱꦏꦶꦠ꧀ꦮꦲꦸꦏꦠꦮꦶꦱ꧀ꦠꦏ꧀ꦱꦶꦃꦏꦺꦔꦶꦁꦢꦶꦥꦸꦤ꧀ꦲꦗꦼꦁꦱꦫꦱ꧀ꦱꦶꦥꦸꦤ꧀ꦢꦶꦥꦸꦤ꧀ꦱꦸꦤꦠ꧀ꦠꦏꦼꦤ꧀ꦲꦤ꧀ꦢꦺꦴꦔꦏ꧀ꦤꦏꦥꦶꦁꦥꦶꦠꦸꦩꦏꦠꦼꦤ꧀꧇ꦄꦱ꧀ꦄꦭꦸꦭ꧀ꦭꦺꦴꦃꦲꦭ꧀ꦔꦢꦶꦩ꧈ꦫꦺꦴꦧ꧀ꦧꦭ꧀ꦔꦂꦱꦶꦭ꧀ꦔꦢꦶꦩꦶ꧈ꦄꦤ꧀ꦪꦱ꧀ꦥꦶꦏ꧈ (Asaloellohalngadzima robbalngarsielngadzimi an-jasfieka) ꦗꦂꦮꦤꦶꦥꦸꦤ꧀꧇ꦏꦸꦭꦚꦸꦮꦸꦤ꧀ꦲꦶꦁꦄꦭ꧀ꦭꦃꦏꦁꦩꦲꦲꦒꦸꦁ꧈ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦩꦔꦺꦫꦤ꧀ꦤꦶꦔꦫꦱ꧀ꦏꦁꦲꦒꦸꦁ꧈ꦩꦸꦒꦶꦩꦸꦒꦶꦲꦩꦫꦱ꧀ꦤꦄꦭ꧀ꦭꦃꦲꦶꦁꦱꦩ꧀ꦥꦺꦪꦤ꧀꧈ |
