Kaca iki wis divalidasi
~ ꧓꧔ ~
| ꦩꦿꦥ꧀ꦥꦱꦫꦺꦪꦤ꧀ꦤꦶꦥꦸꦤ꧀ꦥꦫꦱꦺꦴꦭꦶꦏꦶꦤ꧀ꦲꦸꦠꦮꦶꦮꦭꦶ | |
| ꧒꧑ | ꧋ ꦠꦸꦩꦿꦥ꧀ꦥꦩꦫꦶꦤ꧀ꦠꦃꦮꦗꦶꦧ꧀ꦔꦿꦺꦩ꧀ꦧꦏ꧀ꦧꦶꦤꦏ꧀ꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦏꦸꦧꦸꦂꦫꦤ꧀ꦩꦸꦱꦧꦭ꧀꧈ |
| ꧒꧒꧈ | ꧋ ꦠꦶꦪꦁꦲꦶꦁꦏꦁꦢꦩꦼꦭ꧀ꦏꦭꦸꦮꦠ꧀ꦩꦺꦴꦁꦏꦱꦢꦺꦫꦺꦁꦔꦶꦥꦸꦤ꧀ꦫꦩ꧀ꦥꦸꦁꦩꦁꦒꦶꦃꦠꦺꦴꦱ꧀ꦱꦤ꧀ꦠꦶꦪꦁ꧈ꦏꦼꦢꦃꦭꦗꦼꦁꦥꦶꦟ꧀ꦝꦃꦥꦁꦒꦺꦤ꧀ꦤꦤ꧀꧈ꦤꦔꦶꦁꦩꦤꦮꦶꦲꦁꦒꦺꦤ꧀ꦤꦶꦥꦸꦤ꧀ꦩꦁꦒꦶꦃꦮꦲꦸꦱꦱꦩ꧀ꦥꦸꦤ꧀ꦤꦶꦁꦫꦩ꧀ꦥꦸꦁ꧈ꦠꦺꦴꦱ꧀ꦱꦤ꧀ꦮꦲꦸꦏꦼꦢꦃꦢꦶꦥꦸꦤ꧀ꦲꦸꦫꦸꦒ꧀ꦒꦶꦱꦕꦼꦭꦏ꧀ꦏꦶꦥꦸꦤ꧀ꦔꦿꦶꦏꦸ꧉ |
| ꧒꧓꧈ | ꧋ ꦩꦪꦶꦠ꧀ꦭꦁꦏꦸꦁꦱꦏꦶꦁꦱꦠꦸꦁꦒꦭ꧀ꦏ꦳ꦫꦩ꧀ꦪꦺꦤ꧀ꦢꦶꦥꦸꦤ꧀ꦥꦼꦟ꧀ꦝꦼꦩ꧀ꦤꦸꦁꦒꦶꦭ꧀ꦱꦭꦸꦮꦁꦔꦤ꧀꧈ꦏꦗꦮꦶꦲꦶꦁꦮꦼꦏ꧀ꦠꦸꦥꦒꦼꦧ꧀ꦭꦸꦒ꧀ꦲꦶꦁꦏꦁꦔꦤ꧀ꦠꦺꦴꦱ꧀ꦏꦸꦮꦭꦃꦲꦼꦤ꧀ꦩꦼꦟ꧀ꦝꦼꦩ꧀ꦲꦶꦗꦺꦤ꧀ꦲꦶꦗꦺꦤ꧀꧈ (꧋ ꦱꦮꦼꦤꦺꦃꦲꦶꦁꦏꦲꦺꦴꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦔꦺꦔꦶꦁꦔꦏꦼꦤ꧀ꦩꦤꦮꦶꦩꦪꦶꦠ꧀ꦮꦲꦸꦤꦸꦁꦒꦶꦭ꧀ꦗꦶꦤꦶꦱ꧀ꦲꦸꦠꦮꦶꦱꦤꦺꦱ꧀ꦗꦶꦤꦶꦱ꧀ꦤꦔꦶꦁꦩꦏ꦳ꦿꦺꦴꦩ꧀ꦩꦶꦥꦸꦤ꧀꧈ꦲꦺꦮꦱꦩꦤ꧀ꦠꦼꦤ꧀ꦲꦶꦁꦒꦶꦃꦩꦼꦏ꧀ꦱꦩꦏꦿꦸꦃ꧉) |
| ꧒꧔꧈ | ꧋ ꦏ꦳ꦫꦩ꧀ꦲꦩ꧀ꦧꦸꦁꦏꦂꦏꦸꦧꦸꦂꦫꦤ꧀ꦲꦶꦁꦏꦁꦱꦩ꧀ꦥꦸꦤ꧀ꦲꦶꦱꦶꦩꦪꦶꦠ꧀ꦭꦗꦼꦁꦢꦶꦥꦸꦤ꧀ꦠꦸꦩ꧀ꦥꦁꦔꦶꦩꦪꦶꦠ꧀ꦲꦺꦁꦒꦭ꧀꧈ |
| ꧒꧕꧈ | ꧋ ꦠꦶꦪꦁꦥꦼꦗꦃꦲꦶꦁꦏꦥꦭ꧀ꦩꦤꦮꦶꦱ꧀ꦱꦩ꧀ꦥꦸꦤ꧀ꦩꦺꦃꦕꦼꦭꦏ꧀ꦝꦫꦠ꧀ꦠꦤ꧀ꦥꦩꦼꦟ꧀ꦝꦼꦩ꧀ꦩꦶꦥꦸꦤ꧀ꦏꦼꦢꦃꦔꦼꦤ꧀ꦠꦺꦴꦱ꧀ꦱꦶꦢꦸꦩꦸꦒꦶꦤ꧀ꦤꦶꦁꦣꦫꦠ꧀ꦠꦤ꧀꧈ꦧꦶꦭꦶꦃꦠꦏ꧀ꦱꦶꦃꦠꦼꦧꦶꦃꦣꦫꦠ꧀ꦠꦤ꧀ꦲꦶꦁꦒꦶꦃꦭꦗꦼꦁꦏꦕꦼꦩ꧀ꦥꦭꦸꦁꦔꦏꦼꦤ꧀ꦲꦶꦁꦱꦒꦤ꧀ꦠꦼꦤ꧀ꦏꦺꦩꦮꦺꦴꦤ꧀ꦤꦔꦶꦁꦏꦼꦢꦃꦏꦒꦥꦶꦠ꧀ꦥꦥꦤ꧀ꦱꦸꦥꦢꦺꦴꦱ꧀ꦧꦺꦴꦠꦼꦤ꧀ꦩꦊꦩ꧀ꦧꦸꦁ꧈ꦲꦸꦠꦮꦶꦏꦒꦟ꧀ꦝꦸꦭ꧀ꦭꦤ꧀ꦱꦺꦭ꧉ |
| ꧒꧖꧈ | ꧋ ꦱꦤꦺꦱ꧀ꦱꦶꦥꦸꦤ꧀ꦩꦪꦶꦠ꧀ꦲꦶꦁꦏꦁꦢꦺꦫꦺꦁꦔꦏꦶꦭ꧀ꦧꦭꦺꦒ꧀ꦲꦸ |
