Kaca iki wis divalidasi
- ꧑꧘ -
| ꦥꦸꦤ꧀ꦩꦪꦶꦠ꧀ꦮꦲꦸꦏꦥꦼꦏ꧀ꦱꦢꦶꦥꦸꦤ꧀ꦏꦼꦛꦺꦴꦏ꧀ꦗꦭꦂꦫꦤ꧀ꦮꦺꦴꦤ꧀ꦠꦼꦤ꧀ꦱꦧꦧ꧀ꦲꦶꦁꦏꦁꦥꦼꦂꦭꦸꦏꦢꦺꦴꦱ꧀ꦲꦶꦁꦔꦶꦁꦒꦶꦭ꧀ꦏꦼꦛꦺꦴꦏ꧀ꦏꦤꦶꦁꦏꦸꦏꦹꦠꦮꦶꦫꦩ꧀ꦧꦸꦠ꧀ꦮꦲꦸꦮꦗꦶꦢꦶꦥꦸꦤ꧀ꦥꦼꦟ꧀ꦝꦼꦩ꧀꧈ ꦱꦸꦫꦠ꧀ꦠꦶꦥꦸꦤ꧀ꦏꦼꦢꦃꦏꦥꦼꦟ꧀ꦝꦼꦩ꧀ꦏꦼꦩ꧀ꦥꦭ꧀ꦲꦶꦁꦏꦸꦧꦸꦂ꧉ ꦩꦏꦠꦼꦤ꧀ꦲꦸꦒꦶꦧꦺꦴꦝꦺꦴꦭ꧀ꦭꦤ꧀ꦤꦶꦁꦫꦩ꧀ꦧꦸꦠ꧀ꦮꦼꦏ꧀ꦠꦸꦢꦶꦥꦸꦤ꧀ꦱꦸꦫꦺꦤ꧀ꦤꦶꦮꦲꦸ꧉ | |
| ꧑꧑꧈ | ꧋ꦲꦸꦠꦩꦶꦤꦶꦥꦸꦤ꧀ꦲꦶꦁꦏꦁꦔꦼꦢꦸꦱ꧀ꦱꦶꦩꦪꦶꦠ꧀ꦥꦸꦤꦶꦏꦏꦼꦢꦃꦩꦶꦭꦶꦃꦠꦶꦪꦔꦶꦁꦏꦁꦩꦔꦼꦂꦠꦺꦴꦱ꧀ꦧꦧ꧀ꦥꦸꦤꦶꦏ꧈ ꦥꦸꦤꦥꦩꦭꦶꦃꦏ꧀ꦏꦼꦢꦲꦶꦁꦏꦁꦤꦸꦁꦒꦶꦭ꧀ꦗꦶꦤꦶꦱ꧀(ꦩꦪꦶꦠ꧀ꦗꦊꦫ꧀ꦏꦼꦢꦃꦢꦶꦥꦸꦤ꧀ꦢꦸꦱ꧀ꦱꦶꦠꦶꦪꦁꦗꦊꦫ꧀ꦩꦪꦶꦠ꧀ꦲꦺꦱ꧀ꦠꦿꦶꦲꦶꦁꦒꦶꦃꦏꦼꦢꦃꦢꦶꦥꦸꦤ꧀ꦢꦸꦱ꧀ꦱꦶꦠꦶꦪꦁꦲꦺꦱ꧀ꦠꦿꦶ꧉) ꦩꦏꦠꦼꦤ꧀ꦩꦭꦶꦃꦏꦗꦮꦷꦁꦏꦁꦤꦸꦁꦒꦶꦭ꧀ꦗꦶꦤꦶꦱ꧀ꦮꦲꦸꦏꦼꦢꦃꦢꦶꦥꦸꦤ꧀ꦥꦶꦭꦶꦃꦲꦏꦼꦤꦶꦁꦏꦔꦃꦭꦶ꧉ꦠꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦏꦺꦔꦶꦁꦏꦠꦶꦤ꧀ꦢꦏ꧀ꦏꦏꦼꦤ꧀ꦠꦶꦪꦁꦱꦤꦺꦱ꧀ꦤꦔꦶꦁꦲꦶꦁꦒꦶꦃꦏꦼꦢꦃꦲꦶꦁꦏꦁꦤꦸꦁꦒꦶꦭ꧀ꦗꦶꦤꦶꦱ꧀꧈ ꦲꦺꦮꦢꦺꦤꦺꦪꦺꦤ꧀ꦏꦭꦶꦃꦏꦭꦶꦃꦲꦶꦥꦸꦤ꧀ꦮꦲꦸꦱꦼꦥ꧀ꦱꦼꦲꦶꦁꦔꦿꦶꦏꦸꦏꦺꦔꦶꦁꦏꦠꦶꦤ꧀ꦢꦏ꧀ꦏꦏꦼꦤ꧀ꦠꦶꦪꦔꦶꦁꦏꦁꦧꦺꦴꦠꦼꦤ꧀ꦤꦸꦁꦒꦶꦒ꧀ꦭ꧀ꦗꦶꦤꦶꦱ꧀ꦤꦔꦶꦁꦤꦩꦸꦁꦱꦶꦩꦃꦲꦸꦠꦮꦶꦩꦏꦿꦺꦴꦩ꧀ꦩꦶꦥꦸꦤ꧀ꦩꦪꦶꦠ꧀꧈ ꦧꦶꦭꦶꦃꦱꦢꦪꦮꦲꦸꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀꧌ꦏꦗꦮꦶꦩꦪꦶꦠ꧀ꦲꦶꦁꦏꦁꦢꦺꦫꦺꦁꦧꦭꦺꦒ꧀꧍ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦢꦸꦱ꧀ꦱꦶꦠꦶꦪꦁꦱꦤꦺꦱ꧀ꦲꦶꦁꦏꦁꦧꦺꦴꦠꦼꦤ꧀ꦤꦸꦁꦒꦶꦭ꧀ꦗꦶꦤꦶꦱ꧀ꦤꦔꦶꦁꦮꦗꦶꦧ꧀ꦢꦶꦥꦸꦤ꧀ꦠꦺꦴꦪꦩꦸꦩ꧀ꦩꦶ꧉ |
| ꧑꧒꧈ | ꧋ꦏꦸꦮꦗꦶꦧ꧀ꦧꦤ꧀ꦔꦼꦢꦸꦱ꧀ꦱꦶꦩꦪꦶꦠ꧀ꦏꦢꦺꦴꦱ꧀ꦲꦶꦁꦔꦶꦁꦒꦶꦭ꧀ꦮꦲꦸꦱꦢꦪ꧈ꦤꦩꦸꦁꦠꦸꦩꦿꦥ꧀ꦝꦠꦼꦁꦩꦪꦶꦠ꧀ꦠꦶꦥꦸꦤ꧀ꦠꦶꦪꦁꦆꦱ꧀ꦭꦩ꧀ꦲꦶꦁꦏꦁꦧꦺꦴꦠꦼ |
