Kaca:Babad Diponegoro L.Or. 6547.pdf/57

꧗꧔

ꦢꦠꦱ꧀ꦏꦠꦶꦔꦭ꧀​ꦩꦼꦂꦒꦱꦩ꧀ꦥꦸꦤ꧀ꦤꦸꦗꦺꦴꦤ꧀ꦤꦶ꧈​ꦱꦠꦸꦱ꧀ꦢꦶꦤꦥꦱ꧀ꦤꦔꦶꦁꦏꦶꦫꦁꦱꦢꦶꦤ꧀ꦤ꧈꧅​ꦗꦁꦏꦼꦥ꧀ꦥꦶꦫꦱꦠꦸꦱ꧀ꦢꦶꦤ꧈​​​ꦩꦶꦭꦱꦩꦶꦱꦸꦏꦤꦺꦏꦶ꧈ꦚꦭꦶꦲꦒꦼꦁꦭꦤ꧀ꦏꦁꦥꦸꦠꦿ꧈​ꦮꦺꦴꦁꦠꦫꦸꦧ꧀ꦱꦺꦭꦮꦸꦱ꧀ꦥꦿꦥ꧀ꦠꦶ꧈ꦩꦥꦤ꧀ꦱꦩꦾꦏꦶꦱꦼꦫꦶꦏ꧀​ꦭꦺꦴꦭꦃꦲꦺꦴꦭꦃꦏꦂꦱꦤ꧀ꦤꦶꦥꦸꦤ꧀​ꦧꦣꦺꦏꦂꦪꦫꦶꦲꦪ꧈ꦫꦩꦺꦗꦭ꧀ꦩꦥꦫꦠꦼꦁꦔꦶ꧈ꦲꦼꦤ꧀ꦤꦼꦁꦔꦼꦤ꧀ꦤꦏꦮꦂꦤꦗꦼꦁꦱꦁꦥꦟ꧀ꦝꦶꦠ꧈꧅​ꦲꦶꦁꦏꦁꦭꦒꦾꦩꦔꦸꦤ꧀ꦧꦿꦺꦴꦁꦠ꧈​ꦱꦺꦁꦔꦒ꧀ꦝꦥ꧀ꦥꦶꦁꦮꦶꦢꦫꦺꦏꦶ꧈ꦠꦤ꧀ꦱꦃꦲꦁꦒꦸꦁꦲꦩꦺꦴꦁꦒꦂꦱ꧈​ꦩꦥꦱ꧀ꦱꦼꦢꦾꦲꦔ꧀ꦫꦧꦼꦠ꧀ꦠꦶ꧈ꦗꦗꦃꦔꦭꦩ꧀ꦥꦸꦤ꧀ꦤꦶꦏꦶ꧈ꦱꦏꦮꦤ꧀ꦱꦩ꧀ꦥꦸꦤ꧀ꦏꦕꦒꦸꦥ꧀​ꦮꦸꦱ꧀ꦠꦼꦫꦁꦱꦏꦂꦱꦤꦾ꧈ꦱꦢꦪꦩꦥꦤ꧀ꦢꦸꦩꦼꦭꦶꦁ꧈ꦔꦭꦩ꧀ꦤꦱꦸꦠ꧀ꦥꦿꦚꦠꦲꦭꦩ꧀ꦩꦱꦸꦁꦱ꧈꧅​ꦲꦭꦩ꧀ꦗꦧꦫꦸꦠ꧀ꦥꦸꦤ꧀ꦤꦶꦏ꧈ꦚꦠꦗꦶꦩ꧀ꦲꦶꦁꦏꦁꦢꦽꦧꦺꦤ꧀ꦤꦶ꧈ꦲꦭꦩ꧀ꦩꦭꦒꦸꦠ꧀ꦥꦸꦤ꧀ꦤꦶꦏ꧈ꦩꦭꦲꦺꦏꦠ꧀ꦏꦶꦢꦸꦮꦺꦤ꧀ꦤꦶ꧈ꦲꦭꦩ꧀ꦭꦲꦸꦠ꧀ꦮꦸꦱ꧀ꦪꦼꦏ꧀ꦠꦶ꧈ꦥꦿꦥ꧀ꦠꦥꦸꦂꦧꦤ꧀ꦤꦶꦁꦪꦾꦶꦔꦒꦸꦁ꧈​ꦥꦱꦼꦤꦼꦠ꧀ꦠꦤ꧀ꦢꦠ꧀ꦠꦺꦴꦭꦃ꧈ꦲꦁꦒꦺꦤ꧀ꦤꦺꦩꦤꦸꦁꦱꦗꦠꦶ꧈ꦪꦩꦤꦸꦱꦏꦶꦁꦏꦁꦠꦸꦩꦼꦏꦱꦩ꧀ꦥꦸꦂꦤ꧈꧅​ꦱꦁꦥꦟ꧀ꦝꦶꦠꦢꦸꦏ꧀ꦱꦼꦩꦤ꧈ꦲꦔꦿꦱꦸꦏ꧀ꦏꦁꦠꦶꦔꦭ꧀ꦲꦄꦶꦧ꧀​ꦥꦤ꧀ꦲꦄꦶꦧ꧀ꦠꦸꦁꦒꦭ꧀ꦭꦶꦁꦫꦱ꧈ꦥꦱ꧀ꦭꦱꦠꦸꦁꦒꦭ꧀ꦭꦶꦁꦏꦸꦫꦶꦥ꧀​ꦲꦸꦫꦶꦶꦶꦥ꧀ꦠꦸꦁꦒꦭ꧀ꦏꦂꦱꦺꦏꦶ꧈ꦏꦂꦱꦩꦤ꧀ꦠꦸꦏ꧀ꦱꦸꦕꦶꦱꦩ꧀ꦥꦸꦤ꧀​ꦏꦢꦾꦢꦸꦏ꧀ꦔꦸꦤꦶꦕꦃꦪ꧈ꦮꦸꦱ꧀ꦠꦤ꧀ꦏꦩꦺꦴꦩꦺꦴꦩꦺꦴꦂꦫꦤ꧀ꦪꦼꦏ꧀ꦠꦶ꧈ꦠꦸꦁꦒꦭ꧀ꦭꦱꦠꦸꦁꦒꦭ꧀ꦭꦸꦫꦶꦥ꧀ꦠꦸꦁꦒꦭ꧀ꦕꦃꦪ꧈꧅​ꦏꦁꦗꦱ꧀ꦩꦤ꧀ꦤꦶꦱꦩ꧀ꦥꦸꦤ꧀ꦱꦶꦂꦤ꧈ꦲꦱꦭꦶꦤ꧀ꦧꦢꦤ꧀ꦭꦺꦴꦃ