Kaca:Babad Diponegoro L.Or. 6547.pdf/32

꧔꧔ ꦫꦃꦗꦶꦮꦤ꧀ꦤꦶꦁ​ꦮꦁ꧈ꦲꦺꦩꦸꦠ꧀ꦠꦱꦶꦫꦮꦺꦴꦁꦟꦸꦤꦶꦁ꧈​ꦭꦩꦸꦤ꧀ꦢꦸꦮꦺꦥꦱꦏꦮꦤ꧀​ꦤꦺꦁꦥꦼꦒꦒꦤ꧀ꦏꦮ꧀ꦭꦱ꧀ꦱꦱꦶꦃ꧈ ꧅ꦭꦁꦏꦸꦭꦶꦮꦸꦁꦠꦾꦱ꧀ꦢꦺꦤꦱꦸꦤꦸ꧈ꦩꦿꦶꦁꦱꦁꦢꦪꦃ​ꦉꦠ꧀ꦤꦮꦁꦱꦶꦃ꧈ꦲꦶꦁꦱꦶꦪꦁꦢꦭꦸꦩꦁꦏꦤ꧈ꦔꦶꦁꦯꦁꦉꦠ꧀ꦤꦏꦁꦢꦺꦤ꧀ꦲꦺꦱ꧀ꦛꦶ꧈ꦠꦩꦚ꧀ꦕꦼꦥ꧀ꦲꦤꦺꦁ​ꦮꦺꦂꦢꦪ꧈​ꦏꦸꦩꦤ꧀ꦛꦶꦭ꧀ꦭꦤ꧀ꦏꦟ꧀ꦛꦶꦭ꧀ꦤꦺꦁꦔꦭꦶꦱ꧀​꧄ꦩꦂꦩꦚꦫꦁꦏꦁꦏꦢꦸꦭꦸ꧈​ꦠꦤ꧀ꦭꦾꦤ꧀ꦱꦁꦢꦾꦃꦉꦠ꧀ꦤꦤꦶꦁꦱꦶꦃ꧈​ꦱꦼꦩꦤꦩꦺꦃꦠꦤ꧀ꦥꦔꦶꦮ꧈ꦱꦶꦫꦫꦲꦢꦺꦤ꧀ꦱꦸꦫꦠꦶ꧈​ꦩꦭꦸꦥꦲꦶꦁꦏꦁꦱꦫꦶꦫ꧈​ꦱꦺꦟ꧀ꦝꦺꦪꦤ꧀ꦮꦶꦠ꧀ꦤꦒꦱꦫꦶ꧈꧄ꦝꦸꦃꦩꦱ꧀ꦩꦶꦫꦃꦥꦸꦥꦸꦗꦤ꧀ꦏꦸ꧈ꦩꦼꦁꦏꦤꦲꦺꦱ꧀ꦛꦶꦤ꧀ꦤꦶꦁꦒꦭꦶꦃ꧈ꦱꦥ​ꦏꦁꦢꦸꦮꦺꦧꦼꦤ꧀ꦢꦫ꧈ꦮꦺꦴꦁꦏꦸꦤ꧀ꦤꦶꦁꦏꦁ​ꦱꦮꦁꦱꦱꦶ꧈ꦧꦶꦱꦮꦺꦃꦫꦸꦗꦶꦠ꧀ꦠꦶꦁꦢꦿꦶꦪ꧈ꦔꦶꦁꦲꦧ꧀ꦢꦶꦧꦺꦴꦟ꧀ꦝꦤ꧀ꦱꦸꦫꦠꦶ꧈꧄ꦥꦫꦤ꧀ꦠꦼꦩꦃ​ꦲꦺꦮꦏ꧀ꦏꦶꦁꦱꦸꦤ꧀꧈ꦭꦶꦂꦭꦫꦏꦼꦩ꧀ꦧꦁ​ꦔꦶꦁꦥꦠꦶ꧈ꦏꦁꦥꦠꦶꦥꦠꦶꦥꦤ꧀ꦠꦫꦤ꧀​​ꦪꦺꦤ꧀ꦠꦤ꧀ꦲꦱꦶꦃꦲꦶꦁꦪ꧀ꦮꦔ꧀ꦮꦶꦢꦶ꧈ꦲꦔꦸꦂꦧꦪꦢꦺꦤ꧀ꦧꦚ꧀ꦲꦸꦂꦤ꧈ꦠꦤ꧀ꦧꦶꦱꦮꦶꦠ꧀ꦤꦟ꧀ꦝꦁꦱꦏꦶꦠ꧀꧈꧄ꦩꦸꦒꦠꦏꦁꦗꦼꦁꦯꦔ꧀ꦮꦶꦟꦸ꧈ꦮꦼꦭꦱ꧀ꦱꦩꦿꦶꦔꦮꦏ꧀ꦩꦩꦶ꧈ꦱꦥꦝꦺꦴꦒꦾꦤꦩ꧀ꦧꦤ꧀ꦤ꧀ꦤꦤ꧈​ꦝꦺꦤ꧀ꦢꦺꦤꦺꦢꦶꦏꦮꦺꦴꦁꦏꦸꦤ꧀ꦤꦶꦁ꧈ꦱꦸꦱꦸꦠꦾꦤꦺꦁꦥ꧀ꦥꦒꦸꦭꦶꦁ​ꦔꦤ꧀​ꦭꦗꦼꦁꦤꦺꦤ꧀ꦢꦿꦢꦺꦤ꧀ꦱꦸꦫꦠꦷ꧈ꦯꦁꦦꦟ꧀ꦝꦶꦡꦱꦩ꧀ꦥꦸꦤꦿꦮꦸꦃ꧈​ꦲꦶꦁꦝꦺꦥꦺꦴꦏ꧀ꦏꦺꦢꦺꦤ꧀ꦱꦸꦫꦠꦶ꧈ꦗꦸꦩꦼꦤ꧀ꦤꦼꦁꦤꦺꦁꦥ꧀ꦭꦠꦂꦫꦤ꧀​ꦒꦁ​ꦮꦶꦏꦸꦢꦔꦸꦲꦔꦤ꧀ꦠꦶ꧈​ꦏꦶꦁ​ꦮꦶꦗꦶꦭ꧀ꦭꦶꦫꦏꦁꦥꦸꦠꦿ꧈ꦲꦢꦔꦸꦢꦠꦤ꧀ꦏꦲꦺꦏ꧀ꦱꦶ꧈꧄ꦏꦶꦲꦒꦼꦔ꧀ꦭꦗꦼꦁ​ꦭꦸꦩꦼꦧꦸ꧈​ꦩꦫꦁꦢꦊꦩ꧀ꦚꦏꦁꦱꦶꦮꦶ꧈​ꦱꦼꦥꦶꦠ