455. Panggurit: Layla Rahmawati 00000062
Jawa Tengah Kang Dadi Katresnanku
Kerlinging netra samudra asmara
Endahing singgasanamu kawujud kaéndahan jiwa
Jembaring tata kramamu
Kacermin saka asoring lakumu
Kaluhuran bangsa gumantung ing polahing laku
Asoring pemimpin, tentrem kalaksanan
Kasimpen segudhang budaya
Awujud tumrap agung luhur
Leluasaning makarya dening putra-putri bangsa
Netesing eluh saking netra
Awujud empati dhumateng pamerintah
Prihatining generasi generasi ing pembangunan negeri
Dhuh Gusti, limpahaken rahmat dhumateng generasi
Jawa Tengah ingkang bangun inspirasi
456. Panggurit: Eri Kusuma indria Ningrum 00000058
Jawa Tengah
Sumribit angin wayah esuk
Anggawé adhem tanah Jawa iki
Lintang-lintang kang abyor ing wayang wengi
Madhangi jagad iki
Kebak budaya kang endah
Ngebaki jagad