Kaca iki wis divalidasi
꧒꧒
꧒꧘꧋ꦲꦶꦔ꧀ꦮꦸꦏꦸꦏꦸꦭꦮꦸ꧉
꧋ꦔꦲꦢ꧀ꦊꦒꦶ꧈ꦫꦲꦪꦸ꧈ꦤꦩ꧀ꦧꦤ꧀ꦤꦤꦮꦺꦴꦔ꧀ꦭꦫꦮꦫꦱ꧀ꦭꦤ꧀ꦠꦸꦏꦸꦮꦥꦶꦠꦶꦏ꧀ꦲꦶꦮꦺꦤ꧀ꦧꦼꦕꦶꦏ꧀꧈
꧋ꦱꦼꦤꦺꦤ꧀ꦥꦲꦶꦁ꧈ꦫꦲꦪꦸꦤꦩ꧀ꦧꦤ꧀ꦤꦤꦮꦺꦴꦔ꧀ꦭꦫꦮꦫꦱ꧀ꦮꦸꦭ꧀ꦚꦠꦸꦂꦠꦗꦧ꧀ꦤꦩ꧀ꦧꦤ꧀ꦤꦶꦱꦠꦺꦴꦭꦫꦮꦫꦱ꧀꧈
꧋ꦱꦭꦱꦥꦺꦴꦤ꧀ꦲꦭ꧈ꦲꦗꦭꦸꦔꦭꦸꦔ꧈ꦏꦠꦼꦩ꧀ꦥꦸꦃꦲꦶꦁꦭꦭꦫ꧉
꧋ꦉꦧꦺꦴꦮꦒꦺ꧈ꦲꦭꦲꦪꦸ꧈ꦲꦗꦭꦸꦔꦭꦸꦔꦢꦺꦤ꧀ꦲꦝꦔꦶꦁꦱꦠꦿꦸ꧈ꦤꦔꦶꦁꦲꦩꦺꦠ꧀ꦠꦥꦮꦺꦴꦁꦩꦶꦠꦿꦱꦸꦏꦲꦱꦶꦃ꧉
꧋ꦏꦼꦩꦶꦱ꧀ꦏꦭꦶꦮꦺꦴꦤ꧀ꦲꦭꦲꦸꦒ꧈ꦲꦗꦭꦸꦔꦭꦸꦔꦤ꧀ꦥꦔꦝꦁꦔꦤ꧀ꦤꦶꦁꦱꦠꦿꦸ꧈ꦏꦼꦤꦠꦤ꧀ꦥꦩꦊꦱ꧀ꦤꦔꦶꦁꦔꦸꦁꦒꦃꦏꦼꦤ꧀ꦥꦫꦷꦔ꧀ꦭꦸꦩ꧀ꦧꦸꦁꦧꦼꦕꦶꦏ꧀꧉
꧋ꦗꦸꦩꦸꦮꦃꦊꦒꦶ꧈ꦫꦲꦪꦸ꧈ꦤꦤ꧀ꦢꦸꦂꦫꦥꦭꦏꦧꦿꦸꦁꦏꦃꦩꦸꦏ꧀ꦠꦶ꧈ꦱꦿꦶꦒꦠꦶꦩꦔꦶꦱꦺꦴꦂ꧉ꦥꦩꦶꦤ꧀ꦝꦃꦲꦤ꧀ꦢꦺꦴꦚ꧉
꧋ꦱꦼꦠꦸꦥꦲꦶꦁ꧈ꦧꦫꦁꦏꦂꦪꦧꦼꦕꦶꦏ꧀ꦭꦸꦭꦸꦔꦤ꧀ꦤꦱꦭꦩꦼꦠ꧀꧉
꧒꧙꧋ꦲꦶꦁꦮꦸꦏꦸꦝꦸꦏꦸꦠ꧀꧉
꧋ꦔꦲꦢ꧀ꦥꦺꦴꦤ꧀ꦫꦲꦪꦸ꧈ꦠꦸꦏꦸꦮꦏꦼꦧꦺꦴꦱꦥꦶꦲꦺꦴꦭꦺꦃ꧈ꦠꦸꦂꦧꦼꦕꦶꦏ꧀ꦲꦩ꧀ꦧꦸꦧꦸꦫꦸꦮꦒ꧀ꦭꦶꦱ꧀ꦲꦤ꧀ꦠꦸꦏ꧀꧉
꧋ꦱꦼꦤꦺꦤ꧀ꦮꦒꦺ꧈ꦫꦲꦪꦸ꧈ꦭꦸꦭꦸꦔꦤ꧀ꦤꦏꦮꦸꦮꦸꦃꦲꦤ꧀ꦉꦗꦼꦏꦶ꧈ꦭꦫꦺꦭꦲꦶꦂꦲꦤꦥꦔꦤ꧀ꦤꦺ꧈ꦲꦱꦸꦁꦔꦥꦔꦤ꧀ꦮꦺꦴꦁꦧꦼꦕꦶꦏ꧀꧈
