ꦤ꧀ꦢꦤ꧀ꦱꦧꦂꦫꦶ꧈ꦮꦼꦭꦏ꧀ꦱꦶꦗꦶꦲꦶꦏꦶ꧈ꦦꦿꦶꦔꦺꦴꦤ꧀ꦩꦰ꧀ꦛꦶꦏꦮꦸꦱ꧀꧈ ꧄ ꦤꦺꦴꦫꦱꦿꦺꦴꦤ꧀ꦠꦔ꧀ꦭꦶꦭꦤ꧀ꦤꦶꦆꦯꦿꦆꦭ꧀ꦩꦭꦃꦫꦗꦦꦿꦶꦔꦺꦴꦤ꧀ꦧꦏꦭ꧀ꦤꦸꦟ꧀ꦝꦸꦁꦩꦫꦁꦱꦶꦫꦏꦧꦺꦃ꧈ꦱꦧꦧ꧀ꦲꦶꦁꦯꦸꦤ꧀ꦠꦼꦣꦏ꧀ꦮꦪꦃꦮꦼꦔꦶ꧈ꦲꦂꦰꦩꦩꦠꦺꦤ꧀ꦤꦶ꧈ꦱꦏ꧀ꦮꦺꦃꦲꦶꦁꦥꦩ꧀ꦧꦪꦸꦤ꧀꧈ ꧄ ꦏꦁꦲꦫꦸꦥꦮꦺꦴꦔ꧀ꦭꦤ꧀ꦏꦺꦮꦤ꧀ꦩꦼꦯꦶꦂ꧈ꦢꦠꦤ꧀ꦲꦤꦠꦁꦒꦺꦴꦤ꧀ꦩꦂꦩꦱꦶꦫꦲꦺꦃꦆꦯꦿꦆꦭ꧀ꦏꦧꦺꦃ꧈ꦫꦸꦩꦤ꧀ꦠꦶꦪꦧꦸꦣꦭ꧀ꦱꦏꦩꦼꦯꦶꦂ꧈ꦭꦏꦺꦴꦤ꧀ꦤꦤꦲꦶꦏꦶ꧈ꦥꦿꦤꦠꦏꦂꦰꦺꦁꦯꦸꦤ꧀꧈ꦏꦂꦰꦁꦄꦭ꧀ꦭꦃꦣꦠꦼꦁꦧꦤꦶꦯꦿꦆꦭ꧀ꦩꦺꦱ꧀ꦠꦸꦠꦶꦃꦪꦁꦩꦟꦺꦴꦤ꧀ꦥꦿꦤꦠꦚꦩꦿꦶꦁꦆꦯꦿꦺꦭ꧀ꦲꦸꦩꦠ꧀ꦠꦺ꧈ꦧꦤꦶꦯꦿꦆꦭ꧀ꦏꦶꦤꦺꦤ꧀ꦲꦚꦩ꧀ꦧꦼꦭꦶꦃ꧈ꦕꦼꦩ꧀ꦥꦺꦚꦱꦠꦸꦁꦒꦶꦭ꧀ꦠꦤ꧀ꦕꦕꦝꦩꦸꦭꦸꦱ꧀꧈ ꧄ ꦱꦧꦼꦁꦫꦶꦪꦮꦼꦤꦁꦩꦸꦁꦱꦠꦸꦁꦒꦶꦭ꧀ꦧꦶꦤꦸꦏ꧀ꦠꦶꦱꦒꦿꦺꦴꦩ꧀ꦧꦺꦴꦭ꧀ꦢꦒꦶꦁꦩꦺꦤ꧀ꦢꦏꦶꦤꦂꦪꦭꦮꦸꦃꦲꦺ꧈ꦤꦼꦁꦒꦶꦃꦫꦺꦴꦠꦶꦲꦶꦁꦏꦁꦠꦤ꧀ꦥꦫꦒꦶ꧈ꦢꦶꦤꦸꦢꦸꦃꦲꦤ꧀ꦥꦲꦶꦠ꧀ꦢꦺꦤꦺꦲꦼꦫꦃꦲꦶꦥꦸꦤ꧀꧈ ꧄ ꦲꦶꦔꦸꦱꦂꦏꦼꦤ꧀ꦲꦶꦁꦥꦶꦥꦶꦤꦶꦁꦏꦺꦴꦫꦶ꧈ꦩꦮꦶꦒꦺꦴꦣꦺꦴꦁꦲꦺꦱꦺꦴꦧ꧀ꦠꦼꦧꦼꦁꦏꦺꦴꦫꦶꦮꦃꦏꦤꦤ꧀ꦏꦺꦫꦶꦁꦔꦺ꧈ꦮꦸꦱ꧀ꦮꦫꦠꦲꦶꦁꦔꦸꦱꦂꦫꦔꦼꦠꦶꦃ꧈ꦦꦔꦿꦤ꧀ꦲꦔ꧀ꦭꦁꦏꦸꦁꦔꦶ꧈ꦏꦺꦴꦫꦶꦏꦼꦢꦺꦁꦩꦫꦸꦱ꧀꧈ ꧄ ꦥꦿꦤꦠꦚꦆꦯꦿꦆꦭ꧀ꦲꦩ꧀ꦧꦸꦏ꧀ꦠꦶ꧈ꦥꦱ꧀ꦏꦃꦲꦺꦃꦪꦁꦩꦟꦺꦴꦤ꧀ꦱꦩꦾꦔꦁꦒꦺꦱꦧꦸꦏ꧀ꦭꦭꦩ꧀ꦧꦸꦁꦔꦺ꧈ꦱꦸꦏꦸꦤꦶꦫꦠꦫꦸꦩ꧀ꦥꦃꦲꦤ꧀ꦱꦩꦶ꧈ꦠꦼꦏꦼꦤ꧀ꦚꦕꦶꦤꦁꦏꦶꦁ꧈ꦏꦁꦱꦂꦮꦏꦱꦸꦱꦸ꧉ ꧄ ꦥꦿꦥ꧀ꦠꦺꦁꦲꦫꦶꦲꦶꦁꦏꦔ꧀ꦮꦸꦱ꧀ꦥꦶꦤꦰ꧀ꦛꦶ꧈ꦒꦸꦩꦸꦫꦸꦃ
