Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/86

— 82 —

ꦦꦔꦿꦤ꧀ꦩꦭꦶꦃꦲꦔꦤ꧀ꦢꦶꦏ꧈ꦲꦶꦁꦯꦸꦤ꧀ꦥꦤ꧀ꦮꦸꦱ꧀ꦔꦸꦤꦶꦔꦤ꧀ꦤꦶ꧈ꦲꦸꦩꦠ꧀ꦠꦶꦁꦯꦸꦤ꧀ꦤꦺꦁꦩꦼꦯꦶꦂ꧈ꦱꦶꦤꦁꦱꦫꦔꦣꦸꦃꦲꦣꦸꦃ꧈ꦱꦱꦩ꧀ꦧꦠ꧀ꦠꦺꦱꦸꦩꦼꦁꦏ꧈ꦲꦶꦁꦯꦸꦤ꧀ꦲꦂꦰꦲꦔ꧀ꦭꦸꦮꦂꦫꦶ꧈ꦱꦶꦁꦠꦔꦤ꧀ꦤꦺꦮꦺꦴꦁꦩꦼꦯꦶꦂꦏꦁꦏꦤꦶꦲꦪ꧉꧄ꦲꦶꦁꦯꦸꦤ꧀ꦠꦸꦤ꧀ꦠꦸꦤ꧀ꦩꦼꦚꦁꦠꦤꦃ꧈ꦥꦚ꧀ꦗꦁꦥꦸꦚ꧀ꦗꦸꦁꦭꦺꦴꦃꦗꦶꦤꦮꦶ꧈ꦩꦂꦩꦱꦶꦫꦲꦶꦁꦯꦸꦤ꧀ꦢꦸꦠ꧈ꦩꦼꦚꦁꦦꦿꦶꦔꦺꦴꦤ꧀ꦠꦤꦃꦩꦼꦯꦶꦂ꧈ꦔꦼꦤ꧀ꦠꦱ꧀ꦱꦧꦟꦶꦱꦿꦆꦭ꧀​ꦭꦸꦮꦂꦫꦱꦶꦁꦠꦔꦤ꧀ꦩꦸꦁꦱꦸꦃ꧈ꦩꦸꦯꦲꦭꦺꦴꦤ꧀ꦠꦸꦂꦫꦶꦫ꧈ꦣꦸꦃꦄꦭ꧀ꦭꦃꦏꦁꦩꦲꦯꦸꦕꦶ꧈ꦱꦶꦤ꧀ꦠꦼꦤ꧀ꦲꦩ꧀ꦧꦱꦺꦴꦮꦤ꧀ꦝꦠꦼꦁꦦꦿꦶꦔꦺꦴꦤ꧀ꦫꦗ꧉꧄ꦔꦼꦤ꧀ꦠꦱ꧀ꦱꦼꦤ꧀ꦤꦲꦸꦩꦠ꧀ꦡꦸꦮꦤ꧀​ꦧꦟꦶꦱꦿꦆꦭ꧀ꦱꦏꦶꦁꦩꦼꦯꦶꦂ꧈ꦄꦭ꧀ꦭꦃꦤꦸꦭꦾꦲꦔꦤ꧀ꦢꦶꦏ꧈ꦲꦪ꧀ꦮꦥꦶꦱꦤ꧀ꦱꦶꦫꦏ꧀ꦮꦠꦶꦂ꧈ꦲꦶꦁꦯꦸꦤ꧀ꦗꦁꦏꦸꦁꦱꦶꦫꦺꦏꦶ꧈ꦩꦸꦯꦭꦺꦴꦤ꧀ꦲꦠꦸꦂꦫꦶꦥꦸꦤ꧀​ꦏꦢꦺꦴꦱ꧀ꦥꦸꦤ꧀ꦢꦶꦦꦔꦺꦫꦤ꧀​ꦭꦩꦸꦤ꧀ꦭꦩꦸꦤ꧀ꦧꦟꦶꦱꦿꦆꦭ꧀​ꦠꦤ꧀ꦔꦤꦢꦼꦭ꧀ꦭꦫꦶꦁꦏꦮꦸꦭꦢꦸꦠꦡꦸꦮꦤ꧀꧈꧄ꦥꦔꦤ꧀ꦢꦶꦏꦚꦦꦔꦺꦫꦤ꧀​ꦲꦥꦏꦁꦤꦺꦁꦠꦔꦤ꧀ꦤꦺꦏꦶ꧈ꦠꦼꦏꦼꦤ꧀ꦲꦠꦸꦂꦫꦶꦫꦩꦸꦯ꧈ꦦꦔꦿꦤ꧀ꦤꦸꦭꦾꦤꦧ꧀ꦢꦩꦭꦶꦃ꧈ꦱꦶꦫꦧꦸꦮꦁꦔꦲꦒ꧀ꦭꦶꦱ꧀​ꦠꦼꦏꦼꦤ꧀ꦲꦶꦏꦸꦱꦶꦁꦠꦔꦤ꧀ꦩꦸ꧈ꦩꦸꦯꦤꦸꦭꦾꦠꦸꦩꦤ꧀ꦢꦁ꧈ꦤꦸꦠ꧀ꦥꦶꦠꦼꦢꦃꦲꦾꦁꦩꦯꦸꦕꦶ꧈ꦱꦤꦭꦶꦏꦥꦸꦤꦁꦠꦼꦏꦼꦤ꧀ꦢꦢꦾꦱꦂꦥ꧉꧄ꦩꦸꦯꦒꦶꦭꦒꦸꦤ꧀ꦢꦩ꧀ꦒꦸꦤ꧀ꦢꦩ꧀​ꦔꦤ꧀ꦢꦶꦏꦲꦾꦁꦩꦲꦯꦸꦕꦶ꧈ꦥꦼꦛꦶꦏ꧀ꦱꦂꦥꦒ꧀ꦭꦶꦱ꧀ꦕꦼꦏꦼꦭ꧀ꦭ꧈ꦩꦸꦯꦤꦸꦭꦾꦚꦼꦥꦼꦁꦥꦼꦛꦶꦠ꧀​ꦱꦂꦥꦩꦭꦶꦃꦏꦁꦮꦂꦟꦶ꧈ꦢꦢꦾꦠꦼꦏꦼꦤ꧀ꦭꦶꦂꦱꦸꦮꦲꦸ꧈ꦄꦭ꧀ꦭꦃꦣꦮꦸꦃꦫꦶꦁꦩꦸꦯ꧈ꦏꦶꦤꦺꦤ꧀ꦔꦼꦩ꧀ꦥꦶꦠ꧀ꦲꦲꦱ꧀ꦠꦤꦺꦏꦶ꧈ꦱꦤꦭꦶꦏꦲꦱ꧀ꦠꦏꦩ꧀ꦧꦃꦲꦶꦁ