Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/73

— 69 —

ꦧꦼꦔꦶꦱ꧀​ꦏꦼꦥꦿꦶꦪꦺꦢꦺꦤꦺꦱꦶꦫꦺꦏꦸ꧈ꦔꦭꦤ꧀ꦤꦶꦏꦧꦼꦕꦶꦏ꧀ꦏꦤ꧀​ꦲꦶꦁꦱꦏꦭꦱꦩꦾꦏꦺꦴꦣꦼꦁꦥꦸꦠꦿꦺꦁꦪꦑꦸꦧ꧀​ꦮꦶꦠ꧀ꦠꦤ꧀ꦮꦶꦏꦤ꧀ꦤꦭꦂꦫꦶꦫ꧈ꦢꦸꦠꦩꦺꦴꦗꦂꦲꦤꦸꦢꦶꦁꦔꦶ꧉꧄ꦩꦰ꧀ꦛꦶꦱꦶꦫꦺꦏꦸꦪꦺꦤ꧀ꦮꦶꦏꦤ꧀​ꦲꦥꦧꦪꦏꦁꦢꦢꦶꦱꦼꦢꦾꦩꦩꦶ꧈ꦥꦔꦸꦤ꧀ꦗꦸꦏ꧀ꦏꦤ꧀ꦧꦤ꧀ꦢꦫꦏꦸ꧈ꦱꦶꦫꦲꦶꦁꦏꦁꦲꦟ꧀ꦝꦸꦰ꧀ꦛ꧈ꦲꦩꦁꦱꦸꦭ꧀ꦭꦶꦥꦫꦥꦸꦠꦿꦤꦶꦥꦸꦤ꧀ꦪꦑꦸꦧ꧀​ꦏꦢꦺꦴꦱ꧀ꦥꦸꦤ꧀ꦢꦶꦢꦺꦲꦤ꧀ꦢꦶꦏ꧈ꦲꦤ꧀ꦢꦏ꧀ꦮꦩꦿꦶꦁꦲꦮꦏ꧀ꦩꦩꦶ꧉꧄ꦏꦸꦭꦱꦩꦶꦠꦶꦪꦁꦱꦼꦠꦾ꧈ꦭꦩꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦏꦧꦸꦏ꧀ꦠꦺꦤ꧀ꦕꦁꦏꦶꦂ꧈ꦢꦶꦥꦸꦤ꧀ꦭꦸꦤꦱ꧀ꦱꦢꦺꦤ꧀ꦒꦸꦥꦸꦃ꧈ꦩꦶꦮꦃꦏꦸꦭꦱꦢꦪ꧈ꦮꦶꦤꦮꦫꦶꦁꦩꦼꦯꦶꦂꦢꦢꦺꦴꦱ꧀ꦲꦧ꧀ꦢꦶꦤꦶꦥꦸꦤ꧀​ꦱꦁꦢꦶꦥꦠꦶꦏꦁꦩꦶꦤꦸꦭꦾ꧈ꦢꦢꦾꦠꦾꦁꦠꦮꦤ꧀ꦤꦤ꧀ꦩꦩꦶ꧉꧄ꦏꦫꦸꦁꦏꦫꦸꦁꦒꦶꦤꦭꦺꦣꦃ꧈ꦢꦶꦥꦸꦤ꧀ꦝꦸꦣꦃꦥꦶꦤꦫꦶꦏ꧀ꦱꦲꦠꦶꦲꦠꦶ꧈ꦥꦶꦤꦁꦒꦾꦧꦧꦸꦏ꧀ꦠꦺꦤ꧀ꦤꦶꦥꦸꦤ꧀​ꦥꦸꦠꦿꦺꦁꦪꦑꦸꦧ꧀ꦲꦚ꧀ꦗꦺꦴꦭ꧈ꦢꦺꦨꦸꦤ꧀ꦪꦩꦶꦤ꧀ꦏꦁꦏꦧꦸꦏ꧀ꦠꦺꦤ꧀ꦏꦫꦸꦁꦔꦶꦥꦸꦤ꧀​ꦤꦸꦭꦾꦚꦸꦮꦺꦏ꧀ꦱꦟ꧀ꦝꦁꦔꦤ꧀ꦚ꧈ꦲꦶꦔꦶꦫꦶꦁꦮꦁꦱꦸꦭ꧀ꦫꦶꦁꦩꦼꦯꦆꦂ꧉꧄ꦥꦿꦥ꧀ꦠꦺꦁꦔꦂꦰꦱꦁꦢꦶꦥꦠꦾ꧈ꦥꦸꦠꦿꦺꦁꦪꦑꦸꦧ꧀ꦱꦶꦤꦸꦁꦔꦤ꧀ꦱꦧ꧀ꦢꦲꦒ꧀ꦭꦶꦱ꧀​ꦲꦱꦸꦒꦭ꧀ꦲꦤ꧀ꦢꦶꦏꦤꦶꦥꦸꦤ꧀​ꦏꦥꦿꦶꦪꦺꦢꦺꦤꦺꦱꦶꦫ꧈ꦮꦤꦸꦃꦮꦤꦶꦔ꧀ꦭꦏꦺꦴꦤ꧀ꦤꦶꦥꦿꦠꦶꦁꦏꦃꦢꦸꦢꦸ꧈ꦲꦸꦗꦂꦩꦸꦥꦣꦮꦺꦴꦁꦱꦼꦠꦾ꧈ꦠꦼꦏꦢꦢꦶꦲꦚꦶꦢꦿꦤ꧀ꦤꦶ꧉꧄ꦪꦲꦸꦢꦩꦠꦸꦂꦔꦿꦉꦥ꧈ꦠꦔꦺꦃꦭꦩꦸꦤ꧀ꦱꦒꦼꦢ꧀ꦩꦠꦸꦂꦩꦩꦶ꧈ꦮꦺꦴꦤ꧀ꦠꦼꦤ꧀ꦲꦶꦁꦔꦂꦰꦥꦸꦏꦸꦭꦸꦤ꧀​ꦏꦢꦺꦴꦱ꧀ꦥꦸꦤ꧀ꦢꦶꦏꦮꦸꦭ꧈ꦱꦒꦼꦢ꧀ꦢꦶꦥꦸꦤ꧀ꦔꦽꦱꦶꦏ꧀ꦏꦏꦼꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀​ꦄꦭ꧀ꦭꦃꦩꦁꦒꦶꦃꦏꦼꦤ꧀ꦢꦺꦴꦱꦩ꧀ꦧ꧈ꦩꦶꦭꦣꦸꦃꦱꦁꦲꦢꦶꦥꦠꦶ꧉