Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/52

— 48 —

ꦧꦶꦣꦭ꧀ꦭꦤ꧀꧈꧄ꦧꦶꦣꦭ꧀ꦭꦶꦫꦢꦠꦤ꧀ꦩꦮꦶꦥꦩꦶꦠ꧀​ꦥꦫꦒꦂꦮꦩꦶꦮꦃꦥꦫꦥꦸꦠꦿ꧈ꦱꦼꦢꦺꦤꦺꦏꦁꦫꦗꦢꦂꦧꦺ꧈ꦩꦾꦁꦫꦗꦏꦪꦤꦶꦥꦸꦤ꧀​ꦲꦠꦤ꧀ꦤꦥꦶꦏꦁꦥꦫꦲꦧ꧀ꦢꦶ꧈ꦱꦢꦪꦢꦶꦥꦸꦤ꧀ꦧꦼꦏ꧀ꦠ꧈ꦢꦠꦤ꧀ꦮꦺꦴꦤ꧀ꦠꦼꦤ꧀ꦏꦤ꧀ꦠꦸꦤ꧀​ꦲꦤ꧀ꦢꦶꦏꦭꦶꦂꦱꦲꦸꦫꦸꦠ꧀ꦩꦂꦒ꧈ꦠꦶꦒꦁꦢꦶꦤ꧀ꦠꦼꦤ꧀ꦭꦩꦶꦚꦪꦑꦸꦧ꧀ꦭꦸꦩꦫꦶꦱ꧀​ꦭꦨꦤ꧀ꦢꦠꦤ꧀ꦲꦸꦤꦶꦔ꧉꧄ꦏꦮꦸꦮꦸꦱ꧀ꦱꦤꦸꦗꦸꦱꦗꦸꦒꦫꦶ꧈ꦮꦺꦴꦤ꧀ꦠꦼꦤ꧀ꦲꦶꦁꦏꦁꦠꦸꦂꦲꦸꦤꦶꦁꦩꦿꦶꦁꦭꦨꦤ꧀​ꦭꦩꦸꦤ꧀ꦪꦑꦸꦧ꧀ꦱꦩ꧀ꦥꦸꦤ꧀ꦲꦔ꧀ꦭꦺꦱ꧀​ꦭꦨꦤ꧀ꦢꦲꦠ꧀ꦲꦒꦸꦒꦸꦥ꧀​ꦱꦶꦒꦿꦱꦶꦒꦿꦭꦨꦤ꧀ꦔꦸꦤ꧀ꦢꦁꦔꦶ꧈ꦱꦒꦸꦁꦥꦿꦱꦤꦏ꧀ꦏꦤ꧀ꦚ꧈ꦲꦶꦔꦗꦏ꧀ꦲꦩ꧀ꦧꦸꦫꦸ꧈ꦪꦑꦸꦧ꧀ꦤꦼꦢꦾꦠꦶꦤꦸꦠꦸꦠ꧀ꦠꦤ꧀​ꦢꦸꦥꦶꦱꦩ꧀ꦥꦸꦤ꧀ꦭꦩ꧀ꦥꦃꦚꦲꦤ꧀ꦠꦸꦏ꧀ꦱꦥ꧀ꦠꦫꦶ꧈ꦏꦕꦟ꧀ꦝꦏ꧀ꦲꦤꦺꦁꦓꦶꦭ꧀ꦲꦢ꧀꧈꧄ꦏꦕꦫꦶꦪꦺꦴꦱ꧀ꦄꦭ꧀ꦭꦃꦏꦁꦩꦯꦸꦕꦶ꧈ꦮꦚ꧀ꦕꦶꦢꦭꦸꦤꦼꦣꦏ꧀ꦏꦶꦩꦿꦶꦁꦭꦨꦤ꧀​ꦥꦫꦶꦁꦣꦮꦸꦃꦗꦿꦺꦴꦥꦔꦶꦩ꧀ꦥꦺꦤ꧀​ꦩꦁꦏꦾꦲꦤ꧀ꦢꦶꦏꦤꦶꦥꦸꦤ꧀​ꦲꦺꦃꦠꦭꦨꦤ꧀ꦢꦺꦤ꧀ꦔꦠꦶꦲꦠꦶ꧈ꦪ꧀ꦮꦥꦶꦱꦤ꧀ꦥꦶꦱꦤ꧀ꦱꦶꦫ꧈ꦚꦼꦒꦃꦩꦫꦁꦪꦑꦸꦧ꧀​ꦮꦱ꧀ꦥꦢꦲꦤ꧀ꦢꦶꦏꦺꦁꦄꦭ꧀ꦭꦃ꧈ꦤꦸꦭꦾꦭꦨꦤ꧀ꦭꦤ꧀ꦪꦑꦸꦧ꧀ꦱꦩꦾꦥꦿꦗꦤ꧀ꦗꦶ꧈ꦩꦸꦁꦒ꧀ꦮꦶꦁꦱꦥꦸꦕꦏ꧀ꦲꦂꦢꦾ꧉꧄ꦱꦱꦩ꧀ꦥꦸꦤ꧀ꦚꦱꦩꦾꦲꦥꦿꦗꦤ꧀ꦗꦶ꧈ꦭꦨꦤ꧀ꦪꦑꦸꦧ꧀ꦱꦩꦾꦥꦥꦸꦁꦏꦸꦂꦫꦤ꧀​ꦲꦤ꧀ꦢꦸꦩ꧀ꦧꦱꦸꦏꦶꦲꦂꦗꦤꦺ꧈ꦭꦨꦤ꧀ꦱꦫꦺꦴꦮꦁꦔꦶꦥꦸꦤ꧀​ꦱꦩꦾꦮꦁꦱꦸꦭ꧀ꦠꦤ꧀ꦮꦭꦺꦁꦲꦠꦶ꧈ꦩꦿꦶꦁꦠꦤꦃꦦꦟ꧀ꦝꦤ꧀ꦲꦫꦤ꧀​ꦏꦸꦤꦼꦁꦲꦶꦁꦏꦁꦮꦁꦱꦸꦭ꧀​ꦏꦮꦂꦟꦏꦁꦲꦤ꧀ꦢꦺꦴꦤ꧀ꦭꦩ꧀ꦥꦃ꧈ꦟꦨꦶꦪꦑꦸꦧ꧀ꦭꦗꦸꦲꦸꦁꦒꦾꦤ꧀ꦚꦭꦸꦩꦫꦶꦱ꧀​ꦧꦿꦺꦴꦁꦠꦫꦶꦁꦏꦢꦁꦮꦽꦢ꧀ꦝ꧉꧅ꦟ꧀ꦢꦿ꧅