Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/32

— 28 —

꧋ꦟꦨꦶꦆꦱ꧀ꦏꦏ꧀ꦧꦣꦺꦏꦢꦩꦼꦭ꧀ꦏꦸꦂꦧꦤ꧀꧈

꧅꧉ꦟ꧀ꦢꦿ꧉꧅ꦏꦶꦤꦟ꧀ꦛꦶꦮꦸꦂꦪꦤꦶꦁꦠꦸꦠꦸꦂ꧈ꦠꦶꦤꦸꦠꦸꦂꦟꦨꦶꦆꦧꦿꦲꦶꦩ꧀​ꦢꦸꦥꦶꦮꦸꦱ꧀ꦲꦤ꧀ꦠꦫꦭꦩ꧈ꦗꦼꦁꦟꦨꦶꦲꦂꦰꦕꦶꦤꦺꦴꦧꦶ꧈ꦢꦺꦤꦶꦁꦦꦔꦺꦫꦤ꧀ꦏꦁꦩꦸꦭꦾ꧈ꦱꦸꦥꦪꦔꦸꦂꦧꦤ꧀ꦤꦱꦶꦮꦶ꧉ ꧄ꦩꦁꦏꦾꦥꦔꦤ꧀ꦢꦶꦏꦤꦶꦥꦸꦤ꧀​ꦦꦔꦺꦫꦤ꧀ꦏꦁꦩꦲꦯꦸꦕꦶ꧈ꦲꦺꦃ​ꦆꦧꦿꦲꦶꦩ꧀ꦱꦸꦠꦤꦶꦫ꧈ꦱꦶꦆꦱ꧀ꦏꦏ꧀ꦏꦁꦲꦺꦴꦤ꧀ꦠꦁꦲꦤ꧀ꦠꦶꦁ꧈ꦏꦁꦱꦶꦫꦠꦽꦱ꧀ꦤꦤ꧀ꦤꦶꦲꦶꦏ꧈ꦮꦶꦤꦮꦲꦩꦫꦁꦲꦂꦢꦶ꧉ ꧄ꦠꦤꦩꦺꦴꦫꦶꦪꦏꦁꦒꦸꦤꦸꦁ꧈ꦲꦤꦲꦶꦁꦏꦺꦴꦤꦺꦴꦢꦺꦤ꧀ꦲꦒ꧀ꦭꦶꦱ꧀​ꦏꦂꦪꦤꦼꦤ꧀ꦏꦸꦂꦧꦤ꧀ꦲꦺꦴꦧꦫꦤ꧀​ꦩꦁꦏꦤꦏꦂꦰꦺꦁꦲꦾꦁ​ꦮꦶꦢ꧀ꦝꦶ꧈ꦏꦮꦸꦮꦸꦱ꧀ꦱꦮꦚ꧀ꦕꦶꦲꦺꦚ꧀ꦗꦁ꧈ꦲꦤꦼꦁꦒꦶꦃꦟꦨꦶꦆꦧꦿꦲꦶꦩ꧀꧈ ꧄ꦲꦶꦁꦔꦧꦃꦲꦤ꧀ꦏꦸꦭ꧀ꦢꦶꦤꦶꦥꦸꦤ꧀​ꦮꦶꦱꦠꦭꦮꦤ꧀ꦏꦁꦱꦶꦮꦶ꧈ꦲꦧ꧀ꦢꦶꦏꦏꦭꦶꦃꦠꦸꦠ꧀ꦮꦸꦤ꧀ꦠꦠ꧀​ꦮꦶꦤꦮꦤ꧀ꦤꦤ꧀ꦏꦪꦸꦲꦏꦶꦁ꧈ꦏꦁ​ꦮꦸꦱ꧀ꦱꦩꦾꦱꦶꦤꦶꦒꦂꦫꦤ꧀​ꦠꦸꦩꦶꦤ꧀ꦢꦏ꧀ꦲꦒ꧀ꦚꦺꦁꦲꦾꦁ​ꦮꦶꦢ꧀ꦝꦶ꧉ ꧃ꦕꦶꦤꦫꦶꦠꦭꦩ꧀ꦥꦃꦲꦶꦥꦸꦤ꧀​ꦢꦸꦥꦶꦮꦸꦱ꧀ꦲꦤ꧀ꦠꦸꦏ꧀ꦠꦿꦶꦲꦫꦶ꧈ꦟꦨꦶꦆꦧꦿꦲꦶꦩ꧀ꦠꦸꦩꦼꦔ꧈ꦩꦾꦠ꧀ꦲꦸꦁꦒꦾꦤ꧀ꦲꦂꦢꦶꦱꦶꦁꦠꦼꦧꦶꦃ꧈ꦟꦨꦶꦆꦧꦿꦲꦶꦩ꧀ꦒꦾꦔꦒ꧀ꦚ꧈ꦩꦫꦶꦁꦲꦧ꧀ꦢꦶꦤꦶꦫꦏꦢ꧀ꦮꦶ꧉ ꧄ꦲꦺꦃꦱꦶꦫꦏꦫꦺꦴꦧꦠꦸꦂꦏꦸ꧈ꦏꦺꦫꦶꦏꦺꦤꦺꦤꦸꦁꦒꦸꦏꦸꦭ꧀ꦢꦶ꧈ꦩꦸꦁ​ꦆꦱ꧀ꦏꦏ꧀ꦲꦂꦰꦱꦸꦤ꧀ꦒꦮ꧈ꦮꦸꦱ꧀ꦱꦶꦁꦱꦼꦩ꧀ꦧꦃꦲꦾꦁꦱꦸꦤ꧀ꦧꦭꦶ꧈ꦭꦗꦸꦆꦧꦿꦲꦶꦩ꧀ꦠꦶꦤ꧀ꦢꦏ꧀ꦚ꧈ꦚꦁꦏꦶꦔ꧀ꦭꦠꦸꦩꦶꦮꦃꦱꦼꦏꦶꦁ꧉ ꧄ꦟꦨꦶꦆꦱ꧀ꦏꦏ꧀ꦏꦁꦠꦸꦠ꧀ꦥꦸꦁꦏꦸꦂ꧈ꦮꦶꦤꦮꦤ꧀ꦤꦤ꧀ꦏꦪꦸꦲꦏꦶꦁ꧈ꦢꦸꦥꦶꦲꦤꦺꦁꦠꦼꦔꦃꦩꦂꦒ꧀꧈ꦲꦸꦩꦠꦸꦂꦩꦫꦶꦁꦱꦸꦢꦂ