Kaca iki wis divalidasi
꧋ ꦥꦤ꧀ꦢꦺꦴꦔꦤꦶꦥꦸꦤ꧀ꦤꦨꦶꦇꦧꦿꦲꦶꦩ꧀꧈
꧃꧉ꦟ꧀ꦢꦿ꧉꧃ ꦠꦩꦸꦠꦶꦒꦮꦲꦸꦭꦗꦼꦁꦱꦩꦶꦧꦶꦝꦭ꧀ ꦭꦗꦸ ꦢꦺꦤ꧀ꦚꦭꦸꦩꦫꦶꦱ꧀ ꦩꦫꦶꦁꦯꦢꦸꦩ꧀ꦥꦿꦗ꧈ ꦟꦨꦶꦧꦿꦲꦶꦩ꧀ꦠꦸꦠ꧀ꦮꦸꦤ꧀ꦠꦠ꧀ ꦔꦤ꧀ꦢꦶꦏꦤ꧀ꦤꦶ꧉ ꧃ ꦩꦿꦶꦁꦥꦿꦏꦫꦏꦁꦩꦰ꧀ꦛꦶꦧꦏꦭ꧀ꦠꦸꦩꦶꦤ꧀ꦢꦏ꧀ ꦲꦮꦶꦠ꧀ꦱ ꦲꦁꦥꦿꦗꦶꦤꦶꦱ꧀ ꦲꦺꦴꦭꦺꦃꦲꦺꦱꦶꦃꦱꦩꦾ꧈ ꦩꦂꦒꦱꦏ ꦄꦧꦿꦲ ꦩ꧀ ꦭꦤ꧀ꦩꦤꦺꦃꦮꦸꦱ꧀ꦲꦶꦁꦯꦸꦤ꧀ꦥꦶꦗꦶ꧈ ꦩꦫꦺꦤ꧀ꦠꦃꦲꦤ꧈ ꦲꦤꦏ꧀ꦥꦸ ꦠꦸꦤꦺꦱꦩꦶ꧉ ꧃ ꦥꦝꦔꦩ꧀ꦧꦃꦢꦭꦤ꧀ꦥꦶꦠꦼꦢꦃꦲꦺꦦꦔꦿꦤ꧀ ꦔ꧀ꦭꦏꦺꦴꦤ꧀ꦤꦶꦧꦼꦤꦼꦂꦧꦼꦕꦶꦏ꧀ ꦱꦏ꧀ꦱꦤꦦꦔꦺꦫꦤ꧀ ꦥꦫꦶꦁꦥꦿꦶꦏ꧀ꦱ ꦫꦶꦁꦄꦧꦿꦩ꧀ ꦧꦝꦺꦔꦿꦶꦱꦏ꧀ꦯꦢꦸꦩ꧀ꦤꦒꦿꦶ꧈ ꦭꦥꦤ꧀ꦔꦩꦺꦴꦫꦃ꧈ ꦱꦠꦶ ꦪꦁꦔꦶꦫꦱꦩꦶ꧉ ꧃ ꦲꦮꦶꦠ꧀ꦢꦺꦤꦺꦱꦏꦶꦁꦏ꧀ꦮꦺꦃꦢꦸꦫꦏꦤꦶꦫ꧈ ꦱꦏ꧀ꦱꦤꦟꦨꦶꦧꦿꦲꦶꦩ꧀ ꦩꦉꦏ꧀ꦔꦂꦰꦺꦁꦦꦔꦿꦤ꧀ ꦲꦸꦩꦠꦸꦂꦲꦔꦿ ꦉꦥ꧈ ꦮꦸꦃꦦꦔꦺꦫꦤ꧀ꦏꦁꦩꦯꦸꦕꦶ꧈ꦥꦸꦤꦥꦠꦸꦮꦤ꧀ ꦏꦂꦰꦤꦸꦩ꧀ꦥꦼꦱ꧀ꦫꦶꦁ ꦗꦤ꧀ꦩꦶ꧉ ꧃ ꦲꦶꦁꦏꦁꦱꦲꦺꦠꦸꦁꦒꦶꦭ꧀ꦭꦤ꧀ꦲꦶꦁꦏꦁꦢꦸꦫꦏ꧈ ꦩꦤꦮꦶꦢ ꦔ꧀ꦤꦩ꧀ꦤꦒꦿꦶ꧈ ꦮꦺꦴꦤ꧀ꦠꦼꦤ꧀ꦠꦶꦪꦁꦔꦶꦫ꧈ ꦱꦺꦏꦼꦠ꧀ꦲꦶꦁꦏꦁꦲꦸꦠꦩ꧈ ꦥꦸꦤꦥ ꦠꦸꦮꦤ꧀ꦠꦤ꧀ ꦩ꧀ꦭꦱ꧀ꦱꦶ꧈ ꦏꦁꦏꦛꦃꦏꦛꦃ꧈ ꦮꦶꦠ꧀ꦱꦏꦶꦁꦱꦺꦏꦼꦠ꧀ꦗꦤ꧀ꦩꦶ꧉ ꧃ ꦭꦸꦱ꧀ꦡꦶꦄꦭ꧀ꦭꦃꦒꦾꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ ꦭꦩꦸꦤ꧀ꦲꦤꦮꦺꦴꦁ ꦧꦼꦕꦶꦏ꧀ ꦱꦺꦏꦼꦠ꧀ꦕꦕꦃꦲꦶꦫ꧈ ꦲꦤꦯꦢꦸꦩ꧀ꦤꦒꦫ꧈ ꦏꦁꦲꦏꦺꦃ ꦲꦏꦺꦃꦱꦪꦼꦏ꧀ꦠꦶ꧈ ꦲꦶꦁꦯꦸꦤ꧀ꦲꦥꦸꦫ꧈ ꦮꦶꦠ꧀ꦮꦺꦴꦱꦺꦏꦼꦠ꧀ꦏꦁꦧꦼꦕꦶ
