Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/180

— 176 —

ꦫꦆꦩꦩ꧀ꦱꦁꦱꦪ꧈ꦱꦿꦸꦥꦔꦸꦮꦸꦃꦲꦶꦥꦸꦤ꧀​ꦱꦂꦮꦶꦚꦸꦧ꧀ꦭꦼꦱ꧀ꦱꦶꦏꦁꦲꦁꦒ꧈ꦤꦔꦶꦁꦩꦼꦏ꧀ꦱꦠꦤ꧀ꦤꦱ꧀ꦮꦫꦏꦁꦤꦲꦸꦂꦫꦶ꧈ꦏꦢꦾꦥꦫꦤ꧀ꦥꦿꦆꦩꦩ꧀​꧈꧃​ ꦱꦉꦁꦱꦩ꧀ꦥꦸꦤ꧀ꦱꦺꦴꦤ꧀ꦠꦼꦤ꧀ꦲꦶꦁꦏꦁꦮꦚ꧀ꦕꦶ꧈ꦟꦨꦶꦌꦭꦾꦪꦱꦥꦏꦸꦂꦧꦤ꧀ꦤꦤ꧀​ꦏꦶꦤꦸꦧꦼꦁꦲꦶꦁꦏꦭꦺꦤ꧀ꦏꦭꦺꦤ꧀​ꦏꦗꦼꦁꦩꦾꦁꦏꦸꦂꦧꦤ꧀ꦤꦶꦥꦸꦤ꧀​ꦱꦩꦶꦢꦶꦥꦸꦤ꧀ꦔꦿꦸꦗꦸꦒ꧀ꦒꦶꦮꦫꦶꦃ꧈ꦤꦸꦭꦾꦟꦨꦶꦌꦭꦶꦪ꧈ꦚꦚꦸꦮꦸꦤ꧀ꦲꦾꦁꦲꦓꦸꦁ꧈ꦣꦸꦃꦦꦔꦺꦫꦤ꧀ꦄꦭ꧀ꦭꦃꦲꦶꦫ꧈ꦥꦿꦭꦭꦸꦲꦸꦂꦲꦤꦼꦁꦒꦶꦃꦄꦭ꧀ꦭꦃꦆꦨꦿꦆꦩ꧀​ꦮꦼꦭꦱ꧀ꦱꦱꦲꦶꦁꦱꦱꦩ꧀ꦧꦠ꧀꧈꧃​ ꦫꦶꦥꦸꦤꦶꦏꦩꦸꦒꦶꦲꦾꦁꦩꦯꦸꦕꦶ꧈ꦔꦸꦤꦶꦔꦏ꧀ꦤꦏꦭꦩꦸꦤ꧀ꦢꦸꦏ꧈ꦄꦭ꧀ꦭꦃꦲꦶꦥꦸꦤ꧀ꦧꦤꦶꦯꦿꦌꦭ꧀​ꦲꦩ꧀ꦧꦲꦧ꧀ꦢꦶꦥꦸꦏꦸꦭꦸꦤ꧀​ꦣꦸꦃꦥꦔꦺꦫꦤ꧀ꦩꦸꦒꦶꦩꦼꦭꦱ꧀ꦱꦶ꧈ꦤꦸꦭꦾꦮꦺꦴꦤ꧀ꦠꦼꦤ꧀ꦱꦏꦭ꧈ꦤꦼꦁꦒꦶꦃꦒꦼꦭꦥ꧀ꦭꦠꦸ꧈ꦲꦩꦩꦺꦴꦁꦱꦥꦸꦤꦁꦏꦸꦂꦧꦤ꧀​ꦩꦾꦁꦲꦤ꧀ꦢꦶꦭꦠ꧀ꦠꦶꦏꦛꦃꦲꦶꦫꦺꦁꦮꦫꦶꦃ꧈ꦏꦁꦔꦸꦧꦼꦁꦥꦏꦸꦂꦧꦤ꧀ꦤ꧀ꦤ꧈꧃​​ ꦠꦾꦁꦒꦺꦴꦭꦺꦴꦁꦔꦤ꧀ꦒꦾꦱꦸꦩꦸꦁꦏꦼꦩ꧀ꦱꦩꦶ꧈ꦱꦸꦫꦏ꧀ꦱꦸꦫꦏ꧀ꦩꦸꦁꦒ꧀ꦮꦺꦁꦔꦂꦰꦺꦁꦄꦭ꧀ꦭꦃ꧈ꦦꦔꦺꦫꦤ꧀ꦄꦭ꧀ꦭꦃꦗꦠꦶꦤꦺ꧈ꦌꦭꦶꦪꦤꦸꦭꦾꦣꦮꦸꦃ꧈ꦆꦩꦩ꧀ꦧꦄꦭ꧀ꦕꦼꦏꦼꦭ꧀ꦭꦤ꧀ꦲꦒ꧀ꦭꦶꦱ꧀​ꦥꦣꦥꦶꦤꦠꦺꦤ꧀ꦤꦤ꧈ꦪ꧀ꦮꦲꦤꦏꦁꦩꦿꦸꦕꦸꦠ꧀​ꦌꦭꦾꦤꦸꦮꦸꦤ꧀ꦲꦤ꧀ꦠꦸꦏ꧀ꦗꦮꦃ꧈ꦢꦲꦠ꧀ꦢꦺꦤ꧀ꦚꦤꦤꦸꦮꦸꦤ꧀ꦩꦿꦶꦁꦲꦾꦁꦩꦯꦸꦕꦶ꧈ꦔꦤ꧀ꦠꦾꦫꦩ꧀ꦧꦃꦥꦶꦁꦱꦥ꧀ꦠ꧉꧃ ꦱꦩ꧀ꦥꦸꦤ꧀ꦤꦶꦥꦸꦤ꧀ꦲꦤ꧀ꦢꦺꦴꦔꦗꦼꦁꦟꦨꦶ꧈ꦤꦸꦭꦾꦔꦒ꧀ꦚꦩꦮꦱ꧀ꦫꦶꦁꦱꦩꦺꦴꦢꦿ꧈ꦱꦩꦺꦴꦢꦿꦲꦏꦠꦺꦴꦤ꧀ꦤꦺ꧈ꦏꦁꦏꦶꦤꦺꦤ꧀ꦤꦸꦭꦾꦩꦠꦸꦂ꧈ꦠꦸꦂꦲꦸꦤꦶꦔꦩꦾꦠ꧀ꦩꦼꦟ꧀ꦝꦸꦁꦲꦭꦶꦠ꧀​ꦩꦸꦩ꧀ꦧꦸꦭ꧀ꦱꦏꦶꦁꦱꦩꦺꦴꦢꦿ꧈ꦒꦼꦁꦔꦶꦫꦏꦁꦩꦼꦟ꧀ꦝꦸꦁ꧈