Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/162

— 158 —

ꦥꦏ꧀ꦏꦤꦱꦼꦥꦶ꧈ꦕꦕꦢ꧀ꦚꦯꦁꦥꦼꦏꦶꦏ꧀​ꦔꦤ꧀ꦠꦾꦥꦿꦥ꧀ꦠꦺꦁꦔꦼꦩ꧀ꦧꦸꦤ꧀꧈꧄ꦤꦠꦶꦲꦫꦠꦉꦤꦚꦯꦁꦥꦼꦏꦶꦏ꧀​ꦠꦶꦠꦶꦃꦲꦤ꧀ꦄꦧ꧀ꦱꦭꦺꦴꦩ꧀​ꦗꦶꦤꦗꦂꦫꦤ꧀ꦠꦾꦁꦱꦺꦏꦼꦠ꧀ꦏꦛꦃꦲꦺ꧈ꦱꦧꦼꦤ꧀ꦲꦺꦚ꧀ꦗꦶꦁꦔꦢꦼꦒ꧀ꦥꦶꦁꦒꦶꦂꦩꦂꦒꦶ꧈ꦗꦺꦴꦒ꧀ꦱꦏꦺꦛꦺꦁꦤꦒꦿꦶ꧈ꦚꦼꦒꦠ꧀ꦠꦶꦲꦢꦶꦭ꧀ꦏꦡꦺꦴꦁ꧉꧄ꦱꦒꦸꦁꦠꦶꦪꦁꦏꦁꦢꦂꦧꦾꦥꦿꦏꦮꦶꦱ꧀​ꦩꦶꦤ꧀ꦠꦲꦢꦶꦭ꧀ꦏꦡꦺꦴꦁ꧈ꦤꦸꦭꦾꦱꦩꦶꦢꦺꦤ꧀ꦲꦟ꧀ꦝꦼꦒ꧀ꦭꦩ꧀ꦥꦃꦲꦺ꧈ꦠꦶꦤꦏꦺꦤ꧀ꦤꦤ꧀ꦠꦶꦪꦁꦱꦏꦶꦁꦥꦸꦤ꧀ꦢꦶ꧈ꦥꦫꦤ꧀ꦏꦁꦥꦿꦏꦮꦶꦱ꧀​ꦩꦶꦤ꧀ꦠꦲꦢꦶꦭ꧀ꦦꦿꦨꦸ꧉꧄ꦱꦱꦩ꧀ꦥꦸꦤ꧀ꦚꦠꦶꦠꦶꦪꦁꦩꦁꦱꦸꦭ꧀ꦭꦶ꧈ꦔꦤ꧀ꦢꦶꦏꦄꦧ꧀ꦱꦭꦺꦴꦩ꧀​ꦥꦿꦏꦫꦩꦸꦧꦼꦤꦼꦂꦱꦠꦼꦩꦼꦤ꧀ꦤꦺ꧈ꦔꦶꦁꦠꦤ꧀ꦤꦤꦏꦁꦧꦏꦭ꧀ꦔꦫꦤ꧀ꦤꦶ꧈ꦧꦼꦤꦼꦂꦠꦸꦂꦫꦶꦫꦺꦏꦶ꧈ꦤꦺꦁꦔꦂꦰꦯꦁꦦꦿꦨꦸ꧉꧄ꦪꦺꦤ꧀ꦠꦲꦏꦸꦏꦁꦔꦼꦏꦼꦭ꧀ꦭꦲꦢꦶꦭ꧀​ꦩꦰ꧀ꦛꦶꦢꦠꦤ꧀ꦝꦺꦴꦪꦺꦴꦁ꧈ꦱꦥꦧꦼꦤꦼꦂꦩꦰ꧀ꦛꦶꦢꦏ꧀ꦩꦼꦤꦁꦏꦺ꧈ꦤꦺꦴꦫꦧꦏꦭ꧀ꦧꦺꦴꦠ꧀ꦱꦶꦃꦠꦶꦧꦺꦁꦲꦢꦶꦭ꧀​ꦤꦺꦴꦫꦩ꧀ꦤꦲꦸꦏꦥꦶ꧈ꦠꦤ꧀ꦩꦮꦁꦩꦿꦶꦁꦱꦼꦩꦸ꧉꧄ꦭꦩꦸꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁꦲꦩꦂꦥꦼꦏ꧀ꦏꦶ꧈ꦱꦸꦗꦸꦢ꧀ꦩꦿꦶꦁꦄꦧ꧀ꦱꦭꦺꦴꦩ꧀​ꦱꦶꦒꦿꦱꦶꦒꦿꦄꦧ꧀ꦱꦭꦺꦴꦩ꧀ꦲꦤꦩ꧀ꦥꦺꦭ꧀​ꦱꦲꦚꦟ꧀ꦝꦏ꧀ꦤꦸꦭꦾꦔꦫꦱ꧀ꦲꦒ꧀ꦭꦶꦱ꧀​ꦪꦺꦏꦸꦥꦩꦶꦏꦠ꧀ꦱꦶꦃ꧈ꦩꦿꦶꦁꦆꦯꦿꦺꦭ꧀ꦱꦕꦢꦫꦸꦩ꧀꧈꧄ꦢꦠꦤ꧀ꦭꦩꦶꦄꦧ꧀ꦱꦭꦺꦴꦩ꧀ꦏꦺꦱꦃꦩꦿꦶꦁ꧈ꦤꦒꦫꦶꦲꦶꦁꦏꦺꦨꦿꦺꦴꦤ꧀​ꦱꦲꦧꦭꦢ꧀ꦮꦶꦲꦠꦸꦱ꧀ꦏꦛꦃꦲꦺ꧈ꦱꦥꦿꦥ꧀ꦠꦚꦲꦶꦁꦏꦺꦨꦿꦺꦴꦤ꧀ꦤꦒꦫꦶ꧈ꦲꦤ꧀ꦢꦸꦠꦩꦁꦱꦶꦠ꧀ꦠꦶ꧈ꦩꦿꦶꦁꦆꦯꦿꦺꦭ꧀ꦱꦢꦫꦸꦩ꧈꧄ꦭꦩꦸꦤ꧀ꦩꦶꦉꦁꦱꦸꦮꦫꦺꦁꦤꦥꦶꦫꦶ꧈ꦏꦶꦤꦺꦤ꧀ꦱꦩꦶꦲ