Kaca:ꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦥꦿꦗꦚ꧀ꦗꦶꦪꦤ꧀ꦭꦩꦶ.pdf/131

― 127 ―

ꦲꦸꦤꦶ꧈ꦮꦶꦠ꧀ꦤꦎꦩꦶꦔꦼꦩꦸꦫꦱ꧈ꦲꦪꦼꦩ꧀ꦠꦼꦤ꧀ꦠꦽꦩ꧀ꦏꦁꦥꦶꦤꦁꦒꦶꦃ꧈ꦩꦸꦁꦒꦸꦃꦲꦏꦸꦱꦶꦤꦼꦧꦸꦠ꧀ꦠ꧈ꦩꦫꦃꦧꦲꦺꦮꦸꦱ꧀ꦩꦤ꧀ꦠꦼꦱ꧀ꦱꦶ꧉꧄ ꦠꦼꦒꦼꦱ꧀ꦱꦺꦮꦺꦴꦁꦒꦸꦁꦩꦔꦸꦤ꧀ꦏꦸꦁ꧈ꦱꦼꦣꦶꦃꦏꦶꦁꦏꦶꦤ꧀ꦮꦃꦥꦿꦶꦃꦲꦠꦶꦤ꧀​ꦢꦸꦏ꧀ꦱꦸꦤ꧀ꦭꦸꦔꦱꦸꦒꦶꦃꦧꦿꦤ꧈ꦩꦸꦭꦶꦃꦩ꧀ꦭꦫꦠ꧀ꦏꦸꦏꦼꦥꦠꦶ꧈ꦩꦁꦏꦾꦏꦂꦰꦺꦁꦲꦾꦁꦩꦩꦸꦭꦾ꧈ꦏꦂꦪꦭꦏꦺꦴꦤ꧀ꦩꦿꦶꦁꦮꦏ꧀ꦩꦩꦶ꧉꧄ ꦏꦸꦤꦼꦁꦲꦶꦁꦏꦁꦒꦸꦤꦼꦩ꧀ꦉꦩ꧀ꦧꦸꦒ꧀​ꦢꦸꦏ꧀ꦱꦩꦤꦲꦩꦉꦁꦔꦶ꧈ꦩꦺꦴꦁꦱꦥꦤꦺꦤ꧀ꦏꦮꦸꦮꦸꦱ꧀ꦱ꧈ꦧꦺꦴꦏ꧀ꦫꦸꦠ꧀ꦔꦁꦱꦒ꧀ꦝꦠꦼꦁꦱꦧꦶꦤ꧀​ꦏꦥꦤꦸꦗꦺꦴꦤ꧀ꦱꦧꦶꦤ꧀ꦨꦺꦴꦄꦱ꧀​ꦥꦸꦤꦶꦏꦏꦁꦢꦺꦤ꧀ꦲꦁꦱꦒ꧀ꦒꦶ꧉꧄ ꦨꦺꦴꦄꦱ꧀ꦱꦸꦒꦶꦃꦏ꧀ꦭꦁꦏꦸꦁꦭꦁꦏꦸꦁ꧈ꦩꦶꦭꦢꦠꦤ꧀ꦮꦭꦁꦲꦠꦶ꧈ꦠꦏ꧀ꦱꦶꦃꦏ꧀ꦭꦼꦧꦼꦠ꧀ꦮꦁꦱꦤꦶꦫ꧈ꦌꦭꦶꦩꦺꦭꦺꦃꦏꦁꦮꦸꦱ꧀ꦭꦭꦶꦱ꧀​ꦢꦸꦏ꧀ꦥꦿꦥ꧀ꦠꦺꦁꦫꦸꦠ꧀ꦲꦶꦁꦲꦁꦱꦒ꧀ꦒꦤ꧀​ꦨꦺꦴꦄꦱ꧀ꦠꦤ꧀ꦚꦠꦾꦁꦤꦶꦲꦤꦶ꧉꧄ ꦲꦸꦮꦺꦴꦁꦮꦢꦺꦴꦤ꧀ꦔꦼꦤ꧀ꦢꦶꦲꦶꦏꦸ꧈ꦠꦾꦁꦤꦶꦲꦤꦶꦭꦺꦴꦤ꧀ꦤꦲꦸꦂꦫꦶ꧈ꦠꦶꦪꦁꦲꦺꦱ꧀ꦠꦿꦶꦱꦏꦶꦁꦩꦺꦴꦄꦧ꧀​ꦧꦺꦴꦏ꧀ꦫꦸꦠ꧀ꦩꦤ꧀ꦠꦸꦚꦟꦎꦩꦶ꧈ꦱꦸꦏꦨꦺꦴꦄꦱ꧀ꦲꦩꦶꦪꦂꦰ꧈ꦱꦿꦸꦮꦕꦤꦏꦢꦸꦏ꧀ꦩꦤꦶꦱ꧀꧈꧄ ꦲꦺꦃꦫꦸꦠ꧀ꦲꦏꦸꦮꦸꦱ꧀ꦱꦸꦩꦸꦫꦸꦥ꧀​ꦭꦭꦧꦸꦃꦠꦏꦧꦺꦃꦧꦼꦕꦶꦏ꧀​ꦩꦫꦁꦩꦫꦠꦸꦮꦤꦶꦫ꧈ꦱꦏꦩꦺꦴꦄꦧ꧀ꦥꦿꦥ꧀ꦠꦺꦁꦩꦁꦏꦶꦤ꧀​ꦄꦭ꧀ꦭꦃꦲꦺꦆꦯꦿꦆꦭ꧀ꦩꦸꦒ꧈ꦪꦄꦭ꧀ꦭꦃꦏꦁꦏꦺꦴꦧꦼꦏ꧀ꦠꦺꦤ꧀ꦤꦶ꧉꧄ ꦩꦊꦱ꧀ꦱꦩꦿꦶꦁꦭꦭꦧꦸꦃꦩꦸ꧈ꦏꦧꦼꦕꦶꦏ꧀ꦏꦤ꧀ꦔꦸꦤꦶꦲꦸꦤꦶ꧈ꦮꦸꦱ꧀ꦚꦤꦸꦭꦾꦨꦺꦴꦄꦱ꧀ꦥꦿꦺꦤ꧀ꦠꦃ꧈ꦔꦒ꧀ꦚꦩꦿꦶꦁꦏꦁꦥꦫꦲꦧ꧀ꦢꦶ꧈ꦥꦣꦔꦽꦁꦏꦸꦃꦥꦿꦪꦺꦴꦒ꧈ꦩꦿꦶꦁꦮꦤꦸꦢꦾꦩꦺꦴꦄꦧ꧀ꦲꦶꦏꦶ꧉꧄