Kaca iki wis divalidasi
꧇ ꧑꧙꧔꧇
ꦱꦸꦏ꧀ꦥꦸꦕꦸꦏ꧀ꦏꦶꦥꦸꦤ꧀ꦲꦶꦁꦏꦁꦱꦱꦶꦱꦶꦃꦩꦚ꧀ꦗꦶꦁꦲꦶꦁꦧꦸꦁꦏꦸꦭ꧀ꦱꦁꦒꦤ꧀ꦲꦶꦁꦏꦁꦱꦱꦶꦱꦶꦃꦩꦚ꧀ꦗꦶꦁꦲꦸꦱꦸꦏ꧀ꦚꦺꦴꦁꦒꦲꦸꦱꦸꦏ꧀ꦮꦠꦮꦶꦱ꧀ꦏꦭꦶꦃꦥꦿꦒꦁꦱꦭ꧀ꦭꦶꦥꦸꦤ꧀ꦧꦒꦺꦪꦤ꧀ꦲꦶꦁꦔꦶꦁꦒꦶꦭ꧀ꦱꦩ꧀ꦥꦸꦤ꧀ꦏꦥꦿꦠꦺꦭꦏ꧀ꦲꦏꦼꦤ꧀ꦲꦶꦁꦔꦶꦁꦒꦶꦭ꧀ꦠꦁꦱꦸꦭ꧀ꦭꦶꦥꦸꦤ꧀ꦲꦶꦁꦏꦁꦔꦠꦸꦠ꧀ꦩꦮꦶꦥ꧀ꦭꦸꦤ꧀ꦠꦸꦂꦫꦩ꧀ꦧꦸꦠ꧀꧈
꧋ꦥꦪꦺꦴꦤ꧀ꦲꦶꦁꦏꦁꦔ꧀ꦭꦼꦧꦼꦠ꧀ꦏꦭꦶꦪꦤ꧀ꦥꦿꦒꦁꦱꦭ꧀ꦭꦤꦧꦒꦺꦪꦤ꧀ꦲꦶꦁꦱꦶꦱꦶꦃꦔꦶꦁꦒꦶꦭ꧀ꦥꦸꦤꦶꦏꦧꦺꦴꦠꦼꦤ꧀ꦏꦺꦔꦶꦁꦏꦲꦼꦕꦺꦠ꧀ꦲꦸꦠꦮꦶꦏꦥꦿꦲꦺꦴꦱ꧀ꦲꦩꦂꦒꦶꦲꦁꦒꦺꦤ꧀ꦤꦶꦁꦩꦪꦺꦴꦤ꧀ꦤꦶꦥꦸꦤꦶꦏꦱꦱꦩ꧀ꦥꦸꦤ꧀ꦤꦶꦁꦫꦩ꧀ꦥꦸꦁꦥꦔꦿꦸꦏ꧀ꦠꦶꦤꦶꦁꦲꦸꦱꦸꦏ꧀ꦲꦸꦠꦮꦶꦫꦸꦗꦶ꧈ꦲꦮꦶꦠ꧀ꦱꦏꦶꦁꦥꦸꦤꦶꦏꦭꦗꦼꦁꦢꦶꦥꦸꦤ꧀ꦲꦭꦶꦁꦲꦭꦶꦁꦔꦶꦱꦸꦭꦩ꧀ꦩꦤ꧀ꦧꦼꦤꦁꦱꦺꦴꦔꦲꦸꦠꦮꦶꦭꦮꦺꦩꦺꦴꦚ꧀ꦕꦮꦂꦤꦶ꧈ꦮꦺꦴꦤ꧀ꦠꦼꦤ꧀ꦲꦶꦁꦱꦲꦸꦧꦼꦁꦔꦶꦥꦸꦤ꧀ꦫꦸꦗꦶꦱꦁꦒꦤ꧀ꦔꦿꦥꦼꦠ꧀ꦠꦶꦱꦼꦭꦱꦼꦭꦤꦶꦁꦫꦸꦗꦶꦱꦁꦒꦤ꧀ꦮꦲꦸ꧈ꦕꦺꦁꦏꦺꦴꦏ꧀ꦏꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦱꦏꦮꦤ꧀ꦭꦗꦼꦁꦏꦢꦩꦼꦭ꧀ꦠꦸꦤ꧀ꦝꦒꦁꦱꦭ꧀꧈
| ꧇ ꧑ ꧇ | ꦲꦶꦁꦔꦤ꧀ꦝꦥ꧀ꦥꦶꦪꦩ꧀ꦧꦏ꧀ꦤꦩ꧇ꦱꦿꦺꦩ꧀ꦥꦁꦔꦤ꧀꧈ |
| ꧇ ꧒ ꧇ | ꦲꦶꦁꦔꦶꦁꦒꦶꦭ꧀ꦭꦶꦥꦸꦤ꧀ꦤꦩ꧇ꦧꦺꦴꦒꦕꦩ꧀ꦩꦤ꧀꧈ |
| ꧇ ꧓ ꧇ | ꦔꦶꦁꦒꦶꦭ꧀ꦭꦶꦥꦸꦤ꧀ꦩꦭꦶꦃꦤꦩ꧇ꦏꦼꦩꦁꦒꦤ꧀ꦥꦸꦤꦶꦏꦫꦸꦗꦶꦤꦶꦥꦸꦤ꧀ꦢꦶꦥꦸꦤ꧀ꦏꦠꦶꦔꦭ꧀ꦭꦏꦼꦤ꧀ꦏꦥꦿꦲꦺꦴꦱ꧀ꦲꦸꦠꦮꦶꦏꦲꦼꦕꦺꦠ꧀꧈ |
| ꧇ ꧔ ꧇ | ꦔꦶꦁꦒꦶꦭ꧀ꦭꦶꦥꦸꦤ꧀ꦩꦭꦶꦃꦤꦩꦧꦺꦴꦒꦼꦩ꧀ꦩꦤ꧀ꦩꦭꦶꦃ꧉ |
| ꧇ ꧕ ꧇ | ꦲꦶꦁꦏꦁꦔꦶꦁꦒꦶꦭ꧀ꦥꦶꦪꦩ꧀ꦧꦏ꧀ꦤꦩ꧇ꦭꦔꦶꦠ꧀ꦠꦤ꧀꧈ |
