ꦏꦁꦗꦼꦁꦦꦔꦺꦫꦤ꧀ꦥꦸꦠꦿꦱꦤ꧀ꦠꦤꦢꦊꦩ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦩꦮꦶ
ꦮꦶꦝꦼꦁ꧈ꦥꦶꦝꦼꦁꦥꦸꦤꦶꦏꦩꦁꦒꦺꦤ꧀ꦤꦶꦥꦸꦤ꧀ꦮꦶꦮꦶꦛꦶꦁꦧꦺꦴꦁꦏꦺꦴꦠ꧀ꦒꦤ꧀ꦢꦂ
ꦔꦗꦼꦁꦱꦲꦮꦶꦁꦏꦶꦔ꧀ꦮꦂꦤꦶꦱꦼꦉꦏ꧀ꦏꦤ꧀ꦭꦸꦁꦲꦸꦮꦶꦩꦭꦸꦤ꧀ꦝꦼꦂꦮꦺꦴꦤ꧀ꦠꦼꦤ꧀ꦗꦁꦒꦸꦠ꧀ꦠꦸ
ꦮꦶꦤ꧀ꦧꦢꦤ꧀ꦤꦶꦮꦫꦺꦴꦁꦏ꧉ꦏꦁꦗꦼꦁꦦꦔꦺꦫꦤ꧀ꦥꦸꦠꦿꦱꦤ꧀ꦠꦤꦢꦊꦩ꧀
ꦥꦸꦤꦶꦏꦏꦺꦔꦶꦁꦒꦼꦩ꧀ꦮꦁꦏꦶꦁꦔꦤ꧀ꦥꦼꦤ꧀ꦝꦺꦴꦏ꧀ꦱ꧀ꦭꦺꦴꦫꦺꦴꦏ꧀ꦩꦮꦶ
ꦠꦺꦴꦥꦺꦁꦔꦤ꧀ꦏꦥꦱꦁꦱꦺꦴꦱꦺꦴꦠꦾ꧈ꦲꦸꦠꦮꦶꦥꦼꦤ꧀ꦝꦺꦴꦏ꧀ꦏꦼ
ꦩꦭꦺꦴꦤ꧀ꦲꦧꦿꦶꦠ꧀ꦮꦺꦴꦤ꧀ꦢꦺꦤꦺꦩꦤꦮꦶꦲꦧ꧀ꦢꦶꦢꦊꦩ꧀ꦱꦥ
ꦔꦤ꧀ꦝꦥ꧀ꦲꦶꦁꦏꦁꦢꦺꦤꦺꦱꦤ꧀ꦠꦤꦢꦊꦩ꧀ꦧꦺꦴꦠꦼꦤ꧀ꦏꦺꦔꦶꦁꦔꦁꦒꦺ
ꦏ꧀ꦏꦼꦩꦭꦺꦴꦤ꧀ꦲꦧꦿꦶꦠ꧀ꦮꦲꦸ꧉
꧋ꦮꦼꦝꦸꦁ꧈ꦥꦸꦤꦶꦏꦧꦁꦱꦤꦶꦁꦢꦢꦩꦼꦭ꧀ (ꦒꦒꦩꦤ꧀)꧈ꦢꦺꦴꦔꦺꦁ
ꦔꦶꦥꦸꦤ꧀ꦥꦫꦱꦼꦥꦸꦃ꧈ꦲꦶꦁꦏꦁꦏꦢꦩꦼꦭ꧀ꦠꦺꦴꦱꦤ꧀ (ꦮꦼꦱꦶ) ꦥꦼꦛ
ꦏ꧀ꦏꦭꦶꦪꦤ꧀ꦮꦗ꧈ꦠꦸꦮꦶꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦩꦮꦶꦥꦩꦺꦴꦂ꧈ꦲꦶꦁꦏꦁ
ꦲꦤ꧀ꦢꦩꦼꦭ꧀ꦥꦤ꧀ꦝꦺ꧈ꦲꦸꦠꦮꦶꦲꦼꦩ꧀ꦥꦸ꧈ꦮꦂꦤꦶꦤꦶꦥꦸꦤ꧀ꦱꦲꦶꦫꦶꦥ꧀ꦏ
ꦢꦺꦴꦱ꧀ꦢꦺꦤꦺꦏ꧀ꦭꦺꦮꦁ꧈ꦥꦸꦕꦸꦏ꧀ꦭꦶꦚ꧀ꦕꦶꦥ꧀ꦲꦶꦁꦔꦤ꧀ꦝꦥ꧀ꦲꦶꦁꦒꦶꦭ꧀ꦫꦩ꧀ꦥꦶꦔ꧀ꦭ
ꦤ꧀ꦝꦼꦥ꧀ꦧꦢꦤ꧀ꦤꦶꦥꦸꦤ꧀ꦱꦱꦶꦱꦶꦃꦠꦼꦩ꧀ꦥꦏ꧀ꦱꦱꦶꦱꦶꦃꦭꦤ꧀ꦝꦼꦥ꧀ꦲꦶꦁ
ꦏꦁꦭꦤ꧀ꦝꦼꦥ꧀ꦠꦼꦔꦃꦲꦩ꧀ꦧꦊꦤ꧀ꦝꦸꦏ꧀ꦔꦩ꧀ꦥꦠ꧀ꦭꦗꦼꦁꦱꦪꦫꦩ꧀ꦥꦶꦁ꧈ꦢꦸꦩꦸꦒꦶ
ꦧꦺꦴꦁꦏꦺꦴꦏ꧀ꦩꦶꦤ꧀ꦝꦏ꧀ꦮꦶꦪꦂꦱꦏꦼꦝꦶꦏ꧀ꦥꦚ꧀ꦗꦁꦔꦶꦥꦸꦤ꧀ꦏꦶꦫꦁꦭꦁꦏꦸꦁ
꧇꧒꧗꧇ꦢꦶꦩ꧀ꦮꦶꦪꦂ꧇꧔꧇ꦢꦶꦩ꧀ꦏꦤ꧀ꦢꦼꦭ꧀꧇꧑/꧒꧇ꦢꦶꦩ꧀
