Kaca:ꦥꦒꦼꦭꦂꦫꦤ꧀.pdf/12

꧇ ꧑꧙ ꧇

ꦩꦶꦱꦫꦶꦩ꧀ꦧꦶꦠ꧀ꦠꦤ꧀ꦱꦢꦪ꧈ꦔꦿꦱꦸꦏ꧀ꦧꦸꦱꦤꦏꦢꦺꦴꦱ꧀ꦢꦺꦤꦺꦥꦔꦤ꧀ꦠꦺꦤ꧀ꦱꦥꦼꦏꦼꦤ꧀​ꦠꦸꦠꦸꦥ꧀ꦥꦶꦁꦥꦶꦤ꧀ꦝꦃꦲꦶꦁꦒꦶꦃꦲꦩꦔꦸꦤ꧀ꦱꦸꦏ꧉

꧋ ꦠꦼꦭꦱ꧀ꦲꦠꦸꦂꦫꦶꦥꦸꦤ꧀ꦠꦸꦩꦼꦁꦒꦸꦁꦠꦶꦂꦠꦮꦶꦒꦸꦤ꧈ꦏꦭꦶꦪꦤ꧀ꦦꦔꦺꦫꦤ꧀ꦮꦶꦗꦶꦭ꧀​​ꦲꦶꦁꦏꦁꦯꦶꦟꦸꦲꦸꦤ꧀ꦏꦉꦤꦤ꧀ꦲꦶꦁꦥꦁꦒꦭꦶꦃ꧈ꦭꦗꦼꦁꦔꦤ꧀ꦢꦶꦏ꧇ꦲꦺ꧈ꦠꦶꦂꦠꦮꦶꦒꦸꦤ꧈ꦭꦮꦤ꧀ꦦꦔꦺꦫꦤ꧀ꦮꦶꦗꦶꦭ꧀​ꦏꦁꦢꦢꦶꦏꦸꦥꦶꦪꦤꦺꦟꦡꦔꦭꦶꦃꦏꦣꦡꦺꦴꦤ꧀​ꦕꦠꦸꦂꦟꦫꦺꦟ꧀ꦢꦿꦩꦲꦸ꧈ꦲꦶꦁꦯꦸꦤ꧀ꦲꦩꦸꦮꦸꦃꦲꦶꦲꦸꦤ꧀ꦠꦺꦴꦤ꧀ꦲꦸꦤ꧀ꦠꦺꦴꦤ꧀​ꦱꦂꦠꦫꦫꦕꦶꦏ꧀ꦏꦤ꧀ꦭꦤ꧀ꦫꦫꦗꦸꦁꦔꦤ꧀꧈

꧋ ꦲꦶꦁꦏꦁꦢꦢꦺꦴꦱ꧀ꦏꦂꦱꦢꦊꦩ꧀ꦱꦩ꧀ꦥꦸꦤ꧀ꦏꦣꦮꦸꦃꦲꦏꦼꦤ꧀ꦱꦢꦪ꧈ꦤꦪꦏꦏꦭꦶꦃꦗꦸꦩꦸꦫꦸꦁꦲꦶꦁꦏꦂꦱꦟꦡ꧈ꦭꦗꦼꦁꦏꦣꦮꦸꦃꦲꦏꦼꦤ꧀ꦝꦸꦩꦠꦼꦁꦲꦢꦶꦦꦡꦶꦦꦿꦶꦁꦒꦭꦪ꧀꧈ꦏꦥꦿꦤꦠꦲꦶꦁꦤꦒꦫꦶ꧈ꦲꦶꦁꦏꦁꦢꦶꦥꦸꦤ꧀ꦫꦸꦩꦶꦪꦶꦤ꧀ꦤꦏꦼꦤ꧀ꦲꦭꦶꦃꦲꦭꦶꦃꦲꦤ꧀​ꦱꦠꦸꦁꦒꦭ꧀ꦏꦒꦸꦁꦔꦤ꧀ꦢꦊꦩ꧀ꦲꦸꦮꦺꦴꦱ꧀ꦥꦤ꧀ꦠꦸꦤ꧀​ꦱꦲꦸꦧꦫꦩ꧀ꦥꦺꦤ꧀ꦤꦶꦥꦸꦤ꧀ꦥꦮꦺꦴꦤ꧀​​ꦲꦶꦱꦶꦧꦸꦩ꧀ꦧꦸꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀​ꦠꦶꦒꦏꦒꦸꦁꦔꦤ꧀ꦢꦊꦩ꧀ꦥꦶꦠꦶꦏ꧀ꦲꦶꦮꦺꦤ꧀​ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀​ꦱꦏꦮꦤ꧀ꦏꦒꦸꦁꦔꦤ꧀ꦢꦊꦩ꧀ꦏꦺꦮꦤ꧀ꦱꦸꦏꦸꦱꦏꦮꦤ꧀​ꦒꦁꦱꦭ꧀ꦏꦒꦸꦁꦔꦤ꧀ꦢꦊꦩ꧀ꦧꦼꦏꦏꦱ꧀꧈ꦢꦺꦤꦺꦏꦒꦸꦁꦔꦤ꧀ꦢꦊꦩ꧀ꦫꦗꦧꦿꦤꦲꦂꦠꦱꦉꦁꦏꦭꦶꦪꦤ꧀ꦲꦶꦁꦏꦁꦯꦶꦟꦸꦲꦸꦤ꧀꧈

꧋ ꦏꦕꦫꦶꦪꦺꦴꦱ꧀ꦥꦿꦗꦲꦺꦁꦒꦭ꧀ꦏꦉꦁꦒꦲꦱꦿꦶꦫꦫꦱ꧀​ꦱꦧꦼꦤ꧀ꦏꦺꦴꦤ꧀ꦠꦼꦤ꧀ꦏꦢꦺꦏꦺꦏ꧀ꦏꦤ꧀ꦏꦿꦤ꧀​ꦏꦉꦁꦒꦲꦶꦁꦱꦼꦱꦼꦏꦂꦫꦤ꧀​ꦠꦸꦮꦶꦤ꧀ꦩꦂꦒꦶꦥꦫꦱꦏꦮꦤ꧀ꦤꦤ꧀ꦱꦩꦶꦏꦢꦺꦏꦺꦏ꧀ꦏꦤ꧀ꦥꦊꦁꦏꦸꦁꦥꦤ꧀ꦢ