Kaca:ꦥꦒꦼꦭꦂꦫꦤ꧀.pdf/10

꧇ ꧑꧗ ꧇

ꦢꦊꦩ꧀​ꦱꦢꦸꦩꦸꦒꦶꦤꦶꦁꦗꦮꦶꦒꦚ꧀ꦗꦂꦫꦤ꧀ꦢꦊꦩ꧀ꦮꦲꦸꦭꦗꦼꦁꦏꦧꦒꦺꦣꦠꦼꦁꦲꦶꦁꦏꦁꦱꦩꦶꦲꦁꦒꦫꦥ꧀​ꦱꦢꦪꦱꦩ꧀ꦥꦸꦤ꧀ꦮꦫꦢꦶꦤ꧀​ꦥꦫꦮꦢꦤꦏ꧀ꦭꦶꦮꦺꦴꦤ꧀​ꦥꦤꦺꦮꦸꦩꦤ꧀ꦠꦿꦶꦭꦸꦫꦃꦧꦼꦏꦼꦭ꧀ꦗꦗꦂꦱꦩꦶꦱꦸꦏ꧈ꦤꦸꦮꦸꦤ꧀ꦤꦸꦮꦸꦤ꧀ꦱꦩꦶꦤꦩ꧀ꦥꦺꦤ꧀ꦤꦶꦒꦚ꧀ꦗꦂꦫꦤ꧀꧈

꧋ ꦱꦉꦁꦲꦤ꧀ꦠꦮꦶꦱ꧀ꦢꦶꦤ꧀ꦠꦼꦩ꧀​​ꦲꦶꦁꦏꦁꦯꦶꦤꦸꦟꦸꦲꦸꦤ꧀ꦏꦁꦗꦼꦁꦯꦸꦯꦸꦲꦸꦟ꧀ꦤꦤ꧀​ꦦꦑꦸꦨꦸꦮꦟꦏꦥꦶꦁ II ꦲꦤꦶꦩ꧀ꦧꦭ꧀ꦭꦶꦱꦁꦥꦸꦗꦺꦴꦁꦒꦠꦸꦩꦼꦁꦒꦸꦁꦠꦶꦂꦠꦮꦶꦒꦸꦤ꧈ꦏꦭꦶꦪꦤ꧀ꦦꦔꦺꦫꦤ꧀ꦮꦶꦗꦶꦭ꧀​​ꦫꦶꦱꦁꦏꦏꦭꦶꦃꦱꦩ꧀ꦥꦸꦤ꧀ꦩꦚ꧀ꦗꦶꦁꦥꦸꦫꦲꦸꦩꦉꦏ꧀ꦲꦶꦁꦔꦂꦱꦢꦊꦩ꧀​​ꦲꦶꦁꦏꦁꦯꦶꦟꦸꦲꦸꦤ꧀ꦲꦤ꧀ꦢꦔꦸꦣꦸꦩꦠꦼꦁꦠꦸꦩꦼꦁꦒꦸꦁꦠꦶꦂꦠꦮꦶꦒꦸꦤꦏꦭꦶꦪꦤ꧀ꦦꦔꦺꦫꦤ꧀ꦮꦶꦗꦶꦭ꧀꧈

꧋ ꦣꦮꦸꦃꦲꦶꦁꦥꦔꦤ꧀ꦢꦶꦏꦢꦊꦩ꧀꧇ꦲꦺ꧈ꦠꦸꦩꦺꦁꦒꦸꦁꦠꦶꦂꦠꦮꦶꦒꦸꦤ꧈ꦩꦂꦩꦤꦺꦱꦶꦫꦲꦶꦁꦯꦸꦤ꧀ꦠꦶꦩ꧀ꦧꦭ꧀ꦭꦶꦩꦫꦁꦔꦂꦱꦤꦶꦁꦯꦸꦤ꧀​ꦱꦂꦠꦱꦶꦦꦔꦺꦫꦤ꧀ꦮꦶꦗꦶꦭ꧀​ꦥꦣꦲꦶꦁꦯꦸꦤ꧀ꦥꦸꦤ꧀ꦝꦸꦠ꧀ꦠꦶꦱꦸꦱꦸꦫꦸꦥ꧀ꦥꦤ꧀​​ꦲꦥꦏꦁꦢꦢꦶꦏꦸꦥꦶꦪꦱꦫꦲꦶꦱꦫꦠ꧀ꦠꦺꦥꦚ꧀ꦗꦼꦤ꧀ꦤꦼꦁꦔꦤ꧀ꦤꦶꦁꦯꦸꦤ꧀ꦔꦭꦶꦃꦤꦒꦫꦲꦶꦏꦸ꧉

꧋ ꦲꦸꦚ꧀ꦗꦸꦏ꧀ꦏꦶꦥꦸꦤ꧀ꦠꦸꦩꦼꦁꦒꦸꦁꦠꦶꦂꦠꦮꦶꦒꦸꦤ꧇ꦏꦮꦸꦭꦤꦸꦮꦸꦤ꧀​ꦩꦼꦁꦒꦃꦲꦶꦁꦏꦁꦢꦢꦺꦴꦱ꧀ꦲꦶꦱꦫꦠ꧀ꦠꦶꦥꦸꦤ꧀​ꦤꦭꦶꦏꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦟꦡꦨꦶꦟꦛꦫꦦꦿꦨꦸꦪꦸꦢꦪꦏꦥꦶꦤ꧀ꦝꦃꦤꦒꦫꦶꦪꦮꦱ꧀ꦠꦶꦤ꧈ꦩꦏꦠꦼꦤ꧀ꦱꦫꦤꦤꦶꦥꦸꦤ꧀꧈ꦥꦭꦏꦱꦶꦩ꧀ꦥꦂ꧈ꦥꦭꦒꦸꦩꦤ꧀ꦠꦸꦁꦥꦭꦲꦢꦼꦒ꧀ꦱꦲꦱꦼꦱꦼꦏꦂꦫꦤ꧀​​ꦲꦶꦁꦏꦁ​ꦮꦔꦶꦮꦔꦶꦱꦶꦤꦗꦺꦏ꧀ꦲꦏꦼꦤ꧀ꦫꦸꦩꦶꦪꦶꦤ꧀​ꦮꦺꦴꦤ꧀ꦠꦼꦤ꧀ꦲꦶꦁꦏꦣꦡꦺꦴꦤ꧀ꦲꦺꦁꦒꦭ꧀꧈