Gunung Merapi
[ 34 ]Sri Widarti
GUNUNG MERAPI
[besut]sliramu madeg jejeg ing sisih lor
nalika disawang saka Ngayogya
warnamu biru campuh karo langit
lan wujudmu yen daksawang endah-edi
ngresep ing atiku
ananging yen sliramu dakcedhaki
wujudmu mung rupa undhukan lemah kang dhuwur
sliramu uga arupa alas kang jembar lan arupa wit-witan
sliramu migunani marang bebrayan
bisa uga dadi memala tumrap manungsa