Baul
[ 70 ]
baul
ora sumbut dlèwèran nginteri brambut
lesung gemonthang bot-boté nglabuhi rowang
turut lurang énthané dadi tumenggung
upama mligi nresnani pribadi
lan bali lali swarané pamili
dadi mblegedhu kurugan bandha-bandhu
dhasaré jinatah mlarat
takdiré ora komanan pangkat
sanajan nggedhèkké prihatiné lan nguwatké riyalaté
tobat encit kepancal pulung
mèlua berjuwang kedharang-dharang
tumenga sepa tumungkul ora jebul
bathiné tansah jujul wuwul
apa nékat arep wadul
baul
-000-
karanggeneng, 18 pebruari 1985
Djaka Lodang, No. 681 Th. XV