Ambahrawa

Saka Wikisumber
Menyang navigasi Menyang panggolèkan
Mayangsumirat
[ 18 ]ambahrawa


ujubé pancèn tresna tanah kalairan

selaginé gègèr genjur gedhong ancur granating gurka

lan pasar bubar awit jumeguring bom njugar plataran

ora magas atiné ora uwas batiné

sedheng liyané nonop tritis éramé ra uwis-uwis

karaben ustrali granat nanas ing bangkèkan

sepatu bingkap mérah-putih mblebed pilingan

madhep mantep ndhepani bumi warisan

andèkpuna sumingkiré gurka jepang lan walanda

proklamasi terus ngumandhang saindenging donya

mentala siningkang wengis déning pranatan rasionalis

mangka dudu éwoning kaum ondholan borjuis

sing éram ngedhangkrang dadi panutan

tetep lila bantening bangsa

ora nggadhang lumunturing pisumbang sanak rowang

tapi loko palagan citraning patriot sing peng-pengan

loko palagan ora wanuh kartu véteran


-000-

karanggenengg 18 pebruari 1985

Djaka Lodang, No. 659, Th. XIV
Sabtu Legi 4 Mei 1985, kaca 35

ꦲꦩ꧀ꦧꦃꦫꦮ

ꦲꦸꦗꦸꦧ꧀ꦧꦺꦥꦚ꧀ꦕꦺꦤ꧀ꦠꦿꦺꦱ꧀ꦤ​ꦠꦤꦃ​ꦏꦭꦲꦶꦂꦫꦤ꧀

ꦱꦼꦭꦒꦶꦤꦺꦒꦺꦒꦺꦂ​ꦒꦼꦚ꧀ꦗꦸꦂ​ꦒꦼꦝꦺꦴꦁ​ꦲꦚ꧀ꦕꦸꦂ​ꦒꦿꦤꦠ꧀ꦠꦶꦁ​ꦒꦸꦂꦏ​

ꦭꦤ꧀ꦥꦱꦂ​ꦧꦸꦧꦂ​ꦲꦮꦶꦠ꧀ꦗꦸꦩꦼꦒꦸꦂꦫꦶꦁ​ꦧꦺꦴꦩ꧀​ꦚ꧀ꦗꦸꦒꦂ​ꦥ꧀ꦭꦠꦂꦫꦤ꧀

ꦲꦺꦴꦫ​ꦩꦒꦱ꧀ꦲꦠꦶꦤꦺꦲꦺꦴꦫ​ꦲꦸꦮꦱ꧀ꦧꦠꦶꦤ꧀ꦤꦺ

ꦱꦼꦝꦼꦁ​ꦭꦶꦪꦤꦺꦤꦺꦴꦤꦺꦴꦥ꧀ꦠꦿꦶꦠꦶꦱ꧀ꦲꦺꦫꦩꦺꦫ​ꦲꦸꦮꦶꦱ꧀​ꦲꦸꦮꦶꦱ꧀

ꦏꦫꦧꦺꦤ꧀ꦲꦸꦱ꧀ꦠꦿꦭꦶ​ꦒꦿꦤꦠ꧀ꦤꦤꦱ꧀ꦲꦶꦁ​ꦧꦁ​ꦏꦺꦏ꧀ꦏꦤ꧀

ꦱꦼꦥꦠꦸ​ꦧꦶꦁ​ꦏꦥ꧀ꦩꦺꦫꦃ​ꦥꦸꦠꦶꦃ​ ꦩ꧀​ꦧ꧀ꦭꦼꦧꦼꦢ꧀ꦥꦶꦭꦶꦁ​ꦔꦤ꧀

ꦩꦝꦼꦥ꧀ꦩꦤ꧀ꦠꦼꦥ꧀​ꦤ꧀ꦝꦼ​​​ꦥꦤꦶ​ꦧꦸꦩꦶ​ꦮꦫꦶꦱ꧀ꦱꦤ꧀

ꦲꦤ꧀ꦢꦺꦏ꧀ꦥꦸꦤ​ꦱꦸꦩꦶꦁ​ꦏꦶꦂꦫꦺꦒꦸꦂꦏ​ꦗꦼꦥꦁ​ꦭꦤ꧀ꦮꦭꦤ꧀ꦢ​

ꦥꦿꦺꦴꦏ꧀ꦭꦩꦱꦶ​ꦠꦼꦫꦸꦱ꧀ꦔꦸꦩꦤ꧀ꦝꦁ​ꦱꦲꦶꦤ꧀ꦢꦼꦁ​ꦔꦶꦁ​ꦢꦺꦴꦚ​

ꦩꦼꦤ꧀ꦠꦭ​ꦱꦶꦤꦶꦁ​ꦏꦁ​ꦮꦼꦔꦶꦱ꧀ꦢꦺꦤꦶꦁ​ꦥꦿꦤꦠꦤ꧀ꦫꦱꦶꦪꦺꦴꦤꦭꦶꦱ꧀

ꦩꦁ​ꦏ​ꦢꦸꦢꦸ​ꦲꦺꦮꦺꦴꦤ꧀ꦤꦶꦁ​ꦏꦲꦸꦩ꧀ꦲꦺꦴꦤ꧀ꦝꦺꦴꦭ꧀ꦭꦤ꧀ꦧꦺꦴꦂꦗꦸꦮꦶꦱ꧀

ꦱꦶꦁ​ꦲꦺꦫꦩ꧀ꦔꦼꦝꦁ​ꦏꦿꦁ​ꦢꦢꦶ​ꦥꦤꦸꦠ꧀ꦠꦤ꧀

ꦠꦼꦠꦼꦥ꧀ꦭꦶꦭ​ꦧꦤ꧀ꦠꦼꦤ꧀ꦤꦶꦁ​ꦧꦁ​ꦱ​

ꦲꦺꦴꦫ​ꦁ​ꦒꦝꦁ​ꦭꦸꦩꦸꦤ꧀ꦠꦸꦂꦫꦶꦁ​ꦥꦶꦱꦸꦩ꧀ꦧꦁ​ꦱꦤꦏ꧀ꦫꦺꦴꦮꦁ​

ꦠꦥꦶ​ꦭꦺꦴꦏꦺꦴ​ꦥꦭꦒꦤ꧀ꦕꦶꦠꦿꦤꦶꦁ​ꦥꦠꦿꦶꦪꦺꦴꦠ꧀ꦱꦶꦁ​ꦥꦼꦁ​​ꦥꦼꦁ​ꦔꦤ꧀

ꦭꦺꦴꦏꦺꦴ​ꦥꦭꦒꦤ꧀ꦲꦺꦴꦫ​ꦮꦤꦸꦃ​ꦏꦂꦠꦸ​ꦮ꦳ꦺꦠꦼꦂꦫꦤ꧀