Alkitab/Purwaning Dumadi/9

^9:1 ꦒꦸꦱ꧀ꦠꦶꦄꦭ꧀ꦭꦃꦩ꧀ꦧꦼꦂꦏꦃꦲꦶ​꧊ꦤꦸꦃꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦥꦔꦤ꧀ꦢꦶꦏꦤꦺ꧈​"ꦥꦝꦧꦼꦧꦿꦤꦃꦲꦤꦭꦤ꧀ꦠꦁꦏꦂꦠꦸꦩꦁꦏꦫꦱꦂꦠꦔꦼꦧꦏ꧀ꦏꦤꦧꦸꦩꦶ꧉​

^9:2 ꦱꦫꦸꦥꦤꦺꦏꦺꦮꦤ꧀ꦲꦶꦁꦧꦸꦩꦶꦭꦤ꧀ꦱꦫꦸꦥꦤꦺꦩꦤꦸꦏ꧀ꦱꦂꦠꦲꦶꦮꦏ꧀ꦧꦏꦭ꧀ꦮꦼꦢꦶꦭꦤ꧀ꦒꦶꦫꦶꦱ꧀ꦩꦫꦁꦏꦺꦴꦮꦺ꧉​ꦏꦺꦮꦤ꧀ꦏꦺꦮꦤ꧀ꦩꦲꦸꦏꦧꦺꦃꦮꦶꦱ꧀ꦏꦥꦱꦿꦃꦲꦏꦺꦩꦫꦁꦏꦺꦴꦮꦺ꧉​

^9:3 ꦭꦃꦏꦧꦺꦃꦲꦶꦏꦶꦏꦼꦤꦏꦺꦴꦏ꧀ꦥꦔꦤ꧀꧈​ꦥꦝꦏꦪꦠꦼꦠꦸꦮꦸꦃꦲꦤ꧀ꦲꦶꦗꦺꦴ;ꦏꦧꦺꦃꦩꦲꦸꦢꦶꦥꦱꦿꦃꦲꦏꦺꦱꦸꦥꦪꦢꦢꦶꦥꦔꦤ꧀ꦩꦸ꧉​

^9:4 ꦩꦸꦁꦢꦒꦶꦁꦏꦁꦲꦶꦱꦶꦃꦲꦤꦚꦮꦤꦺ꧈​ꦪꦏꦸꦮꦶꦢꦒꦶꦁꦱꦶꦁꦲꦶꦱꦶꦃꦲꦤꦒꦼꦠꦶꦃꦲꦺ꧈​ꦏꦸꦮꦶꦲꦗꦏꦺꦴꦏ꧀ꦥꦔꦤ꧀꧈​ꦲꦮꦶꦠ꧀ꦚꦮꦏꦸꦮꦶꦢꦸꦤꦸꦁꦔꦺꦲꦤꦲꦶꦁꦒꦼꦠꦶꦃ꧉​

^9:5 ꦱꦥꦱꦶꦁꦩꦠꦺꦤ꧀ꦤꦶꦩꦤꦸꦁꦱꦧꦏꦭ꧀ꦏꦲꦸꦏꦸꦩ꧀꧉​ꦲꦏꦸꦧꦏꦭ꧀ꦔꦸꦏꦸꦩ꧀ꦥꦠꦶꦩꦫꦁꦱꦫꦸꦥꦤꦶꦁꦏꦺꦮꦤ꧀ꦱꦶꦁꦩꦠꦺꦤ꧀ꦤꦶꦩꦤꦸꦁꦱ꧉​

^9:6 ꦱꦶꦁꦱꦥꦩꦠꦺꦤ꧀ꦤꦶꦩꦤꦸꦁꦱ꧈​ꦧꦏꦭ꧀ꦢꦶꦥꦠꦺꦤ꧀ꦤꦶꦢꦺꦤꦶꦁꦩꦤꦸꦁꦱ꧈​ꦲꦮꦶꦠ꧀ꦩꦤꦸꦁꦱꦏꦠꦶꦠꦃꦲꦏꦺꦤꦸꦭꦢ꧀ꦒꦩ꧀ꦧꦂꦫꦺꦒꦸꦱ꧀ꦠꦶꦄꦭ꧀ꦭꦃ꧉​

^9:7 ꦲꦤꦢꦺꦤꦺꦏꦺꦴꦮꦺꦥꦝꦧꦼꦧꦿꦤꦃꦲꦤꦭꦤ꧀ꦠꦁꦏꦂꦠꦸꦩꦁꦏꦫ꧈​ꦱꦸꦥꦪꦲꦤꦏ꧀ꦥꦸꦠꦸꦩꦸꦔꦩ꧀ꦧꦿꦲꦩ꧀ꦧꦿꦔꦼꦧꦏ꧀ꦏꦶꦧꦸꦩꦶ꧉"​

^9:8 ꦏꦫꦺꦴꦩꦼꦤꦺꦃꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦤꦸꦃꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​

^9:9 "ꦱꦲꦶꦏꦶꦲꦏꦸꦲꦉꦥ꧀ꦒꦮꦺꦥꦽꦗꦚ꧀ꦗꦶꦪꦤ꧀ꦏꦫꦺꦴꦏꦺꦴꦮꦺꦭꦤ꧀ꦠꦸꦫꦸꦤ꧀ꦩꦸꦲꦶꦁꦱꦥꦸꦁꦏꦸꦂꦩꦸ꧈​

^9:10 ꦭꦤ꧀ꦏꦫꦺꦴꦱꦝꦺꦔꦃꦲꦠꦶꦠꦃꦱꦶꦁꦲꦸꦫꦶꦥ꧀꧈​ꦪꦏꦸꦮꦶꦱꦫꦸꦥꦤꦺꦩꦤꦸꦏ꧀꧈​ꦱꦫꦸꦥꦤꦺꦏꦺꦮꦤ꧀ꦱꦶꦁꦩꦺꦭꦸꦏꦺꦴꦮꦺꦩꦼꦠꦸꦱꦏꦲꦶꦁꦥꦿꦲꦸ꧉​

^9:11 ꦲꦏꦸꦒꦮꦺꦥꦽꦗꦚ꧀ꦗꦶꦪꦤ꧀ꦏꦫꦺꦴꦏꦺꦴꦮꦺ꧈​ꦪꦺꦤ꧀ꦲꦶꦁꦱꦼꦧꦚ꧀ꦗꦸꦂꦫꦺꦲꦏꦸꦲꦺꦴꦫꦧꦏꦭ꧀ꦤꦸꦩ꧀ꦥꦼꦱ꧀ꦱꦏꦺꦃꦲꦶꦁꦚꦮꦏꦁꦲꦸꦫꦶꦥ꧀ꦱꦿꦤꦏꦼꦊꦧꦤ꧀ꦲꦶꦁꦧꦚꦸ꧉​

^9:12 ꦩꦶꦤꦁꦏꦥꦽꦠꦤ꧀ꦝꦤꦺꦥꦽꦗꦚ꧀ꦗꦶꦪꦤ꧀ꦏꦁꦢꦏ꧀ꦠꦼꦠꦼꦥ꧀ꦥꦏꦺꦱꦼꦭꦮꦱ꧀ꦭꦮꦱ꧀ꦱꦺꦲꦶꦁꦲꦤ꧀ꦠꦫꦏꦸꦏꦫꦺꦴꦏꦺꦴꦮꦺ꧈​ꦱꦂꦠꦱꦫꦸꦥꦤꦶꦁꦚꦮꦲꦸꦫꦶꦥ꧀ꦏꦁꦩꦺꦭꦸꦏꦺꦴꦮꦺ꧈​

^9:13 ꦲꦏꦸꦧꦏꦭ꧀ꦩꦽꦤꦃꦲꦏꦺꦏ꧀ꦭꦸꦮꦸꦁꦲꦤꦲꦶꦁꦩꦼꦤ꧀ꦝꦸꦁ꧉​ꦏ꧀ꦭꦸꦮꦸꦁꦩꦲꦸꦧꦏꦭ꧀ꦢꦢꦶꦥꦽꦠꦤ꧀ꦝꦤꦺꦥꦽꦗꦚ꧀ꦗꦶꦪꦤ꧀ꦲꦶꦁꦲꦤ꧀ꦠꦫꦤꦺꦲꦏꦸꦏꦫꦺꦴꦧꦸꦩꦶ꧉​

^9:14 ꦱꦩꦁꦱꦩꦁꦱꦲꦏꦸꦔꦸꦩ꧀ꦥꦸꦭ꧀ꦭꦏꦺꦩꦼꦤ꧀ꦝꦸꦁꦲꦶꦁꦱꦤ꧀ꦝꦸꦮꦸꦂꦫꦺꦧꦸꦩꦶ꧈​ꦩꦁꦏꦏ꧀ꦭꦸꦮꦸꦁꦔꦺꦧꦚ꧀ꦗꦸꦂꦏꦠꦺꦴꦤ꧀ꦲꦤꦲꦶꦁꦏꦺꦴꦤꦺꦴ꧈​

^9:15 ꦲꦏꦸꦩꦼꦱ꧀ꦛꦶꦧꦏꦭ꧀ꦔꦺꦔꦼꦠ꧀ꦠꦶꦲꦶꦁꦥꦽꦗꦚ꧀ꦗꦶꦪꦤ꧀ꦏꦸꦏꦫꦺꦴꦏꦺꦴꦮꦺꦭꦤ꧀ꦏꦫꦺꦴꦱꦫꦸꦥꦤꦶꦁꦚꦮꦲꦸꦫꦶꦥ꧀꧈​ꦠꦼꦩꦃꦲꦺꦴꦫꦧꦏꦭ꧀ꦲꦤꦧꦚ꧀ꦗꦶꦂꦥꦠꦺꦴꦥ꧀ꦥꦤ꧀ꦩꦼꦤꦺꦃꦏꦁꦤꦸꦩ꧀ꦥꦼꦱ꧀ꦱꦫꦸꦥꦤꦶꦁꦠꦶꦠꦃꦏꦁꦲꦸꦫꦶꦥ꧀꧉​

^9:16 ꦱꦩꦁꦱꦲꦶꦁꦩꦼꦤ꧀ꦝꦸꦁꦲꦤꦏ꧀ꦭꦸꦮꦸꦁ꧈​ꦧꦏꦭ꧀ꦢꦏ꧀ꦥꦤ꧀ꦢꦼꦁꦱꦸꦥꦪꦔꦺꦔꦼꦠ꧀ꦠꦶꦲꦶꦁꦥꦽꦗꦚ꧀ꦗꦶꦪꦤ꧀ꦭꦁꦒꦼꦁꦲꦶꦁꦲꦤ꧀ꦠꦫꦤꦺꦄꦭ꧀ꦭꦃꦏꦫꦺꦴꦱꦼꦝꦺꦔꦃꦚꦮꦲꦸꦫꦶꦥ꧀ꦏꦁꦲꦤꦲꦶꦁꦧꦸꦩꦶ꧉​

^9:17 ꦲꦶꦏꦸꦥꦽꦠꦤ꧀ꦝꦤꦺꦥꦽꦗꦚ꧀ꦗꦶꦪꦤ꧀ꦏꦁꦢꦏ꧀ꦒꦮꦺꦲꦶꦁꦲꦤ꧀ꦠꦫꦤꦺꦲꦏꦸꦏꦫꦺꦴꦱꦫꦸꦥꦤꦺꦠꦶꦠꦃꦲꦸꦫꦶꦥ꧀ꦏꦁꦲꦤꦲꦶꦁꦧꦸꦩꦶ꧉"​

^9:18 ꦲꦤꦏ꧀ꦲꦤꦏ꧀ꦏꦺ​꧊ꦤꦸꦃꦱꦶꦁꦥꦝꦩꦼꦠꦸꦱꦏꦲꦶꦁꦥꦿꦲꦸꦪꦏꦸꦮꦶ:​꧊ꦱꦺꦩ꧀꧈​​꧊ꦏꦩ꧀ꦭꦤ꧀​꧊ꦪꦥ꦳ꦺꦠ꧀꧉​꧌ꦢꦺꦤꦺ​꧊ꦏꦩ꧀ꦏꦸꦮꦶꦧꦥꦏ꧀ꦤꦺ​꧊ꦏꦺꦤꦲꦤ꧀꧉꧍​

^9:19 ꦲꦤꦏ꧀ꦏꦺ​꧊ꦤꦸꦃꦠꦼꦭꦸꦠꦼꦭꦸꦤꦺꦩꦲꦸꦢꦢꦶꦊꦭꦸꦲꦸꦂꦫꦺꦮꦺꦴꦁꦱꦢꦺꦴꦚ꧉​

^9:20 ​꧊ꦤꦸꦃꦏꦸꦮꦶꦮꦺꦴꦁꦠꦤꦶ꧉​ꦲꦶꦪꦱꦶꦁꦮꦶꦮꦶꦠ꧀ꦠꦤ꧀ꦝꦺꦮꦺꦒꦮꦺꦏꦼꦧꦺꦴꦤ꧀ꦲꦁꦒꦸꦂ꧉​

^9:21 ꦧꦉꦁꦔꦺꦴꦩ꧀ꦧꦺꦲꦁꦒꦸꦂꦫꦺ꧈​​꧊ꦤꦸꦃꦤꦸꦭꦶꦩꦼꦤ꧀ꦢꦼꦩ꧀꧈​ꦔꦸꦕꦸꦭ꧀ꦭꦶꦱꦤ꧀ꦝꦁꦔꦤ꧀ꦤꦺꦏꦧꦺꦃ꧈​ꦧꦚ꧀ꦗꦸꦂꦠꦸꦫꦸꦲꦤꦲꦶꦁꦏꦺꦩꦃꦲꦺ꧉​

^9:22 ꦤꦭꦶꦏ​꧊ꦏꦩ꧀꧈​ꦧꦥꦏ꧀ꦤꦺ​꧊ꦏꦺꦤꦲꦤ꧀꧈​ꦮꦼꦫꦸꦃꦏꦪꦩꦼꦁꦏꦺꦴꦤꦺꦴ꧈​ꦧꦚ꧀ꦗꦸꦂꦕꦿꦶꦠꦏꦫꦺꦴꦱꦼꦢꦸꦭꦸꦂꦫꦺꦭꦺꦴꦫꦺꦴꦱꦶꦁꦲꦤꦲꦶꦁꦚ꧀ꦗꦧ꧉​

^9:23 ​꧊ꦱꦺꦩ꧀ꦭꦤ꧀​꧊ꦪꦥ꦳ꦺꦠ꧀ꦤꦸꦭꦶꦚ꧀ꦗꦸꦥꦸꦏ꧀ꦗꦸꦧꦃꦲꦺꦧꦥꦏ꧀ꦤꦺ꧈​ꦏꦱꦩ꧀ꦥꦶꦂꦫꦏꦺꦲꦶꦁꦥꦸꦤ꧀ꦝꦏ꧀ꦭꦤ꧀ꦏꦫꦺꦴꦩ꧀ꦭꦏꦸꦩꦸꦁꦏꦸꦂꦤꦸꦠꦸꦥ꧀ꦥꦶꦲꦮꦏ꧀ꦏꦺ​꧊ꦤꦸꦃ꧈​ꦠꦼꦩꦃꦲꦤ꧀ꦲꦺꦴꦫꦮꦼꦫꦸꦃꦏꦮꦶꦫꦁꦔꦤ꧀ꦤꦺꦧꦥꦏ꧀ꦤꦺ꧉​

^9:24 ꦧꦉꦁ​꧊ꦤꦸꦃꦩꦫꦶꦲꦼꦁꦒꦺꦴꦤꦺꦩꦼꦤ꧀ꦢꦼꦩ꧀꧈​ꦭꦤ꧀ꦏꦿꦸꦔꦸꦲꦥꦱꦶꦁꦢꦢꦶꦥꦼꦁꦒꦮꦺꦤꦺ​꧊ꦏꦩ꧀꧈​ꦲꦤꦏ꧀ꦏꦺꦱꦶꦁꦫꦒꦶꦭ꧀꧈​

^9:25 ꦧꦚ꧀ꦗꦸꦂꦔꦤ꧀ꦢꦶꦏ꧈​"ꦏꦼꦤꦲꦲꦶꦁꦲꦶꦥꦠ꧀ꦲꦶꦥꦠ꧀ꦱꦶ​꧊ꦏꦺꦤꦲꦤ꧀!ꦢꦢꦶꦪꦧꦠꦸꦫꦺꦧꦠꦸꦫꦺꦱꦼꦢꦸꦭꦸꦂꦱꦼꦢꦸꦭꦸꦂꦫꦺ꧉​

^9:26 ꦥꦶꦤꦸꦗꦶꦪꦲꦭ꧀ꦭꦃꦲꦺ​꧊ꦱꦺꦩ꧀!​꧊ꦏꦺꦤꦲꦤ꧀ꦧꦏꦭ꧀ꦢꦢꦶꦧꦠꦸꦂꦫꦺ​꧊ꦱꦺꦩ꧀꧉​

^9:27 ꦄꦭ꧀ꦭꦃꦩꦫꦶꦁꦔꦤꦲꦺꦴꦩ꧀ꦧꦺꦂꦩꦫꦁ​꧊ꦪꦥ꦳ꦺꦠ꧀꧈​ꦏꦉꦧꦺꦤ꧀ꦩꦁꦒꦺꦴꦤ꧀ꦧꦼꦧꦉꦁꦔꦤ꧀ꦏꦫꦺꦴꦠꦸꦫꦸꦤ꧀ꦤꦺ​꧊ꦱꦺꦩ꧀꧉​ꦢꦺꦤꦺ​꧊ꦏꦺꦤꦲꦤ꧀ꦏꦸꦮꦶꦧꦏꦭ꧀ꦢꦢꦶꦧꦠꦸꦂꦫꦺ​꧊ꦪꦥ꦳ꦺꦠ꧀!"

^9:28 ꦱꦮꦶꦱ꧀ꦱꦺꦧꦚ꧀ꦗꦶꦂꦥꦠꦺꦴꦥ꧀ꦥꦤ꧀​꧊ꦤꦸꦃꦲꦶꦱꦶꦃꦒꦶꦤꦚ꧀ꦗꦂꦲꦸꦩꦸꦂꦠꦼꦭꦸꦁꦲꦠꦸꦱ꧀ꦱꦺꦏꦼꦠ꧀ꦠꦲꦸꦤ꧀꧉​

^9:29 ꦤꦭꦶꦏꦠꦶꦭꦂꦢꦺꦴꦚꦲꦸꦩꦸꦂꦫꦺ​꧊ꦤꦸꦃ950ꦠꦲꦸꦤ꧀꧉​