Alkitab/Purwaning Dumadi/7

^7:1 ꦒꦸꦱ꧀ꦠꦶꦄꦭ꧀ꦭꦃꦤꦸꦭꦶꦔꦤ꧀ꦢꦶꦏꦩꦫꦁ​꧊ꦤꦸꦃ꧈​"ꦏꦺꦴꦮꦺꦭꦤ꧀ꦱꦧꦿꦪꦠ꧀ꦩꦸꦏꦧꦺꦃꦥꦝꦩ꧀ꦭꦼꦧꦸꦮꦲꦶꦁꦥꦿꦲꦸ꧈​ꦲꦮꦶꦠ꧀ꦢꦏ꧀ꦠꦶꦔꦭ꧀ꦭꦶꦩꦸꦁꦏꦺꦴꦮꦺꦝꦺꦮꦺꦏꦁꦩ꧀ꦧꦔꦸꦤ꧀ꦠꦸꦫꦸꦠ꧀ꦩꦫꦁꦝꦮꦸꦃꦏꦸ꧉​

^7:2 ꦔ꧀ꦒꦮꦲꦱꦧꦼꦤ꧀ꦗꦶꦤꦶꦱ꧀ꦱꦺꦏꦺꦮꦤ꧀ꦱꦶꦁꦏꦭꦭ꧀ꦩꦶꦠꦸꦁꦗꦺꦴꦝꦺꦴ꧈​ꦭꦤ꧀ꦱꦧꦼꦤ꧀ꦗꦶꦤꦶꦱ꧀ꦏꦺꦮꦤ꧀ꦱꦶꦁꦲꦺꦴꦫꦏꦭꦭ꧀ꦚꦼꦗꦺꦴꦝꦺꦴ꧉​

^7:3 ꦲꦶꦪꦔ꧀ꦒꦮꦲꦱꦧꦼꦤ꧀ꦗꦶꦤꦶꦱ꧀ꦩꦤꦸꦏ꧀ꦩꦶꦠꦸꦁꦗꦺꦴꦝꦺꦴ꧈​ꦱꦸꦥꦪꦱꦧꦼꦤ꧀ꦗꦶꦤꦶꦱ꧀ꦏꦺꦮꦤ꧀ꦭꦤ꧀ꦩꦤꦸꦏ꧀ꦲꦺꦴꦫꦏꦠꦸꦠ꧀ꦏꦱꦶꦂꦤꦏ꧀ꦏꦏꦺ꧈​ꦧꦶꦱꦲꦠꦁꦏꦂꦠꦸꦩꦁꦏꦂꦩꦼꦤꦺꦃꦲꦤꦲꦶꦁꦧꦸꦩꦶ꧉​

^7:4 ꦥꦶꦠꦸꦁꦢꦶꦤꦲꦼꦁꦏꦱ꧀ꦲꦏꦸꦧꦏꦭ꧀ꦤꦼꦏꦏ꧀ꦏꦏꦺꦲꦸꦢꦤ꧀ꦢꦼꦉꦱ꧀ꦔꦤ꧀ꦠꦶꦥꦠꦁꦥꦸꦭꦸꦃꦢꦶꦤꦭꦮꦱ꧀ꦱꦺ꧈​ꦱꦸꦥꦪꦱꦏꦺꦃꦲꦶꦁꦠꦶꦠꦃꦱꦶꦁꦲꦸꦫꦶꦥ꧀ꦩꦠꦶꦏꦧꦺꦃ꧉"​

^7:5 ​꧊ꦤꦸꦃꦤꦸꦭꦶꦔꦺꦱ꧀ꦠꦺꦴꦏ꧀ꦏꦏꦺꦲꦥꦱꦝꦮꦸꦃꦲꦺꦒꦸꦱ꧀ꦠꦶꦄꦭ꧀ꦭꦃ꧉​

^7:6 ꦤꦭꦶꦏꦧꦚ꧀ꦗꦶꦂꦥꦠꦺꦴꦥ꧀ꦥꦤ꧀ꦔꦼꦊꦧ꧀ꦧꦶꦧꦸꦩꦶꦩꦲꦸ​꧊ꦤꦸꦃꦲꦸꦩꦸꦂ600ꦠꦲꦸꦤ꧀꧉​

^7:7 ​꧊ꦤꦸꦃꦭꦤ꧀ꦧꦺꦴꦗꦺꦴꦤꦺ꧈​ꦲꦤꦏ꧀ꦲꦤꦏ꧀ꦏꦺꦭꦤ꧀ꦥꦫꦩꦤ꧀ꦠꦸꦤꦺꦮꦢꦺꦴꦤ꧀ꦥꦝꦩ꧀ꦭꦼꦧꦸꦏꦧꦺꦃꦲꦤꦲꦶꦁꦥꦿꦲꦸ꧈​ꦔꦺꦴꦚ꧀ꦕꦠ꧀ꦠꦶꦧꦚ꧀ꦗꦶꦂꦥꦠꦺꦴꦥ꧀ꦥꦤ꧀꧉​

^7:8 ꦏꦺꦮꦤ꧀ꦱꦶꦁꦏꦭꦭ꧀ꦭꦤ꧀ꦏꦺꦮꦤ꧀ꦱꦶꦁꦲꦺꦴꦫꦏꦭꦭ꧀꧈​ꦲꦥꦢꦺꦤꦺꦩꦤꦸꦏ꧀ꦭꦤ꧀ꦱꦼꦝꦺꦔꦃꦠꦶꦠꦃꦱꦶꦁꦢꦸꦮꦺꦚꦮ꧈​

^7:9 ꦥꦝꦤꦼꦏꦤꦶꦩꦫꦁ​꧊ꦤꦸꦃ꧈​ꦩ꧀ꦭꦼꦧꦸꦲꦶꦁꦥꦿꦲꦸꦚꦼꦗꦺꦴꦝꦺꦴ꧈​ꦏꦪꦱꦶꦁꦢꦢꦶꦝꦮꦸꦃꦲꦺꦄꦭ꧀ꦭꦃꦩꦫꦁ​꧊ꦤꦸꦃ꧉​

^7:10 ꦏꦼꦕꦿꦶꦠꦱꦮꦶꦱ꧀ꦱꦺꦥꦶꦠꦸꦁꦢꦶꦤꦩꦲꦸ꧈​ꦧꦚ꧀ꦗꦶꦂꦫꦺꦥꦠꦺꦴꦥ꧀ꦥꦤ꧀ꦔꦼꦊꦧ꧀ꦧꦶꦧꦸꦩꦶ꧉​

^7:11 ꦤꦭꦶꦏ​꧊ꦤꦸꦃꦲꦸꦩꦸꦂ600ꦠꦲꦸꦤ꧀꧈​ꦲꦶꦁꦱꦱꦶꦏꦥꦶꦤ꧀ꦝꦺꦴꦠꦁꦒꦭ꧀ꦭꦺꦥꦶꦁꦥꦶꦠꦸꦭꦱ꧀꧈​ꦤꦸꦗꦸꦲꦶꦁꦢꦶꦤꦏꦸꦮꦶꦱꦏꦺꦃꦲꦺꦱꦸꦩ꧀ꦧꦼꦂꦫꦶꦁꦱꦼꦒꦫꦱꦶꦁꦲꦤꦲꦶꦁꦱꦔꦶꦱꦺꦴꦂꦫꦶꦁꦧꦸꦩꦶꦥꦝꦧꦼꦝꦃ꧈​ꦭꦤ꧀ꦭꦮꦁꦔꦶꦁꦭꦔꦶꦠ꧀ꦥꦝꦏꦮꦼꦔꦏ꧀ꦏꦏꦺ꧈​

^7:12 ꦠꦼꦩꦃꦲꦸꦢꦤ꧀ꦢꦼꦉꦱ꧀ꦏꦲꦼꦱꦺꦴꦏ꧀ꦏꦏꦺꦲꦶꦁꦧꦸꦩꦶꦭꦮꦱ꧀ꦱꦺꦔꦤ꧀ꦠꦶꦥꦠꦁꦥꦸꦭꦸꦃꦢꦶꦤꦥꦠꦁꦥꦸꦭꦸꦃꦧꦼꦔꦶ꧉​

^7:13 ꦧꦉꦁꦱꦼꦢꦶꦤꦲꦶꦏꦸꦲꦸꦒ​꧊ꦤꦸꦃꦩ꧀ꦭꦼꦧꦸꦲꦶꦁꦥꦿꦲꦸꦧꦼꦧꦉꦁꦔꦤ꧀ꦏꦫꦺꦴꦲꦤꦏ꧀ꦲꦤꦏ꧀ꦏꦺ:​꧊ꦱꦺꦩ꧀꧈​​꧊ꦏꦩ꧀ꦭꦤ꧀​꧊ꦪꦥ꦳ꦺꦠ꧀꧈​ꦩꦼꦁꦏꦺꦴꦤꦺꦴꦲꦸꦒꦧꦺꦴꦗꦺꦴꦤꦺ​꧊ꦤꦸꦃꦭꦤ꧀ꦥꦫꦲꦤꦏ꧀ꦩꦤ꧀ꦠꦸꦤꦺꦮꦢꦺꦴꦤ꧀ꦠꦼꦭꦸꦲꦶꦪꦥꦝꦩꦺꦭꦸ꧉​

^7:14 ꦧꦉꦁꦏꦫꦺꦴ​꧊ꦤꦸꦃꦩꦲꦸꦲꦶꦪꦥꦝꦩꦺꦭꦸꦩ꧀ꦭꦼꦧꦸꦥꦿꦲꦸ꧈​ꦱꦧꦼꦤ꧀ꦗꦶꦤꦶꦱ꧀ꦏꦺꦮꦤ꧀ꦲꦶꦔꦺꦴꦤ꧀ꦲꦶꦔꦺꦴꦤ꧀ꦭꦤ꧀ꦏꦺꦮꦤ꧀ꦲꦭꦱ꧀ꦱꦤ꧀꧈​ꦒꦼꦝꦺꦕꦶꦭꦶꦏ꧀꧈​ꦲꦥꦩꦼꦤꦺꦃꦱꦧꦼꦤ꧀ꦗꦶꦤꦶꦱ꧀ꦩꦤꦸꦏ꧀꧈​

^7:15 ꦱꦧꦼꦤ꧀ꦗꦶꦤꦶꦱ꧀ꦚꦼꦗꦺꦴꦝꦺꦴꦚꦼꦗꦺꦴꦝꦺꦴ꧈​

^7:16 ꦏꦪꦱꦶꦁꦢꦢꦶꦝꦮꦸꦃꦲꦺꦒꦸꦱ꧀ꦠꦶꦄꦭ꧀ꦭꦃꦩꦫꦁ​꧊ꦤꦸꦃ꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦒꦸꦱ꧀ꦠꦶꦄꦭ꧀ꦭꦃꦥꦶꦪꦩ꧀ꦧꦏ꧀ꦔꦶꦤꦼꦧ꧀ꦧꦏꦺꦭꦮꦁꦔꦺꦥꦿꦲꦸ꧉​

^7:17 ꦧꦚ꧀ꦗꦶꦂꦥꦠꦺꦴꦥ꧀ꦥꦤ꧀ꦩꦲꦸꦱꦪꦩꦸꦤ꧀ꦝꦏ꧀ꦒꦼꦝꦺ꧈​ꦔꦤ꧀ꦠꦶꦥꦠꦁꦥꦸꦭꦸꦃꦢꦶꦤꦭꦮꦱ꧀ꦱꦺ꧈​ꦔꦼꦊꦧ꧀ꦧꦶꦧꦸꦩꦶ꧈​

^7:18 ꦠꦼꦩꦃꦥꦿꦲꦸꦤꦺꦏꦲꦁꦏꦠ꧀꧈​ꦏꦸꦩꦩ꧀ꦧꦁꦲꦤꦲꦶꦁꦱꦤ꧀ꦝꦸꦮꦸꦂꦫꦺꦧꦚꦸ꧉​

^7:19 ꦧꦚꦸꦤꦺꦠꦤ꧀ꦱꦃꦩꦸꦤ꧀ꦝꦏ꧀ꦝꦸꦮꦸꦂ꧈​ꦠꦼꦩꦃꦤꦸꦠꦸꦥ꧀ꦥꦶꦱꦏꦺꦃꦲꦶꦁꦒꦸꦤꦸꦁꦱꦶꦁꦝꦸꦮꦸꦂꦝꦸꦮꦸꦂ꧈​ꦩꦭꦃꦲꦶꦪꦱꦶꦁꦝꦸꦮꦸꦂꦝꦺꦮꦺꦥꦶꦱꦤ꧀꧉​

^7:20 ꦲꦼꦁꦒꦺꦴꦤꦺꦩꦸꦤ꧀ꦝꦏ꧀ꦩꦸꦤ꧀ꦝꦏ꧀ꦝꦸꦮꦸꦂꦩꦲꦸꦔꦤ꧀ꦠꦶꦠꦼꦏꦤ꧀ꦥꦶꦠꦸꦁꦩꦺꦠꦼꦂꦱꦤ꧀ꦝꦸꦮꦸꦂꦫꦺꦥꦸꦕꦏ꧀ꦏꦺꦒꦸꦤꦸꦁꦒꦸꦤꦸꦁꦩꦲꦸ꧉​ꦠꦶꦠꦃꦱꦶꦁꦲꦤꦲꦶꦁꦧꦸꦩꦶꦥꦝꦩꦠꦶ;ꦩꦤꦸꦏ꧀꧈​ꦏꦺꦮꦤ꧀ꦭꦤ꧀ꦩꦤꦸꦁꦱ꧉​

^7:21 ꦱꦧꦼꦤ꧀ꦠꦶꦠꦃꦱꦶꦁꦲꦤꦲꦶꦁꦧꦸꦩꦶꦥꦝꦩꦠꦶ;ꦩꦤꦸꦏ꧀꧈​ꦏꦺꦮꦤ꧀ꦭꦤ꧀ꦩꦤꦸꦁꦱ꧉​

^7:22 ꦱꦏꦺꦃꦲꦶꦁꦩꦏ꧀ꦭꦸꦏ꧀ꦱꦶꦁꦲꦩ꧀ꦧꦼꦏ꧀ꦏꦤ꧀ꦥꦝꦩꦠꦶ꧉​

^7:23 ꦏꦪꦩꦼꦁꦏꦺꦴꦤꦺꦴꦲꦼꦁꦒꦺꦴꦤꦺꦒꦸꦱ꧀ꦠꦶꦄꦭ꧀ꦭꦃꦤꦸꦩ꧀ꦥꦼꦱ꧀ꦱꦏꦺꦃꦲꦶꦁꦠꦸꦩꦶꦠꦃꦲꦶꦁꦧꦸꦩꦶ:ꦩꦤꦸꦁꦱ꧈​ꦏꦺꦮꦤ꧀ꦭꦤ꧀ꦩꦤꦸꦏ꧀;ꦩꦸꦁꦏꦫꦶ​꧊ꦤꦸꦃꦭꦤ꧀ꦏꦧꦺꦃꦱꦶꦁꦧꦼꦧꦉꦁꦔꦤ꧀ꦏꦫꦺꦴ​꧊ꦤꦸꦃꦲꦤꦲꦶꦁꦥꦿꦲꦸꦩꦲꦸ꧉​

^7:24 ꦧꦚ꧀ꦗꦶꦂꦥꦠꦺꦴꦥ꧀ꦥꦤ꧀ꦩꦲꦸꦲꦺꦴꦫꦱꦸꦫꦸꦢ꧀ꦱꦸꦫꦸꦢ꧀꧈​ꦱꦸꦮꦺꦤꦺꦔꦤ꧀ꦠꦶꦱꦠꦸꦱ꧀ꦱꦺꦏꦼꦠ꧀ꦢꦶꦤ꧉​