Alkitab/Purwaning Dumadi/34

Saka Wikisumber

34:1 ꦲꦶꦁꦱꦮꦶꦗꦶꦤꦶꦁꦢꦶꦤꦢꦶꦤ꧈​ꦲꦤꦏ꧀ꦏꦺ​꧊ꦭꦺꦪꦏꦫꦺꦴ​꧊ꦪꦏꦸꦧ꧀꧈​ꦢꦺꦴꦭꦤ꧀ꦏꦫꦺꦴꦧꦺꦴꦕꦃꦧꦺꦴꦕꦃꦮꦢꦺꦴꦤ꧀​꧊ꦏꦺꦤꦲꦤ꧀꧉​
34:2 ꦤꦭꦶꦏ​꧊ꦱꦶꦏꦺꦩ꧀꧈​ꦲꦤꦏ꧀ꦏꦺ​꧊ꦲꦩꦺꦴꦂꦮꦺꦴꦁ​꧊ꦲꦺꦮꦶ꧈​ꦱꦶꦁꦢꦢꦶꦫꦗꦲꦤꦲꦶꦁꦏꦺꦴꦤꦺꦴ꧈​ꦮꦼꦫꦸꦃ꧈​ꦢꦶꦤꦧꦚ꧀ꦗꦸꦂꦢꦶꦕꦸꦭꦶꦏ꧀ꦭꦤ꧀ꦢꦶꦥꦼꦏ꧀ꦱꦢꦶꦏꦸꦩ꧀ꦥꦸꦭ꧀ꦭꦶ꧉​
34:3 ​꧊ꦱꦶꦏꦺꦩ꧀ꦩꦲꦸꦏꦼꦥꦺꦚ꧀ꦕꦸꦠ꧀ꦏꦫꦺꦴꦢꦶꦤ꧈​ꦲꦤꦏ꧀ꦏꦺ​꧊ꦪꦏꦸꦧ꧀꧈​ꦩꦸꦭꦧꦺꦴꦕꦃꦮꦢꦺꦴꦤ꧀ꦩꦲꦸꦢꦶꦫꦶꦩꦸꦏ꧀ꦲꦉꦥ꧀ꦢꦶꦥꦺꦏ꧀ꦧꦺꦴꦗꦺꦴ꧉​
34:4 ​꧊ꦱꦶꦏꦺꦩ꧀ꦏꦤ꧀ꦝꦏꦫꦺꦴꦧꦥꦏ꧀ꦤꦺ꧈​"ꦧꦥꦏ꧀ꦏꦸꦭꦲꦠꦸꦂꦫꦶꦩ꧀ꦧꦸꦢꦶꦢꦪ꧈​ꦱꦸꦥꦢꦺꦴꦱ꧀ꦭꦫꦺꦲꦺꦱ꧀ꦠꦿꦶꦩꦼꦤꦶꦏꦢꦢꦺꦴꦱ꧀ꦱꦺꦩꦃꦏꦸꦭ꧉"​
34:5 ​꧊ꦪꦏꦸꦧ꧀ꦏꦿꦸꦔꦸꦪꦺꦤ꧀ꦲꦤꦏ꧀ꦏꦺꦮꦢꦺꦴꦤ꧀ꦮꦶꦱ꧀ꦢꦶꦫꦸꦱꦸꦃꦲꦶ꧈​ꦤꦁꦔꦶꦁꦱꦫꦺꦃꦤꦺꦲꦤꦏ꧀ꦲꦤꦏ꧀ꦏꦺꦭꦒꦶꦥꦝꦲꦔꦺꦴꦤ꧀ꦮꦼꦝꦸꦱ꧀ꦮꦼꦝꦸꦱ꧀ꦱꦺꦲꦤꦲꦶꦁꦲꦫꦲꦫ꧈​ꦢꦢꦶꦩꦸꦁꦩꦼꦤꦼꦁꦮꦲꦺ꧈​ꦔꦼꦤ꧀ꦠꦺꦤ꧀ꦤꦶꦪꦺꦤ꧀ꦲꦤꦏ꧀ꦏꦺꦮꦶꦱ꧀ꦥꦝꦠꦼꦏ꧉​
34:6 ​꧊ꦲꦩꦺꦴꦂ꧈​ꦧꦥꦏ꧀ꦤꦺ​꧊ꦱꦶꦏꦺꦩ꧀ꦠꦼꦏ꧈​ꦲꦉꦥ꧀ꦉꦩ꧀ꦧꦸꦒꦤ꧀ꦏꦫꦺꦴ​꧊ꦪꦏꦸꦧ꧀꧉​
34:7 ꦤꦭꦶꦏꦱꦼꦩꦺꦴꦤꦺꦴꦲꦤꦏ꧀ꦲꦤꦏ꧀ꦏꦺ​꧊ꦪꦏꦸꦧ꧀ꦥꦶꦤꦸꦗꦸꦠꦼꦏꦱꦏꦥꦔꦺꦴꦤ꧀ꦤꦤ꧀꧉​ꦧꦉꦁꦥꦝꦏꦿꦸꦔꦸꦧꦧ꧀ꦊꦭꦏꦺꦴꦤ꧀ꦩꦲꦸꦥꦝꦏꦒꦺꦠ꧀ꦧꦔꦼꦠ꧀ꦭꦤ꧀ꦱꦤꦭꦶꦏꦩꦸꦤ꧀ꦠꦧ꧀꧉​ꦱꦼꦧꦧ꧀ꦱꦿꦤꦠꦸꦩꦶꦤ꧀ꦢꦏ꧀ꦏꦺ꧈​ꦩꦼꦏ꧀ꦱꦔꦸꦩ꧀ꦥꦸꦭ꧀ꦭꦶꦲꦤꦏ꧀ꦏꦺ​꧊ꦪꦏꦸꦧ꧀ꦩꦲꦸ꧈​​꧊ꦱꦶꦏꦺꦩ꧀ꦒꦮꦺꦮꦶꦫꦁꦔꦺꦮꦺꦴꦁ​꧊ꦆꦱꦿꦲꦺꦭ꧀ꦏꦧꦺꦃ꧉​
34:8 ​꧊ꦲꦩꦺꦴꦂꦏꦤ꧀ꦝꦏꦫꦺꦴ​꧊ꦪꦏꦸꦧ꧀ꦩꦼꦁꦏꦺꦤꦺ꧈​"ꦲꦤꦏ꧀ꦏꦸꦭ​꧊ꦱꦶꦏꦺꦩ꧀ꦏꦼꦥꦺꦚ꧀ꦕꦸꦠ꧀ꦝꦠꦼꦁꦏꦁꦥꦸꦠꦿꦢꦶꦤ꧉​ꦏꦼꦥꦉꦁꦔꦥꦚ꧀ꦗꦼꦤꦼꦁꦔꦤ꧀ꦔꦶꦢꦶꦤ꧀ꦤꦶꦲꦤꦏ꧀ꦏꦸꦭꦏꦮꦶꦤ꧀ꦏꦭꦶꦪꦤ꧀ꦢꦶꦤ꧉​
34:9 ꦧꦁꦱꦏꦸꦭꦭꦤ꧀ꦧꦁꦱꦥꦚ꧀ꦗꦼꦤꦼꦁꦔꦤ꧀ꦥꦿꦪꦺꦴꦒꦶꦱꦩꦶꦧꦼꦧꦺꦱꦤ꧀ꦤꦤ꧀꧉​
34:10 ꦩꦁꦏꦺꦥꦚ꧀ꦗꦼꦤꦼꦁꦔꦤ꧀ꦱꦒꦼꦢ꧀ꦊꦱ꧀ꦠꦤ꧀ꦠꦸꦤ꧀ꦩꦁꦒꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦶ꧈​ꦱꦼꦱꦉꦁꦔꦤ꧀ꦏꦭꦶꦪꦤ꧀ꦧꦁꦱꦏꦸꦭ꧈​ꦩꦼꦂꦢꦶꦏꦧꦝꦺꦩꦶꦭꦶꦃꦥꦁꦒꦺꦤ꧀ꦤꦤ꧀ꦥꦸꦤ꧀ꦢꦶꦏꦺꦩꦮꦺꦴꦤ꧀ꦲꦶꦁꦏꦁꦥꦚ꧀ꦗꦼꦤꦼꦁꦔꦤ꧀ꦏꦼꦂꦱꦏ꧀ꦏꦏꦼꦤ꧀꧉​ꦥꦚ꧀ꦗꦼꦤꦼꦁꦔꦤ꧀ꦮꦼꦤꦁꦔ꧀ꦒꦝꦃꦲꦶꦥꦱꦶꦠꦺꦤ꧀ꦭꦤ꧀ꦩꦼꦤꦮꦶꦔꦼꦂꦱꦏ꧀ꦏꦏꦼꦤ꧀ꦢꦼꦢꦒꦁꦔꦤ꧀ꦲꦶꦁꦒꦶꦃꦏꦺꦁꦔꦶꦁ꧈​ꦱꦏꦼꦂꦱꦥꦚ꧀ꦗꦼꦤꦼꦁꦔꦤ꧀꧉"​
34:11 ​꧊ꦱꦶꦏꦺꦩ꧀ꦏꦤ꧀ꦝꦏꦫꦺꦴꦧꦥꦏ꧀ꦤꦺꦢꦶꦤꦭꦤ꧀ꦏꦏꦁꦏꦏꦁꦤꦺ꧈​"ꦩꦼꦤꦮꦶꦥꦚ꧀ꦗꦼꦤꦼꦁꦔꦤ꧀ꦩꦫꦶꦁꦔꦏꦼꦤ꧀ꦢꦶꦤꦢꦢꦺꦴꦱ꧀ꦱꦺꦩꦃꦏꦸꦭ꧈​ꦩꦼꦤꦥꦏꦺꦩꦮꦺꦴꦤ꧀ꦲꦶꦁꦏꦁꦥꦚ꧀ꦗꦼꦤꦼꦁꦔꦤ꧀ꦏꦼꦂꦱꦏ꧀ꦏꦏꦼꦤ꧀ꦧꦝꦺꦏꦸꦭꦱꦲꦺꦴꦱ꧀ꦱꦏꦼꦤ꧀꧉​
34:12 ꦏꦸꦭꦲꦠꦸꦂꦫꦶꦔꦤ꧀ꦢꦶꦏꦏꦺꦩꦮꦺꦴꦤ꧀꧈​ꦫꦸꦥꦶꦩꦼꦤꦥ꧈​ꦭꦤ꧀ꦥꦶꦤ꧀ꦠꦼꦤ꧀ꦏꦛꦃꦲꦶꦥꦸꦤ꧀ꦠꦸꦩ꧀ꦧꦱ꧀ꦱꦤ꧀ꦲꦶꦁꦏꦁꦏꦼꦢꦃꦏꦸꦭꦲꦠꦸꦂꦫꦏꦼꦤ꧀꧈​ꦧꦝꦺꦏꦸꦭꦱꦲꦺꦴꦱꦶꦱꦏꦼꦂꦱꦥꦚ꧀ꦗꦼꦤꦼꦁꦔꦤ꧀꧈​ꦲꦸꦒꦼꦂꦭꦫꦺꦲꦺꦱ꧀ꦠꦿꦶꦩꦼꦤꦶꦏꦲꦁꦱꦭ꧀ꦏꦸꦭꦥꦼꦤ꧀ꦝꦼꦠ꧀ꦢꦢꦺꦴꦱ꧀ꦱꦺꦩꦃꦏꦸꦭ꧉"​
34:13 ꦱꦫꦺꦃꦤꦺ​꧊ꦱꦶꦏꦺꦩ꧀ꦮꦶꦱ꧀ꦔꦿꦸꦱꦸꦃꦲꦶꦢꦶꦤ꧈​ꦩꦸꦭꦤꦺꦏꦏꦁꦏꦏꦁꦤꦺꦧꦚ꧀ꦗꦸꦂꦥꦝꦔ꧀ꦒꦺꦴꦫꦺꦴꦃꦲꦶ​꧊ꦱꦶꦏꦺꦩ꧀ꦭꦤ꧀​꧊ꦲꦩꦺꦴꦂ꧈​ꦧꦥꦏ꧀ꦤꦺ꧈​
34:14 ꦩꦼꦁꦏꦺꦤꦺꦕ꧀ꦭꦛꦸꦤꦺ꧈​"ꦏꦸꦭꦩ꧀ꦧꦺꦴꦠꦼꦤ꧀ꦱꦩꦶꦱꦒꦼꦢ꧀ꦔꦶꦢꦶꦤ꧀ꦤꦶꦲꦝꦶꦏꦸꦭꦲꦁꦱꦭ꧀ꦠꦶꦪꦁꦲꦶꦁꦏꦁꦩ꧀ꦧꦺꦴꦠꦼꦤ꧀ꦠꦼꦠꦏ꧀꧉​
34:15 ꦏꦸꦭꦱꦩꦶꦱꦒꦼꦢ꧀ꦔꦶꦢꦶꦤ꧀ꦤꦶꦤꦩꦸꦁꦩꦮꦶꦱꦫꦠ꧀ꦱꦼꦠꦸꦁꦒꦭ꧀:ꦥꦚ꧀ꦗꦼꦤꦼꦁꦔꦤ꧀ꦏꦼꦢꦃꦢꦢꦺꦴꦱ꧀ꦏꦢꦺꦴꦱ꧀ꦏꦸꦭ꧈​ꦠꦼꦒꦼꦱ꧀ꦱꦶꦥꦸꦤ꧀꧈​ꦱꦼꦢꦪꦠꦶꦪꦁꦗꦊꦂꦲꦶꦁꦠꦼꦔꦃꦲꦶꦁꦧꦁꦱꦥꦚ꧀ꦗꦼꦤꦼꦁꦔꦤ꧀ꦏꦼꦢꦃꦢꦶꦥꦸꦤ꧀ꦠꦼꦠꦏ꧀ꦏꦶ꧈​
34:16 ꦤꦼꦩ꧀ꦧꦺꦏꦸꦭꦱꦒꦼꦢ꧀ꦚꦸꦏꦏ꧀ꦏꦏꦼꦤ꧀ꦲꦤꦏ꧀ꦲꦤꦏ꧀ꦏꦸꦭꦲꦺꦱ꧀ꦠꦿꦶꦝꦠꦼꦁꦥꦚ꧀ꦗꦼꦤꦼꦁꦔꦤ꧀ꦭꦤ꧀ꦩꦼꦤ꧀ꦝꦼꦠ꧀ꦥꦸꦠꦿꦥꦸꦠꦿꦲꦺꦱ꧀ꦠꦿꦶꦥꦚ꧀ꦗꦼꦤꦼꦁꦔꦤ꧀;ꦏꦸꦭꦭꦗꦼꦁꦧꦝꦺꦩꦁꦒꦺꦤ꧀ꦱꦼꦱꦉꦁꦔꦤ꧀ꦏꦭꦶꦪꦤ꧀ꦥꦚ꧀ꦗꦼꦤꦼꦁꦔꦤ꧀꧈​ꦭꦤ꧀ꦏꦶꦠꦧꦝꦺꦢꦢꦺꦴꦱ꧀ꦧꦁꦱꦱꦼꦠꦸꦁꦒꦭ꧀꧉​
34:17 ꦩꦼꦤꦮꦶꦥꦚ꧀ꦗꦼꦤꦼꦁꦔꦤ꧀ꦩ꧀ꦧꦺꦴꦠꦼꦤ꧀ꦏꦼꦂꦱꦤꦩ꧀ꦥꦶꦱꦫꦠ꧀ꦩꦼꦤꦶꦏ꧈​ꦢꦢꦺꦴꦱ꧀ꦩ꧀ꦧꦺꦴꦠꦼꦤ꧀ꦏꦼꦂꦱꦠꦼꦠꦏ꧀꧈​ꦏꦸꦭꦧꦝꦺꦱꦩꦶꦩꦼꦤ꧀ꦝꦼꦠ꧀ꦮꦁꦱꦸꦭ꧀ꦭꦫꦺꦲꦺꦱ꧀ꦠꦿꦶꦩꦼꦤꦶꦏ꧈​ꦭꦗꦼꦁꦏꦺꦱꦃꦱꦏꦶꦁꦔꦿꦶꦏꦶ꧉"​
34:18 ​꧊ꦲꦩꦺꦴꦂꦭꦤ꧀​꧊ꦱꦶꦏꦺꦩ꧀ꦔꦁꦒꦼꦥ꧀ꦱꦫꦠ꧀ꦱꦶꦁꦢꦶꦏꦤ꧀ꦝꦏ꧀ꦏꦏꦺꦢꦺꦤꦶꦁꦲꦤꦏ꧀ꦲꦤꦏ꧀ꦏꦺ​꧊ꦪꦏꦸꦧ꧀ꦩꦲꦸꦩꦸꦂꦮꦠ꧀꧉​
34:19 ꦩꦸꦭꦤꦺ​꧊ꦱꦶꦏꦺꦩ꧀ꦧꦚ꧀ꦗꦸꦂꦚꦫꦸꦗꦸꦏ꧀ꦏꦶꦠꦤ꧀ꦥꦢꦶꦥꦶꦏꦶꦂꦢꦮ꧈​ꦩꦼꦂꦒꦱꦏꦠꦽꦱ꧀ꦤꦤꦺꦩꦫꦁꦢꦶꦤ꧉​ꦩꦁꦏꦲꦶꦁꦲꦤ꧀ꦠꦫꦤꦺꦏꦸꦭꦮꦂꦒꦤꦺ꧈​​꧊ꦱꦶꦏꦺꦩ꧀ꦏꦸꦮꦶꦱꦶꦁꦏꦗꦺꦤ꧀ꦝꦺꦮꦺ꧉​
34:20 ​꧊ꦲꦩꦺꦴꦂꦭꦤ꧀​꧊ꦱꦶꦏꦺꦩ꧀ꦧꦚ꧀ꦗꦸꦂꦥꦝꦉꦩ꧀ꦧꦸꦒꦤ꧀ꦏꦫꦺꦴꦥꦫꦏꦮꦸꦭꦤꦺꦲꦤꦲꦶꦁꦒꦥꦸꦫꦤꦶꦁꦏꦸꦛ꧈​ꦩꦼꦁꦏꦺꦤꦺꦕ꧀ꦭꦛꦸꦤꦺ꧈​
34:21 "ꦮꦺꦴꦁꦮꦺꦴꦁ​꧊ꦆꦱꦿꦲꦺꦭ꧀ꦏꦸꦮꦶꦲꦠꦶꦤꦺꦧꦼꦕꦶꦏ꧀;ꦩꦸꦭꦤꦺꦏꦉꦧꦺꦤ꧀ꦧꦺꦧꦱ꧀ꦥꦝꦩꦁꦒꦺꦴꦤ꧀ꦢꦢꦶꦱꦶꦗꦶꦏꦫꦺꦴꦏꦶꦠꦲꦶꦁꦏꦺꦤꦺ꧉​ꦧꦸꦩꦶꦏꦶꦠꦫꦏ꧀ꦗꦼꦩ꧀ꦧꦂ꧉​ꦏꦉꦧꦺꦤ꧀ꦗꦏꦗꦏꦏꦶꦠꦥꦝꦏꦮꦶꦤ꧀ꦏꦫꦺꦴꦥꦿꦮꦤ꧀ꦥꦿꦮꦤ꧀ꦤꦺꦏꦤ꧈​ꦭꦤ꧀ꦗꦏꦗꦏꦤꦺꦏꦤꦏꦉꦧꦺꦤ꧀ꦏꦮꦶꦤ꧀ꦏꦫꦺꦴꦥꦿꦮꦤ꧀ꦥꦿꦮꦤ꧀ꦏꦺꦤꦺ꧉​
34:22 ꦤꦁꦔꦶꦁꦮꦺꦴꦁꦮꦺꦴꦁ​꧊ꦆꦱꦿꦲꦺꦭ꧀ꦩꦲꦸꦲꦼꦁꦒꦺꦴꦤꦺꦒꦼꦊꦩ꧀ꦩꦁꦒꦺꦴꦤ꧀ꦧꦼꦧꦉꦁꦔꦤ꧀ꦏꦫꦺꦴꦏꦶꦠꦲꦶꦁꦏꦺꦤꦺꦢꦢꦶꦱꦧꦁꦱ꧈​ꦲꦤꦱꦫꦠ꧀ꦠꦺꦱꦶꦗꦶ꧈​ꦪꦏꦸꦮꦶ:ꦏꦧꦺꦃꦮꦺꦴꦁꦭꦤꦁꦏꦶꦠꦏꦸꦢꦸꦠꦼꦠꦏ꧀꧈​ꦏꦪꦮꦺꦴꦁꦮꦺꦴꦁꦏꦤ꧉​
34:23 ꦩ꧀ꦧꦺꦱꦸꦏ꧀ꦫꦗꦏꦪꦤꦺꦭꦤ꧀ꦧꦫꦁꦢꦂꦧꦺꦏ꧀ꦏꦺꦫꦏ꧀ꦢꦢꦶꦢꦸꦮꦺꦏ꧀ꦏꦶꦠ꧉​ꦩꦸꦭꦤꦺꦧꦼꦕꦶꦏ꧀ꦩꦼꦤꦮꦏꦶꦠꦥꦝꦔꦿꦸꦗꦸꦏ꧀ꦏꦶꦥꦼꦚ꧀ꦗꦭꦸꦏ꧀ꦏꦺ꧉"​
34:24 ꦥꦫꦏꦮꦸꦭꦏꦧꦺꦃꦥꦝꦫꦸꦗꦸꦏ꧀ꦏꦫꦺꦴꦲꦸꦱꦸꦭ꧀ꦭꦺ​꧊ꦲꦩꦺꦴꦂꦭꦤ꧀​꧊ꦱꦶꦏꦺꦩ꧀꧈​ꦔꦤ꧀ꦠꦶꦮꦺꦴꦁꦭꦤꦁꦏꦧꦺꦃꦲꦶꦁꦏꦸꦛꦏꦺꦴꦤꦺꦴꦥꦝꦢꦶꦠꦼꦠꦏ꧀ꦏꦶ꧉​
34:25 ꦏꦺꦴꦕꦥ꧀ꦥꦧꦉꦁꦠꦼꦭꦸꦁꦢꦶꦤꦤꦺ꧈​ꦤꦭꦶꦏꦮꦺꦴꦁꦮꦺꦴꦁꦱꦶꦁꦢꦶꦠꦼꦠꦏ꧀ꦏꦶꦩꦲꦸꦭꦒꦶꦭꦫꦭꦫꦤꦺ꧈​ꦲꦤꦏ꧀ꦏꦺ​꧊ꦪꦏꦸꦧ꧀ꦭꦺꦴꦫꦺꦴ꧈​​꧊ꦱꦶꦩꦺꦪꦺꦴꦤ꧀ꦭꦤ꧀​꧊ꦭꦺꦮꦶ꧈​ꦏꦏꦁꦤꦺꦢꦶꦤ꧈​ꦥꦝꦚ꧀ꦗꦸꦥꦸꦏ꧀ꦥꦼꦝꦁ꧈​ꦤꦸꦭꦶꦤ꧀ꦭꦸꦱꦸꦥ꧀ꦩ꧀ꦭꦼꦧꦸꦲꦶꦁꦏꦸꦛ꧈​ꦩꦠꦺꦤ꧀ꦤꦶꦏꦧꦺꦃꦮꦺꦴꦁꦭꦤꦁꦱꦶꦁꦲꦤꦲꦶꦁꦏꦺꦴꦤꦺꦴ꧈​
34:26 ꦲꦸꦒ​꧊ꦲꦩꦺꦴꦂꦭꦤ꧀​꧊ꦱꦶꦏꦺꦩ꧀꧉​ꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦢꦶꦤꦱꦏꦲꦺꦴꦩꦃꦲꦺ​꧊ꦱꦶꦏꦺꦩ꧀꧈​ꦢꦶꦒꦮꦩꦸꦭꦶꦃ꧉​
34:27 ꦲꦤꦏ꧀ꦲꦤꦏ꧀ꦏꦺ​꧊ꦪꦏꦸꦧ꧀ꦭꦶꦪꦤꦺꦥꦝꦚ꧀ꦗꦫꦃꦫꦪꦃꦏꦸꦛꦩꦲꦸꦏꦁꦒꦺꦴꦩꦊꦱ꧀꧈​ꦩꦼꦂꦒꦲꦝꦶꦤꦺꦮꦶꦱ꧀ꦢꦶꦒꦮꦺꦮꦶꦫꦁ꧉​
34:28 ꦮꦼꦝꦸꦱ꧀꧈​ꦱꦥꦶ꧈​ꦏꦸꦭ꧀ꦢꦶꦭꦤ꧀ꦏꦧꦺꦃꦱꦶꦁꦲꦤꦲꦶꦁꦏꦸꦛꦭꦤ꧀ꦲꦶꦁꦥꦔꦺꦴꦤ꧀ꦤꦤ꧀ꦢꦶꦗꦫꦃꦫꦪꦃ꧉​
34:29 ꦏꦧꦺꦃꦱꦶꦁꦥꦼꦔꦗꦶꦢꦶꦗꦸꦥꦸꦏ꧀꧉​ꦮꦺꦴꦁꦮꦢꦺꦴꦤ꧀ꦭꦤ꧀ꦧꦺꦴꦕꦃꦧꦺꦴꦕꦃꦢꦶꦕꦼꦏꦼꦭ꧀꧈​ꦭꦤ꧀ꦲꦶꦱꦶꦤꦺꦲꦺꦴꦩꦃꦲꦺꦴꦩꦃꦲꦶꦁꦏꦸꦛꦏꦺꦴꦤꦺꦴꦢꦶꦫꦩ꧀ꦥꦱ꧀ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦤ꧀꧉​
34:30 ​꧊ꦪꦏꦸꦧ꧀ꦧꦚ꧀ꦗꦸꦂꦏꦤ꧀ꦝꦏꦫꦺꦴ​꧊ꦱꦶꦩꦺꦪꦺꦴꦤ꧀ꦭꦤ꧀​꧊ꦭꦺꦮꦶ꧈​"ꦏꦺꦴꦮꦺꦥꦝꦒꦮꦺꦱꦸꦱꦃꦏꦸ꧉​ꦱꦲꦶꦏꦶꦮꦺꦴꦁ​꧊ꦏꦺꦤꦲꦤ꧀ꦭꦤ꧀ꦮꦺꦴꦁ​꧊ꦥ꦳ꦺꦫꦶꦱ꧀꧈​ꦱꦂꦠꦏꦧꦺꦃꦮꦺꦴꦁꦲꦶꦁꦤꦼꦒꦫꦏꦺꦤꦺꦧꦏꦭ꧀ꦥꦝꦱꦼꦔꦶꦠ꧀ꦏꦫꦺꦴꦲꦏꦸ꧉​ꦏꦶꦠꦫꦏ꧀ꦩꦸꦁꦮꦺꦴꦁꦱꦼꦛꦶꦛꦶꦏ꧀꧉​ꦪꦺꦤ꧀ꦮꦺꦴꦁꦥꦿꦶꦧꦸꦩꦶꦏꦺꦤꦺꦥꦝꦱꦲꦶꦪꦼꦒ꧀ꦔ꧀ꦭꦮꦤ꧀ꦲꦏꦸꦭꦤ꧀ꦤꦼꦩ꧀ꦥꦸꦃꦲꦏꦸ꧈​ꦲꦥꦏꦶꦠꦱꦼꦧꦿꦪꦠ꧀ꦲꦺꦴꦫꦧꦏꦭ꧀ꦩꦸꦱ꧀ꦤ?"
34:31 ꦤꦁꦔꦶꦁꦥꦝꦩꦁꦱꦸꦭ꧀ꦭꦶ꧈​"ꦏꦸꦭꦩ꧀ꦧꦺꦴꦠꦼꦤ꧀ꦠꦿꦶꦩꦃꦲꦝꦶꦏꦸꦭꦢꦶꦥꦸꦤ꧀ꦒꦫꦥ꧀ꦏꦢꦺꦴꦱ꧀ꦱꦸꦤ꧀ꦢꦼꦭ꧀꧉"​