Alkitab/Purwaning Dumadi/21

^21:1 ꦏꦼꦕꦿꦶꦠꦒꦸꦱ꧀ꦠꦶꦄꦭ꧀ꦭꦃꦩꦁꦒꦶꦃꦲꦶ​꧊ꦱꦫꦃ꧈​ꦏꦪꦱꦶꦁꦮꦶꦱ꧀ꦢꦶꦔꦤ꧀ꦢꦶꦏꦏ꧀ꦏꦏꦺ꧈​ꦥꦽꦭꦸꦔ꧀ꦭꦼꦏ꧀ꦱꦤꦤꦶꦗꦚ꧀ꦗꦶꦤꦺ꧉​

^21:2 ꦩꦸꦭꦤꦺ​꧊ꦱꦫꦃꦧꦚ꧀ꦗꦸꦂꦔꦤ꧀ꦝꦼꦒ꧀ꦭꦤ꧀ꦩ꧀ꦧꦧꦂꦲꦤꦏ꧀ꦭꦤꦁ꧈​ꦥꦠꦸꦠ꧀ꦠꦤ꧀ꦱꦏ​꧊ꦄꦧꦿꦲꦩ꧀꧉​ꦏꦼꦭꦏꦺꦴꦤꦺꦩꦲꦸꦠꦽꦥ꧀ꦲꦶꦁꦮꦼꦏ꧀ꦠꦸꦱꦶꦁꦮꦶꦱ꧀ꦢꦶꦠꦼꦩ꧀ꦠꦺꦴꦏ꧀ꦏꦏꦺꦢꦺꦤꦶꦁꦄꦭ꧀ꦭꦃ꧈​ꦱꦼꦤꦗꦤ꧀​꧊ꦄꦧꦿꦲꦩ꧀ꦮꦶꦱ꧀ꦠꦸꦮ꧉​

^21:3 ꦧꦪꦶꦤꦺꦧꦚ꧀ꦗꦸꦂꦢꦶꦗꦼꦤꦼꦁꦔꦏꦺ:​꧊ꦆꦱ꧀ꦏꦏ꧀꧉​

^21:4 ꦧꦉꦁꦲꦸꦩꦸꦂꦮꦺꦴꦭꦸꦁꦢꦶꦤꦧꦪꦶꦩꦲꦸꦢꦶꦠꦼꦠꦏ꧀ꦏꦶ꧉​

^21:5 ꦤꦭꦶꦏꦤꦼꦠꦏ꧀ꦏꦶ​꧊ꦆꦱ꧀ꦏꦏ꧀꧈​​꧊ꦄꦧꦿꦲꦩ꧀ꦲꦸꦩꦸꦂꦱꦠꦸꦱ꧀ꦠꦲꦸꦤ꧀꧉​

^21:6 ​꧊ꦱꦫꦃꦩꦸꦤꦶꦔꦺꦤꦺ꧈​"ꦱꦼꦩꦺꦤꦺꦒꦸꦱ꧀ꦠꦶꦄꦭ꧀ꦭꦃꦲꦼꦁꦒꦺꦴꦤꦺꦥꦫꦶꦁꦏꦧꦼꦒ꧀ꦗꦤ꧀ꦩꦫꦁꦲꦏꦸ꧈​ꦔꦤ꧀ꦠꦶꦲꦏꦸꦔ꧀ꦒꦸꦪꦸ꧉​

^21:7 ꦱꦥꦱꦶꦁꦏꦿꦸꦔꦸꦩꦼꦱ꧀ꦛꦶꦧꦏꦭ꧀ꦔ꧀ꦒꦼꦒꦸꦪꦸꦲꦏꦸ꧉​ꦝꦺꦏ꧀ꦧꦶꦪꦺꦤ꧀ꦱꦥꦮꦤꦶꦏꦤ꧀ꦝꦏꦫꦺꦴ​꧊ꦄꦧꦿꦲꦩ꧀ꦪꦺꦤ꧀ꦲꦏꦸꦧꦏꦭ꧀ꦢꦸꦮꦺꦲꦤꦏ꧀?ꦲꦺꦮꦱꦼꦩꦺꦴꦤꦺꦴꦱꦲꦶꦏꦶꦲꦏꦸꦏꦼꦭꦏꦺꦴꦤ꧀ꦢꦸꦮꦺꦲꦤꦏ꧀꧈​ꦱꦼꦤꦗꦤ꧀ꦧꦺꦴꦗꦺꦴꦏꦸꦮꦶꦱ꧀ꦠꦸꦮꦧꦔꦼꦠ꧀꧉"​

^21:8 ꦧꦺꦴꦕꦃꦲꦺꦩꦸꦤ꧀ꦝꦏ꧀ꦒꦼꦝꦺꦭꦤ꧀ꦤꦭꦶꦏꦢꦶꦱꦥꦶꦃ꧈​​꧊ꦄꦧꦿꦲꦩ꧀ꦔꦤꦏ꧀ꦏꦏꦺꦥꦺꦱ꧀ꦠꦱꦸꦏꦸꦂꦫꦤ꧀ꦒꦼꦝꦺꦤ꧀꧉​

^21:9 ꦲꦶꦁꦱꦮꦶꦗꦶꦤꦶꦁꦢꦶꦤ꧈​ꦤꦭꦶꦏ​꧊ꦆꦱ꧀ꦩꦲꦺꦭ꧀꧈​ꦲꦤꦏ꧀ꦏꦺ​꧊ꦄꦧꦿꦲꦩ꧀ꦥꦠꦸꦠ꧀ꦠꦤ꧀ꦱꦏ​꧊ꦲꦒꦂ꧈​ꦮꦺꦴꦁ​꧊ꦩꦺꦱꦶꦂ꧈​ꦭꦒꦶꦢꦺꦴꦭꦤ꧀ꦤꦤ꧀ꦏꦫꦺꦴ​꧊ꦆꦱ꧀ꦏꦏ꧀꧈​

^21:10 ​꧊ꦱꦫꦃꦩꦠꦸꦂꦏꦫꦺꦴ​꧊ꦄꦧꦿꦲꦩ꧀꧈​"​꧊ꦲꦒꦂꦭꦤ꧀ꦲꦤꦏ꧀ꦏꦶꦥꦸꦤ꧀ꦩꦼꦤꦶꦏꦥꦚ꧀ꦗꦼꦤꦼꦁꦔꦤ꧀ꦏꦺꦱꦃꦲꦏꦼꦤ꧀꧉​ꦲꦤꦏ꧀ꦏꦶꦥꦸꦤ꧀ꦫꦺꦚ꧀ꦕꦁꦠꦸꦩ꧀ꦧꦱꦤ꧀ꦩꦼꦤꦶꦏꦩ꧀ꦧꦺꦴꦠꦼꦤ꧀ꦏꦺꦁꦔꦶꦁꦠꦸꦩꦸꦠ꧀ꦤꦩ꧀ꦥꦶꦮꦫꦶꦱ꧀ꦱꦤ꧀꧉​ꦱꦼꦢꦪꦮꦫꦶꦱ꧀ꦱꦤ꧀ꦩꦼꦤꦶꦏꦲꦏ꧀ꦏꦶꦥꦸꦤ꧀ꦲꦤꦏ꧀ꦏꦸꦭ​꧊ꦆꦱ꧀ꦏꦏ꧀꧉"​

^21:11 ꦲꦠꦸꦂꦫꦺ​꧊ꦱꦫꦃꦱꦶꦁꦩꦼꦁꦏꦺꦴꦤꦺꦴꦩꦲꦸꦒꦮꦺꦱꦼꦫꦶꦏ꧀ꦏꦶꦁꦲꦠꦶꦤꦺ​꧊ꦄꦧꦿꦲꦩ꧀꧈​ꦩꦼꦂꦒ​꧊ꦆꦱ꧀ꦩꦲꦺꦭ꧀ꦏꦸꦮꦶꦲꦶꦪꦲꦤꦏ꧀ꦏꦺ꧉​

^21:12 ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦄꦧꦿꦲꦩ꧀꧈​"ꦏꦺꦴꦮꦺꦲꦗꦔꦼꦧꦺꦴꦠ꧀ꦠꦏꦺ​꧊ꦆꦱ꧀ꦩꦲꦺꦭ꧀ꦭꦤ꧀​꧊ꦲꦒꦂ꧉​ꦲꦥꦱꦥꦼꦚ꧀ꦗꦭꦸꦏ꧀ꦏꦺ​꧊ꦱꦫꦃꦏꦸꦮꦶꦠꦸꦫꦸꦠ꧀ꦠꦤ꧉​ꦩꦼꦂꦒꦠꦸꦫꦸꦤ꧀ꦤꦺ​꧊ꦆꦱ꧀ꦏꦏ꧀ꦱꦶꦁꦧꦏꦭ꧀ꦩꦫꦶꦱ꧀ꦱꦶꦥꦽꦗꦚ꧀ꦗꦶꦪꦤ꧀ꦏꦸ꧉​

^21:13 ꦢꦺꦤꦺꦠꦸꦫꦸꦤ꧀ꦤꦺ​꧊ꦆꦱ꧀ꦩꦲꦺꦭ꧀ꦲꦶꦪꦧꦏꦭ꧀ꦢꦏ꧀ꦢꦢꦺꦏ꧀ꦏꦏꦺꦧꦁꦱꦒꦼꦝꦺ꧈​ꦩꦼꦂꦒꦧꦺꦴꦕꦃꦏꦸꦮꦶꦲꦶꦪꦲꦤꦏ꧀ꦩꦸ꧉"​

^21:14 ꦲꦺꦱꦸꦏ꧀ꦏꦺ​꧊ꦄꦧꦿꦲꦩ꧀ꦚ꧀ꦗꦸꦥꦸꦏ꧀ꦫꦺꦴꦠꦶꦭꦤ꧀ꦧꦚꦸꦱꦲꦶꦩ꧀ꦥꦼꦱ꧀ꦢꦶꦮꦺꦤꦺꦃꦲꦏꦺꦩꦫꦁ​꧊ꦲꦒꦂ꧉​ꦱꦼꦩꦺꦴꦤꦺꦴꦲꦸꦒ​꧊ꦆꦱ꧀ꦩꦲꦺꦭ꧀ꦢꦶꦧꦺꦴꦥꦺꦴꦁ꧈​ꦢꦶꦒꦺꦤ꧀ꦝꦺꦴꦁꦔꦏꦺꦲꦶꦁꦒꦼꦒꦼꦂꦫꦺꦲꦼꦩ꧀ꦧꦺꦴꦏ꧀ꦤꦺ꧈​ꦧꦚ꧀ꦗꦸꦂꦢꦶꦏꦺꦴꦤ꧀ꦭꦸꦔ꧉​​꧊ꦲꦒꦂꦤꦸꦭꦶꦩꦁꦏꦠ꧀꧉​ꦭꦏꦸꦤꦺꦏꦼꦱꦱꦂꦠꦼꦏꦤ꧀ꦱꦼꦒꦫꦮꦼꦝꦶ​꧊ꦧꦺꦂꦱꦾꦺꦧ꧉​

^21:15 ꦧꦉꦁꦱꦔꦸꦤꦺꦧꦚꦸꦲꦼꦤ꧀ꦠꦺꦏ꧀ꦧ꧀ꦭꦱ꧀꧈​​꧊ꦲꦒꦂꦧꦚ꧀ꦗꦸꦂꦚꦺꦭꦺꦃꦲꦏꦺꦲꦤꦏ꧀ꦏꦺꦲꦤꦲꦶꦁꦔꦶꦱꦺꦴꦂꦒꦿꦸꦩ꧀ꦧꦸꦭ꧀;

^21:16 ꦝꦺꦮꦺꦏ꧀ꦏꦺꦝꦺꦮꦺꦭꦸꦁꦒꦸꦃꦮꦼꦠꦫꦱꦠꦸꦱ꧀ꦩꦺꦠꦼꦂꦱꦏꦥꦁꦒꦺꦴꦤ꧀ꦤꦤ꧀ꦩꦲꦸ꧉​ꦥꦔꦸꦤꦤ꧀ꦢꦶꦏꦤꦺ꧈​"ꦲꦏꦸꦲꦺꦴꦫꦠꦼꦒꦼꦭ꧀ꦤ꧀ꦢꦼꦊꦁꦲꦤꦏ꧀ꦏꦸꦩꦠꦶ꧉"​ꦏꦫꦺꦴꦤꦔꦶꦱ꧀​꧊ꦲꦒꦂꦱꦼꦱꦩ꧀ꦧꦠ꧀꧉​ꦢꦺꦤꦺ​꧊ꦆꦱ꧀ꦩꦲꦺꦭ꧀꧈​ꦲꦤꦏ꧀ꦏꦺ꧈​ꦲꦸꦒꦤꦔꦶꦱ꧀꧉​

^21:17 ꦒꦸꦱ꧀ꦠꦶꦄꦭ꧀ꦭꦃꦩꦶꦝꦔꦼꦠ꧀ꦠꦔꦶꦱ꧀ꦱꦺ​꧊ꦆꦱ꧀ꦩꦲꦺꦭ꧀꧉​ꦢꦸꦩꦢꦏ꧀ꦏꦤ꧀ꦲꦤꦩꦭꦲꦺꦏꦠ꧀ꦠꦺꦥꦔꦺꦫꦤ꧀ꦔꦫꦸꦃꦲꦫꦸꦃꦲꦶ​꧊ꦲꦒꦂꦱꦏꦲꦶꦁꦭꦔꦶꦠ꧀꧈​"ꦲꦤꦲꦥ​꧊ꦲꦒꦂ?ꦲꦗꦏꦸꦮꦠꦶꦂ!ꦒꦸꦱ꧀ꦠꦶꦄꦭ꧀ꦭꦃꦮꦶꦱ꧀ꦩꦶꦝꦔꦼꦠ꧀ꦠꦔꦶꦱ꧀ꦱꦺꦲꦤꦏ꧀ꦩꦸ꧉​

^21:18 ꦔꦢꦼꦒ꧈​ꦲꦤꦏ꧀ꦩꦸꦠꦔꦺꦏ꧀ꦤ꧈​ꦩꦼꦂꦒꦲꦉꦥ꧀ꦢꦏ꧀ꦢꦢꦺꦏ꧀ꦏꦏꦺꦧꦁꦱꦒꦼꦝꦺ꧉"​

^21:19 ꦒꦸꦱ꧀ꦠꦶꦄꦭ꧀ꦭꦃꦩ꧀ꦧꦸꦏꦏ꧀ꦩꦿꦶꦥꦠ꧀ꦠꦺ​꧊ꦲꦒꦂ꧈​ꦩꦸꦭꦮꦼꦫꦸꦃꦲꦤꦱꦸꦩꦸꦂ꧈​ꦤꦸꦭꦶꦢꦶꦥꦫꦤ꧀ꦤꦶ꧉​ꦲꦶꦩ꧀ꦥꦼꦱ꧀ꦱꦺꦢꦶꦲꦶꦱꦺꦤ꧀ꦤꦶꦧꦚꦸꦭꦤ꧀ꦧꦺꦴꦕꦃꦲꦺꦢꦶꦲꦺꦴꦩ꧀ꦧꦺꦤ꧀ꦤꦶ꧉​

^21:20 ꦒꦸꦱ꧀ꦠꦶꦄꦭ꧀ꦭꦃꦔꦽꦏ꧀ꦱꦧꦺꦴꦕꦃꦩꦲꦸ꧉​ꦧꦉꦁꦮꦶꦱ꧀ꦒꦼꦝꦺ꧈​ꦱꦼꦤꦼꦁꦔꦤ꧀ꦤꦺꦩ꧀ꦧꦼꦧꦼꦝꦒ꧀ꦭꦤ꧀ꦩꦁꦒꦺꦴꦤ꧀ꦲꦤꦲꦶꦁꦥꦼꦱꦩꦸꦤꦤ꧀ꦥꦫꦤ꧀꧉​

^21:21 ꦲꦼꦩ꧀ꦧꦺꦴꦏ꧀ꦤꦺꦔ꧀ꦒꦺꦴꦭꦺꦏ꧀ꦏꦏꦺꦗꦺꦴꦝꦺꦴꦮꦺꦴꦁꦱꦏꦠꦤꦃ​꧊ꦩꦺꦱꦶꦂ꧉​

^21:22 ꦏꦼꦕꦿꦶꦠꦲꦶꦁꦤꦭꦶꦏꦱꦼꦩꦤꦫꦗ​꧊ꦄꦧꦶꦩꦺꦭꦺꦃꦭꦤ꧀​꧊ꦥꦶꦏꦺꦴꦭ꧀꧈​ꦱꦺꦤꦥꦠꦶꦤꦺ꧈​ꦥꦝꦤꦼꦩꦺꦴꦤ꧀ꦤꦶ​꧊ꦄꦧꦿꦲꦩ꧀꧈​ꦠꦼꦩ꧀ꦧꦸꦁꦔꦺ꧈​"ꦱꦫꦺꦃꦤꦺꦒꦸꦱ꧀ꦠꦶꦄꦭ꧀ꦭꦃꦚꦼꦩ꧀ꦧꦢꦤꦶꦱꦼꦢꦪꦥꦽꦏꦮꦶꦱ꧀ꦲꦶꦁꦏꦁꦥꦚ꧀ꦗꦼꦤꦼꦁꦔꦤ꧀ꦭꦩ꧀ꦥꦃꦲꦶ꧈​

^21:23 ꦥꦿꦩꦶꦭꦥꦚ꧀ꦗꦼꦤꦼꦁꦔꦤ꧀ꦏꦼꦂꦱꦲꦥꦽꦗꦚ꧀ꦗꦶꦲꦶꦁꦔꦂꦱꦤꦶꦥꦸꦤ꧀ꦄꦭ꧀ꦭꦃꦝꦠꦼꦁꦏꦸꦭ꧈​ꦧꦶꦭꦶꦃꦥꦚ꧀ꦗꦼꦤꦼꦁꦔꦤ꧀ꦩ꧀ꦧꦺꦴꦠꦼꦤ꧀ꦧꦝꦺꦩ꧀ꦧ꧀ꦭꦺꦚ꧀ꦗꦤꦶ;ꦲꦶꦁꦒꦶꦃꦝꦠꦼꦁꦏꦸꦭ꧈​ꦲꦸꦠꦮꦶꦝꦠꦼꦁꦲꦤꦏ꧀ꦠꦸꦮꦶꦤ꧀ꦱꦤꦏ꧀ꦱꦼꦝꦺꦫꦺꦏ꧀ꦏꦸꦭ꧉​ꦩꦭꦃꦥꦚ꧀ꦗꦼꦤꦼꦁꦔꦤ꧀ꦏꦼꦂꦱꦲꦢꦩꦼꦭ꧀ꦏꦼꦱꦲꦺꦤꦤ꧀ꦝꦠꦼꦁꦏꦸꦭꦭꦤ꧀ꦤꦼꦒꦫꦶꦏꦸꦭ꧈​ꦲꦶꦁꦏꦁꦥꦚ꧀ꦗꦼꦤꦼꦁꦔꦤ꧀ꦲꦼꦁꦒꦺꦤ꧀ꦤꦶꦩꦼꦤꦶꦏ꧈​ꦏꦢꦺꦴꦱ꧀ꦲꦼꦁꦒꦺꦤ꧀ꦏꦸꦭꦱꦩ꧀ꦥꦸꦤ꧀ꦢꦩꦼꦭ꧀ꦱꦲꦺꦝꦠꦼꦁꦥꦚ꧀ꦗꦼꦤꦼꦁꦔꦤ꧀꧉"​

^21:24 ꦮꦁꦱꦸꦭ꧀ꦭꦤ꧀ꦤꦺ​꧊ꦄꦧꦿꦲꦩ꧀꧈​"ꦲꦶꦁꦒꦶꦃ꧈​ꦏꦸꦭꦥꦽꦗꦚ꧀ꦗꦶ꧉"​

^21:25 ꦤꦁꦔꦶꦁ​꧊ꦄꦧꦿꦲꦩ꧀ꦲꦶꦪꦧꦚ꧀ꦗꦸꦂꦔ꧀ꦭꦲꦶꦂꦫꦏꦺꦥꦔꦽꦱꦸꦭꦤꦺꦩꦫꦁꦫꦗ​꧊ꦄꦧꦶꦩꦺꦭꦺꦃꦥꦽꦏꦫꦱꦸꦩꦸꦂꦫꦺꦱꦶꦁꦢꦶꦉꦧꦸꦠ꧀ꦢꦺꦤꦶꦁꦥꦫꦲꦧ꧀ꦢꦶꦤꦺꦫꦗ​꧊ꦄꦧꦶꦩꦺꦭꦺꦃꦏ꧀ꦭꦮꦤ꧀ꦫꦺꦴꦝꦥꦼꦏ꧀ꦱ꧉​

^21:26 ꦥꦔꦤ꧀ꦢꦶꦏꦤꦺ​꧊ꦄꦧꦶꦩꦺꦭꦺꦃ꧈​"ꦥꦽꦏꦮꦶꦱ꧀ꦩꦼꦤꦶꦏꦏꦸꦭꦩꦭꦃꦩ꧀ꦧꦺꦴꦠꦼꦤ꧀ꦔꦼꦂꦠꦺꦴꦱ꧀ꦱꦶꦤ꧀ꦠꦼꦤ꧀ꦲꦶꦁꦏꦁꦤꦶꦤ꧀ꦢꦏ꧀ꦏꦏꦼꦤ꧀꧉​ꦏꦺꦁꦔꦶꦁꦩꦼꦤꦥꦥꦚ꧀ꦗꦼꦤꦼꦁꦔꦤ꧀ꦏꦺꦴꦏ꧀ꦩ꧀ꦧꦺꦴꦠ꧀ꦠꦼꦤ꧀ꦔꦤ꧀ꦢꦶꦏꦝꦠꦼꦁꦏꦸꦭ?ꦭꦤ꧀ꦢꦸꦩꦸꦒꦶꦱꦼꦥꦿꦶꦏꦶꦲꦶꦁꦒꦶꦃꦩ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁꦲꦶꦁꦏꦁꦱꦸꦏꦱꦸꦩꦼꦉꦥ꧀ꦝꦠꦼꦁꦏꦸꦭ꧉"​

^21:27 ​꧊ꦄꦧꦿꦲꦩ꧀ꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦮꦼꦝꦸꦱ꧀ꦭꦤ꧀ꦱꦥꦶꦱꦮꦼꦠꦫꦢꦶꦲꦠꦸꦂꦫꦏꦺꦩꦫꦁꦫꦗ​꧊ꦄꦧꦶꦩꦺꦭꦺꦃ꧉​ꦮꦺꦴꦁꦭꦺꦴꦫꦺꦴꦩꦲꦸꦧꦚ꧀ꦗꦸꦂꦒꦮꦺꦥꦽꦗꦚ꧀ꦗꦶꦪꦤ꧀꧉​

^21:28 ꦤꦁꦔꦶꦁ​꧊ꦄꦧꦿꦲꦩ꧀ꦚꦶꦱꦶꦃꦲꦏꦺꦕꦼꦩ꧀ꦥꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦥꦶꦠꦸ꧉​

^21:29 ꦫꦗ​꧊ꦄꦧꦶꦩꦺꦭꦺꦃꦧꦚ꧀ꦗꦸꦂꦩꦶꦠꦼꦫꦁ꧈​"ꦩꦼꦤꦥꦏꦼꦂꦱꦥꦚ꧀ꦗꦼꦤꦼꦁꦔꦤ꧀ꦏꦺꦴꦏ꧀ꦩꦶꦱꦃꦲꦏꦼꦤ꧀ꦕꦼꦩ꧀ꦥꦺꦥꦶꦠꦸꦩꦼꦤꦶꦏ?"

^21:30 ꦮꦁꦱꦸꦭ꧀ꦭꦤ꧀ꦤꦺ​꧊ꦄꦧꦿꦲꦩ꧀꧈​"ꦥꦚ꧀ꦗꦼꦤꦼꦁꦔꦤ꧀ꦏꦼꦂꦱꦲꦤꦩ꧀ꦥꦶꦕꦼꦩ꧀ꦥꦺꦥꦶꦠꦸꦩꦼꦤꦶꦏ꧈​ꦩꦶꦤꦁꦏꦥꦽꦠꦤ꧀ꦝꦲꦼꦁꦒꦺꦤ꧀ꦥꦚ꧀ꦗꦼꦤꦼꦁꦔꦤ꧀ꦔꦏꦼꦤ꧀ꦤꦶ꧈​ꦧꦶꦭꦶꦃꦱꦸꦩꦸꦂꦩꦼꦤꦶꦏꦒꦝꦃꦲꦤ꧀ꦏꦸꦭ꧉"​

^21:31 ꦩꦸꦭꦤꦺꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴꦢꦶꦱꦼꦧꦸꦠ꧀​꧊ꦧꦺꦂꦱꦾꦺꦧ꧈​ꦩꦼꦂꦒꦮꦺꦴꦁꦭꦺꦴꦫꦺꦴꦩꦲꦸꦥꦝꦒꦮꦺꦥꦽꦗꦚ꧀ꦗꦶꦪꦤ꧀ꦲꦤꦲꦶꦁꦏꦺꦴꦤꦺꦴ꧉​

^21:32 ꦱꦮꦶꦱ꧀ꦱꦺꦥꦝꦒꦮꦺꦥꦽꦗꦚ꧀ꦗꦶꦪꦤ꧀ꦩꦲꦸ꧈​​꧊ꦄꦧꦶꦩꦺꦭꦺꦃꦤꦸꦭꦶꦩꦸꦭꦶꦃꦩꦼꦚꦁꦤꦼꦒꦫ​꧊ꦥ꦳ꦶꦭꦶꦱ꧀ꦠꦶꦪꦏꦝꦺꦫꦺꦏ꧀ꦏꦏꦺ​꧊ꦥꦶꦏꦺꦴꦭ꧀꧉​

^21:33 ​꧊ꦄꦧꦿꦲꦩ꧀ꦧꦚ꧀ꦗꦸꦂꦤꦤ꧀ꦢꦸꦂꦮꦶꦠ꧀ꦠꦩꦫꦶꦱ꧀ꦏꦲꦤꦲꦶꦁ​꧊ꦧꦺꦂꦱꦾꦺꦧꦭꦤ꧀ꦩꦼꦩꦸꦗꦩꦫꦁꦒꦸꦱ꧀ꦠꦶꦄꦭ꧀ꦭꦃ꧈​ꦱꦿꦤꦚꦼꦧꦸꦠ꧀ꦲꦱ꧀ꦩꦤꦺꦏꦁꦭꦁꦒꦼꦁ꧉​

^21:34 ​꧊ꦄꦧꦿꦲꦩ꧀ꦢꦢꦶꦮꦺꦴꦁꦤꦼꦤꦼꦏꦱꦶꦁꦩꦁꦒꦺꦴꦤ꧀ꦱꦮꦼꦠꦫꦭꦮꦱ꧀ꦱꦺꦲꦤꦲꦶꦁꦤꦼꦒꦫꦤꦺꦮꦺꦴꦁ​꧊ꦥ꦳ꦶꦭꦶꦱ꧀ꦠꦶꦪꦏꦺꦴꦤꦺꦴ꧉​