Alkitab/Purwaning Dumadi/17

Saka Wikisumber

17:1 ꦤꦭꦶꦏ​꧊ꦄꦧꦿꦩ꧀ꦲꦸꦩꦸꦂ99ꦠꦲꦸꦤ꧀꧈​ꦒꦸꦱ꧀ꦠꦶꦄꦭ꧀ꦭꦃꦔꦼꦠꦶꦔꦭ꧀ꦭꦤ꧀ꦔꦤ꧀ꦢꦶꦏꦏꦫꦺꦴ​꧊ꦄꦧꦿꦩ꧀ꦩꦼꦁꦏꦺꦤꦺ꧈​"ꦲꦏꦸꦲꦶꦏꦶꦄꦭ꧀ꦭꦃꦏꦁꦩꦲꦏ꧀ꦮꦱ꧉​ꦏꦺꦴꦮꦺꦩ꧀ꦧꦔꦸꦤ꧀ꦠꦸꦫꦸꦠ꧀ꦠ꧈​ꦭꦤ꧀ꦠꦤ꧀ꦱꦃꦔ꧀ꦭꦏꦺꦴꦤ꧀ꦤꦤꦱꦏꦼꦂꦱꦏꦸ꧉​
17:2 ꦲꦏꦸꦲꦉꦥ꧀ꦒꦮꦺꦥꦽꦗꦚ꧀ꦗꦶꦪꦤ꧀ꦏꦫꦺꦴꦏꦺꦴꦮꦺ꧈​ꦭꦤ꧀ꦲꦉꦥ꧀ꦤ꧀ꦢꦢꦺꦏ꧀ꦏꦏꦺꦠꦸꦫꦸꦤ꧀ꦩꦸꦲꦏꦺꦃꦧꦔꦼꦠ꧀꧉"​
17:3 ​꧊ꦄꦧꦿꦩ꧀ꦧꦚ꧀ꦗꦸꦂꦱꦸꦗꦸꦢ꧀ꦱꦸꦩꦸꦁꦏꦼꦩ꧀꧉​ꦒꦸꦱ꧀ꦠꦶꦄꦭ꧀ꦭꦃꦩ꧀ꦧꦚ꧀ꦗꦸꦂꦫꦏꦺꦔꦤ꧀ꦢꦶꦏ꧈​
17:4 "ꦲꦶꦏꦶꦥꦽꦗꦚ꧀ꦗꦶꦪꦤ꧀ꦏꦸꦏꦫꦺꦴꦏꦺꦴꦮꦺ:ꦏꦺꦴꦮꦺꦧꦏꦭ꧀ꦢꦢꦶꦊꦭꦸꦲꦸꦂꦫꦺꦧꦁꦱꦲꦏꦺꦃ꧉​
17:5 ꦩꦸꦭꦤꦺꦗꦼꦤꦼꦁꦩꦸꦲꦶꦁꦱꦧꦚ꧀ꦗꦸꦂꦫꦺꦲꦗꦢꦶꦱꦼꦧꦸꦠ꧀​꧊ꦄꦧꦿꦩ꧀ꦩꦼꦤꦺꦃ꧈​ꦤꦁꦔꦶꦁ​꧊ꦄꦧꦿꦲꦩ꧀꧈​ꦩꦼꦂꦒꦏꦺꦴꦮꦺꦧꦏꦭ꧀ꦢꦢꦶꦊꦭꦸꦲꦸꦂꦫꦺꦧꦁꦱꦥꦶꦫꦁꦥꦶꦫꦁ꧉​
17:6 ꦲꦤꦏ꧀ꦥꦸꦠꦸꦩꦸꦧꦏꦭ꧀ꦲꦏꦺꦃꦧꦔꦼꦠ꧀꧈​ꦭꦤ꧀ꦲꦶꦁꦲꦤ꧀ꦠꦫꦤꦺꦧꦏꦭ꧀ꦲꦤꦱꦶꦁꦥꦝꦢꦢꦶꦫꦠꦸ꧉​ꦱꦏꦶꦁꦲꦏꦺꦃꦲꦺꦔꦤ꧀ꦠꦶꦢꦢꦶꦥꦶꦫꦁꦥꦶꦫꦁꦧꦁꦱ꧉​
17:7 ꦲꦏꦸꦧꦏꦭ꧀ꦤꦼꦠꦼꦥ꧀ꦥꦶꦗꦚ꧀ꦗꦶꦏꦸꦏꦫꦺꦴꦏꦺꦴꦮꦺꦭꦤ꧀ꦏꦫꦺꦴꦲꦤꦏ꧀ꦩꦸ꧈​ꦠꦸꦫꦸꦤ꧀ꦠꦼꦩꦸꦫꦸꦤ꧀꧉​ꦥꦽꦗꦚ꧀ꦗꦶꦪꦤ꧀ꦲꦶꦏꦶꦧꦏꦭ꧀ꦭꦁꦒꦼꦁꦲꦶꦁꦱꦼꦭꦮꦱ꧀ꦱꦺ꧉​ꦲꦏꦸꦧꦏꦭ꧀ꦢꦢꦶꦲꦭ꧀ꦭꦃꦩꦸꦭꦤ꧀ꦲꦭ꧀ꦭꦃꦲꦺꦠꦸꦫꦸꦤ꧀ꦠꦸꦫꦸꦤ꧀ꦩꦸ꧉​
17:8 ꦲꦏꦸꦧꦏꦭ꧀ꦩꦫꦶꦁꦔꦏꦺꦠꦤꦃꦱꦶꦁꦱꦲꦶꦏꦶꦏꦺꦴꦏ꧀ꦲꦼꦁꦒꦺꦴꦤ꧀ꦤꦶꦏꦪꦢꦺꦤꦺꦮꦺꦴꦁꦤꦼꦤꦼꦏꦲꦶꦏꦶꦩꦫꦁꦏꦺꦴꦮꦺꦭꦤ꧀ꦠꦸꦫꦸꦤ꧀ꦠꦸꦫꦸꦤ꧀ꦩꦸ꧉​ꦠꦤꦃ​꧊ꦏꦺꦤꦲꦤ꧀ꦲꦶꦏꦶꦏꦧꦺꦃꦧꦏꦭ꧀ꦢꦢꦶꦢꦸꦮꦺꦏ꧀ꦏꦺꦠꦸꦫꦸꦤ꧀ꦠꦸꦫꦸꦤ꧀ꦩꦸ꧈​ꦱꦼꦭꦮꦱ꧀ꦭꦮꦱ꧀ꦱꦺ;ꦭꦤ꧀ꦲꦏꦸꦧꦏꦭ꧀ꦢꦢꦶꦲꦭ꧀ꦭꦃꦲꦺ꧉"​
17:9 ꦥꦔꦤ꧀ꦢꦶꦏꦤꦺꦩꦼꦤꦺꦃ꧈​"ꦢꦺꦤꦺꦏꦺꦴꦮꦺ꧈​ꦤꦼꦠꦼꦥ꧀ꦥꦤꦥꦽꦗꦚ꧀ꦗꦶꦪꦤ꧀ꦏꦸꦲꦶꦏꦶ:ꦪꦏꦺꦴꦮꦺ꧈​ꦪꦲꦤꦏ꧀ꦲꦤꦏ꧀ꦩꦸ꧈​ꦠꦸꦫꦸꦤ꧀ꦠꦼꦩꦸꦫꦸꦤ꧀꧉​
17:10 ꦏꦺꦴꦮꦺꦭꦤ꧀ꦠꦼꦝꦏ꧀ꦠꦸꦫꦸꦤ꧀ꦩꦸꦏꦧꦺꦃꦱꦶꦁꦭꦤꦁꦏꦸꦢꦸꦠꦼꦠꦏ꧀꧉​
17:11 ꦏꦺꦴꦮꦺꦠꦼꦠꦏ꧀ꦏ꧈​ꦩꦶꦤꦁꦏꦥꦽꦠꦤ꧀ꦝꦤꦺꦥꦽꦗꦚ꧀ꦗꦶꦪꦤ꧀ꦏꦸꦏꦫꦺꦴꦏꦺꦴꦮꦺ꧉​
17:12 ꦱꦼꦩꦺꦴꦤꦺꦴꦲꦸꦒꦏꦺꦴꦮꦺꦏꦸꦢꦸꦤꦼꦠꦏ꧀ꦏꦶꦠꦸꦫꦸꦤ꧀ꦩꦸꦱꦧꦼꦤ꧀ꦧꦪꦶꦭꦤꦁꦏꦁꦲꦸꦩꦸꦂꦮꦺꦴꦭꦸꦁꦢꦶꦤꦭꦤ꧀ꦲꦸꦒꦏꦁꦢꦸꦢꦸꦠꦸꦫꦸꦤ꧀ꦩꦸ꧈​ꦏꦁꦭꦲꦶꦂꦲꦤꦲꦶꦁꦲꦺꦴꦩꦃꦩꦸ꧈​ꦲꦸꦠꦮꦧꦠꦸꦂꦠꦸꦏꦺꦴꦤ꧀꧈​ꦱꦼꦤꦗꦤ꧀ꦮꦺꦴꦁꦩꦲꦸꦲꦺꦴꦫꦏ꧀ꦭꦼꦧꦸꦠꦸꦫꦸꦤ꧀ꦩꦸꦝꦺꦮꦺ꧉​
17:13 ꦱꦥꦮꦲꦺꦏꦁꦭꦲꦶꦂꦲꦤꦲꦶꦁꦲꦺꦴꦩꦃꦩꦸ꧈​ꦭꦤ꧀ꦧꦠꦸꦂꦠꦸꦏꦺꦴꦤ꧀ꦩꦸ꧈​ꦲꦶꦏꦸꦥꦝꦠꦼꦠꦏ꧀ꦏꦤ꧈​ꦱꦂꦠꦢꦶꦊꦭꦸꦫꦶꦪꦲꦶꦁꦱꦼꦭꦮꦱ꧀ꦱꦺ꧉​
17:14 ꦱꦧꦼꦤ꧀ꦮꦺꦴꦁꦭꦤꦁꦲꦶꦁꦲꦤ꧀ꦠꦫꦩꦸꦏꦁꦲꦺꦴꦫꦠꦼꦠꦏ꧀ꦏꦤ꧀ꦲꦶꦏꦸꦢꦸꦢꦸꦲꦸꦩꦠ꧀ꦏꦸ꧈​ꦩꦼꦂꦒꦲꦺꦴꦫꦱꦼꦠꦾꦩꦫꦁꦥꦽꦗꦚ꧀ꦗꦶꦪꦤ꧀ꦏꦸ꧉"​
17:15 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦼꦤꦺꦃꦩꦫꦁ​꧊ꦄꦧꦿꦲꦩ꧀꧈​"​꧊ꦱꦫꦲꦶꦧꦺꦴꦗꦺꦴꦩꦸꦲꦗꦏꦺꦴꦏ꧀ꦕꦼꦭꦸꦏ꧀​꧊ꦱꦫꦲꦶꦩꦼꦤꦺꦃ꧈​ꦤꦁꦔꦶꦁ​꧊ꦱꦫꦃ꧉​
17:16 ​꧊ꦱꦫꦃꦧꦏꦭ꧀ꦢꦏ꧀ꦧꦼꦂꦏꦃꦲꦶ꧈​ꦭꦤ꧀ꦏꦺꦴꦮꦺꦧꦏꦭ꧀ꦢꦏ꧀ꦥꦫꦶꦁꦔꦶꦲꦤꦏ꧀ꦭꦤꦁꦥꦠꦸꦠ꧀ꦠꦤ꧀ꦱꦏꦝꦺꦮꦺꦏ꧀ꦏꦺ꧉​​꧊ꦱꦫꦃꦧꦏꦭ꧀ꦢꦏ꧀ꦧꦼꦂꦏꦃꦲꦶꦭꦤ꧀ꦢꦢꦶꦲꦶꦧꦸꦤꦺꦧꦁꦱꦥꦶꦫꦁꦥꦶꦫꦁ꧉​ꦠꦸꦫꦸꦤ꧀ꦤꦺꦧꦏꦭ꧀ꦲꦤꦱꦶꦁꦥꦝꦢꦢꦶꦫꦠꦸ꧉"​
17:17 ​꧊ꦄꦧꦿꦲꦩ꧀ꦤꦸꦭꦶꦱꦸꦗꦸꦢ꧀ꦱꦸꦩꦸꦁꦏꦼꦩ꧀ꦲꦶꦁꦧꦸꦩꦶ꧈​ꦤꦁꦔꦶꦁꦲꦶꦁꦧꦠꦶꦤꦺꦔ꧀ꦒꦸꦪꦸ꧈​ꦥꦔꦸꦤꦤ꧀ꦢꦶꦏꦤꦺ꧈​"ꦮꦺꦴꦁꦱꦶꦁꦮꦶꦱ꧀ꦲꦸꦩꦸꦂꦱꦠꦸꦱ꧀ꦠꦲꦸꦤ꧀ꦲꦥꦲꦶꦪꦏꦼꦭꦏꦺꦴꦤ꧀ꦢꦸꦮꦺꦲꦤꦏ꧀?"
17:18 ​꧊ꦄꦧꦿꦲꦩ꧀ꦤꦸꦭꦶꦩꦸꦚ꧀ꦗꦸꦏ꧀ꦩꦫꦁꦒꦸꦱ꧀ꦠꦶꦄꦭ꧀ꦭꦃ꧈​"ꦩꦼꦤꦥꦩ꧀ꦧꦺꦴꦠꦼꦤ꧀ꦥꦿꦪꦺꦴꦒꦶ​꧊ꦆꦱ꧀ꦩꦲꦺꦭ꧀ꦏꦺꦩꦮꦺꦴꦤ꧀ꦲꦶꦁꦏꦁꦢꦢꦺꦴꦱ꧀ꦲꦃꦲ꧀ꦭꦶꦮꦫꦶꦱ꧀ꦏꦸꦭ?"
17:19 ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏ꧈​"ꦲꦺꦴꦫ꧈​​꧊ꦱꦫꦃ꧈​ꦧꦺꦴꦗꦺꦴꦩꦸꦧꦏꦭ꧀ꦔ꧀ꦭꦲꦶꦂꦫꦏꦺꦲꦤꦏ꧀ꦭꦤꦁꦥꦠꦸꦠ꧀ꦠꦤ꧀ꦱꦏꦏꦺꦴꦮꦺ;ꦧꦺꦴꦕꦃꦩꦲꦸꦩ꧀ꦧꦺꦱꦸꦏ꧀ꦗꦼꦤꦼꦁꦤ​꧊ꦆꦱ꧀ꦏꦏ꧀꧉​ꦲꦏꦸꦧꦏꦭ꧀ꦤꦼꦠꦼꦥ꧀ꦥꦶꦗꦚ꧀ꦗꦶꦏꦸꦏꦫꦺꦴꦝꦺꦮꦺꦏ꧀ꦏꦺꦭꦤ꧀ꦠꦸꦫꦸꦤ꧀ꦠꦸꦫꦸꦤ꧀ꦤꦺ꧈​ꦱꦂꦠꦔ꧀ꦭꦼꦱ꧀ꦠꦫꦺꦏ꧀ꦏꦏꦺꦥꦽꦗꦚ꧀ꦗꦶꦪꦤ꧀ꦩꦲꦸꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉​
17:20 ꦥꦚꦸꦮꦸꦤ꧀ꦩꦸꦏꦁꦒꦺꦴ​꧊ꦆꦱ꧀ꦩꦲꦺꦭ꧀ꦲꦶꦪꦮꦶꦱ꧀ꦢꦏ꧀ꦱꦼꦩ꧀ꦧꦢꦤꦶ꧈​ꦩꦸꦭꦤꦺꦧꦏꦭ꧀ꦢꦏ꧀ꦧꦼꦂꦏꦃꦲꦶꦭꦤ꧀ꦧꦏꦭ꧀ꦢꦏ꧀ꦥꦫꦶꦁꦔꦶꦠꦸꦫꦸꦤ꧀ꦲꦏꦺꦃꦧꦔꦼꦠ꧀꧉​ꦲꦶꦁꦲꦤ꧀ꦠꦫꦤꦺꦧꦏꦭ꧀ꦲꦤꦫꦺꦴꦭꦱ꧀ꦱꦶꦁꦢꦢꦶꦥꦼꦁꦒꦼꦝꦺꦤꦺꦧꦁꦱ꧈​ꦏꦁꦲꦏꦺꦃꦧꦔꦼꦠ꧀ꦕꦕꦃꦲꦺ꧉​
17:21 ꦤꦁꦔꦶꦁꦥꦽꦗꦚ꧀ꦗꦶꦪꦤ꧀ꦏꦸꦧꦏꦭ꧀ꦢꦏ꧀ꦠꦼꦠꦼꦥ꧀ꦥꦏꦺꦏꦫꦺꦴ​꧊ꦆꦱ꧀ꦏꦏ꧀꧈​ꦲꦤꦏ꧀ꦩꦸꦱꦶꦁꦧꦏꦭ꧀ꦭꦲꦶꦂꦱꦏ​꧊ꦱꦫꦃꦠꦲꦸꦤ꧀ꦔꦉꦥ꧀꧈​ꦲꦶꦁꦥꦼꦤ꧀ꦝꦏ꧀ꦏꦺꦩꦁꦱꦲꦶꦏꦶ꧉"​
17:22 ꦱꦮꦶꦱ꧀ꦱꦺꦔꦤ꧀ꦢꦶꦏꦩꦼꦁꦏꦺꦴꦤꦺꦴꦒꦸꦱ꧀ꦠꦶꦄꦭ꧀ꦭꦃꦤꦸꦭꦶꦗꦼꦁꦏꦂ꧉​
17:23 ꦲꦶꦁꦢꦶꦤꦲꦶꦏꦸꦲꦸꦒ​꧊ꦄꦧꦿꦲꦩ꧀ꦧꦚ꧀ꦗꦸꦂꦤꦼꦠꦏ꧀ꦏꦶ​꧊ꦆꦱ꧀ꦩꦲꦺꦭ꧀ꦭꦤ꧀ꦱꦏꦺꦃꦲꦺꦮꦺꦴꦁꦭꦤꦁꦱꦶꦁꦭꦲꦶꦂꦲꦤꦲꦶꦁꦲꦺꦴꦩꦃꦲꦺ꧈​ꦱꦂꦠꦥꦫꦧꦠꦸꦂꦠꦸꦏꦺꦴꦤ꧀ꦭꦤꦁꦏꦧꦺꦃ꧈​ꦫꦶꦁꦏꦼꦱ꧀ꦱꦺꦱꦏꦺꦃꦲꦺꦮꦺꦴꦁꦭꦤꦁꦱꦶꦁꦏ꧀ꦭꦼꦧꦸꦧꦿꦪꦠ꧀ꦠꦺ꧉​
17:24 ꦤꦭꦶꦏ​꧊ꦄꦧꦿꦲꦩ꧀ꦠꦼꦠꦏ꧀ꦲꦸꦩꦸꦂꦫꦺ99ꦠꦲꦸꦤ꧀;
17:25 ꦢꦺꦤꦺ​꧊ꦆꦱ꧀ꦩꦲꦺꦭ꧀꧈​ꦲꦤꦏ꧀ꦏꦺ꧈​ꦲꦸꦩꦸꦂꦠꦼꦭꦸꦭꦱ꧀ꦠꦲꦸꦤ꧀꧉​
17:26 ꦏꦫꦺꦴꦏꦫꦺꦴꦤꦺꦠꦼꦠꦏ꧀ꦏꦺꦤꦸꦁꦒꦭ꧀ꦱꦼꦢꦶꦤ꧈​
17:27 ꦧꦼꦧꦉꦁꦔꦤ꧀ꦏꦫꦺꦴꦱꦏꦺꦃꦲꦺꦮꦺꦴꦁꦭꦤꦁꦱꦶꦁꦲꦤꦲꦶꦁꦲꦺꦴꦩꦃꦏꦺꦴꦤꦺꦴ꧉​