ꦠꦱꦮꦸꦥ꦳꧀ꦆꦱ꧀ꦭꦩ꧀

[ Cover ]

ꦠꦱꦮꦸꦥ꦳꧀ꦆꦱ꧀ꦭꦩ꧀ (page 1 crop)

[ Adv ]

▶ ꧉ꦥꦫꦶꦮꦫ꧈ ◀

Boekhandel Ab. SITI SJAMSIJAH Solo

(Uitgeefster Taman - Moeslimah Worosiesilo)
ꦱꦩ꧀ꦥꦸꦤ꧀ꦲꦩ꧀ꦧꦧꦂꦏꦶꦠꦧ꧀ꦏꦶꦠꦧ꧀ꦲꦒꦩꦶ​ꦆꦱ꧀ꦭꦩ꧀ꦲꦶꦁꦔꦤ꧀ꦝꦥ꧀ꦥꦸꦤꦶꦏ꧇

꧑꧇​ꦧꦱꦗꦮꦶꦱꦱ꧀ꦠꦿꦗꦮꦶ꧈

1. ꦏꦄꦭ꧀ꦭꦲꦤ꧀	ꦉꦒꦶ	f 1,25}+	ꦥꦿꦤ꧀ꦏꦺꦴ	f 0,10
2. ꦏꦢꦶꦱ꧀ꦩꦶꦏ꧀ꦫꦗ꧀	„	f 1,00+	„	f 0,10
3.ꦩꦎꦔꦶꦢꦺꦴꦠꦸꦭ꧀ꦧꦸꦏ꧀ꦩꦶꦤꦶꦱ꧀I	„	f 1,00+	„	f 0,10
4.ꦄꦱ꧀ꦫꦺꦴꦂꦫꦶꦱ꧀ꦱꦭꦠ꧀	„	f 0,75+	„	f 0,10
5.ꦯꦺꦴꦭꦠꦸꦭ꧀ꦏꦸꦱꦸꦏ꧀	„	f 0,75+	„	f 0,10
6. ꦧꦪꦤꦸꦭ꧀​ꦆꦩꦤ꧀I	„	f 0,60+	„	f 0,10
7.ꦗꦼꦤꦼꦁꦔꦶꦁꦥꦤꦼꦩ꧀ꦧꦃꦗꦠꦶ	„	f 0,50+	„	f 0,05
8.ꦫꦃꦱꦤꦶꦔꦶꦱ꧀ꦭꦩ꧀	„	f 0,50+	„	f 0,05
9.ꦫꦃꦱꦤꦶꦁꦥꦸꦮꦱꦗꦠꦶ	„	f 0,40+	„	f 0,05
10.ꦲꦺꦴꦲꦸꦮꦱꦗꦠꦶ	„	f 0,30+	„	f 0,05
11.ꦩꦸꦃꦠꦯꦺꦴꦫꦸꦠ꧀ꦠꦮ꧀ꦢꦲꦶꦢ꧀	„	f 0.35+	„	f 0,05
12.ꦧꦧꦸꦤ꧀ꦤꦗꦱꦃ	„	f 0,30+	„	f 0,05
13.ꦠꦥ꧀ꦱꦶꦂꦱꦸꦫꦠ꧀ꦮꦭ꧀ꦔꦱ꧀ꦫꦶ	„	f 0,25+	„	f 0,05
14.ꦏꦠꦿꦁꦔꦤ꧀ꦤꦶꦁꦏꦢꦶꦱ꧀ꦩꦶꦏ꧀ꦫꦗ꧀	„	f 0,15+	„	f 0,05
15.ꦥꦺꦥꦺꦭꦶꦁ ....	„	f 0,15+	„	f 0,05
16.ꦥꦶꦥꦶꦭꦶꦁꦏꦸꦧꦸꦂ	„	f 0,10+	„	f 0,025
17.ꦏꦸꦫꦚ꧀ꦗꦮꦶꦗꦸꦱ꧀ 4. 6. 7. 8a'	”	f 0,70+	„	f 0,20

꧒꧇​ꦧꦱꦩꦭꦪꦸꦱꦱ꧀ꦠꦿꦭꦠꦶꦤ꧀꧈

1. Asrorriççolaat,	regi	f 0,65	+	f0,10	franco.
2. Hikmah perintah igama Islam	„	f 0,90	+	f 0,10	„
3. Moeslimah	„	f 1,00	+	f 0,15	„
4. Nikah dan Perkawinan Islam	„	f 0,75	+	f 0,10	„

[ Img ]

ꦠꦯꦮꦸꦥ꦳꧀​ꦆꦱ꧀ꦭꦩ꧀

ꦮꦼꦗꦁꦔꦤ꧀ꦤꦶꦥꦸꦤ꧀꧇ꦏꦾꦲꦶꦩꦸꦃꦡꦂꦨꦸꦏ꦳ꦫꦶ꧈

ꦏꦲꦶꦩ꧀ꦥꦸꦤ꧀ꦢꦺꦤꦶꦁꦱꦶꦱ꧀ꦮꦤꦶꦥꦸꦤ꧀꧇

Ab. S. ꦨꦸꦠꦯꦸꦢꦶꦫ꧉

ꦩꦸꦧꦭ꧀ꦭꦶꦒ꦳꧀ꦩꦸꦲꦩ꧀ꦩꦢꦶꦪꦃꦲꦶꦁꦯꦸꦫꦏꦂꦠ꧈

[ Img ]

ꦩꦸꦃꦡꦂꦨꦸꦏ꦳ꦫꦶ

[ 5 ]

꧋꧆꧋ꦲꦮꦶꦠ꧀ꦲꦱ꧀ꦩꦢꦊꦩ꧀ꦓꦸꦱ꧀ꦡꦶꦄꦭ꧀ꦭꦃꦦꦔꦺꦫꦤ꧀ꦲꦶꦁꦏꦁꦩꦲꦩꦶꦫꦃꦲꦶꦁꦢꦺꦴꦚꦱꦂꦠꦲꦱꦶꦃꦲꦶꦁ​ꦄꦏꦺꦫꦠ꧀꧈ ꧋ꦱꦢꦪꦥꦸꦗꦶꦏꦒꦸꦁꦔꦤ꧀ꦤꦶꦥꦸꦤ꧀ꦓꦸꦱ꧀ꦡꦶꦄꦭ꧀ꦭꦃ꧉ꦱꦭꦩ꧀ꦱꦂꦠꦫꦃꦩꦠ꧀ꦢꦊꦩ꧀ꦓꦸꦱ꧀ꦡꦶꦄꦭ꧀ꦭꦃꦩꦸꦒꦶꦠꦼꦠꦼꦥ꧀ꦲꦶꦁꦥꦤꦸꦠ꧀ꦠꦤ꧀ꦏꦶꦠꦑꦁꦗꦼꦁꦟꦨꦶꦩꦸꦲ꦳ꦩ꧀ꦩꦢ꧀ ​​꧍S.A.W.꧍ ꦟꦸꦫꦸꦭ꧀ꦆꦱ꧀ꦭꦩ꧀​ꦱꦏꦸꦭꦮꦂꦒꦱꦂꦠꦥꦫꦱꦲ꦳ꦧꦠ꧀​ꦱꦸꦩꦫꦩ꧀ꦧꦃꦲꦶꦥꦸꦤ꧀ꦝꦠꦼꦁꦥꦫꦲꦸꦩ꧀ꦩꦠ꧀ꦲꦶꦁꦏꦁꦱꦩꦶꦢꦢꦺꦴꦱ꧀ꦥꦤ꧀ꦝꦺꦫꦺꦏ꧀ꦏꦶꦥꦸꦤ꧀ꦱꦢꦪ꧉ꦄ—ꦩꦶ—ꦤ꧀꧈ ꧋ꦤꦸꦮꦸꦤ꧀꧇ꦱꦗꦠꦺꦴꦱ꧀ꦱꦶꦥꦸꦤ꧀ꦔꦺꦭ꧀ꦩꦶꦠꦯꦮꦸꦥ꦳꧀ꦥꦸꦤꦶꦏꦥꦼꦂꦭꦸꦱꦔꦼꦠ꧀ꦏꦲꦸꦤꦶꦁꦔꦤ꧀ꦲꦶꦁꦥꦫꦱꦣꦺ [ 6 ]ꦫꦺꦏ꧀ꦏꦛꦃ꧈ꦗꦭꦂꦫꦤ꧀ꦲꦶꦁꦔꦺꦭ꧀ꦩꦶꦥꦸꦤꦶꦏꦤꦼꦫꦁꦔꦏꦼꦤ꧀ꦱꦱꦏꦶꦠ꧀ꦠꦶꦁꦧꦢꦤ꧀ꦲꦭꦸꦱ꧀​ꦢꦭꦃꦲꦸꦱꦢꦤꦶꦥꦸꦤ꧀ꦥꦶꦱꦤ꧀꧈ꦲꦶꦁꦱꦸꦮꦲꦸꦔꦺꦭ꧀ꦩꦶꦠꦯꦮꦸꦥ꦳꧀ꦲꦶꦁꦏꦁꦏꦸꦭꦲꦶꦩ꧀ꦥꦸꦤ꧀ꦥꦸꦤꦶꦏ꧈ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦱꦮꦠꦮꦶꦱ꧀ꦲꦶꦁꦏꦁꦏꦸꦭꦥꦕꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦄꦭ꧀​ꦆꦱ꧀ꦭꦩ꧀ꦱꦼꦫꦠ꧀ꦏꦧꦂꦲꦶꦏꦁꦏꦮꦼꦢꦭ꧀ꦭꦏꦼꦤ꧀ꦥꦏꦼꦩ꧀ꦥꦭ꧀ꦭꦤ꧀ꦩꦸꦲ꦳ꦩ꧀ꦩꦢꦶꦪꦃꦧꦒꦺꦪꦤ꧀ꦠꦩꦤ꧀ꦥꦸꦱ꧀ꦠꦏꦲꦶꦁꦯꦸꦫꦏꦂꦠ꧉ꦱꦩꦁꦏꦺꦥꦔꦁꦏꦃꦏꦸꦭꦱꦸꦥꦢꦺꦴꦱ꧀ꦱꦪꦗꦼꦩ꧀ꦧꦂꦠꦼꦧꦤꦶꦁꦱꦸꦤꦂꦫꦶꦥꦸꦤ꧀ꦲꦒꦩꦶꦆꦱ꧀ꦭꦩ꧀​ꦩꦶꦭꦥꦔꦶꦩ꧀ꦥꦸꦤ꧀ꦏꦸꦭꦠꦯꦮꦸꦥ꦳꧀​ꦆꦱ꧀ꦭꦩ꧀ꦮꦼꦗꦁꦔꦤ꧀ꦤꦶꦥꦸꦤ꧀ꦏꦶꦪꦲꦶꦩꦸꦃꦡꦂꦨꦸꦏ꦳ꦫꦶꦥꦸꦤꦶꦏꦭꦗꦼꦁꦏꦸꦭꦥꦱꦿꦃꦲꦏꦼꦤ꧀ꦝꦠꦼꦁꦲꦶꦁꦏꦁꦱꦒꦃꦔꦼꦢꦭ꧀ꦭꦏꦼꦤ꧀ꦢꦢꦺꦴꦱ꧀ꦱꦶꦥꦸꦤ꧀ꦱꦼꦫꦠ꧀​ꦏꦊꦏ꧀ꦱꦤꦤ꧀ꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦏꦮꦸꦗꦸꦢ꧀ꦢꦶꦥꦸꦤ꧀꧈
꧋ꦮꦱꦤꦥꦔꦗꦼꦁꦲꦗꦼꦁꦏꦸꦭ꧈ꦲꦶꦁꦱꦫꦺꦃꦤꦶꦁꦔꦺꦭ꧀ꦩꦶꦠꦯꦮꦸꦥ꦳꧀ꦥꦸꦤꦶꦧꦧꦒ꧀ꦒꦤ꧀ꦔꦺꦭ꧀ꦩꦶꦲꦶꦁꦏꦁꦫꦸꦁꦱꦶꦢ꧀ꦩꦶꦮꦃꦱꦏꦭꦁꦏꦸꦁꦒꦮꦠ꧀​ꦩꦶꦭꦥꦚꦸꦫꦲꦺꦴꦱ꧀ꦱꦶꦥꦸ [ 7 ]ꦤ꧀ꦏꦼꦢꦃꦏꦲꦼꦩꦠ꧀ꦠꦏꦼꦤ꧀ꦲꦶꦁꦏꦁꦱꦪꦼꦏ꧀ꦠꦺꦴꦱ꧀ꦏꦤ꧀ꦛꦶꦮꦼꦤꦶꦁꦔꦶꦁꦧꦸꦢꦶ꧉ꦢꦺꦤꦺꦥꦚꦸꦮꦸꦤ꧀ꦏꦸꦭ꧈ꦩꦤꦮꦶꦮꦺꦴꦤ꧀ꦠꦼꦤ꧀ꦏꦭꦶꦤ꧀ꦠꦸꦤꦶꦁꦥꦔꦶꦩ꧀ꦥꦸꦤ꧀​ꦏꦶꦛꦭ꧀ꦭꦶꦁꦧꦱꦩꦶꦮꦃꦏꦶꦫꦁꦔꦶꦁꦲꦸꦏꦫ꧈ꦥꦫꦩꦲꦺꦴꦱ꧀ꦩꦸꦒꦶꦲꦔꦼꦒꦸꦁꦤꦱꦩꦺꦴꦢꦿꦥꦔꦏ꧀ꦱꦩꦱꦂꦠꦏꦥꦉꦁꦔꦲꦔ꧀ꦭꦼꦉꦱ꧀ꦱꦏꦼ​​ꦲꦩꦂꦒꦶꦱꦗꦠꦺꦴꦱ꧀ꦱꦶꦥꦸꦤ꧀ꦲꦶꦁꦏꦁꦔꦶꦩ꧀ꦥꦸꦤ꧀ꦱꦤ꧀ꦥꦸꦤ꧀ꦲꦔꦿꦸꦩꦲꦺꦴꦱ꧀ꦱꦶꦥꦶꦪꦩ꧀ꦧꦏ꧀ꦩꦤꦮꦶꦢꦺꦫꦺꦁꦥꦗꦥꦗꦲꦤ꧀ꦢꦸꦁꦏꦥ꧀ꦝꦠꦼꦁꦔꦺꦭ꧀ꦩꦶꦥꦸꦤꦶꦏ꧈ꦩꦶꦭꦲꦶꦁꦒꦶꦃꦤꦩꦸꦁꦚꦚꦣꦁꦱꦶꦃꦫꦃꦩꦠ꧀ꦱꦂꦠꦥꦶꦠꦸꦭꦸꦁꦔꦶꦥꦸꦤ꧀ꦦꦔꦺꦫꦤ꧀​ꦩꦸꦒꦶꦱꦒꦼꦢ꧀ꦢꦏꦸꦮꦮꦶꦲꦔ꧀ꦭꦩ꧀ꦥꦃꦲꦶ꧉ꦱꦂꦠꦩꦭꦶꦃꦡꦯꦮꦸꦥ꦳꧀​ꦆꦱ꧀ꦭꦩ꧀ꦥꦸꦤꦶꦏꦏꦶꦤꦂꦱꦏ꧀ꦤꦲꦶꦁꦦꦔꦺꦫꦤ꧀ꦱꦒꦼꦢ꧀ꦢꦲꦩꦸꦩ꧀ꦥꦔꦠ꧀ꦠꦶꦣꦠꦼꦁꦥꦫꦤꦸꦥꦶꦏ꧀ꦱꦱꦂꦠꦥꦫꦥꦩꦶꦉꦁꦱꦢꦪ꧉ ꧋ꦯꦸꦫꦏꦂꦠꦏꦥꦶꦁ​ 1 ꦗꦟꦸꦮꦫꦶ 1925꧉

ꦮꦱ꧀ꦱꦭꦩ꧀

ꦥꦔꦶꦩ꧀ꦥꦸꦤ꧀꧈

[ 8 ]

꧋ꦲꦒꦩꦶ꧉

꧋ꦲꦒꦩꦶꦤꦶꦥꦸꦤ꧀ꦭꦸꦱ꧀ꦠꦶꦄꦭ꧀ꦭꦃꦲꦶꦁꦏꦁꦏꦶꦤꦏꦶꦤ ꧊ꦮꦶꦮꦶꦠ꧀ꦏꦁꦗꦼꦁꦟꦨꦶꦄꦢꦩ꧀ ꧊ꦥꦸꦤꦶꦏꦲꦚ꧀ꦕꦱꦲꦸꦠꦮꦶꦩꦏ꧀ꦱꦸꦢ꧀ꦢꦶꦥꦸꦤ꧀ꦱꦩꦶꦏꦺꦩꦮꦺꦴꦤ꧀ꦏꦭꦶꦪꦤ꧀ꦲꦒꦩꦶꦲꦶꦁꦏꦁꦢꦶꦥꦸꦤ꧀ꦲꦩ꧀ꦥꦶꦭ꧀ꦲꦶꦁꦑꦁꦗꦼꦁꦟꦨꦶꦩꦸꦲ꦳ꦩ꧀ꦩꦢ꧀ s.a.w. ꦲꦶꦁꦒꦶꦃꦥꦸꦤꦶꦏꦲꦒꦩꦶꦆꦱ꧀ꦭꦩ꧀ ꦱꦂꦠꦲꦒꦩꦶꦲꦶꦁꦏꦁꦏꦶꦤꦏꦶꦤꦥꦸꦤꦶꦏꦥꦚ꧀ꦕꦺꦤ꧀ꦲꦶꦁꦒꦶꦃꦤꦶꦥꦸꦤ꧀ꦲꦩ꧀ꦥꦶꦭ꧀ꦲꦶꦁꦥꦫꦲꦸꦠꦸꦱ꧀ꦱꦤ꧀꧈ ꦤꦔꦶꦁꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦱꦧꦼꦤ꧀ꦱꦧꦼꦤ꧀ꦲꦸꦠꦸꦱ꧀ꦱꦤ꧀ ꦠꦩ꧀ꦠꦸꦏꦒꦸꦁꦔꦤ꧀ꦱꦫꦺꦔꦠ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧈ ꦱꦫꦺꦠ꧀ꦮꦲꦸꦱꦒꦼꦢ꧀ꦲꦸꦒꦶꦮꦺꦴꦤ꧀ꦠꦺꦤ꧀ꦧꦺꦢꦤꦶꦥꦸꦤ꧀ꦱꦏꦼꦝꦶꦏ꧀ꦏꦭꦶꦪꦤ꧀ꦱꦫꦺꦔꦠ꧀ꦠꦶꦲꦸꦠꦸꦱ꧀ꦱꦤ꧀ꦱꦤꦺꦱꦤꦺꦱ꧀ꦱꦶꦥꦸꦤ꧀꧈ ꦢꦺꦤꦺꦧꦺꦢꦤꦶꦁꦠꦸꦩꦶꦤ꧀ꦢꦏ꧀ꦏꦶꦥꦸꦤ꧀ꦱꦫꦺꦔꦠ꧀ ꦥꦸꦤꦶꦏꦤꦩꦸꦁꦱꦏꦶꦁꦲꦶꦏ꧀ꦩꦃꦲꦶꦥꦸꦤ꧀ꦓꦸꦱ꧀ꦠꦶꦲꦶꦁꦏꦁꦩꦲꦑꦮꦱ꧈ ꦤꦔꦶꦁꦱꦢꦪꦲꦒꦩꦶꦮꦲꦸꦥꦺꦴꦏꦺꦴꦏ꧀ꦏꦶꦥꦸꦤ꧀ꦱꦩꦶ꧉ ꦲꦮꦶꦠ꧀ꦱꦏꦶꦁꦥꦸꦤꦶꦏ꧈ ꦩꦶꦭꦱꦧꦼꦤ꧀ꦲꦒꦩꦶꦲꦶꦁꦏꦁꦢꦶꦥꦸꦤ꧀ꦝ [ 9 ]ꦠꦼꦁꦔꦏꦼꦤ꧀ꦥꦫꦲꦸꦠꦸꦱ꧀ꦱꦤ꧀ ꦥꦸꦤꦶꦏꦕꦺꦴꦕꦺꦴꦪ꧀ꦠꦸꦩꦿꦥ꧀ꦠꦮ꧀ꦢꦲꦶꦤ꧀ꦢꦶꦥꦸꦤꦤ꧀ ꧊ꦔꦤ꧀ꦢꦼꦭ꧀ꦭꦤ꧀ꦔꦺꦱ꧀ꦠꦺꦴꦏ꧀ꦲꦏꦼꦤ꧀ ꦧꦶꦥꦶꦃꦪꦾꦁꦪꦶꦁꦏꦁꦩꦸꦂꦧꦮꦱꦺꦱꦥꦸꦤꦶꦏꦤꦩꦸꦁꦱꦠꦸꦁꦪꦭ꧀ ꦪꦭ꧀ ꦓꦸꦱ꧀ꦮꦶꦄꦭ꧀ꦭꦃꦥꦶꦪꦩ꧀ꦧꦏ꧀ ꧊ꦥꦸꦤꦥꦩꦩꦭꦶꦃꦠꦸꦩꦿꦥ꧀ꦲꦁꦪꦺꦤ꧀ꦤꦶꦥꦸꦤ꧀ꦚꦶꦥꦠ꧀ꦠꦶꦓꦸꦱ꧀ꦜꦶꦄꦭ꧀ꦭꦃꦏꦭꦶꦪꦤ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦱꦶꦥꦠ꧀ ꦥꦸꦤꦶꦏꦲꦶꦁꦪꦶꦃꦱꦩꦶꦏꦺꦩꦮꦺꦴꦤ꧀꧈ ꦢꦺꦤꦺꦩꦏ꧀ꦱꦸꦢ꧀ꦢꦶꦥꦸꦤ꧀ꦱꦢꦪꦪꦪꦩꦶꦥꦸꦤꦶꦏꦮꦺꦴꦤ꧀ꦠꦼꦤ꧀ꦱꦏꦮꦤ꧀ꦥꦿꦏꦮꦶꦱ꧀ ꦲꦶꦁꦪꦶꦃꦥꦸꦤꦶꦏ꧇ ꧑꧇ ꦲꦚ꧀ꦗꦼꦗꦼꦒ꧀ꦒꦏꦼꦤ꧀ꦱꦢꦪꦥꦶꦪꦤ꧀ꦢꦼꦪ꧀ ꦗꦭꦂꦫꦤ꧀ꦩꦤꦸꦱꦥꦸꦤꦶꦏꦫꦕꦏ꧀ꦫꦕꦏ꧀ꦏꦶꦥꦸꦤ꧀ꦧꦺꦴꦠꦼꦤ꧀ꦱꦒꦼꦢ꧀ꦲꦁꦪꦢꦸꦪ꧀ꦝꦠꦼꦁꦱꦶꦥ꦳ꦠ꧀ꦱꦶꦥꦁꦠ꧀ꦠ꦳ꦠ꧀ꦠꦶꦁꦢ꦳ꦠ꧀ꦲꦶꦁꦏꦁꦢꦶꦥꦸꦤ꧀ꦱꦼꦩ꧀ꦧꦃ꧉ ꦱꦮꦼꦤꦺꦴꦲꦶꦁꦩꦤꦸꦱꦮꦺꦴꦤ꧀ꦠꦼꦤ꧀ꦲꦶꦁꦏꦁꦚꦼꦩ꧀ꦧꦃꦱꦸꦂꦪ꧈ ꦏꦗꦼꦁ꧈ ꦱꦺꦭ꧈ ꦭꦺꦥꦺꦤ꧀ꦭꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ ꦲꦮꦶꦠ꧀ꦱꦏꦶꦁꦥꦸꦤꦶꦏꦩꦶꦭꦲꦒꦩꦶꦭꦗꦼꦁꦩꦿꦠ꧈ ꦱꦸꦥꦢꦺꦴꦱ꧀ꦱꦢꦪꦩꦤꦸꦱꦱꦗꦒꦢ꧀ꦥꦸꦤꦶꦏꦱꦪꦼꦤ꧀ꦪꦺꦴꦭꦺꦴꦁ꧈ ꦚꦼꦩ꧀ꦧꦃꦝꦠꦼꦁꦦ [ 10 ]ꦱꦼꦩ꧀ꦧꦃꦲꦤ꧀ꦲꦶꦁꦏꦁꦏꦼꦢꦃꦢꦶꦥꦸꦤ꧀ꦱꦼꦩ꧀ꦧꦃ꧈ꦲꦶꦁꦒꦶꦃꦥꦸꦤꦶꦏꦦꦔꦺꦫꦤ꧀ꦱꦠꦸꦁꦒꦭ꧀ (ꦓꦸꦱ꧀ꦡꦶꦄꦭ꧀ꦭꦃ)꧉ꦢꦺꦤꦺꦔꦺꦭ꧀ꦩꦶꦲꦶꦁꦏꦁ​​ꦔꦽꦩ꧀ꦧꦒ꧀ꦱꦗꦠꦺꦴꦱ꧀ꦱꦶꦁꦱꦱꦼꦩ꧀ꦧꦃꦲꦤ꧀ꦥꦸꦤꦶꦏꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇ꦔꦺꦭ꧀ꦩꦶꦠꦎꦲꦶꦢ꧀꧈ꦠꦎꦲꦶꦢ꧀ꦥꦸꦤꦶꦏꦗꦮꦶꦤꦶꦥꦸꦤ꧀꧇ꦚꦸꦮꦶꦗꦺꦏ꧀ꦲꦏꦼꦤ꧀꧈ꦮꦺꦴꦤ꧀ꦢꦺꦤꦺꦔꦺꦭ꧀ꦩꦶꦚꦸꦮꦶꦗꦶꦏ꧀ꦲꦏꦼꦤ꧀ꦱꦱꦼꦩ꧀ꦧꦃꦲꦤ꧀ꦥꦸꦤꦶꦏꦲꦶꦁꦏꦁꦩꦶꦤꦺꦴꦁꦏꦥꦤ꧀ꦝꦼꦩꦺꦤ꧀ (ꦣꦱꦂ)꧉ ꧒꧇ꦤꦼꦠꦼꦥ꧀ꦥꦏꦼꦤ꧀ꦥꦿꦤꦠꦤ꧀ꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦥꦫꦩꦤꦸꦱ꧈ꦱꦸꦥꦢꦺꦴꦱ꧀ꦱꦒꦼꦢ꧀ꦠꦠꦭꦤ꧀ꦠꦼꦤ꧀ꦠꦽꦩ꧀ꦒꦼꦱꦁꦔꦶꦥꦸꦤ꧀​​ꦲꦸꦥꦩꦶꦤꦶꦥꦸꦤ꧀​ꦢꦩꦼꦭ꧀ꦲꦸꦏꦸꦩ꧀ꦲꦸꦏꦸꦩ꧀​ꦠꦠꦤꦶꦁꦱꦭꦏꦶꦫꦧꦶ꧈ꦥꦠꦿꦥ꧀ꦥꦶꦥꦸꦤ꧀ꦠꦶꦪꦁꦗꦊꦂ​ꦔꦽꦏ꧀ꦱꦣꦠꦼꦁꦱꦺꦩꦃꦭꦤ꧀ꦱꦱꦩꦶꦤꦶꦥꦸꦤ꧀꧈ ꧓꧇ꦩꦿꦤꦠꦧꦧ꧀ꦭꦩ꧀ꦥꦃꦭꦩ꧀ꦥꦃꦲꦶꦁꦔꦶꦧꦢꦃ꧉ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦲꦒꦩꦶꦩꦿꦤꦠꦭꦩ꧀ꦥꦃꦭꦩ꧀ꦥꦃꦲꦶꦁꦔꦶꦧꦢꦃꦥꦸꦤꦶꦏ꧈ꦲꦩꦂꦒꦶꦩꦤꦮꦶꦧꦺꦴꦠꦼꦤ꧀ꦩꦏꦠꦼꦤ꧀​ꦱꦩ꧀ꦥꦸꦤ꧀ꦠꦩ꧀ꦠꦸꦥꦔꦶꦧꦢꦃꦲꦶꦥꦸꦤ꧀ꦩꦤꦸꦱ [ 11 ]ꦣꦠꦼꦁꦦꦔꦺꦫꦤ꧀ꦥꦸꦤꦶꦏꦮꦂꦤꦶꦮꦂꦤꦶꦱꦔꦼꦠ꧀꧈ ꧔꧇ꦚꦩ꧀ꦥꦸꦂꦤꦏ꧀ꦲꦏꦼꦤ꧀ꦧꦸꦢꦶꦥꦏꦼꦂꦠꦶ꧈ꦱꦸꦥꦢꦺꦴꦱ꧀ꦥꦫꦩꦤꦸꦱꦱꦩꦶꦔꦩ꧀ꦧꦃꦩꦂꦒꦶꦲꦶꦁꦏꦁ​ꦊꦉꦱ꧀꧈ꦮꦺꦴꦤ꧀ꦢꦺꦤꦺꦔꦺꦭ꧀ꦩꦶꦤꦶꦁꦲꦒꦩꦶꦲꦶꦁꦏꦁꦔꦽꦩ꧀ꦧꦒ꧀ꦥꦸꦤꦶꦏ꧈ꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦔꦺꦭ꧀ꦩꦶꦠꦱꦮꦸꦥ꦳꧀​​ꦲꦶꦁꦒꦶꦃꦔꦺꦭ꧀ꦩꦶꦠꦱꦮꦸꦥ꦳꧀ꦥꦸꦤꦶꦏꦲꦶꦁꦏꦁꦧꦣꦺꦏꦠꦼꦫꦁꦔꦏꦼꦤ꧀ꦲꦶꦁꦱꦼꦫꦠ꧀ꦥꦸꦤꦶꦏ꧉

꧋ꦠꦱꦮꦸꦥ꦳꧀^[1]

꧋ꦏꦸꦭꦏꦼꦉꦥ꧀ꦩꦶꦉꦁꦲꦸꦠꦮꦶꦩꦲꦺꦴꦱ꧀ꦠꦼꦩ꧀ꦧꦸꦁꦠꦱꦮꦸꦥ꦳꧀ (Tasawwoef)꧉ꦠꦼꦩ꧀ꦧꦸꦁꦠꦱꦮꦸꦥ꦳꧀ꦥꦸꦤꦶꦏꦠꦂꦏꦣꦁꦢꦶꦥꦸꦤ꧀ꦒꦤ꧀ꦝꦺꦁꦏꦭꦶꦪꦤ꧀ꦠꦼꦩ꧀ꦧꦸꦁꦲꦺꦭ꧀ꦩꦶ —ꦄꦃꦭꦶꦲꦸꦠꦮꦶꦏꦶꦠꦧ꧀ꦭꦗꦼꦁꦢꦢꦺꦴꦱ꧀​ꦄꦃꦭꦶꦠꦱꦮꦸꦥ꦳꧀​ꦔꦺꦭ꧀ꦩꦶꦠꦱꦮꦸꦥ꦳꧀ꦭꦤ꧀ꦏꦶꦠꦧ꧀ꦠꦱꦮꦸꦥ꦳꧀꧈ꦲꦶꦁꦫꦺꦃꦤꦶꦁꦧꦺꦴꦏ꧀ꦩꦤꦮꦶꦮꦺꦴꦤ꧀ꦠꦼꦤ꧀ꦱꦭꦃꦱꦠꦸꦁꦒꦭ꧀ꦭꦶꦁꦱꦣꦺꦫꦺꦏ꧀ꦲꦶꦁꦏꦁ [ 12 ]ꦏꦶꦫꦁꦥꦲꦩ꧀ꦝꦠꦼꦁꦠꦼꦒꦼꦱ꧀ꦱꦂꦠꦱꦸꦩꦺꦭꦺꦃꦲꦶꦥꦸꦤ꧀ꦠꦼꦩ꧀ꦧꦸꦁꦠꦱꦮꦸꦥ꦳꧀ ꦥꦿꦩꦶꦭꦲꦶꦁꦏꦁꦔꦤ꧀ꦝꦥ꧀ꦥꦸꦤꦶꦏꦧꦣꦺꦏꦸꦭꦠꦼꦫꦁꦔꦏꦼꦤ꧀ꦲꦶꦁꦱꦒꦢꦸꦒ꧀ꦒꦢꦸꦒ꧀ꦏꦸꦭ꧈ꦲꦁꦒꦺꦤ꧀ꦏꦸꦭꦤꦼꦫꦁꦔꦏꦼꦤ꧀ꦩꦮꦶꦩꦼꦤ꧀ꦝꦼꦠ꧀ꦥꦶꦥꦶꦫꦶꦢ꧀ꦢꦤ꧀ꦱꦏꦶꦁ Al Manar ꦗꦸꦱ꧀ 3 ꦗꦶꦭꦶꦢ꧀ꦢꦤ꧀ XXII꧉ ꧋ꦠꦼꦩ꧀ꦧꦸꦁꦠꦱꦮꦸꦥ꦳ (Tasawwoef) ꦥꦸꦤꦶꦏꦱꦏꦶꦁꦭꦶꦁꦒ꧇ ꦱꦸꦥ꦳꧀ (Soef) ꦠꦼꦒꦼꦱ꧀ꦱꦶꦥꦸꦤ꧀ꦱꦤ꧀ꦝꦁꦔꦤ꧀ꦲꦶꦁꦏꦁꦱꦏꦶꦁꦮꦸꦭꦸꦤꦶꦁꦩꦺꦤ꧀ꦢ꧉ ꦠꦶꦪꦁꦲꦶꦁꦏꦁꦔꦁꦒꦺꦱꦸꦥ꦳꧀ꦥꦸꦤꦶꦏꦤꦩꦶ꧇ꦱꦸꦥꦶꦲꦸꦠꦮꦶꦄꦃꦭꦶꦱꦸꦥꦶ꧉ ꧋ꦩꦶꦠꦸꦫꦸꦠ꧀ꦱꦮꦼꦤꦺꦃꦲꦶꦁꦠꦶꦪꦁꦲꦤꦼꦒꦼꦱ꧀ꦱꦶ꧈ ꦠꦼ ꦩ꧀ꦧꦸꦁꦠꦱꦮꦸꦥ꦳꧀ ꦥꦸꦤꦶꦏꦱꦏꦶꦁꦭꦸꦒ꦳ꦠ꧀ꦪꦸꦤꦤꦶ꧇ꦱꦸꦥꦶ (Sufie). ꦲꦸꦠꦮꦶꦱꦸꦥ꦳(Sufa)꧈ ꦠꦼꦒꦼꦱ꧀ꦱꦶꦥꦸꦤ꧀꧇ꦲꦶꦏ꧀ꦩꦃꦲꦸꦠꦮꦶ Wijsheid. ꧋ꦆꦩꦩ꧀ꦆꦧ꧀ꦤꦸꦗꦈꦗꦶ (Alchafidh-Ibnoe Djauzie)ꦔꦤ꧀ꦢꦶꦏꦮꦺꦴꦤ꧀ꦠꦼꦤ꧀ꦲꦶꦁꦏꦶꦠꦧ꧀ꦏꦫꦁꦔꦤ꧀ꦤꦶꦥꦸꦤ꧀ꦲꦶꦁꦏꦁꦤꦩ꧇ꦠꦭ꧀ꦧꦶꦱꦸꦆꦧ꧀ꦭꦶꦱ꧀(Talbisoe Iblis)ꦩꦏꦠꦼꦤ꧀꧇ ꦱꦸꦥ꦳ (Sufa)ꦲꦶꦏꦸꦲꦫꦤ꧀ꦤꦺꦮꦺꦴꦁꦭꦤꦁꦏꦁꦗꦼꦤꦼꦁ꧇ [ 13 ]ꦓꦺꦴꦱ꧀​ (Ghaus) ꦲꦶꦪꦲꦶꦏꦸꦏꦮꦶꦠ꧀ꦠꦤ꧀ꦤꦺꦮꦺꦴꦁꦏꦁꦲꦚ꧀ꦗꦁꦏꦸꦁꦔꦶꦧꦢꦃꦲꦤꦲꦶꦁꦩꦱ꧀ꦗꦶꦢꦶꦭ꧀ꦲꦫꦩ꧀​ꦱꦠꦸꦫꦸꦤ꧀ꦠꦸꦫꦸꦤ꧀ꦤꦺꦲꦶꦪꦥꦣꦲꦚ꧀ꦗꦁꦏꦸꦁꦔꦶꦧꦢꦃꦲꦤꦲꦶꦁꦩꦱ꧀ꦗꦶꦢ꧀ꦲꦶꦏꦸ꧈​ꦱꦂꦠꦲꦶꦪꦥꦣꦢꦶꦱꦼꦧꦸꦠ꧀꧇​ꦱꦸꦥ꦳꧉ꦮꦺꦴꦁꦏꦁꦥꦣꦔ꧀ꦭꦏꦺꦴꦤ꧀ꦤꦶꦲ꦳ꦗꦶ꧈ꦥꦣꦲꦚ꧀ꦗꦭꦸ​ꦏ꧀ꦆꦗꦗ꦳ꦃꦩꦫꦁꦱꦸꦥ꦳ꦩꦲꦸ꧉^[2] ꧋ꦠꦶꦪꦁꦲꦶꦁꦏꦁꦔꦿꦱꦸꦏ꧀ꦲꦒꦩꦶꦩꦸꦲ꦳ꦩ꧀ꦩꦢ꧀​ꦤꦭꦶꦏꦗꦩꦤ꧀ꦤꦶꦥꦸꦤ꧀ꦑꦁꦗꦼꦁꦟꦨꦶ꧈​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦢꦩꦼꦭ꧀ꦱꦱꦼꦧꦸꦠ꧀ꦠꦤ꧀꧇​ꦄꦃꦭꦶꦱꦸꦥꦶꦲꦸꦠꦮꦶꦄꦃꦭꦶꦔꦧꦶꦢ꧀꧈ ​ꦢꦺꦤꦺꦱꦱꦼꦧꦸꦠ꧀ꦠꦤ꧀ꦤꦶꦥꦸꦤ꧀ꦤꦩꦸꦁ꧇​ꦩꦸꦏ꧀ꦩꦶꦤꦶꦤ꧀ꦲꦸꦠꦮꦶꦩꦸꦱ꧀ꦭꦶꦩꦶꦤ꧀​ ꧍ꦱꦏꦶꦁ​ꦭꦶꦁꦒ꧇​ꦆꦩꦤ꧀ꦭꦤ꧀​ꦆꦱ꧀ꦭꦩ꧀​꧍꧉​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦱꦼꦧꦸꦠ꧀ꦠꦤ꧀ꦮꦂꦤꦶꦮꦂꦤꦶꦮꦲꦸ꧈ꦤꦭꦶꦏꦔꦗꦼꦁꦔꦏꦼꦤ꧀ꦠꦲꦸꦤ꧀​ 200 ​ꦱꦏꦶꦁꦲꦶꦗꦿꦃ꧉​ꦩꦶꦠꦸꦫꦸꦠ꧀ꦥ꦳ꦠꦸꦮꦤꦶꦥꦸꦤ꧀ꦱꦺꦃꦆꦧ꧀ꦤꦸꦠ꧖ꦩꦶꦪꦃ​ (Achmad Taqijoedin ibnoe Taimijah) ꦱꦸꦩꦼꦧꦂꦫꦶꦁꦱꦱꦼꦧꦸꦠ꧀ꦠꦤ꧀ꦱꦸꦥ꦳ꦥꦸ [ 14 ]ꦤꦶꦏꦱꦱꦩ꧀ꦥꦸꦤ꧀ꦤ꧀ꦤꦶꦥꦸꦤ꧀​ 300 ꦠꦲꦸꦤ꧀ꦱꦏꦶꦁꦲꦶꦗꦿꦃ꧉ꦮꦶꦮꦶꦠ꧀ꦠꦶꦥꦸꦤ꧀ꦱꦸꦩꦼꦧꦂꦮꦺꦴꦤ꧀ꦠꦼꦤ꧀ꦲꦶꦁꦤꦒꦫꦶꦨꦱꦿꦺꦴꦃ (Basra)꧉ ꧋ꦩꦏ꧀ꦱꦸꦢ꧀ꦢꦶꦥꦸꦤ꧀ꦔꦺꦭꦶꦩꦶꦠꦱꦮꦸꦥ꦳꧀ꦥꦸꦤꦶꦏꦥꦚ꧀ꦕꦺꦤ꧀ꦱꦲꦺꦱꦔꦼꦠ꧀​​ꦲꦶꦁꦒꦶꦃꦥꦸꦤꦶꦏꦚꦸꦕꦺꦤ꧀ꦤꦶꦩꦤꦃꦱꦏꦶꦁ​ꦲꦠꦼꦏ꧀ꦲꦁꦏꦫꦭꦤ꧀ꦲꦮꦤꦥ꧀ꦱꦸ꧈ꦱꦂꦠꦤꦼꦠꦼꦥ꧀ꦥꦶꦮꦮꦠꦼꦏ꧀ꦏꦤ꧀ꦱꦲꦺꦲꦶꦁꦏꦁꦢꦢꦺꦴꦱ꧀ꦏꦥꦉꦁꦔꦶꦥꦸꦤ꧀ꦓꦸꦱ꧀ꦡꦶꦄꦭ꧀ꦭꦃ꧉ꦮꦺꦴꦤ꧀ꦢꦺꦤꦺꦥꦩꦼꦤ꧀ꦝꦼꦠ꧀ꦠꦶꦥꦸꦤ꧀ꦔꦺꦭ꧀ꦩꦶꦠꦱꦮꦸꦥ꦳꧀ꦥꦸꦤꦶꦏꦲꦸꦒꦶꦱꦏꦶꦁꦑꦸꦂꦄꦤ꧀꧈ ꧋ꦑꦸꦂ​ꦄꦤ꧀ꦥꦸꦤꦶꦏꦥꦚ꧀ꦕꦺꦤ꧀ꦩꦼꦁꦏꦸꦏꦮꦿꦸꦃꦲꦶꦁꦏꦁꦢꦏꦶꦏ꧀ꦢꦏꦶꦏ꧀​​ꦏꦢꦺꦴꦱ꧀ꦠ꧇ꦏꦮꦼꦫꦸꦃꦥ꦳ꦏꦶꦃ꧈ꦏꦮꦼꦫꦸꦈꦱꦸꦭ꧀​ꦏꦮꦼꦫꦸꦃꦲꦶꦁꦏꦁꦩꦿꦤꦠꦭꦩ꧀ꦥꦃꦏꦧꦠꦺꦴꦱ꧀ꦱꦤ꧀ꦭꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀​ꦤꦁꦔꦶꦁꦧꦺꦴꦠꦼꦤ꧀ꦏꦺꦔꦶꦁꦏꦥꦶꦱꦃꦥꦶꦱꦃ꧉ꦠꦶꦪꦁꦲꦶꦁꦏꦁꦚꦒꦤ꧀ꦠꦼꦤ꧀ꦠꦸꦩꦿꦥ꧀ꦏꦮꦼꦫꦸꦃꦥ꦳ꦏꦶꦃꦤꦩ꧇ꦄꦃꦭꦶꦥ꦳ꦏꦶꦃ꧈ꦲꦶꦁꦏꦁꦥꦸꦠꦸꦱ꧀ꦔꦺꦭ꧀ꦩꦶꦎꦱꦸꦭ꧀ꦤꦩ꧇ꦄꦃꦭꦶꦈꦱꦸꦭ꧀​ꦭꦤ꧀ꦲꦶꦁꦏꦁꦥꦸꦠꦸꦱ꧀ꦔꦺꦭ꧀ꦩꦶꦲꦶꦁꦏꦁꦩꦿꦤꦠꦩꦤꦃ꧈ꦤ [ 15 ]ꦩꦄꦃꦭꦶꦠꦱꦮꦸꦥ꦳꧀꧈ ꧋ꦮꦺꦴꦃꦲꦶꦥꦸꦤ꧀ꦠꦶꦪꦁꦲꦶꦁꦏꦁꦲꦁꦒꦶꦭꦸꦠ꧀ꦔꦺꦭ꧀ꦩꦶꦠꦱꦮꦸꦥ꦳꧀ꦥꦸꦤꦶꦏ꧈​ꦱꦒꦼꦢ꧀ꦲꦔꦼꦗꦺꦂꦲꦮꦤꦥ꧀ꦱꦸꦤꦶꦥꦸꦤ꧀ꦢꦶꦥꦸꦤ꧀ꦲꦼꦤꦸꦠ꧀ꦠꦏꦼꦤ꧀ꦝꦠꦼꦁꦑꦸꦫꦤ꧀꧈ ꧋ꦤꦔꦶꦁꦱꦪꦢꦔꦸꦔꦼꦭ꧀ꦩꦶꦠꦱꦮꦸꦥ꦳꧀ꦥꦸꦤꦶꦏꦱꦪꦏꦛꦃꦧꦶꦢ꧀ꦔꦃ​ ꧍Bid'ah꧍ ꦱꦂꦠꦏꦸꦫꦥ꦳ ꧍Choerafat꧍ ​ꦠ꧀ꦲꦶꦁꦏꦁꦚꦩ꧀ꦥꦸꦂꦫꦶ꧉^[3]ꦮꦺꦴꦤ꧀ꦠꦼꦤ꧀ꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦠꦶꦪꦁꦱꦸꦥꦶꦲꦶꦁꦏꦁꦒꦣꦃ​ꦆꦏ꧀ꦠꦶꦏꦢ꧀ꦏꦸꦭꦸꦭ꧀​ ꧍choeloel = ꦦꦔꦺꦫꦤ꧀ꦤꦶꦠꦶꦱ꧀꧍ ꦆꦠ꧀ꦠꦶꦏꦢ꧀ ꧍ittichaad = ꦥꦤꦸꦁꦒꦭ꧀꧍ ​ꦱꦂꦠꦭꦗꦼꦁꦱꦩꦶꦩꦶꦪꦩ꧀ꦧꦏ꧀ꦝꦠꦼꦁꦥꦒꦸꦤꦸꦁꦔꦤ꧀ ꦮꦸꦢꦧꦊꦗꦼꦠ꧀ꦠꦤ꧀ꦥꦠꦸꦠꦸꦥ꧀ꦔꦸꦫꦠ꧀​ꦒꦶꦭꦣꦠꦼꦁꦥꦲꦺꦢꦃꦲꦶꦁ​ꦲꦂꦠ꧈ꦚꦏꦶꦠ꧀ꦠꦶꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦏꦭꦪꦤ꧀ꦚꦼꦒꦃꦱꦼꦣꦭꦤ꧀ꦔꦺꦴꦩ꧀ꦧꦺ꧉​ꦱꦢꦪꦆꦠ꧀ꦠꦶꦏꦢ꧀ꦭꦤ꧀ꦠꦶꦤ꧀ꦢꦏ꧀ꦲꦶꦁꦏꦁꦤꦭꦶꦱꦶꦂꦱꦏꦶꦁꦑꦸꦂ​ꦄꦤ꧀ꦮꦲꦸꦥꦩꦼꦤ꧀ꦝꦼꦠ꧀ꦠꦶꦥꦸꦤ꧀ꦱꦏꦶꦁꦠꦶꦪꦁ [ 16 ]ꦪꦸꦟꦤ꧀ꦲꦶꦤ꧀ꦝꦸꦭꦚ꧀ꦕꦶꦟ꧈​ꦠꦤ꧀ꦥꦢꦶꦥꦸꦤ꧀ꦮꦮꦱ꧀ꦫꦸꦩꦶꦪꦶꦤ꧀꧈ ꧋ꦱꦏꦶꦁꦒꦸꦩ꧀ꦭꦸꦮꦃꦲꦶꦥꦸꦤ꧀​ꦱꦲꦺꦁꦒꦔꦁꦒꦼꦥ꧀ꦝꦠꦼꦁꦲ꦳ꦢꦶꦱ꧀ꦲꦶꦁꦏꦁꦧꦸꦉꦁꦧꦸꦉꦁ꧈​ꦩꦭꦃꦮꦺꦴꦤ꧀ꦠꦼꦤ꧀ꦲꦶꦁꦏꦁꦥꦸꦫꦸꦤ꧀ꦢꦩꦺꦭ꧀ꦲ꦳ꦢꦶꦱ꧀꧈ ꧋ꦥꦏꦼꦩ꧀ꦥꦭ꧀ꦭꦤ꧀ꦤꦶꦥꦸꦤ꧀ꦠꦶꦪꦁꦩꦗꦸꦯꦶꦲꦶꦁꦏꦁꦱꦸꦩꦼꦢꦾꦔꦿꦶꦱꦏ꧀ꦲꦒꦩꦶꦆꦱ꧀ꦭꦩ꧀​​ꦲꦸꦒꦶꦔ꧀ꦭꦼꦧꦼꦠ꧀ꦠꦏꦼꦤ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦧꦶꦢ꧀ꦔꦃ​ꦝꦠꦼꦁꦔꦺꦭ꧀ꦩꦶꦠꦱꦮꦸꦥ꦳꧀​​ꦥꦩꦿꦶꦃꦲꦶꦥꦸꦤ꧀ꦱꦸꦥꦢꦺꦴꦱ꧀ꦲꦒꦩꦶꦆꦱ꧀ꦭꦩ꧀ꦱꦪꦧꦸꦉꦁ꧈​ꦠꦼꦩꦃꦲꦤ꧀ꦱꦒꦼꦢ꧀ꦲꦚ꧀ꦗꦭꦂꦫꦤꦫꦶꦁꦏꦶꦃꦲꦶꦁꦠꦶꦪꦁ​ꦆꦱ꧀ꦭꦩ꧀꧈​ꦩꦤꦮꦶꦏꦲꦸꦩ꧀ꦩꦸꦱ꧀ꦭꦶꦩꦶꦤ꧀ꦱꦩ꧀ꦥꦸꦤ꧀ꦫꦶꦁꦏꦶꦃꦗꦭꦂꦫꦤ꧀ꦱꦏꦶꦁꦧꦶꦢ꧀ꦔꦃꦮꦲꦸ꧈​ꦱꦩ꧀ꦥꦸꦤ꧀ꦠꦩ꧀ꦠꦸꦠꦶꦪꦁꦩꦗꦸꦯꦶꦱꦒꦼꦢ꧀ꦲꦔꦼꦢꦼꦒ꧀ꦒꦏꦼꦤ꧀ꦏꦫꦗꦤ꧀ꦲꦒꦩꦶꦤꦶꦥꦸꦤ꧀꧈ ꧋ꦩꦏꦠꦼꦤ꧀ꦲꦸꦒꦶꦒꦺꦴꦭꦺꦴꦔꦤ꧀ꦤꦶꦥꦸꦤ꧀ꦠꦶꦪꦁꦧꦡꦶꦤꦶꦪꦃ​ (Bathinijah) ꦲꦚꦼꦧꦫꦶꦏ꧀ꦠꦶꦏꦢ꧀ꦱꦩꦂ꧈​ꦥꦼꦕꦺꦏꦤꦶꦥꦸꦤ꧀ꦔꦧ꧀ꦢꦸꦭ꧀ꦭꦃ​ꦆꦧ꧀ꦤꦸꦱꦧ (Abdoellah ib-noe saba)​ꦠꦶꦪꦁꦪꦲꦸꦢꦶ꧈​ꦲꦶꦁꦏꦭꦁꦔꦤ꧀ꦤꦶꦥꦸꦤ꧀ꦠꦶꦪꦁ [ 17 ]ꦄꦃꦭꦶꦱꦸꦥꦶ꧉ ꧋ꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦏꦲꦤ꧀ꦝꦂꦫꦤ꧀ꦤꦶꦥꦸꦤ꧀ꦧꦧ꧀ꦲꦱꦭ꧀ꦭꦶꦥꦸꦤ꧀ꦠꦼꦩ꧀ꦧꦸꦁꦠꦱꦮꦸꦥ꦳꧀​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦸꦭꦤꦼꦫꦁꦔꦏꦼꦤ꧀​ꦱꦩ꧀ꦥꦸꦤ꧀ꦠꦩ꧀ꦠꦸꦥꦫꦩꦲꦺꦴꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦩꦸꦤ꧀ꦝꦸꦠ꧀ꦥꦿꦶꦏ꧀ꦱ꧇ꦭꦃꦏꦥꦿꦶꦪꦺꦧꦶꦱꦤꦺꦚꦸꦩꦸꦫꦸꦥ꧀ꦥꦶꦠꦱꦮꦸꦥ꦳꧀ꦱꦶꦁꦱꦗꦠꦶ꧉ ꧋ꦱꦒꦼꦢ꧀ꦢꦶꦥꦸꦤ꧀ꦩꦭꦃꦲꦏꦼꦤ꧀ꦠꦱꦮꦸꦥ꦳꧀ꦲꦶꦁꦏꦁꦱꦗꦠꦶꦱꦏꦶꦁꦧꦶꦢ꧀ꦔꦃꦭꦤ꧀ꦏꦸꦫꦥ꦳ꦠ꧀​ꦏꦼꦢꦃꦢꦶꦥꦸꦤ꧀ꦕꦺꦴꦕꦺꦴꦒ꧀ꦒꦏꦼꦤ꧀ꦏꦭꦶꦪꦤ꧀ꦑꦸꦂ​ꦄꦤ꧀ꦭꦤ꧀ꦲ꦳ꦢꦶꦱ꧀ꦲꦶꦁꦏꦁꦱꦏ꦳ꦺꦃ꧈ꦱꦢꦪꦲꦶꦁꦏꦁꦱꦸꦭꦪꦏꦭꦶꦪꦤ꧀ꦑꦸꦂ​ꦄꦤ꧀ꦭꦤ꧀ꦲ꦳ꦢꦶꦱ꧀ꦥꦸꦤꦶꦏꦠꦼꦫꦁ​ꦊꦥꦠ꧀ꦠꦶꦥꦸꦤ꧀꧈ ꧋ꦢꦢꦺꦴꦱ꧀ꦱꦗꦠꦺꦴꦱ꧀ꦱꦶꦥꦸꦤ꧀꧇ꦑꦸꦂ​ꦄꦤ꧀ꦥꦸꦤꦶꦏꦱꦩ꧀ꦥꦸꦤ꧀ꦕꦼꦏꦥ꧀ꦏꦁꦒꦺꦩꦂꦒꦶꦔꦸꦥꦢꦺꦴꦱ꧀ꦏꦱꦩ꧀ꦥꦸꦂꦤꦤ꧀​ꦩꦤꦮꦶꦔꦸꦥꦢꦺꦴꦱ꧀ꦏꦧꦼꦒ꧀ꦗꦤ꧀ꦢꦸꦤ꧀ꦚꦄꦏꦶꦂꦫꦠ꧀​ꦕꦼꦏꦥ꧀ꦩꦶꦤ꧀ꦢꦼꦁꦣꦠꦼꦁꦑꦸꦂ​ꦄꦤ꧀​ꦧꦺꦴꦠꦼꦤ꧀ꦱꦸꦱꦃꦩꦺꦔꦩꦺꦔꦺꦴ꧈ꦣꦮꦸꦃꦲꦶꦥꦸꦤ꧀ꦦꦔꦺꦫꦤ꧀ꦲꦶꦁꦢꦊꦩ꧀ꦑꦸꦂ​ꦄꦤ꧀꧇ꦲꦶꦏꦶꦑꦸꦂ​ꦄꦤ꧀​ꦢꦭꦤ꧀ꦤꦶꦁꦱꦸ [ 18 ]ꦤ꧀ꦏꦁꦧꦼꦤꦼꦂ꧈​ꦱꦶꦫꦥꦣꦔꦺꦱ꧀ꦠꦺꦴꦏ꧀ꦤ꧈ꦥꦺꦴꦩꦲꦗꦩꦤꦸꦠ꧀ꦢꦭꦤ꧀ꦭꦶꦪꦤꦺ꧈ꦏꦁꦩꦶꦱꦃꦲꦏꦺꦲꦶꦁꦱꦶꦫꦱꦏꦢꦢꦭꦤ꧀ꦤꦶꦁꦦꦔꦺꦫꦤ꧀ꦲꦶꦏꦶ꧉꧋ꦱꦥꦸꦤꦶꦏꦩꦼꦁꦒꦃꦒꦚ꧀ꦗꦂꦫꦶꦁꦔꦺꦭ꧀ꦩꦶꦠꦱꦮꦸꦥ꧀ꦮꦶꦮꦶꦠ꧀ꦏꦸꦭꦠꦼꦫꦁꦔꦏꦼꦤ꧀ꦏꦢꦺꦴꦱ꧀ꦲꦶꦁꦔꦤ꧀ꦝꦥ꧀ꦥꦸꦤꦶꦏ꧇

꧋ꦧꦸꦧꦸꦏ꧉

꧋ꦏꦮꦸꦤꦶꦁꦔꦤ꧀ꦤ꧇ ​ꦱꦗꦠꦺꦴꦱ꧀ꦱꦶꦥꦸꦤ꧀ꦩꦤꦸꦱꦥꦸꦤꦶꦏꦱꦤꦗꦤ꧀ꦏꦠꦶꦔꦭ꧀ꦭꦶꦥꦸꦤ꧀ꦤꦩꦸꦁꦱꦠꦸꦁꦒꦭ꧀​​​ꦲꦤꦔꦶꦁꦱꦗꦠꦺꦴꦱ꧀ꦱꦶꦥꦸꦤ꧀ꦏꦭꦶꦃ꧈​ꦲꦶꦁꦒꦶꦃ​ꦥꦸꦤꦶꦏꦧꦢꦤ꧀ꦮꦣꦒ꧀ꦭꦤ꧀ꦧꦢꦤ꧀ꦲꦭꦸꦱ꧀꧈​ ꦱꦢꦪꦠꦶꦪꦁꦲꦶꦁꦔꦭꦩ꧀ꦢꦺꦴꦚꦥꦸꦤꦶꦏꦠꦩ꧀ꦠꦸꦧꦼꦠꦃꦱꦔꦼꦠ꧀ꦝꦠꦼꦁꦏꦱꦫꦱ꧀ꦱꦤ꧀​ ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦮꦺꦴꦤ꧀ꦠꦼꦤ꧀ꦱꦱꦏꦶꦠ꧀ꦲꦶꦁꦏꦁꦱꦒꦼꦢ꧀ꦠꦸꦩꦩꦣꦠꦼꦁꦧꦢꦤ꧀ꦤꦶꦥꦸꦤ꧀​ ꦗꦭꦂꦫꦤ꧀ꦥꦚ꧀ꦕꦺꦤ꧀ꦚꦠꦩꦤꦮꦶ​ ꦏꦱꦫꦱ꧀ꦱꦤ꧀ꦥꦸꦤꦶꦏꦱꦠꦸꦁꦒꦭ꧀ꦭꦶꦁꦥꦿꦧꦺꦴꦠ꧀ꦲꦶꦁꦏꦁꦲꦒꦼꦁꦱꦔꦼꦠ꧀ꦥꦲꦺꦢꦃꦲꦶꦥꦸꦤ꧀​ (Health is better than wealth). [ 19 ]

꧋ꦩꦤꦮꦶꦩꦤꦸꦱꦧꦣꦺꦏꦥꦺꦔꦶꦤ꧀ꦱꦫꦱ꧀ꦧꦢꦤ꧀ꦤꦶꦥꦸꦤ꧀ꦮꦣꦒ꧀​ ꦏꦼꦢꦃꦩꦂꦱꦸꦢꦶꦏꦢꦺꦴꦱ꧀ꦥꦸꦤ꧀ꦢꦶꦩꦂꦒꦶꦤꦶꦥꦸꦤ꧀ꦲꦁꦱꦭ꧀ꦏꦱꦫꦱ꧀ꦱꦤ꧀​ꦲꦸꦥꦩꦶꦤꦶꦥꦸꦤ꧀꧇​ꦒꦶꦩ꧀ꦤꦱ꧀ꦠꦶꦏ꧀ ꧍Health gijmnastics꧍ ꦧꦧ꧀ꦠꦼꦣꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦤꦿꦗꦁꦲꦶꦁꦏꦁꦢꦢꦺꦴꦱ꧀ꦲꦮꦶꦱ꧀ꦱꦤ꧀ꦤꦶꦥꦸꦤ꧀ꦥꦫꦣꦺꦴꦏ꧀ꦠꦼꦂꦱꦂꦠꦲꦒꦩꦶ꧈​ꦲꦸꦥꦩꦶꦤꦶꦥꦸꦤ꧀꧇ꦱꦩ꧀ꦥꦸꦤ꧀ꦤꦼꦣꦠꦠꦼꦣꦤ꧀ꦲꦶꦁꦏꦁꦲꦔꦺꦭ꧀ꦲꦗꦸꦂꦫꦶꦥꦸꦤ꧀​ꦲꦸꦭꦩ꧀ꦧꦧꦶ꧈​ꦧꦫꦁꦲꦶꦁꦏꦁꦥꦼꦣꦼꦱ꧀ꦥꦼꦣꦼꦱ꧀​ꦱꦫꦤ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈​ꦭꦃ꧈​ꦩꦤꦮꦶꦠꦶꦪꦁꦧꦣꦺꦏꦥꦺꦔꦶꦤ꧀ꦱꦫꦱ꧀ꦧꦢꦤ꧀ꦤꦶꦥꦸꦤ꧀ꦲꦭꦸꦱ꧀​ꦲꦶꦁꦒꦶꦃꦏꦼꦢꦃꦔꦸꦢꦶꦏꦢꦺꦴꦱ꧀ꦥꦸꦤ꧀ꦢꦶꦥꦿꦠꦶꦏꦼꦭ꧀ꦭꦶꦥꦸꦤ꧀ꦲꦁꦒꦸꦭꦮꦼꦤ꧀ꦛꦃ​ꦧꦢꦤ꧀ꦲꦭꦸꦱ꧀​ꦢꦺꦤꦺꦏꦭꦩ꧀ꦥꦃꦲꦤ꧀ꦤꦶꦥꦸꦤ꧀ꦥꦸꦤꦶꦏꦧꦺꦴꦠꦼꦤ꧀ꦱꦤꦺꦱ꧀ꦲꦶꦁꦒꦶꦃꦏꦼꦢꦃꦱꦶꦤꦲꦸꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦔꦺꦭ꧀ꦩꦶꦠꦱꦮꦸꦥ꦳꧀^[4]​ ꧋ꦔꦺꦭ꧀ꦩꦶꦄꦢꦧ꧀ꦭꦤ꧀ꦔꦺꦭ꧀ꦩꦶꦠꦱꦮꦸꦥ꦳꧀ꦥꦸꦤꦶꦏꦤꦸꦁꦒꦶ

[ 20 ]ꦠ꧀ꦭꦼꦒꦼꦱ꧀ ꦲꦶꦁꦒꦶꦃꦥꦸꦤꦶꦏꦔꦺꦭ꧀ꦩꦶꦲꦶꦁꦏꦁꦠꦤ꧀ꦱꦃꦲꦁꦒꦿꦺꦤ꧀ꦢꦧꦢꦤ꧀ꦲꦭꦸꦱ꧀ꦏꦢꦺꦴꦱ꧀ꦥꦸꦤ꧀ꦢꦶꦱꦒꦼꦢ꧀ꦢꦶꦥꦸꦤ꧀ꦠꦸꦩꦶꦤ꧀ꦢꦏ꧀ꦱꦲꦺ ꧍ꦊꦉꦱ꧀꧍꧈ꦲꦶꦁꦔꦺꦭ꧀ꦩꦶꦄꦢꦩ꧀ꦔꦿꦶꦏꦶꦢꦶꦥꦸꦤ꧀ꦕꦫꦶꦪꦺꦴꦱ꧀ꦱꦏꦼꦤ꧀ꦗꦩ꧀ꦥꦶꦗꦩ꧀ꦥꦶꦤꦶꦥꦸꦤ꧀ꦧꦢꦤ꧀ꦲꦭꦸꦱ꧀ꦲꦶꦁꦏꦁꦚꦶꦩ꧀ꦥꦁꦱꦏꦶꦁꦒꦫꦶꦱ꧀ꦭꦼꦉꦱ꧀꧈ ꧋ꦢꦺꦤꦺꦔꦺꦭ꧀ꦩꦶꦄꦢꦧ꧀ꦲꦸꦠꦮꦶꦠꦱꦮꦸꦥ꦳꧀ꦥꦸꦤꦶꦏꦥꦩꦼꦤ꧀ꦝꦼꦠ꧀ꦠꦶꦥꦸꦤ꧀ꦱꦏꦶꦁꦄꦪꦠ꧀ꦄꦪꦠ꧀ꦠꦶꦁꦏꦸꦂꦄꦤ꧀ꦱꦂꦠꦲ꦳ꦢꦶꦱ꧀ꦲ꦳ꦢꦶꦱ꧀ꦝꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶꦩꦸꦲ꦳ꦩ꧀ꦩꦢ꧀꧈

***

꧋ꦧꦢꦤ꧀ꦲꦭꦸꦱ꧀꧈

꧋ꦲꦶꦁꦏꦁꦏꦶꦤꦂꦪꦗꦼꦗꦼꦂ꧈ꦥꦂꦭꦸꦤꦼꦫꦁꦔꦏꦼꦤ꧀ꦤꦩꦤꦩꦤꦶꦁꦧꦢꦤ꧀ꦲꦭꦸꦱ꧀꧈ꦱꦫꦺꦃꦤꦶꦁꦤꦩꦤꦩꦥꦸꦤꦶꦏꦱꦢꦪꦠꦼꦩ꧀ꦧꦸꦁꦔꦫꦧ꧀​ꦠꦸꦂꦱꦩꦶꦲꦁꦒꦣꦃꦲꦶꦩꦏ꧀ꦤꦭꦁꦏꦸꦁꦱꦏꦶꦁꦱꦠꦸꦁꦒꦭ꧀​ꦥꦿꦩꦶꦭꦏꦛꦃꦱꦔꦼꦠ꧀ꦠꦶꦪꦁꦲꦶꦁꦏꦁꦏꦭꦶꦤ꧀ꦠꦸꦠꦩ꧀ꦥꦶ꧉ꦩꦶꦭꦱꦸꦥꦢꦺꦴꦱ꧀ꦠꦼꦫꦁꦱꦂꦠꦒꦩ꧀ꦧꦼꦭꦁ꧈ꦥꦂꦭꦸꦱꦔꦼꦠ꧀ꦲꦶꦁꦔꦿꦶꦏꦶꦤꦼꦫꦁꦔꦏꦼꦤ꧀ꦤ [ 21 ]ꦩꦤꦩꦤꦶꦁꦧꦢꦤ꧀ꦲꦭꦸꦱ꧀ꦱꦂꦠꦩꦏ꧀ꦤꦤꦶꦥꦸꦤ꧀꧈​​​​ꦢꦺꦢꦺꦠꦼꦫꦁꦔꦶꦥꦸꦤ꧀ꦩꦏꦠꦼꦤ꧀꧇ ꦲ​꧇​​ꦑꦺꦴꦭ꧀ꦧꦸ​ (Qolboe). I ꦲꦠꦼꦒꦺꦱ꧀꧇​​​​​ꦢꦒꦶꦁꦲꦶꦁꦏꦁꦥꦺꦴꦤ꧀ꦠꦼꦤ꧀ꦲꦶꦁꦣꦣꦱꦶꦱꦶꦃꦏꦶꦮ꧈​ꦭꦶꦩꦿꦃꦲꦶꦲꦥꦸꦤ꧀ꦠꦶꦪꦁꦗꦮꦶꦩꦱ꧀ꦠꦤ꧀ꦤꦶꦗꦤ꧀ꦠꦸꦁ꧉​ꦑꦺꦴꦭ꧀ꦧꦸꦲꦶꦁꦒꦶꦃꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇​ꦱꦤꦸꦧꦫꦶ꧈ꦲꦮꦶꦠ꧀ꦮꦔꦸꦤ꧀ꦤꦶꦥꦸꦤ꧀ꦩꦺꦩ꧀ꦥꦼꦂꦱꦼꦏꦂꦫꦶꦁꦱꦤꦸꦧꦫꦶ꧈​​ꦮꦶꦠ꧀ꦮꦶꦠ꧀ꦠꦤ꧀ꦲꦶꦁꦠꦤꦃꦔ꦳ꦫꦧ꧀꧈ II ꦢꦢꦺꦴꦱ꧀ꦤꦩꦤꦶꦁꦧꦢꦤ꧀ꦲꦭꦸꦱ꧀꧈ ꦤ꧇​​ꦫꦸꦃ​ (Roech) ꦥꦸꦤꦶꦏꦲꦸꦒꦶꦲꦁꦒꦣꦃꦲꦶꦠꦼꦒꦼꦱ꧀ꦏꦭꦶꦃ꧇ I ꦲꦶꦁꦏꦁꦚꦧꦧ꧀ꦧꦏꦼꦤ꧀ꦒꦼꦱꦁꦔꦶꦁꦱꦢꦪꦩꦃꦭꦸꦏ꧀ꦲꦶꦁꦏꦁꦒꦼꦱꦁ꧉ II ꦢꦢꦺꦴꦱ꧀ꦤꦩꦤꦶꦁꦧꦢꦤ꧀ꦲꦭꦸꦱ꧀꧈ ꦕ꧇​ꦔꦏꦭ꧀​​ ('Aql) I ꦲꦠꦼꦒꦼꦱ꧀​ꦏꦮꦼꦫꦸꦃ꧉ II ꦢꦢꦺꦴꦱ꧀ꦤꦩꦤꦶꦁꦧꦢꦤ꧀ꦲꦭꦸꦱ꧀꧈ [ 22 ]

ꦫ꧇	ꦤꦥ꦳꧀ꦱꦸ (Nafsoe) I ꦲꦠꦼꦒꦼꦱ꧀​ꦏꦶꦏꦶꦪꦠ꧀ꦠꦤ꧀ꦤꦶꦁꦱꦃꦮꦠ꧀ꦭꦤ꧀ꦒ꦳ꦺꦴꦢꦺꦴꦧ꧀꧈[5]II ꦢꦢꦺꦴꦱ꧀ꦤꦩꦤꦶꦁꦧꦢꦤ꧀ꦲꦭꦸꦱ꧀꧈

꧋ꦢꦢꦺꦴꦱ꧀ꦧꦢꦤ꧀ꦲꦭꦸꦱ꧀​ꦱꦸꦏ꧀ꦩꦲꦸꦠꦮꦶꦱꦗꦠꦺꦴꦱ꧀ꦱꦶꦁꦩꦤꦸꦱꦥꦸꦤꦶꦏꦲꦶꦁꦠꦼꦩ꧀ꦧꦸꦁꦔ꦳ꦫꦧ꧀ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇ꦑꦺꦴꦭ꧀ꦧꦸ꧈ꦔ꦳ꦏꦭ꧀​ꦫꦸꦃꦲꦸꦠꦮꦶꦤꦥ꦳꧀ꦱꦸ꧉ ꧋ꦢꦺꦤꦺꦊꦁꦒꦃꦲꦶꦁꦤꦥ꦳꧀ꦱꦸꦮꦺꦴꦤ꧀ꦠꦼꦤ꧀ꦲꦶꦁꦧꦢꦤ꧀ꦮꦣꦒ꧀ꦥꦸꦤꦶꦏꦏꦱꦤꦺꦥꦏ꧀ꦲꦏꦼꦤ꧀ꦭꦼꦁꦒꦃꦲꦶꦁꦫꦗꦮꦺꦴꦤ꧀ꦠꦼꦤ꧀ꦲꦶꦁꦏꦫꦗꦤ꧀ꦤꦶꦥꦸꦤ꧀꧈ꦢꦢꦺꦴꦱ꧀ꦤꦥ꦳꧀ꦱꦸꦥꦸꦤꦶꦏꦲꦶꦁꦏꦁꦔꦼꦫꦃꦧꦢꦤ꧀ꦮꦣꦒ꧀​ꦱꦢꦪꦲꦺꦧꦃꦠꦸꦮꦶꦤ꧀ꦥꦺꦴꦭꦃꦲꦶꦁꦲꦁꦒꦺꦴꦠꦤꦶꦁꦧꦢꦤ꧀ꦥꦸꦤꦶꦏꦱꦏꦶꦁꦥꦏꦺꦤ꧀ꦤꦶꦁꦤꦥ꦳꧀ꦱꦸ꧉ꦠꦶꦪꦁꦲꦶꦁꦏꦁꦲꦶꦁꦒꦶꦭ꧀ꦥꦁꦏꦠ꧀ꦠꦶꦁꦤꦥ꦳꧀ꦱꦸꦤꦶꦥꦸꦤ꧀​ꦩꦱ꧀ꦛꦶꦱꦲꦺꦱꦢꦪꦠꦶꦤ꧀ꦢꦏ꧀ꦏꦶꦥꦸꦤ꧀​ꦏꦺꦴꦱꦺꦴꦏ꧀ꦮꦁꦱꦸꦭ꧀ꦭꦶꦥꦸꦤ꧀ꦠꦶꦪꦁꦲꦶꦁꦏꦁꦲꦁꦒꦣꦃꦲꦶꦤꦥ꦳꧀ꦱꦸꦲꦱꦺꦴꦂ꧈ꦩꦱ꧀ꦛꦶꦱꦱꦂꦢꦪ

[ 23 ]ꦲꦺꦧꦃꦲꦶꦁꦲꦁꦒꦺꦴꦠꦤꦶꦥꦸꦤ꧀꧈ ꧋ꦤꦥ꦳꧀ꦱꦸꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦠꦶꦒ꧈ꦥꦶꦥꦿꦶꦚ꧀ꦕꦺꦤ꧀ꦤꦶꦥꦸꦤ꧀ꦏꦢꦺꦴꦱ꧀ꦲꦶꦁꦔꦤ꧀ꦝꦥ꧀ꦥꦸꦤꦶꦏ꧇

ꦲ꧇	ꦤꦥ꦳꧀ꦱꦸꦩꦸꦡ꧀ꦩꦃꦆꦤ꧀ꦤꦃ꧈ꦲꦶꦁꦒꦶꦃꦥꦸꦤꦶꦏꦤꦥ꦳꧀ꦱꦸꦲꦶꦁꦏꦁꦲꦤ꧀ꦠꦼꦁ꧈ꦧꦺꦴꦠꦼꦤ꧀ꦫꦺꦴꦔꦺꦃ꧉ꦤꦥ꦳꧀ꦱꦸꦩꦸꦡ꧀ꦩꦆꦤ꧀ꦤꦃꦥꦸꦤꦶꦏꦤꦥ꦳꧀ꦱꦸꦲꦶꦁꦏꦁꦧꦺꦴꦠꦼꦤ꧀ꦲꦺꦧꦃ꧈ꦱꦤꦗꦤ꧀ꦏꦠꦼꦩ꧀ꦥꦸꦃꦢꦺꦤꦶꦁꦲꦭꦸꦤ꧀ꦤꦶꦁꦱꦃꦮꦠ꧀꧈ꦠꦶꦪꦁꦲꦶꦁꦏꦁꦤꦥ꦳꧀ꦱꦸꦤꦶꦥꦸꦤ꧀ꦩꦸꦡ꧀ꦩꦆꦤ꧀ꦤꦃ꧈ꦱꦩ꧀ꦥꦸꦤ꧀ꦠꦩ꧀ꦠꦸꦥꦶꦤꦸꦗꦶꦱꦥꦫꦶꦥꦺꦴꦭꦃꦲꦶꦥꦸꦤ꧀​ꦭꦩ꧀ꦥꦃꦲꦶꦥꦸꦤ꧀ꦧꦺꦴꦠꦼꦤ꧀ꦤꦭꦶꦱꦶꦂꦱꦫꦩ꧀ꦧꦸꦠ꧀ꦱꦏꦶꦁꦩꦂꦒꦶꦤꦶꦥꦸꦤ꧀ꦦꦔꦺꦫꦤ꧀꧈
ꦤ꧇	ꦤꦥ꦳꧀ꦱꦸꦭꦸꦮ꧀ꦮꦩꦃ꧈ꦲꦁꦒꦶꦃꦥꦸꦤꦶꦏꦤꦥ꦳꧀ꦱꦸꦲꦶꦁꦏꦁꦏꦼꦉꦥ꧀ꦤꦸꦠꦸꦃꦣꦠꦼꦁꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀꧈ꦱꦫꦺꦃꦤꦶꦁꦱꦥ꦳꧀ꦱꦸꦭꦸꦮ꧀ꦮꦩꦃꦥꦸꦤꦶꦏꦢꦺꦫꦺꦁꦱꦤ꧀ꦠꦺꦴꦱꦲꦁꦒꦺꦤ꧀ꦤꦶꦥꦸꦤ꧀ꦲꦁꦒꦸꦗꦼꦁꦔꦶꦲ꦳ꦏꦺꦑꦺꦴꦠ꧀​ꦥꦿꦩꦶꦭꦩꦤꦮꦶꦮꦺꦴ

[ 24 ]

	ꦤ꧀ꦠꦼꦤ꧀ꦒꦺꦴꦣꦲꦶꦁꦏꦁꦲꦔꦿꦚ꧀ꦕꦤ꧈ꦲꦶꦁꦒꦶꦃꦲꦱꦿꦶꦁꦏꦠꦸꦠ꧀​ꦤꦔꦶꦁꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦲꦺꦔꦼꦠ꧀​ꦭꦗꦼꦁꦠꦺꦴꦧꦠ꧀​ꦤꦭꦺꦴꦁꦱꦭꦤ꧀ꦤꦸꦠꦸꦃꦣꦠꦼꦁꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀꧈
ꦕ꧇	ꦤꦥ꦳꧀ꦱꦸꦄꦩ꧀ꦩꦫꦺꦴꦠꦶꦧꦶꦱ꧀ꦱꦸꦆ꧈ꦲꦶꦁꦒꦶꦃꦥꦸꦤꦶꦏꦤꦥ꦳꧀ꦱꦸꦲꦶꦁꦏꦁꦲꦗꦏ꧀ꦲꦗꦏ꧀ꦝꦠꦼꦁꦥꦶꦲꦮꦺꦴꦤ꧀​ꦗꦭꦂꦫꦤ꧀ꦏꦺꦉꦩ꧀ꦲꦶꦁꦱꦒꦤ꧀ꦠꦼꦤ꧀ꦤꦶꦁꦲꦮ꧇ꦢꦸꦂ꧈ꦥꦿꦩꦶꦭꦠꦤ꧀ꦱꦃꦥꦿꦺꦤ꧀ꦠꦃꦲꦮꦺꦴꦤ꧀ꦝꦠꦼꦁꦧꦢꦤ꧀ꦮꦣꦒ꧀꧈[6]

꧋ꦏꦶꦠꦮꦗꦶꦧ꧀ꦲꦚꦩ꧀ꦥꦸꦂꦤꦏ꧀ꦲꦏꦼꦤ꧀ꦤꦥ꦳꧀ꦱꦸꦏꦶꦠꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀​ꦱꦸꦥꦢꦺꦴꦱ꧀ꦢꦢꦺꦴꦱ꧀ꦤꦥ꦳꧀ꦱꦸꦩꦸꦡ꧀ꦩꦆꦤ꧀ꦤꦃ꧉꧋ꦤꦥ꦳꧀ꦱꦸꦥꦸꦤꦶꦏꦲꦁꦒꦣꦃꦲꦶꦥꦶꦫꦤ꧀ꦠꦺꦴꦱ꧀ꦮꦂꦤꦺꦴꦏꦭꦶꦃ꧇

ꦲ꧇	ꦥꦶꦫꦤ꧀ꦠꦺꦴꦱ꧀ꦲꦶꦁꦏꦁꦧꦺꦴꦁꦱꦲꦶꦱ꧀ꦱꦶ ꧍ꦏꦶꦤ

[ 25 ]

	ꦱꦠ꧀ꦩꦿꦶꦥꦠ꧀꧍​ ꦲꦶꦁꦒꦶꦃꦥꦸꦤꦶꦏꦱꦢꦪꦲꦁꦒꦺꦴꦠꦤꦶꦁꦧꦢꦤ꧀꧇ꦠꦔꦤ꧀​ꦏꦸꦥꦶꦁ꧈ꦩꦿꦶꦥꦠ꧀​ꦭꦤ꧀ꦱꦥꦤꦸꦁꦒꦶꦭꦭꦤ꧀ꦤꦶꦥꦸꦤ꧀꧈
ꦤ꧇	ꦲꦶꦁꦏꦁꦧꦺꦴꦁꦱꦩꦏ꧀ꦤꦮꦶ ꧍ꦧꦺꦴꦠꦼꦤ꧀ꦏꦶꦤꦱꦠ꧀ꦲꦶꦁꦩꦿꦶꦥꦠ꧀꧍ ꦲꦶꦁꦒꦶꦃꦥꦸꦤꦶꦏꦱꦃꦮꦠ꧀ꦱꦂꦠꦒ꦳ꦺꦴꦢꦺꦴꦧ꧀꧈ꦱꦃꦮꦠ꧀ꦥꦸꦤꦶꦏꦏꦶꦏꦶꦪꦠ꧀ꦠꦤ꧀ꦲꦶꦁꦏꦁꦲꦚ꧀ꦗꦭꦂꦫꦶꦠꦶꦪꦁꦥꦸꦫꦸꦤ꧀ꦤꦼꦣ꧈ꦔꦺꦴꦩ꧀ꦧꦺ꧈ꦤꦁꦏꦂꦫꦏꦼꦤ꧀ꦮꦶꦗꦶꦭꦤ꧀ꦱꦱꦩꦶꦤꦶꦥꦸꦤ꧀꧈ꦢꦺꦤꦺꦒ꦳ꦺꦴꦢꦺꦴꦧ꧀ꦥꦸꦤꦶꦏꦏꦶꦏꦶꦪꦠ꧀ꦠꦤ꧀ꦲꦶꦁꦏꦁꦲꦚ꧀ꦗꦭꦂꦫꦶꦠꦶꦪꦁꦥꦸꦫꦸꦤ꧀ꦲꦚ꧀ꦗꦒꦶꦧꦢꦤ꧀ꦤꦶꦥꦸꦤ꧀ꦱꦏꦶꦁꦧꦧꦪꦲꦶꦁꦏꦁꦲꦔꦿꦶꦱꦏ꧀ꦏꦏꦼꦤ꧀꧈

꧋ꦱꦲꦸꦥꦩꦶꦤ꦳ꦥ꧀ꦱꦸꦥꦸꦤꦶꦏꦧꦺꦴꦠꦼꦤ꧀ꦲꦁꦒꦣꦃꦲꦶꦥꦶꦫꦤ꧀ꦠꦺꦴꦱ꧀ꦏꦏꦭꦶꦃꦥꦸꦤꦶꦏ꧈ꦱꦩ꧀ꦥꦸꦤ꧀ꦠꦩ꧀ꦠꦸꦠꦶꦪꦁꦧꦺꦴꦠꦼꦤ꧀ꦱꦒꦼꦢ꧀ꦒꦼꦱꦁ꧉ꦱꦤꦗꦤ꧀ꦥꦶꦫꦤ꧀ꦠꦺꦴꦱ꧀ꦱꦶꦥꦸꦤ꧀ꦭꦲꦶꦂꦥꦼꦥꦏ꧀​ꦩꦱ꧀ꦛꦶꦧꦺꦠꦼꦤ꧀ꦥꦸꦫꦸꦤ꧀ꦔꦺꦧꦃꦲꦏꦼꦤ꧀​ꦮꦺꦤ꧀ꦠꦼꦤ꧀ꦱꦏꦸꦭ꧀ꦧꦺꦴꦠꦼꦤ꧀ꦥꦸꦫꦸꦤ꧀ꦩꦸꦭꦸꦏ꧀​ꦮꦺꦴꦤ꧀ꦠꦼ [ 26 ]ꦤ꧀ꦠꦺꦴꦪꦧꦺꦴꦠꦼꦤ꧀ꦥꦸꦫꦸꦤ꧀ꦔꦺꦴꦩ꧀ꦧꦺ꧈ꦩꦏꦠꦼꦤ꧀ꦱꦱꦩꦶꦤꦶꦥꦸꦤ꧀꧈ ꧋ꦤꦥ꦳꧀ꦱꦸꦏꦼꦢꦃꦱꦒꦼꦢ꧀ꦱꦂꦠꦔꦠꦺꦴꦱ꧀ꦲꦠꦺꦴꦱ꧀ꦲꦁꦒꦺꦤ꧀ꦤꦶꦥꦸꦤ꧀ꦔꦁꦒꦺꦥꦶꦫꦤ꧀ꦠꦺꦴꦱ꧀ꦱꦃꦮꦠ꧀ꦭꦤ꧀ꦒꦺꦴꦢꦺꦴꦧ꧀​​ꦲꦮꦶꦠ꧀ꦩꦤꦮꦶꦧꦺꦴꦧꦼꦤ꧀ꦏꦊꦉꦱ꧀ꦱꦤ꧀​ꦱꦒꦼꦢ꧀ꦲꦸꦒꦶꦚꦶꦭꦏꦤ꧀ꦤꦶꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀꧈ ꧋ꦥꦶꦫꦤ꧀ꦠꦺꦴꦱ꧀ꦮꦂꦤꦶꦏꦭꦶꦃꦥꦸꦤꦶꦏꦩꦶꦤꦺꦴꦁꦏꦠꦸꦠꦸꦩ꧀ꦥꦏ꧀ꦏꦤ꧀ꦤꦶꦁꦱꦸꦏ꧀ꦩꦭꦸꦩꦩ꧀ꦥꦃꦣꦠꦼꦁꦏꦱꦸꦮꦂꦒꦤ꧀꧈ꦤꦁꦔꦶꦁꦱꦫꦺꦃꦤꦶꦁꦧꦭꦲꦶꦁꦏꦁꦧꦺꦴꦁꦱꦩꦏ꧀ꦤꦮꦶ꧈ꦲꦶꦁꦒꦶꦃꦥꦸꦤꦶꦏꦱꦃꦮꦠ꧀ꦭꦤ꧀ꦒꦺꦴꦢꦺꦴꦧ꧀​ꦥꦸꦤꦶꦏꦲꦸꦥꦩꦶꦪꦠꦥꦭ꧀ꦒꦭꦏ꧀ꦱꦔꦼꦠ꧀​ꦥꦿꦩꦶꦭꦩꦤꦮꦶꦲꦁꦒꦺꦤ꧀ꦤꦶꦥꦸꦤ꧀ꦲꦔꦼꦕꦏ꧀ꦏꦏꦼꦤ꧀ꦧꦺꦴꦠꦼꦤ꧀ꦏꦤ꧀ꦛꦶꦏꦮꦱ꧀ꦥꦢꦤ꧀​ꦱꦒꦼꦢ꧀ꦲꦸꦒꦶꦚꦶꦭꦏꦤ꧀ꦤꦶ꧉ꦱꦃꦮꦠ꧀ꦝꦠꦼꦁꦠꦠꦼꦣꦤ꧀ꦲꦸꦠꦮꦶꦣꦠꦼꦁ​ꦮꦤꦺꦴꦢꦾꦥꦸꦤꦶꦏꦩꦤꦮꦶꦧꦺꦴꦠꦼꦤ꧀ꦱꦤ꧀ꦠꦺꦴꦱꦥꦩꦼꦏꦏ꧀ꦏꦶꦥꦸꦤ꧀​ꦩꦱ꧀ꦛꦶꦲꦩ꧀ꦧꦶꦭꦲꦺꦤ꧀ꦤꦶ꧉ ꧋ꦱꦠꦺꦴꦏꦺꦮꦤ꧀ꦥꦸꦤꦶꦏꦲꦸꦒꦶꦲꦁꦒꦣꦃꦲꦶꦱꦃ [ 27 ]ꦮꦠ꧀ꦭꦤ꧀ꦒꦺꦴꦢꦺꦴꦧ꧀​ꦠꦤ꧀ꦝꦤꦶꦥꦸꦤ꧀ꦩꦤꦮꦶꦱꦸꦩꦼꦉꦥ꧀ꦥꦏꦉꦩ꧀ꦩꦤ꧀ꦤꦶꦥꦸꦤ꧀​ꦭꦗꦼꦁꦏꦸꦩꦼꦕꦼꦂ꧈ꦭꦤ꧀ꦩꦤꦮꦶꦏꦥꦼꦛꦸꦏ꧀ꦩꦼꦁꦱꦃꦲꦶꦥꦸꦤ꧀​ꦭꦗꦼꦁꦲꦤ꧀ꦝꦼꦭꦶꦏ꧀꧈ ꧋ꦧꦺꦢꦤꦶꦥꦸꦤ꧀ꦱꦠꦺꦴꦏꦺꦲꦤ꧀ꦏꦭꦶꦪꦤ꧀ꦩꦤꦸꦱ꧈ꦩꦤꦮꦶꦩꦤꦸꦱꦲꦁꦒꦣꦃꦲꦶꦥꦩꦮꦱꦲꦶꦁꦏꦁ​ꦊꦥꦱ꧀​ꦱꦢꦪꦲꦶꦁꦏꦁꦧꦣꦺꦏꦠꦶꦤ꧀ꦢꦏ꧀ꦏꦏꦼꦤ꧀ꦩꦱ꧀ꦛꦶꦏꦮꦮꦱ꧀ꦫꦸꦩꦶꦪꦶꦤ꧀​ꦩꦤꦮꦶꦲꦸꦮꦺꦴꦃꦲꦶꦥꦸꦤ꧀ꦱꦲꦺꦲꦶꦁꦒꦶꦃꦢꦶꦥꦸꦤ꧀ꦭꦩ꧀ꦥꦃꦲꦶ꧈ꦱꦤꦗꦤ꧀ꦱꦃꦮꦠ꧀ꦠꦶꦥꦸꦤ꧀ꦧꦺꦴꦠꦼꦤ꧀ꦲꦗꦼꦁ꧈ꦲꦸꦥꦩꦶꦤꦶꦥꦸꦤ꧀ꦔꦺꦴꦩ꧀ꦧꦺꦗꦩ꧀ꦥꦶ꧈ꦥꦸꦤꦶꦏꦱꦤꦗꦤ꧀ꦱꦃꦮꦠ꧀ꦧꦺꦴꦠꦼꦤ꧀ꦲꦗꦼꦁ꧈ꦩꦼꦏ꧀ꦱꦢꦶꦥꦸꦤ꧀ꦲꦺꦴꦩ꧀ꦧꦺ꧈ꦗꦭꦂꦫꦤ꧀ꦲꦸꦮꦺꦴꦃꦲꦶꦥꦸꦤ꧀ꦱꦲꦺ꧈ꦱꦤꦗꦤ꧀ꦱꦮꦼꦤꦺꦃꦲꦶꦁꦏꦺꦮꦤ꧀ꦲꦶꦁꦒꦶꦃꦲꦁꦒꦣꦃꦲꦶꦥꦩꦮꦱ꧀​ꦤꦔꦶꦁꦧꦺꦴꦠꦼꦤ꧀ꦧꦧ꧀ꦭꦱ꧀ꦏꦢꦺꦴꦱ꧀ꦥꦩꦮꦱ꧀ꦱꦶꦥꦸꦤ꧀ꦩꦤꦸꦱ꧈ꦩꦤꦸꦱꦲꦶꦁꦏꦁꦲꦶꦁꦒꦶꦭ꧀ꦢꦫꦗꦠ꧀ꦠꦶꦁꦤꦥ꦳꧀ꦱꦸꦤꦶꦥꦸꦤ꧀ꦩꦤꦮꦶꦧꦣꦺꦠꦸꦩꦶꦤ꧀ꦢꦏ꧀ꦭꦤ꧀ꦏꦸꦩꦼꦕꦥ꧀​ꦭꦁꦏꦸꦁꦫꦸꦩꦶꦪꦶꦤ꧀ꦢꦶꦥꦸꦤ꧀ꦮꦮꦱ꧀ꦲꦸꦮꦺꦴꦃꦲꦶꦥꦸꦤ꧀​ꦮꦶꦕꦤ꧀ꦠꦼꦤ꧀ꦤꦶꦥꦸꦤ꧀꧇ꦏꦥꦿꦶꦪꦺꦲꦸꦮꦺꦴꦃꦲꦺꦔꦩꦭ꧀ꦲꦶꦏꦶ [ 28 ]ꦲꦶꦁꦧꦺꦱꦸꦏ꧀ꦲꦤꦥꦔꦪꦸꦤ꧀ꦤꦤ꧀ꦤꦶꦁꦦꦔꦺꦫꦤ꧀꧈ꦠꦶꦪꦁꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦏꦱꦩ꧀ꦥꦸꦤ꧀ꦧꦧ꧀ꦭꦱ꧀ꦱꦔꦼꦠ꧀ꦥꦩꦮꦱ꧀ꦱꦶꦥꦸꦤ꧀꧈ ꧋ꦮꦺꦴꦤ꧀ꦠꦼꦤ꧀ꦠꦶꦪꦁꦏꦁꦏꦢꦺꦴꦱ꧀ꦱꦠꦺꦴ꧈ꦭꦶꦂꦫꦶꦥꦸꦤ꧀ꦧꦺꦴꦤ꧀ꦠꦼꦤ꧀ꦲꦁꦒꦣꦃꦲꦶꦥꦩꦮꦱ꧀​ꦱꦢꦪꦥꦺꦴꦭꦃꦲꦶꦥꦸꦤ꧀ꦤꦩꦸꦁꦩ꧀ꦭꦶꦒꦶꦏꦫꦤꦱꦃꦮꦠ꧀꧈ꦩꦤꦸꦱꦲꦶꦁꦏꦁꦩꦏꦠꦼꦤ꧀ꦮꦲꦸꦢꦫꦗꦠ꧀ꦠꦶꦥꦸꦤ꧀ꦏꦢꦶꦢꦺꦤꦺꦱꦠꦺꦴ꧉

***

꧋ꦱꦶꦥ꦳ꦠ꧀ꦠꦶꦁꦩꦤꦸꦱ꧉

꧋ꦩꦼꦁꦒꦃꦱꦶꦥ꦳ꦠ꧀ꦠꦶꦁꦩꦤꦸꦱꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦱꦏꦮꦤ꧀​​ꦲꦶꦁꦒꦶꦃꦥꦸꦤꦶꦏ꧇

ꦲ꧇	ꦱꦧꦸꦔꦶꦪꦃ꧍ꦱꦠꦺꦴꦒꦭꦏ꧀꧍꧈
ꦤ꧇	ꦧꦲꦶꦩꦶꦪꦃ꧍ꦫꦗꦏꦪ꧍꧈
ꦕ꧇	ꦱ꦳ꦌꦡꦤꦶꦪꦃ꧍ꦱꦺꦠꦤ꧀꧍꧈
ꦫ꧇	ꦫꦸꦧꦸꦧꦶꦪꦃ꧍ꦏꦦꦔꦺꦫꦤ꧀ꦤꦤ꧀꧍꧈

꧉ꦩꦼꦁꦒꦃꦠꦼꦫꦁꦔꦶꦥꦸꦤ꧀ꦏꦢꦺꦴꦱ꧀ꦲꦶꦁꦔꦤ꧀ꦝꦥ꧀ꦥꦸꦤꦶꦏ꧇ [ 29 ]

ꦲ꧇	ꦩꦤꦮꦶꦱꦶꦥ꦳ꦠ꧀ꦱꦠꦺꦴꦒꦭꦏ꧀ꦲꦶꦁꦏꦁꦩꦼꦩ꧀ꦥꦤ꧀​ꦩꦤꦸꦱꦭꦗꦼꦁꦉꦩꦼꦤ꧀ꦢꦏ꧀ꦱꦶꦪ꧈ꦲꦶꦁꦒꦶꦃꦥꦸꦤꦶꦏꦏꦢꦺꦴꦱ꧀ꦮꦠꦏ꧀ꦏꦶꦁꦱꦠꦺꦴꦲꦶꦁꦏꦁꦒꦭꦏ꧀​ꦉꦩꦼꦤ꧀ꦔꦿꦶꦫꦶꦱꦏ꧀​ꦲꦩ꧀ꦧꦼꦏ꧀ꦲꦁꦏꦫꦩꦸꦂꦏ꧈ꦠꦤ꧀ꦱꦃꦔꦸꦗꦲꦮꦤꦥ꧀ꦱꦸꦤꦶꦥꦸꦤ꧀​ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈
ꦤ꧇	ꦩꦤꦮꦱꦶꦥꦠ꧀ꦫꦗꦏꦪꦲꦶꦁꦏꦁꦩꦼꦩ꧀ꦥꦤ꧀​ꦩꦤꦸꦱꦭꦗꦼꦁꦉꦩꦼꦤ꧀ꦤꦼꦣꦭꦤ꧀ꦱꦉꦱ꧀ꦩꦶ꧈ꦢꦢꦺꦴꦱ꧀ꦮꦮꦠꦏ꧀ꦏꦶꦥꦸꦤ꧀ꦏꦢꦶꦮꦠꦏ꧀ꦏꦶꦁꦫꦗꦏꦪ꧉ꦩꦶꦭꦠꦂꦏꦣꦁꦲꦶꦁꦒꦶꦃꦧꦺꦴꦠꦼꦤ꧀ꦫꦱꦏ꧀ꦏꦤ꧀​ꦱꦤꦗꦤ꧀ꦢꦶꦥꦸꦤ꧀ꦢꦩꦼꦭ꧀ꦏꦼꦧꦺꦴꦮꦤ꧀​ꦢꦶꦥꦸꦤ꧀ꦒꦼꦧꦒ꧀ꦒꦶꦭꦤ꧀ꦢꦶꦥꦸꦤ꧀ꦱꦩ꧀ꦧꦸꦏ꧀ꦏꦶꦲꦶꦁꦒꦶꦃꦏꦺꦤ꧀ꦢꦼꦭ꧀ꦏꦺꦩꦮꦺꦴꦤ꧀​ꦗꦁꦗꦶꦮꦼꦠꦼꦁꦔꦶꦥꦸꦤ꧀ꦮꦉꦒ꧀꧈ꦢꦢꦺꦴꦱꦧꦺꦴꦠꦼꦤ꧀ꦥꦶꦱꦤ꧀ꦥꦶꦱꦤ꧀ꦩꦿꦶꦃꦲꦠꦺꦴꦱ꧀ꦱꦏꦼꦤ꧀ꦲꦤꦏ꧀ꦥꦸꦠꦸꦤꦶꦥꦸꦤ꧀​ꦮꦁꦮꦁꦱꦺꦴꦤ꧀ꦤꦺꦴꦁꦩꦤꦃꦲꦶꦥꦸꦤ꧀ꦗꦁꦗꦶꦱꦩ꧀ꦥꦸꦤ꧀ꦱꦒꦼꦢ꧀ꦲꦔꦸꦗꦱꦃꦮꦠ꧀ꦠꦶꦥꦸꦤ꧀꧇ꦲꦤꦏ꧀ꦥꦸꦠꦸꦱꦥꦱꦶꦁꦮꦼꦫꦸꦃ꧉

[ 30 ]

ꦕ꧇	ꦩꦤꦮꦶꦱꦶꦥ꦳ꦠ꧀ꦠꦶꦁꦱꦺꦠꦤ꧀ꦲꦶꦁꦏꦁꦩꦼꦩ꧀ꦥꦤ꧀​ꦩꦤꦸꦱꦭꦗꦼꦁꦉꦩꦼꦤ꧀ꦢꦏ꧀ꦱꦶꦪ꧈ꦢꦽꦁꦏꦶ꧈ꦱꦿꦺꦲꦶ꧈ꦥꦤꦱ꧀ꦠꦺꦤ꧀​ꦒꦸꦩꦼꦣꦺ꧈ꦠꦸꦩ꧀ꦧꦏ꧀ꦕꦸꦕꦸꦏ꧀ꦏꦤ꧀ꦭꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧈ꦲꦁꦒꦺꦤ꧀ꦤꦶꦥꦸꦤ꧀ꦧꦣꦺꦔꦸꦗꦲꦮꦤꦥ꦳꧀ꦱꦸꦤꦶꦥꦸꦤ꧀​ꦱꦫꦤꦔꦼꦕꦏ꧀ꦏꦏꦼꦤ꧀ꦏꦗꦸꦭꦶꦒ꧀ꦒꦤ꧀ꦤꦶꦥꦸꦤ꧀꧈ꦫꦶꦤ꧀ꦠꦼꦤ꧀ꦢꦭꦸꦠꦤ꧀ꦱꦃꦫꦺꦏꦢꦪꦲꦩꦿꦶꦃꦫꦶꦱꦏ꧀ꦏꦶꦁꦔꦱꦤꦺꦱ꧀​ꦱꦩ꧀ꦧꦺꦤ꧀ꦤꦶꦥꦸꦤ꧀ꦩꦶꦠ꧀ꦤꦃꦱꦤꦏ꧀ꦱꦣꦺꦫꦺꦏ꧀ꦱꦂꦠꦥꦮꦺꦴꦁꦩꦶꦠꦿꦤꦶꦥꦸꦤ꧀ꦥꦶꦪꦩ꧀ꦧꦏ꧀ . . . .꧉
ꦫ꧇	ꦩꦤꦮꦶꦱꦶꦥ꦳ꦠ꧀ꦏꦦꦔꦺꦫꦤ꧀ꦤꦤ꧀ꦲꦶꦁꦏꦁꦩꦼꦩ꧀ꦥꦤ꧀​ꦩꦤꦸꦱꦭꦗꦼꦁꦉꦩꦼꦤ꧀ꦩꦶꦠꦸꦫꦸꦠ꧀ꦲꦶꦁꦩꦂꦒꦊꦉꦱ꧀​ꦉꦩꦼꦤ꧀ꦠꦸꦠꦸꦭꦸꦁꦣꦠꦼꦁꦱꦱꦩꦶꦤꦶꦁꦩꦤꦸꦱ꧈ꦭꦤ꧀ꦉꦩꦼꦤ꧀ꦢꦩꦼꦭ꧀ꦏꦱꦲꦺꦤꦤ꧀꧈ꦠꦶꦪꦁꦲꦶꦁꦏꦁꦏꦼꦧꦏ꧀ꦱꦶꦥ꦳ꦠ꧀ꦏꦦꦔꦺꦫꦤ꧀ꦤꦤ꧀​ꦥꦸꦤꦶꦏꦱꦢꦪꦠꦶꦤ꧀ꦢꦏ꧀ꦠꦩ꧀ꦠꦸꦲꦤꦺꦴꦕꦺꦴꦒ꧀ꦒꦶꦏꦂꦱꦤꦶꦁꦦꦔꦺꦫꦤ꧀​ꦭꦤ꧀ꦱꦢꦪꦥꦺꦴꦭꦃꦲꦶꦥꦸꦤ꧀ꦠꦩ꧀ꦠꦸꦱꦭꦫꦱ꧀ꦗꦀꦏꦭꦶꦪꦤ꧀ꦝꦮꦸꦃꦲꦶꦁꦑꦸꦂꦄꦤ꧀꧈

[ 31 ]꧋ꦏꦩꦤꦸꦁꦱꦤ꧀ꦥꦸꦤꦶꦏꦏꦢꦺꦴꦱ꧀ꦢꦺꦤꦺꦏꦕꦲꦶꦁꦏꦁꦧꦼꦤꦶꦁꦲꦏꦶꦚ꧀​ꦕ꧀ꦭꦺꦴꦁ꧈ꦧꦶꦭꦶꦃꦠꦤ꧀ꦱꦃꦏꦠꦩꦤ꧀ꦏꦸꦏꦸꦱ꧀ꦱꦶꦁꦔꦩꦭ꧀ꦲꦶꦁꦏꦁꦲꦮꦺꦴꦤ꧀​ꦲꦶꦁꦒꦶꦃꦥꦸꦤꦶꦏꦏꦭꦢꦸꦏ꧀ꦏꦶꦁꦲꦼꦩ꧀ꦥꦤ꧀ꦤꦶꦥꦸꦤ꧀ꦱꦶꦥ꦳ꦠ꧀ꦱꦶꦥꦠ꧀ꦮꦲꦸ꧈ꦱꦩ꧀ꦥꦸꦤ꧀ꦠꦩ꧀ꦠꦸꦭꦗꦼꦁꦏꦢꦶꦢꦺꦤꦺꦧꦼꦤꦶꦁꦔꦶꦁꦏꦕꦲꦶꦁꦏꦁꦏꦠꦩꦤ꧀ꦏꦸꦏꦸꦱ꧀​ꦤꦔꦶꦁꦩꦤꦮꦶꦭꦶꦤꦼꦒꦸꦠꦤ꧀ꦏꦸꦏꦸꦱ꧀ꦱꦶꦁꦔꦩꦭ꧀ꦲꦶꦁꦏꦁꦱꦲꦺ꧈ꦲꦶꦁꦒꦶꦃꦥꦸꦤꦶꦏꦭꦧꦼꦠ꧀ꦠꦶꦁꦱꦶꦥꦠ꧀ꦱꦶꦥꦠ꧀ꦮꦲꦸꦲꦶꦁꦏꦁꦏꦤ꧀ꦛꦶꦏꦮꦱ꧀ꦥꦢꦤ꧀​ꦠꦩ꧀ꦠꦸꦱꦪꦩꦶꦤ꧀ꦝꦏ꧀ꦧꦼꦤꦶꦁꦭꦤ꧀ꦩꦚ꧀ꦕꦺꦴꦫꦺꦴꦁꦔꦶꦥꦸꦤ꧀​ꦥꦔꦤ꧀ꦢꦶꦏꦤꦶꦥꦸꦤ꧀ꦩꦌꦩꦸꦤ꧀꧇ꦱꦶꦁꦱꦥꦔ꧀ꦭꦏꦺꦴꦤ꧀ꦤꦶꦥꦁꦒꦮꦺꦢꦺꦴꦱ꧈ꦲꦶꦏꦸꦲꦩꦼꦠꦼꦁꦔꦏꦺꦏꦩꦤꦸꦁꦱꦤ꧀ꦤꦺ꧉

***

꧋ꦢꦪꦤꦶꦁꦱꦺꦠꦤ꧀꧈

꧋ꦥꦤ꧀ꦢꦩꦼꦭ꧀ꦭꦶꦥꦸꦤ꧀ꦩꦤꦸꦱ꧀ꦥꦸꦤꦶꦏꦠꦸꦮꦸꦃꦲꦶꦥꦸꦤ꧀ꦱꦏꦶꦁꦤꦶꦪꦠ꧀ ꧍ꦲꦶꦁꦒꦶꦃꦥꦸꦤꦶꦏꦱꦼꦢꦾꦲꦶꦁꦏꦁꦕꦏꦼꦠ꧀ꦏꦭꦶꦪꦤ꧀ꦧꦫꦁꦲꦶꦁꦏꦁꦧꦣꦺꦢꦶꦥꦸꦤ꧀ꦭꦩ꧀ꦥꦃꦲꦶ꧍꧉ꦤꦶꦪꦠ꧀ꦥꦸꦤꦶꦏꦠꦸꦮꦸꦃꦲꦶꦥꦸꦤ꧀ꦱꦏꦶꦁꦔꦗ꦳ꦩ꧀​ ꧍ꦱꦼꦢꦾꦤꦶꦁꦩꦤꦃ [ 32 ]ꦲꦶꦁꦏꦁꦤꦸꦏꦸꦭ꧀ꦭꦏꦼꦤ꧀ꦤꦶꦪꦠ꧀꧍꧈ꦔꦗ꦳ꦩ꧀ꦥꦸꦤꦶꦏꦠꦸꦮꦸꦃꦲꦶꦥꦸꦤ꧀ꦱꦏꦶꦁꦫꦹꦲ꦳꧀ꦧꦃ ꧍ꦉꦩꦼꦤ꧀ꦝꦠꦼꦁꦱꦠꦸꦁꦒꦶꦭ꧀ꦭꦶꦁꦥꦿꦏꦮꦶꦱ꧀꧍꧈ꦮꦺꦴꦤ꧀ꦢꦺꦤꦺꦫꦸꦲ꦳꧀ꦧꦃꦥꦸꦤꦶꦏꦸꦠꦸꦸꦮꦹꦃꦲꦶꦥꦸꦤ꧀ꦱꦏꦶꦁꦏ꦳ꦠꦶꦂ ꧍ꦏꦽꦤ꧀ꦠꦼꦒ꧀꧍꧈ꦱꦢꦺꦫꦺꦁꦔꦶꦥꦸꦤ꧀ꦏꦶꦠꦠꦸꦩꦶꦤ꧀ꦢꦏ꧀​ꦭꦁꦏꦸꦁꦫꦸꦩꦶꦪꦶꦤ꧀ꦲꦶꦁꦱꦊꦧꦼꦠ꧀ꦠꦶꦁꦱꦤꦸꦧꦫꦶꦏꦶꦠꦠꦤ꧀ꦠꦸꦮꦺꦴꦤ꧀ꦠꦼꦤ꧀ꦏꦉꦤ꧀ꦠꦼꦒ꧀꧈ꦏꦽꦤ꧀ꦠꦼꦒ꧀ꦥꦸꦤꦶꦏꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦼꦤ꧀ꦛꦼꦒ꧀​ꦭꦗꦼꦁꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦫꦸꦲ꦳꧀ꦧꦃ꧉ꦫꦸꦲ꦳꧀ꦧꦃꦤꦸꦮꦸꦃꦲꦏꦼꦤ꧀ꦔꦗ꦳ꦩ꧀꧈ꦔꦗ꦳ꦩ꧀ꦤꦸꦮꦸꦃꦲꦏꦼꦤ꧀ꦤꦶꦪꦠ꧀꧈ꦭꦃꦤꦶꦪꦠ꧀ꦥꦸꦤꦶꦏꦲꦶꦁꦏꦁꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦔ꦳ꦩꦭ꧀꧈ ꧋ꦢꦺꦤꦺꦏ꦳ꦠꦶꦂꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦏꦭꦶꦃ꧈ꦲꦶꦁꦒꦶꦃꦥꦸꦤꦶꦏꦏ꦳ꦠꦶꦂꦲꦮꦺꦴꦤ꧀ꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇ꦮꦱ꧀ꦮꦱ꧀​ꦭꦤ꧀ꦏ꦳ꦠꦶ‍ꦂꦱꦲꦺ꧈ꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇ꦆꦭ꧀ꦲꦩ꧀꧈ ꧉ꦠꦸꦮꦸꦃꦲꦶꦥꦸꦤ꧀ꦏ꦳ꦠꦶꦂꦆꦭ꧀ꦲꦩ꧀ꦥꦸꦤꦶꦏꦱꦏꦶꦁꦩꦭꦌꦏꦠ꧀​ꦢꦢꦺꦴꦱ꧀ꦲꦶꦁꦔꦿꦶꦏꦸꦥꦸꦤꦶꦏꦲꦶꦁꦏꦁꦔꦽꦒꦼꦩ꧀ꦩꦭꦌꦏꦠ꧀꧈ꦱꦩ꧀ꦥꦸꦤ꧀ꦠꦩ꧀ꦠꦸꦏꦺꦩꦮꦺꦴ [ 33 ]ꦤ꧀ꦱꦺꦭꦃꦧꦮꦤꦶꦥꦸꦤ꧀ꦱꦂꦮꦲꦭꦸꦱ꧀ꦭꦤ꧀ꦱꦂꦮꦱꦲꦺ꧉ ꧉ꦮꦺꦴꦤ꧀ꦢꦺꦤꦺꦏ꦳ꦠꦶꦂꦮꦱ꧀ꦮꦱ꧀ꦥꦸꦤꦶꦏꦲꦶꦁꦏꦁꦔꦽꦒꦼꦩ꧀ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦱꦺꦠꦤ꧀꧈ꦢꦺꦤꦺꦮꦠꦏ꧀ꦏꦶꦥꦸꦤ꧀ꦠꦤ꧀ꦱꦃꦲꦁꦏꦫꦩꦸꦂꦏ꧈ꦢꦽꦁꦏꦶ꧈ꦥꦤꦱ꧀ꦠꦺꦤ꧀ꦭꦤ꧀ꦱꦤꦺꦱ꧀ꦱꦱꦤꦺꦱ꧀ꦱꦶꦥꦸꦤ꧀꧋ꦲꦶꦁꦱꦫꦺꦃꦤꦶꦁꦏ꦳ꦠꦶꦂꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦏꦭꦶꦃ꧈ꦲꦶꦁꦲꦶꦃꦥꦸꦤꦶꦏꦲꦮꦺꦴꦤ꧀ꦏꦭꦶꦪꦤ꧀ꦱꦲꦺ꧈ꦩꦶꦭꦠꦶꦤ꧀ꦢꦏ꧀ꦥꦸꦤꦶꦏꦩꦱ꧀ꦛꦶꦲꦶꦁꦒꦶꦃꦮꦂꦤꦶꦏꦭꦶꦃ꧈꧍ꦲꦮꦺꦴꦤ꧀ꦏꦭꦶꦪꦤ꧀ꦱꦲꦺ꧍꧉ꦲꦶꦁꦏꦁꦏꦮꦱ꧀ꦠꦤ꧀ꦤꦤ꧀ꦥꦤ꧀ꦢꦩꦼꦭ꧀ꦲꦮꦺꦴꦤ꧀ꦥꦸꦤꦶꦏꦥꦤ꧀ꦢꦩꦼꦭ꧀ꦲꦶꦁꦏꦁꦲꦤ꧀ꦢꦢꦺꦴꦱ꧀ꦱꦏꦼꦤ꧀ꦏꦱꦁꦱꦫꦤ꧀ꦤꦶꦁꦧꦢꦤ꧀ꦤꦶꦥꦸꦤ꧀​​ꦲꦭꦶꦠ꧀ꦠꦶꦥꦸꦤ꧀ꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀​ꦫꦢꦶꦲꦒꦼꦁꦧꦁꦱꦤꦶꦥꦸꦤ꧀​​ꦲꦒꦼꦁꦩꦭꦶꦃꦲꦤ꧀ꦢꦢꦺꦴꦱ꧀ꦱꦏꦼꦤ꧀ꦏꦱꦁꦱꦫꦤ꧀ꦤꦶꦥꦸꦤ꧀ꦠꦶꦪꦁꦱꦗꦒꦢ꧀ꦥꦸꦤꦶꦏ꧉ꦢꦺꦤꦺꦏꦺꦴꦱꦺꦴꦏ꧀ꦮꦁꦱꦸꦭ꧀ꦭꦶꦥꦸꦤ꧀ꦩꦤꦮꦶꦥꦤ꧀ꦢꦩꦼꦭ꧀ꦱꦲꦺ꧈ꦥꦸꦤꦶꦏꦲꦶꦁꦏꦁꦢꦩꦼꦭ꧀ꦱꦏꦺꦕꦤꦶꦁꦒꦼꦱꦁꦔꦶꦥꦸꦤ꧀ꦲꦶꦁꦢꦺꦴꦚꦢꦸꦩꦸꦒꦶꦲꦶꦁꦔꦏꦺꦫꦠ꧀​ꦱꦂꦠ [ 35 ]

	ꦠꦤ꧀ꦱꦩ꧀ꦥꦸꦤ꧀ꦱꦒꦼꦢ꧀ꦩꦥꦤ꧀ꦲꦶꦁꦔꦿꦶꦏꦸ꧈ꦱꦩ꧀ꦥꦸꦤ꧀ꦩꦱ꧀ꦛꦶꦲꦶꦁꦒꦶꦃꦤꦩꦸꦁꦠꦤ꧀ꦱꦃꦔꦸꦗꦏꦽꦤ꧀ꦠꦼꦒ꧀ꦒꦶꦥꦸꦤ꧀ꦝꦠꦼꦁꦮꦤꦺꦴꦢꦾ꧈ꦮꦤ꧀ꦠꦺꦴꦱ꧀ꦧꦺꦴꦠꦼꦤ꧀ꦲꦺꦩꦸꦠ꧀ꦝꦠꦼꦁꦏꦲꦸꦠꦩꦺꦤ꧀​ꦱꦤꦗꦤ꧀ꦩꦼꦢꦭ꧀ꦲꦶꦁꦩꦂꦒꦶꦲꦶꦁꦏꦁꦲ꦳ꦫꦩ꧀​ꦗꦁꦗꦶꦏꦢꦸꦩꦸꦒꦺꦤ꧀ꦱꦼꦢꦾꦤꦶꦥꦸꦤ꧀ꦲꦶꦁꦒꦶꦃꦢꦶꦥꦸꦤ꧀ꦠꦺꦏꦱ꧀꧈
ꦫ꧇	ꦏꦧꦸꦤ꧀ꦠꦼꦭ꧀ꦲꦶꦁꦱꦠꦸꦁꦒꦶꦭ꧀ꦭꦶꦁꦧꦫꦁꦲꦸꦠꦮꦶꦒꦺꦴꦭꦺꦴꦁꦔꦤ꧀꧈ꦩꦤꦸꦱꦥꦸꦤꦶꦏꦥꦚ꧀ꦕꦺꦤ꧀ꦏꦼꦢꦃꦲꦁꦒꦸꦗꦼꦁꦔꦶꦏꦪꦏꦶꦤ꧀ꦤꦤ꧀ꦤꦶꦁꦩꦤꦃꦲꦶꦥꦸꦤ꧀​ꦱꦸꦥꦢꦺꦴꦱ꧀ꦧꦺꦴꦠꦼꦤ꧀ꦤꦩꦩꦺꦴꦚꦂꦩꦚꦶꦂ꧈ꦏꦗꦮꦶꦩꦤꦮꦶꦮꦺꦴꦤ꧀ꦠꦼꦤ꧀ꦏꦪꦏꦶꦤ꧀ꦤꦤ꧀ꦲꦺꦁꦒꦭ꧀ꦲꦁꦏꦁꦭꦁꦏꦸꦁꦏꦶꦪꦠ꧀ꦭꦤ꧀ꦲꦥ꧀ꦱꦃ꧈ꦥꦸꦤꦶꦏꦏꦺꦔꦶꦁꦭꦗꦼꦁꦤꦶꦭꦂꦏꦪꦏꦶꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦏꦁꦫꦸꦩꦶꦪꦶꦤ꧀꧈ꦩꦤꦮꦶꦲꦁꦒꦺꦤ꧀ꦤꦶꦥꦸꦤ꧀ꦲꦁꦒꦸꦗꦼꦁꦔꦶꦏꦪꦏꦶꦤ꧀ꦤꦤ꧀ꦤꦶꦁꦩꦤꦃꦲꦶꦥꦸꦤ꧀ꦢꦶꦥꦸꦤ꧀ꦫꦺꦚ꧀ꦕꦁꦔꦶꦱꦺꦠꦤ꧀​ꦥꦸꦤꦶꦏꦠꦩ꧀ꦠꦸꦭꦗꦼꦁꦧꦸꦣꦼꦒ꧀ꦱꦂꦠꦧꦶꦱꦸ꧈ꦭꦶꦫꦶꦥꦸꦤ꧀ꦧꦺꦴꦠꦼꦤ꧀ꦥꦸꦫꦸꦤ꧀ꦤꦩ꧀ꦧꦃꦲꦶꦏ

[ 36 ]

ꦪꦏꦶꦤ꧀ꦤꦤ꧀ꦤꦶꦥꦸꦤ꧀​ꦱꦂꦠꦧꦺꦴꦠꦼꦤ꧀ꦥꦸꦫꦸꦤ꧀ꦤꦶꦩ꧀ꦧꦁꦤꦶꦩ꧀ꦧꦁꦣꦠꦼꦁꦱꦢꦪꦉꦩ꧀ꦧꦒ꧀​ꦮꦶꦕꦔꦤꦠꦼꦤ꧀ꦤꦶꦥꦸꦤ꧀꧇ꦏꦧꦺꦃꦭꦸꦥꦸꦠ꧀​ꦱꦶꦁꦧꦼꦤꦼꦂꦩꦸꦁꦲꦶꦏꦶ—ꦏꦧꦺꦃꦲꦶꦏꦸꦧꦼꦤꦼꦂ꧈ꦤꦔꦶꦁꦢꦸꦫꦸꦁꦱꦩ꧀ꦥꦸꦂꦤ꧈ꦱꦶꦁꦱꦩ꧀ꦥꦸꦂꦤꦤꦩꦸꦁꦏꦁꦢꦢꦶꦒꦼꦒꦼꦧꦼꦁꦔꦤ꧀ꦤꦏꦸꦲꦶꦏꦶ꧉

***

꧋ꦧꦸꦢꦶꦥꦏꦂꦠꦶ꧉

꧊ꦏꦢꦺꦴꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦠꦼꦫꦁꦔꦏꦼꦤ꧀ꦲꦶꦁꦔꦗꦼꦁ꧈ꦩꦤꦸꦱꦥꦸꦤꦶꦏꦲꦧꦢꦤ꧀ꦏꦭꦶꦃ꧈ꦲꦶꦁꦒꦶꦃꦥꦸꦤꦶꦏꦧꦢꦤ꧀ꦮꦣꦒ꧀ꦭꦤ꧀ꦧꦢꦤ꧀ꦲꦭꦸꦱ꧀꧈ꦏꦭꦶꦃꦏꦭꦶꦃꦲꦶꦥꦸꦤ꧀ꦥꦸꦤꦶꦏꦱꦩꦶꦱꦒꦼꦢ꧀ꦏꦠꦩꦤ꧀ꦲꦶꦁꦱꦱꦏꦶꦠ꧀꧈ꦥꦫꦣꦺꦴꦏ꧀ꦠꦼꦂꦱꦩꦶꦤꦼꦫꦁꦔꦏꦼꦤ꧀ꦥꦿꦠꦶꦏꦼꦭ꧀ꦭꦶꦥꦸꦤ꧀ꦲꦚ꧀ꦗꦒꦶꦧꦢꦤ꧀ꦮꦣꦒ꧀ꦱꦏꦶꦁꦱꦱꦏꦶꦠ꧀꧈ꦲꦶꦁꦔꦺꦭ꧀ꦩꦶꦄꦢꦧ꧀ꦢꦶꦥꦸꦤ꧀ꦠꦼꦫꦁꦔꦏꦼꦤ꧀ꦥꦿꦠꦶꦏꦼꦭ꧀ꦭꦶꦥꦸꦤ꧀ꦲꦚ꧀ꦗꦒꦶꦧꦢꦤ꧀ꦲꦭꦸꦱ꧀ꦱꦏꦶꦁꦱꦱꦏꦶꦠ꧀ꦠꦶꦁꦧꦢꦤ꧀ꦲꦭꦸꦱ꧀꧈ꦱꦩ꧀ꦥꦸꦤ꧀ꦠꦩ꧀ꦠꦸꦏꦺꦩꦮꦺꦴꦤ꧀ꦢꦶꦥꦸꦤ꧀ꦠꦼꦫꦁꦔꦏꦼꦤ꧀ꦱꦧꦧ꧀ꦱꦧꦧ꧀ꦧꦶꦥꦸꦤ꧀ꦱꦏꦶꦠ꧀​ꦥꦸꦤꦥꦢꦺꦤꦺꦥꦤꦸ [ 37 ]ꦭꦏ꧀ꦱꦂꦠꦗ꧀ꦩꦥꦶꦤꦶꦥꦸꦤ꧀꧈꧋ꦠꦶꦪꦁꦲꦶꦁꦏꦁꦱꦫꦱ꧀ꦧꦢꦤ꧀ꦤꦶꦥꦸꦤ꧀ꦲꦭꦸꦱ꧀​ꦥꦸꦤꦶꦏꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇ꦱꦲꦺꦧꦸꦢꦶꦥꦏꦂꦠꦶꦤꦶꦥꦸꦤ꧀꧈ꦮꦮꦫꦃꦥꦸꦤꦥꦏꦺꦩꦮꦺꦴꦤ꧀ꦠ꧀ꦩꦠꦸꦔꦊꦩ꧀ꦝꦠꦼꦁꦧꦸꦢꦶꦥꦏꦂꦠꦶꦱꦲꦺ꧉ꦲꦒꦩꦶꦆꦱ꧀ꦭꦩ꧀ꦲꦁꦒꦺꦤ꧀ꦤꦶꦥꦸꦤ꧀ꦔꦊꦩ꧀ꦱꦂꦠꦥꦿꦺꦤ꧀ꦠꦃꦔꦸꦢꦶꦧꦸꦢꦶꦥꦏꦂꦠꦶꦱꦲꦺꦏꦼꦚ꧀ꦕꦼꦁꦱꦔꦼꦠ꧀​ꦣꦮꦸꦃꦲꦸꦥꦸꦤ꧀ꦑꦁꦗꦼꦁꦟꦨꦶꦦꦟꦸꦠ꧀ꦡꦤ꧀​ꦲꦒꦩꦲꦶꦏꦸꦧꦸꦢꦶꦥꦏꦂꦠꦶꦧꦼꦕꦶꦏ꧀꧈ꦆꦧ꧀ꦤꦸꦔꦧ꧀ꦨꦱ꧀ꦔꦤ꧀ꦢꦶꦏ꧇ꦱꦏꦺꦃꦲꦶꦁꦧꦫꦁꦲꦶꦏꦸꦲꦤꦣꦱꦂꦫꦺ꧈ꦣꦱꦂꦫꦺꦲꦒꦩꦆꦱ꧀ꦭꦩ꧀ꦲꦶꦏꦸꦧꦸꦢꦶꦥꦏꦂꦠꦶꦧꦼꦕꦶꦏ꧀꧈

꧋ꦢꦺꦤꦺꦲꦶꦁꦏꦁꦤꦩꦧꦸꦢꦶꦥꦏꦂꦠꦶꦥꦸꦤꦶꦏ꧇ꦱꦶꦥ꦳ꦠ꧀ꦠꦶꦁꦱꦸꦏ꧀ꦩ꧈ꦲꦶꦁꦏꦁꦱꦒꦼꦢ꧀ꦲꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦥꦤ꧀ꦢꦩꦼꦭ꧀ꦏꦭꦶꦪꦤ꧀ꦒꦩ꧀ꦥꦶꦭ꧀꧈꧋ꦫꦒꦭꦤ꧀ꦱꦸꦏ꧀ꦩꦥꦸꦤꦶꦏꦱꦒꦼꦢ꧀ꦏꦢꦸꦤꦸꦁꦔꦤ꧀ꦱꦲꦺꦲꦸꦠꦮꦶꦲꦮꦺꦴꦤ꧀꧈ꦱꦲꦺꦤꦶꦁꦫꦒꦥꦸꦤꦶꦏꦏꦺꦔꦶꦁꦠꦶꦤꦶꦔꦭ꧀ꦭꦤ꧀ꦏꦭꦶꦪꦤ꧀ꦤꦺꦠꦿꦏꦥꦭ꧈ꦏ [ 38 ]ꦢꦺꦴꦱ꧀ꦠ꧇ꦢꦼꦢꦼꦒ꧀ꦥꦔꦢꦼꦒ꧀ꦒꦶꦥꦸꦤ꧀ꦥꦶꦢꦼꦏ꧀ꦱ꧈ꦩꦿꦶꦥꦠ꧀ꦠꦶꦥꦸꦤ꧀ꦧꦭꦭꦏ꧀ꦧꦭꦭꦏ꧀​ꦒꦿꦤꦤꦶꦥꦸꦤ꧀ꦫꦸꦔꦶꦃ꧈ꦫꦩ꧀ꦧꦸꦠ꧀ꦠꦶꦥꦸꦤ꧀ꦔꦤ꧀ꦝꦤ꧀ꦲꦤ꧀ꦝꦤ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦤꦔꦶꦁꦱꦲꦺꦤꦶꦁꦱꦸꦏ꧀ꦩꦧꦺꦴꦠꦼꦤ꧀ꦩꦱ꧀ꦛꦶꦱꦒꦼꦢ꧀ꦠꦶꦤꦶꦔꦭ꧀ꦭꦤ꧀ꦏꦭꦶꦪꦤ꧀ꦤꦺꦠꦿꦏꦥꦭ꧉ꦏꦛꦃꦏꦺꦩꦮꦺꦴꦤ꧀ꦩꦤꦸꦱꦲꦶꦁꦏꦁꦭꦲꦶꦂꦫꦶꦁꦔꦩꦭ꧀ꦭꦶꦥꦸꦤ꧀ꦱꦲꦺ꧈ꦤꦔꦶꦁꦧꦠꦺꦴꦱ꧀ꦱꦶꦥꦸꦤ꧀ꦏꦢꦺꦴꦱ꧀ꦱꦒꦮꦺꦴꦤ꧀ꦲꦗꦒ꧀꧈꧋ꦠꦶꦪꦁꦲꦶꦁꦏꦁꦱꦸꦏ꧀ꦩꦤꦶꦥꦸꦤ꧀ꦲꦱꦶꦥꦠ꧀ꦱꦲꦺ꧈ꦱꦢꦪꦥꦤ꧀ꦢꦩꦼꦭ꧀ꦭꦶꦥꦸꦤ꧀ꦠ꧀ꦩꦠꦸꦱꦭꦺꦃ꧉ꦤꦔꦶꦁꦠꦶꦪꦁꦲꦶꦁꦏꦁꦭꦲꦶꦂꦫꦶꦁꦔꦩꦭ꧀ꦭꦶꦥꦸꦤ꧀ꦱꦲꦺ꧈ꦢꦺꦫꦺꦁꦩꦱ꧀ꦛꦶꦪꦺꦤ꧀ꦱꦸꦏ꧀ꦩꦤꦶꦥꦸꦤ꧀ꦱꦲꦺ꧉ꦏꦺꦴꦱꦺꦴꦏ꧀ꦮꦁꦱꦸꦭ꧀ꦭꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁꦲꦶꦁꦏꦁꦱꦶꦥꦠ꧀ꦠꦶꦁꦩꦤꦃꦲꦶꦥꦸꦤ꧀ꦱꦲꦺ꧈ꦤꦔꦶꦁꦭꦲꦶꦂꦫꦶꦁꦔꦩꦭ꧀ꦭꦶꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦠꦶꦏ꧀ꦏꦶꦥꦸꦤ꧀​ꦗꦭꦂꦫꦤ꧀ꦏꦱꦼꦥꦺꦤ꧀ꦥꦶꦫꦤ꧀ꦠꦺꦴꦱ꧀ꦱꦶꦁꦔꦩꦭ꧀꧈ꦲꦸꦥꦩꦶꦤꦶꦥꦸꦤ꧀ꦠꦶꦪꦁꦲꦶꦁꦏꦁꦉꦩꦼꦤ꧀ꦠꦸꦠꦸꦭꦸꦁ꧈ꦤꦔꦶꦁꦱꦉꦁꦮꦺꦴꦤ꧀ꦠꦼꦤ꧀ꦭꦫꦺꦏꦕꦼꦒꦸꦂꦱꦸꦩꦸꦂ꧈ꦏꦺꦤ꧀ꦢꦼꦭ꧀ꦏꦺꦩꦮꦺꦴꦤ꧀​ꦗꦭꦂꦫꦤ꧀ꦠꦶꦪꦁꦮꦲꦸꦭꦸꦩ꧀ꦥꦸꦃꦠꦸꦂꦧꦶꦱꦸ꧉ [ 39 ]

꧋ꦚꦲꦺꦏ꧀ꦲꦏꦼꦤ꧀ꦧꦸꦢꦶꦥꦏꦂꦠꦶ꧉

꧋ꦱꦮꦼꦤꦺꦃꦲꦶꦁꦠꦶꦪꦁꦔꦸꦕꦥ꧀꧇ꦱꦸꦏ꧀ꦩꦲꦶꦏꦸꦏꦪꦫꦒ꧈ꦱꦶꦥꦠ꧀ꦠꦺꦲꦺꦴꦫꦏꦼꦤꦢꦶꦲꦺꦴꦮꦃꦲꦶ꧉ꦩꦶꦭꦠꦶꦪꦁꦮꦲꦸꦔꦸꦕꦥ꧀ꦩꦏꦠꦼꦤ꧀​ꦗꦭꦂꦫꦤ꧀ꦲꦁꦒꦣꦃꦲꦶꦥꦔꦿꦲꦺꦴꦱ꧀꧇ꦲꦶꦫꦸꦁꦒꦶꦁꦏꦁꦲꦩ꧀ꦧꦔꦶꦂꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦠꦺꦱꦺꦏ꧀ꦏꦏꦼꦤ꧀​ꦩꦿꦶꦥꦠ꧀ꦥꦶꦛꦸꦠ꧀ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦧꦭꦭꦏ꧀ꦏꦏꦼꦤ꧀​ꦠꦶꦪꦁꦲꦶꦁꦏꦁꦏꦸꦭꦶꦠ꧀ꦠꦶꦥꦸꦤ꧀ꦕꦼꦩꦼꦁꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦗꦼꦤꦺꦏ꧀ꦲꦏꦼꦤ꧀​ꦩꦏꦠꦼꦤ꧀ꦱꦭꦗꦼꦁꦔꦶꦥꦸꦤ꧀꧈ꦥꦸꦤꦶꦏꦭꦗꦼꦁꦏꦏꦶꦪꦱ꧀ꦱꦏꦼꦤ꧀ꦝꦠꦼꦁꦱꦶꦥ꦳ꦠ꧀ꦱꦶꦥ꦳ꦠ꧀ꦠꦶꦁꦧꦢꦤ꧀ꦲꦭꦸꦱ꧀​ꦱꦸꦏ꧀ꦩꦲꦶꦁꦏꦁꦲꦱꦶꦥ꦳ꦠ꧀ꦕꦼꦛꦶꦭ꧀​ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦢꦩꦼꦭ꧀ꦭꦺꦴꦩ꧈ꦩꦏꦠꦼꦤ꧀ꦱꦥꦶꦠꦸꦫꦸꦠ꧀ꦠꦶꦥꦸꦤ꧀꧈꧋ꦱꦮꦼꦤꦺꦃꦲꦶꦁꦠꦶꦪꦁꦩꦭꦶꦃꦔꦸꦕꦥ꧀꧇ꦲꦩ꧀ꦧꦼꦕꦶꦏ꧀ꦏꦏꦺꦧꦸꦢꦶꦥꦏꦂꦠꦶꦲꦶꦏꦸꦲꦺꦴꦫꦧꦶꦱꦏꦭꦏꦺꦴꦤ꧀​ꦲꦩꦂꦒꦏꦁꦗꦼꦤꦼꦁꦧꦸꦢꦶꦥꦏꦂꦠꦶꦧꦼꦕꦶꦏ꧀ꦲꦶꦏꦸꦚꦶꦂꦤꦏ꧀ꦲꦏꦺꦱꦃꦮꦠ꧀ꦭꦤ꧀ꦒ꦳ꦺꦴꦢꦺꦴꦧ꧀​ꦏꦁ [ 40 ]ꦩꦺꦴꦁꦏꦚꦶꦂꦤꦏ꧀ꦲꦏꦺꦱꦃꦮꦠ꧀ꦭꦤ꧀ꦒ꦳ꦺꦴꦢꦺꦴꦧ꧀ꦲꦶꦏꦸꦲꦺꦴꦫꦧꦏꦭ꧀ꦏꦭꦏꦺꦴꦤ꧀꧈ ꧋ꦤꦔꦶꦁꦥꦔꦸꦕꦥ꧀ꦥꦶꦥꦸꦤ꧀ꦠꦶꦪꦁꦮꦂꦤꦏꦭꦶꦃꦲꦶꦁꦔꦶꦁꦒꦶꦭ꧀ꦥꦸꦤꦶꦏꦱꦗꦠꦺꦴꦱ꧀ꦱꦶꦥꦸꦤ꧀ꦏꦭꦶꦤ꧀ꦠꦸꦱꦢꦪ꧈ꦗꦭꦂꦫꦤ꧀ꦩꦤꦮꦶꦥꦔꦸꦕꦥ꧀ꦥꦶꦥꦸꦤ꧀ꦠꦶꦪꦁꦲꦶꦁꦏꦁꦏꦥꦶꦁꦏꦭꦶꦃꦥꦸꦤꦶꦏꦊꦉꦱ꧀​ꦠꦩ꧀ꦠꦸꦢꦺꦴꦚꦧꦺꦴꦠꦼꦤ꧀ꦧꦣꦺꦩꦲꦸꦗꦸꦢ꧀​​​ꦲꦮꦶꦠ꧀ꦩꦤꦸꦱꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦲꦁꦒꦣꦃꦲꦶꦏꦂꦏꦠ꧀ꦥꦸꦤꦥꦥꦸꦤꦥ꧉ꦱꦗꦠꦺꦴꦱ꧀ꦱꦶꦥꦸꦤ꧀ꦥꦫꦒꦸꦫꦸꦲꦶꦁꦏꦁꦔꦗꦼꦁꦏꦼꦤ꧀ꦔꦺꦭ꧀ꦩꦶꦛꦼꦔꦸꦏ꧀ꦛꦼꦔꦸꦏ꧀​ꦩꦼꦗꦃꦲꦶꦱꦃꦮꦠ꧀ꦭꦤ꧀ꦒ꦳ꦺꦴꦢꦺꦴꦧ꧀ꦧꦧꦂꦥꦶꦱꦤ꧀​ꦥꦸꦤꦶꦏꦒꦸꦫꦸꦲꦶꦁꦏꦁꦩꦸꦂꦏꦲꦸꦠꦮꦶꦒꦸꦫꦸꦲꦶꦁꦏꦁꦢꦢꦺꦴꦱ꧀ꦥꦶꦫꦤ꧀ꦠꦺꦴꦱ꧀ꦱꦶꦥꦸꦤ꧀ꦥꦫꦲꦶꦁꦏꦁꦱꦩꦶꦩꦸꦂꦏ꧈ꦥꦩꦿꦶꦃꦲꦶꦥꦸꦤ꧀꧇ꦩꦤꦮꦶꦥꦫꦤꦸꦱꦱꦩꦶꦩꦸꦤ꧀ꦢꦸꦂꦏꦢꦺꦴꦚꦤ꧀ꦤꦶꦥꦸꦤ꧀​ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦠꦩ꧀ꦠꦸꦱꦒꦼꦢ꧀ꦔꦸꦗꦲꦮꦏꦩꦸꦂꦏꦤ꧀ꦤꦶꦥꦸꦤ꧀꧈ ꧋ꦥꦔꦸꦕꦥ꧀ꦲꦶꦁꦏꦁꦏꦥꦶꦁꦱꦥꦶꦱꦤ꧀ꦥꦸꦤꦶꦏꦲꦸꦒꦶꦊꦥꦠ꧀​ꦲꦮꦶꦠ꧀ꦚꦸꦭꦪꦤ꧀ꦤꦶꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤ [ 41 ]ꦤ꧀꧈ꦩꦤꦮꦶꦥꦸꦤꦶꦏꦊꦉꦱ꧀​ꦭꦃꦥꦂꦭꦸꦤꦶꦥꦸꦤ꧀ꦥꦸꦤꦥꦥꦩꦸꦭꦁꦔꦤ꧀ꦥꦩꦸꦭꦁꦔꦤ꧀ꦏꦛꦃꦲꦶꦁꦏꦁꦏꦲꦼꦢꦼꦒ꧀ꦒꦏꦼꦤ꧀​ꦧꦸꦏꦸꦧꦸꦏꦸꦕꦫꦶꦪꦺꦴꦱ꧀ꦱꦲꦺꦱꦩꦶꦏꦒꦼꦭꦂ꧉ꦱꦂꦠꦥꦸꦤꦥꦥꦂꦭꦸꦤꦶꦥꦸꦤ꧀ꦓꦸꦱ꧀ꦡꦶꦄꦭ꧀ꦭꦃꦲꦔꦸꦠꦸꦱ꧀ꦥꦫꦲꦸꦠꦸꦱ꧀ꦱꦤ꧀꧈ꦱꦮꦼꦒ꧀ꦏꦺꦮꦤ꧀ꦏꦺꦩꦮꦺꦴꦤ꧀ꦏꦺꦔꦶꦁꦢꦶꦥꦸꦤꦔꦲꦗꦂ꧈ꦥꦸꦤꦥꦩꦭꦶꦃꦩꦤꦸꦱ꧉꧋ꦥꦫꦩꦲꦺꦴꦱ꧀​ꦩꦤꦮꦶꦒꦶꦤꦼꦩ꧀ꦩꦶꦥꦸꦤ꧀ꦠꦶꦪꦁꦮꦂꦤꦶꦏꦭꦶꦃꦥꦸꦤꦶꦏꦮꦲꦸꦊꦉꦱ꧀​ꦑꦁꦗꦼꦁꦟꦨꦶꦠꦩ꧀ꦠꦸꦧꦺꦴꦠꦼꦤ꧀ꦝꦮꦸꦃ꧇ꦱꦶꦫꦲꦩ꧀ꦧꦼꦕꦶꦏ꧀ꦤꦧꦸꦢꦶꦥꦏꦂꦠꦶꦤꦶꦫ꧉꧋ꦱꦲꦺꦤꦶꦁꦧꦸꦢꦶꦥꦏꦂꦠꦶꦥꦸꦤꦶꦏꦗꦼꦗꦼꦒ꧀ꦒꦶꦁꦭꦩ꧀ꦥꦃꦲꦶꦥꦸꦤ꧀ꦱꦃꦮꦠ꧀ꦭꦤ꧀ꦒꦺꦴꦢꦺꦴꦧ꧀​ꦧꦺꦴꦠꦼꦤ꧀ꦠꦼꦏꦱꦶꦂꦤꦤꦶꦥꦸꦤ꧀​ꦥꦸꦤꦶꦏꦧꦺꦴꦠꦼꦤ꧀꧈

***

꧋ꦔꦺꦮꦃꦲꦶꦮꦠꦏ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦲꦶꦁꦏꦁꦲꦔꦺꦭ꧀​ꦮꦺꦴꦤ꧀ꦠꦼꦤ꧀ꦲꦶꦁꦏꦁꦒꦩ꧀ꦥꦶꦭ꧀​ꦩꦏꦠꦼꦤ꧀ꦥꦸꦤꦶꦏꦏꦺꦔꦶꦁꦏꦫꦶꦁꦏꦼꦱ꧀ꦢꦢꦺꦴꦱ꧀ꦒꦁꦱꦭ꧀ꦥꦁꦏꦠ꧀​ꦲꦶꦁꦒꦶꦃꦥꦸꦤꦶꦏ꧇ [ 42 ]

꧑꧇​	ꦠꦶꦪꦁꦲꦶꦁꦏꦁꦤꦶꦢꦏ꧀ꦏꦏꦼꦤ꧀ꦱꦠꦸꦁꦒꦶꦭ꧀ꦭꦶꦁꦩꦏ꧀ꦱꦶꦪꦠ꧀​ꦤꦔꦶꦁꦠꦶꦪꦁ​ꦮꦲꦸꦧꦺꦴꦠꦼꦤ꧀ꦔꦼꦂꦠꦺꦴꦱ꧀ꦩꦤꦮꦶꦥꦸꦤꦶꦏꦲꦮꦺꦴꦤ꧀꧈ ꧋ꦩꦤꦮꦶꦤꦩꦸꦁꦩꦏꦠꦼꦤ꧀​ꦥꦫꦣꦺꦴꦏ꧀ꦠꦼꦂꦫꦶꦁꦫꦺꦴꦃ꧈​ꦧꦺꦴꦠꦼꦤ꧀ꦧꦣꦺꦏꦺꦮꦿꦤ꧀ꦲꦶꦁꦒꦺꦤ꧀ꦤꦶꦥꦸꦤ꧀ꦲꦔꦿꦕꦶꦏ꧀ꦏꦏꦼꦤ꧀ꦗꦩ꧀ꦥꦶ꧈​ꦗꦭꦫꦤ꧀ꦩꦤꦮꦶꦠꦶꦪꦔ꧀ꦮꦲꦸꦱꦩ꧀ꦥꦸꦤ꧀ꦢꦶꦥꦸꦤ꧀ꦠꦼꦫꦁꦔꦏꦼꦤ꧀꧇ꦎ꧈​ꦔꦺꦴꦤꦺꦴꦲꦶꦏꦸꦭꦸꦥꦸꦠ꧀​​ꦔꦺꦤꦺꦲꦶꦏꦶꦧꦼꦤꦼꦂ꧈​ꦠꦶꦪꦔ꧀ꦮꦲꦸꦩꦱ꧀ꦛꦶꦭꦗꦼꦁꦩꦥꦤ꧀꧉
꧒꧇	​ꦠꦶꦪꦁꦲꦶꦁꦏꦁꦤꦶꦤ꧀ꦢꦏ꧀ꦏꦏꦼꦤ꧀ꦱꦠꦸꦁꦒꦶꦭ꧀ꦭꦶꦁꦩꦏ꧀ꦱꦶꦪꦠ꧀​​ꦤꦔꦶꦁꦏꦺꦉꦩ꧀ꦲꦶꦁꦲꦮ꧈ꦠꦶꦪꦁꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦲ꧈​ꦥꦫꦣꦺꦴꦏ꧀ꦠꦼꦂꦲꦁꦒꦺꦤ꧀ꦤꦶꦥꦸꦤ꧀ꦲꦔꦫꦕꦶꦏ꧀ꦏꦏꦼꦤ꧀ꦗꦩ꧀ꦥꦶꦫꦢꦶꦉꦏꦲꦺꦴꦱ꧀​ꦗꦭꦂꦫꦚ꧀ꦗꦩ꧀ꦥꦶꦤꦶꦥꦸꦤ꧀ꦏꦼꦢꦃꦮꦂꦤꦶꦏꦭꦶꦃ꧈​ꦱꦥꦶꦱꦤ꧀꧇​ ꦏꦼꦢꦃꦮꦺꦴꦤ꧀ꦠꦼꦤ꧀ꦗꦩ꧀ꦥꦶ​ꦲꦶꦁꦏꦁꦩꦸꦱ꧀ꦠꦗꦧ꧀ꦲꦶꦁꦏꦁꦱꦒꦼꦢ꧀ꦲꦩꦼꦁꦒꦏ꧀ꦱꦸꦥꦢꦺꦴꦱ꧀ꦠꦶꦪꦁ​ꦮꦲꦸꦱꦩ꧀ꦥꦸꦤ꧀ꦔ

[ 43 ]

	ꦤ꧀ꦠꦺꦴꦱ꧀ꦏꦺꦥꦩ꧀ꦲꦶꦁꦲꦮ꧉​ꦏꦥꦶꦁꦏꦭꦶꦃ꧇​ꦏꦼꦢꦃꦢꦶꦥꦸꦤ꧀ꦫꦕꦶꦏ꧀ꦏꦏꦼꦤ꧀ꦗꦩ꧀ꦥꦶ꧈​ꦲꦶꦁꦏꦁꦱꦒꦼꦢ꧀ꦲꦤ꧀ꦢꦸꦤꦸꦁꦔꦏꦼꦤ꧀ꦠꦶꦪꦔ꧀ꦮꦲꦸꦝꦠꦼꦁꦏꦲꦸꦠꦩꦤ꧀꧈
꧓꧇​	ꦠꦶꦪꦁ​ꦲꦶꦁꦏꦁꦤꦶꦢ꧀ꦢꦏ꧀ꦏꦏꦼꦤ꧀ꦱꦠꦸꦁꦒꦭ꧀ꦭꦶꦁꦩꦏ꧀ꦱꦶꦪꦠ꧀​ꦩꦔꦽꦠꦺꦴꦱ꧀ꦩꦤꦮꦶ​ꦲꦶꦁ​ꦏꦁꦢꦶꦥꦸꦤ꧀ꦭꦩ꧀ꦥꦃꦲꦶꦮꦲꦸꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦲꦮꦺꦴꦤ꧀​ꦤꦔꦶꦁ​ꦩꦏꦠꦼꦤ꧀ꦥꦸꦤꦶꦏꦢꦶꦥꦸꦤ꧀ꦲꦁꦒꦼꦥ꧀ꦩꦸꦫꦸꦒ꧀ꦒꦏꦼꦤ꧀ꦒꦒꦃꦠꦸꦮꦶꦤ꧀ꦩꦗꦼꦁ꧈​ꦭꦃ꧈​ꦠꦶꦪꦁꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦲ꧈​ꦥꦫꦣꦺꦴꦏ꧀ꦠꦼꦂꦥꦿꦱꦱꦠ꧀ꦧꦺꦴꦠꦼꦤ꧀ꦱꦒꦼꦢ꧀ꦲꦩ꧀ꦧꦸꦢꦶꦢꦪ꧈ꦏꦢꦺꦴꦱ꧀ꦥꦸꦤ꧀ꦢꦶꦱꦒꦼꦢ꧀ꦢꦶꦥꦸꦤ꧀ꦮꦭꦸꦪꦗꦠꦶ꧉ꦩꦶꦭꦏꦼꦢꦃꦢꦶꦥꦸꦤ꧀ꦥꦢꦺꦴꦱ꧀ꦱꦏꦼꦤ꧀ꦥꦿꦺꦴꦥꦺꦱꦺꦴꦂꦫꦶꦁꦝꦺꦴꦏ꧀ꦠꦼꦂ꧉

***

꧋ꦩꦂꦒꦶꦤꦶꦥꦸꦤ꧀ꦲꦚꦲꦺꦏ꧀ꦲꦏꦼꦤ꧀ꦧꦸꦢꦶꦥꦏꦂꦠꦶ꧉

꧋ꦩꦼꦁꦒꦃꦱꦒꦼꦢ꧀ꦢꦶꦥꦸꦤ꧀ꦧꦢꦶꦥꦏꦂꦠꦶꦥꦸꦤꦶꦏꦢꦢꦺꦴꦱ꧀ꦱ [ 44 ]ꦲꦺ꧈ꦩꦂꦒꦶꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦮꦂꦤꦶꦏꦭꦶꦃꦲꦶꦁꦒꦶꦃꦥꦸꦤꦶꦏ꧇ ꧑꧇ꦩ꧀ꦭꦶꦒꦶꦱꦏꦶꦁꦏꦤꦸꦪꦿꦲꦤ꧀ꦤꦶꦁꦦꦔꦺꦫꦤ꧀​ꦮꦶꦮꦶꦠ꧀ꦧꦪꦶꦱꦩ꧀ꦥꦸꦤ꧀ꦏꦢꦸꦤꦸꦤꦸꦁꦔꦤ꧀ꦏꦱꦤ꧀ꦠꦺꦴꦱꦤ꧀​ꦏꦁꦒꦺꦔꦼꦤ꧀ꦝꦭꦺꦤ꧀ꦤꦁꦲꦸꦠꦮꦶꦲꦚ꧀ꦗꦼꦗꦼꦪ꧀ꦪꦏꦼꦤ꧀ꦱꦃꦮꦠ꧀ꦭꦤ꦳꧀ꦪꦺꦴꦩꦺꦴꦧ꧀꧈ ꦥꦫꦟꦨꦶꦱꦂꦠꦥꦫꦫꦸꦱꦸꦥ꧀ꦥꦸꦤꦶꦏꦮꦶꦮꦶꦠ꧀ꦲꦭꦶꦠ꧀ꦡꦶꦭꦱꦩ꧀ꦥꦸꦤ꧀ꦏꦢꦸꦤꦸꦁꦔꦤ꧀ ꧍ꦲꦁꦒꦣꦃꦲꦶ꧍ ꦏꦱꦤ꧀ꦠꦺꦴꦱꦤ꧀ꦤꦶꦁꦩꦤꦃꦏꦁꦒꦺꦲꦚ꧀ꦗꦼꦗꦼꦒ꧀ꦪꦏꦼꦤ꧀ꦱꦃꦮꦠ꧀ꦭꦤ꦳꧀ꦪꦺꦴꦢꦺꦴꦧ꧀ ꦏꦱꦤ꧀ꦠꦺꦴꦱꦤ꧀ꦮꦲꦸꦱꦏꦶꦁꦏꦤꦸꦒꦿꦲꦤ꧀ꦤꦶꦁꦦꦔꦺꦫꦤ꧀꧈ ꧒꧇ ꦱꦏꦶꦁꦔꦸꦢꦶ꧈ ꦲꦶꦒꦶꦃꦥꦸꦤꦶꦏꦔꦗꦼꦒ꧀ꦒꦏꦼꦤ꧀ꦔꦩꦭ꧀ꦲꦸꦠꦩꦶ꧈ ꦱꦲꦺꦁꦒꦢꦢꦺꦴꦱ꧀ꦮꦠꦏ꧀꧈ꦠꦶꦪꦁꦲꦶꦁꦏꦁꦉꦩꦼꦤ꧀ꦏꦢꦸꦤꦸꦁꦔꦤ꧀ꦱꦶꦥ꦳ꦠ꧀ꦲꦤ꧀ꦝꦥ꧀ꦲꦱꦺꦴꦂ꧈ ꦭꦗꦼꦁꦩꦼꦏ꧀ꦱꦝꦠꦼꦁꦱꦃꦮꦠ꧀ꦠꦶꦥꦸꦤ꧀ꦲꦶꦁꦏꦔꦗꦏ꧀ꦲꦗꦏ꧀ꦝꦠꦼꦁꦠꦏꦧꦸꦂ꧈ ꦥꦩꦼꦏ꧀ꦱꦤꦶꦥꦸꦤ꧀ꦥꦸꦤꦶꦏꦏꦼꦢꦃꦠꦭꦠꦺꦴꦱ꧀ꦱꦂ [ 45 ]ꦠꦏꦤ꧀ꦛꦶꦏꦱꦤ꧀ꦠꦺꦴꦱꦤ꧀ꦤꦶꦁꦩꦤꦃ꧉ ꦢꦔꦸꦢꦔꦸꦲꦤ꧀ꦝꦥ꧀ꦲꦱꦠꦂꦭꦗꦼꦁꦢꦢꦺꦴꦱ꧀ꦧꦸꦢꦶꦥꦏꦂꦠꦶ꧈ꦭꦶꦂꦫꦶꦥꦸꦤ꧀ꦢꦢꦺꦴꦱ꧀ꦱꦶꦥ꦳ꦠ꧀ꦠꦶꦁꦫꦺꦴꦃꦲꦶꦥꦸꦤ꧀꧈ ꧋ꦏꦮꦸꦤꦶꦁꦔꦤ꧀ꦤ꧇ꦱꦒꦼꦢ꧀ꦲꦸꦒꦶꦠꦸꦮꦸꦃꦲꦶꦁꦧꦸꦤꦶꦥꦠꦂ ꦠꦶꦲꦮꦺꦴꦤ꧀ꦲꦸꦠꦮꦶꦱꦲꦺ꧈ ꦥꦸꦤꦶꦏꦱꦏꦶꦁ ꦏꦺꦴꦚ꧀ꦕꦏꦚ꧀ꦕꦤꦶꦥꦸꦤ꧀ ꦠꦼꦫꦁꦔꦶꦥꦸꦤ꧀꧇ ꦲ꧇ ꦠꦶꦪꦁꦲꦶꦁꦏꦁꦠꦤ꧀ꦱꦃꦒꦒꦼꦩ꧀ꦝꦾꦏ꧀ꦏꦤ꧀ꦲꦏꦭꦶꦪꦤ꧀ꦠꦶꦪꦁꦲꦶꦁꦏꦁꦔ꧀ꦭꦩ꧀ꦥꦃꦲꦥꦤ꧀ꦢꦩꦼꦭ꧀ꦡꦏ꧀ꦱꦶꦪꦠ꧀ ꦥꦸꦤꦶꦏꦤꦭꦶꦏꦮꦶꦠ꧀ꦠꦤ꧀ ꦤꦶꦔꦭ꧀ꦭꦥꦤ꧀ꦢꦩꦼꦭ꧀ꦡꦏ꧀ꦱꦶꦪꦠ꧀ꦥꦸꦤꦶꦏꦲꦶꦁꦒꦶꦃꦔꦿꦲꦺꦴꦱ꧀ꦥꦭꦶꦠ꧀ ꦤꦔꦶꦁꦱꦫꦺꦃꦤꦶꦁꦢꦶꦥꦸꦤ꧀ꦱꦃꦢꦺꦤꦶꦁꦱꦺꦠꦤ꧀ ꦮꦺꦴꦤ꧀ꦠꦼꦤ꧀ꦲꦶꦁꦱꦼꦭꦮꦸꦁꦏꦭ꧀ꦭꦶꦁꦥꦤ꧀ꦢꦩꦼꦭ꧀ꦡꦏ꧀ꦱꦶꦪꦠ꧀ ꦭꦩꦶꦭꦩꦶꦢꦢꦺꦴꦱ꧀ꦭꦤ꧀ꦝꦼꦥ꧀ ꦩꦤꦮꦶꦤꦶꦔꦒ꧀ꦭꦱꦂꦠꦤꦶꦤ꧀ꦢꦏ꧀ꦏꦏꦼꦤ꧀ꦩꦏ꧀ꦱꦶꦪꦠ꧀ꦥꦸꦤꦶꦏꦔꦿꦲꦺꦴꦱ꧀ꦭꦼꦒꦶꦱꦂꦠꦱꦼꦒꦼꦂ꧈ ꦩꦢꦺꦴꦱ꧀ꦡꦤꦮꦶꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦱꦩ꧀ꦧꦺꦤ꧀ꦤꦶꦥꦸꦤ꧀ꦥꦕꦶꦤ꧀ꦥꦤ꧀ꦢꦩꦼꦭ꧀ꦡꦏ꧀ꦱꦷꦪꦠ꧀ [ 46 ]ꦩꦤꦃꦲꦶꦥꦸꦤ꧀ꦏꦼꦩ꧀ꦧ꧈ꦒꦿꦃꦲꦸꦁ꧈ꦩꦶꦭꦭꦗꦼꦁꦒꦿꦪꦁꦒꦿꦪꦁꦥꦢꦺꦴꦱ꧀ꦕꦒꦏ꧀ꦲꦼꦭꦺꦏ꧀꧈ ꦤ꧇ ꦠꦶꦪꦁꦲꦶꦁꦏꦁꦏꦼꦉꦥ꧀ꦔꦩ꧀ꦥꦒ꧀ꦭꦶꦠꦶꦪꦁꦥꦶꦁꦏꦁꦲꦸꦠꦩꦶ꧈ꦥꦸꦤꦶꦏꦢꦔꦸꦢꦔꦸꦲꦶꦁꦒꦶꦃꦱꦒꦼꦤ꧀ꦏꦠꦫꦶꦏ꧀ꦝꦠꦼꦁꦧꦸꦢꦶꦥꦏꦼꦂꦠꦶꦧꦸꦠꦩꦶ꧈ꦥꦸꦫꦸꦤ꧀ꦲꦁꦒꦪꦸꦃꦱꦂꦠꦔꦸꦢꦶ꧉ꦪꦺꦤ꧀ꦱꦩ꧀ꦥꦸꦤ꧀ꦲꦧꦸꦢꦶꦥꦏꦼꦂꦠꦶꦱꦲꦺ꧈ꦩꦤꦮꦶꦧꦺꦴꦠꦼꦤ꧀ꦲꦔ꧀ꦭꦩ꧀ꦥꦃꦲꦶꦥꦤ꧀ꦢꦩꦼꦭ꧀ꦲꦸꦠꦩꦶ꧈ꦩꦤꦃꦲꦶꦥꦸꦤ꧀ꦲꦶꦁꦒꦶꦃꦧꦺꦴꦠꦼꦤ꧀ꦡꦉꦩ꧀꧈ ꧋ꦲꦮꦶꦠ꧀ꦱꦏꦶꦁꦏꦠꦿꦔꦤ꧀ꦲꦶꦁꦔꦶꦁꦒꦶꦭ꧀ꦮꦲꦸ꧈ꦩꦶꦭꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦔꦼꦩ꧀ꦥꦭ꧀ꦭꦶꦠꦶꦪꦁꦲꦶꦁꦏꦁꦔ꧀ꦭꦩ꧀ꦥꦃꦲꦶꦠꦶꦤ꧀ꦢꦏ꧀ꦢꦸ꧈ꦮꦁꦱꦸꦭ꧀ꦚꦼꦭꦏ꧀ꦏꦤꦥꦫꦶꦪꦁꦲꦶꦁꦏꦁꦱꦩꦶꦱꦭꦺꦴ꧈ꦱꦸꦥꦢꦺꦴꦱ꧀ꦱꦩ꧀ꦥꦸꦤ꧀ꦏꦭꦺꦥꦺꦠ꧀ꦠꦤ꧀ꦠꦶꦤ꧀ꦢꦏ꧀ꦱꦱꦂ꧉

***

꧋ꦧꦧ꧀ꦩꦂꦒꦶꦤꦶꦥꦸꦤ꧀ꦠꦶꦪꦁꦱꦸꦩꦼꦉꦥ꧀ꦱ
ꦱꦏꦶꦠ꧀ꦠꦶꦥꦸꦤ꧀ꦥꦶꦪꦩ꧀ꦧꦏ꧀꧈

꧋ꦏꦛꦃꦠꦶꦪꦁꦲꦶꦁꦏꦁꦱꦏꦶꦠ꧀​ꦤꦔꦶꦁꦧꦺꦴꦠꦼꦤ꧀ꦱꦸ [ 47 ]ꦩꦼꦉꦥ꧀ꦱꦏꦶꦠ꧀ꦠꦶꦥꦸꦤ꧀ ꦩꦏꦠꦼꦤ꧀ꦲꦸꦒꦶꦏꦛꦃꦠꦶꦪꦁꦲꦶꦁꦏꦁꦏꦶꦫꦁꦱꦫꦱ꧀ꦱꦸꦏ꧀ꦩꦤꦶꦥꦸꦤ꧀​ꦤꦔꦶꦁꦧꦺꦴꦠꦼꦤ꧀ꦱꦸꦩꦼꦉꦥ꧀ꦱꦏꦶꦠ꧀ꦠꦥꦸꦤ꧀꧈ꦧꦸꦢꦶꦥꦏꦼꦂꦠꦶꦤꦶꦥꦸꦤ꧀ꦲꦮꦺꦴꦤ꧀​ꦤꦔꦶꦁꦧꦺꦴꦠꦼꦤ꧀ꦱꦸꦩꦉꦥ꧀ꦲꦮꦺꦴꦤ꧀ꦤꦶꦥꦸꦤ꧀꧈ꦥꦼꦂꦭꦸꦱꦔꦼꦠ꧀ꦠꦶꦪꦁꦥꦸꦤꦶꦏꦚꦸꦩꦼꦉꦥ꧀ꦥꦶꦱꦱꦏꦶꦠ꧀ꦠꦶꦥꦸꦤ꧀​ꦱꦸꦥꦢꦺꦴꦱ꧀ꦱꦒꦼꦢ꧀ꦗꦗꦩ꧀ꦥꦶ꧉ꦮꦺꦴꦤ꧀ꦢꦺꦤꦱꦸꦥꦢꦺꦴꦱ꧀ꦡꦤꦸꦱꦱꦒꦼꦢ꧀ꦱꦸꦩꦼꦉꦥ꧀ꦱꦱꦏꦶꦠ꧀ꦠꦥꦸꦤ꧀ꦥꦪꦩ꧀ꦧꦏ꧀​ꦥꦸꦤꦶꦏꦱꦫꦤꦤꦶꦥꦸꦤ꧀ꦏꦢꦺꦴꦱ꧀ꦲꦶꦁꦔꦤ꧀ꦝꦥ꧀ꦥꦸꦤꦶꦏ꧇ ꧑꧇ꦏꦼꦢꦃꦚꦶꦤꦲꦸꦮꦸꦃꦥꦤꦤꦶꦁꦧꦠꦺꦴꦱ꧀ ꧍ꦲꦒꦩꦶ꧍ ꦗꦭꦂꦫꦤ꧀ꦡꦤꦸꦱꦩꦤꦮꦶꦱꦩ꧀ꦥꦸꦤ꧀ꦲꦔꦸꦭꦶꦤꦏ꧀ꦲꦏꦼꦤ꧀ꦩꦶꦉꦁꦔꦏꦼꦤ꧀ꦱꦂꦠꦩꦲꦺꦴꦱ꧀ꦥꦶꦮꦸꦭꦶꦁꦔꦶꦁꦲꦒꦩꦶ꧈ꦲꦶꦁꦩꦺꦴꦁꦏꦏꦤ꧀ꦛꦶꦱꦸꦕꦶꦤꦶꦁꦩꦤꦃꦠꦩ꧀ꦠꦸꦩꦿꦁꦒꦸꦭ꧀ꦭꦶꦲꦁꦕꦺꦴꦕꦺꦴꦒ꧀ꦏꦭꦶꦪꦤ꧀ꦱꦱꦏꦶꦠ꧀ꦠꦶꦁꦤꦥ꦳꧀ꦱꦸꦤ꧀ꦠꦼꦁꦩꦃꦲꦤ꧀ꦭꦗꦼꦁꦒꦸꦩꦿꦺꦒꦃꦠꦸꦩꦤ꧀ꦢꦁꦫꦺꦏꦢꦪꦧꦝꦺꦲꦚ꧀ꦗꦩ꧀ꦥꦺꦤ꧀ꦤꦶꦱꦱꦏꦶꦠ꧀ꦠꦶꦥꦸꦤ꧀꧈ [ 48 ]

꧒꧇

​ꦥꦶꦠꦏꦺꦤ꧀ꦝꦠꦼꦁꦩꦶꦠꦿ꧉​ꦱꦤꦗꦤ꧀ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦱꦩ꧀ꦥꦸꦤ꧀ꦫꦸꦩꦲꦺꦴꦱ꧀ꦧꦺꦴꦠꦼꦤ꧀ꦱꦏꦶꦠ꧀​ꦤꦤꦶꦁ​ꦏꦼꦢꦃꦢꦶꦥꦸꦤ꧀ꦥꦸꦤ꧀ꦠꦺꦴꦏ꧀ꦲꦏꦼꦤ꧀ꦲꦶꦁ​ꦱꦤꦺꦱ꧀​ꦥꦂꦭꦸꦤꦶꦥꦸꦤ꧀ꦤꦩꦸꦁꦏꦁꦒꦺꦤꦺꦴꦤ꧀ꦝ꧈​ꦥꦸꦤꦥꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦥꦸꦤꦶꦏꦠꦏ꧀ꦱꦶꦃꦱꦏꦶꦠ꧀ꦥꦸꦤꦥꦧꦺꦴꦠꦼꦤ꧀​ꦲꦩꦂꦒꦶꦏꦛꦃꦥꦫꦩꦤꦸꦱꦲꦶꦁ​ꦏꦁꦧꦺꦴꦠꦼꦤ꧀ꦱꦸꦩꦼꦉꦥ꧀ꦱꦱꦏꦶꦠ꧀ꦠꦶꦥꦸꦤ꧀ꦥꦶꦪꦩ꧀ꦧꦏ꧀​ꦕꦺꦴꦕꦺꦴꦒ꧀ꦒꦶꦥꦸꦤ꧀ꦏꦭꦶꦪꦤ꧀ꦠꦠꦼꦩ꧀ꦧꦸꦔꦤ꧀ꦩꦭꦪꦸ꧇​ꦩꦏꦠꦼꦤ꧀꧇ Gadjah dipeloepoek mata tiada tampak, ​​koeman diseberang laoetan tampak​꧉ ꦱꦪꦶꦢꦶꦤꦔ꦳ꦸꦩꦂ꧈​ꦥꦸꦤꦶꦏꦻꦁꦒꦶꦃꦠꦤ꧀ꦱꦃꦠꦏꦺꦤ꧀ꦝꦠꦼꦁꦩꦶꦠꦿꦤꦶꦥꦸꦤ꧀​ꦥꦸꦤꦥꦠꦏ꧀ꦱꦶꦃꦏꦒꦸꦁꦔꦤ꧀ꦱꦱꦏꦶꦠ꧀꧈

​꧓꧇

​ꦩꦶꦉꦁꦔꦏꦼꦤ꧀ꦮꦶꦕꦤ꧀ꦠꦼꦤ꧀ꦤꦶꦁꦩꦼꦁꦱꦃ꧈​ꦗꦭꦂꦫꦤ꧀ꦩꦼꦁꦱꦃꦥꦸꦤꦶꦏꦲꦶꦁꦒꦶꦃꦱꦒꦼꦢ꧀ꦢꦢꦺꦴꦱ꧀ꦗꦸꦫꦸꦤꦼꦢꦃꦲꦏꦼꦤ꧀ꦱꦱꦏꦶꦠ꧀ꦠꦶꦁꦩꦤꦃ꧈​ꦲꦶꦁꦏꦁꦏꦛꦃꦱꦠꦿꦸ

[ 49 ]ꦥꦸꦤꦶꦏꦠꦤ꧀ꦱꦃꦩꦠꦤ꧀ꦤꦶꦔ꧀ꦤꦥꦠ꧀ꦠꦶꦁꦩꦼꦁꦱꦃꦲꦶꦥꦸꦤ꧀​​ꦲꦁꦒꦺꦤ꧀ꦤꦶꦥꦸꦤ꧀ꦩꦺꦠꦤ꧀ꦤꦶꦲꦚ꧀ꦗꦭꦶꦩꦼꦠ꧀ꦱꦔꦼꦠ꧀꧈ꦩꦶꦭꦗꦭꦂꦫꦤ꧀ꦱꦏꦶꦁꦒꦿꦤꦼꦁꦔꦶꦁꦩꦼꦁꦱꦃ꧈ꦏꦶꦠꦒꦼꦫ꧀ꦚꦩꦼꦉꦥ꧀ꦥꦶꦱꦱꦏꦶꦠ꧀ꦏꦶꦠꦲꦶꦁꦏꦁꦔ꧀ꦤꦩ꧀ꦧꦠ꧀ꦭꦼꦩ꧀ꦧꦠ꧀꧈ꦤꦔꦶꦁꦲꦶꦁꦒꦶ꧈ꦮꦺꦴꦤ꧀ꦠꦼꦤ꧀ꦱꦠꦿꦸꦲꦶꦏꦁꦒꦺꦤ꧀ꦤꦶꦥꦸꦤ꧀ꦲꦤ꧀ꦢꦸꦩꦸꦏ꧀ꦏꦶꦱꦱꦏꦶꦠ꧀ꦠꦶꦁꦭꦭꦮꦤ꧀ꦤꦤ꧀ꦤꦶꦥꦸꦤ꧀ꦥꦸꦤꦶꦏꦧꦺꦴꦠꦼꦤ꧀ꦱꦩꦱ꧀ꦝꦶꦤꦶꦥꦸꦤ꧀​ꦧꦺꦴꦠꦼꦤ꧀ꦭꦼꦥꦠ꧀ꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦔ꧀ꦤꦥꦠ꧀​ꦩꦶꦭꦏꦶꦠꦠꦲꦶꦁꦒꦶꦃꦏꦼꦢꦃꦲꦮꦱ꧀꧈ ꧔꧇ꦤꦶꦔꦒ꧀ꦭꦶꦭ꧀ꦥꦃꦲꦶꦁꦠꦪꦁ꧉ꦥꦸꦤꦶꦏꦥꦿꦪꦺꦴꦒꦶꦏꦁꦒꦺꦔ꧀ꦭꦶꦩ꧀ꦧꦁ꧈ꦲꦸꦥꦩꦶꦤꦶꦥꦸꦤ꧀꧇ꦏꦸꦭꦱꦮꦼꦒ꧀ꦭꦶꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦧꦔꦺꦴ꧈ꦭꦗꦼꦁꦱꦸꦩꦼꦉꦥ꧀​ꦱꦶꦪꦁꦱꦶꦪꦁꦮꦺꦴꦤ꧀ꦠꦼꦤ꧀ꦠꦶꦪꦁꦭꦸꦩꦩ꧀ꦥꦃꦩꦔꦁꦒꦺꦱꦂꦮꦧꦽꦒꦱ꧀​ꦭꦩ꧀ꦥꦃꦲꦶꦥꦸꦤ꧀ꦒꦼꦩ꧀ꦧꦺꦭꦁꦒꦼꦩ꧀ꦧꦺꦭꦺꦁ꧈ꦤꦩꦸꦁꦱꦢꦺꦧꦒꦸꦱ꧀ꦩꦏꦠꦼꦤ꧀ꦱꦥꦶꦠꦸꦫꦸꦠ꧀ꦠꦶꦥꦸꦤ꧀​ꦥꦸꦤꦶꦏꦏꦸꦭꦭꦗꦼꦁꦱꦒꦼꦢ꧀ꦡꦤꦃꦩꦤꦃ꧈ꦏꦢꦺꦴꦱ꧀ꦡꦏꦠꦼ [ 50 ]ꦤ꧀ꦥꦸꦤꦶꦏꦱꦲꦺꦥꦸꦤꦥꦲꦮꦺꦴꦤ꧀꧈ꦩꦤꦮꦶꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦲꦶꦁꦏꦁꦏꦢꦸꦤꦸꦁꦔꦤ꧀ꦱꦶꦥꦠ꧀ꦲꦶꦁꦏꦁꦲꦮꦺꦴꦤ꧀ꦏꦢꦺꦴꦱ꧀ꦠꦶꦪꦁꦲꦶꦁꦏꦁꦭꦸꦩꦩ꧀ꦥꦃꦮꦲꦸ꧈ꦭꦗꦼꦁꦱꦒꦼꦢ꧀ꦥꦢꦺꦴꦱ꧀ꦗꦩ꧀ꦥꦶꦤꦶꦥꦸꦤ꧀꧈

***

꧋ꦩꦼꦫꦁꦔꦶꦤꦥ꦳꧀ꦱꦸ꧉

꧋ꦭꦃ꧈ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦩꦤꦸꦱꦱꦸꦩꦼꦉꦥ꧀ꦱꦱꦏꦶꦠ꧀ꦠꦶꦥꦸꦤ꧀ꦥꦶꦪꦩ꧀ꦧꦏ꧀​​ꦥꦸꦤꦶꦏꦏꦼꦢꦃꦲꦺꦁꦒꦭ꧀ꦲꦺꦁꦒꦭ꧀ꦲꦚꦤ꧀ꦠꦺꦴꦱꦤ꧀ꦤꦤꦲꦁꦒꦺꦤ꧀ꦤꦶꦥꦸꦤ꧀ꦲꦚꦫꦱ꧀ꦱꦏꦼꦤ꧀​​ꦲꦶꦁꦒꦶꦃꦥꦸꦤꦶꦏꦱꦫꦤꦤꦼꦭꦸꦏ꧀ꦏꦏꦼꦤ꧀ꦤꦥ꦳꧀ꦱꦸꦤꦶꦥꦸꦤ꧀​꧊ꦤꦥ꦳꧀ꦱꦸꦲꦶꦁꦔꦿꦶꦏꦶꦲꦠꦼꦒꦼꦱꦶꦏꦶꦪꦠ꧀ꦠꦤ꧀ꦤꦶꦁꦱꦃꦮꦠ꧀ꦭ​​ꦤ꧀ꦒ꦳ꦺꦴꦢꦺꦴꦧ꧀꧊ꦗꦭꦂꦫꦤ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦥꦫꦱꦒꦼꦢ꧀ꦲꦶꦁꦏꦁꦔꦤ꧀ꦢꦶꦏꦧꦶꦭꦶꦃꦒꦮꦠ꧀ꦒꦮꦠ꧀ꦠꦶꦁꦥꦼꦫꦁꦥꦸꦤꦶꦏꦧꦺꦴꦠꦼꦤ꧀ꦱꦫꦤꦥꦼꦣꦁ꧈ꦩꦿꦶꦪꦼꦩ꧀​ꦱꦚ꧀ꦗꦠ enz. ꦤꦔꦶꦁꦥꦼꦫꦁꦏꦭꦶꦪꦤ꧀ꦲꦮꦤꦥ꧀ꦱꦸꦤꦶꦥꦸꦤ꧀ꦥꦶꦲꦩ꧀ꦧꦏ꧀꧈ [ 51 ]

—	ꦥꦔꦤ꧀ꦢꦶꦏꦤꦶꦥꦸꦤ꧀ꦠꦶꦪꦁꦱꦒꦼꦢ꧀꧇​ꦒꦮꦠ꧀ꦒꦮꦠ꧀ꦠꦶꦁꦥꦼꦫꦁꦲꦶꦏꦸꦲꦺꦴꦫꦏꦪꦥꦼꦫꦁꦤꦥ꦳꧀ꦱꦸꦏꦁꦫꦫꦠꦺꦴꦤ꧀ꦲꦤꦲꦶꦁꦲꦶꦒꦤꦶꦫ꧉
—	ꦣꦮꦸꦃꦲꦶꦥꦸꦤ꧀ꦏꦁꦗꦼꦁꦟꦨꦶꦦꦟꦸꦠ꧀ꦡꦤ꧀꧇​ꦮꦺꦴꦁꦏꦁꦥꦿꦮꦶꦫꦲꦶꦁꦥꦿꦁ꧈​ꦲꦶꦏꦸꦮꦺꦴꦁꦏꦁꦔꦭꦃꦲꦏꦺꦤꦥ꦳꧀ꦱꦸꦤꦺ꧉
—	ꦯꦺꦃꦪꦃꦪꦔꦤ꧀ꦢꦶꦏ꧇​ꦥꦼꦫꦔꦤ꧀ꦤꦥ꦳꧀ꦱꦸꦤꦶꦫꦏꦭꦮꦤ꧀ꦥꦼꦣꦁꦔꦶꦁꦠꦭꦠꦺꦤ꧀꧉

***

꧋​ꦔ꧀ꦭꦩꦠ꧀ꦠꦶꦥꦸꦤ꧀ꦱꦸꦏ꧀ꦩꦲꦶꦁꦏꦁꦱꦫꦱ꧀꧈​

꧋ꦏꦮꦸꦤꦶꦁꦔꦤ꧀ꦤ꧈​ ꦲꦩꦼꦫꦁꦔꦶꦤꦥ꦳꧀ꦱꦸꦥꦸꦤꦶꦏꦧꦺꦴꦠꦼꦤ꧀ꦏꦺꦔꦶꦁꦏꦺꦤ꧀ꦢꦼꦭ꧀​ꦱꦢꦺꦫꦺꦁꦔꦶꦁꦤꦥ꦳꧀ꦱꦸꦤꦶꦥꦸꦤ꧀ꦠꦼꦭꦸꦏ꧀ꦱꦪꦼꦏ꧀ꦠꦺꦴꦱ꧀꧈​ꦤꦔꦶꦁꦩꦤꦸꦱꦧꦺꦴꦠꦼꦤ꧀ꦏꦺꦔꦶꦁ​ꦭꦗꦼꦁꦫꦸꦩꦲꦺꦴꦱ꧀ꦱꦒꦼꦝꦤꦼꦭꦸꦏ꧀ꦏꦏꦼꦤ꧀ꦤꦥ꦳꧀ꦱꦸꦤꦶꦥꦸꦤ꧀​ꦮꦁꦱꦸꦭ꧀ꦲꦶꦁꦏꦁꦥꦂꦭꦸꦲꦔꦺꦔꦼꦠ꧀ꦠꦤꦥꦸꦤꦥꦠꦼꦭꦸꦏ꧀ꦏꦶꦥꦸꦤ꧀ꦥꦸꦤꦶꦏꦱꦩ꧀ꦥꦸꦤ꧀ꦪꦪꦼꦏ꧀ꦠꦺꦴꦱ꧀ꦱꦤ꧀​ꦭꦶꦂꦫꦶꦥꦸꦤ꧀ꦪꦪꦼꦏ꧀ꦠꦺꦴꦱ꧀ꦱꦤ꧀​​ꦱꦩ꧀ꦥꦸꦤ꧀ꦱꦒꦼ [ 52 ]ꦢ꧀ꦲꦤꦶꦤ꧀ꦢꦏꦼꦤ꧀ꦔꦩꦭ꧀ꦔꦩꦭ꧀ꦭꦶꦥꦸꦤ꧀ꦠꦶꦪꦁꦩꦸꦏ꧀ꦩꦶꦤ꧀ꦲꦶꦁꦏꦁꦏꦱ꧀ꦧꦠ꧀ꦲꦶꦂꦢꦊꦩ꧀ꦑꦸꦂꦄꦤ꧀ꦱꦂꦠꦏ꦳ꦢꦶꦱ꧀​​ꦲꦶꦁꦏꦁꦧꦺꦴꦠꦼꦤ꧀ꦏꦭꦶꦪꦤ꧀ꦧꦏꦼꦚ꧀ꦕꦼꦁꦔꦤ꧀​ꦠꦸꦂꦏꦤ꧀ꦛꦶꦒꦩ꧀ꦥꦶꦭ꧀꧈

***

꧋ꦥꦺꦴꦚ꧀ꦕꦧꦪꦤꦶꦁꦭꦺꦱꦤ꧀꧈

꧋ꦱꦢꦪꦥꦺꦴꦚ꧀ꦕꦤꦿꦶꦪꦤꦶꦁꦩꦤꦸꦱꦥꦸꦤꦶꦏꦱꦢꦶꦤ꧀ꦠꦼꦤ꧀ꦢꦶꦤ꧀ꦠꦼꦤ꧀ꦠꦤ꧀ꦱꦃꦏꦠꦩꦤ꧀ꦲꦶꦁꦥꦁꦒꦺꦴꦝ꧈ꦏꦢꦺꦴꦱ꧀ꦠ꧇ ꦩꦿꦶꦥꦠ꧀ꦥꦸꦤꦶꦏꦏꦠꦩꦤ꧀ꦲꦶꦁꦒꦺꦴꦢꦠꦶꦠꦶꦔꦭ꧀ꦭꦤ꧀ꦩꦏ꧀ꦱꦶꦪꦠ꧀​ꦠꦭꦶꦁꦔꦤ꧀ꦏꦠꦩꦤ꧀ꦒꦺꦴꦢꦤꦶꦁꦱꦸꦮꦫꦩꦏ꧀ꦱꦶꦪꦠ꧀​ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ ꦤꦔꦶꦁꦲꦶꦁꦏꦁꦲꦩ꧀ꦧꦧꦪꦤ꧀ꦤꦶꦥꦶꦪꦩ꧀ꦧꦏ꧀ꦥꦸꦤꦶꦏꦥꦺꦴꦚ꧀ꦕꦧꦪꦤꦶꦁꦭꦺꦱꦤ꧀​ꦲꦮꦶꦠ꧀ꦱꦏꦶꦁꦥꦸꦤꦶꦏꦑꦁꦗꦼꦁꦟꦨꦶꦝꦮꦸꦃꦩꦏꦠꦼꦤ꧀꧇ꦔꦽꦏ꧀ꦱꦲꦭꦺꦱꦤ꧀ꦤꦶꦫ꧈ꦏꦗꦧꦱꦏꦒꦸꦤꦼꦩ꧀ꦩꦤ꧀ꦏꦁꦧꦼꦕꦶꦏ꧀꧈ ꦢꦢꦺꦴꦱꦲꦸꦠꦩꦶꦤꦶꦥꦸꦤ꧀ꦩꦤꦸꦱꦥꦸꦤꦶꦏꦩꦤꦮꦶꦧꦝꦺꦮꦶꦕꦤ꧀ꦠꦼꦤ꧀​ꦱꦢꦺꦫꦺꦁꦔꦶꦥꦸꦤ꧀ꦏꦸꦩꦼꦕꦥ꧀​ꦏꦼꦢꦃ [ 53 ]ꦢꦶꦥꦸꦤ꧀ꦩꦤꦃꦫꦸꦩꦶꦪꦶꦤ꧀​ꦏꦢꦺꦴꦱ꧀ꦥꦸꦤ꧀ꦢꦶꦧꦝꦺꦲꦸꦮꦺꦴꦃꦲꦶꦥꦸꦤ꧀ꦮꦶꦕꦤ꧀ꦠꦼꦤ꧀ꦮꦲꦸ꧉​ꦲꦩꦂꦒꦶꦭꦺꦱꦤ꧀ꦥꦸꦤꦶꦏꦩꦤꦮꦶꦱꦩ꧀ꦥꦸꦤ꧀ꦏꦭꦗꦼꦁꦏꦸꦩꦼꦕꦸꦥ꧀​ꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦮꦁꦱꦸꦭ꧀ꦭꦶꦩꦭꦶꦃ꧉​ꦩꦼꦁꦒꦃꦥꦶꦥꦿꦶ ꦚ꧀ꦕꦺꦤ꧀ꦤꦶꦥꦸꦤ꧀ꦥꦺꦴꦚ꧀ꦕꦧꦪꦤꦶꦁ​ꦭꦺꦱꦤ꧀ꦥꦸꦤꦶꦏꦏꦢꦺꦴꦱ꧀ꦲꦶꦁꦔꦤ꧀ꦝꦥ꧀ꦥꦸꦤꦶꦏ꧇

꧑꧇ꦮꦶꦕꦤ꧀ꦠꦼꦤ꧀ꦲꦶꦁꦏꦁꦠꦤ꧀ꦥꦒꦶꦤ꧉

꧋ꦮꦼꦏ꧀ꦢꦭ꧀​ꦥꦸꦤꦶꦏꦢꦺꦴꦱ꧀ꦥꦮꦶꦠ꧀ꦠꦤ꧀ꦤꦶꦁꦩꦤꦸꦱ꧈​ꦩꦤꦮꦶꦢꦶꦥꦸꦤ꧀ꦠꦚ꧀ꦗꦏ꧀ꦲꦏꦼꦤ꧀ꦏꦁꦒꦺꦮꦶꦕꦤ꧀ꦠꦼꦤ꧀ꦤꦤ꧀ꦲꦶꦁꦏꦁꦠꦤ꧀ꦥꦲꦶꦤ꧈​ꦤꦩꦲꦩ꧀ꦧꦸꦕꦭ꧀ꦥꦮꦶꦠ꧀ꦠꦤ꧀​ꦝꦮꦸꦃꦲꦶꦥꦸꦤ꧀ꦏꦤ꧀ꦑꦁꦗꦼꦁꦟꦨꦶ꧇​ꦢꦠꦼꦔꦃꦱꦏꦶꦁꦔꦭꦩꦠ꧀ꦠꦺꦆꦱ꧀ꦭꦩ꧀ꦏꦁꦲꦸꦠꦩꦻꦏꦸꦠꦁꦒꦭ꧀ꦲꦶꦁꦧꦫꦁꦏꦁꦠꦤ꧀ꦥꦒꦸꦤ꧉

꧒꧇​ꦩꦶꦫ^[7]​ꦱꦲ​ꦗꦶꦢꦭ꧀^[8]

꧋ꦲꦶꦁꦒꦶꦃꦥꦸꦤꦶꦏꦉꦉꦩ꧀ꦧꦒ꧀ꦒꦤ꧀ꦲꦶꦁꦏꦏ꧀ꦁꦏꦤ꧀ꦛꦶ​ꦔꦿꦺꦁ [ 54 ]ꦏꦺꦭ꧀ꦱꦂꦠꦒꦸꦩꦼꦣꦺ꧉ꦉꦉꦩ꧀ꦧꦸꦒ꧀ꦒꦤ꧀ꦥꦸꦤꦶꦏꦢꦶꦥꦸꦤ꧀ꦥꦿꦺꦤ꧀ꦠꦃꦢꦺꦤꦶꦁꦲꦒꦩꦶ꧈ꦲꦤꦔꦶꦁꦏꦼꦢꦃꦏꦤ꧀ꦛꦶꦆꦃꦭꦱ꧀ꦱꦶꦁꦩꦤꦃ꧈ꦣꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶ꧇ꦲꦏꦺꦃꦮꦺꦴꦁꦏꦁꦠꦺꦴꦩ꧀ꦥꦥꦶꦠꦸꦢꦸꦃ꧈ꦤꦔꦶꦁꦧꦚ꧀ꦗꦸꦂꦥꦣꦱꦱꦂ꧈ꦲꦶꦏꦸꦏꦁꦲꦏꦺꦃꦗꦭꦂꦫꦤ꧀ꦱꦏꦗꦶꦢꦭ꧀꧈

꧓꧇ꦲꦁꦒꦸꦒꦸꦗꦼꦁꦱꦂꦠꦁ​ꦔꦿꦺꦩꦺꦃꦲ
ꦏꦼꦤ꧀ꦠꦶꦪꦁꦱꦤꦺꦱ꧀꧈

꧋ꦥꦸꦤꦶꦏꦏꦼꦉꦥ꧀ꦱꦔꦼꦠ꧀ꦠꦸꦩꦶꦤ꧀ꦢꦏ꧀​ꦩꦺꦴꦁꦏꦲꦁꦒꦸꦒꦸꦗꦼꦁꦱꦂꦠꦔꦿꦺꦩꦺꦃꦲꦏꦼꦤ꧀ꦥꦸꦤꦶꦏꦢꦶꦥꦸꦤ꧀ꦲꦮꦶꦱ꧀ꦱꦶꦱꦔꦼꦠ꧀ꦢꦺꦤꦶꦁꦲꦒꦩꦶ꧈ꦣꦮꦸꦃꦲꦶꦁꦑꦸꦂ​ꦄꦤ꧀꧇ꦲꦺꦮꦺꦴꦁꦏꦁꦥꦣꦥꦿꦕꦪ꧈ꦱꦮꦶꦗꦶꦤꦶꦁꦒꦺꦴꦭꦺꦴꦁꦔꦤ꧀ꦲꦗꦔꦿꦺꦩꦺꦃꦲꦏꦺꦭꦶꦪꦤꦺ꧈ꦲꦩꦂꦒꦲꦩ꧀ꦧꦺꦴꦏ꧀ꦩꦤꦮꦏꦁꦢꦶꦫꦺꦩꦺꦃꦲꦏꦺꦲꦶꦏꦸꦭꦸꦮꦶꦃꦧꦼꦕꦶꦏ꧀꧈

꧔꧇ꦒꦸꦒꦸꦗꦼꦁꦔꦤ꧀꧈

꧋ꦒꦸꦒꦸꦗꦺꦁꦔꦤ꧀ꦲꦶꦁꦏꦁꦢꦶꦥꦸꦤ꧀ꦲꦮꦶꦱ꧀ꦱꦶꦥꦸꦤꦶꦏꦲꦶꦁꦏꦁ​ꦔ꧀ꦭꦁꦏꦸꦁꦔꦶꦮꦠꦼꦱ꧀​ꦱꦲꦺꦁꦒꦱꦒꦼꦢ꧀ꦤꦫꦶꦏ꧀ꦝꦠꦼꦁ [ 55 ]ꦒꦺꦴꦫꦺꦴꦃ꧉ꦩꦤꦮꦶꦏꦭꦢꦸꦏ꧀​ꦏꦗꦮꦶꦔꦛꦃꦲꦏꦼꦤ꧀ꦒꦸꦗꦼꦁꦲꦶꦁꦏꦁꦱꦒꦼꦢ꧀ꦔꦠꦺꦴꦱ꧀ꦱꦏꦼꦤ꧀ꦩꦤꦃ꧈​​ꦠꦂꦏꦣꦁꦲꦶꦁꦒꦶꦃꦢꦢꦺꦴꦱ꧀ꦥꦸꦥꦸꦕꦸꦏ꧀ꦏꦶꦁꦥꦱꦸꦭꦪꦤ꧀꧈​ꦠꦶꦪꦁꦲꦶꦁꦏꦁꦱꦪꦻꦁꦒꦶꦭ꧀ꦏꦮꦿꦸꦃꦲꦶꦥꦸꦤ꧀​ꦠꦩ꧀ꦠꦸꦱꦪꦱꦏꦼꦝꦶꦏ꧀ꦒꦸꦗꦼꦁꦔꦶꦥꦸꦤ꧀​ꦝꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶ꧇​ꦪꦺꦤ꧀ꦱꦶꦫꦱꦸꦩꦸꦫꦸꦥ꧀ꦏꦪꦱꦸꦩꦸꦫꦸꦥ꧀ꦥꦶꦁꦱꦸꦤ꧀​ꦩꦱ꧀ꦛꦶꦱꦛꦶꦛꦶꦏ꧀ꦒꦸꦪꦸꦤꦶꦫꦭꦤ꧀ꦲꦏꦺꦃꦥꦿꦶꦃꦲꦠꦶꦤ꧀ꦤꦶꦫ꧉​ꦠꦶꦪꦁꦩꦤꦮꦶꦔꦿꦲꦺꦴꦱ꧀ꦱꦏꦼꦤ꧀ꦝꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶꦮꦲꦸ꧈ꦠꦩ꧀ꦠꦸꦭꦗꦼꦁꦔꦼꦠꦼꦁꦝꦠꦼꦁꦏꦲꦸꦠꦩꦤ꧀​​ꦲꦁꦒꦪꦸꦃꦏꦱꦩ꧀ꦥꦸꦂꦤꦤ꧀​ꦧꦺꦴꦠꦼꦤ꧀ꦏꦺꦴꦧꦼꦂꦒꦸꦒꦸꦗꦼꦁꦔ ꦤ꧀ꦱꦂꦠꦲꦁꦒꦸꦂꦫꦤ꧀꧈

꧕꧇​ꦠꦼꦩ꧀ꦧꦸꦁꦲꦶꦁꦏꦁꦱꦫꦸ꧉​

꧋ꦠꦼꦩ꧀ꦧꦸꦁꦲꦶꦁꦏꦁꦱꦫꦸ꧈​ꦭꦺꦏꦺꦴꦲꦸꦠꦮꦶꦥꦶꦱꦸꦃ꧈​ ꦥꦸꦤꦶꦏꦲꦶꦁꦒꦶꦃꦢꦶꦥꦸꦚ꧀ꦕꦼꦒꦃꦢꦺꦤꦶꦁꦲꦒꦩꦶ꧈​ꦲꦩꦂ ꦒꦶꦑꦁꦗꦼꦁꦟꦨꦶꦝꦮꦸꦃ꧇​ꦱꦶꦫꦔꦼꦢꦺꦴꦃꦲꦤꦠꦠꦼꦩ꧀ꦧꦸꦁ

ꦔꦤ꧀ꦏꦁꦱꦫꦸ꧉ [ 56 ]

꧖꧇ꦒꦺꦴꦫꦺꦴꦃ꧉

꧋ꦮꦶꦕꦤ꧀ꦠꦼꦤ꧀ꦒꦺꦴꦫꦺꦴꦃꦥꦸꦤꦶꦏꦠꦼꦒꦼꦱ꧀ꦱꦶꦥꦸꦤ꧀ꦮꦶꦕꦤ꧀ꦠꦼꦤ꧀ꦲꦶꦁꦏꦁꦧꦺꦴꦠꦼꦤ꧀ꦕꦺꦴꦕꦺꦴꦒ꧀ꦏꦭꦶꦪꦤ꧀ꦚꦠꦤꦶꦥꦸꦤ꧀꧈ꦒꦺꦴꦫꦺꦴꦃꦥꦸꦤꦶꦏꦲꦶꦁꦒꦶꦃꦏꦊꦧꦼꦠ꧀ꦥꦺꦴꦚ꧀ꦕꦧꦪꦤꦶꦁ​ꦭꦺꦱꦤ꧀ꦲꦶꦁꦏꦁꦲꦒꦼꦁ꧈ꦱꦂꦠꦒꦺꦴꦫꦺꦴꦃꦥꦸꦤꦶꦏꦲꦶꦁꦒꦶꦃꦱꦒꦼꦢ꧀ꦲꦚꦸꦢꦏ꧀ꦲꦏꦼꦤ꧀ꦲꦶꦤ꧀ꦝꦏ꧀ꦏꦶꦁꦫꦶꦗꦼꦏꦶ꧉ꦥꦸꦤꦥꦩꦭꦶꦃꦲꦶꦁꦒꦶꦃꦱꦒꦼꦢ꧀ꦲꦚꦸꦢꦏ꧀ꦲꦏꦼꦤ꧀ꦏꦢꦿꦗꦠ꧀ꦠꦤ꧀ꦲꦁꦒꦺꦤ꧀ꦤꦶꦥꦸꦤ꧀ꦭꦸꦩꦼꦧꦼꦠ꧀ꦱꦸꦮꦂꦒ꧉ꦣꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶ꧇ꦒꦺꦴꦫꦺꦴꦃꦲꦶꦏꦸꦏꦺꦴꦫꦶꦤꦶꦁ​ꦤꦶꦥ꦳ꦏ꧀ ꧍ꦩꦸꦤꦥ꦳ꦺꦏ꧀꧍꧈^[9]

꧗꧇ꦚꦠꦸꦂꦲꦸꦠꦮꦶꦔꦿꦲꦺꦴꦱ꧀ꦱꦶꦠꦶꦪꦁ꧉

꧋ꦚꦠꦸꦂꦲꦸꦠꦮꦶꦔꦿꦲꦺꦴꦱ꧀ꦱꦶꦠꦶꦪꦁꦥꦸꦤꦶꦏꦥꦚ꧀ꦕꦺꦤ꧀ꦲꦮꦺꦴꦤ꧀​ꦣꦮꦸꦃꦲꦶꦁꦑꦸꦂ​ꦄꦤ꧀꧇ꦱꦠꦼꦔꦃꦲꦶꦫꦲꦗꦚꦠꦸꦂꦱꦠꦼꦔꦃꦲꦺ꧉ꦲꦥꦱꦶꦫꦏꦉꦩ꧀ꦩꦔꦤ꧀ꦢꦒꦶꦁꦔꦶꦁꦱꦢꦸꦭꦸꦂꦫꦶꦫꦏꦁ​ꦮꦶꦱ꧀ꦩꦠꦶ꧈ꦩꦱ꧀ꦛꦶꦱꦶꦫꦥꦣꦒꦶꦭ꧉ [ 57 ]꧋ꦚꦠꦸꦂꦥꦸꦤꦶꦏꦠꦼꦒꦼꦱ꧀ꦱꦶꦥꦸꦤ꧀​ꦔꦿꦲꦺꦴꦱ꧀ꦱꦶꦱꦤꦏ꧀ꦱꦣꦺꦫꦺꦏ꧀ꦏꦶꦥꦸꦤ꧀ꦲꦸꦠꦮꦶꦠꦶꦪꦁꦱꦤꦺꦱ꧀​ꦲꦶꦁꦏꦁꦔꦤ꧀ꦠꦺꦴꦱ꧀ꦲꦚꦏꦶꦠ꧀ꦠꦏꦼꦤ꧀ꦩꦤꦃ꧉ꦤꦭꦶꦏꦩꦶꦏ꧀ꦫꦗ꧀​ꦑꦁꦗꦼꦁꦟꦨꦶꦥꦿꦶꦏ꧀ꦱꦠꦶꦪꦁꦲꦶꦁꦏꦁꦲꦁꦒꦸꦤ꧀ꦠꦶꦁꦔꦶꦭꦩ꧀ꦧꦺꦤꦶꦥꦸꦤ꧀ꦥꦶꦪꦩ꧀ꦧꦏ꧀​ꦥꦸꦤꦶꦏꦒꦩ꧀ꦧꦂꦫꦤ꧀ꦤꦶꦁꦥꦲꦸꦏꦸꦩ꧀ꦩꦤ꧀ꦤꦶꦥꦸꦤ꧀ꦠꦶꦪꦁꦲꦶꦁꦏꦁꦉꦩꦼꦤ꧀ꦲꦔꦿꦲꦺꦴꦱ꧀ꦱꦶ꧉ꦑꦁꦗꦼꦁꦟꦨꦶꦲꦶꦁꦒꦶꦃꦱꦩ꧀ꦥꦸꦤ꧀ꦔꦤ꧀ꦢꦶꦏ꧇ꦱꦶꦁꦗꦼꦤꦼꦁꦚꦠꦸꦂꦲꦶꦏꦸꦔꦽꦩ꧀ꦧꦸꦒ꧀ꦲꦭꦤꦶꦁꦭꦶꦪꦤ꧀ꦱꦶꦁꦲꦺꦴꦫꦲꦤ꧀ꦢꦢꦺꦏ꧀ꦲꦏꦺꦱꦂꦗꦸꦤꦶꦁꦔꦠꦶ꧉ꦚꦠꦸꦂꦥꦸꦤꦶꦏꦧꦺꦴꦠꦼꦤ꧀ꦤꦩꦸꦁꦱꦫꦤꦭꦺꦱꦤ꧀​ꦤꦔꦶꦁꦱꦒꦼꦢ꧀ꦲꦸꦒꦶꦱꦫꦤꦱꦼꦫꦠ꧀ꦠꦤ꧀​ꦩꦤꦃꦱꦂꦠꦆꦱꦫꦃ꧉

***

꧋ꦏꦤꦼꦥ꧀ꦱꦺꦴꦤ꧀꧈

꧋ꦏꦢꦺꦴꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦠꦼꦫꦁꦔꦏꦼꦤ꧀ꦲꦶꦁꦔꦗꦼꦁ꧈ꦩꦤꦸꦱꦥꦸꦤꦶꦏꦏꦺꦔꦶꦁꦏꦥꦺꦫꦁꦢꦢꦺꦴꦱ꧀ꦏꦭꦶꦃ꧈ꦲꦶꦁꦒꦶꦃꦥꦸꦤꦶꦏꦧꦢꦤ꧀ꦭꦲꦶꦂꦭꦤ꧀ꦧꦢꦤ꧀ꦧꦠꦶꦤ꧀꧈ꦧꦢ [ 58 ]ꦤ꧀ꦭꦲꦶꦂꦥꦸꦤꦶꦏꦲꦁꦒꦣꦃꦲꦶꦢꦪꦏꦭꦶꦃ꧈ꦲꦶꦁꦒꦶꦃꦥꦸꦤꦶꦏꦢꦪꦲꦱꦽꦥ꧀ (boeroedah) ꦭꦤ꧀ꦢꦪꦧꦼꦤ꧀ꦠꦺꦂ (charoroh)꧉ꦢꦪꦧꦼꦤ꧀ꦠꦺꦂꦥꦸꦤꦶꦏꦠꦤ꧀ꦱꦃꦔꦮꦺꦴꦤ꧀ꦤꦏꦼꦤ꧀ꦢꦪꦲꦱꦽꦥ꧀​ꦱꦪꦢꦔꦸꦢꦪꦲꦱꦽꦥ꧀ꦱꦪꦠꦶꦥꦶꦱ꧀​ꦢꦶꦥꦸꦤ꧀ꦱꦼꦫꦺꦴꦠ꧀ꦢꦺꦤꦶꦁꦢꦪꦧꦼꦤ꧀ꦠꦺꦂ꧉ꦩꦤꦮꦶꦢꦪꦲꦱꦽꦥ꧀ꦮꦲꦸꦱꦶꦂꦤ꧈ꦩꦤꦸꦱꦩꦱ꧀ꦛꦶꦥꦼꦗꦃ꧉ꦤꦔꦶꦁꦩꦤꦮꦶꦢꦪꦲꦱꦽꦥ꧀ꦮꦲꦸꦱꦸꦱꦸꦠ꧀​ꦥꦸꦤꦶꦏꦱꦒꦼꦢ꧀ꦥꦸꦭꦶꦃꦩꦭꦶꦃꦱꦏꦶꦁꦠꦠꦼꦣꦤ꧀​ꦩꦶꦭꦩꦤꦮꦶꦩꦤꦸꦱꦧꦺꦴꦠꦼꦤ꧀ꦤꦼꦣ꧈ꦠꦩ꧀ꦠꦸꦭꦗꦼꦁꦥꦼꦗꦃ꧉ꦲꦮꦶꦠ꧀ꦱꦏꦶꦁꦥꦸꦤꦶꦏꦱꦏꦶꦁꦱꦶꦃꦲꦶꦁꦦꦔꦺꦫꦤ꧀​ꦩꦤꦸꦱꦏꦥꦫꦶꦁꦔꦤ꧀ꦱꦃꦮꦠ꧀​ꦲꦶꦁꦏꦁꦲꦚ꧀ꦗꦭꦂꦫꦶꦏꦥꦺꦔꦶꦤ꧀ꦤꦼꦣꦭꦤ꧀ꦔꦺꦴꦩ꧀ꦧꦺ꧉ꦢꦪꦤꦶꦁꦱꦃꦮꦠ꧀ꦥꦸꦤꦶꦏꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦤꦥ꦳꧀ꦱꦸ ꧍ꦱꦤꦺꦱ꧀ꦤꦥ꦳꧀ꦱꦸꦲꦶꦁꦏꦁꦲꦠꦼꦒꦼꦱ꧀ꦧꦢꦤ꧀ꦲꦭꦸꦱ꧀꧍꧈ ꧋ꦢꦺꦤꦺꦧꦢꦤ꧀ꦤꦶꦁꦩꦤꦸꦱꦲꦶꦁꦏꦁꦭꦲꦶꦂꦥꦸꦤꦶꦏꦊꦩ꧀ꦧꦺꦏ꧀ꦱꦔꦼꦠ꧀​ꦒꦩ꧀ꦥꦶꦭ꧀ꦏꦠꦩꦤ꧀ꦲꦶꦁꦫꦶꦫꦶꦧꦼꦢ꧀ꦱꦏꦶꦁꦥꦔꦤꦶꦲꦪꦤꦶꦁꦱꦠꦺꦴꦲꦸꦠꦮꦶꦱꦱꦩꦶꦤꦶꦁꦩꦤꦸ [ 59 ]ꦱꦲꦶꦁꦏꦁꦲꦩ꧀ꦧꦼꦏ꧀ꦱꦶꦪ꧉ꦤꦔꦶꦁꦱꦶꦃꦲꦶꦁꦦꦔꦺꦫꦤ꧀​ꦩꦤꦸꦱꦏꦥꦫꦶꦁꦔꦤ꧀ꦒ꦳ꦺꦴꦢꦺꦴꦧ꧀​ꦲꦶꦁꦒꦶꦃꦥꦸꦤꦶꦏꦢꦪꦲꦶꦁꦏꦁꦩꦸꦫꦸꦒ꧀ꦒꦏꦼꦤ꧀ꦩꦤꦸꦱꦧꦺꦴꦠꦼꦤ꧀ꦥꦸꦫꦸꦤ꧀ꦢꦶꦥꦸꦤ꧀ꦲꦤꦶꦲꦪ꧉ꦱꦲꦸꦥꦩꦶꦩꦤꦸꦱꦥꦸꦤꦶꦏꦧꦺꦴꦠꦼꦤ꧀ꦲꦁꦒꦣꦃꦲꦶꦒ꦳ꦺꦴꦢꦺꦴꦧ꧀​ꦠꦩ꧀ꦠꦸꦒꦩ꧀ꦥꦶꦭ꧀ꦥꦼꦗꦃꦲꦶꦥꦸꦤ꧀​ꦢꦶꦥꦸꦤ꧀ꦲꦼꦗꦸꦂꦲꦼꦗꦸꦂꦲꦶꦁꦒꦶꦃꦏꦺꦤ꧀ꦢꦼꦭ꧀ꦏꦺꦩꦮꦺꦴꦤ꧀꧈ꦗꦭꦂꦫꦤ꧀ꦮꦺꦴꦤ꧀ꦠꦼꦤ꧀ꦒ꦳ꦺꦴꦢꦺꦴꦧ꧀​ꦩꦶꦭꦲꦸꦥꦩꦶꦧꦺꦴꦗꦺꦴꦤꦶꦥꦸꦤ꧀ꦢꦶꦥꦸꦤ꧀ꦒꦁꦒꦸꦲꦶꦁꦠꦶꦪꦁꦱꦤꦺꦱ꧀​ꦭꦗꦼꦁꦤꦼꦥ꧀ꦱꦸ . . . . . ꧉ꦧꦤ꧀ꦝꦤꦶꦥꦸꦤ꧀ꦧꦣꦺꦢꦶꦥꦸꦤ꧀ꦥꦼꦤ꧀ꦝꦼꦠ꧀ꦠꦶꦪꦁ꧈ꦭꦗꦼꦁꦩꦏ꧀ꦥꦽꦩ꧀ꦥꦼꦁ . . . .꧈ꦩꦏꦠꦼꦤ꧀ꦱꦥꦶꦠꦸꦫꦸꦠ꧀ꦠꦶꦥꦸꦤ꧀꧈ꦩꦶꦭꦒ꦳ꦺꦴꦢꦺꦴꦧ꧀ꦥꦸꦤꦶꦏꦩꦤꦮꦶꦱꦩ꧀ꦥꦸꦤ꧀ꦩꦼꦩ꧀ꦥꦤ꧀​ꦭꦗꦼꦁꦤꦸꦮꦸꦃꦲꦏꦼꦤ꧀ꦢꦪꦧꦼꦤ꧀ꦠꦺꦂ꧈ꦲꦶꦁꦏꦁꦠꦼꦩꦃꦲꦤ꧀ꦤꦶꦥꦸꦤ꧀ꦲꦔꦸꦩꦺꦴꦧ꧀ꦧꦏꦼꦤ꧀ꦲꦼꦫꦃ꧈ꦧꦫꦁꦥꦸꦤꦶꦏꦩꦤꦮꦶꦏꦧꦼꦤ꧀ꦠꦺꦂꦉꦤ꧀​ꦭꦗꦼꦁꦩꦶꦤ꧀ꦝꦏ꧀ꦲꦒꦼꦁ꧈ꦩꦶꦭꦭꦩ꧀ꦥꦃꦲꦶꦁꦫꦃꦲꦤ꧀ꦢꦼꦢꦼꦂꦫꦶꦏꦠ꧀​ꦠꦼꦩꦃꦲꦤ꧀ꦫꦲꦶꦭꦗꦼꦁꦏꦠꦶꦔꦭ꧀ꦲꦧꦿꦶꦠ꧀​ꦱꦪꦢꦔꦸꦲꦼꦫꦃ [ 60 ]ꦱꦪꦩꦶꦤ꧀ꦝꦏ꧀ꦏꦛꦃ꧈ꦩꦶꦭꦭꦗꦼꦁꦲꦱꦿꦶꦁꦩꦼꦕꦃꦲꦏꦼꦤ꧀ꦲꦸꦫꦠ꧀ꦲꦶꦁꦏꦁꦢꦸꦩꦸꦤꦸꦁꦲꦶꦁꦩꦿꦶꦥꦠ꧀꧈ꦩꦤꦮꦶꦱꦏꦶꦁꦱꦤ꧀ꦠꦺꦴꦱꦤꦶꦁꦲꦶꦭꦶꦤꦶꦥꦸꦤ꧀ꦫꦃ꧈ꦭꦗꦼꦁꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦢꦪꦏꦼꦣꦼꦂ꧉ꦢꦺꦤꦺꦲꦶꦁꦏꦁꦏꦠꦶꦔꦭ꧀ꦕꦼꦛꦥꦸꦤꦶꦏꦏꦏꦼꦣꦼꦂꦫꦶꦁꦥꦶꦥꦶꦲꦸꦠꦮꦶꦭꦩ꧀ꦧꦺ꧉ꦩꦶꦭꦩꦤꦮꦶꦠꦶꦪꦁꦤꦼꦥ꧀ꦱꦸꦲꦶꦁꦏꦁꦢꦶꦥꦸꦤ꧀ꦤꦼꦥ꧀ꦱꦺꦴꦤ꧀ꦤꦶꦫꦺꦃꦫꦺꦃꦲꦤ꧀ꦤꦶꦥꦸꦤ꧀​ꦥꦸꦤꦶꦏꦭꦗꦼꦁꦤꦶꦤ꧀ꦢꦏ꧀ꦏꦏꦼꦤ꧀ꦱꦥꦸꦫꦸꦤ꧀ꦥꦸꦫꦸꦤ꧀ꦤꦶꦥꦸꦤ꧀꧈ꦤꦔꦶꦁꦩꦤꦮꦶꦲꦶꦁꦏꦁꦢꦶꦥꦸꦤ꧀ꦤꦼꦥ꧀ꦱꦺꦴꦤ꧀ꦤꦶꦥꦸꦤꦶꦏꦥꦔꦶꦁꦒꦶꦭ꧀ꦭꦤ꧀ꦤꦶꦥꦸꦤ꧀​ꦭꦩ꧀ꦥꦃꦲꦶꦁꦫꦃꦭꦗꦼꦁꦧꦺꦴꦠꦼꦤ꧀ꦱꦲꦺꦱ꧀ꦠꦸꦫꦶꦏꦠ꧀​ꦤꦔꦶꦁꦭꦗꦼꦁꦫꦶꦤ꧀ꦝꦶꦏ꧀ꦲꦚꦽꦏꦼꦏꦼꦭ꧀​ꦩꦶꦭꦫꦲꦶꦤꦥꦸꦤ꧀ꦲꦶꦁꦏꦁꦤꦼꦥ꧀ꦱꦸꦮꦸꦗꦸꦢ꧀ꦢꦶꦥꦸꦤ꧀ꦲꦶꦁꦒꦶꦃꦗꦼꦤꦺꦥꦸꦕꦼꦠ꧀꧈ꦢꦺꦤꦺꦩꦤꦮꦶꦠꦶꦪꦁꦲꦶꦁꦏꦁꦤꦼꦥ꧀ꦱꦸꦥꦸꦤꦶꦏꦒꦺꦏ꧀ꦮꦤ꧀ꦠꦸꦤ꧀​ꦒꦺꦏ꧀ꦧꦺꦴꦠꦼꦤ꧀​ꦮꦸꦗꦸꦢ꧀ꦢꦶꦥꦸꦤ꧀ꦲꦶꦁꦒꦶꦃꦒꦺꦏ꧀ꦲꦧꦿꦶꦠ꧀​ꦒꦺꦏ꧀ꦗꦼꦤꦺ꧉ꦩꦶꦭꦢꦿꦗꦠ꧀ꦠꦶꦥꦸꦤ꧀ꦠꦶꦪꦁꦥꦸꦤꦶꦏꦲꦶꦁꦒꦶꦃꦮꦺꦴꦤ꧀ꦠꦼꦤ꧀ꦠꦶꦪꦁꦒꦠꦂꦫꦤ꧀​ꦲꦶꦁꦒꦶꦃꦥꦸꦤꦶꦏ꧇

ꦲ꧇	ꦠꦤ꧀ꦥꦤꦼꦥ꧀ꦱꦸ꧈

[ 61 ]

ꦤ꧇	ꦲꦒꦼꦁꦤꦼꦥ꧀ꦱꦸꦤꦶꦥꦸꦤ꧀
ꦕ꧇	ꦠꦼꦔꦃꦠꦼꦔꦃ꧉

꧋ꦆꦩꦤ꧀ꦯꦥꦶꦔꦶꦔꦤ꧀ꦢꦶꦏ꧇ꦮꦺꦴꦁꦱꦶꦁꦢꦶꦲꦁꦒꦺꦴꦢꦺꦴꦭꦤ꧀ꦤꦤ꧀ꦲꦺꦴꦫꦤꦼꦥ꧀ꦱꦸ꧈ꦲꦶꦏꦸꦏꦶꦩꦂ꧈ꦲꦺꦴꦫꦧꦼꦕꦶꦏ꧀꧈ꦩꦶꦠꦸꦫꦸꦠ꧀ꦥꦔꦤ꧀ꦢꦶꦏꦥꦸꦤꦶꦏ꧈ꦢꦢꦺꦴꦱ꧀ꦠꦶꦪꦁꦢꦶꦥꦸꦤ꧀ꦛꦸꦛꦸꦏ꧀​ꦏꦺꦤ꧀ꦢꦼꦭ꧀ꦏꦺꦩꦮꦺꦴꦤ꧀​ꦢꦶꦥꦸꦤ꧀ꦠꦥꦸꦏ꧀ꦥꦶꦥꦶꦤꦶꦥꦸꦤ꧀ꦏꦶꦮ꧈ꦥꦶꦥꦶꦠꦼꦔꦼꦤ꧀ꦢꦶꦥꦸꦤ꧀ꦱꦸꦏꦏ꧀ꦲꦏꦼꦤ꧀​ꦱꦶꦠꦶꦤꦶꦥꦸꦤ꧀ꦢꦶꦥꦸꦤ꧀ꦉꦧꦠ꧀ꦢꦸꦂꦗꦤ꧈ꦲꦶꦁꦒꦶꦃꦤꦩꦸꦁꦤꦿꦶꦩꦃ . . . . ꦥꦸꦤꦶꦏꦏꦢꦶꦢꦺꦤꦺꦏꦶꦩꦂ꧉ꦲꦺꦮꦢꦺꦤꦺꦠꦶꦤ꧀ꦢꦏ꧀ꦲꦶꦁꦏꦁꦩꦏꦠꦼꦤ꧀ꦮꦲꦸꦱꦮꦼꦤꦺꦃꦲꦶꦁꦠꦶꦪꦁꦮꦺꦴꦤ꧀ꦠꦼꦤ꧀ꦲꦶꦁꦏꦁꦔꦁꦒꦼꦥ꧀ꦏꦢꦺꦴꦱ꧀ꦢꦺꦤꦺꦮꦮꦠꦼꦏ꧀ꦏꦤ꧀ꦤꦶꦥꦸꦤ꧀ꦦꦿꦨꦸꦪꦸꦣꦶꦱ꧀ꦛꦶꦫ꧉ꦏꦮꦸꦤꦶꦁꦔꦤ꧀ꦤ꧇ꦥꦫꦱꦲ꦳ꦧꦠ꧀​ꦲꦶꦁꦒꦶꦃꦥꦸꦤꦶꦏꦥꦫꦥꦤ꧀ꦝꦺꦫꦺꦏ꧀ꦏꦶꦥꦸꦤ꧀ꦑꦁꦗꦼꦁꦟꦨꦶ꧈ꦥꦸꦤꦶꦏꦥꦁꦒꦭꦶꦃꦲꦤ꧀ꦤꦶꦥꦸꦤ꧀ꦏꦼꦫꦱ꧀ꦏꦼꦫꦱ꧀​ꦮꦤ꧀ꦠꦼꦂꦮꦤ꧀ꦠꦼꦂꦭꦤ꧀ꦮꦼꦭꦱ꧀ꦲꦱꦶꦃ꧈ꦠꦼꦒꦼꦱ꧀ꦱꦶꦥꦸꦤ꧀꧇ꦲꦶꦁꦒꦶꦃꦥꦸꦫꦸꦤ꧀ꦤꦼꦥ꧀ꦱꦸ꧈ꦤꦔꦶꦁꦏꦿꦤꦄꦭ꧀ꦭꦃ꧉ꦑꦁꦗꦼꦁꦟꦨꦶꦩꦸꦲ꦳ꦩ꧀ꦩꦢ꧀ꦤꦠꦺꦲ [ 62 ]ꦤ꧀ꦱꦔꦸꦱꦲ꦳ꦧꦠ꧀ꦠꦶꦥꦸꦤ꧀ꦩꦏꦠꦼꦤ꧀꧇ꦱꦶꦗꦼꦤꦼꦁꦮꦺꦴꦁꦱꦤ꧀ꦠꦺꦴꦱꦲꦶꦏꦸꦮꦺꦴꦁꦱꦶꦁꦏꦥꦿꦶꦪꦺ꧉ꦥꦫꦱꦲ꦳ꦧꦠ꧀ꦩꦠꦸꦂ꧇ꦠꦶꦪꦁꦲꦶꦁꦏꦁꦱꦤ꧀ꦠꦺꦴꦱꦥꦸꦤꦶꦏ꧈ꦠꦶꦪꦁꦲꦶꦁꦏꦁꦲꦸꦁꦒꦸꦭ꧀ꦗꦸꦫꦶꦠ꧀ꦠꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦥꦧꦫꦠ꧀ꦠꦤ꧀꧈ꦑꦁꦗꦼꦁꦟꦨꦶꦩꦁꦱꦸꦭ꧀ꦭꦶ꧇ꦎ꧈ꦢꦸꦢꦸ꧈ꦱꦠꦼꦩꦼꦤ꧀ꦤꦺꦮꦺꦴꦁꦏꦁꦫꦺꦴꦱꦭꦤ꧀ꦱꦤ꧀ꦠꦺꦴꦱꦲꦶꦏꦸꦮꦺꦴꦁꦏꦁꦧꦶꦱꦔꦼꦫꦺꦃꦲꦮꦏ꧀ꦏꦺꦤꦭꦶꦏꦤꦺꦤꦼꦥ꧀ꦱꦸ꧉ ꧋ꦤꦼꦥ꧀ꦱꦸꦲꦶꦁꦏꦁꦏꦭꦢꦸꦏ꧀ꦥꦸꦤꦶꦏꦕꦶꦤꦕꦢ꧀ꦱꦔꦼꦠ꧀ꦢꦺꦤꦶꦁꦲꦒꦩꦶ꧈ꦗꦭꦂꦫꦤ꧀ꦩꦤꦮꦶꦏꦭꦢꦸꦏ꧀ꦱꦒꦼꦢ꧀ꦲꦸꦒꦶꦔꦿꦶꦱꦏ꧀ꦏꦏꦼꦤ꧀ꦧꦢꦤ꧀ꦮꦣꦒ꧀​ꦔꦿꦶꦱꦏ꧀ꦏꦏꦼꦤ꧀ꦭꦩ꧀ꦥꦃꦲꦶꦁꦫꦃ꧈ꦮꦱꦤꦱꦒꦼꦢ꧀ꦲꦔꦺꦮꦃꦲꦏꦼꦤ꧀ꦲꦏꦭ꧀ꦥꦶꦏꦶꦂꦫꦤ꧀ꦤꦶꦥꦸꦤ꧀ꦩꦤꦸꦱ꧉ ꧋ꦠꦶꦪꦁꦲꦶꦁꦏꦁꦱꦮꦼꦒ꧀ꦤꦼꦥ꧀ꦱꦸ ꧍ꦩꦸꦫꦶꦁꦩꦸꦫꦶꦁ꧍ ꦥꦸꦤꦶꦏꦏꦺꦔꦶꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇ꦩꦿꦶꦥꦠ꧀ꦠꦶꦥꦸꦤ꧀ꦧꦺꦴꦠꦼꦤ꧀ꦱꦸꦩꦼꦉꦥ꧀​ꦗꦭꦂꦫꦤ꧀ꦮꦺꦴꦤ꧀ꦠꦼꦤ꧀ꦥꦸꦤꦥꦥꦸꦤꦥꦤꦶꦥꦸꦤ꧀ꦠꦸꦩ꧀ꦧꦸꦏ꧀ꦏꦺꦩꦮꦺꦴꦤ꧀꧈ꦩꦤꦮꦶꦮꦺꦴꦤ꧀ꦠꦼꦤ꧀ꦲꦶꦁꦏꦁꦩꦶꦠꦸꦠꦸꦂꦫꦶ꧈ꦠꦶꦪꦁꦲꦶꦁꦏꦁꦤꦼꦥ꧀ꦱꦸꦮꦲꦸꦲꦶꦁꦒꦶꦃꦧꦺꦴꦠꦼꦤ꧀ꦩꦶ [ 63 ]ꦉꦁ꧉​ꦩꦶꦭꦭꦶꦩꦿꦃꦲꦶꦥꦸꦤ꧀ꦠꦶꦪꦔꦶꦁꦏꦁꦱꦮꦼꦒ꧀ꦥꦶꦤꦸꦗꦸꦤꦼꦥ꧀ꦱꦸꦥꦸꦤꦶꦏꦧꦺꦴꦠꦼꦤ꧀ꦔꦿꦲꦺꦴꦱ꧀ꦱꦪꦃ꧈​ꦢꦺꦤꦺꦩꦤꦮꦶꦱꦩ꧀ꦥꦸꦤ꧀ꦏꦶꦭꦶꦃꦥꦸꦤꦶꦏꦱꦮꦼꦒ꧀ꦩꦔꦼꦂꦠꦺꦴꦱ꧀ꦩꦤꦮꦶꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦤꦼꦥ꧀ꦱꦸ꧉​ꦥꦔꦤ꧀ꦢꦶꦏꦤꦶꦥꦸꦤ꧀ꦔꦸꦭꦩꦶ꧇​ꦤꦼꦥ꧀ꦱꦸꦲꦶꦏꦸꦢꦢꦶꦥꦩ꧀ꦧꦸꦏꦏ꧀ꦏꦺꦱꦏꦧꦺꦃꦲꦶꦁꦥꦶꦲꦭ꧉​ꦢꦢꦺꦴꦱ꧀ꦱꦗꦠꦺꦴꦱ꧀ꦱꦶꦥꦸꦤ꧀​ꦏꦛꦃꦮꦶꦭꦸꦗꦼꦁꦔꦶꦥꦸꦤ꧀ꦠꦶꦪꦔꦶꦁꦏꦁꦤꦸꦩ꧀ꦥꦏ꧀ꦧꦲꦶꦠ꧈​ꦏꦩ꧀ꦥꦸꦭ꧀ꦏꦩ꧀ꦥꦸꦭ꧀ꦮꦺꦴꦤ꧀ꦠꦼꦤ꧀ꦱꦠꦼꦔꦃꦲꦶꦁꦲꦭꦸꦤ꧀ꦲꦒꦼꦁ꧈​ꦠꦶꦤꦶꦩ꧀ꦧꦁꦩꦤꦸꦱꦻꦁꦏꦁꦏꦩ꧀ꦥꦸꦭ꧀ꦏꦩ꧀ꦥꦸꦭ꧀ꦮꦺꦴꦤ꧀ꦠꦼꦤ꧀ꦱꦠꦼꦔꦃꦲꦶꦁꦒꦺꦴꦢꦺꦴ​ꦧ꧀꧈ ꧋ꦤꦼꦥ꧀ꦱꦸꦲꦶꦁꦏꦁꦕꦼꦏꦥ꧀ꦥꦤ꧀ꦥꦸꦤꦶꦏꦏꦁꦢꦶꦥꦸꦤ꧀ꦲꦊꦩ꧀ꦢꦺꦤꦶꦁꦲꦒꦩꦶ꧈​ꦲꦶꦁꦒꦶꦃꦥꦸꦤꦶꦏꦻꦁꦏꦁꦧꦺꦴꦠꦼꦤ꧀ꦔꦶꦕꦭ꧀ꦭꦏꦼꦤ꧀ꦏꦮꦱ꧀ꦥꦤꦤ꧀​​ꦱꦂꦂꦠꦱꦒꦼꦢ꧀ꦤꦏꦼꦂꦲꦸꦧꦭ꧀ꦭꦶꦁꦲꦮꦺꦴꦤꦥ꧀ꦱꦸ꧈​ꦲꦶꦁꦒꦶꦃꦤꦼꦥ꧀ꦱꦸꦲꦶꦁꦏꦁꦩꦏꦠꦼꦤ꧀ꦮꦲꦸꦲꦶꦁꦏꦁꦤꦩꦤꦼꦥ꧀ꦱꦸꦏꦿꦤꦄꦭ꧀ꦭꦃ꧉

***

[ 64 ]

꧋ꦱꦧꦧ꧀ꦧꦶꦁꦲꦸꦧꦭ꧀ꦭꦶꦥꦸꦤ꧀ꦏꦤꦼꦥ꧀ꦱꦺꦴꦤ꧀꧈

꧋ꦩꦼꦁꦒꦃꦲꦶꦁꦏꦁꦚꦧ꧀ꦧꦏꦼꦤ꧀ꦲꦸꦧꦭ꧀ꦭꦶꦁꦏꦤꦼꦥ꧀ꦱꦺꦴꦤ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦠꦶꦒ꧈ꦲꦶꦁꦒꦶꦃꦥꦸꦤꦶꦏ꧇

꧑꧇	ꦠꦏꦧ꧀ꦧꦸꦂ꧈ꦠꦼꦒꦼꦱ꧀ꦱꦶꦥꦸꦤ꧀꧇ꦒꦸꦩꦼꦣꦺ꧈ꦥꦸꦤꦶꦏꦱꦒꦼꦢ꧀ꦩꦿꦺꦤ꧀ꦠꦺꦏ꧀ꦩꦿꦺꦤꦠꦺꦏ꧀ꦤꦫꦶꦏ꧀ꦮꦠꦼꦏ꧀ꦏꦧꦿꦔꦱ꧀ꦱꦤ꧀꧈ꦱꦒꦼꦢ꧀ꦢꦶꦥꦸꦤ꧀ꦱꦶꦂꦤꦲꦶꦁꦒꦶꦃꦏꦼꦢꦃꦔꦸꦭꦶꦤꦏ꧀ꦲꦏꦼꦤ꧀ꦲꦤ꧀ꦝꦥ꧀ꦲꦱꦺꦴꦂ꧉
꧒꧇	ꦔꦸꦗꦸꦧ꧀​ꦠꦼꦒꦼꦱ꧀ꦱꦶꦥꦸꦤ꧀​ꦲꦁꦒꦸꦸꦤ꧀ꦤꦶꦣꦠꦼꦁꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀​ꦠꦶꦪꦁꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦏꦩꦱ꧀ꦛꦶꦚꦸꦥꦼꦠ꧀ꦝꦠꦼꦁꦲꦶꦤ꧀ꦝꦏ꧀ꦏꦶꦁꦫꦺꦴꦃꦲꦶꦥꦸꦤ꧀​ꦗꦭꦂꦫꦤ꧀ꦭꦗꦼꦁꦧꦺꦴꦠꦼꦤ꧀ꦥꦸꦫꦸꦤ꧀ꦲꦔꦸꦢꦶ꧈ꦫꦸꦩꦲꦺꦴꦱ꧀ꦱꦶꦥꦸꦤ꧀ꦱꦩ꧀ꦥꦸꦤ꧀ꦱꦩ꧀ꦥꦸꦂꦤ꧉ꦩꦤꦮꦶꦫꦸꦩꦲꦺꦴꦱ꧀ꦱꦩ꧀ꦥꦸꦤ꧀ꦱꦩ꧀ꦥꦸꦂꦤ꧈ꦲꦶꦁꦒꦶꦃꦭꦗꦼꦁꦕꦼꦥꦏ꧀ꦤꦼꦥ꧀ꦱꦸꦤꦶꦥꦸꦤ꧀꧈ꦮꦺꦴꦤ꧀ꦢꦺꦤꦺꦗꦩ꧀ꦥꦶꦤꦶꦥꦸꦤ꧀ꦔꦸꦗꦸꦧ꧀​ꦥꦸꦤꦶꦏꦏꦼꦢꦃꦔꦺꦩꦸꦠ꧀ꦠꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦲꦶꦁꦏꦁ

[ 65 ]

	ꦒꦸꦩꦼꦭꦂꦮꦺꦴꦤ꧀ꦠꦼꦤ꧀ꦲꦶꦁꦢꦺꦴꦚ꧈ꦲꦶꦁꦒꦶꦃꦥꦸꦤꦶꦏꦩꦤꦮꦶꦮꦺꦴꦤ꧀ꦠꦼꦤ꧀ꦲꦶꦁꦏꦁꦲꦸꦠꦩꦶ꧈ꦠꦩ꧀ꦠꦸꦮꦺꦴꦤ꧀ꦠꦼꦤ꧀ꦲꦶꦁꦏꦁꦔ꧀ꦭꦁꦏꦸꦁꦔꦶꦩꦭꦶꦃꦲꦸꦠꦩꦶꦤꦶꦥꦸꦤ꧀​ꦩꦏꦠꦼꦤ꧀ꦱꦭꦗꦼꦁꦔꦶꦥꦸꦤ꧀꧈
꧓꧇	ꦒꦺꦴꦗꦺꦒ꧀​ꦥꦸꦤꦶꦏꦏꦗꦮꦶꦲꦮꦺꦴꦤ꧀​ꦲꦶꦁꦒꦶꦃꦏꦼꦉꦥ꧀ꦲꦤꦸꦮꦸꦃꦲꦏꦼꦤ꧀ꦥꦧꦼꦤ꧀​ꦩꦸꦫꦶꦁꦭꦤ꧀ꦤꦼꦥ꧀ꦱꦸ꧈ꦢꦢꦺꦴꦱ꧀ꦱꦒꦼꦢ꧀ꦢꦶꦥꦸꦤ꧀ꦱꦶꦂꦤꦏꦼꦢꦃꦤꦶꦤ꧀ꦢꦏ꧀ꦏꦏꦼꦤ꧀ꦩꦼꦩ꧀ꦥꦼꦁꦔꦤ꧀ꦧꦫꦁꦥꦸꦤꦥꦏꦺꦩꦮꦺꦴꦤ꧀ꦲꦶꦁꦏꦁꦥꦂꦭꦸ꧈ꦱꦸꦥꦢꦺꦴꦱ꧀ꦧꦺꦴꦠꦼꦤ꧀ꦲꦤꦸꦮꦸꦃꦲꦏꦼꦤ꧀ꦒꦺꦴꦗꦺꦒ꧀꧈

꧋ꦢꦢꦺꦴꦱ꧀ꦱꦒꦼꦢ꧀ꦢꦶꦥꦸꦤ꧀ꦲꦚꦥꦶꦃꦥꦿꦏꦮꦶꦱ꧀ꦠꦶꦒꦁꦮꦂꦤꦶꦥꦸꦤꦶꦏ꧈ꦲꦶꦁꦒꦶꦃꦏꦼꦢꦃꦲꦚ꧀ꦗꦺꦴꦁꦏꦏꦮꦿꦸꦃꦲꦶꦁꦏꦁꦲꦶꦁꦒꦶꦭ꧀ꦲꦶꦁꦒꦶꦭ꧀​ꦤꦔꦶꦁꦱꦢꦪꦮꦲꦸꦥꦚꦶꦉꦥ꧀ꦤꦩꦸꦁꦠꦸꦩꦿꦥ꧀ꦏꦤꦼꦥ꧀ꦱꦺꦴꦤ꧀ꦲꦶꦁꦏꦁꦱꦢꦺꦫꦺꦁꦔꦶꦥꦸꦤ꧀ꦩꦸꦧꦭ꧀꧈꧋ꦢꦺꦤꦺꦥꦿꦠꦶꦏꦼꦭ꧀ꦭꦶꦥꦸꦤ꧀ꦲꦚꦶꦉꦥ꧀ꦏꦤꦼꦥ꧀ꦱꦺꦴꦤ꧀ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦩꦸꦧꦭ꧀​ꦥꦸꦤꦶꦏꦺꦺꦴꦤ꧀ꦠꦼꦤ꧀ꦮꦂꦤꦶ [ 66 ]ꦏꦭꦶꦃ꧈ꦲꦶꦁꦒꦶꦃꦥꦸꦤꦶꦏ꧇

꧑꧇	ꦲꦶꦁꦏꦁꦧꦺꦴꦁꦱꦔꦺꦭ꧀ꦩꦶ꧈
꧒꧇	ꦲꦶꦁꦏꦁꦧꦺꦴꦁꦱꦔꦩꦭꦶ꧉

꧋ꦲꦶꦁꦏꦁꦧꦺꦴꦁꦱꦔꦺꦭ꧀ꦩꦶꦥꦸꦤꦶꦏꦮꦺꦴꦤ꧀ꦠꦼꦤ꧀ꦒꦁꦱꦭ꧀​ꦥꦿꦁꦏꦠ꧀​​ꦲꦶꦁꦒꦶꦃꦥꦸꦤꦶꦏ꧇

ꦲ꧇	ꦏꦼꦢꦃꦔꦺꦩꦸꦠ꧀ꦠꦶꦒꦚ꧀ꦗꦂꦫꦤ꧀ꦤꦶꦥꦸꦤ꧀ꦠꦶꦪꦁꦲꦶꦁꦏꦁꦚꦶꦉꦥ꧀ꦏꦤꦼꦥ꧀ꦱꦺꦴꦤ꧀꧈ꦣꦮꦸꦃꦲꦶꦁꦦꦔꦺꦫꦤ꧀꧇ꦱꦶꦫꦲ​ꦔ꧀ꦭꦸꦧꦺꦂꦤꦲꦶꦁꦥꦔꦥꦸꦫ꧈ꦭꦤ꧀ꦥꦣꦄꦩꦂꦩꦏ꧀ꦫꦸꦥ꦳꧀ꦥ꦳꧈ꦱꦂꦠꦩꦺꦔꦺꦴꦮꦩꦫꦁ​ꦮꦺꦴꦁꦏꦁꦧꦺꦴꦣꦺꦴ꧉
ꦤ꧇	ꦏꦼꦢꦃꦔꦺꦩꦸꦠ꧀ꦠꦶꦣꦮꦸꦃꦲꦶꦁꦲꦒꦩꦶ꧈ꦲꦶꦁꦏꦁꦤꦼꦫꦁꦔꦏꦼꦤ꧀ꦱꦶꦏ꧀ꦱꦤꦶꦥꦸꦤ꧀ꦠꦶꦪꦁꦲꦶꦁꦏꦁꦔꦸꦩ꧀ꦧꦂꦏꦤꦼꦥ꧀ꦱꦺꦴꦤ꧀꧈ꦔ꦳ꦧ꧀ꦢꦸꦭ꧀ꦭꦆꦧ꧀ꦤꦸꦔ꦳ꦸꦩꦂꦩꦠꦸꦂꦣꦠꦼꦁꦑꦁꦗꦼꦁꦟꦨꦶ꧇ꦥꦸꦤꦥꦲꦶꦁꦏꦁꦤꦼꦧꦶꦃꦲꦏꦼꦤ꧀ꦧꦢꦤ꧀ꦏꦸꦭꦱꦏꦶꦁꦧꦧꦼꦤ꧀ꦢꦸꦤꦶꦁꦦꦔꦺꦫꦤ꧀꧈ꦑꦁꦗꦼꦁꦟꦨꦶꦩꦁꦱꦸꦭ꧀ꦭꦶ꧇ꦱꦶꦫꦲꦗꦤꦼꦥ꧀ꦱꦸ꧉
ꦕ꧇	ꦏꦼꦢꦃꦔꦺꦩꦸꦠ꧀ꦠꦶꦮꦸꦗꦸꦢ꧀ꦢꦶꦥꦸꦤ꧀ꦠꦶꦪꦁꦲꦶꦁꦏꦁꦤꦼꦥ꧀ꦱꦸ꧉

[ 67 ]

	ꦠꦶꦪꦁꦤꦼꦥ꧀ꦱꦸꦥꦸꦤꦶꦏꦩꦤꦮꦶꦔꦶꦭꦺꦴ꧈ꦤꦶꦔꦭ꧀ꦭꦶꦫꦸꦥꦶꦤꦶꦥꦸꦤ꧀ꦠꦩ꧀ꦠꦸꦥꦔ꧀ꦭꦶꦁ꧈ꦗꦭꦂꦫꦤ꧀ꦫꦲꦶꦤꦶꦥꦸꦤ꧀ꦭꦗꦼꦁꦩꦭꦶꦃꦢꦢꦺꦴꦱ꧀ꦲꦧꦿꦶꦠ꧀​ꦧꦼꦒꦶꦠꦧꦼꦒꦶꦠꦸꦏꦢꦺꦴꦱ꧀ꦠꦶꦪꦁꦲꦺꦮꦃ꧈ꦥꦸꦤꦥꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦔꦗꦼꦁꦔꦶꦥꦸꦤ꧀ꦢꦶꦥꦸꦤ꧀ꦏꦼꦉꦒ꧀ꦏꦼꦉꦒ꧀ꦏꦢꦺꦴꦱ꧀ꦢꦺꦤꦺꦱꦒꦮꦺꦴꦤ꧀ꦲꦺꦢꦤ꧀꧈ꦢꦢꦺꦴꦱ꧀ꦱꦱꦒꦼꦢ꧀ꦱꦒꦼꦢ꧀ꦏꦼꦢꦃꦔꦺꦩꦸꦠ꧀ꦠꦶꦭꦭꦩ꧀ꦥꦃꦲꦤ꧀ꦤꦶꦥꦸꦤ꧀ꦥꦫꦭꦸꦲꦸꦂꦏꦶꦤꦏꦢꦺꦴꦱ꧀ꦠ꧇ꦔꦺꦔꦼꦠ꧀ꦠꦶꦑꦁꦗꦼꦁꦟꦨꦶꦱꦂꦠꦥꦫꦮꦭꦶꦲꦁꦒꦺꦤ꧀ꦤꦶꦁꦲꦸꦭꦠ꧀ꦠꦶꦥꦸꦤ꧀ꦠꦤ꧀ꦱꦃꦱꦩꦶꦧꦶꦔꦂꦧꦶꦔꦂ꧈ꦧꦺꦴꦠꦼꦤ꧀ꦔꦸꦗꦏꦤꦼꦥ꧀ꦱꦺꦴꦤ꧀꧈
ꦫ꧇	ꦏꦼꦢꦃꦔꦺꦩꦸꦠ꧀ꦠꦶꦥꦸꦁꦏꦱ꧀ꦱꦤ꧀ꦤꦶꦥꦸꦤ꧀ꦠꦶꦪꦁꦲꦶꦁꦏꦁꦤꦼꦥ꧀ꦱꦸ ꧍ꦮꦺꦴꦃꦲꦶꦥꦸꦤ꧀ꦤꦼꦥ꧀ꦱꦸ꧍꧉ꦲꦶꦁꦒꦶꦃꦥꦸꦤꦶꦏꦩꦸꦫꦸꦒ꧀ꦒꦏꦼꦤ꧀ꦉꦁꦒꦁ꧈ꦕꦿꦃꦣꦠꦼꦁꦩꦶꦠꦿ꧉ꦥꦸꦤꦥꦩꦭꦶꦃꦏꦼꦢꦃꦲꦺꦔꦼꦠ꧀​ꦧꦶꦭꦶꦃꦠꦶꦪꦁꦲꦶꦁꦏꦁꦢꦶꦥꦸꦤ꧀ꦤꦼꦥ꧀ꦱꦺꦴꦤ꧀ꦤꦶꦥꦸꦤꦶꦏꦱꦺꦴꦏ꧀ꦩꦊꦱ꧀ꦲꦸꦏꦸꦩ꧀​ꦲꦸꦥꦩꦶꦤꦶꦥꦸꦤ꧀꧇ꦲꦔꦿꦕꦸꦤ꧀꧈

[ 68 ]

ꦏ꧇	ꦏꦼꦢꦃꦔꦺꦩꦸꦠ꧀ꦠꦶꦠꦶꦪꦁꦲꦶꦁꦏꦁꦤꦼꦥ꧀ꦱꦸꦥꦸꦤꦶꦏꦲꦥꦱ꧀ꦲꦸꦠꦮꦶꦲꦶꦤ꧈ꦩꦶꦭꦢꦶꦥꦸꦤ꧀ꦥꦲꦩ꧀ꦝꦠꦼꦁꦮꦮꦫꦃꦒꦁꦱꦭ꧀ꦮꦂꦤꦶꦲꦶꦁꦔꦶꦁꦒꦶꦭ꧀ꦮꦲꦸ꧉

꧋ꦢꦺꦤꦺꦗꦩ꧀ꦥꦶꦤꦶꦥꦸꦤ꧀ꦒ꦳ꦺꦴꦢꦺꦴꦧ꧀ꦲꦶꦁꦒꦏꦁꦧꦺꦴꦁꦱꦔꦩꦭꦶ ꧍ꦥꦤ꧀ꦢꦩꦼꦭ꧀꧍ ꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦠꦶꦒꦲꦶꦁꦒꦶꦃꦥꦸꦤꦶꦏ꧇

ꦲ꧇	ꦔꦸꦕꦥ꧀꧇ꦄꦔꦸꦢ꦳ꦸꦧꦭꦶꦭ꧀ꦭ—ꦲꦶꦩꦶꦤꦱ꧀ꦱ꦳ꦾꦆꦡꦤꦶꦂꦫꦺꦴꦗꦶ—ꦩ꧀꧈
ꦤ꧇	ꦱꦫꦤꦔꦺꦮꦃꦲꦶꦠꦶꦁꦏꦃꦲꦶꦥꦸꦤ꧀​ꦩꦤꦮꦶꦲꦁꦒꦺꦤ꧀ꦤꦶꦥꦸꦤ꧀ꦤꦼꦥ꧀ꦱꦸꦱꦮꦼꦒ꧀ꦥꦶꦤꦸꦗꦸꦔꦢꦼꦒ꧀​ꦭꦗꦼꦁꦭꦶꦁꦒꦶꦃ꧉ꦭꦶꦁꦒꦶꦃꦠꦏ꧀ꦱꦶꦃꦤꦼꦥ꧀ꦱꦸ꧈ꦭꦗꦼꦁꦠꦶꦊꦩ꧀ꦩꦤ꧀​ꦩꦶꦫꦶꦁ꧈ꦩꦁꦏꦸꦉꦧ꧀ꦭꦤ꧀ꦱꦭꦗꦼꦁꦔꦶꦥꦸꦤ꧀꧈
ꦕ꧇	ꦩꦁꦏꦸꦉꦧ꧀ꦠꦏ꧀ꦱꦶꦃꦤꦼꦥ꧀ꦱꦸ꧈ꦭꦗꦼꦁꦥꦢꦺꦴꦱ꧀ꦠꦺꦴꦪꦮꦸꦭ꦳ꦸ꧈ꦠꦼꦫꦸꦱ꧀ꦱꦭꦠ꧀​ꦔꦧꦼꦏ꧀ꦠꦶꦣꦠꦼꦁꦦꦔꦺꦫꦤ꧀꧈

***

[ 69 ]

꧋ꦏꦲꦸꦠꦩꦺꦤ꧀ꦤꦶꦥꦸꦤ꧀꧇​ꦲ꦳ꦭꦶꦩ꧀ ꧍ꦲꦫꦶꦱ꧀꧍꧈

꧋ꦣꦮꦸꦲꦶꦁꦑꦸꦂ​ꦄꦤ꧀꧇​ꦱꦶꦫꦥꦣꦲꦩ꧀ꦧꦼꦒ꧀ꦒꦥꦔꦥꦸꦫ꧈​ꦲꦗꦏ꧀ꦲꦗꦏ꧀ꦏꦩꦫꦁꦏꦧꦼꦕꦶꦏ꧀ꦏꦤ꧀​ꦭꦤ꧀ꦩꦺꦔꦺꦴꦮꦱꦏꦮꦺꦴꦁꦏꦁꦧꦺꦴꦣꦺꦴ꧉꧋ꦄꦪꦠ꧀ꦲꦶꦁꦏꦁꦏꦸꦭꦥꦿꦠꦺꦭꦏ꧀ꦲꦏꦼꦤ꧀ꦲꦶꦁ​ꦔꦶꦁꦒꦶꦭ꧀ꦥꦸꦤꦶꦏꦏꦗꦼꦁꦔꦶꦥꦸꦤ꧀꧇​ꦏꦶꦠꦏꦼꦢꦃꦠꦤ꧀ꦱꦃꦲꦚ꧀ꦗꦼꦩ꧀ꦧꦂꦫꦏꦼꦤ꧀ꦥꦔꦥꦸꦤ꧀ꦠꦼꦤ꧀​ꦢꦢꦺꦴꦱ꧀ꦱꦲꦸꦥꦩꦶꦮꦺꦴꦤ꧀ꦠꦼꦤ꧀ꦱꦤꦏ꧀ꦱꦝꦺꦫꦺꦏ꧀ꦏꦶꦠ​ꦲꦶꦁꦏꦁ​ꦊꦥꦠ꧀​ꦥꦸꦤꦶꦏꦢꦶꦥꦸꦤ꧀ꦤꦱꦺꦲ꦳ꦠ꧀ꦠꦤ꧀ꦏꦺꦩꦮꦺꦴꦤ꧀​ꦱꦂꦠꦢꦶꦥꦸꦤ꧀ꦢꦸꦤꦸꦁꦢꦸꦤꦸꦁꦤꦏꦊꦥꦠ꧀ꦠꦤ꧀ꦤꦶꦥꦸꦤ꧀ꦭꦤ꧀ꦊꦉꦱ꧀ꦱꦶꦥꦸꦤ꧀​ꦱꦸꦥꦢꦺꦴꦱ꧀ꦱꦒꦼꦢ꧀ꦲꦤꦶꦢꦏ꧀ꦏꦏꦼꦤ꧀꧈​ꦩꦶꦭ​ꦄꦪꦠ꧀ꦥꦸꦤꦶꦏꦭꦗꦼꦁꦔꦶꦥꦸꦤ꧀꧇​ꦏꦶꦠꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦲꦺꦴꦛꦁꦤꦶꦤ꧀ꦢꦏ꧀ꦏꦏꦼꦤ꧀ꦥꦤ꧀ꦢꦩꦼꦭ꧀ꦲꦸꦠꦩꦶ꧈​ꦩꦶꦭꦭꦗꦼꦁꦩꦮꦶꦭꦶꦤꦩ꧀ꦧꦂꦫꦤ꧀​ꦏꦶꦠꦏꦼꦢꦃꦠꦤ꧀ꦱꦃꦲꦗꦏ꧀ꦲꦗꦏ꧀ꦝꦠꦼꦁꦏꦱꦲꦺꦤꦤ꧀꧈​ꦥꦸꦤꦥꦩꦭꦶꦃꦏꦶꦠꦢꦶꦥꦸꦚ꧀ꦕꦼꦒꦃꦢꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦢꦢꦺꦴ [ 70 ]ꦱ꧀ꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦠꦶꦪꦁꦧꦺꦴꦣꦺꦴ꧉

꧋ꦠꦶꦪꦁꦲꦶꦁꦏꦁꦏꦢꦸꦤꦸꦁꦔꦤ꧀ꦱꦶꦥꦠ꧀꧇ꦏꦢꦶꦩꦸꦭ꧀ꦒ꦳ꦆꦢꦶ꧈ꦲꦶꦁꦒꦶꦃꦥꦸꦤꦶꦏꦠꦶꦪꦁꦲꦶꦁꦏꦁꦱꦒꦼꦢ꧀ꦤꦼꦥꦏ꧀ꦤꦥ꧀ꦱꦸꦤꦶꦥꦸꦤ꧀​ꦥꦸꦤꦶꦏꦥꦚ꧀ꦕꦺꦤ꧀ꦢꦶꦥꦸꦤ꧀ꦲꦊꦩ꧀ꦧꦤꦢꦺꦤꦶꦁꦑꦸꦂꦄꦤ꧀​ꦲꦤꦔꦶꦁꦱꦶꦥꦠ꧀꧇ꦏꦢꦶꦩꦸꦒ꦳ꦆꦢꦶꦥꦸꦤꦶꦏꦩꦤꦮꦶꦧꦺꦴꦠꦼꦤ꧀ꦏꦊꦉꦱ꧀ꦱꦤ꧀ꦭꦗꦼꦁꦢꦢꦺꦴꦱ꧀​ꦲꦶꦏ꧀ꦢꦶ꧈ꦠꦼꦒꦼꦱ꧀ꦱꦶꦥꦸꦤ꧀꧇ꦥꦔꦸꦤꦼꦏ꧀ꦲꦸꦤꦼꦏ꧀​ꦲꦸꦥꦩꦶꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦏꦼꦩ꧀ꦥꦭ꧀ꦭꦤ꧀ꦢꦶꦥꦸꦤ꧀ꦮꦶꦫꦁꦔꦏꦼꦤ꧀ꦔꦤ꧀ꦠꦺꦴꦱ꧀ꦱꦔꦼꦠ꧀​ꦔꦤ꧀ꦠꦺꦴꦱ꧀ꦠꦸꦮꦸꦃꦤꦼꦥ꧀ꦱꦸꦤꦶꦥꦸꦤ꧀ꦧꦣꦺꦚꦸꦢꦸꦏ꧀​ꦤꦔꦶꦁꦭꦗꦼꦁꦏꦺꦩꦸꦠ꧀ꦠꦤ꧀​ꦮꦱꦤꦭꦗꦼꦁꦧꦺꦴꦠꦼꦤ꧀ꦱꦲꦺꦱ꧀ꦠꦸꦚꦸꦢꦸꦏ꧀꧈ꦠꦶꦪꦁꦲꦶꦁꦏꦁꦱꦒꦼꦢ꧀ꦤꦼꦥꦏ꧀ꦤꦥ꧀ꦱꦸꦤꦶꦥꦸꦤ꧀ꦥꦸꦤꦶꦏꦩꦤꦮꦶꦱꦩ꧀ꦥꦸꦤ꧀ꦢꦢꦺꦴꦱ꧀ꦭꦗꦼꦁꦤꦩ꧇ꦲ꦳ꦭꦶꦩ꧀​ꦠꦼꦒꦼꦱ꧀ꦱꦶꦥꦸꦤ꧀꧇ꦲꦫꦶꦱ꧀​ꦲꦶꦁꦒꦶꦃꦠꦶꦪꦁꦏꦁꦩꦏꦠꦼꦤ꧀ꦥꦸꦤꦶꦏꦠꦶꦪꦁꦲꦶꦁꦏꦁꦢꦿꦗꦠ꧀ꦠꦶꦥꦸꦤ꧀ꦱꦩ꧀ꦥꦸꦤ꧀ꦢꦸꦩꦸꦒꦶꦠꦠꦂꦫꦤ꧀ꦲꦶꦁꦏꦁꦲꦶꦁꦒꦶꦭ꧀꧈ꦤꦔꦶꦁꦩꦤꦮꦶꦏꦶꦫꦁꦱꦒꦼꦢ꧀ꦲꦁꦒꦺꦤ꧀ꦤꦶꦥꦸꦤ꧀ꦤꦼꦥꦏ꧀ꦤꦼꦥ꧀ꦱꦸꦥꦸꦤꦶꦏꦱꦺꦴꦏ꧀ꦠꦏ꧀ꦱꦶꦃꦔꦸꦉꦁ [ 71 ]

ꦮꦺꦴꦤ꧀ꦠꦼꦤ꧀ꦲꦶꦁꦩꦤꦃ꧈ꦭꦗꦼꦁꦢꦢꦺꦴꦱ꧀​ꦥꦔꦸꦤꦼꦏ꧀ꦲꦸꦤꦼꦏ꧀​ꦩꦶꦭꦣꦮꦸꦃꦲꦸꦥꦸꦤ꧀ꦑ꦳ꦗꦼꦁꦟꦨꦶ꧇ꦮꦺꦴꦁꦩꦸꦏ꧀ꦩꦶꦤ꧀ꦲꦶꦏꦸꦲꦺꦴꦫꦠꦸꦏꦁꦔꦸꦤꦼꦏ꧀ꦲꦸꦤꦼꦏ꧀꧈ꦱꦶꦥꦠ꧀ꦩꦢ꦳꧀ꦩꦸꦩꦃꦲꦶꦁꦏꦁꦠꦸꦮꦸꦃꦲꦶꦥꦸꦤ꧀ꦱꦏꦶꦁꦥꦔꦸꦤꦼꦏ꧀ꦲꦸꦤꦼꦏ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦒꦁꦱꦭ꧀​ꦲꦶꦁꦒꦶꦃꦥꦸꦤꦶꦏ꧇

꧑꧇	ꦲ꦳ꦱꦢ꧀​ꦠꦼꦒꦼꦱ꧀ꦱꦶꦥꦸꦤ꧀꧇ꦢꦉꦁꦏꦶ꧈ꦏꦢꦺꦴꦱ꧀ꦠ꧇ꦩꦸꦗꦺꦏ꧀ꦩꦸꦗꦺꦏ꧀ꦲꦏꦼꦤ꧀ꦲꦶꦕꦭ꧀ꦭꦶꦁꦏꦧꦶꦔꦃꦲꦤ꧀ꦤꦶꦥꦸꦤ꧀ꦠꦶꦪꦁꦱꦤꦺꦱ꧀꧈
꧒꧇	ꦧꦶꦔꦃꦣꦠꦼꦁꦕꦶꦭꦏꦤꦶꦁꦱꦤꦺꦱ꧀​ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀​ꦥꦸꦤꦶꦏꦲꦮꦺꦴꦤ꧀ꦲꦮꦺꦴꦤ꧀ꦤꦶꦁꦠꦶꦪꦁ꧉
꧓꧇	ꦧꦺꦴꦠꦼꦤ꧀ꦥꦸꦫꦸꦤ꧀ꦢꦶꦥꦸꦤ꧀ꦲꦗꦏ꧀ꦥꦱꦣꦺꦫꦺꦏ꧀ꦏꦤ꧀꧈
꧔꧇	ꦔꦿꦺꦩꦺꦃꦲꦏꦼꦤ꧀ꦱꦂꦠꦔꦮꦺꦴꦤ꧀ꦲꦮꦺꦴꦤ꧀ꦲꦶꦁꦱꦤꦺꦱ꧀꧈
꧕꧇	ꦧꦺꦴꦠꦼꦤ꧀ꦤꦼꦠꦼꦥ꧀ꦥꦶꦏꦸꦮꦗꦶꦧ꧀ꦧꦤ꧀ꦤꦶꦥꦸꦤ꧀ꦝꦠꦼꦁꦱꦩꦶꦱꦩꦶ꧉

***

[ 72 ]

꧋ꦲ꦳ꦱꦢ꧀꧈

꧋ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦤꦼꦫꦁꦔꦏꦼꦤ꧀ꦱꦱꦏꦶꦠ꧀ꦠꦶꦁꦩꦤꦃ꧇ꦏꦤꦼꦥ꧀ꦱꦺꦴꦤ꧀​ꦏꦸꦥꦭꦗꦼꦁꦧꦝꦺꦤꦼꦫꦁꦔꦏꦼꦤ꧀ꦱꦱꦏꦶꦠ꧀ꦠꦶꦁꦩꦤꦃ꧇ꦲ꦳ꦱꦢ꧀​ꦏꦮꦸꦤꦶꦁꦔꦤ꧀ꦤ꧈ꦲ꦳ꦱꦢ꧀ꦥꦸꦥꦶꦏꦱꦱꦏꦶꦠ꧀ꦠꦶꦁꦩꦤꦃꦲꦶꦁꦏꦁꦲꦁꦪꦶꦪꦶꦫꦶꦱ꧀ꦱꦶꦱꦔꦼꦠ꧀꧈ ꦝꦮꦸꦃꦲꦶꦁꦲ꦳ꦢꦶꦱ꧀꧇ꦲ꦳ꦱꦢ꧀ꦲꦶꦏꦸꦩꦔꦤ꧀ꦏꦧꦼꦕꦶꦏ꧀ꦏꦤ꧀ ꦏꦪꦤꦺꦤꦺꦪꦼꦤꦶꦩꦔꦤ꧀ꦏꦪꦸ꧉ ꧋ꦲ꦳ꦱꦢ꧀ꦥꦸꦤꦶꦏꦠꦼꦩ꧀ꦧꦁꦔ꦳ꦫꦧ꧀​ꦗꦮꦶꦤꦶꦥꦸꦤ꧀꧇ ꦢꦽꦁꦏꦶꦲꦸꦠꦮꦶꦱꦿꦺꦲꦶ꧉ ꧋ꦱꦱꦏꦶꦠ꧀ꦠꦶꦁꦩꦤꦃꦲ꦳ꦱꦢ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦱꦏꦮꦤ꧀​ꦲꦶꦁꦒꦶꦃꦥꦸꦤꦶꦏ꧇ ꧑꧇ꦲꦩꦿꦶꦃꦱꦶꦂꦤꦤꦶꦁꦏꦤꦶꦏ꧀ꦩꦠ꧀ꦠꦤ꧀ꦤꦶꦥꦸꦤ꧀ꦱꦤꦺꦱ꧀ꦲꦸꦥꦩꦶꦤꦶꦥꦸꦤ꧀ꦥꦸꦤ꧀ꦱꦸꦠꦲꦁꦱꦭ꧀ꦏꦤꦶꦏ꧀ꦩꦠ꧀ꦠꦤ꧀꧇ ꦏꦱꦸꦪꦶꦃꦲꦤ꧀​ꦢꦿꦗꦠ꧀ꦲꦸꦠꦮꦶꦱꦤꦺꦱ꧀ꦱꦶꦥꦸꦤ꧀ ꦏꦸꦭꦭꦗꦼꦁꦧꦼꦤ꧀ꦠꦺꦂ꧈ꦲꦶꦁꦩꦤꦃꦲꦔꦗꦧ꧀ ꦩꦸꦪꦶꦩꦸꦪꦶꦏꦤꦶꦏ꧀ꦩꦠ꧀ꦠꦤ꧀ꦲꦶꦁꦏꦁꦏꦠꦩ꧀ꦥꦶꦥꦸꦤ꧀ꦱꦸꦠꦮꦲꦸꦱꦶꦂꦤ꧉ [ 73 ]꧒꧇ꦲꦩꦿꦶꦃꦱꦸꦥꦢꦺꦴꦱ꧀ꦏꦤꦶꦏ꧀ꦩꦠ꧀ꦠꦤ꧀ꦤꦶꦁꦱꦤꦺꦱ꧀ꦝꦩꦮꦃꦲꦶꦁꦲꦮꦏ꧀ꦏꦶꦥꦸꦤ꧀꧈ꦲꦸꦥꦩꦶꦤꦶꦥꦸꦤ꧀꧇ꦥꦸꦤ꧀ꦤꦪ꧈ꦤꦸꦁꦪꦶꦭ꧀ꦥꦢꦩꦼꦭ꧀ꦭꦤ꧀ꦏꦭꦶꦪꦤ꧀ꦱꦸꦠ꧉ꦟꦪꦩꦶꦁꦪꦃꦥꦁꦏꦠ꧀ꦠꦶꦥꦸꦤ꧀​ꦯꦸꦠꦭꦗꦼꦁꦧꦼꦤ꧀ꦠꦺꦂ꧉ꦥꦔꦗꦏ꧀ꦧꦶꦁꦩꦤꦃꦲꦶꦥꦸꦤ꧀ꦱꦸꦠꦩꦸꦒꦶꦩꦸꦒꦶꦥꦸꦤ꧀ꦤꦪꦮꦲꦸꦧꦺꦴꦠꦼꦤ꧀ꦱꦲꦱ꧀ꦠꦸꦩꦶꦁꦪꦃꦥꦁꦏꦠ꧀​ꦤꦔꦶꦁꦲꦮꦏ꧀ꦏꦶꦥꦸꦤ꧀ꦲꦶꦁꦏꦁꦏꦲꦁꦏꦠ꧀ꦠ꧈ꦢꦢꦺꦴꦱ꧀ꦏꦲꦺꦴꦠ꧀ꦠꦶꦥꦸꦤ꧀ꦏꦭꦶꦪꦤ꧀ꦲꦶꦁꦏꦁꦲꦺꦴꦁꦏ꧇꧑꧇ꦢꦉꦁꦏꦶꦤꦶꦥꦸꦤ꧀ꦩꦮꦶꦥꦔꦗꦼꦁꦲꦗꦼꦁꦱꦸꦥꦢꦺꦴꦱ꧀ꦏꦤꦶꦏ꧀ꦩꦠ꧀ꦠꦤ꧀ꦮꦲꦸꦝꦸꦩꦮꦃꦲꦶꦁꦲꦮꦏ꧀ꦏꦶꦥꦸꦤ꧀꧈ ꧓꧇ꦢꦽꦁꦏꦶꦲꦸꦮꦶꦱꦿꦺꦲꦶ꧈ꦤꦩꦸꦁꦱꦧꦧ꧀ꦱꦏꦶꦁꦲꦶꦱꦶꦤ꧀ꦡꦤꦮꦶꦲꦮꦏ꧀ꦏꦮꦺꦴꦤ꧀​ꦲꦸꦥꦩꦶꦤꦶꦥꦸꦤ꧀꧇ꦠꦶꦪꦁꦏꦪꦶꦃꦱꦩꦶꦤꦸꦪ꧀ꦥꦢꦩꦼꦭ꧀ꦠꦤ꧀ꦲꦶꦁꦏꦁꦱꦠꦸꦁꦪꦪ꧀ꦡꦶꦁꦪꦃꦥꦁꦏꦠ꧀ꦠꦶꦥꦸꦤ꧀​ꦱꦠꦸꦁꦒꦭ꧀ꦭꦶꦥꦸꦤ꧀ꦧꦺꦴꦠꦼꦤ꧀​ꦭꦗꦼꦁꦭꦶꦁꦱꦼꦩ꧀​ꦲꦶꦁꦩꦺꦴꦁꦏꦭꦩꦶꦤꦶꦁꦲꦁꦪꦺꦤ꧀ꦤꦶꦥꦸꦤ꧀ꦚꦩ꧀ꦧꦸꦠ꧀ꦢꦩꦼꦭ꧀ꦱꦩꦶ꧈ [ 74 ]ꦩꦶꦭꦲꦶꦁꦏꦁꦧꦺꦴꦠꦼꦤ꧀ꦡꦶꦁꦪꦃꦮꦲꦸꦗꦼꦁꦠꦸꦮꦸꦃꦏꦢꦉꦁꦏꦺꦤ꧀ꦤꦶꦥꦸꦤ꧀꧈ꦲꦶꦁꦱꦲꦸꦥꦩꦶꦲꦶꦁꦏꦁꦧꦺꦴꦠꦼꦤ꧀ꦡꦶꦁꦪꦃꦥꦁꦏꦠ꧀ꦮꦲꦸꦭꦗꦼꦁꦩꦶꦁꦒꦃꦥꦁꦏꦠ꧀ꦠꦶꦥꦸꦤ꧀​ꦱꦩ꧀ꦥꦸꦤ꧀ꦡꦱ꧀ꦝꦶꦪꦗꦼꦁꦲꦶꦕꦭ꧀ꦢꦉꦁꦏꦶꦤꦶꦥꦸꦤ꧀ ꦲꦮꦶꦠ꧀ꦲꦶꦁꦏꦁꦲꦚ꧀ꦗꦭꦂꦫꦶꦱꦧꦧ꧀ꦧꦶꦁꦢꦉꦁꦲꦶꦪꦶꦃꦥꦸꦤꦶꦚꦲꦶꦱꦶꦤ꧀ꦏꦮꦺꦴꦤ꧀ꦱꦩ꧀ꦥꦸꦤ꧀ꦲꦶꦕꦪ꧀꧈ꦩꦶꦭꦩꦤꦮꦶꦠꦪꦁꦲꦶꦁꦏꦁꦱꦠꦸꦁꦪꦪ꧀ꦮꦲꦸꦧꦺꦴꦠꦼꦤ꧀ꦭꦗꦼꦁꦠꦸꦩꦸꦤ꧀ꦠꦼꦤ꧀ꦩꦶꦁꦒꦃ꧈ꦱꦩ꧀ꦥꦸꦤ꧀ꦡꦱ꧀ꦝꦶꦠꦤ꧀ꦱꦃꦔꦗꦼꦁꦲꦗꦼꦁꦱꦶꦂꦤꦤꦶꦥꦸꦤ꧀ꦏꦤꦶꦠ꧀ꦡꦠ꧀ꦠꦤ꧀ꦤꦏꦚ꧀ꦕꦤꦶꦥꦸꦤ꧀ꦮꦲꦸ꧈ꦱꦤꦗꦤ꧀ꦲꦶꦕꦪ꧀ꦭꦶꦏꦤꦶꦏ꧀ꦡꦠ꧀ꦠꦤ꧀ꦤꦶꦏꦚ꧀ꦕꦤꦶꦥꦸꦤ꧀ꦮꦲꦸꦧꦺꦴꦠꦼꦤ꧀ꦭꦗꦼꦁꦝꦸꦩꦮꦃꦲꦶꦁꦲꦮꦏ꧀ꦏꦥꦸꦤ꧀꧈ ꧔꧇ꦏꦼꦥꦺꦔꦶꦤ꧀ꦏꦤꦶꦏ꧀ꦡꦠ꧀ꦠꦤ꧀ꦏꦢꦺꦴꦱ꧀ꦲꦶꦁꦏꦁꦏꦠꦩ꧀ꦥꦶꦲꦶꦁꦠꦶꦪꦁꦱꦤꦺꦱ꧀꧈ꦲꦸꦥꦩꦶꦤꦶꦥꦸꦤ꧀꧇ꦥꦸꦤ꧀ꦝꦣꦥ꧀ꦲꦁꦱꦭ꧀ꦫꦶꦗꦼꦏꦶꦏꦛꦃ꧈ꦥꦸꦤ꧀ꦮꦫꦸꦭꦗꦼꦁꦏꦥꦺꦔꦶꦤ꧀꧈ꦥꦔꦗꦧ꧀ꦧꦶꦁꦩꦤꦃꦲꦶꦥꦸꦤ꧀ꦮꦫꦸ꧈ꦩꦸꦒꦶꦩꦸꦒꦶꦲꦮꦏ꧀ꦏꦶꦥꦸꦤ꧀ꦲꦁꦱꦭ꧀ꦫꦶꦗꦼꦏꦢꦺꦴꦱ꧀ꦢꦺꦤꦺ [ 75 ]ꦥꦸꦤ꧀ꦝꦣꦥ꧀​ꦢꦢꦺꦴꦱ꧀ꦥꦸꦤ꧀ꦮꦫꦸꦮꦲꦸꦧꦺꦴꦠꦼꦤ꧀ꦥꦶ ꦱꦤ꧀ꦥꦶꦱꦤ꧀ꦔꦸꦢꦶꦱꦶꦂꦤꦤꦶꦁꦫꦶꦗꦼꦏꦶꦤꦶꦥꦸꦤ꧀ꦥꦸꦤ꧀ꦝꦣꦥ꧀​ꦭꦃ​ꦲ꦳ꦱꦢ꧀ꦲꦶꦁꦏꦁ​​ꦎꦁꦏ꧇꧔꧇​ꦥꦸꦤꦶꦏꦱꦗꦠꦺꦴꦱ꧀ꦱꦶꦥꦸꦤ꧀ꦲꦁꦒꦣꦃꦲꦶꦤꦩꦥꦶꦪꦩ꧀ꦧꦏ꧀​​ꦲꦶꦁꦒꦶꦃ​ꦥꦸꦤꦶꦏ꧇ꦒꦶꦧ꧀ꦡꦺꦴꦃ꧈​ꦥꦸꦤꦶꦏꦧꦺꦴꦠꦼꦤ꧀ꦏꦊꦧꦼꦛꦮꦶꦱ꧀ꦱꦤ꧀ꦤꦶꦁꦲꦒꦩꦶ꧉

***

꧋ꦱꦧꦧ꧀ꦧꦶꦁꦲ꦳ꦱꦢ꧀꧈

꧋ꦲꦶꦁꦔꦶꦁ​ꦒꦶꦭ꧀ꦱꦩ꧀ꦥꦸꦤ꧀ꦏꦸꦭꦠꦼꦫꦁꦔꦏꦼꦤ꧀​ꦧꦶꦭꦶꦃꦒꦶꦧ꧀ꦡꦺꦴꦃꦥꦸꦤꦶꦏꦠꦼꦒꦼꦱ꧀ꦱꦶꦥꦸꦤ꧀​ꦏꦼꦥꦺꦔꦶꦤ꧀ꦏꦤꦶꦏ꧀ꦩꦠ꧀ꦠꦤ꧀ꦤꦶꦁꦔꦱꦤꦺꦱ꧀​​ꦤꦤ꧀ꦔꦶꦁꦧꦺꦴꦠꦼꦤ꧀ꦲꦔꦸꦢꦶꦩꦸꦫꦶꦃꦱꦶꦂꦱꦤꦶꦥꦸꦤ꧀​ꦥꦸꦤꦶꦏꦏꦺꦔꦶꦁ ​꧍ꦮꦼꦤꦁ꧍ ꦩꦼꦁꦒꦃꦲꦶꦁꦲꦒꦩꦶ꧉​ꦱꦥꦸꦤꦶꦏꦏꦸꦭꦧ꧀ꦧꦝꦺꦤꦼꦫꦁꦔꦏꦼꦤ꧀ꦥꦸꦤꦥꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇​ꦩꦸꦤꦥ꦳ꦱꦃ꧉ ꧋ꦩꦸꦤꦥ꦳ꦱꦃꦥꦸꦤꦶꦏꦠꦼꦒꦼꦱ꧀ꦱꦶꦥꦸꦤ꧀ꦧꦭꦲꦵꦲꦤ꧀ꦝꦠꦼꦁꦏꦲꦸꦠꦩꦤ꧀​ꦗꦚ꧀ꦗꦶꦧꦺꦴꦠꦼꦤ꧀ꦲꦤꦸꦮꦸꦃꦲꦏꦼꦤ꧀ꦢꦽꦁꦏꦺꦤ꧀ꦢꦽꦁꦏꦺꦤ꧀ꦤꦤ꧀ꦥꦸꦤꦶꦏꦩꦭꦃꦥꦶꦤꦸꦗꦶꦩꦼꦁꦒꦃ [ 76 ]ꦲꦶꦁꦲꦒꦩꦶ꧉​ꦣꦮꦸꦃꦲꦶꦁꦑꦸꦂ​ꦄꦤ꧀꧇​ꦱꦸꦮꦂꦒꦏꦁꦏꦪꦩꦁꦏꦺꦤꦺꦧꦼꦕꦶꦏ꧀ꦏꦺꦲꦶꦏꦶꦥꦠꦸꦠ꧀ꦏꦁꦒꦺꦴꦧꦭꦥ꧀ꦥꦤ꧀ꦲꦶꦔ꧀ꦮꦺꦴꦁꦏꦁꦥꦝꦔꦩꦭ꧀ꦏꦲꦸꦠꦩꦤ꧀ꦥꦂꦭꦸꦔꦫꦃꦱꦸꦮꦂꦒꦲꦶꦏꦸ꧉​ꦩꦼꦁꦒꦃꦲꦶꦁꦏꦁꦚꦧꦧ꧀ꦧꦏꦼꦤ꧀ꦲ꦳ꦱꦢ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦱꦏꦮꦤ꧀ꦥꦿꦏꦮꦶꦱ꧀ꦲꦶꦁꦒꦶꦃ​ꦥꦸꦤꦶꦏ꧇ ꦲ꧇​​ꦱꦱꦠꦿꦺꦴꦤ꧀ꦲꦸꦥꦩꦶꦤꦶꦥꦸꦤ꧀꧇​ꦥꦸꦤ꧀ꦝꦲꦥ꧀ꦱꦱꦠꦿꦺꦴꦤ꧀ꦏꦭꦶꦪꦤ꧀ꦥꦸꦤ꧀ꦮꦫꦸ꧈​ꦭꦃ​ꦥꦸꦤꦶꦏꦲ꦳ꦱꦢ꧀ꦢꦶꦥꦸꦤ꧀ꦠꦩ꧀ꦠꦸꦢꦸꦩꦸꦤꦸꦔꦶꦁꦠꦶꦪꦁꦏꦭꦶꦃꦮꦲꦸ꧉​ꦩꦤꦮꦶꦥꦸꦤ꧀ꦝꦝꦥ꧀ꦩꦁꦒꦶꦃꦏꦱꦶꦱꦃꦲꦤ꧀​ꦥꦸꦤꦶꦏꦥꦸꦤ꧀ꦮꦫꦸꦠꦩ꧀ꦠꦸꦚꦺꦴꦏꦸꦂꦫꦏꦼꦤ꧀​ꦩꦏꦠꦼꦤ꧀ꦲꦸꦒꦶꦏꦺꦴꦱꦺꦴꦏ꧀ꦮꦁꦱꦸꦭ꧀ꦭꦶꦥꦸꦤ꧀꧈​ꦩꦶꦭꦩꦸꦒꦶꦏꦶꦠꦱꦩꦶꦢꦶꦥꦸꦤ꧀ꦠꦼꦧꦶꦃꦲꦏꦼꦤ꧀ꦱꦏꦶꦁꦱꦶꦥꦠ꧀ꦱꦱꦠꦿꦺꦴꦤ꧀ꦥꦸꦤꦶꦏ꧉ ꦤ꧇​ꦠꦔꦗꦸꦀꦗ꦳꧀​ꦠꦼꦒꦼꦱ꧀ꦱꦶꦥꦸꦤ꧀꧇​ꦧꦺꦴꦠꦼꦤ꧀ꦥꦸꦫꦸꦤ꧀ꦢꦶꦥꦸꦤ꧀ꦱꦩꦺꦤ꧀ꦤꦶ꧈​ꦏꦢꦺꦴꦱ꧀ꦠ꧇​ꦠꦏꦧ꧀ꦧꦸ ꧍ꦒꦸꦩꦼꦣꦺ꧍​ ꦉꦩꦼꦤ꧀ꦲꦶꦁꦒꦶꦭ꧀ꦥꦶꦪꦩ꧀ꦧꦏ꧀ [ 77 ]꧍ꦏꦸꦩꦭꦸꦲꦸꦂ꧍ ꦭꦤ꧀ꦱꦱꦩꦶꦤꦶꦥꦸꦤ꧀꧈ ꦕ꧇​ꦏꦸꦮꦠꦺꦴꦱ꧀ꦩꦿꦸꦕꦸꦠ꧀ꦠꦶꦥꦸꦤ꧀ꦧꦫꦁꦲꦶꦁꦏꦁꦢꦶꦥꦸꦤ꧀ꦱꦼꦢꦾ꧈ꦲꦸꦥꦩꦶꦤꦶꦥꦸꦤ꧀꧇ꦮꦺꦴꦤ꧀ꦠꦼꦤ꧀ꦠꦶꦪꦁꦱꦩꦶꦢꦢꦺꦴꦱ꧀ꦕꦫꦶꦏ꧀ꦏꦧꦸꦥꦠꦺꦤ꧀​ꦭꦗꦼꦔ꧀ꦮꦺꦴꦤ꧀ꦠꦼꦤ꧀ꦭꦺꦴꦮꦺꦴꦁꦔꦤ꧀ꦩꦤ꧀ꦠꦿꦶꦤꦶꦥꦸꦤ꧀ꦱꦠꦸꦁꦒꦭ꧀​ꦠꦩ꧀ꦠꦸꦤꦶꦥꦸꦤ꧀ꦥꦫꦕꦫꦶꦏ꧀ꦲꦤ꧀ꦝꦃꦲꦤ꧀ꦤꦶꦥꦸꦤ꧀ꦮꦲꦸꦱꦢꦪꦱꦩꦶꦒꦝꦃꦥꦔꦁꦏꦃ꧉​ꦭꦃꦩꦤꦮꦶꦒꦣꦃꦥꦔꦁꦏꦃ꧈​ꦱꦩ꧀ꦥꦸꦤ꧀ꦠꦩ꧀ꦠꦸꦏꦺꦩꦮꦺꦴꦤ꧀ꦕꦫꦶꦏ꧀ꦱꦠꦸꦁꦒꦭ꧀ꦭꦤ꧀ꦱꦠꦸꦁꦒꦭ꧀ꦭꦶꦥꦸꦤ꧀ꦮꦲꦸꦱꦩꦶꦤꦽꦁꦏꦺꦤ꧀ꦢꦽꦁꦏꦺꦤ꧀ꦤꦤ꧀​ꦱꦸꦥꦢꦺꦴꦱ꧀ꦭꦺꦴꦮꦺꦴꦁꦔꦤ꧀ꦩꦤ꧀ꦠꦿꦶꦱꦠꦸꦁꦒꦭ꧀ꦮꦲꦸꦱꦒꦼꦢ꧀ꦝꦸꦩꦮꦃꦲꦶꦁꦲꦮꦏ꧀ꦏꦶꦥꦸꦤ꧀꧈ ꦫ꧇​ꦥꦚ꧀ꦗꦺꦤ꧀ꦱꦏꦶꦔꦮꦺꦴꦤ꧀ꦤꦶꦁꦩꦤꦃꦲꦶꦥꦸꦤ꧀꧉

***

꧋ꦗꦩ꧀ꦥꦶꦤꦶꦥꦸꦤ꧀ꦲ꦳ꦱꦢ꧀꧉

꧋ꦩꦼꦁꦒꦃꦲꦶꦁꦏꦁꦢꦢꦺꦴꦱ꧀ꦗꦩ꧀ꦥꦶꦤꦶꦥꦸꦤ꧀ꦲ꦳ꦱꦢ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦏꦭꦶꦃ꧈​ꦲꦶꦁꦒꦶꦃ​ꦥꦸꦤꦶꦏ꧇ꦔꦺꦭ꧀ꦩꦶ꧈ [ 78 ]ꦭꦤ꧀ꦔꦩꦭꦶ꧉ ꦲꦶꦁꦏꦁꦧꦺꦴꦁꦱꦔꦺꦭ꧀ꦩꦶꦮꦺꦴꦤ꧀ꦠꦼꦤ꧀ꦮꦂꦤꦶꦠꦶꦒ꧈ꦲꦶꦁꦒꦶꦃ​ꦥꦸꦤꦶꦏ꧇ ꧑꧇​ꦏꦼꦢꦃꦔꦺꦩꦸꦠ꧀ꦠꦶꦩꦤꦮꦶꦲꦱꦢ꧀ꦥꦸꦤꦶꦏꦲꦢꦩꦼꦭ꧀ꦥꦶꦠꦸꦤꦤꦶꦥꦸꦤ꧀ꦥꦶꦪꦩ꧀ꦧꦏ꧀​ꦮꦶꦮꦶꦠ꧀ꦲꦶꦢꦺꦴꦚꦢꦸꦩꦸꦒꦶꦔꦏ꧀ꦲꦶꦂꦫꦠ꧀ꦭꦤ꧀ꦲꦔꦺꦤ꧀ꦝꦺꦁꦔꦏꦼꦤ꧀ꦢꦺꦴꦱꦤꦶꦥꦸꦤꦶꦁꦏꦁꦢꦶꦥꦸꦤ꧀ꦲ꦳ꦱꦢ꧀ꦢꦶ꧉​ꦠꦼꦫꦁꦔꦶꦥꦸꦤ꧀ꦩꦏꦠꦼꦤ꧀꧇​ꦠꦶꦪꦁꦲꦶꦁꦏꦁꦏꦢꦸꦤꦸꦁꦔꦤ꧀ꦱꦱꦏꦶꦛꦱꦢ꧀​ꦥꦸꦤꦶꦏꦥꦿꦱꦱꦛꦚꦶꦏ꧀ꦱꦝꦠꦼꦁꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀​ꦗꦭꦂꦫꦤ꧀ꦭꦩ꧀ꦥꦃꦲꦶꦁꦫꦃꦭꦗꦼꦁꦧꦺꦴꦠꦼꦤ꧀ꦲꦗꦼꦒ꧀꧈ꦩꦤꦮꦶꦭꦩ꧀ꦥꦃꦲꦶꦁꦫꦃꦧꦺꦴꦠꦼꦤ꧀ꦲꦗꦼꦒ꧀​ꦩꦱ꧀ꦛꦶꦏꦺꦩꦮꦺꦴꦤ꧀ꦭꦗꦼꦁꦲꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦱꦱꦏꦷꦠ꧀ꦠꦶꦁꦗꦤ꧀ꦠꦸꦁ꧈ꦭꦃꦥꦸꦤꦶꦏꦱꦶꦏ꧀ꦱꦏꦁꦲꦒꦼꦁꦱꦔꦼꦂ꧈​ꦩꦤꦮꦶꦧꦺꦴꦠꦼꦤ꧀ꦏꦊꦉꦱ꧀ꦱꦤ꧀ꦥꦚ꧀ꦗꦒꦶꦤꦶꦥꦸꦤ꧀​ꦱꦒꦼꦝꦚ꧀ꦗꦭꦂꦫꦶꦭꦸꦩꦼꦧꦼꦠ꧀ꦠꦶꦥꦸꦤ꧀ꦝꦠꦼꦁꦏꦸꦧꦸꦂ꧉ [ 79 ]꧒꧇​ꦏꦼꦢꦃꦲꦚꦸꦩꦼꦉꦥ꧀ꦥꦶꦩꦤꦮꦶꦲ꦳ꦱꦢ꧀ꦥꦸꦤꦶꦏꦔꦼꦩꦺꦴꦃꦲꦶ​ ꧍​ꦧꦺꦴꦠꦼꦤ꧀ꦔꦗꦼꦁꦔꦶ​꧍ ​ꦲꦶꦁꦥꦤ꧀ꦢꦸꦩ꧀ꦩꦤ꧀ꦤꦶꦁꦦꦔꦺꦫꦤ꧀ꦲꦶꦁꦫꦃꦩꦠ꧀꧈​ꦩꦏꦠꦼꦤ꧀ꦥꦸꦤꦶꦏꦱꦶꦥꦠ꧀ꦲꦶꦁꦏꦁ​ꦲꦮꦺꦴꦤ꧀ꦲꦸꦥꦩꦶꦤꦶꦥꦸꦤ꧀꧇​ꦲꦗꦲꦤꦩꦤꦸꦱꦏꦁꦧꦼꦒ꧀ꦗ꧈ꦔꦼꦩꦸꦁꦤꦲꦏꦸꦝꦺꦥꦺ꧉​ꦩꦺꦴꦁꦏꦩꦤꦮꦶꦱꦶꦥꦠ꧀ꦠꦶꦥꦸꦤ꧀ꦥꦫꦮꦭꦶꦲꦸꦠꦮꦶꦥꦫꦟꦨꦶꦥꦸꦤꦶꦏꦠꦤ꧀ꦱꦃꦔꦸꦢꦶꦱꦸꦥꦢꦺꦴꦱ꧀ꦥꦫꦩꦤꦸꦱꦥꦸꦤꦶꦏꦩꦁꦒꦶꦃꦏꦫꦃꦲꦂꦗꦤ꧀​ꦩꦭꦃꦏꦂꦱꦢꦢꦺꦴꦱ꧀ꦏꦸꦂꦧꦤ꧀꧈​ꦱꦤꦗꦤ꧀ꦱꦫꦶꦫꦤꦶꦥꦸꦤ꧀ꦲꦤꦼꦩꦃꦲꦶꦠꦶꦮꦱ꧀​ꦲꦶꦁꦒꦶꦃꦱꦩ꧀ꦥꦸꦤ꧀ꦭꦶꦭꦆꦃꦭꦱ꧀ꦝꦠꦼꦁꦗꦶꦮꦤꦶꦥꦸꦚ꧀ꦗꦁꦗꦶꦥꦫꦲꦸꦩ꧀ꦩꦠ꧀ꦠꦶꦥꦸꦤ꧀ꦱꦩꦶꦱꦒꦼꦢ꧀ꦩꦁꦒꦶꦏꦫꦃꦲꦂꦗꦤ꧀​ꦩꦶꦭꦤꦭꦶꦏꦑꦁꦗꦼꦁꦟꦨꦶꦧꦝꦺꦱꦺꦢ꧈ꦱꦏꦶꦁꦲꦁꦒꦺꦤ꧀ꦤꦶꦥꦸꦤ꧀ꦲꦩꦿꦶꦃꦲꦠꦺꦴꦱ꧀ꦱꦏꦼꦤ꧀ꦝꦠꦼꦁꦥꦫꦲꦸꦩ꧀ꦩꦠ꧀ꦠꦶꦥꦸꦤ꧀​ꦔꦤ꧀ꦠꦺꦴꦱ꧀ꦏꦮꦼꦢꦭ꧀ꦥꦤ꧀ꦢꦺꦴꦔꦤꦶꦥꦸꦤ꧀ꦝꦠꦼꦁꦦꦔꦺꦫꦤ꧀ꦩꦏꦠꦼꦤ꧀꧇​ꦣꦸꦃ꧈​ꦄ [ 80 ]

	ꦭ꧀ꦭꦃ꧈ꦱꦏꦶꦠ꧀ꦠꦶꦁꦱꦏꦫꦠ꧀ꦠꦶꦥꦸꦤ꧀ꦲꦸꦩ꧀ꦩꦠ꧀ꦏꦮꦸꦭꦥꦸꦤꦶꦏꦩꦸꦒꦶꦡꦸꦮꦤ꧀ꦱꦁꦒꦺꦏ꧀ꦲꦏꦼꦤ꧀ꦲꦶꦁꦏꦮꦸꦭ꧉
꧓꧇	ꦏꦼꦢꦃꦔꦺꦩꦸꦠ꧀ꦠꦶꦲ꦳ꦢꦶꦱ꧀ꦝꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶꦩꦏꦠꦼꦤ꧀꧇ꦲ꦳ꦱꦢ꧀ꦲꦶꦏꦸꦩꦔꦤ꧀ꦏꦧꦼꦕꦶꦏ꧀ꦏꦤ꧀​ꦏꦪꦢꦺꦤꦺꦒꦼꦤꦶꦩꦔꦤ꧀ꦏꦪꦸ꧉

꧋ꦢꦺꦤꦺꦗꦩ꧀ꦥꦶꦲꦶꦁꦏꦁꦧꦺꦴꦁꦱꦔꦩꦭꦶ꧈ꦥꦸꦤꦶꦏꦏꦼꦢꦃꦲꦚ꧀ꦗꦶꦪꦠ꧀ꦝꦠꦼꦁꦧꦢꦤ꧀ꦤꦶꦥꦸꦤ꧀ꦲꦚꦸꦭꦪꦤ꧀ꦤꦶꦲ꦳ꦱꦢ꧀꧈

***

꧋ꦠꦏꦧ꧀ꦧꦸꦂ꧉

꧋ꦠꦏꦧ꧀ꦧꦸꦂꦥꦸꦤꦶꦏꦱꦏꦶꦁꦠꦼꦩꦧꦸꦁꦏꦧꦸꦫꦠꦼꦒꦼꦱ꧀ꦱꦶꦥꦸꦤ꧀꧇ꦒꦼꦣꦺ꧈ꦢꦢꦺꦴꦱ꧀ꦱꦩ꧀ꦥꦸꦤ꧀ꦱꦭꦫꦱ꧀ꦩꦤꦮꦶꦠꦏꦧ꧀ꦧꦸꦂꦥꦸꦤꦶꦏꦢꦶꦥꦸꦤ꧀ꦗꦮꦺꦏ꧀ꦲꦏꦼꦤ꧀꧇ꦒꦸꦩꦼꦣꦺ꧉ꦠꦏꦧ꧀ꦧꦸꦂꦥꦸꦤꦶꦏꦱꦱꦏꦶꦠ꧀ꦠꦶꦁꦩꦤꦃꦲꦶꦁꦏꦁꦲꦁꦒꦶꦒꦶꦫꦶꦱ꧀ꦱꦶꦱꦔꦼꦠ꧀꧈ꦠꦶꦪꦁꦲꦶꦁꦏꦁꦩꦤꦃꦲꦶꦥꦸꦤ꧀ꦏꦠꦩꦤ꧀ꦱꦱꦏꦶꦠ꧀ꦠꦏꦧ꧀ꦧꦸꦂ꧈ꦱꦺꦴꦭꦃ [ 81 ]ꦲꦶꦥꦸꦤ꧀ꦠꦩ꧀ꦠꦸꦭꦗꦼꦁꦲꦺꦮꦃꦱꦏꦶꦁꦥꦢꦠ꧀ꦠꦤ꧀꧈ꦲꦮꦶꦠ꧀ꦱꦏꦶꦁꦥꦸꦤꦶꦏꦩꦶꦭꦲꦁꦒꦺꦤ꧀ꦏꦶꦠꦲꦚ꧀ꦗꦒꦶꦱꦏꦶꦠ꧀ꦠꦏꦧ꧀ꦧꦸꦂ꧈ꦏꦼꦢꦃꦔꦸꦁꦏꦸꦭ꧀ꦭꦶꦲꦁꦒꦺꦤ꧀ꦏꦶꦠꦲꦚ꧀ꦗꦒꦶꦗꦒꦢ꧀ꦲꦭꦶꦠ꧀ꦏꦶꦠꦱꦏꦶꦁꦱꦱꦏꦶꦠ꧀ꦥꦺꦱ꧀​ꦆꦤ꧀ꦥ꧀ꦭꦸꦮꦶꦤ꧀ꦱꦃꦱꦱꦩꦶꦤꦶꦥꦸꦤ꧀꧈ꦣꦮꦸꦃꦲꦸꦥꦸꦤ꧀ꦑꦁꦗꦼꦁꦟꦨꦶ꧇ꦮꦺꦴꦁꦏꦁꦲꦠꦶꦤꦺꦲꦤꦠꦏꦧ꧀ꦧꦸꦂꦫꦺꦱꦮꦶꦗꦶꦱꦮꦶ꧈ꦲꦶꦏꦸꦧꦏꦭ꧀ꦲꦺꦴꦫꦭꦸꦩꦼꦧꦸꦱꦸꦮꦂꦒ꧉ꦣꦮꦸꦃꦲꦶꦥꦸꦤ꧀ꦦꦔꦺꦫꦤ꧀꧇ꦄꦭ꧀ꦭꦃꦲꦶꦏꦸꦲꦺꦴꦫꦉꦩꦼꦤ꧀ꦩꦫꦁꦮꦺꦴꦁꦏꦁꦠꦏꦧ꧀ꦧꦸꦂ꧉ꦲꦶꦁꦱꦸꦤ꧀ꦧꦏꦭ꧀ꦔꦺꦔꦺꦴꦏ꧀ꦲꦏꦺꦠꦺꦴꦤ꧀ꦝꦪꦼꦏ꧀ꦠꦶꦤꦶꦁꦱꦸꦤ꧀​ꦱꦏꦮꦺꦴꦁꦏꦁꦒꦸꦩꦼꦣꦺ꧉ ꧋ꦑꦁꦗꦼꦁꦟꦨꦶꦩꦸꦯꦥꦸꦤꦶꦏꦤꦭꦶꦏꦲꦭꦶꦠ꧀ꦠꦶꦥꦸꦤ꧀ꦲꦶꦁꦏꦁꦔꦶꦠꦶꦏ꧀ꦲꦶꦠꦶꦏ꧀ꦫꦗꦦꦶꦂꦔꦺꦴꦤ꧀​ꦤꦔꦶꦁꦱꦉꦁꦱꦩ꧀ꦥꦸꦤ꧀ꦱꦼꦥꦸꦃ꧈ꦠꦩ꧀ꦥꦶꦮꦃꦪꦸꦤꦶꦁꦦꦔꦺꦫꦤ꧀ꦢꦢꦺꦴꦱ꧀ꦲꦸꦠꦸꦱ꧀ꦱꦤ꧀꧈ꦤꦭꦶꦏꦧꦣꦺꦲꦚ꧀ꦗꦼꦗꦼꦒ꧀ꦒꦏꦼꦤ꧀ꦠꦶꦪꦁꦲꦶꦁꦨꦤꦶꦱꦿꦆꦭ꧀​ꦲꦶꦁꦒꦶꦃꦠꦤ꧀ꦱꦃꦢꦶꦥꦸꦤ꧀ꦏꦸꦪꦏꦸꦪꦏꦺꦩꦮꦺꦴꦤ꧀​ꦗꦭꦂꦫꦤ꧀ꦠꦶꦪꦁꦨꦤꦶꦱꦿꦆꦭ꧀ꦥꦸꦤꦶꦏ [ 82 ]ꦱꦩ꧀ꦥꦸꦤ꧀ꦏꦺꦚ꧀ꦕꦺꦴꦏ꧀ꦏꦤ꧀ꦱꦱꦏꦶꦠ꧀ꦠꦏꦧ꧀ꦧꦸꦂ꧉​ꦩꦭꦶꦃ꧇​ꦤꦭꦶꦏꦑꦁꦗꦼꦁꦟꦨꦶꦪꦺꦯꦸꦱ꧀​{ꦔꦶꦯ꧊​ꦲꦗꦼꦁꦲꦗꦼꦁꦔꦤ꧀ꦏꦭꦶꦪꦤ꧀ꦠꦶꦠꦶꦪꦁꦦꦫꦶꦱꦶ꧈​ꦲꦶꦁꦒꦶꦃꦠꦤ꧀ꦱꦃꦢꦶꦥꦸꦤ꧀ꦏꦸꦪꦏꦸꦪꦏꦺꦩꦮꦺꦴꦤ꧀​ꦩꦭꦃꦧꦝꦺꦢꦶꦥꦸꦤ꧀ꦱꦭꦶꦧ꧀​ꦠꦸꦗꦸꦤꦶꦥꦸꦤ꧀ꦲꦁꦱꦭ꧀ꦥꦶꦠꦸꦭꦸꦁꦔꦤ꧀ꦤꦶꦁꦦꦔꦺꦫꦤ꧀​ꦱꦒꦼꦝꦺꦴꦚ꧀ꦕꦠ꧀ꦱꦏꦶꦁꦥꦶꦲꦮꦺꦴꦤ꧀ꦤꦶꦥꦸꦤ꧀ꦏꦲꦸꦩ꧀ꦲꦶꦁꦏꦁꦱꦩꦶꦏꦥꦶꦂ꧉​ꦢꦢꦺꦴꦱ꧀ꦱꦩ꧀ꦥꦸꦤ꧀ꦚꦠꦩꦤꦮꦶꦱꦱꦏꦶꦠ꧀ꦠꦏꦧ꧀ꦧꦸꦂꦥꦸꦤꦶꦏꦱꦒꦼꦢ꧀ꦲꦔꦭꦶꦁꦲꦭꦶꦁꦔꦶꦧꦫꦔ꧀ꦊꦉꦱ꧀꧈​ꦢꦮꦸꦃꦲꦶꦁꦑꦸꦂ​ꦄꦤ꧀꧇ꦓꦸꦱ꧀ꦡꦶ​ꦄꦭ꧀ꦭꦃ​ꦮꦸꦱ꧀ꦲ​ꦔꦼꦕꦥ꧀ꦲꦶꦁꦲꦠꦶꦤꦺꦮꦺꦴꦁꦏꦁꦲꦩ꧀ꦧꦼꦏ꧀ꦏꦸꦩ꧀ꦭꦸꦁꦲꦸꦂꦭꦤ꧀ꦠꦏꦧ꧀ꦧꦸꦂ꧉​ꦣꦮꦸꦃꦲꦶꦥꦸꦤ꧀ꦔꦸꦭꦩꦶ꧇​ꦔꦏꦭ꧀ꦏꦺꦩꦤꦸꦱꦱꦲꦶꦏꦸꦧꦠꦭ꧀ꦱꦶꦂꦤ꧈​ꦱꦶꦂꦤꦤꦺꦱꦠꦶꦩ꧀ꦧꦁ​ꦭꦭ꧀ꦒꦸꦩꦼꦝꦺꦤꦺ꧉​ꦢꦢꦺꦴꦱ꧀ꦒꦩ꧀ꦧꦂꦫꦤ꧀ꦤꦶꦥꦸꦤ꧀꧇​ꦩꦤꦮꦶꦩꦤꦸꦱꦥꦸꦤꦶꦏꦮꦺꦴꦤ꧀ꦠꦼꦤ꧀ꦠꦏꦧ꧀ꦧꦸꦂ​ꦫꦶꦥꦸꦤ꧀ꦱꦲꦼꦭꦱ꧀ꦲꦶꦕꦭ꧀ꦭꦶꦁꦔꦏꦭ꧀ꦭꦶꦥꦸꦤ꧀ꦲꦶꦁꦒꦶꦃꦱꦲꦼꦭꦱ꧀꧉ ꧋ꦏꦮꦸꦤꦶꦁꦔꦤ꧀ꦤ꧇​ꦭꦃ꧈​ꦠꦏꦧ꧀ꦧꦸꦂꦥꦸꦤꦶꦏꦲꦶꦁꦒꦶꦃ​ꦒ [ 83 ]ꦣꦃꦲꦣꦶꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦏ꦳ꦸꦪꦭꦏ꧀​​ꦲꦶꦁꦏꦁꦗꦮꦶꦤꦶꦥꦸꦤ꧀ꦲꦁꦒꦏ꧀​ꦥꦸꦤꦶꦏꦲꦶꦁꦒꦶꦃꦏꦊꦧꦼꦠ꧀ꦲꦮꦶꦱ꧀ꦱꦤ꧀ꦤꦶꦥꦸꦤ꧀ꦲꦒꦩꦶ꧉ꦣꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶ꧇ꦮꦺꦴꦁꦏꦁꦤꦫꦶꦏ꧀ꦗꦫꦶꦠ꧀ꦠꦺ꧈ꦏꦫꦤꦏ꦳ꦸꦪꦭꦏ꧀ꦲꦶꦏꦸꦲꦶꦁꦧꦺꦱꦸꦏ꧀ꦧꦏꦭ꧀ꦢꦶꦏꦶꦮꦏ꧀ꦲꦏꦺ꧉

***

꧋ꦲ꦳ꦏꦺꦏꦠ꧀ꦠꦶꦁꦠꦏꦧ꧀ꦧꦸꦂ꧉

꧋ꦲꦶꦁꦔꦗꦼꦁꦱꦩ꧀ꦥꦸꦤ꧀ꦏꦸꦭꦲꦠꦸꦂꦫꦏꦺꦤ꧀ꦩꦤꦮꦶꦠꦏꦧ꧀ꦧꦸꦂꦥꦸꦤꦶꦏꦱꦱꦠ꧀ꦠꦶꦁꦩꦤꦃꦲꦶꦁꦏꦁꦕꦶꦤꦕꦢ꧀ꦱꦔꦼꦠ꧀ꦩꦼꦁꦒꦃꦲꦶꦁꦲꦒꦩꦶ꧈ꦏꦺꦴꦱꦺꦴꦏ꧀ꦮꦁꦱꦸꦭ꧀ꦭꦶꦥꦸꦤ꧀꧇ꦠꦮꦭꦸꦏ꧀​ꦠꦼꦒꦼꦱ꧀ꦱꦶꦥꦸꦤ꧀꧇ꦩꦤꦃꦲꦶꦁꦏꦁꦤꦸꦏ꧀ꦭꦸꦤ꧀ꦫꦸꦩꦲꦺꦴꦱ꧀ꦮꦺꦴꦤ꧀ꦠꦼꦤ꧀ꦱꦔꦤ꧀ꦝꦥ꧀ꦥꦶꦁꦥꦔꦸꦮꦲꦺꦴꦱ꧀ꦱꦶꦥꦸꦤ꧀ꦓꦸꦱ꧀ꦡꦶꦄꦭ꧀ꦭꦃ꧉ꦣꦮꦸꦃꦲꦶꦁꦑꦸꦂ​ꦄꦤ꧀꧇ꦱꦶꦁꦱꦥꦠꦏꦧ꧀ꦧꦸꦂ꧈ꦲꦶꦁꦧꦺꦱꦸꦏ꧀ꦧꦏꦭ꧀ꦢꦶꦲꦶꦢꦏ꧀ꦲꦶꦢꦏ꧀ꦲꦩꦺꦴꦂꦊꦧꦸ꧉ꦭꦤ꧀ꦱꦶꦁꦱꦥꦠꦮꦭꦸꦏ꧀ꦲꦶꦁꦧꦺꦱꦸꦏ꧀ꦧꦏꦭ꧀ꦢꦶꦢꦢꦺꦏ꧀ꦲꦏꦺꦩꦸꦭꦾꦩꦸꦭꦾꦤꦶꦁꦠꦶꦠꦃ꧉ ꧋ꦠꦏꦧ꧀ꦧꦸꦂꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦏꦭꦶꦃ꧈ꦲꦶꦁꦒꦶꦃ [ 84 ]ꦥꦸꦤꦶꦏ꧇

꧑꧇	ꦮꦺꦴꦤ꧀ꦠꦼꦤ꧀ꦲꦶꦁꦏꦁꦩꦤꦃ꧉
꧒꧇	ꦮꦺꦴꦤ꧀ꦠꦼꦤ꧀ꦲꦶꦁꦭꦲꦶꦂ꧉ꦥꦤꦶꦠꦶꦏ꧀ꦏꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦺꦴꦭꦃꦧꦮ꧈ꦥꦺꦴꦭꦠ꧀ꦠꦤ꧀​ꦠꦸꦮꦶꦤ꧀ꦥꦔꦁꦒꦺ꧈ꦥꦸꦤꦶꦏꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦏ꦳ꦸꦪꦭꦏ꧀꧈ꦢꦺꦤꦺꦠꦏꦧ꧀ꦧꦸꦂꦭꦲꦶꦂꦮꦲꦸꦱꦢꦪꦱꦏꦶꦁꦠꦏꦧ꧀ꦧꦸꦂꦫꦶꦁꦩꦤꦃ꧉

꧋ꦲꦱꦭ꧀ꦭꦶꦁꦠꦏꦧ꧀ꦧꦸꦂꦥꦸꦤꦶꦏ꧈ꦲꦔꦁꦏꦠ꧀ꦲꦮꦏ꧀ꦏꦶꦥꦸꦤ꧀ꦲꦶꦁꦔꦠꦱ꧀ꦱꦶꦁꦱꦱꦩꦶꦱꦩꦶ꧈ꦏꦢꦺꦴꦱ꧀ꦠ꧇ꦫꦸꦩꦲꦺꦴꦱꦲꦶꦁꦒꦶꦭ꧀ꦥꦶꦪꦩ꧀ꦧꦏ꧀​​ꦫꦸꦩꦲꦺꦴꦱ꧀ꦥꦶꦤ꧀ꦠꦼꦂꦥꦶꦪꦩ꧀ꦧꦏ꧀​ꦭꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧈

***

꧋ꦱꦧꦧ꧀ꦧꦶꦁꦠꦏꦧ꧀ꦧꦸꦂ꧉

꧋ꦩꦼꦁꦒꦃꦏꦁꦢꦢꦺꦴꦱ꧀ꦱꦧ꧀ꦧꦶꦁꦠꦏꦧ꧀ꦧꦸꦂꦥꦸꦤꦶꦏꦮꦺꦴꦤ꧀ꦠꦼꦤ꧀ꦥꦶꦠꦸ꧉ꦲꦶꦁꦒꦶꦃꦥꦸꦤꦶꦏ꧇

꧑꧇	ꦏꦮꦿꦸꦃ꧉ꦥꦸꦤꦶꦏꦩꦤꦮꦶꦢꦸꦩꦸꦤꦸꦁꦮꦺꦴꦤ꧀ꦠꦼꦤ꧀ꦲꦶꦁꦮꦣꦃꦲꦶꦁꦏꦁꦉꦒꦼꦢ꧀ꦲꦚꦧꦧ꧀ꦧꦏꦼ

[ 85 ]

	ꦤ꧀ꦠꦏꦧ꧀ꦧꦸꦂ꧉
꧒꧇	ꦔꦩꦭ꧀ꦭꦤ꧀ꦔꦶꦧꦢꦃ꧉ꦠꦶꦪꦁꦲꦶꦁꦏꦁꦄꦃꦭꦶꦔꦶꦧꦢꦃꦥꦸꦤꦶꦏꦲꦱꦿꦶꦁꦚꦥꦺꦭꦺꦏ꧀ꦲꦏꦼꦤ꧀ꦝꦠꦼꦁꦠꦶꦪꦁꦲꦶꦁꦏꦁꦢꦺꦫꦺꦁꦱꦒꦼꦢ꧀ꦔꦶꦧꦢꦃꦲꦸꦠꦮꦶꦏꦶꦫꦁꦥꦔꦶꦧꦢꦃꦲꦶꦥꦸꦤ꧀꧈ꦥꦔꦶꦧꦢꦃꦲꦶꦥꦸꦤ꧀ꦠꦶꦪꦁꦲꦶꦁꦏꦁꦔꦭꦶꦩ꧀ꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦏꦩꦱ꧀ꦛꦶꦏꦺꦩꦮꦺꦴꦤ꧀ꦱꦒꦼꦢ꧀ꦲꦤꦸꦤ꧀ꦠꦸꦤ꧀ꦝꦠꦼꦁꦮꦠꦏ꧀ꦒꦸꦩꦼꦣꦺ꧉
꧓꧇	ꦠꦸꦫꦸꦤ꧀ꦤꦤ꧀ꦭꦤ꧀ꦒꦿꦢ꧀​ꦲꦸꦥꦩꦶꦤꦶꦥꦸꦤ꧀꧇ꦲꦏꦸꦲꦶꦏꦶꦫꦏ꧀ꦲꦶꦱꦶꦃꦠꦼꦭꦸꦁꦒꦿꦢ꧀ꦏꦫꦺꦴꦫꦠꦸ꧈ꦠꦼꦏꦭꦸꦁꦒꦸꦃꦗꦺꦗꦺꦂꦏꦫꦺꦴꦏꦺꦴꦮꦺ. . . .꧉ꦤꦭꦶꦏꦑꦁꦗꦼꦁꦟꦨꦶꦥꦤꦸꦗꦸꦢꦶꦥꦸꦤ꧀ꦲꦣꦼꦥ꧀ꦢꦺꦤꦶꦁꦱꦲ꦳ꦧꦠ꧀ꦠꦶꦥꦸꦤ꧀​ꦭꦗꦼꦁꦮꦺꦴꦤ꧀ꦠꦼꦤ꧀ꦠꦶꦪꦁꦭꦁꦏꦸꦁ꧉ꦮꦺꦴꦤ꧀ꦠꦼꦤ꧀ꦱꦮꦼꦤꦺꦃꦲꦶꦁꦱꦲ꦳ꦧꦠ꧀ꦲꦶꦁꦏꦁꦚꦫꦹꦮꦺ꧈ꦮꦶꦕꦤ꧀ꦠꦼꦤ꧀ꦤꦶꦥꦸꦤ꧀꧇ꦎ꧈ꦏꦺꦴꦮꦺꦲꦶꦏꦸꦫꦏ꧀ꦲꦤꦏ꧀ꦏꦺꦮꦺꦴꦁꦮꦢꦺꦴꦤ꧀ꦲꦶꦉꦁꦏꦮꦲꦺꦠ꧉ꦱ

[ 86 ]

	ꦮꦼꦒ꧀ꦢꦸꦩꦸꦒꦶꦱꦩꦤ꧀ꦠꦼꦤ꧀ꦲꦁꦒꦺꦤ꧀ꦤꦶꦥꦸꦤ꧀ꦮꦶꦕꦤ꧀ꦠꦼꦤ꧀​ꦏꦁꦗꦼꦁꦟꦨꦶꦭꦗꦼꦁꦔꦤ꧀ꦢꦶꦏ꧇ꦲꦗꦔꦸꦕꦥ꧀ꦩꦁꦏꦺꦴꦤꦺꦴ꧈ꦲꦤꦏ꧀ꦏꦺꦮꦺꦴꦁꦲꦶꦉꦁꦭꦤ꧀ꦲꦤꦏ꧀ꦏꦺꦮꦺꦴꦁꦏꦸꦤꦶꦁꦲꦶꦏꦸꦥꦣꦧꦲꦺꦲꦺꦴꦫꦲꦤꦧꦺꦢꦤꦺ꧉
꧔꧇	ꦱꦲꦺꦤꦶꦁꦫꦸꦥꦶ꧈ꦲꦸꦥꦩꦶꦤꦶꦥꦸꦤ꧀꧇ꦎ꧈ꦮꦸꦗꦸꦢ꧀ꦩꦸꦲꦩ꧀​ꦧ꧀ꦭꦺꦴꦠꦿꦺꦴꦔꦺꦴꦤꦺꦴꦠꦼꦏꦗꦺꦗꦺꦂꦭꦸꦁꦒꦸꦃꦲꦩꦺꦴꦂꦲꦏꦸ꧉
꧕꧇	ꦒꦸꦩꦼꦣꦺꦱꦧꦧ꧀ꦲꦂꦠꦭꦤ꧀ꦧꦫꦁꦢꦂꦧꦺꦏ꧀ꦏꦶꦥꦸꦤ꧀​ꦲꦸꦥꦩꦶꦤꦶꦥꦸꦤ꧀꧇ꦎ꧈ꦪꦺꦤ꧀ꦩꦸꦁꦩꦺꦴꦤ꧀ꦠꦺꦴꦂꦉꦒꦭꦶꦩꦁꦲꦺꦮꦸꦧꦲꦺꦢꦸꦫꦸꦁꦱꦥꦶꦫꦲ꧉
꧖꧇	ꦏꦶꦏꦶꦪꦠ꧀ꦠꦤ꧀ꦤꦶꦁꦧꦢꦤ꧀ꦭꦤ꧀ꦠꦶꦪꦁꦲꦶꦁꦏꦁꦱꦩ꧀ꦥꦸꦤ꧀ꦔꦸꦩꦸꦂ꧈ꦲꦸꦥꦩꦶ꧇ꦎ꧈ꦮꦺꦴꦁꦕꦼꦛꦶꦛꦱ꧀ꦕꦼꦛꦶꦛꦶꦱ꧀ꦔꦺꦴꦤꦺꦴꦧꦲꦺꦏꦺꦴꦏ꧀​ꦢꦏ꧀ꦒꦶꦠꦼꦱ꧀ꦏꦺꦴꦮꦺꦩꦼꦁꦏꦺꦴ꧉ꦲꦸꦠꦮꦶ꧇ꦕꦼꦏꦏ꧀ꦏꦺꦪꦺꦤ꧀ꦱꦶꦁꦩꦸꦭꦁꦢꦸꦢꦸꦮꦺꦴꦁꦠꦸꦮꦠꦼꦤ꧀ꦤꦤ꧀​ꦫꦩ꧀ꦧꦸꦠ꧀ꦠꦺꦢꦸꦫꦸꦁ

[ 87 ]ꦩꦧ꧀ꦭꦸꦏ꧀ꦥꦸꦠꦶꦃ꧈ꦲꦏꦸꦢꦸꦫꦸꦁꦒꦼꦊꦩ꧀​ꦲꦶꦪꦱꦤꦗꦤ꧀ꦮꦸꦭꦁꦔꦤ꧀ꦤꦺꦧꦼꦤꦼꦂꦥꦶꦱꦤ꧀꧈ ꧗꧇ꦏꦛꦃꦧꦭꦤꦶꦥꦸꦤ꧀​ꦩꦤꦮꦶꦠꦶꦪꦁꦥꦸꦤꦶꦏꦱꦩ꧀ꦥꦸꦤ꧀ꦱꦸꦒꦶꦃꦧꦭ꧈ꦩꦿꦶꦪꦼꦩ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀​ꦥꦸꦤꦶꦏꦭꦗꦼꦁꦲꦱꦿꦶꦁꦏꦁꦱ꧀ꦭꦸꦥ꧀ꦥꦤ꧀ꦱꦱꦏꦶꦠ꧀ꦒꦸꦩꦼꦣꦺ꧉

***

꧋ꦲꦶꦁꦏꦁꦢꦶꦥꦸꦤ꧀ꦠꦏꦧ꧀ꦧꦸꦂꦫꦶ꧉

꧑꧇ꦄꦭ꧀ꦭꦃ꧉ ꧋ꦠꦶꦪꦁꦲꦶꦁꦏꦁꦠꦏꦧ꧀ꦧꦸꦂꦣꦠꦼꦁꦓꦸꦱ꧀ꦡꦶꦄꦭ꧀ꦭꦃꦥꦸꦤꦶꦏꦠꦩ꧀ꦠꦸꦠꦶꦪꦁꦲꦶꦁꦏꦁꦱꦔꦼꦠ꧀ꦧꦺꦴꦣꦺꦴꦤꦶꦥꦸꦤ꧀ꦭꦤ꧀ꦭꦕꦸꦠ꧀ꦠꦶꦥꦸꦤ꧀​ꦏꦢꦺꦴꦱ꧀ꦠ꧇ꦤꦭꦶꦏ꧈ꦗꦩꦤ꧀ꦤꦶꦥꦸꦤ꧀ꦑꦁꦗꦼꦁꦟꦨꦶꦩꦸꦯ꧈ꦫꦗꦥꦶꦂꦔꦺꦴꦤ꧀꧈ꦭꦤ꧀ꦤꦭꦶꦏꦑꦁꦗꦼꦁꦟꦨꦶꦧꦿꦲꦶꦩ꧀꧇ꦫꦗꦟꦩꦿꦸꦢ꧀꧈ꦏꦗꦮꦶꦥꦸꦤꦶꦏꦠꦶꦪꦁꦲꦶꦁꦏꦁꦠꦏꦧ꧀ꦧꦸꦂꦣꦠꦼꦁꦓꦸꦱ꧀ꦡꦶꦄꦭ꧀ꦭꦃꦥꦸꦤꦶꦏꦩꦤꦃꦲꦶꦥꦸꦤ꧀ꦠꦩ꧀ꦠꦸꦏꦧꦸꦤ꧀ꦠꦼꦭ꧀ꦲꦶꦁꦩꦏ꧀ꦱꦶꦪꦠ꧀꧈ ꧒꧇ꦥꦫꦫꦸꦱꦸꦭ꧀꧈ [ 88 ]꧋ꦠꦶꦪꦁꦲꦶꦁꦏꦁꦠꦏꦧ꧀ꦧꦸꦂꦣꦠꦼꦁꦥꦫꦫꦸꦱꦸꦭ꧀​​ ꧍ꦲꦸꦠꦸꦱ꧀ꦱꦤ꧀꧍ ꦥꦸꦤꦶꦏꦠꦩ꧀ꦠꦸꦭꦗꦼꦁꦧꦺꦴꦠꦼꦤ꧀ꦥꦸꦫꦸꦤ꧀ꦩꦶꦉꦁꦔꦏꦼꦤ꧀ꦮꦫꦃꦲꦶꦥꦸꦤ꧀꧈ꦠꦂꦏꦣꦁ​ꦮꦺꦴꦤ꧀ꦠꦼꦤ꧀ꦲꦶꦁꦏꦁꦥꦸꦫꦸꦤ꧀ꦩꦶꦉꦁꦔꦏꦼꦤ꧀​ꦠꦸꦂꦱꦸꦩꦼꦉꦥ꧀ꦥꦶꦪꦩ꧀ꦧꦏ꧀ꦩꦤꦮꦶꦥꦶꦠꦸꦠꦸꦂꦫꦶꦥꦸꦤ꧀ꦥꦫꦲꦸꦠꦸꦱ꧀ꦱꦤ꧀ꦥꦸꦤꦶꦏꦒꦼꦤꦃꦊꦉꦱ꧀​ꦤꦔꦶꦁꦗꦭꦂꦫꦤ꧀ꦱꦏꦶꦁꦏꦢꦸꦤꦸꦁꦔꦤ꧀ꦱꦱꦏꦶꦠ꧀ꦠꦏꦧ꧀ꦧꦸꦂ꧈ꦩꦶꦭꦭꦗꦼꦁꦧꦺꦴꦠꦼꦤ꧀ꦥꦸꦫꦸꦤ꧀ꦩꦤꦸꦠ꧀꧈ꦏꦢꦺꦴꦱ꧀ꦠ꧇ꦄꦨꦸꦗꦲꦭ꧀​ꦄꦨꦶꦡꦭꦶꦧ꧀​ꦥꦸꦤꦶꦏꦱꦩ꧀ꦥꦸꦤ꧀ꦏꦭꦗꦼꦁꦱꦺꦢ꧈ꦤꦔꦶꦁꦢꦺꦫꦺꦔꦤꦸꦠ꧀ꦝꦠꦼꦁꦑꦁꦗꦼꦁꦟꦨꦶ꧉ꦒꦿꦸꦤꦼꦁꦔꦶꦥꦸꦤ꧀ꦥꦫꦠꦶꦪꦁꦏꦥꦶꦂ꧇ꦱꦲꦸꦥꦩꦑꦸꦂ​ꦄꦤ꧀ꦲꦶꦏꦸꦠꦸꦩꦸꦫꦸꦤ꧀ꦤꦺꦲꦤꦩꦸꦭꦾꦩꦸꦭꦾꦤꦶꦁꦠꦶꦠꦃ꧈ꦲꦏꦸꦩꦱ꧀ꦛꦶꦩꦤꦸꦠ꧀​ꦭꦃꦠꦼꦏꦗꦼꦧꦸꦭ꧀ꦩꦸꦲ꦳ꦩ꧀ꦩꦢ꧀ꦧꦺꦴꦕꦃꦭꦒꦶꦮꦶꦔꦶꦱꦺꦴꦫꦺꦧꦲꦺ. . . .꧉ ꧓꧇ꦣꦠꦼꦁꦱꦱꦩꦶꦱꦩꦶ꧉ ꧋ꦠꦶꦪꦁꦠꦏꦧ꧀ꦧꦸꦂꦣꦠꦼꦁꦱꦱꦩꦶꦱꦩꦶꦥꦸꦤꦶꦏꦲꦁꦒꦺꦤ꧀ꦤꦶꦥꦸꦤ꧀ꦲꦚꦥꦺꦭꦺꦏ꧀ꦲꦏꦼꦤ꧀ꦱꦔꦼꦠ꧀꧈

***

[ 89 ]

꧋ꦗꦩ꧀ꦥꦶꦤꦶꦥꦸꦤ꧀ꦠꦏꦧ꧀ꦧꦸꦂ꧉

꧋ꦩꦼꦁꦒꦃꦲꦶꦁꦏꦁꦢꦢꦺꦴꦱ꧀ꦗꦩ꧀ꦥꦶꦤꦶꦥꦸꦤ꧀ꦠꦏꦧ꧀ꦧꦸꦂꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦤꦶꦏꦭꦶꦃ꧈​ꦲꦶꦁꦒꦶꦃꦥꦸꦤꦶꦏꦗꦸꦩꦭꦶ ​꧍ꦒꦼꦂꦲꦧꦤ꧀​꧍ ꦭꦤ꧀ꦠꦥ꦳꧀ꦱꦶꦭꦶ​ ꧍​ꦥꦿꦶꦚ꧀ꦕꦤ꧀ꦥꦿꦶꦚ꧀ꦕꦺꦤ꧀꧍​꧈ꦢꦺꦤꦺꦲꦶꦁꦏꦁꦏꦸꦭꦠꦼꦫꦤ꧀ꦔꦏꦼꦤ꧀ꦭꦁꦏꦸꦁꦫꦸꦩꦶꦪꦶꦤ꧀ꦗꦩꦥꦶꦲꦶꦁꦏꦁꦤꦩꦗꦸꦩꦭꦶ꧉ ꧋ꦲ꦳ꦏꦩ꧀ꦩꦶꦥꦸꦤ꧀ꦲꦚ꧀ꦗꦩ꧀ꦥꦺꦤ꧀ꦤꦶꦱꦱꦏꦶꦠ꧀ꦠꦏꦧ꧀ꦧꦸꦂꦥꦸꦤꦶꦏꦮꦗꦶꦧ꧀​ꦢꦺꦤꦺꦲꦶꦁꦏꦁꦢꦢꦺꦴꦱ꧀ꦗꦩ꧀ꦥꦶꦤꦶꦥꦸꦤꦶꦁꦏꦁꦧꦺꦴꦁꦱꦗꦸꦩꦭꦶ꧈​ꦥꦸꦤꦶꦏ꧇ ꦲ꧇​ꦔꦭ꧀ꦩꦶ​​ ꧍ꦮꦺꦴꦤ꧀ꦠꦼꦤ꧀ꦲꦶꦁꦫꦲꦺꦴꦱ꧀꧍꧈ ꦤ꧇​ꦔꦩꦭꦶ​ ꧍ꦏꦼꦢꦃꦠꦸꦩꦤ꧀ꦢꦁ꧍꧉ ꧋ꦱꦥꦸꦤꦶꦏꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦥꦫꦣꦺꦴꦏ꧀ꦠꦼꦂꦲꦶꦁꦏꦁꦲꦚ꧀ꦗꦩ꧀ꦥꦺꦤ꧀ꦤꦶꦠꦶꦪꦁꦱꦏꦶꦠ꧀ꦤꦩꦸꦁꦢꦶꦥꦸꦤ꧀ꦏꦭꦺꦩ꧀ꦥꦿꦏ꧀ꦏꦏꦼꦤ꧀ꦏꦺꦩꦮꦺꦴꦤ꧀​ꦧꦺꦴꦠꦼꦤ꧀ꦏꦺꦔꦶꦁꦤꦤꦼꦝ꧉​ꦠꦩ꧀ꦠꦸꦤꦶꦥꦸꦤ꧀ꦫꦲꦺꦴꦱ꧀ꦱꦶꦁꦧꦢꦤ꧀ꦤꦶꦥꦸꦤ꧀ꦲꦶꦁꦒꦶꦃꦧꦺꦴꦠꦼꦤ꧀ꦏꦤ꧀ꦠꦼꦤ꧀ꦤꦤ꧀꧈​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦧꦏ꧀ꦱꦶꦭ꧀ꦧꦏ꧀ꦱꦶꦭ꧀ꦭꦶꦥꦸꦤ꧀ꦥꦼꦗꦃ꧈​ꦭꦗꦼꦁꦢꦶꦥꦸꦤ꧀ꦠꦼꦝꦤ꧀ꦤꦶꦱꦏꦶꦁꦱꦏꦼꦝꦶꦏ꧀​ꦔ [ 90 ]ꦤ꧀ꦠꦺꦴꦱ꧀ꦢꦸꦩꦸꦒꦶꦭꦤ꧀ꦱꦫꦱ꧀ꦱꦶꦥꦸꦤ꧀꧈ – ꦔꦺꦭ꧀ꦩꦶ꧈ ꦲꦶꦁꦒꦶꦃꦥꦸꦤꦶꦏꦩꦤꦸꦱꦏꦼꦢꦃꦔꦺꦩꦸꦠ꧀ꦠꦶꦥꦸꦂꦮꦩꦢꦾꦭꦤ꧀ꦮꦱꦤꦤꦶꦁꦧꦢꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀​ꦱꦂꦠꦔꦺꦩꦸꦠ꧀ꦠꦶꦣꦮꦸꦃꦲꦶꦁꦓꦸꦱ꧀ꦡꦶꦄꦭ꧀ꦭꦃꦲꦶꦁꦏꦁ​ꦮꦺꦴꦤ꧀ꦠꦼꦤ꧀ꦲꦶꦁꦑꦸꦂ​ꦄꦤ꧀꧈ – ꦔꦩꦭꦶ꧈ ꦲꦶꦁꦒꦶꦃꦥꦸꦤꦶꦏꦲꦚ꧀ꦗꦶꦪꦠ꧀ꦧꦢꦤ꧀ꦤꦶꦥꦸꦤ꧀ꦏꦁꦒꦺꦔꦶꦧꦢꦃꦣꦠꦼꦁꦦꦔꦺꦫꦤ꧀​ꦱꦂꦠꦏꦼꦢꦃꦉꦤ꧀ꦝꦃꦣꦠꦼꦁꦥꦫꦲꦸꦠꦸꦱ꧀ꦱꦤ꧀​ꦭꦤ꧀ꦩꦭꦶꦃꦏꦼꦢꦃꦲꦤ꧀ꦝꦥ꧀ꦥꦱꦺꦴꦂꦣꦠꦼꦁꦱꦱꦩꦶꦤꦶꦁꦩꦤꦸꦱ꧉

***

꧋ꦗꦩ꧀ꦥꦶꦲꦶꦁꦏꦁ​ꦤꦩꦠꦥ꦳꧀ꦱꦶꦭꦶ꧉
꧑꧇ꦗꦩ꧀ꦥꦶꦤꦶꦥꦸꦤ꧀ꦠꦏꦧ꧀ꦧꦸꦂꦲꦶꦁꦏꦁꦱꦏꦶꦁꦠꦸꦫꦸꦤ꧀ꦤꦤ꧀꧈

꧋ꦭꦁꦏꦸꦁꦫꦸꦩꦶꦪꦶꦤ꧀ꦩꦤꦃꦲꦶꦁꦏꦁꦠꦏꦧ꧀ꦧꦸꦂꦏꦼꦢꦃꦢꦶꦥꦸꦤ꧀ꦗꦩ꧀ꦥꦺꦤ꧀ꦤꦶꦏꦭꦶꦪꦤ꧀ꦩꦏ꧀ꦫꦶꦥ꦳ꦠ꧀ꦝꦠꦼꦁꦓꦸꦱ꧀ꦡꦶꦄꦭ꧀ꦭꦃ꧉ꦢꦺꦤꦺꦥꦶꦥꦿꦶꦚ꧀ꦕꦺꦤ꧀ꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦒꦁꦱꦭ꧀ꦮꦂꦤꦶ꧈ꦲꦶꦁꦒꦶꦃꦥꦸꦤꦶꦏ꧇ ꧑꧇ꦩꦤꦮꦶꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦧꦢꦤ꧀ꦤꦶꦥꦸꦤ꧀ꦥꦸꦤꦶ [ 91 ]ꦏꦠꦶꦪꦁꦧꦺꦴꦣꦺꦴꦭꦤ꧀ꦏꦸꦩ꧀ꦥꦿꦸꦁ꧈ꦔꦏꦼꦤ꧀ꦲꦏꦼꦤ꧀ꦏꦲꦸꦠꦩꦺꦤ꧀ꦤꦶꦁꦱꦤꦺꦱ꧀ ​꧍ꦭꦸꦭꦸꦲꦸꦂꦫꦶꦥꦸꦤ꧀꧍ ꦩꦏꦠꦼꦤ꧀ꦥꦸꦤꦶꦏꦩꦤꦮꦶꦚꦠꦭꦸꦭꦸꦲꦸꦂꦫꦶꦥꦸꦤ꧀ꦏꦢꦸꦤꦸꦁꦔꦤ꧀ꦏꦲꦸꦠꦩꦺꦤ꧀ꦲꦶꦁꦏꦁꦱꦗꦠꦶ꧉
꧒꧇ꦏꦼꦢꦃꦠꦤ꧀ꦱꦃꦔꦺꦩꦸꦠ꧀ꦠꦶ꧈ꦧꦶꦭꦶꦃꦲꦱꦭ꧀ꦲꦶꦁꦏꦁꦲꦸꦠꦩꦶꦥꦸꦤꦶꦏꦧꦺꦴꦠꦼꦤ꧀ꦠꦩ꧀ꦠꦸꦔꦼꦢꦭ꧀ꦭꦏꦼꦤ꧀ꦠꦸꦫꦸꦤ꧀ꦲꦶꦁꦏꦁꦲꦸꦠꦩꦶ꧉ꦩꦸꦠꦶꦪꦫꦥꦸꦤꦶꦏꦲꦱꦭ꧀ꦭꦶꦥꦸꦤ꧀ꦏꦺꦮꦤ꧀ꦲꦶꦁꦏꦁꦲꦶꦤ꧈ꦤꦔꦶꦁꦢꦢꦺꦴꦱ꧀ꦱꦺꦴꦱꦺꦴꦠꦾꦲꦶꦁꦏꦁꦲꦮꦶꦱ꧀ꦉꦒꦶꦤꦶꦥꦸꦤ꧀꧈ꦮꦺꦴꦤ꧀ꦠꦼꦤ꧀ꦩꦭꦶꦃꦲꦸꦊꦂ꧈ꦱꦒꦼꦢ꧀ꦢꦢꦺꦴꦱ꧀ꦱꦸꦠꦿ꧉ꦭꦤ꧀ꦔꦺꦩꦸꦠ꧀ꦠꦤꦥꦸꦤꦥꦏꦢꦢꦺꦴꦱ꧀ꦱꦤ꧀ꦤꦶꦥꦸꦤ꧀ꦧꦼꦠ꧀ꦠꦶꦏ꧀ꦭꦤ꧀ꦫꦺꦴꦠꦶꦩꦂꦠꦺꦒ꧉
꧓꧇ꦆꦧ꧀ꦭꦶꦱ꧀ꦥꦸꦤꦶꦏꦏꦧꦼꦤ꧀ꦢꦺꦴꦤ꧀​​ꦲꦩꦂꦒꦶꦠꦏꦧ꧀ꦧꦸꦂꦱꦏꦶꦁꦲꦱꦭ꧀ꦭꦶꦥꦸꦤ꧀꧈
꧔꧇ꦧꦢꦤ꧀ꦭꦤ꧀ꦭꦸꦭꦸꦲꦸꦂꦫꦶꦥꦸꦤ꧀ꦥꦸꦤꦶꦏꦲꦱꦭ꧀ꦩꦸꦭꦧꦸꦏꦤꦶꦥꦸꦤ꧀ꦱꦏꦶꦁ​ꦊꦧꦸ꧉ꦥꦔꦤ꧀ꦢꦶꦏꦤꦶꦥꦸ [ 92 ]ꦤ꧀ꦑꦁꦗꦼꦁꦟꦨꦶ꧇​ꦱꦶꦫꦏꦧꦺꦃꦲꦶꦏꦸꦱꦏꦄ​ꦢꦩ꧀​ꦭꦤ꧀​ꦄꦢꦩ꧀ꦲꦶꦏꦸꦱꦏ​ꦊꦧꦸ꧉

꧒꧇​ꦗꦩ꧀ꦥꦶꦤꦶꦥꦸꦤ꧀ꦠꦏꦧ꧀ꦧꦸꦂ​ꦲꦶꦁꦏꦁꦱꦏꦶꦁꦫꦸꦥꦶ꧉

꧋ꦏꦶꦠꦱꦢꦪꦏꦼꦢꦃꦲꦺꦩꦸꦠ꧀​ꦠꦶꦪꦁꦲꦶꦁꦏꦁꦒꦼꦱꦁꦲꦏꦭ꧀ꦥꦶꦏꦶꦂꦫꦤ꧀ꦤꦶꦥꦸꦤ꧀​ꦠꦩ꧀ꦠꦸꦧꦺꦴꦠꦼꦤ꧀ꦠꦿꦶꦩꦃꦤꦶꦔꦭ꧀ꦭꦶꦭꦲꦶꦂꦫꦶꦁꦧꦫꦁ꧈​ꦤꦔꦶꦁꦲꦶꦁꦏꦁꦢꦶꦥꦸꦤ꧀ꦲꦁꦒꦼꦥ꧀ꦥꦂꦭꦸ꧈​ꦥꦸꦤꦶꦏꦩꦭꦃꦔ꧀ꦊꦧꦼꦠ꧀ꦠꦶꦥꦸꦤ꧀꧈​ꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦏꦏꦺꦴꦱꦺꦴꦏ꧀ꦮꦁꦱꦸꦭ꧀ꦏꦭꦶꦪꦤ꧀ꦠꦶꦪꦁꦏꦶꦁꦏꦁꦥꦼꦗꦃꦔꦏꦭ꧀ꦭꦶꦥꦸꦤ꧀​ꦗꦭꦂꦫꦤ꧀ꦠꦶꦪꦁꦲꦶꦁꦏꦁꦩꦏꦠꦼꦤ꧀​ꦥꦸꦤꦶꦏꦧꦺꦴꦠꦼꦤ꧀ꦥꦶꦱꦤ꧀ꦥꦶꦱꦤ꧀ꦥꦸꦫꦸꦤ꧀ꦩꦤꦃꦧꦠꦶꦤ꧀ꦤꦶꦥꦸꦤ꧀ꦧꦫꦁ꧈​ꦩꦶꦭꦲꦶꦁꦒꦶꦃꦏꦼꦉꦥ꧀ꦏꦼꦕꦺꦭꦶꦏ꧀꧈ ꧋ꦲꦶꦫꦸꦁ​ꦲꦶꦁꦏꦁꦲꦩ꧀ꦧꦔꦶꦂ꧈​ꦥꦸꦤ꧀ꦝꦏ꧀ꦲꦶꦁꦏꦁꦤꦿꦗꦸꦩꦱ꧀ꦏꦸꦭꦶꦠ꧀ꦲꦶꦁꦏꦁꦤꦼꦩꦸꦒꦶꦫꦶꦁ꧈​ꦥꦶꦥꦶꦲꦶꦁꦏꦁꦲꦤ꧀ꦢꦸꦫꦺꦤ꧀ꦱꦗꦸꦫꦶꦁ꧈​ꦥꦸꦤꦶꦏꦱꦢꦪꦏꦼꦢꦃꦢꦶꦥꦸꦤ꧀ꦲꦺꦩꦸꦠ꧀ꦠꦶꦥꦸꦤꦥꦔ꧀ꦊꦧꦼꦠ꧀ꦠꦶꦥꦸꦤ꧀ ​꧍ꦲꦶꦱꦶꦤꦶꦥꦸꦤ꧀꧍꧈​ꦩꦤꦮꦶꦱꦩ꧀ꦥꦸꦤ꧀ꦩꦔꦼꦂꦠꦺꦴꦱ꧀ꦠꦩ꧀ꦠꦸꦧꦺꦴꦠꦼꦤ꧀ꦥꦸꦫꦸꦤ꧀ꦠꦏꦧ꧀ꦧꦸꦂ [ 93 ]ꦲꦶꦁꦏꦁꦗꦭꦂꦫꦤ꧀ꦱꦏꦶꦁꦫꦸꦥꦶ꧉ꦱꦲꦸꦥꦩꦶꦩꦤꦸꦱꦧꦺꦴꦠꦼꦤ꧀ꦱꦸꦱꦸꦕꦶꦱꦥꦼꦏꦼꦤ꧀ꦏꦺꦩꦮꦺꦴꦤ꧀​ꦏꦢꦺꦴꦱ꧀ꦥꦸꦤ꧀ꦢꦶꦒꦤ꧀ꦢꦤꦶꦥꦸꦤ꧀​ꦠꦩ꧀ꦠꦸꦔꦸꦁꦏꦸꦭ꧀ꦭꦶꦊꦝꦶꦱ꧀ꦱꦶꦥꦸꦤ꧀ꦩꦺꦤ꧀ꦢ꧉ꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦫꦸꦥꦶꦥꦸꦤꦶꦏꦲꦶꦁꦒꦶꦃꦒꦩ꧀ꦥꦶꦭ꧀ꦱꦔꦼꦠ꧀ꦱꦶꦂꦤꦤꦶꦥꦸꦤ꧀​ꦲꦶꦁꦒꦶꦃꦥꦸꦤꦶꦏꦩꦤꦮꦶꦱꦩ꧀ꦥꦸꦤ꧀ꦱꦼꦥꦸꦃꦲꦸꦠꦮꦶꦏꦠꦩꦩꦤ꧀ꦲꦶꦁꦱꦱꦏꦶꦠ꧀ꦕꦕꦂ꧉ꦏꦶꦠꦱꦢꦪꦱꦒꦼꦢ꧀ꦚꦸꦩꦼꦉꦥ꧀ꦥꦶꦥꦶꦪꦩ꧀ꦧꦏ꧀ ꦏꦢꦺꦴꦱ꧀ꦥꦸꦤ꧀ꦢꦶꦮꦸꦗꦸꦢ꧀ꦢꦶꦁꦏꦸꦭꦶꦠ꧀ꦠꦶꦥꦸꦤ꧀ꦠꦶꦪꦁꦱꦼꦥꦸꦃꦲꦸꦠꦮꦶꦠꦶꦪꦁꦲꦶꦁꦏꦁꦱꦏꦶꦠ꧀ꦕꦕꦂ꧉꧍ꦏꦸꦭꦶꦠ꧀ꦲꦶꦁꦏꦁꦱꦸꦮꦲꦸꦤꦶꦥꦸꦤ꧀ꦲꦭꦸꦱ꧀​ꦭꦗꦼꦁꦢꦢꦺꦴꦱ꧀ꦥꦠꦶꦁꦗꦁꦏꦼꦫꦸꦠ꧀ꦱꦂꦠꦥꦠꦶꦁꦧꦿꦺꦴꦕꦺꦭ꧀꧍꧈

꧋ꦗꦩ꧀ꦥꦶꦤꦶꦁꦠꦏꦧ꧀ꦧꦸꦂꦲꦶꦁꦏꦁꦱꦏꦶꦁꦥꦁꦏꦠ꧀꧈

꧋ꦗꦩ꧀ꦥꦶꦤꦶꦥꦸꦤ꧀ꦠꦏꦧ꧀ꦧꦸꦂꦲꦶꦁꦏꦁꦱꦏꦶꦁꦥꦁꦏꦠ꧀​ꦏꦱꦸꦒꦶꦃꦲꦤ꧀​ꦥꦔꦸꦮꦲꦺꦴꦱ꧀ꦭꦤ꧀ꦏꦫꦺꦴꦱꦤ꧀꧈ꦱꦢꦪꦥꦸꦤꦶꦏꦶꦏꦼꦢꦃꦢꦶꦥꦸꦤ꧀ꦲꦺꦩꦸꦠ꧀ꦠꦶ꧈ꦩꦤꦮꦶꦱꦒꦼꦢ꧀ꦱꦶꦂꦤꦱꦩꦺꦴꦁꦱꦩꦺꦴꦁꦱ꧉ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦠꦶꦪꦁꦲꦶꦁꦏꦁꦏꦭꦮꦶꦔꦶꦲꦁꦒꦝꦃꦲꦶꦱꦶꦥꦠ꧀ꦲꦶꦁꦏꦁꦢꦺꦴ [ 94 ]ꦱ꧀ꦩꦏ꧀ꦠꦼꦤ꧀ꦮꦲꦸ꧈ꦤꦔꦶꦁꦱꦥꦸꦤꦶꦏꦭꦗꦼꦁꦢꦢꦺꦴꦱ꧀ꦠꦶꦪꦁꦲꦶꦁꦏꦁꦲꦶꦤ꧉꧋ꦥꦚ꧀ꦕꦺꦤ꧀ꦤꦶꦥꦸꦤ꧀ꦠꦶꦪꦁꦲꦶꦁꦏꦁꦏꦢꦸꦤꦸꦁꦔꦤ꧀ꦱꦶꦥꦠ꧀ꦱꦶꦥꦠ꧀ꦮꦲꦸꦏꦼꦢꦃꦔꦼꦩꦺꦴꦁꦝꦠꦼꦁꦠꦶꦪꦁꦲꦶꦁꦏꦁꦲꦱꦺꦴꦂꦭꦤ꧀ꦫꦶꦁꦏꦶꦃ꧈​ꦏꦢꦺꦴꦱ꧀ꦲꦶꦁꦏꦁꦏꦕꦼꦛꦲꦶꦁꦏꦶꦠꦧ꧀ꦱꦸꦕꦶꦄꦭ꧀ꦑꦸꦂ​ꦄꦤ꧀꧈​ꦢꦺꦴꦱꦲꦒꦼꦁꦠꦶꦪꦁꦲꦶꦁꦏꦁꦧꦺꦴꦠꦼꦤ꧀ꦤꦼꦠꦼꦥ꧀ꦥꦶꦝꦮꦸꦃꦥꦸꦤꦶꦏ꧉

***

꧋ꦔꦸꦗꦸꦧ꧀꧈

꧋ꦲꦶꦁꦩꦁꦏꦺꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦸꦭꦲꦤꦼꦫꦁꦔꦏꦼꦤ꧀ꦱꦱꦏꦶꦠ꧀ꦠꦶꦁꦩꦤꦃꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦠꦏꦧ꧀ꦧꦸꦂ꧈​ꦏꦸꦭꦭꦗꦼꦁꦧꦝꦺꦤꦼꦫꦁꦔꦏꦼꦤ꧀ꦱꦱꦏꦶꦠ꧀ꦠꦶꦁꦩꦤꦃꦲꦶꦁꦏꦁꦭꦁꦏꦸꦁꦊꦩ꧀ꦧꦠ꧀​​ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇ꦔꦸꦃꦗꦸꦧ꧀꧈​ꦔꦸꦗꦸꦧ꧀ꦥꦸꦤꦶꦏꦱꦶꦥꦠ꧀ꦠꦶꦁꦱꦸꦏ꧀ꦩꦲꦶꦁꦏꦁꦕꦶꦤꦕꦢ꧀ꦱꦔꦼꦠ꧀ꦩꦼꦁꦒꦃꦲꦶꦁꦲꦒꦩꦶ꧈​ꦲꦩꦂꦒꦶꦱꦒꦼꦝꦢ꧀ꦲꦤꦫꦶꦏ꧀ꦝꦠꦼꦁꦥꦶꦲꦮꦺꦴꦤ꧀ꦲꦶꦁꦏꦁ​ꦮꦂꦤꦶꦮꦂꦤꦶ꧈​ꦝꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶꦩꦸ​ꦲ꦳ꦩ꧀ꦩꦢ꧀​ S. A. W. [ 95 ]ꦥꦿꦏꦫꦠꦼꦭꦸꦏꦁꦔꦿꦸꦱꦏ꧀ꦲꦏꦺ꧈​ꦪꦲꦶꦏꦸꦕꦼꦛꦶꦭ꧀ꦏꦁꦠꦶꦤꦸꦫꦸꦠ꧀ꦲꦮꦏꦁꦢꦶꦲꦸꦗ꧈​ꦭꦤ꧀ꦔꦸꦗꦸꦧ꧀꧈꧋ꦔꦸꦗꦸꦧ꧀ꦥꦸꦤꦶꦏꦲꦩ꧀ꦧꦝꦼꦝꦼꦒ꧀ꦒꦶꦁꦩꦤꦃꦢꦺꦤꦺꦲꦮꦏ꧀ꦏꦶꦥꦸꦤ꧀ꦱꦩ꧀ꦥꦸꦤ꧀ꦏꦢꦸꦤꦸꦁꦔꦤ꧀ꦏꦱꦒꦼꦢ꧀ꦢꦤ꧀​ꦏꦱꦸꦒꦶꦃꦲꦤ꧀ꦲꦸꦠꦮꦶꦱꦤꦺꦱ꧀ꦱꦶꦥꦸꦤ꧀꧈​ꦠꦶꦪꦁꦲꦶꦁꦏꦁꦫꦸꦩꦲꦺꦴꦱ꧀ꦱꦩ꧀ꦥꦸꦤ꧀ꦱꦩ꧀ꦥꦸꦂꦤꦥꦸꦤꦶꦏꦩꦱ꧀ꦛꦶꦭꦗꦼꦁꦏꦧꦸꦤ꧀ꦠꦼꦭ꧀ꦩꦤꦲꦶꦥꦸꦤ꧀​ꦧꦺꦴꦠꦼꦤ꧀ꦱꦒꦼꦢ꧀ꦠꦩ꧀ꦧꦃꦢꦫꦗꦠ꧀ꦠꦶꦥꦸꦤ꧀​ꦥꦸꦤꦶꦏꦩꦤꦮꦶꦚꦠꦱꦩ꧀ꦥꦸꦤ꧀ꦱꦩ꧀ꦥꦸꦂꦤ꧉​ꦤꦔꦶꦁꦭꦶꦩꦿꦃꦲꦶꦥꦸꦤ꧀ꦲꦶꦁꦏꦁꦔꦸꦗꦸꦧ꧀ꦱꦩ꧀ꦥꦸꦤ꧀ꦫꦸꦩꦲꦺꦴꦱ꧀ꦱꦩ꧀ꦥꦸꦂꦤ꧈​ꦥꦸꦤꦶꦏꦩꦭꦃꦢꦺꦫꦺꦁꦧꦫꦁꦧꦫꦁ꧉

***

꧋ꦫꦶꦪꦭꦤ꧀ꦱꦸꦩ꧀ꦔꦃ꧉

꧋ꦧꦺꦢꦤꦶꦥꦸꦤꦿꦶꦪꦭꦤ꧀ꦱꦸꦩ꧀ꦔꦃꦥꦸꦤꦶꦏꦩꦤꦮꦶ꧇​ꦫꦶꦪꦥꦸꦤꦶꦏꦔꦠꦶꦔꦭ꧀ꦭꦏꦼꦤ꧀ꦠꦶꦤ꧀ꦢꦏ꧀ꦏꦶꦥꦸꦤ꧀​ ꧍ꦔꦶꦧꦢꦃꦲꦶꦥꦸꦤ꧀꧍ ꦣꦠꦼꦁꦥꦫꦩꦤꦸꦱ꧉​ꦢꦺꦤꦺꦱꦸꦩ꧀ꦔꦃꦥꦸꦤꦶꦏꦠꦶꦤ꧀ꦢꦏ꧀ꦏꦶꦥꦸꦤ꧀ꦢꦶꦥꦸꦤ꧀ꦩꦶꦉꦁꦔꦏꦼꦤ꧀ꦝꦠꦼꦁꦠꦶꦪꦁꦏꦛꦃ꧈ [ 96 ]ꦲꦸꦥꦩꦶꦤꦶꦥꦸꦤ꧀꧇​ꦱꦥꦸꦤꦶꦏꦏꦸꦭꦩꦁꦒꦺꦤ꧀ꦲꦶꦁꦏꦶꦛꦯꦸꦫꦧꦪ꧈​ꦥꦸꦤꦶꦏꦩꦤꦮꦶꦮꦺꦴꦤ꧀ꦠꦼꦤ꧀ꦱꦝꦺꦫꦺꦏ꧀ꦲꦸꦠꦮꦶꦥꦮꦺꦴꦁꦩꦶꦠꦿꦏꦸꦭꦩꦤ꧀ꦠꦸꦏ꧀ꦝꦠꦼꦁꦯꦭ꧈​ꦏꦸꦭꦮꦼꦭꦶꦁꦱꦸꦥꦢꦺꦴꦱ꧀ꦲꦔꦧꦂꦫꦏꦼꦤ꧀​ꦩꦤꦮꦶꦏꦸꦭꦱꦥꦸꦤꦶꦏ​ꦢꦢꦺꦴꦱ꧀ꦗꦸꦂꦤꦭꦶꦱ꧀꧈​ꦫꦶꦪꦪꦤ꧀ꦱꦸꦩ꧀ꦔꦃꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦢꦶꦥꦸꦤ꧀ꦲꦮꦶꦱ꧀ꦱꦶꦱꦔꦼꦠ꧀ꦢꦺꦤꦶꦁꦲꦒꦩꦶ꧈ꦝꦮꦸꦃꦲꦶꦁ​ꦄꦪꦠ꧀꧇​ꦤꦫꦏꦮꦺꦭ꧀ꦲꦶꦏꦸꦢꦶꦕꦮꦶꦱ꧀ꦱꦏꦺꦩꦫꦔ꧀ꦮꦺꦴꦁꦱꦭꦠ꧀ꦏꦁꦭꦭꦶꦩꦫꦁꦱꦭꦠ꧀ꦠꦺ꧈​ꦲꦶꦪꦻꦏꦸꦮꦺꦴꦁꦏꦁꦥꦝꦫꦶꦪ꧉​ꦩꦭꦶꦃꦢꦮꦸꦃꦲꦶꦁꦑꦸꦂ​ꦄꦤ꧀꧇​ꦱꦶꦁꦱꦥꦱꦺꦴꦮꦤ꧀ꦲꦤꦲꦶꦁꦥꦔꦪꦸꦤ꧀ꦤꦤ꧀ꦤꦶꦁꦦꦔꦺꦫꦤ꧀ꦲꦶꦏꦸꦔꦩꦭ꧀ꦭꦱꦭꦺꦃ꧈​ꦱꦂꦠꦲꦗꦚꦏꦸꦛꦺꦴꦏ꧀ꦲꦏꦺꦩꦫꦁꦓꦸꦱ꧀ꦡꦶ​ꦄꦭ꧀ꦭꦃꦲꦶꦁꦧꦧ꧀ꦔꦩꦭ꧀ꦏꦺꦱꦭꦺꦃꦲꦶꦏꦸ꧉​ꦥꦔꦤ꧀ꦢꦶꦏꦤꦶꦥꦸꦤ꧀ꦏꦁꦗꦼꦁꦟꦨꦶꦩꦸꦲ꦳ꦩ꧀ꦩꦢ꧀꧇​ꦧꦫꦁꦏꦁꦲꦶꦁꦱꦸꦤ꧀ꦱꦸꦩꦼꦭꦁꦔꦏꦺꦲꦶꦁꦔꦠꦱ꧀ꦱꦺꦱꦶꦫꦏꦧꦺꦃ꧈​ꦲꦶꦏꦸꦱꦶꦫꦶꦏ꧀ꦏꦔ꧀ꦊꦩ꧀ꦧꦸꦠ꧀​ ꧍ꦫꦶꦪ꧍꧉​ꦱꦶꦫꦶꦏ꧀ꦲꦶꦁꦏꦁ​ꦊꦩ꧀ꦧꦠ꧀ꦥꦸꦤꦶꦏꦥꦿꦱꦱꦠ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦧꦺꦢꦤꦶꦥꦸ [ 97 ]ꦤ꧀ꦏꦭꦶꦪꦤ꧀ꦠꦶꦪꦁꦏꦁꦏꦁꦚꦼꦤ꧀ꦧꦃꦏꦗꦼꦁꦱꦺꦭꦲꦸꦠꦮꦶꦧꦿꦲꦭ꧈​ꦲꦩ꧀ꦧꦺꦴꦏ꧀ꦩꦤꦮꦶꦤꦩꦸꦁꦏꦲꦺꦴꦠ꧀ꦱꦲꦼꦱꦥ꧀꧈​ꦓꦸꦱ꧀ꦡꦶ​ꦄꦭ꧀ꦭꦃꦝꦮꦸꦃ꧇​ꦱꦶꦁꦱꦥꦔꦩꦭ꧀ꦏꦤ꧀ꦛꦶꦫꦶꦪ꧈​ꦲꦶꦏꦸꦏꦧꦺꦃꦔꦩꦭ꧀ꦭꦺꦏꦢꦂꦧꦺꦩꦫꦁꦮꦺꦴꦁꦏꦁꦢꦶꦫꦶꦪꦤ꧀ꦤꦶ꧉​ꦲꦤꦸꦗꦸꦱꦠꦸꦁꦒꦶꦭ꧀ꦭꦶꦁꦢꦶꦤ꧀ꦠꦼꦤ꧀ꦑꦁꦗꦼꦁꦟꦨꦶꦩꦸꦮꦸꦤ꧀​ꦭꦗꦼꦔ꧀ꦮꦺꦴꦤ꧀ꦠꦼꦤ꧀ꦱꦲ꦳ꦧꦠ꧀ꦲꦶꦁꦏꦁꦩꦠꦸꦂꦢꦠꦼꦁꦑꦁꦗꦼꦁꦟꦨꦶ꧈​ꦠꦼꦩ꧀ꦧꦸꦁꦔꦶꦥꦸꦤ꧀꧇​ꦓꦸꦱ꧀ꦡꦶ꧈​ꦥꦸꦤꦥꦲꦶꦁꦏꦁꦢꦢꦺꦴꦱ꧀ꦱꦧꦧ꧀ꦧꦶꦥꦸꦤ꧀​ꦢꦺꦤꦺꦥꦚ꧀ꦗꦼꦤꦼꦁꦔꦤ꧀ꦢꦊꦩ꧀ꦠꦼꦏꦩꦸꦮꦸꦤ꧀ꦏꦢꦺꦴꦱ꧀ꦩꦏꦠꦼꦤ꧀꧈​ꦑꦁꦗꦼꦁꦟꦨꦶꦩꦁꦱꦸꦭ꧀ꦭꦶ꧇​ꦲꦶꦁꦱꦸꦤ꧀ꦲꦚꦸꦩꦼꦭꦁꦔꦏꦺꦩꦫꦁꦲꦸꦩ꧀ꦩꦠ꧀ꦠꦶꦁꦱꦸꦤ꧀ꦏꦧꦺꦃ꧈​ꦪꦻꦏꦸꦱꦏꦲꦁꦒꦺꦴꦤ꧀ꦤꦺꦥꦣꦱꦶꦫꦶꦏ꧀ꦲꦚꦏꦸꦛꦺꦴꦏ꧀ꦲꦏꦺꦩꦫꦁꦓꦸꦱ꧀ꦡꦶꦄꦭ꧀ꦭꦃ꧉​ꦲꦤꦸꦗꦸꦱꦠꦸꦁꦒꦭ꧀ꦭꦶꦁꦢꦶꦤ꧀ꦠꦼꦤ꧀ꦱꦪꦶꦢꦶꦤꦔ꦳ꦸꦩꦂ꧈ꦲꦶꦁꦒꦶꦃꦥꦸꦤꦶꦏꦏ꦳ꦭꦶꦥ꦳ꦃꦲꦶꦁꦏꦁꦏꦥꦶꦁꦏꦭꦶꦃ꧈​ꦩꦿꦶꦏ꧀ꦱꦤ꧀ꦤꦶꦮꦺꦴꦤ꧀ꦠꦼꦤ꧀ꦠꦶꦪꦔꦶꦁꦏꦁꦏꦸꦀꦱꦸꦏ꧀ꦥꦔꦶꦧꦢꦃꦲꦶꦥꦸꦤ꧀​ꦒꦸꦭꦸꦤꦶꦥꦸꦤ꧀ꦢꦶꦥꦸꦤ꧀ꦩꦺꦔ꧀ꦭꦺꦁꦔꦏꦼꦤ꧀꧈​ꦱꦪꦶꦢꦶꦤꦔꦸꦩꦂꦲꦚꦫꦸꦮꦺ꧈​ꦠꦼꦩ꧀ꦧꦸꦁꦔꦶꦥꦸꦤ꧀꧇​ꦲꦺ [ 98 ]ꦮꦺꦴꦁꦏꦁꦲꦤ꧀ꦢꦸꦮꦺꦤ꧀ꦤꦶꦒꦸꦭꦸ꧈ꦲꦤ꧀ꦢꦼꦔꦺꦔꦺꦏ꧀ꦏ꧈ꦗꦭꦂꦫꦤ꧀ꦏ꦳ꦸꦱꦸꦏ꧀ꦲꦶꦏꦸꦥꦁꦒꦺꦴꦤ꧀ꦤꦤ꧀ꦤꦺꦲꦺꦴꦫꦲꦤꦲꦶꦁꦒꦸꦭꦸ꧈ꦲꦤꦔꦶꦁꦲꦤꦲꦶꦁꦲꦠꦶ꧉ꦥꦔꦤ꧀ꦢꦶꦏꦤꦶꦥꦸꦤ꧀ꦱꦪꦶꦢꦶꦤꦔꦭꦶ꧇ꦔꦭꦩꦠ꧀ꦠꦺꦮꦺꦴꦁꦏꦁꦫꦶꦪꦲꦶꦏꦸꦲꦤꦠꦼꦭꦸꦁꦥꦿꦏꦫ꧈ꦪꦲꦶꦏꦸ꧇

꧑꧇	ꦲꦫꦱ꧀ꦲꦫꦱ꧀ꦱꦼꦤ꧀ꦗꦭꦂꦫꦤ꧀ꦲꦶꦗꦺꦤ꧀꧈
꧒꧇	ꦠꦿꦁꦒꦶꦤꦱ꧀ꦱꦼꦤ꧀ꦪꦺꦤ꧀ꦲꦏꦺꦃꦮꦺꦴꦁ꧉
꧓꧇	ꦲꦩ꧀ꦧꦼꦕꦶꦏ꧀ꦏꦏꦺꦔꦩꦭ꧀ꦭꦺꦪꦺꦤ꧀ꦲꦏꦺꦃꦏꦁꦔꦊꦩ꧀​ꦭꦤ꧀ꦲꦚꦛꦶꦛꦶꦏ꧀ꦏꦏꦺꦔꦩꦭ꧀ꦭꦺꦪꦺꦤ꧀ꦲꦏꦺꦃꦏꦁꦤꦕꦢ꧀꧈

꧉ꦥꦔꦤ꧀ꦢꦶꦏꦤꦶꦥꦸꦤ꧀ꦔꦸꦭꦩꦶ꧈ꦮꦺꦴꦁꦏꦁꦥꦣꦫꦶꦪꦲꦶꦏꦸꦧꦺꦱꦸꦏ꧀ꦲꦶꦁꦢꦶꦤꦏꦶꦪꦩꦠ꧀ꦲꦺꦴꦭꦺꦃꦱꦱꦼꦧꦸꦠ꧀ꦠꦤ꧀ꦮꦂꦤꦥꦥꦠ꧀꧇

꧑꧇	ꦲꦺ꧈ꦮꦺꦴꦁꦏꦁꦥꦣꦫꦶꦪ꧉
꧒꧇	ꦲꦺ꧈ꦮꦺꦴꦁꦏꦁꦥꦣꦲꦩ꧀ꦧꦸꦗꦸꦏ꧀꧈
꧓꧇	ꦲꦺ꧈ꦮꦺꦴꦁꦏꦁꦥꦣꦏꦥꦶꦠꦸꦤꦤ꧀꧈
꧔꧇	ꦲꦺ꧈ꦮꦺꦴꦁꦏꦁꦥꦣꦭꦕꦸꦠ꧀꧈

[ 99 ]꧉​ꦆꦧ꧀ꦤꦸꦢꦶꦟꦂꦔꦤ꧀ꦢꦶꦏꦩꦏꦠꦼꦤ꧀꧇ꦮꦺꦴꦁꦏꦁꦄꦃ ꦭꦶꦩꦕꦑꦸꦂ​ꦄꦤ꧀ꦲꦶꦏꦸꦲꦤꦮꦂꦤꦠꦼꦭꦸ꧈ꦪꦲꦶꦏꦸ꧇ꦏꦿꦤꦢꦺꦴꦚ꧈​ꦏꦿꦤꦫꦠꦸꦭꦤ꧀ꦏꦿꦤꦓꦸꦱ꧀ꦡꦶ​ꦄꦭ꧀ꦭꦃ꧉ ꧉ꦥꦔꦤ꧀ꦢꦶꦏꦤꦶꦥꦸꦤ꧀​ꦄꦨꦸꦯꦸꦭꦺꦩꦤ꧀꧇​ꦔꦽꦏ꧀ꦱꦔꦩꦭ꧀ꦲꦶꦏꦸꦭꦸꦮꦶꦃꦲꦔꦺꦭ꧀ꦠꦶꦤꦶꦩ꧀ꦧꦁꦔꦩꦭ꧀꧈꧋ꦩꦶꦫꦶꦥ꧀ꦥꦔꦤ꧀ꦢꦶꦏꦥꦸꦤꦶꦏ꧈​ꦢꦢꦺꦴꦱ꧀ꦫꦶꦪꦥꦸꦤꦶꦏꦏꦼꦢꦃꦮꦺꦴꦤ꧀ꦠꦼꦚ꧀ꦕꦕꦂꦭꦤ꧀ꦱꦺꦫꦸꦤ꧀ꦩꦶꦥꦸꦤ꧀​ꦢꦺꦤꦺꦕꦕꦂꦭꦤ꧀ꦱꦫꦸꦩ꧀ꦲꦶꦁꦏꦁꦩꦶꦤꦺꦴꦁꦏꦢꦢꦺꦴꦱ꧀ꦗꦩ꧀ꦥꦶꦤꦶꦥꦸꦤ꧀ꦱꦱꦏꦶꦠ꧀ꦫꦶꦪꦭꦤ꧀ꦱꦸꦩ꧀ꦔꦃꦥꦸꦤꦶꦏꦏꦧꦣꦺꦏꦥꦿꦠꦺꦭꦏꦲꦏꦼꦤ꧀ꦲꦶꦁ​ꦮꦶꦁꦏꦶꦁ꧉ ꧋ꦫꦶꦪꦥꦸꦤꦶꦏꦥꦢꦺꦴꦱ꧀ꦥꦔꦫꦸꦃ ꧍manzilah꧍ꦮꦺꦴꦤ꧀ꦠꦼꦤ꧀ꦲꦩꦤꦃꦲꦶꦥꦸꦤ꧀ꦩꦤꦸꦱꦱꦫꦤꦔꦠꦶꦔꦭ꧀ꦭꦏꦼꦤ꧀ꦏꦲꦸꦠꦩꦤ꧀ ꦢꦺꦤꦺꦲꦶꦁꦢꦢꦺꦴꦱ꧀ꦱꦫꦤꦤꦶꦥꦸꦤ꧀ꦫꦶꦪꦥꦸꦤꦶꦏ​ꦮꦺꦴꦤ꧀ꦠꦼꦔꦁꦱꦭ꧀​​ꦲꦶꦁꦒꦶꦃ​ꦥꦸꦤꦶꦏ꧇ ꧑꧇​ꦧꦢꦤ꧀꧈ [ 100 ]

꧒꧇	ꦥꦔꦁꦒꦺꦭꦤ꧀ꦠꦶꦁꦏꦃ꧉
꧓꧇	ꦥꦔꦸꦕꦥ꧀꧈
꧔꧇	ꦔꦩꦭ꧀꧈
꧕꧇	ꦧꦭꦭꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧈

꧋ꦠꦶꦪꦁꦫꦶꦪꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦠꦶꦒ꧈ꦲꦶꦁꦒꦶꦃꦥꦸꦤꦶꦏ꧇

ꦲ꧇	ꦤꦩꦸꦁꦤꦿꦶꦩꦃꦥꦢꦺꦴꦱ꧀ꦥꦔꦊꦩ꧀꧈
ꦤ꧇	ꦏꦗꦮꦶꦥꦔꦫꦸꦃꦲꦶꦁꦒꦶꦃꦥꦢꦺꦴꦱ꧀ꦥꦔꦊꦩ꧀꧈
ꦕ꧇	ꦏꦿꦤꦥꦢꦺꦴꦱ꧀ꦏꦢꦺꦴꦚꦤ꧀​ꦥꦸꦤꦶꦏꦲꦶꦁꦏꦁꦲꦮꦺꦴꦤ꧀ꦥꦶꦪꦩ꧀ꦧꦏ꧀꧈

꧋ꦩꦤꦮꦶꦱꦫꦤꦤꦶꦁꦫꦶꦪꦥꦸꦤꦶꦏꦱꦤꦺꦱ꧀ꦔꦶꦧꦢꦃ꧈ꦲ꦳ꦸꦏꦸꦩ꧀ꦩꦶꦥꦸꦤ꧀ꦩꦤꦸꦠ꧀ꦱꦼꦢꦾꦭꦤ꧀ꦲꦸꦮꦺꦴꦃꦲꦶꦥꦸꦤ꧀​ꦢꦺꦤꦺꦩꦤꦮꦶꦔꦶꦧꦢꦃꦥꦸꦤꦶꦏꦢꦢꦺꦴꦱ꧀ꦱꦫꦤꦤꦶꦥꦸꦤ꧀​ꦥꦸꦤꦶꦏꦏꦊꦧꦼꦠ꧀ꦢꦺꦴꦱ꧈ꦏꦗꦮꦶꦩꦤꦮꦶꦏꦁꦒꦺꦠꦸꦭꦣꦣꦠꦼꦁꦩꦸꦫꦶꦢ꧀꧈ꦢꦺꦤꦺꦏꦤ꧀ꦢꦼꦭ꧀ꦠꦶꦥꦶꦱ꧀ꦱꦶꦁꦫꦶꦪꦥꦸꦤꦶꦏꦩꦶꦫꦶꦢ꧀ꦱꦏꦶꦁꦱꦁꦏꦤꦶꦥꦸꦤ꧀​ꦲꦶꦁꦒꦶꦃꦥꦸꦤꦶꦏ꧇ [ 101 ]

꧑꧇	ꦱꦏꦶꦁꦱꦼꦢꦾ꧉
꧒꧇	ꦱꦏꦶꦁꦱꦫꦤ꧉
꧓꧇	ꦱꦏꦶꦁꦏꦩꦺꦭꦶꦏ꧀ꦏꦤ꧀꧈

꧋ꦩꦤꦮꦶꦩꦶꦫꦶꦢ꧀ꦱꦏꦶꦁꦱꦼꦢꦾ꧈ꦫꦶꦪꦥꦸꦤꦶꦏꦮꦺꦴꦤ꧀ꦠꦼꦤ꧀ꦱꦏꦮꦤ꧀ꦥꦿꦁꦏꦠ꧀​ꦲꦶꦁꦒꦶꦃꦥꦸꦤꦶꦏ꧇

ꦲ꧇	ꦤꦩꦸꦁꦏꦿꦤꦩꦤꦸꦱ꧈ꦧꦺꦴꦠꦼꦤ꧀ꦥꦶꦱꦤ꧀ꦥꦶꦱꦤ꧀ꦲꦺꦩꦸꦠ꧀ꦝꦠꦼꦁꦓꦸꦱ꧀ꦡꦶꦄꦭ꧀ꦭꦃꦲꦸꦠꦮꦶꦒꦚ꧀ꦗꦂꦫꦤ꧀​ꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦏꦲꦶꦁꦏꦁꦥꦲꦸꦏꦸꦩ꧀ꦩꦤ꧀ꦤꦶꦥꦸꦤ꧀ꦲꦮꦿꦠ꧀ꦥꦶꦪꦩ꧀ꦧꦏ꧀꧈
ꦤ꧇	ꦏꦿꦤꦩꦸꦤꦭꦤ꧀ꦏꦿꦤꦄꦭ꧀ꦭꦃ꧈ꦤꦔꦶꦁꦏꦛꦃꦏꦿꦤꦤꦶꦥꦸꦤ꧀ꦩꦤꦸꦱ꧉
ꦕ꧇	ꦏꦿꦤꦩꦤꦸꦱꦭꦤ꧀ꦏꦿꦤꦄꦭ꧀ꦭꦃ꧈ꦱꦠꦶꦩ꧀ꦧꦁ꧉
ꦫ꧇	ꦏꦿꦤꦩꦤꦸꦱꦭꦤ꧀ꦏꦿꦤꦄꦭ꧀ꦭꦃ꧈ꦏꦛꦃꦏꦿꦤꦄꦭ꧀ꦭꦃꦲꦶꦥꦸꦤ꧀꧈

꧋ꦩꦤꦮꦶꦩꦶꦫꦶꦢ꧀ꦱꦏꦶꦁꦱꦫꦤ꧈ꦫꦶꦪꦥꦸꦤꦶꦏꦮꦺꦴꦤ꧀ꦠꦼꦤ꧀ꦤꦼꦩ꧀ꦠꦠꦂꦫꦤ꧀​ꦲꦶꦁꦒꦶꦃꦥꦸꦤꦶꦏ꧇

꧑꧇	ꦩꦤꦮꦶꦲꦶꦁꦏꦁꦢꦢꦺꦴꦱ꧀ꦱꦫꦤꦥꦸꦤꦶꦏꦆꦩ

[ 102 ]

	ꦤ꧀​ꦥꦸꦤꦶꦏꦲꦤ꧀ꦠꦼꦥ꧀ꦥꦶꦪꦩ꧀ꦧꦏ꧀​ꦠꦶꦪꦁꦔꦶꦥꦸꦤ꧀ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇ꦩꦸꦤꦥꦺꦏ꧀꧈
꧒꧇	ꦥꦔꦶꦧꦢꦃꦲꦶꦁꦏꦁꦧꦏꦸ꧉
꧓꧇	ꦤꦩꦸꦁꦥꦿꦏꦮꦶꦱ꧀ꦱꦸꦤꦠ꧀꧈
꧔꧇	ꦫꦫꦁꦏꦺꦤ꧀ꦤꦶꦁꦔꦶꦧꦢꦃꦲꦶꦁꦏꦁꦩꦤꦮꦶꦢꦶꦥꦸꦤ꧀ꦠꦶꦭꦂꦚꦸꦢꦏꦲꦸꦠꦩꦺꦤ꧀​ꦏꦢꦺꦴꦱ꧀ꦠ꧇ꦚꦲꦺꦏ꧀ꦲꦏꦼꦤ꧀ꦱꦭꦠ꧀꧈
꧕꧇	ꦫꦫꦁꦏꦺꦤ꧀ꦤꦶꦁꦔꦶꦧꦢꦃꦲꦶꦁꦏꦁꦧꦺꦴꦠꦼꦤ꧀ꦲꦚꦸꦢꦏꦲꦸꦠꦩꦺꦧ꧀ꦤꦧꦮꦶꦢꦶꦥꦸꦤ꧀ꦠꦶꦭꦂ꧈ꦏꦢꦺꦴꦱ꧀ꦠ꧇ꦩꦚ꧀ꦗꦁꦔꦏꦼꦤ꧀ꦮꦲꦺꦴꦱ꧀ꦱꦤ꧀꧈
꧖꧇	ꦱꦗꦮꦶꦤꦶꦥꦸꦤ꧀ꦔꦶꦧꦢꦃ꧈ꦏꦢꦺꦴꦱ꧀ꦠ꧇ꦔꦺꦚ꧀ꦗꦶꦁꦔꦶꦣꦠꦼꦁꦔꦶꦥꦸꦤ꧀ꦧꦂꦗꦩꦔꦃ꧉

꧋ꦢꦺꦤꦺꦩꦤꦮꦶꦩꦶꦫꦶꦢ꧀ꦏꦩꦺꦭꦶꦏ꧀ꦏꦤ꧀​ꦫꦶꦪꦥꦸꦤꦶꦏꦮꦺꦴꦤ꧀ꦠꦼꦤ꧀ꦠꦶꦒꦁꦠꦠꦂꦫꦤ꧀​ꦲꦶꦁꦒꦶꦃꦥꦸꦤꦶꦏ꧇

ꦲ꧇	ꦧꦫꦁꦲ꦳ꦫꦩ꧀​ꦏꦢꦺꦴꦱ꧀ꦠ꧇ꦏꦿꦤꦧꦣꦺꦔꦥꦸꦱ꧀ꦱꦶꦠꦶꦠꦶꦥ꧀ꦥꦤ꧀​ꦚꦺꦭꦏ꧀ꦏꦶꦲꦸꦠꦮꦶꦤꦼꦭꦱ꧀ꦱꦏꦼꦤ꧀ꦧꦺꦴꦤ꧀ꦝꦄꦩꦤꦠ꧀​ꦗꦶꦤꦭ

[ 103 ]

	ꦱ꧀ꦱꦱꦩꦶꦤꦸꦥꦸꦤ꧀꧈
ꦤ꧇	ꦧꦫꦁꦲꦶꦁꦏꦁꦮꦼꦤꦁ꧈ꦏꦢꦺꦴꦱ꧀ꦠ꧇ꦏꦿꦤꦱꦸꦥꦢꦺꦴꦱ꧀ꦢꦶꦥꦸꦤ꧀ꦥꦿꦕꦪ꧈ꦢꦶꦥꦸꦤ꧀ꦥꦺꦏ꧀ꦩꦤ꧀ꦠꦸ꧈ꦒꦩ꧀ꦥꦶꦭ꧀ꦥꦢꦺꦴꦱ꧀ꦥꦤ꧀ꦢꦩꦼꦭ꧀ꦭꦤ꧀​ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧈
ꦕ꧇	ꦧꦺꦴꦠꦼꦤ꧀ꦩꦺꦭꦶꦏ꧀ꦧꦫꦁꦧꦫꦁ꧈ꦤꦔꦶꦁꦤꦩꦸꦁꦱꦸꦥꦢꦺꦴꦱ꧀ꦧꦺꦴꦠꦼꦤ꧀ꦢꦶꦥꦸꦤ꧀ꦱꦥꦺꦭꦺꦏ꧀ꦲꦏꦼꦤ꧀ꦲꦶꦁꦏꦺꦴꦚ꧀ꦕꦏꦚ꧀ꦕꦤꦶꦥꦸꦤ꧀​ꦲꦸꦠꦮꦶꦢꦶꦥꦸꦤ꧀ꦗꦮꦺꦏ꧀ꦲꦏꦼ ​꧍ꦢꦶꦗꦧꦏ꧀ꦲꦏꦺ꧍ ꦤ꧀ꦱꦏꦶꦁꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀꧈

꧉ꦣꦮꦸꦃꦲꦸꦥꦸꦤ꧀ꦑꦁꦗꦼꦁꦟꦨꦶ꧇ꦔꦩꦭ꧀ꦏꦁꦲꦤꦫꦶꦪꦤꦺ꧈ꦱꦤꦗꦤ꧀ꦩꦸꦁꦱꦲꦶꦧꦼꦂꦫꦶꦁꦧ꧀ꦭꦼꦢꦸꦒ꧀​ꦲꦶꦏꦸꦠꦶꦤꦩ꧀ꦥꦶꦏ꧀ꦲꦶꦁꦦꦔꦺꦫꦤ꧀꧈ ꧋ꦢꦺꦤꦺꦫꦶꦪꦥꦸꦤꦶꦏꦩꦤꦮꦶꦢꦶꦥꦸꦤ꧀ꦱꦫꦶꦁ꧈ꦲꦶꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦏꦁꦲꦒꦭ꧀​ꦫꦢꦶꦊꦩ꧀ꦧꦠ꧀​ꦭꦤ꧀ꦭꦼꦩ꧀ꦧꦠ꧀ꦩꦭꦶꦃ꧉ꦫꦶꦪꦲꦶꦁꦏꦁꦲꦒꦭ꧀ꦥꦸꦤꦶꦏꦲꦶꦁꦏꦁꦔꦤ꧀ꦠꦺꦴꦱ꧀ꦲꦚꦧꦧ꧀ꦧꦏꦼꦤ꧀ꦔꦩꦭ꧀​ꦲꦶꦁꦏꦁꦫꦒꦶꦊꦩ꧀ꦧꦸ [ 104 ]ꦠ꧀ꦥꦸꦤꦶꦏꦤꦩꦸꦁꦚꦧꦧ꧀ꦧꦏꦼꦤ꧀ꦫꦒꦶꦒꦺꦤ꧀ꦝꦁ꧈ꦤꦔꦶꦁꦩꦤꦮꦶꦲꦶꦁꦏꦁ​ꦊꦩ꧀ꦧꦠ꧀ꦥꦶꦪꦩ꧀ꦧꦏ꧀ꦥꦸꦤꦶꦏꦧꦺꦴꦠꦼꦤ꧀ꦲꦚ꧀ꦗꦭꦂꦫꦶꦥꦸꦫꦸꦤ꧀ꦲꦺꦤ꧀ꦝꦺꦁꦣꦠꦼꦁꦔꦩꦭ꧀꧈ꦢꦺꦤꦺꦠꦺꦴꦤ꧀ꦝꦠꦺꦴꦤ꧀ꦝꦲꦶꦁꦏꦁꦢꦢꦺꦴꦱ꧀ꦧꦺꦢꦧꦺꦢꦤꦶꦁꦫꦶꦪꦮꦂꦤꦶꦠꦶꦒ꧈ꦥꦸꦤꦶꦏꦫꦲꦺꦴꦱ꧀ꦱꦶꦁꦩꦤꦃꦩꦤꦮꦶꦮꦺꦴꦤ꧀ꦠꦼꦤ꧀ꦱꦔꦗꦼꦁꦔꦶꦁꦩꦲꦺꦱꦊꦩ꧀ꦧꦸ꧈ꦭꦤ꧀ꦩꦤꦸꦱ꧉

***

꧋ꦧꦶꦔꦃꦲꦶꦁꦩꦤꦃ꧉

꧋ꦧꦶꦔꦃꦲꦶꦁꦩꦤꦃꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦱꦏꦮꦤ꧀​​ꦲꦶꦁꦒꦶꦃꦥꦸꦤꦶꦏ꧇

꧑꧇	ꦏꦫꦤꦄꦭ꧀ꦭꦃꦚꦸꦩꦼꦉꦥ꧀ꦥꦏꦼꦤ꧀ꦔꦩꦭ꧀ꦭꦶꦥꦸꦤ꧀​ꦤꦸꦠꦸꦥ꧀ꦥꦶꦩꦏ꧀ꦱꦶꦪꦠ꧀ꦠꦶꦥꦸꦤ꧀ꦱꦏꦶꦁꦩꦤꦸꦱ꧉
꧒꧇	ꦧꦶꦔꦃꦏꦫꦤꦠꦶꦪꦁꦲꦶꦁꦏꦁꦱꦸꦩꦼꦉꦥ꧀​ꦥꦸꦤꦶꦏꦧꦺꦴꦏ꧀ꦩꦤꦮꦶꦥꦸꦫꦸꦤ꧀ꦲꦩꦤꦸꦠ꧀꧈
꧓꧇	ꦏꦫꦤꦠꦶꦪꦁꦲꦶꦁꦏꦁꦔꦊꦩ꧀​ꦥꦸꦤꦶꦏꦏꦊ

[ 105 ]

	ꦧꦼꦠ꧀ꦠꦶꦪꦁꦲꦶꦁꦏꦁꦉꦩꦼꦤ꧀ꦝꦠꦼꦁꦏꦲꦸꦠꦩꦺꦤ꧀꧈
꧔꧇	ꦏꦫꦤꦔꦩꦭ꧀ꦭꦶꦥꦸꦤ꧀ꦏꦱꦸꦩꦼꦉꦥ꧀ꦥꦤ꧀ꦲꦶꦁꦔꦱꦤꦺꦱ꧀​ꦭꦗꦼꦁꦲꦩ꧀ꦧꦣꦼꦣꦼꦒ꧀ꦩꦤꦃꦲꦶꦥꦸꦤ꧀꧈

꧉ꦣꦮꦸꦃꦲꦶꦥꦸꦤ꧀ꦔꦸꦭꦩꦶ꧇ꦒꦺꦴꦭꦺꦏ꧀ꦲꦊꦩ꧀ꦲꦶꦏꦸꦥꦸꦁꦏꦱ꧀ꦱꦤ꧀ꦏꦁꦲꦺꦴꦫꦲꦤꦠꦸꦠꦸꦒ꧀ꦒꦺ꧉

***

꧋ꦗꦩ꧀ꦥꦶꦤꦶꦥꦸꦤ꧀ꦫꦶꦪ꧉

꧋ꦩꦼꦁꦒꦃꦲꦶꦁꦏꦢꦢꦺꦴꦱ꧀ꦲꦸꦱꦢꦤꦶꦥꦸꦤ꧀ꦫꦶꦪ ꧍ꦥꦥꦩꦺꦂ꧍ ꦥꦸꦤꦶꦏꦩꦏꦠꦼꦤ꧀꧇

꧑꧇	ꦲꦺꦩꦸꦠ꧀ꦝꦠꦼꦁꦥꦔꦚ꧀ꦕꦩ꧀ꦩꦶꦁꦑꦸꦂꦄꦤ꧀ꦭꦤ꧀ꦲ꦳ꦢꦶꦱ꧀꧈
꧒꧇	ꦔꦺꦩꦸꦠ꧀ꦠꦶꦩꦤꦮꦶꦢꦺꦴꦚꦥꦸꦤꦶꦏꦫꦺꦩꦺꦃꦱꦔꦼꦠ꧀ꦩꦤꦮꦶꦏꦠꦤ꧀ꦝꦶꦁꦏꦭꦶꦪꦤ꧀​ꦄꦏꦶꦂꦫꦠ꧀꧈
꧓꧇	ꦲꦺꦩꦸꦠ꧀ꦩꦤꦮꦶꦩꦤꦸꦱꦥꦸꦤꦶꦏꦧꦺꦢꦧꦺꦢꦏꦱꦼꦤꦼꦁꦔꦤ꧀ꦤꦶꦥꦸꦤ꧀​ꦠꦸꦂꦧꦺꦴꦠꦼꦤ꧀ꦱꦒꦼꦢ꧀ꦠꦸꦠꦸꦭꦸꦁ꧉

꧋ꦮꦺꦴꦤ꧀ꦢꦺꦤꦺꦣꦠꦼꦁꦔꦶꦥꦸꦤ꧀ꦫꦶꦪꦱꦏꦶꦁꦱꦠꦼꦔꦃꦲꦶꦁ [ 106 ]ꦔꦶꦧꦢꦃꦥꦸꦤꦶꦏꦠꦩ꧀ꦠꦸꦲꦸꦫꦸꦠ꧀꧇

ꦲ꧇	ꦫꦸꦩꦲꦺꦴꦱ꧀ꦲꦸꦠꦮꦶꦱꦸꦩꦼꦉꦥ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦱꦸꦩꦼꦉꦥ꧀꧈
ꦤ꧇	ꦏꦠꦫꦶꦏ꧀ꦏꦶꦁꦩꦤꦃꦣꦠꦼꦁꦥꦔꦊꦩ꧀ꦠꦸꦮꦶꦤ꧀ꦗꦃ꧉
ꦕ꧇	ꦠꦸꦩꦤ꧀ꦢꦁꦲꦶꦁꦏꦁꦱꦫꦤꦫꦶꦪ꧈ꦥꦸꦤꦶꦏꦩꦤꦮꦶꦱꦮꦼꦒ꧀ꦢꦸꦩꦸꦒꦶꦠꦠꦂꦫꦤ꧀ꦲꦶꦁꦏꦁꦱꦥꦶꦱꦤ꧀​ꦏꦼꦢꦃꦭꦗꦼꦁꦢꦶꦥꦸꦤ꧀ꦥꦼꦛꦸꦏ꧀ꦏꦏꦼꦤ꧀ꦲꦺꦔꦼꦠ꧀꧇ꦧꦶꦭꦶꦃꦩꦤꦸꦱꦥꦸꦤꦶꦏꦱꦤꦺꦱ꧀ꦲꦶꦁꦏꦁꦢꦶꦥꦸꦤ꧀ꦱꦼꦩ꧀ꦧꦃ꧉

꧋ꦲꦮꦶꦠ꧀ꦱꦏꦶꦁꦥꦸꦤꦶꦏꦩꦶꦭꦤꦶꦤ꧀ꦢꦏ꧀ꦏꦏꦼꦤ꧀ꦔꦩꦭ꧀ꦥꦸꦤꦶꦏꦱꦩ꧀ꦥꦸꦤ꧀ꦏꦿꦤꦥꦢꦺꦴꦱ꧀ꦲꦊꦩ꧀ꦭꦤ꧀ꦲꦚꦶꦁꦏꦶꦂꦫꦶꦥꦤꦕꦢ꧀꧈ꦩꦼꦁꦒꦃꦥꦶꦥꦿꦶꦚ꧀ꦕꦺꦤ꧀ꦤꦶꦥꦸꦤ꧀ꦥꦤꦕꦢ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦠꦶꦒ꧈ꦲꦶꦁꦒꦶꦃꦥꦸꦤꦶꦏ꧇

꧑	ꦏꦿꦤꦔꦺꦩꦸꦠ꧀ꦠꦏꦼꦤ꧀​ꦱꦸꦥꦢꦺꦴꦱ꧀ꦭꦗꦼꦁꦚꦲꦺꦏ꧀ꦲꦏꦼꦤ꧀ꦭꦩ꧀ꦥꦃꦲꦶꦥꦸꦤ꧀꧈ꦥꦤꦕꦢ꧀ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦏꦼꦢꦃꦢꦶꦥꦸꦤ꧀ꦠꦩ꧀ꦥꦶꦏꦭꦶꦪꦤ꧀ꦧꦶꦔꦃꦲꦶꦁꦩꦤꦃ꧉

[ 107 ]

꧒꧇	ꦥꦤꦕꦢ꧀ꦲꦶꦁꦏꦁꦕꦺꦴꦕꦺꦴꦒ꧀ꦏꦭꦶꦪꦤ꧀ꦚꦠꦤꦶꦥꦸꦤ꧀​ꦤꦔꦶꦁꦤꦩꦸꦁꦏꦿꦤꦚꦼꦔꦺꦱ꧀ꦲꦸꦠꦮꦶꦩꦼꦭꦺꦃꦲꦏꦼꦤ꧀​ꦥꦸꦤꦶꦏꦱꦩ꧀ꦥꦸꦤ꧀ꦢꦶꦥꦸꦤ꧀ꦠꦩ꧀ꦥꦶꦏꦭꦶꦪꦤ꧀ꦤꦥ꧀ꦱꦸ꧈ꦲꦩꦂꦒꦶꦥꦤꦕꦢ꧀ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦢꦢꦺꦴꦱ꧀ꦥꦶꦠꦼꦢꦃ꧉
꧓꧇	ꦢꦺꦤꦺꦩꦤꦮꦶꦮꦺꦴꦤ꧀ꦠꦼꦤ꧀ꦥꦤꦕꦢ꧀ꦲꦶꦁꦏꦁꦧꦺꦴꦠꦼꦤ꧀ꦚꦠ꧈ꦥꦸꦤꦶꦏꦏꦼꦢꦃꦱꦺꦴꦏꦸꦂꦣꦠꦼꦁꦓꦸꦱ꧀ꦡꦶꦄꦭ꧀ꦭꦃ꧉ꦢꦺꦤꦺꦧꦢꦤ꧀ꦤꦶꦥꦸꦤ꧀ꦏꦭꦶꦱ꧀ꦱꦏꦶꦁꦕꦕꦢ꧀ꦢꦤ꧀ꦥꦸꦤꦶꦏ꧉

***

꧋ꦔ꧀ꦭꦲꦶꦂꦫꦏꦼꦤ꧀ꦔꦩꦭ꧀꧈

꧋ꦔꦩꦭ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦏꦭꦶꦃ꧈ꦲꦶꦁꦒꦶꦃꦥꦸꦤꦶꦏ꧇

ꦲ꧇	ꦏꦺꦔꦶꦁꦧꦺꦴꦠꦼꦤ꧀ꦔꦺꦣꦺꦁ꧉
ꦤ꧇	ꦏꦼꦢꦃꦔꦺꦣꦺꦁ꧉

꧉ꦚꦩꦭ꧀ꦲꦶꦁꦏꦁꦏꦺꦔꦶꦁꦏꦱꦶꦩ꧀ꦥꦼꦤ꧀ꦲꦸꦠꦮꦶ [ 108 ]

ꦧꦺꦴꦠꦼꦤ꧀ꦏꦲꦺꦝꦺꦁꦔꦤ꧀ꦏꦼꦤ꧀ꦥꦸꦤꦶꦏꦏꦢꦺꦴꦱ꧀ꦠ꧇​ꦱꦭꦠ꧀​ꦗ꦳ꦏꦠ꧀ꦭꦤ꧀ꦱꦱꦩꦶꦤꦶꦥꦸꦤ꧀꧈​ꦢꦺꦤꦺꦄꦩꦂꦩꦏ꧀ꦫꦸꦥ꦳꧀ꦭꦤ꧀ꦤꦲꦶꦩꦸꦁꦏꦂ꧈ꦗꦸꦩꦸꦔꦃꦲꦤ꧀​ꦭꦤ꧀ꦱꦥꦤꦸꦁꦒꦭ꧀ꦭꦶꦤ꧀ꦤꦶꦥꦸꦤ꧀ꦥꦸꦤꦶꦏꦏꦾꦗ꦳ꦃꦲꦔꦺꦝꦺꦁ꧈​ꦗꦭꦂꦫꦤ꧀ꦠꦸꦩꦶꦤ꧀ꦢꦏ꧀ꦏꦶꦥꦸꦤ꧀ꦥꦚ꧀ꦕꦺꦤ꧀ꦏꦼꦢꦃꦩꦏꦠꦼꦤ꧀​ꦢꦢꦺꦴꦱ꧀ꦲꦶꦁꦒꦶꦃꦏꦼꦢꦃꦏꦱꦸꦩꦼꦉꦥ꧀ꦥꦤ꧀ꦲꦶꦁꦠꦶꦪꦁꦏꦛꦃ꧉​ꦤꦩꦸꦁꦏꦺꦩꦮꦺꦴꦤ꧀ꦠꦸꦩꦶꦤ꧀ꦢꦏ꧀ꦏꦶꦥꦸꦤ꧀ꦏꦼꦢꦃꦔꦠꦺꦴꦱ꧀ꦲꦠꦺꦴꦱ꧀ ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦮꦺꦴꦤ꧀ꦠꦼꦤ꧀ꦫꦶꦪꦤꦶꦥꦸꦤ꧀꧈ ꧋ꦔꦩꦭ꧀ꦲꦶꦁ​ꦏꦁꦏꦱꦶꦩ꧀ꦥꦼꦤ꧀ꦥꦸꦤꦶꦏꦱꦲꦺꦱ꧀ꦠꦸꦤꦶꦥꦸꦤ꧀ꦭꦁꦏꦸꦁꦏꦉꦏ꧀ꦱꦠꦶꦤꦶꦩ꧀ꦧꦔꦶꦁꦏꦁꦔꦺꦝꦺꦁ꧈​ꦗꦭꦂꦫꦤ꧀ꦔꦩꦭ꧀ꦲꦶꦁ​ꦏꦁꦏꦱꦶꦩ꧀ꦥꦼꦤ꧀ꦥꦸꦤꦶꦏꦧꦺꦴꦠꦼꦤ꧀ꦲꦤꦸꦮꦸꦃꦲꦏꦼꦤꦿꦶꦪ꧉​ꦤꦔꦶꦁꦔꦩꦭ꧀ꦲꦶꦁ​ꦏꦁꦔꦺꦝꦺꦁꦥꦸꦤꦶꦏꦻꦁꦒ꧀ꦒꦶꦃꦲꦒꦼꦁꦥꦲꦺꦢꦃꦲꦶꦥꦸꦤ꧀​ꦲꦶꦁꦒꦶꦃꦥꦸꦤꦶꦏꦩꦤꦮꦶꦏꦁꦒꦺꦠꦸꦠꦸꦭꦢ꧀ꦢꦤ꧀꧈​ꦝꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶꦩꦸꦲ꦳ꦩ꧀ꦩꦢ꧀꧇ꦱꦶꦁꦱꦥꦮꦺꦴꦁꦔꦺꦒꦮꦺꦠꦸꦠꦸꦫꦸꦠ꧀ꦠꦤ꧀ꦏꦁꦧꦼꦕꦶꦏ꧀​ꦩꦺꦴꦁꦏꦧꦚ꧀ꦗꦸꦂꦢꦶꦠꦸ

[ 109 ]ꦫꦸꦠ꧀ꦲꦶꦏꦸꦧꦏꦭ꧀ꦲꦏꦺꦃꦒꦚ꧀ꦗꦂꦫꦤ꧀ꦤꦺ꧉ꦢꦺꦤꦺꦔꦩꦭꦲꦶꦁ​ꦏꦔ꧀ꦭꦁꦏꦸꦁꦲꦩ꧀ꦧꦧꦪꦤ꧀ꦤꦶꦥꦸꦤꦶꦏ꧈ꦔꦠꦶꦔꦭ꧀ꦭꦏꦼꦤ꧀ꦔꦩꦤ꧀ꦭ꧀ꦭꦶꦥꦸꦤ꧀ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦫꦩ꧀ꦥꦸꦁꦱꦫꦤꦮꦶꦕ꧀ꦠꦤꦼꦤ꧀​ꦗꦭꦂꦫꦤ꧀ꦩꦏꦠꦼꦤ꧀ꦥꦸꦤꦶꦏꦱꦒꦼꦢ꧀ꦩꦸ​ꦮꦸꦃꦲꦏꦼꦤ꧀ꦩꦤꦃꦫꦶꦪ꧉ꦏꦺꦴꦱꦺꦴꦔ꧀ꦮꦁꦱꦸꦭ꧀ꦭꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦱꦮꦼꦤꦺꦃꦲꦶꦁꦠꦶꦪꦔꦶꦁ​ꦏꦁꦧꦺꦴꦠꦼꦤ꧀ꦥꦸꦫꦸꦤ꧀ꦔꦩꦭ꧀ꦏꦱꦲꦺꦤ꧀ꦲꦶꦁꦏꦁꦗꦭꦂꦫꦤ꧀ꦏꦸꦮꦠꦺꦴꦱ꧀ꦩꦶꦝꦏ꧀ꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦫꦶꦪ꧈​ꦲꦸꦠꦮꦶꦏꦢꦸꦤꦸꦁꦔꦤ꧀ꦫꦶꦪ꧈ꦭꦃꦠꦶꦪꦔꦶꦁ​ꦏꦁꦩꦏꦠꦼꦤ꧀​ꦥꦸꦤꦶꦏꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦱꦺꦴꦏ꧀ꦩꦭꦃꦏꦢꦸꦒꦶꦚꦺꦢꦣꦠꦼꦁꦠꦶꦪꦔꦶꦁ​ꦏꦁꦱꦩꦶꦔꦩꦭ꧀ꦱꦲꦺ꧈ꦲꦸꦥꦩꦶꦤꦶꦥꦸꦤ꧀ꦩꦱ꧀ꦠꦤ꧀ꦤꦶꦫꦶꦪꦝꦠꦺꦁꦠꦶꦠꦶꦪꦔꦶꦁ​ꦏꦁꦤꦶꦤ꧀ꦢꦏ꧀ꦏꦏꦼꦤꦶꦔꦩꦂꦩꦏ꧀ꦫꦸꦀꦥ꧀꧈​ꦲꦼꦩ꧀​ꦱꦩꦤ꧀ꦠꦼꦚ꧀ꦗꦸꦭꦶꦒ꧀ꦒꦶꦁꦥꦁꦒꦺꦴꦝꦤꦶꦥꦸꦤ꧀ꦱꦠꦤ꧀ꦝꦠꦼꦁꦩꦤꦸꦱꦩꦸꦫꦶꦃꦏꦢꦸꦤꦸꦁꦔꦤ꧀ꦲꦩ꧀ꦧꦼꦏ꧀ꦩꦸꦤꦥ꧀ꦏꦺꦤ꧀꧈​ꦲꦮꦶꦠ꧀ꦱꦏꦶꦁꦥꦸꦤꦶꦏꦏꦶꦠꦏꦼꦢꦃꦲꦺꦔꦼꦠ꧀​ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏꦢꦺꦴꦱ꧀ꦲꦁꦒꦤꦶꦁꦠꦶꦪꦁꦩꦸꦤꦥꦺꦏꦺ​ꦭꦶꦂ​ꦫꦶꦥꦸꦤ꧀ꦩꦤꦮꦶ [ 110 ]ꦮꦺꦴꦤ꧀ꦠꦼꦤ꧀ꦱꦝꦺꦫꦺꦏ꧀​ꦆꦱ꧀ꦭꦩ꧀ꦲꦶꦁꦏꦁꦔꦩꦭ꧀ꦱꦲꦺ꧈​ꦏꦶꦠꦮꦱ꧀ꦠꦤ꧀ꦤꦶꦫꦶꦪ꧈​ꦤꦔꦶꦁꦏꦶꦠꦥꦶꦪꦩ꧀ꦧꦏ꧀ꦧꦺꦴꦠꦼꦤ꧀ꦥꦸꦫꦸꦤ꧀ꦠꦸꦩꦶꦤ꧀ꦢꦏ꧀ꦔꦩꦭ꧀ꦱꦲꦺ꧈​ꦮꦁꦱꦸꦭ꧀ꦏꦶꦠꦲꦩꦔꦼꦂꦠꦺꦴꦱ꧀ꦱꦧꦶꦭꦶꦃꦥꦏꦂꦠꦷꦁꦏꦁꦩꦏꦠꦼꦤ꧀ꦥꦸꦤꦶꦏꦱꦗꦠꦺꦴꦱ꧀ꦱꦶꦥꦸꦤ꧀ꦲꦶꦁꦏꦁꦢꦢꦺꦴꦱ꧀ꦏꦉꦩꦼꦤꦤ꧀ꦤꦶꦤ꧀ꦤꦶꦥꦸꦤ꧀ꦱꦺꦠꦤ꧀​ꦭꦶꦂꦫꦶꦥꦸꦤ꧀ꦱꦺꦠꦤ꧀ꦥꦸꦤꦶꦏꦠꦤ꧀ꦱꦃꦲꦔꦗꦼꦁ​ꦲꦗꦼꦁꦱꦸꦥꦢꦺꦴꦱ꧀ꦩꦤꦸꦁꦱꦠꦼꦧꦶꦃꦱꦏꦶꦁꦱꦲꦺꦤꦤ꧀꧈​ꦩꦶꦭꦩꦸꦫꦶꦃꦏꦶꦠꦠꦼꦧꦶꦃꦱꦏꦶꦁꦱꦶꦥꦠ꧀ꦲꦶꦁꦏꦁꦩꦏꦠꦼꦤ꧀​ꦲꦶꦁꦒꦶꦃꦏꦼꦢꦃꦠꦸꦩꦤ꧀ꦢꦁꦲꦶꦁꦔꦩꦭ꧀​ꦱꦫꦤꦩꦼꦫꦁꦔꦶꦲꦶꦕꦭ꧀ꦭꦶꦁ​ꦫꦶꦪꦮꦲꦸ꧉​ꦢꦢꦺꦴꦱ꧀ꦕꦼꦏꦏ꧀ꦏꦶꦥꦸꦤ꧀ꦏꦶꦠꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦧꦺꦴ​ꦠꦼꦤ꧀ꦔꦩꦭ꧀ꦢꦺꦤꦶꦁꦲꦗꦿꦶꦃꦏꦢꦸꦤꦸꦁꦔꦤ꧀ꦫꦶꦪ꧉ ꧋ꦮꦺꦴꦤ꧀ꦢꦺꦤꦺꦔꦩꦭ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦂꦤꦶꦏꦭꦶꦃ꧈​ꦲꦶꦁꦒꦶꦃ​ꦥꦸꦤꦶꦏꦔꦩꦭ꧀ꦲꦶꦁꦏꦁꦥꦲꦶꦠ꧀ꦏꦭꦶꦪꦤ꧀ꦲꦶꦁꦏꦁ​ꦊꦒꦶ꧉​ꦔꦩꦭ꧀ꦲꦶꦁꦏꦁꦥꦲꦶꦠ꧀ꦥꦸꦤꦶꦏꦕꦫꦤꦶꦥꦸꦤ꧀ꦭꦫꦺꦩꦸꦫꦶꦃꦏꦊꦧꦼꦠ꧀​ꦲꦶꦁꦒꦶꦃꦏꦼꦢꦃꦢꦶꦥꦸꦤ꧀ꦲꦺꦴꦤ꧀ꦛꦺꦭ꧀꧈​ꦢꦺꦤꦺꦮꦸꦗꦸꦢ꧀ꦢꦶꦥꦸꦤ꧀ꦏꦢꦺꦴꦱ꧀ꦠ꧇ [ 111 ]ꦲꦮꦏ꧀ꦏꦶꦥꦸꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀ꦥꦶꦤꦼꦏ꧀ꦱꦢꦶꦥꦸꦤ꧀ꦲꦗꦏ꧀ꦠꦸꦩꦶꦤ꧀ꦢꦏ꧀ꦔꦶꦧꦢꦃꦱꦭꦠ꧀​ꦗ꦳ꦏꦠ꧀​ꦱꦶꦪꦩ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦱꦤꦗꦤ꧀ꦮꦸꦗꦸꦢ꧀ꦢꦶꦥꦸꦤ꧀ꦔꦶꦧꦢꦃꦔꦶꦧꦢꦃꦮꦲꦸꦥꦲꦶꦠ꧀ꦲꦸꦠꦮꦶꦲꦮꦿꦠ꧀ꦱꦔꦼꦠ꧀ꦠꦸꦩꦿꦥ꧀ꦥꦶꦥꦸꦤ꧀ꦤꦥ꧀ꦱꦸ꧈ꦤꦔꦶꦁꦲꦶꦁꦒꦶꦃꦏꦼꦢꦃꦢꦶꦥꦸꦤ꧀ꦗꦶꦪꦠ꧀​ꦲꦮꦶꦠ꧀ꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦔꦶꦧꦢꦃꦱꦭꦠ꧀​ꦗ꦳ꦏꦠ꧀​ꦱꦶꦪꦩ꧀ꦠꦸꦮꦶꦤ꧀ꦱꦱꦩꦶꦤꦶꦥꦸꦤ꧀ꦮꦲꦸ꧈ ꦥꦸꦤꦶꦏꦥꦶꦤꦸꦗꦶꦱꦔꦼꦠ꧀ꦠꦸꦩꦿꦥ꧀ꦥꦶꦥꦸꦤ꧀ꦔꦏꦭ꧀ꦲꦶꦁꦏꦁꦮꦼꦤꦶꦁ꧈ꦱꦂꦠꦲꦶꦁꦒꦶꦃꦲꦸꦒꦶꦊꦒꦶꦲꦸꦠꦮꦶꦭꦢ꦳ꦠ꧀ꦱꦔꦼꦠ꧀ꦩꦤꦮꦶꦱꦩ꧀ꦥꦸꦤ꧀ꦩꦤꦸꦃꦢꦢꦺꦴꦱ꧀ꦥꦏꦸꦭꦶꦤꦤ꧀꧈ꦲꦺꦮꦢꦺꦤꦺꦔꦩꦭ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦸꦭꦲꦠꦸꦂꦫꦏꦼꦤ꧀ꦥꦸꦤꦶꦏꦱꦒꦼꦢ꧀ꦢꦢꦺꦴꦱ꧀ꦭꦼꦒꦶꦠꦸꦩꦿꦥ꧀ꦥꦶꦥꦸꦤ꧀ꦤꦥ꧀ꦱꦸ꧈ꦩꦤꦮꦶꦠꦸꦩꦶꦤ꧀ꦢꦏ꧀ꦏꦶꦥꦸꦤ꧀ꦔꦩꦭ꧀ꦮꦲꦸꦮꦺꦴꦤ꧀ꦠꦼꦤ꧀ꦫꦶꦪꦤꦶꦥꦸꦤ꧀​ꦲꦸꦥꦩꦶꦱꦼꦩ꧀ꦧꦃꦲꦾꦁꦱꦱꦉꦁꦔꦤ꧀ꦏꦭꦶꦪꦤ꧀ꦠꦶꦪꦁꦏꦛꦃꦭꦤ꧀ꦲꦱꦭ꧀ꦥꦔꦊꦩ꧀ꦩꦶꦁꦱꦤꦺꦱ꧀​ꦱꦱꦩꦶꦤꦶꦥꦸꦤ꧀꧈ꦩꦶꦭꦔꦩꦭ꧀ꦲꦶꦁꦏꦁꦩꦏꦠꦼꦤ꧀ꦥꦿꦪꦺꦴꦒꦶꦱꦶꦤꦶꦁꦏꦶꦂꦫꦤ꧀​ꦲꦮꦶꦠ꧀ꦥꦸꦤꦶꦏꦔꦩꦭ꧀ꦲꦶꦁ [ 112 ]ꦏꦁꦠꦶꦤꦸꦭꦏ꧀ꦲꦶꦁꦦꦔꦺꦫꦤ꧀꧈ꦢꦢꦺꦴꦱ꧀ꦩꦤꦮꦶꦏꦶꦠꦔꦶꦧꦢꦃ꧈ꦩꦸꦫꦶꦃꦧꦺꦴꦠꦼꦤ꧀ꦏꦢꦸꦤꦸꦁꦔꦤ꧀ꦫꦶꦪꦣꦠꦼꦁꦱꦱꦩꦶꦤꦶꦁꦩꦤꦸꦱ꧈ꦥꦸꦤꦶꦏꦒꦣꦃꦲꦥꦔꦁꦒꦼꦥ꧀​ꦧꦶꦭꦶꦃꦱꦗꦠꦺꦴꦱ꧀ꦱꦶꦥꦸꦤ꧀ꦔꦶꦧꦢꦃꦲꦶꦁꦏꦁꦮꦺꦴꦤ꧀ꦠꦼꦤ꧀ꦱꦔꦗꦼꦁꦔꦶꦥꦸꦤ꧀ꦩꦤꦸꦱ꧈ꦥꦸꦤꦶꦏꦱꦩꦶꦏꦺꦩꦮꦺꦴꦤ꧀ꦏꦭꦶꦪꦤ꧀ꦩꦤꦮꦶꦔꦶꦧꦢꦃꦮꦺꦴꦤ꧀ꦠꦼꦤ꧀ꦲꦶꦁꦱꦔꦗꦼꦁꦔꦶꦁꦩꦲꦺꦱꦲꦸꦠꦮꦶꦊꦩ꧀ꦧꦸ꧉ꦢꦺꦤꦺꦣꦠꦼꦁꦔꦶꦥꦸꦤ꧀ꦫꦶꦪꦲꦶꦁꦏꦁꦲꦱꦿꦶꦁꦲꦔꦿꦶꦱꦏ꧀ꦏꦏꦼꦤ꧀ꦔꦩꦭ꧀​ꦥꦸꦤꦶꦏꦮꦺꦴꦤ꧀ꦠꦼꦤ꧀ꦠꦶꦒꦁꦥꦿꦏꦮꦶꦱ꧀​ꦲꦶꦁꦒꦶꦃꦥꦸꦤꦶꦏ꧇

꧑꧇	ꦣꦠꦼꦁꦔꦶꦥꦸꦤ꧀ꦏꦮꦶꦠ꧀ꦠꦤ꧀꧈
꧒꧇	ꦱꦉꦁꦏꦭꦶꦪꦤ꧀ꦠꦸꦩꦶꦤ꧀ꦢꦏ꧀ꦏꦶꦥꦸꦤ꧀꧈
꧓꧇	ꦠꦼꦔꦃꦠꦼꦔꦃꦲꦶꦁꦠꦸꦩꦶꦤ꧀ꦢꦏ꧀꧈

꧉ꦒꦺꦴꦭꦺꦴꦁꦔꦤ꧀ꦲꦶꦁꦏꦁ꧇꧑꧇ꦥꦸꦤꦶꦏꦲꦸꦥꦩꦶꦤꦶꦥꦸꦤ꧀ꦩꦏꦠꦼꦤ꧀꧇ꦮꦺꦴꦤ꧀ꦠꦼꦤ꧀ꦲꦶꦁꦒꦿꦶꦪꦧꦺꦴꦠꦼꦤ꧀ꦤꦠꦺꦱꦭꦠ꧀​ꦤꦔꦶꦁꦱꦉꦁꦣꦠꦼꦁꦥꦏꦼꦩ꧀ꦥꦭ꧀ꦭꦤ꧀ꦩꦸꦲ꦳ꦩ꧀ꦩꦢꦶꦪꦃꦚꦉꦁꦔꦶꦏꦭꦶꦪꦤ꧀ꦠꦶꦪꦁꦱꦭꦠ꧀ꦲꦶꦁꦏꦁꦧꦂꦗꦩꦔꦃꦩꦭꦗꦼꦁꦛꦸꦏꦸꦭ꧀ꦏꦽꦤ꧀ꦠꦼꦒ꧀ꦒꦶꦁꦩꦤꦃ꧇ꦄꦃꦠꦏ꧀ [ 113 ]ꦄꦢ꦳ꦤ꧀​ꦄꦃꦠꦏ꧀​. . . . ꦭꦃꦩꦏꦠꦼꦤ꧀ꦥꦸꦤꦶꦏꦫꦶꦪꦲꦶꦁꦏꦁꦝꦠꦼꦁꦔꦶꦥꦸꦤ꧀ꦱꦏꦶꦁꦏꦮꦶꦠ꧀ꦠꦤ꧀꧈​꧉ꦒꦺꦴꦭꦺꦴꦔꦤ꧀꧇​꧒꧇ꦲꦶꦁꦏꦁꦝꦠꦼꦁꦔꦶꦥꦸꦤ꧀ꦲꦚꦉꦁꦔꦶꦏꦭꦶꦪꦤ꧀ꦠꦸꦩꦶꦤ꧀ꦢꦏ꧀ꦏꦶꦥꦸꦤ꧀​ꦥꦸꦤꦶꦏꦲꦸꦥꦩꦶꦤꦶꦥꦸꦤ꧀ꦩꦏꦠꦼꦤ꧀꧇​ꦱꦮꦼꦒ꧀ꦠꦸꦩꦤ꧀ꦢꦁꦯꦭꦠ꧀ ​꧍ꦄꦭ꧀ꦭ꦳ꦃ​—ꦲꦸꦄꦏ꧀ꦧꦂ꧍ ꦱꦮꦶꦁꦏꦶꦁꦔꦶꦥꦸꦤ꧀ꦭꦗꦼꦁꦮꦺꦴꦤ꧀ꦠꦼꦤ꧀ꦒꦭꦶꦧꦼꦢ꧀ꦢꦶꦁꦠꦶꦪꦁ꧉ ꦱꦔ꧀ꦤꦧꦼꦒ꧀ꦠꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦒꦭꦶꦧꦼꦧꦼꦢ꧀​ꦭꦗꦼꦔ꧀ꦮꦺꦴꦤ꧀ꦠꦼꦤ꧀ꦏꦉꦤ꧀ꦤꦼꦒ꧀ꦧꦝꦺꦔꦸꦱꦸꦏ꧀ꦏꦏꦼꦤ꧀ꦱꦭꦠ꧀ꦠꦶꦥꦶꦤ꧀​ꦭꦃꦏꦿꦤ꧀ꦠꦼꦒ꧀ꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦏꦻꦁꦒꦶꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦫꦶꦪ꧉​ꦩꦤꦮꦶꦏꦶꦠꦥꦤꦸꦗꦸꦔꦶꦧꦢꦃꦯꦭꦛꦶꦁꦏꦁꦩꦏꦠꦼꦤ꧀​ꦥꦸꦤꦶꦏꦯꦭꦠ꧀ꦏꦶꦠꦱꦩ꧀ꦥꦸꦤ꧀ꦏꦗꦼꦁꦏꦶꦠꦧꦣꦂꦫꦤ꧀ꦏꦼꦤ꧀​​ꦲꦤꦤꦶꦁꦏꦼꦢꦃꦏꦭꦗꦼꦁꦔꦏꦼꦤ꧀​ꦱꦂꦠꦠꦼꦫꦸꦱ꧀ꦏꦏꦸꦱꦸꦏ꧀ꦏꦤ꧀ꦏꦼꦤ꧀​ꦤꦩꦸꦁꦏꦺꦩꦮꦺꦴꦤ꧀ꦭꦗꦼꦁꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦩꦤꦃꦥꦸꦤꦥꦥꦸꦤꦥꦏꦗꦮꦶꦤꦩꦸꦁꦣꦠꦼꦁꦦꦔꦺꦫꦤ꧀ꦥꦶꦪꦩ꧀ꦧꦏ꧀​ꦢꦢꦺꦴꦱ꧀ꦱꦊꦧꦼꦠ꧀ꦠꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁ꧈​ꦩꦤꦃꦏꦶꦠꦻꦁꦒꦶꦃꦏꦼꦢꦃꦠꦼꦫꦸ [ 114 ]ꦱ꧀ꦏꦶꦠꦉꦱꦶꦏ꧀ꦏꦏꦼꦤ꧀ꦲꦺꦔꦼꦠ꧀ꦠꦧꦶꦭꦶꦃꦱꦠꦤ꧀ꦥꦸꦤꦶꦏꦏꦉꦤꦤ꧀ꦤꦶꦥꦸꦤ꧀ꦤꦩꦸꦁꦱꦼꦢꦾꦩꦭꦺꦚ꧀ꦗꦺꦁꦔꦏꦼꦤ꧀ꦲꦸꦠꦮꦶꦤꦱꦂꦫꦏꦼꦤ꧀ꦲꦶꦁꦱꦼꦢꦾꦏꦶꦠ꧉ ꧉ꦒꦺꦴꦭꦺꦴꦁꦔꦤ꧀ꦲꦶꦁꦏꦁꦏꦥꦸꦁ꧇​꧓ꦥꦸꦤꦶꦏꦲꦸꦥꦩꦶꦤꦶꦥꦸꦤ꧀ꦧꦺꦴꦠꦼꦤ꧀ꦥꦿꦧꦺꦢꦏꦭꦶꦪꦤ꧀ꦲꦶꦁꦏꦁ​ꦎꦁꦏ꧇​꧒꧇ꦲꦺꦮꦢꦺꦤꦺꦲꦶꦁꦒꦶꦃꦮꦺꦴꦤ꧀ꦠꦼ ꦤ꧀ꦒꦒꦩ꧀ꦧꦂꦫꦤ꧀ꦤꦶꦥꦸꦤ꧀ꦩꦭꦶꦃꦲꦶꦁꦏꦁꦕꦼꦏꦏ꧀ꦩꦏꦠꦼꦤ꧀꧇ꦩꦤꦮꦶꦠꦸꦮꦸꦃꦲꦶꦥꦸꦤ꧀ꦱꦢꦺꦫꦺꦁꦔꦶꦥꦸꦤ꧀ꦠꦸꦩꦶꦤ꧀ꦢꦏ꧀​​ꦲꦸꦥꦩꦶꦤꦶꦥꦸꦤ꧀ꦧꦝꦺꦗꦸꦩꦸꦔꦃꦲꦤ꧀​ꦱꦝꦠꦼꦁꦔꦶꦥꦸꦤ꧀ꦲꦶꦁꦩꦱ꧀ꦗꦶꦢ꧀​ꦱꦊꦧꦼꦠ꧀ꦠꦶꦥꦸꦤ꧀ꦧꦝꦺꦱꦭꦠ꧀ꦠꦲꦶꦪꦠꦭ꧀ꦩꦱ꧀ꦗꦶꦢ꧀​ꦥꦸꦤꦶꦏꦩꦤꦮꦷꦁꦢꦊꦩ꧀ꦩꦤꦃꦏꦠꦸꦮꦸꦃꦲꦤ꧀ꦫꦶꦪ꧈꧈ꦭꦗꦼꦁꦏꦼꦢꦃꦏꦱꦫꦺꦃꦲꦏꦼꦤ꧀ꦧꦺꦴꦠꦼꦤ꧀ꦠꦸꦩꦤ꧀ꦢꦁꦱꦭꦠ꧀ꦠꦲꦶꦪꦠꦭ꧀ꦩꦱ꧀ꦗꦶꦢ꧀ꦫꦸꦩꦶꦪꦶꦤ꧀​ ꦢꦺꦤꦺꦩꦤꦮꦶꦱꦩ꧀ꦥꦸꦤ꧀ꦱꦸꦕꦶꦭꦗꦼꦔ꧀ꦮꦶꦮꦶꦠ꧀ꦠꦸꦩꦤ꧀ꦢꦁꦔ꧉​ꦮꦺꦴꦤ꧀ꦢꦺꦤꦺꦩꦤꦮꦶꦝꦠꦼꦁꦔꦶꦥꦸꦤ꧀ꦫꦶꦪꦥꦸꦤꦶꦏꦱꦩ꧀ꦥꦸꦤ꧀ꦠꦸꦩꦤ꧀ꦢꦁꦲꦸꦠꦮꦶꦤꦼꦔꦲꦶꦠꦸꦩꦤ꧀ꦢꦁ꧈​ꦥꦸꦤꦶꦏꦥꦤꦸꦭꦏ꧀ꦏꦶꦥꦸꦤ꧀ꦏꦼꦢꦃꦏꦠꦸꦭꦏ꧀ꦏꦭꦶꦪꦤ꧀ꦏꦮꦱ꧀ꦥꦢ [ 115 ]ꦤ꧀​ꦭꦶꦫꦶꦥꦸꦤ꧀ꦏꦏꦶꦥꦠ꧀ꦠꦏꦼꦤ꧀ꦱꦏꦶꦁꦱꦏꦼꦝꦶꦏ꧀​ꦲꦶꦁꦏꦁꦠꦼꦩꦃꦲꦤ꧀ꦤꦶꦥꦸꦤ꧀ꦲꦶꦁꦢꦊꦩ꧀ꦩꦤꦃꦱꦒꦼꦢꦱꦸꦕꦶꦧꦧꦂꦥꦶꦱꦤ꧀꧈

***

꧋ꦥꦶꦥꦿꦶꦚ꧀ꦕꦺꦤ꧀ꦤꦶꦥꦸꦤ꧀ꦔꦩꦭ꧀ꦲꦶꦁꦏꦁꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦲꦮꦿꦠ꧀꧈

꧋ꦔꦩꦭ꧀ꦲꦶꦁꦏꦁꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦲꦮꦿꦠ꧀​ꦥꦸꦤꦶꦏꦥꦶꦥꦿꦶꦚ꧀ꦕꦺꦤ꧀ꦤꦶꦥꦸꦤ꧀ꦏꦢꦺꦴꦱ꧀ꦲꦶꦁꦔꦤ꧀ꦝꦥ꧀ꦥꦸꦤꦶꦏ꧇ ꧑꧇​ꦗꦸꦫꦸꦲꦸꦀꦏꦸꦩ꧀​ꦥꦸꦤꦶꦏꦱꦤꦢꦾꦤ꧀ꦥꦏꦂꦪꦤ꧀ꦤꦶꦥꦸꦤ꧀ꦏꦠꦶꦔꦭ꧀ꦩꦪꦂ꧈​ꦤꦔꦶꦁꦱꦗꦠꦺꦴꦱ꧀ꦱꦶꦥꦸꦤ꧀ꦲꦮꦿꦠ꧀ꦱꦔꦼꦠ꧀ꦠꦠꦁꦒꦼꦭ꧀ꦭꦤ꧀ꦤꦶꦥꦸꦤ꧀​​ꦲꦮꦶꦠ꧀ꦗꦸꦫꦸꦲꦸꦀꦏꦸꦩ꧀ꦩꦏꦠꦼꦤ꧀ꦏꦼꦢꦃ​ꦤꦼꦠꦼꦥ꧀ꦥꦶꦔꦢꦶꦭ꧀​ꦗꦭꦂꦫꦤ꧀ꦩꦤꦮꦶꦧꦺꦴꦠꦼꦤ꧀ꦩꦏꦠꦼꦤ꧀​ꦩꦱ꧀ꦛꦶꦧꦝꦺꦤꦼꦩꦃꦲꦶꦥꦱꦶꦏ꧀ꦱꦤ꧀ꦲꦶꦁꦢꦊꦩ꧀ꦤꦫꦏ꧈​ꦝꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶꦩꦏꦠꦼꦤ꧀꧇​ꦗꦸꦫꦸꦲ꦳ꦸꦏꦸꦩ꧀ꦲꦶꦏꦸꦤꦮꦂꦤꦭꦺꦴꦫꦺꦴ꧈​ꦪꦲꦶꦏꦸꦏꦁꦧ꧀ꦧꦏꦭ꧀ꦩꦸꦁꦒꦃꦱꦸꦮꦂꦒꦭꦤ꧀ꦧꦏꦭ꧀ꦚꦼ [ 116 ]

ꦩ꧀ꦥ꧀ꦭꦸꦁꦲꦶꦁꦤꦫꦏ꧉

꧒꧇

ꦏ꦳ꦭꦶꦥ꦳ꦃ꧈ꦥꦸꦤꦶꦏꦱꦤꦢꦾꦤ꧀ꦏꦠꦶꦔꦭ꧀ꦭꦶꦥꦸꦤ꧀ꦢꦢꦺꦴꦱ꧀ꦏꦼꦠꦺꦴꦒ꧀ꦏꦼꦠꦺꦴꦒ꧀ꦒꦶꦁꦥꦁꦏꦠ꧀ꦲꦶꦁꦢꦊꦩ꧀ꦢꦺꦴꦚꦥꦸꦤꦶꦏ꧈ꦤꦔꦶꦁꦱꦗꦠꦺꦴꦱ꧀ꦱꦶꦥꦸꦤ꧀ꦩꦭꦃꦲꦮꦿꦠ꧀ꦱꦔꦼꦠ꧀ꦱꦱꦁꦒꦺꦤ꧀ꦤꦶꦥꦸꦤ꧀​ꦲꦮꦶꦠ꧀ꦏꦸꦮꦗꦶꦧ꧀ꦧꦤ꧀ꦤꦶꦥꦸꦤ꧀ꦏ꦳ꦭꦶꦥ꦳ꦃꦩꦏꦠꦼꦤ꧀​ꦏꦗꦮꦶꦢꦢꦺꦴꦱ꧀ꦗꦸꦫꦸꦥꦩꦺꦴꦁꦔꦶꦁꦫꦏ꧀ꦪꦠ꧀​ꦲꦶꦁꦒꦶꦃꦏꦼꦢꦃꦔꦢꦶꦭ꧀꧈ꦣꦮꦸꦃꦲꦶꦥꦸꦤ꧀ꦑꦁꦗꦼꦁꦟꦨꦶ꧇ꦧꦺꦱꦸꦏ꧀ꦲꦶꦁꦢꦶꦤꦏꦶꦪꦩꦠ꧀​ꦮꦺꦴꦁꦏꦁꦥꦣꦢꦢꦶꦥꦁꦒꦼꦣꦺꦤꦶꦁꦒꦺꦴꦭꦺꦴꦁꦔꦤ꧀​ꦲꦶꦏꦸꦱꦶꦁꦲꦺꦴꦫꦤꦼꦠꦼꦥ꧀ꦥꦶ ꧍ꦮꦗꦶꦧ꧀ꦧꦺ꧍ ꦧꦏꦭ꧀ꦢꦶꦧ꧀ꦭꦼꦁꦒꦸ꧉ꦔꦺꦔꦼꦠ꧀ꦠꦶꦣꦮꦸꦃꦲ꦳ꦢꦶꦱ꧀ꦥꦸꦤꦶꦏꦢꦢꦺꦴꦱ꧀ꦥꦫꦲꦶꦁꦏꦁꦱꦩꦶꦢꦢꦺꦴꦱ꧀ꦥꦔꦚ꧀ꦗꦸꦂꦫꦶꦁꦥꦒꦼꦫꦏ꧀ꦏꦤ꧀ꦭꦤ꧀ꦥꦔꦂꦱꦤꦶꦁꦥꦏꦼꦩ꧀ꦥꦭ꧀ꦭꦤ꧀​ꦥꦸꦤꦶꦏꦲꦶꦁꦧꦼꦚ꧀ꦗꦁꦲꦸꦒꦶꦧꦣꦺꦏꦥꦫꦶꦏ꧀ꦱꦏꦢꦺꦴꦱ꧀ꦥꦸꦤ꧀ꦢꦶꦲꦁꦒꦺꦤ꧀ꦤꦶꦥꦸꦤ꧀ꦤꦸꦤ꧀ꦠꦸꦤ꧀ꦥꦒꦼꦫꦏ꧀ꦏꦤ꧀ꦱꦂꦠꦩꦔꦿꦺꦃꦥꦏꦼꦩ꧀ꦥꦭ꧀ꦭꦤ꧀ꦤꦶꦥꦸꦤ꧀꧈

[ 117 ]ꦲꦮꦶꦠ꧀ꦱꦏꦶꦁꦥꦸꦤꦶꦏꦢꦢꦺꦴꦱ꧀ꦥꦫꦥꦤꦸꦤ꧀ꦠꦸꦤ꧀ꦥꦸꦤꦶꦏꦮꦗꦶꦧ꧀ꦧꦶꦥꦸꦤ꧀ꦲꦶꦁꦒꦶꦃꦏꦼꦢꦃꦔꦠꦺꦴꦱ꧀ꦲꦠꦺꦴꦱ꧀꧈ ꧓꧇​​ꦆꦩꦩ꧀ꦲꦸꦠꦮꦶ​ꦲꦶꦁꦏꦁꦢꦢꦺꦴꦱ꧀ꦥꦔꦗꦼꦁꦔꦶꦁ​ꦄꦃꦭꦶꦲꦒꦩꦶ꧈​ꦥꦸꦤꦶꦏꦏꦗꦮꦶꦏꦼꦢꦃꦕꦏꦼꦥ꧀ꦱꦲꦺꦱ꧀ꦠꦸꦝꦠꦼꦁꦏꦿꦶꦝꦤꦶꦁꦔꦺꦭ꧀ꦩꦶꦲꦒꦩꦶ꧈​ꦲꦸꦒꦶꦏꦼꦢꦃꦔꦺꦠꦺꦴꦏ꧀ꦲꦏꦼꦤ꧀ꦲꦒꦩꦶꦏꦭꦶꦪꦤ꧀ꦱꦩꦱ꧀ꦛꦶꦤꦶꦥꦸꦤ꧀ꦲꦮꦶꦠ꧀ꦲꦶꦁꦒꦶꦃ​ꦆꦩꦩ꧀ꦥꦸꦤꦶꦏꦻꦁꦏꦁꦢꦶꦥꦸꦤ꧀ꦤꦸꦠ꧀ꦲꦶꦁꦠꦶꦠꦶꦠꦶꦪꦁꦏꦛꦃ꧈​ꦩꦶꦭꦥꦚ꧀ꦕꦺꦤ꧀ꦲꦶꦁꦒꦶꦃꦲꦮꦿꦠ꧀ꦱꦔꦼꦠ꧀ꦠꦠꦁꦒꦼꦭ꧀ꦭꦤ꧀ꦤꦶꦥꦸꦤ꧀꧈ ꧔꧇​ꦗꦸꦫꦸꦥꦶꦠꦸꦠꦸꦂ​ ꧍ꦩꦸꦧꦭ꧀ꦭꦶꦒ꦳​꧀​꧍ ​ꦲꦸꦠꦮꦶꦒꦸꦫꦸ꧈​ꦥꦸꦤꦶꦏꦱꦤꦗꦤ꧀ꦏꦠꦶꦔꦭ꧀ꦭꦶꦥꦸꦤ꧀ꦤꦩꦸꦁꦱꦥꦶꦠꦸꦠꦸꦂꦲꦸꦠꦮꦶꦩꦸꦭꦁ꧈​ꦤꦔꦶꦁꦱꦗꦠꦺꦴꦱ꧀ꦱꦶꦥꦸꦤ꧀ꦲꦶꦁꦒꦶꦃꦲꦮꦿꦠ꧀ꦱꦔꦼꦠ꧀ꦠꦠꦁꦒꦼꦭ꧀ꦭꦤ꧀ꦤꦶꦥꦸꦤ꧀ꦲꦮꦶꦠ꧀ꦊꦥꦠ꧀ꦠꦶꦁꦥꦶꦠꦸꦠꦸꦂꦫꦶꦥꦸꦤ꧀​ꦥꦸꦤꦶꦏꦱꦒꦼꦢ꧀ꦲꦸꦒꦶꦲꦤꦱꦂꦫꦏꦼꦤ꧀ꦝꦠꦼꦁꦠꦶꦠꦶꦪꦁꦏ [ 118 ]ꦛꦃ꧉ꦤꦔꦶꦁꦩꦤꦮꦶꦥꦶꦠꦸꦠꦸꦂꦫꦶꦥꦸꦤ꧀ꦊꦉꦱ꧀​ꦥꦸꦤꦶꦏꦥꦚ꧀ꦕꦺꦤ꧀ꦥꦶꦤꦸꦗꦶꦱꦔꦼꦠ꧀ꦩꦼꦁꦒꦃꦲꦶꦁꦲꦒꦩꦶ꧈​ꦗꦭꦂꦫꦤ꧀ꦲꦶꦁꦒꦶꦃꦤꦩꦸꦁꦗꦸꦫꦸꦥꦶꦠꦶꦠꦶꦂꦥꦸꦤꦶꦏꦲꦶꦁꦏꦁꦱꦒꦼꦢ꧀ꦩꦶꦠꦸꦭꦸꦁꦔꦶꦥꦸꦤꦥꦲꦶꦁꦏꦁꦢꦢꦺꦴꦱ꧀ꦏꦥꦉꦁꦔꦶꦥꦸꦤ꧀ꦦꦔꦺꦫꦤ꧀ꦲꦩꦝꦁꦔꦏꦼꦤ꧀ꦲꦸꦠꦮꦶꦩꦼꦚ꧀ꦕꦂꦫꦏꦼꦤ꧀ꦲꦒꦩꦶꦤꦶꦥꦸꦤ꧀꧈​ꦲꦮꦶꦠ꧀ꦱꦏꦶꦁꦥꦸꦤꦶꦏꦩꦶꦭꦆꦩꦩ꧀ꦓ꦳ꦗꦭꦶꦔꦤ꧀ꦢꦶꦏꦩꦏꦠꦼꦤ꧀꧇​ꦥꦶꦠꦸꦠꦸꦂꦲꦶꦏꦸꦢꦢꦶꦥꦥꦣꦁꦔꦶꦁꦧꦸꦮꦤ꧉ꦲꦔꦺꦔꦼꦠ꧀ꦠꦶꦥꦸꦤꦶꦏꦢꦢꦺꦴꦱ꧀꧇​ꦒꦸꦫꦹꦲꦸꦠꦮꦶꦠꦶꦪꦁ​ꦲꦶꦁꦏꦁꦢꦢꦺꦴꦢ꧀ꦗꦸꦫꦸꦥꦶꦠꦸꦠꦸꦂꦥꦸꦤꦶꦏꦮꦗꦶꦧ꧀ꦧꦶꦥꦸꦤ꧀ꦏꦼꦢꦃꦤꦩꦸꦁꦥꦶꦠꦸꦠꦸꦂꦫꦶꦁꦏꦁꦱꦊꦉꦱ꧀ꦱꦶꦥꦸꦤ꧀​ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦲꦥꦶꦠꦸꦠꦸꦂꦲꦶꦁꦏꦁꦲꦭꦭꦮꦺꦴꦫ꧉

***

꧋ꦢꦸꦩꦸꦒꦶꦱꦩꦤ꧀ꦠꦼꦤ꧀ꦥꦔꦶꦩ꧀ꦥꦸꦤ꧀ꦏꦸꦭꦔꦶꦭ꧀ꦩꦶꦠꦯꦮꦸꦥ꦳꧀​ꦮꦼꦗꦔꦤ꧀ꦤꦶꦥꦸꦤ꧀ꦏꦾꦲꦶꦩꦸꦃꦠꦂꦨꦶꦏ꦳ꦫꦶ꧈​ꦏꦸꦭꦢꦩꦼꦭ꧀ꦱꦗꦶꦭꦶꦢ꧀​ꦱꦩ꧀ꦧꦼꦠ꧀ꦠꦶꦥꦸꦤ꧀ꦮꦼꦗꦔꦤ꧀ꦥꦸꦤꦶꦏꦭ [ 119 ]ꦗꦼꦁꦧꦣꦺꦏꦲꦼꦮꦿꦠ꧀ꦗꦶꦭꦶꦢ꧀ꦢꦤ꧀ꦲꦶꦁꦏꦁꦏꦥꦶꦁꦏꦭꦶꦃ꧈ꦲꦁꦒꦼꦭꦂꦫꦏꦼꦤ꧀ꦧꦧꦒ꧀ꦒꦤ꧀ꦱꦶꦥꦠ꧀ꦠꦶꦁꦩꦤꦃꦲꦶꦁꦏꦁꦥꦶꦤꦸꦗꦶ꧉ꦲꦩꦸꦁꦏꦺꦩꦮꦺꦴꦤ꧀ꦲꦶꦁꦔꦿꦶꦏꦶꦲꦶꦁꦏꦁꦩꦤꦶꦠꦿꦲꦥꦿꦱꦗ꧈ꦧꦶꦭꦶꦃꦥꦔꦶꦩ꧀ꦥꦸꦤ꧀ꦤꦶꦥꦸꦤ꧀ꦔꦶꦭ꧀ꦩꦶꦠꦯꦮꦸꦥ꦳꧀ꦥꦸꦤꦶꦏꦱꦩ꧀ꦥꦸꦤ꧀ꦩꦱ꧀ꦛꦶꦮꦺꦴꦤ꧀ꦠꦼꦤ꧀ꦲꦶꦁꦏꦁꦏꦶꦫꦁꦠꦼꦫꦁ꧈ꦩꦏꦠꦼꦤ꧀ꦥꦸꦤꦶꦏꦠꦧꦼꦠ꧀ꦱꦁꦏꦶꦁꦲꦶꦁꦏꦁꦩꦤꦶꦠꦿꦠꦏ꧀ꦱꦶꦃꦩꦸꦣꦢꦩꦺꦁꦧꦸꦢꦶ꧉ꦢꦺꦫꦺꦁꦥꦗꦥꦗꦲꦤ꧀ꦢꦸꦁꦏꦥ꧀ꦝꦠꦼꦁꦔꦶꦭ꧀ꦩꦶꦠꦯꦮꦸꦥ꦳ꦲꦶꦁꦏꦁꦱꦏꦭꦁꦏꦸꦁꦊꦧꦼꦠ꧀ꦥꦸꦤꦶꦏ꧈ꦢꦢꦺꦴꦱ꧀ꦲꦶꦁꦔꦿꦶꦏꦶꦏꦶꦫꦁꦔꦶꦁꦠꦼꦫꦁꦥꦸꦤ꧀ꦔꦶꦭ꧀ꦩꦶꦠꦯꦮꦸꦥ꦳꧀ꦥꦸꦤꦶꦏꦱꦏꦶꦁꦱꦶꦩ꧀ꦥꦸꦤ꧀​ꦱꦤꦺꦱ꧀ꦱꦏꦶꦁꦥꦩꦼꦗꦁꦔꦶꦥꦸꦤ꧀ꦒꦸꦫꦸꦏꦸꦭ꧉ꦲꦺꦮꦢꦺꦤꦺꦩꦤꦮꦶꦮꦺꦴꦤ꧀ꦠꦼꦤ꧀ꦲꦶꦁꦏꦁꦏꦥꦉꦁꦚꦫꦸꦮꦺ꧈ꦲꦒꦼꦁꦔꦶꦥꦸꦤ꧀ꦲꦔ꧀ꦭꦼꦉꦱ꧀ꦱꦏꦼꦤ꧀​ꦥꦸꦤꦶꦏꦧꦣꦺꦏꦸꦭꦠꦩ꧀ꦥꦶꦏꦭꦶꦪꦤ꧀ꦧꦶꦔꦃꦩꦤꦃ꧈ꦩꦤꦮꦶꦩꦏꦠꦼꦤ꧀​ꦧꦺꦚ꧀ꦗꦶꦁꦲꦶꦁꦕꦶꦛꦏ꧀ꦏꦤ꧀ꦲꦶꦁꦏꦁꦏꦥꦶꦁꦏꦭꦶꦃ꧈ꦱꦼꦫꦠ꧀ꦥꦸꦤꦶꦏꦩꦱ꧀ꦛꦶꦱꦪꦩꦶꦩ꧀ꦧꦸꦃꦲꦶꦢꦢꦺꦴꦱ꧀ꦥꦥꦣꦁꦣꦠꦼꦁꦲꦶꦁꦔꦏꦛꦃ꧉꧆꧉}}

***

[ 120 ]

꧋ꦔ꧀ꦭꦼꦉꦱ꧀ꦱꦏꦼꦤ꧀ꦏꦊꦥꦠ꧀ꦠꦤ꧀

꧋ꦏꦶꦠꦧ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦲꦶꦁꦏꦔ꧀ꦊꦥꦠ꧀ꦥꦤꦠꦤꦶꦥꦸꦤ꧀ꦲꦏ꧀ꦱꦫ꧈​ꦱꦢꦺꦫꦺꦁꦔꦶꦥꦸꦤ꧀ꦏꦮꦲꦺꦴꦱ꧀ꦏꦥꦉꦁꦔ​ꦔ꧀ꦊꦉꦱ꧀ꦱꦏꦼꦤ꧀ꦫꦸꦩꦶꦪꦶꦤ꧀꧈

ꦏꦕ	ꦭꦫꦶꦏ꧀ꦏꦤ꧀	ꦊꦥꦠ꧀	ꦊꦉꦱ꧀ꦱꦶꦥꦸꦤ꧀
6	16	ꦠꦯꦮꦸꦥ꦳꧀ꦥꦸꦤꦶ	ꦠꦯꦮꦸꦥ꦳꧀ꦥꦸꦤꦶꦏ
9	4-5	ꦥꦸꦤꦥꦩꦩꦭꦶꦃ	ꦥꦸꦤꦥꦩꦭꦶꦃ
15	14	ꦆꦠ꧀ꦠꦶꦏ--ꦢ꧀	ꦆꦠ꧀ꦠꦶꦏꦢ꧀
25	16	ꦩꦱ꧀ꦛꦶꦧꦺꦠꦼꦤ꧀ꦥꦸ​...	ꦩꦱ꧀ꦛꦶꦧꦺꦴꦠꦼꦤ꧀ꦥꦸ​...
26	5	ꦧꦺꦴꦧꦼꦤ꧀ꦏ ....	ꦧꦺꦴꦠꦼꦤ꧀ꦏ ....
29	8-9	ꦢꦢꦺꦴꦱ꧀ꦮꦮꦠꦏ꧀ꦏꦶꦥꦸ ....	ꦢꦢꦺꦴꦱ꧀ꦮꦮꦠꦏ꧀ꦏꦤ꧀ꦤꦶ
34	5	ꦩꦼꦁꦒꦃꦏꦺꦔꦶꦁ	ꦩꦼꦁꦒꦃꦏꦺꦴꦫꦶ꧈
35	17	ꦭꦶꦫꦶꦥꦸꦤ꧀ꦧꦺꦴꦠꦼꦤ꧀ꦥꦸ.	ꦭꦶꦂꦫꦶꦥꦸꦤ꧀ꦧꦺꦴꦠꦼꦤ꧀ꦥꦸ
58	4	ꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦢꦪ	ꦔꦮꦺꦴꦤ꧀ꦤ꧀ꦤꦏꦼꦤ꧀ꦢꦪ
60	16	ꦤ꧀ꦠꦶꦪꦁꦒꦠꦂꦫꦤ꧀	ꦤ꧀ꦠꦶꦒꦁꦠꦠꦂꦫꦤ꧀
66	15	ꦤ꧀ꦧꦢꦤ꧀ꦏꦸꦭ	ꦧꦢꦤ꧀ꦏꦮꦸꦭ

[ Adv ]

Batjalah Soerat Kabar
(Isteri!)

le. WOROSOESILO.

Bahasa dan hoeroef Djawa, isi 20 pagina, terbit doea kali seboelan, harga f 1,75 boeat 3 boelan.

2e. TAMAN-MOESLIMAH
ISTERI-SOESILA.

 Bahasa Melajoe hoeroef Latijn, isi 20 pagina terbit seboelan sekali, harga lengganan f 0,90 boeat tiga boelan.

 Kedoea, s. k. itoe, lengganannja telah beratoesan, ja'ni laki² dan perempoean, saudagar, prijaji dan bangsawan. Sedang woedjoednja indah, kertasnja baik, memoeat berbagai-bagai pengadjaran dan keperloean perempoean (menoesia) misalnja: Ilmoe mendidik, kesehatan, obat-obat, ilmoe oemoem dll. Ilmoe masak-masak, dan pekerdjaän perempoean [huishoudskunde]. Ilmoe igama, jalah ilmoe touhid, 'ibadat, adab dan tasawwoef; dan lagi soeara oentoek kemadjoean perempoean. Ambillah lengganan boeat isteri dan anak-anak toean dan toean sendiri. Kalau ambil lengganan doea sama sekali, hanja f 2.50 boeat 3 boelan. Pembajaran moesti doeloe! Mintalah djoega prijscourant kitab-kitab igama Islam bh. Djawa dan Melajoe, jang disediakan dengan gratis. Penerbit: Ab. SITI SAMSIJAH Solo (Java). [ Cover ]

—ꦠꦯꦮꦸꦥ꦳꧀​ꦆꦱ꧀ꦭꦩ꧀꧈—

꧋ꦲꦁꦒꦼꦭꦂꦫꦏꦼꦤ꧀ꦔꦶꦭ꧀ꦩꦶꦄꦢꦧ꧀ꦲꦸꦠꦮꦶꦏꦮꦿꦸꦃꦠꦯꦮꦸꦥ꦳꧀​​ꦲꦶꦁꦒꦶꦃꦔꦶꦭ꧀ꦩꦶꦥꦤꦠꦤꦶꦁꦧꦠꦺꦴꦱ꧀​ꦩꦏꦠꦼꦤ꧀ꦲꦸꦒꦶꦱꦱꦏꦶꦠ꧀ꦠꦶꦥꦸꦤ꧀​ꦢꦭꦃꦲꦸꦱꦢꦤꦶꦥꦸꦤ꧀ꦥꦶꦱꦤ꧀​ꦩꦶꦠꦸꦫꦸꦠ꧀ꦮꦮꦫꦃꦲꦶꦥꦸꦤ꧀ꦏꦶꦠꦧ꧀ꦱꦸꦕꦶꦑꦸꦂꦄꦤ꧀ꦱꦂꦠ​ꦲ꦳ꦢꦶꦱ꧀ꦝꦮꦸꦃꦥꦔꦤ꧀ꦢꦶꦏꦤꦶꦥꦸꦤ꧀ꦑꦁꦗꦼꦁꦟꦨꦶꦦꦟꦸꦠ꧀ꦡꦤ꧀꧈​ꦱꦫꦤꦏꦶꦠꦧ꧀ꦥꦸꦤꦶꦏꦥꦫꦤꦸꦥꦶꦏ꧀ꦱꦩꦱ꧀ꦛꦶꦭꦗꦼꦁꦥꦶꦂꦱꦣꦠꦼꦁꦢꦏꦶꦏ꧀ꦢꦏꦶꦏ꧀ꦏꦶꦁꦔꦶꦭ꧀ꦩꦶꦲꦒꦩꦶꦆꦱ꧀ꦭꦩ꧀​ꦱꦂꦠꦭꦗꦼꦁꦢꦱꦒꦼꦢ꧀ꦲꦥꦮꦸꦤꦶꦁꦔꦤ꧀ꦤꦶꦔꦶꦭ꧀ꦩꦶꦠꦯꦮꦸꦥ꦳꧀ꦲꦶꦁꦏꦁꦩꦭꦺꦚ꧀ꦕꦺꦁꦱꦏꦶꦁꦒꦫꦶꦱ꧀ꦱꦶꦁꦑꦸꦂ​ꦄꦤ꧀꧈

1. ꦏꦥꦼꦛꦶꦏ꧀ꦱꦏꦶꦁ Tjahaja Islam ꦲꦸꦒꦶꦏꦫꦁꦔꦤ꧀ꦤꦶꦥꦸꦤ꧀ꦏꦶꦪꦲꦶꦩꦸꦃꦡꦂꦨꦸꦏ꦳ꦫꦶ꧉
2. ꦆꦗꦗ꦳ꦃꦠꦼꦒꦼꦱ꧀ꦱꦶꦥꦸꦤ꧀꧇ꦱꦼꦫꦠ꧀ꦥꦿꦠꦺꦴꦤ꧀ꦝ​ (verklaring)꧉
3. ꦧꦶꦢ꧀ꦔꦃ꧈​ꦠꦼꦒꦼꦱ꧀ꦱꦶꦥꦸꦤ꧀꧇​ꦧꦫꦁꦲꦶꦁꦏꦁꦣꦠꦼꦁꦲꦺꦁꦒꦭ꧀꧈​ꦏꦸꦫꦥ꦳ꦠ꧀​ꦠꦼꦒꦼꦱ꧀ꦱꦶꦥꦸꦤ꧀ꦧꦫꦁꦲꦶꦁꦏꦁꦫꦺꦩꦺꦃ꧉
4. ​ꦥꦿꦪꦺꦴꦒꦶꦤꦶꦥꦸꦤ꧀ꦩꦮꦶꦲꦁꦒꦸꦒꦸꦫꦸ꧉
5. ꦱꦃꦮꦠ꧀꧇ꦥꦺꦥꦺꦔꦶꦤ꧀ꦤꦤ꧀꧈ꦒ꦳ꦺꦴꦢꦺꦴꦧ꧀꧇ꦏꦤꦼꦥ꧀ꦱꦺꦴꦤ꧀
6. ꦤꦥ꦳꧀ꦱꦸꦱꦸꦥꦶꦪꦃꦥꦸꦤꦶꦏꦠꦼꦒꦼꦱ꧀ꦱꦶꦥꦸꦤ꧀ꦤꦥ꦳꧀ꦱꦸꦲꦶꦁꦏꦁꦧꦼꦤꦶꦁꦱꦂꦠꦉꦱꦶꦏ꧀​ꦱꦩꦶꦏꦭꦶꦪꦤ꧀ꦤꦥ꦳꧀ꦱꦸꦩꦸꦡ꧀ꦩꦆꦤ꧀ꦤꦃ꧈ꦩꦶꦭꦲꦶꦁꦔꦿꦶꦏꦶꦧꦺꦴꦠꦼꦤ꧀ꦏꦢꦢꦺꦴꦱ꧀ꦱꦏꦼꦤ꧀ꦥꦺꦫꦁꦔꦤ꧀ꦥꦶꦪꦩ꧀ꦧꦏ꧀꧈
7. ꦱꦺꦴꦱꦺꦴꦂꦔꦫꦤ꧀ꦲꦸꦠꦮꦶꦥꦩꦺꦂꦫꦤ꧀
8. ​ꦉꦩ꧀ꦧꦒ꧀ꦒꦤ꧀ꦲꦶꦁꦏꦁꦔꦿꦺꦁꦏꦺꦭ꧀꧈
9. ꦭꦭꦩꦶꦱ꧀ꦱꦤ꧀꧈