Kaca:Kajawen 50 1927-12-15.pdf/15

꧋ꦢꦂꦩꦮꦶꦱꦠꦤꦶꦥꦸꦤ꧀꧈​ꦦꦺꦠꦿꦸꦏ꧀꧉​

꧋ꦲꦔ꧀ꦭꦗꦼꦁ​ꦔꦏꦼꦤ꧀ꦮꦶꦕꦤ꧀ꦠꦼꦤ꧀ꦤꦶꦥꦸꦤ꧀ꦦꦺꦠꦿꦸꦏ꧀ꦝꦠꦼꦁ​ꦓꦫꦺꦁ​ꦧꦧ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦭꦭꦤ​ꦩꦸꦧꦼꦁ​ꦲꦶꦁ​ꦗꦮꦶ​ꦠꦔꦃ꧉​

꧋ꦓꦫꦺꦁ​꧇​ꦭꦺꦴ꧈​ꦠꦿꦸꦏ꧀꧈​ꦲꦏꦸ​ꦏꦶꦪꦶ​ꦒꦸꦩꦸꦤ꧀ꦧꦔꦼꦠ꧀꧈​ꦲꦶꦁ​ꦲꦠꦱ꧀ꦱꦺ​ꦏꦺꦴꦮꦺ​ꦠꦼꦏ​ꦮꦤꦶ​ꦔꦝꦼꦥ꧀ꦩꦫꦁ​ꦥꦫ​ꦭꦸꦲꦸꦂ꧈​ꦢꦺꦴꦔ​ꦲꦥ​ꦱꦶꦁ​ꦏꦺꦴꦮꦠꦏ꧀꧈​ꦲꦥ​ꦏꦺꦴꦮꦺ​ꦔꦁ​ꦒꦺꦴ​ꦢꦺꦴꦔ꧇​ꦯꦸꦏ꧀ꦩꦸꦩ꧀ꦧꦸꦏ꧀ꦩꦸꦩ꧀ꦈꦩꦾꦸꦩ꧀ꦦ꦳…

꧋ꦦꦺꦠꦿꦸꦏ꧀꧇​ꦲꦫ​ꦠ꧈​ꦲꦥ​ꦥꦤ꧀ꦠꦼꦱ꧀꧈​ꦲꦤ​ꦔꦝꦼꦥ꧀ꦥꦫ​ꦭꦸꦲꦸꦂ​ꦏꦛꦶꦏ꧀ꦔꦁ​ꦒꦺꦴ​ꦢꦺꦴꦔ​ꦩꦼꦁ​ꦏꦺꦴꦤꦺꦴ꧈​ꦲꦁ​ꦒꦺꦴꦤ꧀ꦤꦺ​ꦢꦺꦴꦔ​ꦏꦸꦮꦶ​ꦫꦏ꧀ꦪꦺꦤ꧀ꦏꦼꦠꦼꦩꦸ​ꦲꦱꦸ​ꦒꦭꦏ꧀꧈​ꦱꦗꦼꦫꦺꦴꦤꦺ​ꦔꦿꦥꦭ꧀ꦭꦏꦺ꧈​ꦗꦼꦩ꧀ꦥꦺꦴꦭ꧀ꦭꦺ​ꦠꦔꦤ꧀ꦔꦁ​ꦒꦺꦴ​ꦢꦶꦠꦼꦏꦸꦏ꧀꧈​ꦕꦶꦏ꧀ꦧꦺꦤ꧀ꦲꦱꦸꦤꦺ​ꦲꦺꦴꦫ​ꦧꦶꦱ​ꦚꦺꦴꦏꦺꦴꦠ꧀꧈​ꦭꦺꦴ꧈​ꦱꦼꦩꦺꦴꦤꦺꦴ​ꦏꦸꦮꦶ​ꦠꦸꦩꦿꦥ꧀ꦮꦺꦴꦁ​ꦱꦶꦁ​ꦥꦽꦕꦪ꧉​ꦧꦭꦶꦏ꧀ꦮꦺꦴꦁ​ꦱꦶꦁ​ꦲꦉꦥ꧀ꦔꦝꦼꦥ꧀ꦥꦫ​ꦭꦸꦲꦸꦂ​ꦏꦸꦮꦶ꧈​ꦱꦶꦁ​ꦥꦽꦭꦸ​ꦝꦺꦮꦺ​ꦏꦸꦢꦸ​ꦔ꧀ꦭꦸꦁ​ꦒꦸꦃꦲꦶ​ꦲꦤ꧀ꦝꦥ꧀ꦲꦱꦺꦴꦂꦫꦺ꧈​ꦲꦗ​ꦥꦶꦱꦤ꧀ꦥꦶꦱꦤ꧀ꦠꦿꦚꦏ꧀ꦏꦤ꧀꧈​ꦲꦮꦶꦠ꧀ꦱꦤꦗꦤ꧀ꦥꦿꦶꦪꦪꦶ​ꦭꦸꦲꦸꦂ​ꦱꦶꦁ​ꦏꦺꦴꦱꦺꦴꦮꦤ꧀ꦤꦶ​ꦏꦸꦮꦶ꧈​ꦢꦸꦢꦸ​ꦥꦁ​ꦒꦼꦝꦺꦩꦸ꧈​ꦢꦢꦶ​ꦲꦺꦴꦫ​ꦧꦏꦭ꧀ꦧꦶꦱ​ꦔꦥꦏ꧀ꦲꦥꦏ꧀ꦲꦏꦺ​ꦚꦁ​ꦲꦮꦏ꧀ꦩꦸ꧈​ꦲꦤꦔꦶꦁ​ꦪꦺꦤ꧀ꦏꦺꦴꦮꦺ​ꦔ꧀ꦭꦸꦁ​ꦒꦸꦃꦲꦶ​ꦲꦤ꧀ꦝꦥ꧀ꦲꦱꦺꦴꦂꦩꦸ꧈​ꦏꦺꦴꦮꦺ​ꦧꦶꦱ​ꦔꦠꦺꦴꦤ꧀ꦤꦏꦺ꧈​ꦪꦺꦤ꧀ꦏꦺꦴꦮꦺ​ꦲꦤꦏ꧀ꦏꦶꦁ​ꦮꦺꦴꦁ​ꦧꦼꦕꦶꦏ꧀ꦧꦼꦕꦶꦏ꧀꧈​ꦭꦤ꧀ꦧꦺꦴꦕꦃ​ꦱꦶꦁ​ꦲꦺꦴꦭꦺꦃ​ꦥꦔꦗꦂꦫꦤ꧀꧈​ꦲꦤꦔꦶꦁ​ꦪꦺꦤ꧀ꦏꦺꦴꦮꦺ​ꦕꦸꦩꦤ꧀ꦛꦏ​ꦭꦤ꧀ꦠꦿꦚꦏ꧀ꦏꦤ꧀꧈​ꦲꦩꦂꦒ​ꦫꦸꦩꦱꦩꦸ​ꦥꦿꦶꦪꦪꦶ​ꦭꦸꦲꦸꦂ​ꦩꦲꦸ​ꦲꦺꦴꦫ​ꦧꦶꦱ​ꦧꦫꦁ​ꦧꦫꦁ​ꦚꦁ​ꦏꦺꦴꦮꦺ꧈​ꦭ​ꦏꦸꦮꦶ​ꦏꦺꦴꦮꦺ​ꦫꦏ꧀ꦧꦚ꧀ꦗꦸꦂ​ꦏꦠꦺꦴꦤ꧀ꦧꦲꦺ꧈​ꦪꦺꦤ꧀ꦱꦮꦶꦗꦶꦤꦶꦁ​ꦮꦺꦴꦁ​ꦲꦸꦫꦏ꧀ꦏꦤ꧀ꦲꦺꦴꦫ​ꦮꦼꦫꦸꦃ​ꦠꦠꦏꦿꦩ꧈​ꦭꦤ꧀ꦢꦸꦢꦸ​ꦧꦁ​ꦱꦤꦶꦁ​ꦥꦔꦗꦂꦫꦤ꧀꧉​ꦩꦸꦭꦤꦺ​ꦱꦗꦼꦫꦺꦴꦤꦺ​ꦲꦏꦸ​ꦭꦸꦭꦸꦔꦤ꧀ꦏꦶꦪꦶ꧈​ꦲꦶꦪ​ꦠꦤ꧀ꦱꦃ​ꦢꦏ꧀ꦗꦒ​ꦧꦲꦺ꧈​ꦲꦗ​ꦔꦤ꧀ꦠꦶ​ꦲꦏꦸ​ꦢꦶꦪꦸꦤꦺꦏ꧀ꦲꦏꦺ꧇​ꦒꦸꦩꦼꦤ꧀ꦝꦸꦁ​ꦱꦶ​ꦢꦩꦂꦮꦸꦭꦤ꧀…

꧋ꦓꦫꦺꦁ​꧇​ꦮꦶꦪꦃ꧈​ꦧꦺꦴꦏ꧀ꦲꦗ​ꦱꦸꦱꦃ​ꦢꦶꦱꦼꦱꦼꦭ꧀ꦭꦶ​ꦭꦔꦼꦤ꧀ꦢꦿꦶꦪꦤ꧀꧈​ꦤꦸꦭꦶ​ꦕꦿꦶꦠꦏ꧀ꦤ​ꦧꦲꦺ​ꦲꦁ​ꦒꦺꦴꦤ꧀ꦩꦸ​ꦔꦝꦼꦥ꧀ꦥꦫ​ꦭꦸꦲꦸꦂ꧈​ꦭꦤ꧀ꦲꦥ​ꦏꦉꦥ꧀ꦩꦸ꧉​

꧋ꦦꦺꦠꦿꦸꦏ꧀꧇​ꦭꦺꦴ꧈​ꦱꦲꦶꦏꦶ​ꦏꦺꦴꦮꦺ​ꦠꦏ꧀ꦏꦤ꧀ꦝꦤ꧀ꦤꦶ꧈​ꦩꦸꦁ​ꦧꦲꦺ​ꦥꦺꦴꦩ​ꦲꦗ​ꦏꦺꦴꦤ꧀ꦝ​ꦏꦺꦴꦤ꧀ꦝ​ꦚꦁ​ꦮꦺꦴꦁ​ꦭꦶꦪ꧈​ꦲꦩꦂꦒ​ꦏꦶꦪꦶ​ꦮꦢꦶ​ꦧꦔꦼꦠ꧀꧉​ꦲꦁ​ꦒꦺꦴꦤ꧀ꦏꦸ​ꦭꦸꦔꦤ꧀ꦩꦼꦚꦁ​ꦔꦼꦤ꧀ꦢꦶ​ꦲꦼꦤ꧀ꦢꦶ​ꦏꦸꦮꦶ꧈​ꦱꦧꦼꦤꦼꦂꦫꦺ​ꦱꦸꦥꦪ​ꦭꦭꦢ꧀ꦢꦤ꧀ꦤꦺ​ꦏꦭꦮꦂꦠꦶ​ꦏꦗꦮꦺꦤ꧀ꦧꦶꦱ​ꦭꦸꦮꦶꦃ​ꦗꦼꦩ꧀ꦧꦂ꧈​ꦢꦺꦤꦺ​ꦥꦫ​ꦭꦸꦲꦸꦂ​ꦱꦶꦁ​ꦢꦏ꧀ꦱꦺꦴꦮꦤ꧀ꦤꦶ​ꦏꦸꦮꦶ​ꦱꦶꦁ​ꦲꦏꦺꦃ​ꦩꦸꦁ​ꦱꦶꦁ​ꦢꦏ꧀ꦠꦼꦥꦸꦁ​ꦔꦶ​ꦧꦲꦺ꧈​ꦭꦤ꧀ꦠꦶꦭꦱ꧀ꦏꦺꦴꦚ꧀ꦕ​ꦱꦼꦏꦺꦴꦭꦃ꧉​

꧋ꦓꦫꦺꦁ​꧇​ꦲꦶꦪ​ꦲꦺꦴꦫ​ꦒꦸꦩꦸꦤ꧀ꦲꦏꦸ​ꦱꦲꦶꦏꦶ꧈​ꦢꦢꦶ​ꦲꦁ​ꦒꦺꦴꦤ꧀ꦩꦸ​ꦮꦤꦶ​ꦱꦺꦴꦮꦤ꧀ꦩꦫꦁ​ꦥꦫ​ꦭꦸꦲꦸꦂ​ꦏꦸꦮꦶ꧈​ꦲꦩꦂꦒ​ꦱꦶꦁ​ꦲꦏꦺꦃ​ꦲꦏꦺꦃ​ꦲꦸꦮꦶꦱ꧀ꦏꦺꦴꦏ꧀ꦠꦼꦥꦸꦁ​ꦔꦶ꧈​ꦲꦥ​ꦩꦤꦺꦃ​ꦠꦶꦭꦱ꧀ꦏꦺꦴꦚ꧀ꦕ​ꦱꦼꦏꦺꦴꦭꦃ꧈​ꦩꦸꦁ​ꦧꦲꦺ​ꦲꦤ​ꦱꦶꦁ​ꦢꦏ꧀ꦒꦸꦩꦸꦤ꧀ꦤꦶ꧈​ꦢꦺꦤꦺ​ꦥꦫ​ꦭꦸꦲꦸꦂ​ꦭꦶꦪꦤꦺ​ꦲꦺꦴꦫ​ꦏꦺꦴꦱꦺꦴꦮꦤ꧀ꦤꦶ꧈​ꦲꦸꦠꦮ​ꦩꦤꦺꦃ​ꦒꦒꦪꦸꦠ꧀ꦠꦤ꧀ꦏꦫꦺꦴ​ꦥꦫ​ꦭꦸꦲꦸꦂ​ꦏꦸꦮꦶ꧈​ꦲꦥ​ꦲꦺꦴꦫ​ꦤꦸꦮꦸꦃꦲꦏꦺ​ꦥꦿꦺꦤ꧀ꦠꦃ​ꦲꦭꦸꦱ꧀꧉​

꧋ꦦꦺꦠꦿꦸꦏ꧀꧇​ꦭ​ꦏꦸꦮꦶ꧈​ꦥꦤꦽꦏꦩꦸ​ꦏꦶ​ꦩꦶꦁ​ꦲꦉꦥ꧀ꦲꦭ​ꦧꦲꦺ꧈​ꦩꦸꦭ​ꦪ​ꦚꦠ꧇​ꦮꦺꦴꦁ​ꦏꦸꦮꦶ​ꦪꦺꦤ꧀ꦲꦠꦶꦤꦺ​ꦲꦺꦴꦫ​ꦱꦸꦕꦶ꧈​ꦥꦤꦽꦏꦤꦺ​ꦚꦁ​ꦮꦺꦴꦁ​ꦭꦶꦪꦤꦺ​ꦲꦶꦪ​ꦲꦺꦴꦫ​ꦱꦸꦕꦶ꧈​ꦩꦼꦁ​ꦏꦺꦴꦤꦺꦴ​ꦲꦸꦒ​ꦱꦮꦶ