ꦗꦤ꧀ꦩ꧈ ꦮꦸꦱ꧀ꦏꦼꦤ꧀ꦝꦶꦃꦲꦶꦭꦁꦢꦪꦤꦼ꧈ ꦏꦫꦶꦱꦼꦒꦼꦂꦏꦸꦮꦫꦱ꧀ꦱꦤ꧀꧈ ꦢꦼꦤꦶꦁꦏꦸꦭꦶꦤꦺꦁꦩꦺꦴꦁꦱ꧈ ꦠꦼꦠꦼꦥ꧀ꦠꦶꦤꦼꦩꦸꦤꦼꦥꦸꦤ꧀ꦝꦸꦃ꧈ ꦲꦮꦤꦶꦁꦩꦺꦴꦁꦱꦏꦱꦥ꧀ꦠ꧉ ꧃ ꦢꦾꦤ꧀ꦒꦸꦩꦽꦒꦸꦠ꧀ꦥꦫꦠꦤꦶ꧈ ꦩꦫꦶꦁꦱꦮꦃꦧꦧꦉꦁꦔꦤ꧀꧈ ꦭꦮꦤ꧀ꦠꦺꦴꦁꦒꦠꦼꦥꦫꦺꦴꦤꦼ꧈ ꦏꦁꦭꦤꦁꦩꦶꦏꦸꦭ꧀ꦥꦺꦴꦕꦺꦴꦁꦔꦤ꧀꧈ ꦮꦶꦗꦶꦥꦫꦶꦩꦿꦶꦁꦱꦮꦃ꧈ ꦏꦁꦲꦺꦱ꧀ꦠꦿꦶꦲꦝꦼꦫꦏ꧀ꦠꦤ꧀ꦢꦸꦂ꧈ ꦏꦤ꧀ꦛꦶꦏꦚ꧀ꦕꦤꦼꦱꦩ꧀ꦧꦠ꧀ꦠꦤ꧀꧉ ꧄ ꦕꦼꦏꦠ꧀ꦕꦺꦏꦼꦠ꧀ꦲꦤꦤ꧀ꦢꦁꦔꦶ꧈ ꦮꦶꦤꦺꦴꦫꦤ꧀ꦲꦶꦁꦩꦤꦃꦱꦸꦏ꧈ ꦭꦮꦤ꧀ꦮꦸꦱ꧀ꦢꦢꦾꦕꦫꦤꦼ꧈ ꦒꦼꦤ꧀ꦝꦺꦴꦤ꧀ꦫꦸꦏꦺꦴꦤ꧀ꦫꦺꦴꦫꦺꦴꦮꦁꦔꦤ꧀꧈ꦏꦢꦶꦲꦤꦤꦶꦁꦢꦼꦱ꧈ ꦩꦂꦩꦠꦶꦤꦼꦩꦸꦤꦼꦱꦪꦸꦏ꧀꧈ ꦲꦫꦱꦱꦥꦝꦥꦝ꧉ ꧄ ꦱꦫꦩ꧀ꦥꦸꦁꦔꦼꦠꦺꦴꦚ꧀ꦗꦮꦶꦗꦶ꧈ ꦠꦼꦧꦤꦶꦁ ꦱꦮꦃꦏꦮꦸꦂꦪꦤ꧀꧈ ꦮꦸꦱ꧀ꦏꦺꦧꦼꦏ꧀ꦏꦤ꧀ꦲꦶꦁꦠꦤ꧀ꦢꦸꦂꦫꦼ꧈ ꦫꦶꦮꦸꦱ꧀ꦱꦶꦁꦲꦤ꧀ꦠꦫꦢꦶꦤ꧈ ꦭꦶꦂꦔ꧀ꦭꦶꦭꦶꦂꦱꦏꦶꦁꦤꦼꦤ꧀ꦢꦿ꧈ ꦏꦠꦺꦴꦤ꧀ꦲꦶꦗꦺꦴꦫꦶꦪꦸꦫꦶꦪꦸ꧈ ꦱꦶꦤꦼꦁꦒꦸꦃꦥꦔꦤ꧀ꦠꦺꦤ꧀ꦲꦚꦂ꧉ ꧃ ꦠꦸꦩꦸꦱ꧀ꦲꦔꦽꦱꦼꦥ꧀ꦥꦶꦲꦠꦶ꧈ ꦩꦫꦶꦁꦱꦔ꧀ꦒꦾꦤ꧀ꦤꦶꦁꦏꦁꦚꦮꦁ꧈ ꦭꦤ꧀ꦏꦶꦠꦤꦶꦲꦥꦢꦼꦤꦼ꧈ ꦏꦉꦤꦤꦶꦫꦺꦁꦠꦾꦱꦶꦫ꧈ ꦮꦸꦱ꧀ꦠꦤ꧀ꦏꦼꦤꦶꦥꦶꦤꦶꦤ꧀ꦝ꧈ ꦩꦸꦁꦏꦫꦶꦩꦸꦗꦶꦊꦱ꧀ꦠꦤ꧀ꦠꦸꦤ꧀꧈ ꦢꦶꦤꦺꦴꦃꦤꦱꦏꦺꦃꦲꦶꦁꦲꦩ꧉
ꦧꦧ꧀ꦏꦱꦫꦱ꧀ꦱꦤ꧀ꦱ
꧋ꦮꦮꦿꦠ꧀ꦱꦂꦠꦉꦚ꧀ꦕꦁꦭꦉ
꧋ꦏꦢꦺꦴꦱ꧀ꦢꦼꦤꦼꦩ꧀ꦥꦸꦤ꧀ꦠꦶꦤꦏ꧀ꦢꦶꦂꦱꦏꦶꦁꦥꦔꦸꦮꦱꦤꦶꦁꦦꦔꦼꦫꦤ꧀꧈ ꦧꦶꦭꦶꦃꦱꦢꦪꦠꦶꦠꦃꦲꦶꦁꦏꦁꦱꦶꦥꦠ꧀ꦒꦼꦱꦁꦥꦸꦤꦶꦏꦱꦩꦶꦱꦒꦼꦢ꧀ꦠꦸꦩꦁꦏꦂꦲꦸꦠꦮꦶꦲꦤꦸꦫꦸꦤ꧀ꦤꦏꦼꦤ꧀꧈ ꦠꦤꦼꦩ꧀ꦠꦸꦮꦸꦃ꧈ ꦱꦠꦺꦴꦏꦼꦮꦤ꧀ꦱꦂꦠꦏꦶꦠꦩꦤꦸꦱ꧈ ꦱꦩꦶꦠꦶꦤꦏ꧀ꦢꦶꦂꦱꦒꦼꦢ꧀ꦲꦁꦒꦝꦃꦲꦶꦠꦸꦫꦸꦤ꧀꧈ ꦲꦶꦁꦒꦶꦃꦥꦸꦤꦶꦏꦱꦫꦤꦩꦸꦫꦶꦃꦧꦺꦴꦠꦼꦤ꧀ꦔꦶꦕꦭ꧀ꦭꦏꦼꦤ꧀ꦥꦚ꧀ꦕꦼꦂꦫꦶꦥꦸꦤ꧀꧈ ꦢꦺꦤꦺꦏꦢꦺꦴꦱ꧀ꦥꦸꦤ꧀ꦢꦶꦩꦼꦁꦒꦃꦱꦫꦤꦤꦶꦁꦤꦸꦫꦸꦤ꧀ꦤꦏꦼꦤ꧀꧈ ꦠꦸꦩꦿꦥ꧀ꦥꦶꦥꦸꦤ꧀ꦠꦶꦠꦃꦲꦶꦁꦏꦁꦱꦶꦥꦠ꧀ꦒꦼꦱꦁꦥꦸꦤꦶꦏꦧꦺꦴꦠꦼꦤ꧀ꦱꦩꦶ꧈ ꦒꦸꦩꦤ꧀ꦠꦸꦁꦝꦠꦼꦁꦏꦱꦩ꧀ꦥꦸꦂꦤꦤ꧀ꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀꧈ ꦤꦩꦸꦁꦏꦼꦩꦮꦺꦴꦤ꧀ꦱꦢꦪꦮꦲꦸꦒꦽꦧꦤꦶꦥꦸꦤ꧀ꦤꦸꦁꦒꦶꦭ꧀꧈ ꦏꦢꦺꦴꦱ꧀ꦠ꧇ꦏꦼꦮꦤ꧀ꦭꦁꦏꦸꦁꦱꦩ꧀ꦥꦸꦂꦤꦠꦶꦤꦶꦩ꧀ꦧꦁꦠꦤꦼꦩ꧀ꦠꦸꦮꦸꦃ꧈ ꦤꦔꦶꦁꦏꦶꦫꦁꦱꦩ꧀ꦥꦸꦂꦤꦪꦺꦤ꧀ꦏꦠꦤ꧀ꦝꦶꦁꦏꦭꦶꦪꦤ꧀ꦩꦤꦸꦱ꧉ ꦢꦢꦺꦴꦱ꧀ꦱꦁꦱꦪꦱꦩ꧀ꦥꦸꦂꦤꦢꦿꦗꦢ꧀ꦢꦶꦁꦒꦼꦱꦁꦔꦶꦥꦸꦤ꧀꧈ ꦲꦶꦁꦒꦶꦃꦱꦁꦱꦪꦱꦩ꧀ꦥꦸꦂꦤꦕꦫꦤꦶꦁꦤꦸꦫꦸꦤ꧀ꦤꦏꦼꦤ꧀꧈
꧋ꦮꦮꦿꦠ꧀ꦥꦸꦤꦶꦏꦱꦠꦸꦁꦒꦶꦭ꧀ꦭꦶꦁꦥꦿꦏꦮꦶꦱ꧀ꦲꦶꦁꦏꦁꦮꦶꦒꦠꦶꦱꦂꦠꦥꦽꦩꦠꦶꦱꦔꦼꦠ꧀꧈ ꦗꦼꦂꦥꦸꦤꦶꦏꦱꦤꦺꦱ꧀ꦱꦠꦸꦁꦒꦶꦭ꧀ꦭꦶꦁꦥꦿꦏꦮꦶꦱ꧀ꦲꦶꦁꦏꦁꦧꦲꦺꦤ꧀ꦧꦲꦺꦤ꧀꧈ ꦲꦶꦁꦒꦶꦃꦮꦶꦮꦶꦠ꧀ꦥꦸꦤꦶꦏꦩꦤꦸꦱꦥꦶꦤꦫꦶꦁꦔꦤ꧀ꦩꦂꦩꦤ꧀ꦤꦶꦁꦦꦔꦼꦫꦤ꧀ꦲꦁꦒꦝꦃꦲꦶꦠꦸꦫꦸꦤ꧀꧈ ꦤꦸꦫꦸꦤ꧀ꦤꦏꦼꦤ꧀ꦮꦶꦗꦶꦲꦶꦁꦏꦁꦲꦶꦁꦠꦼꦩ꧀ꦧꦼꦤꦶꦥꦸꦤ꧀ꦢꦢꦺꦴꦱ꧀ꦩꦤꦸꦱ꧈ ꦱꦶꦥꦠ꧀ꦒꦼꦱꦁꦲꦶꦁꦏꦁꦭꦁꦏꦸꦁꦱꦩ꧀ꦥꦸꦂꦤꦱꦂꦠꦏꦢꦸꦤꦸꦁꦧ꧀ꦒꦤ꧀ꦲꦏꦭ꧀ꦧꦸꦢꦶ꧈ ꦧꦼꦢꦏꦭꦶꦪꦤ꧀ꦠꦶꦠꦃꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈
꧋ꦠꦸꦩꦿꦥ꧀ꦱꦢꦪꦥꦤ꧀ꦢꦩꦼꦭ꧀꧈ ꦏꦶꦠꦩꦤꦸꦱꦮꦗꦶꦧ꧀ꦔꦸꦥꦢꦺꦴꦱ꧀ꦉꦏꦢꦪꦲꦶꦃꦠꦶꦪꦂꦱꦫꦤꦲꦏꦭ꧀ꦧꦸꦢꦶꦩꦸꦫꦶꦃꦊꦏꦱ꧀ꦏꦶꦠꦱꦒꦼꦢ꧀ꦥꦿꦪꦺꦴꦒꦶꦱꦂꦠꦮꦼꦮꦃꦱꦩ꧀ꦥꦸꦂꦤ꧈ ꦩꦏꦠꦼꦤ꧀ꦲꦸꦒꦶꦠꦸꦩꦿꦥ꧀ꦥꦶꦁꦥꦤ꧀ꦢꦩꦼꦭ꧀ꦮꦮꦿꦠ꧀꧈ ꦲꦶꦁꦒꦶꦃꦏꦼꦢꦃꦢꦶꦥꦸꦤ꧀ꦩꦤꦃꦩꦸꦫꦶꦃꦱꦲꦼꦤꦶꦥꦸꦤ꧀꧈
꧋ꦲꦱꦿꦶꦁꦮꦮꦿꦠ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦏꦶꦫꦁꦥꦿꦪꦺꦴꦒꦶꦤꦶꦥꦸꦤ꧀꧈ ꦲꦩꦂꦒꦶꦏꦗꦮꦶꦧꦝꦼꦲꦁꦱꦭ꧀ꦠꦸꦫꦸꦤ꧀ꦲꦶꦁꦏꦁꦏꦶꦫꦁꦏꦶꦪꦠ꧀ꦧꦢꦤ꧀ꦤꦶꦥꦸꦤ꧀꧈ ꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦠꦸꦩꦿꦥ꧀ꦲꦶꦧꦸꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦱꦩ꧀ꦥꦸꦤ꧀ꦥꦤ꧀ꦢꦩꦼꦭ꧀ꦲꦶꦁꦏꦁꦲꦮꦿꦠ꧀ꦱꦔꦼꦠ꧀꧈ ꦱꦶꦥꦠꦶꦁꦲꦶꦧꦸꦤꦭꦶꦏꦤꦶꦥꦸꦤ꧀ꦮꦮꦿꦠ꧀꧈ꦱꦒꦼꦢ꧀ꦲꦤ꧀ꦢꦪꦤ꧀ꦤꦶꦝꦠꦼꦁꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦏꦤ꧀ꦝꦸꦠ꧀ꦠꦤ꧀꧈ ꦢꦢꦺꦴꦱ꧀ꦏꦶꦫꦁꦔꦶꦁꦏꦱꦫꦱ꧀ꦱꦤ꧀ꦤꦶꦥꦸꦤ꧀ꦲꦶꦧꦸ꧈ ꦲꦶꦁꦒꦶꦃꦧꦝꦼꦩꦸꦫꦸꦒ꧀ꦒꦏꦼꦤ꧀ꦝꦠꦼꦁꦫꦶꦁꦏꦶꦃꦲꦶꦥꦸꦤ꧀ꦲꦶꦁꦏꦁꦢꦶꦥꦸꦤ꧀ꦏꦤ꧀ꦝꦸꦠ꧀꧈ ꦩꦶꦭꦤꦶꦥꦸꦤ꧀ꦩꦸꦫꦶꦃꦱꦒꦼꦢ꧀ꦲꦁꦱꦭ꧀ꦠꦸꦫꦸꦤ꧀ꦲꦶꦁꦏꦁꦱꦲꦼ꧈ꦱꦂꦠ
