Kaca iki wis dikorèksi
27
ꦟ꧀ꦛꦶꦥꦔꦠꦺꦴꦱ꧀ꦲꦠꦺꦴꦱ꧀ꦥꦔꦼꦤ꧀ꦢꦼꦭ꧀ꦭꦶꦥꦸꦤ꧀ꦱꦢꦱ꧀ꦚꦤ꧀ꦲꦶꦁꦏꦁꦩꦺꦴꦁꦏꦱꦏ꧀ꦱꦶꦮꦲꦸꦥꦚ꧀ꦕꦺꦤ꧀ꦠꦶꦪꦁꦏꦺꦔꦶꦁꦏꦥꦶꦠꦢꦺꦴꦱ꧀ꦱꦂꦠꦲꦚ꧀ꦗꦭꦶꦩꦼꦠ꧀ꦧꦺꦴꦠꦼꦤ꧀ꦱꦒꦼꦢ꧀ꦏꦼꦭꦶꦤ꧀ꦠꦸ꧈ꦲꦺꦮꦢꦺꦤꦺꦲꦶꦁꦒꦶꦃꦏꦼꦢꦃꦢꦶꦥꦸꦤ꧀ꦱꦠꦶꦩꦺꦏ꧀ꦲꦏꦼꦤ꧀ꦫꦸꦩꦶꦪꦶꦤ꧀ꦲꦶꦁꦱꦢꦺꦫꦺꦁꦔꦶꦥꦸꦤ꧀ꦲꦶꦔꦁꦒꦼꦥ꧀ꦕꦫꦶꦪꦺꦴꦱ꧀ꦮꦲꦸ꧈ꦲꦩꦂꦒꦶꦠꦶꦪꦁꦒꦼꦱꦁꦥꦸꦤꦶꦏꦲꦁꦒꦺꦤ꧀ꦤꦶꦥꦸꦤ꧀ꦩꦤꦺꦴꦤ꧀ꦤꦶꦲꦶꦱꦺꦤ꧀ꦲꦶꦱꦺꦤ꧀ꦤꦶꦁꦗꦒꦢ꧀ꦲꦸꦥꦩꦶꦤꦶꦥꦸꦤ꧀ꦏꦢꦺꦴꦱ꧀ꦩꦮꦶꦠꦼꦱ꧀ꦩꦏ꧀ꦏꦶꦥꦸꦤ꧀ꦥꦶꦪꦩ꧀ꦧꦏ꧀ꦲꦶꦁꦏꦁꦏꦢꦩꦼꦭ꧀ꦒꦼꦭꦱ꧀ꦝꦱꦂꦫꦶꦥꦸꦤ꧀ꦮꦂꦟꦶꦮꦂꦟꦶ꧈ꦱꦏꦛꦃꦲꦶꦁꦮꦮꦂꦟꦺꦤ꧀ꦏꦠꦶꦔꦭ꧀ꦭꦶꦥꦸꦤ꧀ꦲꦶꦁꦩꦿꦶꦥꦠ꧀ꦲꦶꦁꦒꦶꦃꦩꦤꦸꦠ꧀ꦲꦶꦁꦱꦮꦂꦟꦶꦤꦶꦁꦝꦱꦂꦫꦶꦥꦸꦤ꧀ꦠꦼꦱ꧀ꦩꦏ꧀ꦲꦶꦁꦏꦁꦮꦂꦟꦶꦮꦂꦟꦶꦮꦲꦸ꧉ꦕꦼꦏꦏ꧀ꦏꦶꦥꦸꦤ꧀ꦮꦼꦢꦭ꧀ꦭꦶꦁꦕꦫꦶꦪꦺꦴꦱ꧀ꦱꦶꦥꦸꦤ꧀ꦠꦶꦪꦁꦥꦸꦤꦶꦏꦩꦶꦤꦺꦴꦁꦏꦥꦔꦶꦭꦺꦴꦤ꧀ꦤꦶꦁꦧꦸꦢꦶꦥꦏꦂꦠꦶꦤꦶꦥꦸꦤ꧀
ꦲꦸꦥꦩꦶꦤꦶꦥꦸꦤ꧀ꦠꦶꦪꦁꦕꦼꦩꦼꦁꦔꦶꦭꦺꦴꦭꦪꦁꦔꦤ꧀ꦤꦶꦥꦸꦤ꧀ꦲꦶꦁꦒꦶꦃꦏꦠꦶꦔꦭ꧀ꦲꦶꦁꦱꦮꦤ꧀ꦠꦃꦲꦶꦁꦥꦏꦸꦭꦶꦠ꧀ꦠꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦱꦒꦼꦢ꧀ꦩꦭꦶꦃꦥꦼꦛꦏ꧀ꦩꦼꦁꦒꦃꦭꦶꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦲꦮꦏ꧀ꦏꦶꦥꦸꦤ꧀ꦥꦶꦠꦩ꧀ꦧꦏ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦔꦗꦂꦫꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦮꦼꦮꦼꦁꦏꦺꦴꦤ꧀ꦱꦱꦿꦮꦸꦁꦔꦤ꧀ꦤꦶꦥꦸꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦱꦢꦪꦲꦤꦸꦩꦸꦱ꧀ꦱꦶꦲꦶꦁꦥꦁꦲꦼꦂꦠꦺꦴꦱ꧀꧈
꧋ꦱꦶꦤ꧀ꦠꦼꦤ꧀ꦲꦶꦁꦏꦁꦱꦂꦗꦸꦧꦝꦺꦱꦸꦩꦼꦉꦥ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦿꦺꦴꦥꦏ꧀ꦲꦶꦁꦏꦁꦏꦁꦒꦺꦮꦮꦠꦺꦴꦤ꧀ꦲꦶꦁꦤꦭꦶꦏꦥꦔꦫꦁꦔꦶꦥꦸꦤ꧀ꦝꦺꦴꦏ꧀ꦠꦼꦂ