Sakathahipun serat Prajangjéyan Énggal/Lukas

[ Lukas ] 

 

---

꧋ꦏꦶꦠꦧ꧀ꦲꦶꦚ꧀ꦗꦶꦭ꧀
ꦥꦔꦁꦒꦶꦠ꧀ꦠꦶꦥꦸꦤ꧀ꦭꦸꦏꦱ꧀꧉

---

[ 138 ]

꧋ꦧꦧ꧀ꦏꦥꦶꦁꦱꦥꦶꦱꦤ꧀꧉

꧑꧉ ꧋ꦱꦫꦺꦃꦤꦶꦁꦲꦏꦺꦃꦮꦺꦴꦁꦏꦁꦮꦸꦱ꧀ꦥꦣꦲꦔꦪꦺꦴꦤ꧀ꦤꦶ꧈ꦲꦔꦁꦒꦶꦠ꧀ꦕꦫꦶꦠꦤ꧀ꦤꦶꦁꦭꦭꦏꦺꦴꦤ꧀꧈ꦲꦶꦁꦏꦁꦱꦲꦺꦱ꧀ꦠꦸꦏꦁꦏꦭꦏꦺꦴꦤ꧀ꦲꦶꦁꦱꦠꦼꦁꦔꦃꦏꦸ꧉
꧒꧉ ꦏꦪꦲꦼꦁꦒꦺꦴꦤ꧀ꦏꦸꦥꦶꦤ꧀ꦤꦱꦿꦃꦲꦤ꧀ꦢꦺꦤ꧀ꦤꦶꦁꦔꦸꦮꦺꦴꦁ꧈ꦏꦁꦢꦢꦶꦱꦼꦏ꧀ꦱꦶꦏꦱꦠ꧀ꦩꦠ꧈ꦭꦤ꧀ꦢꦢꦶꦫꦺꦴꦮꦁꦔꦶꦁꦥꦔꦤ꧀ꦢꦶꦏ꧈ꦏꦁꦲꦮꦶꦠ꧀ꦱꦏꦲꦶꦁꦮꦶꦮꦶꦠ꧀ꦠꦤ꧀꧉
꧓꧉ ꦲꦏꦸꦲꦶꦪꦮꦸꦱ꧀ꦏꦢꦸꦒ꧈ꦱꦮꦸꦱ꧀ꦱꦺꦏꦥꦿꦶꦏ꧀ꦱ ꦤ꧀ꦤꦤ꧀ꦏꦧꦺꦃꦱꦏꦲꦶꦁꦮꦶꦮꦶꦠ꧀ꦠꦤ꧀ꦤꦺꦏꦭꦮꦤ꧀ꦠꦧꦼꦂꦫꦶ꧈ꦲꦤꦸꦭꦶꦱ꧀ꦱꦶꦩꦫꦁꦏꦺꦴꦮꦺꦠꦺꦄꦺꦴꦥ꦳ꦶꦭꦸꦱ꧀ꦏꦁꦔꦸꦠꦩ꧈ꦲꦶꦁꦱꦲꦸꦫꦸꦠ꧀ꦠꦸꦫꦸꦠ꧀ꦠꦺꦏꦧꦺꦃ꧉
꧔꧉ ꦱꦸꦥꦪꦏꦺꦴꦮꦺꦱꦸꦩꦸꦫꦸꦥ꧀ꦥꦲꦶꦁꦏꦤ꧀ꦚꦠꦃꦲꦤ꧀ꦤꦶꦁꦭꦭꦏꦺꦴꦤ꧀꧈ꦏꦁꦮꦸꦱ꧀ꦮꦶꦤꦸꦫꦸꦏ꧀ꦲꦏꦺꦲꦶꦁꦏꦺꦴꦮꦺ꧉ ꧉
꧕꧉ ꧋ꦤꦭꦶꦏꦗꦩꦤ꧀ꦤꦺꦲꦺꦫꦺꦴꦣꦼꦱ꧀ꦗꦸꦩꦼꦤ꧀ꦤꦼꦁꦫꦡꦸꦲꦶꦁꦠꦤ꧀ꦤꦃꦪꦲꦸꦢꦶ꧈ꦲꦤꦱꦮꦶꦗꦶꦄꦶꦩ ꦩ꧀ꦗꦼꦤ꧀ꦤꦼꦁꦔꦺꦱꦏ꦳ꦫꦶꦪꦱ꧀꧈ꦏꦁꦏꦊꦧꦸꦒꦶꦭꦶꦂꦫꦤ꧀​ꦄꦧꦶꦪ꧈ꦢꦺꦤ꧀ꦤꦺꦫꦧꦶꦤ꧀ꦤꦺꦠꦸꦫꦸꦤ꧀ꦤꦺꦄꦫꦸꦤ꧀ꦱꦏꦮꦢꦺꦴꦤ꧀꧈ꦗꦼꦤ꧀ꦤꦼꦁꦔꦺꦌꦭꦶꦱꦧꦺꦠ꧀꧉
꧖꧉ ꦩꦺꦴꦁꦏꦱꦏꦫꦺꦴꦤ꧀ꦤꦺꦲꦶꦏꦸꦥꦣꦮꦺꦴꦁꦔꦢꦶꦭ꧀ꦲꦤꦔꦂꦰꦤ꧀ꦤꦶꦁꦄꦭ꧀ꦭꦃ꧈ꦥꦣꦲꦔ꧀ꦭꦏꦺꦴꦤ꧀ꦤꦶꦱꦏꦺꦃꦲꦶꦁꦥꦥꦏꦺꦴꦤ꧀ꦠꦸꦮꦶꦤ꧀ꦥꦔꦢꦶꦭ꧀ꦭꦤ꧀ꦤꦶꦁꦦꦔꦺꦫꦤ꧀꧈ꦠꦤ꧀ꦥꦏꦭꦸꦥꦸꦠ꧀ꦠꦤ꧀꧉
꧗꧉ ꦲꦤ꧀ꦤꦔꦶꦁꦲꦺꦴꦫꦢꦸꦮꦺꦲꦤ꧀ꦤꦏ꧀꧈ꦲꦮꦶꦠ꧀ꦢꦺꦤ꧀ꦤꦶꦁꦌꦭꦶꦱꦧꦺꦠ꧀ꦩꦲꦸꦒꦧꦸꦒ꧀꧈ꦭꦤ꧀ꦱꦏꦫꦺꦴꦤ꧀ꦤꦺꦮꦸ ꦱ꧀ꦥꦣꦭꦸꦁꦱꦺꦲꦶꦁꦮꦪꦃ꧉
꧘꧉ ꦩꦺꦴꦁꦏꦱꦏ꦳ꦫꦶꦪꦱ꧀ꦤꦭꦶꦏꦲꦔꦶꦩꦤ꧀ꦤꦶꦲꦤꦔꦂꦰꦤ꧀ꦤꦶꦁꦄꦭ꧀ꦭꦃ꧈ꦲꦩ꧀ꦧꦼꦤ꧀ꦤꦼꦂꦫꦶꦧꦸꦧꦸꦃꦲꦤ꧀ꦤꦶꦁꦒꦶꦭꦶꦂꦫꦤ꧀ꦤꦺ꧉
꧙꧉ ꦮꦸꦱ꧀ꦥꦶꦤ꧀ꦤꦠꦃꦲꦥꦏꦁꦢꦢꦶꦲꦢꦠ꧀ꦠꦶꦁꦥꦫꦄꦶꦩꦩ꧀꧈ꦏꦧꦼꦤ꧀ꦤꦼꦂꦔꦺꦴꦧꦺꦴꦁꦢꦸꦥ꧈ꦭꦸꦩꦼꦧꦸꦩꦫꦁꦏ꦳ꦏ꧀ꦧꦃꦲꦶꦁꦦꦔꦺꦫꦤ꧀꧉
꧑꧐꧉ ꦢꦺꦤ꧀ꦤꦺꦱꦏꦺꦃꦲꦶꦁꦧꦭꦏꦧꦺꦃ꧈ꦥꦣꦲꦱꦼꦩ꧀ꦧꦪꦁꦲꦤꦲꦶꦁꦗꦧ꧈ꦲꦶꦁꦤꦭꦶꦏꦥꦔꦺꦴ ꦧꦺꦴꦁꦔꦺꦢꦸꦥꦩꦲꦸ꧉
꧑꧑꧉ ꦠꦸꦩꦸꦭꦶꦏꦠꦶꦔꦭ꧀ꦭꦤ꧀ꦩꦫꦁꦩꦭꦲꦺꦏꦠ꧀ꦠꦶꦁꦦꦔꦺꦫꦤ꧀꧈ꦗꦸꦩꦼꦤ꧀ꦤꦼꦁꦲꦤꦱꦠꦼꦔꦼꦤ꧀ꦤꦶꦁꦩꦶꦱ꧀ꦧꦾꦃꦥꦢꦸꦥꦤ꧀꧉
꧑꧒꧉ ꦱꦏ꦳ꦫꦶꦪꦱ꧀ꦩꦲꦸꦧꦉꦁꦮꦼꦂꦫꦸꦃ꧈ꦏꦒꦺꦠ꧀ꦱꦂꦠꦮꦼꦢꦶ꧉
꧑꧓꧉ ꦩꦺꦴꦁꦏꦩꦭꦲꦺꦏꦠ꧀ꦲꦁꦔꦤ꧀ꦢꦶꦏꦩꦫꦁꦱꦏ꦳ꦫꦶꦪꦱ꧀꧈ꦲꦺꦃꦱꦏ꦳ꦫꦶꦪ ꦱ꧀ꦲꦗꦏꦺꦴꦮꦺꦮꦼꦢꦶ꧈ꦢꦺꦤ꧀ꦤꦺꦥꦤ꧀ꦢꦺꦴꦔꦩꦸꦣꦸꦱ꧀ꦏꦠꦫꦶꦩ꧈ꦭꦤ꧀ꦲꦺꦭꦶꦱꦧꦺꦠ꧀ꦧꦺꦴꦗꦺꦴꦩꦸꦧꦏꦭ꧀ꦲꦩ꧀ꦧꦧꦂꦫꦏꦺꦲꦤ꧀ꦤꦏ꧀ꦭꦤ꧀ꦤꦁ꧈ꦏꦁꦧꦏꦭ꧀ꦏꦺꦴꦮꦺꦗꦼꦤ꧀ꦤꦼꦁꦔꦏꦺꦪꦺꦴꦏ꦳ꦤ꧀ꦤꦤ꧀꧉
꧑꧔꧉ ꦢꦺꦤ꧀ꦤꦺꦏꦺꦴꦮꦺꦧꦏꦭ꧀ꦧꦸꦔꦃꦱꦂꦠꦲꦱꦸꦏꦉꦤ꧀ꦤ꧈ꦭꦤ꧀ꦱꦭꦲꦶꦂꦫꦺꦧꦺꦴꦕꦃꦲꦶꦏꦸꦮꦺꦴꦁꦔꦏꦺꦃꦥꦣꦏꦧꦸꦔꦃꦲꦤ꧀꧉
꧑꧕꧉ ꦱꦧꦧ꧀ꦧꦺꦴꦕꦃꦲꦶꦏꦸꦧꦏꦭ꧀ꦢꦢꦶꦒꦼꦣꦺꦲꦤꦔꦂꦰꦤ꧀ꦤꦶꦁꦦꦔꦺꦫꦤ꧀꧈ꦱꦂꦠꦲꦺꦴꦫꦲꦉꦥ꧀ꦔꦺꦴꦩ꧀ꦧꦺꦲꦁꦒꦸꦂꦲꦸꦠꦮꦱꦗꦼꦁ꧈ꦭꦤ꧀ꦧꦏꦭ꧀ꦏꦥꦚ꧀ꦗꦶꦁꦔꦤ꧀ꦫꦺꦴꦃꦲꦶꦁꦏꦁꦯꦸꦕꦶ꧈ꦲꦮꦶꦠ꧀ꦢꦸꦏ꧀ꦲꦤꦲꦶꦁꦒꦸꦮꦒꦂꦧꦤ꧀ꦤꦺꦲꦶꦧꦸꦤ꧀ꦤꦺ꧉
꧑꧖꧉ ꦭꦤ꧀ꦲꦏꦺꦃꦠꦸꦫꦸꦤ꧀ꦤꦶꦁꦆꦱꦿꦆꦭ꧀ꦏꦁꦧꦶꦤ꧀ꦤꦭꦺꦏ꧀ꦲꦏꦺꦩꦫꦁꦦꦔꦺ [ 139 ]ꦫꦤ꧀ꦄꦭ꧀ꦭꦃꦲꦺ꧉
꧑꧗꧉ ꦭꦤ꧀ꦧꦏꦭ꧀ꦲꦟ꧀ꦝꦶꦔꦶꦤ꧀ꦤꦶꦩꦫꦁꦦꦔꦺꦫꦤ꧀ꦤꦺ꧈ꦲꦔꦁꦒꦺꦴꦫꦺꦴꦃꦭꦤ꧀ꦥꦔꦸꦮꦱꦤ꧀ꦤꦺꦲꦺꦭꦶꦪꦱ꧀꧈ꦧꦏꦭ꧀ꦲꦔꦼꦠꦸꦠ꧀ꦠꦏꦺꦲꦠꦶꦤ꧀ꦤꦶꦁꦧꦥꦩꦫꦁꦔꦤ꧀ꦤꦏ꧀ꦏ꧈ꦲꦸꦠꦮꦮꦺꦴꦁꦏꦁꦩꦸꦂꦱꦭ꧀ꦩꦫꦁꦧꦸꦢꦶꦤ꧀ꦤꦺꦮꦺꦴꦁꦔꦢꦶꦭ꧀꧈ꦲꦤ꧀ꦚꦤ꧀ꦚꦣꦁꦔꦏꦺꦧꦭꦥꦣꦥꦶꦤꦿꦶꦃꦱꦩꦼꦏ꧀ꦠꦲꦩꦫꦶꦁꦦꦔꦺꦫꦤ꧀꧉
꧑꧘꧉ ꦩꦺꦴꦁꦏꦱꦏ꦳ꦫꦶꦪꦱ꧀ꦲꦸꦩꦠꦸꦂꦩꦫꦁꦩꦭꦲꦺꦏꦠ꧀ꦩꦲꦸ꧈ꦲꦮꦶꦠ꧀ꦱꦏꦶꦁꦥꦸꦤ꧀ꦤꦥꦒꦺꦤ꧀ꦏꦮꦸꦭꦲꦸꦤ꧀ꦤꦶꦔꦣꦠꦼꦁꦥꦸꦤ꧀ꦤꦶꦏꦮꦲꦸ꧈ꦢꦺꦤ꧀ꦤꦺꦏꦮꦸꦭꦱꦩ꧀ꦥꦸꦤ꧀ꦱꦼꦥꦸꦃ꧈ꦲꦸꦠꦮꦶꦱꦺꦩꦃꦏꦮꦸꦭꦱꦩ꧀ꦥꦸꦤ꧀ꦭꦸꦁꦱꦺꦲꦶꦁꦮꦪꦃꦲꦶꦥꦸꦤ꧀꧉
꧑꧙꧉ ꦩꦺꦴꦁꦏꦩꦭꦲꦺꦏꦠ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦲꦏꦸꦲꦶꦏꦶꦗꦧꦫꦆꦭ꧀꧈ꦏꦁꦔꦢꦼꦒ꧀ꦲꦤꦔꦂꦰꦤ꧀ꦤꦶꦁꦄꦭ꧀ꦭꦃ꧈ꦭꦤ꧀ꦲꦏꦸꦲꦶꦁꦔꦸꦠꦸꦱ꧀꧈ꦲꦤ꧀ꦚꦭꦛꦺꦴꦤ꧀ꦤꦶꦩꦫꦁꦏꦺꦴꦮꦺ꧈ꦱꦂꦠꦲꦩꦼꦂꦠꦤ꧀ꦤꦶꦩꦫꦁꦏꦺꦴꦮꦺꦩꦸꦁꦒꦸꦃꦲꦶꦏꦸꦩꦲꦸ꧉
꧒꧐꧉ ꦭꦤ꧀ꦏꦺꦴꦮꦺꦲꦶꦏꦸꦧꦏꦭ꧀ꦧꦶꦱꦸ꧈ꦲꦺꦴꦫꦧꦶꦱꦕꦭꦛꦸ꧈ꦏꦺꦴꦁꦱꦶꦠꦸꦩꦼꦏꦲꦶꦁꦢꦶꦤ꧀ꦤꦏꦭꦏꦺꦴꦤ꧀ꦤꦺꦲꦶꦏꦸꦩꦲꦸ꧈ꦩꦸꦭꦤ꧀ꦤꦺꦩꦼꦁꦏꦺꦴꦤ꧀ꦤꦺꦴꦲꦮꦶꦠ꧀ꦏꦺꦴꦮꦺꦲꦺꦴꦫꦔꦤ꧀ꦢꦼꦭ꧀ꦩꦫꦁꦥꦶꦠꦸꦠꦸꦂꦏꦸ꧈ꦏꦁꦧꦏꦭ꧀ꦠꦶꦤ꧀ꦤꦼꦠꦼꦥ꧀ꦥꦏꦺꦲꦶꦁꦏꦭꦩꦁꦱꦤ꧀ꦤꦺ꧉
꧒꧑꧉ ꦢꦺꦤ꧀ꦤꦺꦱꦏꦺꦃꦲꦶꦁꦧꦭꦥꦣꦲꦔꦼꦤ꧀ꦠꦺꦤ꧀ꦤꦶꦩꦫꦁꦱꦏ꦳ꦫꦶꦪꦱ꧀꧈ꦱꦂꦠꦥꦣꦒꦸꦩꦸꦤ꧀ꦒꦺꦴꦤ꧀ꦤꦺꦱꦸꦮꦺꦲꦤꦲꦶꦁꦏ꦳ꦏ꧀ꦧꦃ꧉
꧒꧒꧉ ꦢꦺꦤ꧀ꦤꦺꦱꦮꦼꦠꦸꦤ꧀ꦤꦺꦲꦺꦴꦫꦧꦶꦱꦕꦭꦛꦸꦩꦫꦁꦧꦭ꧈ꦱꦂꦠꦥꦣꦱꦸꦩꦸꦫꦸꦥ꧀ꦭꦤ꧀ꦮꦸꦱ꧀ꦲꦤ꧀ꦢꦼꦊꦁꦠꦠꦶꦔꦭ꧀ꦭꦤ꧀ꦲꦤꦲꦶꦁꦏ꦳ꦏ꧀ꦧꦃ꧈ꦩꦺꦴꦁꦏꦱꦏ꦳ꦫꦶꦪꦱ꧀ꦲꦔꦮꦺꦩꦫꦁꦧꦭ꧈ꦱꦂꦠꦏꦢꦲꦸꦢ꧀ꦧꦶꦱꦸꦤ꧀ꦤꦺ꧉
꧒꧓꧉ ꦧꦉꦁꦮꦸꦱ꧀ꦠꦸꦩꦼꦏꦒꦼꦤ꧀ꦤꦼꦥ꧀ꦥꦶꦁꦢꦶꦤ꧀ꦤꦒꦺꦴꦤ꧀ꦤꦺꦲꦔꦶꦩꦤ꧀ꦤꦶ꧈ꦧꦚ꧀ꦗꦸꦂꦩꦸꦭꦶꦃꦩꦫꦁꦲꦶꦁꦔꦺꦴꦩꦃꦲꦺ꧉
꧒꧔꧉ ꦱꦮꦸꦱ꧀ꦱꦺꦏꦭꦏꦺꦴꦤ꧀ꦲꦶꦁꦢꦶꦤ꧀ꦤꦲꦶꦏꦸꦩꦲꦸ꧈ꦌꦭꦶꦱꦧꦺꦠ꧀ꦱꦺꦴꦩꦃꦲꦺꦠꦸꦩꦸꦭꦶꦲꦁꦒꦂꦧꦶꦤ꧀ꦤꦶ꧈ꦱꦂꦠꦲꦸꦩ꧀ꦥꦼꦠ꧀ꦠꦤ꧀ꦭꦮꦱ꧀ꦱꦺꦭꦶꦩꦁꦱꦱꦶ꧈ꦥꦔꦸꦕꦥ꧀ꦥꦺ꧉
꧒꧕꧉ ꦏꦪꦩꦼꦁꦏꦺꦤ꧀ꦤꦺꦲꦶꦏꦶꦥꦤ꧀ꦢꦩꦼꦭ꧀ꦭꦶꦁꦦꦔꦺꦫꦤ꧀ꦩꦫꦁꦲꦶꦁꦔꦮꦏ꧀ꦏꦸ꧈ꦤꦭꦶꦏꦲꦔꦸꦤ꧀ꦤꦶꦔꦤ꧀ꦤꦶꦩꦫꦁꦔꦏꦸ꧈ꦲꦔꦶꦭꦁꦔꦏꦺꦲꦶꦁꦏꦤ꧀ꦤꦶꦰ꧀ꦛꦤ꧀ꦏꦸꦱꦏꦲꦶꦁꦮꦺꦴꦁꦔꦏꦺꦃ꧉ ꧉
꧒꧖꧉ ꧋ꦱꦮꦸꦱ꧀ꦱꦺꦏꦭꦏꦺꦴꦤ꧀ꦤꦼꦩ꧀ꦱꦱꦶ꧈ꦩꦭꦲꦺꦏꦠ꧀ꦗꦧꦫꦆꦭ꧀ꦏꦲꦸꦠꦸꦱ꧀ꦢꦺꦤ꧀ꦤꦶꦁꦄꦭ꧀ꦭꦃ꧈ꦩꦫꦁꦲꦶꦁꦤꦼꦒꦫꦠꦤ꧀ꦤꦃꦒꦭꦶꦭꦺꦪ꧈ꦏꦁꦲꦶꦁꦔꦫꦤ꧀ꦤꦤ꧀ꦤꦱꦫꦺꦠ꧀꧉
꧒꧗꧉ ꦲꦶꦁꦔꦸꦠꦸꦤ꧀ꦩꦫꦁꦥꦿꦮꦤ꧀ꦏꦁꦥꦶꦤ꧀ꦤꦕꦁꦔꦏꦺꦭꦤ꧀ꦮꦺꦴꦁꦭꦤ꧀ꦤꦁ꧈ꦏꦁꦗꦼꦤ꧀ꦤꦼꦁꦪꦸꦱꦸꦥ꧀꧈ꦠꦸꦫꦸꦤ꧀ꦤꦶꦁꦢꦮꦸꦢ꧀꧈ꦢꦺꦤ꧀ꦤꦺꦗꦼꦤ꧀ꦤꦼꦁꦔꦺꦥꦿꦮꦤ꧀ꦩꦲꦸꦩꦂꦪꦩ꧀꧉
꧒꧘꧉ ꦩꦭꦲꦺꦏꦠ꧀ꦩꦲꦸꦧꦉꦁꦮꦸꦱ꧀ꦭꦸꦩꦼꦧꦸꦩꦫꦁꦔꦺꦴꦩꦲꦺꦩꦂꦪꦩ꧀꧈ꦧꦚ꧀ꦗꦸꦂꦔꦤ꧀ꦢꦶꦏ꧈ꦱꦭꦩꦼꦠ꧀ꦠꦏꦏꦱꦶꦃꦲꦶꦁꦄꦭ꧀ꦭꦃ꧈ꦦꦔꦺꦫꦤ꧀ꦲꦤꦸꦁꦒꦭ꧀ꦭꦩꦫꦁꦏꦺꦴꦮꦺ꧈ꦏꦁꦧꦶꦤ꧀ꦤꦼꦂꦏꦃꦲꦤ꧀ꦲꦔ꧀ꦭꦸꦮꦶꦃꦲꦶꦥꦫꦮꦢꦺꦴꦤ꧀ꦏꦧꦺꦃ꧉
꧒꧙꧉ ꦢꦺꦤ꧀ꦤꦺꦩꦂꦪꦩ꧀ꦧꦉꦁꦮꦼꦂꦫꦸꦃꦏꦸꦮꦸꦂꦲꦮꦶꦠ꧀ꦱꦏꦥꦔꦤ꧀ꦢꦶꦏꦩꦲꦸ꧈ꦱꦂꦠꦲꦩꦶꦏꦶꦂꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺ꧈ꦩꦸꦁꦒꦸꦃꦏꦱ꧀ꦭꦩꦼꦠ꧀ꦠꦤ꧀ꦲꦶꦏꦸꦩꦲꦸꦲꦥ꧉
꧓꧐꧉ ꦩꦺꦴꦁꦏꦩꦭꦲꦺꦏꦠ꧀ꦩꦲꦸꦔꦤ꧀ꦢꦶꦏꦩ [ 140 ]ꦤ꧀ꦤꦺꦃꦩꦫꦁꦩꦂꦪꦩ꧀꧈ꦲꦺꦃꦩꦂꦪꦩ꧀꧈ꦲꦗꦁꦏꦺꦴꦮꦺꦮꦼꦢꦶ꧈ꦱꦧꦼꦧ꧀ꦏꦺꦴꦮꦺꦲꦶꦏꦸꦮꦸ ꦱ꧀ꦲꦺꦴꦭꦺꦃꦱꦶꦃꦲꦶꦁꦄꦭ꧀ꦭꦃ꧉
꧓꧑꧉ ꦭꦤ꧀ꦮꦼꦂꦫꦸꦃꦲꦤ꧀ꦤꦩꦸ꧈ꦏꦺꦴꦮꦺꦧꦏꦭ꧀ꦲꦁꦒꦂꦧꦶꦤ꧀ꦤꦶ꧈ꦱꦂꦠꦲꦩ꧀ꦧꦧꦂꦫꦏꦺꦥꦸꦠꦿꦗꦭꦸ꧈ꦏꦁꦧꦏꦭ꧀ꦏꦺꦴꦮꦺꦲꦫꦤ꧀ꦤꦶꦗꦼꦤ꧀ꦤꦼꦁꦔꦺꦪꦺꦯꦸꦱ꧀꧉
꧓꧒꧉ ꦲꦶꦏꦸꦧꦏꦭ꧀ꦢꦢꦶꦒꦼꦣꦺ꧈ꦭꦤ꧀ꦧꦏꦭ꧀ꦢꦶꦲꦫꦤ꧀ꦤꦶꦥꦸꦠꦿꦤ꧀ꦤꦶꦁꦏꦁꦩꦲꦭꦸꦲꦸꦂ꧈ꦱꦂꦠꦧꦏꦭ꧀ꦥꦶꦤ꧀ꦤꦫꦶꦁꦔꦤ꧀ꦢꦺꦤ꧀ꦤꦶꦁꦓꦸꦱ꧀ꦡꦶꦄꦭ꧀ꦭꦃꦣꦩ꧀ꦥꦂꦫꦺꦢꦮꦸꦢ꧀ꦧꦥꦏ꧀ꦤꦺ꧉
꧓꧓꧉ ꦩꦶꦮꦃꦧꦏꦭ꧀ꦲꦔꦿꦠꦺꦴꦤ꧀ꦤꦶꦩꦫꦁꦠꦸꦫꦸꦤ꧀ꦤꦶꦁꦪꦏꦸꦧ꧀ꦲꦶꦁꦱꦭꦮꦱ꧀ꦭꦮꦼꦱ꧀ꦱꦺ꧈ꦢꦺꦤ꧀ꦤꦺꦏꦫꦠꦺꦴꦤ꧀ꦤꦺꦲꦺꦴꦫꦤ꧀ꦤꦤꦥꦼꦣꦺꦴꦠ꧀ꦠꦺ꧉
꧓꧔꧉ ꦩꦺꦴꦁꦏꦩꦂꦪꦩ꧀ꦲꦸꦩꦠꦸꦂꦩꦫꦁꦩꦭꦲꦺꦏꦠ꧀꧈ꦲꦶꦁꦏꦁꦥꦸꦤ꧀ꦤꦶꦏꦏꦢꦺꦴꦱ꧀ꦥꦸꦤ꧀ꦢꦶ꧈ꦱꦫꦺꦃꦤꦶꦁꦏꦮꦸꦭꦧꦺꦴꦠꦼꦤ꧀ꦲꦸꦤ꧀ꦤꦶꦔꦣꦠꦼꦁꦠꦶꦪꦁꦗꦊꦂ꧉
꧓꧕꧉ ꦩꦺꦴꦁꦏꦩꦭꦲꦺꦏꦠ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦫꦺꦴꦃꦲꦶꦁꦏꦁꦯꦸꦕꦶꦏꦁꦧꦏꦭ꧀ꦤꦼꦣꦏ꧀ꦏꦶꦩꦫꦁꦏꦺꦴꦮꦺ꧈ꦱꦂꦠꦥꦔꦸꦮꦱꦤ꧀ꦤꦶꦁꦏꦁꦩꦲꦭꦸꦲꦸꦂꦧꦏꦭ꧀ꦲꦔꦲꦸꦧ꧀ꦧꦶꦩꦫꦁꦏꦺꦴꦮꦺ꧈ꦩꦸꦭꦤ꧀ꦤꦺꦏꦁꦯꦸꦕꦶꦏ꦳ꦧꦏꦭ꧀ꦭꦶꦤ꧀ꦤꦲꦶꦂꦫꦏꦺ꧈ꦲꦶꦏꦸꦧꦏꦭ꧀ꦢꦶꦲꦫꦤ꧀ꦤꦶꦥꦸꦠꦿꦤ꧀ꦤꦶꦁꦄꦭ꧀ꦭꦃ꧉
꧓꧖꧉ ꦭꦤ꧀ꦤꦼꦂꦫꦸꦃꦲꦤ꧀ꦤꦩꦸ꧈ꦌꦭꦶꦱꦧꦺꦠ꧀ꦱꦤ꧀ꦤꦏ꧀ꦩꦸ꧈ꦏꦁꦮꦸꦱ꧀ꦭꦸꦁꦱꦺꦲꦶꦁꦮꦪꦃꦲꦶꦏꦸꦲꦶꦪꦲꦔꦟ꧀ꦝꦸꦠ꧀ꦮꦮꦼꦠꦼꦁꦔꦤ꧀ꦭꦤ꧀ꦤꦁ꧈ꦱꦲꦶꦏꦶꦮꦸꦱ꧀ꦲꦺꦴꦭꦺꦃꦤꦼꦩ꧀ꦱꦱꦶꦏꦁꦢꦶꦲꦫꦤ꧀ꦤꦶꦪꦺꦤ꧀ꦒꦧꦸꦒ꧀꧉
꧓꧗꧉ ꦱꦧꦧ꧀ꦩꦸꦁꦒꦸꦃꦲꦶꦁꦄꦭ꧀ꦭꦃꦲꦶꦏꦸꦱꦧꦫꦁꦲꦺꦴꦫꦤ꧀ꦤꦤꦏꦁꦲꦺꦴꦫꦏꦼꦤ꧀ꦤꦢꦶꦭꦏꦺꦴꦤ꧀ꦤꦶ꧉
꧓꧘꧉ ꦩꦂꦪꦩ꧀ꦲꦩꦁꦱꦸꦭ꧀ꦭꦶꦲꦠꦸꦂ꧈ꦲꦶꦁꦒꦶꦃꦱꦸꦩꦺꦴꦁꦒ꧈ꦏꦮꦸꦭꦥꦸꦤ꧀ꦤꦶꦏꦥꦉꦏ꧀ꦏꦤ꧀ꦤꦶꦁꦦꦔꦺꦫꦤ꧀꧈ꦏꦮꦸꦭꦩꦸꦒꦶꦏꦭꦩ꧀ꦥꦃꦲꦤꦲꦶꦁꦱꦥꦔꦤ꧀ꦢꦶꦏꦱꦩ꧀ꦥꦺꦪꦤ꧀꧈ꦩꦭꦲꦺꦏꦠ꧀ꦩꦲꦸꦠꦸꦩꦸꦭꦶꦲꦤ꧀ꦤꦶꦭꦂꦩꦂꦪꦩ꧀꧉ ꧉
꧓꧙꧉ ꧋ꦢꦸꦏ꧀ꦤꦭꦶꦏꦲꦶꦏꦸꦩꦂꦪꦩ꧀ꦠꦸꦩꦸꦭꦶꦩꦁꦏꦠ꧀ꦭꦸꦔꦲꦺꦁꦒꦭ꧀ꦭꦺꦁꦒꦭ꧀ꦭꦤ꧀꧈ꦲꦚ꧀ꦗꦸꦗꦸꦒ꧀ꦩꦫꦁꦥꦒꦸꦤꦸꦁꦔꦤ꧀ꦩꦼꦤ꧀ꦚꦁꦲꦶꦁꦏꦸꦛꦠꦤ꧀ꦤꦃꦪꦲꦸꦢꦶ꧉
꧔꧐꧉ ꦧꦉꦁꦮꦸꦱ꧀ꦭꦸꦩꦼꦧꦸꦩꦫꦁꦔꦺꦴꦩꦃꦲꦺꦱꦏ꦳ꦫꦶꦪꦱ꧀꧈ꦧꦧ꧀ꦗꦸꦂꦲꦸꦭꦸꦏ꧀ꦱꦭꦩ꧀ꦩꦫꦁꦌꦭꦶꦱꦧꦺꦠ꧀꧉
꧔꧑꧉ ꦢꦺꦤ꧀ꦤꦺꦌꦭꦶꦱꦧꦺꦠ꧀ꦧꦉꦁꦔꦿꦸꦔꦸꦲꦸꦭꦸꦏ꧀ꦏꦺꦱꦭꦩ꧀ꦩꦂꦪꦩ꧀꧈​ꦧꦧꦪꦶꦏꦁꦔꦤꦲꦶꦁꦮꦼꦠꦼꦁꦔꦤ꧀ꦤꦺꦲꦚ꧀ꦗꦸꦩ꧀ꦧꦸꦭ꧀꧈ꦩꦺꦴꦁꦏꦌꦭꦶꦱꦧꦺꦠ꧀ꦲꦶꦏꦸꦏꦥꦚ꧀ꦗꦶꦁꦔꦤ꧀ꦫꦺꦴꦃꦲꦶꦁꦏꦁꦯꦸꦕꦶ꧉
꧔꧒꧉ ꦧꦚ꧀ꦗꦸꦂꦲꦤ꧀ꦚꦸꦮꦫꦱ꧀ꦮꦫꦲꦱꦿꦸ꧈ꦥꦔꦸꦕꦥ꧀ꦥꦺ꧈ꦏꦺꦴꦮꦺꦲꦶꦏꦸꦏꦁꦧꦶꦤ꧀ꦤꦼꦂꦏꦃꦲꦤ꧀ꦲꦔ꧀ꦭꦸꦮꦶꦃꦲꦶꦱꦏꦥꦫꦮꦢꦺꦴꦤ꧀꧈ꦲꦸꦠꦮꦮꦺꦴꦃꦏꦁꦔꦤꦗꦿꦺꦴꦤ꧀ꦤꦶꦁꦮꦼꦠꦼꦁꦔꦤ꧀ꦤꦩꦸꦲꦶꦏꦸꦲꦶꦪꦧꦶꦤ꧀ꦤꦼꦂꦏꦃꦲꦤ꧀꧉
꧔꧓꧉ ꦢꦺꦤ꧀ꦤꦺꦏꦧꦼꦒ꧀ꦗꦤ꧀ꦏꦸꦲꦶꦏꦶꦱꦁꦏꦤ꧀ꦤꦺꦔꦼꦤ꧀ꦢꦶ꧈ꦢꦺꦤ꧀ꦤꦺꦲꦶꦧꦸꦤ꧀ꦤꦺꦦꦔꦺꦫꦤ꧀ꦏꦸꦲꦤ꧀ꦤꦼꦏꦤ꧀ꦤꦶꦩꦫꦁꦔꦏꦸ꧉
꧔꧔꧉ ꦮꦼꦂꦫꦸꦃꦲꦤ꧀ꦤꦩꦸ꧈ꦧꦉꦁꦲꦸꦭꦸꦏ꧀ꦩꦸꦱꦭꦩ꧀ꦠꦸꦩꦩꦩꦫꦁꦏꦸꦥꦶꦁꦏꦸ꧈ꦧꦧꦪꦶꦏꦁꦔꦤꦲꦶꦁ ꦮꦼꦠꦼꦁꦏꦸꦲꦚ꧀ꦗꦸꦩ꧀ꦧꦸꦭ꧀ꦏꦭꦮꦤ꧀ꦧꦸꦔꦃ꧉
꧔꧕꧉ ꦩꦸꦭꦤ꧀ꦤꦺꦫꦃꦲꦪꦸꦮꦺꦴꦁꦏꦁꦮꦸꦱ꧀ꦲꦥꦿꦕꦪ꧈ꦱꦧꦧ꧀ꦧꦏꦭ꧀ꦭꦺꦥꦣꦏꦭꦏꦺꦴꦤ꧀꧈ꦲꦶꦁꦱꦥꦔꦤ꧀ꦢꦶꦏꦤ꧀ꦤꦶꦁꦦꦔꦺꦫꦤ꧀ꦏꦁꦩꦫꦁꦔꦮꦏ꧀ꦏꦺ꧉
꧔꧖꧉ ꦩꦺꦴꦁꦏꦩꦂꦪꦩ꧀ꦲꦸꦩꦠꦸꦂ꧈ꦚꦮꦏꦮꦸꦭꦲꦔꦼꦒꦸꦁꦔꦏꦼꦤ꧀ꦝꦠꦼꦁꦦꦔꦺꦫꦤ꧀꧉
꧔꧗꧉ ꦱꦲꦱꦸꦏ꧀ꦩꦏꦮꦸ [ 141 ]ꦭꦲꦱꦸꦏꦥꦶꦉꦤ꧀ꦤꦲꦶꦁꦄꦭ꧀ꦭꦃ꧈ꦏꦁꦲꦩꦫꦶꦁꦔꦶꦧꦱꦸꦏꦶꦣꦠꦼꦁꦏꦮꦸꦭ꧉
꧔꧘꧉ ꦲꦮꦶꦠ꧀ꦢꦺꦤ꧀ꦤꦶꦁꦱꦩ꧀ꦥꦸꦤ꧀ꦲꦔꦸꦤ꧀ꦤꦶꦔꦤ꧀ꦤꦶꦲꦟ꧀ꦝꦥ꧀ꦥꦶꦁꦥꦉꦏ꧀ꦏꦤ꧀ꦤꦶꦥꦸꦤ꧀꧈ꦲꦮꦶꦠ꧀ꦢꦺꦤ꧀ꦤꦶꦁꦱꦥꦸꦤ꧀ꦤꦶꦏꦲꦶꦁꦱꦏꦛꦃꦲꦶꦥꦸꦤ꧀ꦠꦼꦣꦏ꧀ꦱꦢꦪ꧈ꦧꦣꦺꦲꦩꦼꦱ꧀ꦠꦤ꧀ꦤꦶꦫꦃꦲꦗꦼꦁꦣꦸꦩꦠꦼꦁꦏꦮꦸꦭ꧉
꧔꧙꧉ ꦱꦧꦧ꧀ꦱꦮꦶꦱꦺꦰꦏꦁꦱꦩ꧀ꦥꦸꦤ꧀ꦲꦢꦩꦼꦭ꧀ꦲꦒꦼꦁꦣꦸꦩꦠꦼꦁꦏꦮꦸꦭ꧈ꦢꦺꦤ꧀ꦤꦺꦲꦶꦁꦏꦁꦯꦸꦕꦶꦲꦱ꧀ꦩꦤ꧀ꦤꦶꦥꦸꦤ꧀꧉
꧕꧐꧉ ꦱꦲꦱꦶꦃꦥꦶꦮꦼꦭꦱ꧀ꦱꦶꦥꦸꦤ꧀ꦔꦤ꧀ꦠꦺꦴꦱ꧀ꦢꦸꦩꦸꦒꦶꦠꦼꦣꦏ꧀ꦠꦸꦩꦼꦣꦏ꧀꧈ꦲꦶꦁꦏꦁꦱꦩꦶꦲꦗꦿꦶꦃꦣꦸꦩꦠꦼꦁꦲꦱ꧀ꦩꦤ꧀ꦤꦶꦥꦸꦤ꧀꧉
꧕꧑꧉ ꦲꦶꦁꦏꦁꦱꦩ꧀ꦥꦸꦤ꧀ꦲꦢꦩꦼꦭ꧀ꦏꦲꦺꦭꦺꦴꦏ꧀ꦏꦤ꧀ꦲꦩꦂꦒꦶꦱꦏꦶꦁꦲꦱ꧀ꦠꦤ꧀ꦤꦶꦥꦸꦤ꧀꧈ꦠꦶꦪꦁꦲꦶꦁꦏꦁꦱꦩꦶꦲꦩ꧀ꦧꦼꦏ꧀ꦏꦸꦩꦶꦁꦱꦸꦤ꧀ꦥꦤ꧀ꦚꦶꦥ꧀ꦠꦤ꧀ꦤꦶꦁꦩꦤ꧀ꦤꦃꦲꦶꦥꦸꦤ꧀ꦱꦩꦶꦧꦶꦤꦸꦪꦂꦫꦏꦼꦤ꧀꧉
꧕꧒꧉ ꦠꦶꦪꦁꦲꦶꦁꦏꦁꦲꦔꦸꦮꦱꦤ꧀ꦤꦶꦱꦩꦶꦭꦶꦤ꧀ꦤꦺꦴꦫꦺꦴꦢ꧀ꦱꦏꦶꦁꦣꦩ꧀ꦥꦂ꧈ꦢꦺꦤ꧀ꦤꦺꦠꦶꦪꦁꦲꦶꦁꦏꦁꦱꦩꦶꦲꦟ꧀ꦝꦥ꧀ꦲꦱꦺꦴꦂꦱꦩꦶꦭꦶꦤꦸꦲꦸꦂꦫꦏꦼꦤ꧀꧉
꧕꧓꧉ ꦠꦶꦪꦁꦲꦶꦁꦏꦁꦔ꧀ꦭꦥꦱꦩꦶꦠꦶꦤꦸꦮꦸꦏ꧀ꦏꦤ꧀ꦲꦶꦁꦏꦱꦲꦺꦤ꧀ꦤꦤ꧀꧈ꦢꦺꦤ꧀ꦤꦺꦠꦶꦪꦁꦲꦶꦁꦏꦁꦱꦸꦒꦶꦃꦱꦩꦶꦠꦶꦤꦸꦟ꧀ꦝꦸꦁꦱꦸꦮꦼꦁ꧉
꧕꧔꧉ ꦆꦱꦿꦆꦭ꧀ꦏꦏꦱꦶꦃꦲꦶꦥꦸꦤ꧀ꦲꦶꦁꦏꦁꦏꦠꦫꦶꦩ꧈ꦱꦩ꧀ꦥꦸꦤ꧀ꦏꦲꦺꦔꦼꦠ꧀ꦠꦤ꧀ꦲꦶꦁꦱꦶꦃꦮꦼꦭꦱ꧀ꦱꦶꦥꦸꦤ꧀꧉
꧕꧕꧉ ꦏꦢꦺꦴꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦢꦺꦤ꧀ꦥꦔꦤ꧀ꦢꦶꦏꦏ꧀ꦲꦏꦼꦤ꧀ꦝꦠꦼꦁꦲꦶꦁꦭꦸꦭꦸꦲꦸꦂꦏꦮꦸꦭ꧈ꦣꦸꦩꦠꦼꦁꦆꦧꦿꦲꦶꦩ꧀ꦲꦶꦁꦱꦠꦼꦂꦫꦃꦲꦶꦥꦸꦤ꧀ꦲꦶꦁꦱꦭꦩꦶꦭꦩꦶꦤ꧀ꦤꦶꦥꦸꦤ꧀꧉
꧕꧖꧉ ꦩꦂꦪꦩ꧀ꦩꦲꦸꦒꦺꦴꦤ꧀ꦤꦺꦲꦤꦸꦁꦒꦭ꧀ꦭꦮꦤ꧀ꦲꦺꦭꦶꦱꦧꦺꦠ꧀ꦲꦤ꧀ꦠꦫꦭꦮꦱ꧀ꦱꦺꦠꦼꦭꦸꦁꦱꦱꦶ꧈ꦠꦸꦩꦸꦭꦶꦏꦺꦴꦤ꧀ꦢꦸꦂꦩꦫꦁꦢꦊꦩ꧀ꦩꦺꦣꦺꦮꦺ꧉ ꧉
꧕꧗꧉ ꧋ꦢꦺꦤ꧀ꦤꦺꦌꦭꦶꦱꦧꦺꦠ꧀ꦧꦉꦁꦮꦸꦱ꧀ꦠꦸꦩꦼꦏꦩꦁꦱꦤ꧀ꦤꦺꦒꦺꦴꦤ꧀ꦤꦺꦲꦁꦒꦂꦧꦶꦤ꧀ꦤꦶ꧈ꦠꦸꦩꦸꦭꦶꦲꦩ꧀ꦧꦧꦂꦥꦸꦠꦿꦗꦭꦸ꧉
꧕꧘꧉ ꦢꦺꦤ꧀ꦤꦺꦠꦺꦴꦁꦒꦠꦼꦥꦫꦺꦴꦤ꧀ꦤꦺꦲꦸꦠꦮꦥꦮꦺꦴꦁꦱꦤ꧀ꦤꦏ꧀ꦏꦺ꧈ꦧꦉꦁꦥꦣꦔꦿꦸꦔꦸꦪꦺꦤ꧀ꦦꦔꦺꦫꦤ꧀ꦮꦸꦱ꧀ꦲꦥꦫꦶꦁꦱꦶꦃꦮꦼꦭꦱ꧀ꦏꦁꦭꦸꦮꦶꦃꦒꦼꦣꦺꦩꦫꦁꦌꦭꦶꦱꦧꦺꦠ꧀꧈ꦥꦣꦲꦔ꧀ꦭꦸꦢ꧀ꦲꦱꦸꦏꦧꦸꦔꦃ꧉
꧕꧙꧉ ꦧꦉꦁꦮꦸꦱ꧀ꦠꦸꦩꦼꦏꦲꦶꦁꦮꦺꦴꦭꦸꦁꦢꦶꦤ꧀ꦤ꧈ꦮꦺꦴꦁꦥꦣꦠꦸꦩꦼꦏꦲꦉꦥ꧀ꦲꦤ꧀ꦤꦼꦠꦏ꧀ꦏꦶꦩꦫꦁꦧꦧꦪꦶ꧈ꦱꦂꦠꦥꦣꦢꦶꦗꦼꦤ꧀ꦤꦼꦁꦔꦏꦺꦱꦏ꦳ꦫꦶꦪꦱ꧀꧈ꦥꦣꦭꦚ꧀ꦗꦼꦤ꧀ꦤꦼꦁꦔꦺꦧꦥꦏ꧀ꦤꦺ꧉
꧖꧐꧉ ꦢꦺꦤ꧀ꦤꦺꦲꦶꦧꦸꦤ꧀ꦤꦺꦲꦩꦁꦱꦸꦭ꧀ꦭꦶꦥꦔꦸꦕꦥ꧀ꦥꦺ꧈ꦲꦶꦏꦸꦲ ꦗꦠ꧈ꦲꦤ꧀ꦤꦔꦶꦁꦢꦶꦗꦼꦤ꧀ꦤꦼꦁꦔꦼꦤ꧀ꦤꦪꦺꦴꦏ꦳ꦤ꧀ꦤꦤ꧀꧉
꧖꧑꧉ ꦮꦺꦴꦁꦩꦲꦸꦥꦣꦲꦔꦸꦕꦥ꧀ꦩꦫꦁꦌꦭꦶꦱꦧꦺꦠ꧀꧈ꦱꦤ꧀ꦤꦏ꧀ꦱꦤ꧀ꦤꦏ꧀ꦩꦸꦏꦧꦺꦃꦲꦺꦴꦫꦤ꧀ꦤꦤꦏꦁꦗꦼꦤ꧀ꦤꦼꦁꦏꦪꦩꦼꦁꦏꦺꦴꦤ꧀ꦤꦺꦴꦲꦶꦏꦸ꧉
꧖꧒꧉ ꦠꦸꦩꦸꦭꦶꦧꦥꦏ꧀ꦤꦺꦥꦣꦲꦶꦁꦔꦮꦺ꧈ꦲꦥꦏꦁꦢꦢꦶꦏꦂꦰꦤ꧀ꦤꦺꦲꦺꦴꦭꦺꦃꦲꦺꦲꦚ꧀ꦗꦼꦤ꧀ꦤꦼꦁꦔꦏꦺ꧉
꧖꧓꧉ ꦧꦚ꧀ꦗꦸꦂꦩꦸꦟ꧀ꦝꦸꦠ꧀ꦥꦥꦤ꧀꧈ꦲꦤꦸꦭꦶꦱ꧀ꦱꦂꦠꦲꦔꦸꦕꦥ꧀꧈ꦗꦼꦤ꧀ꦤꦼꦁꦔꦺꦪꦺꦴꦏ꦳ꦤ꧀ꦤꦤ꧀꧈ꦢꦺꦤ꧀ꦤꦺꦱꦏꦺꦃꦲꦶꦁꦮꦺꦴꦁꦩꦲꦸꦥꦣꦏꦒꦮꦺꦴꦏ꧀ꦏꦤ꧀꧉
꧖꧔꧉ ꦩꦺꦴꦁꦏꦥꦣꦱꦤ꧀ꦤꦭꦶꦏꦕꦁꦏꦼꦩ꧀ꦩꦺꦱꦏ꦳ꦫꦶꦪꦱ꧀ꦧꦶꦤꦸꦏ꧈ꦱꦂꦠꦠꦠꦭꦶꦤ꧀ꦤꦶꦁꦔꦶꦭꦠ꧀ꦮꦸꦱ꧀ꦲꦸꦕꦸꦭ꧀꧈ꦧꦚ꧀ꦗꦸꦂꦲꦔꦸꦕꦱ꧀ꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧉
꧖꧕꧉ ꦢꦺꦤ꧀ꦤꦺꦠꦺꦴꦁꦒꦠꦼꦥꦫꦺꦴꦤ꧀ꦤꦶꦁꦏꦺꦴꦤ꧀ꦤꦺꦴꦏꦧꦺꦃ ꦥꦣꦲꦺꦫꦶꦁ꧈ꦱꦂꦠꦥꦿꦠꦶꦁꦏꦃꦲꦶꦏꦸꦩꦲꦸꦏꦧꦺꦃꦮꦸꦱ꧀ꦥꦣꦫꦶꦤ꧀ꦤꦱꦤ꧀ꦲꦶꦁꦥꦒꦸꦤꦸꦁꦔ [ 142 ]ꦤ꧀ꦠꦤ꧀ꦤꦃꦪꦲꦸꦢꦶꦏꦧꦺꦃ꧉
꧖꧖꧉ ꦢꦺꦤ꧀ꦤꦺꦮꦺꦴꦁꦏꦁꦮꦸꦱ꧀ꦔꦿꦸꦔꦸꦏꦧꦺꦃꦥꦣꦕꦶꦤ꧀ꦤꦛꦼꦠ꧀ꦠꦤ꧀ꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺ꧈ꦥꦔꦸꦕꦥ꧀ꦥꦺ꧈ꦧꦧꦪꦶꦲꦶꦏꦸꦧꦏꦭ꧀ꦭꦺꦢꦢꦶꦲꦥ꧈ꦩꦺꦴꦁꦏꦲꦱ꧀ꦠꦤ꧀ꦤꦶꦁꦦꦔꦺꦫꦤ꧀ꦲꦔꦤ꧀ꦛꦶꦩꦫꦁꦧꦧꦪꦶꦩꦲꦸ꧉
꧖꧗꧉ ꦢꦺꦤ꧀ꦤꦺꦱꦏ꦳ꦫꦶꦪꦱ꧀ꦧꦥꦏ꧀ꦤꦺꦮꦸꦱ꧀ꦏꦥꦚ꧀ꦗꦶꦁꦔꦤ꧀ꦫꦺꦴꦃꦲꦶꦁꦏꦁꦯꦸꦕꦶ꧈ꦱꦂꦠꦲꦩꦼꦩꦼꦕꦥꦔꦸꦕꦥ꧀ꦥꦺ꧉
꧖꧘꧉ ꦦꦔꦺꦫꦤ꧀​ꦄꦭ꧀ꦭꦃꦲꦺꦆꦱꦿꦆꦭ꧀ꦩꦸꦒꦏꦭꦸꦲꦸꦂꦫꦤ꧈ꦱꦧꦧ꧀ꦮꦸꦱ꧀ꦲꦤꦸꦮꦺꦤ꧀ꦤꦶꦱꦂꦠꦲꦢꦩꦼꦭ꧀ꦥꦤ꧀ꦤꦼꦧꦸꦱ꧀ꦱꦺꦧꦁꦱꦤ꧀ꦤꦺ꧉
꧖꧙꧉ ꦭꦤ꧀ꦮꦸꦱ꧀ꦲꦔꦢꦼꦒ꧀ꦒꦏꦺꦱꦸꦔꦸꦤ꧀ꦤꦶꦁꦏꦭꦸꦮꦂꦫꦤ꧀ꦲꦶꦁꦱꦠꦼꦁꦔꦃꦏꦸ꧈ꦲꦩꦂꦒꦱꦏꦠꦸꦫꦸꦤ꧀ꦤꦶꦁꦢꦮꦸꦢ꧀ꦏꦮꦸꦭꦤ꧀ꦤꦺ꧉
꧗꧐꧉ ꦏꦪꦏꦁꦮꦸꦱ꧀ꦢꦶꦥꦔꦤ꧀ꦢꦶꦏꦏ꧀ꦲꦏꦺꦏꦁꦩꦶꦗꦶꦭ꧀ꦱꦏꦭꦺꦱꦤ꧀ꦤꦶꦁꦥꦫꦟꦨꦶꦲꦶꦁꦏꦁꦯꦸꦕꦶ꧈ꦲꦮꦶꦠ꧀ꦱꦏꦗꦓꦢ꧀ꦢꦸꦩꦢꦶ꧉
꧗꧑꧉ ꦭꦶꦤꦸꦮꦂꦫꦏꦺꦱꦏꦲꦶꦁꦱꦠꦿꦸꦏꦸ꧈ꦲꦸꦠꦮꦱꦏꦲꦶꦁꦠꦔꦤ꧀ꦤꦺꦮꦺꦴꦁꦏꦧꦺꦃ꧈ꦏꦁꦥꦣꦲꦱꦼꦔꦶꦠ꧀ꦩꦫꦁꦔꦏꦸ꧉
꧗꧒꧉ ꦮꦸꦱ꧀ꦲꦥꦫꦶꦁꦱꦶꦃꦮꦼꦭꦱ꧀ꦩꦫꦁꦭꦸꦭꦸꦲꦸꦂꦏꦸ꧈ꦭꦤ꧀ꦮꦸꦱ꧀ꦏꦲꦺꦔꦼꦠ꧀ꦠꦤ꧀ꦩꦫꦁꦥꦿꦗꦁꦗꦶꦪꦤ꧀ꦤꦺꦲꦶꦁ ꦏꦁꦯꦸꦕꦶ꧉
꧗꧓꧉ ꦥꦿꦱꦼꦠꦾꦤ꧀ꦤꦺꦏꦁꦮꦸꦱ꧀ꦱꦶꦤꦸꦩ꧀ꦥꦃꦲꦏꦺꦩꦫꦁꦆꦧꦿꦲꦶꦩ꧀ꦭꦸꦭꦸꦲꦸꦂꦏꦸ꧈ꦥꦶꦤ꧀ꦤꦫꦶꦁꦔꦏꦺꦠꦸꦩꦼꦏꦩꦫꦁꦔꦏꦸ꧉
꧗꧔꧉ ꦮꦸꦱ꧀ꦏꦭꦸꦮꦂꦫꦏꦺꦱꦏꦠꦔꦤ꧀ꦤꦺꦱꦠꦿꦸꦏꦸ꧈ꦲꦺꦴꦭꦺꦃꦏꦸꦔꦧꦼꦏ꧀ꦠꦶꦩꦫꦶꦁꦄꦭ꧀ꦭꦃꦲꦺꦴꦫꦠꦲ꧉
꧗꧕꧉ ꦲꦔꦁꦒꦺꦴꦲꦠꦶꦉꦱꦶꦏ꧀ꦏꦭꦮꦤ꧀ꦲ ꦢꦶꦭ꧀ꦲꦤꦲꦶꦁꦔꦂꦰꦤ꧀ꦤꦺ꧈ꦱꦭꦮꦱ꧀ꦱꦶꦁꦔꦸꦫꦶꦥ꧀ꦏꦸ꧉
꧗꧖꧉ ꦢꦺꦤ꧀ꦤꦺꦏꦺꦴꦮꦺꦒꦺꦂ꧈ꦧꦏꦭ꧀ꦏꦱꦼꦧꦸꦠ꧀ꦤꦨꦶꦤ꧀ꦤꦶꦁꦏꦁꦩꦲꦭꦸꦲꦸꦂ꧈ꦱꦧꦧ꧀ꦏꦺꦴꦮꦺꦲꦶꦏꦸꦧꦏꦭ꧀ꦲꦟ꧀ꦝꦶꦔꦶꦤ꧀ꦤꦶꦥꦔꦪꦸꦤ꧀ꦤꦤ꧀ꦤꦶꦁꦦꦔꦺꦫꦤ꧀꧈ꦲꦤ꧀ꦚꦮꦶꦱ꧀ꦱꦏꦺꦢꦢꦭꦤ꧀ꦤꦺ꧉
꧗꧗꧉ ꦲꦤ꧀ꦚꦸꦫꦸꦥ꧀ꦥꦏꦺꦲꦶꦁꦧꦁꦱꦤ꧀ꦤꦺꦏꦮꦿꦸꦃꦲꦶꦁꦏꦭꦸꦮꦂꦫꦤ꧀꧈ꦲꦩꦂꦒꦱꦏꦥꦔꦥꦸꦫꦤ꧀ꦤꦺꦱꦏꦺꦃꦲꦶꦁꦢꦺꦴꦱꦤ꧀ꦤꦺ꧉
꧗꧘꧉ ꦲꦶꦏꦸꦲꦮꦶꦠ꧀ꦱꦏꦥꦭꦶꦩꦂꦩꦤ꧀ꦤꦶꦁꦱꦶꦃꦥꦶꦮꦼꦭꦱ꧀ꦱꦶꦁꦄꦭ꧀ꦭꦃꦏꦸ꧈ꦏꦫꦤꦲꦶꦁꦱꦥꦚ꧀ꦕꦺꦴꦫꦺꦴꦁꦔꦶꦁꦣꦸꦮꦸꦂꦮꦸꦱ꧀ꦲꦤꦸꦮꦺꦤ꧀ꦤꦶꦩꦫꦁꦔꦏꦸ꧉
꧗꧙꧉ ꦲꦩꦣꦁꦔꦶꦩꦫꦁꦮꦺꦴꦁꦏꦁꦥꦣꦭꦸꦁꦒꦸꦃꦲꦤꦲꦶꦁꦥꦥꦼꦠꦼꦁ꧈ꦭꦤ꧀ꦲꦤꦲꦶꦁꦮꦮꦪꦁꦔꦤ꧀ꦤꦶꦁꦥꦠꦶ꧈ꦒꦺꦴꦤ꧀ꦤꦺꦲꦩꦼꦂꦤꦃꦲꦏꦺꦱꦶꦏꦶꦭ꧀ꦏꦸꦩꦫꦁꦢꦢꦭꦤ꧀ꦫꦃꦲꦪꦸ꧉
꧘꧐꧉ ꦲꦤꦢꦺꦤ꧀ꦤꦺꦧꦧꦪꦶꦩꦲꦸꦩꦸꦟ꧀ꦝꦏ꧀ꦩꦸꦟ꧀ꦝꦏ꧀ꦒꦼꦣꦺꦤ꧀ꦤꦺ꧈ꦭꦤ꧀ꦏꦥꦚ꧀ꦗꦶꦁꦔꦤ꧀ꦫꦺꦴꦃꦱꦢꦺꦤ꧀ꦤꦶꦁꦫꦺꦴꦃ꧈ꦱꦂꦠꦲꦼꦁꦒꦺꦴꦤ꧀ꦤꦺꦲꦤꦥꦁꦒꦺꦴꦤ꧀ꦤꦤ꧀ꦱꦼꦥꦶꦏꦺꦴꦁꦱꦶꦠꦸꦩꦼꦏꦤ꧀ꦤꦺꦮꦶꦪꦺꦴꦱ꧀ꦱꦺꦩꦫꦁꦆꦱꦿꦆꦭ꧀꧉ ꧉

---

꧋ꦧꦧ꧀ꦏꦥꦶꦁꦥꦶꦟ꧀ꦝꦺꦴ꧉

꧑꧉ ꧋ꦲꦤꦢꦺꦤ꧀ꦤꦺꦤꦭꦶꦏꦗꦩꦤ꧀ꦤꦶꦏꦸ꧈ꦯꦁꦦꦿꦨꦸꦄꦓꦸꦱ꧀ꦡꦸꦱ꧀ꦲꦩꦿꦠꦏ꧀ꦲꦏꦺꦥꦫꦺꦤ꧀ꦠꦃ꧈ꦮꦺꦴꦁꦱꦗꦓꦢ꧀ꦏꦧꦺꦃꦥꦣꦕꦶꦤ꧀ꦤꦕꦃꦲꦏꦺ꧉
꧒꧉ ꦲꦶꦏꦸꦥꦕꦕꦃꦏꦁꦮꦶꦮꦶꦠ꧀ꦠꦤ꧀꧈ꦤꦭꦶꦏꦏꦁꦗꦸꦩꦼꦤ꧀ꦤꦼꦁꦨꦸꦦꦡꦶꦲꦤꦲꦶꦁꦠꦤ꧀ꦤꦃꦱꦶꦫꦶꦪꦏꦶꦫꦺꦤ꧀ꦤꦶꦪꦸꦱ꧀꧉
꧓꧉ ꦩꦺꦴꦁꦏꦱꦏꦺꦃ ꦲꦶꦁꦮꦺꦴꦁꦥꦣꦭꦸꦔꦏꦁꦧꦏꦭ꧀ꦕꦶꦤ꧀ꦤꦕꦃꦲꦏꦺ꧈ꦮꦺꦴꦁꦱꦶꦗꦶꦱꦶꦗꦶꦤ꧀ꦤꦺꦩꦼꦤ꧀ꦚꦁꦔꦗꦭ꧀ꦏꦩꦸ [ 143 ]ꦭꦤ꧀ꦤꦺꦣꦺꦮꦺꦣꦺꦮꦺ꧉
꧔꧉ ꦲꦤꦢꦺꦤ꧀ꦤꦺꦪꦸꦱꦸꦥ꧀ꦲꦶꦪꦭꦸꦔꦱꦸꦩꦼꦁꦏꦱꦏꦲꦶꦁꦤꦒꦫꦤꦱꦫꦺꦠ꧀ꦲꦶꦁꦠꦤ꧀ꦤꦃꦒꦭꦶꦭꦺꦪ꧈ꦩꦼꦤ꧀ꦚꦁꦤꦒꦫꦤ꧀ꦤꦺꦢꦮꦸꦢ꧀ꦲꦶꦁꦠꦤ꧀ꦤꦃꦪꦲꦸꦢꦶ꧈ꦏꦁꦢꦶꦲꦫꦤ꧀ꦤꦶꦧꦺꦠ꧀ꦭꦼꦏ꦳ꦺꦩ꧀꧈ꦱꦧꦧ꧀ꦪꦸꦱꦸꦥ꧀ꦲꦶꦏꦸꦏꦩꦸꦭꦤ꧀ꦤꦺꦲꦱꦭ꧀ꦱꦏꦢꦮꦸꦢ꧀꧉
꧕꧉ ꦧꦏꦭ꧀ꦕꦶꦤ꧀ꦤꦕꦃꦲꦏꦺꦭꦮꦤ꧀ꦩꦂꦪꦩ꧀ꦥꦥꦕꦁꦔꦤ꧀ꦤꦺ꧈ꦏꦁꦭꦒꦶꦲꦁꦒꦂꦧꦶꦤ꧀ꦤꦶꦠꦸꦮ꧉
꧖꧉ ꦢꦺꦤ꧀ꦤꦺꦧꦉꦁꦤꦭꦶꦏꦥꦣꦲꦤꦲꦶꦁꦏꦺꦴꦤ꧀ꦤꦺꦴ꧈ꦩꦂꦪꦩ꧀ꦮꦸꦱ꧀ꦠꦸꦩꦼꦏꦩꦁꦱꦤ꧀ꦤꦺꦒꦺꦴꦤ꧀ꦤꦺꦲꦩ꧀ꦧꦧꦂ꧉
꧗꧉ ꦠꦸꦩꦸꦭꦶꦲꦩ꧀ꦧꦧꦂꦥꦸꦠꦿꦗꦭꦸꦠꦼꦩ꧀ꦧꦺꦪꦤ꧀꧈ꦱꦮꦸꦱ꧀ꦱꦺꦒꦶꦤ꧀ꦤꦼꦣꦺꦴꦁꦲꦶꦁꦥꦺꦴꦥꦺꦴꦏ꧀꧈ꦧꦧꦪꦶꦧꦚ꧀ꦗꦸꦂꦱꦶꦤ꧀ꦤꦺꦭꦺꦃꦲꦏꦺꦲꦤꦲꦶꦁꦥꦩꦏꦤ꧀ꦤꦤ꧀꧈ꦩꦸꦭꦤ꧀ꦤꦺꦩꦼꦁꦏꦺꦴꦤ꧀ꦤꦺꦴꦲꦶꦁꦥꦱꦁꦒꦿꦃꦲꦤ꧀ꦲꦺꦴꦫꦤ꧀ꦤꦤꦥꦁꦒꦺꦴꦤ꧀ꦤꦤ꧀​꧉
꧘꧉ ꦢꦺꦤ꧀ꦤꦺꦲꦶꦁꦗꦗꦃꦲ ꦤ꧀ꦏꦺꦴꦤ꧀ꦤꦺꦴꦲꦶꦏꦸ꧈ꦥꦤꦸꦗꦸꦲꦤꦮꦺꦴꦁꦥꦔꦺꦴꦤ꧀꧈ꦥꦣꦲꦤ꧀ꦤꦼꦧꦒꦺꦴꦤ꧀ꦤꦺꦥꦣꦲꦔꦼꦩꦶꦠ꧀ꦠꦶꦮꦼꦣꦸꦱ꧀ꦱꦺꦤꦭꦶꦏꦲꦶꦁꦮꦪꦃꦮꦼꦔꦶ꧉
꧙꧉ ꦧꦚ꧀ꦗꦸꦂꦲꦤꦩꦭꦲꦺꦏꦠ꧀ꦠꦶꦁꦦꦔꦺꦫꦤ꧀ꦗꦸꦩꦼꦤ꧀ꦤꦼꦁꦲꦤꦲꦶꦁꦱꦟ꧀ꦝꦶꦁꦔꦺꦮꦺꦴꦁꦥꦔꦺꦴꦤ꧀ꦩꦲꦸ꧈ꦭꦤ꧀ꦥꦣꦏꦱꦺꦴꦫꦺꦴꦠ꧀ꦠꦤ꧀ꦲꦶꦁꦏꦩꦸꦭꦾꦤ꧀ꦤꦶꦁꦦꦔꦺꦫꦤ꧀꧈ꦢꦢꦶꦥꦣꦮꦼꦢꦶꦭꦸꦮꦶꦃꦢꦺꦤ꧀ꦤꦶꦁꦧꦔꦼꦠ꧀꧉
꧑꧐꧉ ꦩꦺꦴꦁꦏꦩꦭꦲꦺꦏꦠ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦥꦔꦺꦴꦤ꧀꧈ꦲꦗꦏꦺꦴꦮꦺꦥꦣꦮꦼꦢꦶ꧈ꦮꦼꦂꦫꦸꦃꦲꦤ꧀ꦤꦩꦸ꧈ꦏꦺꦴꦮꦺ ꦲꦶꦏꦸꦥꦣꦠꦏ꧀ꦮꦼꦂꦠꦤ꧀ꦤꦶꦲꦶꦁꦏꦧꦸꦔꦃꦲꦤ꧀ꦒꦼꦣꦺ꧈ꦏꦁꦧꦏꦭ꧀ꦠꦸꦩꦼꦏꦩꦫꦁꦲꦶꦁꦧꦺꦴꦁꦱꦏꦧꦺꦃ꧉
꧑꧑꧉ ꦱꦧꦧ꧀ꦲꦶꦁꦢꦶꦤ꧀ꦤꦲꦶꦏꦶꦮꦸꦱ꧀ꦭꦲꦶꦂꦥꦩꦂꦠꦩꦸ꧈ꦲꦶꦪꦲꦶꦏꦸꦏꦿꦶꦱ꧀ꦡꦸꦱ꧀꧈ꦲꦤꦤꦼꦒꦫꦤ꧀ꦤꦶꦁꦢꦮꦸꦢ꧀꧉
꧑꧒꧉ ꦭꦤ꧀ꦏꦁꦢꦢꦶꦠꦠꦼꦁꦔꦼꦂꦫꦤ꧀ꦤꦩꦸꦲꦶꦏꦶ꧈ꦏꦺꦴꦮꦺꦧꦏꦭ꧀ꦲꦤ꧀ꦤꦼꦩꦺꦴꦤ꧀ꦤꦶꦧꦧꦪꦶꦒꦶꦤ꧀ꦤꦼꦣꦺꦴꦁꦲꦶꦁꦥꦺꦴꦥꦺꦴꦏ꧀꧈ꦱꦶꦤ꧀ꦤꦺꦭꦺꦃꦲꦏꦺꦲꦶꦁꦥꦩꦏꦤ꧀ꦤꦤ꧀꧉
꧑꧓꧉ ꦭꦤ꧀ꦥꦣꦱꦤ꧀ꦤꦭꦶꦏꦲꦤꦒꦺꦴꦭꦺꦴꦁꦔꦤ꧀ꦧꦭꦲꦶꦁꦱ꧀ꦮꦂꦓ꧈ꦥꦣꦲꦔꦸꦩ꧀ꦥꦸꦭ꧀ꦭꦮꦤ꧀ꦩꦭꦲꦺꦏꦠ꧀ꦩꦲꦸ꧈ꦥꦣꦲꦩꦸꦩꦸꦗꦶꦩꦫꦁꦄꦭ꧀ꦭꦃ꧈ꦥꦔꦸꦕꦥ꧀ꦥꦺ꧉
꧑꧔꧉ ꦏꦩꦸꦭꦾꦤ꧀ꦤꦶꦁꦄꦭ꧀ꦭꦃꦲꦤꦲꦥꦁꦒꦺꦴꦤ꧀ꦤꦤ꧀ꦭꦸꦲꦸꦂ꧈ꦏꦱ꧀ꦭꦩꦼꦠ꧀ꦠꦤ꧀ꦲꦤꦲꦲꦶꦁꦨꦸꦩꦶ꧈ꦭꦤ꧀ꦏꦱꦼꦤ꧀ꦤꦼꦁꦔꦤ꧀ꦩꦫꦁꦲꦶꦁꦔꦸꦮꦺꦴꦁ꧉
꧑꧕꧉ ꦢꦺ ꦤ꧀ꦤꦺꦥꦫꦩꦭꦲꦺꦏꦠ꧀ꦱꦮꦸꦱ꧀ꦱꦺꦥꦣꦏꦺꦴꦤ꧀ꦢꦸꦂꦩꦫꦁꦲꦶꦁꦯ꧀ꦮꦂꦓ꧈ꦮꦺꦴꦁꦥꦔꦺꦴꦤ꧀ꦩꦲꦸꦥꦣꦱꦥꦺꦴꦕꦥ꧀ꦥꦤ꧀꧈ꦲꦪꦺꦴꦥꦣꦩꦼꦤ꧀ꦚꦁꦲꦶꦁꦧꦺꦠ꧀ꦭꦼꦏ꦳ꦺꦩ꧀꧈ꦭꦤ꧀ꦥꦣꦲꦤ꧀ꦢꦼꦊꦁꦏꦤ꧀ꦚꦠꦃꦲꦤ꧀ꦤꦺꦥꦿꦏꦫꦲꦶꦏꦸꦩꦲꦸ꧈ꦏꦁꦮꦸꦱ꧀ꦮꦶꦤ꧀ꦤꦼꦂꦫꦸꦃꦲꦏꦺꦢꦺꦤ꧀ꦤꦶꦁꦦꦔꦺꦫꦤ꧀ꦩꦫꦁꦔꦏꦸ꧉
꧑꧖꧉ ꦧꦚ꧀ꦗꦸꦂꦥꦣꦭꦸꦔꦫꦶꦫꦶꦏꦠ꧀ꦠꦤ꧀꧈ꦠꦸꦩꦸꦭꦶꦏꦠꦼꦩꦸꦭꦮꦤ꧀ꦩꦂꦪꦩ꧀꧈ꦠꦸꦮꦶꦤ꧀ꦪꦸꦱꦸꦥ꧀ꦲꦸꦠꦮꦧꦼꦧꦪꦶ꧈ꦱꦶꦤ꧀ꦤꦺꦭꦺꦃꦲꦏꦺꦲꦤꦲꦶꦁꦥꦩꦏꦤ꧀ꦤꦤ꧀꧉
꧑꧗꧉ ꦱꦮꦸꦱ꧀ꦱꦺꦥꦣꦲꦤ꧀ꦢꦼꦊꦁ꧈ꦠꦸꦩꦸꦭꦶꦥꦣꦲꦤ꧀ꦚꦫꦶꦠꦏ꧀ꦲꦏꦺ꧈ꦲꦥꦏꦁꦮꦸꦱ꧀ꦢꦶꦥꦔꦤ꧀ꦢꦶꦏꦏ꧀ꦲꦏꦺꦩꦲꦸ꧈ꦩꦸꦁꦒꦸꦃꦲꦶꦁꦔꦠꦱ꧀ꦱꦺꦧꦺꦴꦕꦃꦲꦶꦏꦸ꧉
꧑꧘꧉ ꦢꦺꦤ꧀ꦤꦺꦱꦏꦺꦃꦲꦶꦁꦮꦺꦴꦁꦏꦁꦔꦿꦸꦔꦸꦥꦣꦏꦒꦮꦺꦴꦏ꧀ꦏꦤ꧀꧈ꦩꦫꦁꦥꦮꦼꦂꦠꦤ꧀ꦤꦺꦮꦺꦴꦁꦥꦔꦺꦴꦤ꧀ꦤꦶꦏꦸꦩꦲꦸ꧉
꧑꧙꧉ ꦢꦺꦤ꧀ꦤꦺꦩꦂꦪꦩ꧀ꦮꦸꦱ꧀ꦲ ꦤ꧀ꦚꦛꦼꦠ꧀ꦩꦫꦁꦥꦮꦼꦂꦠꦲꦶꦏꦸꦩꦲꦸꦏꦧꦺꦃ꧈ꦒꦺꦴꦤ꧀ꦤꦺꦲꦺꦴꦱꦶꦏ꧀ꦲꦔꦿꦱꦏ꧀ꦲꦏꦺ [ 144 ]ꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺ꧉
꧒꧐꧉ ꦢꦺꦤ꧀ꦤꦺꦮꦺꦴꦁꦥꦔꦺꦴꦤ꧀ꦠꦸꦩꦸꦭꦶꦥꦣꦩꦸꦭꦶꦃ꧈ꦥꦣꦲꦩꦸꦭꦾꦏ꧀ꦲꦏꦺꦱꦂꦠꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧈ꦲꦮꦶꦠ꧀ꦱꦏꦏꦁꦮꦸꦱ꧀ꦥꦣꦫꦶꦤꦸꦔꦸꦭꦤ꧀ꦏꦁꦥꦣꦢꦶꦤ꧀ꦤꦼꦊꦁꦏꦧꦺꦃ꧈ꦏꦪꦏꦁꦮꦸꦱ꧀ꦢꦶꦥꦔꦤ꧀ꦢꦶꦏꦏ꧀ꦲꦏꦺ꧉ ꧉
꧒꧑꧉ ꧋ꦧꦉꦁꦮꦸꦱ꧀ꦠꦸꦩꦼꦏꦲꦶꦁꦮꦺꦴꦭꦸꦁꦢꦶꦤ꧀ꦤ꧈ꦧꦧꦪꦶꦩꦲꦸꦠꦶꦤ꧀ꦤꦼꦠꦏ꧀ꦏꦤ꧀ꦱꦂꦠꦗꦼꦤ꧀ꦤꦼꦁꦔꦺꦲꦶꦁꦔꦫꦤ꧀ꦤꦤ꧀ꦪꦺꦯꦸꦱ꧀꧈ꦏꦪꦏꦁꦮꦸꦱ꧀ꦏꦲꦫꦤ꧀ꦤꦤ꧀ꦢꦺꦤ꧀ꦤꦶꦁꦩꦭꦲꦺꦏꦠ꧀꧈ꦱꦢꦸꦫꦸꦁꦔꦺꦏꦶꦤ꧀ꦤꦟ꧀ꦝꦸꦠ꧀ꦲꦤꦲꦶꦁꦒꦸꦮꦒꦂꦧ꧉ ꧉
꧒꧒꧉ ꧋ꦲꦤꦢꦺꦤ꧀ꦤꦺꦧꦉꦁꦮꦸꦱ꧀ꦠꦸꦩꦼꦏꦒꦼꦤ꧀ꦤꦼꦥ꧀ꦥꦺꦲꦶꦁꦢꦶꦤ꧀ꦤꦏꦯꦸꦕꦶꦪꦤ꧀ꦤꦺ꧈ꦲꦤꦸꦫꦸꦠ꧀ꦱꦥꦫꦺꦤ꧀ꦠꦃꦲꦺꦩꦸꦯ꧈ꦧꦧꦪꦶꦩꦲꦸꦧꦶꦤ꧀ꦤꦼꦏ꧀ꦠꦩꦫꦁꦲꦶꦁꦪꦼꦫꦸꦱꦭꦺꦩ꧀꧈ꦱꦶꦤ꧀ꦤꦲꦺꦴꦱ꧀ꦱꦏꦺꦩꦫꦁꦲꦶꦁꦦꦔꦺꦫꦤ꧀꧉
꧒꧓꧉ ꦏꦪꦏꦁꦮꦸꦱ꧀ꦠꦶꦤꦸꦭꦶꦱ꧀ꦱꦤ꧀ꦱꦗꦿꦺꦴꦤ꧀ꦤꦶꦁꦥꦥꦫꦺꦤ꧀ꦠꦃꦲꦤ꧀ꦤꦶꦁꦦꦔꦺꦫꦤ꧀꧈ꦪꦺꦤ꧀ꦱꦫꦸꦥꦤ꧀ꦤꦶꦁꦭꦤ꧀ꦤꦁꦏꦁꦲꦮꦶꦠ꧀ꦧꦸꦏꦱꦏꦥꦮꦢꦺꦴꦤ꧀ꦤꦤ꧀꧈ꦧꦏꦭ꧀ꦏꦲꦫꦤ꧀ꦤꦤ꧀ꦏꦱꦸꦕꦶꦪꦤ꧀ꦤꦶꦁꦦꦔꦺꦫꦤ꧀꧉
꧒꧔꧉ ꦭꦤ꧀ꦲꦶꦁꦔꦠꦸꦂꦫꦏꦺꦥꦶꦱꦸꦁꦱꦸꦁ꧈ꦩꦤꦸꦠ꧀ꦏꦁꦢꦶꦥꦔꦤ꧀ꦢꦶꦏꦏ꧀ꦲꦏꦺꦲꦶꦁꦱꦗꦿꦺꦴꦤ꧀ꦤꦶꦁꦥꦥꦫꦺꦤ꧀ꦠꦃꦲꦤ꧀ꦤꦶꦁꦦꦔꦺꦫꦤ꧀꧈ꦲꦫꦸꦥꦶꦩꦤꦸꦏ꧀ꦢꦼꦂꦫꦸꦏ꧀ꦱꦗꦺꦴꦣꦺꦴ꧈ꦲꦸꦠꦮꦲꦫꦸꦥꦏꦶꦪꦶꦏ꧀ꦭꦺꦴꦫꦺꦴ꧉
꧒꧕꧉ ꦢꦸꦏ꧀ꦤꦭꦶꦏꦲꦶꦏꦸꦲꦶꦁꦪꦼꦫꦸꦱꦭꦺꦩ꧀ꦲꦤꦱꦮꦶꦗꦶꦲꦸꦮꦺꦴꦁ꧈ꦗꦼꦤ꧀ꦤꦼꦁꦔꦺꦱꦶꦩꦺꦪꦺꦴꦤ꧀꧈ꦢꦺꦤ꧀ꦤꦺꦮꦺꦴꦁꦔꦶꦏꦸꦲꦢꦶꦭ꧀ꦭꦤ꧀ꦔꦶꦧꦢꦃ꧈ꦲꦔꦉꦥ꧀ꦥꦉꦥ꧀ꦩꦫꦁꦥꦔ꧀ꦭꦶꦥꦸꦂꦫꦺꦆꦱꦿꦆꦭ꧀꧈ꦱꦂꦠꦮꦸꦱ꧀ꦏꦥꦚ꧀ꦗꦶꦁꦔꦤ꧀ꦫꦺꦴꦃꦲꦶꦁꦏꦁꦯꦸꦕꦶ꧉
꧒꧖꧉ ꦢꦺꦤ꧀ꦤꦺꦱꦶꦩꦺꦪꦺꦴꦤ꧀ꦤꦶꦏꦸꦲꦺꦴꦭꦺꦃꦮꦶꦱꦶꦏ꧀ꦱꦏꦫꦺꦴꦃꦲꦶꦁꦏꦁꦯꦸꦕꦶ꧈ꦪꦺꦤ꧀ꦧꦏꦭ꧀ꦲꦺꦴꦫꦩꦠꦶ꧈ꦱꦢꦸꦫꦸꦁꦔꦺꦲꦤ꧀ꦢꦼꦊꦁꦩꦫꦁꦏꦿꦶꦱ꧀ꦡꦸꦱ꧀ꦲꦶꦁꦦꦔꦺꦫꦤ꧀꧉
꧒꧗꧉ ꦩꦺꦴꦁꦏꦠꦸꦩꦼꦏꦩꦫꦁꦏ꦳ꦏ꧀ꦧꦃꦏꦒꦮꦢꦺꦤ꧀ꦤꦶꦁꦫꦺꦴꦃꦩꦲꦸ꧈ꦢꦺꦤ꧀ꦤꦺꦪꦺꦯꦸꦱ꧀ꦧꦧꦪꦶꦩꦲꦸꦒꦶꦤ꧀ꦤꦮꦢꦺꦤ꧀ꦤꦶꦁꦮꦺꦴꦁꦔꦠꦸꦮꦤ꧀ꦤꦺ꧈ꦧꦏꦭ꧀ꦲꦤ꧀ꦤꦼꦠꦼꦥ꧀ꦥꦶꦲꦥꦏꦁꦮꦸꦱ꧀ꦢꦢꦶꦏꦭꦸꦩꦿꦃꦲꦤ꧀ꦤꦺꦲꦶꦁꦔꦁꦒꦼꦂꦩꦸꦁꦒꦸꦃꦲꦶꦁꦔꦠꦱ꧀ꦱꦺ꧉
꧒꧘꧉ ꦱꦶꦩꦺꦪꦺꦴꦤ꧀ꦠꦸꦩꦸꦭꦶꦲꦤ꧀ꦚꦮꦁꦧꦧꦪꦶ꧈ꦧꦶꦤ꧀ꦤꦺꦴꦥꦺꦴꦁꦲꦤꦲꦶꦁꦠꦔꦤ꧀ꦤꦺ꧈ꦱꦂꦠꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧈ꦲꦠꦸꦂꦫꦺ꧉
꧒꧙꧉ ꦣꦸꦃꦓꦸꦱ꧀ꦡꦶ꧈ꦲꦶꦁꦱꦥꦸꦤ꧀ꦤꦶꦏꦱꦩ꧀ꦥꦺꦪꦤ꧀ꦲꦔ꧀ꦭꦶꦭꦤ꧀ꦤꦶ꧈ꦏꦮꦸꦭꦱꦩ꧀ꦥꦺꦪꦤ꧀ꦲꦤ꧀ꦤꦶꦭꦂꦲꦶꦁꦢꦸꦤ꧀ꦚꦏꦭꦪꦤ꧀ꦏꦮꦶꦭꦸꦗꦼꦁꦔꦤ꧀꧈ꦲꦮꦶꦠ꧀ꦱꦏꦶꦁꦲꦶꦁꦔꦠꦱ꧀ꦱꦶꦥꦸꦤ꧀ꦥꦔꦤ꧀ꦢꦶꦏꦱꦩ꧀ꦥꦺꦪꦤ꧀꧉
꧓꧐꧉ ꦢꦺ ꦤ꧀ꦤꦺꦩꦫꦶꦥꦠ꧀ꦏꦮꦸꦭꦱꦩ꧀ꦥꦸꦤ꧀ꦲꦸꦤ꧀ꦤꦶꦔꦣꦸꦩꦠꦼꦁꦥꦩꦂꦠꦱꦩ꧀ꦥꦺꦪꦤ꧀꧉
꧓꧑꧉ ꦲꦶꦁꦏꦁꦱꦩ꧀ꦥꦺꦪꦤ꧀ꦕꦣꦁꦔꦏꦼꦤ꧀ꦝꦠꦼꦁꦥꦶꦏꦤ꧀ꦠꦸꦏ꧀ꦏꦶꦥꦸꦤ꧀ꦱꦏꦛꦃꦲꦶꦥꦸꦤ꧀ꦧꦺꦴꦁꦱꦱꦢꦪ꧉
꧓꧒꧉ ꦕꦃꦪꦲꦶꦁꦏꦁꦲꦩꦣꦁꦔꦶꦣꦸꦩꦠꦼꦁꦱꦏꦛꦃꦲꦶꦥꦸꦤ꧀ꦗꦶꦤ꧀ꦤꦶꦱ꧀꧈ꦱꦂꦠꦢꦼꦂꦫꦗꦠ꧀ꦠꦶꦥꦸꦤ꧀ꦧꦺꦴꦁꦱꦱꦩ꧀ꦥꦺꦪꦤ꧀ꦲꦶꦱꦿꦆꦭ꧀꧉
꧓꧓꧉ ꦲꦤꦢꦺꦤ꧀ꦤꦺꦪꦸꦱꦸꦥ꧀ꦭꦮꦤ꧀ꦲꦶꦧꦸꦤ꧀ꦤꦺꦧꦧꦪꦶꦩꦲꦸ꧈ꦥꦣꦏꦒꦮꦺꦴꦏ꧀ꦏꦤ꧀ꦲꦮꦶꦠ꧀ꦱꦏꦏꦁꦠꦶꦤꦸꦠꦸꦂꦫꦏꦺꦲꦶꦁꦔꦠꦱ꧀ꦱꦺꦧꦧꦪꦶꦩꦲꦸ꧉
꧓꧔꧉ ꦩꦺꦴꦁꦏꦱꦶꦩꦺꦪꦺꦴꦤ꧀ꦲꦩ꧀ꦧꦼꦂꦏꦃꦲꦶꦩꦫꦁꦮꦺꦴꦁꦔꦠꦸꦮꦤ꧀ꦤꦺ꧈ꦱꦂꦠꦲꦔꦸꦕꦥ꧀ꦩꦫꦁꦩꦂꦪꦩ꧀ꦲꦶꦧꦸ [ 145 ]ꦤ꧀ꦤꦺ꧈ꦭꦃꦲꦶꦏꦶꦮꦸꦱ꧀ꦥꦶꦤ꧀ꦤꦱ꧀ꦛꦶꦢꦢꦶꦥꦠꦶꦧꦤ꧀ꦤꦺꦭꦤ꧀ꦥꦔꦢꦼꦒ꧀ꦒꦶꦁꦥꦺꦴꦁ​ꦆꦱꦿꦆꦭ꧀ꦲꦏꦺꦃ꧈ꦭꦤ꧀ꦒꦶꦤ꧀ꦤꦮꦺꦠꦠꦼꦔꦼꦂꦫꦤ꧀ꦏꦁꦥꦶꦤ꧀ꦤꦢꦺꦴꦤ꧀ꦤꦤ꧀꧉
꧓꧕꧉ ꦱꦂꦠꦥꦼꦣꦁꦧꦏꦭ꧀ꦲꦤ꧀ꦤꦼꦂꦫꦸꦱ꧀ꦲꦶꦁꦚꦮꦩꦸ꧈ꦱꦸꦥꦪꦥꦤ꧀ꦚꦶꦥ꧀ꦠꦤꦶꦁꦔꦠꦶꦤ꧀ꦤꦺꦮꦺꦴꦁꦔꦏꦺꦃꦭꦶꦤ꧀ꦤꦲꦶꦂꦉꦤ꧀ꦤ꧉
꧓꧖꧉ ꦭꦤ꧀ꦲꦤꦟꦨꦶꦮꦢꦺꦴꦤ꧀꧈ꦗꦼꦤ꧀ꦤꦼꦁꦔꦺꦄꦤ꧀ꦤ꧈ꦥꦸꦠꦿꦤ꧀ꦤꦺꦥ꦳ꦤꦸꦌꦭ꧀꧈ꦠꦸꦫꦸꦤ꧀ꦤꦶꦁꦧꦺꦴꦁꦏꦺꦴꦠ꧀ꦠꦤ꧀ꦄꦱꦂ꧈ꦮꦺꦴꦁꦮꦢꦺꦴꦤ꧀ꦤꦶꦏꦸꦮꦸꦱ꧀ꦭꦸꦁꦱꦺꦮꦪꦃꦲꦺ꧈ꦲꦮꦶꦠ꧀ꦱꦏꦥꦿꦮꦤ꧀ꦒꦺꦴꦤ꧀ꦤꦺꦲꦮꦺꦴꦂꦭꦮꦤ꧀ꦭꦏꦶꦥꦶꦠꦸꦁꦠꦲꦸꦤ꧀꧉
꧓꧗꧉ ꦭꦤ꧀ꦮꦸꦱ꧀ꦢꦢꦶꦫꦺꦴꦟ꧀ꦝꦮꦼꦠꦫꦲꦸꦩꦸꦂꦮꦺꦴꦭꦸꦁꦥꦸꦭꦸꦃꦥꦥꦠ꧀ꦠꦲꦸꦤ꧀꧈ꦲꦺꦴꦫꦲꦤ꧀ꦤꦶꦁꦒꦭ꧀ꦩꦼꦱ꧀ꦗꦶꦢ꧀꧈ꦥꦔꦧꦼꦏ꧀ꦠꦶꦤ꧀ꦤꦺꦫꦶꦤ꧀ꦤꦔꦼꦔꦶꦲꦥꦸꦮꦱꦭꦤ꧀ꦲꦱꦼꦩ꧀ꦧꦪꦁ꧉
꧓꧘꧉ ꦢꦸꦏ꧀ꦲꦶꦁꦮꦪꦃꦲꦶꦏꦸꦂ​ꦄꦤ꧀ꦤꦥꦤꦸꦗꦸꦔꦢꦼꦒ꧀ꦲꦤꦲꦶꦁꦏꦺꦴꦤ꧀ꦤꦺꦴ꧈ꦲꦩꦸꦩꦸꦗꦶꦩꦫꦶꦁꦦꦔꦺꦫꦤ꧀꧈ꦱꦂꦠꦲꦤ꧀ꦚꦫꦶꦠꦏ꧀ꦲꦏꦺꦩꦸꦁꦒꦸꦃꦧꦧꦪꦶꦩꦲꦸ꧈ꦩꦫꦁ​ꦮꦺꦴꦁꦲꦶꦁꦪꦼꦫꦸꦱꦭꦺꦩ꧀ꦏꦧꦺꦃ꧈ꦏꦁꦥꦣꦲꦔꦉꦥ꧀ꦥꦉꦥ꧀ꦩꦫꦁꦏꦭꦸꦮꦂꦫꦤ꧀ꦤꦺ꧉
꧓꧙꧉ ꦧꦉꦁꦮꦸꦱ꧀ꦲꦤ꧀ꦤꦼꦠꦼꦥ꧀ꦥꦶꦏꦧꦺꦃ꧈ꦒꦺꦴꦤ꧀ꦤꦺꦲꦔꦺꦱ꧀ꦠꦺꦴꦏ꧀ꦲꦏꦺꦲꦶꦁꦥꦥꦫꦺꦤ꧀ꦠꦃꦲꦤ꧀ꦤꦶꦁꦦꦔꦺꦫꦤ꧀꧈ꦠꦸꦩꦸꦭꦶꦥꦣꦏꦺꦴꦤ꧀ꦢꦸꦂꦩꦫꦁꦲꦶꦁꦤꦼꦒꦫꦤ꧀ꦤꦺꦤꦱꦫꦺꦠ꧀꧈ꦲꦶꦁꦠꦤ꧀ꦤꦃꦒꦭꦶꦭꦺꦪ꧉
꧔꧐꧉ ꦩꦺꦴꦁꦏꦧꦧꦪꦶꦱꦪꦩꦸꦟ꧀ꦝꦏ꧀ꦒꦼꦣꦺꦤ꧀ꦤꦺ꧈ꦭꦤ꧀ꦱꦶꦤꦸꦁꦔꦤ꧀ꦧꦸꦢꦶꦫꦺꦴꦱ꧈ꦏꦱꦶꦤꦸꦁꦔꦤ꧀ꦏꦥꦶꦤ꧀ꦠꦼꦂꦫꦤ꧀꧈ꦱꦂꦠꦲꦺꦴꦭꦺꦃꦱꦶꦃꦏꦤꦸꦒꦿꦲꦤ꧀ꦤꦶꦁꦄꦭ꧀ꦭꦃ꧉ ꧉
꧔꧑꧉ ꧋ꦲꦤꦢꦺꦤ꧀ꦤꦺꦮꦺꦴꦁꦔꦠꦸꦮꦤ꧀ꦤꦺꦱꦧꦼꦤ꧀ꦱꦧꦼꦤ꧀ꦠꦲꦸꦤ꧀ꦩꦸꦁꦒꦃꦩꦫꦁꦲꦶꦁꦪꦼꦫꦸꦱꦭꦺꦩ꧀꧈ꦪꦺꦤ꧀ꦲꦤꦸꦗꦺꦴꦤ꧀ꦤꦶꦲꦶꦁꦢꦶꦤ꧀ꦤꦒꦼꦣꦺꦥꦱ꧀ꦏ꦳ꦃ꧉
꧔꧒꧉ ꦢꦺꦤ꧀ꦤꦺꦧꦉꦁꦲꦸꦩꦸꦂꦫꦺꦴꦭꦱ꧀ꦠꦲꦸꦤ꧀꧈ꦮꦺꦴꦁꦔꦠꦸꦮꦤ꧀ꦤꦺꦲꦶꦪꦩꦸꦁꦒꦃꦩꦫꦁꦲꦶꦁꦪꦼꦫꦸꦱꦭꦺꦩ꧀꧈ꦲꦥꦏꦁꦢꦢꦶꦲꦢꦠ꧀ꦠꦺꦲꦶꦁꦢꦶꦤ꧀ꦤꦒꦼꦣꦺ꧉
꧔꧓꧉ ꦱꦮꦸꦱ꧀ꦱꦺꦠꦸꦩꦼꦏꦲꦶꦁꦢꦶꦤ꧀ꦤꦏꦫꦩ꧀ꦥꦸꦁꦔꦤ꧀ꦤꦺ꧈ꦥꦣꦏꦺꦴꦤ꧀ꦢꦸꦂ꧈ꦪꦺꦯꦸꦱ꧀ꦧꦺꦴꦕꦃꦩꦲꦸꦏꦫꦶꦲꦤꦲꦶꦁꦪꦼꦫꦸꦱꦭꦺꦩ꧀꧈ꦢꦺꦤ꧀ꦤꦺꦪꦸꦱꦸꦥ꧀ꦲꦸꦠꦮꦲꦶꦧꦸꦤ꧀ꦤꦺꦲꦺꦴꦫꦱꦸꦩꦸꦫꦸꦥ꧀꧉
꧔꧔꧉ ꦥꦤ꧀ꦚꦤ꧀ꦤꦤ꧀ꦤꦺꦲꦩ꧀ꦧꦉꦁꦔꦶꦮꦺꦴꦁꦭꦸꦩꦏꦸ꧈ꦮꦸꦱ꧀ꦲꦺꦴꦭꦺꦃꦭꦭꦏꦺꦴꦤ꧀ꦱꦢꦶꦤ꧀ꦤ꧈ꦭꦤ꧀ꦥꦣꦲꦁꦒꦺꦴꦭꦺꦏ꧀ꦏꦶꦧꦺꦴꦕꦃꦩꦲꦸ꧈ꦩꦫꦁꦥꦮꦺꦴꦁꦱꦤ꧀ꦤꦏ꧀ꦏꦺꦠꦸꦮꦶꦤ꧀ꦏꦮꦤꦸꦃꦲꦤ꧀ꦤꦺ꧉
꧔꧕꧉ ꦧꦉꦁꦲꦺꦴꦫꦤ꧀ꦤꦤꦏꦠꦼꦩꦸ꧈ꦧꦚ꧀ꦗꦸꦂꦥꦢꦧꦭꦶꦩꦫꦁꦪꦼꦫꦸꦱꦭꦺꦩ꧀ꦩꦤ꧀ꦤꦺꦃ꧈ꦲꦺꦴꦭꦺꦃꦲꦺꦲꦁꦒꦺꦴꦭꦺꦏ꧀ꦏꦶꦧꦺꦴꦕꦃꦩꦲꦸ꧉
꧔꧖꧉ ꦧꦉꦁꦠꦸꦩꦼꦏꦠꦼꦭꦸꦁꦢꦶꦤ꧀ꦤ꧈ꦧꦺꦴꦕꦃꦩꦲꦸꦏꦠꦼꦩꦸꦲꦤꦲꦶꦁꦩꦼꦱ꧀ꦗꦶꦢ꧈ꦒꦺꦴꦤ꧀ꦤꦺꦭꦸꦁꦒꦸꦃꦲꦤꦲꦶꦁꦠꦼꦔꦃꦲꦺꦥꦫꦥꦸꦗꦺꦴꦁꦒ꧈ꦲꦺꦴꦭꦺꦃꦲꦺꦲꦔꦿꦸꦔꦺꦴꦏ꧀ꦲꦏꦺꦱꦂꦠꦲꦠꦠꦏꦺꦴꦤ꧀ꦩꦫꦁꦥꦸꦗꦺꦴꦁꦒꦩꦲꦸ꧉
꧔꧗꧉ ꦢꦺꦤ꧀ꦤꦺꦲꦸꦮꦺꦴꦁꦏꦁꦥꦣꦲꦔꦿꦸꦔꦸꦥꦣꦲꦚ꧀ꦗꦼꦔꦼꦂ꧈ꦲꦮꦶꦠ꧀ꦱꦏꦏꦥꦶꦤ꧀ꦠꦼꦂꦫꦤ꧀ꦤꦺꦲꦸꦠꦮꦥꦚ꧀ꦗꦮꦧ꧀ꦧ꧉
꧔꧘꧉ ꦢꦺꦤ꧀ꦤꦺꦮꦺꦴꦁꦔꦠꦸꦮꦤ꧀ꦤꦺꦧꦉꦁꦮꦼꦂꦫꦸꦃꦥꦣꦲꦔꦸꦔꦸꦤ꧀꧈ꦲꦶꦧꦸꦤ꧀ꦤꦺꦠꦸꦩꦸꦭꦶꦲꦔꦸꦕꦥ꧀ꦩꦫꦁꦧꦺꦴꦱꦃꦩꦲꦸ꧈ꦲꦺꦃꦲꦤ꧀ꦤꦏ꧀ꦏꦸꦒꦺꦂ꧈ꦪꦒꦺꦤ꧀ꦤꦺꦏꦺꦴꦮꦺꦠꦼꦏꦲꦒꦮꦺꦏꦪꦩꦼꦁꦏꦺꦴꦤ꧀ꦤꦺꦴꦩꦫꦁꦔꦏꦸ꧈ꦭꦃ [ 146 ]ꦲꦏꦸꦭꦤ꧀ꦧꦥꦠ꧀ꦩꦸꦲꦁꦒꦺꦴꦭꦺꦏ꧀ꦏꦶꦩꦫꦁꦏꦺꦴꦮꦺꦏꦭꦮꦤ꧀ꦱꦸꦱꦃ꧉
꧔꧙꧉ ꦩꦺꦴꦁꦏꦮꦁꦱꦸꦭ꧀ꦭꦤ꧀ꦤꦺꦩꦫꦁꦮꦺꦴꦁꦔꦠꦸꦮꦤ꧀ꦤꦺ꧈ꦥꦸꦤ꧀ꦤꦥꦲꦱꦩ꧀ꦥꦺꦪꦤ꧀ꦲꦔꦸꦥꦢꦺꦴꦱ꧀ꦱꦶꦣꦠꦼꦁꦏꦸꦭ꧈ꦥꦸꦤ꧀ꦤꦥꦱꦩ꧀ꦥꦺꦪꦤ꧀ꦧꦺꦴꦠꦼꦤ꧀ꦱꦸꦩꦼꦉꦥ꧀꧈ꦪꦺꦤ꧀ꦏꦸꦭꦥꦸꦤ꧀ꦤꦶꦏꦏꦸꦮꦗꦶꦧꦤ꧀ꦮꦺꦴꦤ꧀ꦠꦼꦤ꧀ꦱꦊꦧꦼꦠ꧀ꦠꦶꦁꦢꦊꦩ꧀ꦩꦶꦥꦸꦤ꧀ꦫꦩꦏꦸꦭ꧉
꧕꧐꧉ ꦢꦺꦤ꧀ꦤꦺꦮꦺꦴꦁꦔꦠꦸꦮꦤ꧀ꦤꦺꦲꦺꦴꦫꦱꦸꦩꦸꦫꦸꦥ꧀꧈ ꦩꦫꦁꦮꦮꦁꦱꦸꦭ꧀ꦭꦤ꧀ꦤꦺꦏꦁꦢꦶꦲꦠꦸꦂꦫꦏꦺ꧉
꧕꧑꧉ ꦱꦮꦸꦱ꧀ꦱꦺꦩꦼꦁꦏꦺꦴꦤ꧀ꦤꦺꦴꦪꦺꦯꦸꦱ꧀ꦲꦶꦪꦩꦶꦭꦸꦩꦸꦣꦸꦤ꧀ꦩꦫꦁꦲꦶꦁꦤꦱꦫꦺꦠ꧀꧈ꦱꦂꦠꦲꦩꦶꦠꦸꦫꦸꦠ꧀ꦩꦫꦁꦮꦺꦴꦁꦔꦠꦸꦮꦤ꧀ꦤꦺ꧈ꦢꦺꦤ꧀ꦤꦺꦲꦶꦧꦸꦤ꧀ꦤꦺꦮꦸꦱ꧀ꦲꦤ꧀ꦚꦛꦼꦠ꧀ꦩꦫꦁꦏꦧꦺꦃꦲꦶꦏꦸꦩꦲꦸꦲꦤꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺ꧉
꧕꧒꧉ ꦩꦺꦴꦁꦏꦪꦺꦯꦸꦱ꧀ꦱꦁꦱꦪꦩꦸꦟ꧀ꦝꦏ꧀ꦲꦶꦁꦏꦮꦒꦼꦢ꧀ꦢꦤ꧀ꦤꦺꦩꦶꦮꦃꦢꦼꦢꦼꦒ꧀ꦒꦺ꧈ꦱꦂꦠꦲꦺꦴꦭꦺꦃ ꦏꦤꦸꦒꦿꦲꦤ꧀ꦤꦶꦁꦄꦭ꧀ꦭꦃꦠꦸꦮꦶꦤ꧀ꦲꦶꦁꦔꦸꦮꦺꦴꦁ꧉ ꧉

---

꧋ꦧꦧ꧀ꦏꦥꦶꦁꦠꦼꦭꦸ꧉

꧑꧉ ꧋ꦲꦤꦢꦺꦤ꧀ꦤꦺꦢꦸꦏ꧀ꦤꦭꦶꦏꦠꦲꦸꦤ꧀ꦥꦶꦁꦭꦶꦩꦭꦱ꧀꧈ꦦꦚ꧀ꦗꦼꦤ꧀ꦤꦼꦁꦔꦤ꧀ꦤꦺꦯꦁꦦꦿꦨꦸꦠꦶꦧꦺꦫꦶꦪꦱ꧀꧈ꦤꦭꦶꦏꦏꦁꦗꦸꦩꦼꦤ꧀ꦤꦼꦁꦨꦸꦦꦡꦶꦲꦤꦲꦶꦁꦠꦤ꧀ꦤꦃꦪꦲꦸꦢꦶꦥꦺꦴꦤ꧀ꦠꦶꦪꦸꦱ꧀ꦦꦶꦭꦠꦸꦱ꧀꧈ꦭꦤ꧀ꦏꦁꦗꦸꦩꦼꦤ꧀ꦤꦼꦁꦨꦸꦦꦡꦶꦲꦤꦲꦶꦁꦠꦤ꧀ꦤꦃꦒꦭꦶꦭꦺꦪꦲꦺꦫꦺꦴꦣꦼꦱ꧀꧈ꦲꦸꦠꦮꦦꦶꦭꦶꦥ꧀ꦥꦸꦱ꧀ꦱꦢꦸꦭꦸꦂꦫꦺꦗꦸꦩꦼꦤ꧀ꦤꦼꦁꦨꦸꦦꦡꦶꦲꦤꦲꦶꦁꦠꦤ꧀ꦤꦃꦆꦠꦸꦫꦺꦪꦭꦤ꧀ꦲꦶꦁꦠꦤ꧀ꦤꦃꦠꦿꦏ꦳ꦺꦴꦤꦶꦠꦶꦱ꧀꧈ꦠꦸꦮꦶꦤ꧀ꦭꦶꦱꦤ꧀ꦤꦶꦪꦱ꧀ꦗꦸꦩꦼꦤ꧀ꦤꦼꦁꦨꦸꦦꦡꦶꦲꦤꦲꦶꦁꦠꦤ꧀ꦤꦃꦄꦧꦶꦭꦺꦤ꧀ꦤꦺ꧉
꧒꧉ ꦤꦭꦶꦏꦏꦁꦗꦸꦩꦼꦤ꧀ꦤꦼꦁꦥꦔꦸꦭꦸꦄꦤ꧀ꦤꦱ꧀ꦭꦮꦤ꧀ꦏꦪꦥꦱ꧀꧈ꦪꦺꦴꦏ꦳ꦤ꧀ꦤꦤ꧀ꦥꦸꦠꦿꦤ꧀ꦤꦺꦱꦏ꦳ꦫꦶꦪꦱ꧀ꦏꦣꦮꦸꦃꦲꦤ꧀ꦥꦔꦤ꧀ꦢꦶꦏꦤ꧀ꦤꦶꦁꦄꦭ꧀ꦭꦃꦲꦤꦲꦶꦁꦔꦫꦲꦫ꧉
꧓꧉ ꦩꦺꦴꦁꦏꦪꦺꦴꦏ꦳ꦤ꧀ꦤꦤ꧀ꦲꦚ꧀ꦗꦗꦃꦲꦶꦁꦱꦮꦮꦼꦁꦏꦺꦴꦤ꧀ꦤꦶꦁꦪꦂꦢꦺꦤ꧀ꦏꦧꦺꦃ꧈ꦒꦺꦴꦤ꧀ꦤꦺꦲꦩꦿꦠꦏ꧀ꦲꦏꦺꦥꦤ꧀ꦚꦭꦸꦭꦸꦥ꧀ꦥꦤ꧀ꦤꦶꦁꦥꦠꦺꦴꦧꦠ꧀꧈ꦱꦸꦥꦪꦲꦺꦴꦭꦺꦪꦥꦔꦥꦸꦫꦤ꧀ꦤꦶꦁꦢꦺꦴꦢꦺꦴꦱ꧉
꧔꧉ ꦏꦪꦏꦁꦮꦸꦱ꧀ꦠꦶꦤꦸꦭꦶꦱ꧀ꦲꦤꦱꦗꦿꦺꦴꦤ꧀ꦤꦶꦁꦏꦶꦠꦧ꧀ꦮꦶꦫꦪꦠ꧀ꦠꦺꦟꦨꦶꦪꦺꦱꦪ꧈ꦱꦧ꧀ꦢꦤ꧀ꦤꦺ꧈ꦲꦶꦁꦔꦫꦲꦫꦲꦤꦱ꧀ꦮꦫꦲꦔꦸꦮꦸꦃꦲꦸꦮꦸꦃ꧈ꦥꦣꦲꦔꦿꦠꦲꦩꦫꦁꦢꦢꦭꦤ꧀ꦤꦶꦁꦦꦔꦺꦫꦤ꧀꧈ꦥꦣꦲꦒꦮꦺꦪꦏꦼꦚ꧀ꦕꦼꦁꦩꦫꦁꦭꦸꦭꦸꦫꦸꦁꦔꦺ꧉
꧕꧉ ꦱꦏꦺꦃꦲꦶꦁꦗꦸꦫꦁꦧꦏꦭ꧀ꦲꦶꦁꦔꦸꦫꦸꦒꦤ꧀꧈ꦭꦤ꧀ꦱꦏꦺꦃꦲꦶꦁꦒꦸꦤꦸꦁꦲꦸꦠꦮꦒꦸꦒꦸꦩꦸꦏ꧀ꦧꦏꦭ꧀ꦫꦶꦤ꧀ꦤꦠ꧈ꦩꦶꦮꦃꦏꦁꦧꦺꦁꦏꦺꦴꦁꦒꦶꦤ꧀ꦤꦮꦺꦏꦼꦚ꧀ꦕꦼꦁ꧈ꦠꦸꦮꦶꦤ꧀ꦢꦭꦤ꧀ꦏꦁꦫꦸꦩ꧀ꦥꦶꦭ꧀ꦭꦶꦤ꧀ꦤꦮꦺꦫꦠ꧉
꧖꧉ ꦭꦤ꧀ꦱꦫꦸꦥꦤ꧀ꦤꦶꦁꦢꦒꦶꦁꦧꦏꦭ꧀ꦥꦣꦮꦼꦂꦫꦸꦃꦩꦫꦁꦥꦩꦂꦠꦤ꧀ꦤꦶꦁꦄꦭ꧀ꦭꦃ꧉
꧗꧉ ꦲꦤꦢꦺꦤ꧀ꦤꦺꦪꦺꦴꦏ꦳ꦤ꧀ꦤꦤ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦏꦁꦥꦣꦩꦼꦠꦸꦲꦩꦫꦤ꧀ꦤꦶꦧꦏꦭ꧀ꦱꦶꦤ꧀ꦤꦭꦸꦭꦸꦥ꧀ꦥꦏꦺ꧈ꦲꦺꦃꦠꦸꦫꦸꦤ꧀ꦤꦶꦁꦔꦸꦭꦮꦼꦭꦁ꧈ꦱꦥꦏꦁꦲꦤꦸꦢꦸꦃꦲꦏꦺꦩꦫꦁꦏꦺꦴꦮꦺ꧈ꦲꦤ꧀ꦚꦶꦁꦏꦶꦂꦫꦶꦲꦶꦁꦧꦧꦼꦤ꧀ꦢꦸꦤ꧀ꦤꦶꦁꦗꦩꦤ꧀ꦲꦏꦶꦂ꧉
꧘꧉ ꦩꦸꦭꦤ꧀ꦤꦺꦏꦺꦴꦮꦺꦥꦣꦩꦼꦠꦺꦴꦏ꧀ꦏꦼꦤ꧀ꦤꦲꦸꦮꦺꦴꦃꦏꦁꦱꦼꦩ꧀ꦧ [ 147 ]ꦢꦲꦶꦁꦠꦺꦴꦧꦠ꧀꧈ꦭꦤ꧀ꦲꦗꦏꦺꦴꦮꦺꦢꦸꦮꦺꦥꦔꦸꦕꦥ꧀ꦱꦗꦿꦺꦴꦤ꧀ꦤꦶꦁꦣꦺꦮꦺꦏ꧀ꦩꦸ꧈ꦆꦧꦿꦲꦶꦩ꧀ꦲꦶꦏꦸꦢꦢꦶꦧꦥꦏ꧀ꦏꦸ꧈ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦄꦭ꧀ꦭꦃꦲꦶꦏꦸꦏꦸꦮꦱꦪꦺꦤ꧀ꦲꦤ꧀ꦢꦢꦺꦏ꧀ꦤꦮꦠꦸꦏꦸꦮꦺꦏꦶꦤ꧀ꦤꦂꦪꦲꦤ꧀ꦤꦏ꧀ꦏꦶꦁ​ꦆꦧꦿꦲꦶꦩ꧀꧉
꧙꧉ ꦢꦺꦤ꧀ꦤꦺꦮꦢꦸꦁꦮꦸꦱ꧀ꦠꦸꦩꦺꦩ꧀ꦥꦺꦭ꧀ꦩꦫꦁꦔꦺꦴꦪꦺꦴꦢ꧀ꦢꦶꦁꦮꦶꦠ꧀ꦮꦶꦠ꧀ꦠꦤ꧀꧈ꦢꦺꦤ꧀ꦤꦺꦱꦫꦸꦥꦤ꧀ꦤꦶꦁꦮꦶꦠ꧀ꦏꦁꦲꦺꦴꦫꦩꦼꦠꦸꦮꦺꦴꦃꦲꦺꦧꦼꦕꦶꦏ꧀꧈ꦲꦺꦴꦫꦮꦸꦫꦸꦁꦠꦶꦤ꧀ꦤꦼꦒꦺꦴꦂꦧꦚ꧀ꦗꦸꦂꦕꦶꦤ꧀ꦤꦼꦩ꧀ꦥ꧀ꦭꦸꦁꦔꦏꦺꦲꦶꦁꦒꦼꦤ꧀ꦤꦶ꧉
꧑꧐꧉ ꦩꦺꦴꦁꦏꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦥꦣꦲꦸꦩꦠꦸꦂꦥꦶꦠꦏꦺꦴꦤ꧀꧈ꦢꦺꦤ꧀ꦤꦺꦲꦶꦁꦏꦁꦏꦮꦸꦭꦭꦩ꧀ꦥꦃꦲꦶꦥꦢꦩꦼꦭ꧀ꦭꦤ꧀ꦥꦸꦤ꧀ꦤꦥ꧉
꧑꧑꧉ ꦮꦁꦱꦸꦭ꧀ꦭꦤ꧀ꦤꦺꦪꦺꦴꦏ꦳ꦤ꧀ꦤꦤ꧀꧈ꦮꦺꦴꦁꦏꦁꦢꦸꦮꦺꦏꦸꦭꦩ꧀ꦧꦶꦭꦺꦴꦫꦺꦴ꧈ꦮꦺꦤ꧀ꦤꦺꦃꦲꦼꦤ꧀ꦤꦩꦫꦁꦮꦺꦴꦁꦏꦁꦲꦺꦴꦫꦢꦸꦮꦺ꧈ꦭꦤ꧀ꦮꦺꦴꦁꦏꦁꦢꦸꦮꦺꦥꦔꦤ꧀ꦤꦤ꧀꧈ꦲꦒꦮꦺꦪꦩꦼꦁꦏꦺꦴꦤ꧀ꦤꦺꦴꦲꦸꦒ꧉
꧑꧒꧉ ꦠꦸꦩꦸꦭꦶꦲꦤꦮꦺꦴꦁ ꦩꦸꦥꦸꦧꦺꦪꦲꦶꦪꦲꦉꦥ꧀ꦱꦶꦤ꧀ꦤꦭꦸꦭꦸꦥ꧀ꦥꦏꦺ꧈ꦭꦤ꧀ꦥꦣꦲꦸꦩꦠꦸꦂꦩꦫꦁꦪꦺꦴꦏ꦳ꦤ꧀ꦤꦤ꧀꧈ꦓꦸꦫꦸ꧈ꦲꦶꦁꦏꦁꦏꦮꦸꦭꦭꦩ꧀ꦥꦃꦲꦶꦥꦢꦩꦼꦭ꧀ꦭꦤ꧀ꦥꦸꦤ꧀ꦤꦥ꧉
꧑꧓꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦴꦏ꦳ꦤ꧀ꦤꦤ꧀꧈ꦲꦗꦏꦺꦴꦮꦺꦲꦔꦸꦟ꧀ꦝꦏ꧀ꦲꦏꦺꦥꦩꦸꦁꦟ꧀ꦝꦸꦠ꧀ꦩꦸꦲꦶꦁꦥꦥꦚ꧀ꦕꦺꦤ꧀ꦤꦺ꧉
꧑꧔꧉ ꦢꦺꦤ꧀ꦤꦺ ꦮꦺꦴꦁꦥꦿꦗꦸꦫꦶꦠ꧀ꦲꦶꦪꦥꦣꦲꦢꦸꦮꦺꦲꦠꦸꦂꦥꦶꦠꦏꦺꦴꦤ꧀꧈ꦩꦼꦁꦒꦃꦏꦮꦸꦭꦥꦸꦤ꧀ꦤꦶꦏꦲꦶꦁꦏꦁꦱꦩꦶꦏꦮꦸꦭꦭꦩ꧀ꦥꦃꦲꦶꦥꦸꦤ꧀ꦤꦥ꧈ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦺꦪꦺꦴꦏ꦳ꦤ꧀ꦤꦤ꧀꧈ꦲꦗꦏꦺꦴꦮꦺꦲꦩꦏꦺꦮꦸꦃꦲꦶꦩꦫꦁꦔꦸꦮꦺꦴꦁ꧈ꦲꦗꦏꦺꦴꦮꦺꦲꦚ꧀ꦗꦫꦃꦫꦪꦃ꧈ꦭꦤ꧀ꦏꦺꦴꦮꦺꦥꦣꦩꦉꦩ꧀ꦩꦲꦶꦁꦒꦗꦶꦃꦩꦸ꧉
꧑꧕꧉ ꦲꦤꦢꦺꦤ꧀ꦤꦺꦱꦏꦺꦃꦲꦶꦁꦮꦺꦴꦁꦩꦲꦸꦥꦣꦲꦢꦸꦮꦺꦏꦶꦫꦏꦶꦫ꧈ꦱꦂꦠꦲꦔꦿꦱꦏ꧀ꦲꦏꦺꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺꦩꦸꦁꦒꦸꦃꦲꦶꦁꦪꦺꦴꦏ꦳ꦤ꧀ꦤꦤ꧀꧈ꦏꦢꦭꦶꦃꦪꦺꦤ꧀ꦤꦶꦏꦸꦏꦿꦶꦱ꧀ꦡꦸꦱ꧀꧉
꧑꧖꧉ ꦪꦺꦴꦏ꦳ꦤ꧀ꦤꦤ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸꦏꦧꦺꦃ꧈ꦲꦺꦴꦭꦺꦃꦏꦸꦲꦤ꧀ꦚꦭꦸꦭꦸꦥ꧀ꦥꦏꦺꦩꦫꦁꦏꦺꦴꦮꦺꦲꦔꦁꦒꦺꦴꦧꦤ꧀ꦚꦸ꧈ꦢꦺꦤ꧀ꦤꦺꦲꦤꦮꦺꦴꦁꦏꦁꦠꦸꦩꦼꦏꦲꦔ꧀ꦭꦸꦮꦶꦃꦲꦶꦱꦏꦲꦶꦁꦏꦸꦮꦱꦏꦸ꧈ꦲꦏꦸꦲꦶꦏꦶꦲꦺꦴꦫꦥꦤ꧀ꦠꦼꦱ꧀ꦪꦺꦤ꧀ꦲꦔꦸꦕꦸꦭ꧀ꦭꦤꦗꦔꦼꦠ꧀ꦠꦶꦁꦠꦫꦸꦩ꧀ꦥꦃꦲꦺ꧈ꦲꦶꦏꦸꦏꦁꦧꦏꦭ꧀ꦚꦭꦸꦭꦸꦥ꧀ꦥꦏꦺꦩꦫꦁꦏꦺꦴꦮꦺꦏꦭꦮꦤ꧀ꦫꦺꦴꦃꦏꦁꦯꦸꦕꦶꦲꦸꦠꦮꦒꦼꦤ꧀ꦤꦶ꧉
꧑꧗꧉ ꦠꦩ꧀ꦥꦃꦲꦺꦲꦤꦲꦶꦁꦔꦱ꧀ꦠꦤ꧀ꦤꦺ꧈ꦱꦂꦠꦧꦏꦭ꧀ꦲꦤ꧀ꦤꦥꦺꦤ꧀ꦤꦶꦲꦶꦁꦥꦤꦸꦠꦸꦤ꧀ꦤꦺ꧈ꦭꦤ꧀ꦒꦤ꧀ꦢꦸꦩ꧀ꦩꦺꦧꦏꦭ꧀ꦏꦶꦤ꧀ꦤꦭꦸꦩ꧀ꦱꦸꦏ꧀ꦲꦏꦺꦲꦶꦁꦔ꧀ꦭꦸꦩ꧀ꦧꦸꦁꦔꦺ꧈ꦢꦺꦤ꧀ꦤꦺꦩꦿꦩ꧀ꦧꦸꦠ꧀ꦠꦺꦧꦏꦭ꧀ꦢꦶꦲꦺꦴꦧꦺꦴꦁꦲꦶꦁꦒꦼꦤ꧀ꦤꦶꦏꦁꦲꦺꦴꦫꦱꦶꦉꦥ꧀꧉
꧑꧘꧉ ꦲꦤꦢꦺꦤ꧀ꦤꦺꦪꦺꦴꦏ꦳ꦤ꧀ꦤꦤ꧀ꦲꦮꦼꦮꦫꦃꦩꦤ꧀ꦤꦺꦃꦲꦏꦺꦃꦲꦏꦺꦃ꧈ꦒꦺꦴꦤ꧀ꦤꦺꦲꦩꦿꦠꦏ꧀ꦲꦏꦺꦆꦚ꧀ꦗꦶꦭ꧀ꦩꦫꦶꦁꦧꦺꦴꦁꦱ꧉
꧑꧙꧉ ꦢꦺꦤ꧀ꦤꦺꦲꦺꦫꦺꦴꦣꦼꦱ꧀ꦮꦸꦱ꧀ꦮꦶꦤ꧀ꦤꦼꦭꦺꦃꦲꦏꦺꦢꦺꦤ꧀ꦤꦶꦁꦪꦺꦴꦏ꦳ꦤ꧀ꦤꦤ꧀꧈ꦲꦮꦶꦠ꧀ꦱꦏꦲꦺꦫꦺꦴꦣꦶꦪꦱ꧀꧈ꦱꦺꦴꦩꦃꦲꦺꦦꦶꦭꦶꦥ꧀ꦥꦸꦱ꧀ꦱꦢꦸꦭꦸꦂꦫꦺ꧈ꦭꦤ꧀ꦲꦮꦶꦠ꧀ꦱꦏꦥꦁꦒꦮꦺꦃꦲꦤ꧀ꦤꦺꦲꦭꦏꦧꦺꦃ꧈ꦏꦁꦮꦸꦱ꧀ꦭꦶꦤ꧀ꦤꦏꦺꦴꦤ꧀ꦲꦺꦫꦺꦴꦣꦼꦱ꧀꧉
꧒꧐꧉ ꦏꦧꦺꦃꦲꦶꦏꦸꦩꦲꦸꦮꦸꦮꦸꦃ꧈ꦒꦺꦴꦤ꧀ꦤꦺ [ 148 ]ꦲꦔ꧀ꦭꦼꦧꦺꦴꦏ꧀ꦲꦏꦺꦪꦺꦴꦏ꦳ꦤ꧀ꦤꦤ꧀ꦩꦫꦁꦥꦮꦿꦁꦏꦤ꧀꧉ ꧉
꧒꧑꧉ ꧋ꦲꦤꦢꦺꦤ꧀ꦤꦺꦤꦭꦶꦏꦧꦺꦴꦁꦱꦏꦧꦺꦃꦱꦶꦤ꧀ꦤꦭꦸꦭꦸꦥ꧀ꦥꦏꦺ꧈ꦪꦺꦯꦸꦱ꧀ꦲꦶꦪꦏꦱꦭꦸꦭꦸꦥ꧀ꦥꦏꦺ꧈ꦱꦂꦠꦤꦭꦶꦏꦲꦤ꧀ꦢꦢꦺꦴꦔ꧈ꦭꦔꦶꦠ꧀ꦏꦠꦺꦴꦤ꧀ꦏꦥꦶꦪꦏ꧀​꧉
꧒꧒꧉ ꦱꦂꦠꦫꦺꦴꦃꦲꦶꦁꦏꦁꦯꦸꦕꦶꦠꦸꦩꦼꦣꦏ꧀꧈ꦲꦤ꧀ꦤꦼꦣꦏ꧀ꦏꦶꦩꦫꦁꦪꦺꦯꦸꦱ꧀ꦲꦥꦔꦮꦠ꧀ꦫꦸꦥꦏꦪꦩꦤꦸ ꦏ꧀ꦢꦫ꧈ꦠꦸꦩꦸꦭꦶꦲꦤꦱ꧀ꦮꦫꦱꦏꦲꦶꦁꦭꦔꦶꦠ꧀꧈ꦥꦔꦤ꧀ꦢꦶꦏꦤ꧀ꦤꦺ꧈ꦱꦶꦫꦲꦶꦏꦸꦥꦸꦠꦿꦤ꧀ꦤꦶꦁꦯꦸꦤ꧀ꦏꦏꦱꦶꦃ꧈ꦱꦶꦫꦲꦶꦁꦯꦸꦤ꧀ꦱꦼꦤ꧀ꦤꦼꦁꦔꦶ꧉
꧒꧓꧉ ꦢꦺꦤ꧀ꦤꦺꦪꦺꦯꦸꦱ꧀ꦮꦼꦠꦫꦪꦸꦱ꧀ꦮꦠꦼꦭꦸꦁꦥꦸꦭꦸꦃꦠꦲꦸꦤ꧀ꦭꦤ꧀ꦤꦺꦲꦩꦶꦮꦶꦠ꧀ꦠꦶ꧈ꦭꦤ꧀ꦢꦶꦤꦸꦒꦢꦸꦒꦢꦺꦤ꧀ꦤꦶꦁꦔꦸꦮꦺꦴꦁꦥꦸꦠꦿꦤ꧀ꦤꦶꦁꦪꦸꦱꦸꦥ꧀꧈ꦪꦸꦱꦸꦥ꧀ꦲꦶꦏꦸꦥꦸꦠꦿꦤ꧀ꦤꦶꦁ​ꦌꦭꦶ꧉
꧒꧔꧉ ꦌꦭꦶꦥꦸꦠꦿꦤ꧀ꦤꦶꦁꦩꦠ꧀ꦠꦠ꧀꧈ꦩꦠ꧀ꦠꦠ꧀ꦥꦸꦠꦿꦤ꧀ꦤꦶꦁꦭꦺꦮꦶ꧈ꦭꦺꦮꦶꦥꦸꦠꦿꦤ꧀ꦤꦶꦁꦩꦺꦭ꧀ꦏꦶ꧈ꦩꦺꦭ꧀ꦏꦶꦥꦸꦠꦿꦤ꧀ꦤꦶꦁꦪꦤ꧀ꦤ꧈ꦪꦤ꧀ꦤꦥꦸꦠꦿꦤ꧀ꦤꦶꦁꦪꦸꦱꦸꦥ꧀꧉
꧒꧕꧉ ꦪꦸꦱꦸꦥ꧀ꦥꦸꦠꦿꦤ꧀ꦤꦶꦁꦩꦠ꧀ꦠꦠꦶꦪꦸꦱ꧀꧈ꦩꦠ꧀ꦠꦠꦶꦪꦸꦱ꧀ꦥꦸꦠꦿꦤ꧀ꦤꦶꦁꦄꦩꦺꦴꦱ꧀꧈ꦄꦩꦺꦴꦱ꧀ꦥꦸꦠꦿꦤ꧀ꦤꦶꦁꦤꦲꦸꦩ꧀꧈ꦤꦲꦸꦩ꧀ꦥꦸꦠꦿꦤ꧀ꦤꦶꦁꦌꦱ꧀ꦭꦶ꧈ꦌꦱ꧀ꦭꦶꦥꦸꦠꦿꦤ꧀ꦤꦶꦁꦤꦁꦒꦆ꧉
꧒꧖꧉ ꦤꦁꦒꦆꦥꦸꦠꦿꦤ꧀ꦤꦶꦁꦩꦄꦠ꧀꧈ꦩꦄꦠ꧀ꦥꦸꦠꦿꦤ꧀ꦤꦶꦁꦩꦠ꧀ꦠꦠꦶꦪꦸ꧈ꦩꦠ꧀ꦠꦠꦶꦪꦸꦥꦸꦠꦿꦤ꧀ꦤꦶꦁꦱꦺꦩꦶꦪ꧈ꦱꦺꦩꦶꦪꦥꦸꦠꦿꦤ꧀ꦤꦶꦁꦪꦸꦱꦸꦥ꧀꧈ꦪꦸꦱꦸꦥ꧀ꦥꦸꦠꦿꦤ꧀ꦤꦶꦁ ꦪꦸꦢ꧉
꧒꧗꧉ ꦪꦸꦢꦥꦸꦠꦿꦤ꧀ꦤꦶꦁꦪꦺꦴꦤ꧀ꦤꦱ꧀꧈ꦪꦺꦴꦤ꧀ꦤꦱ꧀ꦥꦸꦠꦿꦤ꧀ꦤꦶꦁꦫꦺꦱ꧈ꦫꦺꦱꦥꦸꦠꦿꦤ꧀ꦤꦶꦁꦱꦫꦧꦧꦼꦭ꧀꧈ꦱꦫꦧꦧꦼꦭ꧀ꦥꦸꦠꦿꦤ꧀ꦤꦶꦁꦱꦭꦠꦶꦌꦭ꧀꧈ꦱꦭꦠꦶꦌꦭ꧀ꦥꦸꦠꦿꦤ꧀ꦤꦶꦁꦤꦺꦫꦶ꧉
꧒꧘꧉ ꦤꦺꦫꦶꦥꦸꦠꦿꦤ꧀ꦤꦶꦁꦩꦺꦭ꧀ꦏꦶ꧈ꦩꦺꦭ꧀ꦏꦶꦥꦸꦠꦿꦤ꧀ꦤꦶꦁꦄꦢ꧀ꦢꦶ꧈ꦄꦢ꧀ꦢꦶꦥꦸꦠꦿꦤ꧀ꦤꦶꦁꦏꦺꦴꦱꦩ꧀꧈ꦏꦺꦴꦱꦩ꧀ꦥꦸꦠꦿꦤ꧀ꦤꦶꦁ​ꦌꦭ꧀ꦩꦺꦴꦢꦩ꧀꧈ꦌꦭ꧀ꦩꦺꦴꦢꦩ꧀ꦥꦸꦠꦿꦤ꧀ꦤꦶꦁꦲꦺꦂ꧉
꧒꧙꧉ ꦲꦺꦂꦥꦸꦠꦿꦤ꧀ꦤꦶꦁꦪꦺꦴꦱꦺ꧈ꦪꦺꦴꦱꦺꦥꦸꦠꦿꦤ꧀ꦤꦶꦁꦌꦭꦶꦱꦺꦂ꧈ꦌꦭꦶꦱꦺꦂꦥꦸꦠꦿꦤ꧀ꦤꦶꦁꦪꦺꦴꦉꦩ꧀꧈ꦪꦺꦴꦉꦩ꧀ꦥꦸꦠꦿꦤ꧀ꦤꦶꦁꦩꦠ꧀ꦠꦠ꧀꧈ꦩꦠ꧀ꦠꦠ꧀ꦥꦸꦠꦿꦤ꧀ꦤꦶꦁꦭꦺꦮꦶ꧉
꧓꧐꧉ ꦭꦺꦮꦶꦥꦸꦠꦿꦤ꧀ꦤꦶꦁꦱꦶꦩꦺꦪꦺꦴꦤ꧀꧈ꦱꦶꦩꦺꦪꦺꦴꦤ꧀ꦥꦸꦠꦿꦤ꧀ꦤꦶꦁꦪꦸꦢ꧈ ꦪꦸꦢꦥꦸꦠꦿꦤ꧀ꦤꦶꦁꦪꦸꦱꦸꦥ꧀꧈ꦪꦸꦱꦸꦥ꧀ꦥꦸꦠꦿꦤ꧀ꦤꦶꦁꦪꦺꦴꦤ꧀ꦤꦤ꧀꧈ꦪꦺꦴꦤ꧀ꦤꦤ꧀ꦥꦸꦠꦿꦤ꧀ꦤꦶꦁ​ꦌꦭꦶꦪꦏꦶꦩ꧀꧉
꧓꧑꧉ ꦌꦭꦶꦪꦏꦶꦩ꧀ꦥꦸꦠꦿꦤ꧀ꦤꦶꦁꦩꦼꦭꦺꦪꦱ꧀꧈ꦩꦼꦭꦺꦪꦱ꧀ꦥꦸꦠꦿꦤ꧀ꦤꦶꦁꦩꦆꦤ꧀ꦤꦤ꧀꧈ꦩꦆꦤ꧀ꦤꦤ꧀ꦥꦸꦠꦿꦤ꧀ꦤꦶꦁꦩꦠ꧀ꦠꦠ꧈ꦩꦠ꧀ꦠꦠꦥꦸꦠꦿꦤ꧀ꦤꦶꦁꦤꦠꦤ꧀꧈ꦤꦠꦤ꧀ꦥꦸꦠꦿꦤ꧀ꦤꦶꦁꦢꦮꦸꦢ꧀꧉
꧓꧒꧉ ꦢꦮꦸꦢ꧀ꦥꦸꦠꦿꦤ꧀ꦤꦶꦁꦪꦼꦱ꧀ꦱꦺ꧈ꦪꦼꦱ꧀ꦱꦺꦥꦸꦠꦿꦤ꧀ꦤꦶꦁꦎꦧꦼꦢ꧀꧈ꦎꦧꦼꦢ꧀ꦥꦸꦠꦿꦤ꧀ꦤꦶꦁꦧꦺꦴꦱ꧀꧈ꦧꦺꦴꦱ꧀ꦥꦸꦠꦿꦤ꧀ꦤꦶꦁꦱꦭ꧀ꦩꦺꦴꦤ꧀꧈ꦱꦭ꧀ꦩꦺꦴꦤ꧀ꦥꦸꦠꦿꦤ꧀ꦤꦶꦁꦤꦱ꧀ꦱꦺꦴꦤ꧀꧉
꧓꧓꧉ ꦤꦱ꧀ꦱꦺꦴꦤ꧀ꦥꦸ ꦠꦿꦤ꧀ꦤꦶꦁ​ꦄꦩꦶꦤ꧀ꦤꦢꦧ꧀꧈ꦄꦩꦶꦤ꧀ꦤꦢꦧ꧀ꦥꦸꦠꦿꦤ꧀ꦤꦶꦁꦄꦫꦩ꧀꧈ꦄꦫꦩ꧀ꦥꦸꦠꦿꦤ꧀ꦤꦶꦁꦌꦱꦿꦺꦴꦩ꧀꧈ꦌꦱꦿꦺꦴꦩ꧀ꦥꦸꦠꦿꦤ꧀ꦤꦶꦁꦥꦫꦺꦱ꧀꧈ꦥꦫꦺꦱ꧀ꦥꦸꦠꦿꦤ꧀ꦤꦶꦁꦪꦲꦸꦢ꧉
꧓꧔꧉ ꦪꦲꦸꦢꦥꦸꦠꦿꦤ꧀ꦤꦶꦁꦪꦏ꦳ꦸꦧ꧀꧈ꦪꦏ꦳ꦸꦧ꧀ꦥꦸꦠꦿꦤ꧀ꦤꦶꦁꦆꦱ꧀ꦏ꦳ꦏ꧀꧈ꦆꦱ꧀ꦏ꦳ꦏ꧀ꦥꦸꦠꦿꦤ꧀ꦤꦶꦁ​ꦆꦧꦿꦲꦶꦩ꧀꧈ꦆꦧꦿꦲꦶꦩ꧀ꦥꦸꦠꦿꦤ꧀ꦤꦶꦁꦠꦫ꧈ꦠꦫꦥꦸꦠꦿꦤ꧀ꦤꦶꦁꦤꦏ꦳ꦺꦴꦂ꧉
꧓꧕꧉ ꦤꦏ꦳ꦺꦴꦂꦥꦸꦠꦿꦤ꧀ꦤꦶꦁꦱꦫꦸꦃ꧈ꦱꦫꦸꦃꦥꦸꦠꦿꦤ꧀ꦤꦶꦁꦫꦒꦲꦸ꧈ꦫꦒꦲꦸꦥꦸꦠꦿꦤ꧀ꦤꦶꦁꦥ꦳​ꦊꦏ꧀꧈ꦥ꦳ꦊꦏ꧀ꦥꦸꦠꦿꦤ꧀ꦤꦶꦁꦌꦧꦼꦂ꧈ꦌꦧꦼꦂꦥꦸꦠꦿꦤ꧀ꦤꦶꦁꦱꦭ꧉br>꧓꧖꧉ ꦱꦭꦥꦸꦠꦿꦤ꧀ꦤꦶꦁꦏꦲꦶꦤ꧀ꦤꦤ꧀꧈ꦏꦲꦶꦤ꧀ꦤꦤ꧀ꦥꦸꦠꦿꦤ꧀ꦤꦶꦁꦄꦥ꦳ꦏ꧀ꦱꦢ꧀꧈ꦄꦥ꦳ꦏ꧀ꦱꦢ꧀ꦥꦸꦠꦿꦤ꧀ꦤꦶꦁꦱꦶꦩ꧀꧈ꦱꦶꦩ꧀ꦥꦸ [ 149 ]ꦠꦿꦤ꧀ꦤꦶꦁꦟꦸꦃ꧈ꦟꦸꦃꦥꦸꦠꦿꦤ꧀ꦤꦶꦁꦭꦩꦺꦃ꧉
꧓꧗꧉ ꦭꦩꦺꦃꦥꦸꦠꦿꦤ꧀ꦤꦶꦁꦩꦠꦸꦱꦭ꧈ꦩꦠꦸꦱꦭꦥꦸꦠꦿꦤ꧀ꦤꦶꦁꦌꦤꦺꦴꦃ꧈ꦌꦤꦺꦴꦃꦥꦸꦠꦿꦤ꧀ꦤꦶꦁꦪꦉꦢ꧀꧈ꦪꦉꦢ꧀ꦥꦸꦠꦿꦤ꧀ꦤꦶꦁꦩꦭꦭꦺꦌꦭ꧀꧈ꦩꦭꦭꦺꦌꦭ꧀ꦥꦸꦠꦿꦤ꧀ꦤꦶꦁꦏꦆꦤ꧀ꦤꦤ꧀꧉
꧓꧘꧉ ꦏꦆꦤ꧀ꦤꦤ꧀ꦥꦸꦠꦿꦤ꧀ꦤꦶꦁ​ꦌꦤꦺꦴꦱ꧀꧈ꦌꦤꦺꦴꦱ꧀ꦥꦸꦠꦿꦤ꧀ꦤꦶꦁꦱꦶꦱ꧀꧈ꦱꦶꦱ꧀ꦥꦸꦠꦿꦤ꧀ꦤꦶꦁ​ꦄꦢꦩ꧀꧈ꦄꦢꦩ꧀ꦥꦸꦠꦿꦤ꧀ꦤꦶꦁꦄꦭ꧀ꦭꦃ꧉ ꧉

---

꧋ꦧꦧ꧀ꦏꦥꦶꦁꦥꦠ꧀꧉

꧑꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦮꦸꦱ꧀ꦏꦲꦶꦱꦺꦤ꧀ꦤꦤ꧀ꦫꦺꦴꦃꦲꦶꦁꦏꦁꦯꦸꦕꦶ꧈ꦮꦁꦱꦸꦭ꧀ꦱꦏꦶꦁꦪꦂꦢꦺꦤ꧀꧈ꦱꦂꦠꦏꦧꦼꦏ꧀ꦠꦢꦺꦤ꧀ꦤꦶꦁꦫꦺꦴꦃꦩꦫꦁꦲꦶꦁꦔꦫꦲꦫ꧉
꧒꧉ ꦒꦶꦤ꧀ꦤꦺꦴꦣꦲꦶꦁꦆꦧ꧀ꦭꦶꦱ꧀ꦭꦮꦱ꧀ꦱꦺꦥꦠꦁꦥꦸꦭꦸꦃꦢꦶꦤ꧀ꦤ꧈ꦭꦤ꧀ꦤꦺꦴꦫꦣꦲꦂꦲꦥꦲꦥꦱꦗꦿꦺꦴꦤ꧀ꦤꦶꦁꦥꦠꦁꦥꦸꦭꦸꦃꦢꦶꦤ꧀ꦤꦲꦶꦏꦸ꧈ꦱꦮꦸꦱ꧀ꦱꦺꦒꦼꦤ꧀ꦤꦼꦥ꧀ꦥꦶꦁꦥꦠꦁꦥꦸꦭꦸꦃꦢꦶꦤ꧀ꦤꦩꦲꦸ꧈ꦮꦼꦏꦱ꧀ꦱꦤ꧀ꦏꦭꦸꦮꦺꦤ꧀꧉
꧓꧉ ꦩꦺꦴꦁꦏꦆꦧ꧀ꦭꦶ ꦱ꧀ꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦩꦤ꧀ꦤꦮꦶꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦥꦸꦠꦿꦤ꧀ꦤꦶꦁꦄꦭ꧀ꦭꦃ꧈ꦱꦺꦭꦥꦸꦤ꧀ꦤꦶꦏꦱꦩ꧀ꦥꦺꦪꦤ꧀ꦝꦮꦃꦲꦶꦢꦢꦺꦴꦱ꧀ꦱꦫꦺꦴꦠꦶ꧉
꧔꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦮꦸꦱ꧀ꦏꦠꦸꦭꦶꦱ꧀ꦱꦤ꧀꧈ꦪꦺꦤ꧀ꦲꦸꦫꦶꦥ꧀ꦥꦶꦁꦮꦺꦴꦁꦔꦶꦏꦸꦲꦺꦴꦫꦗꦭꦂꦫꦤ꧀ꦱꦏꦫꦺꦴꦠꦶꦧꦲꦺ꧈ꦤꦔꦶꦁꦗꦭꦂꦫꦤ꧀ꦱꦏꦱꦏꦺꦃꦲꦶꦁꦥꦔꦤ꧀ꦢꦶꦏꦤ꧀ꦤꦶꦁꦄꦭ꧀ꦭꦃ꧉
꧕꧉ ꦪꦺ ꦯꦸꦱ꧀ꦠꦸꦩꦸꦭꦶꦧꦶꦤ꧀ꦤꦼꦏ꧀ꦠꦢꦺꦤ꧀ꦤꦶꦁꦆꦧ꧀ꦭꦶꦱ꧀ꦩꦫꦁꦒꦸꦤꦸꦁꦏꦁꦣꦸꦮꦸꦂ꧈ꦠꦶꦤꦸꦢꦸꦃꦲꦏꦺꦏꦫꦠꦺꦴꦤ꧀ꦤꦶꦁꦗꦓꦢ꧀ꦏꦧꦺꦃꦲꦶꦁꦱꦏꦼꦣꦥ꧀ꦤꦺꦠꦿ꧉
꧖꧉ ꦩꦺꦴꦁꦏꦆꦧ꧀ꦭꦶꦱ꧀ꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦥꦔꦸꦮꦱꦥꦸꦤ꧀ꦤꦶꦏꦱꦢꦪꦲꦸꦠꦮꦶꦱꦏꦩꦸꦏ꧀ꦠꦺꦤ꧀ꦤꦶꦥꦸꦤ꧀꧈ꦧꦣꦺꦏꦸꦭꦲꦠꦸꦂꦫꦏꦼꦤ꧀ꦝꦸꦩꦠꦼꦁꦱꦩ꧀ꦥꦺꦪꦤ꧀꧈ꦲꦮꦶꦠ꧀ꦢꦺꦤ꧀ꦤꦶꦁꦱꦩ꧀ꦥꦸꦤ꧀ꦏꦥꦱꦿꦃꦲꦏꦼꦤ꧀ꦝꦸꦩꦠꦼꦁꦏꦸꦭ꧈ꦱꦂꦠꦱꦶꦤ꧀ꦠꦼꦤ꧀ꦲꦶꦁꦏꦁꦏꦸꦭꦱꦼꦤ꧀ꦤꦼꦁꦔꦶ꧈ꦲꦶꦁꦒꦶꦃꦏꦸꦭꦲꦠꦸꦂꦫꦏꦼꦤ꧀꧉
꧗꧉ ꦢꦺꦤ꧀ꦤꦺꦩꦤ꧀ꦤꦮꦶꦱꦩ꧀ꦥꦺꦪꦤ꧀ꦱꦸꦗꦸꦢ꧀ꦝꦸꦩꦠꦼꦁꦲꦶꦁꦏꦸꦭ꧈ꦱꦢꦪꦥꦸꦤ꧀ꦤꦶꦏꦲꦶꦁꦒꦶꦃꦢꦢꦺꦴꦱ꧀ꦱꦏꦒꦸꦁꦔꦤ꧀ꦱꦩ꧀ꦥꦺꦪꦤ꧀꧉
꧘꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦲꦺꦃꦱꦺꦠꦤ꧀꧈ꦱꦸꦩꦶꦁꦏꦶꦂꦫꦩꦫꦁꦲꦶꦁꦧꦸꦫꦶꦏꦸ꧈ꦱꦧꦧ꧀ꦮꦸꦱ꧀ꦏꦠꦸꦭꦶꦱ꧀ꦱꦤ꧀꧈ꦏꦺꦴꦮꦺꦲꦱꦸꦗꦸꦢ꧀ꦢꦭꦤ꧀ꦔꦧꦼꦏ꧀ꦠꦶꦪꦩꦫꦶꦁꦦꦔꦺꦫꦤ꧀​ꦄꦭ꧀ꦭꦃꦩꦸꦧꦲꦺ꧉
꧙꧉ ꦪꦺꦯꦸꦱ꧀ꦠꦸꦩꦸꦭꦶꦧꦶꦤ꧀ꦤꦼꦏ꧀ꦠꦩꦼꦤ꧀ꦚꦁꦪꦼꦫꦸꦱꦭꦺꦩ꧀꧈ꦱꦂꦠꦲꦶꦁꦔꦢꦼꦒ꧀ꦒꦏꦺꦲꦤꦱꦥꦸꦕꦏ꧀ꦏꦺꦥꦪꦺꦴꦤ꧀ꦤꦶꦁꦏ꦳ꦏ꧀ꦧꦃ꧈ꦱꦺꦠꦤ꧀ꦠꦸꦩꦸꦭꦶꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦩꦤ꧀ꦤꦮꦶꦥꦸꦠꦿꦤ꧀ꦤꦶꦁꦄꦭ꧀ꦭꦃ꧈ꦱꦩ꧀ꦥꦺꦪꦤ꧀​ꦗ꧀ꦭꦺꦴꦒ꧀ꦩꦔꦟ꧀ꦝꦥ꧀ꦱꦏꦶꦁꦔꦿꦶꦏꦶ꧉
꧑꧐꧉ ꦱꦧꦧ꧀ꦱꦩ꧀ꦥꦸꦤ꧀ꦏꦱꦼꦂꦫꦠꦤ꧀꧈ꦪꦺꦤ꧀ꦥꦫꦩꦭꦲꦺꦏꦠ꧀ꦱꦩꦶꦏꦣꦮꦃꦲꦤ꧀ꦩꦼꦁꦒꦃꦲꦶꦁꦔꦠꦱ꧀ꦱꦶꦥꦸꦤ꧀ꦱꦩ꧀ꦥꦺꦪꦤ꧀꧈ꦱꦩꦶꦢꦶꦏꦏ꧀ꦲꦏꦼꦤ꧀ꦫꦸꦩꦼꦏ꧀ꦱꦣꦠꦼꦁꦱꦩ꧀ꦥꦺꦪꦤ꧀꧉
꧑꧑꧉ ꦱꦂꦠꦱꦩꦶꦲꦤ꧀ꦚꦸꦁꦒꦶꦣꦸꦩꦠꦼꦁꦱꦩ꧀ꦥꦺꦪꦤ꧀꧈ꦱꦸꦥꦢꦺꦴꦱ꧀ꦱꦸꦏꦸꦱꦩ꧀ꦥꦺꦪꦤ꧀ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏꦱꦟ꧀ꦝꦸꦁꦲꦶꦁꦱꦺꦭ꧉
꧑꧒꧉ ꦩꦺꦴꦁꦏꦪꦺꦯꦸꦱ꧀ꦲ [ 150 ]ꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦲꦶꦪꦮꦸꦱ꧀ꦝꦶꦤ꧀ꦤꦮꦸꦃꦲꦏꦺ꧈ꦲꦗꦏꦺꦴꦮꦺꦲꦤ꧀ꦚꦺꦴꦧꦩꦫꦶꦁꦦꦔꦺꦫꦤ꧀​ꦄꦏꦸꦭ꧀ꦭꦃꦩꦸ꧉
꧑꧓꧉ ꦆꦧ꧀ꦭꦶꦱ꧀ꦩꦲꦸꦱꦮꦸꦱ꧀ꦱꦺꦲꦔꦼꦤ꧀ꦠꦺꦏ꧀ꦥꦁꦒꦺꦴꦣꦤ꧀ꦤꦺꦏꦧꦺꦃ꧈ꦲꦤ꧀ꦤꦶꦁꦒꦭ꧀ꦩꦫꦁꦪꦺꦯꦸꦱ꧀ꦲꦶꦁꦱꦮꦼꦠꦫꦩꦺꦴꦁꦱ꧉ ꧉
꧑꧔꧉ ꧋ꦩꦺꦴꦁꦏꦪꦺꦯꦸꦱ꧀ꦮꦁꦱꦸꦭ꧀ꦩꦫꦁꦠꦤ꧀ꦤꦃꦒꦭꦶꦭꦺꦪ꧈ꦲꦔꦒꦼꦩ꧀ꦥꦔꦸꦮꦱꦤ꧀ꦤꦶꦁꦫꦺꦴꦃ꧈ꦱꦂꦠꦥꦮꦼꦂꦠꦤ꧀ꦤꦺꦮꦸꦱ꧀ꦏꦮꦼꦤ꧀ꦠꦂꦲꦶꦁꦱꦮꦮꦼꦁꦏꦺꦴꦤ꧀ꦤꦶꦁꦠꦤ꧀ꦤꦃꦏꦺꦴꦤ꧀ꦤꦺꦴꦏꦧꦺꦃ꧉
꧑꧕꧉ ꦭꦤ꧀ꦲꦩꦸꦩꦸꦭꦁꦲꦤꦲꦶꦁꦩꦼꦱ꧀ꦗꦶꦢ꧀ꦢꦺꦏꦺꦴꦤ꧀ꦤꦺꦴ꧈ꦥꦣꦲꦶꦁꦔꦊꦩ꧀ꦩꦫꦁꦲꦶꦁꦮꦺꦴꦁꦏꦧꦺꦃ꧉
꧑꧖꧉ ꦱꦂꦠꦠꦸꦩꦼꦏꦩꦫꦁꦲꦶꦁꦤꦱꦫꦺꦠ꧀꧈ꦥꦁꦒꦺꦴꦤ꧀ꦤꦤ꧀ꦤꦺꦲꦺꦴꦭꦺꦃꦲꦺꦒꦶꦤꦸꦭꦮꦼꦤ꧀ꦛꦃ꧈ꦭꦤ꧀ꦲꦥꦱꦲꦢꦠ꧀ꦠꦺꦲꦶꦁꦢꦶꦤ꧀ꦤꦱꦧ꧀ꦧꦠ꧀ꦭꦸꦩꦼꦧꦸꦩꦫꦁꦲꦶꦁꦩꦼꦱ꧀ꦗꦶꦢ꧀꧈ꦱꦂꦠꦗꦸꦩꦼꦤ꧀ꦤꦼꦁꦤꦁꦲꦼꦁꦒꦺꦴꦤ꧀ꦤꦺꦲꦩꦩꦕ꧉
꧑꧗꧉ ꦠꦸꦩꦸꦭꦶꦱꦶꦤ꧀ꦤꦲꦺꦴꦱ꧀ꦱꦤ꧀ꦏꦶꦠꦧ꧀ꦧꦺꦟꦨꦶꦪꦺꦱꦪ꧈ꦢꦺꦤ꧀ꦤꦺꦏꦶꦠꦧ꧀ꦩꦲꦸꦱꦮꦸꦱ꧀ꦱꦺꦧꦶꦤ꧀ꦤꦶꦪꦏ꧀꧈ꦲꦩ꧀ꦧꦼꦤ꧀ꦤꦼꦂꦫꦶꦥꦁꦒꦺꦴꦤ꧀ꦤꦤ꧀ꦠꦸꦠꦸꦭꦶꦱ꧀ꦱꦤ꧀ꦩꦼꦁꦏꦺꦤ꧀ꦤꦺ꧉
꧑꧘꧉ ꦫꦺꦴꦃꦲꦶꦁꦦꦔꦺꦫꦤ꧀ꦮꦸꦱ꧀ꦲꦤꦸꦁꦒꦭ꧀ꦩꦫꦁꦔꦏꦸ꧈ꦩꦸꦭꦤ꧀ꦤꦺꦦꦔꦺꦫꦤ꧀ꦮꦸꦱ꧀ꦲꦚ꧀ꦗꦼꦧꦢ꧀ꦢꦶꦩꦫꦶꦁꦔꦏꦸ꧈ꦲꦔꦸꦠꦸꦱ꧀ꦩꦫꦁꦔꦏꦸꦲꦩꦼꦂꦠꦏ꧀ꦲꦏꦺꦆꦚ꧀ꦗꦶꦭ꧀ꦩꦫꦁꦮꦺꦴꦁꦩꦶꦱ꧀ꦏꦶꦤ꧀꧈ꦲꦩꦫꦱ꧀ꦱꦏꦺꦮꦺꦴꦁꦏꦁꦉꦤ꧀ꦚꦸꦃꦲꦠꦶꦤ꧀ꦤꦺ꧉
꧑꧙꧉ ꦲꦤꦸꦢꦸꦃꦲꦏꦺꦥꦔ꧀ꦭꦸꦮꦂꦫꦺꦮꦺꦴꦁꦭꦭꦫꦤ꧀꧈ꦱꦂꦠꦩꦼꦂꦫꦸꦃꦲꦏꦺꦥꦤ꧀ꦢꦼꦊꦁꦔꦺꦮꦺꦴꦁꦮꦸꦠ꧈ꦲꦔꦸꦭꦶꦃꦲꦏꦺꦩꦫꦶꦁꦮꦺꦴꦁꦠꦮꦤ꧀ꦤꦤ꧀꧈ꦲꦩꦿꦠꦏ꧀ꦲꦏꦺꦲꦶꦁꦠꦲꦸꦤ꧀ꦏꦱꦼꦤ꧀ꦤꦼꦁꦔꦤ꧀ꦤꦶꦁꦦꦔꦺꦫꦤ꧀꧉
꧒꧐꧉ ꦏꦶꦠꦧ꧀ꦩꦲꦸꦱꦮꦸꦱ꧀ꦱꦺꦠꦶꦤ꧀ꦤꦁꦏꦼꦧ꧀ꦧꦏꦺ꧈ꦏꦥꦫꦶꦁꦔꦏꦺꦩꦫꦁꦧꦠꦸꦂ꧈ꦧꦚ꧀ꦗꦸꦂꦥꦶꦤ꧀ꦤꦫꦏ꧀꧈ꦱꦂꦠꦮꦺꦴꦁꦏꦁꦥꦣꦲꦤꦲꦶꦁꦩꦼꦱ꧀ꦗꦶꦢ꧀ꦏꦧꦺꦃ꧈ꦩꦠꦤ꧀ꦤꦺꦥꦣꦩꦤ꧀ꦢꦼꦁꦩꦫꦁꦪꦺꦯꦸꦱ꧀꧉
꧒꧑꧉ ꦠꦸꦩꦸꦭꦶꦲꦩꦶꦮꦶꦠ꧀ꦠꦶꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸꦏꦧꦺꦃ꧈ꦲꦶꦁꦱꦢꦶꦤ꧀ꦤꦲꦶꦏꦶꦠꦸꦠꦸꦭꦶꦱ꧀ꦱꦤ꧀ꦤꦶꦏꦸꦩꦲꦸꦮꦸꦱ꧀ꦏꦪꦼꦏ꧀ꦠꦺꦤ꧀ꦤꦤ꧀ꦥꦔꦿꦸꦔꦸꦩꦸ꧉
꧒꧒꧉ ꦢꦺꦤ꧀ꦤꦺꦮꦺꦴꦁꦏꦧꦺꦃꦮꦸꦱ꧀ꦥꦣꦲꦔꦺꦱ꧀ꦠꦿꦺꦤ꧀ꦤꦶꦩꦫꦁꦪꦺꦯꦸꦱ꧀꧈ꦱꦂꦠꦥꦣꦏꦒꦮꦺꦴꦏ꧀ꦏꦤ꧀ꦩꦫꦁꦥꦶꦠꦸꦠꦸꦂꦫꦺꦏꦁꦩꦤ꧀ꦤꦶꦱ꧀꧈ꦏꦁꦩꦶꦗꦶꦭ꧀ꦱꦏꦲꦶꦁꦠꦸꦠꦸꦏ꧀ꦏꦺ꧈ꦱꦂꦠꦥꦣꦱꦥꦺꦴꦕꦥ꧀ꦥꦤ꧀꧈ꦲꦥꦲꦶꦏꦸꦢꦸꦢꦸꦲꦤ꧀ꦤꦏ꧀ꦏꦺꦪꦸꦱꦸꦥ꧀꧉
꧒꧓꧉ ꦩꦺꦴꦁꦏꦪꦺꦯꦸ ꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦲꦶꦁꦱꦚꦠꦤ꧀ꦤꦺꦏꦺꦴꦮꦺꦲꦶꦏꦸꦧꦏꦭ꧀ꦲꦔꦸꦕꦥ꧀ꦥꦏꦺꦧꦧꦱꦤ꧀ꦩꦫꦁꦔꦏꦸꦩꦼꦁꦏꦺꦤ꧀ꦤꦺ꧈ꦲꦺꦃꦣꦸꦏꦸꦤ꧀꧈ꦲꦩꦫꦱ꧀ꦱꦼꦤ꧀ꦤꦩꦫꦁꦔꦮꦏ꧀ꦩꦸꦣꦺꦮꦺ꧈ꦒꦒꦮꦺꦪꦤ꧀ꦏꦁꦮꦸꦱ꧀ꦠꦏ꧀ꦫꦸꦔꦺꦴꦏ꧀ꦲꦏꦺꦏꦁꦏꦭꦏꦺꦴꦤ꧀ꦲꦤꦲꦶꦁꦏꦥꦽꦤ꧀ꦤꦏ꦳ꦸꦩ꧀꧈ꦲꦶꦏꦸꦲꦶꦪꦒꦮꦺꦤ꧀ꦤꦼꦤ꧀ꦲꦤꦲꦶꦁꦤꦼꦒꦫꦩꦸꦏꦺꦤ꧀ꦤꦺꦣꦺꦮꦺ꧉
꧒꧔꧉ ꦭꦤ꧀ꦥꦔꦤ꧀ꦢꦶꦏꦤ꧀ꦤꦺ꧈ꦲꦏꦸꦥꦶꦠꦸꦠꦸꦂꦩꦫꦁꦏꦺꦴꦮꦺꦱꦠꦼꦩꦼꦤ꧀ꦤꦺ꧈ꦪꦺꦤ꧀ꦩꦸꦁꦒꦸꦃꦗꦼꦤ꧀ꦤꦼꦁꦔꦶꦁꦟꦨꦶ꧈ꦲꦺꦴꦫꦏꦗꦺꦤ꧀ꦲꦤꦲꦶꦁꦤꦼꦒꦫꦤ꧀ꦤꦺꦣꦺꦮꦺ꧉
꧒꧕꧉ ꦢꦺꦤ꧀ꦤꦺꦱꦠꦼꦩꦼꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦢꦸꦏ꧀ꦗꦩꦤ꧀ꦤꦺꦲꦺꦭꦶꦪꦱ꧀꧈ꦲꦶꦁꦆꦱꦿꦆꦭ꧀ꦲꦤꦫꦺꦴꦟ꧀ꦝꦲꦏꦺꦃ꧈ꦤꦭꦶꦏꦭꦔꦶꦠ꧀ꦏꦲꦶꦤ꧀ꦤꦼꦧ꧀ꦭꦮꦱ꧀ꦱꦺꦠꦼꦭꦸꦁꦠꦲꦸꦤ꧀ꦤꦼꦩ꧀ꦱꦱꦶ꧈ꦠꦼꦩꦃꦲꦤ꧀ꦤꦺꦲꦶꦁ [ 151 ]ꦨꦸꦩꦶꦏꦧꦺꦃꦲꦤꦥꦲꦶꦭ꧀ꦭꦤ꧀ꦒꦼꦣꦺ꧉
꧒꧖꧉ ꦢꦺꦤ꧀ꦤꦺꦲꦺꦭꦶꦪꦱ꧀ꦩꦲꦸꦲꦺꦴꦫꦢꦢꦶꦲꦸꦠꦸꦱ꧀ꦱꦤ꧀ꦲꦭꦶꦪꦱꦮꦶꦗꦶꦮꦺꦴꦁꦮꦢꦺꦴꦤ꧀꧈ꦫꦺꦴꦟ꧀ꦝꦲꦶꦁꦱꦉꦥ꧀ꦠꦱꦶꦣꦺꦴꦤ꧀꧉
꧒꧗꧉ ꦲꦸꦠꦮꦢꦸꦏ꧀ꦗꦩꦤ꧀ꦤꦺꦟꦨꦶꦲꦺꦭꦶꦱ꧈ꦲꦶꦁꦆꦱꦿꦆꦭ꧀ꦲꦏꦺꦃꦮꦺꦴꦁꦏꦁꦥꦣꦧꦫꦃꦲꦼꦤ꧀꧈ꦭꦤ꧀ꦤꦺꦴ ꦫꦏꦩꦸꦭꦾꦏ꧀ꦲꦏꦺꦲꦭꦶꦪꦮꦺꦴꦁꦱꦮꦶꦗꦶꦤꦔꦩꦤ꧀ꦮꦺꦴꦁꦧꦺꦴꦁꦱꦱꦶꦫꦸꦱ꧀꧉
꧒꧘꧉ ꦢꦺꦤ꧀ꦤꦺꦱꦏꦺꦃꦲꦶꦁꦮꦺꦴꦁꦏꦁꦲꦤꦲꦶꦁꦩꦼꦱ꧀ꦗꦶꦢ꧀꧈ꦥꦣꦏꦥꦚ꧀ꦗꦶꦁꦔꦤ꧀ꦤꦼꦥ꧀ꦱꦸ꧈ꦲꦶꦁꦤꦭꦶꦏꦥꦣꦔꦿꦸꦔꦺꦴꦏ꧀ꦲꦏꦺꦲꦶꦏꦸꦩꦲꦸ꧉
꧒꧙꧉ ꦭꦤ꧀ꦱꦮꦸꦱ꧀ꦱꦺꦔꦢꦼꦒ꧀ꦥꦣꦲꦩ꧀ꦧꦸꦮꦁꦪꦺꦯꦸꦱ꧀ꦩꦫꦁꦱꦗꦧꦤ꧀ꦤꦶꦁꦤꦼꦒꦫ꧈ꦧꦚ꧀ꦗꦸꦂꦒꦶꦤ꧀ꦤꦮꦩꦫꦁꦱꦥꦸꦕꦏ꧀ꦏꦶꦁꦒꦸꦤꦸꦁ꧈ꦏꦁꦏꦥꦁꦒꦺꦴꦤ꧀ꦤꦤ꧀ꦤꦼꦒꦫꦤ꧀ꦤꦺ꧈ꦪꦺꦯꦸꦱ꧀ꦧꦏꦭ꧀ꦠꦶꦤ꧀ꦤꦶꦧꦏ꧀ꦲꦏꦺꦱꦏꦲꦶꦁꦱꦱꦼꦁꦏꦤ꧀ꦏꦺꦴꦤ꧀ꦤꦺꦴ꧉
꧓꧐꧉ ꦢꦺꦤ꧀ꦤꦺꦪꦺꦯꦸꦱ꧀ꦏꦱꦃꦩꦺꦴꦫꦺꦴꦢ꧀ꦱꦏꦱꦠꦼꦁꦔꦃꦲꦺꦮꦺꦴꦁꦔꦶꦏꦸ꧉ ꧉
꧓꧑꧉ ꧋ꦠꦸꦩꦸꦭꦶꦠꦼꦣꦏ꧀ꦩꦫꦁꦲꦶꦁꦏꦶꦥꦽꦤ꧀ꦤꦏ꦳ꦸꦩ꧀꧈ꦤꦼꦒꦫꦲꦶꦁꦠꦤ꧀ꦤꦃꦒꦭꦶꦭꦺꦪ꧈ꦭꦤ꧀ꦲꦶꦁꦢꦶꦤ꧀ꦤꦶꦱꦧ꧀ꦧꦠ꧀ꦲꦩꦸꦩꦸꦭꦁꦩꦫꦶꦁꦔꦸꦮꦺꦴꦁ꧉
꧓꧒꧉ ꦱꦂꦠꦮꦺꦴꦁꦏꦧꦺꦃꦥꦣꦲꦺꦫꦩ꧀ꦲꦮꦶꦠ꧀ꦱ ꦏꦥꦩꦸꦭꦁꦔꦺ꧈ꦱꦧꦧ꧀ꦥꦶꦠꦸꦠꦸꦂꦫꦺꦏꦭꦮꦤ꧀ꦏꦸꦮꦱ꧉
꧓꧓꧉ ꦩꦺꦴꦁꦏꦲꦶꦁꦩꦼꦱ꧀ꦗꦶꦢ꧀ꦏꦺꦴꦤ꧀ꦤꦺꦴꦲꦤꦱꦮꦶꦗꦶꦲꦸꦮꦺꦴꦁ꧈ꦏꦥꦚ꧀ꦗꦶꦁꦔꦤ꧀ꦭꦼꦊꦩ꧀ꦧꦸꦠ꧀ꦱꦺꦠꦤ꧀ꦉꦒꦼꦢ꧀꧈ꦱꦂꦠꦲꦚ꧀ꦗꦼꦂꦫꦶꦠ꧀ꦱ꧀ꦮꦫꦲꦱꦿꦸ꧉
꧓꧔꧉ ꦲꦠꦸꦂꦫꦺ꧈ꦣꦸꦃꦪꦺꦯꦸꦱ꧀ꦠꦶꦪꦁꦁꦲꦶꦁꦤꦱꦫꦺꦠ꧀꧈ꦏꦸꦭꦥꦿꦏꦮꦶꦱ꧀ꦱꦤ꧀ꦥꦸꦤ꧀ꦤꦥꦏꦭꦶꦃꦱꦩ꧀ꦥꦺꦪꦤ꧀꧈ꦫꦮꦸꦃꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦧꦣꦺꦲꦔꦿꦶꦱꦏ꧀ꦝꦸꦩꦠꦼꦁꦏꦸꦭ꧈ꦏꦸꦭꦲꦸꦤ꧀ꦤꦶꦔꦣꦠꦼꦁꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏ꧈ꦪꦺꦤ꧀ꦱꦸꦕꦶꦤ꧀ꦤꦶꦁꦄꦭ꧀ꦭꦃ꧉
꧓꧕꧉ ꦩꦺꦴꦁꦏꦪꦺꦯꦸꦱ꧀ꦲꦤ꧀ꦢꦸꦏꦤ꧀ꦤꦶꦩꦫꦁꦱꦺꦠꦤ꧀꧈ꦥꦔꦤ꧀ꦢꦶꦏꦤ꧀ꦤꦺ꧈ꦏꦺꦴꦮꦺꦩꦼꦤ꧀ꦤꦼꦁꦔꦭꦤ꧀ꦩꦼꦠꦸꦮꦱꦏꦲꦮꦏ꧀ꦏꦺꦮꦺꦴꦁꦔꦶꦏꦸ꧈ꦱꦺꦠꦤ꧀ꦠꦸꦩꦸꦭꦶꦲꦔ꧀ꦭꦫꦏ꧀ꦮꦺꦴꦁꦩꦫꦁꦲꦶꦁꦠꦼꦔꦃ꧈ꦧꦚ꧀ꦗꦸꦂꦩꦼꦠꦸꦲꦺꦴꦫꦲꦒꦮꦺꦭꦫꦩꦫꦁꦔꦸꦮꦺꦴꦁ꧉
꧓꧖꧉ ꦢꦺꦤ꧀ꦤꦺꦮꦺꦴꦁꦏꦧꦺꦃꦥꦣꦒꦸꦩꦸꦤ꧀꧈ꦱꦂꦠꦥꦣꦲꦉꦫꦱꦤ꧀ꦝꦺꦣꦺꦮꦺꦏ꧀ꦏꦤ꧀꧈ꦥꦔꦸꦕꦥ꧀ꦥꦺ꧈ꦲꦶꦏꦸꦥꦿꦏꦫꦲꦥ꧈ꦒꦺꦴꦤ꧀ꦤꦺꦲꦩꦫꦺꦤ꧀ꦠꦃꦲꦶꦊꦊꦩ꧀ꦧꦸꦠ꧀ꦏꦁꦉꦒꦼꦢ꧀꧈ꦠꦼꦏꦏꦸꦮꦱꦭꦤ꧀ꦲꦱꦼꦏ꧀ꦠꦶ꧈ꦧꦚ꧀ꦗꦸꦂꦥꦣꦩꦼꦠꦸ꧉
꧓꧗꧉ ꦩꦺꦴꦁꦏꦥꦩꦼꦂꦠꦤ꧀ꦤꦺꦱꦁꦱꦪꦏꦮꦼꦤ꧀ꦠꦂꦲꦶꦁꦱꦲꦼꦁꦒꦺꦴꦤ꧀ꦤꦶꦁꦒꦺꦴꦤ꧀ꦤꦶꦁꦱꦮꦮꦼꦁꦏꦺꦴꦤ꧀ꦤꦶꦁꦏꦺꦴꦤ꧀ꦤꦺꦴ꧉
꧓꧘꧉ ꦧꦉꦁꦮꦸꦱ꧀ꦩꦁꦏꦠ꧀ꦱꦏꦲꦶꦁꦩꦼꦱ꧀ꦗꦶꦢ꧈ꦧꦚ꧀ꦗꦸꦂꦭꦸꦩꦼꦧꦸꦩꦫꦁꦔꦺꦴꦩꦃꦲꦺꦱꦶꦩꦺꦴꦤ꧀꧈ꦢꦺꦤ꧀ꦤꦺꦩꦫꦠꦸꦮꦤ꧀ꦤꦺꦱꦶꦩꦺꦴꦤ꧀ꦏꦁꦮꦢꦺꦴꦤ꧀꧈ꦭꦒꦶꦤꦟ꧀ꦝꦁꦭꦫꦥꦤ꧀ꦤ ꦱꦿꦶꦱ꧀ꦧꦔꦺꦠ꧀꧈ꦠꦸꦩꦸꦭꦶꦮꦺꦴꦁꦥꦣꦲꦤ꧀ꦚꦸꦮꦸꦤ꧀ꦤꦏꦺꦩꦫꦁꦪꦺꦯꦸꦱ꧀ꦲꦶꦁꦔꦠꦱ꧀ꦱꦺꦏꦁꦭꦫꦲꦶꦏꦸ꧉
꧓꧙꧉ ꦪꦺꦯꦸꦱ꧀ꦗꦸꦩꦼꦤ꧀ꦤꦼꦁꦲꦤꦲꦶꦁꦔꦸꦭꦺꦴꦤ꧀ꦤꦸꦭꦺꦴꦤ꧀ꦤꦺꦱꦂꦠꦲꦤ꧀ꦢꦸꦏꦤ꧀ꦤꦶꦩꦫꦁꦊꦭꦫꦥꦤ꧀ꦤꦱ꧀ꦠꦶꦱ꧀꧈ꦢꦺꦤ꧀ꦤꦺꦮꦺꦴꦁꦮꦢꦺꦴꦤ꧀ꦩꦲꦸꦲꦶꦁꦔꦶꦁꦒꦠ꧀ꦠꦤ꧀ꦢꦺꦤ꧀ꦤꦶꦁꦊꦭꦫ꧈ꦥꦣꦱꦤ꧀ꦤꦭꦶꦏꦔꦢꦼꦒ꧀ꦲꦔ꧀ꦭꦢꦺꦤ꧀ꦤꦶꦩꦫꦁꦠꦠꦩꦸꦤ꧀ꦤꦺ꧉
꧔꧐꧉ ꦱꦱꦸꦫꦸꦥ꧀ꦥꦶꦁꦱꦽꦁꦔꦺꦔꦺꦮꦺꦴꦁꦔꦏꦺꦃꦏꦁꦥꦣꦤ ꦟ꧀ꦝꦁꦊꦭꦫꦫꦸꦥꦫꦸꦥ꧈ꦥꦣꦒꦶꦤ꧀ꦤꦮꦩꦫꦁꦔꦂꦰꦤ꧀ꦤꦺꦪꦺꦯꦸꦱ꧀ꦏꦧꦺꦃ꧈ꦢꦺꦤ꧀ꦤꦺꦮꦺꦴꦁꦱ [ 152 ]ꦮꦶꦗꦶꦮꦶꦗꦶꦤ꧀ꦤꦺꦥꦣꦠꦶꦤꦸꦩ꧀ꦥꦁꦔꦤ꧀ꦲꦱ꧀ꦠ꧈ꦧꦚ꧀ꦗꦸꦂꦥꦣꦩꦸꦭꦾ꧉
꧔꧑꧉ ꦭꦤ꧀ꦱꦺꦠꦤ꧀ꦥꦣꦩꦼꦠꦸꦱꦏꦲꦶꦁꦮꦺꦴꦁꦔꦏꦺꦃ꧈ꦥꦣꦲꦚ꧀ꦗꦼꦂꦫꦶꦠ꧀ꦱꦂꦠꦲꦸꦩꦠꦸꦂ꧈ꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦏꦿꦶꦱ꧀ꦡꦸꦱ꧀ꦥꦸꦠꦿꦤ꧀ꦤꦶꦁꦄꦭ꧀ꦭꦃ꧈ꦩꦺꦴꦁꦏꦪꦺꦯꦸꦱ꧀ꦲꦤ꧀ꦢꦸꦏꦤ꧀ꦤꦶꦩꦫꦁꦱꦺꦠꦤ꧀꧈ꦥꦣꦲꦺꦴꦫꦏꦭꦶꦭꦤ꧀ꦪꦺꦤ꧀ꦕꦭꦛꦸꦮ꧈ꦱꦧꦧ꧀ꦥꦣꦱꦸꦩꦸꦫꦸꦥ꧀ꦪꦺꦤ꧀ꦥꦶꦪꦩ꧀ꦧꦏ꧀ꦏꦺꦲꦶꦏꦸꦏꦿꦶꦱ꧀ꦡꦸꦱ꧀꧉
꧔꧒꧉ ꦧꦉꦁꦮꦸꦱ꧀ꦠꦸꦩꦼꦏꦧꦔꦸꦤ꧀ꦫꦃꦲꦶꦤ꧀ꦤ꧈ꦪꦺꦯꦸꦱ꧀ꦏꦺꦱꦃꦠꦶꦤ꧀ꦢꦏ꧀ꦩꦫꦁꦥꦁꦒꦺꦴꦤ꧀ꦤꦤ꧀ꦱꦼꦥꦶ꧈ꦩꦺꦴꦁꦏꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦥꦣꦲꦁꦒꦺꦴꦭꦺꦏ꧀ꦏꦶꦩꦫꦁꦪꦺꦯꦸꦱ꧀꧈ꦧꦉꦁꦮꦸꦱ꧀ꦏꦠꦼꦩꦸꦧꦚ꧀ꦗꦸꦂꦥꦣꦲꦁꦒꦺꦴꦟ꧀ꦝꦺꦴꦭ꧀ꦭꦶꦩꦫꦁꦪꦺꦯꦸꦱ꧀꧈ꦥꦩꦿꦶꦪꦺꦲꦗꦏꦺꦴꦁꦱꦶꦥꦣꦏꦠꦶꦭꦂ꧉
꧔꧓꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦲꦏꦸꦲꦶꦏꦶꦲꦶꦪꦏꦸꦮꦗꦶ ꦧ꧀ꦧꦤ꧀ꦲꦩꦿꦠꦏ꧀ꦲꦏꦺꦆꦚ꧀ꦗꦶꦭ꧀ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦩꦫꦁꦲꦶꦁꦤꦼꦒꦫꦭꦶꦪꦤ꧀ꦤꦺ꧈ꦩꦸꦭꦤ꧀ꦤꦺꦩꦼꦁꦏꦺꦴꦤ꧀ꦤꦺꦴꦲꦏꦸꦲꦶꦏꦶꦢꦶꦲꦸꦠꦸꦱ꧀꧉
꧔꧔꧉ ꦩꦺꦴꦁꦏꦪꦺꦯꦸꦱ꧀ꦲꦩꦸꦩꦸꦭꦁꦲꦤꦲꦶꦁꦩꦼꦱ꧀ꦗꦶꦢ꧀ꦢꦶꦁꦠꦤ꧀ꦤꦃꦒꦭꦶꦭꦺꦪ꧉ ꧉

---

꧋ꦧꦧ꧀ꦏꦥꦶꦁꦭꦶꦩ꧉

꧑꧉ ꧋ꦲꦤꦢꦺꦤ꧀ꦤꦺꦤꦭꦶꦏꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦲꦣꦼꦱꦏ꧀ꦏꦤ꧀ꦩꦫꦁꦪꦺꦯꦸꦱ꧀꧈ꦱꦼꦢꦾꦤ꧀ꦤꦺꦥꦣꦲꦔꦿꦸꦔꦺꦴꦏ꧀ꦲꦏꦺꦩꦫꦁꦥꦔꦤ꧀ꦢꦶꦏꦤ꧀ꦤꦶꦁꦄꦭ꧀ꦭꦃ꧈ꦢꦺꦤ꧀ꦤꦺꦪꦺꦯꦸꦱ꧀ꦗꦸꦩꦼꦤ꧀ꦤꦼꦁꦲꦤꦲꦶꦁꦱꦥꦶꦁꦒꦶꦂꦫꦶꦁꦱꦼꦒꦫꦒꦺꦤ꧀ꦤꦺꦱꦉꦠ꧀꧉
꧒꧉ ꦠꦸꦩꦸꦭꦶꦲꦤ꧀ꦤꦶꦔꦭ꧀ꦭꦶꦲꦤꦥꦿꦲꦸꦭꦺꦴꦫꦺꦴꦩꦟ꧀ꦝꦼꦒ꧀ꦲꦤꦱꦥꦶꦁꦒꦶꦂꦫꦶꦁꦱꦼꦒꦫ꧈ꦢꦺꦤ꧀ꦤꦺꦮꦺꦴꦁꦏꦁꦲꦩꦺꦏ꧀ꦲꦶꦮꦏ꧀ꦮꦸꦱ꧀ꦥꦣ ꦩꦼꦣꦸꦤ꧀ꦱꦏꦲꦶꦁꦥꦿꦲꦸꦤ꧀ꦤꦺ꧈ꦥꦣꦲꦔꦸꦩ꧀ꦧꦃꦲꦶꦗꦭꦤ꧀ꦤꦺ꧉
꧓꧉ ꦪꦺꦯꦸꦱ꧀ꦠꦸꦩꦸꦭꦶꦲꦤ꧀ꦤꦶꦠꦶꦃꦥꦿꦲꦸꦱꦮꦶꦗꦶꦤ꧀ꦤꦺ꧈ꦲꦶꦏꦸꦲꦶꦪꦥꦿꦲꦸꦤ꧀ꦤꦺꦱꦶꦩꦺꦴꦤ꧀꧈ꦲꦚ꧀ꦗꦭꦸꦏ꧀ꦩꦫꦁꦱꦶꦩꦺꦴꦤ꧀ꦥꦿꦲꦸꦏꦶꦤ꧀ꦤꦺꦴꦤ꧀ꦩꦤ꧀ꦤꦼꦁꦔꦃꦤꦱꦛꦶꦛꦶꦏ꧀ꦱꦏꦲꦶꦁꦣꦫꦠ꧀ꦠꦤ꧀꧈ꦱꦮꦸꦱ꧀ꦱꦺꦥꦶꦤ꧀ꦤꦫꦏ꧀ꦪꦺꦯꦸꦱ꧀ꦲꦩꦸꦩꦸꦭꦁꦩꦫꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦱꦏꦲꦶꦁꦥꦿꦲꦸ꧉
꧔꧉ ꦧꦉꦁꦮꦸꦱ꧀ꦏꦺꦤ꧀ꦢꦼꦭ꧀ꦒꦺꦴꦤ꧀ꦤꦺꦲꦔꦤ꧀ꦢꦶꦏ꧈ꦪꦺꦯꦸꦱ꧀ꦲꦟ꧀ꦝꦮꦸꦃꦲꦶꦩꦫꦁꦱꦶꦩꦺꦴꦤ꧀꧈ꦥꦿꦲꦸꦢꦶꦏꦏ꧀ꦲꦏꦺꦩꦤ꧀ꦤꦼꦁꦔꦃꦲꦏꦺ꧈ꦭꦤ꧀ꦥꦣꦲꦤ꧀ꦤꦶꦧꦏ꧀ꦏꦼꦤ꧀ꦤꦗꦭꦩꦸꦲꦔꦩꦏ꧀ꦏꦲꦶꦮꦏ꧀꧉
꧕꧉ ꦩꦺꦴꦁꦏꦱꦶꦩꦺꦴꦤ꧀ꦲꦩꦁꦱꦸꦭ꧀ꦭꦶꦲꦠꦸꦂ꧈ꦓꦸꦫꦸ꧈ꦒꦺꦤ꧀ꦏꦮꦸꦭꦚꦩ꧀ꦧꦸꦠ꧀ꦢꦩꦼꦭ꧀ꦔꦤ꧀ꦠꦺꦴꦱ꧀ꦱꦢꦭꦸꦧꦺꦴꦠꦼꦤ꧀ꦲꦁꦱꦭ꧀ꦥꦸꦤ꧀ꦤꦥꦥꦸꦤ꧀ꦤꦥ꧈ꦢꦺꦤ꧀ꦤꦺꦱꦩ꧀ꦥꦺꦪꦤ꧀ꦝꦮꦃꦲꦶ꧈ꦲꦶꦁꦒꦶꦃꦏꦮꦸꦭꦭꦩ꧀ꦥꦃꦲꦶꦲꦟ꧀ꦝꦮꦃꦲꦏꦼꦤ꧀ꦗꦩ꧀ꦧꦼꦠ꧀꧉
꧖꧉ ꦧꦉꦁꦥꦣꦲꦔ꧀ꦭꦏꦺꦴꦤ꧀ꦤꦶꦣꦮꦃꦲꦶꦏꦸꦩꦲꦸ꧈ꦥꦣꦲꦺꦴꦭꦺꦃꦲꦶꦮꦏ꧀ꦔꦭꦸꦩ꧀ꦥꦸꦏ꧀ꦲꦏꦺꦃ꧈ꦗꦭꦤ꧀ꦤꦺꦏꦺꦴꦁꦱꦶꦧꦼꦣꦃ꧉
꧗꧉ ꦧꦚ꧀ꦗꦸꦂꦲꦔꦮꦺꦏꦚ꧀ꦕꦤ꧀ꦤꦺꦏꦁꦲꦤꦥꦿꦲꦸꦭꦶꦪꦤ꧀ꦤꦺ꧈ꦥꦣꦏꦶꦤ꧀ꦤꦺꦴꦤ꧀ꦠꦸꦩꦼꦏꦲꦔꦿꦺꦮꦁꦔꦤ꧈ꦧꦉꦁꦮꦸꦱ꧀ꦠꦸꦩꦼꦏꦲꦶꦮꦏ꧀ꦏꦺꦧꦚ꧀ꦗꦸꦂꦏꦲꦶꦱꦺꦏ꧀ꦲꦏꦺꦩꦫꦁꦥꦿꦲꦸꦭꦺꦴꦫꦺꦴꦥꦣꦏꦼꦧꦏ꧀꧈ [ 153 ]ꦔꦤ꧀ꦠꦶꦱꦫꦠ꧀꧉
꧘꧉ ꦢꦺꦤ꧀ꦤꦺꦱꦶꦩꦺꦴꦤ꧀ꦦꦺꦠꦿꦸꦱ꧀ꦧꦉꦁꦮꦼꦂꦫꦸꦃ꧈ꦱꦸꦩꦸꦁꦏꦼꦩ꧀ꦩꦫꦁꦗꦼꦁꦏꦸꦤ꧀ꦤꦺꦪꦺꦯꦸꦱ꧀꧈ꦲꦠꦸꦂꦫꦺ꧈ꦣꦸꦃꦓꦸꦱ꧀ꦡꦶ꧈ꦱꦩ꧀ꦥꦺꦪꦤ꧀ꦩꦸꦒꦶꦲꦤ꧀ꦤꦶꦭꦂꦫꦣꦸꦩꦠꦼꦁꦏꦮꦸꦭ꧈ꦲꦮꦶꦠ꧀ꦢꦺꦤ꧀ꦤꦶꦁꦏꦣꦸꦭꦥꦸꦤ꧀ꦤꦶꦏꦠꦶꦪꦁꦢꦺꦴꦱ꧉
꧙꧉ ꦩꦸꦭꦤ꧀ꦤꦺꦩꦼꦁꦏꦺꦴꦤ꧀ꦤꦺꦴꦦꦺꦠꦿꦸꦱ꧀ꦱꦫꦺꦴꦮꦁꦔꦺꦥꦣꦒꦸꦩꦾꦂꦏꦧꦺꦃ꧈ꦲꦮꦶꦠ꧀ꦱꦏꦲꦺꦴꦭꦺꦃꦲꦺꦲꦩꦺꦏ꧀ꦲꦶꦮꦏ꧀꧉
꧑꧐꧉ ꦩꦼꦁꦏꦺꦴꦤ꧀ꦤꦺꦴꦲꦸꦒꦪꦏꦺꦴꦧꦸꦱ꧀ꦭꦤ꧀ꦪꦺꦴꦏ꦳ꦤ꧀ꦤꦤ꧀ꦥꦸꦠꦿꦤ꧀ꦤꦺꦱꦼꦧꦺꦢꦪꦸꦫꦺꦴꦮꦁꦔꦺꦱꦶꦩꦺꦴꦤ꧀꧈ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦱꦶꦩꦺꦴꦤ꧀꧈ꦲꦗꦏꦺꦴꦮꦺꦮꦼꦢꦶ꧈ꦲꦮꦶꦠ꧀ꦲꦶꦁꦱꦲꦶꦏꦶꦏꦺꦴꦮꦺꦧꦏꦭ꧀ꦲꦔꦩꦺꦏ꧀ꦲꦸꦮꦺꦴꦁ꧉
꧑꧑꧉ ꦢꦺꦤ꧀ꦤꦺꦥꦿꦲꦸꦱꦩꦼꦤ꧀ꦠꦱ꧀ꦱꦺꦲꦶꦁꦣꦫꦠ꧀ꦠꦤ꧀꧈ꦥꦣꦲꦤ꧀ꦤꦶꦁꦒꦭ꧀ꦩꦫꦁꦢꦂꦧꦺꦏ꧀ꦏꦺꦏꦧꦺꦃ꧈ꦧꦚ꧀ꦗꦸꦂꦥꦣꦲꦟ꧀ꦝꦺꦫꦺꦏ꧀ꦩꦫꦁꦪꦺꦯꦸꦱ꧀꧉ ꧉
꧑꧒꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦤꦭꦶꦏꦲꦤꦱꦮꦶꦗꦶꦤ꧀ꦤꦶꦁꦤꦼꦒꦫ꧈ꦠꦸꦩꦸꦭꦶꦲꦤꦮꦺꦴꦁꦱꦮꦶꦗꦶꦤꦟ꧀ꦝꦁꦭꦫꦧꦫꦃꦲꦼꦤ꧀ꦲꦮꦏ꧀ꦏꦺꦱꦏꦺꦴꦗꦸꦂ꧈ꦧꦉꦁꦥꦼꦂꦫꦸꦃꦩꦫꦁꦪꦺꦯꦸꦱ꧀꧈ꦮꦺꦴꦁꦩꦲꦸꦠꦸꦩꦸꦭꦶꦱꦸꦩꦸꦁꦏꦼꦩ꧀ꦲꦤꦔꦂꦰꦤ꧀ꦤꦺ꧈ꦲꦢꦸꦮꦺꦲꦠꦸꦂꦥꦤ꧀ꦚꦸꦮꦸꦤ꧀꧈ꦣꦸꦃꦓꦸꦱ꧀ꦡꦶ꧈ꦩꦤ꧀ꦤꦮꦶꦱꦩ꧀ꦥꦺꦪꦤ꧀ꦏꦂꦰ꧈ꦱꦲꦺꦱ꧀ꦠꦸꦱꦩ꧀ꦥꦺꦪꦤ꧀ꦱꦒꦼꦢ꧀ꦲꦩꦸꦭꦾꦏ꧀ꦲꦏꦼꦤ꧀ꦝꦠꦼꦁꦱꦱꦏꦶꦠ꧀ꦏꦮꦸꦭ꧉
꧑꧓꧉ ꦪꦺꦯꦸꦱ꧀ꦠꦸꦩꦸꦭꦶꦏꦸꦩ꧀ꦭꦮꦺꦲꦱ꧀ꦠꦤ꧀ꦤꦺ꧈ꦲꦔꦼꦁꦩꦺꦏ꧀ꦩꦫꦁꦔꦮꦏ꧀ꦏꦺꦮꦺꦴꦁꦭꦫꦩꦲꦸ꧈ꦥꦔꦤ꧀ꦢꦶꦏꦤ꧀ꦤꦺ꧈ꦲꦏꦸꦲꦶꦪꦒꦼꦊꦩ꧀꧈ꦏꦺꦴꦮꦺꦢꦢꦶꦪꦩꦸꦭꦾ꧈ꦧꦉꦁꦥꦣꦱꦤ꧀ꦤꦭꦶꦏꦭꦫꦤ꧀ꦤꦺꦧꦫꦃꦲꦼꦤ꧀ꦱꦶꦂꦤꦱꦏꦲꦶꦁꦔꦮꦏ꧀ꦏꦺ꧉
꧑꧔꧉ ꦪꦺꦯꦸꦱ꧀ꦠꦸꦩꦸꦭꦶꦲꦩꦩꦕꦏ꧀ꦏꦶ꧈ꦲꦗꦲꦮꦮꦼꦂꦠꦩꦫꦁꦔꦸꦮꦺꦴꦁ꧈ꦢꦺꦤ꧀ꦤꦺꦏꦺꦴꦮꦺꦭꦸꦔꦲꦲꦔꦠꦺꦴꦏ꧀ꦏꦼꦤ꧀ꦤꦲꦮꦏ꧀ꦩꦸꦩꦫꦁꦔꦶꦩꦩ꧀꧈ꦱꦂꦠꦲꦤ꧀ꦚꦲꦺꦴꦱ꧀ꦱꦤꦥꦶꦱꦸꦁꦱꦸꦁꦲꦶꦁꦏꦩꦸꦭꦾꦤ꧀ꦤꦩꦸ꧈ꦏꦪꦏꦁ​ꦮꦸꦱ꧀ꦝꦶꦤꦸꦮꦸꦃꦲꦏꦺꦢꦺꦤ꧀ꦤꦶꦁꦩꦸꦯ꧈ꦩꦶꦤ꧀ꦤꦺꦴꦁꦏꦢꦢꦶꦥꦿꦠꦟ꧀ꦝꦤ꧀ꦤꦺ꧉
꧑꧕꧉ ꦢꦺꦤ꧀ꦤꦺꦥꦮꦼꦂꦠꦲꦶꦏꦸꦱꦁꦱꦪꦏꦮꦼꦤ꧀ꦠꦂ꧈ꦭꦤ꧀ꦲꦤꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦲꦏꦺꦃꦒꦸꦩꦫꦸꦧꦾꦸꦒ꧀꧈ꦱꦼꦢꦾꦤ꧀ꦤꦺꦥꦣꦲꦔꦿꦸꦔꦺꦴꦏ꧀ꦲꦏꦺꦱꦂꦠꦮꦶꦤ꧀ꦤꦫꦱ꧀ꦱꦼꦤ꧀ꦤꦭꦫꦤ꧀ꦤꦺꦢꦺꦤ꧀ꦤꦶꦁꦪꦺꦯꦸꦱ꧀꧉
꧑꧖꧉ ꦩꦺꦴꦁꦏꦪꦺꦯꦸꦱ꧀ꦱꦸꦩꦶꦁꦏꦶꦂꦩꦫꦁꦥꦁꦒꦺꦴꦤ꧀ꦤꦤ꧀ꦱꦼꦥꦶ꧈ꦱꦂꦠꦲꦱꦼꦩ꧀ꦧꦪꦁ꧉ ꧉
꧑꧗꧉ ꧋ꦤꦭꦶꦏꦲꦶꦁꦱꦮꦶꦗꦶꦢꦶꦤ꧀ꦤ꧈ꦪꦺꦯꦸꦱ꧀ꦲꦩꦸꦩꦸꦭꦁ꧈ꦠꦸꦩꦸꦭꦶꦲꦤꦮꦺꦴꦁꦥꦫꦶ ꦱꦶꦭꦤ꧀ꦮꦺꦴꦁꦔꦸꦭꦩ꧈ꦏꦁꦥꦣꦠꦼꦏꦱꦏꦲꦶꦁꦥꦢꦺꦱꦤ꧀ꦠꦤ꧀ꦤꦃꦒꦭꦶꦭꦺꦪꦏꦧꦺꦃ꧈ꦠꦸꦮꦶꦤ꧀ꦠꦤ꧀ꦤꦃꦪꦲꦸꦢꦶꦱꦂꦠꦱꦏꦲꦶꦁꦪꦼꦫꦸꦱꦭꦺꦩ꧀꧈ꦥꦣꦭꦸꦁꦒꦸꦃꦲꦤꦲꦶꦁꦏꦺꦴꦤ꧀ꦤꦺꦴ꧈ꦭꦤ꧀ꦪꦺꦯꦸꦱ꧀ꦲꦶꦏꦸꦏꦱꦶꦤꦸꦁꦔꦤ꧀ꦥꦔꦸꦮꦱꦤ꧀ꦤꦶꦁꦦꦔꦺꦫꦤ꧀꧈ꦒꦺꦴꦤ꧀ꦤꦺꦲꦩꦫꦱ꧀ꦱꦏꦺꦮꦺꦴꦁꦭꦫꦩꦲꦸ꧉
꧑꧘꧉ ꦠꦸꦩꦸꦭꦶꦲꦤꦱꦮꦼꦤ꧀ꦤꦺꦃꦲꦶꦁꦔꦸꦮꦺꦴꦁ꧈ꦏꦁꦥꦣꦲꦁꦒꦺꦴꦠꦺꦴꦁꦩꦫꦁꦮꦺꦴꦁꦭꦫꦲꦺꦚ꧀ꦕꦺꦴꦏ꧀ꦏꦼꦤ꧀꧈ꦢꦶꦤ꧀ꦤꦺꦴꦏꦺꦴꦏ꧀ꦲꦤꦲꦶꦁꦥꦠꦸꦫꦺꦴꦤ꧀꧈ꦱꦂꦠꦥꦣꦲꦒꦺꦴ [ 154 ]ꦭꦺꦏ꧀ꦢꦢꦭꦤ꧀꧈ꦒꦺꦴꦤ꧀ꦤꦺꦲꦉꦥ꧀ꦭꦸꦩꦼꦧꦸꦧꦏꦭ꧀ꦲꦤ꧀ꦚꦲꦺꦴꦱ꧀ꦱꦏꦺꦩꦫꦁꦪꦺꦯꦸꦱ꧀꧉
꧑꧙꧉ ꦧꦉꦁꦲꦺꦴꦫꦲꦺꦴꦭꦺꦃꦢꦭꦤ꧀ꦒꦺꦴꦤ꧀ꦤꦺꦲꦔ꧀ꦭꦼꦧꦺꦴꦏ꧀ꦲꦏꦺ꧈ꦲꦮꦶꦠ꧀ꦱꦏꦗꦼꦗꦼꦭ꧀ꦭꦶꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦢꦢꦶꦥꦣꦩꦸꦁꦒꦃꦩꦫꦁꦥꦪꦺꦴꦤ꧀꧈ꦮꦺꦴꦁꦭꦫꦩꦲꦸꦱꦥꦠꦸꦫꦺꦴꦤ꧀ꦤꦺꦲꦶꦁꦔꦸꦣꦸꦤ꧀ꦤꦏꦺꦩꦼꦠꦸꦢꦢꦭꦤ꧀ꦲꦩꦶꦪꦏ꧀ꦒꦼꦟ꧀ꦝꦺꦁ꧈ꦱꦶꦤ꧀ꦤꦺꦭꦺꦃꦲꦏꦺꦲꦶꦁꦠꦼꦔꦃꦔꦂꦰꦤ꧀ꦤꦺꦪꦺꦯꦸꦱ꧀꧉
꧒꧐꧉ ꦢꦺꦤ꧀ꦤꦺꦪꦺꦯꦸꦱ꧀ꦧꦉꦁꦩꦶꦂꦱꦲꦶꦁꦥꦔꦤ꧀ꦢꦼꦭ꧀ꦭꦺꦮꦺꦴꦁꦔꦶꦏꦸ꧈ꦠꦸꦩꦸꦭꦶꦔꦤ꧀ꦢꦶꦏꦩꦫꦁꦮꦺꦴꦁꦭꦫꦩꦲꦸ꧈ꦲꦺꦃꦮꦺꦴꦁꦢꦺꦴꦱꦩꦸꦢꦶꦲꦥꦸꦫꦲ꧉
꧒꧑꧉ ꦣꦺꦴꦁꦔꦸꦭꦩꦲꦸꦠꦮꦮꦺꦴꦁꦥꦫꦶꦱꦶꦩꦲꦸ꧈ꦧꦚ꧀ꦗꦸꦂꦥꦣꦲꦉꦫꦱꦤ꧀꧈ꦥꦔꦸꦕꦥ꧀ꦥꦺ꧈ꦮꦺꦴꦁꦔꦶꦏꦸꦱꦥ꧈ꦠꦼꦏꦲꦭꦥꦤ꧀ꦚꦠꦸꦂꦫꦺ꧈ꦱꦥꦧꦶꦱꦲꦔꦥꦸꦫꦩꦫꦁꦢꦺꦴꦢꦺꦴꦱ꧈ꦏꦗꦧꦤꦩꦸꦁꦄꦭ꧀ꦭꦃꦥꦶꦪꦩ꧀ꦧꦏ꧀꧉
꧒꧒꧉ ꦢꦺꦤ꧀ꦤꦺꦪꦺꦯꦸꦱ꧀ꦱꦸꦩꦼꦂꦉꦥ꧀ꦲꦥꦏꦁꦢꦢꦶꦲꦺꦴꦱꦶꦏ꧀ꦏꦺꦲꦶꦏꦸ꧈ꦠꦸꦩꦸꦭꦶꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦲꦥꦏꦁꦢꦢꦶꦫꦱꦤ꧀ꦤꦺꦱꦗꦿꦺꦴꦤ꧀ꦤꦶꦁꦔꦠꦶꦩꦸ꧉
꧒꧓꧉ ꦒꦩ꧀ꦥꦁꦔꦼꦤ꧀ꦢꦶꦕꦭꦛꦸꦢꦺꦴꦱꦩꦸꦢꦶꦲꦥꦸꦫꦲ꧈ꦏꦫꦺꦴꦕꦭꦛꦸꦠꦔꦶꦪꦭꦤ꧀ꦭꦸꦩꦏꦸꦮ꧉
꧒꧔꧉ ꦢꦺꦤ꧀ꦤꦺꦱꦸꦥꦪꦏꦺꦴꦮꦺꦥꦣꦱꦸꦩꦸꦫꦸꦥ꧀ꦥ꧈ ꦪꦺꦤ꧀ꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦏꦒꦸꦁꦔꦤ꧀ꦏꦸꦮꦱ꧈ꦲꦔꦥꦸꦫꦩꦫꦁꦢꦺꦴꦢꦺꦴꦱꦲꦤꦲꦶꦁꦨꦸꦩꦶ꧈ꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦭꦫꦲꦺꦚ꧀ꦕꦺꦴꦏ꧀ꦏꦼꦤ꧀ꦩꦲꦸ꧈ꦣꦮꦸꦃꦏꦸꦩꦫꦁꦏꦺꦴꦮꦺꦠꦔꦶꦪ꧈ꦭꦤ꧀ꦥꦠꦸꦫꦺꦴꦤ꧀ꦩꦸꦗꦸꦚ꧀ꦗꦁꦔꦼꦤ꧀꧈ꦩꦸꦭꦶꦪꦩꦫꦁꦔꦺꦴꦩꦃꦩꦸ꧉
꧒꧕꧉ ꦩꦺꦴꦁꦏꦮꦺꦴꦁꦭꦫꦩꦲꦸꦥꦣꦱꦤ꧀ꦤꦭꦶꦏꦔꦢꦼꦒ꧀꧈ꦲꦤꦔꦉꦥ꧀ꦥꦤ꧀ꦤꦶꦁꦮꦺꦴꦁꦔꦏꦺꦃ꧈ꦮꦸꦱ꧀ꦲꦚ꧀ꦗꦸꦚ꧀ꦗꦸꦁꦥꦠꦸꦫꦺꦴꦤ꧀ꦤꦺ꧈ꦩꦸꦭꦶꦃꦩꦫꦁꦔꦺꦴꦩꦃꦲꦺ꧈ꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧉
꧒꧖꧉ ꦢꦺꦤ꧀ꦤꦺꦮꦺꦴꦁꦏꦧꦺꦃꦥꦣꦲꦔꦸꦔꦸꦤ꧀꧈ꦱꦂꦠꦥꦣꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧈ꦭꦤ꧀ꦥꦣꦧꦔꦼꦠ꧀ꦮꦼꦢꦶꦤ꧀ꦤꦺ꧈ꦥꦔꦸꦕꦥ꧀ꦥꦺ꧈ꦲꦶꦁꦢꦶꦤ꧀ꦤꦲꦶꦏꦶꦲꦏꦸꦥꦣꦮꦼꦂꦫꦸꦃꦲꦶꦁꦏꦩꦺꦴꦏ꦳ꦭ꧀ꦭꦤ꧀꧉ ꧉
꧒꧗꧉ ꦱꦮꦸꦱ꧀ꦱꦺꦩꦼꦁꦏꦺꦴꦤ꧀ꦤꦺꦴꦪꦺꦯꦸꦱ꧀ꦠꦶꦤ꧀ꦢꦏ꧀꧈ꦱꦂꦠꦩꦶꦂꦰꦩꦫꦁꦮꦺꦴꦁꦩꦸꦥꦸꦧꦺꦪ꧈ꦗꦼꦤ꧀ꦤꦼꦁꦔꦺꦭꦺꦮꦶ꧈ꦥꦤꦸꦗꦸꦭꦸꦁꦒꦸꦃꦲꦤꦲꦶꦁꦥꦧꦺꦪꦤ꧀꧈ꦪꦺꦯꦸꦱ꧀ꦠꦸꦩꦸꦭꦶꦔꦤ꧀ꦢꦶꦏꦩꦫꦁꦮꦺꦴꦁꦩꦸꦥꦸꦧꦺꦪꦩꦲꦸ꧈ꦏꦺꦴꦮꦺꦲꦠꦸꦠ꧀ꦧꦸꦫꦶꦪꦩꦫꦁꦔꦏꦸ꧉
꧒꧘꧉ ꦢꦺꦤ꧀ꦤꦺꦭꦺꦮꦶꦩꦲꦸꦲꦶꦪꦧꦚ꧀ꦗꦸꦂꦔꦢꦼꦒ꧀ꦲꦤ꧀ꦤꦶꦁꦒꦭ꧀ꦩꦫꦁꦢꦂꦧꦺꦏ꧀ꦏꦺꦏꦧꦺꦃ꧈ꦲꦟ꧀ꦝꦺꦫꦺꦏ꧀ꦩꦫꦁꦪꦺꦯꦸꦱ꧀꧉
꧒꧙꧉ ꦩꦺꦴꦁꦏꦭꦺꦮꦶꦩꦲꦸꦲꦤ꧀ꦚꦲꦺꦴꦱ꧀ꦱꦶꦱꦸꦒꦠꦩꦫꦁꦪꦺꦯꦸꦱ꧀ꦲꦤꦲꦶꦁꦔꦺꦴꦩꦃꦲꦺ꧈ꦱꦂꦠꦲꦤꦮꦺꦴꦁꦩꦸꦥꦸꦧꦺꦪꦲꦏꦺꦃꦲꦏꦺꦃꦲꦸꦠꦮꦮꦺꦴꦁꦭꦶꦪꦤ꧀ꦤꦺ꧈ꦏꦁꦥꦣꦩꦶꦭꦸꦩꦔꦤ꧀꧉
꧓꧐꧉ ꦢꦺꦤ꧀ꦤꦺꦮꦺꦴꦁꦔꦸꦭꦩꦏꦁꦥꦣꦲꦤꦲꦶꦁꦏꦺꦴꦤ꧀ꦤꦺꦴ꧈ꦩꦶꦮꦃꦮꦺꦴꦁꦥꦫꦶꦱꦶꦥꦣꦒꦫꦸꦤ꧀ꦢꦼꦭ꧀ꦭꦶꦩꦫꦁꦱꦏ꦳ꦧꦠ꧀ꦠꦺ꧈ꦥꦔꦸꦥ꧀ꦥꦺ꧈ꦏꦥꦿꦶꦪꦺꦢꦺꦤ꧀ꦤꦺꦏꦺꦴꦮꦺꦠꦼꦏꦲꦩꦶꦭꦸꦩꦔꦤ꧀ꦲꦮꦺꦴꦂꦭꦤ꧀ꦮꦺꦴꦁꦩꦸꦥꦸꦧꦺꦪꦲꦸꦠꦮꦮꦺꦴꦁꦢꦺꦴꦢꦺꦴꦱꦤ꧀꧉
꧓꧑꧉ ꦩꦺꦴꦁꦏꦪꦺꦯꦸꦱ꧀ꦲꦤ꧀ꦤꦩ꧀ꦧꦸꦁꦔꦶꦥꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦮꦺꦴꦁꦏꦁꦥꦣꦩꦸꦭꦾ [ 155 ]ꦲꦺꦴꦫꦱꦸꦱꦃꦔꦁꦒꦺꦴꦣꦸꦏꦸꦤ꧀꧈ꦲꦩꦸꦁꦮꦺꦴꦁꦏꦁꦲꦺꦴꦫꦏꦥꦺꦤ꧀ꦤꦏ꧀ꦲꦮꦏ꧀ꦏꦺ꧉
꧓꧒꧉ ꦠꦼꦏꦏꦸꦲꦺꦴꦫꦲꦔꦸꦤ꧀ꦢꦁꦮꦺꦴꦁꦧꦼꦤ꧀ꦤꦼꦂ꧈ꦤꦔꦶꦁꦮꦺꦴꦁꦢꦺꦴꦢꦺꦴꦱꦤ꧀꧈ꦥꦶꦤꦸꦫꦶꦃꦥꦣꦠꦺꦴꦧꦠ꧀ꦠ꧉
꧓꧓꧉ ꦮꦺꦴꦁꦩꦲꦸꦠꦸꦩꦸꦭꦶꦥꦣꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦲꦮꦶꦠ꧀ꦱꦏꦶꦁꦥꦸꦤ꧀ꦤꦥꦱ ꦏ꦳ꦧꦠ꧀ꦠꦶꦥꦸꦤ꧀ꦪꦺꦴꦏ꦳ꦤ꧀ꦤꦤ꧀꧈ꦱꦩꦶꦲꦱꦿꦶꦁꦱꦶꦪꦩ꧀ꦱꦂꦠꦲꦪꦺꦴꦒꦱꦼꦩꦢꦶ꧈ꦱꦏ꦳ꦧꦠ꧀ꦠꦶꦥꦸꦤ꧀ꦠꦶꦪꦁꦥꦫꦶꦱꦶꦲꦶꦁꦒꦶꦃꦩꦼꦏꦠꦼꦤ꧀ꦲꦸꦒꦶ꧈ꦢꦺꦤ꧀ꦤꦺꦱꦏ꦳ꦧꦠ꧀ꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦱꦩꦶꦤꦼꦣꦏꦭꦶꦪꦤ꧀ꦔꦸꦚ꧀ꦗꦸꦏ꧀꧉
꧓꧔꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦩꦼꦰ꧀ꦛꦶꦏꦺꦴꦮꦺꦲꦺꦴꦫꦧꦶꦱꦲꦒꦮꦺꦥꦸꦮꦱꦩꦫꦁꦮꦺꦴꦁꦱꦸꦱꦸꦫꦸꦮꦤ꧀꧈ꦲꦶꦁꦤꦭꦶꦏꦥꦔꦤ꧀ꦠꦺꦤ꧀ꦤꦺꦲꦶꦱꦶꦃ꧉
꧓꧕꧉ ꦢꦺꦤ꧀ꦤꦺꦪꦺꦤ꧀ꦮꦸꦱ꧀ꦠꦸꦩꦼꦏꦲꦶꦁꦢꦶꦤ꧀ꦤꦥꦔꦸꦟ꧀ꦝꦸꦃꦲꦶꦁꦥꦔꦤ꧀ꦠꦺꦤ꧀꧈ꦲꦶꦪꦲꦸꦒꦶꦠꦸꦩꦸꦭꦶꦥꦣꦲꦥꦸꦮꦱꦲꦶꦁꦢꦶꦤ꧀ꦤꦲꦶꦏꦸ꧉
꧓꧖꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸꦲꦁꦔꦁꦒꦺꦴꦥꦕꦼꦩꦺꦴꦤ꧀꧈ꦲꦺꦴꦫꦤ꧀ꦤꦤꦮꦺꦴꦁꦲꦤ꧀ꦤꦩ꧀ꦧꦭ꧀ꦭꦏꦺꦠꦩ꧀ꦧꦭ꧀ꦭꦚ꧀ꦗꦫꦶꦠ꧀ꦲꦤ꧀ꦚꦂꦩꦫꦁꦗꦫꦶꦠ꧀ꦭꦸꦮꦱ꧀꧈ꦲꦩꦼꦰ꧀ꦛꦶꦠꦩ꧀ꦧꦭ꧀ꦭꦤ꧀ꦤꦺꦏꦁꦔꦤ꧀ꦚꦂꦲꦤ꧀ꦚꦸꦮꦺꦏ꧀ꦲꦏꦺ꧈ꦭꦤ꧀ꦗꦫꦶꦠ꧀ꦭꦸꦮꦱ꧀ꦲꦶꦏꦸꦲꦺꦴꦫꦥꦣꦭꦤ꧀ꦠꦩ꧀ꦧꦭ꧀ꦭꦤ꧀ꦤꦺꦏꦁꦔꦤ꧀ꦚꦂ꧉꧉
꧓꧗꧉ ꦭꦤ꧀ꦤꦺꦴꦫꦤ꧀ꦤꦤꦮꦺꦴꦁꦲꦔꦶꦱꦺꦏ꧀ꦲꦏꦺꦲꦁꦒꦸꦂꦲꦤ꧀ꦚꦂꦩꦫꦁꦲꦶꦁꦔꦶꦩ꧀ꦥꦼꦱ꧀ꦭꦸꦮꦱ꧀꧈ꦲꦩꦼꦰ꧀ꦛꦶꦲꦁꦒꦸꦂꦲꦤ꧀ꦚꦂꦫꦶꦏꦸꦧꦏꦭ꧀ꦲꦚ꧀ꦗꦼꦧꦺꦴꦭ꧀ꦭꦏꦺꦲꦶꦩ꧀ꦥꦼꦱ꧀ꦭꦸꦮꦱ꧀꧈ꦱꦂꦠꦲꦁꦒꦸꦂꦫꦺꦲꦩ꧀ꦧꦭꦧꦂ꧈ꦭꦤ꧀ꦲꦶꦩ꧀ꦥꦼꦱ꧀ꦱꦺꦫꦺꦴꦤ꧀ꦠꦁꦫꦤ꧀ꦠꦶꦁ꧉꧉
꧓꧘꧉ ꦢꦺꦤ꧀ꦤꦺꦪꦺꦤ꧀ꦲꦁꦒꦸꦂꦲꦤ꧀ꦚꦂꦢꦶꦲꦶꦱꦺꦏ꧀ꦲꦏꦺꦩꦫꦁꦔꦶꦩ꧀ꦥꦼꦱ꧀ꦲꦤ꧀ꦚꦂ꧈ꦢꦢꦶꦏꦫꦺꦴꦏꦫꦺꦴꦤ꧀ꦤꦺꦊꦱ꧀ꦠꦫꦶꦫꦶꦤ꧀ꦤꦮꦠ꧀ꦠꦤ꧀꧉꧉
꧓꧙꧉ ꦭꦤ꧀ꦤꦺꦴꦫꦤ꧀ꦤꦤꦮꦺꦴꦁꦲꦔꦺꦴꦩ꧀ꦧꦺꦲꦁꦒꦸꦂꦭꦮꦱ꧀꧈ꦧꦚ꧀ꦗꦸꦂꦲꦉꦥ꧀ꦔꦺꦴꦩ꧀ꦧꦺꦲꦁꦒꦸꦂꦏꦁꦔꦤ꧀ꦚꦂ꧈ꦱꦧꦧ꧀ꦥꦔꦸꦕꦥ꧀ꦥꦺ꧈ꦲꦺꦤ꧀ꦤꦏ꧀ꦲꦁꦒꦸꦂꦏꦁꦭꦮꦱ꧀ꦲꦶꦏꦸ꧉ ꧉

---

꧋ꦧꦧ꧀ꦏꦥꦶꦁꦤꦼꦩ꧀꧉

꧑꧉ ꧋ꦲꦤꦢꦺꦤ꧀ꦤꦺꦲꦶꦁꦢꦶꦤ꧀ꦤꦱꦧ꧀ꦧꦠ꧀ꦏꦁꦏꦥꦶꦁꦥꦶꦟ꧀ꦝꦺꦴ꧈ꦪꦺꦯꦸꦱ꧀ꦲꦚ꧀ꦗꦗꦃꦩꦫꦁꦥꦱꦮꦃꦲꦤ꧀꧈ꦱꦂꦠꦥꦫꦱꦏ꦳ꦧꦠ꧀ꦠꦺꦥꦣꦩꦼꦛꦶꦏ꧀ꦮꦸꦮꦸꦭꦺꦤ꧀꧈ꦭꦤ꧀ꦱꦮꦸꦱ꧀ꦱꦺꦥꦶꦤꦸꦱꦸꦱ꧀ꦲꦶꦁꦠꦔꦤ꧀ꦧꦚ꧀ꦗꦸꦂꦥꦣꦥꦶꦤ꧀ꦤꦔꦤ꧀꧉br>꧒꧉ ꦩꦺꦴꦁꦏꦲꦤꦱꦮꦼꦤ꧀ꦤꦺꦃꦲꦶꦁꦮꦺꦴꦁꦥꦫꦶꦱꦶ꧈ꦥꦣꦲꦔꦸꦕꦥ꧀ꦩꦫꦁꦥꦫꦱꦏ꦳ꦧꦠ꧀꧈ꦏꦼꦤ꧀ꦤꦔꦥꦏꦺꦴꦮꦺꦠꦼꦏꦲꦁꦒꦫꦥ꧀ꦒꦮꦺ꧈ꦏꦁꦥꦚ꧀ꦕꦺꦤ꧀ꦤꦺꦴ ꦫꦏꦼꦤ꧀ꦤꦢꦶꦭꦏꦺꦴꦤ꧀ꦤꦶꦲꦶꦁꦢꦶꦤ꧀ꦤꦱꦧ꧀ꦧꦠ꧀꧉br>꧓꧉ ꦪꦺꦯꦸꦱ꧀ꦠꦸꦩꦸꦭꦶꦲꦤ꧀ꦤꦩ꧀ꦧꦸꦁꦔꦶꦥꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦲꦥꦏꦺꦴꦮꦺꦲꦺꦴꦫꦠꦲꦸꦩꦩꦕꦩꦸꦁꦒꦸꦃꦭꦭꦏꦺꦴꦤ꧀ꦤꦺꦢꦮꦸꦢ꧀꧈ꦤꦭꦶꦏꦤ꧀ꦤꦺꦏꦭꦸꦮꦺꦤ꧀ꦭꦤ꧀ꦱꦫꦺꦴꦮꦁꦔꦺ꧉br>꧔꧉ ꦒꦺꦴꦤ꧀ꦤꦺꦭꦸꦩꦼꦧꦸꦩꦫꦁꦥꦢꦊꦩ꧀ꦩꦤ꧀ꦤꦶꦁꦄꦭ꧀ꦭꦃ꧈ꦱꦂꦠꦲꦔꦩ꧀ꦧꦶꦭ꧀ꦫꦺꦴꦠꦶꦥꦤ꧀ꦤꦺꦴꦤ꧀ꦠꦺꦴꦤ꧀ꦤꦤ꧀ꦧꦚ꧀ꦗꦸꦂꦣꦶꦤ꧀ꦤꦲꦂ꧈ꦩꦭꦃꦫꦺꦴꦮꦁꦔꦺꦲꦶꦪꦥꦣꦥꦶꦤ꧀ꦤꦫꦶꦁꦔꦤ꧀꧈ꦩꦺꦴꦁꦏꦲꦶꦏꦸꦥꦚ꧀ꦕꦺꦤ꧀ꦤꦺꦴꦫꦏꦼꦤ꧀ꦤꦥꦶꦤ꧀ꦤꦔꦤ꧀꧈ꦏꦗꦧꦲꦩꦸꦁ [ 156 ]ꦩꦫꦁꦥꦫꦆꦩꦩ꧀ꦧꦲꦺ꧉
꧕꧉ ꦭꦤ꧀ꦪꦺꦯꦸꦱ꧀ꦲꦔꦤ꧀ꦢꦶꦏꦩꦤ꧀ꦤꦺꦃꦩꦫꦁꦮꦺꦴꦁꦩꦲꦸ꧈ꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦲꦶꦏꦸꦲꦶꦪꦭꦸꦫꦃꦲꦺꦲꦶꦁꦢꦶꦤ꧀ꦤꦱꦧ꧀ꦧꦠ꧀꧉ ꧉
꧖꧉ ꧋ꦧꦉꦁꦠꦸꦩꦼꦏꦲꦶꦁꦢꦶꦤ꧀ꦤꦱꦧ꧀ꦧꦠ꧀ꦩꦤ꧀ꦤꦺꦃ꧈ꦪꦺꦯꦸꦱ꧀ꦭꦸꦩꦼꦧꦸꦩꦫꦁꦲꦶꦁꦩꦼꦱ꧀ꦗꦶꦢ꧀꧈ꦱꦂꦠꦲꦩꦸꦩꦸꦭꦁ꧈ꦭꦤ꧀ꦲꦶꦁꦏꦺꦴꦤ꧀ꦤꦺꦴꦲꦤꦮꦺꦴꦁꦭꦫꦲꦥꦸꦱ꧀ꦠꦔꦤ꧀ꦤꦺꦏꦁꦠꦼꦔꦼꦤ꧀꧉
꧗꧉ ꦩꦺꦴꦁꦏꦥꦫꦔꦸꦭꦩꦲꦸꦠꦮꦮꦺꦴꦁꦥꦫꦶꦱꦶ꧈ꦥꦣꦲꦚ꧀ꦗꦼꦗꦼꦥ꧀ꦩꦫꦁꦪꦺꦯꦸꦱ꧀꧈ꦲꦥꦧꦏꦭ꧀ꦲꦩꦸꦭꦾꦏ꧀ꦲꦏꦺꦲꦸꦮꦺꦴꦁꦲꦶꦁꦢꦶꦤ꧀ꦤꦱꦧ꧀ꦧꦠ꧀ꦲꦶꦏꦸ꧈ꦥꦩꦿꦶꦪꦺꦥꦣꦲꦺꦴꦭꦺꦪꦢꦢꦭꦤ꧀꧈ꦒꦺꦴꦤ꧀ꦤꦺꦲꦁꦒꦸꦒꦠ꧀ꦩꦫꦁꦪꦺꦯꦸꦱ꧀꧉
꧘꧉ ꦢꦺꦤ꧀ꦤꦺꦪꦺꦯꦸꦱ꧀ꦲꦸꦤ꧀ꦤꦶꦔꦩꦫꦁꦱꦲꦺꦴꦱꦶꦏ꧀ꦏꦺꦮꦺꦴꦁꦔꦶꦏꦸꦧꦚ꧀ꦗꦸꦂꦲꦔꦤ꧀ꦢꦶꦏꦩꦫꦁꦮꦺꦴꦁꦏꦁꦭꦫꦲꦥꦸꦱ꧀ꦠꦔꦤ꧀ꦤꦺꦩꦲꦸ꧈ꦏꦺꦴꦮꦺꦔꦢꦼꦒ꧀ꦒꦭꦤ꧀ꦩꦤ꧀ꦤꦼꦁꦔꦃꦲ꧈ꦮꦺꦴꦁꦩꦲꦸꦱꦮꦸꦱ꧀ꦱꦺꦔꦢꦼꦒ꧀ꦩꦟ꧀ꦝꦼꦒ꧀ꦧꦲꦺ꧉
꧙꧉ ꦪꦺꦯꦸꦱ꧀ꦠꦸꦩꦸꦭꦶꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸꦏꦧꦺꦃ꧈ꦲꦏꦸꦲꦉꦥ꧀ꦲꦠꦠꦏꦺꦴꦤ꧀ꦩꦫꦁꦏꦺꦴꦮꦺ꧈ꦲꦶꦁꦢꦶꦤ꧀ꦤꦱꦧ꧀ꦧꦠ꧀ꦲꦥꦏꦼꦤ꧀ꦤꦲꦒꦮꦺꦧꦼꦕꦶꦏ꧀ꦲꦸꦠꦮꦲꦒꦮꦺꦲꦭ꧈ꦲꦔꦽꦏ꧀ꦱꦚꦮ꧈ꦲꦥꦲꦔꦿꦸꦱꦏ꧀ꦚꦮ꧉
꧑꧐꧉ ꦪꦺꦯꦸꦱ꧀ꦧꦉꦁꦲꦤ꧀ꦤꦶꦔꦭ꧀ꦭꦶꦩꦫꦁꦮꦺꦴꦁꦔꦶꦮꦤꦼꦔꦼ ꦤ꧀ꦏꦧꦺꦃ꧈ꦧꦚ꧀ꦗꦸꦂꦲꦔꦤ꧀ꦢꦶꦏꦩꦫꦁꦮꦺꦴꦁꦭꦫꦩꦲꦸ꧈ꦠꦔꦤ꧀ꦩꦸꦲꦸꦭꦸꦁꦔꦼꦤ꧀ꦤ꧈ꦮꦺꦴꦁꦩꦲꦸꦱꦮꦸꦱ꧀ꦱꦺꦩꦸꦭꦸꦁꦠꦔꦤ꧀ꦤꦺ꧈ꦧꦚ꧀ꦗꦸꦂꦩꦸꦭꦾꦏꦪꦏꦁ​ꦮꦶꦔꦶꦲꦸꦤ꧀ꦤꦶ꧈ꦥꦣꦭꦤ꧀ꦠꦔꦤ꧀ꦤꦺꦱꦶꦱꦶꦪꦺ꧉
꧑꧑꧉ ꦩꦺꦴꦁꦏꦮꦺꦴꦁꦩꦲꦸꦏꦧꦺꦃꦥꦣꦏꦫꦶꦔꦸꦠ꧀ꦠꦼꦤ꧀꧈ꦱꦂꦠꦥꦣꦲꦉꦫꦱꦤ꧀ꦝꦺꦣꦺꦮꦺꦏ꧀ꦏꦤ꧀꧈ꦧꦼꦕꦶꦏ꧀ꦏꦺꦪꦺꦯꦸꦱ꧀ꦲꦶꦏꦸꦏꦶꦤ꧀ꦤꦥꦏ꧀ꦲꦏꦺ꧉ ꧉
꧑꧒꧉ ꧋ꦲꦤꦢꦺꦤ꧀ꦤꦺꦲꦶꦁꦢꦶꦤ꧀ꦤꦲꦶꦏꦸꦪꦺꦯꦸꦱ꧀ꦠꦼꦣꦏ꧀ꦩꦫꦁꦲꦶꦁꦒꦸꦤꦸꦁꦧꦏꦭ꧀ꦲꦱꦼꦩ꧀ꦧꦪꦁ꧈ꦱꦂꦠꦲꦺꦴꦭꦺꦃꦲꦺꦱꦼꦩ꧀ꦧꦪꦁꦲꦤ꧀ꦤꦤ꧀ꦤꦼꦣꦩꦫꦶꦁꦄꦭ꧀ꦭꦃ꧈ꦏꦺꦴꦁꦱꦶꦱꦮꦼꦔꦶ꧉
꧑꧓꧉ ꦢꦺꦤ꧀ꦤꦺꦧꦉꦁꦠꦸꦩꦼꦏꦤ꧀ꦤꦺꦲꦶꦁꦫꦶꦤ꧀ꦤ꧈ꦪꦺꦯꦸꦱ꧀ꦲꦤ꧀ꦤꦶꦩ꧀ꦧꦭ꧀ꦭꦶꦩꦫꦁꦥꦫꦱꦏ꦳ꦧꦠ꧀ꦠꦺ꧈ꦱꦂꦠꦲꦩꦶꦭꦶꦃꦱꦏ꦳ꦧꦠ꧀ꦠꦺꦫꦺꦴꦭꦱ꧀꧈ꦲꦶꦪꦲꦶꦏꦸꦏꦁꦢꦶꦲꦫꦤ꧀ꦤꦶꦲꦸꦠꦸꦱ꧀ꦱꦤ꧀꧉
꧑꧔꧉ ꦱꦶꦩꦺꦴꦤ꧀ꦲꦶꦪꦲꦶꦏꦸꦏꦁꦗꦶꦤꦸꦭꦸꦏ꧀ꦏꦤ꧀ꦦꦺꦠꦿꦸꦱ꧀꧈ꦱꦂꦠꦄꦤ꧀ꦢꦿꦺꦪꦱ꧀ꦱꦢꦸꦭꦸꦂꦫꦺ꧈ꦪꦏꦺꦴꦧꦸꦱ꧀ꦭꦮꦤ꧀ꦪꦺꦴꦏ꦳ꦤ꧀ꦤꦤ꧀꧈ꦦꦶꦭꦶꦥ꧀ꦥꦸꦱ꧀ꦭꦤ꧀ꦧꦂꦠꦭꦩꦺꦪꦸꦱ꧀꧉
꧑꧕꧉ ꦩꦠ꧀ꦠꦺꦪꦸꦱ꧀ꦭꦤ꧀ꦠꦺꦴꦩꦱ꧀꧈ꦪꦏꦺꦴꦧꦸꦱ꧀ꦥꦸꦠꦿꦤ꧀ꦤꦺ[ꦄꦭ꧀ꦦ꦳ꦪꦸꦱ꧀]꧈ꦭꦤ꧀ꦱꦶꦩꦺꦴꦤ꧀ꦏꦁꦗꦶꦤꦸꦭꦸꦏ꧀ꦏꦤ꧀ꦱꦺꦭꦺꦴꦠꦺꦱ꧀꧉
꧑꧖꧉ ꦪꦸꦢꦱ꧀ꦱꦢꦸꦭꦸꦂꦫꦺꦪꦏꦺꦴꦧꦸꦱ꧀꧈ꦭꦤ꧀ꦪꦸꦢꦱ꧀ꦲꦶꦱ꧀ꦏꦫꦶꦪꦺꦴꦠ꧀꧈ꦲꦶꦪꦲꦶꦏꦸꦏꦁꦲꦔ꧀ꦭꦺꦴꦭꦺꦴꦃꦲꦏꦺꦩꦫꦁꦪꦺꦯꦸꦱ꧀꧉
꧑꧗꧉ ꦪꦺꦯꦸꦱ꧀ꦱꦮꦸꦱ꧀ꦱꦺꦩꦼꦣꦸꦤ꧀ꦲꦶꦁꦔꦶꦫꦶꦁꦥꦫꦱꦏ꦳ꦧꦠ꧀ꦠꦺ꧈ꦗꦸꦩꦼꦤ꧀ꦤꦼꦁꦲꦤꦲꦶꦁꦥꦭꦠꦂꦫꦤ꧀꧈ꦢꦺꦤ꧀ꦤꦺꦥꦫꦱꦏ꦳ꦧꦠ꧀ꦠꦺꦏꦧꦺꦃ꧈ꦲꦸꦠꦮꦒꦺꦴꦒꦺꦴꦭꦺꦴꦁꦔꦤ꧀ꦤꦶꦁꦮꦺꦴꦁꦔꦏꦺꦃ꧈ꦥꦣꦠꦸꦩꦼꦏꦱꦏꦲꦶꦁꦠꦤ꧀ꦤꦃꦪꦲꦸꦢꦶꦏꦧꦺꦃ꧈ꦭꦤ꧀ꦱꦏꦲꦶꦁꦪꦼꦫꦸꦱꦭꦺꦩ꧀꧈ꦲꦥꦢꦺꦤ꧀ꦤꦺꦱꦏꦲꦶꦁꦥꦱꦶꦱꦶꦂꦫꦶꦁꦠꦶꦫꦸꦱ꧀ꦭꦤ꧀ꦱꦶꦣꦺꦴꦤ꧀꧈ꦱꦼꦢꦾꦤ꧀ꦤꦺꦲꦉꦥ꧀ꦥꦣꦲꦔꦿꦸꦔꦺꦴꦏ꧀ꦲꦏꦺꦩꦫꦁꦪꦺꦯꦸ [ 157 ]ꦱ꧀꧈ꦱꦂꦠꦊꦭꦫꦤ꧀ꦤꦺꦥꦣꦮꦶꦤ꧀ꦤꦫꦱ꧀ꦱꦼꦤ꧀ꦤ꧉
꧑꧘꧉ ꦲꦥꦩꦤ꧀ꦤꦺꦃꦮꦺꦴꦁꦏꦁꦥꦣꦏꦼꦤ꧀ꦤꦲꦶꦁꦊꦭꦫꦱꦏꦱꦺꦠꦤ꧀ꦉꦒꦼꦢ꧀꧈ꦲꦶꦪꦥꦣꦮꦶꦤ꧀ꦤꦫꦱ꧀ꦱꦏꦺ꧉
꧑꧙꧉ ꦩꦺꦴꦁꦏꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦏꦧꦺꦃ꧈ꦥꦣꦲꦒꦺꦴꦭꦺꦏ꧀ꦩꦂꦒꦒꦺꦴꦤ꧀ꦤꦺꦧꦏꦭ꧀ꦲꦁꦒꦼꦥꦺꦴꦏ꧀ꦩꦫꦁꦪꦺꦯꦸꦱ꧀꧈ꦱꦧꦧ꧀ꦲꦤꦏꦱꦼꦏ꧀ꦠꦺꦤ꧀ꦏꦁꦩꦶꦗꦶꦭ꧀ꦱꦏꦲꦶꦁꦱꦫꦶꦫꦤ꧀ꦤꦺ꧈ꦢꦢꦶꦤ꧀ꦤꦺ ꦮꦺꦴꦁꦏꦧꦺꦃꦥꦣꦮꦶꦤ꧀ꦤꦫꦱ꧀ꦱꦏꦺ꧉
꧒꧐꧉ ꦩꦺꦴꦁꦏꦪꦺꦯꦸꦱ꧀ꦲꦤ꧀ꦤꦶꦔꦭ꧀ꦭꦶꦩꦫꦁꦱꦏ꦳ꦧꦠ꧀ꦠꦺ꧈ꦥꦔꦤ꧀ꦢꦶꦏꦤ꧀ꦤꦺ꧈ꦫꦃꦲꦪꦸꦏꦺꦴꦮꦺꦏꦁꦥꦣꦩꦭꦫꦠ꧀꧈ꦱꦧꦧ꧀ꦏꦺꦴꦮꦺꦲꦤ꧀ꦢꦸꦮꦺꦤ꧀ꦤꦶꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧒꧑꧉ ꦫꦃꦲꦪꦸꦏꦁꦥꦣꦭꦥꦱꦲꦶꦏꦶ꧈ꦱꦧꦧ꧀ꦏꦺꦴꦮꦺꦧꦏꦭ꧀ꦥꦣꦮꦶꦤ꧀ꦤꦉꦒ꧀ꦒꦤ꧀꧈ꦫꦃꦲꦪꦸꦏꦁꦲꦤ꧀ꦤꦔꦶꦱ꧀ꦱꦲꦶꦏꦶ꧈ꦱꦧꦧ꧀ꦏꦺꦴꦮꦺꦧꦏꦭ꧀ꦥꦣꦒꦸꦩꦸꦪꦸ꧉
꧒꧒꧉ ꦫꦃꦲꦪꦸꦏꦺꦴꦮꦺ꧈ꦪꦺꦤ꧀ꦢꦶꦱꦼꦔꦶꦠ꧀ꦠꦶꦢꦺꦤ꧀ꦤꦶꦁꦔꦸꦮꦺꦴꦁ꧈ꦲꦸꦠꦮꦪꦺꦤ꧀ꦥꦶꦤ꧀ꦤꦶꦱꦃꦲꦏꦺꦭꦤ꧀ꦥꦶꦤ꧀ꦤꦶꦱꦸꦃꦲꦤ꧀꧈ꦠꦸꦮꦶꦤ꧀ꦪꦺꦤ꧀ꦗꦼꦤ꧀ꦤꦼꦁꦩꦸꦱꦶꦤ꧀ꦤꦶꦊꦧ꧀ꦲꦶꦁꦔꦭꦏ꧀ꦲꦏꦺ꧈ꦏꦁꦲꦮꦶꦠ꧀ꦱꦏꦥꦸꦠꦿꦤ꧀ꦤꦶꦁꦩꦤꦸꦱ꧀ꦮ꧉
꧒꧓꧉ ꦲꦶꦁꦢꦶꦤ꧀ꦤꦲꦶꦏꦸꦏꦺꦴꦮꦺꦥꦣꦧꦸꦔꦃꦧꦸꦔꦃꦲꦭꦤ꧀ꦒꦶꦫꦁꦒꦶꦫꦁꦔ꧈ꦱꦧꦧ꧀ꦒꦚ꧀ꦗꦂꦫꦤ꧀ꦤꦩꦸꦒꦼꦣꦺꦲꦤꦲꦶꦁꦱ꧀ꦮꦂꦓ꧈ꦲꦮꦶꦠ꧀ꦢꦺꦤ꧀ꦤꦺꦥꦁꦒꦮꦺꦤ꧀ꦤꦺꦭꦸꦭꦸꦲꦸꦂꦫꦺꦏꦁꦩꦫꦁꦥꦫꦟꦨꦶꦲꦶꦪꦏꦪꦩꦼꦁꦏꦺꦴꦤ꧀ꦤꦺꦴ꧉
꧒꧔꧉ ꦥꦫꦤ꧀ꦢꦺꦤ꧀ꦤꦺꦏꦺꦴꦮꦺꦧꦶꦭꦲꦶꦮꦺꦴꦁꦱꦸꦒꦶꦃ꧈ꦱꦧꦧ꧀ꦮꦸꦱ꧀ꦥꦣꦏꦺꦴꦮꦺꦠꦩ꧀ꦥꦤ꧀ꦤꦶꦲꦶꦁꦏꦧꦸꦔꦃꦲꦤ꧀ꦤꦩꦸ꧉
꧒꧕꧉ ꦧꦶꦭꦲꦶꦏꦺꦴꦮꦺꦮꦺꦴꦁꦏꦁꦥꦣꦏꦮꦉꦒ꧀ꦒꦤ꧀꧈ꦱꦧꦧ꧀ꦏꦺꦴꦮꦺꦧꦏꦭ꧀ꦥꦣꦭꦸꦮꦺ꧈ꦧꦶꦭꦲꦶꦏꦺꦴꦮꦺꦏꦁꦥꦣꦒꦸꦩꦸꦪꦸꦱꦲꦶꦏꦶ꧈ꦱꦧꦧ꧀ꦏꦺꦴꦮꦺꦧꦏꦭ꧀ꦥꦣꦲꦤ꧀ꦤꦟ꧀ꦝꦁꦥꦿꦶꦃꦲꦠꦶꦤ꧀ꦭꦤ꧀ꦲꦤ꧀ꦤꦔꦶꦱ꧀꧉
꧒꧖꧉ ꦧꦶꦭꦲꦶꦏꦺꦴꦮꦺꦪꦺꦤ꧀ꦧꦶꦤ꧀ꦤꦼꦕꦶꦏ꧀ꦲꦏꦺꦢꦺꦤ꧀ꦤꦶꦁꦮꦺꦴꦁꦔꦏꦺꦃ꧈ꦱꦧꦧ꧀ꦥꦁꦒꦮꦺꦤ꧀ꦤꦺꦭꦸꦭꦸꦲꦸꦂꦫꦺꦏꦁꦩꦫꦁꦟꦨꦶꦒꦺꦴꦒꦺꦴꦫꦺꦴꦃꦲꦤ꧀ꦏꦪꦩꦼꦁꦏꦺꦴꦤ꧀ꦤꦺꦴ꧉
꧒꧗꧉ ꦲꦤ꧀ꦤꦔꦶꦁꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺꦏꦁꦥꦣꦔꦿꦸꦔꦺꦴꦏ꧀ꦲꦏꦺ꧈ꦥꦣꦲꦠꦽꦱ꧀ꦤꦲꦩꦫꦁꦱꦠꦿꦸꦩꦸ꧈ꦥꦣꦲꦒꦮꦺꦪꦧꦼꦕꦶꦏ꧀ꦩꦫꦁꦮꦺꦴꦁꦏꦁꦱꦼꦔꦶꦠ꧀ꦩꦫꦁꦏꦺꦴꦮꦺ꧉
꧒꧘꧉ ꦥꦣꦲꦩ꧀ꦧꦼꦂꦏꦃꦲꦤꦩꦫꦁꦮꦺꦴꦁꦏꦁꦚꦸꦥꦠꦤ꧀ꦤꦶꦩꦫꦁꦏꦺꦴꦮꦺ꧈ꦭꦤ꧀ꦥꦣꦲꦤ꧀ꦢꦺꦴꦔꦏ꧀ꦏꦼꦤ꧀ꦤꦩꦫꦁꦮꦺꦴꦁꦏꦁꦱꦶꦪꦱꦶꦪꦩꦫꦁꦏꦺꦴꦮꦺ꧉
꧒꧙꧉ ꦮꦺꦴꦁꦏꦁꦲꦤ꧀ꦤꦥꦸꦏ꧀ꦥꦶꦥꦶꦩꦸꦱꦮꦶꦗꦶ꧈ꦩꦭꦃꦱꦶꦱꦶꦪꦺꦲꦸꦭꦸꦁꦔꦼꦤ꧀ꦤ꧈ꦭꦤ꧀ꦮꦺꦴꦁꦏꦁꦲꦔꦿꦕꦸꦠ꧀ꦏꦼꦩꦸꦭ꧀ꦩꦸ꧈ꦲꦗꦔꦩ꧀ꦥꦃꦪꦺꦤ꧀ꦔꦼꦥꦺꦏ꧀ꦏꦸꦭꦩ꧀ꦧꦶꦩꦸ꧉
꧓꧐꧉ ꦢꦺꦤ꧀ꦤꦺꦱꦫꦸꦥꦤ꧀ꦤꦶꦁꦮꦺꦴꦁꦲꦥꦏꦁꦢꦶꦗꦭꦸꦏ꧀ꦲꦶꦪꦮꦺꦤ꧀ꦤꦺꦃꦲꦤ꧈ꦲꦸꦠꦮꦮꦺꦴꦁꦏꦁꦲꦔꦥꦺꦏ꧀ꦢꦸꦮꦺꦏ꧀ꦩꦸꦲꦗꦲꦩꦸꦫꦶꦃꦧꦭꦶ ꦤ꧀ꦤꦺ꧉
꧓꧑꧉ ꦭꦤ꧀ꦲꦥꦏꦁꦢꦢꦶꦏꦉꦥ꧀ꦩꦸ꧈ꦮꦺꦴꦁꦲꦒꦮꦺꦩꦫꦁꦏꦺꦴꦮꦺ꧈ꦏꦺꦴꦮꦺꦲꦶꦪꦲꦒꦮꦺꦪꦩꦫꦁꦮꦺꦴꦁꦏꦪꦩꦼꦁꦏꦺꦴꦤ꧀ꦤꦺꦴꦲꦸꦒ꧉
꧓꧒꧉ ꦢꦺꦤ꧀ꦤꦺꦩꦤ꧀ꦤꦮꦲꦠꦽꦱ꧀ꦤꦩꦫꦁꦮꦺꦴꦁꦏꦁꦠꦽꦱ꧀ꦤꦩꦫꦁꦏꦺꦴꦮꦺ꧈ꦥꦲꦺꦢꦃꦩꦸꦲꦥ꧈ꦮꦺꦴꦁꦢꦺꦴꦢꦺꦴꦱꦤ꧀ꦲꦶꦏꦸꦲꦶꦪꦥꦣꦲꦠꦽꦱ꧀ꦤꦩꦫꦁꦮꦺꦴꦁꦏꦁꦲꦠꦽꦱ꧀ꦤꦩꦫꦁꦲꦮꦏ꧀ꦏꦺ꧉
꧓꧓꧉ ꦲꦥꦩꦤ꧀ꦤꦺꦃꦩꦤ꧀ꦤꦮꦏꦺꦴ [ 158 ]ꦮꦺꦲꦒꦮꦺꦧꦼꦕꦶꦏ꧀ꦩꦫꦁꦮꦺꦴꦁꦏꦁꦲꦩ꧀ꦧꦼꦕꦶꦏ꧀ꦏꦶꦩꦫꦁꦏꦺꦴꦮꦺ꧈ꦥꦲꦺꦢꦃꦩꦸꦲꦥ꧈ꦢꦺꦤ꧀ꦤꦺꦮꦺꦴꦁꦢꦺꦴꦢꦺꦴꦱꦤ꧀ꦤꦶꦏꦸꦲꦶꦪꦥꦣꦲꦒꦮꦺꦩꦼꦁꦏꦺꦴꦤ꧀ꦤꦺꦴ꧉
꧓꧔꧉ ꦲꦸꦠꦮꦪꦺꦤ꧀ꦏꦺꦴꦮꦺꦲꦩꦺꦴꦠꦁꦔꦏꦺꦩꦫꦁꦔꦸꦮꦺꦴꦁ꧈ꦏꦁꦏꦺꦴꦮꦺꦲꦉꦥ꧀ꦥꦉꦥ꧀ꦥꦤ꧀ꦚꦲꦸꦂꦫꦺ꧈ꦥꦲꦺꦢꦃꦩꦸꦲꦥ꧈ꦢꦺꦤ꧀ꦤꦺꦮꦺꦴꦁꦢꦺꦴꦢꦺꦴꦱꦤ꧀ꦤꦶꦏꦸ꧈ꦲꦶꦪꦥꦣꦩꦺꦴꦠꦁꦔꦏꦺꦥꦣꦮꦺꦴꦁꦢꦺꦴꦢꦺꦴꦱꦤ꧀꧈ꦱꦸꦥꦪꦥꦣꦤꦩ꧀ꦥꦤ꧀ꦤꦤꦲꦶꦁꦮꦮꦊꦱ꧀ꦱꦤ꧀꧉
꧓꧕꧉ ꦲꦤ꧀ꦤꦔꦶꦁꦏꦺꦴꦮꦺꦥꦣꦲꦠꦽꦱ꧀ꦤꦲꦩꦫꦁꦱꦠꦿꦸꦩꦸ꧈ꦭꦤ꧀ꦥꦣꦲꦒꦮꦺꦪꦧꦼꦕꦶꦏ꧀ꦲꦸꦠꦮꦥꦣꦲꦩꦺꦴꦠꦁꦔꦏꦺꦠꦤ꧀ꦥꦔꦉꦥ꧀ꦥꦉꦥ꧀꧈ꦭꦤ꧀ꦒꦚ꧀ꦗꦂꦫꦤ꧀ꦤꦩꦸꦢꦢꦶꦒꦼꦣꦺ꧈ꦱꦂꦠꦏꦺꦴꦮꦺꦲꦶꦁꦔꦏꦸꦥꦸꦠꦿꦤ꧀ꦤꦶꦁꦏꦁꦩꦲꦭꦸꦲꦸꦂ꧈ꦲꦶꦏꦸꦏꦁꦭꦺꦴꦩꦩꦫꦁꦮꦺꦴꦁꦏꦁꦔꦺꦴꦫꦤꦫꦶꦩꦭꦤ꧀ꦩꦫꦁꦮꦺꦴꦁꦢꦸꦂꦗꦤ꧉
꧓꧖꧉ ꦩꦸꦭꦤ꧀ꦤꦺꦏꦺꦴꦮꦺꦥꦣꦲꦩꦸꦫꦃꦲꦼꦤ꧀ꦤ꧈ꦏꦪꦏꦩꦸ ꦫꦃꦲꦤ꧀ꦤꦺꦧꦥꦏ꧀ꦩꦸ꧉
꧓꧗꧉ ꦭꦤ꧀ꦲꦗꦏꦺꦴꦮꦺꦲꦤ꧀ꦤꦼꦂꦏ꧈ꦏꦺꦴꦮꦺꦲꦶꦪꦧꦏꦭ꧀ꦲꦺꦴꦫꦠꦶꦤ꧀ꦤꦼꦂꦏ꧈ꦲꦗꦏꦺꦴꦮꦺꦲꦔꦭꦃꦲꦏꦺ꧈ꦏꦺꦴꦮꦺꦲꦶꦪꦧꦏꦭ꧀ꦲꦺꦴꦫꦏꦶꦤ꧀ꦤꦭꦃꦲꦏꦺ꧈ꦏꦺꦴꦮꦺꦥꦣꦲꦔ꧀ꦭꦸꦮꦂꦫꦤ꧈ꦭꦤ꧀ꦏꦺꦴꦮꦺꦲꦶꦪꦧꦏꦭ꧀ꦭꦶꦤꦸꦮꦂꦫꦤ꧀꧉
꧓꧘꧉ ꦥꦣꦮꦺꦮꦺꦪꦭꦤ꧀ꦏꦺꦴꦮꦺꦲꦶꦪꦧꦏꦭ꧀ꦮꦶꦤ꧀ꦤꦺꦮꦺꦪꦤ꧀꧈ꦠꦏꦼꦂꦫꦤ꧀ꦏꦁꦧꦼꦕꦶꦏ꧀ꦏꦁꦲꦶꦁꦔꦼꦤ꧀ꦤꦼꦠ꧀ꦠꦼꦤ꧀ꦤꦼꦠ꧀ꦭꦤ꧀ꦲꦶꦁꦔꦺꦴꦪꦺꦴꦒ꧀ꦒꦺꦴꦪꦺꦴꦒ꧀ꦲꦸꦠꦮꦏꦁꦭꦸꦧꦺꦂ꧈ꦧꦏꦭ꧀ꦲꦶꦁꦔꦼꦱꦺꦴꦏ꧀ꦲꦏꦺꦲꦶꦁꦥꦁꦏꦺꦴꦤ꧀ꦩꦸ꧈ꦱꦧꦧ꧀ꦠꦏꦼꦂꦫꦤ꧀ꦏꦁꦏꦺꦴꦮꦺꦲꦁꦒꦺꦴꦤꦏꦼꦂ꧈ꦲꦶꦪꦏꦺꦴꦮꦺꦧꦏꦭ꧀ꦠꦶꦤ꧀ꦤꦏꦼꦂꦫꦤ꧀꧉
꧓꧙꧉ ꦲꦤꦢꦺꦤ꧀ꦤꦺꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸꦲꦔꦁꦒꦺꦴꦥꦱꦼꦩꦺꦴꦤ꧀꧈ꦏꦥꦿꦶꦪꦺꦪꦺꦤ꧀ꦮꦺꦴꦁꦮꦸꦠꦧꦶꦱꦤꦸꦤ꧀ꦠꦸꦤ꧀ꦥꦣꦮꦺꦴꦁꦮꦸꦠ꧈ꦏꦫꦺꦴꦏꦫꦺꦴꦤ꧀ꦤꦺꦲꦥꦲꦺꦴꦫꦏꦕꦼꦩ꧀ꦥ꧀ꦭꦸꦁꦲꦶꦁꦭꦸꦮꦁꦔꦤ꧀꧉
꧔꧐꧉ ꦲꦥꦢꦺꦤ꧀ꦤꦺꦩꦸꦁꦒꦸꦃꦩꦸꦫꦶꦢ꧀ꦲꦩꦼꦰ꧀ꦛꦶꦲꦺꦴꦫꦲꦔꦸꦁꦏꦸꦭ꧀ꦭꦶꦒꦸꦫꦸꦤ꧀ꦤꦺ꧈ꦩꦺꦴꦁꦏꦩꦸꦫꦶꦢ꧀ꦲꦶꦏꦸꦏꦲꦸꦠꦩꦤ꧀ꦤꦺꦥꦥꦏ꧀ꦧꦲꦺꦭꦮꦤ꧀ꦒꦸꦫꦸꦤ꧀ꦤꦺ꧉
꧔꧑꧉ ꦏꦥꦿꦶꦪꦺꦏꦺꦴꦮꦺꦲꦔꦮꦱ꧀ꦱꦏꦺꦠꦠꦭ꧀ꦏꦁꦲꦤꦩꦠꦤ꧀ꦤꦺꦱꦢꦸꦭꦸꦂꦩꦸ꧈ꦩꦺꦴꦁꦏꦒꦭꦺꦴꦟ꧀ꦝꦺꦴꦁꦏꦁꦲꦤꦩꦠꦩꦸꦣꦺꦮꦺꦲꦺꦴꦫꦏꦺꦴꦮꦺꦏꦮꦿꦸꦃꦲꦶ꧉
꧔꧒꧉ ꦭꦤ꧀ꦏꦥꦿꦶꦪꦺꦏꦺꦴꦮꦺꦧꦶꦱꦚꦭꦛꦺꦴꦤ꧀ꦤꦶꦩꦫꦁꦱꦢꦸꦭꦸꦂꦩꦸ ꦲꦺꦃꦱꦢꦸꦭꦸꦂ꧈ꦏꦺꦴꦮꦺꦲꦮꦺꦪꦠꦠꦭ꧀ꦏꦁꦲꦤꦲꦶꦁꦩꦠꦩꦸꦠꦏ꧀ꦗꦸꦏꦸꦏ꧀ꦏꦺ꧈ꦒꦭꦺꦴꦟ꧀ꦝꦺꦴꦁꦏꦁꦲꦤꦩꦠꦩꦸꦣꦺꦮꦺꦏꦺꦴꦮꦺꦲꦺꦴꦫꦮꦼꦂꦫꦸꦃ꧈ꦲꦺꦃꦮꦺꦴꦁꦱꦼꦩꦁ꧈ꦗꦸꦏꦸꦏ꧀ꦏꦼꦤ꧀ꦝꦶꦔꦶꦤ꧀ꦒꦭꦺꦴꦟ꧀ꦝꦺꦴꦁꦏꦁꦲꦤꦲꦶꦁꦩꦠꦩꦸꦣꦺꦮꦺ꧈ꦱꦮꦸꦱ꧀ꦱꦺꦲꦶꦏꦸꦏꦺꦴꦮꦺꦠꦸꦩꦸꦭꦶꦲꦔꦮꦱ꧀ꦱꦼꦤ꧀ꦤꦲꦚ꧀ꦗꦸꦏꦸꦏ꧀ꦏꦠꦠꦭ꧀ꦏꦁꦔꦤꦲꦶꦁꦩꦠꦤ꧀ꦤꦺꦱꦢꦸꦭꦸꦂꦩꦸ꧉
꧔꧓꧉ ꦱꦧꦧ꧀ꦩꦸꦁꦒꦸꦃꦮꦶꦠ꧀ꦮꦶꦠ꧀ꦠꦤ꧀ꦧꦼꦕꦶꦏ꧀ꦲꦺꦴꦫꦧꦶꦱꦩꦼꦠꦸꦮꦺꦴꦃꦲꦭ꧈ꦲꦸꦠꦮꦮꦶꦠ꧀ꦮꦶꦠ꧀ꦠꦤ꧀ꦲꦭ꧈ ꦲꦺꦴꦫꦧꦶꦱꦩꦼꦠꦸꦮꦺꦴꦃꦧꦼꦕꦶꦏ꧀꧉
꧔꧔꧉ ꦢꦺꦤ꧀ꦤꦺꦱꦫꦸꦥꦤ꧀ꦤꦶꦁꦮꦶꦠ꧀ꦮꦶꦠ꧀ꦠꦤ꧀ꦤꦶꦏꦸꦥꦣꦏꦶꦤ꧀ꦤꦮꦿꦸꦃꦲꦤ꧀ꦲꦶꦁꦮꦺꦴꦃꦲꦺꦣꦺꦮꦺꦣꦺꦮꦺ꧈ꦏꦪꦠꦮꦺꦴꦃꦲꦶꦁꦏꦭꦺꦕꦲꦶꦏꦸꦲꦺꦴꦫ [ 159 ]ꦗꦭ ꦢꦶꦲꦸꦟ꧀ꦝꦸꦃꦱꦏꦲꦶꦁꦮꦶꦠ꧀ꦲꦼꦂꦫꦶ꧈ꦲꦸꦠꦮꦥꦩꦼꦛꦶꦏ꧀ꦏꦶꦁꦮꦺꦴꦃꦲꦁꦒꦸꦂꦲꦶꦏꦸꦲꦺꦴꦫꦱꦏꦲꦶꦁꦮꦶꦠ꧀ꦗꦚ꧀ꦗꦁ꧉
꧔꧕꧉ ꦲꦸꦮꦺꦴꦁꦧꦼꦕꦶꦏ꧀ꦲꦶꦏꦸꦲꦩꦼꦠꦺꦴꦏ꧀ꦲꦏꦺꦏꦁꦧꦼꦕꦶꦏ꧀꧈ꦲꦮꦶꦠ꧀ꦱꦏꦣꦣꦱꦂꦫꦶꦁꦔꦠꦶꦤ꧀ꦤꦺꦧꦼꦕꦶꦏ꧀꧈ꦢꦺꦤ꧀ꦤꦺꦮꦺꦴꦁꦔꦭꦲꦶꦏꦸꦲꦩꦼꦠꦺꦴꦏ꧀ꦲꦏꦺꦥꦶꦲꦭ꧈ꦲꦮꦶꦠ꧀ꦱꦏꦣꦣꦱꦂꦫꦶꦁꦔꦠꦶꦤ꧀ꦤꦺꦲꦭ꧈ꦱꦧꦧ꧀ꦱꦏꦭꦸꦧꦺꦂꦫꦶꦁꦔꦠꦶꦥꦔꦸꦕꦥ꧀ꦥꦶꦁꦕꦁꦏꦼꦩ꧀ꦩꦶꦏꦸ꧉
꧔꧖꧉ ꦪꦒꦺꦤ꧀ꦤꦺꦏꦺꦴꦮꦺꦲꦤ꧀ꦚꦼꦧꦸꦠ꧀ꦩꦫꦁꦔꦏꦸ꧈ꦓꦸꦱ꧀ꦡꦶ꧈​ꦓꦸꦱ꧀ꦡꦶ꧈ꦩꦺꦴꦁꦏꦏꦺꦴꦮꦺꦲꦺꦴꦫꦲꦔ꧀ꦭꦏꦺꦴꦤ꧀ꦤꦶꦲꦶꦁꦱꦥꦶꦠꦸꦠꦸꦂꦏꦸ꧉
꧔꧗꧉ ꦱꦫꦸꦥꦤ꧀ꦤꦶꦁꦮꦺꦴꦁꦏꦁꦥꦣꦲꦩꦫꦤ꧀ꦤꦶꦩꦫꦁꦔꦏꦸ꧈ꦱꦂꦠꦲꦔꦿꦸꦔꦺꦴꦏ꧀ꦲꦏꦺꦠꦸꦮꦶꦤ꧀ꦲꦔ꧀ꦭꦏꦺꦴꦤ꧀ꦤꦶꦲꦶꦁꦱꦥꦶꦠꦸꦠꦸꦂꦏꦸ꧈ꦮꦺꦴꦁꦏꦁꦩꦼꦁꦏꦺꦴꦤ꧀ꦤꦺꦴꦲꦶꦏꦸꦏꦺꦴꦮꦺꦠꦏ꧀ꦱꦸꦫꦸꦥ꧀ꦥꦏꦺ꧉
꧔꧘꧉ ꦢꦺꦤ꧀ꦤꦺꦩꦸꦁꦒꦸꦃꦲꦸꦥꦩꦤ꧀ꦤꦺꦏꦪꦮꦺꦴꦁꦏꦁꦲꦪꦱꦲꦺꦴꦩꦃ꧈ꦱꦂꦠꦣꦶꦤꦸꦣꦸꦏ꧀ꦏꦤ꧀ꦗꦼꦂꦫꦺꦴ꧈ꦭꦤ꧀ꦠꦠꦊꦱ꧀ꦱꦺꦢꦶꦤ꧀ꦤꦺꦴꦏꦺꦴꦏ꧀ꦏꦤ꧀ꦥꦫꦁ꧈ꦢꦢꦶꦠꦼꦏꦤ꧀ꦤꦶꦁꦧꦚ꧀ꦗꦶꦂꦱꦤ꧀ꦠꦼꦂꦫꦶꦁꦧꦤ꧀ꦚꦸꦲꦤ꧀ꦤꦼꦩ꧀ꦥꦸꦃꦩꦫꦁꦔꦺꦴꦩꦃꦲꦶꦏꦸ꧈ꦭꦤ꧀ꦤꦺꦴꦫꦧꦶꦱꦲꦔꦺꦴꦧꦃꦲꦏꦺ꧈ꦱꦧꦧ꧀ꦮꦸꦱ꧀ꦠꦶꦤ꧀ꦤꦊꦱ꧀ꦱꦤ꧀ꦲꦶꦁꦥꦫꦁ꧉
꧔꧙꧉ ꦢꦺꦤ꧀ꦤꦺꦩꦸꦁꦒꦸꦃꦮꦺꦴꦁꦏꦁꦔꦿꦸꦔꦸ꧈ꦩꦺꦴꦁꦏꦲꦺꦴꦫꦲꦔ꧀ꦭꦏꦺꦴꦤ꧀ꦤꦶ꧈ꦲꦶꦏꦸꦲꦸꦥꦩꦤ꧀ꦤꦺꦏꦪꦮꦺꦴꦁꦲꦪꦱꦲꦺꦴꦩꦃꦲꦤꦲꦶꦁꦊꦩꦃꦠꦤ꧀ꦥꦠꦶꦤ꧀ꦤꦊꦱ꧀ꦱꦤ꧀꧈ꦏꦠꦼꦩ꧀ꦥꦸꦃꦲꦶꦁꦱꦤ꧀ꦠꦼꦂꦫꦶꦁꦧꦤ꧀ꦚꦸ꧈ꦲꦺꦴꦩꦃꦲꦶꦏꦸꦧꦚ꧀ꦗꦸꦂꦫꦸꦧꦸꦃꦠꦸꦩꦸꦭꦶ꧈ꦭꦤ꧀ꦢꦢꦶꦧꦔꦼꦠ꧀ꦗꦸꦒꦿꦸꦒ꧀ꦒꦺ꧉ ꧉

---

꧋ꦧꦧ꧀ꦏꦥꦶꦁꦥꦶꦠꦸ꧉

꧑꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦱꦮꦸꦱ꧀ꦱꦺꦤꦼꦭꦱ꧀ꦥꦔꦤ꧀ꦢꦶꦏꦤ꧀ꦤꦺꦲꦶꦏꦸꦩꦲꦸꦏꦧꦺꦃ꧈ꦫꦶꦤꦸꦔꦸꦲꦶꦁꦧꦭ꧈ꦧꦚ꧀ꦗꦸꦂꦭꦸꦩꦼꦧꦸꦩꦫꦁꦏꦥꦽꦤ꧀ꦤꦏ꦳ꦸꦩ꧀꧉
꧒꧉ ꦠꦸꦩꦸꦭꦶꦲꦤꦮꦺꦴꦁꦧꦠꦸꦂꦫꦺꦭꦸꦫꦃꦲꦶꦁꦥꦿꦗꦸꦫꦶꦠ꧀ꦱꦠꦸꦱ꧀꧈ꦭꦫꦧꦔꦼꦠ꧀ꦲꦉꦥ꧀ꦩꦠꦶ꧈ꦢꦺꦤ꧀ꦤꦺꦧꦠꦸꦂꦫꦶꦏꦸꦏꦶꦤ꧀ꦤꦱꦶꦪꦤ꧀ꦲꦶꦁꦧꦼꦤ꧀ꦢꦫꦤ꧀ꦤꦺ꧉
꧓꧉ ꦭꦸꦫꦃꦩꦲꦸꦧꦉꦁꦔꦿꦸꦔꦸꦥꦮꦼꦂꦠꦩꦫꦁꦲꦶꦁꦔꦠꦱ꧀ꦱꦺꦪꦺꦯꦸꦱ꧀꧈ꦠꦸꦩꦸꦭꦶꦲꦸꦠꦸꦱ꧀ꦱꦤ꧀ꦏꦩꦶꦠꦸꦮꦤ꧀ꦤꦺꦮꦺꦴꦁꦪꦲꦸꦢꦶꦩꦫꦁꦪꦺꦯꦸꦱ꧀꧈ꦥꦤ꧀ꦚꦸꦮꦸꦤ꧀ꦤꦺꦩꦸꦒꦩꦸꦒꦲꦤ꧀ꦤꦼꦣꦏ꧀ꦏꦤ꧈ꦲꦤ꧀ꦚꦫꦱ꧀ꦱꦼꦤ꧀ꦤꦩꦫꦁꦧꦠꦸꦂꦫꦺ꧉
꧔꧉ ꦢꦺꦤ꧀ꦤꦺꦲꦸꦠꦸꦱ꧀ꦱꦤ꧀ꦩꦲꦸꦱꦮꦸꦱ꧀ꦱꦺꦲꦸꦩꦉꦏ꧀ꦩꦫꦁꦪꦺꦯꦸꦱ꧀꧈ꦥꦣꦧꦔꦼꦠ꧀ꦒꦺꦴꦤ꧀ꦤꦺꦲꦤ꧀ꦚꦸꦚꦸꦮꦸꦤ꧀꧈ꦲꦠꦸꦂꦫꦺ꧈ꦥꦤ꧀ꦠꦼꦱ꧀ꦪꦺꦤ꧀ꦱꦩ꧀ꦥꦺꦪꦤ꧀ꦲꦔ꧀ꦭꦼꦒꦤ꧀ꦤꦤꦣꦠꦼꦁꦥꦤ꧀ꦚꦸꦮꦸꦤ꧀ꦤꦶꦥꦸꦤ꧀ꦠꦶꦪꦁꦥꦸꦤ꧀ꦤꦶꦏ꧉
꧕꧉ ꦲꦮꦶꦠ꧀ꦢꦺꦤ꧀ꦤꦶꦁꦠꦶꦪꦁꦥꦸꦤ꧀ꦤꦶꦏꦲꦠꦽꦰ꧀ꦮꦣꦠꦼꦁꦧꦺꦴꦁꦱꦏꦮꦸꦭ꧈ꦱꦂꦠꦱꦩ꧀ꦥꦸꦤ꧀ꦲ[ꦔ]ꦱꦏ꧀ꦲꦏꦼꦤ꧀ꦩꦼꦱ꧀ꦗꦶꦢ꧀ꦝꦠꦼꦁꦏꦮꦸꦭ꧉
꧖꧉ ꦪꦺꦯꦸꦱ꧀ꦠꦸꦩꦸꦭꦶꦠꦼꦣꦏ꧀ꦏꦣꦺꦫꦺꦏ꧀ꦲꦏꦺꦲꦶꦁꦔꦸꦠꦸꦱ꧀ꦱꦤ꧀ꦩꦲꦸ꧈ꦧꦉꦁꦲꦤ꧀ꦠꦫꦮꦸꦱ꧀ꦕꦼꦣꦏ꧀ꦲꦶꦁꦔꦺꦴꦩꦃꦲꦺ꧈ꦭꦸꦫꦃꦥꦿꦗꦸꦫꦶꦠ꧀ꦱꦠꦸꦱ꧀ꦩꦲꦸꦲꦸꦠꦸꦱ꧀ꦱꦤ꧀ꦩꦤ꧀ꦤꦺꦃꦥꦿꦱꦺꦴꦧꦠ꧀ꦠꦤ꧀ꦤꦺꦩꦫꦁꦪꦺꦯꦸꦱ꧀꧈ꦲꦠꦸꦂꦫꦺ꧈ꦓꦸꦱ꧀ꦡꦶ꧈ꦱꦩ꧀ꦥꦸꦤ꧀ꦱ [ 160 ]ꦩ꧀ꦥꦺꦪꦤ꧀ꦱꦸꦱꦃ꧈ꦲꦮꦶꦠ꧀ꦢꦺꦤ꧀ꦤꦶꦁꦧꦺꦴꦠꦼꦤ꧀ꦥꦤ꧀ꦠꦼꦱ꧀꧈ꦪꦺꦤ꧀ꦱꦩ꧀ꦥꦺꦪꦤ꧀ꦭꦸꦩꦼꦧꦼꦠ꧀ꦠꦣꦠꦼꦁꦥꦪꦺꦴꦤ꧀ꦤꦶꦁꦒꦿꦶꦪꦏꦮꦸꦭ꧉
꧗꧉ ꦩꦶꦭꦥꦤ꧀ꦢꦸꦒꦶꦏꦮꦸꦭꦧꦺꦴꦠꦼꦤ꧀ꦥꦤ꧀ꦠꦼꦱ꧀꧈ꦪꦺꦤ꧀ꦏꦮꦸꦭꦲꦩꦸꦫꦸꦒ꧀ꦒꦤꦣꦠꦼꦁꦱꦩ꧀ꦥꦺꦪꦤ꧀꧈ꦤꦔꦶꦁꦱꦩ꧀ꦥꦺꦪꦤ꧀ꦩꦸꦒꦶꦲꦟ꧀ꦝꦮꦃꦲꦤꦥꦔꦤ꧀ꦢꦶꦏꦏꦶꦩꦮꦺꦴꦤ꧀꧈ꦱꦂꦠꦫꦺꦚ꧀ꦕꦁꦏꦮꦸꦭꦠꦸꦩꦸꦤ꧀ꦠꦼꦤ꧀ꦱꦫꦱ꧀꧉
꧘꧉ ꦲꦮꦶꦠ꧀ꦢꦺꦤ꧀ꦤꦺꦏꦮꦸꦭꦥꦸꦤ꧀ꦤꦶꦏꦠꦶꦪꦁꦏꦭꦺꦫꦺꦪꦤ꧀꧈ꦏꦮꦸꦭꦥꦸꦤ꧀ꦤꦶꦏꦲꦶꦁꦒꦶꦃꦲꦔꦿꦺꦃꦲꦏꦼꦤ꧀ꦝꦠꦼꦁꦥꦿꦗꦸꦫꦶꦠ꧀꧈ꦲꦶꦁꦏꦁꦱꦲꦸꦥꦩꦶꦏꦮꦸꦭꦲꦟ꧀ꦝꦮꦃꦲꦶꦣꦠꦼꦁꦱꦭꦃꦱꦠꦸꦁꦒꦶꦭ꧀ꦭꦶꦥꦸꦤ꧀꧈ꦏꦺꦴꦮꦺꦭꦸꦔꦲ꧈ꦲꦶꦁꦒꦶꦃꦭꦗꦼꦁꦏꦺꦱꦃ꧈ꦲꦸꦠꦮꦶꦣꦠꦼꦁꦱꦠꦸꦁꦒꦶꦭ꧀ꦭꦶꦥꦸꦤ꧀ꦩꦭꦶꦃ꧈ꦏꦺꦴꦮꦺꦩꦫꦺꦤ꧀ꦤꦺꦪ꧈ꦲꦶꦁꦒꦶꦃꦭꦗꦼꦁꦣꦠꦼꦁ꧈ꦠꦸꦮꦶꦤ꧀ꦝꦠꦼꦁꦫꦺꦚ꧀ꦕꦁꦏꦮꦸꦭ꧈ꦲꦶꦏꦸꦏꦺꦴꦮꦺꦭꦏꦺꦴꦤ꧀ꦤꦤ꧈ꦲꦶꦁꦒꦶꦃꦭꦗꦼꦁꦲꦔ꧀ꦭꦩ꧀ꦥꦃꦲꦶ꧉
꧙꧉ ꦩꦺꦴꦁꦏꦪꦺꦯꦸꦱ꧀ꦱꦥꦩꦶꦉꦁꦔꦺꦲꦠꦸꦂ ꦫꦤ꧀ꦤꦶꦏꦸꦩꦲꦸ꧈ꦮꦸꦱ꧀ꦏꦲꦺꦫꦩ꧀ꦩꦤ꧀ꦱꦂꦠꦤꦺꦴꦭꦺꦃꦩꦫꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦏꦁꦥꦣꦲꦟ꧀ꦝꦺꦫꦺꦏ꧀꧈ꦥꦔꦔ꧀ꦢꦶꦏꦤ꧀ꦤꦺ꧈ꦲꦏꦸꦥꦶꦠꦸꦠꦸꦂꦩꦫꦁꦏꦺꦴꦮꦺ꧈ꦪꦺꦤ꧀ꦲꦶꦁꦆꦱꦿꦆꦭ꧀ꦲꦏꦸꦢꦸꦫꦸꦁꦮꦼꦂꦫꦸꦃꦮꦺꦴꦁꦏꦁꦢꦸꦮꦺꦥꦔꦤ꧀ꦢꦼꦭ꧀ꦏꦪꦩꦼꦁꦏꦺꦴꦤ꧀ꦤꦺꦴ꧉
꧑꧐꧉ ꦢꦺꦤ꧀ꦤꦺꦲꦸꦠꦸꦱ꧀ꦱꦤ꧀ꦩꦲꦸꦱꦮꦸꦱ꧀ꦱꦺꦩꦸꦭꦶꦃ꧈ꦧꦠꦸꦂꦏꦁꦭꦫꦩꦲꦸꦮꦸꦱ꧀ꦏꦠꦼꦩꦸꦮꦫꦱ꧀꧉ ꧉
꧑꧑꧉ ꧋ꦩꦺꦴꦁꦏꦧꦉꦁꦠꦸꦩꦼꦏꦲꦺꦱꦸꦏ꧀ꦏꦺ꧈ꦪꦺꦯꦸꦱ꧀ꦠꦼꦣꦏ꧀ꦩꦫꦁꦤꦒꦫꦁꦏꦁꦢꦶꦲꦫꦤ꧀ꦤꦶꦤꦆꦤ꧀꧈ꦭꦤ꧀ꦱꦏ꦳ꦧꦠ꧀ꦠꦺꦲꦏꦺꦃꦠꦸꦮꦶꦤ꧀ꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦲꦏꦺꦃꦏꦁꦥꦣꦲꦟ꧀ꦝꦺꦫꦺꦏ꧀꧉
꧑꧒꧉ ꦧꦉꦁꦮꦸꦱ꧀ꦕꦼꦣꦏ꧀ꦭꦮꦁꦔꦶꦁꦤꦒꦫ꧈ꦠꦸꦩꦸꦭꦶꦲꦤꦭꦪꦺꦴꦤ꧀ꦒꦶꦤ꧀ꦤꦮꦩꦼꦠꦸ꧈ꦲꦶꦏꦸꦲꦤ꧀ꦤꦏ꧀ꦲꦺꦴꦤ꧀ꦠꦁꦔꦤ꧀ꦠꦶꦁ꧈ꦧꦶꦪꦸꦁꦔꦼꦤ꧀ꦤꦺꦫꦺꦴꦟ꧀ꦝ꧈ꦱꦂꦠꦮꦺꦴꦁꦤꦼꦒꦫꦏꦺꦴꦤ꧀ꦤꦺꦴꦲꦏꦺꦃꦏꦁꦥꦣꦔꦼꦠꦼꦂꦫꦏꦺ꧉
꧑꧓꧉ ꦢꦺꦤ꧀ꦤꦺꦓꦸꦰ꧀ꦛꦶꦧꦉꦁꦩꦶꦂꦰꦩꦫꦁꦫꦺꦴꦟ꧀ꦝꦩꦲꦸ꧈ꦫꦸꦤ꧀ꦠꦸꦃꦲꦶꦁꦏꦮꦼꦭꦱ꧀ꦱꦤ꧀ꦤꦺꦱꦂꦠꦲꦔꦤ꧀ꦢꦶꦏꦩꦫꦁꦫꦺꦴꦟ꧀ꦝꦲꦶꦏꦸꦩꦲꦸ꧈ꦲꦗꦏꦺꦴꦮꦺꦤꦔꦶꦱ꧀꧉
꧑꧔꧉ ꦪꦺꦯꦸꦱ꧀ꦠꦸꦩꦸꦭꦶꦩꦉꦥꦼꦏ꧀ꦏꦶꦲꦤ꧀ꦚꦟ꧀ꦝꦏ꧀ꦩꦫꦁꦲꦩ꧀ꦧꦺꦤ꧀ꦤꦺꦩ꧀ꦧꦺꦤ꧀ꦤꦤ꧀ꦤꦶꦁꦭꦪꦺꦴꦤ꧀꧈ꦮꦺꦴꦁꦏꦁꦲꦁꦒꦺꦴꦠꦺꦴꦁꦠꦸꦩꦸꦭꦶꦩꦟ꧀ꦝꦼꦒ꧀꧈ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦺꦃꦮꦺꦴꦁꦔꦤ꧀ꦤꦺꦴꦩ꧀꧈ꦣꦮꦸꦃꦏꦸꦩꦫꦁꦏꦺꦴꦮꦺꦠꦔꦶꦪ꧉
꧑꧕꧉ ꦢꦺꦤ꧀ꦤꦺꦮꦺꦴꦁꦏꦁꦮꦸꦱ꧀ꦩꦠꦶꦩꦲꦸ ꦲꦔꦢꦼꦒ꧀ꦱꦂꦠꦲꦮꦶꦠ꧀ꦕꦭꦛꦸ꧈ꦠꦸꦩꦸꦭꦶꦥꦶꦤ꧀ꦤꦱꦿꦃꦲꦏꦺꦩꦫꦁꦧꦶꦪꦸꦁꦔꦼꦤ꧀ꦤꦺ꧉
꧑꧖꧉ ꦩꦺꦴꦁꦏꦱꦏꦺꦃꦲꦶꦁꦔꦸꦮꦺꦴꦁꦥꦣꦧꦔꦼꦠ꧀ꦮꦼꦢꦶꦤ꧀ꦤꦺ꧈ꦱꦂꦠꦥꦣꦲꦶꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧈ꦥꦔꦸꦕꦥ꧀ꦥꦺ꧈ꦟꦧꦶꦒꦼꦣꦺꦮꦸꦱ꧀ꦗꦸꦩꦼꦤ꧀ꦤꦼꦁꦲꦤꦲꦶꦁꦠꦼꦔꦃꦏꦸ꧈ꦱꦂꦠꦄꦭ꧀ꦭꦃꦮꦸꦱ꧀ꦲꦤꦸꦮꦺꦤ꧀ꦤꦶꦩꦫꦁꦧꦁꦱꦤ꧀ꦤꦺ꧉
꧑꧗꧉ ꦩꦺꦴꦁꦏꦥꦿꦏꦫꦲꦶꦏꦸꦮꦸꦱ꧀ꦏꦮꦼꦤ꧀ꦠꦂꦲꦶꦁꦠꦤ꧀ꦤꦃꦪꦲꦸꦢꦶꦏꦧꦺꦃ꧈ꦭꦤ꧀ꦱꦮꦮꦼꦁꦏꦺꦴꦤ꧀ꦤꦺꦏꦧꦺꦃ꧉ ꧉
꧑꧘꧉ ꧋ꦩꦺꦴꦁꦏꦱꦏ꦳ꦧꦠ꧀ꦠꦺꦪꦺꦴꦏ꦳ꦤ꧀ꦤꦤ꧀ꦥꦣꦲꦸꦩꦠꦸꦂꦩꦸꦁꦒꦸꦃꦥꦿꦏꦫꦲꦶꦏꦸꦩꦲꦸꦏꦧꦺꦃ꧉
꧑꧙꧉ ꦪꦺꦴꦏ꦳ꦤ꧀ꦤꦤ꧀ꦠꦸꦩꦸꦭꦶꦲꦤ꧀ꦤꦶꦩ꧀ꦧꦭ꧀ꦭꦶꦱꦏ꦳ꦧꦠ꧀ꦠꦺꦭꦺꦴꦫꦺꦴ꧈ꦥꦣꦏꦲꦸꦠꦸꦱ꧀ꦩꦫꦁ [ 161 ]ꦪꦺꦯꦸꦱ꧀꧈ꦏꦶꦤ꧀ꦤꦺꦴꦤ꧀ꦩꦠꦸꦂ꧈ꦥꦸꦤ꧀ꦤꦥꦱꦩ꧀ꦥꦺꦪꦤ꧀ꦲꦶꦁꦏꦁꦲꦤ꧀ꦤꦼꦣꦏ꧀ꦏꦶ꧈ꦥꦸꦤ꧀ꦤꦥꦏꦮꦸꦭꦲꦔꦼꦤ꧀ꦠꦺꦴꦱ꧀ꦱꦶꦲꦶꦁꦱꦤ꧀ꦤꦺꦱ꧀ꦱꦶꦥꦸꦤ꧀꧉
꧒꧐꧉ ꦮꦺꦴꦁꦩꦲꦸꦱꦮꦸꦱ꧀ꦱꦺꦲꦸꦩꦉꦏ꧀ꦩꦫꦁꦪꦺꦯꦸꦱ꧀꧈ꦥꦣꦲꦸꦩꦠꦸꦂ꧈ꦏꦮꦸꦭꦱꦩꦶꦲꦶꦁꦔꦸꦠꦸꦱ꧀ꦢꦺꦤ꧀ꦤꦶꦁꦪꦺꦴꦏ꦳ꦤ꧀ꦤꦤ꧀ꦧꦥ꧀ꦡꦶꦱ꧀ꦠ꧈ꦱꦺꦴꦮꦤ꧀ꦲꦶꦁꦱꦩ꧀ꦥꦺꦪꦤ꧀꧈ꦲꦠꦸꦂꦫꦶꦥꦸꦤ꧀꧈ꦥꦸꦤ꧀ꦤꦥꦱꦩ꧀ꦥꦺꦪꦤ꧀ꦲꦶꦁꦏꦁꦲꦤ꧀ꦤꦼꦣꦏ꧀ꦏꦶ꧈ꦥꦸꦤ꧀ꦤꦥꦏꦮꦸꦭꦲꦔꦼꦤ꧀ꦠꦺꦴꦱ꧀ꦱꦶꦲꦶꦁꦱꦤ꧀ꦤꦺꦱ꧀ꦱꦶꦥꦸꦤ꧀꧉
꧒꧑꧉ ꦩꦺꦴꦁꦏꦪꦺꦯꦸꦱ꧀ꦤꦭꦶꦏꦲꦶꦏꦸꦥꦤꦸꦗꦸꦲꦤ꧀ꦚꦫꦱ꧀ꦱꦏꦺꦩꦫꦁꦱꦏꦺꦃꦲꦶꦁꦮꦺꦴꦁꦭꦫꦱꦂꦠꦮꦺꦴꦁꦏꦼꦤ꧀ꦤꦲꦶꦁꦩꦼꦩꦭ꧈ꦲꦸꦠꦮꦮꦺꦴꦁꦏꦁꦏꦥꦚ꧀ꦗꦶꦁꦔꦤ꧀ꦱꦺꦠꦤ꧀ꦲꦭ꧈ꦭꦤ꧀ꦮꦺꦴꦁ​ꦮꦸꦠꦲꦏꦺꦃꦏꦁꦥꦣꦥꦶꦤ꧀ꦤꦫꦶꦁꦔꦤ꧀ꦧꦶꦱꦲꦤ꧀ꦢꦼꦊꦁ꧉
꧒꧒꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏꦩꦫꦁꦲꦸꦠꦸꦱ꧀ꦱꦤ꧀ꦩꦲꦸ꧈ꦏꦺꦴꦮꦺꦩꦸꦭꦶꦪꦥꦣꦲꦁꦔꦠꦸꦂꦉꦤ꧀ꦤꦩꦫꦁꦪꦺꦴꦏ꦳ꦤ꧀ꦤꦤ꧀꧈ꦲꦥꦏꦁꦮꦸꦱ꧀ꦏꦺꦴꦮꦺꦢꦼꦊꦁꦭꦤ꧀ꦲꦥꦏꦁꦮꦸꦱ꧀ꦏꦺꦴꦮꦺꦫꦸꦔꦺꦴꦏ꧀ꦲꦏꦺ꧈ꦮꦺꦴꦁꦮꦸꦠꦧꦶꦱꦲꦤ꧀ꦢꦼꦊꦁꦩꦤ꧀ꦤꦺꦃ꧈ꦮꦺꦴꦁꦭꦸꦩ꧀ꦥꦸꦃꦧꦶꦱꦭꦸꦩꦏꦸ꧈ꦮꦺꦴꦁꦭꦫꦧꦫꦃꦲꦼꦤ꧀ꦥꦣꦩꦸꦭꦾ꧈ꦮꦺꦴꦁꦧꦸꦣꦼꦒ꧀ꦧꦶꦱꦲꦔꦿꦔꦸ꧈ꦮꦺꦴꦁꦩꦠꦶꦥꦣꦢꦶꦲꦸꦫꦶꦥ꧀ꦥꦏꦺ꧈ꦮꦺꦴꦁꦩꦶꦱ꧀ꦏꦶꦤ꧀ꦥꦣꦏꦮꦼꦂꦫꦠꦤ꧀ꦲꦶꦚ꧀ꦗꦶꦭ꧀꧉
꧒꧓꧉ꦭꦤ꧀ꦫꦃꦲꦪꦸꦮꦺꦴꦁꦏꦁꦲꦺꦴꦫꦏꦱꦟ꧀ꦝꦸꦁꦲꦶꦁꦔꦏꦸ꧉
꧒꧔꧉ ꦱꦲꦸꦁꦏꦸꦂꦫꦺꦱꦏ꦳ꦧꦠ꧀ꦠꦺꦪꦺꦴꦏ꦳ꦤ꧀ꦤꦤ꧀ꦩꦲꦸ꧈ꦪꦺꦯꦸꦱ꧀ꦲꦮꦶꦠ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦩꦸꦁꦒꦸꦃ ꦲꦶꦁꦔꦠꦱ꧀ꦱꦺꦪꦺꦴꦏ꦳ꦤ꧀ꦤꦤ꧀​꧈ꦲꦺꦴꦭꦺꦃꦩꦸꦥꦣꦩꦼꦠꦸꦩꦼꦤ꧀ꦚꦁꦲꦶꦁꦔꦫꦲꦫꦲꦶꦏꦸ꧈ꦏꦺꦴꦮꦺꦲꦉꦥ꧀ꦢꦼꦊꦁꦲꦥ꧈ꦲꦥꦩꦫꦁꦮꦸꦭꦸꦃꦏꦁꦩꦺꦴꦧꦠ꧀ꦩꦧꦶꦠ꧀ꦏꦼꦤ꧀ꦤꦲꦶꦁꦔꦔꦶꦤ꧀꧉
꧒꧕꧉ ꦭꦤ꧀ꦲꦺꦴꦭꦺꦃꦩꦸꦩꦼꦠꦸꦲꦉꦥ꧀ꦢꦼꦊꦁꦲꦥ꧈ꦲꦥꦩꦫꦁꦮꦺꦴꦁꦏꦁꦲꦔꦁꦒꦺꦴꦲꦁꦒꦺꦴꦱꦟ꧀ꦝꦁꦔꦤ꧀ꦭꦼꦩꦼꦱ꧀꧈ꦮꦼꦂꦫꦸꦃꦲꦤ꧀ꦤꦩꦸꦮꦺꦴꦁꦏꦁꦲꦔꦁꦒꦺꦴꦲꦁꦒꦺꦴꦱꦟ꧀ꦝꦁꦔꦤ꧀ꦏꦁꦒꦸꦩꦼꦧꦾꦂ꧈ꦱꦂꦠꦮꦺꦴꦁꦏꦁꦥꦣꦤꦼꦩꦸꦏꦥꦺꦤ꧀ꦤꦏ꧀꧈ꦲꦶꦏꦸꦲꦼꦁꦒꦺꦴꦤ꧀ꦤꦺꦲꦤꦢꦊꦩ꧀ꦩꦶꦁꦥꦫꦫꦗ꧉
꧒꧖꧉ ꦭꦤ꧀ꦩꦤ꧀ꦤꦶꦁꦔꦺꦲꦺꦴꦭꦺꦃꦩꦸꦩꦼꦠꦸꦲꦉꦥ꧀ꦢꦼꦊꦁꦲꦥ꧈ꦲꦥꦩꦫꦁꦟꦨꦶ꧈ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦶꦪꦲꦶꦏꦸꦩꦭꦃꦏꦁꦲꦔꦸꦁꦏꦸꦭ꧀ꦭꦶꦱꦏꦟꦨꦶ꧉
꧒꧗꧉ ꦢꦺꦤ꧀ꦤꦺꦪꦺꦴꦏ꦳ꦤ꧀ꦤꦤ꧀ꦤꦶꦏꦸꦮꦸꦱ꧀ꦏꦱꦼꦧꦸꦠ꧀ꦲꦤꦲꦶꦁꦠꦸꦠꦸꦭꦶꦱ꧀ꦱꦤ꧀꧈ꦭꦃꦲꦶꦁꦯꦸꦤ꧀ꦲꦔꦸꦠꦸꦱ꧀ꦩꦭꦲꦺꦏꦠ꧀ꦠꦶꦁꦯꦸꦤ꧀ꦩꦫꦁꦲꦶꦁꦔꦉꦥ꧀ꦥꦶꦫ꧈ꦏꦁꦧꦏꦭ꧀ꦔꦿꦠꦲꦶꦁꦢꦼꦢꦭꦤ꧀ꦤꦶꦫꦲꦤꦲꦶꦁꦔꦉꦥ꧀ꦥꦤ꧀ꦤꦶꦫ꧉
꧒꧘꧉ ꦲꦮꦶꦠ꧀ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺꦴ꧈ꦱꦏꦺꦃꦲꦶꦁꦔꦸꦮꦺꦴꦁꦏꦁꦥꦣꦭꦲꦶꦂꦱꦏꦲꦶꦁꦮꦺꦴꦁꦮꦢꦺꦴꦤ꧀꧈ꦲꦺꦴꦫꦤ꧀ꦤꦤꦟꦨꦶꦏꦁꦲꦔꦸꦁꦏꦸꦭ꧀ꦭꦶꦩꦫꦁꦪꦺꦴꦏ꦳ꦤ꧀ꦤꦤ꧀ꦧꦥ꧀ꦠꦶꦱ꧀ꦡ꧈ꦱꦸꦥꦿꦤ꧀ꦢꦺꦤ꧀ꦤꦺꦮꦺꦴꦁꦏꦁꦕꦶꦭꦶꦏ꧀ꦝꦺꦮꦺꦲꦤꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧈ꦲꦶꦏꦸꦲꦔꦸꦁꦏꦸꦭ꧀ꦭꦶꦩꦫꦁꦪꦺꦴꦏ꦳ꦤ꧀ꦤꦤ꧀꧉
꧒꧙꧉ ꦢꦺꦤ꧀ꦤꦺꦧꦭꦏꦧꦺꦃꦲꦸꦠꦮꦮꦺꦴꦁꦩꦸꦥꦸꦧꦺꦪꦥꦣꦲꦔꦺꦱ꧀ꦠꦺꦴꦏ꧀ꦲꦏꦺꦩꦫꦶꦁꦄꦭ꧀ꦭꦃ꧈ꦥꦣꦱꦶꦤ꧀ꦤꦭꦸꦭꦸꦥ꧀ꦥꦏꦺꦲꦶꦁꦥꦤ꧀ꦚꦭꦸꦭꦸꦥ꧀ꦥꦤ꧀ꦤꦺꦪꦺꦴꦏ꦳ꦤ꧀ꦤꦤ꧀꧉
꧓꧐꧉ ꦢꦺꦤ꧀ꦤꦺꦮꦺꦴꦁꦥꦫꦶꦱꦶꦲꦸꦠꦮꦥꦫꦔꦸꦭꦩ꧈ꦥꦣꦲꦩ꧀ꦧꦠꦭ꧀ꦭꦏꦺ [ 162 ]ꦩꦫꦁꦏꦂꦰꦤ꧀ꦤꦶꦁꦄꦭ꧀ꦭꦃ꧈ꦲꦶꦁꦏꦠꦸꦤ꧀ꦤꦤ꧀ꦤꦺꦣꦺꦮꦺ꧈ꦥꦣꦲꦺꦴꦫꦱꦶꦤ꧀ꦤꦭꦸꦭꦸꦥ꧀ꦥꦏꦺꦢꦺꦤ꧀ꦤꦶꦁꦪꦺꦴꦏ꦳ꦤ꧀ꦤꦤ꧀꧉
꧓꧑꧉ ꦥꦔꦤ꧀ꦢꦶꦏꦤ꧀ꦤꦶꦁꦓꦸꦱ꧀ꦡꦶ꧈ꦩꦸꦁꦒꦸꦃꦮꦺꦴꦁꦧꦺꦴꦁꦱꦲꦶꦏꦶꦠꦏ꧀ꦲꦸꦥꦩꦏ꧀ꦲꦏꦺꦲꦥ꧈ꦭꦤ꧀ꦥꦥꦣꦤ꧀ꦤꦺꦲꦥ꧉
꧓꧒꧉ ꦲꦸꦥꦩꦤ꧀ꦤꦺꦥꦣꦭꦤ꧀ꦧꦺꦴꦕꦃꦏꦁꦭꦸꦁꦒꦸꦃꦲꦤꦲꦶꦁꦥꦱꦂ꧈ꦏꦁꦲꦤ꧀ꦚꦼꦭꦛꦺꦴꦤ꧀ꦤꦶꦩꦫꦁꦫꦺꦴꦮꦁꦔꦺ꧈ꦥꦔꦸꦕꦥ꧀ꦥꦺ꧈ꦏꦺꦴꦮꦺꦮꦸꦱ꧀ꦠꦏ꧀ꦱꦸꦭꦶꦁꦔꦶ꧈ꦤꦔꦶꦁꦏꦺꦴꦮꦺꦲꦺꦴꦫꦲꦚ꧀ꦗꦺꦴꦒꦺꦠ꧀꧈ꦏꦺꦴꦮꦺꦮꦸꦱ꧀ꦠꦏ꧀ꦱꦱꦩ꧀ꦧꦠ꧀ꦠꦶ꧈ꦤꦔꦶꦁꦏꦺꦴꦮꦺꦲꦺꦴꦫꦲꦤ꧀ꦤꦔꦶꦱ꧀꧉
꧓꧓꧉ ꦱꦧꦧ꧀ꦠꦼꦏꦤ꧀ꦤꦺꦪꦺꦴꦏ꦳ꦤ꧀ꦤꦤ꧀ꦧꦥ꧀ꦠꦶꦱ꧀ꦡ꧈ꦲꦺꦴꦫꦩꦔꦤ꧀ꦫꦺꦴꦠꦶ꧈ꦲꦺꦴꦫꦔꦺꦴꦩ꧀ꦧꦺꦲꦁꦒꦸꦂ꧈ꦩꦺꦴꦁꦏꦥꦔꦸꦕꦥ꧀ꦩꦸ꧈ꦮꦺꦴꦁꦔꦶꦏꦸꦏꦫꦚ꧀ꦗꦶꦁꦔꦤ꧀ꦱꦺꦠꦤ꧀꧉
꧓꧔꧉ ꦢꦺꦤ꧀ꦤꦺꦫꦮꦸꦃꦲꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦲꦩꦁꦔꦤ꧀ꦭꦤ꧀ꦲꦔꦺꦴꦩ꧀ꦧꦺ꧈ꦩꦺꦴꦁꦏꦥꦔꦸꦕꦥ꧀ꦩꦸ꧈ꦭꦃꦮꦺꦴꦁꦢꦽꦩ꧀ꦧꦺꦭꦤ꧀ꦏꦉꦩ꧀ꦔꦺꦴꦩ꧀ꦧꦺꦲꦁꦒꦸꦂ꧈ꦥꦿꦱꦺꦴꦧꦠ꧀ꦠꦤ꧀ꦤꦺꦮꦺꦴꦁꦩꦸꦥꦸꦧꦺꦪꦭꦤ꧀ꦮꦺꦴꦁꦢꦺꦴꦢꦺꦴꦱꦤ꧀꧉
꧓꧕꧉ ꦢꦺꦤ꧀ꦤꦺꦩꦸꦁꦒꦸꦃꦲꦶꦁꦔꦠꦱ꧀ꦱꦺꦏꦮꦶꦕꦶꦏ꧀ꦱꦤ꧀ꦤꦤ꧀ꦤꦶꦏꦸ꧈ꦏꦲꦺꦱ꧀ꦠꦺꦴꦏ꧀ꦲꦏꦺꦩꦫꦁꦲꦶꦁꦔꦤ꧀ꦤꦏ꧀ꦏꦺꦏꦧꦺꦃ꧉ ꧉
꧓꧖꧉ ꧋ꦲꦤꦱꦮꦶꦗꦶꦲꦸꦮꦺꦴꦁꦥꦫꦶꦱꦶꦲꦔꦠꦸꦂꦫꦶꦣꦲꦂꦩꦫꦁꦪꦺꦯꦸꦱ꧀꧈ꦱꦮꦸꦱ꧀ꦱꦺꦭꦸꦩꦼꦧꦸꦩꦫꦁꦔꦺꦴꦩꦃꦲꦺꦮꦺꦴꦁꦥꦫꦶꦱꦶꦩꦲꦸ꧈ꦧꦚ꧀ꦗꦸꦂꦊꦁꦒꦃ꧉
꧓꧗꧉ ꦩꦺꦴꦁꦏꦲꦶꦁꦤꦼꦒꦫꦏꦺꦴꦤ꧀ꦤꦺꦴꦲꦤꦱꦮꦶꦗꦶꦮꦺꦴꦁꦮꦢꦺꦴꦤ꧀꧈ꦏꦁꦏꦊꦧꦸꦲꦶꦁꦢꦺꦴꦢꦺꦴꦱꦤ꧀꧈ꦮꦺꦴꦁꦮꦢꦺꦴꦤ꧀ꦩꦲꦸꦧꦉꦁꦮꦼꦂꦫꦸꦃ꧈ꦪꦺꦤ꧀ꦪꦺꦯꦸꦱ꧀ꦥꦶꦤ꧀ꦤꦫꦏ꧀ꦲꦤꦔꦺꦴꦩꦃꦲꦺꦮꦺꦴꦁꦥꦫꦶꦱꦶ꧈ꦲꦁꦒꦮꦕꦸꦥꦸꦲꦶꦱꦶꦤ꧀ꦤꦺꦲꦼꦩꦸꦂ꧉
꧓꧘꧉ ꦧꦚ꧀ꦗꦸꦂꦲꦔꦢꦼꦒ꧀ꦲꦤꦲꦶꦁꦧꦸꦫꦶꦤ꧀ꦤꦺꦱꦸꦏꦸꦤ꧀ꦤꦺꦪꦺꦯꦸꦱ꧀ꦱꦂꦮꦶꦲꦤ꧀ꦤꦔꦶꦱ꧀꧈ꦢꦢꦶꦭꦸꦃꦲꦺꦲꦩꦶꦗꦶꦏ꧀ꦏꦶꦩꦫꦁꦱꦸꦏꦸꦤ꧀ꦤꦺꦪꦺꦯꦸꦱ꧀꧈ꦱꦂꦠꦫꦩ꧀ꦧꦸꦠ꧀ꦠꦶꦁꦔꦼꦟ꧀ꦝꦱ꧀ꦱꦺꦏꦶꦤ꧀ꦤꦂꦪꦲꦔꦸꦱꦥ꧀ꦥꦶ꧈ꦭꦤ꧀ꦠꦤ꧀ꦱꦃꦒꦺꦴꦤ꧀ꦤꦺꦲꦔꦸꦗꦸꦁꦩꦫꦁꦱꦸꦏꦸꦤ꧀ꦤꦺ꧈ꦱꦂꦠꦏꦶꦤ꧀ꦤꦺꦴꦤ꧀ꦚꦺꦴꦃꦲꦤ꧀ꦲꦶꦁꦔꦼꦩꦸꦂ꧉
꧓꧙꧉ ꦢꦺꦤ꧀ꦤꦺꦮꦺꦴꦁꦥꦫꦶꦱꦶꦏꦁꦲꦔꦠꦸꦂꦫꦶꦣꦲꦂꦩꦫꦁꦪꦺꦯꦸꦱ꧀ꦩꦲꦸ꧈ꦧꦉꦁꦮꦼꦂꦫꦸꦃꦲꦔꦸꦕꦥ꧀ꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺ꧈ꦥꦔꦸꦕꦥ꧀ꦥꦺ꧈ꦪꦺꦤ꧀ꦮꦺꦴꦁꦔꦶꦏꦸꦟꦨꦶꦲꦩꦼꦰ꧀ꦛꦶꦱꦸꦩꦸꦫꦸꦥ꧀꧈ꦩꦫꦁꦮꦺꦴꦁꦮꦢꦺꦴꦤ꧀ꦏꦁꦲꦁꦒꦼꦥꦺꦴꦏ꧀ꦲꦶꦏꦸꦱꦥ꧈ꦭꦤ꧀ꦭꦏꦸꦤ꧀ꦤꦺꦲꦥ꧈ꦱꦧꦧ꧀ꦲꦶꦏꦸꦮꦺꦴꦁꦢꦺꦴꦢꦺꦴꦱꦤ꧀꧉
꧔꧐꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸ ꦥꦔꦤ꧀ꦢꦶꦏꦩꦫꦁꦮꦺꦴꦁꦥꦫꦶꦱꦶꦩꦲꦸ꧈ꦲꦺꦃꦱꦶꦩꦺꦴꦤ꧀꧈ꦲꦏꦸꦢꦸꦮꦺꦕꦭꦛꦸꦩꦫꦁꦏꦺꦴꦮꦺ꧈ꦲꦠꦸꦂꦫꦺꦮꦺꦴꦁꦥꦫꦶꦱꦶ꧈ꦓꦸꦫꦸ꧈ꦱꦸꦩꦺꦴꦁꦒꦱꦩ꧀ꦥꦺꦪꦤ꧀ꦔꦤ꧀ꦢꦶꦏ꧉
꧔꧑꧉ ꦲꦤꦱꦮꦶꦗꦶꦲꦸꦮꦺꦴꦁꦲꦩꦺꦴꦠꦁꦔꦏꦺꦩꦫꦁꦮꦺꦴꦁꦭꦺꦴꦫꦺꦴ꧈ꦏꦁꦱꦮꦶꦗꦶꦲꦸꦠꦁꦔꦺꦭꦶꦩꦁꦔꦠꦸꦱ꧀ꦢꦶꦤ꧀ꦤꦂ꧈ꦏꦁꦱꦮꦶꦗꦶꦤ꧀ꦤꦺꦱꦺꦏꦼꦠ꧀ꦢꦶꦤ꧀ꦤꦂ꧉
꧔꧒꧉ ꦮꦺꦴꦁꦭꦺꦴꦫꦺꦴꦲꦶꦏꦸꦥꦣꦲꦺꦴꦫꦧꦶꦱꦚꦲꦸꦂ꧈ꦢꦢꦶꦱꦏꦫꦺꦴꦏꦫꦺꦴꦤ꧀ꦤꦺꦲꦸꦠꦁꦔꦺꦥꦣꦢꦶꦭꦶꦭꦏ꧀ꦲꦏꦺ꧈ꦏꦺꦴꦮꦺ ꦠꦸꦠꦸꦂꦫ꧈ꦮꦺꦴꦁꦭꦺꦴꦫꦺꦴꦩꦲꦸꦏꦁꦔ꧀ꦭꦸꦮꦶꦃꦲꦶꦠꦽꦱ꧀ꦤꦤ꧀ꦤꦺꦱꦶꦁꦔꦼꦤ꧀ꦢꦶ꧉
꧔꧓꧉ ꦩꦺꦴꦁꦏꦱꦶꦩꦺꦴꦤ꧀ꦲꦩꦁꦱꦸꦭ꧀ꦭꦶꦲꦠꦸꦂ꧈ꦥꦤ꧀ꦢꦸꦒꦶꦏꦸꦭꦠꦶꦪꦁꦲꦶꦁꦏꦁꦢꦶꦥꦸꦤ꧀ꦭꦶꦭꦏ꧀ꦲꦏꦼꦤ꧀ꦲꦶꦁꦏꦁꦏꦛꦃꦥꦶꦪꦩ꧀ꦧ [ 163 ]ꦏ꧀꧈ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦶꦪꦧꦼꦤ꧀ꦤꦼꦂꦥꦤ꧀ꦢꦸꦒꦩꦸ꧉
꧔꧔꧉ ꦪꦺꦯꦸꦱ꧀ꦠꦸꦩꦸꦭꦶꦲꦤ꧀ꦤꦺꦴꦭꦺꦃꦩꦫꦁꦮꦺꦴꦁꦮꦢꦺꦴꦤ꧀ꦱꦂꦠꦔꦤ꧀ꦢꦶꦏꦩꦫꦁꦱꦶꦩꦺꦴꦤ꧀꧈ꦏꦺꦴꦮꦺꦲꦥꦮꦼꦂꦫꦸꦃꦩꦫꦁꦮꦺꦴꦁꦮꦢꦺꦴꦤ꧀ꦤꦶꦏꦸ꧈ꦲꦏꦸꦮꦸꦱ꧀ꦭꦸꦩꦼꦧꦸꦲꦶꦁꦔꦺꦴꦩꦃꦩꦸ꧈ꦏꦺꦴꦮꦺꦲꦶꦏꦸꦲꦺꦴꦫꦔꦠꦸꦂꦫꦶꦧꦤ꧀ꦚꦸꦮꦶꦱꦸꦃꦲꦶꦁꦱꦶꦏꦶꦭ꧀ꦏꦸ꧈ꦢꦺꦤ꧀ꦤꦺꦮꦺꦴꦁꦮꦢꦺꦴꦤ꧀ꦤꦶꦏꦸꦮꦸꦱ꧀ꦲꦩꦶꦱꦸꦃꦲꦶꦱꦶꦏꦶꦭ꧀ꦏꦸꦏꦭꦮꦤ꧀ꦭꦸꦃꦲꦺ꧈ꦱꦂꦠꦫꦩ꧀ꦧꦸꦠ꧀ꦠꦺꦒꦶꦤ꧀ꦤꦮꦺꦲꦔꦸꦱꦥ꧀ꦥꦶ꧉
꧔꧕꧉ ꦏꦺꦴꦮꦺꦲꦺꦴꦫꦲꦔꦸꦗꦸꦁꦩꦫꦁꦔꦏꦸ꧈ꦢꦺꦤ꧀ꦤꦺꦮꦺꦴꦁꦮꦢꦺꦴꦤ꧀ꦤꦶꦏꦸꦱꦊꦧꦸꦤ꧀ꦤꦺꦲꦺꦴꦫꦥꦼꦒꦠ꧀ꦒꦺꦴꦤ꧀ꦤꦺꦲꦔꦸꦗꦸꦁꦱꦶꦏꦶꦭ꧀ꦏꦸ꧉
꧔꧖꧉ ꦏꦺꦴꦮꦺꦲꦺꦴꦫꦲꦔ꧀ꦭꦼꦔꦤ꧀ꦤꦶꦩꦫꦁꦲꦼꦟ꧀ꦝꦱ꧀ꦏꦸ꧈ꦢꦺꦤ꧀ꦤꦺꦮꦺꦴꦁꦮꦢꦺꦴꦤ꧀ꦤꦶꦏꦸꦮꦸꦱ꧀ꦲꦩ꧀ꦧꦺꦴꦫꦺꦃꦲꦶꦱꦶꦏꦶꦭ꧀ꦏꦸꦏꦭꦮꦤ꧀ꦲꦼꦩꦸꦂ꧉
꧔꧗꧉ ꦩꦸꦭꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦢꦺꦴꦱꦤ꧀ꦤꦺꦏꦁꦔꦏꦺꦃꦲꦏꦺꦃꦮꦺꦴꦁꦮꦢꦺꦴꦤ꧀ꦤꦶꦏꦸꦲꦶꦁꦔꦥꦸꦫ꧈ꦱꦧꦧ꧀ꦏꦠꦽꦰ꧀ꦤ ꦤ꧀ꦤꦺꦲꦭꦸꦮꦶꦃꦒꦼꦣꦺ꧈ꦢꦺꦤ꧀ꦤꦺꦪꦺꦤ꧀ꦮꦺꦴꦁꦱꦛꦶꦛꦶꦏ꧀ꦠꦽꦱ꧀ꦤꦤ꧀ꦤꦺ꧈ꦥꦔꦥꦸꦫꦤ꧀ꦤꦺꦲꦶꦪꦱꦛꦶꦛꦶꦏ꧀꧉
꧔꧘꧉ ꦪꦺꦯꦸꦱ꧀ꦠꦸꦩꦸꦭꦶꦔꦤ꧀ꦢꦶꦏꦩꦫꦁꦮꦺꦴꦁꦮꦢꦺꦴꦤ꧀꧈ꦢꦺꦴꦱꦩꦸꦲꦶꦁꦔꦥꦸꦫꦲ꧉
꧔꧙꧉ ꦠꦸꦩꦸꦭꦶꦮꦺꦴꦁꦏꦁꦥꦣꦗꦗꦒꦺꦴꦁꦔꦤ꧀ꦲꦮꦶꦠ꧀ꦥꦣꦲꦔꦸꦕꦥ꧀ꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺꦴ꧈ꦮꦺꦴꦁꦔꦶꦏꦸꦱꦥ꧈ꦢꦺꦤ꧀ꦤꦺꦲꦔꦥꦸꦫꦩꦫꦁꦢꦺꦴꦱ꧉
꧕꧐꧉ ꦪꦺꦯꦸꦱ꧀ꦲꦔꦤ꧀ꦢꦶꦏꦩꦤ꧀ꦤꦺꦃꦩꦫꦁꦮꦺꦴꦁꦮꦢꦺꦴꦤ꧀ꦩꦲꦸ꧈ꦥꦔꦤ꧀ꦢꦼꦭ꧀ꦩꦸꦏꦁꦲꦩꦸꦭꦾꦏ꧀ꦲꦏꦺꦩꦫꦁꦏꦺꦴꦮꦺ꧈ꦏꦺꦴꦮꦺꦭꦸꦔꦲꦚꦔꦺꦴꦤ꧀ꦤꦶꦱꦭꦩꦼꦠ꧀꧉ ꧉

---

꧋ꦧꦧ꧀ꦏꦥꦶꦁꦮꦺꦴꦭꦸ꧉

꧑꧉ ꧋ꦱꦮꦸꦱ꧀ꦱꦺꦩꦼꦁꦏꦺꦴꦤ꧀ꦤꦺꦴꦪꦺꦯꦸꦱ꧀ꦲꦚ꧀ꦗꦗꦃꦱꦏꦺꦃꦲꦶꦁꦤꦼꦒꦫꦲꦸꦠꦮꦥꦢꦺꦱꦤ꧀꧈ꦒꦺꦴꦤ꧀ꦤꦺꦲꦩꦸꦩꦸꦭꦁꦱꦂꦠꦲꦩꦿꦠꦏ꧀ꦲꦏꦺꦆꦚ꧀ꦗꦶꦭ꧀ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧈ꦭꦤ꧀ꦏꦣꦺꦫꦺꦏ꧀ꦲꦏꦺꦱꦏ꦳ꦧꦠ꧀ꦠꦺꦫꦺꦴꦭꦱ꧀꧉
꧒꧉ ꦲꦸꦠꦮꦱꦮꦼꦤ꧀ꦤꦺꦃꦲꦶꦁꦮꦺꦴꦁꦮꦢꦺꦴꦤ꧀꧈ꦏꦁꦮꦸꦱ꧀ꦥꦣꦏꦩꦸꦭꦾꦏ꧀ꦲꦏꦺꦱꦏꦲꦶꦁꦱꦺꦠꦤ꧀ꦲꦭꦭꦤ꧀ꦱꦏꦲꦶꦁꦊꦭꦫ꧈ꦩꦂꦪꦩ꧀ꦏꦁꦗꦶꦤꦸꦭꦸꦏ꧀ꦏꦤ꧀ꦩꦒ꧀ꦢꦭꦺꦤ꧀ꦤꦺ꧈ꦱꦺꦠꦤ꧀ꦥꦶꦥꦶꦠꦸꦏꦁꦩꦼꦠꦸꦱꦏꦲꦮꦏ꧀ꦏꦶꦁꦩꦂꦪꦩ꧀ꦲꦶꦏꦸ꧉
꧓꧉ ꦲꦸꦠꦮꦪꦺꦴꦄꦤ꧀ꦤꦫꦧꦶꦤ꧀ꦤꦺꦏ꦳ꦸꦱꦱ꧀꧈ꦗꦸꦫꦸꦒꦼꦣꦺꦴꦁꦔꦺꦲꦺꦫꦺꦴꦣꦼꦱ꧀꧈ꦭꦤ꧀ꦱꦸꦱꦤ꧀ꦤꦠꦸꦮꦶꦤ꧀ꦥꦤꦸꦁꦒꦭ꧀ꦭꦤ꧀ꦤꦺꦮꦺꦴꦁꦮꦢꦺꦴꦤ꧀ꦲꦏꦺꦃ꧈ꦏꦁꦥꦣꦲꦤ꧀ꦚꦼꦚꦲꦺꦴꦱ꧀ꦱꦶꦩꦫꦁꦪꦺꦯꦸꦱ꧀ꦲꦶꦁꦱꦢꦸꦮꦺꦏ꧀ꦢꦸꦣꦺꦏ꧀ꦏꦺ꧉
꧔꧉ ꦧꦉꦁꦒꦺꦴꦒꦺꦴꦭꦺꦴꦁꦔꦤ꧀ꦤꦶꦁꦮꦺꦴꦁꦲꦏꦺꦃꦥꦣꦏꦭꦸꦩ꧀ꦥꦸꦏ꧀ꦏꦤ꧀꧈ꦭꦤ꧀ꦮꦺꦴꦁꦲꦶꦁꦤꦼꦒꦫꦥꦣꦲꦩꦫꦤ꧀ꦤꦶ꧈ꦪꦺꦯꦸꦱ꧀ꦲꦔꦤ꧀ꦢꦶꦏꦲꦔꦁꦒꦺꦴꦥꦱꦼꦩꦺꦴꦤ꧀꧉
꧕꧉ ꦲꦤꦱꦮꦶꦗꦶꦮꦺꦴꦁꦠꦤ꧀ꦤꦶꦩꦼꦠꦸꦧꦏꦭ꧀ꦲꦤ꧀ꦚꦼꦧꦂꦮꦶꦗꦶꦤ꧀ꦤꦺ꧈ꦢꦺꦤ꧀ꦤꦺꦲꦶꦁꦤꦭꦶꦏꦥꦤ꧀ꦚꦼꦧꦂꦫꦺꦮꦶꦗꦶ꧈ꦲꦤꦏꦁꦏꦺꦕꦺꦂꦱꦥꦶꦁꦒꦶꦂꦫꦶꦁꦢꦼꦢꦭꦤ꧀꧈ꦧꦚ꧀ꦗꦸꦂꦏꦲꦶꦢꦏ꧀ꦲꦶꦢꦏ꧀ꦱꦂꦠꦕꦶꦤꦸꦕꦸꦏ꧀ꦏꦤ꧀ꦩꦤꦸꦏ꧀ꦲꦶꦁꦔꦮꦁꦔꦮꦁ꧉
꧖꧉ ꦭꦤ꧀ꦮꦶꦗꦶꦩꦲꦸꦲ [ 164 ]ꦤꦏꦁꦠꦶꦧꦲꦶꦁꦥꦣꦱ꧀ꦱꦤ꧀꧈ꦛꦸꦏꦸꦭ꧀ꦭꦺꦧꦚ꧀ꦗꦸꦂꦒꦫꦶꦁ꧈ꦱꦧꦧ꧀ꦲꦺꦴꦫꦠꦼꦊꦱ꧀꧉
꧗꧉ ꦭꦤ꧀ꦲꦤꦩꦤ꧀ꦤꦺꦃꦏꦁꦠꦸꦩꦶꦧꦩꦫꦁꦱꦠꦼꦔꦃꦲꦶꦁꦥꦔꦼꦂꦫꦺꦤ꧀꧈ꦧꦧꦉꦁꦔꦤ꧀ꦭꦤ꧀ꦛꦸꦏꦸꦭ꧀ꦭꦶꦁꦔꦼꦂꦫꦶꦧꦚ꧀ꦗꦸꦂꦏꦟ꧀ꦝꦶꦃ꧉
꧘꧉ ꦭꦤ꧀ꦲꦤꦩꦤ꧀ꦤꦺꦃꦏꦁꦠꦸꦩꦶꦧꦲꦶꦁꦊꦩꦃꦧꦼꦕꦶꦏ꧀꧈ꦱꦛꦸꦏꦸꦭ꧀ꦭꦺꦩꦼꦠꦸꦮꦺꦴꦃꦲꦺꦠꦶꦏꦼꦭ꧀ꦱꦠꦸꦱ꧀꧈ꦱꦮꦸꦱ꧀ꦱꦺꦔꦤ꧀ꦢꦶꦏꦲꦶꦏꦸꦩꦲꦸ꧈ꦪꦺꦯꦸꦱ꧀ꦲꦔꦸꦮꦸꦃꦲꦸꦮꦸꦃ꧈ꦱꦥꦏꦁꦢꦸꦮꦺꦏꦸꦥꦶꦁꦥꦔꦿꦸꦔꦸ꧈ꦲꦔꦿꦸꦔꦺꦴꦏ꧀ꦲꦼꦤ꧀ꦤ꧉
꧙꧉ ꦩꦺꦴꦁꦏꦥꦫꦱꦏ꦳ꦧꦠ꧀ꦠꦺꦥꦣꦲꦸꦩꦠꦸꦂꦥꦶꦠꦏꦺꦤ꧀ꦩꦫꦁꦪꦺꦯꦸꦱ꧀꧈ꦥꦱꦼꦩꦺꦴꦤ꧀ꦥꦸꦤ꧀ꦤꦶꦏꦮꦲꦸꦠꦼꦒꦼꦱ꧀ꦱꦶꦥꦸꦤ꧀ꦥꦸꦤ꧀ꦤꦥ꧉
꧑꧐꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦏꦺꦴꦮꦺꦲꦶꦏꦸꦮꦸꦱ꧀ꦥꦣꦱꦶꦤꦸꦁꦔꦤ꧀ꦱꦸꦩꦸꦫꦸꦥ꧀ꦩꦫꦁꦏꦼꦏꦼꦂꦫꦤ꧀ꦤꦶꦁꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧈ꦢꦺꦤ꧀ꦤꦺꦪꦺꦤ꧀ꦩꦫꦁꦲꦶꦁꦔꦠꦱ꧀ꦱꦺꦮꦺꦴꦁꦭꦶꦪꦤ꧀ꦤꦺꦲꦔꦁꦒꦺꦴꦥꦱꦼꦩꦺꦴꦤ꧀꧈ꦱꦸꦥꦪꦒꦺꦴꦤ꧀ꦤꦺꦲꦤ꧀ꦢꦼꦊꦁꦲꦗꦔꦤ꧀ꦠꦶꦮꦼꦫꦸꦃ꧈ꦱꦂꦠꦒꦺꦴꦤ꧀ꦤꦺꦲꦔꦿꦸꦔꦺꦴꦏ꧀ꦲꦏꦺꦲꦗꦱꦸꦩꦸꦫꦸꦥ꧀꧉
꧑꧑꧉ ꦢꦺꦤ꧀ꦤꦺꦠꦼꦒꦼꦱ꧀ꦱꦺꦥꦱꦼꦩꦺꦴꦤ꧀ꦩꦲꦸꦩꦼꦁꦏꦺꦤ꧀ꦤꦺ꧈ꦮꦶꦗꦶꦲꦶꦏꦸꦩꦲꦸꦥꦔꦤ꧀ꦢꦶꦏꦤ꧀ꦤꦶꦁꦄꦭ꧀ꦭꦃ꧉
꧑꧒꧉ ꦢꦺꦤ꧀ꦤꦺꦏꦁꦏꦺꦕꦺꦂꦱꦥꦶꦁꦒꦶꦂꦫꦶꦁꦢꦼꦢꦭꦤ꧀꧈ꦲꦶꦏꦸꦮꦺꦴꦁꦏꦁꦔꦿꦸꦔꦺꦴꦏ꧀ꦲꦏꦺꦥꦔꦤ꧀ꦢꦶꦏ꧈ꦧꦚ꧀ꦗꦸꦂꦲꦤꦆꦧ꧀ꦭꦶꦱ꧀ꦠꦼꦏꦲꦔꦽꦧꦸꦠ꧀ꦥꦔꦤ꧀ꦢꦶꦏꦩꦲꦸꦱꦏꦲꦶꦁꦔꦠꦶꦤ꧀ꦤꦺ꧈ꦱꦸꦥꦪꦲꦗꦏꦺꦴꦁꦱꦶꦥꦿꦕꦪꦏꦱ꧀ꦭꦩꦼꦠ꧀ꦠꦤ꧀꧉
꧑꧓꧉ ꦢꦺꦤ꧀ꦤꦺꦏꦁꦠꦸꦩꦶꦧꦩꦫꦁꦲꦶꦁ ꦥꦣꦱ꧀ꦱꦤ꧀꧈ꦲꦶꦏꦸꦮꦺꦴꦁꦏꦁꦥꦣꦔꦿꦸꦔꦺꦴꦏ꧀ꦲꦏꦺ꧈ꦥꦣꦲꦤ꧀ꦤꦩ꧀ꦥꦤ꧀ꦤꦶꦥꦔꦤ꧀ꦢꦶꦏꦏꦭꦮꦤ꧀ꦱꦸꦏꦱꦸꦏ꧈ꦢꦢꦶꦲꦺꦴꦫꦤ꧀ꦤꦤꦲꦺꦴꦪꦺꦴꦢ꧀ꦢꦺ꧈ꦒꦺꦴꦤ꧀ꦤꦺꦥꦣꦥꦿꦕꦪꦩꦸꦁꦱꦲꦤ꧀ꦠꦫ꧈ꦤꦭꦶꦏꦏꦼꦤ꧀ꦤꦲꦶꦁꦥꦁꦒꦺꦴꦣꦥꦣꦩꦸꦂꦠꦢ꧀꧉
꧑꧔꧉ ꦢꦺꦤ꧀ꦤꦺꦏꦁꦠꦸꦩꦶꦧꦩꦫꦁꦲꦶꦁꦥꦔꦼꦂꦫꦺꦤ꧀꧈ꦲꦶꦏꦸꦮꦺꦴꦁꦏꦁꦔꦿꦸꦔꦺꦴꦏ꧀ꦲꦏꦺꦥꦔꦤ꧀ꦢꦶꦏ꧈ꦤꦔꦶꦁꦲꦮꦶꦠ꧀ꦱꦏꦲꦶꦁꦏꦱꦸꦱꦃꦲꦤ꧀ꦠꦸꦮꦶꦤ꧀ꦲꦶꦁꦏꦱꦸꦒꦶꦪꦤ꧀꧈ꦩꦶꦮꦃꦲꦶꦁꦏꦤ꧀ꦤꦶꦏ꧀ꦩꦠ꧀ꦠꦤ꧀ꦤꦶꦁꦔꦲꦸꦫꦶꦥ꧀꧈ꦥꦣꦏ ꦟ꧀ꦝꦶꦃꦭꦤ꧀ꦤꦺꦴꦫꦠꦸꦭꦸꦱ꧀꧉
꧑꧕꧉ ꦢꦺꦤ꧀ꦤꦺꦏꦁꦠꦸꦩꦶꦧꦲꦶꦁꦊꦩꦃꦧꦼꦕꦶꦏ꧀꧈ꦲꦶꦏꦸꦮꦺꦴꦁꦏꦁꦥꦣꦲꦔꦿꦸꦔꦺꦴꦏ꧀ꦲꦏꦺꦥꦔꦤ꧀ꦢꦶꦏ꧈ꦱꦂꦠꦲꦤ꧀ꦚꦶꦩ꧀ꦥꦼꦤ꧀ꦤꦶꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺꦏꦁꦠꦼꦩꦼꦤ꧀ꦭꦤ꧀ꦧꦼꦕꦶꦏ꧀꧈ꦩꦺꦴꦁꦏꦥꦣꦩꦤ꧀ꦠꦼꦥ꧀ꦒꦺꦴꦤ꧀ꦤꦺꦩꦼꦠꦸꦮꦺꦴꦃꦲꦺ꧉
꧑꧖꧉ ꦭꦤ꧀ꦤꦺꦴꦫꦤ꧀ꦤꦤꦮꦺꦴꦁꦲꦤ꧀ꦚꦸꦩꦼꦢ꧀ꦢꦶꦪꦤ꧀꧈ꦧꦚ꧀ꦗꦸꦂꦢꦶꦏꦿꦸꦏꦸꦧ꧀ꦧꦶꦲꦶꦁꦮꦮꦣꦃ꧈ꦲꦸꦠꦮꦢꦶꦤ꧀ꦤꦺꦴꦏꦺꦴꦏ꧀ꦱꦔꦶꦱꦺꦴꦂꦫꦶꦁꦥꦠꦸꦫꦺꦴꦤ꧀꧈ꦤꦔꦶꦁꦠꦶꦤꦸꦩ꧀ꦥꦁꦔꦏꦺꦲꦶꦁꦔꦗꦸꦒ꧀ꦒꦸꦗꦸꦒ꧀꧈ꦱꦸꦥꦪꦮꦺꦴꦁ ꦏꦁꦭꦸꦩꦼꦧꦸꦥꦣꦏꦥꦣꦁꦔꦤ꧉
꧑꧗꧉ ​ꦱꦧꦧ꧀ꦲꦺꦴꦫꦤ꧀ꦤꦤꦱꦧꦫꦁꦏꦁꦏꦲꦸꦩ꧀ꦥꦼꦠ꧀꧈ꦏꦁꦧꦏꦭ꧀ꦲꦺꦴꦫꦭꦶꦤ꧀ꦤꦲꦶꦂꦫꦏꦺ꧈ꦭꦤ꧀ꦤꦺꦴꦫꦤ꧀ꦤꦤꦱꦧꦫꦁꦏꦁꦏꦭꦶꦁꦔꦭꦶꦁꦔꦤ꧀꧈ꦏꦁꦧꦏꦭ꧀ꦲꦺꦴꦫꦮꦶꦤ꧀ꦤꦼꦂꦫꦸꦃꦲꦏꦺꦠꦸꦮꦶꦤ꧀ꦭꦶꦤ꧀ꦤꦲꦶꦂꦫꦏꦺ꧉
꧑꧘꧉ ꦩꦸꦭꦤ꧀ꦤꦺꦏꦺꦴꦮꦺꦥꦣꦩꦮꦱ꧀ꦱꦒꦺꦴꦤ꧀ꦩꦸꦥꦣꦲꦔꦿꦸꦔꦺꦴꦏ꧀ꦲꦏꦺ꧈ꦱꦧꦧ꧀ꦮꦺꦴꦁꦏꦁꦢꦸꦮꦺꦧꦏꦭ꧀ꦏꦥꦫꦶꦁꦔ ꦤ꧀꧈ꦢꦺꦤ꧀ꦤꦺꦮꦺꦴꦁꦏꦁꦲꦺꦴꦫꦢꦸꦮꦺ꧈ꦏꦁꦏꦶꦤ꧀ꦤꦶꦫꦢꦢꦶꦢꦸꦮꦺꦏ꧀ꦏꦺꦧꦏꦭ꧀ꦗꦶꦤꦸꦏꦸꦏ꧀ꦏ [ 165 ]ꦤ꧀꧉ ꧉
꧑꧙꧉ ꦲꦤꦢꦺꦤ꧀ꦤꦺꦲꦶꦧꦸꦤ꧀ꦤꦺꦠꦸꦮꦶꦤ꧀ꦱꦢꦸꦭꦸꦂꦫꦺꦭꦤ꧀ꦤꦁ꧈ꦥꦣꦠꦸꦩꦼꦏꦩꦫꦁꦪꦺꦯꦸꦱ꧀꧈ꦤꦔꦶꦁꦲꦺꦴꦫꦧꦶꦱꦏꦠꦼꦩꦸꦲꦮꦶꦠ꧀ꦱꦏꦲꦶꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧉
꧒꧐꧉ ꦠꦸꦩꦸꦭꦶꦲꦤꦮꦺꦴꦁꦏꦁꦲꦔꦠꦸꦂꦫꦶꦲꦸꦤ꧀ꦤꦶꦁꦔꦩꦫꦁꦪꦺꦯꦸꦱ꧀꧈ꦲꦠꦸꦂꦫꦺ꧈ꦲꦶꦧꦸꦗꦼꦁꦔꦤ꧀ꦢꦶꦏꦲꦏꦭꦶꦪꦤ꧀ꦱꦣꦺꦫꦺꦏ꧀ꦱꦩ꧀ꦥꦺꦪꦤ꧀ꦗꦊꦂ꧈ꦱꦩꦶꦗꦸꦩꦼꦤ꧀ꦤꦼꦁꦮꦺꦴꦤ꧀ꦠꦼꦤ꧀ꦲꦶꦁꦗꦮꦶ꧈ꦏꦂꦰꦤ꧀ꦤꦶꦥꦸꦤ꧀ꦧꦣꦺꦩꦶꦂꦰꦣꦠꦼꦁꦱꦩ꧀ꦥꦺꦪꦤ꧀꧉
꧒꧑꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦮꦺꦴꦁꦏꦁꦔꦿꦸꦔꦺꦴꦏ꧀ꦲꦏꦺꦭꦤ꧀ꦏꦁꦔꦺꦱ꧀ꦠꦺꦴꦏ꧀ꦲꦏꦺꦥꦔꦤ꧀ꦢꦶꦏꦤ꧀ꦤꦶꦁꦄꦭ꧀ꦭꦃ꧈ꦲꦶꦏꦸꦲꦼꦩ꧀ꦧꦺꦴꦏ꧀ꦏꦸꦭꦤ꧀ꦱꦢꦸꦭꦸꦂꦏꦸ꧉ ꧉
꧒꧒꧉ ꧋ꦤꦭꦶꦏꦲꦶꦁꦱꦮꦶꦗꦶꦢꦶꦤ꧀ꦤꦪꦺꦯꦸꦱ꧀ꦲꦤ꧀ꦤꦶꦠꦶꦃꦥꦿꦲꦸ꧈ꦏꦣꦺꦫꦺꦏ꧀ꦲꦏꦺꦥꦫꦱꦏ꦳ꦧꦠ꧀ꦠꦺ꧈ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦲꦪꦺꦴꦥꦣꦚꦧꦿꦁꦩꦼꦤ꧀ꦚꦁꦲꦶꦁꦱꦼꦒꦫ꧈ꦧꦚ꧀ꦗꦸꦂꦥꦣꦩꦁꦏꦠ꧀꧉
꧒꧓꧉ ꦱꦮꦸꦱ꧀ꦱꦶꦁꦲꦩ꧀ꦧꦧꦂꦭꦪꦂ꧈ꦪꦺꦯꦸꦱ꧀ꦲꦱꦫꦺ꧈ꦩꦺꦴꦁꦏꦲꦶꦁꦱꦼꦒꦫꦏꦠꦼꦏꦤ꧀ꦤꦤ꧀ꦲꦔꦶꦤ꧀ꦭꦺꦱꦸꦱ꧀꧈ꦭꦤ꧀ꦥꦿꦲꦸꦮꦸꦱ꧀ꦏꦲꦶꦱꦺꦤ꧀ꦤꦤ꧀ꦧꦤ꧀ꦚꦸ꧈ꦢꦢꦶꦥꦣꦏꦱꦸꦱꦃꦲꦤ꧀꧉
꧒꧔꧉ ꦠꦸꦩꦸꦭꦶꦥꦣꦲꦸꦩꦉꦏ꧀ꦱꦂꦠꦲꦩꦸꦔꦸꦩꦫꦁꦪꦺꦯꦸꦱ꧀꧈ꦲꦠꦸꦂꦫꦺ꧈ꦓꦸꦫꦸ꧈ꦓꦸꦫꦸ꧈ꦏꦮꦸꦭꦱꦩꦶꦏꦠꦶꦮꦱ꧀ꦱꦤ꧀꧈ꦪꦺꦯꦸꦱ꧀ꦱꦮꦸꦱ꧀ꦱꦺꦮꦸꦔꦸ꧈ꦲꦤ꧀ꦢꦸꦏꦤ꧀ꦤꦶꦩꦫꦁꦲꦔꦶꦤ꧀ꦲꦸꦠꦮꦩꦫꦁꦲꦺꦴꦩ꧀ꦧꦏ꧀ꦏꦶꦁꦧꦤ꧀ꦚꦸ꧈ꦧꦚ꧀ꦗꦸꦂꦠꦼꦤ꧀ꦠꦽꦩ꧀ꦱꦂꦠꦱꦶꦉꦥ꧀꧉
꧒꧕꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦲꦥꦏꦺꦴꦮꦺꦲꦺꦴꦫꦢꦸꦮꦺꦥꦔꦤ꧀ꦢꦼꦭ꧀꧈ꦢꦺꦤ꧀ꦤꦺꦥꦣꦮꦼꦢꦶꦱꦂꦠꦏꦒꦮꦺꦴꦏ꧀ꦏꦤ꧀꧈ꦥꦣꦲꦔꦸꦕꦥ꧀ꦝꦺꦣꦺꦮꦺꦏ꧀ꦏꦤ꧀꧈ꦮꦺꦴꦁꦔꦶꦏꦸꦱꦥ꧈ꦢꦺꦤ꧀ꦤꦺꦲꦔꦶꦤ꧀ꦭꦤ꧀ꦧꦤ꧀ꦚꦸꦢꦶꦥꦫꦺꦤ꧀ꦠꦃꦲꦶꦱꦂꦠꦥꦣꦲꦩꦶꦤ꧀ꦠꦸꦲꦸ꧉ ꧉
꧒꧖꧉ ꧋ꦱꦮꦸꦱ꧀ꦱꦺꦠꦸꦩꦼꦏꦲꦶꦁꦠꦤ꧀ꦤꦃꦒꦢꦫ꧈ꦲꦶꦏꦸꦱꦧꦿꦸꦁꦔꦤ꧀ꦤꦺꦲꦶꦁꦠꦤ꧀ꦤꦃꦒꦭꦶꦭꦺꦪ꧉
꧒꧗꧉ ꦪꦺꦯꦸꦱ꧀ꦱꦩꦼꦤ꧀ꦠꦱ꧀ꦱꦺꦩꦫꦁꦣꦫꦠ꧀ꦠꦤ꧀꧈ꦏꦠꦼꦩꦸꦱꦮꦶꦗꦶꦲꦸꦮꦺꦴꦁꦱꦏꦲꦶꦁꦤꦼꦒꦫ꧈ꦮꦺꦴꦁꦔꦶꦏꦸꦮꦸꦱ꧀ꦭꦮꦱ꧀ꦏꦥꦚ꧀ꦗꦶꦁꦔꦤ꧀ꦱꦺꦠꦤ꧀ꦲꦏꦺꦃ꧈ꦭꦤ꧀ꦤꦺꦴꦫꦔꦁꦒꦺꦴꦱꦟ꧀ꦝꦁꦔꦤ꧀ꦱꦂꦠꦲꦺꦴꦫꦩꦁꦒꦺꦴꦤ꧀ꦲꦤꦔꦺꦴꦩꦃ꧈ꦢꦺꦤ꧀ꦤꦺꦥꦁꦒꦺꦴꦤ꧀ꦤꦤ꧀ꦤꦺꦲꦤꦲꦶꦁꦥꦏꦸꦧꦸꦂꦫꦤ꧀꧉
꧒꧘꧉ ꦠꦉꦁꦮꦼꦂꦫꦸꦃꦩꦫꦁꦪꦺꦯꦸꦱ꧀꧈ꦧꦚ꧀ꦗꦸꦂꦲꦔꦸꦮꦸꦃꦲꦸꦮꦸꦃꦱꦸꦩꦸꦁꦏꦼꦩ꧀ꦩꦫꦁꦔꦂꦰ ꦤ꧀ꦤꦺ꧈ꦱꦂꦠꦲꦸꦩꦠꦸꦂꦭꦮꦤ꧀ꦱ꧀ꦮꦫꦲꦱꦿꦸ꧈ꦣꦸꦃꦪꦺꦯꦸꦱ꧀꧈ꦥꦸꦠꦿꦤ꧀ꦤꦶꦁꦄꦭ꧀ꦭꦃꦏꦁꦩꦲꦭꦸꦲꦸꦂ꧈ꦮꦺꦴꦤ꧀ꦠꦼꦤ꧀ꦥꦸꦤ꧀ꦤꦥꦏꦮꦸꦭꦏꦭꦶꦪꦤ꧀ꦱꦩ꧀ꦥꦺꦪꦤ꧀꧈ꦥꦤꦸꦮꦸꦤ꧀ꦏꦮꦸꦭꦣꦠꦼꦁꦱꦩ꧀ꦥꦺꦪꦤ꧀꧈ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦲꦩꦶꦭꦫꦣꦸꦩꦠꦼꦁꦏꦮꦸꦭ꧉
꧒꧙꧉ ꦩꦸꦭꦤ꧀ꦤꦺꦩꦼꦁꦏꦺꦴꦤ꧀ꦤꦺꦴꦲꦶꦏꦸ꧈ꦪꦺꦯꦸꦱ꧀ꦮꦸꦱ꧀ꦲꦟ꧀ꦝꦣꦸꦃꦲꦶꦩꦫꦁꦱꦺꦠꦤ꧀ꦉꦒꦼꦢ꧀꧈ꦢꦶꦏꦏ꧀ꦲꦏꦺꦩꦼꦠꦸꦱꦏꦲꦶꦁꦮꦺꦴꦁꦔꦶꦏꦸ꧈ꦱꦧꦧ꧀ꦒꦺꦴꦤ꧀ꦤꦺꦏꦫꦚ꧀ꦗꦶꦁꦔꦤ꧀ꦮꦸꦱ꧀ꦭꦮꦱ꧀꧈ꦭꦤ꧀ꦮꦸꦱ꧀ꦫꦶꦤ꧀ꦤꦤ꧀ꦠꦺꦠꦔ [ 166 ]ꦤ꧀ꦭꦤ꧀ꦱꦶꦏꦶꦭ꧀ꦭꦺ꧈ꦲꦮꦶꦠ꧀ꦱꦏꦥꦔꦽꦏ꧀ꦱꦤ꧀ꦤꦺ꧈ꦤꦔꦶꦁꦫꦤ꧀ꦠꦺꦤ꧀ꦤꦺꦥꦶꦤ꧀ꦤꦼꦣꦺꦴꦠ꧀ꦥꦼꦣꦺꦴꦠ꧀꧈ꦮꦺꦴꦁꦔꦶꦏꦸꦩꦲꦸꦮꦸꦱ꧀ꦒꦶꦤ꧀ꦤꦮꦢꦺꦤ꧀ꦤꦶꦁꦱꦺꦠꦤ꧀ꦩꦫꦁꦥꦁꦒꦺꦴꦤ꧀ꦤꦤ꧀ꦱꦼꦥꦶ꧉
꧓꧐꧉ ꦩꦺꦴꦁꦏꦪꦺꦯꦸꦱ꧀ꦲꦤ꧀ꦢꦔꦸꦩꦫꦁꦱꦺꦠꦤ꧀꧈ꦥꦔꦤ꧀ꦢꦶꦏꦤ꧀ꦤꦺ꧈ꦗꦼꦤ꧀ꦤꦼꦁꦩꦸꦱꦥ꧈ꦲꦠꦸꦂꦫꦺꦱꦺꦠꦤ꧀꧈ꦤꦩꦏꦮꦸꦭꦊꦒꦶꦪꦸꦤ꧀꧈ꦱꦧꦧ꧀ꦮꦺꦴꦁꦔꦶꦏꦸꦮꦸꦱ꧀ꦏꦥꦚ꧀ꦗꦶꦁꦔꦤ꧀ꦱꦺꦠꦤ꧀ꦲꦏꦺꦃ꧉
꧓꧑꧉ ꦩꦺꦴꦁꦏꦱꦺꦠꦤ꧀ꦲꦢꦸꦮꦺꦲꦠꦸꦂꦥꦤ꧀ꦚꦸꦮꦸꦤ꧀ꦩꦫꦁꦪꦺꦯꦸꦱ꧀꧈ꦩꦸꦒꦩꦸꦒꦲꦗꦏꦺꦴꦁꦱꦶꦏꦣꦮꦸꦃꦲꦤ꧀꧈ꦲꦩ꧀ꦧꦾꦂꦩꦫꦁꦠꦼꦊꦁ꧉
꧓꧒꧉ ꦭꦤ꧀ꦲꦶꦁꦏꦺꦴꦤ꧀ꦤꦺꦴꦲꦶꦏꦸꦲꦤꦥꦥꦤ꧀ꦛꦤ꧀ꦤꦶꦁꦧꦧꦶꦲꦏꦺꦃ꧈ꦏꦁꦥꦣꦢꦶꦲꦼꦔꦺꦴꦤ꧀ꦲꦤꦲꦶꦁꦒꦸꦒꦸꦩꦸꦏ꧀꧈ꦥꦤ꧀ꦚꦸꦮꦸꦤ꧀ꦤꦺꦱꦺꦠꦤ꧀ꦩꦲꦸꦩꦫꦁꦪꦺꦯꦸꦱ꧀꧈ꦥꦣꦭꦶꦤ꧀ꦤꦶꦭꦤ꧀ꦤꦤꦩꦚ꧀ꦗꦶꦁꦩꦫꦁꦧꦧꦶꦲꦶꦏꦸ꧈ꦪꦺꦯꦸꦱ꧀ꦲꦶꦪꦲꦔ꧀ꦭꦶꦭꦤ꧀ꦤꦶ꧉
꧓꧓꧉ ꦱꦺꦠꦤ꧀ꦩꦲꦸꦱꦮꦸꦱ꧀ꦱꦺꦩꦼꦠꦸꦱꦏꦲꦶꦁꦔꦸꦮꦺꦴꦁ꧈ꦧꦚ꧀ꦗꦸꦂꦩꦚ꧀ꦗꦶꦁꦩꦫꦁꦧꦧꦶꦩꦲꦸ꧈ꦩꦺꦴꦁꦏꦥꦥꦤ꧀ꦛꦤ꧀ꦤꦶꦁꦧꦧꦶꦥꦣꦩꦼꦚ꧀ꦕꦺꦴꦭꦺꦴꦠ꧀ꦱꦏꦲꦶꦁꦱꦕꦼꦁꦏꦤ꧀꧈ꦲꦩ꧀ꦧꦾꦸꦂꦩꦫꦁꦲꦶꦁꦱꦼꦒꦫ꧈ꦧꦚ꧀ꦗꦸꦂꦥꦣꦏꦼꦊꦩ꧀꧉
꧓꧔꧉ ꦢꦺꦤ꧀ꦤꦺꦮꦺꦴꦁꦏꦁꦲꦔꦺꦴꦤ꧀ꦧꦉꦁꦮꦼꦂꦫꦸꦃꦩꦫꦁꦭꦭꦏꦺꦴꦤ꧀ꦤꦶꦏꦸ꧈ꦥꦣꦭꦸꦩꦪꦸꦱꦂꦠꦲꦮꦮꦼꦂꦠꦩꦫꦁꦮꦺꦴꦁꦤꦼꦒꦫꦲꦸꦠꦮꦮꦺꦴꦁꦥꦢꦺꦱꦤ꧀꧉
꧓꧕꧉ ꦠꦸꦩꦸꦭꦶꦥꦣꦩꦼꦠꦸꦲꦉꦥ꧀ꦮꦼꦂꦫꦸꦃꦩꦫꦁꦭꦭꦏꦺꦴꦤ꧀ꦤꦺ꧈ꦱꦮꦸꦱ꧀ꦱꦺꦠꦸꦩꦼꦏꦩꦫꦁꦪꦺꦯꦸꦱ꧀꧈ꦧꦚ꧀ꦗꦸꦂꦏꦠꦼꦩꦸꦭꦤ꧀ꦮꦺꦴꦁꦏꦁ​ꦮꦸꦱ꧀ꦭꦸꦮꦂꦱꦏꦲꦶꦁꦱꦺꦠꦤ꧀ꦩꦲꦸ꧈ꦭꦸꦁꦒꦸꦃꦱꦟ꧀ꦛꦶꦁꦱꦸꦏꦸꦤ꧀ꦤꦺꦪꦺꦯꦸꦱ꧀꧈ꦮꦸꦱ꧀ꦲꦩꦔꦁꦒꦺꦴꦭꦤ꧀ꦩꦸꦭꦾꦧꦸꦢꦶꦤ꧀ꦤꦺ꧈ꦢꦺꦤ꧀ꦤꦺꦮꦺꦴꦁꦩꦲꦸꦥꦣꦧꦔꦼꦠ꧀ꦮꦼꦢꦶꦤ꧀ꦤꦺ꧉
꧓꧖꧉ ꦭꦤ꧀ꦥꦣꦢꦶꦕꦕꦫꦶꦠꦤ꧀ꦤꦶꦢꦺꦤ꧀ꦤꦶꦁꦮꦺꦴꦁꦏꦁꦮꦸꦱ꧀ꦥꦣꦮꦼꦂꦫꦸꦃ꧈ꦩꦸꦁꦒꦸꦃꦒꦺꦴꦤ꧀ꦤꦺꦏꦩꦸꦭꦾꦏ꧀ꦲꦏꦺꦮꦺꦴꦁꦏꦁꦏꦫꦚ꧀ꦗꦶꦁꦔꦤ꧀ꦱꦺꦠꦤ꧀꧉
꧓꧗꧉ ꦢꦺꦤ꧀ꦤꦺꦱꦏꦺꦃꦲꦶꦁꦔꦸꦮꦺꦴꦁꦮꦮꦼꦁꦏꦺꦴꦤ꧀ꦤꦶꦁꦠꦤ꧀ꦤꦃꦒꦢꦫꦩꦲꦸ꧈ꦥꦣꦲꦢꦸꦮꦺꦲꦠꦸꦂꦥ ꦤ꧀ꦚꦸ​ꦮꦸꦤ꧀ꦩꦫꦁꦪꦺꦯꦸꦱ꧀꧈ꦩꦸꦒꦏꦺꦱꦃꦲꦱꦏꦮꦮꦼꦁꦏꦺꦴꦤ꧀ꦤꦶꦁꦮꦺꦴꦁꦏꦺꦴꦤ꧀ꦤꦺꦴ꧈ꦱꦧꦧ꧀ꦥꦣꦫꦸꦩꦺꦴꦁꦱꦒꦶꦫꦶꦱ꧀ꦧꦔꦼꦠ꧀꧈ꦩꦺꦴꦁꦏꦪꦺꦯꦸꦱ꧀ꦧꦚ꧀ꦗꦸꦂꦲꦤ꧀ꦤꦶꦠꦶꦃꦥꦿꦲꦸꦩꦤ꧀ꦤꦺꦃ꧉
꧓꧘꧉ ꦢꦺꦤ꧀ꦤꦺꦮꦺꦴꦁꦏꦁꦮꦸꦱ꧀ꦭꦸꦮꦂꦱꦏꦲꦶꦁꦱꦺꦠꦤ꧀ꦩꦲꦸꦲꦢꦸꦮꦺꦲꦠꦸꦂꦥꦤ꧀ꦚꦸꦮꦸꦤ꧀ꦩꦫꦁꦪꦺꦯꦸꦱ꧀꧈ꦩꦸꦒꦏꦭꦶꦭꦤ꧀ꦤꦲꦟ꧀ꦝꦺꦫꦺꦏ꧀꧈ꦤꦔꦶꦁꦪꦺꦯꦸꦱ꧀ꦲꦺꦴꦫꦲꦔ꧀ꦭꦶꦭꦤ꧀ꦤꦶꦏꦶꦤ꧀ꦤꦺꦴꦤ꧀ꦭꦸꦔ꧈ꦥꦔꦤ꧀ꦢꦶꦏꦤ꧀ꦤꦺ꧉
꧓꧙꧉ ꦏꦺꦴꦮꦺꦩꦸꦭꦶꦪꦩꦫꦁꦲꦶꦁꦔꦺꦴꦩꦃꦩꦸ꧈ꦱꦂꦠꦲꦩꦼꦂꦠꦏ꧀ꦏꦼꦤ꧀ꦤꦲꦥꦏꦁꦮꦸꦱ꧀ꦢꦢꦶꦥꦤ꧀ꦢꦩꦼꦭ꧀ꦭꦶꦁꦄꦭ꧀ꦭꦃꦩꦫꦁꦏꦺꦴꦮꦺ꧈ꦱꦮꦸꦱ꧀ꦱꦺꦭꦸꦔꦮꦺꦴꦁꦩꦲꦸꦧꦚ꧀ꦗꦸꦂꦲꦩꦼꦂꦠꦏ꧀ꦲꦏꦺꦩꦫꦁꦮꦺꦴꦁꦤꦼꦒꦫꦏꦧꦺꦃ꧈ꦲꦥꦏꦁꦮꦸꦱ꧀ꦢꦢꦶꦥꦤ꧀ꦢꦩꦼꦭ꧀ꦭꦺꦪꦺꦯꦸꦱ꧀ꦩꦫꦁꦲꦶꦁꦔꦮꦏ꧀ꦏꦺ꧉ ꧉
꧔꧐꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦱꦮꦸꦱ꧀ꦱꦺꦮꦁꦱꦸꦭ꧀ꦏꦠꦩ꧀ꦥꦤ꧀ꦤꦤ꧀ꦩꦫꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦱꦧꦧ꧀ꦮꦺꦴꦁꦔꦏꦺꦃꦩꦲꦸꦮꦸꦱ꧀ꦥꦣꦔꦉꦥ꧀ꦥꦉꦥ꧀ꦩꦫꦁꦪꦺꦯꦸꦱ꧀꧉
꧔꧑꧉ ꦠꦸꦩꦸꦭꦶꦲꦤꦮꦺꦴꦁꦠꦼꦏꦗꦼꦤ꧀ꦤꦼꦁꦔꦺꦪꦆꦫꦸꦱ꧀꧈ꦲꦶꦏꦸꦢꦢꦶꦭꦸꦫꦃꦲꦶꦁꦩꦼꦱ꧀ꦗꦶꦢ꧈ꦧꦚ꧀ꦗꦸꦂꦱꦸꦩꦸꦁꦏꦼꦩ꧀ꦩ [ 167 ]ꦫꦁꦱꦸꦏꦸꦤ꧀ꦤꦺꦪꦺꦯꦸꦱ꧀꧈ꦲꦢꦸꦮꦺꦲꦠꦸꦂꦥꦤ꧀ꦚꦸꦮꦸꦤ꧀꧈ꦩꦸꦒꦶꦏꦂꦰꦲꦠꦼꦣꦏ꧀ꦩꦫꦁꦔꦺꦴꦩꦃꦲꦺ꧉
꧔꧒꧉ ꦩꦺꦴꦁꦏꦪꦆꦫꦸꦱ꧀ꦲꦶꦏꦸꦲꦢꦸꦮꦺꦲꦤ꧀ꦤꦏ꧀ꦮꦢꦺꦴꦤ꧀ꦲꦺꦴꦤ꧀ꦠꦁꦔꦤ꧀ꦠꦶꦁ꧈ꦭꦒꦶꦲꦸꦩꦸꦂꦮꦼꦠꦫꦫꦺꦴꦭꦱ꧀ꦠꦲꦸꦤ꧀꧈ꦱꦂꦠꦲꦉꦥ꧀ꦩꦠꦶ꧈ꦩꦺꦴꦁꦏꦪꦺꦯꦸꦱ꧀ꦧꦉꦁꦠꦶꦤ꧀ꦢꦏ꧀ꦲꦤꦲꦶꦁꦢꦼꦢꦭꦤ꧀꧈ꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦥꦣꦲꦟ꧀ꦝꦼꦱꦼꦒ꧀ꦩꦫꦁꦱꦫꦶꦫꦤ꧀ꦤꦺ꧉
꧔꧓꧉ ꦭꦤ꧀ꦲꦤꦱꦮꦶꦗꦶꦮꦺꦴꦁꦮꦢꦺꦴꦤ꧀ꦲꦤ꧀ꦤꦟ꧀ꦝꦁꦭꦫꦩꦼꦠꦺꦴꦏ꧀ꦲꦏꦺꦒꦼꦠꦶꦃ꧈ꦭꦮꦱ꧀ꦱꦺꦫꦺꦴꦭꦱ꧀ꦠꦲꦸꦤ꧀꧈ꦮꦺꦴꦁꦮꦢꦺꦴꦤ꧀ꦩꦲꦸꦢꦸꦮꦺꦏ꧀ꦏꦺꦮꦸꦱ꧀ꦢꦶꦲꦼꦤ꧀ꦠꦺꦏ꧀ꦲꦏꦺꦏꦧꦺꦃ꧈ꦲꦩꦂꦒꦱꦏꦒꦺꦴꦤ꧀ꦤꦺꦲꦟ꧀ꦝꦸꦏꦸꦤ꧀ꦤꦏꦺ꧈ꦩꦺꦴꦁꦏꦲꦺꦴꦫꦧꦶꦱꦮꦫꦱ꧀ꦢꦺꦤ꧀ꦤꦶꦁꦔꦸꦮꦺꦴꦁ꧉
꧔꧔꧉ ꦱꦮꦸꦱ꧀ꦱꦺꦩꦉꦥꦼꦏ꧀ꦏꦶꦲꦤꦲꦶꦁꦮꦸꦫꦶ꧈ꦲꦁꦒꦼꦥꦺꦴꦏ꧀ꦩꦫꦁꦥꦺꦴꦚ꧀ꦕꦺꦴꦠ꧀ꦠꦺꦫꦱꦸꦏ꧀ꦏꦤ꧀ꦤꦺꦪꦺꦯꦸꦱ꧀꧈ꦭꦤ꧀ꦥꦣꦱꦤ꧀ꦤꦭꦶꦏꦲꦶꦭꦶꦤ꧀ꦤꦶꦁꦒꦼꦠꦶꦃꦧꦚ꧀ꦗꦸꦂꦥꦩ꧀ꦥꦼꦠ꧀꧉
꧔꧕꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏ꧈ꦱꦥꦏꦁꦲꦁꦒꦼꦥꦺꦴꦏ꧀ꦩꦫꦁꦔꦏꦸ꧈ꦮꦺꦴꦁꦏꦧꦺꦃꦱꦮꦸꦱ꧀ꦱꦺꦲꦺꦴꦫꦤ꧀ꦤꦤꦏꦁꦔꦏꦺꦴꦤ꧀ꦤꦶ꧈ꦦꦺꦠꦿꦸꦱ꧀ꦱꦫꦺꦴꦮꦁꦔꦺꦲꦸꦩꦠꦸꦂ꧈ꦓꦸꦫꦸ꧈ꦠꦶꦪꦁꦒꦺꦴꦒꦺꦴꦭꦺꦴꦁꦔꦤ꧀ꦱꦩꦶꦲꦟ꧀ꦝꦼꦱꦼꦒ꧀ꦲꦗꦼꦗꦼꦭ꧀ꦏꦭꦶꦪꦤ꧀ꦱꦩ꧀ꦥꦺꦪꦤ꧀꧈ꦩꦺꦁꦏꦱꦩ꧀ꦥꦺꦪꦤ꧀ꦲꦔꦤ꧀ꦢꦶꦏ꧈ꦱꦥꦏꦁꦲꦁꦒꦼꦥꦺꦴꦏ꧀ꦩꦫꦁꦔꦏꦸ꧉
꧔꧖꧉ ꦪꦺꦯꦸꦱ꧀ꦲꦔꦤ꧀ꦢꦶꦏꦩꦤ꧀ꦤꦺꦃ꧈ꦲꦶꦪꦲꦤꦮꦺꦴꦁꦏꦁꦮꦸꦱ꧀ꦲꦁꦒꦼꦥꦺꦴꦏ꧀ꦩꦫꦁꦔꦏꦸ꧈ꦱꦧꦧ꧀ꦲꦏꦸꦫꦸꦩꦺꦴꦁꦱꦪꦺꦤ꧀ꦲꦤꦏꦱꦼꦏ꧀ꦠꦺꦤ꧀ꦏꦁꦩꦶꦗꦶꦭ꧀ꦱꦏꦲꦶꦁꦔꦮꦏ꧀ꦏꦸ꧉
꧔꧗꧉ ꦢꦺꦤ꧀ꦤꦺꦮꦺꦴꦁꦮꦢꦺꦴꦤ꧀ꦩꦲꦸꦧꦉꦁꦮꦼꦂꦫꦸꦃꦪꦺꦤ꧀ꦤꦺꦴꦫꦏꦼꦤ꧀ꦤꦢꦶꦏꦶꦭꦥ꧀ꦥꦶ꧈ꦲꦸꦩꦉꦏ꧀ꦱꦂꦠꦒꦸꦩꦼꦠꦼꦂꦒꦺꦴꦤ꧀ꦤꦺꦱꦸꦩꦸꦁꦏꦼꦩ꧀ꦩꦫꦁꦔꦂꦰꦤ꧀ꦤꦺ꧈ꦧꦚ꧀ꦗꦸꦂꦲꦸꦩꦠꦸꦂꦧꦭꦏꦲꦤꦔꦉꦥ꧀ꦥꦤ꧀ꦤꦶꦁꦧꦭꦏꦧꦺꦃ꧈ꦮꦶꦮꦶꦠ꧀ꦲꦼꦁꦒꦺꦴꦤ꧀ꦤꦺꦲꦁꦒꦼꦥꦺꦴꦏ꧀ꦱꦂꦠꦒꦺꦴꦤ꧀ꦤꦺꦮꦫꦱ꧀ꦥꦣꦱꦤ꧀ꦤꦭꦶꦏ꧉
꧔꧘꧉ ꦪꦺꦯꦸꦱ꧀ꦠꦸꦩꦸꦭꦶꦔꦤ꧀ꦢꦶꦏꦩꦫꦁꦮꦺꦴꦁꦮꦢꦺꦴꦤ꧀ꦩꦲꦸ꧈ꦲꦺꦃꦧꦺꦴꦕꦃꦮꦢꦺꦴꦤ꧀꧈ꦢꦶꦲꦺꦤ꧀ꦤꦏ꧀ꦲ ꦠꦶꦩꦸ꧈ꦥꦔꦤ꧀ꦢꦼꦭ꧀ꦩꦸꦲꦶꦏꦸꦏꦁꦮꦸꦱ꧀ꦲꦩꦸꦭꦾꦏ꧀ꦲꦏꦺꦩꦫꦁꦏꦺꦴꦮꦺ꧈ꦏꦺꦴꦮꦺꦭꦸꦔꦲꦚꦔꦺꦴꦤ꧀ꦤꦶꦱꦭꦩꦼꦠ꧀꧉
꧔꧙꧉ ꦧꦉꦁꦭꦒꦶꦲꦔꦤ꧀ꦢꦶꦏꦲꦤꦲꦸꦮꦺꦴꦁꦠꦼꦏꦱꦏꦔꦺꦴꦩꦃꦲꦺꦭꦸꦫꦃꦲꦶꦁꦩꦼꦱ꧀ꦗꦶꦢ꧀ꦩꦲꦸ꧈ꦲꦸꦩꦠꦸꦂꦩꦫꦁꦧꦼꦤ꧀ꦢꦫꦤ꧀ꦤꦺ꧈ꦥꦸꦠꦿꦱꦩ꧀ꦥꦺꦪꦤ꧀ꦱꦩ꧀ꦥꦸꦤ꧀ꦔꦗꦭ꧀꧈ꦧꦺꦴꦠꦼꦤ꧀ꦱꦸꦱꦃꦱꦩ꧀ꦥꦺꦪꦤ꧀ꦲꦔꦿꦶꦧꦼꦢ꧀ꦢꦶꦣꦠꦼꦁꦓꦸꦫꦸ꧉
꧕꧐꧉ ꦩꦺꦴꦁꦏꦪꦺꦯꦸꦱ꧀ꦧꦉꦁꦩꦶꦉꦁꦲꦠꦸꦂꦫꦺꦮꦺꦴꦁꦔꦶꦏꦸ꧈ꦲꦤ꧀ꦚꦩ꧀ꦧꦸꦁꦔꦶꦥꦔꦤ꧀ꦢꦶꦏꦩꦫꦁꦭꦸꦫꦃꦲꦶꦁꦩꦼꦱ꧀ꦗꦶꦢ꧀ꦩꦲꦸ꧈ꦲꦗꦏꦺꦴꦮꦺꦏꦸꦮꦠꦶꦂ꧈ꦏꦺꦴꦮꦺꦲꦔꦤ꧀ꦢꦼꦭ꧀ꦭꦧꦲꦺꦭꦤ꧀ꦧꦏꦭ꧀ꦩꦶꦤꦸꦭꦾꦏ꧀ꦲꦏꦺ꧉
꧕꧑꧉ ꦢꦺꦤ꧀ꦤꦺꦪꦺꦯꦸꦱ꧀ꦒꦺꦴꦤ꧀ꦤꦺꦭꦸꦩꦼꦧꦸꦩꦫꦁꦔꦺꦴꦩꦃ꧈ꦲꦺꦴꦫꦏꦂꦰꦏꦣꦺꦫꦺꦏ꧀ꦲꦏꦺꦲꦶꦁꦔꦸꦮꦺꦴꦁ꧈ꦲꦭꦶꦪꦦꦺꦠꦿꦸꦱ꧀ꦭꦤ꧀ꦪꦏꦺꦴꦧꦸꦱ꧀ꦠꦸꦮꦶꦤ꧀ꦪꦺꦴꦏ꦳ꦤ꧀ꦤꦤ꧀꧈ꦲꦥꦩꦤ꧀ꦤꦺꦃꦧꦥꦏ꧀ꦤꦺꦧꦺꦴꦕꦃꦩꦲꦸꦭꦤ꧀ꦲꦼꦩ꧀ꦧꦺꦴꦏ꧀ꦤꦺ꧉
꧕꧒꧉ ꦩꦺꦴꦁꦏꦮꦺꦴꦁꦏꦁꦔꦣꦼꦥ꧀ꦏꦧꦺꦃꦥꦣꦲꦤ꧀ꦤꦔꦶꦱ꧀ꦱꦶꦧꦺꦴꦕꦃꦩꦲꦸꦱꦂꦠꦲꦠꦼꦧꦃꦠꦼꦧꦃꦣꦣ꧈ꦪꦺꦯꦸꦱ꧀ꦠꦸꦩꦸꦭꦶꦔꦤ꧀ꦢꦶꦏ꧈ [ 168 ]ꦲꦗꦥꦣꦏꦺꦴꦮꦺꦠꦔꦶꦱ꧀ꦱꦶ꧈ꦲꦶꦏꦸꦲꦺꦴꦫꦩꦠꦶ꧈ꦭꦒꦶꦠꦸꦫꦸꦧꦲꦺ꧉
꧕꧓꧉ ꦩꦺꦴꦁꦏꦮꦺꦴꦁꦩꦲꦸꦥꦣꦲꦁꦒꦸꦒꦸꦪꦸꦩꦫꦁꦪꦺꦯꦸꦱ꧀꧈ꦱꦧꦧ꧀ꦮꦸꦱ꧀ꦥꦣꦮꦼꦂꦫꦸꦃꦪꦺꦤ꧀ꦧꦺꦴꦕꦃꦩꦲꦸꦮꦸꦱ꧀ꦩꦠꦶ꧉
꧕꧔꧉ ꦮꦺꦴꦁꦏꦧꦺꦃꦱꦮꦸꦱ꧀ꦱꦺꦥꦣꦏꦶꦤ꧀ꦤꦺꦴꦤ꧀ꦩꦼꦠꦸ꧈ꦪꦺꦯꦸꦱ꧀ꦠꦸꦩꦸꦭꦶꦲꦤ꧀ꦚ ꦟ꧀ꦝꦏ꧀ꦠꦔꦤ꧀ꦤꦺꦧꦺꦴꦕꦃꦩꦲꦸ꧈ꦲꦔꦸꦮꦸꦃꦲꦸꦮꦸꦃꦥꦔꦤ꧀ꦢꦶꦏꦤ꧀ꦤꦺ꧈ꦲꦺꦃꦧꦺꦴꦕꦃꦠꦔꦶꦪ꧉
꧕꧕꧉ ꦚꦮꦤ꧀ꦤꦺꦧꦺꦴꦕꦃꦩꦲꦸꦠꦸꦩꦸꦭꦶꦧꦭꦶ꧈ꦧꦚ꧀ꦗꦸꦂꦠꦔꦶꦥꦣꦱꦤ꧀ꦤꦭꦶꦏ꧈ꦱꦂꦠꦲꦟ꧀ꦝꦮꦸꦃꦲꦶꦧꦺꦴꦕꦃꦩꦲꦸꦏꦶꦤ꧀ꦤꦺꦴꦤ꧀ꦲꦔꦸꦮꦺꦤ꧀ꦤꦺꦃꦲꦤꦩꦁꦔꦤ꧀꧉
꧕꧖꧉ ꦢꦺꦤ꧀ꦤꦺꦮꦺꦴꦁꦠꦸꦮꦤ꧀ꦤꦺꦧꦺꦴꦕꦃꦩꦲꦸꦥꦣꦧꦔꦼꦠ꧀ꦲꦶꦁꦒꦒꦼꦠꦸꦤ꧀ꦤꦺ꧈ꦱꦂꦠꦥꦣꦥꦶꦤ꧀ꦤꦕꦸꦮꦤ꧀ꦲ ꦗꦏꦺꦴꦁꦱꦶꦮꦮꦼꦂꦠꦲꦶꦁꦭꦭꦏꦺꦴꦤ꧀ꦲꦶꦏꦸꦩꦲꦸꦩꦫꦁꦔꦸꦮꦺꦴꦁ꧉ ꧉

---

꧋ꦧꦧ꧀ꦏꦥꦶꦁꦱꦔ꧉

꧑꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦱꦮꦸꦱ꧀ꦱꦺꦲꦤ꧀ꦤꦶꦩ꧀ꦧꦭ꧀ꦭ꧀ꦭ꧀ꦭꦶꦩꦫꦁꦱꦏ꦳ꦧꦠ꧀ꦠꦺꦫꦺꦴꦭꦱ꧀꧈ꦥꦣꦥꦶꦤ꧀ꦤꦫꦶꦁꦔꦤ꧀ꦥꦔꦸꦮꦱꦠꦸꦮꦶꦤ꧀ꦏꦱꦼꦏ꧀ꦠꦺꦤ꧈ꦲꦔꦸꦮꦱꦤ꧀ꦤꦶꦩꦫꦁꦱꦺꦠꦤ꧀ꦏꦧꦺꦃ꧈ꦱꦂꦠꦲꦩꦫꦱ꧀ꦱꦏꦺꦱꦫꦸꦥꦤ꧀ꦤꦶꦁꦊꦭꦫ꧉
꧒꧉ ꦭꦤ꧀ꦥꦣꦢꦶꦲꦸꦠꦸꦱ꧀ꦲꦩꦿꦠꦏ꧀ꦲꦏꦺꦏꦫꦠꦺꦴ ꦤ꧀ꦤꦶꦁꦄꦭ꧀ꦭꦃ꧈ꦱꦂꦠꦲꦩꦸꦭꦾꦏ꧀ꦲꦏꦺꦱꦏꦺꦃꦲꦶꦁꦮꦺꦴꦁꦭꦫ꧉
꧓꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦲꦸꦠꦸꦱ꧀ꦱꦤ꧀ꦤꦶꦏꦸꦩꦲꦸ꧈ꦏꦺꦴꦮꦺꦲꦗꦲꦁꦒꦮꦲꦥꦲꦥꦲꦤꦲꦶꦁꦢꦼꦢꦭꦤ꧀꧈ꦲꦗꦲꦁꦒꦮꦠꦼꦏꦼꦤ꧀꧈ꦲꦗꦲꦒꦮꦏꦱꦁ꧈ꦲꦗꦲꦁꦒꦮꦫꦺꦴꦠꦶ꧈ꦭꦤ꧀ꦲꦗꦲꦁꦒꦮꦣꦸꦮꦶꦠ꧀꧈ꦭꦤ꧀ꦮꦺꦴꦁꦱꦮꦶꦗꦶꦲꦗꦲꦁꦒꦮꦏꦸꦭꦩ꧀ꦧꦶꦭꦺꦴꦫꦺꦴ꧉
꧔꧉ ꦢꦺꦤ꧀ꦤꦺ ꦲꦶꦁꦔꦼꦤ꧀ꦢꦶꦲꦺꦴꦩꦃꦏꦁꦏꦺꦴꦮꦺꦊꦧꦺꦴꦤ꧀ꦤꦶ꧈ꦏꦺꦴꦮꦺꦲꦶꦪꦩꦺꦴꦟ꧀ꦝꦺꦴꦏ꧀ꦏꦲꦤꦲꦶꦁꦏꦺꦴꦤ꧀ꦤꦺꦴ꧈ꦭꦤ꧀ꦲꦁꦏꦠ꧀ꦩꦸꦲꦶꦪꦱꦶꦏꦁꦏꦺꦴꦤ꧀ꦤꦺꦴ꧉
꧕꧉ ꦢꦺꦤ꧀ꦤꦺꦩꦤ꧀ꦤꦮꦲꦤꦮꦺꦴꦁꦲꦺꦴꦫꦲꦤ꧀ꦤꦩ꧀ꦥꦤ꧀ꦤꦶꦩꦫꦁꦏꦺꦴꦮꦺ꧈ꦩꦼꦠꦸꦩꦸꦱꦏꦤꦼꦒꦫꦏꦺꦴꦤ꧀ꦤꦺꦴꦲꦶꦏꦸ꧈ꦏꦺꦴꦮꦺꦔꦺꦱꦺꦢ꧀ꦢꦤꦊꦧꦸꦏꦁꦠꦸꦩꦺꦩ꧀ꦥ꧀ꦭꦺꦏ꧀ꦲꦤꦲꦶꦁꦱꦶꦏꦶꦭ꧀ꦩꦸ꧈ꦩꦶꦤ꧀ꦤꦺꦴꦁꦏꦢꦢꦶꦥꦿꦠꦟ꧀ꦝꦤ꧀ꦤꦺꦮꦺꦴꦁꦔꦶꦏꦸ꧉
꧖꧉ ꦱꦮꦼꦠꦸꦤ꧀ꦤꦺꦠꦸꦩꦸꦭꦶꦥꦣꦲꦚ꧀ꦗꦗꦃꦩꦫꦁꦱꦏꦺꦃꦲꦶꦁꦥꦢꦺꦱꦤ꧀꧈ꦒꦺꦴꦤ꧀ꦤꦺꦲꦩꦿꦠꦏ꧀ꦲꦏꦺꦆꦚ꧀ꦗꦶꦭ꧀꧈ꦱꦂꦠꦲꦩꦸꦭꦾꦏ꧀ꦲꦏꦺꦮꦺꦴꦁꦭꦫꦲꦶꦁꦱꦲꦼꦁꦒꦺꦴꦤ꧀ꦤꦼꦁꦒꦺꦴꦤ꧀꧉ ꧉
꧗꧉ ꧋ꦲꦤꦢꦺꦤ꧀ꦤꦺꦲꦺꦫꦺꦴꦣꦼꦱ꧀ꦱꦁꦨꦸꦦꦡꦶꦮꦸꦱ꧀ꦩꦶꦣꦔꦼꦠ꧀ꦥꦮꦂꦠꦭꦭꦏꦺꦴꦤ꧀ꦤꦺꦪꦺꦯꦸꦱ꧀ꦏꦧꦺꦃ꧈ꦱꦂꦠꦧꦔꦼꦠ꧀ꦏꦸꦮꦠꦶꦂꦫꦺ꧈ꦱꦧꦧ꧀ꦲꦤꦱꦮꦼꦤ꧀ꦤꦺꦃꦲꦶꦁꦮꦺꦴꦁꦏꦁꦲꦔꦫꦤ꧀ꦤꦶ꧈ꦪꦺꦤ꧀ꦪꦺꦴꦏ꦳ꦤ꧀ꦤꦤ꧀ꦲꦸꦫꦶꦥ꧀ꦱꦏꦲꦶꦁꦥꦠꦶ꧉
꧘꧉ ꦭꦤ꧀ꦲꦤꦱꦮꦼꦤ꧀ꦤꦺꦴꦃꦲꦶꦁꦮꦺꦴꦁꦏꦁꦲꦔꦫꦤ꧀ꦤꦶ꧈ꦪꦺꦤ꧀ꦲꦺꦭꦶꦪꦱ꧀ꦮꦸꦱ꧀ꦲꦔꦠꦺꦴꦏ꧀꧈ꦲꦸꦠꦮꦲꦤꦮꦺꦴꦁꦭꦶꦪꦤ꧀ꦤꦺꦏꦁꦲꦔꦫꦤ꧀ꦤꦶ꧈ꦪꦺꦤ꧀ꦏꦁꦗꦸꦩꦼꦤ꧀ꦤꦼꦁꦱꦭꦃꦱꦮꦶꦗꦶꦤ꧀ꦤꦶꦁꦥꦫꦟꦨꦶꦏꦁꦲꦶꦁꦩꦲꦸꦩꦲꦸ꧉
꧙꧉ꦩꦺꦴꦁꦏꦥꦔꦸꦕ [ 169 ]ꦥ꧀ꦥꦺꦲꦺꦫꦺꦴꦣꦼꦱ꧀꧈ꦩꦸꦁꦒꦸꦃꦪꦺꦴꦏ꦳ꦤ꧀ꦤꦤ꧀ꦤꦶꦏꦸꦏꦁꦮꦸꦱ꧀ꦠꦏ꧀ꦠꦸꦒꦼꦭ꧀ꦲꦼꦟ꧀ꦝꦱ꧀ꦱꦺ꧈ꦢꦺꦤ꧀ꦤꦺꦮꦺꦴꦁꦔꦶꦏꦸꦱꦥ꧈ꦏꦁꦠꦠ꧀ꦫꦸꦔꦸꦱꦼꦩꦺꦴꦤ꧀ꦤꦺꦴꦲꦶꦏꦸ꧈ꦩꦺꦴꦁꦏꦲꦺꦫꦺꦴꦣꦼꦱ꧀ꦲꦔꦸꦥꦪꦩꦂꦒꦧꦏꦭ꧀ꦩꦶꦂꦰꦩꦫꦁꦪꦺꦯꦸꦱ꧀꧉ ꧉
꧑꧐꧉ ꧋ꦲꦤꦢꦺꦤ꧀ꦤꦺꦱꦲꦸꦭꦶꦪꦺꦲꦸꦠꦸꦱ꧀ꦱꦤ꧀ꦩꦲꦸ꧈ꦥꦣꦲꦤ꧀ꦚꦫꦶꦠꦏ꧀ꦲꦏꦺꦩꦫꦁꦪꦺꦯꦸꦱ꧀꧈ꦲꦥꦏꦁꦮꦸꦱ꧀ꦭꦶꦤ꧀ꦤꦏꦺꦴꦤ꧀ꦤꦤ꧀ꦏꦧꦺꦃ꧈ꦠꦸꦩꦸꦭꦶꦏꦧꦺꦃꦩꦲꦸꦥꦣꦒꦶꦤ꧀ꦤꦮꦱꦸꦩꦶꦁꦏꦶꦂꦲꦣꦺꦣꦺꦮꦺꦏ꧀ꦏꦤ꧀ꦩꦫꦁꦥꦁꦒꦺꦴꦤ꧀ꦤꦤ꧀ꦱꦼꦥꦶ꧈ꦕꦼꦣꦏ꧀ꦭꦤ꧀ꦤꦼꦒꦫꦏꦁꦢꦶꦲꦫꦤ꧀ꦤꦶꦧꦺꦠ꧀ꦱꦪꦶꦢ꧉
꧑꧑꧉ ꦢꦺꦤ꧀ꦤꦺꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦮꦸꦱ꧀ꦥꦣꦱꦸꦩꦸꦫꦸꦥ꧀꧈ꦥꦣꦲꦤꦸꦠꦸꦠ꧀ꦠꦶꦩꦫꦁꦪꦺꦯꦸꦱ꧀꧈ꦱꦂꦠꦥꦣꦠꦶꦤ꧀ꦤꦩ꧀ꦥꦤ꧀ꦤꦤ꧀ꦠꦶꦤꦸꦠꦸꦂꦫꦤ꧀ꦲꦶꦁꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧈ꦱꦂꦠꦮꦺꦴꦁꦏꦁꦥꦣꦲꦺꦴꦫꦏꦥꦺꦤ꧀ꦤꦏ꧀ꦲꦮꦏ꧀ꦏꦺꦥꦣꦏꦩꦸꦭꦾꦏ꧀ꦲꦏꦺ꧉
꧑꧒꧉ ꦧꦉꦁꦠꦸꦩꦼꦏꦲꦶꦁꦭꦶꦁꦱꦶꦂꦏꦸꦭꦺꦴꦤ꧀꧈ꦥꦫꦱꦏ꦳ꦧꦠ꧀ꦫꦺꦴꦭꦱ꧀ꦩꦲꦸꦲꦸꦩꦉꦏ꧀ꦩꦫꦁꦪꦺꦯꦸꦱ꧀ꦱꦂ ꦠꦲꦸꦩꦠꦸꦂ꧈ꦠꦶꦪꦁꦒꦺꦴꦒꦺꦴꦭꦺꦴꦁꦔꦤ꧀ꦥꦸꦤ꧀ꦤꦶꦏꦩꦸꦒꦶꦱꦩ꧀ꦥꦺꦪꦤ꧀ꦝꦢꦮꦃꦲꦶꦢꦶꦏꦏ꧀ꦲꦏꦼꦤ꧀ꦏꦺꦱꦃ꧈ꦣꦠꦼꦁꦲꦶꦁꦥꦣꦸꦱꦸꦤ꧀ꦤꦤ꧀ꦲꦸꦠꦮꦶꦥꦣꦼꦏꦃꦲꦤ꧀ꦲꦶꦁꦱꦲꦸꦧꦼꦁꦔꦶꦥꦸꦤ꧀꧈ꦱꦩꦶꦔꦸꦥꦢꦺꦴꦱ꧀ꦱꦥꦱꦶꦥꦼꦁꦔꦤ꧀ꦱꦂꦠꦱꦩꦶꦲꦁꦱꦭ꧀ꦭꦠꦠꦼꦣꦤ꧀꧈ꦲꦮꦶꦠ꧀ꦢꦺꦤ꧀ꦤꦶꦁꦲꦶꦁꦔꦿꦶꦏꦶꦥꦁꦒꦺꦤ꧀ꦤꦤ꧀ꦱꦼꦥꦼꦤ꧀꧉
꧑꧓꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦏꦺꦴꦮꦺꦏꦁꦲꦁꦔ꧀ꦮꦺꦤ꧀ꦤꦺꦃꦲꦤꦥꦔꦤ꧀ꦩ​ꦫꦁꦮꦺꦴꦁꦔꦶꦏꦸ꧈ꦲꦠꦸꦂꦫꦺꦥꦫꦱꦏ꦳ꦧꦠ꧀꧈ꦏꦮꦸꦭꦧꦺꦴꦠꦼꦤ꧀ꦒꦣꦃꦲꦚ꧀ꦗꦮꦶꦤꦩꦸꦁꦫꦺꦴꦠꦶꦒꦁꦱꦭ꧀ꦲꦏꦭꦶꦪꦤ꧀ꦲꦸꦭꦩ꧀ꦭꦺꦴꦃꦏꦏꦭꦶꦃ꧈ꦏꦗꦮꦶꦏꦮꦸꦭꦏꦺꦱꦃꦲꦤꦸꦩ꧀ꦧꦱ꧀ꦱꦏꦼꦤ꧀ꦠꦠꦼꦣꦤ꧀꧈ꦣꦸꦩꦠꦼꦁꦠꦶꦪꦁꦥꦸꦤ꧀ꦤꦶꦏꦱꦢꦪ꧉
꧑꧔꧉ ꦱꦧꦧ꧀ꦮꦼꦠꦫꦤ꧀ꦤꦺꦲꦤꦮꦺꦴꦁꦭꦶꦩꦁꦔꦺꦮꦸ꧈ꦪꦺꦯꦸꦱ꧀ꦠꦸꦩꦸꦭꦶꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀ꦠꦺ꧈ꦮꦺꦴꦁꦔꦶꦏꦸꦏꦧꦺꦃꦥꦣꦏꦺꦴꦤ꧀ꦤꦼꦤ꧀ꦭꦸꦁꦒꦸꦃꦲꦥꦤ꧀ꦛꦤ꧀ꦥꦤ꧀ꦛꦤ꧀ꦲꦺꦏꦼꦠ꧀ꦠꦤ꧀꧉
꧑꧕꧉ ꦠꦸꦩꦸꦭꦶꦥꦣꦲꦔ꧀ꦭꦏꦺꦴꦤ꧀ꦤꦶꦲꦶꦁꦱꦣꦮꦸꦃꦲꦺꦪꦺꦯꦸꦱ꧀ꦩꦲꦸ꧈ꦱꦂꦠꦥꦣꦭꦸꦁꦒꦸꦃꦏꦧꦺꦃ꧉
꧑꧖꧉ ꦢꦺꦤ꧀ꦤꦺꦫꦺꦴꦠꦶꦭꦶꦭꦶꦩꦭꦤ꧀ꦲꦶꦮꦏ꧀ꦭꦺꦴꦃꦭꦺꦴꦫꦺꦴꦩꦲꦸ꧈ꦱꦮꦸꦱ꧀ꦱꦺꦲꦶꦁꦔꦩ꧀ꦧꦶꦭ꧀ꦪꦺꦯꦸꦱ꧀ꦠꦸꦩꦼꦁꦔꦩꦫꦁꦭꦔꦶꦠ꧀꧈ꦱꦮꦸꦱ꧀ꦱꦺꦧꦶꦤ꧀ꦤꦼꦂꦏꦃꦲꦏꦺꦧꦚ꧀ꦗꦸꦂꦠꦶꦤꦸꦒꦼꦭ꧀ꦠꦸꦒꦼꦭ꧀꧈ꦠꦸꦩꦸꦭꦶꦥꦶꦤ꧀ꦤꦫꦶꦁꦔꦏꦺꦩꦫꦁꦥꦫꦱꦏ꦳ꦧꦠ꧀꧈ꦥꦣꦢꦶꦏꦏ꧀ꦲꦏꦺꦲꦩꦫꦶꦁꦔꦏꦺꦩꦫꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧉
꧑꧗꧉ ꦮꦺꦴꦁꦩꦲꦸꦠꦸꦩꦸꦭꦶꦥꦣꦩꦔꦤ꧀ꦱꦂꦠꦥꦣꦏꦮꦉꦒ꧀ꦒꦤ꧀ꦏꦧꦺꦃ꧈ꦭꦤ꧀ꦱꦶꦱꦤ꧀ꦤꦶꦁꦠꦸꦠꦸꦒꦼꦭ꧀ꦭꦤ꧀ꦥꦣꦗꦶꦤꦸꦏꦸꦏ꧀ꦏꦤ꧀ꦮꦶꦤ꧀ꦤꦣꦃꦲꦤ꧀ꦲꦶꦁꦏꦿꦚ꧀ꦗꦁꦫꦺꦴꦭꦱ꧀꧉ ꧉
꧑꧘꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦤꦭꦶꦏꦲꦱꦼꦩ꧀ꦧꦸꦪꦁꦲꦶꦁꦔꦣꦼꦥ꧀ꦥꦫꦱꦏ꦳ꦧꦠ꧀ꦲꦣꦺꦣꦺꦮꦺꦏ꧀ꦏꦤ꧀꧈ꦪꦺꦯꦸꦱ꧀ꦲꦤ꧀ꦢꦔꦸꦩꦫꦁꦱꦏ꦳ꦧꦠ꧀ꦠꦺꦥꦔꦤ꧀ꦢꦶꦏꦤ꧀ꦤꦺ꧈ꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦤꦶꦏꦸꦥꦣꦲꦔꦫꦤ꧀ꦤꦶꦱꦥꦩꦫꦁꦔꦏꦸ꧉
꧑꧙꧉ ꦩꦺꦴꦁꦏꦥꦫꦱꦏ꦳ꦧꦠ꧀ꦥꦣꦲꦩꦁꦱꦸ [ 170 ]ꦭ꧀ꦭꦶꦲꦠꦸꦂ꧈ꦮꦺꦴꦤ꧀ꦠꦼꦤ꧀ꦲꦶꦁꦏꦁꦩꦼꦱ꧀ꦠꦤ꧀ꦤꦶꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦪꦺꦴꦏ꦳ꦤ꧀ꦤꦤ꧀ꦧꦥ꧀ꦠꦶꦱ꧀ꦡ꧈ꦮꦺꦴꦤ꧀ꦠꦼꦤ꧀ꦩꦭꦶꦃꦲꦶꦁꦏꦁꦲꦩꦼꦱ꧀ꦠꦤ꧀ꦤꦶꦪꦺꦤ꧀ꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦄꦺꦭꦶꦪꦱ꧀꧈ꦮꦺꦴꦤ꧀ꦠꦼꦤ꧀ꦏꦁꦱꦠꦼꦔꦃꦲꦶꦥꦸꦤ꧀ꦲꦶꦁꦏꦁꦲꦩꦼꦱ꧀ꦠꦤ꧀ꦤꦶ꧈ꦪꦺꦤ꧀ꦱꦠꦸꦁꦒꦭ꧀ꦭꦶꦥꦸꦤ꧀ꦤꦨꦶꦏꦁꦮꦲꦸꦮꦲꦸꦗꦸꦩꦼꦤ꧀ꦤꦼꦁ꧉
꧒꧐꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀ꦩꦫꦁꦥꦫꦱꦏ꦳ꦧꦠ꧀꧈ꦩꦸꦁꦒꦸꦃꦏꦺꦴꦮꦺꦥꦣꦲꦔꦫꦤ꧀ꦤꦶꦱꦥꦩꦫꦁꦔ ꦏꦸ꧈ꦩꦺꦴꦁꦏꦦꦺꦠꦿꦸꦱ꧀ꦲꦩꦁꦱꦸꦭ꧀ꦭꦶꦲꦠꦸꦂ꧈ꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦏꦿꦶꦱ꧀ꦡꦸꦱ꧀ꦱꦶꦁꦄꦭ꧀ꦭꦃ꧉
꧒꧑꧉ ꦩꦺꦴꦁꦏꦪꦺꦯꦸꦱ꧀ꦲꦤ꧀ꦢꦸꦏꦤ꧀ꦤꦶ꧈ꦲꦗꦏꦺꦴꦁꦱꦶꦏꦗꦸꦮꦫꦏ꧀ꦲꦏꦺꦩꦫꦁꦔꦸꦮꦺꦴꦁ꧉
꧒꧒꧉ ꦥꦔꦤ꧀ꦢꦶꦏꦤ꧀ꦤꦺ꧈ꦩꦸꦁꦒꦸꦃꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦏꦸꦮꦗꦶꦧ꧀ꦧꦤ꧀ꦲꦤ꧀ꦤꦟ꧀ꦝꦁꦥꦶꦭꦫꦲꦏꦺꦃ꧈ꦱꦂꦠꦠꦶꦤ꧀ꦤꦩ꧀ꦥꦶꦏ꧀ꦢꦺꦤ꧀ꦤꦶꦁꦥꦫꦥꦶꦤ꧀ꦤꦶꦠꦸꦮ꧈ꦲꦸꦠꦮꦥꦫꦥꦔꦸꦭꦸꦠꦸꦮꦶꦤ꧀ꦥꦫꦔꦸꦭꦩ꧈ꦭ ꦤ꧀ꦧꦏꦭ꧀ꦥꦶꦤ꧀ꦤꦠꦺꦤ꧀ꦤꦤ꧀꧈ꦢꦺꦤ꧀ꦤꦺꦲꦶꦁꦢꦶꦤ꧀ꦤꦏꦥꦶꦁꦠꦼꦭꦸꦢꦶꦲꦸꦫꦶꦥ꧀ꦥꦏꦺꦩꦤ꧀ꦤꦺꦃ꧉
꧒꧓꧉ ꦪꦺꦯꦸꦱ꧀ꦠꦸꦩꦸꦭꦶꦔꦤ꧀ꦢꦶꦏꦩꦫꦁꦮꦺꦴꦁꦏꦧꦺꦃ꧈ꦱꦥꦮꦺꦴꦁꦔꦺꦏꦁꦲꦉꦥ꧀ꦲꦠꦸꦠ꧀ꦧꦸꦫꦶꦩꦫꦁꦔꦏꦸ꧈ꦲꦕꦼꦒꦃꦲꦲꦮꦏ꧀ꦏꦺꦣꦺꦮꦺ꧈ꦱꦂꦠꦲꦩꦶꦏꦸꦭ꧀ꦭꦥꦩꦼꦤ꧀ꦛꦁꦔꦤ꧀ꦤꦺ꧈ꦒꦺꦴꦤ꧀ꦤꦺꦲꦟ꧀ꦝꦺꦫꦺꦏ꧀ꦩꦫꦁꦔꦏꦸꦱꦢꦶꦤ꧀ꦤꦢꦶꦤ꧀ꦤ꧉
꧒꧔꧉ ꦢꦺꦤ꧀ꦤꦺꦱꦥꦮꦺꦴꦁꦔꦺꦏꦁꦏꦸꦢꦸꦫꦸꦩꦼꦏ꧀ꦱꦚꦮꦤ꧀ꦤꦺ꧈ꦲꦶꦏꦸꦧꦏꦭ꧀ꦲꦔꦶꦭꦁꦔꦏꦺꦚꦮꦤ꧀ꦤꦺ꧈ꦭꦤ꧀ꦱꦥꦮꦺꦴꦁꦔꦺꦏꦁꦲꦠꦺꦒꦩꦫꦁꦚꦮꦤ꧀ꦤꦺꦏꦁꦲꦮꦶꦠ꧀ꦱꦏꦲꦶꦁꦔꦏꦸ꧈ꦲꦶꦏꦸꦧꦏꦭ꧀ꦲꦩꦸꦭꦾꦏ꧀ꦲꦏꦺꦚꦮꦤ꧀ꦤꦺ꧉
꧒꧕꧉ ꦱꦧꦧ꧀ꦢꦺꦤ꧀ꦤꦺꦲꦥꦥꦲꦺꦢꦃꦲꦶꦁꦔꦸꦮꦺꦴꦁ꧈ꦲꦺꦴꦭꦺꦃꦧꦧꦛꦶꦤ꧀ꦤꦶꦁꦗꦒꦢ꧀ꦏꦧꦺꦃ꧈ꦩꦺꦴꦁꦏꦏꦫꦸꦱꦏ꧀ꦏꦤ꧀ꦱꦂꦠꦏꦠꦸꦤ꧀ꦤꦤ꧀ꦲꦮꦏ꧀ꦏꦺꦣꦺꦮꦺ꧉
꧒꧖꧉ ꦢꦺꦤ꧀ꦤꦺꦱꦶꦁꦱꦥꦮꦺꦴꦁꦔꦺꦏꦁꦲꦶꦱꦶꦤ꧀ꦩꦫꦁꦔꦏꦸꦭꦤ꧀ꦩꦫꦁꦥꦶꦠꦸꦠꦸꦂꦏꦸ꧈ꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦲꦶꦪꦧꦏꦭ꧀ꦲꦔꦶꦱꦶꦤ꧀ꦤꦶꦱꦶꦤ꧀ꦩꦫꦁꦮꦺꦴꦁꦔꦶꦏꦸ꧈ꦤꦭꦶꦏꦫꦮꦸꦃꦲꦔꦒꦼꦩ꧀ꦏꦩꦸꦭꦾꦤ꧀ꦤꦺꦣꦺ ꦮꦺ꧈ꦲꦸꦠꦮꦲꦶꦁꦏꦩꦸꦭꦾꦤ꧀ꦤꦺꦧꦥꦏ꧀ꦏꦤ꧀ꦤꦺꦭꦤ꧀ꦥꦫꦩꦭꦲꦺꦏꦠ꧀ꦲꦶꦁꦏꦁꦯꦸꦕꦶ꧉
꧒꧗꧉ ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺꦱꦠꦼꦩꦼꦤ꧀ꦤꦺ꧈ꦪꦺꦤ꧀ꦲꦶꦁꦏꦺꦤ꧀ꦤꦺꦲꦤꦱꦮꦼꦤ꧀ꦤꦺꦃꦲꦶꦁꦮꦺꦴꦁꦲꦔꦢꦼꦒ꧀꧈ꦧꦏꦭ꧀ꦲꦺꦴꦫꦫꦸꦩꦺꦴꦁꦱꦩꦠꦶ꧈ꦱꦢꦸꦫꦸꦁꦔꦺꦮꦼꦂꦫꦸꦃꦩꦫꦁꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉ ꧉
꧒꧘꧉ ꦥꦶꦠꦸꦠꦸꦂꦲꦶꦏꦸꦩꦲꦸꦱꦮꦸꦱ꧀ꦱꦺꦏꦭꦏꦺꦴꦤ꧀ꦲꦤ꧀ꦠꦫꦮꦺꦴꦭꦸꦁꦢꦶꦤ꧀ꦤ꧈ꦪꦺꦯꦸꦱ꧀ꦠꦸꦩꦸꦭꦶꦲꦩ꧀ꦧꦼꦏ꧀ꦠꦩꦫꦁꦦꦺꦠꦿꦸꦱ꧀ꦭꦮꦤ꧀ꦒꦺꦴꦏ꦳ꦤ꧀ꦤꦤ꧀ꦲꦸꦠꦮꦪꦏꦺꦴꦧꦸꦱ꧀꧈ꦩꦸꦁꦒꦃꦩꦫꦁꦒꦸꦤꦸꦁꦧꦏꦭ꧀ꦲꦱꦼꦩ꧀ꦧꦪꦁ꧉
꧒꧙꧉ ꦢꦺꦤ꧀ꦤꦺꦲꦶꦁꦤꦭꦶꦏꦪꦺꦯꦸꦱ꧀ꦲꦱꦼꦩ꧀ꦧꦪꦁ꧈ꦲꦱꦭꦶꦤ꧀ꦮꦂꦤꦮꦼ ꦢꦤ꧀ꦤꦤ꧀ꦤꦺ꧈ꦱꦂꦠꦥꦔꦒꦼꦩ꧀ꦩꦤ꧀ꦤꦺꦢꦢꦶꦥꦸꦠꦶꦃꦒꦸꦩꦶꦭꦥ꧀꧉
꧓꧐꧉ ꦠꦤ꧀ꦲꦤ꧀ꦠꦫꦠꦸꦩꦸꦭꦶꦲꦤꦮꦺꦴꦁꦭꦺꦴꦫꦺꦴ꧈ꦲꦶꦏꦸꦩꦸꦯꦭꦤ꧀ꦲꦺꦭꦶꦪꦱ꧀꧈ꦥꦣꦱꦥꦺꦴꦕꦥ꧀ꦥꦤ꧀ꦭꦮꦤ꧀ꦪꦺꦯꦸꦱ꧀꧉
꧓꧑꧉ ꦥꦣꦏꦠꦶꦔꦭ꧀ꦭꦤ꧀ꦲꦔꦒꦼꦩ꧀ꦲꦶꦁꦏꦩꦸꦭꦾꦤ꧀꧈ꦥꦣꦲꦉꦫꦱꦤ꧀ꦩꦸꦁꦒꦸꦃꦠꦼꦩꦃꦲꦤ꧀ꦤꦺꦏꦁꦧꦏꦭ꧀ꦏꦠꦼꦠꦼꦥ꧀ꦥꦤ꧀ꦲꦶꦁꦪꦼꦫꦸꦱꦭꦺꦩ꧀꧉
꧓꧒꧉ ꦩꦺꦴꦁꦏꦦꦺꦠꦿꦸꦱ꧀ꦱꦫꦺꦴꦮꦁꦔꦺ [ 171 ]ꦥꦣꦏꦧꦺꦴꦠ꧀ꦠꦼꦤ꧀ꦠꦸꦫꦸ꧈ꦧꦉꦁꦠꦔꦶꦥꦣꦲꦤ꧀ꦢꦼꦊꦁꦲꦶꦁꦏꦩꦸꦭꦾꦤ꧀ꦤꦺ꧈ꦲꦸꦠꦮꦩꦫꦁꦮꦺꦴꦁꦭꦺꦴꦫꦺꦴꦩꦲꦸꦒꦺꦴꦤ꧀ꦤꦺꦥꦣꦗꦸꦩꦼꦤ꧀ꦤꦼꦁꦭꦮꦤ꧀ꦪꦺꦯꦸꦱ꧀꧉
꧓꧓꧉ ꦧꦉꦁꦲꦉꦥ꧀ꦥꦶꦥꦶꦱꦃꦲꦤ꧀ꦦꦺꦠꦿꦸꦱ꧀ꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦓꦸꦫꦸ꧈ꦏꦮꦸꦭꦱꦩꦶꦥꦿꦪꦺꦴꦒꦶꦩꦁꦒꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦶ꧈ꦱꦂꦠꦏꦮꦸꦭꦧꦣꦺꦲꦢꦩꦼꦭ꧀ꦠꦫꦸꦧ꧀ꦠꦶꦠꦶꦒ꧈ꦲꦶꦁꦏꦁꦱꦠꦸꦁꦒꦭ꧀ꦢꦢꦺꦴ ꦱ꧀ꦱꦏꦒꦸꦁꦔꦤ꧀ꦱꦩ꧀ꦥꦺꦪꦤ꧀꧈ꦱꦠꦸꦁꦒꦭ꧀ꦭꦶꦥꦸꦤ꧀ꦢꦢꦺꦴꦱ꧀ꦱꦏꦒꦸꦁꦔꦤ꧀ꦤꦶꦥꦸꦤ꧀ꦩꦸꦯ꧈ꦱꦠꦸꦁꦒꦭ꧀ꦭꦶꦥꦸꦤ꧀ꦩꦭꦶꦃꦢꦢꦺꦴꦱ꧀ꦱꦏꦒꦸꦁꦔꦤ꧀ꦤꦶꦥꦸꦤ꧀ꦲꦺꦭꦶꦪꦱ꧀꧈ꦤꦔꦶꦁꦦꦺꦠꦿꦸꦱ꧀ꦲꦶꦏꦸꦲꦺꦴꦫꦱꦸꦩꦸꦫꦸꦥ꧀ꦲꦥꦏꦁꦢꦢꦶꦲꦠꦸꦂꦫꦺ꧉
꧓꧔꧉ ꦧꦉꦁꦲꦶꦱꦶꦃꦲꦸꦩꦠꦸꦂꦲꦤꦩꦺꦒꦠꦼꦏꦲꦩꦪꦸꦁꦔꦶꦩꦫꦁꦏꦁꦱꦥꦺꦴꦕꦥ꧀ꦥꦤ꧀ꦤꦶꦏꦸꦩꦲꦸ꧈ꦧꦚ꧀ꦗꦸꦂꦥꦣꦮꦼꦢꦶꦤꦭꦶꦏꦮꦼꦂꦫꦸꦃꦒꦺꦴꦤ꧀ꦤꦺꦥꦣꦏꦊꦧꦸꦲꦤꦲꦶꦁꦩꦺꦒ꧉
꧓꧕꧉ ꦠꦸꦩꦸꦭꦶꦲꦤꦱ꧀ꦮꦫꦱꦏꦲꦶꦁꦩꦺꦒ꧈ꦥꦔꦤ꧀ꦢꦶꦏꦤ꧀ꦤꦺ꧈ꦲꦶꦏꦸꦥꦸꦠꦿꦤ꧀ꦤꦶꦁꦯꦸꦤ꧀ꦏꦏꦱꦶꦃ꧈ꦲꦶꦏꦸꦥꦣꦫꦸꦔꦺꦴꦏ꧀ꦏꦼꦤ꧀ꦤ꧉
꧓꧖꧉ ꦱꦣꦮꦸꦃꦲꦶꦁꦱ꧀ꦮꦫꦩꦲꦸ꧈ꦪꦺꦯꦸꦱ꧀ꦮꦸꦱ꧀ꦏꦠꦼꦩꦸꦏꦫꦶꦥꦶꦪꦩ꧀ꦧꦏ꧀꧈ꦢꦺꦤ꧀ꦤꦺꦱꦏ꦳ꦧꦠ꧀ꦠꦠꦼꦭꦸꦩꦲꦸꦥꦣꦩꦼꦤ꧀ꦤꦼꦁ꧈ꦱꦂꦠꦲꦶꦁꦮꦼꦏ꧀ꦠꦸꦲꦶꦏꦸꦲꦺꦴꦫꦲꦮꦮꦼꦂꦠꦩꦫꦁꦮꦺꦴꦁꦲꦥꦏꦁꦮꦸꦱ꧀ꦢꦶꦤ꧀ꦤꦼꦊꦁꦩꦲꦸ꧉ ꧉
꧓꧗꧉ ꧋ꦲꦤꦢꦺꦤ꧀ꦤꦺꦲꦶꦁꦢꦶꦤ꧀ꦤꦲꦺꦱꦸꦏ꧀ꦏꦺ꧈ꦧꦉꦁꦥꦣꦩꦸꦣꦸꦤ꧀ꦱꦏꦲꦶꦁꦒꦸꦤꦸꦁ꧈ꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦲꦏꦺꦃꦥꦣꦩꦼꦛꦸꦏ꧀ꦩꦫꦁꦪꦺꦯꦸꦱ꧀꧉
꧓꧘꧉ ꦭꦤ꧀ꦲꦤꦱꦮꦶꦗꦶꦲꦸꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦲꦔꦸꦮꦸꦃꦲꦸꦮꦸꦃꦲꦠꦸꦂꦫꦺ꧈ꦓꦸꦫꦸ꧈ꦱꦩ꧀ꦥꦺꦪꦤ꧀ꦏꦮꦸꦭꦲꦠꦸꦂꦫꦶ꧈ꦩꦸꦒꦶꦲꦩꦫꦶꦏ꧀ꦱꦤ꧀ꦤꦤꦣꦠꦼꦁꦲꦤ꧀ꦤꦏ꧀ꦏꦮꦸꦭ꧈ꦢꦺꦤ꧀ꦤꦺꦲꦤ꧀ꦤꦏ꧀ꦏꦮꦸꦭꦥꦸꦤ꧀ꦤꦶꦏꦲꦺꦴꦤ꧀ꦠꦁꦔꦤ꧀ꦠꦶꦁ꧉
꧓꧙꧉ ꦏꦕꦟ꧀ꦝꦏ꧀ꦲꦶꦁꦱꦺꦠꦤ꧀ꦱꦂꦠꦭꦗꦼꦁꦲꦗꦼꦂꦫꦠ꧀ꦗꦼꦂꦫꦶꦠ꧀꧈ꦠꦸꦮꦶꦤ꧀ꦫꦶꦤ꧀ꦤꦫꦺꦮꦺꦁꦔꦤ꧀ꦠꦺꦴꦱ꧀ꦩꦸꦫꦸꦃꦕꦁꦏꦼꦩ꧀ꦩꦶꦥꦸꦤ꧀꧈ꦱꦂꦠꦲꦮꦶꦱ꧀ꦏꦲꦶꦁꦒꦠ꧀ꦠꦤ꧀ꦒꦺꦤ꧀ꦤꦶꦥꦸꦤ꧀ꦩꦱꦸꦃꦣꦸꦩꦠꦼꦁꦲꦤ꧀ꦤꦏ꧀ꦏꦮꦸꦭꦮꦲꦸ꧉
꧔꧐꧉ ꦮꦺꦴꦤ꧀ꦢꦺꦤ꧀ꦠꦼꦤ꧀ꦏꦮꦸꦭꦲꦶꦁꦒꦶꦃꦱꦩ꧀ꦥꦸꦤ꧀ꦲꦤ꧀ꦚꦸꦮꦸꦤ꧀ꦤꦏꦼꦤ꧀ꦝꦸꦩꦠꦼꦁꦱꦏ꦳ꦧꦠ꧀ꦱꦩ꧀ꦥꦺꦪꦤ꧀꧈ꦱꦸꦥꦢꦺꦴꦱ꧀ꦏꦧꦸꦕꦭ꧀ꦭ꧈ꦤꦔꦶꦁꦱꦩꦶꦧꦺꦴꦠꦼꦤ꧀ꦱꦒꦼꦢ꧀꧉
꧔꧑꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦲꦺꦃꦧꦺꦴꦁꦱꦏꦁꦲꦺꦴꦫꦥꦿꦕꦪꦭꦤ꧀ꦏꦁꦏꦧ꧀ꦭꦶꦁꦔꦼꦂ꧈ꦲꦺꦴꦭꦺꦃꦏꦸꦲꦩꦺꦴꦂꦭꦮꦤ꧀ꦏꦺꦴꦮꦺꦥꦶꦫꦭꦮꦱ꧀ꦱꦺꦴꦱꦂꦠꦲꦺꦴꦭꦺꦃꦏꦸꦚꦧꦂꦫꦶꦩꦫꦁꦏꦺꦴꦮꦺ꧈ꦲꦤ꧀ꦤꦏ꧀ꦩꦸꦲꦶꦏꦸꦒꦮꦤ꧀ꦤꦼꦤ꧀ꦩꦫꦺꦤ꧀ꦤꦺ꧉
꧔꧒꧉ ꦧꦉꦁꦱꦠꦼꦏꦤ꧀ꦤꦺꦧꦺꦴꦕꦃꦩꦲꦸꦫꦶꦤ꧀ꦤꦫꦺꦮꦺꦁꦱꦂꦠꦱꦶꦤꦸꦮꦺꦏ꧀ꦢꦺꦤ꧀ꦤꦶꦁꦱꦺꦠꦤ꧀꧈ꦪꦺꦯꦸꦱ꧀ꦠꦸꦩꦸꦭꦶꦲꦤ꧀ꦢꦸꦏꦤ꧀ꦤꦶꦩꦫꦁꦱꦺꦠꦤ꧀ꦉꦒꦼꦢ꧀ꦲꦶꦏꦸ꧈ꦱꦂꦠꦧꦺꦴꦕꦃꦩꦲꦸꦩꦶꦤꦸꦭꦾꦏ꧀ꦲꦏꦺ꧈ꦧꦚ꧀ꦗꦸꦂꦥꦶꦤ꧀ꦤꦱꦿꦃꦲꦏꦺꦩꦫꦁꦧꦥꦏ꧀ꦤꦺ꧉
꧔꧓꧉ ꦢꦺꦤ꧀ꦤꦺꦮꦺꦴꦁꦏꦁꦮꦼꦂꦫꦸꦃꦏꦧꦺꦃꦥꦣꦲꦔꦸꦔꦸꦤ꧀ꦲꦮꦶꦠ꧀ꦱꦏꦏꦸꦮꦱꦤ꧀ꦤꦶꦁꦄꦭ꧀ꦭꦃ꧈ꦲꦶꦁꦤꦭꦶꦏꦥꦣꦏꦲꦺꦫꦩ꧀ꦩꦤ꧀ꦲꦮꦶꦠ꧀ꦱꦏꦏꦁꦭꦶꦤ꧀ꦤꦏꦺꦴꦤ꧀ꦢꦺꦤ꧀ꦤꦶꦁꦪꦺꦯꦸꦱ꧀ꦲꦶꦏꦸ꧈ꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀ꦠꦺ꧉
꧔꧔꧉ ꦥꦶꦠꦸꦠꦸꦂꦏꦸꦏ [ 172 ]ꦧꦺꦃꦲꦶꦏꦸꦩꦲꦸꦥꦣꦫꦸꦔꦺꦴꦏ꧀ꦲꦼꦤ꧀ꦤꦲꦶꦁꦏꦸꦥꦶꦁꦩꦸ꧈ꦱꦧꦧ꧀ꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦧꦏꦭ꧀ꦢꦶꦲꦸꦭꦸꦁꦔꦏꦺꦩꦫꦁꦠꦔꦤ꧀ꦤꦶꦁꦔꦸꦮꦺꦴꦁ꧉
꧔꧕꧉ ꦢꦺꦤ꧀ꦤꦺꦥꦫꦱꦏ꦳ꦧꦠ꧀ꦥꦣꦲꦺꦴꦫꦩꦔꦂꦠꦶꦩꦫꦁꦥꦿꦏꦫꦲꦶꦏꦸ꧈ꦱꦂꦠꦥꦣꦏꦏꦶꦭꦥ꧀ꦥꦤ꧀ꦢꦢꦶꦥꦣꦲꦺꦴꦫꦱꦸꦩꦸꦫꦸꦥ꧀꧈ꦭꦤ꧀ꦥꦣꦮꦼꦢꦶꦲꦸꦩꦠꦸꦂꦥꦶꦠꦏꦺꦤ꧀ꦩꦫꦁꦪꦺꦯꦸꦱ꧀ꦩꦸꦁꦒꦸꦃꦥꦿꦏꦫꦲꦶꦏꦸꦩꦲꦸ꧉ ꧉
꧔꧖꧉ ꧋ꦲꦤꦢꦺꦤ꧀ꦤꦺꦥꦫꦱꦏ꦳ꦧꦠ꧀ꦥꦣꦲꦉꦫꦱꦤ꧀ꦝꦺꦣꦺꦮꦺꦏ꧀ꦏꦤ꧀꧈ꦱꦥꦏꦁꦢꦢꦶꦒꦼꦣꦺꦣꦺꦮꦺꦱꦥꦤꦸꦁꦒꦭ꧀ꦭꦤ꧀ꦤꦺ꧉
꧔꧗꧉ ꦩꦺꦴꦁꦏꦪꦺꦯꦸꦱ꧀ꦩꦶꦂꦰꦩꦫꦁꦱꦲꦺꦴꦱꦶꦏ꧀ꦏꦶꦁꦔꦠꦶꦤ꧀ꦤꦺꦲꦶꦏꦸ꧈ꦲꦔꦭꦥ꧀ꦧꦺꦴꦕꦃꦕꦶꦭꦶꦏ꧀꧈ꦲꦶꦁꦔꦢꦼꦒ꧀ꦒꦏꦺꦲꦤꦲꦶꦁꦔꦂꦰꦤ꧀ꦤꦺ꧉
꧔꧘꧉ ꦱꦂꦠꦲ ꦔꦤ꧀ꦢꦶꦏꦩꦫꦁꦱꦏ꦳ꦧꦠ꧀ꦠꦺ꧈ꦱꦥꦏꦁꦲꦤ꧀ꦤꦩ꧀ꦥꦤ꧀ꦤꦶꦩꦫꦁꦧꦺꦴꦕꦃꦕꦶꦭꦶꦏ꧀ꦱꦼꦩꦺꦤ꧀ꦤꦺꦲꦶꦏꦶ꧈ꦏꦁꦲꦮꦶꦠ꧀ꦱꦏꦲꦶꦁꦗꦼꦤ꧀ꦤꦼꦁꦏꦸ꧈ꦲꦶꦏꦸꦲꦶꦪꦲꦤ꧀ꦤꦩ꧀ꦥꦤ꧀ꦤꦶꦩꦫꦁꦔꦏꦸ꧈ꦭꦤ꧀ꦱꦥꦏꦁꦲꦤ꧀ꦤꦩ꧀ꦥꦤ꧀ꦤꦶꦩꦫꦁꦔꦏꦸ꧈ꦲꦶꦏꦸꦲꦶꦪꦲꦤ꧀ꦤꦩ꧀ꦥꦤ꧀ꦤꦶꦩꦫꦁꦏꦁꦲꦔꦸꦠꦸꦱ꧀ꦩꦫꦁꦔꦏꦸ꧈ꦢꦺꦤ꧀ꦤꦺꦲꦼꦤ꧀ꦢꦶꦏꦕꦶꦭꦶꦏ꧀ꦝꦺꦮꦺꦱꦥꦤꦸꦁꦒꦭ꧀ꦭꦩꦸꦏꦧꦺꦃ꧈ꦲꦶꦪꦲꦶꦏꦸꦏꦁꦧꦏꦭ꧀ꦢꦢꦶꦒꦼꦣꦺ꧉
꧔꧙꧉ ꦩꦺꦴꦁꦏꦪꦺꦴꦏ꦳ꦤ꧀ꦤꦤ꧀ꦲꦤ꧀ꦤꦩ꧀ꦧꦸꦁꦔꦶꦲꦠꦸꦂ꧈ꦓꦸꦫꦸ꧈ꦏꦮꦸꦭꦱꦩ꧀ꦥꦸꦤ꧀ꦤꦶꦔꦭ꧀ꦭꦶꦮꦺꦴ ꦤ꧀ꦠꦼꦤ꧀ꦱꦠꦸꦁꦒꦭ꧀ꦠꦶꦪꦁ꧈ꦲꦩ꧀ꦧꦸꦕꦭ꧀ꦭꦶꦱꦺꦠꦤ꧀ꦲꦔꦁꦒꦺꦲꦱ꧀ꦩꦱꦩ꧀ꦥꦺꦪꦤ꧀꧈ꦲꦶꦁꦏꦁꦥꦸꦤ꧀ꦤꦶꦏꦱꦩ꧀ꦥꦸꦤ꧀ꦏꦮꦸꦭꦲꦩ꧀ꦥꦃ꧈ꦲꦮꦶꦏ꧀ꦱꦏꦶꦁꦠꦶꦪꦁꦮꦲꦸꦧꦺꦴꦠꦼꦤ꧀ꦠꦸꦩꦸꦠ꧀ꦛꦺꦫꦺꦏ꧀ꦏꦭꦶꦪꦤ꧀ꦱꦩ꧀ꦥꦺꦪꦤ꧀꧉
꧕꧐꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦪꦺꦴꦏ꦳ꦤ꧀ꦤꦤ꧀꧈ꦲꦗꦏꦺꦴꦮꦺꦲꦩ꧀ꦥꦃ꧈ꦱꦧꦧ꧀ꦱꦥꦮꦺꦴꦁꦔꦺꦏꦁꦲꦺꦴꦫꦚꦸꦭꦪꦤ꧀ꦤꦶꦩꦫꦁꦔꦏꦸ꧈ꦲꦶꦏꦸꦲꦶꦪꦲꦫꦸꦏꦸꦤ꧀ꦏꦫꦺꦴꦲꦏꦸ꧉ ꧉
꧕꧑꧉ ꧋ꦲꦤꦢꦺꦤ꧀ꦤꦺꦧꦉꦁꦮꦸꦱ꧀ꦠꦸꦩꦼꦏꦒꦤ꧀ꦤꦼꦥ꧀ꦥꦺꦲꦶꦁꦢꦶꦤ꧀ꦤꦒꦺꦴꦤ꧀ꦤꦺꦪꦺꦯꦸꦱ꧀ꦱꦶꦤ꧀ꦤꦼꦁꦏꦏ꧀ꦲꦏꦺ꧈ꦮꦼꦢꦤ꧀ꦤꦤ꧀ꦤꦺꦠꦸꦩꦸꦭꦶꦩꦣꦼꦥ꧀ꦠꦶꦤ꧀ꦢꦏ꧀ꦩꦫꦁꦪꦼꦫꦸꦱꦭꦺꦩ꧀꧉
꧕꧒꧉ ꦱꦂꦠꦲꦔ꧀ꦭꦏꦺꦴꦏ꧀ꦲꦏꦺꦲꦸꦠꦸꦱ꧀ꦱꦤ꧀ꦲꦟ꧀ꦝꦶꦔꦶꦤ꧀ꦤꦶꦲꦶꦁꦔꦂꦰꦤ꧀ꦤꦺ꧈ꦱꦮꦸꦱ꧀ꦱꦺꦩꦁꦏꦠ꧀ꦠꦸꦩꦸꦭꦶꦭꦸꦩꦼꦧꦸꦩꦫꦁꦲꦼꦁꦒꦺꦴꦤ꧀ꦤꦺꦮꦺꦴꦁꦱꦩꦫꦶꦪ꧈ꦱꦸꦥꦪꦥꦣꦲꦤ꧀ꦚꦣꦶꦪꦏ꧀ꦏꦼꦤ꧀ꦤ꧉
꧕꧓꧉ ꦢꦺꦤ꧀ꦤꦺꦮꦺꦴꦁꦱꦩꦫꦶꦪꦩꦲꦸꦲꦺꦴꦫꦲꦤ꧀ꦤꦩ꧀ꦥꦤ꧀ꦤꦶꦩꦫꦁꦪꦺꦯꦸꦱ꧀꧈ꦱꦧꦧ꧀ꦮꦼꦢꦤ꧀ꦤꦤ꧀ꦤꦺꦩꦣꦼꦥ꧀ꦠꦶꦤ꧀ꦢꦏ꧀ꦩꦫꦁꦪꦼꦫꦸꦱꦭꦺꦩ꧀꧉
꧕꧔꧉ ꦢꦺꦤ꧀ꦤꦺꦪꦏꦺꦴꦧꦸꦱ꧀ꦭꦤ꧀ꦪꦺꦴꦏ꦳ꦤ꧀ꦤꦤ꧀ꦱꦏ꦳ꦧꦠ꧀ꦠꦺꦪꦺꦯꦸꦱ꧀꧈ꦧꦉꦁꦮꦼꦂꦫꦸꦃꦥꦣꦲꦸꦩꦠꦸꦂ꧈ꦓꦸꦱ꧀ꦡꦶ꧈ꦩꦼꦤ꧀ꦤꦮꦶꦥꦉꦁꦲꦶꦁꦏꦂꦰꦱꦩ꧀ꦥꦺꦪꦤ꧀꧈ꦧꦣꦺꦏꦮꦸꦭꦣꦮꦃꦲꦶꦭꦏꦸꦱꦏꦶꦁꦔꦮꦶꦪꦠ꧀꧈ꦱꦸꦥꦢꦺꦴꦱ꧀ꦠꦶꦪꦁꦥꦸꦤ꧀ꦤꦶꦏꦱꦩꦶꦏꦠꦸꦩ꧀ꦥꦼꦱ꧀ꦱꦤ꧈ꦏꦢꦺꦴꦱ꧀ꦱꦥꦤ꧀ꦢꦩꦼꦭ꧀ꦭꦶꦥꦸꦤ꧀ꦲꦺꦭꦶꦪꦱ꧀꧉
꧕꧕꧉ ꦩꦺꦴꦁꦏꦪꦺꦯꦸꦱ꧀ꦲꦤ꧀ꦤꦺꦴꦭꦺꦃꦱꦂꦠꦲꦤ꧀ꦢꦸꦏꦤ꧀ꦤꦶꦩꦫꦁꦱꦏ꦳ꦧꦠ꧀ꦭꦺꦴꦫꦺꦴꦩꦲꦸ꧈ꦥꦔꦤ꧀ꦢꦶꦏꦤ꧀ꦤꦺ꧈ꦏꦺꦴꦮꦺꦲꦶꦏꦸꦲꦥꦲꦺꦴꦫꦱꦸꦩꦸꦫꦸꦥ꧀꧈ꦲꦺꦴꦭꦺꦃꦩꦸꦢꦢꦶꦠꦿꦃꦲꦶꦁꦯꦸꦏ꧀ꦱ꧀ꦩꦱꦥ꧈ꦱꦧꦠ꧀ꦠꦼꦏꦤ꧀ꦤꦺꦥꦸ ꦠꦿꦤ꧀ꦤꦶꦁꦩꦤꦸꦱ꧀ꦮ꧈ꦲꦺꦴꦫꦲꦔꦿꦸꦱꦏ꧀ꦚꦮꦤ꧀ꦤꦶꦁꦔꦸꦮꦺꦴꦁ꧈ꦩꦭꦃꦲꦩꦸꦭꦾꦏ꧀ꦲꦏꦺ꧉
꧕꧖꧉ ꦠꦸꦩꦸ [ 173 ]ꦭꦶꦥꦣꦭꦸꦩꦼꦧꦸꦩꦫꦁꦢꦺꦱꦭꦶꦪꦤ꧀ꦤꦺ꧉ ꧉
꧕꧗꧉ ꧋ꦲꦤꦢꦺꦤ꧀ꦤꦺꦧꦉꦁꦥꦣꦭꦸꦩꦏꦸꦲꦤꦲꦶꦁꦢꦼꦢꦭꦤ꧀꧈ꦲꦤꦱꦮꦶꦗꦶꦲꦸꦮꦺꦴꦁꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦓꦸꦱ꧀ꦡꦶ꧈ꦏꦮꦸꦭꦧꦣꦺꦣꦺꦫꦺꦏ꧀ꦲꦶꦁꦱꦥꦸꦫꦸꦒ꧀ꦥꦸꦫꦸꦒ꧀ꦱꦩ꧀ꦥꦺꦪꦤ꧀꧉
꧕꧘꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀ꦩꦫꦁꦮꦺꦴꦁꦔꦶꦏꦸ꧈ꦒꦫꦁꦔꦤ꧀ꦤꦶꦏꦸꦥꦣꦲꦢꦸꦮꦺꦥꦟ꧀ꦝꦺꦴꦣꦺꦴꦠ꧀ꦠꦤ꧀꧈ꦲꦸꦠꦮꦩꦤꦸꦏ꧀ꦲꦶꦁꦔꦮꦁꦔꦮꦁꦥꦣꦲꦢꦸꦣꦺꦱꦸꦱꦸꦃ꧈ꦢꦺꦤ꧀ꦤꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦲꦺꦴꦫꦢꦸꦮꦺꦥꦁꦒꦺꦴꦤ꧀ꦤꦤ꧀ꦒꦺꦴꦤ꧀ꦤꦺꦲꦤ꧀ꦚꦺꦭꦺꦃꦲꦏꦺꦱꦶꦫꦃꦲꦺ꧉
꧕꧙꧉ ꦪꦺꦯꦸꦱ꧀ꦠꦸꦩꦸꦭꦶꦔꦤ꧀ꦢꦶꦏꦩꦫꦁꦮꦺꦴꦁꦭꦶꦪꦤ꧀ꦤꦺ꧈ꦏꦺꦴꦮꦺꦲꦠꦸꦠ꧀ꦧꦸꦫꦶꦪꦩꦫꦁꦔꦏꦸ꧈ꦲꦠꦸꦂꦫꦺꦮꦺꦴꦁꦩꦲꦸ꧈ꦓꦸꦱ꧀ꦡꦶ꧈ꦏꦮꦸꦭꦩꦸꦒꦶꦱꦩ꧀ꦥꦺꦪꦤ꧀ꦭꦶꦭꦤ꧀ꦤꦶ꧈ꦧꦣꦺꦩꦼꦟ꧀ꦝꦼꦩ꧀ꦝꦠꦼꦁꦭꦪꦺꦴꦤ꧀ꦤꦶꦥꦸꦤ꧀ꦧꦥꦏꦮꦸꦭꦫꦸꦩꦶꦪꦶꦤ꧀꧉
꧖꧐꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦮꦺꦴꦁꦏꦁꦩꦠꦶꦏꦉꦧꦺꦤ꧀ꦲꦩꦼꦟ꧀ꦝꦼꦩ꧀ꦗꦶꦱꦶꦩ꧀ꦩꦺꦣꦺꦮꦺ꧈ꦢꦺꦤ꧀ꦤꦺꦏꦺꦴꦮꦺꦭꦸꦔꦲꦩꦿꦠꦏ꧀ꦏꦼꦤ꧀ꦤꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧖꧑꧉ ꦩꦺꦴꦁꦏꦲꦤꦮꦺꦴꦁꦭꦶꦪꦤ꧀ꦤꦺꦲꦸꦩꦠꦸꦂ꧈ꦓꦸꦱ꧀ꦡꦶ꧈ꦏꦮꦸꦭꦧꦣꦺꦲꦟ꧀ꦝꦺꦫꦺꦏ꧀ꦝꦸꦩꦠꦼꦁꦱꦩ꧀ꦥꦺꦪꦤ꧀꧈ꦤꦔꦶꦁꦏꦮꦸꦭꦩꦸꦒꦶꦱꦩ꧀ꦥꦺꦪꦤ꧀ꦭꦶꦭꦤ꧀ꦤꦶꦧꦣꦺꦥꦩꦶꦠ꧀ꦝꦠꦼꦁꦠꦶꦪꦁꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦒꦿꦶꦪꦏꦮꦸꦭꦫꦸꦩꦶꦪꦶꦤ꧀꧉
꧖꧒꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ ꦮꦺꦴꦁꦏꦁꦔꦸꦭꦸꦁꦔꦏꦺꦠꦔꦤ꧀ꦤꦺꦩꦫꦁꦮꦭꦸꦏꦸ꧈ꦩꦺꦴꦁꦏꦠꦸꦩꦺꦴꦭꦺꦃꦩꦫꦁꦏꦁꦲꦤꦲꦶꦁꦧꦸꦫꦶ꧈ꦮꦺꦴꦁꦔꦶꦏꦸꦲꦺꦴꦫꦥꦤ꧀ꦠꦼꦱ꧀ꦩꦫꦁꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉ ꧉

---

꧋ꦧꦧ꧀ꦏꦥꦶꦁꦱꦥꦸꦭꦸꦃ꧉

꧑꧉ ꧋ꦱꦮꦸꦱ꧀ꦱꦺꦩꦼꦁꦏꦺꦴꦤ꧀ꦤꦺꦴ꧈ꦓꦸꦱ꧀ꦡꦶꦠꦸꦩꦸꦭꦶꦲꦩꦠꦃꦩꦤ꧀ꦤꦺꦃꦱꦏ꦳ꦧꦠ꧀ꦥꦶꦠꦸꦁꦥꦸꦭꦸꦃ꧈ꦧꦚ꧀ꦗꦸꦂꦥꦣꦭꦶꦤ꧀ꦤꦏꦺꦴꦏ꧀ꦲꦏꦺꦔ꧀ꦭꦺꦴꦫꦺꦴꦔ꧀ꦭꦺꦴꦫꦺꦴ꧈ꦥꦣꦲꦟ꧀ꦝꦶꦔꦶꦤ꧀ꦤꦶꦲꦶꦁꦔꦂꦰꦤ꧀ꦤꦺ꧈ꦩꦼꦤ꧀ꦚꦁꦱꦏꦺꦃꦲꦶꦁꦤꦼꦒꦫꦲꦸꦠꦮꦥꦁꦒꦺꦴꦤ꧀ꦤꦤ꧀꧈ꦏꦁꦧꦏꦭ꧀ꦥꦶꦤꦸꦫꦸꦒ꧀ꦒꦤ꧀ꦲꦶꦁꦪꦺꦯꦸꦱ꧀꧉
꧒꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀ꦲꦶꦏꦸꦩꦲꦸ꧈ꦲꦸꦟ꧀ꦝꦸꦃꦲꦸꦟ꧀ꦝꦸꦃꦲꦤ꧀ꦤꦺꦲꦏꦺꦃ꧈ꦤꦔꦶꦁꦮꦺꦴꦁꦏꦁꦲꦔꦸꦟ꧀ꦝꦸꦃꦲꦶꦱꦛꦶꦛꦶꦏ꧀꧈ꦩꦸꦭꦤ꧀ꦤꦺꦏꦺꦴꦮꦺꦥꦣꦲꦤ꧀ꦚꦸꦚꦸꦮꦸꦤ꧀ꦤꦩꦫꦶꦁꦓꦸꦱ꧀ꦡꦶꦏꦁꦏꦒꦸꦁꦔꦤ꧀ꦲꦸꦟ꧀ꦝꦸꦃꦲꦸꦟ꧀ꦝꦸꦃꦲꦤ꧀꧈ꦱꦸꦥꦪꦲꦤ꧀ꦤꦼꦏꦏ꧀ꦏꦼꦤ꧀ꦤꦮꦺꦴꦁꦧꦸꦧꦸꦫꦸꦃꦩꦫꦁꦲꦶꦁꦲꦸꦟ꧀ꦝꦸꦃꦲꦸꦟ꧀ꦝꦸꦃꦲꦤ꧀ꦤꦺ꧉
꧓꧉ ꦏꦺꦴꦮꦺꦥꦣꦭꦸꦔꦲ꧈ꦭꦃꦏꦺꦴꦮꦺꦠꦏ꧀ꦭꦏꦺꦴꦏ꧀ꦲꦏꦺꦲꦥꦶꦟ꧀ꦝꦏꦪꦕꦼꦩ꧀ꦥꦺ꧈ꦏꦁꦫꦶꦤꦸꦧꦸꦁꦲꦤꦱꦠꦼꦁꦔꦃꦲꦶꦁꦲꦱꦸꦮꦗꦒ꧀꧉
꧔꧉ ꦲꦗꦏꦺꦴꦮꦺꦲꦁꦒꦮꦏꦤ꧀ꦛꦺꦴꦁ꧈ꦲꦗꦲꦁꦒꦮꦏꦱꦁ꧈ꦲꦗꦔꦁꦒꦺꦴꦠꦫꦸꦩ꧀ꦥꦃ꧈ꦭꦤ꧀ꦲꦤꦲꦶꦁꦢꦼꦢꦭꦤ꧀ꦲꦗꦏꦺꦴꦮꦺꦲꦸꦭꦸꦏ꧀ꦱꦭꦩ꧀ꦩꦫꦁꦔꦸꦮꦺꦴꦁ꧉
꧕꧉ ꦢꦺꦤ꧀ꦤꦺꦲꦶꦁꦔꦼꦤ꧀ꦢꦶꦲꦺꦴꦩꦃꦏꦁꦏꦺꦴꦮꦺꦊꦧꦺꦴꦤ꧀ꦤꦶ꧈ꦥꦣꦠꦸꦠꦸꦂꦫꦤꦣꦶꦔꦶꦤ꧀꧈ꦱꦭꦩꦼꦠ꧀ꦠꦲꦶꦁꦔꦺꦴꦩꦃꦲꦶꦏꦸ꧉
꧖꧉ ꦢꦺꦤ꧀ꦤꦺꦲꦶꦁꦏꦺꦴꦤ꧀ꦤꦺꦴꦩꦼꦤ꧀ꦤꦮꦲꦤꦲꦤ꧀ꦤꦏ꧀ꦏꦶꦁꦱꦼ [ 174 ]ꦭꦩ꧀꧈ꦲꦸꦭꦸꦏ꧀ꦩꦸꦱꦭꦩ꧀ꦩꦲꦸꦧꦏꦭ꧀ꦠꦸꦩꦩꦩꦫꦁꦮꦺꦴꦁꦔꦶꦏꦸ꧈ꦢꦺꦤ꧀ꦤꦺꦪꦺꦤ꧀ꦤꦺꦴꦫꦤ꧀ꦤꦤ꧈​ꦧꦏꦭ꧀ꦲꦩ꧀ꦧꦭꦶꦏ꧀ꦩꦫꦁꦏꦺꦴꦮꦺ꧉
꧗꧉ ꦏꦺꦴꦮꦺꦲꦶꦪꦩꦺꦴꦟ꧀ꦝꦺꦴꦏ꧀ꦏꦲꦶꦁꦔꦺꦴꦩꦃꦲꦶꦏꦸ꧈ꦥꦩꦔꦤ꧀ꦩꦸꦲꦸꦠꦮꦥꦔꦺꦴꦩ꧀ꦧꦺꦩꦸꦲꦶꦁꦱꦲꦤ꧀ꦤꦤ꧀ꦤꦺ꧈ꦱꦧꦧ꧀ꦪꦺꦤ꧀ꦮꦺꦴꦁꦧꦸꦧꦸꦫꦸꦃꦲꦶꦏꦸꦭꦪꦏ꧀ꦲꦶꦁꦔꦺꦴꦥꦃꦲꦤ꧀꧈ꦲꦗꦏꦺꦴꦮꦺꦔꦭꦶꦃꦱꦏꦱꦮꦶꦗꦶꦤ꧀ꦤꦶꦁꦔꦺꦴꦩꦃꦩꦼꦤ꧀ꦚꦁꦔꦺꦴꦩꦃꦭꦶꦪꦤ꧀ꦤꦺ꧉
꧘꧉ ꦢꦺꦤ꧀ꦤꦺꦲꦶꦁꦔꦼꦤ꧀ꦢꦶꦤꦼꦒꦫꦏꦁꦏꦺꦴꦮꦺꦊꦧꦺꦴꦤ꧀ꦤꦶ꧈ꦭꦤ꧀ꦏꦺꦴꦮꦺꦠꦶꦤ꧀ꦤꦩ꧀ꦥꦤ꧀ꦤꦤ꧀꧈ꦏꦺꦴꦮꦺꦥꦣꦩꦔꦤ꧀ꦤꦲꦥꦏꦁꦭꦶꦤ꧀ꦤꦢꦺꦏ꧀ꦲꦏꦺꦩꦫꦁꦏꦺꦴꦮꦺ꧉
꧙꧉ ꦭꦤ꧀ꦥꦣꦲꦩꦫꦱ꧀ꦱꦼꦤ꧀ꦤꦩꦫꦁꦮꦺꦴꦁꦭꦫꦏꦁꦥꦣꦲꦤꦲꦶꦁꦤꦼꦒꦫꦏꦺꦴꦤ꧀ꦤꦺꦴ꧈ꦱꦂꦠꦥꦣꦠꦸꦠꦸꦂꦫꦩꦫꦁꦮꦺꦴꦁꦤꦼꦒꦫꦲꦶꦏꦸꦩꦼꦁꦏꦺꦤ꧀ꦤꦺ꧈ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦮꦸꦱ꧀ꦲꦤ꧀ꦚꦼꦣꦏ꧀ꦏꦶꦩꦫꦁꦏꦺꦴꦮꦺ꧉
꧑꧐꧉ ꦢꦺꦤ꧀ꦤꦺꦲꦼꦤ꧀ꦢꦶꦤꦼꦒꦫꦏꦁꦏꦺꦴꦮꦺꦊꦧꦺꦴꦤ꧀ꦤꦶ꧈ꦩꦺꦴꦁꦏꦲꦺꦴꦫꦲꦤ꧀ꦤꦩ꧀ꦥꦤ꧀ꦤꦶꦩꦫꦁꦏꦺꦴꦮꦺ꧈ꦱꦮꦼꦠꦸꦩꦸꦲꦤꦲꦶꦁꦭꦸꦭꦸꦫꦸꦁꦔꦺ꧈ꦏꦺꦴꦮꦺꦥꦣꦲꦤꦸꦠꦸꦂꦫꦤ꧉
꧑꧑꧉ ꦊꦧꦸꦤ꧀ꦤꦶꦁꦤꦼꦒꦫꦩꦸꦏꦁꦠꦸꦩꦺꦩ꧀ꦥ꧀ꦭꦺꦏ꧀ꦲꦶꦁꦔꦮꦏ꧀ꦏꦸ꧈ꦠꦏ꧀ꦏꦼꦧꦸꦠ꧀ꦠꦏꦺꦩꦫꦁꦏꦺꦴꦮꦺ꧈ꦤꦔꦶꦁꦏꦺꦴꦮꦺꦲꦶꦏꦸꦥꦣꦱꦸꦩꦸꦫꦸꦥ꧀ꦥ꧈ꦪꦺꦤ꧀ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦮꦸꦱ꧀ꦲꦤ꧀ꦚꦼꦣꦏ꧀ꦏꦶꦩꦫꦁꦏꦺꦴꦮꦺ꧉
꧑꧒꧉ ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦺꦤ꧀ꦛꦺꦁꦲꦶꦁꦢꦶꦤ꧀ꦤꦮꦼꦏꦱ꧀ꦱꦤ꧀꧈ꦥꦲꦸꦏꦸꦩ꧀ꦩꦤ꧀ꦤꦺꦮꦺꦴꦁꦱꦺꦴꦣꦺꦴꦩ꧀꧈ꦏꦫꦺꦴꦥꦲꦸꦏꦸꦩ꧀ꦩꦤ꧀ꦤꦺꦮꦺꦴꦁꦤꦼꦒꦫꦲꦶꦏꦸ꧉
꧑꧓꧉ ꦧꦶꦭꦲꦶꦏꦺꦴꦮꦺꦏꦺꦴꦫꦱꦶꦤ꧀꧈ꦧꦶꦭꦲꦶꦏꦺꦴꦮꦺꦧꦺꦠ꧀ꦱꦪꦶꦢ꧈ꦪꦺꦤ꧀ꦲꦶꦁꦠꦶꦫꦸꦱ꧀ꦭꦤ꧀ꦲꦶꦁꦱꦶꦣꦺꦴꦤ꧀ꦏꦭꦏꦺꦴꦤ꧀ꦤꦩꦸꦏ꧀ꦗꦶꦗꦠ꧀꧈ꦏꦪꦏꦁꦮꦸꦱ꧀ꦏꦭꦏꦺꦴꦤ꧀ꦲꦤꦲꦶꦁꦏꦺꦴꦮꦺ꧈ꦮꦸꦱ꧀ꦭꦮꦱ꧀ꦒꦺꦴꦤ꧀ꦤꦺꦠꦺꦴꦧꦠ꧀ꦲꦩꦔꦁꦒꦺꦴꦧꦒꦺꦴꦂ꧈ꦱꦂꦠꦥꦣꦭꦸꦁꦒꦸꦃꦲꦶꦁꦔꦮꦸ꧉
꧑꧔꧉ ꦤꦔꦶꦁꦲꦺꦤ꧀ꦛꦺꦁꦥꦲꦸꦏꦸꦩ꧀ꦩꦤ꧀ꦤꦺꦠꦶꦫꦸꦱ꧀ꦭꦤ꧀ꦱꦶꦣꦺꦴꦤ꧀꧈ꦏꦫꦺꦴꦥꦲꦸꦏꦸꦩ꧀ꦩꦤ꧀ꦤꦩꦸ꧉
꧑꧕꧉ ꦢꦺꦤ꧀ꦤꦺꦏꦺꦴꦮꦺꦏꦶꦥꦽꦤ꧀ꦤꦏ꦳ꦸꦩ꧀꧈ꦏꦁꦮꦸꦱ꧀ꦢꦶꦲꦸꦭꦸꦏ꧀ꦲꦸꦭꦸꦏ꧀ꦲꦏꦺꦩꦫꦁꦲꦶꦁꦭꦔꦶꦠ꧀꧈ꦏꦺꦴꦮꦺꦧꦏꦭ꧀ꦕꦶꦤ꧀ꦤꦼꦩ꧀ꦥ꧀ꦭꦸꦁꦔꦏꦺꦩꦫꦁꦲꦶꦁꦤꦼꦫꦏ꧉
꧑꧖꧉ ꦮꦺꦴꦁꦏꦁꦔꦿꦸꦔꦺꦴꦏ꧀ꦲꦏꦺꦩꦫꦁꦏꦺꦴꦮꦺ꧈ꦲꦶꦏꦸꦲꦶꦪꦲꦔꦿꦸꦔꦺꦴꦏ꧀ꦲꦏꦺꦩꦫꦁꦔꦏꦸ꧈ꦱꦂꦠꦮꦺꦴꦁꦏꦁꦤꦩ꧀ꦥꦶꦏ꧀ꦩꦫꦁꦏꦺꦴꦮꦺ꧈ꦲꦶꦏꦸꦲꦶꦪꦲꦤ꧀ꦤꦩ꧀ꦥꦶꦏ꧀ꦩꦫꦁꦔꦏꦸ꧈ꦢꦺꦤ꧀ꦤꦺꦮꦺꦴꦁꦏꦁꦲꦤ꧀ꦤꦩ꧀ꦥꦶꦏ꧀ꦩꦫꦁꦔꦏꦸ꧈ꦲꦶꦏꦸꦲꦶꦪꦲꦤ꧀ꦤꦩ꧀ꦥꦶꦏ꧀ꦏꦁꦲꦔꦸꦠꦸꦱ꧀ꦩꦫꦁꦔꦏꦸ꧉ ꧉
꧑꧗꧉ ꧋ꦲꦶꦁꦱꦲꦸꦭꦶꦪꦺꦱꦏ꦳ꦧꦠ꧀ꦥꦶꦠꦸꦁꦥꦸꦭꦸꦃꦩꦲꦸ꧈ꦥꦣꦧꦸꦔꦃꦧꦸꦔꦃꦒꦺꦴꦤ꧀ꦤꦺꦲꦸꦩ ꦠꦸꦂ꧈ꦓꦸꦱ꧀ꦡꦶ꧈ꦱꦏꦛꦃꦲꦶꦥꦸꦤ꧀ꦱꦺꦠꦤ꧀ꦱꦩ꧀ꦥꦸꦤ꧀ꦱꦩꦶꦲꦩꦶꦤ꧀ꦠꦸꦲꦸꦣꦸꦩꦠꦼꦁꦏꦮꦸꦭ꧈ꦗꦭꦂꦫꦤ꧀ꦱꦏꦶꦁꦲꦱ꧀ꦩꦱꦩ꧀ꦥꦺꦪꦤ꧀꧉
꧑꧘꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦏꦸꦮꦸꦱ꧀ꦮꦼꦂꦫꦸꦃꦩꦫꦁꦱꦺꦠꦤ꧀ꦠꦶꦧꦱꦏꦲꦶꦁꦭꦔꦶꦠ꧀꧈ꦏꦪꦛꦛꦶꦠ꧀꧉
꧑꧙꧉ ꦭꦃꦏꦺꦴꦮꦺꦠꦏ꧀ꦥꦫꦶꦁꦔꦶꦏꦸꦮꦱꦲꦔꦶꦢꦏ꧀ꦲꦶꦢꦏ꧀ꦲꦸꦭꦱꦂꦠꦏꦭꦗꦼꦁꦏꦶꦁ꧈ꦲꦥꦩꦤ꧀ꦤꦺꦃꦩꦫꦶꦁꦱꦫꦸꦥꦤ꧀ꦤꦶꦁꦏꦱꦼꦏ꧀ꦠꦺ [ 175 ]ꦤ꧀ꦤꦶꦁꦱꦠꦿꦸ꧈ꦭꦤ꧀ꦤꦺꦴꦫꦤ꧀ꦤꦤꦏꦁꦲꦔ꧀ꦭꦫꦤ꧀ꦤꦶꦩꦫꦁꦏꦺꦴꦣꦺ꧉
꧒꧐꧉ ꦤꦔꦶꦁꦏꦺꦴꦮꦺꦲꦗꦲꦧꦸꦔꦃꦧꦸꦔꦃ꧈ꦲꦮꦶꦠ꧀ꦱꦏꦺꦃꦲꦶꦁꦱꦺꦠꦤ꧀ꦥꦣꦩꦶꦤ꧀ꦠꦸꦲꦸꦩꦫꦁꦏꦺꦴꦮꦺ꧈ꦲꦔꦸꦂꦏꦺꦴꦮꦺꦥꦣꦧꦸꦔꦃꦧꦸꦔꦃꦲ꧈ꦱꦧꦧ꧀ꦗꦼꦤ꧀ꦤꦼꦁꦩꦸꦮꦸꦱ꧀ꦠꦶꦤꦸꦭꦶꦱ꧀ꦱꦤ꧀ꦲꦤꦲꦶꦁꦯ꧀ꦮꦂꦓ꧉
꧒꧑꧉ ꦲꦶꦁꦤꦭꦶꦏꦲꦶꦏꦸꦪꦺꦯꦸꦱ꧀ꦲꦱꦸꦏꦉꦤ꧀ꦤꦱꦗꦿꦺꦴꦤ꧀ꦤꦶꦁꦒꦭꦶꦪꦺ꧈ꦱꦂꦠꦲꦸꦩꦠꦸꦂ꧈ꦣꦸꦃꦫꦩ꧈ꦦꦔꦺꦫꦤ꧀ꦤꦶꦁꦯ꧀ꦮꦂꦓꦭꦤ꧀ꦲꦶꦁꦨꦸꦩꦶ꧈ꦏꦮꦸꦭꦲꦩꦸꦩꦸꦗꦶꦝꦠꦼꦁꦱꦩ꧀ꦥꦺꦪꦤ꧀꧈ꦲꦮꦶꦠ꧀ꦢꦺꦤ꧀ꦤꦶꦁꦱꦩ꧀ꦥꦺꦪꦤ꧀ꦱꦩ꧀ꦥꦸꦤ꧀ꦲꦔꦭꦶꦁꦔꦭꦶꦁꦔꦶꦥꦿꦏꦮꦶꦱ꧀ꦥꦸꦤ꧀ꦤꦶꦏ꧈ꦣꦠꦼꦁꦠꦶꦪꦁꦔꦭꦶꦩ꧀ꦲꦸꦠꦮꦶꦠꦶꦪꦁꦯꦸꦗꦟ꧈ꦩꦺꦴꦁꦏꦱꦩ꧀ꦥꦺꦪꦤ꧀ꦱꦩ꧀ꦥꦸꦤ꧀ꦲꦔ꧀ꦭꦲꦶꦂꦫꦏꦼꦤ꧀ꦝꦸꦩꦠꦼꦁꦠꦶꦪꦁꦩꦸꦣ꧈ꦲꦶꦁꦒꦶꦃꦩꦏꦠꦼꦤ꧀ꦫꦩ꧈ꦲꦶꦁꦏꦁꦢꦢꦺꦴꦱ꧀ꦏꦂꦰꦱꦩ꧀ꦥꦺꦪꦤ꧀​꧉
꧒꧒꧉ ꦪꦺꦯꦸꦱ꧀ꦠꦸꦩꦸꦭꦶꦲꦤ꧀ꦤꦺꦴꦭꦺꦃꦩꦫꦁꦥꦫꦱꦏ꦳ꦧꦠ꧀ꦥꦔꦤ꧀ꦢꦶꦏꦤ꧀ꦤꦺ꧈ꦱꦧꦫꦁꦏꦧꦺꦃꦮꦸꦱ꧀ꦥꦶꦤ꧀ꦤꦱꦿꦃꦲꦏꦺꦩꦫꦁꦔꦏꦸꦢꦺꦤ꧀ꦤꦶꦁꦧꦥꦏ꧀ꦏꦸ꧈ꦭꦤ꧀ꦤꦺꦴꦫꦤ꧀ꦤꦤꦏꦁꦲꦔꦮꦿꦸꦃꦲꦶꦩꦫꦁꦏꦁꦥꦸꦠꦿ꧈ꦏꦗꦧꦤꦩꦸꦁꦲꦶꦁꦏꦁꦫꦩ꧈ꦭꦤ꧀ꦤꦺꦴꦫꦤ꧀ꦤꦤꦮꦺꦴꦁꦏꦁꦲꦔꦮꦿꦸꦃꦲꦶꦲꦶꦁꦏꦁꦫꦩ꧈ꦏꦗꦧꦤꦩꦸꦁꦲꦶꦁꦏꦁꦥꦸꦠꦿ꧈ꦭꦤ꧀ꦮꦺꦴꦁꦏꦁꦏꦱꦶꦤꦸꦁꦔꦤ꧀ꦥꦔꦮꦿꦸꦃꦢꦺꦤ꧀ꦤꦶꦁꦏꦂꦰꦤ꧀ꦤꦺꦏꦁꦥꦸꦠꦿ꧉
꧒꧓꧉ ꦱꦂꦠꦲꦤ꧀ꦤꦺꦴꦭꦺꦃꦩꦤ꧀ꦤꦺꦃꦩꦫꦁꦥꦫꦱꦏ꦳ꦧꦠ꧀꧈ꦲꦔꦤ꧀ꦢꦶꦏꦣꦺꦣꦺꦮꦺꦏ꧀ꦏꦤ꧀꧈ꦫꦃꦲꦪꦸꦩꦠꦤ꧀ꦤꦺꦏꦁꦲꦤ꧀ꦢꦼꦊꦁꦲꦥꦏꦁꦏꦺꦴꦮꦺꦢꦼꦊꦁ꧉
꧒꧔꧉ ꦱꦧꦧ꧀ꦥꦶꦠꦸꦠꦸꦂꦏꦸꦩꦫꦁꦏꦺꦴ ꦮꦺ꧈ꦪꦺꦤ꧀ꦥꦫꦟꦨꦶꦲꦸꦠꦮꦫꦡꦸꦲꦏꦺꦃꦏꦥꦺꦔꦶꦤ꧀ꦥꦣꦲꦤ꧀ꦢꦼꦊꦁ꧈ꦩꦫꦁꦏꦁꦏꦺꦴꦮꦺꦢꦼꦊꦁꦔꦶꦏꦸ꧈ꦤꦔꦶꦁꦮꦸꦱ꧀ꦥꦣꦲꦺꦴꦫꦲꦤ꧀ꦢꦼꦊꦁ꧈ꦱꦂꦠꦏꦥꦺꦔꦶꦤ꧀ꦔꦿꦸꦔꦺꦴꦏ꧀ꦲꦏꦺꦩꦫꦁꦏꦁꦏꦺꦴꦮꦺꦫꦸꦔꦺꦴꦏ꧀ꦲꦏꦺ꧈ꦤꦔꦶꦁꦮꦸꦱ꧀ꦲꦺꦴꦫꦔꦿꦸꦔꦺꦴꦏ꧀ꦲꦏꦺ꧉ ꧉
꧒꧕꧉ ꧋ꦠꦸꦩꦸꦭꦶꦲꦤꦱꦮꦶꦗꦶꦤ꧀ꦤꦶꦁꦮꦺꦴꦁꦔꦸꦭꦩ꧈ꦲꦔꦢꦼꦒ꧀ꦧꦏꦭ꧀ꦲꦤ꧀ꦚꦺꦴꦧꦩꦫꦁꦪꦺꦯꦸꦱ꧀ꦲꦠꦸꦂꦫꦺ꧈ꦓꦸꦫꦸ꧈ꦥꦢꦩꦼꦭ꧀ꦭꦤ꧀ꦥꦸꦤ꧀ꦤꦥꦲꦶꦁꦏꦁꦏꦮꦸꦭꦭꦩ꧀ꦥꦃꦲꦶ꧈ꦱꦸꦥꦢꦺꦴꦱ꧀ꦏꦮꦸꦭꦲꦁꦱꦭ꧀ꦭꦒꦼꦱ꧀ꦱꦁꦭꦁꦒꦼꦁ꧉
꧒꧖꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦔꦸꦭꦩꦩꦲꦸ꧈ꦏꦁꦮꦸꦱ꧀ꦠꦶꦤꦸꦭꦶꦱ꧀ꦲꦤꦱꦗꦿꦺꦴꦤ꧀ꦤꦶꦁꦏꦶꦠꦧ꧀ꦠꦺꦴꦫꦺꦠ꧀ꦲꦥ꧈ꦥꦩꦕꦩꦸꦏꦥꦿꦶꦪꦺ꧉
꧒꧗꧉ ꦢꦺꦤ꧀ꦤꦺꦮꦺꦴꦁꦔꦸꦭꦩꦲꦩꦁꦱꦸꦭ꧀ꦭꦶꦲꦠꦸꦂ꧈ꦏꦺꦴꦮꦺꦠꦽꦱ꧀ꦤꦲꦩꦫꦁꦦꦔꦺꦫꦤ꧀​ꦄꦭ꧀ꦭꦃꦩꦸ꧈ꦏꦁꦠꦿꦸꦱ꧀ꦲꦶꦁꦔꦠꦶꦩꦸ꧈ꦭꦤ꧀ꦠꦿꦸꦱ꧀ꦲꦶꦁꦚꦮꦩꦸ꧈ꦠꦸꦮꦶꦤ꧀ꦏꦁꦠꦿꦸꦱ꧀ꦲꦶꦁꦏꦫꦺꦴꦱꦤ꧀ꦤꦩꦸ꧈ꦩꦶꦮꦃꦠꦸꦱ꧀ꦲꦶꦁꦧꦸꦢꦶꦩꦸ꧈ꦲꦥꦩꦤ꧀ꦤꦺꦃꦠꦽꦱ꧀ꦤꦲꦲꦶꦁꦱꦥꦥꦣꦩꦸ꧈ꦥꦶꦟ꧀ꦝꦤ꧀ꦤꦼꦤ꧀ꦏꦪꦲꦮꦏ꧀ꦩꦸꦣꦺꦮꦺ꧉
꧒꧘꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦶꦪꦧꦼꦤ꧀ꦤꦼꦂꦮꦮꦁꦱꦸꦭ꧀ꦭꦤ꧀ꦤꦩꦸ꧈ꦲꦶꦏꦸꦏꦺꦴꦮꦺꦭꦏꦺꦴꦤ꧀ꦤꦤ꧈ꦭꦤ꧀ꦏꦺꦴꦮꦺꦧꦏꦭ꧀ꦤꦼꦩꦸꦲꦸꦫꦶꦥ꧀꧉
꧒꧙꧉ ꦢꦺꦤ꧀ꦤꦺꦮꦺꦴꦁꦔꦸꦭꦩꦩꦲꦸꦏꦤ꧀ꦤꦶꦪꦠ꧀ꦠꦤ꧀ꦤꦺꦲꦉꦥ꧀ꦲꦩ꧀ꦧꦼꦕꦶꦏ꧀ꦲꦏꦺꦲꦮꦏ꧀ꦏꦺꦣꦺꦮꦺ꧈ꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦩꦼꦁꦒꦃꦱꦱꦩꦶꦏꦮꦸꦭꦥꦸꦤ꧀ꦤꦶꦏꦱꦶꦤ꧀ꦠꦼꦤ꧀꧉
꧓꧐꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦲꦤꦱꦮꦶꦗꦶ [ 176 ]ꦮꦺꦴꦁꦩꦼꦣꦸꦤ꧀ꦱꦏꦲꦶꦁꦪꦼꦫꦸꦱꦭꦺꦩ꧀꧈ꦩꦼꦤ꧀ꦚꦁꦲꦶꦁꦪꦼꦫꦺꦏ꧈ꦱꦂꦠꦏꦶꦤ꧀ꦤꦫꦺꦴꦪꦺꦴꦏ꧀ꦲꦶꦁꦮꦺꦴꦁꦧꦺꦒꦭ꧀꧈ꦧꦚ꧀ꦗꦸꦂꦣꦶꦤ꧀ꦤꦺꦣꦺꦭ꧀ꦭꦤ꧀ꦱꦂꦠꦠꦶꦤ꧀ꦤꦠꦺꦴꦤ꧀ꦤꦤ꧀꧈ꦮꦺꦴꦁꦧꦺꦒꦭ꧀ꦩꦲꦸꦠꦸꦩꦸꦭꦶꦥꦣꦭꦸꦔ꧈ꦮꦺꦴꦁꦔꦶꦏꦸꦩꦲꦸꦠꦶꦤ꧀ꦤꦶꦁꦒꦭ꧀ꦱꦠꦼꦁꦔꦃꦩꦠꦶ꧉
꧓꧑꧉ ꦠꦸꦩꦸꦭꦶꦲꦩ꧀ꦧꦼꦤ꧀ꦤꦼꦂꦫꦶꦲꦤꦱꦮꦶꦗꦶꦄꦶꦩꦩ꧀꧈ꦔꦩ꧀ꦧꦃꦩꦼꦣꦸꦤ꧀ꦲꦶꦁꦢꦢꦭꦤ꧀ꦤꦶꦏꦸ꧈ꦧꦉꦁꦮꦼꦂꦫꦸꦃꦩꦫꦁꦮꦺꦴꦁꦏꦁꦧꦶꦤ꧀ꦤꦺꦒꦭ꧀ꦩꦲꦸ꧈ꦚꦶꦩ꧀ꦥꦁꦒꦺꦴꦤ꧀ꦤꦺꦭꦶꦮꦠ꧀꧉
꧓꧒꧉ ꦩꦼꦁꦏꦺꦴꦤ꧀ꦤꦺꦴꦲꦸꦒꦮꦺꦴꦁꦭꦺꦮꦶꦲꦶꦪꦠꦼꦏꦲꦤꦸꦗꦺꦴꦤ꧀ꦤꦶꦲꦶꦁꦥꦁꦒꦺꦴꦤ꧀ꦤꦤ꧀ꦤꦶꦏꦸ꧈ꦱꦠꦼꦏꦤ꧀ꦤꦺꦧꦉꦁꦮꦼꦂꦫꦸꦃ꧈ꦲꦶꦪꦚꦶꦩ꧀ꦥꦁꦒꦺꦴꦤ꧀ꦤꦺꦭꦶꦮꦠ꧀꧉
꧓꧓꧉ ꦠꦸꦩꦸꦭꦶꦲꦤꦱꦮꦶꦗꦶꦲꦸꦮꦺꦴꦁꦱꦩꦫꦶꦪ꧈ꦲꦶꦪꦲꦔꦩ꧀ꦧꦃꦢꦢꦭꦤ꧀ꦤꦶꦏꦸ꧈ꦱꦠꦼꦏꦤ꧀ꦤꦺꦧꦉꦁꦮꦼꦂꦫꦸꦃꦩꦫꦁꦮꦺꦴꦁꦔꦶꦏꦸꦩꦲꦸꦫꦸꦤ꧀ꦠꦸꦃꦲꦶꦁꦏꦮꦼꦭꦱ꧀ꦱꦤ꧀ꦤꦺ꧉
꧓꧔꧉ ꦧꦚ꧀ꦗꦸꦂꦩꦉꦥꦼꦏ꧀ꦏꦶꦱꦂꦠꦠꦠꦸꦤ꧀ꦤꦺꦧꦶꦤ꧀ꦤꦼꦧꦼꦢ꧀꧈ꦭꦶꦤ꧀ꦤꦼꦔꦤ꧀ꦤꦤ꧀ꦱꦂꦠꦲꦶꦁꦔꦼꦱꦺꦴꦏ꧀ꦏꦤ꧀ꦲꦁꦒꦸꦂ꧈ꦮꦺꦴꦁꦩꦲꦸꦠꦸꦩꦸꦭꦶꦠꦶꦤꦸꦁꦒꦁꦔꦏꦺꦲꦶꦁꦠꦸꦠꦸꦁꦒꦁꦔꦤ꧀ꦤꦺꦮꦺꦴꦁꦱꦩꦫꦶꦪꦩꦲꦸ꧈ꦧꦚ꧀ꦗꦸꦂꦒꦶꦤ꧀ꦤꦮꦩꦫꦁꦥꦱꦁꦒꦿꦃꦲꦤ꧀ꦱꦂꦠꦢꦺꦤ꧀ꦒꦸꦩꦠꦺꦤ꧀ꦤꦶ꧉
꧓꧕꧉ ꦧꦉꦁꦲꦺꦱꦸꦏ꧀ꦏꦺꦮꦺꦴꦁꦱꦩꦫꦶꦪꦩꦁꦏꦠ꧀꧈ꦲꦔꦸꦮꦺꦤ꧀ꦤꦺꦃꦲꦶꦣꦸꦮꦶꦠ꧀ꦫꦺꦴꦁꦢꦶꦤ꧀ꦤꦂ꧈ꦢꦶꦮꦺꦤ꧀ꦤꦺꦃꦲꦏꦺꦩꦫꦁꦭꦸꦫꦃꦲꦶꦁꦥꦱꦁꦒꦿꦃꦲꦤ꧀꧈ꦩꦺꦴꦁꦏꦥꦔꦸꦕꦥ꧀ꦥꦺ꧈ꦏꦺꦴꦮꦺꦲꦁꦒꦸꦩꦠꦺꦤ꧀ꦤꦤꦩꦫꦁꦮꦺꦴꦁꦔꦶꦏꦸ꧈ꦢꦺꦤ꧀ꦤꦺꦪꦺꦤ꧀ꦤꦺꦴꦫꦕꦸꦏꦸꦥ꧀ꦝꦸꦮꦶꦠ꧀ꦠꦺ꧈ꦧꦺꦱꦸꦏ꧀ꦱꦲꦸꦭꦶꦃꦏꦸꦲꦶꦏꦸꦲꦩꦸꦮꦸꦃꦲꦶꦩꦫꦁꦏꦺꦴꦮꦺ꧉
꧓꧖꧉ ꦢꦺꦤ꧀ꦤꦺꦩꦸꦁꦒꦸꦃꦮꦺꦴꦁꦠꦠꦼꦭꦸꦲꦶꦏꦸ꧈ꦏꦶꦫꦩꦸꦏꦁꦔꦼꦤ꧀ꦢꦶꦥꦥꦣꦤ꧀ꦤꦺꦭꦤ꧀ꦮꦺꦴꦁꦏꦁꦏꦶꦤ꧀ꦤꦫꦺꦴꦪꦺꦴꦏ꧀ꦲꦶꦁꦧꦺꦒꦭ꧀ꦩꦲꦸ꧉
꧓꧗꧉ ꦲꦠꦸꦂꦫꦺꦮꦺꦴꦁꦔꦸꦭꦩ꧈ꦲꦶꦁꦏꦁꦲꦩꦼꦭꦱ꧀ꦱꦶꦣꦠꦼꦁꦲꦶꦁꦠꦶꦪꦁꦮꦲꦸ꧈ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦏꦺꦴꦮꦺꦭꦸꦔꦲꦱꦂꦠꦲꦒꦮꦺꦪꦩꦼꦁꦏꦺꦴꦤ꧀ꦤꦺꦴꦲꦶꦏꦸ꧉ ꧉
꧓꧘꧉ ꧋ꦲꦤꦢꦺꦤ꧀ꦤꦺꦧꦉꦁꦥꦣꦠꦶꦤ꧀ꦢꦏ꧀꧈ꦪꦺꦯꦸꦱ꧀ꦠꦸꦩꦸꦭꦶꦭꦸꦩꦼꦧꦸꦩꦫꦁꦱꦮꦶꦗꦶꦤ꧀ꦤꦶꦁꦢꦺꦱ꧈ꦲꦶꦁꦏꦺꦴꦤ꧀ꦤꦺꦴꦲꦤꦱꦮꦶꦗꦶꦮꦺꦴꦁꦮꦢꦺꦴꦤ꧀꧈ꦗꦼꦤ꧀ꦤꦼꦁꦔꦺꦩꦂꦠ꧈ꦏꦁꦲꦤ꧀ꦤꦩ꧀ꦥꦤ꧀ꦤꦶꦩꦫꦁꦪꦺꦯꦸꦱ꧀ꦲꦤꦲꦶꦁꦔꦺꦴꦩꦃꦲꦺ꧉
꧓꧙꧉ ꦢꦺꦤ꧀ꦤꦺꦩꦂꦠꦩꦲꦸꦲꦢꦸꦮꦺꦱꦢꦸꦭꦸꦂꦮꦢꦺꦴꦤ꧀꧈ꦗꦼꦤ꧀ꦤꦼꦁꦔꦺꦩꦂꦪꦩ꧀꧈ꦩꦺꦴꦁꦏꦩꦂꦪꦩ꧀ꦲꦶꦏꦸꦭꦸꦁꦒꦸꦃꦲꦤꦔꦂꦰꦤ꧀ꦤꦺꦱꦸꦏꦸꦤ꧀ꦤꦺꦪꦺꦯꦸꦱ꧀꧈ ꦒꦺꦴꦤ꧀ꦤꦺꦲꦔꦿꦸꦔꦺꦴꦏ꧀ꦲꦏꦺꦩꦫꦁꦥꦶꦠꦸꦠꦸꦂꦫꦺ꧉
꧔꧐꧉ ꦢꦺꦤ꧀ꦤꦺꦩꦂꦠꦩꦲꦸꦲꦏꦺꦃꦱꦸꦱꦃꦲꦺꦒꦺꦴꦤ꧀ꦤꦺꦲꦔ꧀ꦭꦢꦺꦤ꧀ꦤꦶ꧈ꦲꦸꦩꦉꦏ꧀ꦱꦂꦠꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦓꦸꦱ꧀ꦡꦶ꧈ꦱꦩ꧀ꦥꦺꦪꦤ꧀ꦥꦸꦤ꧀ꦤꦥꦧꦺꦴꦠꦼꦤ꧀ꦲꦁꦒꦭꦶꦃ꧈ꦒꦺꦤ꧀ꦏꦮꦸꦭꦔ꧀ꦭꦢꦺꦴꦱ꧀ꦱꦶꦥꦶꦪꦩ꧀ꦧꦏ꧀ꦏꦠꦶꦭꦂꦣꦠꦼꦁꦱꦣꦺꦫꦺꦏ꧀ꦏꦮꦸꦭ꧈ꦱꦩ꧀ꦥꦺꦪꦤ꧀ꦩꦸꦒꦶꦲꦟ꧀ꦝꦮꦃꦲꦤꦱꦣꦺꦫꦺꦏ꧀ꦏꦮꦸꦭꦥꦸꦤ꧀ꦤꦶꦏꦲꦔꦿꦺꦚ꧀ꦕꦸꦁꦔꦤꦣꦠꦼꦁꦏꦮꦸꦭ꧉
꧔꧑꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ ꦲꦺꦃꦩꦂꦠ꧈ꦩꦂꦠ꧈ꦏꦺꦴꦮꦺꦏꦱꦸꦱꦃꦲꦤ꧀ꦭꦤ꧀ꦏꦺꦮꦸꦃꦲꦤ꧀ꦱꦏꦲꦶꦁꦧꦫꦁꦔꦏꦺꦃ꧉
꧔꧒꧉ ꦩꦸꦁꦱꦮꦶꦗꦶꦏꦁꦥꦼꦂꦭꦸ꧈ꦢꦺꦤ꧀ꦤꦺꦩꦂꦪꦩ꧀ꦲꦶꦏꦸꦮꦸꦱ꧀ꦲꦩꦶꦭꦶꦃꦥꦤ꧀ꦢꦸꦩ꧀ꦩꦤ꧀ꦏꦁꦧꦼꦕꦶꦏ꧀꧈ꦏꦁꦧꦏ [ 177 ]{{Jawa|ꦭ꧀ꦲꦺꦴꦫꦢꦶꦲꦼꦥꦺꦏ꧀ꦱꦏꦲꦶꦁꦔꦮꦏ꧀ꦏꦺ꧉ ꧉

---

꧋ꦧꦧ꧀ꦏꦥꦶꦁꦱꦮꦼꦭꦱ꧀꧉

꧑꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦤꦭꦶꦏꦲꦤꦱꦮꦶꦗꦶꦥꦁꦒꦺꦴꦤ꧀ꦤꦤ꧀ꦒꦺꦴꦤ꧀ꦤꦺꦲꦱꦼꦩ꧀ꦧꦪꦁ꧈ꦱꦮꦸꦱ꧀ꦱꦺꦏꦺꦤ꧀ꦢꦼꦭ꧀꧈ꦲꦤꦱꦮꦶꦗꦶꦤ꧀ꦤꦶꦁꦱꦏ꦳ꦧꦠ꧀ꦠꦺꦲꦸꦩꦠꦸꦂꦓꦸꦱ꧀ꦡꦶ꧈ꦏꦮꦸꦭꦩꦸꦒꦶꦱꦩ꧀ꦥꦺꦪꦤ꧀ꦮꦸꦭꦁꦱꦼꦩ꧀ꦧꦪꦁ꧈ꦏꦢꦺꦴꦱ꧀ꦢꦺꦤ꧀ꦤꦶꦁꦥꦩꦸꦭꦁꦔꦶꦥꦸꦤ꧀ꦪꦺꦴꦏ꦳ꦤ꧀ꦤꦤ꧀ꦝꦸꦩꦠꦼꦁꦱꦏ꦳ꦧꦠ꧀ꦠꦶꦥꦸꦤ꧀꧉
꧒꧉ ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦭꦩꦸꦤ꧀ꦏꦺꦴꦮꦺꦲꦱꦼꦩ꧀ꦧꦪꦁꦲꦸꦩꦠꦸꦂꦫ꧈ꦫꦩꦏ ꦮꦸꦭ꧈ꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦯ꧀ꦮꦂꦓ꧈ꦲꦱ꧀ꦩꦱꦩ꧀ꦥꦺꦪꦤ꧀ꦏꦱꦸꦕꦺꦏ꧀ꦏꦼꦤ꧀ꦤ꧈ꦏꦫꦠꦺꦴꦤ꧀ꦱꦩ꧀ꦥꦺꦪꦤ꧀ꦲꦟ꧀ꦝꦠꦼꦁꦔꦤ꧈ꦏꦂꦰꦱꦩ꧀ꦥꦺꦪꦤ꧀ꦏꦭꦩ꧀ꦥꦃꦲꦤ꧈ꦏꦢꦺꦴꦱ꧀ꦱꦲꦶꦁꦯ꧀ꦮꦂꦓ꧈ꦲꦶꦁꦒꦶꦃꦩꦏꦠꦼꦤ꧀ꦲꦶꦁꦨꦸꦩꦶ꧉
꧓꧉ ꦠꦠꦼꦣꦤ꧀ꦏꦮꦸꦭꦲꦶꦁꦏꦁꦕꦼꦏꦥ꧀꧈ꦏꦮꦸꦭꦱꦩ꧀ꦥꦺꦪꦤ꧀ꦥꦫꦶꦁꦔꦤꦲꦶꦁꦱꦧꦼꦤ꧀ꦢꦶꦤ꧀ꦠꦼꦤ꧀꧉
꧔꧉ ꦱꦂꦠꦢꦺꦴꦢꦺꦴꦱꦏꦮꦸꦭ꧈ꦱꦩ꧀ꦥꦺꦪꦤ꧀ꦩꦸꦒꦶꦲꦔꦥꦸꦤ꧀ꦠꦼꦤ꧀ꦤꦣꦸꦩꦠꦼꦁꦏꦮꦸꦭ꧈ꦏꦢꦺꦴꦱ꧀ꦱꦁꦒꦺꦤ꧀ꦏꦮꦸꦭꦔꦥꦸꦤ꧀ꦠꦼꦤ꧀ꦝꦸꦩꦠꦼꦁꦱꦮꦂꦤꦶꦤ꧀ꦤꦶꦁꦠꦶ ꦪꦁ꧈ꦲꦶꦁꦏꦁꦏꦊꦥꦠ꧀ꦠꦤ꧀ꦏꦭꦪꦤ꧀ꦏꦮꦸꦭ꧈ꦱꦂꦠꦏꦮꦸꦭꦱꦩ꧀ꦥꦸꦤ꧀ꦱꦩ꧀ꦥꦺꦪꦤ꧀ꦏꦺꦔꦶꦁꦔꦏꦼꦤ꧀ꦲꦶꦁꦥꦁꦒꦺꦴꦣ꧈ꦱꦲꦏꦮꦸꦭꦱꦩ꧀ꦥꦺꦪꦤ꧀ꦭꦼꦥꦠ꧀ꦠꦼꦤ꧀ꦤꦱꦏꦶꦁꦲꦶꦁꦥꦶꦲꦮꦺꦴꦤ꧀꧉
꧕꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦱꦥꦮꦺꦴꦁꦥꦤꦸꦁꦒꦭ꧀ꦭꦩꦸꦏꦁꦲꦢꦸꦮꦺꦥꦿꦱꦺꦴꦧꦠ꧀ꦠꦤ꧀꧈ꦏꦁꦠꦼꦏꦮꦪꦃꦠꦼꦔꦃꦮꦼꦔꦶꦲꦢꦸꦮꦺꦥꦚ꧀ꦗꦭꦸꦏ꧀꧈ꦲꦺꦃꦱꦤ꧀ꦤꦏ꧀꧈ꦲꦏꦸꦲꦸꦠꦁꦔꦤꦫꦺꦴꦠꦶꦠꦼꦭꦸ꧉
꧖꧉ ꦱꦧꦧ꧀ꦲꦏꦸꦏꦣꦪꦺꦴꦃꦲꦤ꧀ꦥꦿꦱꦺꦴꦧꦠ꧀ꦠꦤ꧀ꦤꦏꦸ꧈ꦩꦩ꧀ꦥꦶꦂꦱꦏꦲꦭꦸꦭꦸꦔꦤ꧀꧈ꦩꦺꦴꦁꦏꦲꦏꦸꦲꦺꦴꦫꦢꦸꦮꦺꦏꦁꦠꦏ꧀ꦱꦸꦒꦸꦃꦲꦏꦺ꧉
꧗꧉ ꦭꦤ꧀ꦮꦺꦴꦁꦏꦁꦲꦤꦱꦗꦿꦺꦴꦤ꧀ꦤꦶꦁꦔꦺꦴꦩꦃꦲꦩꦁꦱꦸꦭ꧀ꦭꦶ꧈ꦏꦺꦴꦮꦺꦲꦗꦲꦒꦮꦺꦱꦸꦱꦃꦩꦫꦁꦔꦏꦸ꧈ꦭꦮꦁꦏꦸꦮꦸꦱ꧀ꦢꦶꦏꦚ꧀ꦕꦶꦁꦔꦶ꧈ꦱꦂꦠꦲꦤ꧀ꦤꦏ꧀ꦏꦸꦥꦣꦠꦸꦁꦒꦭ꧀ꦭꦮꦤ꧀ꦤꦏꦸꦲꦤꦲꦶꦁꦥꦠꦸꦫꦺꦴꦤ꧀꧈ꦲꦏꦸꦲꦺꦴꦫꦧꦶꦱꦠꦔꦶꦲꦔꦸꦮꦺꦤ꧀ꦤꦺꦃꦲꦶꦩꦫꦁꦏꦺꦴꦮꦺ꧉
꧘꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦱꦤ꧀ꦤꦢꦾꦤ꧀ꦤꦺꦴꦫꦠꦔꦶꦲꦔꦸꦮꦺꦤ꧀ꦤꦺꦃꦲꦶ꧈ꦱꦫꦺꦃꦤꦶꦁꦲꦶꦏꦸꦥꦿꦱꦺꦴꦧꦠ꧀ꦠꦤ꧀ꦤꦺ꧈ꦱꦏꦶꦁꦢꦺꦤ꧀ꦤꦶꦁꦧꦔꦼꦠ꧀ꦥꦔꦸꦢꦶꦤ꧀ꦤꦺ꧈ꦮꦺꦴꦁꦩꦲꦸꦲꦺꦴꦫꦮꦸꦫꦸꦁꦠꦔꦶꦧꦏꦭ꧀ꦲꦔꦸꦮꦺꦤ꧀ꦤꦺꦃꦲꦶꦩꦫꦁꦥꦿꦱꦺꦴꦧꦠ꧀ꦠꦤ꧀ꦤꦺ꧈ꦲꦥꦱꦏꦏꦸꦫꦁꦔꦤ꧀ꦤꦺ꧉
꧙꧉ ꦢꦢꦶꦲꦏꦸꦥꦶꦠꦸꦠꦸꦂꦩꦫꦁꦏꦺꦴꦮꦺ꧈ꦏꦺꦴꦮꦺꦲꦤ꧀ꦚꦸꦚꦸꦮꦸꦤ꧀ꦤ꧈ꦱꦂꦠꦏꦺꦴꦮꦺꦧꦏꦭ꧀ꦏꦥꦫꦶꦁꦔꦤ꧀꧈ꦏꦺꦴꦮꦺꦒꦺꦴꦭꦺꦏ꧀ꦒꦺꦴꦭꦺꦏ꧀ꦏ꧈ꦱꦂꦠꦏꦺꦴꦮꦺꦧꦏꦭ꧀ꦤꦼꦩꦸ꧈ꦏꦺꦴꦮꦺꦣꦺꦴꦣꦺꦴꦒ꧀ꦝꦺꦴꦣꦺꦴꦒ꧀ꦒ꧈ꦱꦂꦠꦏꦺꦴꦮꦺꦧꦏꦭ꧀ꦮꦶꦤ꧀ꦤꦼꦔꦤ꧀ꦤ ꦤ꧀꧉
꧑꧐꧉ ꦱꦧꦧ꧀ꦱꦫꦸꦥꦤ꧀ꦤꦶꦁꦮꦺꦴꦁꦏꦁꦲꦤ꧀ꦚꦸꦚꦸꦮꦸꦤ꧀ꦲꦶꦪꦲꦤ꧀ꦤꦩ꧀ꦥꦤ꧀ꦤꦶ꧈ꦱꦂꦠꦮꦺꦴꦁꦏꦁꦲꦁꦒꦺꦴꦭꦺꦏ꧀ꦏꦶꦲꦶꦪꦲꦤ꧀ꦤꦼꦩꦸ꧈ꦭꦤ꧀ꦮꦺꦴꦁꦏꦁꦲꦟ꧀ꦝꦺꦴꦣꦺꦴꦒ꧀ꦲꦶꦪꦮꦶꦤ꧀ꦤꦼꦔꦤ꧀ꦤꦤ꧀꧉ꦱ [ 178 ]ꦥꦮꦺꦴꦁꦥꦤꦸꦁꦒꦭ꧀ꦭꦩꦸꦏꦁꦲꦤ꧀ꦤꦏ꧀ꦏꦺꦗꦭꦸꦏ꧀ꦫꦺꦴꦠꦶꦩꦫꦁꦧꦥꦏ꧀ꦤꦺ꧈ꦲꦩꦼꦰ꧀ꦛꦶꦧꦏꦭ꧀ꦲꦺꦴꦫꦢꦶꦮꦺꦤ꧀ꦤꦺꦃꦲꦶꦮꦠꦸ꧈ꦲꦸꦠꦮꦏꦁꦲꦚ꧀ꦗꦭꦸꦏ꧀ꦲꦶꦮꦏ꧀ꦭꦺꦴꦃ꧈ꦲꦩꦼꦰ꧀ꦛꦶꦧꦏꦭ꧀ꦲꦺꦴꦫꦢꦶꦮꦺꦤ꧀ꦤꦺꦃꦲꦶꦲꦸꦭ꧉
꧑꧒꧉ ꦩꦶꦮꦃꦏꦁꦲꦚ꧀ꦗꦭꦸꦏ꧀ꦲꦼꦟ꧀ꦝꦺꦴꦒ꧀꧈ꦲꦩꦼꦰ꧀ꦛꦶꦧꦏꦭ꧀ꦲꦺꦴꦫꦢꦶꦣꦺꦤ꧀ꦤꦺꦴꦃꦲꦶꦏꦭꦗꦼꦁꦏꦶꦁ꧉
꧑꧓꧉ ꦢꦺꦤ꧀ꦤꦺꦪꦺꦤ꧀ꦏꦺꦴꦮꦺꦏꦁꦣꦣꦱꦂꦲꦭ꧈ꦱꦸꦩꦸꦫꦸꦥ꧀ꦲꦔꦸꦮꦺꦤ꧀ꦤꦺꦃꦲꦶꦧꦫꦁꦧꦼꦕꦶꦏ꧀ꦩꦫꦁꦲꦤ꧀ꦤꦏ꧀ꦩꦸ꧈ꦲꦶꦧꦲꦶꦧꦏꦁꦫꦩꦱꦏꦲꦶꦁꦯ꧀ꦮꦂꦓ꧈ꦧꦏꦭ꧀ꦲꦩꦫꦶꦁꦔꦏꦺꦫꦺꦴꦃꦲꦶꦁꦏꦁꦯꦸꦕꦶ꧈ꦩꦫꦶꦁꦮꦺꦴꦁꦏꦁꦥꦣꦚꦸꦚꦸꦮꦸꦤ꧀꧉ ꧉
꧑꧔꧉ ꧋ꦩꦺꦴꦁꦏꦪꦺꦯꦸꦱ꧀ꦲꦩ꧀ꦧꦸꦮꦁꦱꦺꦠꦤ꧀ꦧꦶꦱꦸ꧈ꦢꦺꦤ꧀ꦤꦺꦱꦮꦸꦱ꧀ꦱꦺꦩꦼꦠꦸꦱꦺꦠꦤ꧀ꦩꦲꦸ꧈ꦮꦺꦴꦁꦏꦁꦧꦶꦱꦸꦧꦶꦱꦕꦭꦛꦸ꧈ꦭꦤ꧀ꦱꦏꦺꦃꦲꦶꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦥꦣꦲꦺꦫꦩ꧀꧉
꧑꧕꧉ ꦢꦺꦤ꧀ꦤꦺꦥꦔꦸꦕꦥ꧀ꦥꦺꦱꦮꦼꦤ꧀ꦤꦺꦃꦲꦶꦁꦔꦸꦮꦺꦴꦁ꧈ꦪꦺꦯꦸꦱ꧀ꦲꦶꦏꦸꦒꦺꦴꦤ꧀ꦤꦺꦲꦩ꧀ꦧꦸꦣꦁꦔꦶꦱꦺꦠꦤ꧀꧈ꦲꦩꦂꦒꦱꦏꦧꦺꦄꦺꦭ꧀ꦱꦼꦧꦸꦭ꧀꧈ꦭꦸꦫꦃꦲꦶꦁꦱꦺꦠꦤ꧀꧉
꧑꧖꧉ ꦭꦤ꧀ꦲꦤꦮꦺꦴꦁꦏꦁꦱꦠꦼꦔꦃ꧈ꦥꦣꦲꦤ꧀ꦚꦺꦴꦧꦩꦫꦁꦪꦺꦯꦸꦱ꧀꧈ꦲꦚ꧀ꦗꦭꦸꦏ꧀ꦠꦠꦼꦁꦔꦼꦂꦫꦤ꧀ꦏꦁꦩꦼꦠꦸꦱꦏꦲꦶꦁꦭꦔꦶꦠ꧀꧉
꧑꧗꧉ ꦩꦺꦴꦁꦏꦪꦺꦯꦸꦱ꧀ꦲꦸꦤ꧀ꦤꦶꦔꦩꦫꦁꦱꦲꦺꦴꦱꦶꦏ꧀ꦏꦺꦮꦺꦴꦁꦔꦶꦏꦸ꧈ꦥꦔꦤ꧀ꦢꦶꦏꦤ꧀ꦤꦺ꧈ꦱꦏꦺꦃꦲꦶꦁꦏꦫꦠꦺꦴꦤ꧀ꦏꦁꦲꦉꦧꦸꦠ꧀ꦱꦸꦮꦭꦭꦤ꧀ꦲꦮꦏ꧀ꦏꦺꦣꦺꦮꦺ꧈ꦲꦩꦼꦰ꧀ꦛꦶꦏꦫꦸꦱꦏ꧀ꦏꦤ꧀꧈ꦲꦸꦠꦮꦲꦺꦴꦩꦃꦏꦁꦲꦉꦼꦧꦸꦠ꧀ꦱꦸꦮꦭꦭꦤ꧀ꦲꦮꦏ꧀ꦏꦺꦣꦺꦮꦺꦲꦩꦼꦰ꧀ꦛꦶꦫꦸꦧꦸꦃ꧉
꧑꧘꧉ ꦢꦺꦤ꧀ꦤꦺꦩꦼꦤ꧀ꦤꦮꦱꦺꦠꦤ꧀ꦲꦉꦧꦸꦠ꧀ꦱꦸꦮꦶꦭꦭꦤ꧀ꦲ ꦮꦏ꧀ꦏꦺꦣꦺꦮꦺ꧈ꦏꦥꦿꦶꦪꦺꦏꦫꦠꦺꦴꦤ꧀ꦤꦺꦧꦶꦱꦲꦊꦱ꧀ꦠꦫꦶ꧈ꦏꦿꦤꦥꦔꦸꦕꦥ꧀ꦩꦸ꧈ꦪꦺꦤ꧀ꦒꦺꦴꦤ꧀ꦏꦸꦲꦩ꧀ꦧꦸꦮꦁꦔꦶꦱꦺꦠꦤ꧀꧈ꦲꦩꦂꦒꦱꦏꦧꦺꦄꦺꦭ꧀ꦱꦼꦧꦸꦭ꧀꧉
꧑꧙꧉ ꦢꦺꦤ꧀ꦤꦺꦪꦺꦤ꧀ꦥꦩ꧀ꦧꦸꦮꦁꦏꦸꦱꦺꦠꦤ꧀ꦗꦭꦂꦫꦤ꧀ꦱꦏꦧꦺꦄꦺꦭ꧀ꦱꦼꦧꦸꦭ꧀꧈ꦩꦸꦁꦒꦸꦃꦲꦤ꧀ꦤꦏ꧀ꦩꦸꦒꦺꦴꦤ꧀ꦤꦺꦲꦩ꧀ꦧꦸꦮꦁꦔꦶꦱꦺꦠꦤ꧀꧈ꦱꦫꦠ꧀ꦠꦺꦲꦥ꧈ꦩꦸꦭꦤ꧀ꦤꦺꦲꦤ꧀ꦤꦏ꧀ꦩꦸꦧꦏꦭ꧀ꦲꦚ꧀ꦗꦼꦒ꧀ꦱꦤ꧀ꦤꦶꦩꦫꦁꦏꦺꦴꦮꦺ꧉
꧒꧐꧉ ꦢꦺꦤ꧀ꦤꦺꦪꦺꦤ꧀ꦲꦏꦸꦲꦩ꧀ꦧꦸꦮꦁꦔꦶꦱꦺꦠꦤ꧀ꦗꦭꦂꦫꦤ꧀ꦱꦏꦢꦫꦶꦗꦶꦤ꧀ꦤꦶꦁꦄꦭ꧀ꦭꦃ꧈ꦲꦩꦼꦰ꧀ꦛꦶꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦮꦸꦱ꧀ꦲꦤ꧀ꦤꦼꦏꦤ꧀ꦤꦶꦩꦫꦁꦏꦺꦴꦮꦺ꧉
꧒꧑꧉ ꦩꦼꦤ꧀ꦤꦮꦮꦺꦴꦁꦫꦺꦴꦱꦲꦱꦶꦏꦼꦥ꧀ꦒꦼꦒꦩꦤ꧀ꦒꦺꦴꦤ꧀ꦤꦺꦲꦚ꧀ꦗꦒꦤ꧀ꦤꦶꦲꦶꦁꦥꦢꦊꦩ꧀ꦩꦤ꧀ꦤꦺ꧈ꦧꦫꦁꦢꦂꦧꦺꦏ꧀ꦏꦺꦏꦧꦺꦃꦥꦣꦱꦭꦩꦼꦠ꧀​꧉
꧒꧒꧉ ꦢꦺꦤ꧀ꦤꦺꦩꦼꦤ꧀ꦤꦮꦏꦲꦸꦁꦒꦃꦲꦤ꧀ꦮꦺꦴꦁꦏꦁꦭꦸꦮꦶꦃꦫꦺꦴꦱ꧈ꦲꦔꦱꦺꦴꦂꦫꦏꦺꦭꦤ꧀ꦒꦼꦒꦩꦤ꧀ꦤꦺꦲꦤ꧀ꦢꦼꦭ꧀ꦭꦤ꧀ꦢꦼꦭ꧀ꦭꦺꦫꦶꦤ꧀ꦤꦼꦧꦸꦠ꧀ꦏꦧꦺꦃ꧈ꦱꦂꦠꦗꦫꦃ ꦲꦤ꧀ꦤꦺꦲꦶꦁꦔꦼꦢꦸꦩ꧀ꦩꦼꦢꦸꦩ꧀꧉
꧒꧓꧉ ꦮꦺꦴꦁꦏꦁꦲꦺꦴꦫꦫꦸꦏꦸꦤ꧀ꦏꦫꦺꦴꦲꦏꦸ꧈ꦲꦶꦏꦸꦲꦱꦸꦮꦭꦏꦫꦺꦴꦲꦏꦸ꧈ꦲꦸꦠꦮꦮꦺꦴꦁꦏꦁꦲꦺꦴꦫꦲꦏꦸꦩ꧀ꦥꦸꦭ꧀ꦭꦮꦤ꧀ꦤꦏꦸ꧈ꦲꦶꦏꦸꦢꦢꦶꦲꦩ꧀ꦧꦸꦪꦂꦫꦏꦺ꧉
꧒꧔꧉ ꦩꦼꦤ꧀ꦤꦮꦱꦺꦠꦤ꧀ꦉꦒꦼꦢ꧀ꦮꦸꦱ꧀ꦩꦼꦠꦸꦱꦏꦲꦶꦁꦔꦸꦮꦺꦴꦁ꧈ꦲꦚ꧀ꦗꦗꦃꦩꦫꦁꦥꦁꦒꦺꦴꦤ꧀ꦤꦤ꧀ꦲꦱꦠ꧀꧈ꦲꦒꦺꦴꦭꦺꦏ꧀ꦥꦭꦺꦫꦺꦤ꧀ꦤꦤ꧀꧈ꦱꦮꦸꦱ꧀ꦱꦺꦲꦺꦴꦫꦏꦠꦼꦩꦸꦲꦔꦸꦕ [ 179 ]ꦥ꧀꧈ꦲꦏꦸꦲꦉꦥ꧀ꦧꦭꦶꦩꦼꦤ꧀ꦚꦁꦔꦺꦴꦩꦃꦏꦸ꧈ꦏꦁ​ꦮꦸꦱ꧀ꦠꦏ꧀ꦠꦶꦁꦒꦭ꧀꧉
꧒꧕꧉ ꦧꦉꦁꦮꦸꦱ꧀ꦠꦼꦏꦔꦺꦴꦩꦃꦲꦺꦏꦠꦼꦩꦸꦱꦶꦤ꧀ꦤꦥꦺꦴꦤ꧀ꦤꦤ꧀ꦭꦤ꧀ꦫꦶꦤ꧀ꦤꦼꦁꦒ꧉
꧒꧖꧉ ꦠꦸꦩꦸꦭꦶꦭꦸꦔꦲꦔꦗꦏ꧀ꦱꦺꦠꦤ꧀ꦭꦶꦪꦤ꧀ꦤꦺꦥꦶꦥꦶꦠꦸꦩꦤ꧀ꦤꦺꦃ꧈ꦏꦁꦲꦔ꧀ꦭꦸꦮꦶꦃꦲꦶꦲꦭꦱꦏꦲꦶꦁꦔꦮꦏ꧀ꦏꦺ꧈ꦧꦚ꧀ꦗꦸꦂꦥꦣꦩꦚ꧀ꦗꦶꦁꦲꦩꦁꦒꦺꦴ ꦤ꧀ꦲꦤꦲꦶꦁꦏꦺꦴꦤ꧀ꦤꦺꦴ꧈ꦢꦢꦶꦮꦼꦏꦱ꧀ꦱꦤ꧀ꦤꦺꦮꦺꦴꦁꦔꦶꦏꦸꦲꦔ꧀ꦭꦸꦮꦶꦃꦲꦶꦁꦲꦭꦏꦫꦺꦴꦮꦶꦮꦶꦠ꧀ꦠꦤ꧀ꦤꦺ꧉
꧒꧗꧉ ꦢꦺꦤ꧀ꦤꦺꦪꦺꦯꦸꦱ꧀ꦤꦭꦶꦏꦲꦔꦤ꧀ꦢꦶꦏꦲꦶꦏꦸꦩꦲꦸ꧈ꦲꦤꦱꦮꦶꦗꦶꦮꦺꦴꦁꦮꦢꦺꦴꦤ꧀ꦥꦤꦸꦁꦒꦭ꧀ꦭꦤ꧀ꦤꦺꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦲꦔꦸꦮꦸꦃꦱ꧀ꦮꦫꦲꦱꦿꦸ꧈ꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦫꦃꦲꦗꦼꦁꦒꦸꦮꦒꦂꦧꦏꦁꦲꦔꦼꦟ꧀ꦝꦸꦠ꧀ꦠꦏꦼꦤ꧀ꦝꦠꦼꦁꦱꦩ꧀ꦥꦺꦪꦤ꧀꧈ꦱꦂꦠꦫꦃꦲꦗꦼꦁꦥꦩ꧀ꦧꦪꦸꦤ꧀ꦲꦶꦁꦏꦁꦱꦩ꧀ꦥꦺꦪꦤ꧀ꦱꦼꦱꦼꦥ꧀꧉
꧒꧘꧉ ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦶꦁꦱꦧꦠꦤ꧀ꦤꦺꦫꦃꦲꦪꦸꦮꦺꦴꦁꦏꦁꦥꦣꦲꦔꦿꦸꦔꦺꦴꦏ꧀ꦲꦏꦺꦱꦂꦠꦲꦔꦺꦱ꧀ꦠꦏ꧀ꦲꦏꦺꦩꦫꦁꦥꦔꦤ꧀ꦢꦶꦏꦤ꧀ꦤꦶꦁꦄꦭ꧀ꦭꦃ꧉
꧒꧙꧉ ꦲꦤꦢꦺꦤ꧀ꦤꦺꦧꦉꦁꦥꦣꦏꦸꦏꦸꦩ꧀ꦥꦸꦭ꧀ꦭꦤ꧀ꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦪꦺꦯꦸꦱ꧀ꦩꦶꦮꦶꦠ꧀ꦠꦶꦲꦔꦤ꧀ꦢꦶꦏ꧈ꦧꦺꦴꦁꦱꦲꦶꦏꦸꦧꦺꦴꦁꦱꦲꦭ꧈ꦲꦒꦺꦴꦭꦺꦏ꧀ꦒꦺꦴꦭꦺꦏ꧀ꦥꦿꦠꦺꦴꦟ꧀ꦝ꧈ꦤꦔꦶꦁꦩꦺꦴꦁꦱꦏꦥꦫꦶꦁꦔꦤꦥꦿꦠꦺꦴꦟ꧀ꦝ꧈ꦏꦗꦧꦥꦿꦠꦟ꧀ꦝꦤ꧀ꦤꦺꦟꦨꦶꦪꦸꦤꦸꦱ꧀꧉
꧓꧐꧉ ꦢꦺꦤ꧀ꦤꦺꦲꦸꦥꦩꦤ꧀ꦤꦺꦪꦸꦤꦸꦱ꧀ꦲꦶꦏꦸꦩꦶꦤ꧀ꦤꦺꦴꦁꦏꦢꦢꦶꦥꦿꦠꦟ꧀ꦝꦤ꧀ꦤꦺꦮꦺꦴꦁꦤꦶꦤꦶꦮꦺ꧈ꦩꦼꦁꦏꦺꦴꦤ꧀ꦤꦺꦴꦲꦸꦒꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦩꦶꦤ꧀ꦤꦺꦴꦁꦏꦢꦢꦶꦥꦿꦠꦟ꧀ꦝꦤ꧀ꦤꦺꦧꦺꦴꦁꦱꦲꦶꦏꦸ꧉
꧓꧑꧉ ꦯꦁꦥꦿꦩꦺꦱ꧀ꦮꦫꦶꦏꦶꦢꦸꦭ꧀ꦠꦼꦏꦤ꧀ꦤꦶꦁꦥꦲꦸꦏꦸꦩ꧀ꦩꦤ꧀꧈ꦧꦏꦭ꧀ꦲꦩꦢꦺꦴꦤ꧀ꦤꦶꦱꦂꦠꦲꦩꦠꦿꦥ꧀ꦥꦶꦩꦫꦁꦱꦏꦺꦃꦲꦶꦁꦮꦺꦴꦁꦧꦺꦴꦁꦱꦲꦶꦏꦸ꧈ꦱꦧꦧ꧀ꦠꦼꦏꦤ꧀ꦤꦺꦱꦏꦮꦼꦏꦱ꧀ꦱꦤ꧀ꦤꦶꦁꦨꦸꦩꦶ꧈ꦲꦉꦥ꧀ꦔꦿꦸꦔꦺꦴꦏ꧀ꦲꦏꦺꦩꦫꦁꦏꦮꦶꦕꦏ꧀ꦱꦤ꧀ꦤꦤ꧀ꦤꦺꦯꦸꦭꦺꦩꦤ꧀꧈ꦭꦃꦲꦶꦁꦏꦺꦤ꧀ꦤꦺꦲꦶꦪꦲꦤꦏꦁꦲꦔꦸꦁꦏꦸꦭ꧀ꦭꦶꦩꦫꦁꦯꦸꦭꦺꦩꦤ꧀꧉
꧓꧒꧉ ꦮꦺꦴꦁꦤꦶꦤꦶꦮꦺꦠꦼꦏꦤ꧀ꦤꦶꦁꦥꦲꦸꦏꦸꦩ꧀ꦩꦤ꧀꧈ꦧꦏꦭ꧀ꦲꦩꦢꦺꦴꦤ꧀ꦤꦶꦱꦂꦠꦲꦩꦠꦿꦥ꧀ꦥꦶꦩꦫꦁꦧꦺꦴꦁꦱꦲꦶꦏꦸ꧈ꦱꦧꦧ꧀ꦮꦸꦱ꧀ꦥꦣꦠꦺꦴꦧꦠ꧀ꦲꦩꦂꦒꦱꦂꦏꦥꦩꦸꦫꦸꦏ꧀ꦏꦺꦪꦸꦤꦸꦱ꧀꧈ꦭꦃꦲꦶꦁꦏꦺꦤ꧀ꦤꦺꦲꦶꦪꦲꦤꦏꦁꦲꦔꦸꦁꦏꦸꦭ꧀ꦭꦶꦩꦫꦁꦪꦸꦤꦸꦱ꧀꧉
꧓꧓꧉ ꦭꦤ꧀ꦤꦺꦴꦫꦤ꧀ꦤꦤꦮꦺꦴꦁꦲꦤ꧀ꦚꦸꦩꦼꦢ꧀ꦢꦶꦪꦤ꧀꧈ꦲꦶꦤ꧀ꦤꦺꦴꦏꦺꦴꦏ꧀ꦲꦤꦲꦶꦁꦱꦶꦱꦶꦔꦶꦢ꧀ꦢꦤ꧀꧈ꦲꦸꦠꦮꦠꦶꦤꦸꦠꦸꦥ꧀ꦥꦤ꧀ꦠꦺꦴꦩ꧀ꦥꦺꦴ꧈ꦲꦤ꧀ꦤꦔꦶꦁꦠꦶꦤꦸꦩ꧀ꦥꦁꦔꦏꦺꦲꦶꦁꦔꦗꦸꦒ꧀ꦒꦗꦸꦒ꧀꧈ꦱꦸꦥꦪꦮꦺꦴꦁꦏꦁꦥꦣꦭꦸꦩꦼꦧꦸꦏꦥꦣꦁꦔꦤ꧉
꧓꧔꧉ ꦩꦠꦲꦶꦏꦸꦩꦶꦤ꧀ꦤꦺꦴꦁꦏꦢꦢꦶꦢꦩꦂꦫꦶꦁꦧꦢꦤ꧀꧈ꦢꦺꦤ꧀ꦤꦺꦪꦺꦤ꧀ꦩꦠꦩꦸꦗꦸꦗꦸꦂ꧈ꦲꦮꦏ꧀ꦩꦸꦱꦏꦺꦴꦗꦸꦂꦏꦥꦣꦁꦔꦤ꧀ꦏꦧꦺꦃ꧈ꦢꦺꦤ꧀ꦤꦺꦪꦺꦤ꧀ꦩꦠꦩꦸꦲꦭ꧈ꦲꦮꦏ꧀ꦩꦸꦏꦧꦺꦃꦏꦥꦼꦠꦼꦁꦔꦤ꧀꧉
꧓꧕꧉ ꦩꦸꦭꦤ꧀ꦤꦺꦢꦺꦤ꧀ꦲꦮꦱ꧀꧈ꦥꦣꦁꦩꦸꦲꦗꦏꦺꦴꦁꦱꦶꦥꦼꦠꦼꦁ꧉
꧓꧖꧉ ꦢꦺꦤ꧀ꦤꦺꦪꦺꦤ꧀ꦲꦮꦏ꧀ꦩꦸꦱꦏꦺꦴꦗꦸꦂꦏꦥꦣꦁꦔꦤ꧀꧈ꦲꦺꦴꦫꦏꦕꦼꦭꦧ꧀ꦧꦤ꧀ꦥꦼꦠꦼꦁ꧈ꦏꦧꦺꦃꦧꦏꦭ꧀ꦏꦥꦣꦁꦔꦤ꧀꧈ꦏꦪꦲꦸꦫꦸꦧ꧀ꦧꦶꦁꦢꦩꦂꦏꦁꦲꦩꦣꦁꦔꦶꦩꦫꦁꦏꦺꦴꦮꦺ꧉ ꧉
꧓꧗꧉ ꧋ꦤꦭꦶꦏꦲꦶꦱꦶꦃꦔꦤ꧀ꦢꦶꦏ꧈ꦲꦤꦱꦮꦶꦗꦶꦮꦺꦴꦁꦥꦫꦶꦱꦶ꧈ꦲꦔꦠꦸꦂꦫꦶꦣꦲꦂꦩꦫꦁꦪꦺꦯꦸ [ 180 ]ꦱ꧀꧈ꦪꦺꦯꦸꦱ꧀ꦠꦸꦩꦸꦭꦶꦭꦸꦩꦼꦧꦸꦊꦁꦒꦃ꧉
꧓꧘꧉ ꦲꦤꦢꦺꦤ꧀ꦤꦺꦮꦺꦴꦁꦥꦫꦶꦱꦶꦩꦲꦸꦧꦉꦁꦮꦼꦂꦫꦸꦃꦪꦺꦯꦸꦱ꧀ꦠꦤ꧀ꦮꦶꦗꦶꦏ꧀ꦱꦢꦸꦫꦸꦁꦔꦺꦣꦲꦂꦒꦸꦩꦸꦤ꧀꧉
꧓꧙꧉ ꦩꦺꦴꦁꦏꦓꦸꦱ꧀ꦡꦶꦲꦔꦤ꧀ꦢꦶꦏꦩꦫꦁꦮꦺꦴꦁꦥꦫꦶꦱꦶꦩꦲꦸ꧈ꦲꦶꦁꦱꦩꦼꦁꦏꦺꦴꦏꦺꦴꦮꦺꦮꦺꦴꦁꦥꦫꦶꦱꦶ꧈ꦥꦣꦲꦔꦽꦱꦶꦏ꧀ꦏꦶꦱꦗꦧꦤ꧀ꦤꦶꦁꦕꦁꦏꦶꦂ ꦲꦸꦠꦮꦥꦚ꧀ꦗꦁ꧈ꦱꦠꦼꦩꦼꦤ꧀ꦤꦺꦲꦶꦁꦗꦼꦂꦫꦺꦴꦩꦸꦥꦣꦏꦏꦼꦧꦏ꧀ꦏꦤ꧀ꦫꦪꦃꦲꦤ꧀ꦲꦸꦠꦮꦥꦶꦲꦭ꧉
꧔꧐꧉ ꦲꦺꦃꦮꦺꦴꦁꦥꦸꦁꦒꦸꦁ꧈​ꦏꦁꦮꦸꦱ꧀ꦲꦒꦮꦺꦱꦗꦧꦤ꧀ꦤꦺ꧈ꦲꦥꦲꦺꦴꦫꦲꦒꦮꦺꦲꦶꦁꦗꦼꦂꦫꦺꦴꦤ꧀ꦤꦺ꧉
꧔꧑꧉ ꦩꦭꦃꦱꦲꦤ꧀ꦤꦤ꧀ꦤꦺꦥꦣꦢꦤ꧀ꦤꦏ꧀ꦏꦼꦤ꧀ꦤ꧈ꦠꦼꦩꦃꦲꦤ꧀ꦤꦺꦢꦢꦶꦉꦱꦶꦏ꧀ꦩꦫꦁꦏꦺꦴꦮꦺꦏꦧꦺꦃ꧉
꧔꧒꧉ ꦲꦤ꧀ꦤꦔꦶꦁꦧꦶꦭꦲꦶꦏꦺꦴꦮꦺꦮꦺꦴꦁꦥꦫꦶꦱꦶ꧈ꦏꦁꦥꦣꦲꦚ꧀ꦗꦏꦠ꧀ꦠꦏꦺꦠꦼꦭꦱꦶꦃꦭꦤ꧀ꦲꦢꦱ꧀꧈ꦲꦥꦩꦤ꧀ꦤꦺꦃꦱꦫꦸꦥꦤ꧀ꦤꦶꦁꦗꦗꦔꦤ꧀ꦤꦤ꧀꧈ꦱꦂꦠꦥꦣꦲꦤ꧀ꦚꦶꦁꦏꦶꦂꦫꦶꦥꦲꦸꦏꦸꦩ꧀ꦩꦤ꧀ꦭꦤ꧀ꦠꦽꦰ꧀ꦤꦤ꧀ꦤꦶꦁꦄꦭ꧀ꦭꦃ꧈ꦲꦶꦪꦲꦶꦏꦸꦏꦁꦮꦗꦶꦧ꧀ꦢꦶꦭꦏꦺꦴꦤ꧀ꦤꦶ꧈ꦱꦂꦠꦏꦁꦩꦲꦸꦩꦲꦸꦲꦗꦁꦏꦺꦴꦁꦱꦶꦏꦭꦭꦺꦤ꧀꧉
꧔꧓꧉ ꦧꦶꦭꦲꦶꦏꦺꦴꦮꦺꦮꦺꦴꦁꦥꦫꦶꦱꦶ꧈ꦱꦧꦧ꧀ꦏꦺꦴꦮꦺꦲꦶꦏꦸꦣꦼꦩꦼꦤ꧀ꦏꦸꦂꦰꦶꦏꦁꦔꦉꦥ꧀ꦪꦺꦤ꧀ꦲꦤꦲꦶꦁꦩꦼꦱ꧀ꦗꦶꦢ꧀꧈ꦭꦤ꧀ꦢꦶꦲꦸꦭꦸꦏ꧀ꦏꦶꦱꦭꦩ꧀ꦲꦤꦲꦶꦁꦥꦱꦂ꧉
꧔꧔꧉ ꦧꦶꦭꦲꦶꦏꦺꦴꦮꦺꦮꦺꦴꦁꦔꦸꦭꦩꦭꦤ꧀ꦮꦺꦴꦁꦥꦫꦶꦱꦶ꧈ꦏꦁꦥꦣꦱꦼꦩꦁ꧈ꦱꦧꦧ꧀ꦏꦺꦴꦮꦺꦲꦶꦏꦸꦲꦩꦶꦟ꧀ꦝꦏꦪꦥꦗꦫꦠ꧀ꦠꦤ꧀ꦏꦁꦮꦸꦱ꧀ꦲꦺꦴꦫꦏꦫꦸꦮꦤ꧀꧈ꦭꦤ꧀ꦢꦶꦲꦩ꧀ꦧꦃꦔꦸꦮꦺꦴꦁꦲꦺꦴꦫꦤ꧀ꦤꦤꦏꦁꦱꦸꦩꦸꦫꦸꦥ꧀꧉
꧔꧕꧉ ꦲꦤꦱꦮꦶꦗꦶꦤ꧀ꦤꦶꦁꦮꦺꦴꦁꦔꦸꦭꦩꦲꦤ꧀ꦤꦩ꧀ꦧꦸꦁꦔꦶꦲꦠꦸꦂꦩꦫꦁꦪꦺꦯꦸꦱ꧀꧈ꦓꦸꦫꦸ꧈ꦥꦔꦤ꧀ꦢꦶꦏꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦮꦲꦸ꧈ꦲꦶꦁꦒꦶꦃꦲꦔꦮꦺꦴꦤ꧀ꦤꦏꦼꦤ꧀ꦝꦸꦩꦠꦼꦁꦏꦮꦸꦭ꧉
꧔꧖꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦶꦪꦧꦶꦭꦲꦶꦏꦺꦴꦮꦺꦮꦺꦴꦁꦔꦸꦭꦩ꧈ꦱꦧꦧ꧀ꦏꦺꦴꦮꦺꦲꦔꦼꦩꦺꦴꦠ꧀ꦠꦏꦺꦩꦫꦁꦔꦸꦮꦺꦴꦁ꧈ꦩꦺꦴꦩꦺꦴꦠ꧀ꦠꦤ꧀ꦏꦁꦲꦺꦴꦫꦏꦼꦭꦂꦢꦶꦲꦁꦏꦠ꧀꧈ꦩꦺꦴꦁꦏꦏꦺꦴꦮꦺꦲꦶꦏꦸꦢꦫꦶꦗꦶꦩꦸꦱꦶꦗꦶꦲꦺꦴꦫꦲꦤ꧀ꦢꦸꦩꦸꦏ꧀ꦩꦫꦁꦩꦺꦴꦩꦺꦴꦠ꧀ꦠꦤ꧀ꦩꦲꦸ꧉
꧔꧗꧉ ꦧꦶꦭꦲꦶꦏꦺꦴꦮꦺ꧈ꦱꦧꦧ꧀ꦏꦺꦴꦮꦺꦲꦶꦏꦸꦲꦩꦔꦸꦤ꧀ꦩꦫꦁꦥꦩꦏꦩ꧀ꦩꦤ꧀ꦤꦶꦁꦟꦨꦶ꧈ꦏꦁꦮꦸꦱ꧀ꦥꦣꦥꦶꦤ꧀ꦤꦠꦺꦤ꧀ꦤꦤ꧀ꦢꦺꦤ꧀ꦤꦶꦁꦭꦸꦭꦸꦲꦸꦂꦩꦸ꧉
꧔꧘꧉ ꦢꦢꦶꦏꦺꦴꦮꦺꦥꦣꦲꦤ꧀ꦤꦼꦏ꧀ꦱꦺꦤ꧀ꦤꦶꦱꦂꦠꦗꦸꦩꦸꦫꦸꦁꦩꦫꦁꦥꦒꦮꦺꦤ꧀ꦤꦺꦭꦸꦭꦸꦲꦸꦂꦩꦸ꧈ꦱꦧꦧ꧀ꦮꦸꦱ꧀ꦥꦣꦥꦶꦤ꧀ꦤꦠꦺꦤ꧀ꦤꦤ꧀ꦲꦶꦁꦭꦸꦭꦸꦲꦸꦂꦩꦸ꧈ꦩꦺꦴꦁꦏꦏꦺꦴꦮꦺꦲꦩꦔꦸꦤ꧀ꦲꦶꦁꦥꦩꦏꦩ꧀ꦩꦤ꧀ꦤꦺ꧉
꧔꧙꧉ ꦩꦸꦭꦤ꧀ꦤꦺꦏꦮꦶꦕꦏ꧀ꦱꦤ꧀ꦤꦤ꧀ꦤꦶꦁꦄꦭ꧀ꦭꦃꦲꦔꦤ꧀ꦢꦶꦏ꧈ꦲꦶꦁꦯꦸꦤ꧀ꦧꦏꦭ꧀ꦲꦔ꧀ꦭꦏꦺꦴꦏ꧀ꦲꦏꦺꦟꦨꦶꦭꦮꦤ꧀ꦲꦸꦠꦸꦱ꧀ꦱꦤ꧀ꦩꦫꦁꦮꦺꦴꦁꦔꦶꦏꦸ꧈ꦭꦤ꧀ꦲꦤꦱꦮꦼꦤ꧀ꦤꦺꦃꦲꦺꦏꦁꦧꦏꦭ꧀ꦥꦶꦤ꧀ꦤꦠꦺꦤ꧀ꦤꦤ꧀ꦲꦸꦠꦮꦧꦏꦭ꧀ꦏꦶꦤꦸꦪ ꦏꦸꦪ꧉
꧕꧐꧉ ꦢꦢꦶꦧꦺꦴꦁꦱꦲꦶꦏꦸꦏꦠꦼꦩ꧀ꦥꦸꦃꦲꦶꦁꦒꦼꦠꦶꦪꦺꦥꦫꦟꦨꦶꦏꦧꦺꦃ꧈ꦏꦁꦮꦸꦱ꧀ꦮꦶꦤꦸꦠꦃꦲꦏꦺꦲꦮꦶꦠ꧀ꦱꦏꦗꦓꦢ꧀ꦢꦸꦩꦢꦶ꧉
꧕꧑꧉ ꦮꦶꦮꦶꦠ꧀ꦠꦺꦱꦏꦒꦼꦠꦶꦪꦺꦄꦧꦶꦭ꧀꧈ꦏꦺꦴꦁꦱꦶꦠꦸꦩꦼꦏꦒꦼꦠꦶꦪꦺꦱꦏꦫꦶꦪ꧈ꦏꦁꦥꦶꦤ꧀ꦤꦠꦺꦤ꧀ꦤꦤ꧀ꦲꦤꦲꦤ꧀ꦠꦫꦤ꧀ꦤꦶꦁꦩꦶꦱ꧀ꦧꦾꦃꦭꦤ꧀ꦩꦼꦱ꧀ꦗꦶꦢ꧀꧈ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦧꦺꦴꦁꦱꦲꦶꦏꦸꦲꦶꦪꦧꦏꦭ꧀ꦏꦠꦼꦩ꧀ꦥꦸꦃꦲꦤ꧀꧉
꧕꧒꧉ ꦧꦶꦭꦲꦶꦏꦺꦴꦮꦺꦮꦺꦴꦁꦔꦸꦭꦩ꧈ꦱꦧꦧ꧀ꦏꦺꦴꦮꦺꦮꦸꦱ꧀ꦲꦔꦥꦺꦏ꧀ꦱꦺꦴꦫꦺꦴꦒ꧀ꦒꦶꦁ [ 181 ]ꦥꦔꦮꦿꦸꦃ꧈ꦏꦺꦴꦮꦺꦲꦺꦴꦫꦭꦸꦩꦼꦧꦸꦣꦺꦮꦺ꧈ꦭꦤ꧀ꦮꦺꦴꦁꦏꦁꦲꦉꦥ꧀ꦭꦸꦩꦼꦧꦸꦏꦺꦴꦮꦺꦥꦼꦔꦶꦁ꧉
꧕꧓꧉ ꦲꦤꦢꦺꦤ꧀ꦤꦺꦪꦺꦯꦸꦱ꧀ꦧꦸꦉꦁꦲꦔꦤ꧀ꦢꦶꦏꦲꦶꦏꦸꦩꦲꦸ꧈ꦮꦺꦴꦁꦔꦸꦭꦩꦭꦮꦤ꧀ꦮꦺꦴꦁꦥꦫꦶꦱꦶꦧꦚ꧀ꦗꦂꦥꦣꦤꦼꦥ꧀ꦱꦸꦠꦤ꧀ꦱꦶꦥꦶ꧈ꦱꦂꦠꦥꦣꦲꦔꦗꦏ꧀ꦥꦥꦢꦺꦴꦤ꧀ꦩꦫꦁꦪꦺꦯꦸꦱ꧀꧈ꦥꦣꦲꦠꦠꦏꦺꦴꦤ꧀ꦥꦿꦏꦫꦲꦏꦺꦃ꧉
꧕꧔꧉ ​ꦱꦼꦢꦾꦤ꧀ꦤꦺꦥꦣꦲꦩꦱꦁꦏꦭꦩꦫꦁ ꦪꦺꦯꦸꦱ꧀꧈ꦲꦒꦺꦴꦭꦺꦏ꧀ꦢꦢꦭꦤ꧀ꦥꦔꦸꦕꦥ꧀ꦱꦏꦼꦕꦥ꧀ꦱꦏꦲꦶꦁꦠꦸꦠꦸꦏ꧀ꦏꦺ꧈ꦥꦩꦿꦶꦪꦺꦧꦶꦱꦲꦲꦁꦒꦸꦒꦠ꧀ꦩꦫꦁꦪꦺꦯꦸꦱ꧀꧉ ꧉

---

꧋ꦧꦧ꧀ꦏꦥꦶꦁꦫꦺꦴꦭꦱ꧀꧉

꧑꧉ ꧋ꦲꦶꦁꦤꦭꦶꦏꦱꦮꦸꦱ꧀ꦱꦺꦏꦸꦏꦸꦩ꧀ꦥꦸꦭ꧀ꦭꦤ꧀ꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦲꦊꦏ꧀ꦱꦤ꧀꧈ꦔꦤ꧀ꦠꦶꦥꦣꦲꦶꦢꦏ꧀ꦲꦶꦢꦏ꧀ꦏꦤ꧀꧈ꦪꦺꦯꦸꦱ꧀ꦲꦩꦶꦮꦶꦠ꧀ꦠꦶꦔꦤ꧀ꦢꦶꦏꦩꦫꦁꦱꦏ꦳ꦧꦠ꧀ꦠꦺ꧈ꦏꦁꦣꦶꦔꦶꦤ꧀ꦏꦺꦴꦮꦺꦥꦣꦲꦩꦿꦪꦶꦠ꧀ꦤꦤ꧀ꦤꦤꦩꦫꦁꦫꦒꦶꦤ꧀ꦤꦺꦮꦺꦴꦁꦥꦫꦶꦱꦶ꧈ꦠꦼꦒꦼꦱ꧀ꦱꦺꦲꦶꦏꦸꦭꦩꦶꦱ꧀꧉
꧒꧉ ꦩꦺꦴꦁꦏꦲꦺꦴꦫꦤ꧀ꦤꦤꦏꦠꦸꦠꦸꦥ꧀ꦥꦤ꧀꧈ꦏꦁꦧꦏꦭ꧀ꦲꦺꦴꦫꦧꦶꦤꦸꦏ꧈ ꦭꦤ꧀ꦤꦺꦴꦫꦤ꧀ꦤꦤꦏꦭꦶꦁꦔꦭꦶꦁꦔꦤ꧀꧈ꦏꦁꦧꦏꦭ꧀ꦲꦺꦴꦫꦮꦶꦤ꧀ꦤꦼꦂꦫꦸꦃꦲꦏꦺ꧉
꧓꧉ ꦩꦸꦭꦤ꧀ꦤꦺꦥꦕꦼꦭꦛꦺꦴꦤ꧀ꦩꦸꦏꦁꦲꦤꦲꦶꦁꦥꦼꦥꦼꦠꦼꦁ꧈ꦧꦏꦭ꧀ꦫꦶꦤꦸꦔꦺꦴꦏ꧀ꦲꦏꦺꦲꦤꦲꦶꦁꦥꦼꦥꦣꦁ꧈ꦭꦤ꧀ꦏꦁꦏꦺꦴꦮꦺꦕꦭꦛꦺꦴꦏ꧀ꦲꦏꦺꦏꦁꦫꦶꦤꦸꦔꦸꦲꦶꦁꦏꦸꦥꦶꦁꦲꦤꦱꦗꦿꦺꦴꦤ꧀ꦤꦶꦁꦒꦼꦣꦺꦴꦁꦔꦤ꧀꧈ꦧꦏꦭ꧀ꦮꦶꦤ꧀ꦤꦫꦠꦏ꧀ꦲꦏꦺꦲꦤꦲꦶꦁꦥꦪꦺꦴꦤ꧀꧉
꧔꧉ ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺꦥꦿꦱꦺꦴꦧꦠ꧀ꦠꦤ꧀ꦤꦠꦸ꧈ꦲꦗꦏꦺꦴꦮꦺꦮꦼꦢꦶꦩꦫꦁꦏꦁꦧꦶꦱꦩꦠꦺꦤ꧀ꦤꦶꦧꦢ ꦤ꧀꧈ꦲꦭꦶꦪꦲꦶꦏꦸꦲꦺꦴꦫꦧꦶꦱꦒꦮꦺꦲꦥꦲꦥꦩꦤ꧀ꦤꦺꦃ꧉
꧕꧉ ꦩꦺꦴꦁꦏꦥꦶꦠꦸꦢꦸꦃꦏꦸꦩꦫꦁꦏꦺꦴꦮꦺ꧈ꦱꦥꦏꦁꦥꦠꦸꦠ꧀ꦢꦶꦲꦺꦫꦶꦁꦔꦶ꧈ꦥꦣꦮꦼꦢꦶꦪꦩꦫꦁꦏꦁꦏꦒꦸꦁꦔꦤ꧀ꦏꦸꦮꦱ꧈ꦱꦮꦸꦱ꧀ꦱꦺꦲꦩꦠꦺꦤ꧀ꦤꦶꦲꦤ꧀ꦚꦼꦩ꧀ꦥ꧀ꦭꦸꦁꦔꦏꦺꦲꦶꦁꦤꦼꦫꦏ꧈ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦶꦪꦲꦶꦏꦸꦥꦣꦏꦺꦴꦮꦺꦲꦺꦫꦶꦁꦔꦤ꧉
꧖꧉ ꦩꦤꦸꦏ꧀ꦒꦭꦛꦶꦏ꧀ꦭꦶꦭꦶꦩꦢꦶꦲꦼꦢꦺꦴꦭ꧀ꦲꦥꦲꦺꦴꦫꦥꦪꦸꦫꦺꦴꦁꦏꦺꦛꦺꦁ꧈ꦭꦤ꧀ꦱꦮꦶꦗꦶꦤ꧀ꦤꦺꦲꦺꦴꦫꦏꦭꦭꦺꦤ꧀ꦲꦤꦔꦂꦰꦤ꧀ꦤꦶꦁꦄ ꦭ꧀ꦭꦃ꧉
꧗꧉ ꦩꦭꦃꦫꦩ꧀ꦧꦸꦠ꧀ꦠꦶꦁꦔꦼꦟ꧀ꦝꦱ꧀ꦩꦸꦮꦸꦱ꧀ꦥꦣꦏꦲꦶꦠꦸꦁꦏꦧꦺꦃ꧈ꦩꦸꦭꦤ꧀ꦤꦺꦏꦺꦴꦮꦺꦲꦗꦮꦼꦢꦶ꧈ꦱꦧꦧ꧀ꦏꦺꦴꦮꦺꦲꦶꦏꦸꦲꦔ꧀ꦭꦸꦮꦶꦃꦲꦶꦩꦫꦁꦒꦭꦛꦶꦏ꧀ꦲꦏꦺꦃ꧉
꧘꧉ ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦱꦫꦸꦥꦤ꧀ꦤꦶꦁꦔꦸꦮꦺꦴꦁꦏꦁꦲꦔꦁꦒꦼꦥ꧀ꦩꦫꦁꦔꦏꦸꦲꦤꦔꦉꦥ꧀ꦥꦤ꧀ꦤꦶꦁꦔꦸꦮꦺꦴꦁ꧈ꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦲꦶꦪꦧꦏꦭ꧀ꦲꦔꦁꦒꦼꦱ꧀ꦩꦫꦁꦮꦺꦴꦁꦔꦶꦏꦸ꧈ꦲꦤꦔꦉꦥ꧀ꦥꦤ꧀ꦤꦶꦁꦥꦫꦩꦭꦲꦺꦏꦠ꧀ꦠꦶꦁꦄꦭ꧀ꦭꦃ꧉
꧙꧉ ꦢꦺꦤ꧀ꦤꦺꦮꦺꦴꦁꦏꦁꦲꦤ꧀ꦚꦺꦭꦏ꧀ꦏꦶꦩꦫꦁꦔꦏꦸꦲꦤꦔꦉꦥ꧀ꦥꦤ꧀ꦤꦶꦁꦔꦸꦮꦺꦴꦁ꧈ꦮꦺꦴꦁꦔꦶꦏꦸꦲꦶꦪꦧꦏꦭ꧀ꦢꦶꦱꦺꦭꦏ꧀ꦏꦶꦲꦤꦔꦉꦥ꧀ꦥꦤ꧀ꦤꦶꦁꦥꦫꦩꦭꦲꦺꦏꦠ꧀ꦠꦶꦁꦄꦭ꧀ꦭꦃ꧉
꧑꧐꧉ ꦭꦤ꧀ꦱꦫꦸꦥꦤ꧀ꦤꦶꦁꦮꦺꦴꦁꦏꦁꦲꦤ꧀ꦚꦠꦸꦂꦱꦏꦼꦕꦥ꧀ꦩꦫꦁꦥꦸꦠꦿꦤ꧀ꦤꦶꦁꦩꦤꦸꦱ꧀ꦮ꧈ [ 182 ]ꦲꦶꦏꦸꦧꦏꦭ꧀ꦲꦶꦁꦔꦥꦸꦫ꧈ꦢꦺꦤ꧀ꦤꦺꦮꦺꦴꦁꦏꦁꦲꦤ꧀ꦚꦠꦸꦂꦲꦭꦩꦫꦁꦫꦺꦴꦃꦲꦶꦁꦏꦁꦯꦸꦕꦶ꧈ꦲꦶꦏꦸꦧꦏꦭ꧀ꦲꦺꦴꦫꦲꦺꦴꦭꦺꦃꦥꦔꦥꦸꦫ꧉
꧑꧑꧉ ꦢꦺꦤ꧀ꦤꦺꦪꦺꦤ꧀ꦏꦺꦴꦮꦺꦥꦣꦢꦶꦣꦣꦧꦾꦁꦩꦫꦁꦩꦼꦱ꧀ꦗꦶꦢ꧀꧈ꦲꦸꦠꦮꦩꦫꦁꦔꦉꦥ꧀ꦥꦤ꧀ꦤꦶꦁꦮꦺꦴꦁꦒꦼꦣꦺꦱꦂꦠꦏꦁꦲꦤ꧀ꦚꦼꦏꦼꦭ꧀ꦥꦔꦸꦮꦱ꧈ꦲꦗꦏꦺꦴꦮꦺꦏꦸꦮꦠꦶꦂ꧈ꦲꦺꦴꦭꦺꦃꦩꦸꦧꦏꦭ꧀ꦩꦢꦺꦴꦤ꧀ꦤꦶꦏꦥꦿꦶꦪꦺ꧈ꦲꦸꦠꦮꦏꦥꦿꦶꦪꦺꦲꦺꦴꦭꦺꦃꦩꦸꦧꦏꦭ꧀ꦤꦸꦠꦸꦂꦫꦶ꧉
꧑꧒꧉ ꦱꦧꦧ꧀ꦫꦺꦴꦃꦲꦶꦁꦏꦁꦯꦸꦕꦶꦏꦁꦧꦏꦭ꧀ꦲꦩꦸꦩꦸꦭꦁꦩꦫꦁꦏꦺꦴꦮꦺꦲꦶꦁꦱꦤ꧀ꦤꦭꦶꦏꦲꦶꦏꦸ꧈ꦲꦥꦏꦁꦥꦠꦸꦠ꧀ꦧꦏꦭ꧀ꦏꦺꦴꦮꦺꦥꦶꦠꦸꦠꦸꦂꦫꦏꦺ꧉
꧑꧓꧉ ꦠꦸꦩꦸꦭꦶꦲꦤꦱꦮꦶꦗꦶꦤ꧀ꦤꦶꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦓꦸꦫꦸ꧈ꦱꦩ꧀ꦥꦺꦪꦤ꧀ꦩꦸꦒꦶꦲꦟ꧀ꦝꦮꦃꦲꦤꦣꦸꦩꦠꦼꦁꦱꦣꦺꦫꦺꦏ꧀ꦏꦮꦸꦭ꧈ꦲꦩ꧀ꦧꦒꦺꦪꦮꦫꦶꦱ꧀ꦱꦤ꧀ꦲꦶꦁꦏꦁꦣꦸꦩꦠꦼꦁꦏꦮꦸꦭ꧉
꧑꧔꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦺꦃꦮꦺꦴꦁ꧈ꦱꦥꦏꦁꦲꦤ꧀ꦢꦢꦺꦏ꧀ꦲꦏꦺꦗꦼꦏ꧀ꦱꦩꦫꦁꦔꦏꦸ꧈ꦲꦸꦠꦮꦠꦸꦏꦁꦥꦩ꧀ꦧꦒꦺꦮꦫꦶꦱ꧀ꦱꦤ꧀꧉
꧑꧕꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦔꦏꦺꦃ꧈ꦏꦺꦴꦮꦺꦥꦣꦢꦶꦲꦮꦱ꧀ꦭꦤ꧀ꦥꦣꦲꦤ꧀ꦚꦶꦁꦏꦶꦂꦫꦤꦲꦗꦲꦤꦲꦶꦠꦶꦱꦼꦫꦏꦃ꧈ꦱꦧꦧ꧀ꦲꦸꦫꦶꦥ꧀ꦥꦶꦁꦮꦺꦴꦁꦔꦶꦏꦸꦲꦺꦴꦫꦗꦭꦂꦫꦤ꧀ꦱꦏꦏꦭꦸꦮꦶꦃꦲꦤ꧀ꦤꦺꦲꦶꦁꦢꦸꦮꦺꦏ꧀ꦏꦺ꧉
꧑꧖꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦏ꧀ꦲꦏꦺꦥꦱꦼꦩꦺꦴꦤ꧀ꦩꦫꦁꦮꦺꦴꦁꦩꦲꦸ꧈ꦥꦔꦤ꧀ꦢꦶꦏꦤ꧀ꦤꦺ꧈ꦲꦤꦱꦮꦶꦗꦶꦮꦺꦴꦁꦱꦸꦒꦶꦃꦧꦸꦩꦶꦤ꧀ꦤꦺꦮꦸꦱ꧀ꦏꦮꦼꦠꦺꦴꦤ꧀ꦲꦸꦮꦺꦴꦃꦲꦏꦺꦃ꧉
꧑꧗꧉ ꦭꦤ꧀ꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺꦲꦢꦸꦮꦺꦥꦶꦏꦶꦂ꧈ꦥꦔꦸꦕꦥ꧀ꦥꦺ꧈ꦲꦥꦏꦁꦧꦏꦭ꧀ꦠꦏ꧀ꦒꦮꦺ꧈ꦱꦧꦧ꧀ꦲꦺꦴꦫꦢꦸꦮꦺꦥꦁꦒꦺꦴꦤ꧀ꦤꦤ꧀꧈ꦒꦺꦴꦤ꧀ꦏꦸꦔꦭꦸꦩ꧀ꦥꦸꦏ꧀ꦲꦏꦺꦮꦼꦠꦸꦤ꧀ꦤꦶꦁꦮꦺꦴꦃꦏꦸ꧉
꧑꧘꧉ ꦭꦤ꧀ꦥꦔꦸꦕꦥ꧀ꦥꦺ꧈ꦲꦶꦪꦧꦏꦭ꧀ꦠꦏ꧀ꦒꦮꦺꦩꦼꦁꦏꦺꦤ꧀ꦤꦺ꧈ꦭꦸꦩ꧀ꦧꦸꦁꦏꦸꦏꦁꦭꦮꦱ꧀ꦧꦏꦭ꧀ꦠꦏ꧀ꦧꦸꦧꦿꦃ꧈ꦱꦂꦠꦲꦏꦸꦧꦏꦭ꧀ꦪꦱꦏꦁꦭꦸꦮꦶꦃꦒꦼꦣꦺ꧈ꦭꦤ꧀ꦲꦶꦁꦏꦺꦴꦤ꧀ꦤꦺꦴꦲꦶꦏꦸꦒꦺꦴꦤ꧀ꦏꦸꦲꦔ꧀ꦭꦸꦩ꧀ꦥꦸꦏ꧀ꦲꦏꦺꦮꦼꦠꦸꦤ꧀ꦤꦶꦁꦠꦠꦤ꧀ꦢꦸꦂꦫꦤ꧀ꦤꦏꦸꦭꦤ꧀ꦱꦢꦂꦧꦺꦏ꧀ꦏꦸꦏꦧꦺꦃ꧉
꧑꧙꧉ ꦭꦤ꧀ꦚꦮꦏꦸꦧꦏꦭ꧀ꦠꦏ꧀ꦠꦸꦠꦸꦂꦫꦶ꧈ꦲꦺꦃꦚꦮ꧈ꦏꦺꦴꦮꦺꦢꦸꦮꦺꦏꦧꦼꦟ꧀ꦗꦤ꧀ꦤꦏꦺꦃ꧈ꦏꦠꦟ꧀ꦝꦺꦴꦲꦶꦁꦥꦶꦫꦁꦥꦶꦫꦁꦠꦲꦸꦤ꧀꧈ꦏꦺꦴꦮꦺꦩꦼꦤ꧀ꦤꦼꦁꦔ꧈ꦲꦩꦔꦤ꧀ꦤ꧈ꦲꦔꦺꦴꦩ꧀ꦧꦺꦪ꧈ꦲꦧꦸꦔꦃꦧꦸꦔꦃꦲ꧉
꧒꧐꧉ ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦶꦁꦄꦭ꧀ꦭꦃꦩꦫꦁꦮꦺꦴꦁꦔꦶꦏꦸ꧈ꦲꦺꦃꦮꦺꦴꦁꦥꦸꦁꦒꦸꦁ꧈ꦲꦶꦁꦩꦼꦁꦏꦺꦴꦧꦼꦔꦶꦲꦶꦏꦶꦚꦮꦤ꧀ꦤꦶꦫꦧꦏꦭ꧀ꦥꦶꦤ꧀ꦤꦼꦕꦠ꧀ꦱꦏꦲꦶꦁꦔꦮꦏ꧀ꦏꦶꦫ꧈ꦢꦺꦤ꧀ꦤꦺꦏꦁꦮꦸꦱ꧀ꦱꦶꦫꦕꦮꦶꦱ꧀ꦱꦏꦺ꧈ꦲꦶꦏꦸꦏꦁꦧꦏꦭ꧀ꦲꦤ꧀ꦢꦸꦮꦺꦤ꧀ꦤꦶꦱꦥ꧉
꧒꧑꧉ ꦏꦪꦩꦼꦁꦏꦺꦴꦤ꧀ꦤꦺꦴꦲꦸꦒꦮꦺꦴꦁꦏꦁꦲꦔ꧀ꦭꦸꦩ꧀ꦥꦸꦏ꧀ꦲꦏꦺꦏꦢꦸꦤ꧀ꦚꦤ꧀ꦩꦫꦁꦲꦶꦁꦣꦺꦮꦺꦏ꧀ꦏꦺ꧈ꦩꦺꦴꦁꦏꦲꦺꦴꦫꦱꦸꦒꦶꦃꦩꦫꦶꦁꦄꦭ꧀ꦭꦃ꧉
꧒꧒꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀ꦠꦺ꧈ꦩꦸꦭꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦗꦏꦺꦴꦮꦺꦱꦸꦩꦼꦭꦁꦩꦸꦁꦒꦸꦃꦲꦶꦁꦚꦮꦩꦸ꧈ꦲꦺꦴꦭꦺꦃꦩꦸꦩꦔꦤ꧀꧈ꦲꦸꦠꦮꦩꦸꦁꦒꦸꦃꦲꦶꦁꦧꦢꦤ꧀ꦩꦸ꧈ꦏꦁꦧꦏꦭ꧀ꦏꦺꦴꦮꦺꦱꦟ꧀ꦝꦁ꧉
꧒꧓꧉ ꦚꦮꦲꦶꦏꦸꦲꦔꦸꦁꦏꦸꦭ꧀ꦭꦶꦩꦫꦁꦥꦔꦤ꧀꧈ꦲꦸꦠꦮꦧ [ 183 ]ꦢꦤ꧀ꦤꦶꦏꦸꦲꦔꦸꦁꦏꦸꦭ꧀ꦭꦶꦩꦫꦁꦱꦟ꧀ꦝꦁꦔꦤ꧀꧉
꧒꧔꧉ ꦏꦺꦴꦮꦺꦥꦣꦲꦤ꧀ꦢꦼꦊꦁꦔꦩꦫꦁꦩꦤꦸꦏ꧀ꦒꦒꦏ꧀꧈ꦲꦶꦏꦸꦲꦺꦴꦫꦲꦤ꧀ꦚꦼꦧꦂꦮꦶꦗꦶ꧈ꦭꦤ꧀ꦤꦺꦴꦫꦥꦤ꧀ꦤꦺꦤ꧀꧈ꦲꦺꦴꦫꦢꦸꦮꦺꦒꦼꦣꦺꦴꦁꦲꦸꦠꦮꦭꦸꦩ꧀ꦧꦸꦁ꧈ꦥꦫꦤ꧀ꦢꦺꦤ꧀ꦤꦺꦥꦣꦢꦶꦲꦶꦔꦺꦴꦤ꧀ꦤꦶꦢꦺꦤ꧀ꦤꦶꦁꦄꦭ꧀ꦭꦃ꧈ꦲꦶꦧꦒꦺꦴꦤ꧀ꦩꦸꦏꦶꦤ꧀ꦤꦕꦺꦏ꧀ꦲꦏꦺꦏꦫꦺꦴꦱꦏꦺꦃꦲꦶꦁꦩꦤꦸꦏ꧀꧉
꧒꧕꧉ ꦢꦺꦤ꧀ꦤꦺꦱꦥꦥꦤꦸꦁꦒꦭ꧀ꦭꦩꦸꦏꦁꦩꦼꦭꦁꦩꦼꦭꦁ ꦧꦶꦱꦲꦲꦩꦸꦮꦸꦃꦲꦶꦱꦲꦱ꧀ꦠꦢꦼꦢꦼꦒ꧀ꦒꦺ꧉
꧒꧖꧉ ꦢꦺꦤ꧀ꦤꦺꦩꦼꦤ꧀ꦤꦮꦏꦺꦴꦮꦺꦲꦺꦴꦫꦧꦶꦱꦲꦒꦮꦺꦪꦲꦶꦁꦏꦁꦱꦛꦶꦛꦶꦏ꧀ꦧꦲꦺ꧈ꦏꦼꦤ꧀ꦤꦔꦥꦏꦺꦴꦮꦺꦲꦩꦼꦭꦁꦩꦼꦭꦁꦩꦫꦁꦭꦶꦪꦤ꧀ꦤꦺ꧉
꧒꧗꧉ ꦏꦺꦴꦮꦺꦥꦣꦲꦤ꧀ꦢꦼꦊꦁꦔꦩꦫꦁꦏꦼꦩ꧀ꦧꦁꦧꦏꦸꦁ꧈ꦲꦼꦁꦒꦺꦴꦤ꧀ꦤꦺꦛꦸꦏꦸꦭ꧀꧈ꦲꦺꦴꦫꦲꦁꦒꦫꦥ꧀ꦒꦮꦺꦭꦤ꧀ꦤꦺꦴꦫꦲꦔꦤ꧀ꦠꦺꦃ꧈ꦩꦺꦴꦁꦏꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦩꦸꦁꦒꦸꦃꦯꦸꦭꦺ ꦩꦤ꧀ꦭꦤ꧀ꦱꦏꦥꦿꦧꦺꦴꦤ꧀ꦤꦺꦏꦧꦺꦃ꧈ꦲꦺꦴꦫꦏꦥꦲꦺꦱ꧀ꦱꦤ꧀ꦏꦪꦱꦮꦶꦗꦶꦤ꧀ꦤꦶꦁꦏꦼꦩ꧀ꦧꦁꦔꦶꦏꦸ꧉
꧒꧘꧉ ꦢꦺꦤ꧀ꦤꦺꦩꦼꦤ꧀ꦤꦮꦄꦭ꧀ꦭꦃꦲꦩꦩꦲꦺꦱ꧀ꦱꦶꦩꦫꦁꦛꦸꦛꦸꦏꦸꦭ꧀ꦭꦤ꧀ꦤꦶꦁꦨꦸꦩꦶ꧈ꦏꦁꦲꦤꦲꦶꦁꦱꦢꦶꦤ꧀ꦤꦲꦶꦏꦶ꧈ꦠꦸꦩꦼꦏꦤ꧀ꦤꦶꦁꦱꦺꦱꦸꦏ꧀ꦕꦶꦤ꧀ꦤꦼꦩ꧀ꦥ꧀ꦭꦸꦁꦔꦏꦺꦲꦶꦁꦥꦮꦺꦴꦤ꧀꧈ꦲꦩꦶꦭꦲꦸꦂꦩꦫꦁꦏꦺꦴꦮꦺꦏꦁꦥꦣꦏꦸꦫꦁꦥꦿꦕꦪ꧉
꧒꧙꧉ ꦭꦤ꧀ꦏꦺꦴꦮꦺꦲꦗꦲꦁꦒꦺꦴꦭꦺꦏ꧀ꦏꦶ꧈ꦏꦁꦧꦏꦭ꧀ꦏꦺꦴꦮꦺꦥꦔꦤ꧀꧈ꦲꦸꦠꦮꦏꦁꦧꦏꦭ꧀ꦏꦺꦴꦮꦺꦲꦺꦴꦩ꧀ꦧꦺ꧈ꦭꦤ꧀ꦲꦗꦏꦺꦴꦮꦺꦲꦸꦮꦱ꧀ꦱꦸꦮꦱ꧀꧉
꧓꧐꧉ ꦱꦧꦧ꧀ꦏꦧꦺꦃꦲꦶꦏꦸꦩꦲꦸꦏꦁꦒꦶꦤ꧀ꦤꦺꦴꦭꦺꦏ꧀ꦏꦤ꧀ꦩꦫꦁꦥꦫꦗꦶꦤ꧀ꦤꦶꦱ꧀ꦱꦶꦁꦨꦸꦩꦶ꧈ꦩꦺꦴꦁꦏꦧꦥꦏ꧀ꦩꦸꦮꦸꦱ꧀ꦲꦔꦸꦤ꧀ꦤꦶꦔꦤ꧀ꦤꦶꦩꦫꦁꦏꦏꦸꦫꦁꦔꦤ꧀ꦤꦩꦸꦲꦶꦏꦸꦩꦲꦸꦏꦧꦺꦃ꧉
꧓꧑꧉ ꦤꦔꦶꦁꦏꦺꦴꦮꦺꦥꦣꦔꦸꦥꦪꦲꦩꦫꦁꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧈ꦭꦤ꧀ꦏꦺꦴꦮꦺꦧꦏꦭ꧀ꦮꦶꦤꦸꦮꦸꦃꦲꦤ꧀ꦲꦶꦏꦸꦩꦲꦸꦏꦧꦺꦃ꧉ ꧉
꧓꧒꧉ ꧋ꦲꦺꦃꦥꦥꦤ꧀ꦛꦤ꧀ꦕꦶꦭꦶꦏ꧀꧈ꦲꦗꦏꦺꦴꦮꦺꦮꦼꦢꦶ꧈ꦱꦧꦧ꧀ꦏꦂꦰꦤ꧀ꦤꦺꦧꦥꦏ꧀ꦩꦸꦲꦩꦫꦶꦁꦔꦶꦏ ꦫꦠꦺꦴꦤ꧀ꦩꦫꦁꦏꦺꦴꦮꦺ꧉
꧓꧓꧉ ꦱꦢꦸꦮꦺꦏ꧀ꦢꦸꦮꦺꦏ꧀ꦩꦸꦥꦣꦲꦼꦢꦺꦴꦭ꧀ꦭꦤ꧈ꦭꦤ꧀ꦥꦣꦢꦤ꧀ꦤꦏ꧀ꦏꦼꦤ꧀ꦤ꧈ꦥꦣꦲꦒꦮꦺꦪꦏꦤ꧀ꦛꦺꦴꦁꦏꦁꦲꦺꦴꦫꦧꦶꦱꦭꦸꦮꦱ꧀ꦥꦔꦁꦒꦺꦴꦩꦸ꧈ꦔꦩꦭ꧀ꦏꦁꦲꦺꦴꦫꦲꦺꦴꦮꦃꦲꦤꦲꦶꦁꦯ꧀ꦮꦂꦓ꧈ꦏꦁꦲꦺꦴꦫꦏꦼꦤ꧀ꦤꦕꦶꦤ꧀ꦤꦼꦣꦏ꧀ꦏꦤ꧀ꦩꦭꦶꦁ꧈ꦭꦤ꧀ꦏꦁꦲꦺꦴꦫꦏꦼꦤ꧀ꦤꦫꦶꦤꦸꦱꦏ꧀ꦲꦶꦁꦉꦔꦼꦠ꧀꧉
꧓꧔꧉ ꦱꦧꦧ꧀ꦲꦶꦁꦔꦼꦤ꧀ꦢꦶꦲꦼꦁꦒꦺꦴꦤ꧀ꦤꦺꦲꦩꦭ꧀ꦩꦸ꧈ꦲꦶꦪꦲꦶꦏꦸꦲꦼꦁꦒꦺꦴ ꦤ꧀ꦤꦺꦲꦠꦶꦩꦸ꧉
꧓꧕꧉ ꦥꦣꦱꦩꦼꦏ꧀ꦠꦲꦲꦤ꧀ꦤꦶꦁꦱꦼꦠ꧀ꦠꦤꦭꦩ꧀ꦧꦸꦁꦩꦸ꧈ꦭꦤ꧀ꦢꦶꦪꦤ꧀ꦥꦣꦩꦸꦫꦸꦧ꧀ꦧ꧉
꧓꧖꧉ ꦭꦤ꧀ꦏꦺꦴꦮꦺꦥꦣꦲꦥꦶꦟ꧀ꦝꦲꦶꦏꦪꦮꦺꦴꦁꦏꦁꦲꦔꦼꦤ꧀ꦠꦺꦤ꧀ꦤꦶꦫꦮꦸꦃꦲꦺꦧꦼꦤ꧀ꦢꦫꦤ꧀ꦤꦺꦱꦏꦲꦶꦁꦧꦮꦃꦲꦤ꧀꧈ꦱꦸꦥꦪꦫꦮꦸꦃꦲꦺꦲꦟ꧀ꦝꦺꦴꦣꦺꦴꦒ꧀ꦭꦮꦁ꧈ꦧꦚ꧀ꦗꦸꦂꦮꦶꦤ꧀ꦤꦼꦁꦔꦤ꧀ꦤꦤꦠꦸꦩꦸꦭꦶ꧉
꧓꧗꧉ ꦫꦃꦲꦪꦸꦧꦠꦸꦂꦲꦶꦏꦸꦱꦲꦸꦭꦶꦪꦺꦧꦼꦤ꧀ꦢꦫꦤ꧀ꦤꦺꦏꦠꦼꦩꦸꦗꦒ꧈ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺꦱꦠꦼꦩꦼꦤ꧀ꦤꦺ꧈ꦧꦼꦤ꧀ꦢꦫꦩꦲꦸꦧꦏꦭ꧀ꦲꦤ꧀ꦤꦶꦁꦱꦼꦠ꧀ꦠꦶꦲꦮꦏ꧀ꦏꦺꦣꦺꦮꦺ꧈ꦱꦂꦠꦧꦠꦸꦂꦫꦺꦏꦧꦺꦃꦥꦣꦏꦶꦤ꧀ꦤꦺꦴꦤ꧀ꦭꦸꦁꦒꦸꦃ꧈ꦭꦤ꧀ꦱꦫꦮꦸꦃꦲꦺꦧꦚ꧀ꦗꦸꦂꦲꦔ꧀ꦭꦢꦺꦤ꧀ꦤꦶꦩꦫꦁꦧꦠꦸꦂꦫꦺ꧉
꧓꧘꧉ ꦱꦤ꧀ꦤꦢꦾꦤ꧀ꦫꦮꦸꦃꦲꦺꦮꦪꦃꦒꦶꦭꦶꦂꦫꦤ꧀ꦤꦶꦁꦏꦼꦩꦶꦠ꧀ꦏꦥꦶꦁꦥꦶꦟ꧀ꦝꦺꦴ꧈ꦲꦸꦠꦮꦫꦮꦸꦃ [ 184 ]ꦲꦺꦮꦪꦃꦒꦶꦭꦶꦂꦫꦤ꧀ꦤꦶꦁꦏꦼꦩꦶꦠ꧀ꦏꦥꦶꦁꦠꦼꦭꦸ꧈ꦫꦃꦲꦪꦸꦧꦠꦸꦂꦫꦺꦲꦶꦏꦸꦩꦲꦸ꧈ꦪꦺꦤ꧀ꦥꦣꦏꦠꦼꦩꦸꦏꦪꦩꦼꦁꦏꦺꦴꦤ꧀ꦤꦺꦴ꧉
꧓꧙꧉ ꦢꦺꦤ꧀ꦤꦺꦮꦼꦂꦫꦸꦃꦲꦤ꧀ꦤꦩꦸ꧈ꦮꦺꦴꦁꦏꦁꦲꦢꦸꦮꦺꦲꦺꦴꦩꦃꦪꦺꦤ꧀ꦮꦼꦂꦫꦸꦃꦮꦪꦃꦲꦺꦠꦼꦏꦤ꧀ꦤꦶꦁꦩꦭꦶꦁ꧈ꦲꦩꦼꦰ꧀ꦛꦶꦧꦏꦭ꧀ꦲꦤ꧀ꦚꦩ꧀ꦧꦼꦁꦔꦶ꧈ꦭꦤ꧀ꦤꦺꦴꦫꦲꦮꦺꦃꦲꦺꦴꦩꦃꦲꦺꦧꦶꦤ꧀ꦤꦧꦃ꧉
꧔꧐꧉ ꦩꦸꦭꦤ꧀ꦤꦺꦏꦺꦴꦮꦺꦲꦶꦪꦥꦣꦱꦣꦶꦪꦲ꧈ꦱꦧꦧ꧀ꦫꦮꦸꦃꦲꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮ꧈ꦲꦶꦁꦮꦪꦃꦏꦁꦲꦺꦴꦫꦏꦺꦴꦮꦺꦏꦶꦫ꧉
꧔꧑꧉ ꦩꦺꦴꦁꦏꦦꦺꦠꦿꦸꦱ꧀ꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦓꦸꦱ꧀ꦡꦶ꧈ꦥꦱꦼꦩꦺꦴꦤ꧀ꦥꦸꦤ꧀ꦤꦶꦏꦮꦲꦸ꧈ꦥꦸꦤ꧀ꦤꦥꦱꦩ꧀ꦥꦺꦪꦤ꧀ꦥꦔꦤ꧀ꦢꦶꦏꦏ꧀ꦲꦏꦼꦤ꧀ꦝꦸꦩꦠꦼꦁꦏꦮꦸꦭ꧈ꦥꦸꦤ꧀ꦤꦥꦲꦶꦁꦒꦶꦃꦣꦸꦩꦠꦼꦁꦠꦶꦪꦁꦱꦢꦪ꧉
꧔꧒꧉ ꦩꦺꦴꦁꦏꦓꦸꦱ꧀ꦡꦶꦲꦔꦤ꧀ꦢꦶꦏ꧈ꦧꦠꦸꦂꦏꦁꦲꦔ꧀ꦭꦸꦫꦃꦲꦶꦱꦗꦿꦺꦴꦤ꧀ꦤꦶꦁꦔꦺꦴꦩꦃ꧈ꦏꦁꦠꦼꦩꦼꦤ꧀ꦭꦤ꧀ꦏꦁꦥꦶꦤ꧀ꦠꦼꦂꦲꦶꦏꦸꦱꦥ꧈ꦏꦁꦮꦸꦱ꧀ꦢꦶꦲꦸꦁꦪꦃꦲꦏꦺꦢꦺꦤ꧀ꦤꦶꦁꦧꦼꦤ꧀ꦢꦫꦤ꧀ꦤꦺ꧈ꦲꦔꦸꦮꦱꦤ꧀ꦤꦶꦱꦏꦚ꧀ꦕꦤ꧀ꦤꦺꦏꦧꦺꦃ꧈ꦏꦶꦤ꧀ꦤꦺꦴꦤ꧀ꦲꦤ꧀ꦚꦣꦺꦴꦁꦔꦶꦥꦔꦤ꧀ꦩꦫꦁꦏꦚ꧀ꦕꦤ꧀ꦤꦺꦲꦶꦁꦏꦭꦩꦁꦱꦤ꧀ꦤꦺ꧉
꧔꧓꧉ ꦫꦃꦲꦪꦸꦧꦠꦸꦂꦫꦶꦏꦸ꧈ꦱꦫꦮꦸꦃꦲꦺꦧꦼꦤ꧀ꦢꦫꦤ꧀ꦤꦺꦏꦠꦼꦩꦸꦲꦤ꧀ꦤꦼꦠꦼꦥ꧀ꦥꦶꦥꦒꦮꦺꦪꦤ꧀ꦏꦪꦩꦼꦁꦏꦺꦴꦤ꧀ꦤꦺꦴꦲꦶꦏꦸ꧉
꧔꧔꧉ ꦲꦶꦁꦱꦚꦠꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦧꦠꦸꦂꦩꦲꦸꦧꦏꦭ꧀ꦢꦶꦏꦸꦮꦱꦏ꧀ꦲꦏꦺꦲꦥꦱꦏꦒꦸꦁꦔꦤ꧀ꦤꦺꦧꦼꦤ꧀ꦢꦫꦤ꧀ꦤꦺꦏꦧꦺꦃ꧉
꧔꧕꧉ ꦢꦺꦤ꧀ꦤꦺꦩꦼꦤ꧀ꦤꦮꦧꦠꦸꦂꦩꦲꦸꦲꦔꦸꦕꦥ꧀ꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺ꧈ꦫꦮꦸꦃꦲꦺꦧꦼꦤ꧀ꦢꦫꦏꦸꦠꦼꦏꦲꦱꦸꦮꦺ꧈ꦧꦚ꧀ꦗꦸꦂꦲꦁꦒꦶꦠꦶꦏ꧀ꦏꦶꦩꦫꦁꦏꦚ꧀ꦕꦤ꧀ꦤꦺꦏꦁꦭꦤ꧀ꦤꦁꦠꦸꦮꦶꦤ꧀ꦏꦁꦮꦢꦺꦴꦤ꧀꧈ꦱꦂꦮꦶꦩꦩꦔꦤ꧀ꦔꦶꦤꦸꦩ꧀ꦭꦤ꧀ꦩꦼꦤꦼꦩ꧀꧉
꧔꧖꧉ ꦩꦺꦴꦁꦏꦫꦮꦸꦃꦲꦺꦧꦼꦤ꧀ꦢꦫꦤ꧀ꦤꦺꦧꦠꦸꦂꦩꦲꦸꦲꦶꦁꦢꦶꦤ꧀ꦤꦏꦁꦲꦺꦴꦫꦏꦶꦤ꧀ꦤꦶꦫ꧈ꦭꦤ꧀ꦲꦶꦁꦮꦚ꧀ꦕꦶꦏꦁꦲꦺꦴꦫꦮꦼꦂꦫꦸꦃ꧈ꦢꦺꦤ꧀ꦤꦺꦧꦠꦸꦂꦩꦲꦸꦢꦢꦶꦧꦏꦭ꧀ꦥꦶꦤ꧀ꦤꦶꦱꦃꦲꦏꦺ꧈ꦱꦂꦠꦧꦸꦧꦸꦃꦲꦤ꧀ꦤꦺꦲꦩꦺꦴꦂꦭꦤ꧀ꦮꦺꦴꦁꦏꦁꦲꦺꦴꦫꦏꦼꦤ꧀ꦤꦢꦶꦥꦶꦠꦪꦤ꧀ꦤꦶ꧉
꧔꧗꧉ ꦢꦺꦤ꧀ꦤꦺꦧꦠꦸꦂꦏꦁꦱꦸꦩꦸꦫꦸꦥ꧀ꦲꦶꦁꦏꦂꦰꦤ꧀ꦤꦺꦧꦼꦤ꧀ꦢꦫꦤ꧀ꦤꦺ꧈ꦩꦺꦴꦁꦏꦲꦺꦴꦫꦲꦱꦼꦣꦶꦪꦱꦂꦠꦲꦺꦴꦫꦲꦤ꧀ꦤꦼꦠꦼꦥ꧀ꦥꦶꦏꦂꦰꦤ꧀ꦤꦺꦧꦼꦤ꧀ꦢꦫꦤ꧀ꦤꦺ꧈ꦲꦶꦏꦸꦧꦏꦭ꧀ꦒꦶꦤ꧀ꦤꦶꦠꦶꦏ꧀ꦏꦤ꧀ꦲꦏꦺꦃ꧉
꧔꧘꧉ ꦢꦺꦤ꧀ꦤꦺꦧꦠꦸꦂꦏꦁꦲꦺꦴꦫꦱꦸꦩꦸꦫꦸꦥ꧀꧈ꦩꦺꦴꦁꦏꦲꦒꦮꦺꦏꦁꦥꦤ꧀ꦠꦼꦱ꧀ꦒꦶꦤ꧀ꦤꦶꦠꦶꦏ꧀꧈ꦲꦶꦏꦸꦧꦏꦭ꧀ꦒꦶꦤ꧀ꦤꦶꦠꦶꦏ꧀ꦏꦤ꧀ꦱꦛꦶꦛꦶꦏ꧀꧈ꦢꦺꦤ꧀ꦤꦺꦱꦫꦸꦥꦤ꧀ꦤꦶꦁꦔꦸꦮꦺꦴꦁꦏꦁꦏꦥꦫꦶꦁꦔꦤ꧀ꦲꦏꦺꦃ꧈ꦲꦶ ꦏꦸꦲꦶꦪꦧꦏꦭ꧀ꦥꦶꦤꦸꦟ꧀ꦝꦸꦠ꧀ꦠꦤ꧀ꦲꦏꦺꦃ꧈ꦲꦸꦠꦮꦮꦺꦴꦁꦏꦁꦏꦠꦶꦠꦶꦥ꧀ꦥꦤ꧀ꦲꦏꦺꦃ꧈ꦲꦶꦏꦸꦧꦏꦭ꧀ꦗꦶꦤ꧀ꦤꦭꦸꦏ꧀ꦭꦸꦮꦶꦃꦲꦏꦺꦃ꧉
꧔꧙꧉ ꦫꦮꦸꦃꦏꦸꦧꦏꦭ꧀ꦲꦤ꧀ꦤꦶꦧꦏ꧀ꦲꦏꦺꦒꦼꦤ꧀ꦤꦶꦲꦶꦁꦨꦸꦩꦶ꧈ꦭꦤ꧀ꦲꦥꦏꦁꦠꦏ꧀ꦏꦉꦥ꧀ꦥꦏꦺ꧈ꦲꦤ꧀ꦢꦢꦶꦪꦲꦸꦫꦸꦧ꧀ꦧꦺ꧉
꧕꧐꧉ ꦤꦔꦶꦁꦲꦏꦸꦲꦶꦏꦶꦏꦮꦗꦶꦧ꧀ꦧꦤ꧀ꦱꦶꦤ꧀ꦤꦭꦸꦭꦸꦥ꧀ꦥꦏꦺꦲꦶꦁꦥꦤ꧀ꦚꦭꦸꦭꦸꦥ꧀ꦥꦤ꧀꧈ꦭꦤ꧀ꦧꦔꦼꦠ꧀ꦏꦔꦼꦤ꧀ꦏꦸꦠꦸꦩꦼꦏꦤ꧀ꦤꦶꦁꦩꦺꦴꦁꦱꦏꦁꦲꦤ꧀ꦤꦼꦠꦼꦥ꧀ꦥꦶ꧉
꧔꧑꧉ ꦏꦺꦴꦮꦺꦲꦗꦢꦸꦮꦺꦏꦶꦫꦏꦶꦫ꧈ꦪꦺꦤ꧀ꦫꦮꦸꦃꦏꦸꦧꦏꦭ꧀ꦲꦩꦫꦶꦁꦔꦏꦺꦥꦶꦫꦸꦏꦸꦤ꧀ꦲꦤꦲꦶꦁꦨꦗꦸꦩꦶ꧈ꦲꦶꦏꦸꦲꦩꦼꦰ꧀ꦛꦶꦲꦺꦴꦫ꧈ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦩꦭꦃꦥꦶꦥꦶꦱꦃꦲꦤ꧀꧉
꧔꧒꧉ ꦢꦺꦤ꧀ꦤꦺꦲꦮꦶꦠ꧀ꦲꦶꦁꦱꦲꦶꦏꦶꦮꦺꦴꦁꦭꦶꦭꦶ [ 185 ]ꦩꦏꦁꦲꦤꦱꦗꦿꦺꦴꦤ꧀ꦤꦶꦁꦔꦺꦴꦩꦃꦱꦶꦗꦶ꧈ꦧꦏꦭ꧀ꦥꦣꦥꦶꦥꦶꦱꦃꦲꦤ꧀꧈ꦮꦺꦴꦁꦠꦼꦭꦸꦭꦤ꧀ꦮꦺꦴꦁꦭꦺꦴꦫꦺꦴ꧈ꦲꦸꦠꦮꦮꦺꦴꦁꦭꦺꦴꦫꦺꦴꦭꦤ꧀ꦮꦺꦴꦁꦠꦼꦭꦸ꧉
꧕꧓꧉ ꦧꦥꦧꦏꦭ꧀ꦲꦥꦶꦥꦶꦱꦃꦲꦤ꧀ꦭꦤ꧀ꦲꦤ꧀ꦤꦏ꧀ꦏꦺꦭꦤ꧀ꦤꦁ꧈ꦱꦂꦠꦲꦤ꧀ꦤꦏ꧀ꦭꦤ꧀ꦤꦶꦁꦭꦤ꧀ꦧꦥꦏ꧀ꦤꦺ꧈ꦧꦶꦪꦸꦁꦭꦤ꧀ꦲꦤ꧀ꦤꦏ꧀ꦏꦺꦮꦢꦺꦴꦤ꧀꧈ꦩꦶꦮꦃꦲꦤ꧀ꦤꦏ꧀ꦮꦢꦺꦴꦤ꧀ꦭꦤ꧀ꦧꦶꦪꦸꦁꦔꦺ꧈ꦩꦫꦠꦸꦮꦮꦢꦺꦴꦤ꧀ꦩꦤ꧀ꦠꦸꦤ꧀ꦤꦺꦮꦢꦺꦴꦤ꧀꧈ꦠꦸꦮꦶꦤ꧀ꦩꦤ꧀ꦠꦸꦮꦢꦺꦴꦤ꧀ꦭꦤ꧀ꦩꦫꦠꦸꦮꦤ꧀ꦤꦺꦮꦢꦺꦴꦤ꧀꧉
꧕꧔꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦪꦺꦤ꧀ꦏꦺꦴꦮꦺꦮꦼꦂꦫꦸꦃꦲꦤꦩꦼꦟ꧀ꦝꦸꦁꦭꦏꦸꦤ꧀ꦤꦺꦱꦏꦏꦸꦭꦺꦴꦤ꧀꧈ꦏꦺꦴꦮꦺꦧꦚ꧀ꦗꦸꦂꦲꦔꦸꦕꦥ꧀꧈ꦲꦤꦲꦸꦢꦤ꧀ꦧꦏꦭ꧀ꦠꦼꦏ꧈ꦭꦤ꧀ꦏꦭꦏꦺꦴꦤ꧀ꦏꦪꦩꦼꦁꦏꦺꦴꦤ꧀ꦤꦺꦴ꧉
꧕꧕꧉ ꦢꦺꦤ꧀ꦤꦺꦩꦼꦤ꧀ꦤꦮꦲꦤꦲꦔꦶꦤ꧀ꦲꦤ꧀ꦤꦶꦪꦸꦥ꧀ꦱꦏꦏꦶꦢꦸꦭ꧀꧈ꦥꦔꦸꦕꦥ꧀ꦩꦸ꧈ꦧꦏꦭ꧀ꦲꦤꦥꦤ꧀ꦤꦱ꧀꧈ꦲꦶꦪꦏꦭꦏꦺꦴꦤ꧀꧉
꧕꧖꧉ ꦲꦺꦃꦮꦺꦴꦁꦱꦼꦩꦁ꧈ꦏꦺꦴꦮꦺꦧꦶ ꦱꦲꦤ꧀ꦤꦶꦠꦺꦤ꧀ꦤꦶꦱꦼꦩꦸꦤ꧀ꦤꦶꦁꦨꦸꦩꦶꦭꦤ꧀ꦭꦔꦶꦠ꧀꧈ꦏꦥꦿꦶꦪꦺꦏꦺꦴꦮꦺꦲꦺꦴꦫꦧꦶꦱꦲꦤ꧀ꦤꦶꦠꦺꦤ꧀ꦤꦶꦲꦶꦁꦩꦺꦴꦁꦱꦲꦶꦏꦶ꧉
꧕꧗꧉ ꦪꦒꦺꦤ꧀ꦤꦺꦏꦺꦴꦮꦺꦲꦺꦴꦫꦲꦔꦢꦶꦭ꧀ꦭꦶꦩꦫꦁꦲꦮꦏ꧀ꦩꦸꦣꦺꦮꦺꦏꦁꦧꦼꦤ꧀ꦤꦼꦂ꧉
꧕꧘꧉ ꦢꦺꦤ꧀ꦤꦺꦪꦺꦤ꧀ꦏꦺꦴꦮꦺꦩꦸꦁꦒꦃꦩꦫꦁꦲꦶꦁꦥꦫꦺꦤ꧀ꦠꦃꦭꦤ꧀ꦫꦺꦴꦮꦁꦩꦸꦱꦸꦭꦪ꧈ꦤꦭꦶꦏꦏꦺꦴꦮꦺꦲꦤꦲꦶꦁꦢꦼꦢꦭꦤ꧀꧈ꦠꦼꦧꦼꦂꦫꦺꦤ꧀ꦤꦤꦒꦺꦴꦤ꧀ꦩꦸꦧꦏꦭ꧀ꦥꦼꦣꦺꦴꦠ꧀ꦭꦤ꧀ꦫꦺꦴꦮꦁꦩꦸ꧈ꦱꦸꦥꦪꦏꦺꦴꦮꦺꦲꦗꦣꦶꦤ꧀ꦤꦣꦧꦾꦁꦩꦫꦁꦔꦉꦥ꧀ꦥꦤ꧀ꦤꦶꦁꦗꦼꦏ꧀ꦱ꧈ꦭꦤ꧀ꦗꦼꦏ꧀ꦱꦧꦏꦭ꧀ꦲꦩꦱꦿꦃꦲꦏꦺꦩꦫꦁꦏꦗꦶꦤ꧀ꦤꦼꦩ꧀ꦩꦤ꧀꧈ꦱꦂꦠꦏꦗꦶꦤ꧀ꦤꦼꦩ꧀ꦩꦤ꧀ꦧꦚ꧀ꦗꦸꦂꦲꦔ꧀ꦭꦼꦧꦺꦴꦏ꧀ꦲꦏꦺꦏꦺꦴꦮꦺꦩꦫꦁꦥꦮꦿꦁꦏꦤ꧀꧉
꧕꧙꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦩꦼꦰ꧀ꦛꦶꦏꦺꦴꦮꦺꦲꦺꦴꦫꦧꦶꦱꦩꦼꦠꦸꦱꦏꦲꦶꦁꦏꦺꦴꦤ꧀ꦤꦺꦴ꧈ꦏꦺꦴꦁꦱꦶꦠꦸꦩꦼꦏꦥꦤ꧀ꦚꦲꦸꦂꦩꦸꦣꦸꦮꦶꦠ꧀ꦥꦸꦥꦸꦟ꧀ꦝꦠ꧀ꦠꦤ꧀ꦤꦺ꧉ ꧉

---

꧋ꦧꦧ꧀ꦏꦥꦶꦁꦠꦼꦭꦸꦭꦱ꧀꧉

꧑꧉ ꧋ꦲꦤꦢꦺꦤ꧀ꦤꦺꦲꦶꦁꦤꦭꦶꦏꦲꦶꦏꦸ꧈ꦲꦤꦱꦮꦼꦤ꧀ꦤꦺꦃꦲꦶꦁꦮꦺꦴꦁꦠꦼꦏ꧈ꦲꦮꦮꦼꦂꦠꦩꦫꦁꦪꦺꦯꦸꦱ꧀꧈ꦩꦸꦁꦒꦸꦃꦮꦺꦴꦁꦒꦭꦶꦭꦺꦪꦒꦼꦠꦶꦪꦺꦏꦁꦮꦶꦤ꧀ꦤꦺꦴꦂꦫꦏꦺꦢꦺꦤ꧀ꦤꦶꦁꦦꦶꦭꦠꦸꦱ꧀꧈ꦲꦮꦺꦴꦂꦭꦮꦤ꧀ꦒꦼꦠꦶꦪꦺꦏꦸꦂꦧꦤ꧀ꦤꦺꦱꦩ꧀ꦧꦼꦭꦺꦃꦲꦤ꧀꧉
꧒꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦲꦥꦏꦶꦫꦩꦸꦮꦺꦴꦁꦒꦭꦶꦭꦺꦪꦏꦁꦱꦶꦤ꧀ꦤꦶꦏ꧀ꦱꦲꦶꦏꦸ꧈ꦢꦺꦴꦱꦤ꧀ꦤꦺꦲꦔ꧀ꦭꦸꦮꦶꦃꦲꦶꦮꦺꦴꦁꦒꦭꦶꦭꦺꦪꦏꦧꦺꦃ꧉
꧓꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦩꦼꦰ꧀ꦛꦶꦲꦺꦴꦫ꧈ꦤꦔꦶꦁꦪꦺꦤ꧀ꦏꦺꦴꦮꦺꦲꦺꦴꦫꦠꦺꦴꦧꦠ꧀꧈ꦏꦺꦴꦣꦺꦲꦶꦪꦧꦏꦭ꧀ꦫꦶꦤꦸꦱꦏ꧀ꦏꦧꦺꦃꦏꦪꦩꦼꦁꦏꦺꦴꦤ꧀ꦤꦺꦴꦩꦲꦸ꧉
꧔꧉ ꦲꦸꦠꦮꦮꦺꦴꦁꦮꦺꦴꦭꦸꦭꦱ꧀ꦏꦁꦏꦠꦶꦧꦤ꧀ꦥꦁꦒꦸꦁꦲꦤꦲꦶꦁꦱꦶꦭꦺꦴꦄꦩ꧀꧈ꦧꦚ꧀ꦗꦸꦂꦥꦣꦩꦠꦶ꧈ꦲꦥꦏꦶꦫꦩꦸ꧈ꦏꦭꦸꦥꦸꦠ꧀ꦠꦤ꧀ꦤꦺꦮꦺꦴꦁꦔꦶꦏꦸꦩꦲꦸꦲꦔ꧀ꦭꦸꦮꦶꦃꦲꦶꦮꦺꦴꦁꦏꦁꦥꦣꦩꦁꦒꦺꦴꦤ꧀ꦲꦤꦲꦶꦁꦪꦼꦫꦸꦱꦭꦺꦩ꧀ꦏꦧꦺꦃ꧉
꧕꧉ ꦥꦶ [ 186 ]ꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦩꦼꦰ꧀ꦛꦶꦲꦺꦴꦫ꧈ꦤꦔꦶꦁꦪꦺꦤ꧀ꦏꦺꦴꦮꦺꦲꦺꦴꦫꦠꦺꦴꦧꦠ꧀꧈ꦏꦺꦴꦮꦺꦲꦶꦪꦧꦏꦭ꧀ꦫꦶꦤꦸꦱꦏ꧀ꦏꦧꦺꦃ꧈ꦏꦪꦩꦼꦁꦏꦺꦴꦤ꧀ꦤꦺꦴꦩꦲꦸ꧉
꧖꧉ ꦩꦺꦴꦁꦏꦪꦺꦯꦸꦱ꧀ꦥꦔꦤ꧀ꦢꦶꦏꦤ꧀ꦤꦺꦲꦔꦁꦒꦺꦴꦥꦱꦼꦩꦺꦴꦤ꧀ꦩꦼꦁꦏꦺꦤ꧀ꦤꦺ꧈ꦲꦤꦱꦮꦶꦗꦶꦲꦸꦮꦺꦴꦁꦲꦤ꧀ꦤꦤ꧀ꦢꦸꦂꦮꦶꦠ꧀ꦲꦫꦃꦲꦤꦱꦗꦿꦺꦴꦤ꧀ꦤꦶꦁꦱꦏꦼꦧꦺꦴꦤ꧀ꦤꦤ꧀ꦤꦺꦲꦁꦒꦸꦂ꧈ꦧꦚ꧀ꦗꦸꦂꦠꦸꦩꦼꦏꦲꦒꦺꦴꦭꦺꦏ꧀ꦮꦺꦴꦃꦲꦺꦮꦶꦠ꧀ꦲꦶꦏꦸ꧈ꦤꦔꦶꦁꦲꦺꦴꦫꦲꦤ꧀ꦤꦼꦩꦺꦴꦤ꧀ꦤꦶ꧉
꧗꧉ ꦮꦺꦴꦁꦩꦲꦸꦠꦸꦩꦸꦭꦶꦲꦔꦸꦕꦥ꧀ꦩꦫꦁꦮꦺꦴꦁꦗꦸꦫꦸꦏꦼꦧꦺꦴꦤ꧀꧈ꦭꦃꦮꦸꦱ꧀ꦠꦼꦭꦸꦁꦠꦲꦸꦤ꧀ꦲꦺꦴꦭꦺꦃꦏꦸꦠꦼꦏꦲꦒꦺꦴꦭꦺꦏ꧀ꦲꦸꦮꦺꦴꦃꦲꦺꦮꦶꦠ꧀ꦲꦫꦃꦲꦶꦏꦸ꧈ꦤꦔꦶꦁꦲꦺꦴꦫꦲꦤ꧀ꦤꦼꦩꦺꦴꦤ꧀ꦤꦶ꧈ꦲꦪꦺꦴꦮꦶꦠ꧀ꦲꦫꦃꦲꦶꦏꦸꦠꦼꦒꦺꦴꦂꦉꦤ꧀꧈ꦏꦼꦤ꧀ꦤꦔꦥꦠꦼꦏꦲꦤꦸꦤ꧀ꦤꦏ꧀ꦲꦏꦺꦨꦸꦩꦶ꧉
꧘꧉ ꦩꦺꦴꦁꦏꦗꦸꦫꦸꦏꦼꦧꦺꦴꦤ꧀ꦲꦩꦁꦱꦸꦭ꧀ꦭꦶꦲꦠꦸꦂ꧈ꦣꦸꦃꦧꦼꦤ꧀ꦢꦫ꧈ꦱꦩ꧀ꦥꦺꦪꦤ꧀ꦩꦸꦒꦶꦲꦔꦶꦤ꧀ꦤꦃꦲꦼꦤ꧀ꦤꦱꦠꦲꦸꦤ꧀ꦩꦭꦶꦃ꧈ꦧꦣꦺꦏꦸꦭꦣꦁꦔꦶꦂꦱꦂꦠꦧꦣꦺꦏꦸꦭꦫꦧꦸꦏ꧀ꦏꦶ꧉
꧙꧉ ꦧꦺꦴꦏ꧀ꦩꦼꦤ꧀ꦤꦮꦶꦩꦼꦢꦭ꧀ꦮꦺꦴꦃꦲꦶꦥꦸꦤ꧀꧈ꦢꦺꦤ꧀ꦤꦺꦩꦼꦤ꧀ꦤꦮꦶꦧꦺꦴꦠꦼꦤ꧀ꦏꦮꦼꦢꦭ꧀ꦭꦤ꧀꧈ꦲꦶꦁꦒꦶꦃꦠꦸꦩꦸꦤ꧀ꦠꦼꦤ꧀ꦏꦠꦼꦒꦺꦴꦂꦫ꧉ ꧉
꧑꧐꧉ ꧋ꦲꦤꦢꦺꦤ꧀ꦤꦺꦧꦉꦁꦲꦶꦁꦢꦶꦤ꧀ꦤꦱꦧ꧀ꦧꦠ꧀꧈ꦪꦺꦯꦸꦱ꧀ꦲꦩꦸꦩꦸꦭꦁꦲꦤꦲꦶꦁꦱꦮꦶꦗꦶꦩꦼꦱ꧀ꦗꦶꦢ꧀ꦢꦶꦁꦏꦺꦴꦤ꧀ꦤꦺꦴ꧉
꧑꧑꧉ ꦠꦸꦩꦸꦭꦶꦲꦤꦱꦮꦶꦗꦶꦮꦺꦴꦁꦮꦢꦺꦴꦤ꧀ꦏꦫꦚ꧀ꦗꦶꦁꦔꦤ꧀ꦱꦺꦠꦤ꧀꧈ꦭꦮꦱ꧀ꦱꦺꦮꦺꦴꦭꦸꦭꦱ꧀ꦠꦲꦸꦤ꧀꧈ꦢꦺꦤ꧀ꦤꦺꦲꦮꦏ꧀ꦏꦺꦮꦸꦁꦏꦸꦏ꧀꧈ꦭꦤ꧀ꦤꦺꦴꦫꦧꦶꦱꦔꦢꦼꦏ꧀ꦗꦼꦗꦼꦒ꧀꧉
꧑꧒꧉ ꦪꦺꦯꦸꦱ꧀ꦧꦉꦁꦲꦤ꧀ꦤꦶꦔꦭ꧀ꦭꦶꦩꦫꦁꦮꦺꦴꦁꦮꦢꦺꦴꦤ꧀ꦤꦶꦏꦸ꧈ꦧꦚ꧀ꦗꦸꦂꦏꦠꦶꦩ꧀ꦧꦭ꧀ꦭꦤ꧀ꦱꦂꦠꦢꦶꦥꦔꦤ꧀ꦢꦶꦏꦤ꧀ꦤꦶ꧈ꦲꦺꦃꦮꦺꦴꦁꦮꦢꦺꦴꦤ꧀꧈ꦭꦫꦩꦸꦭꦶꦤꦸꦮꦂꦫꦤ꧉
꧑꧓꧉ ꦧꦚ꧀ꦗꦸꦂꦏꦠꦸꦩ꧀ꦥꦁꦔꦤ꧀ꦲꦱ꧀ꦠ꧈ꦱꦂꦠꦮꦺꦴꦁꦮꦢꦺꦴꦤ꧀ꦩꦲꦸꦥꦣꦱꦤ꧀ꦤꦭꦶꦏꦧꦶꦱꦔꦢꦼꦒ꧀ꦗꦼꦗꦼꦒ꧀꧈ꦭꦤ꧀ꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧉
꧑꧔꧉ ꦩꦺꦴꦁꦏꦭꦸꦫꦃꦲꦶꦁꦩꦼꦱ꧀ꦗꦶꦢ꧀ꦲꦤ꧀ꦤꦼꦥ꧀ꦱꦸ꧈ꦲꦮꦶꦠ꧀ꦢꦺꦤ꧀ꦤꦶꦁꦪꦺꦯꦸꦱ꧀ꦲꦩꦫꦱ꧀ꦱꦏꦺꦲꦶꦁꦢꦶꦤ꧀ꦤꦱꦧ꧀ꦧꦠ꧀꧈ꦥꦔꦸꦕꦥ꧀ꦥꦺꦩꦫꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦱꦗꦿꦺꦴꦤ꧀ꦤꦶꦁꦤꦼꦩ꧀ꦢꦶꦤ꧀ꦤꦥꦤ꧀ꦠꦼꦱ꧀ꦲꦁꦒꦫꦥ꧀ꦒꦮꦺ꧈ꦪꦺꦤ꧀ꦱꦗꦿꦺꦴꦤ꧀ꦤꦶꦁꦢꦶꦤ꧀ꦤꦲꦶꦏꦸꦏꦺꦴꦮꦺꦥꦣꦠꦼꦏꦲꦮꦶꦤ꧀ꦤꦫꦱ꧀ꦱꦼꦤ꧀ꦤ꧈ꦤꦔꦶꦁꦲꦗꦲꦶꦁꦢꦶꦤ꧀ꦤꦱꦧ꧀ꦧꦠ꧀꧉
꧑꧕꧉ ꦩꦺꦴꦁꦏꦓꦸꦱ꧀ꦡꦶꦲꦤ꧀ꦤꦩ꧀ꦧꦸꦁꦔꦶꦥꦔꦤ꧀ꦢꦶꦏ꧈ꦲꦺꦃꦮꦺꦴꦁꦱꦼꦩꦁ꧈ꦱꦏꦺꦃꦲꦶꦁꦥꦤꦸꦁꦒꦭ꧀ꦭꦩꦸꦲꦶꦁꦢꦶꦤ꧀ꦤꦱꦧ꧀ꦧꦠ꧀꧈ꦱꦥꦶꦤ꧀ꦤꦺꦲꦸꦠꦮꦏꦸꦭ꧀ꦢꦶꦤ꧀ꦤꦺꦲꦥꦲꦺꦴꦫꦢꦶꦲꦸꦕꦸꦭ꧀ꦭꦶꦱꦏꦲꦶꦁꦥꦩꦏꦤ꧀ꦤꦤ꧀ꦤꦺ꧈ꦱꦂꦠꦒꦶꦤ꧀ꦤꦮꦲꦶꦁꦔꦺꦴꦩ꧀ꦧꦺꦏ꧀ꦲꦏꦺ꧉
꧑꧖꧉ ꦢꦺꦤ꧀ꦤꦺꦩꦸꦁꦒꦸꦃꦮꦺꦴꦁꦮꦢꦺꦴꦤ꧀ꦤꦶꦏꦸ꧈ꦲꦤ꧀ꦤꦏ꧀ꦏꦺꦧꦿꦲꦶꦩ꧀ ꦭꦃꦒꦺꦴꦤ꧀ꦤꦺꦏꦱꦼꦁꦏꦭꦢꦺꦤ꧀ꦤꦶꦁꦱꦺꦠꦤ꧀ꦮꦸꦱ꧀ꦮꦺꦴꦭꦸꦭꦱ꧀ꦠꦲꦸꦤ꧀ꦭꦮꦱ꧀ꦱꦺ꧈ꦲꦥꦲꦺꦴꦫꦥꦤ꧀ꦠꦼꦱ꧀ꦪꦺꦤ꧀ꦢꦶꦲꦸꦕꦸꦭ꧀ꦭꦤꦠꦠꦭꦶꦤ꧀ꦤꦺꦲꦶꦁꦢꦶꦤ꧀ꦤꦱꦧ꧀ꦧꦠ꧀꧉
꧑꧗꧉ ꦪꦺꦯꦸꦱ꧀ꦧꦉꦁꦲꦔꦤ꧀ꦢꦶꦏꦲꦶꦏꦸꦩꦲꦸ꧈ꦮꦺꦴꦁꦏꦁꦥꦣꦩꦢꦺꦴꦤ꧀ꦤꦶꦏꦧꦺꦃꦥꦣꦏꦭꦶꦁꦱꦼꦩ꧀ꦩꦤ꧀꧈ꦭꦤ꧀ꦱꦏꦺꦃꦲꦶꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦥꦣꦲꦧꦸꦔꦃꦧꦸꦔꦃ꧈ꦲꦮꦶꦠ꧀ꦱꦏꦥꦔꦺꦫꦩ꧀ꦩꦺꦫ [ 187 ]ꦩ꧀ꦩꦺꦏꦧꦺꦃ꧈ꦏꦁꦮꦸꦱ꧀ꦭꦶꦤ꧀ꦤꦏꦺꦴꦤ꧀ꦢꦺꦤ꧀ꦤꦶꦁꦪꦺꦯꦸꦱ꧀꧉ ꧉
꧑꧘꧉ ꧋ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏ꧈ꦏꦫꦠꦺꦴꦤ꧀ꦤꦶꦁ​ꦄꦭ꧀ꦭꦃꦲꦸꦥꦩꦤ꧀ꦤꦺꦲꦥ꧈ꦭꦤ꧀ꦏꦁꦠꦏ꧀ꦒꦮꦺꦲꦸꦥꦩꦲꦥ꧉
꧑꧙꧉ ꦢꦺꦤ꧀ꦤꦺꦩꦸꦒꦸꦃꦲꦸꦥꦩꦤ꧀ꦤꦺꦏꦪꦮꦶꦗꦶꦱꦮꦶ꧈ꦏꦁꦢꦶꦲꦭꦥ꧀ꦲꦶꦁꦔꦸꦮꦺꦴꦁꦱꦶꦤ꧀ꦤꦼꦧꦂꦫꦏꦺꦲꦶꦁꦱꦏꦼꦧꦺꦴꦤ꧀ꦤꦤ꧀ꦤꦺ꧈ꦧꦚ꧀ꦗꦸꦂꦛꦸꦏꦸꦭ꧀ꦱꦂꦠꦢꦢꦶꦲꦸꦮꦶꦠ꧀ꦒꦼꦣꦺ꧈ꦭꦤ꧀ꦩꦤꦸꦏ꧀ꦲꦶꦁꦔꦮꦁꦔꦮꦁꦥꦣꦤꦸꦱꦸꦃꦲꦤꦲꦶꦁꦔꦼꦥꦁꦔꦺ꧉
꧒꧐꧉ ꦥꦔꦤ꧀ꦢꦶꦏꦤ꧀ꦤꦺꦩꦤ꧀ꦤꦺꦃ꧈ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦏꦁꦠꦏ꧀ꦒꦮꦺꦲꦸꦥꦩꦲꦥ꧉
꧒꧑꧉ ꦢꦺꦤ꧀ꦤꦺꦲꦸꦥꦩꦤ꧀ꦤꦺꦏꦪꦫꦒꦶ꧈ꦏꦁꦲꦶꦁꦔꦭꦥ꧀ꦢꦺꦤ꧀ꦤꦶꦁꦮꦺꦴꦁꦮꦢꦺꦴꦤ꧀꧈ꦕꦶꦤ꧀ꦤꦫꦸꦧ꧀ꦧꦏꦺꦭꦤ꧀ꦒꦊꦥꦸꦁꦠꦼꦭꦸꦁꦠꦏꦼꦂ꧈ꦔꦤ꧀ꦠꦶꦢꦢꦶꦠꦥꦺꦏꦧꦺꦃ꧉ ꧉
꧒꧒꧉ ꧋ꦪꦺꦯꦸꦱ꧀ꦠꦸꦩꦸꦭꦶꦲꦚ꧀ꦗꦗꦃꦩꦫꦁꦱꦏꦺꦃꦲꦶꦁꦤꦼꦒꦫꦠꦸꦮꦶꦤ꧀ꦥꦢꦺꦱꦤ꧀꧈ꦒꦺꦴꦤ꧀ꦤꦺꦲꦩꦸꦩꦸꦭꦁ꧈ꦱꦂꦠꦔꦩ꧀ꦧꦃꦢꦢꦭꦤ꧀ꦏꦁꦔꦚ꧀ꦗꦺꦴꦒ꧀ꦩꦫꦁꦲꦶꦁꦪꦼꦫꦸꦱꦭꦺꦩ꧀꧉
꧒꧓꧉ ꦠꦸꦩꦸꦭꦶꦲꦤꦱꦮꦶꦗꦶꦲꦸꦮꦺꦴꦁꦲꦸꦩꦠꦸꦂꦩꦫꦁꦪꦺꦯꦸꦱ꧀꧈​ꦓꦸꦱ꧀ꦡꦶ꧈ꦲꦶꦁꦏꦁꦲꦁꦱꦭ꧀ꦏꦤꦸꦒꦿꦲꦤ꧀ꦥꦸꦤ꧀ꦤꦥꦤꦩꦸꦁꦠꦶꦪꦁꦱꦏꦼꦣꦶꦏ꧀꧈ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦔꦏꦺꦃ꧉
꧒꧔꧉ ꦏꦺꦴꦮꦺꦥꦣꦱꦽꦒꦼꦥ꧀ꦥꦭꦸꦩꦼꦧꦸꦩꦫꦁꦭꦮꦁꦏꦁꦕꦶꦪꦸꦠ꧀꧈ꦱꦧꦧ꧀ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦥꦔꦫꦃꦲꦺꦮꦺꦴꦁꦔꦏꦺꦃꦥꦣꦲꦉꦥ꧀ꦭꦸꦩꦼꦧꦸ꧈ꦤꦔꦶꦁꦲꦺꦴꦫꦧꦶꦱ꧉
꧒꧕꧉ ꦲꦶꦁꦱꦩꦁꦱꦤ꧀ꦤꦺꦭꦸꦫꦃꦲꦶꦁꦔꦺꦴꦩꦃꦮꦸꦱ꧀ꦲꦔꦢꦼꦒ꧀ꦱꦂꦠꦲꦔꦚ꧀ꦕꦶꦁꦔꦶꦭꦮꦁꦔꦺ꧈ꦏꦺꦴꦮꦺꦠꦸꦩꦸꦭꦶꦧꦏꦭ꧀ꦥꦣꦔꦢꦼꦒ꧀ꦲꦤꦲꦶꦁꦗꦧ꧈ꦱꦂꦠꦣꦺꦴꦣꦺꦴꦒ꧀ꦝꦺꦴꦣꦺꦴꦒ꧀ꦭꦮꦁ꧈ꦲꦠꦸꦂꦩꦸ꧈ꦓꦸꦱ꧀ꦡꦶ꧈ꦓꦸꦱ꧀ꦡꦶ꧈ꦏꦮꦸꦭꦱꦩ꧀ꦥꦺꦪꦤ꧀ꦮꦼꦔꦤ꧀ꦤꦶꦏꦺꦴꦫꦶ꧈ꦢꦺꦤ꧀ꦤꦺꦭꦸꦫꦃꦩꦲꦸꦧꦏꦭ꧀ꦲꦩꦁꦱꦸꦭ꧀ꦭꦶꦩꦫꦁꦏꦺꦴꦮꦺ꧈ꦲꦏꦸꦲꦺꦴꦫꦮꦼꦂꦫꦸꦃꦩꦫꦁꦏꦺꦴꦮꦺꦲꦶꦁꦔꦼꦤ꧀ꦢꦶꦱꦁꦏꦩꦸ꧉
꧒꧖꧉ ꦠꦸꦩꦸꦭꦶꦏꦺꦴꦮꦺꦧꦏꦭ꧀ꦥꦣꦲꦸꦩꦠꦸꦂ꧈ꦏꦮꦸꦭꦱꦩ꧀ꦥꦸꦤ꧀ꦤꦠꦺꦤꦼꦣꦲꦸꦠꦮꦶꦔꦸꦚ꧀ꦗꦸꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦂꦰꦱꦩ꧀ꦥꦺꦪꦤ꧀꧈ꦱꦂꦠꦱꦩ꧀ꦥꦺꦪꦤ꧀ꦲꦩꦸꦩꦸꦭꦁꦮꦺꦴꦤ꧀ꦠꦼꦤ꧀ꦲꦶꦁꦭꦸꦭꦸꦫꦸꦁꦏꦮꦸꦭ꧉
꧒꧗꧉ ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦺ꧈ꦲꦏꦸꦥꦶꦠꦸꦠꦸꦂꦩꦫꦁꦏꦺꦴꦮꦺ꧈ꦲꦏꦸꦲꦺꦴꦫꦮꦼꦂꦫꦸꦃꦩꦫꦁꦏꦺꦴꦮꦺ꧈ꦲꦶꦁꦔꦼꦤ꧀ꦢꦶꦱꦁꦏꦩꦸ꧈ꦏꦺꦴꦮꦺꦥꦣꦭꦸꦔꦲꦏꦧꦺꦃꦱꦏꦲꦶꦁꦔꦉꦥ꧀ꦥꦤ꧀ꦤꦏꦸ꧈ꦲꦺꦃꦮꦺꦴꦁꦏꦁꦥꦣꦭꦏꦸꦢꦸꦂꦗꦤ꧉
꧒꧘꧉ ꦲꦶꦁꦏꦺꦴꦤ꧀ꦤꦺꦴꦧꦏꦭ꧀ꦲꦤꦥꦤ꧀ꦤꦔꦶꦱ꧀ꦭꦤ꧀ꦥꦁꦒꦼꦒꦼꦠ꧀ꦠꦶꦁꦔꦸꦤ꧀ꦠꦸ꧈ꦤꦭꦶꦏꦏꦺꦴꦮꦺꦥꦣꦮꦼꦂꦫꦸꦃꦩꦫꦁꦆꦧꦿꦲꦶꦩ꧀ꦭꦤ꧀ꦲꦶ ꦱ꧀ꦏ꦳ꦏ꧀ꦠꦸꦮꦶꦤ꧀ꦪꦏꦸꦧ꧀꧈ꦲꦥꦩꦤ꧀ꦤꦺꦃꦱꦏꦺꦃꦲꦶꦁꦥꦫꦟꦨꦶ꧈ꦥꦣꦲꦤꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧈ꦢꦺꦤ꧀ꦤꦺꦏꦺꦴꦮꦺꦥꦣꦧꦶꦤꦸꦮꦁꦲꦤꦲꦶꦁꦗꦧ꧉
꧒꧙꧉ ꦱꦂꦠꦲꦤꦮꦺꦴꦁꦠꦼꦏꦱꦏꦮꦺꦠꦤ꧀ꦭꦤ꧀ꦏꦸꦭꦺꦴꦤ꧀꧈ꦠꦸꦮꦶꦤ꧀ꦱꦏꦲꦼꦭꦺꦴꦂꦭꦤ꧀ꦏꦶꦢꦸꦭ꧀꧈ꦱꦂꦠꦧꦏꦭ꧀ꦥꦣꦗꦗꦒꦺꦴꦁꦔꦤ꧀ꦲꦤꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧓꧐꧉ ꦭꦤ꧀ꦮꦼꦂꦫꦸꦃꦲꦤ꧀ꦤꦩꦸ꧈ꦲꦤꦮꦺꦴꦁꦮꦼꦏꦱ꧀ꦱꦤ꧀ꦧꦏꦭ꧀ꦢꦢꦶꦮꦶꦮꦶꦠ꧀ꦠꦤ꧀꧈ꦲꦸꦠꦮꦲꦤꦮꦺꦴꦁꦮꦶꦮꦶꦠ꧀ꦠꦤ꧀ꦧꦏꦭ꧀ꦢꦢꦶꦮꦼꦏꦱ꧀ꦱꦤ꧀꧉ ꧉ [ 188 ]꧓꧑꧉ ꧋ꦥꦤꦸꦗꦸꦲꦶꦁꦢꦶꦤ꧀ꦤꦲꦶꦏꦸꦲꦤꦱꦮꦼꦤ꧀ꦤꦺꦃꦲꦶꦁꦮꦺꦴꦁꦥꦫꦶꦱꦶ꧈ꦥꦣꦲꦸꦩꦉꦏ꧀ꦱꦂꦠꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦱꦩ꧀ꦥꦺꦪꦤ꧀ꦩꦁꦏꦠ꧀ꦠꦏꦺꦱꦃꦱꦏꦶꦁꦔꦿꦶꦏꦶ꧈ꦱꦧꦧ꧀ꦲꦺꦫꦺꦴꦣꦼꦱ꧀ꦏꦤ꧀ꦤꦶꦪꦠ꧀ꦠꦤ꧀ꦤꦶꦥꦸꦤ꧀ꦧꦣꦺꦲꦩꦼꦗꦃꦲꦶꦣꦸꦩꦠꦼꦁꦱꦩ꧀ꦥꦺꦪꦤ꧀꧉
꧓꧒꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦏꦺꦴꦮꦺꦲꦶꦪꦥꦣꦭꦸꦔꦲꦲꦤꦸꦠꦸꦂꦫꦤꦩꦫꦁꦒꦫꦁꦔꦤ꧀ꦤꦶꦏꦸ꧈ꦪꦺꦤ꧀ꦲꦏꦸꦲꦩ꧀ꦧꦸꦮꦁꦔꦶꦱꦺꦠꦤ꧀ꦱꦂꦠꦲꦩꦫꦱ꧀ꦱꦏꦺꦊꦭꦫ꧈ꦲꦶꦁꦢꦶꦤ꧀ꦤꦲꦶꦏꦶꦭꦤ꧀ꦱꦺꦱꦸꦏ꧀꧈ꦢꦺꦤ꧀ꦤꦺꦲꦶꦁꦢꦶꦤ꧀ꦤꦏꦥꦶꦁꦠꦼꦭꦸꦲꦶꦁꦏꦫꦩ꧀ꦥꦸꦁꦔꦤ꧀ꦤꦏꦸ꧉
꧓꧓꧉ ꦢꦺꦤ꧀ꦤꦺꦲꦏꦸꦥꦠꦸꦠ꧀ꦪꦺꦤ꧀ꦭꦸꦩꦏꦸꦮꦲꦶꦁꦢꦶꦤ꧀ꦤꦲꦶꦏꦶꦭꦤ꧀ꦱꦺꦱꦸꦏ꧀ꦲꦸꦠꦮꦲꦼꦩ꧀ꦧꦺꦤ꧀ꦤꦺ꧈ꦱꦧꦧ꧀ꦪꦺꦤ꧀ꦤꦨꦶꦲꦺꦴꦫꦏꦼꦤ꧀ꦤꦢꦶꦥꦠꦺꦤ꧀ꦤꦶꦲꦤꦱꦗꦧꦤ꧀ꦤꦶꦁꦪꦼꦫꦸꦱꦭꦺꦩ꧀꧉
꧓꧔꧉ ꦲꦺꦃꦪꦼꦫꦸꦱꦭꦺꦩ꧀꧈ꦪꦼꦫꦸꦱꦭꦺꦩ꧀꧈ꦏꦁꦲꦩꦠꦺꦤ꧀ꦤꦶꦥꦫꦟꦨꦶ꧈ꦭꦤ꧀ꦲꦩ꧀ꦧꦭꦁꦔꦶꦮꦠꦸꦥꦫꦲꦸꦠꦸꦱ꧀ꦱꦤ꧀ꦏꦁꦩꦫꦁꦏꦺꦴꦮꦺ꧈ꦮꦸꦱ꧀ꦱꦥꦶꦫꦥꦶꦫꦲꦺꦴꦭꦺꦃꦏꦸꦲꦔ꧀ꦭꦸꦩ꧀ꦥꦸꦏ꧀ꦲꦏꦺꦩꦫꦁꦔꦤ꧀ꦤꦏ꧀ꦩꦸ꧈ꦥꦠꦿꦥ꧀ꦥꦺꦏꦪꦧꦧꦺꦴꦤ꧀ꦲꦔ꧀ꦭꦸꦩ꧀ꦥꦸꦏ꧀ꦲꦏꦺꦩꦫꦁꦏꦸꦛꦸꦏ꧀ꦏꦺ꧈ꦏꦶꦤ꧀ꦤꦼꦩꦸꦭ꧀ꦭꦤ꧀ꦲꦶꦁꦱꦸꦮꦶꦮꦶꦤ꧀ꦤꦺ꧈ꦲꦤ꧀ꦤꦔꦶꦁꦏꦺꦴꦮꦺꦥꦣꦭꦸꦩꦸꦃ꧉
꧓꧕꧉ ꦭꦃꦲꦺꦴꦩꦃꦩꦸꦧꦏꦭ꧀ꦠꦶꦤ꧀ꦤꦶꦁꦒꦭ꧀ꦒꦭꦺꦴꦣꦒ꧀꧈ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺꦱꦠꦼꦩꦼꦤ꧀ꦤꦺ꧈ꦲꦩꦼꦰ꧀ꦛꦶꦏꦺꦴꦮꦺꦧꦏꦭ꧀ꦲꦺꦴꦫꦮꦼꦂꦫꦸꦃꦩꦫꦁꦔꦏꦸ꧈ꦏꦺꦴꦁꦱꦶꦠꦸꦩꦼꦏꦩꦁꦱꦤ꧀ꦤꦺꦥꦔꦸꦕꦥ꧀ꦩꦸ꧈ꦏꦭꦸꦲꦸꦂꦫꦤꦲꦶꦁꦏꦁꦫꦮꦸꦃꦲꦔꦒꦼꦩ꧀ꦲꦱ꧀ꦩꦤ꧀ꦤꦶꦁꦦꦔꦺꦫꦤ꧀꧉ ꧉

---

꧋ꦧꦧ꧀ꦏꦥꦶꦁꦥꦠ꧀ꦧꦼꦭꦱ꧀꧉

꧑꧉ ꧋ꦲꦤꦢꦺꦤ꧀ꦤꦺꦧꦉꦁꦲꦶꦁꦢꦶꦤ꧀ꦤꦱꦧ꧀ꦧꦠ꧀꧈ꦪꦺꦯꦸꦱ꧀ꦠꦼꦣꦏ꧀ꦩꦫꦁꦔꦺꦴꦩꦃꦲꦺꦱꦮꦶꦗꦶꦭꦸꦫꦃꦲꦶꦁꦮꦺꦴꦁꦥꦫꦶꦱꦶ꧈ꦱꦶꦤ꧀ꦤꦲꦺꦴꦱ꧀ꦱꦤ꧀ꦝꦲꦂꦫꦺꦴꦠꦶ꧈ꦱꦂꦠꦮꦺꦴꦁꦥꦫꦶꦱꦶꦥꦣꦲꦚ꧀ꦗꦼꦗꦼꦥ꧀ꦩꦫꦁꦪꦺꦯꦸꦱ꧀꧉
꧒꧉ ꦭꦤ꧀ꦲꦶꦁꦏꦺꦴꦤ꧀ꦤꦺꦴꦲꦤꦱꦮꦶꦗꦶꦮꦺꦴꦁꦭꦫꦧꦸꦱꦸꦁ꧈ꦲꦤꦲꦶꦁꦔꦂꦱꦤ꧀ꦤꦺꦪꦺꦯꦸꦱ꧀꧉
꧓꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏꦩꦫꦁꦮꦺꦴꦁꦔꦸꦭꦩꦲꦸꦠꦮꦮꦺꦴꦁꦥꦫꦶꦱꦶ꧈ꦥꦔꦤ꧀ꦢꦶꦏꦤ꧀ꦤꦺ꧈ꦲꦶꦁꦢꦶꦤ꧀ꦤꦱꦧ꧀ꦧꦠ꧀ꦲꦥꦏꦼꦤ꧀ꦤꦲꦩꦫꦱ꧀ꦱꦏꦺ꧈ꦢꦺꦤ꧀ꦤꦺꦏꦁꦢꦶꦤ꧀ꦤꦔꦸꦥꦣꦩꦼꦤ꧀ꦤꦼꦁꦧꦲꦺ꧉
꧔꧉ ꦪꦺꦯꦸꦱ꧀ꦠꦸꦩꦸꦭꦶꦲꦤ꧀ꦚꦟ꧀ꦝꦏ꧀ꦩꦫꦁꦮꦺꦴꦁꦏꦁꦭꦫꦩꦲꦸ꧈ꦮꦶꦤ꧀ꦤꦫꦱ꧀ꦱꦏꦺꦱꦂꦠꦏꦶꦤ꧀ꦤꦺꦴꦤ꧀ꦭꦸꦔ꧉
꧕꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏꦩꦤ꧀ꦤꦺꦃꦩꦫꦔ꧀ꦮꦺꦴꦁꦩꦲꦸ꧈ꦱꦥꦮꦺꦴꦁꦥꦤꦸꦁꦒꦭ꧀ꦭꦩꦸꦏꦸꦭ꧀ꦢꦶꦤ꧀ꦤꦺꦲꦸꦠꦮꦱꦥꦶꦤ꧀ꦤꦺꦏꦁꦏꦕꦼꦩ꧀ꦥ꧀ꦭꦸꦁꦲꦶꦁꦱꦸꦩꦸꦂ꧈ꦲꦩ꧀ꦧꦼꦤ꧀ꦤꦼꦂꦫꦶꦲꦶꦁꦢꦶꦤ꧀ꦤꦱꦧ꧀ꦧꦠ꧀ꦲꦥꦧꦚ꧀ꦗꦸꦂꦲꦺꦴꦫꦲꦶꦁꦔꦼꦤ꧀ꦠꦱ꧀ꦱꦏꦺ꧉
꧖꧉ ꦢꦺꦤ꧀ꦤꦺꦮꦺꦴꦁꦩꦲꦸꦥꦣꦲꦺꦴꦫꦧꦶꦱꦩꦁꦱꦸꦭ꧀ꦭꦶꦲꦥꦲꦥꦩꦫꦁꦪꦺꦯꦸꦱ꧀꧉
꧗꧉ ꦲꦤꦢꦺꦤ꧀ꦤꦺꦪꦺꦯꦸꦱ꧀ꦧꦉꦁꦩꦶꦂꦰ꧈ꦪꦺꦤ꧀ꦮꦺꦴꦁꦥꦣꦲꦩꦶꦭꦶꦃꦥꦁꦒꦺꦴꦤ꧀ꦤꦤ꧀ꦲꦤꦲꦶꦁꦔꦉꦥ꧀꧈ꦲꦔꦤ꧀ꦢꦶꦏꦩꦫꦁꦮꦺꦴꦁꦱꦸꦱꦸꦫꦸꦮꦤ꧀꧈ꦲꦔꦁꦒꦺꦴꦥꦱꦼꦩꦺꦴꦤ꧀꧈ꦥꦔꦤ꧀ꦢꦶꦏꦤ꧀ꦤꦺ꧉
꧘꧉ ꦪꦺꦤ꧀ꦏꦺꦴ [ 189 ]ꦮꦺꦢꦶꦲꦸꦊꦩ꧀ꦩꦸꦊꦩ꧀ꦩꦶꦩꦫꦁꦧꦮꦃꦲꦤ꧀ꦢꦺꦤ꧀ꦤꦶꦁꦔꦸꦮꦺꦴꦁ꧈ꦲꦗꦏꦺꦴꦮꦺꦭꦸꦁꦒꦸꦃꦥꦁꦒꦺꦴꦤ꧀ꦤꦤ꧀ꦲꦶꦁꦔꦉꦥ꧀ꦝꦺꦮꦺ꧈ꦩꦼꦤ꧀ꦤꦮꦲꦤꦮꦺꦴꦁꦏꦁꦢꦶꦲꦠꦸꦂꦫꦶꦩꦫꦺꦴꦤ꧀ꦤꦺꦴ꧈ꦏꦁꦲꦔꦸꦁꦏꦸꦭ꧀ꦭꦶꦏꦺꦴꦮꦺꦢꦿꦗꦠ꧀ꦠꦺ꧉
꧙꧉ ꦭꦤ꧀ꦮꦺꦴꦁꦏꦁꦤꦼꦏꦏ꧀ꦲꦏꦺꦩꦫꦁꦏꦺꦴꦮꦺꦲꦸꦠꦮꦩꦫꦁꦏꦁꦲꦔꦸꦁꦏꦸꦭ꧀ꦭꦶꦏꦺꦴꦮꦺꦩꦲꦸ꧈ꦲꦢꦸꦮꦺꦥꦔꦸꦕꦥ꧀ꦩꦫꦁꦏꦺꦴꦮꦺ꧈ꦥꦁꦒꦺꦴꦤ꧀ꦤꦤ꧀ꦤꦩꦸꦮꦺꦤ꧀ꦤꦺꦃꦲꦼꦤ꧀ꦤꦩꦫꦁꦮꦺꦴꦁꦏꦲꦺ꧈ꦏꦺꦴꦮꦺꦠꦸꦩꦸꦭꦶꦏꦭꦶꦁꦱꦼꦩ꧀ꦩꦤ꧀ꦱꦂꦠꦭꦸꦁꦒꦸꦃꦥꦁꦒꦺꦴ ꦤ꧀ꦤꦤ꧀ꦲꦶꦁꦧꦸꦫꦶꦣꦺꦮꦺ꧉
꧑꧐꧉ ꦤꦔꦶꦁꦪꦺꦤ꧀ꦏꦺꦴꦮꦺꦢꦶꦲꦸꦊꦩ꧀ꦩꦸꦊꦩ꧀ꦩꦶ꧈ꦠꦼꦏꦩꦸꦲꦭꦸꦁꦒꦸꦃꦲꦥꦁꦒꦺꦴꦤ꧀ꦤꦤ꧀ꦲꦶꦁꦧꦸꦫꦶꦣꦺꦮꦺ꧈ꦱꦸꦥꦪꦮꦺꦴꦁꦏꦁꦢꦸꦮꦺꦒꦮꦺꦲꦔꦸꦕꦥ꧀ꦥꦩꦫꦁꦏꦺꦴꦮꦺ꧈ꦲꦺꦃꦱꦤ꧀ꦤꦏ꧀꧈ꦏꦺꦴꦮꦺꦢꦶꦫꦢꦩꦔꦉꦥ꧀꧈ꦢꦢꦶꦏꦺꦴꦮꦺꦏꦏꦸꦂꦩꦠ꧀ꦠꦤ꧀ꦲꦤꦥꦔꦉꦥ꧀ꦥꦤ꧀ꦤꦶꦁꦮꦺꦴꦁꦱꦥꦗꦒꦺꦴꦁꦔꦤ꧀ꦏꦧꦺꦃ꧉
꧑꧑꧉ ꦱꦧꦧ꧀ꦱꦫꦸꦥꦤ꧀ꦤꦶꦁꦮꦺꦴꦁꦏꦁꦲꦔ꧀ꦭꦸꦲꦸꦂꦫꦏꦺꦲꦮꦏ꧀ꦏꦺꦣꦺꦮꦺ꧈ꦲꦶꦏꦸꦧꦏꦭ꧀ꦢꦶꦲꦼꦱꦺꦴꦂꦫꦏꦺ꧈ꦭꦤ꧀ꦱꦥꦮꦺꦴꦁꦏꦁꦲꦔꦼꦱꦺꦴꦂꦫꦏꦺꦲꦮꦏ꧀ꦏꦺꦣꦺꦮꦺ꧈ꦲꦶꦏꦸꦧꦏꦭ꧀ꦭꦶꦤꦸꦲꦸꦂꦫꦏꦺ꧉
꧑꧒꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦏꦁꦲꦢꦸꦮꦺꦒꦮꦺ꧈ꦩꦼꦤ꧀ꦤꦮꦏꦺꦴꦮꦺꦲꦒꦮꦺꦱꦸꦒꦠꦲꦸꦠꦮꦧꦸꦗꦤ꧈ꦲꦗꦏꦺꦴꦮꦺꦲꦔꦸꦊꦩ꧀ꦩꦸꦊꦩ꧀ꦩꦶꦩꦫꦁꦥꦿꦱꦺꦴꦧꦠ꧀ꦠꦤ꧀ꦤꦩꦸ꧈ꦲꦸꦠꦮꦩꦫꦁꦱꦤꦸꦭꦸꦂꦩꦸ꧈ꦠꦸꦮꦶꦤ꧀ꦩꦫꦁꦏꦸꦭꦮꦁꦱꦩꦸ꧈ꦩꦶꦮꦃꦩꦫꦁꦠꦺꦴꦁꦒꦠꦼꦥꦫꦺꦴꦩꦸꦏꦁꦥꦣꦱꦸꦒꦶꦃ꧈ꦱꦸꦥꦪꦏꦺꦴꦮꦺꦲꦗꦏꦺꦴꦁꦱꦶꦮꦶꦤ꧀ꦤꦊꦱ꧀ꦲꦶꦁꦔꦠꦸꦂꦫꦤ꧀꧈ꦭꦤ꧀ꦢꦢꦶꦏꦺꦴꦮꦺꦱꦶꦤ꧀ꦤꦲꦸꦂꦫꦤ꧀ꦧꦲꦺ꧉
꧑꧓꧉ ꦤꦔꦶꦁꦪꦺꦤ꧀ꦏꦺꦴꦮꦺꦲꦒꦮꦺꦱꦸꦒꦠ꧈ꦲꦔꦸꦊꦩ꧀ꦩꦸꦊꦩ꧀ꦩꦤꦩꦫꦁꦮꦺꦴꦁꦩꦶꦱ꧀ꦏꦶꦤ꧀꧈ꦮꦺꦴꦁꦏꦸꦛꦸꦁ꧈ꦮꦺꦴꦁꦝꦼꦁꦏ꧀ꦭꦶꦁꦭꦤ꧀ꦮꦺꦴꦁꦮꦸꦠ꧉
꧑꧔꧉ ꦢꦢꦶꦏꦺꦴꦮꦺꦊꦱ꧀ꦠꦫꦶꦏꦧꦼꦒ꧀ꦗꦤ꧀ꦤꦩꦸ꧈ꦱꦧꦧ꧀ꦮꦺꦴꦁꦔꦶꦏꦸꦩꦲꦸꦲꦺꦴꦫꦧꦶꦱꦩꦊꦱ꧀ꦩꦫꦁꦏꦺꦴꦮꦺ꧈ꦢꦺꦤ꧀ꦤꦺꦏꦺꦴꦮꦺꦧꦏꦭ꧀ꦲꦺꦴꦭꦺꦃꦮꦼꦮꦊꦱ꧀ꦲꦶꦁꦤꦭꦶꦏꦤ꧀ꦤꦺꦏꦶꦪꦩꦠ꧀ꦠꦺꦮꦺꦴꦁꦔꦢꦶꦭ꧀꧉
꧑꧕꧉ ꦩꦺꦴꦁꦏꦲ ꦤꦱꦮꦶꦗꦶꦤ꧀ꦤꦶꦁꦮꦺꦴꦁꦗꦗꦒꦺꦴꦁꦔꦤ꧀꧈ꦧꦉꦁꦔꦿꦸꦔꦸꦥꦔꦤ꧀ꦢꦶꦏꦲꦶꦏꦸꦩꦲꦸ꧈ꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦫꦃꦲꦗꦼꦁꦠꦶꦪꦁꦲꦶꦁꦏꦁꦤꦼꦣꦫꦺꦴꦠꦶꦮꦺꦴꦤ꧀ꦠꦼꦤ꧀ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧑꧖꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦲꦤꦱꦮꦶꦗꦶꦲꦸꦮꦺꦴꦁꦲꦒꦮꦺꦧꦸꦗꦤꦒꦼꦣꦺ꧈ꦱꦂꦠꦲꦁꦔꦠꦸꦂꦫꦠꦸꦂꦫꦶꦩꦫꦁꦮꦺꦴꦁꦔꦏꦺꦃ꧉
꧑꧗꧉ ꦧꦉꦁꦠꦸꦩꦼꦏꦤ꧀ꦤꦺꦩꦁꦱꦤ꧀ꦤꦺꦧꦸꦗ ꦤ꧈ꦮꦺꦴꦁꦏꦁꦲꦢꦸꦮꦺꦒꦮꦺꦩꦲꦸꦲꦏꦺꦴꦁꦏꦺꦴꦤ꧀ꦤꦤ꧀ꦧꦠꦸꦂꦫꦺ꧈ꦲꦤꦸꦠꦸꦂꦫꦶꦩꦫꦁꦮꦺꦴꦁꦏꦁꦥꦣꦱꦶꦤꦸꦫꦸꦮꦤ꧀ꦩꦲꦸ꧈ꦏꦺꦴꦮꦺꦥꦣꦠꦼꦏꦲ꧈ꦱꦧꦧ꧀ꦭꦼꦭꦢꦺꦤ꧀ꦤꦺꦮꦸꦱ꧀ꦕꦸꦩꦮꦶꦱ꧀ꦏꦧꦺꦃ꧉
꧑꧘꧉ ꦠꦸꦩꦸꦭꦶꦥꦣꦱꦉꦩ꧀ꦧꦸꦒ꧀ꦒꦺꦴꦤ꧀ꦤꦺꦥꦣꦲꦱꦼꦔꦢꦶꦏꦧꦺꦃ꧈ꦮꦁꦱꦸꦭ꧀ꦭꦤ꧀ꦤꦺꦏꦁꦣꦶꦔꦶꦤ꧀꧈ꦏꦸꦭꦱꦮꦼꦒꦠ꧀ꦠꦸꦩ꧀ꦧꦱ꧀ꦱꦶꦠꦶ꧈ꦱꦂꦠꦥꦼꦂꦭꦸꦒꦺꦤ꧀ꦏꦸꦭꦭꦸꦩꦩ꧀ꦥꦃꦧꦣꦺꦩꦫꦶꦏ꧀ꦱꦤ꧀ꦤꦶ꧈ꦏꦸꦭꦚꦸꦮꦸꦤ꧀ꦱꦩ꧀ꦥꦸꦤ꧀ꦢꦢꦺꦴꦱ꧀ꦥꦁꦒꦭꦶꦃꦱꦩ꧀ꦥꦺꦪꦤ꧀꧉
꧑꧙꧉ ꦱꦂꦠꦮꦁꦱꦸꦭ꧀ꦭꦤ꧀ꦤꦺꦏꦁꦏꦥꦶꦟ꧀ꦝꦺꦴ꧈ꦏꦸꦭꦱꦮꦼꦒ꧀ꦠꦸꦩ꧀ꦧꦱ꧀ꦭꦼꦩ꧀ꦧꦸꦒꦁꦱꦭ꧀ꦫꦏꦶꦠ꧀꧈ꦢꦺꦤ꧀ꦤꦺꦏꦸꦭꦧꦣꦺꦲ [ 190 ]ꦩꦸꦫꦸꦒ꧀ꦒꦶꦲꦤ꧀ꦚꦺꦴꦧꦊꦩ꧀ꦧꦸꦮꦲꦸ꧈ꦏꦸꦭꦚꦸꦮꦸꦤ꧀ꦱꦩ꧀ꦥꦸꦤ꧀ꦢꦢꦺꦴꦱ꧀ꦥꦁꦒꦭꦶꦃꦱꦩ꧀ꦥꦺꦪꦤ꧀꧉
꧒꧐꧉ ꦭꦤ꧀ꦮꦁꦱꦸꦭ꧀ꦭꦤ꧀ꦤꦺꦱꦮꦶꦗꦶꦤ꧀ꦤꦺꦩꦤ꧀ꦤꦺꦃ꧈ꦏꦸꦭꦱꦩ꧀ꦥꦸꦤ꧀ꦲꦔꦭꦥ꧀ꦧꦺꦴꦗꦺꦴ꧈ꦩꦶꦭꦏꦸꦭꦧꦺꦴꦠꦼꦤ꧀ꦱꦒꦼꦢ꧀ꦲꦟ꧀ꦝꦠꦼꦁꦔꦶ꧉
꧒꧑꧉ ꦢꦺꦤ꧀ꦤꦺꦱꦲꦸꦭꦶꦪꦺꦧꦠꦸꦂꦩꦲꦸ꧈ꦢꦶꦲ ꦠꦸꦂꦫꦏꦺꦏꦧꦺꦃꦩꦫꦁꦧꦼꦤ꧀ꦢꦫꦤ꧀ꦤꦺ꧈ꦮꦺꦴꦁꦏꦁꦢꦸꦮꦺꦒꦮꦺꦩꦲꦸꦠꦸꦩꦸꦭꦶꦤꦼꦥ꧀ꦱꦸ꧈ꦲꦔꦤ꧀ꦢꦶꦏꦩꦫꦁꦧꦠꦸꦂꦫꦺ꧈ꦢꦶꦒꦼꦭꦶꦱ꧀ꦏꦺꦴꦮꦺꦩꦼꦤ꧀ꦚꦁꦭꦸꦭꦸꦫꦸꦁꦭꦤ꧀ꦥꦱꦂꦫꦶꦁꦤꦼꦒꦫ꧈ꦱꦂꦠꦏꦺꦴꦮꦺꦔꦶꦫꦶꦢ꧀ꦢꦩꦫꦺꦤ꧀ꦤꦺꦮꦺꦴꦁꦩꦶꦱ꧀ꦏꦶꦤ꧀ꦭꦤ꧀ꦮꦺꦴꦁꦏꦸꦛꦸꦁ꧈ꦲꦸꦠꦮꦮꦺꦴꦁꦣꦼꦁꦏ꧀ꦭꦶꦁꦭꦤ꧀ꦮꦺꦴꦁꦮꦸꦠ꧉
꧒꧒꧉ ꦧꦠꦸꦂꦏꦁꦮꦸꦱ꧀ꦏꦶꦤ꧀ꦤꦺꦴꦁꦏꦺꦴꦤ꧀ꦠꦸꦩꦸꦭꦶꦲꦸꦩꦠꦸꦂ꧈ꦧꦼꦤ꧀ꦢꦫ꧈ꦱꦩ꧀ꦥꦸꦤ꧀ꦏꦭꦩ꧀ꦥꦃꦲꦤ꧀ꦲꦶꦁꦏꦁꦢꦢꦺꦴꦱ꧀ꦝꦮꦃꦱꦩ꧀ꦥꦺꦪꦤ꧀꧈ꦤꦔꦶꦁꦠꦏ꧀ꦱꦶꦃꦭꦁꦏꦸꦁꦥꦁꦒꦺꦤ꧀ꦤꦤ꧀꧉
꧒꧓꧉ ꦩꦺꦴꦁꦏꦧꦼꦤ꧀ꦢꦫꦤ꧀ꦤꦺꦲꦔꦤ꧀ꦢꦶꦏꦩꦤ꧀ꦤꦺꦃꦩꦫꦁꦧꦠꦸꦂꦫꦺ꧈ꦏꦺꦴꦮꦺꦩꦼꦠꦸꦮꦩꦤ꧀ꦤꦺꦃꦩꦼꦤ꧀ꦚꦁꦢꦼꦢꦭꦤ꧀ꦭꦤ꧀ꦲꦶꦁꦣꦣꦃ꧈ꦱꦂꦠꦲꦔꦫꦢ꧀ꦢꦲꦸꦮꦺꦴꦁꦥꦣꦒꦮꦤ꧀ꦤꦼꦤ꧀ꦩꦫꦺꦤ꧀ꦤꦺ꧈ꦱꦸꦥꦪꦲꦺꦴꦩꦃꦏꦸꦏꦏꦼꦧꦏ꧀ꦏꦤ꧉
꧒꧔꧉ ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦪꦺꦤ꧀ꦱꦮꦶꦗꦶꦤ꧀ꦤꦶꦁꦔꦸꦮꦺꦴꦁꦏꦁꦮꦸꦱ꧀ꦱꦶꦤꦸꦫꦸꦃꦲꦤ꧀ꦩꦲꦸ꧈​ꦧꦏꦭ꧀ꦲꦺꦴꦫꦔꦿꦱꦏ꧀ꦲꦏꦺꦧꦸꦗꦤꦏꦸ꧉
꧒꧕꧉ ꦲꦤꦢꦺꦤ꧀ꦤꦺꦒꦺꦴꦒꦺꦴꦭꦺꦴꦁꦔꦤ꧀ꦤꦶꦁꦮꦺꦴꦁꦔꦏꦺꦃꦏꦁꦥꦣꦲꦟ꧀ꦝꦺꦫꦺꦏ꧀ꦭꦮꦤ꧀ꦪꦺꦯꦸꦱ꧀꧈ꦧꦚ꧀ꦗꦸꦂꦤꦺꦴꦭꦶꦃꦲꦔꦤ꧀ꦢꦶꦏꦩꦫꦁꦮꦺꦴꦁꦔꦏꦺꦃꦩꦲꦸ꧉
꧒꧖꧉ ꦪꦺꦤ꧀ꦲꦤꦲꦸꦮꦺꦴꦁꦠꦸꦩꦼꦏꦩꦫꦁꦔꦏꦸ꧈ꦩꦺꦴꦁꦏꦲꦺꦴꦫꦱꦼꦔꦶꦠ꧀ꦩꦫꦁꦧꦥꦏ꧀ꦤꦺ꧈ꦲꦸꦠꦮꦩꦫꦁꦲꦼꦩ꧀ꦧꦺꦴꦏ꧀ꦤꦺ꧈ꦠꦸꦮꦶꦤ꧀ꦩꦫꦁꦧꦺꦴꦗꦺꦴꦤ꧀ꦤꦺ꧈ꦩꦶꦮꦃꦩꦫꦁꦔꦤ꧀ꦤꦏ꧀ꦏꦺ꧈ꦲꦸꦠꦮꦩꦫꦁꦱꦢꦸꦭꦸꦂꦫꦺꦭꦤ꧀ꦤꦁꦭꦤ꧀ꦩꦫꦁꦱꦢꦸꦭꦸꦂꦫꦺꦮꦢꦺꦴꦤ꧀꧈ꦲꦥꦢꦺꦤ꧀ꦤꦺꦩꦫꦁꦚꦮꦤ꧀ꦤꦺꦣꦺꦮꦺ꧈ꦲꦶꦏꦸꦲꦺꦴꦫꦧꦶꦱꦢꦢꦶꦩꦸꦫꦶꦢ꧀ꦏꦸ꧉
꧒꧗꧉ ꦭꦤ꧀ꦱꦥꦮꦺꦴꦁꦔꦺꦏꦁꦲꦺꦴꦫꦩꦶꦏꦸꦭ꧀ꦩꦫꦁꦥꦩꦼꦤ꧀ꦛꦁꦔꦤ꧀ꦤꦺ꧈ꦱꦂꦠꦭꦸꦩꦏꦸꦲꦠꦸꦠ꧀ꦧꦸꦫꦶꦩꦫꦁꦔꦏꦸ꧈ꦲꦶꦏꦸꦲꦺꦴꦫꦧꦶꦱꦢꦢꦶꦩꦸꦫꦶꦢ꧀ꦏꦸ꧉
꧒꧘꧉ ꦢꦺꦤ꧀ꦤꦺꦱꦥꦮꦺꦴꦁꦥꦤꦸꦁꦒꦭ꧀ꦭꦩꦸ꧈ꦏꦁꦲꦉꦥ꧀ꦲꦪꦱꦥꦁꦒꦸꦁ꧈ꦲꦥꦲꦺꦴꦫꦭꦸꦁꦒꦸꦃꦣꦶꦔꦶꦤ꧀ꦲꦔꦶꦠꦸꦁꦮꦿꦒꦢ꧀ꦢꦺ꧈ꦲꦥꦧꦶꦱꦢꦢꦶꦏꦫꦩ꧀ꦥꦸꦁꦔꦤ꧀ꦤꦺ꧉
꧒꧙꧉ ꦱꦮꦸꦱ꧀ꦱꦺꦠꦶꦤ꧀ꦤꦊꦱ꧀ꦱꦤ꧀꧈ꦩꦺꦴꦁꦏꦲꦺꦴꦫꦧꦶꦱꦫꦩ꧀ꦥꦸꦁ꧈ꦮꦺꦴꦁꦏꦧꦺꦃꦏꦁꦥꦣꦮꦼꦂꦫꦸꦃꦲꦗꦏꦺꦴꦁꦱꦶꦲꦁꦒꦸꦒꦸꦪꦸꦩꦫꦁ ꦮꦺꦴꦁꦔꦶꦏꦸ꧉
꧓꧐꧉ ꦥꦔꦸꦕꦥ꧀ꦥꦺ꧈ꦮꦺꦴꦁꦏꦲꦺꦒꦺꦴꦤ꧀ꦤꦺꦲꦩꦶꦮꦶꦠ꧀ꦠꦶꦪꦱ꧈ꦭꦤ꧀ꦤꦺꦴꦫꦧꦶꦱꦲꦤ꧀ꦢꦢꦺꦏ꧀ꦲꦏꦺ꧉
꧓꧑꧉ ꦲꦸꦠꦮꦲꦶꦁꦔꦼꦤ꧀ꦢꦶꦲꦤꦫꦡꦸꦩꦼꦠꦸꦲꦔ꧀ꦭꦸꦫꦸꦒ꧀ꦒꦶꦲꦥꦿꦁꦭꦮꦤ꧀ꦫꦡꦸꦭꦶꦪꦤ꧀ꦤꦺ꧈ꦲꦥꦲꦺꦴꦫꦥꦶꦤ꧀ꦤꦶꦏꦶꦂꦣꦶꦔꦶꦤ꧀꧈ꦪꦺꦤ꧀ꦥꦿꦗꦸꦫꦶꦠ꧀ꦠꦺꦱꦊꦏ꧀ꦱꦲꦥꦏꦸꦮꦮꦲꦩꦥꦒ꧀ꦒꦏꦺꦩꦫꦁꦧꦭꦤ꧀ꦤꦺꦩꦸꦁꦱꦸꦃꦲꦺꦫꦺꦴꦁꦊꦏ꧀ꦱ꧉
꧓꧒꧉ ꦢꦺꦤ꧀ꦤꦺꦩꦼꦤ꧀ꦤꦮꦲꦺꦴꦫꦏꦸꦮꦮ꧈ꦤꦭꦶꦏꦩꦸꦁꦱꦸꦃꦲꦺꦲꦶꦱꦶꦃꦲꦢꦺꦴꦃ꧈ꦲꦔ꧀ꦭꦏꦺꦴꦏ꧀ꦲꦏꦺꦏꦺꦴꦁꦏꦺꦴꦤ꧀ꦤꦤ꧀ꦲꦔꦗꦏ꧀ꦫꦸꦏꦸꦤ꧀꧉
꧓꧓꧉ ꦩꦼꦁꦏꦺꦴꦤ꧀ꦤꦺꦴꦲꦸꦒꦱꦏꦺꦃꦲꦶꦁꦔꦸꦮꦺꦴꦁꦥꦤꦸꦁꦒꦭ꧀ꦭꦩꦸ꧈ꦏꦁꦲꦺꦴꦫꦠꦺꦒꦠꦶꦁꦒꦭ꧀ꦧꦫꦁꦢꦂꦧꦺꦏ꧀ꦏꦺꦏꦧꦺꦃ꧈ꦲꦶꦏꦸꦲꦺꦴꦫꦧꦶꦱꦢꦢꦶꦩꦸꦫꦶꦢ꧀ꦏꦸ꧉ [ 191 ]꧓꧔꧉ ꦲꦸꦪꦃꦲꦶꦏꦸꦧꦼꦕꦶꦏ꧀꧈ꦤꦔꦶꦁꦪꦺꦤ꧀ꦲꦸꦪꦃꦮꦸꦱ꧀ꦲꦶꦭꦁꦲꦱꦶꦤ꧀ꦤꦺ꧈ꦏꦁꦒꦶꦤ꧀ꦤꦮꦺꦲꦔꦸꦪꦃꦲꦶꦲꦥ꧉
꧓꧕꧉ ꦲꦺꦴꦫꦥꦤ꧀ꦠꦼꦤ꧀ꦒꦶꦤ꧀ꦤꦮꦺꦪꦊꦩꦃꦲꦸꦠꦮꦒꦶꦤ꧀ꦤꦮꦺꦪꦫꦧꦸꦏ꧀꧈ꦧꦶꦤꦸꦮꦁꦲꦶꦁꦗꦧ꧈ꦏꦁꦲꦢꦸꦮꦺꦏꦸꦥꦶꦁꦥꦔꦿꦸꦔꦸ꧈ꦲꦔꦿꦸꦔꦺꦴꦏ꧀ꦏꦼꦤ꧀ꦤ꧉ ꧉

---

꧋ꦧꦧ꧀ꦏꦥꦶꦁꦭꦶꦩꦭꦱ꧀꧉

꧑꧉ ꧋ꦠꦸꦩꦸꦭꦶꦲꦤꦮꦺꦴꦁꦩꦸꦥꦸꦧꦺꦪꦲꦏꦺꦃꦲꦸꦠꦮꦮꦺꦴꦁꦢꦺꦴꦢꦺꦴꦱꦤ꧀꧈ꦥꦣꦲꦸꦩꦉꦏ꧀ꦩꦫꦁꦪꦺꦯꦸꦱ꧀꧈ꦲꦉꦥ꧀ꦔꦿꦸꦔꦺꦴꦏ꧀ꦲꦏꦺꦥꦔꦤ꧀ꦢꦶꦏꦤ꧀ꦤꦺ꧉
꧒꧉ ꦩꦺꦴꦁꦏꦮꦺꦴꦁꦥꦫꦶꦱꦶꦭꦤ꧀ꦮꦺꦴꦁꦔꦸꦭꦩ꧈ꦥꦣꦲꦁꦒꦫꦸꦤ꧀ꦢꦼꦭ꧀ꦭꦶ꧈ꦥꦔꦸꦕꦥ꧀ꦥꦺ꧈ꦮꦺꦴꦁꦔꦶꦏꦸꦲꦠꦼꦥꦸꦁꦫꦸꦏꦸꦤ꧀ꦭꦤ꧀ꦲꦤꦸꦁꦒꦭ꧀ꦩꦔꦤ꧀ꦭꦮꦤ꧀ꦮꦺꦴꦁꦢꦺꦴꦢꦺꦴꦱꦤ꧀꧉
꧓꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁ ꦮꦺꦴꦁꦩꦲꦸꦲꦁꦔꦁꦒꦺꦴꦥꦱꦼꦩꦺꦴꦤ꧀꧈ꦥꦔꦤ꧀ꦢꦶꦏꦤ꧀ꦤꦺ꧉
꧔꧉ ꦱꦥꦮꦺꦴꦁꦥꦤꦸꦁꦒꦭ꧀ꦭꦩꦸꦏꦁꦲꦢꦸꦣꦺꦮꦼꦣꦸꦱ꧀ꦱꦠꦸꦱ꧀꧈ꦩꦺꦴꦁꦏꦏꦁꦱꦮꦶꦗꦶꦏꦱꦱꦂ꧈ꦲꦥꦲꦺꦴꦫꦲꦤ꧀ꦤꦶꦁꦒꦭ꧀ꦩꦫꦁꦮꦼꦣꦸꦱ꧀ꦱꦺꦏꦁꦱꦔꦁꦥꦸꦭꦸꦃꦱꦔꦲꦤꦲꦶꦁꦔꦫꦲꦫ꧈ꦱꦂꦠꦭꦸꦔꦲꦁꦒꦺꦴꦭꦺꦏ꧀ꦏꦶꦮꦼꦣꦸꦱ꧀ꦱꦺꦱꦶꦗꦶꦏꦁꦏꦱꦱꦂ꧈ꦏꦺꦴꦁꦱꦶꦠꦸꦩꦼꦏꦏꦠꦼꦩꦸꦤ꧀ꦤꦺ꧉
꧕꧉ ꦢꦺꦤ꧀ꦤꦺꦪꦺꦤ꧀ꦮꦸꦱ꧀ꦏꦠꦼꦩꦸ꧈ꦥꦶꦤ꧀ꦤꦁꦒꦸꦭ꧀ꦲꦤꦲꦶꦁꦥꦸꦟ꧀ꦝꦏ꧀ꦏꦺꦱꦂꦠꦲꦧꦸꦔꦃꦧꦸꦔꦃ꧉
꧖꧉ ꦱꦮꦸꦱ꧀ꦱꦺꦩꦸꦭꦶꦃꦩꦫꦁꦔꦺꦴꦩꦃ꧈ꦧꦚ꧀ꦗꦸꦂꦲꦔꦸꦤ꧀ꦢꦁꦔꦶꦩꦫꦁꦥꦿꦱꦤ꧀ꦤꦏ꧀ꦏꦤ꧀ꦤꦺꦭꦤ꧀ꦠꦺꦴꦁꦒꦠꦼꦥꦫꦺꦴꦤ꧀ꦤꦺ꧈ꦥꦔꦸꦕꦥ꧀ꦥꦺꦏꦺꦴꦮꦺꦥꦣꦩꦶꦭꦸꦮꦧꦸꦔꦃꦧꦸꦔꦃꦭꦤ꧀ꦤꦏꦸ꧈ꦱꦧꦧ꧀ꦮꦼꦣꦸꦱ꧀ꦏꦸꦏꦁꦏꦱꦱꦂꦮꦸꦱ꧀ꦏꦠꦼꦩꦸ꧉
꧗꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦏꦪꦩꦼꦁꦏꦺꦴꦤ꧀ꦤꦺꦴꦲꦶꦏꦸꦏꦧꦸꦔꦃꦲꦤ꧀ꦲꦶꦁꦯ꧀ꦮꦂꦓ꧈ꦲꦶꦁꦔꦠꦱ꧀ꦱꦺꦮꦺꦴꦁꦢꦺꦴꦱꦱꦶꦗꦶꦏꦁꦠꦺꦴꦧꦠ꧀꧈ꦲꦔꦸꦁꦏꦸꦭ꧀ꦭꦶꦮꦺꦴꦁꦔꦢꦶꦭ꧀ꦱꦔꦁꦥꦸꦭꦸꦃꦱꦔ꧈ꦏꦁꦥꦣꦲꦺꦴꦫꦏꦸꦮꦗꦶꦧ꧀ꦧꦤ꧀ꦠꦺꦴꦧꦠ꧀꧉
꧘꧉ ꦲꦸꦠꦮꦩꦼꦤ꧀ꦤꦮꦲꦤꦮꦺꦴꦁꦮꦢꦺꦴꦤ꧀ꦲꦢꦸꦮꦺꦢꦶꦂꦲꦩ꧀ꦱꦥꦸꦭꦸꦃ꧈ꦩꦺꦴꦁꦏꦢꦶꦂꦲꦩ꧀ꦩꦺꦏꦁꦱꦶꦗꦶꦲꦶꦭꦁ꧈ꦲꦥꦲꦺꦴꦫꦲꦤ꧀ꦚꦸꦩꦼꦢ꧀ꦢꦶꦪꦤ꧀꧈ꦱꦂꦠꦲꦤ꧀ꦚꦥꦺꦴꦤ꧀ꦤꦶꦲꦺꦴꦩꦃꦲꦺ꧈ꦭꦤ꧀ꦲꦁꦒꦺꦴꦭꦺꦏ꧀ꦏꦶꦢꦶꦠꦧꦼꦂꦫꦺꦤ꧀ꦤꦶ꧈ꦏꦺꦴꦁꦱꦶꦠꦸꦩꦼꦏꦲꦶꦁꦏꦠꦼꦩꦸꦤ꧀ꦤꦺ꧉
꧙꧉ ꦢꦺꦤ꧀ꦤꦺꦱꦮꦸꦱ꧀ꦱꦺꦏꦠꦼꦩꦸ꧈ꦲꦔꦸꦤ꧀ꦢꦁꦔꦶꦩꦫꦁꦥꦿꦱꦺꦴꦧꦠ꧀ꦠꦤ꧀ꦤꦺꦭꦤ꧀ꦠꦺꦴꦁꦒꦠꦼꦥꦫꦺꦴꦤ꧀ꦤꦺꦏꦁꦥꦣꦮꦺꦴꦁꦮꦢꦺꦴꦤ꧀꧈ꦥꦔꦸꦕꦥ꧀ꦥꦺ꧈ ꦏꦺꦴꦮꦺꦥꦣꦩꦶꦭꦸꦮꦧꦸꦔꦃꦧꦸꦔꦃꦏꦫꦺꦴꦲꦏꦸ꧈ꦱꦧꦧ꧀ꦢꦶꦂꦲꦩ꧀ꦏꦸꦱꦶꦗꦶꦏꦁꦔꦶꦭꦁꦮꦸꦱ꧀ꦏꦠꦼꦩꦸ꧉
꧑꧐꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦏꦪꦩꦼꦁꦏꦺꦴꦤ꧀ꦤꦺꦴꦲꦸꦒꦏꦧꦸꦔꦃꦲꦤ꧀ꦲꦤꦔꦉꦥ꧀ꦥꦤ꧀ꦤꦶꦁꦩꦭꦲꦺꦏꦠ꧀ꦠꦶꦁꦄꦭ꧀ꦭꦃ꧈ꦲꦶꦁꦔꦠꦱ꧀ꦱꦺꦮꦺꦴꦁꦢꦺꦴꦱꦱꦶꦗꦶꦏꦁꦠꦺꦴꦧꦠ꧀꧉
꧑꧑꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏ꧈ꦲꦤꦱꦮꦶꦗꦶꦲꦸꦮꦺꦴꦁꦲꦢꦸꦮꦺꦲꦤ꧀ꦤꦏ꧀ꦭꦺꦴꦫꦺꦴ꧉
꧑꧒꧉ ꦢꦺꦤ꧀ꦤꦺꦲꦤ꧀ꦤꦏ꧀ꦏꦺꦏꦁꦔꦼꦤ꧀ꦤꦺꦴꦩ꧀ꦲꦸꦩꦠꦸꦂꦩꦫꦁꦧꦥꦏ꧀ꦤꦺ꧈ꦫꦩ꧈ꦮꦫꦶꦱ꧀ꦱꦤ꧀ꦲꦶꦁꦏꦁꦏꦊꦉꦱ꧀ꦝꦸꦩꦠꦼꦁꦏꦸꦭ꧈ꦩꦸꦒꦶꦱꦩ꧀ꦥꦺꦪꦤ꧀ꦥꦫꦶꦁꦔꦼꦤ꧀ꦤ꧈ꦮꦺꦴꦁꦠꦸꦮꦤ꧀ꦤꦺꦩꦲꦸ [ 192 ]ꦠꦸꦩꦸꦭꦶꦲꦩꦫꦶꦱ꧀ꦱꦶꦩꦫꦁꦲꦤ꧀ꦤꦏ꧀ꦏꦺꦭꦺꦴꦫꦺꦴꦲꦶꦏꦸ꧉
꧑꧓꧉ ꦧꦉꦁꦲꦤ꧀ꦠꦫꦢꦶꦤ꧀ꦤꦲꦤ꧀ꦤꦏ꧀ꦏꦺꦏꦁꦔꦼꦤ꧀ꦤꦺꦴꦩ꧀ꦩꦲꦸ꧈ꦱꦮꦸꦱ꧀ꦱꦺꦲꦔ꧀ꦭꦸꦩ꧀ꦥꦸꦏ꧀ꦲꦏꦺꦧꦫꦁꦢꦂꦧꦺꦏ꧀ꦏꦺꦏꦧꦺꦃ꧈ꦲꦭꦸꦭꦸꦔꦤ꧀ꦩꦫꦁꦠꦤ꧀ꦤꦃꦲꦢꦺꦴꦃ꧈ꦭꦤ꧀ꦲꦶꦁꦏꦺꦴꦤ꧀ꦤꦺꦴꦲꦔꦮꦸꦠ꧀ꦠꦮꦸꦠ꧀ꦧꦫꦁꦢꦂꦧꦺꦏ꧀ꦏꦺ꧈ꦢꦺꦤ꧀ꦲꦺꦴꦧꦿꦺꦴꦠ꧀ꦠꦺꦴꦧꦿꦺꦴꦠ꧀꧉
꧑꧔꧉ ꦱꦮꦸꦱ꧀ꦱꦺꦲꦼꦤ꧀ꦠꦺꦏ꧀ꦧꦫꦁꦢꦂꦧꦏ꧀ꦏꦺ ꦏꦧꦺꦃ꧈ꦲꦶꦁꦠꦤ꧀ꦤꦃꦏꦺꦴꦤ꧀ꦤꦺꦴꦧꦔꦼꦠ꧀ꦏꦥꦲꦶꦭ꧀ꦭꦤ꧀ꦥꦔꦤ꧀꧈ꦱꦂꦠꦮꦺꦴꦁꦩꦲꦸꦲꦮꦶꦠ꧀ꦏꦏꦸꦫꦁꦔꦤ꧀꧉
꧑꧕꧉ ꦠꦸꦩꦸꦭꦶꦭꦸꦔꦕꦸꦩꦤ꧀ꦛꦺꦭ꧀ꦩꦫꦁꦱꦮꦶꦗꦶꦮꦺꦴꦁꦔꦶꦟ꧀ꦝꦸꦁꦲꦶꦁꦠꦤ꧀ꦤꦃꦏꦺꦴꦤ꧀ꦤꦺꦴ꧈ꦧꦚ꧀ꦗꦸꦂꦥꦶꦤ꧀ꦤꦠꦃꦲꦔꦺꦴꦤ꧀ꦧꦧꦶꦩꦫꦁꦲꦶꦁꦱꦮꦃ꧉
꧑꧖꧉ ꦩꦺꦴꦁꦏꦲꦢꦸꦮꦺꦏꦉꦥ꧀ꦲꦩꦉꦒ꧀ꦒꦶꦮꦼꦠꦼꦁꦔꦺꦱꦏꦥꦏꦤ꧀ꦤꦤ꧀꧈ꦏꦁꦥꦶꦤ꧀ꦤꦔꦤ꧀ꦲꦶꦁꦧꦧꦶ꧈ꦤꦔꦶꦁꦮꦺꦴꦁꦲꦺꦴꦫꦲꦮꦺꦃ꧉
꧑꧗꧉ ꦠꦸꦩꦸꦭꦶꦏꦫꦱꦫꦱꦲꦮꦏ꧀ꦏꦺꦣꦺꦮꦺ꧈ꦥꦔꦸꦕꦥ꧀ꦥꦺ꧈ꦧꦸꦫꦸꦃꦲꦺꦧꦥꦏ꧀ꦏꦸꦱꦥꦶꦫꦥꦶꦫꦫꦺꦴꦠꦶꦤ꧀ꦤꦺꦏꦺꦴꦁꦱꦶꦥꦣꦭꦸꦮꦶꦃ꧈ꦩꦺꦴꦁꦏꦲꦏꦸꦲꦶꦏꦶꦤꦟ꧀ꦝꦁꦏꦫꦸꦱꦏ꧀ꦏꦤ꧀ꦏꦭꦸꦮꦺꦤ꧀꧉
꧑꧘꧉ ꦧꦼꦕꦶꦏ꧀ꦲꦏꦸꦩꦸꦭꦶꦃꦩꦫꦁꦧꦥꦏ꧀ꦏꦸ꧈ꦱꦂꦠꦲꦏꦸꦧꦏꦭ꧀ꦠꦸꦠꦸꦂꦠꦸꦠꦸꦂ꧈ꦣꦸꦃꦫꦩ꧈ꦏꦸꦭꦱꦩ꧀ꦥꦸꦤ꧀ꦲꦔ꧀ꦭꦩ꧀ꦥꦃꦲꦶꦢꦺꦴꦱꦣꦠꦼꦁꦲꦶꦁꦯ꧀ꦮꦂꦓꦲꦸꦠꦮꦶꦣꦸꦩꦠꦼꦁꦱꦩ꧀ꦥꦺꦪꦤ꧀꧉
꧑꧙꧉ ꦏꦸꦭꦧꦺꦴꦠꦼꦤ꧀ꦥꦤ꧀ꦠꦼꦱ꧀ꦪꦺꦤ꧀ꦏꦮꦼꦱ꧀ꦠꦤ꧀ꦤꦤꦥꦸꦠꦿꦱꦩ꧀ꦥꦺꦪꦤ꧀ꦩꦭꦶꦃ꧈ꦏꦸꦭꦱꦩ꧀ꦥꦺꦪꦤ꧀ꦲꦁꦒꦼꦥ꧀ꦥꦏꦢꦺꦴꦱ꧀ꦱꦠꦸꦁꦒꦭ꧀ꦭꦶꦥꦸꦤ꧀ꦧꦼꦫꦃꦱꦩ꧀ꦥꦺꦪꦤ꧀꧉
꧒꧐꧉ ꦠꦸꦩꦸꦭꦶꦩꦁꦏꦠ꧀ꦩꦸꦭꦶꦃꦩꦫꦁꦧꦥꦏ꧀ꦤꦺ꧈ꦧꦉꦁꦩꦶꦱꦶꦃꦲꦢꦺꦴꦃꦧꦥꦏ꧀ꦤꦺꦮꦼꦂꦫꦸꦃꦩꦫꦁꦲꦤ꧀ꦤꦏ꧀ꦏꦺꦲꦶꦏꦸ꧈ꦱꦂꦠꦫꦸꦤ꧀ꦠꦸꦃꦲꦶꦁꦏꦮꦼꦭꦱ꧀ꦱꦤ꧀ꦤꦺ꧈ꦧꦚ꧀ꦗꦸꦂꦲꦩ꧀ꦭꦪꦺꦴꦤ꧀ꦤꦶꦩꦫꦁꦲꦤ꧀ꦤꦏ꧀ꦏꦺꦲꦔꦿꦁꦏꦸꦭ꧀ꦒꦸꦭꦸꦤ꧀ꦤꦺꦱꦂꦮꦶꦢꦺꦤ꧀ꦤꦩ꧀ꦧꦸꦁꦔꦶ꧉
꧒꧑꧉ ꦩꦺꦴꦁꦏꦲꦤ꧀ꦤꦏ꧀ꦏꦺꦲꦸꦩꦠꦸꦂꦩꦫꦁꦧꦥꦏ꧀ꦤꦺ꧈ ꦣꦸꦃꦫꦩ꧈ꦏꦸꦭꦱꦩ꧀ꦥꦸꦤ꧀ꦲꦔ꧀ꦭꦩ꧀ꦥꦃꦲꦶꦢꦺꦴꦱꦣꦠꦼꦁꦯ꧀ꦮꦂꦭꦲꦸꦠꦮꦶꦣꦸꦩꦠꦼꦁꦱꦩ꧀ꦥꦺꦪꦤ꧀꧈ꦏꦸꦭꦧꦺꦴꦠꦼꦤ꧀ꦥꦤ꧀ꦠꦼꦱ꧀ꦪꦺꦤ꧀ꦏꦮꦼꦱ꧀ꦠꦤ꧀ꦤꦤꦥꦸꦠꦿꦱꦩ꧀ꦥꦺꦪꦤ꧀ꦩꦭꦶꦃ꧉
꧒꧒꧉ ꦩꦺꦴꦁꦏꦧꦥꦏ꧀ꦤꦺꦲꦔꦸꦕꦥ꧀ꦩꦫꦁꦧꦠꦸꦂꦫꦺ꧈ꦥꦔꦁꦒꦺꦴꦏꦁꦧꦼꦕꦶꦏ꧀ꦧꦼꦕꦶꦏ꧀ꦥꦣꦒꦮꦤ꧀ꦤꦼꦤ꧀ꦩꦫꦺꦤ꧀ꦤꦺ꧈ꦱꦂꦠꦲꦁꦒꦺꦴꦏ꧀ꦏꦼꦤ꧀ꦤ꧈ꦠꦸꦮꦶꦤ꧀ꦢꦫꦶꦗꦶꦤ꧀ꦤꦺꦥꦱꦁꦔꦤꦲꦭꦶꦪꦭꦶ꧈ꦲꦥꦩꦤ꧀ꦤꦺꦃꦲꦁꦒꦺꦴꦤ꧀ꦤꦤꦠꦫꦸꦩ꧀ꦥꦃꦲꦶꦁꦱꦶꦏꦶꦭ꧀ꦭꦺ꧉
꧒꧓꧉ ꦲꦥꦢꦺꦤ꧀ꦤꦺꦥꦼꦣꦺꦠ꧀ꦏꦁꦊꦩꦸꦒꦮꦤ꧀ꦤꦼꦤ꧀ꦩꦫꦺꦤ꧀ꦤꦺꦱꦩ꧀ꦧꦼꦭꦺꦃꦲꦼꦤ꧀꧈ꦱꦂꦠꦲꦩꦩꦔꦤ꧀ꦥꦣꦲꦧꦸꦔꦃꦧꦸꦔꦃ꧉
꧒꧔꧉ ꦱꦧꦧ꧀ꦲꦤ꧀ꦤꦏ꧀ꦏꦸꦲꦶꦏꦶꦮꦸꦱ꧀ꦩꦠꦶ꧈ꦲꦸꦫꦶꦥ꧀ꦩꦤ꧀ꦤꦺꦃ꧈ꦲꦸꦠꦮꦮꦸꦱ꧀ꦲꦶꦭꦁꦏꦠꦼꦩꦸꦩꦤ꧀ꦤꦺꦃ꧈ꦧꦚ꧀ꦗꦸꦂꦥꦣꦲꦮꦶꦠ꧀ꦧꦸꦔꦃꦧꦸꦔꦃ꧉
꧒꧕꧉ ꦢꦺꦤ꧀ꦤꦺꦲꦤ꧀ꦤꦏ꧀ꦏꦺꦏꦁꦠꦸꦮꦥꦶꦤꦸꦗꦸꦲꦤꦲꦶꦁꦱꦮꦃ꧈ꦩꦺꦴꦁꦏꦧꦉꦁꦩꦸꦭꦶꦃꦮꦸꦱ꧀ꦕꦼꦣꦏ꧀ꦭꦤ꧀ꦲꦺꦴꦩꦃꦲꦺ꧈ꦲꦔꦿꦸꦔꦸꦲꦸꦤ꧀ꦤꦶꦤ꧀ꦤꦶꦁꦒꦩꦼꦭ꧀ꦭꦤ꧀ꦭꦤ꧀ꦱꦶꦟ꧀ꦝꦺꦤ꧀ꦤꦶꦁꦠꦭꦺꦣꦺꦏ꧀꧉
꧒꧖꧉ ꦧꦚ꧀ꦗꦸꦂꦲꦔꦸꦤ꧀ꦢꦁꦱꦮꦶꦗꦶꦧꦺꦴꦕꦃꦠꦶꦤ꧀ꦤꦏꦺꦴꦤ꧀ꦤꦤ꧀꧈ꦲꦶꦏꦸꦲꦤꦱꦧꦧ꧀ꦲꦥ꧉
꧒꧗꧉ ꦮꦁꦱꦸꦭ꧀ꦭꦤ꧀ꦤꦺꦧꦺꦴꦕꦃꦩꦲꦸ꧈ꦥꦸꦤ꧀ꦤꦶꦏꦫꦪꦶꦱꦩ꧀ꦥꦺꦪꦤ꧀ꦝꦠꦼꦁ꧈ꦩꦶꦭꦫꦩꦗꦼꦁꦔꦤ꧀ꦢꦶꦏꦢꦶꦏꦏ꧀ꦲ ꦏꦼꦤ꧀ꦩꦿꦒꦢ꧀ꦥꦼꦣꦺꦠ꧀ꦲꦶꦁꦏꦁꦊꦩ꧈ꦱꦧꦧ꧀ꦱꦩ꧀ꦥꦸꦤ꧀ꦏꦥꦁꦒꦶꦃꦮꦶꦭꦸꦗꦼꦁ꧉
꧒꧘꧉ ꦢꦺꦤ꧀ꦤꦺꦲꦤ꧀ꦤ [ 193 ]ꦏ꧀ꦏꦺꦏꦁꦠꦸꦮꦩꦲꦸꦤꦼꦥ꧀ꦱꦸ꧈ꦱꦂꦠꦭꦸꦩꦸꦃꦪꦺꦤ꧀ꦭꦸꦩꦼꦧꦸꦮ꧈ꦲꦮꦼꦏꦱ꧀ꦱꦤ꧀ꦧꦥꦏ꧀ꦤꦺꦩꦼꦠꦸ꧈ꦲꦤ꧀ꦤꦏ꧀ꦏꦺꦏꦁꦠꦸꦮꦲꦶꦁꦔꦗꦏ꧀ꦭꦸꦩꦼꦧꦸ꧉
꧒꧙꧉ ꦤꦔꦶꦁꦲꦤ꧀ꦤꦏ꧀ꦏꦲꦩꦁꦱꦸꦭ꧀ꦭꦶꦲꦠꦸꦂꦩꦫꦁꦧꦥꦏ꧀ꦤꦺ꧈ꦭꦃꦒꦺꦤ꧀ꦏꦸꦭꦔꦧ꧀ꦢꦶꦣꦸꦩꦠꦼꦁꦱꦩ꧀ꦥꦺꦪꦤ꧀ꦱꦩ꧀ꦥꦸꦤ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦠꦲꦸꦤ꧀꧈ꦱꦂꦠꦏꦸꦭꦧꦺꦴꦠꦼꦤ꧀ꦤꦠꦺꦲꦔꦼꦭꦶꦂꦫꦏꦼꦤ꧀ꦲꦶꦁꦱꦥꦏꦺꦤ꧀ꦱꦩ꧀ꦥꦺꦪꦤ꧀ꦱꦥꦶꦟ꧀ꦝꦃꦥꦶ ꦟ꧀ꦝꦃꦲ꧈ ꦩꦺꦴꦁꦏꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦧꦺꦴꦠꦼꦤ꧀ꦥꦶꦱꦤ꧀ꦥꦶꦱꦤ꧀ꦪꦺꦤ꧀ꦲꦩꦫꦶꦁꦔꦤꦕꦼꦩ꧀ꦥꦺꦣꦸꦩꦠꦼꦁꦏꦸꦭ꧈ꦱꦸꦥꦢꦺꦴꦱ꧀ꦏꦢꦩꦼꦭ꧀ꦭꦧꦶꦔꦃꦧꦶꦔꦃꦏꦭꦶꦪꦤ꧀ꦥꦿꦱꦺꦴꦧꦠ꧀ꦠꦤ꧀ꦏꦸꦭ꧉
꧓꧐꧉ ꦢꦺꦤ꧀ꦤꦺꦱꦉꦁꦥꦸꦠꦿꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦣꦠꦼꦁ꧈ꦲꦶꦁꦏꦁꦲꦩ꧀ꦧꦼꦧꦸꦕꦭ꧀ꦭꦶꦏꦒꦸꦁꦔꦤ꧀ꦱꦩ꧀ꦥꦺꦪꦤ꧀꧈ꦏꦢꦩꦼꦭ꧀ ꦔ꧀ꦭꦺꦴꦤ꧀ꦛꦺ꧈ꦱꦩ꧀ꦥꦺꦪꦤ꧀ꦥꦿꦒꦠ꧀ꦠꦏꦼꦤ꧀ꦥꦼꦣꦺꦠ꧀ꦲꦶꦁꦏꦁꦊꦩ꧉
꧓꧑꧉ ꦧꦥꦏ꧀ꦤꦺꦲꦩꦁꦱꦸꦭ꧀ꦭꦶ꧈ꦲꦺꦃꦲꦤ꧀ꦤꦏ꧀ꦏꦸ꧈ꦏꦺꦴꦮꦺꦠꦤ꧀ꦱꦃꦲꦤꦲꦶꦁꦔꦏꦸ꧈ ꦱꦂꦠꦱꦢꦸꦮꦺꦏ꧀ꦢꦸꦮꦺꦏ꧀ꦏꦸꦏꦧꦺꦃ꧈ꦲꦶꦪꦏꦺꦴꦮꦺꦏꦁꦲꦢꦸꦮꦺ꧉
꧓꧒꧉ꦥꦠꦸꦠ꧀ꦲꦏꦸꦥꦣꦲꦧꦸꦔꦃꦧꦸꦔꦃꦲꦭꦤ꧀ꦲꦱꦸꦏꦉꦤ꧀ꦤꦲ꧈ꦱꦧꦧ꧀ꦲꦝꦶꦩꦸꦲꦶꦏꦸꦮꦸꦱ꧀ꦩꦠꦶꦲꦸꦫꦶꦥ꧀ꦩꦤ꧀ꦤꦺꦃ꧈ꦭꦤ꧀ꦮꦸꦱ꧀ꦲꦶꦭꦁꦏꦠꦼꦩꦸꦩꦤ꧀ꦤꦺꦃ꧉ ꧉

---

꧋ꦧꦧ꧀ꦏꦥꦶꦁꦤꦼꦩ꧀ꦧꦼꦭꦱ꧀꧉

꧑꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀ꦠꦺ꧈ꦲꦤꦱꦮꦶꦗꦶꦲꦸꦮꦺꦴꦁꦱꦸꦒꦶꦃꦲꦢꦸꦮꦺꦗꦸꦫꦸꦒꦼꦣꦺꦴꦁ꧈ꦏꦁꦠꦶꦤ꧀ꦤꦼꦂꦏꦲꦔꦮꦸꦠ꧀ꦠꦮꦸꦠ꧀ꦏꦒꦸꦁꦔꦤ꧀ꦤꦺꦧꦼꦤ꧀ꦢꦫꦤ꧀ꦤꦺ꧉
꧒꧉ ꦱꦮꦸꦱ꧀ꦱꦺꦏꦠꦶꦩ꧀ꦧꦭ꧀ꦭꦤ꧀ꦢꦶꦥꦔꦤ꧀ꦢꦶꦏꦤ꧀ꦤꦶꦩꦫꦁꦧꦼꦤ꧀ꦢꦫꦤ꧀ꦤꦺ꧈ꦏꦥꦿꦶꦪꦺꦥꦔꦿꦸꦔꦸꦏꦸꦩꦫꦁꦲꦶꦁꦔꦠꦱ꧀ꦱꦺꦏꦺꦴꦮꦺ꧈ꦏꦺꦴꦮꦺꦲꦔꦠꦸꦂꦉꦤ꧀ꦤꦲꦶꦁꦥꦶꦠꦸꦁꦔꦤ꧀ꦤꦺꦫꦉꦏ꧀ꦱꦤ꧀ꦤꦩꦸ꧈ꦱꦧꦧ꧀ꦏꦺꦴꦮꦺꦲꦶꦏꦸꦲꦺꦴꦫꦧꦶꦱꦢꦢꦶꦗꦸꦫꦸꦒꦼꦣꦺꦴꦁꦩꦤ꧀ꦤꦺꦃ꧉
꧓꧉ ꦩꦺꦴꦁꦏꦗꦸꦫꦸꦒꦼꦣꦺꦴꦁꦩꦲꦸꦲꦔꦸꦕꦥ꧀ꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺ꧈ꦲꦥꦏꦁꦧꦏꦭ꧀ꦠꦏ꧀ꦒꦮꦺ꧈ꦱꦧꦧ꧀ꦏꦭꦸꦁꦒꦸꦃꦲꦤ꧀ꦤꦏꦸꦧꦏꦭ꧀ꦥꦶꦤꦸꦭꦸꦁꦲꦶꦁꦧꦼꦤ꧀ꦢꦫꦏꦸ꧈ꦲꦏꦸꦲꦺꦴꦫꦏꦼꦭꦂꦥꦒꦮꦺꦪꦤ꧀ꦩꦕꦸꦭ꧀꧈ꦲꦸꦠꦮꦥꦥꦫꦶꦩꦤ꧀ꦲꦏꦸꦲꦶꦱꦶꦤ꧀꧉
꧔꧉ ꦲꦏꦸꦮꦼꦂꦫꦸꦃꦲꦥꦏꦁꦧꦏꦭ꧀ꦠꦏ꧀ꦒꦮꦺ꧈ꦤꦭꦶꦏꦲꦏꦸꦥꦶꦤ꧀ꦤꦺꦴꦕꦺꦴꦠ꧀ꦲꦶꦁꦏꦭꦸꦁꦒꦸꦃꦲꦤ꧀ꦤꦏꦸ꧈​ꦩꦸꦒꦲꦏꦸꦏꦠꦩ꧀ꦥꦤ꧀ꦤꦤꦲꦶꦁꦔꦸꦮꦺꦴꦁꦲꦤꦲꦶꦁꦔꦺꦴꦩꦃꦲꦺ꧉
꧕꧉ ꦠꦸꦩꦸꦭꦶꦲꦔꦸꦤ꧀ꦢꦁꦔꦶꦩꦫꦁꦏꦁꦥꦣꦲꦸꦠꦁꦲꦶꦁꦧꦼꦤ꧀ꦢꦫꦤ꧀ꦤꦺꦣꦺꦮꦺꦣꦺꦮꦺ꧈ꦏꦁꦠꦼꦏꦣꦶꦔꦶꦤ꧀ꦠꦶꦤ꧀ꦤꦏꦺꦴꦤ꧀ꦤꦤ꧀꧈ꦲꦸꦠꦁꦩꦸꦥꦶꦫꦩꦫꦁꦧꦼꦤ꧀ꦢꦫꦏꦸ꧉
꧖꧉ ꦮꦁꦱꦸꦭ꧀ꦭꦤ꧀ꦤꦺꦮꦂꦤꦶꦭꦶꦱꦃꦱꦠꦸꦱ꧀ꦗꦼꦩ꧀​ꦧ꧀ꦭꦺꦴꦏ꧀꧈ꦥꦔꦸꦕꦥ꧀ꦥꦺꦗꦸꦫꦸꦒꦼꦣꦺꦴꦁ꧈ꦭꦪꦁꦩꦸꦗꦸꦥꦸꦠ꧀ꦠꦼꦤ꧀꧈ꦏꦺꦴꦮꦺꦠꦸꦩꦸꦭꦶꦤꦸꦭꦶꦱ꧀ꦱ꧈ꦪꦺꦤ꧀ꦩꦸꦁꦱꦺꦏꦼꦠ꧀ꦗꦼꦩ꧀​ꦧ꧀ꦭꦺꦴꦏ꧀꧉
꧗꧉ ꦠꦸꦩꦸꦭꦶꦲꦤ꧀ꦤꦏꦺꦴꦤ꧀ꦤꦶꦩꦫꦁꦮꦺꦴꦁꦭꦶꦪꦤ꧀ꦤꦺ꧈ꦲꦸꦠꦁꦩꦸꦥꦶꦫ꧈ꦮꦁꦱꦸꦭ꧀ꦭꦤ꧀ꦤꦺ꧈ꦮꦂꦤꦶꦒꦤ꧀ꦢꦸꦩ꧀ꦱꦠꦸꦱ꧀ꦝꦕꦶꦤ꧀꧈ꦥꦔꦸꦕꦥ꧀ꦥꦺꦗꦸꦫꦸꦒꦼꦣꦺꦴꦁ꧈ꦭꦪꦁꦩꦸꦗꦸꦥꦸꦠ꧀ꦠꦼꦤ꧀꧈ꦧꦚ꧀ꦗꦸꦂꦠꦸꦭꦶꦱ꧀ꦱꦼꦤ꧀ꦮꦺꦴꦭꦸꦁ [ 194 ]ꦥꦸꦭꦸꦃꦣꦕꦶꦤ꧀꧉
꧘꧉ ꦩꦺꦴꦁꦏꦧꦼꦤ꧀ꦢꦫꦤ꧀ꦤꦺꦩꦲꦸꦲꦔꦊꦩ꧀ꦩꦫꦁꦗꦸꦫꦸꦒꦼꦣꦺꦴꦁꦏꦁꦲꦺꦴꦫꦠꦼꦩꦼꦤ꧀ꦤꦶꦏꦸ꧈ꦱꦧꦧ꧀ꦧꦶꦱꦲꦒꦮꦺꦲꦏꦭ꧀꧈ꦲꦮꦶꦠ꧀ꦢꦺꦤ꧀ꦤꦺꦲꦤ꧀ꦤꦏ꧀ꦏꦶꦁꦢꦸꦤ꧀ꦚꦲꦶꦏꦶꦣꦣꦱꦂꦫꦺꦲꦏꦭ꧀ꦭꦺꦲꦔ꧀ꦭꦸꦮꦶꦃꦲꦶꦩꦫꦁꦲꦤ꧀ꦤꦏ꧀ꦏꦶꦁꦥꦣꦁ꧉
꧙꧉ ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦏꦺꦴꦮꦺꦥꦣꦲꦩꦿꦱꦺꦴꦧꦠ꧀ꦠꦗꦭꦂꦫꦤ꧀ꦤꦺꦲꦶꦁꦏꦢꦸꦤ꧀ꦚꦤ꧀꧈ꦏꦁꦲꦺꦴꦮꦃꦒꦶꦁ ꦱꦶꦂ꧈ꦱꦸꦥꦪꦲꦺꦴꦭꦺꦃꦩꦸꦤꦶꦁꦒꦭ꧀ꦢꦸꦤ꧀ꦚꦥꦣꦏꦠꦩ꧀ꦥꦤ꧀ꦤꦤꦲꦤꦲꦶꦁꦠꦫꦸꦧ꧀ꦭꦁꦒꦼꦁ꧉
꧑꧐꧉ ꦮꦺꦴꦁꦏꦁꦠꦼꦩꦼꦤ꧀ꦧꦫꦁꦱꦛꦶꦛꦶꦏ꧀꧈ꦲꦶꦏꦸꦲꦶꦪꦠꦼꦩꦼꦤ꧀ꦲꦶꦁꦧꦫꦁꦔꦏꦺꦃ꧈ꦢꦺꦤ꧀ꦤꦺꦮꦺꦴꦁꦏꦁꦲꦺꦴꦫꦠꦼꦩꦼꦤ꧀ꦧꦫꦁꦱꦛꦶꦛꦶꦏ꧀꧈ꦲꦶꦏꦸꦲꦶꦪꦲꦺꦴꦫꦠꦼꦩꦼꦤ꧀ꦲꦶꦁꦧꦫꦁꦔꦏꦺꦃ꧉
꧑꧑꧉ ꦩꦸꦭꦤ꧀ꦤꦺꦪꦺꦤ꧀ꦏꦺꦴꦮꦺꦲꦺꦴꦫꦠꦼꦩꦼꦤ꧀ꦩꦫꦁꦏꦢꦸꦤ꧀ꦚꦤ꧀ꦏꦁꦲꦺꦴꦮꦃꦒꦶꦁꦱꦶꦂ꧈ꦏꦥꦿꦶꦪꦺꦏꦺꦴꦮꦺꦏꦼꦤ꧀ꦤꦲꦢꦶꦥꦶꦠꦪꦤ꧀ꦤꦶꦏꦁꦠꦼꦩꦼꦤ꧀ꦤꦤ꧀꧉
꧑꧒꧉ ꦢꦺꦤ꧀ꦤꦺꦏꦺꦴꦮꦺꦪꦺꦤ꧀ꦤꦺꦴꦫꦠꦼꦩꦼꦤ꧀ꦧꦫꦁꦁꦢꦸꦮꦺꦏ꧀ꦏꦺꦮꦺꦴꦁꦭꦶꦪꦤ꧀꧈ꦱꦥꦏꦁꦥꦶꦠꦪꦩꦫꦁꦏꦺꦴꦮꦺꦢꦸꦮꦺꦏ꧀ꦩꦸꦣꦺꦮꦺ꧉
꧑꧓꧉ ꦲꦺꦴꦫꦤ꧀ꦤꦤꦧꦠꦸꦂꦱꦶꦗꦶꦧꦶꦱꦔꦮꦸꦭꦧꦼꦤ꧀ꦢꦫꦭꦺꦴꦫꦺꦴ꧈ꦱꦧꦧ꧀ꦲꦺꦴꦫꦮꦸꦫꦸꦁꦱꦭꦃꦱꦮꦶꦗꦶꦤ꧀ꦤꦺꦢꦶꦱꦼꦔꦶꦠ꧀ꦠꦶ꧈ꦱꦂꦠꦱꦭꦃꦱꦮꦶꦗꦶꦢꦶꦠꦽꦰ꧀ꦤꦤ꧀ꦤꦶ꧈ꦲꦸꦠꦮꦱꦭꦃꦱꦮꦶꦗꦶꦢꦶꦫꦏꦼꦠ꧀ꦠꦶ꧈ꦭꦤ꧀ꦏꦁꦱꦮꦶꦗꦶꦤ꧀ꦤꦺꦢꦶꦧꦲꦺꦏ꧀ꦲꦏꦺ꧈ꦏꦺꦴꦮꦺꦲꦺꦴꦫꦧꦶꦱꦔ ꦮꦸꦭꦩꦫꦶꦁꦄꦭ꧀ꦭꦃꦭꦤ꧀ꦩꦫꦁꦏꦢꦸꦤ꧀ꦚꦤ꧀꧉
꧑꧔꧉ ꦲꦤꦢꦺꦤ꧀ꦤꦺꦮꦺꦴꦁꦥꦫꦶꦱꦶꦏꦁꦥꦣꦏꦉꦩ꧀ꦝꦸꦮꦶꦠ꧀꧈ꦧꦉꦁꦥꦣꦔꦿꦸꦔꦸꦥꦔꦤ꧀ꦢꦶꦏꦲꦶꦏꦸꦩꦲꦸꦏꦧꦺꦃ꧈ꦥꦣꦩꦺꦚ꧀ꦕꦼꦥ꧀ꦲꦁꦒꦸꦒꦸꦪꦸꦩꦫꦁꦪꦺꦯꦸꦱ꧀꧉
꧑꧕꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦔ꧀ꦮꦺꦴꦁꦩꦲꦸ꧈ꦏꦺꦴꦮꦺꦲꦶꦏꦸꦥꦣꦲꦩ꧀ꦧꦼꦕꦶꦏ꧀ꦲꦏꦺꦲꦮꦏ꧀ꦩꦸꦣꦺꦮꦺꦲꦤꦔꦉꦥ꧀ꦥꦤ꧀ꦤꦶꦁꦔꦸꦮꦺꦴꦁ꧈ꦢꦺꦤ꧀ꦤꦺꦄꦭ꧀ꦭꦃ ꦏꦁꦲꦔꦸꦤ꧀ꦤꦶꦔꦤ꧀ꦤꦶꦩꦫꦁꦲꦠꦶꦩꦸ꧈ꦢꦺꦤ꧀ꦤꦺꦏꦁꦭꦸꦲꦸꦂꦲꦤꦔꦉꦥ꧀ꦥꦤ꧀ꦤꦶꦁꦔꦸꦮꦺꦴꦁ꧈ꦲꦶꦏꦸꦤꦶꦰ꧀ꦛꦶꦲꦤꦔꦂꦰꦤ꧀ꦤꦶꦁꦄꦭ꧀ꦭꦃ꧉
꧑꧖꧉ ꦏꦶꦠꦧ꧀ꦠꦺꦴꦫꦺꦠ꧀ꦭꦤ꧀ꦥꦫꦟꦨꦶꦏꦺꦴꦁꦱꦶꦠꦸꦩꦼꦏꦤ꧀ꦤꦺꦪꦺꦴꦏ꦳ꦤ꧀ꦤꦤ꧀꧈ꦲꦮꦶꦠ꧀ꦗꦩꦤ꧀ꦤꦺꦪꦺꦴꦏ꦳ꦤ꧀ꦤꦤ꧀ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦮꦶꦤ꧀ꦤꦼꦂꦠꦏ꧀ꦲꦏꦺ꧈ꦱꦂꦠꦱꦏꦺꦃꦲꦶꦁꦔꦸꦮꦺꦴꦁꦥꦣꦲꦔꦽꦧꦸꦠ꧀ꦩꦫꦁꦏꦫꦠꦺꦴꦤ꧀ꦩꦲꦸ꧉
꧑꧗꧉ ꦒꦩ꧀ꦥꦁꦱꦶꦂꦤꦤ꧀ꦤꦶꦁꦭꦔꦶꦠ꧀ꦭꦤ꧀ꦧꦸꦩꦶ꧈ꦏꦫꦺꦴꦫꦸꦤ꧀ꦠꦸꦃꦲꦺꦱꦕꦺꦴꦫꦺꦏ꧀ꦏꦤ꧀ꦤꦶꦁꦠꦺꦴꦫꦺꦠ꧀꧉
꧑꧘꧉ ꦱꦏꦺꦃꦲꦶꦁꦮꦺꦴꦁꦏꦁꦲꦩꦼꦒꦠ꧀ꦧꦺꦴꦗꦺꦴꦤ꧀ꦤꦺ꧈ꦱꦂꦠꦲꦫꦧꦶꦩꦫꦁꦭꦶꦪꦤ꧀ꦤꦺ꧈ꦲꦶꦏꦸꦲꦭꦏꦸꦧꦤ꧀ꦢꦿꦺꦏ꧀꧈ꦭꦤ꧀ꦱꦏꦺꦃꦲꦶꦁꦮꦺꦴꦁꦏꦁꦲꦔꦿꦧꦺꦤ꧀ꦤꦶꦩꦫꦁꦏꦁꦮꦸꦱ꧀ꦥꦶꦤ꧀ꦤꦼꦒꦠ꧀ꦲꦶꦁꦭꦏꦶꦤ꧀ꦤꦺꦩꦲꦸ꧈ꦲꦶꦏꦸꦲꦶꦪꦲꦭꦏꦸꦧꦤ꧀ꦢꦿꦺꦏ꧀꧉
꧑꧙꧉ ꦩꦺꦴꦁꦏꦲꦤꦱꦮꦶꦗꦶꦮꦺꦴꦁꦱꦸꦒꦶꦃ꧈ꦏꦁꦲꦔꦁꦒꦺꦴꦲꦁꦒꦺꦴꦗꦫꦶꦠ꧀ꦗꦶꦁꦒꦭꦤ꧀ꦩꦺꦴꦫꦶꦲꦭꦸꦱ꧀꧈ꦱꦂꦠꦲꦶꦁꦱꦢꦶꦤ꧀ꦤꦢꦶꦤ꧀ꦤꦲꦱꦸꦏ ꦤ꧀ꦱꦸꦏꦤ꧀ꦥꦠꦶꦁꦥꦚ꧀ꦕꦺꦴꦫꦺꦴꦁ꧉
꧒꧐꧉ ꦭꦤ꧀ꦲꦤꦱꦮꦶꦗꦶꦮꦺꦴꦁꦩꦶꦱ꧀ꦏꦶꦤ꧀꧈ꦗꦼꦤ꧀ꦤꦼꦁꦔꦺꦭꦱꦫꦸꦱ꧀꧈ꦲꦮꦏ꧀ꦏꦺꦱꦏꦺꦴꦗꦸꦂꦥꦣꦧꦼꦣꦶꦭ꧀ꦭꦼꦤ꧀꧈ꦲꦱꦺꦟ꧀ꦝꦺꦤ꧀ꦩꦫꦁꦭꦮꦁꦔꦺꦮꦺꦴꦁꦱꦸꦒꦶꦃꦩꦲꦸ꧉
꧒꧑꧉ ꦭꦤ꧀ꦲꦔꦉꦥ꧀ꦥꦉꦥ꧀ꦮꦉꦒ꧀ꦒꦠꦸꦠꦸꦫꦃꦲꦤ꧀꧈ꦏꦁꦠꦸꦩꦶꦧꦱꦏꦩꦺꦗꦤ꧀ꦤꦺ [ 195 ]ꦮꦺꦴꦁꦱꦸꦒꦶꦃꦲꦶꦏꦸ꧈ꦩꦭꦃꦲꦤꦲꦱꦸꦠꦼꦏꦲꦤ꧀ꦢꦶꦭꦠ꧀ꦠꦶꦩꦫꦁꦊꦭꦫꦤ꧀ꦤꦺꦧꦼꦣꦶꦭ꧀꧉
꧒꧒꧉ ꦩꦺꦴꦁꦏꦮꦺꦴꦁꦩꦶꦱ꧀ꦏꦶꦤ꧀ꦩꦲꦸꦏꦭꦏꦺꦴꦤ꧀ꦔꦗꦭ꧀꧈ꦱꦂꦠꦒꦶꦤ꧀ꦤꦮꦢꦺꦤ꧀ꦤꦶꦁꦥꦫꦩꦭꦲꦺꦏꦠ꧀ꦩꦫꦁꦥꦁꦏꦺꦴꦤ꧀ꦤꦺꦆꦧꦿꦲꦶꦩ꧀꧈ꦢꦺꦤ꧀ꦤꦺꦮꦺꦴꦁꦱꦸꦒꦶꦃꦩꦲꦸꦲꦶꦪꦩꦠꦶ꧈ꦧꦚ꧀ꦗꦸꦂꦥꦶꦤ꧀ꦤꦼꦟ꧀ꦝꦼꦩ꧀꧉
꧒꧓꧉ ꦢꦺꦤ꧀ꦤꦺꦤꦭꦶꦏꦲꦤꦲꦶꦁꦤꦼꦫꦏꦥꦁꦒꦺꦴꦤ꧀ꦤꦤ꧀ꦥꦩꦼꦱꦶꦪꦱꦠ꧀꧈ꦮꦺꦴꦁꦱꦸꦒꦶꦃꦠꦸꦩꦼꦔꦲꦤ꧀ꦢꦼꦊꦁꦩꦫꦁꦆꦧꦿꦲꦶꦩ꧀ꦱꦏꦏꦢꦺꦴꦃꦲꦤ꧀꧈ꦲꦸꦠꦮꦭꦱꦫꦸꦱ꧀ꦲꦤꦲꦶꦁꦥꦁꦏꦺꦴꦤ꧀ꦤꦺꦆꦧꦿꦲꦶꦩ꧀꧉
꧒꧔꧉ ꦮꦺꦴꦁꦱꦸꦒꦶꦃꦩꦲꦸꦠꦸꦩꦸꦭꦶꦲꦔꦸꦮꦸꦃꦲꦸꦮꦸꦃ꧈ꦲꦠꦸꦂꦫꦺ꧈ꦣꦸꦃꦫꦩꦆꦧꦿꦲꦶꦩ꧀꧈ꦏꦮꦸꦭꦩꦸꦒꦶꦱꦩ꧀ꦥꦺꦪꦤ꧀ꦮꦼꦭꦱ꧀ꦱꦶ꧈ꦱꦩ꧀ꦥꦺꦪꦤ꧀ꦲꦔꦸꦠꦸꦱ꧀ꦱꦣꦠꦼꦁꦭꦱꦫꦸꦱ꧀꧈ꦱꦸꦥꦢꦺꦴꦱ꧀ꦥꦸꦕꦸꦏ꧀ꦏꦶꦁꦢꦫꦶꦗꦶꦤ꧀ꦤꦶꦥꦸꦤ꧀ꦏꦕꦼꦭꦸꦧ꧀ꦧꦼꦤ꧀ꦤꦲꦶꦁꦠꦺꦴꦪ꧈ꦱꦂꦠꦲꦔꦱꦽꦥ꧀ꦥꦤꦣꦠꦼꦁꦲꦶꦭꦠ꧀ꦏꦮꦸꦭ꧈ꦲꦮꦶꦠ꧀ꦢꦺꦤ꧀ꦤꦶꦁꦏꦮꦸꦭꦱꦔꦼꦠ꧀ꦏꦱꦏꦶꦠ꧀ꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦸꦫꦸꦧ꧀ꦧꦶꦁꦭꦠꦸꦥꦸꦤ꧀ꦤꦶꦏ꧉
꧒꧕꧉ ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦺꦆꦧꦿꦲꦶꦩ꧀꧈ꦲꦺꦃꦲꦤ꧀ꦤꦏ꧀꧈ꦏꦺꦴꦮꦺꦏꦲꦺꦭꦶꦁꦔꦤ꧈ꦒꦺꦴꦤ꧀ꦩꦸꦲꦤ꧀ꦤꦩ꧀ꦥꦤ꧀ꦤꦶꦏꦧꦼꦒ꧀ꦗꦤ꧀ꦤꦩꦸ꧈ꦢꦸꦏ꧀ꦩꦶꦱꦶꦃꦲꦸꦫꦶꦥ꧀꧈ꦢꦺꦤ꧀ꦤꦺꦭꦱꦫꦸꦱ꧀ꦮꦸꦱ꧀ꦲꦤ꧀ꦤꦩ꧀ꦥꦤ꧀ꦤꦶꦕꦶꦭꦏ꧈ꦩꦸꦭꦤ꧀ꦤꦺꦱꦲꦶꦏꦶꦭꦶꦤ꧀ꦤꦶꦥꦸꦂ꧈ꦱꦂꦠꦏꦺꦴꦮꦺꦱꦶꦤ꧀ꦤꦶꦏ꧀ꦱ꧉
꧒꧖꧉ ꦩꦭꦃꦲꦤꦱꦼꦭꦗꦼꦩ꧀ꦧꦂꦲꦤ꧀ꦠꦫꦏꦸꦭꦤ꧀ꦲꦶꦁꦔꦤ꧀ꦠꦫꦩꦸ꧈ꦱꦼꦤ꧀ꦤꦢꦾꦤ꧀ꦒꦼꦊꦩ꧀ꦩꦮꦺꦴꦁꦲꦺꦴꦫꦧꦶꦱꦭꦶꦮꦠ꧀ꦱꦏꦲꦶꦁꦏꦺꦤ꧀ꦤꦺꦩꦫꦺꦴꦤ꧀ꦤꦺꦴ꧈ꦲꦸꦠꦮꦱꦏꦲꦶꦁꦏꦺꦴꦤ꧀ꦤꦺꦴꦲꦶꦪꦲꦺꦴꦫꦧꦶꦱꦭꦶꦮꦠ꧀ꦩꦫꦺꦤ꧀ꦤꦺ꧉
꧒꧗꧉ ꦮꦺꦴꦁꦱꦸꦒꦶꦃꦩꦲꦸꦲꦸꦩꦠꦸꦂ꧈ꦣꦸꦃꦫꦩ꧈ꦏꦮꦸꦭꦚꦸꦚꦸꦮꦸꦤ꧀ꦝꦸꦩꦠꦼꦁꦱꦩ꧀ꦥꦺꦪꦤ꧀꧈ꦭꦱꦫꦸꦱ꧀ꦥꦸꦤ꧀ꦤꦶꦏꦱꦩ꧀ꦥꦺꦪꦤ꧀ꦲꦸꦠꦸꦱ꧀ꦝꦠꦼꦁꦒꦿꦶꦪꦤ꧀ꦤꦶꦥꦸꦤ꧀ꦧꦥꦏꦮꦸꦭ꧉
꧒꧘꧉ ꦩꦶꦭꦩꦏꦠꦼꦤ꧀ꦏꦮꦸꦭꦒꦣꦃꦱꦣꦺꦫꦺꦏ꧀ꦒꦁꦱꦭ꧀꧈ꦩꦸꦒꦶꦱꦩꦶꦏꦲꦺꦔꦼꦠ꧀ꦠꦼꦤ꧀ꦤ꧈ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦝꦸꦩꦠꦼꦁꦥꦁꦒꦺꦤ꧀ꦤꦤ꧀ꦤꦶꦁꦥꦩꦼꦱꦶꦪꦱ ꦠ꧀ꦥꦸꦤ꧀ꦤꦶꦏ꧉
꧒꧙꧉ ꦥꦔꦤ꧀ꦢꦶꦏꦤ꧀ꦤꦺꦆꦧꦿꦲꦶꦩ꧀꧈ꦲꦶꦏꦸꦮꦸꦱ꧀ꦥꦣꦢꦸꦮꦺꦏꦶꦠꦧ꧀ꦩꦸꦯꦭꦤ꧀ꦥꦫꦟꦨꦶ꧈ꦲꦶꦏꦸꦏꦁꦥꦣꦫꦶꦤꦸꦔꦺꦴꦏ꧀ꦲꦏꦺ꧉
꧓꧐꧉ ꦢꦺꦤ꧀ꦤꦺꦲꦠꦸꦂꦫꦺꦮꦺꦴꦁꦱꦸꦒꦶꦃꦩꦲꦸ꧈ꦣꦸꦃꦫꦩꦆꦧꦿꦲꦶꦩ꧀꧈ꦥꦸꦤ꧀ꦤꦶꦏꦱꦩ꧀ꦥꦸꦤ꧀꧈ꦤꦔꦶꦁꦩꦼꦤ꧀ꦤꦮꦶꦮꦺꦴꦤ꧀ꦠꦼꦤ꧀ꦱꦠꦸꦁꦒꦭ꧀ꦭꦶꦥꦸꦤ꧀ꦠꦶꦪꦁꦥꦼꦗꦃꦲꦩꦸꦫꦸꦒ꧀ꦒꦶꦣꦠꦼꦁꦱꦣꦺꦫꦺꦏ꧀ꦏꦮꦸꦭ꧈ꦱꦩꦶꦧꦣꦺꦠꦺꦴꦧꦠ꧀꧉
꧓꧑꧉ ꦮꦁꦱꦸꦭ꧀ꦭꦤ꧀ꦤꦺꦆꦧꦿꦲꦶꦩ꧀꧈ꦪꦺꦤ꧀ꦤꦺꦴꦫꦔꦿꦸꦔꦺꦴꦏ꧀ꦲꦏꦺꦩꦫꦁꦩꦸꦯꦲꦸꦠꦮꦩꦫꦁꦥꦫꦟꦨꦶ꧈ꦲꦩꦼꦰ꧀ꦛꦶꦲꦺꦴꦫꦔꦤ꧀ꦢꦼꦭ꧀ꦩꦫꦁꦮꦺꦴꦁꦏꦁꦠꦔꦶꦱꦏꦲꦶꦁꦥꦠꦶꦲꦶꦏꦸ꧉ ꧉

---

꧋ꦧꦧ꧀ꦏꦥꦶꦁꦥꦶꦠꦸꦭꦱ꧀꧉

꧑꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦲꦺꦴꦫꦏꦼꦤ꧀ꦤꦲꦺꦴꦫꦲꦩꦼꦰ꧀ꦛꦶꦲꦤ꧀ꦤꦼꦏꦤ꧀ꦤꦶꦱꦱꦟ꧀ꦝꦸꦁꦔꦤ꧀꧈ꦤꦔꦶꦁꦧꦶꦭꦲꦶꦤ꧀ꦤꦶꦁꦔꦸꦮꦺꦴꦁꦏꦁꦢꦢꦶꦩꦂꦒꦠꦼꦏꦤ꧀ꦤꦶꦁꦱꦱꦟ꧀ꦝꦸꦁꦔꦤ꧀꧉
꧒꧉ ꦧꦼꦕꦶꦏ꧀ꦏꦺꦣꦺꦴꦁꦔꦶꦏꦸꦒꦸꦭꦸꦤ꧀ꦤꦺꦏꦶꦤ꧀ꦤꦭꦸꦁꦔꦤ꧀ꦮꦠꦸꦥꦒꦶꦭꦶꦁꦔꦤ꧀꧈ꦱꦂꦠ [ 196 ]ꦕꦶꦤ꧀ꦤꦼꦩ꧀ꦥ꧀ꦭꦸꦁꦔꦏꦺꦲꦶꦁꦱꦼꦒꦫ꧈ꦏꦫꦺꦴꦢꦢꦶꦱꦱꦟ꧀ꦝꦸꦁꦔꦤ꧀ꦤꦺꦱꦮꦶꦗꦶꦏꦁꦕꦶꦭꦶꦏ꧀ꦲꦶꦏꦸ꧉
꧓꧉ ꦏꦺꦴꦮꦺꦥꦣꦢꦶꦔꦠꦶꦲꦠꦶ꧈ꦧꦺꦴꦏ꧀ꦩꦼꦤ꧀ꦤꦮꦱꦢꦸꦭꦸꦂꦩꦸꦏꦭꦸꦥꦸꦠ꧀ꦠꦤ꧀ꦩꦫꦁꦏꦺꦴꦮꦺ꧈ꦏꦺꦴꦮꦺꦮꦼꦭꦺꦃꦲꦼꦤ꧀ꦤ꧈ꦢꦺꦤ꧀ꦤꦺꦪꦺꦤ꧀ꦮꦸꦱ꧀ꦤꦼꦭꦺꦴꦁꦱ꧈ꦏꦺꦴꦮꦺꦔꦥꦸꦫꦲ꧉
꧔꧉ ꦩꦺꦴꦁꦏꦭꦩꦸꦤ꧀ꦏꦭꦸꦥꦸꦠ꧀ꦠꦤ꧀ꦩꦫꦁꦏꦺꦴꦮꦺꦱꦢꦶꦤ꧀ꦤꦏꦥꦶꦁꦥꦶꦠꦸ꧈ꦭꦤ꧀ꦲꦶꦁꦱꦢꦶꦤ꧀ꦤꦤ꧀ꦤꦺꦧꦭꦶꦏꦥꦶꦁꦥꦶꦠꦸ꧈ꦥꦔꦸꦕꦥ꧀ꦥꦺꦏꦸꦭꦱꦩ꧀ꦥꦸꦤ꧀ꦏꦥꦺꦴꦏ꧀꧈ꦏꦺꦴꦮꦺꦲꦶꦪꦔꦥꦸꦫꦲ꧉
꧕꧉ ꦢꦺꦤ꧀ꦤꦺꦥꦫꦲꦸꦠꦸꦱ꧀ꦱꦤ꧀ꦥꦣꦲꦸꦩꦠꦸꦂꦩꦫꦁꦓꦸꦱ꧀ꦡꦶ꧈ꦏꦮꦸꦭꦩꦸꦒꦶꦱꦩꦶꦱꦩ꧀ꦥꦺꦪꦤ꧀ꦮꦼꦮꦃꦲꦤꦲꦶꦁꦥꦔꦤ꧀ꦢꦼꦭ꧀꧉
꧖꧉ ꦩꦺꦴꦁꦏꦓꦸꦱ꧀ꦡꦶꦲꦔꦤ꧀ꦢꦶꦏ꧈ꦭꦩꦸꦤ꧀ꦏꦺꦴꦮꦺꦲꦢꦸꦮꦺꦥꦔꦤ꧀ꦢꦼꦭ꧀꧈ ꦲꦥꦶꦟ꧀ꦝꦏꦪꦱꦮꦶꦗꦶꦤ꧀ꦤꦶꦁꦮꦶꦗꦶꦱꦮꦶ꧈ꦩꦼꦤ꧀ꦤꦮꦏꦺꦴꦮꦺꦲꦤ꧀ꦚꦭꦛꦺꦴꦤ꧀ꦤꦤꦩꦫꦁꦮꦶꦠ꧀ꦲꦫꦃꦏꦲꦺ꧈ꦏꦺꦴꦮꦺꦧꦼꦣꦺꦴꦭ꧀ꦭꦭꦤ꧀ꦠꦸꦩꦤ꧀ꦢꦸꦂꦫꦩꦫꦁꦲꦶꦁꦱꦼꦒꦫ꧈ꦲꦩꦼꦰ꧀ꦛꦶꦧꦏꦭ꧀ꦲꦩꦶꦤ꧀ꦠꦸꦲꦸꦩꦫꦁꦏꦺꦴꦮꦺ꧉
꧗꧉ ꦲꦤꦢꦺꦤ꧀ꦤꦺꦱꦥꦮꦺꦴꦁꦥꦤꦸꦁꦒꦭ꧀ꦭꦩꦸꦏꦁꦲꦢꦸꦮꦺꦧꦠꦸꦂꦩꦭꦸꦏꦸꦭꦤ꧀ꦲꦔꦺꦴꦤ꧀꧈ꦱꦲꦸꦭꦶꦪꦺꦱꦏꦲꦶꦁꦱꦮꦃ꧈ꦧꦼꦤ꧀ꦢꦫꦤ꧀ꦤꦺꦲꦥꦧꦚ꧀ꦗꦸꦂꦲꦟ꧀ꦝꦮꦸꦃꦲꦶ꧈ꦲꦪꦺꦴꦏꦺꦴꦮꦺꦭꦸꦁꦒꦸꦃꦲꦩꦔꦤ꧀ꦤ꧉
꧘꧉ ꦤꦔꦶꦁꦲꦥꦲꦺꦴꦫꦢꦶꦣꦮꦸꦃꦲꦶ꧈ꦏꦺꦴꦮꦺꦲꦤ꧀ꦚꦣꦶꦪꦏ꧀ꦏꦼꦤ꧀ꦤꦏꦁꦧꦏꦭ꧀ꦠꦏ꧀ꦥꦔꦤ꧀꧈ꦱꦂꦠꦏꦺꦴꦮꦺ ꦏꦁꦱꦶꦁꦱꦼꦠ꧀ꦒꦺꦴꦤ꧀ꦩꦸꦲꦔ꧀ꦭꦢꦺꦤ꧀ꦤꦶꦩꦫꦁꦔꦏꦸ꧈ꦏꦺꦴꦁꦱꦶꦠꦸꦩꦼꦏꦤ꧀ꦤꦺꦒꦺꦴꦤ꧀ꦏꦸꦩꦔꦤ꧀ꦭꦤ꧀ꦔꦺꦩ꧀ꦧꦺ꧈ꦱꦮꦸꦱ꧀ꦱꦺꦲꦶꦏꦸꦏꦺꦴꦮꦺꦲꦶꦪꦩꦔꦤ꧀ꦤꦭꦤ꧀ꦔꦺꦴꦩ꧀ꦧꦺꦪ꧉
꧙꧉ ꦧꦼꦤ꧀ꦢꦫꦤ꧀ꦤꦺꦩꦲꦸꦲꦥꦢꦸꦮꦺꦥꦤ꧀ꦤꦫꦶꦩꦩꦫꦁꦧꦠꦸꦂꦫꦺꦲꦶꦏꦸ꧈ꦱꦧꦧ꧀ꦮꦸꦱ꧀ꦲꦔ꧀ꦭꦏꦺꦴꦤ꧀ꦤꦶꦲꦥꦲꦶꦁꦱꦣꦮꦸꦃꦲꦺ꧈ꦥꦤ꧀ꦢꦸꦒꦏꦸꦲꦺꦴꦫ꧉
꧑꧐꧉ ꦏꦪꦩꦼꦁꦏꦺꦴꦤ꧀ꦤꦺꦴꦲꦸꦒꦏꦺꦴꦮꦺ꧈ꦪꦺꦤ꧀ꦮꦸꦱ꧀ꦥꦣꦲꦔ꧀ꦭꦏꦺꦴꦤ꧀ꦤꦶꦲꦥꦏꦁꦣꦶꦤ꧀ꦤꦮꦸꦃꦲꦏꦺꦩꦫꦁꦏꦺꦴꦮꦺꦏꦧꦺꦃ꧈ꦏꦺꦴꦮꦺꦥꦣ ꦠꦸꦠꦸꦂꦫ꧈ꦲꦏꦸꦲꦶꦏꦶꦧꦠꦸꦂꦠꦤ꧀ꦥꦒꦸꦤ꧀ꦤ꧈ꦱꦧꦧ꧀ꦲꦏꦸꦲꦶꦏꦶꦲꦔ꧀ꦭꦏꦺꦴꦤ꧀ꦤꦶꦥꦒꦮꦺꦪꦤ꧀ꦏꦁꦮꦗꦶꦧ꧀ꦠꦏ꧀ꦭꦏꦺꦴꦤ꧀ꦤꦶ꧉ ꧉
꧑꧑꧉ ꧋ꦲꦤꦢꦺꦤ꧀ꦤꦺꦤꦭꦶꦏꦪꦺꦯꦸꦱ꧀ꦠꦶꦤ꧀ꦢꦏ꧀ꦩꦫꦁꦪꦼꦫꦸꦱꦭꦺꦩ꧀꧈ꦱꦂꦠꦲꦚ꧀ꦗꦗꦃꦤꦼꦂꦫꦸꦱ꧀ꦲꦶꦁꦱꦠꦼꦔꦃꦲꦺꦠꦤ꧀ꦤꦃꦱꦩꦫꦶꦪꦭꦤ꧀ꦠꦤ꧀ꦤꦃꦒꦭꦶꦭꦺꦪ꧉
꧑꧒꧉ ꦭꦤ꧀ꦠꦸꦩꦼꦏꦩꦫꦁꦱꦮꦶꦗꦶꦢꦺꦱ꧈ꦏꦥꦥꦒ꧀ꦲꦸꦮꦺꦴꦁꦱꦥꦸꦭꦸꦃꦥꦣꦭꦫꦧꦫꦃꦲꦼꦤ꧀꧈ꦏꦁꦥꦣꦔꦢꦼꦒ꧀ꦲꦤꦲꦶꦁꦏꦢꦺꦴꦃꦲꦤ꧀​꧉
꧑꧓꧉ ꦱꦂꦠꦥꦣꦲꦔꦸꦮꦸꦃꦲꦸꦮꦸꦃ꧈ꦲꦠꦸꦂꦫꦺ꧈ꦣꦸꦃꦪꦺꦯꦸꦱ꧀꧈ꦓꦸꦫꦸ꧈ꦏꦮꦸꦭꦩꦸꦒꦶꦱꦩ꧀ꦥꦺꦪꦤ꧀ꦮꦼꦭꦱ꧀ꦱꦶ꧉
꧑꧔꧉ ꦩꦺꦴꦁꦏꦪꦺꦯꦸꦱ꧀ꦧꦸꦉꦁꦤꦶꦔꦭ꧀ꦭꦶꦔꦤ꧀ꦢꦶꦏꦩꦫꦁꦮꦺꦴꦁꦏꦁꦭꦫꦧꦫꦃꦲꦼꦤ꧀ꦩꦲꦸ꧈ꦏꦺꦴꦮꦺꦥꦣꦭꦸꦔꦲꦲꦔꦠꦺꦴꦏ꧀ꦏꦼꦤ꧀ꦤꦲꦮꦏ꧀ꦩꦸꦩꦫꦁꦔꦶꦩꦩ꧀꧈ꦢꦺꦤ꧀ꦤꦺꦧꦉꦁꦥꦣꦭꦸꦔꦧꦚ꧀ꦗꦸꦂꦥꦣꦩꦸꦭꦾ꧉
꧑꧕꧉ ꦩꦺꦴꦁꦏꦱꦮꦶꦗꦶꦤ꧀ꦤꦶꦁꦮꦺꦴꦁꦱꦥꦸꦭꦸꦃ ꦩꦲꦸ꧈ꦧꦉꦁꦮꦼꦂꦫꦸꦃꦪꦺꦤ꧀ꦮꦸꦱ꧀ꦩꦸꦭꦾ꧈ꦠꦸꦩꦸꦭꦶꦧꦭꦶꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧈ꦲꦔꦁꦒꦺꦴꦱ꧀ꦮꦫꦱꦼꦂꦫꦸ꧉
꧑꧖꧉ ꦱꦂꦠꦱꦸꦩꦸꦁꦏꦼꦩ꧀ꦔꦂꦰꦤ꧀ꦤꦶꦁꦱꦸꦏꦸꦤ꧀ꦤꦺꦪꦺꦯꦸꦱ꧀꧈ꦒꦺꦴꦤ꧀ꦤꦺꦲꦔꦠꦸꦂꦫꦏꦺꦲꦶꦁ [ 197 ]ꦥꦤ꧀ꦤꦫꦶꦩꦤ꧀ꦤꦺ꧈ꦢꦺꦤ꧀ꦤꦺꦮꦺꦴꦁꦱꦮꦶꦗꦶꦲꦶꦏꦸꦮꦺꦴꦁꦱꦩꦫꦶꦪ꧉
꧑꧗꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦲꦥꦲꦺꦴꦫꦮꦺꦴꦁꦱꦥꦸꦭꦸꦃꦏꦁꦥꦣꦩꦸꦭꦾ꧈ꦏꦁꦱꦔꦲꦤꦔꦼꦤ꧀ꦢꦶ꧉
꧑꧘꧉ ꦲꦥꦲꦺꦴꦫꦏꦠꦼꦩꦸꦥꦣꦧꦭꦶꦲꦤ꧀ꦚꦲꦺꦴꦱ꧀ꦱꦏꦺꦥꦸꦗꦶꦩꦫꦶꦁꦄꦭ꧀ꦭꦃ꧈ꦏꦗꦧꦩꦸꦁꦱꦮꦶꦗꦶꦮꦺꦴꦁꦤꦼꦒꦫꦭꦶꦪꦤ꧀ꦤꦶꦏꦸ꧉
꧑꧙꧉ ꦠꦸꦩꦸꦭꦶꦲꦔꦤ꧀ꦢꦶꦏꦩꦫꦁꦮꦺꦴꦁꦱꦶꦗꦶꦩꦲꦸ꧈ꦏꦺꦴꦮꦺꦔꦢꦼꦒ꧀ꦒꦭꦸꦔꦲ꧈ꦥꦔꦤ꧀ꦢꦼꦭ꧀ꦩꦸꦏꦁꦮꦸꦱ꧀ꦲꦩꦸꦭꦾꦏ꧀ꦲꦏꦺꦩꦫꦁꦏꦺꦴꦮꦺ꧉
꧒꧐꧉ ꧋ꦲꦤꦢꦺꦤ꧀ꦤꦺꦮꦺꦴꦁꦥꦫꦶꦱꦶꦲꦠꦠꦏꦺꦴꦤ꧀ꦩꦫꦁꦪꦺꦯꦸꦱ꧀꧈ꦧꦺꦚ꧀ꦗꦶꦁꦥꦸꦤ꧀ꦤꦥꦣꦸꦩꦠꦼꦁꦔꦶꦥꦸꦤ꧀ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧈ꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦠꦼꦏꦤ꧀ꦤꦺꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦲꦺꦴꦫꦏꦭꦮꦤ꧀ꦏꦠꦺꦴꦤ꧀꧉
꧒꧑꧉ ꦲꦺꦴꦫꦤ꧀ꦤꦤꦥꦔꦸꦕꦥ꧀ꦥꦶꦁꦔꦸꦮꦺꦴꦁ꧈ꦭꦃꦲꦤꦲꦶꦁꦏꦺꦤ꧀ꦤꦺ꧈ꦲꦸꦠꦮꦭꦃꦲꦤꦲꦶꦁꦏꦤ꧈ꦱꦧꦧ꧀ꦩꦼꦂꦫꦸꦃꦲꦤ꧀ꦤꦩꦸ꧈ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦲꦤꦲꦶꦁꦠꦼꦔꦃꦩꦸ꧉
꧒꧒꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦧꦏꦭ꧀ꦭꦺꦠꦸꦩꦼꦏꦤ꧀ꦤꦶꦁꦩꦺꦴꦁꦱ꧈ꦒꦺꦴꦤ꧀ꦩꦸꦧꦏꦭ꧀ꦲꦔꦉꦥ꧀ꦥꦉꦥ꧀ꦲꦤ꧀ꦢꦼꦊꦁꦲꦶꦁꦢꦶꦤ꧀ꦤꦤ꧀ꦤꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮ꧈ꦲꦤ꧀ꦤꦔꦶꦁꦏꦺꦴꦮꦺꦧꦏꦭ꧀ꦥꦣꦲꦺꦴꦫꦢꦼꦊꦁ꧉
꧒꧓꧉ ꦱꦂꦠꦲꦸꦮꦺꦴꦁꦧꦏꦭ꧀ꦥꦣꦲꦔꦸꦕꦥ꧀ꦩꦫꦁꦏꦺꦴꦮꦺ꧈ꦭꦃꦲꦤꦲꦶꦁꦏꦺꦤ꧀ꦤꦺ꧈ꦲꦸꦠꦮꦭꦃꦲꦤꦲꦶꦁꦏꦤ꧈ꦏꦺꦴꦮꦺꦥꦣꦲꦗꦩꦫꦤ꧀ꦤꦶꦭꦤ꧀ꦲꦗꦏꦺꦭꦸ꧉
꧒꧔꧉ ꦱꦧꦧ꧀ꦲꦸꦥꦩꦤ꧀ꦤꦺꦏꦪꦏꦶꦭꦠ꧀ꦏꦁꦒꦸꦩꦼꦧꦾꦂꦱꦏꦮꦼꦏꦱ꧀ꦱꦤ꧀ꦤꦶꦁꦭꦔꦶꦠ꧀꧈ꦕꦸꦩꦭꦺꦴꦫꦺꦴꦠ꧀ꦩꦫꦁꦥꦸꦁꦏꦱ꧀ꦱꦤ꧀ꦤꦶꦁꦭꦔꦶꦠ꧀꧈ꦩꦼꦁꦏꦺꦴꦤ꧀ꦤꦺꦴꦲꦸꦒꦠꦸꦩꦼꦏꦤ꧀ꦤꦶꦁꦢꦶꦤ꧀ꦤꦤ꧀ꦤꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮ꧉
꧒꧕꧉ ꦤꦔꦶꦁꦏꦸꦮꦗꦶꦧ꧀ꦧꦤ꧀ꦲꦤ꧀ꦤꦟ꧀ꦝꦁꦥꦶꦭꦫꦲꦏꦺꦃꦣꦶꦔꦶꦤ꧀꧈ꦱꦂꦠꦠꦶꦤ꧀ꦤꦩ꧀ꦥꦶꦏ꧀ꦢꦺꦤ꧀ꦤꦶꦁꦧꦺꦴꦁꦱꦲꦶꦏꦸ꧉
꧒꧖꧉ ꦭꦤ꧀ꦲꦸꦥꦩꦤ꧀ꦤꦺꦏꦪꦢꦸꦏ꧀ꦗꦩꦤ꧀ꦤꦺꦲꦼꦟꦸꦃ꧈ꦩꦼꦁꦏꦺꦴꦤ꧀ꦤꦺꦴꦲꦸꦒꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦲꦶꦁꦢꦶꦤ꧀ꦤꦤ꧀ꦤꦺ꧉
꧒꧗꧉ ꦮꦺꦴꦁꦥꦣꦩꦼꦩꦔꦤ꧀꧈ꦥꦣꦔꦺꦴꦩ꧀ꦧꦺ꧈ꦱꦣꦲꦫꦧꦶ꧈ꦥꦣꦫꦶꦤ꧀ꦤꦧꦺꦏ꧀ꦲꦏꦺ꧈ꦏꦺꦴꦁꦱꦶꦠꦸꦩꦼꦏꦤ꧀ꦤꦶꦁꦢꦶꦤ꧀ꦤꦲꦼꦟꦸꦃꦭꦸꦩꦼꦧꦸꦲꦶꦁꦥꦿꦲꦸ꧈ꦱꦂꦠꦠꦸꦩꦼꦏꦤ꧀ꦤꦶꦁꦏꦊꦧ꧀ꦧꦤ꧀꧈ꦭꦤ꧀ꦲꦤꦸꦩ꧀ꦥꦼꦱ꧀ꦱꦏꦺꦮꦺꦴꦁꦏꦧꦺꦃ꧉
꧒꧘꧉ ꦲꦥꦢꦺꦤ꧀ꦤꦺꦲꦸꦥꦩꦤ꧀ꦤꦺꦏꦪꦢꦸꦏ꧀ꦗꦩꦤ꧀ꦤꦺꦭꦸꦠ꧀꧈ꦮꦺꦴꦁꦥꦣꦩꦼꦩꦔꦤ꧀꧈ꦥꦣꦔꦺꦴꦩ꧀ꦧꦺ꧈ꦥꦣꦲꦠꦸꦠꦸꦏꦸ꧈ꦥꦣꦲꦢꦺꦴꦢꦺꦴꦭ꧀ꦭꦤ꧀꧈ꦥꦣꦲꦤ꧀ꦤꦼꦤ꧀ꦤꦤ꧀ꦢꦸꦂ꧈ꦥꦣꦲꦪꦱꦲꦺꦴꦩꦃ꧉
꧒꧙꧉ ꦏꦺꦴꦁꦱꦶꦠꦸꦩꦼꦏꦤ꧀ꦤꦺꦲꦶꦁꦢꦶꦤ꧀ꦤꦮꦼꦠꦸꦤ꧀ꦤꦺꦭꦸꦠ꧀ꦱꦏꦲꦶꦁꦱꦺꦴꦣꦺꦴꦩ꧀꧈ꦲꦤꦲꦸꦢꦤ꧀ꦒꦼꦤ꧀ꦤꦶꦭꦤ꧀ꦮꦭꦶꦫꦁꦠꦸꦩꦶꦧꦱꦏꦲꦶꦁꦭꦔꦶꦠ꧀꧈ꦱꦂꦠꦲꦤꦸꦩ꧀ꦥꦼꦱ꧀ꦱꦏꦺꦮꦺꦴꦁꦏꦧꦺꦃ꧉
꧓꧐꧉ ꦏꦪꦩꦼꦁꦏꦺꦴꦤ꧀ꦤꦺꦴꦲꦸꦒꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦒꦺꦴꦤ꧀ꦤꦺꦲꦔꦠꦶꦔꦭ꧀ꦲꦶꦁꦢꦶꦤ꧀ꦤꦤ꧀ꦤꦺ꧉
꧓꧑꧉ ꦲꦶꦁꦥꦤꦸꦗꦸꦢꦶꦤ꧀ꦤꦲꦶꦏꦸꦮꦺꦴꦁꦏꦁꦲꦤꦲꦶꦁ ꦥꦪꦺꦴꦤ꧀꧈ꦩꦺꦴꦁꦏꦧꦼꦏꦏꦱ꧀ꦱꦺꦏꦫꦶꦲꦤꦲꦶꦁꦔꦺꦴꦩꦃ꧈ꦲꦗꦩꦼꦣꦸꦤ꧀ꦲꦚ꧀ꦗꦸꦏꦸꦏ꧀ꦏꦶ꧈ꦲꦸꦠꦮꦮꦺꦴꦁꦏꦁꦲꦤꦲꦶꦁꦥꦱꦮꦃꦲꦤ꧀꧈ꦲꦶꦏꦸꦲꦸꦒꦲꦗꦠꦸꦩꦺꦴꦭꦶꦃꦩꦫꦁꦏꦁꦏꦫꦶꦲꦶꦁꦧꦸꦫꦶ꧉
꧓꧓꧉ ꦏꦺꦴꦮꦺꦥꦣꦲꦺꦭꦶꦁꦔꦤꦩꦫꦁꦱꦺꦴꦩꦃꦲꦺꦭꦸꦠ꧀꧉ [ 198 ]꧓꧓꧉ ꦢꦺꦤ꧀ꦤꦺꦮꦺꦴꦁꦏꦁꦏꦸꦢꦸꦲꦔꦽꦧꦸꦠ꧀ꦚꦮꦤ꧀ꦤꦺ꧈ꦲꦶꦏꦸꦧꦏꦭ꧀ꦲꦶꦭꦁꦚꦮꦤ꧀ꦤꦺ꧈ꦢꦺꦤ꧀ꦤꦺꦮꦺꦴꦁꦏꦁꦲꦠꦺꦒꦚꦮꦤ꧀ꦤꦺ꧈ꦲꦶꦏꦸꦧꦏꦭ꧀ꦤꦼꦩꦸꦲꦸꦫꦶꦥ꧀ꦚꦮꦤ꧀ꦤꦺ꧉
꧓꧔꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦶꦁꦱꦮꦼꦔꦶꦲꦶꦏꦸꦮꦺꦴꦁꦭꦺꦴꦫꦺꦴꦧꦏꦭ꧀ꦲꦤꦲꦶꦁꦥꦠꦸꦫꦺꦴꦤ꧀ꦱꦶꦗꦶ꧈ꦏꦁꦱꦮꦶꦗꦶꦧꦏꦭ꧀ꦲꦶꦁꦔꦭꦥ꧀꧈ꦭꦤ꧀ꦱꦮꦶꦗꦶꦤ꧀ꦤꦺꦧꦏꦭ꧀ꦠꦶꦤ꧀ꦤꦶꦁꦒꦭ꧀꧉
꧓꧕꧉ ꦮꦺꦴꦁꦮꦢꦺꦴꦤ꧀ꦭꦺꦴꦫꦺꦴꦧꦏꦭ꧀ꦲꦁꦒꦶꦭꦶꦁꦔꦶꦧꦉꦁꦔꦤ꧀꧈ꦏꦁꦱꦮꦶꦗꦶꦧꦏꦭ꧀ꦲꦶꦁꦔꦭꦥ꧀꧈ꦭꦤ꧀ꦱꦮꦶꦗꦶꦤ꧀ꦤꦺꦧꦏꦭ꧀ꦠꦶꦤ꧀ꦤꦶꦁꦒꦭ꧀꧉
꧓꧖꧉ ꦮꦺꦴꦁꦭꦺꦴꦫꦺꦴꦧꦏꦭ꧀ꦲꦤꦲꦶꦁꦱꦮꦃ꧈ꦏꦁꦱꦮꦶꦗꦶꦧꦏꦭ꧀ꦲꦶꦁꦔꦭꦥ꧀꧈ꦭꦤ꧀ꦱꦮꦶꦗꦶꦤ꧀ꦤꦺꦧꦏꦭ꧀ꦠꦶꦤ꧀ꦤꦶꦁꦒꦭ꧀꧉
꧓꧗꧉ ꦮꦺꦴꦁꦠꦸꦩꦸꦭꦶꦥꦣꦲꦩꦁꦱꦸꦭ꧀ꦭꦶꦲꦠꦸꦂꦩꦫꦁꦪꦺꦯꦸꦱ꧀꧈ꦲꦶꦁꦥꦸꦤ꧀ꦢꦶ꧈ꦓꦸꦱ꧀ꦡꦶ꧈ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸ ꦱ꧀꧈ꦲꦶꦁꦔꦼꦤ꧀ꦢꦶꦥꦁꦒꦺꦴꦤ꧀ꦤꦤ꧀ꦤꦶꦁꦧꦼꦧꦛꦁ꧈ꦲꦶꦪꦲꦶꦁꦏꦺꦴꦤ꧀ꦤꦺꦴꦥꦏꦸꦩ꧀ꦥꦸꦭ꧀ꦭꦶꦁꦩꦤꦸꦏ꧀ꦒꦫꦸꦢꦣ꧉ ꧉

---

꧋ꦧꦧ꧀ꦏꦥꦶꦁꦮꦺꦴꦭꦸꦭꦱ꧀꧉

꧑꧉ ꧋ꦲꦤꦢꦺꦤ꧀ꦤꦺꦁꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸꦲꦁꦔꦁꦒꦺꦴꦥꦱꦼꦩꦺꦴꦤ꧀꧈ꦥꦩꦿꦶꦪꦺꦮꦺꦴꦁꦥꦣꦲꦗꦥꦼꦒꦠ꧀ꦲꦩꦼꦂꦭꦺꦴꦏ꧀ꦏꦼꦤ꧀ꦤꦱꦼꦩ꧀ꦧꦪꦁ꧈ꦭꦤ꧀ꦲꦗꦔꦁꦒꦺꦴꦏꦼꦱꦼꦭ꧀꧉
꧒꧉ ꦥꦔꦤ꧀ꦢꦶꦏꦤ꧀ꦤꦺ꧈ꦲꦶꦁꦤꦼꦒꦫꦱꦶꦗꦶꦲꦤꦱꦮꦶꦗꦶꦗꦼꦏ꧀ꦱ꧈ꦏꦁꦲꦺꦴꦫꦮꦼꦢꦶꦩꦫꦶꦁꦄꦭ꧀ꦭꦃ꧈ꦭꦤ꧀ꦤꦺꦴꦫꦲꦺꦫꦶꦁꦩꦫꦶꦁꦔꦸꦮꦺꦴꦁ꧉
꧓꧉ ꦢꦺꦤ꧀ꦤꦺꦤꦼꦒꦫꦲꦶꦏꦸꦩꦲꦸꦲꦤꦱꦮꦶꦗꦶꦫꦺꦴꦟ꧀ꦝ꧈ꦲꦸꦩꦉꦏ꧀ꦩꦫꦁꦗꦼꦏ꧀ꦱꦩꦲꦸꦲꦢꦸꦮꦺꦲꦠꦸꦂ꧈ꦏꦸꦭꦚꦸꦮꦸꦤ꧀ꦲꦢꦶꦭ꧀ꦝꦸꦩꦠꦼꦁꦱꦩ꧀ꦥꦺꦪꦤ꧀꧈ꦧꦧ꧀ꦥꦿꦏꦮꦶꦱ꧀ꦭꦮꦤ꧀ꦤꦤ꧀ꦏꦸꦭꦥꦧꦼꦤ꧀꧉
꧔꧉ ꦢꦺꦤ꧀ꦤꦺꦗꦼꦏ꧀ꦱꦩꦲꦸꦱꦸꦮꦺꦱꦸꦮꦺꦭꦸꦩꦸꦃ꧈ꦱꦮꦸꦱ꧀ꦱꦺꦩꦼꦁꦏꦺꦴꦤ꧀ꦤꦺꦴꦲꦔꦸꦕꦥ꧀ꦱꦗꦿꦺꦴꦤ꧀ꦤꦶꦁꦔꦠꦶꦤ꧀ꦤꦺ꧈ꦱꦼꦤ꧀ꦤꦢꦾꦤ꧀ꦲꦏꦸꦲꦺꦴꦫꦮꦼꦢꦶꦪꦩꦫꦶꦁꦄꦭ꧀ꦭꦃ꧈ꦭꦤ꧀ꦤꦺꦴꦫꦲꦺꦫꦶꦁꦔꦩꦫꦶꦁꦔꦸꦮꦺꦴꦁ꧉
꧕꧉ ꦤꦔꦶꦁꦱꦫꦺꦃꦤꦶꦁꦫꦺꦴꦟ꧀ꦝꦲꦶꦏꦸꦲꦒꦮꦺꦲꦺꦮꦸꦃꦩꦫꦶꦁꦔꦏꦸ꧈ꦲꦏꦸꦧꦏꦭ꧀ꦲꦁꦔꦢꦶꦭ꧀ꦭꦶ꧈ꦱꦸꦥꦪꦲꦗꦏꦺꦴꦁꦱꦶꦧꦺꦴꦭꦧꦭꦶꦠꦤ꧀ꦥꦼꦒꦠ꧀꧈ꦒꦺꦴꦤ꧀ꦤꦺꦲꦢꦽꦁꦩꦫꦁꦔꦏꦸ꧉
꧖꧉ ꦩꦺꦴꦁꦏꦓꦸꦰ꧀ꦡꦶꦲꦔꦤ꧀ꦢꦶꦏ꧈ꦏꦺꦴꦮꦺꦥꦣꦲꦔꦿꦸꦔꦺꦴꦏ꧀ꦏꦼꦤ꧀ꦤ꧈ꦲꦥꦏꦁꦢꦢꦶꦥꦔꦸꦕꦥ꧀ꦥꦶꦁꦗꦼꦏ꧀ꦱꦏꦁꦲꦺꦴꦫꦲꦢꦶꦭ꧀꧉
꧗꧉ ꦢꦺꦤ꧀ꦤꦺꦩꦸꦁꦒꦸꦃꦲꦶꦁꦄꦭ꧀ꦭꦃꦲꦥꦲꦺꦴꦫꦲꦔꦢꦶꦭ꧀ꦭꦶꦩꦫꦁꦥꦶꦥꦶꦭꦶꦃꦲꦤ꧀ꦤꦺ꧈ꦏꦁꦥꦣꦲꦱꦱꦩ꧀ꦧꦠ꧀ꦲꦶꦁꦫꦶꦤ꧀ꦤꦭꦤ꧀ꦲꦶꦁꦮꦼꦁꦔꦶ꧈ꦱꦤ꧀ꦤꦢꦾꦤ꧀ꦭꦮꦱ꧀ꦒꦺꦴꦤ꧀ꦤꦺꦲꦩꦶꦠꦸꦭꦸꦁꦔꦶ꧉
꧘꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦩꦼꦰ꧀ꦛꦶꦧꦏꦭ꧀ꦲꦒꦼꦭꦶꦱ꧀ꦒꦺꦴꦤ꧀ꦤꦺꦲꦔꦢꦶꦭ꧀ꦭꦶ꧈ꦢꦺꦤ꧀ꦤꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦱꦫꦮꦸꦃꦲꦺꦲꦥꦧꦏꦭ꧀ꦲꦤ꧀ꦤꦼꦩꦸꦥꦔꦤ꧀ꦢꦼꦭ꧀ꦲꦤꦲꦶꦁꦨꦸꦩꦶ꧉ ꧉
꧙꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦱꦮꦼꦤ꧀ꦤꦺꦃꦲꦶꦁꦔꦸꦮꦺꦴꦁꦏꦁꦲꦔꦤ꧀ꦢꦼꦭ꧀ꦭꦏꦺ [ 199 ]ꦪꦺꦤ꧀ꦲꦮꦏ꧀ꦏꦺꦣꦺꦮꦺꦲꦢꦶꦭ꧀꧈ꦱꦂꦠꦲꦩꦼꦗꦤ꧀ꦤꦤ꧀ꦤꦶꦩꦫꦁꦲꦶꦁꦮꦺꦴꦁꦭꦶꦪꦤ꧀ꦤꦺ꧈ꦲꦔꦁꦒꦺꦴꦥꦱꦼꦩꦺꦴꦤ꧀ꦩꦼꦁꦏꦺꦤ꧀ꦤꦺ꧉
꧑꧐꧉ ꦲꦤꦮꦺꦴꦁꦭꦺꦴꦫꦺꦴꦥꦣꦩꦸꦁꦒꦃꦩꦫꦁꦲꦶꦁꦩꦼꦱ꧀ꦗꦶꦢ꧀ꦒꦺꦴꦤ꧀ꦤꦺꦲꦱꦼꦩ꧀ꦧꦪꦁ꧈ꦏꦁꦱꦮꦶꦗꦶꦮꦺꦴꦁꦥꦫꦶꦱꦶ꧈ꦭꦤ꧀ꦱꦮꦶꦗꦶꦤ꧀ꦤꦺꦮꦺꦴꦁꦩꦸꦥꦸꦧꦺꦪ꧉
꧑꧑꧉ ꦮꦺꦴꦁꦥꦫꦶꦱꦶꦲꦔꦢꦼꦒ꧀ꦝꦺꦮꦺ꧈ꦒꦺꦴꦤ꧀ꦤꦺꦲꦱꦼꦩ꧀ꦧꦪꦁꦩꦼꦁꦏꦺꦤ꧀ꦤꦺ꧈ꦣꦸꦃꦄꦭ꧀ꦭꦃ꧈ꦱ ꦩ꧀ꦥꦺꦪꦤ꧀ꦏꦮꦸꦭꦲꦠꦸꦂꦫꦶꦱꦺꦴꦏꦸꦂ꧈ꦲꦮꦶꦠ꧀ꦢꦺꦤ꧀ꦤꦶꦁꦏꦮꦸꦭꦥꦸꦤ꧀ꦤꦶꦏꦧꦺꦴꦠꦼꦤ꧀ꦱꦩꦶꦏꦭꦶꦪꦤ꧀ꦠꦶꦪꦁꦏꦛꦃ꧈ꦏꦢꦺꦴꦱ꧀ꦢꦺꦤ꧀ꦤꦶꦁꦠꦶꦪꦁꦧꦺꦒꦭ꧀꧈ꦠꦶꦪꦁꦔꦤ꧀ꦤꦶꦲꦪ꧈ꦠꦶꦪꦁꦧꦤ꧀ꦢꦿꦺꦏ꧀꧈ꦲꦸꦠꦮꦶꦱꦩꦶꦏꦭꦶꦪꦤ꧀ꦠꦶꦪꦁꦩꦸꦥꦸꦧꦺꦪꦥꦸꦤ꧀ꦤꦶꦏ꧉
꧑꧒꧉ ꦱꦊꦧꦼꦠ꧀ꦠꦶꦥꦸꦤ꧀ꦥꦼꦟ꧀ꦝꦏ꧀ꦏꦶꦁꦢꦶꦤ꧀ꦠꦼꦤ꧀ꦱꦧ꧀ꦧꦠ꧀꧈ꦏꦮꦸꦭꦱꦶꦪꦩ꧀ꦏꦥꦶꦁꦏꦭꦶꦃ꧈ꦧꦫꦁꦢꦂꦧꦺꦏ꧀ꦏꦮꦸꦭꦱꦢꦪ꧈ꦱꦩꦶꦏꦮꦸꦭꦗꦏꦠ꧀ꦠꦶ꧉
꧑꧓꧉ ꦢꦺꦤ꧀ꦤꦺꦮꦺꦴꦁꦩꦸꦥꦸꦧꦺꦪꦩꦲꦸꦒꦺꦴꦤ꧀ꦤꦺꦲꦔꦢꦼꦒ꧀ꦲꦢꦺꦴꦃ꧈ꦲꦺꦴꦫꦒꦼꦊꦩ꧀ꦠꦸꦩꦼꦔꦩꦫꦁꦭꦔꦶꦠ꧀꧈ꦤꦔꦶꦁꦲꦤ꧀ꦤꦼꦧꦃꦣꦣꦤ꧀ꦤꦺ꧈ꦲꦠꦸꦂꦫꦺ꧈ꦣꦸꦃꦄꦭ꧀ꦭꦃ꧈ꦏꦮꦸꦭꦥꦸꦤ꧀ꦤꦶꦏꦠꦶꦪꦁꦢꦺꦴꦱ꧈ꦩꦸꦒꦶꦱꦩ꧀ꦥꦺꦪꦤ꧀ꦮꦼꦭꦱ꧀ꦱꦶ꧉
꧑꧔꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦮꦺꦴꦁꦩꦸꦥꦸꦧꦺꦪꦩꦲꦸꦏꦧꦼꦤ꧀ꦤꦼꦂꦫꦤ꧀ꦒꦺꦴꦤ꧀ꦤꦺꦲꦩꦼꦣꦸꦤ꧀ꦩꦫꦁꦔꦺꦴꦩꦃꦲꦺ꧈ꦲꦔ꧀ꦭꦸꦮꦶꦃꦲꦶꦭꦤ꧀ꦮꦺꦴꦁꦥꦫꦶꦱꦶꦲꦶꦏꦸꦩꦲꦸ꧈ꦱꦧꦧ꧀ꦱꦏꦺꦃꦲꦶꦁꦔꦸꦮꦺꦴꦁꦏꦁꦲꦔ꧀ꦭꦸꦲꦸꦂꦫꦏꦺꦲꦮꦏ꧀ꦏꦺꦣꦺꦮꦺ꧈ꦲꦶꦏꦸꦧꦏꦭ꧀ꦲꦶꦁꦔꦼꦱꦺꦴꦂꦫꦏꦺ꧈ꦭꦤ꧀ꦮꦺꦴꦁꦏꦁꦲꦔꦼꦱꦺꦴꦂꦫꦏꦺꦲꦮꦏ꧀ꦏꦺꦣꦺꦮꦺ꧈ꦲꦶꦏꦸꦧꦏꦭ꧀ꦭꦶꦤꦸꦲꦸꦂꦫꦏꦺ꧉ ꧉
꧑꧕꧉ ꧋ꦠꦸꦩꦸꦭꦶꦲꦤꦮꦺꦴꦁꦠꦼꦏꦩꦫꦁꦪꦺꦯꦸꦱ꧀ꦲꦁꦒꦮꦧꦧꦪꦶ꧈ꦱꦸꦥꦪꦲꦶꦁꦔꦼꦩꦺꦏ꧀ꦏ꧈ꦢꦺꦤ꧀ꦤꦺꦥꦫꦱꦏ꦳ꦧꦠ꧀ꦧꦉꦁꦮꦼꦂꦫꦸꦃ꧈ꦥꦣꦲꦤ꧀ꦚꦉꦔꦼꦤ꧀ꦤꦶꦩꦫꦁꦮꦺꦴꦁꦏꦁꦲꦁꦏꦮꦧꦪꦶꦩꦲꦸ꧉
꧑꧖꧉ ꦩꦺꦴꦁꦏꦪꦺꦯꦸꦱ꧀ꦲꦤꦶꦩ꧀ꦧꦭ꧀ꦭꦶꦩꦫꦁꦧꦼꦧꦪꦶꦩꦲꦸ꧈ꦥꦔꦤ꧀ꦢꦶꦏꦤ꧀ꦤꦺ꧈ꦏꦉꦧꦺꦤ꧀ꦧꦺꦴꦕꦃꦕꦶꦭꦶꦏ꧀ꦲꦶꦏꦸꦢꦶꦥꦫꦏ꧀ꦲꦏꦺꦩꦫꦁꦔꦏꦸ꧈ꦭꦤ꧀ꦲꦗꦏꦺꦴꦮꦺꦥꦼꦔꦶꦁ꧈ꦱꦧꦧ꧀ꦧꦺꦴꦕꦃꦏꦁꦱꦼꦩꦺꦴꦤ꧀ꦤꦺꦴꦲꦶꦏꦸ꧈ꦲꦤ꧀ꦢꦸꦮꦺꦤ꧀ꦤꦶꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧑꧗꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺꦱꦠꦼꦩꦼꦤ꧀ꦤꦺ꧈ꦪꦺꦤ꧀ꦏꦺꦴꦮꦺꦲꦺꦴꦫꦲꦤ꧀ꦤꦩ꧀ꦥꦤ꧀ꦤꦶꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧈ꦲꦥꦶꦟ꧀ꦝꦏꦪꦧꦺꦴꦕꦃꦕꦶꦭꦶꦏ꧀꧈ꦲꦩꦼꦰ꧀ꦛꦶꦏꦺꦴꦮꦺꦧꦏꦭ꧀ꦲꦺꦴꦫꦲꦔ꧀ꦭꦼꦧꦺꦴꦤ꧀ꦤꦶ꧉ ꧉
꧑꧘꧉ ꧋ꦠꦸꦩꦸꦭꦶꦲꦤꦱꦮꦶꦗꦶꦮꦺꦴꦁꦒꦼꦝꦺꦩꦠꦸꦂꦥꦶꦠꦏꦺꦴꦤ꧀ꦩꦫꦁꦪꦺꦯꦸꦱ꧀꧈ꦓꦸꦫꦸꦲꦶꦁꦏꦁꦥꦿꦪꦺꦴꦒꦶ꧈ꦲꦶꦁꦏꦁꦏꦮꦸꦭꦭꦩ꧀ꦥꦃꦲꦶꦥꦸꦤ꧀ꦤꦥ꧈ꦱꦸꦥꦢꦺꦴꦱ꧀ꦲꦁꦱꦭ꧀ꦭꦒꦼꦱ꧀ꦱꦁꦭꦁꦒꦼꦁ꧉
꧑꧙꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦪꦒꦺꦤ꧀ꦤꦺꦏꦺꦴꦮꦺꦲꦔꦫꦤ꧀ꦤꦶꦥꦿꦪꦺꦴꦒꦩꦫꦁꦔꦏꦸ꧈ꦲꦺꦴꦫꦤ꧀ꦤꦤꦶꦁꦏꦁꦥꦿꦪꦺꦴꦒ꧈ꦏꦗꦧꦩꦸꦁꦱꦮꦶꦗꦶꦄꦭ꧀ꦭꦃ꧉
꧒꧐꧉ ꦏꦺꦴꦮꦺꦮꦸꦱ꧀ꦱꦸꦩꦸꦫꦸꦥ꧀ꦲꦶꦁꦥꦥꦏꦺꦴꦤ꧀ꦲꦶꦏꦶ꧈ꦲꦗꦲꦩ꧀ꦧꦤ꧀ꦢꦿꦺꦏ꧀꧈ꦲꦗꦲꦒꦮꦺꦥꦠꦶ꧈ꦲꦗꦲꦤ꧀ꦚꦺꦴꦭꦺꦴꦁ꧈ꦲꦗꦢꦢꦶꦱꦼꦏ꧀ꦱꦶꦒꦺꦴꦫꦺꦴꦃ꧈ꦲꦔꦗꦺꦤ꧀ꦤꦤꦩꦫꦁꦧꦥꦏ꧀ꦩꦸꦲꦸꦠ [ 200 ]ꦮꦩꦫꦁꦲꦼꦩ꧀ꦧꦺꦴꦏ꧀ꦩꦸ꧉
꧒꧑꧉ ꦲꦠꦸꦂꦫꦺꦮꦺꦴꦁꦩꦲꦸ꧈ꦱꦢꦪꦥꦸꦤ꧀ꦤꦶꦏꦱꦩ꧀ꦥꦸꦤ꧀ꦏꦮꦸꦭꦭꦩ꧀ꦥꦃꦲꦶ꧈ꦲꦮꦶꦠ꧀ꦱꦏꦶꦁꦲꦭꦶꦠ꧀ꦩꦶꦭ꧉
꧒꧒꧉ ꦪꦺꦯꦸꦱ꧀ꦱꦮꦸꦱ꧀ꦱꦺꦩꦶꦉꦁꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸꦏꦺꦴꦮꦺꦲꦶꦱꦶꦃꦏꦸꦫꦁꦥꦿꦏꦫꦱꦶꦗꦶ꧈ꦧꦫꦁꦱꦢꦸꦮꦺꦏ꧀ꦢꦸꦮꦺꦏ꧀ꦩꦸꦏꦧꦺꦃꦥꦣꦲꦼꦢꦺꦴꦭ꧀ꦭꦤ꧈ꦧꦚ꧀ꦗꦸꦂꦢꦤ꧀ꦤꦏ꧀ꦏꦼꦤ꧀ꦤꦩꦫꦁꦮꦺꦴꦁꦩꦶꦱ꧀ꦏꦶꦤ꧀꧈ꦱꦂꦠꦏꦺꦴꦮꦺꦧꦏꦭ꧀ꦲꦢꦸꦮꦺꦔꦩꦭ꧀ꦲꦤꦲꦶꦁꦯ꧀ꦮꦂꦓ꧈ꦭꦤ꧀ꦏꦺꦴꦮꦺꦧꦭꦶꦪꦲꦠꦸꦠ꧀ꦧꦸꦫꦶꦪꦩꦫꦁꦔꦏꦸ꧉
꧒꧓꧉ ꦢꦺꦤ꧀ꦤꦺꦮꦺꦴꦁꦩꦲꦸꦱꦮꦸꦱ꧀ꦱꦺꦔꦿꦸꦔꦸꦥꦔꦤ꧀ꦢꦶꦏꦲꦶꦏꦸꦩꦲꦸ꧈ꦲꦧꦔꦼꦠ꧀ꦥꦿꦶꦃꦲꦠꦶꦤ꧀ꦤꦺ꧈ꦱꦧꦧ꧀ꦮꦺꦴꦁꦔꦶꦏꦸꦱꦸꦒꦶꦃꦧꦔꦼꦠ꧀꧉
꧒꧔꧉ ꦩꦺꦴꦁꦏꦪꦺꦯꦸꦱ꧀ꦧꦉꦁꦲꦤ꧀ꦤꦶꦔꦭ꧀ꦭꦶꦩꦫꦁꦮꦺꦴꦁꦔꦶꦏꦸ꧈ꦪꦺꦤ꧀ꦧꦔꦼꦠ꧀ꦥꦿꦶꦃꦲꦠꦶꦤ꧀ꦤꦺꦲꦔꦤ꧀ꦢꦶꦏ꧈ꦲꦔꦺꦭ꧀ꦮꦺꦴꦁꦏꦁꦱꦸꦒꦶꦃꦢꦸꦤ꧀ꦚꦭꦸꦩꦼꦧꦸꦩꦫꦁꦏꦫ ꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧒꧕꧉ ꦢꦺꦤ꧀ꦤꦺꦒꦩ꧀ꦥꦁꦲꦸꦤ꧀ꦠꦭꦸꦩꦼꦧꦸꦤꦼꦂꦫꦸꦱ꧀ꦩꦫꦁꦲꦶꦁꦭꦺꦁꦭꦺꦔꦤ꧀ꦤꦶꦁꦔꦼꦢꦺꦴꦩ꧀꧈ꦏꦫꦺꦴꦮꦺꦴꦁꦱꦸꦒꦶꦃꦭꦸꦩꦼꦧꦸꦩꦫꦁꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧒꧖꧉ ꦢꦺꦤ꧀ꦤꦺꦮꦺꦴꦁꦏꦁꦥꦣꦔꦿꦸꦔꦺꦴꦏ꧀ꦲꦏꦺꦥꦣꦲꦸꦩꦠꦸꦂ꧈ꦩꦼꦤ꧀ꦤꦮꦶꦩꦼꦏꦠꦼꦤ꧀ꦱꦶꦤ꧀ꦠꦼꦤ꧀ꦲꦶꦁꦏꦁꦱꦒꦼꦢ꧀ꦲꦁꦱꦒ꧀ꦏꦤꦸꦒꦿꦲꦤ꧀꧉
꧒꧗꧉ ꦥꦔꦤ꧀ꦢꦶꦏꦤ꧀ꦤꦺ꧈ꦱꦧꦫꦁꦏꦁꦲꦺꦴꦫꦏꦼꦤ꧀ꦤꦭꦶꦤ꧀ꦤꦏꦺꦴꦤ꧀ꦤꦤ꧀ꦢꦺꦤ꧀ꦤꦶꦁꦔꦸꦮꦺꦴꦁ꧈ꦲꦩꦼꦰ꧀ꦛꦶꦏꦼꦤ꧀ꦤꦒꦶꦤ꧀ꦤꦮꦺꦢꦺꦤ꧀ꦤꦶꦁꦄꦭ꧀ꦭꦃ꧉
꧒꧘꧉ ꦩꦺꦴꦁꦏꦦꦺꦠꦿꦸꦱ꧀ꦲꦸꦩꦠꦸꦂ꧈ꦭꦃꦏꦮꦸꦭꦱꦩ꧀ꦥꦸꦤ꧀ꦱꦩꦶꦲꦤ꧀ꦤꦶꦭꦂꦧꦫꦁꦱꦢꦪ꧈ꦱꦂꦠꦱꦩꦶꦲꦟ꧀ꦝꦺꦫꦺꦏ꧀ꦝꦸꦩꦠꦼꦁꦱꦩ꧀ꦥꦺꦪꦤ꧀꧉
꧒꧙꧉ ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺꦱꦠꦼꦩꦼꦤ꧀ꦤꦺ꧈ꦲꦺꦴꦫꦤ꧀ꦤꦤꦮꦺꦴꦁꦏꦁꦮꦸꦱ꧀ꦲꦤ꧀ꦤꦶꦁꦒꦭ꧀ꦩꦫꦁꦔꦺꦴꦩꦃ꧈ꦲꦸꦠꦮꦩꦫꦁꦮꦺꦴꦁꦠꦸꦮ꧈ꦠꦸꦮꦶ ꦤ꧀ꦩꦫꦁꦱꦢꦸꦭꦸꦂ꧈ꦩꦶꦮꦃꦩꦫꦁꦧꦺꦴꦗꦺꦴꦭꦤ꧀ꦩꦫꦁꦔꦤ꧀ꦤꦏ꧀꧈ꦲꦮꦶꦠ꧀ꦱꦏꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧓꧐꧉ ꦲꦶꦁꦏꦁꦲꦺꦴꦫꦲꦤ꧀ꦤꦩ꧀ꦥꦤ꧀ꦤꦶꦮꦼꦮꦊꦱ꧀ꦠꦶꦏꦼꦭ꧀ꦲꦏꦺꦃꦲꦤꦔꦭꦩ꧀ꦢꦸꦤ꧀ꦚꦲꦶꦏꦶ꧈ꦭꦤ꧀ꦠꦸꦩꦼꦏꦤ꧀ꦤꦶꦁꦗꦩꦤ꧀ꦲꦏꦶꦂꦲꦸꦫꦶꦥ꧀ꦭꦁꦒꦼꦁ꧉ ꧉
꧒꧑꧉ ꧋ꦪꦺꦯꦸꦱ꧀ꦠꦸꦩꦸꦭꦶꦲꦩ꧀ꦧꦼꦏ꧀ꦠꦱꦏ꦳ꦧꦠ꧀ꦫꦺꦴꦭꦱ꧀ꦲꦥꦶꦪꦩ꧀ꦧꦏ꧀ꦏꦤ꧀꧈ꦱꦂꦠꦥꦣꦢꦶꦥꦔꦤ꧀ꦢꦶꦏꦤ꧀ꦤꦶ꧈ꦭꦃꦲꦶꦏꦸꦥꦣꦱꦸꦩꦼꦁꦏꦩꦫꦁꦪꦼꦫꦸꦱꦭꦺꦩ꧀꧈ꦭꦤ꧀ꦧꦏꦭ꧀ꦏꦠꦼꦠꦼꦥ꧀ꦥꦤ꧀ꦏꦧꦺꦃ꧈ꦲꦥꦏꦁꦮꦸꦱ꧀ꦠꦶꦤꦸꦭꦶꦱ꧀ꦢꦺꦤ꧀ꦤꦶꦁꦥꦫꦟꦨꦶ꧈ꦩꦸꦁꦒꦸꦃꦲꦶꦁꦔꦠꦱ꧀ꦱꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮ꧉
꧒꧒꧉ ꦱꦧꦧ꧀ꦧꦏꦭ꧀ꦥꦶꦤ꧀ꦤꦱꦿꦃꦲꦏꦺꦩꦫꦁꦮꦺꦴꦁꦏꦥꦶꦂ꧈ꦭꦤ꧀ꦧꦏꦭ꧀ꦢꦶꦒꦸꦒꦸꦪꦸ꧈ꦱꦂꦠꦧꦏꦭ꧀ꦢꦺꦤ꧀ꦱꦶꦏꦫ꧈ꦭꦤ꧀ꦲꦶꦁꦔꦶꦢꦺꦴꦤ꧀ꦤꦤ꧀​꧉
꧒꧓꧉ ꦢꦺꦤ꧀ꦤꦺꦱꦮꦸꦱ꧀ꦱꦺꦒꦶꦤ꧀ꦤꦶꦠꦶꦏ꧀ꦏꦤ꧀ꦧꦚ꧀ꦗꦸꦂꦥꦶꦤ꧀ꦤꦠꦺꦤ꧀ꦤꦤ꧀꧈ꦤꦔꦶꦁꦲꦶꦁꦢꦶꦤ꧀ꦤꦏꦥꦶꦁꦠꦼꦭꦸꦲꦸꦫꦶꦥ꧀ꦩꦤ꧀ꦤꦺꦃ꧉
꧒꧔꧉ ꦢꦺꦤ꧀ꦤꦺꦥꦫꦱꦏ꦳ꦧꦠ꧀ꦥꦣꦲꦺꦴꦫꦩꦔꦂꦠꦶꦲꦶꦏꦸꦩꦲꦸ꧈ꦱꦂꦠꦥꦣꦏꦱꦩꦂꦫꦤ꧀ꦥꦔꦤ꧀ꦢꦶꦏꦲꦶꦏꦸ꧈ꦭꦤ꧀ꦥꦣꦲꦺꦴꦫꦱꦸꦩꦸꦫꦸꦥ꧀ꦲꦥꦏꦁꦢꦶꦥꦔꦤ꧀ꦢꦶꦏꦏ꧀ꦲꦏꦺ꧉ ꧉
꧒꧕꧉ ꧋ꦲꦤꦢꦺꦤ꧀ꦤꦺꦧꦉꦁꦮꦸꦱ꧀ꦕꦼꦣꦏ꧀ꦩꦫꦁꦪꦺꦫꦺꦏ꧈ꦲꦤꦱꦮꦶꦗꦶꦮꦺꦴꦁ​ꦮꦸꦠꦲꦟ꧀ꦝꦺꦴꦣꦺꦴꦏ꧀ꦲꦤꦱꦥꦶꦁꦒꦶꦂꦫꦶꦁꦢꦼꦢꦭꦤ꧀ꦒꦺꦴꦤ꧀ꦤꦺꦥꦥꦫꦶꦩ꧀ꦩꦤ꧀꧉
꧒꧖꧉ ꦧꦉꦁꦔꦿꦸꦔꦸꦪꦺꦤ꧀ꦲꦤ [ 201 ]ꦒꦺꦴꦒꦺꦴꦭꦺꦴꦔꦤ꧀ꦤꦶꦁꦮꦺꦴꦁꦭꦶꦮꦠ꧀꧈ꦮꦺꦴꦁꦮꦸꦠꦩꦲꦸꦲꦠꦠꦏꦺꦴꦤ꧀꧈ꦲꦶꦏꦸꦲꦥ꧉
꧓꧗꧉ ꦮꦁꦱꦸꦭ꧀ꦭꦤ꧀ꦤꦺꦏꦁꦠꦶꦤ꧀ꦤꦏꦺꦴꦤ꧀ꦤꦤ꧀꧈ꦲꦶꦏꦸꦪꦺꦯꦸꦱ꧀ꦲꦶꦁꦤꦱꦫꦺꦠ꧀ꦭꦁꦏꦸꦁ꧉
꧓꧘꧉ ꦮꦺꦴꦁꦮꦸꦠꦩꦲꦸꦠꦸꦩꦸꦭꦶꦲꦔꦸꦮꦸꦃꦲꦸꦮꦸꦃ꧈ꦲꦠꦸꦂꦫꦺ꧈ꦣꦸꦃꦪꦺꦯꦸꦱ꧀꧈ꦥꦸꦠꦿꦤ꧀ꦤꦶꦁꦢꦮꦸꦢ꧀ ꦏꦮꦸꦭꦩꦸꦒꦶꦱꦩ꧀ꦥꦺꦪꦤ꧀ꦮꦼꦭꦱ꧀ꦱꦶ꧉
꧓꧙꧉ ꦢꦺꦤ꧀ꦤꦺꦮꦺꦴꦁꦏꦁꦥꦣꦭꦸꦩꦏꦸꦔꦉꦥ꧀ꦥꦣꦲꦤ꧀ꦚꦉꦁꦔꦼꦤ꧀ꦤꦶꦩꦫꦁꦮꦺꦴꦁꦮꦸꦠꦲꦶꦏꦸ꧈ꦏꦶꦤ꧀ꦤꦺꦴꦤ꧀ꦩꦼꦤ꧀ꦤꦼꦁ꧈ꦤꦔꦶꦁꦥꦔꦸꦮꦸꦃꦲꦺꦱꦁꦱꦪꦲꦱꦿꦸ꧈ꦣꦸꦃꦥꦸꦠꦿꦤ꧀ꦤꦶꦁꦢꦮꦸꦢ꧀꧈ꦏꦮꦸꦭꦩꦸꦒꦶꦱꦩ꧀ꦥꦺꦪꦤ꧀ꦮꦼꦭꦱ꧀ꦱꦶ꧉
꧔꧐꧉ ꦪꦺꦯꦸꦱ꧀ꦠꦸꦩꦸꦭꦶꦲꦔꦤ꧀ꦝꦼꦒ꧀ꦒꦶꦣꦮꦸꦃꦲꦺꦮꦺꦴꦁꦮꦸꦠꦒꦶꦤ꧀ꦤꦮꦲꦩꦫꦁꦔꦂꦰꦤ꧀ꦤꦺ꧈ꦧꦉꦁꦮꦸꦱ꧀ꦕꦼꦣꦠ꧀ꦪꦺꦯꦸꦱ꧀ꦲꦤ꧀ꦢꦔꦸꦩꦫꦁꦮꦺꦴꦁꦮꦸꦠꦩꦲꦸ꧉
꧔꧑꧉ ꦥꦔꦤ꧀ꦢꦶꦏꦤ꧀ꦤꦺ꧈ꦏꦉꦥ꧀ꦩꦸꦲꦥꦥꦁꦒꦮꦺꦏꦸꦩꦫꦁꦏꦺꦴꦮꦺ꧈ꦲꦠꦸꦂꦫꦺꦮꦺꦴꦁꦮꦸꦠ꧈ꦓꦸꦱ꧀ꦡꦶ꧈ꦏꦮꦸꦭꦩꦸꦒꦶꦱꦒꦼꦢ꧀ꦢꦤꦶꦔꦭ꧀ꦭꦶꦩꦭꦶꦃ꧉
꧔꧒꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏ꧈ꦏꦺꦴꦮꦺꦧꦶꦱꦲꦢꦼꦊꦁꦩꦤ꧀ꦤꦺꦃ꧈ꦥꦔꦤ꧀ꦢꦼꦭ꧀ꦩꦸꦏꦁꦮꦸꦱ꧀ꦲꦩꦸꦭꦾꦏ꧀ꦲꦏꦺꦩꦫꦁꦏꦺꦴꦮꦺ꧉
꧔꧓꧉ ꦭꦤ꧀ꦥꦣꦱꦤ꧀ꦤꦭꦶꦏꦮꦺꦴꦁꦮꦸꦠꦧꦶꦱꦲꦤ꧀ꦢꦼꦊꦁꦩꦤ꧀ꦤꦺꦃ꧈ꦧꦚ꧀ꦗꦸꦂꦲꦟ꧀ꦝꦺꦫꦺꦏ꧀ꦩꦫꦁꦪꦺꦯꦸꦱ꧀꧈ꦲꦔ꧀ꦭꦸꦲꦸꦂꦫꦏꦺꦩꦫꦶꦁꦄꦭ꧀ꦭꦃ꧈ꦲꦥꦢꦺꦤ꧀ꦤꦺꦱꦏꦺꦃꦲꦶꦁꦮꦺꦴꦁꦏꦁꦥꦣꦮꦼꦂꦫꦸꦃ꧈ꦲꦶꦪꦥꦣꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧉ ꧉

---

꧋ꦧꦧ꧀ꦏꦁꦥꦶꦁꦱꦔꦭꦱ꧀꧉

꧑꧉ ꧋ꦩꦺꦴꦁꦏꦪꦺꦯꦸꦱ꧀ꦭꦸꦩꦼꦧꦸꦲꦤ꧀ꦤꦼꦂꦫꦸꦱ꧀ꦩꦫꦁꦲꦶꦁꦪꦺꦫꦺꦏ꧉
꧒꧉ ꦭꦤ꧀ꦲꦶꦁꦏꦺꦴꦤ꧀ꦤꦺꦴꦲꦤꦱꦮꦶꦗꦶꦲꦸꦮꦺꦴꦁꦗꦼꦤ꧀ꦤꦼꦁꦔꦺꦱꦶꦤ꧀ꦤꦼꦧꦸꦠ꧀ꦱꦏ꦳ꦺꦪꦸꦱ꧀꧈ꦩꦺꦴꦁꦏꦱꦏ꦳ꦺꦪꦸꦱ꧀ꦲꦶꦏꦸꦮꦺꦴꦁꦱꦸꦒꦶꦃꦲꦔ꧀ꦭꦸꦫꦃꦲꦶꦩꦫꦁꦮꦺꦴꦁꦩꦸꦥꦸꦧꦺꦪ꧉
꧓꧉ ꦢꦺꦤ꧀ꦤꦺꦱꦼꦢꦾꦤ꧀ꦤꦺꦲꦉꦥ꧀ꦮꦼꦂꦫꦸꦃꦩꦫꦁꦪꦺꦯꦸꦱ꧀ꦲꦶꦏꦸꦱꦥ꧈ꦤꦔꦶꦁꦲꦺꦴꦫꦧꦶꦱꦲꦮꦶꦠ꧀ꦱꦏꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦱꦧꦧ꧀ꦢꦼꦢꦼꦒ꧀ꦒꦺꦕꦺꦟ꧀ꦝꦺꦏ꧀꧉
꧔꧉ ꦧꦚ꧀ꦗꦸꦂꦭꦸꦩꦪꦸꦩꦫꦁꦔꦉꦥ꧀꧈ꦲꦩꦺꦤ꧀ꦤꦺꦏ꧀ꦩꦫꦁꦮꦶꦠ꧀ꦲꦫꦃ꧈ꦱꦸꦥꦪꦧꦶꦱꦲꦲꦤ꧀ꦢꦼꦊꦁ꧈ꦱꦧꦧ꧀ꦪꦺꦯꦸꦱ꧀ꦧꦏꦭ꧀ꦭꦁꦏꦸꦁꦲꦶꦁꦏꦺꦴꦤ꧀ꦤꦺꦴ꧉
꧕꧉ ꦩꦺꦴꦁꦏꦪꦺꦯꦸꦱ꧀ꦧꦉꦁꦫꦮꦸꦃꦲꦶꦁꦥꦁꦒꦺꦴꦤ꧀ꦤꦤ꧀꧈ꦠꦸꦩꦼꦔꦲꦤ꧀ꦤꦶꦔꦭ꧀ꦭꦶꦩꦫꦁꦱꦏ꦳ꦺꦪꦸꦱ꧀꧈ꦱꦂꦠꦲꦔꦤ꧀ꦢꦶꦏꦤ꧀ꦤꦶ꧈ꦲꦺꦃꦱꦏ꦳ꦺꦪꦸꦱ꧀꧈ꦢꦺꦤ꧀ꦏꦼꦧꦠ꧀ꦏꦺꦴꦮꦺꦩꦸꦣꦸꦤ꧀ꦤ꧈ꦱꦧꦧ꧀ꦲꦶꦁꦢꦶꦤ꧀ꦤꦲꦶ ꦏꦶꦲꦏꦸꦥꦠꦸꦠ꧀ꦲꦩꦺꦴꦟ꧀ꦝꦺꦴꦏ꧀ꦏꦲꦤꦲꦶꦁꦔꦺꦴꦩꦃꦩꦸ꧉
꧖꧉ ꦱꦏ꦳ꦺꦪꦸꦱ꧀ꦠꦸꦩꦸꦭꦶꦫꦶꦏꦠ꧀ꦒꦺꦴꦤ꧀ꦤꦺꦩꦼꦣꦸꦤ꧀꧈ꦱꦂꦠꦲꦤ꧀ꦤꦩ꧀ꦥꦤ꧀ꦤꦶꦩꦫꦁꦪꦺꦯꦸꦱ꧀ꦲꦧꦸꦔꦃꦧꦸꦔꦃ꧉
꧗꧉ ꦢꦺꦤ꧀ꦤꦺꦱꦏꦺꦃꦲꦶꦁꦮꦺꦴꦁꦏꦁꦥꦣꦮꦼꦂꦫꦸꦃꦥꦣꦥꦠꦶꦁꦒꦫꦸꦤ꧀ꦢꦼꦭ꧀꧈ꦥꦔꦸꦕꦥ꧀ꦥꦺ꧈ꦠꦼꦏꦭꦸꦩꦼꦧꦸꦲꦩꦺꦴꦟ꧀ꦛꦺꦴꦏ꧀ꦩꦫꦁꦮꦺꦴꦁꦢꦺꦴꦢꦺꦴꦱꦤ꧀꧉
꧘꧉ ꦢꦺꦤ꧀ꦤꦺꦱꦏ꦳ꦺꦪꦸꦱ꧀ꦩꦲꦸꦲꦁꦔꦢꦼꦒ꧀ꦱꦂ ꦠꦲꦸꦩꦠꦸꦂꦩꦫꦁꦓꦸꦱ꧀ꦡꦶ꧈ꦓꦸꦱ꧀ꦡꦶ꧈ꦱꦥꦭꦶꦃꦲꦶꦥꦸꦤ꧀ꦧꦫꦁꦢꦂꦧꦺꦏ꧀ꦏꦮꦸꦭ꧈ꦏꦮꦸꦭꦢꦤꦏ꧀ꦲꦏꦼꦤ꧀ꦝꦸꦩꦠꦼꦁꦠꦶꦪꦁꦩꦶꦱ꧀ꦏꦶꦤ꧀꧈ꦱꦂꦠꦩꦼꦤ꧀ꦤꦮꦶꦏꦮꦸꦭꦲꦩ꧀ꦧꦭꦶꦛꦸꦏ꧀ꦝꦠꦼꦁꦱꦠꦸꦁꦒꦭ꧀ꦭꦶ [ 202 ]ꦥꦸꦤ꧀ꦠꦶꦠꦶꦪꦁ꧈ꦏꦮꦸꦭꦮꦊꦱ꧀ꦠꦶꦏꦼꦭ꧀ꦱꦏꦮꦤ꧀꧉
꧙꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦱꦏ꦳ꦺꦪꦸꦱ꧀꧈ꦲꦶꦁꦢꦶꦤ꧀ꦤꦲꦶꦏꦶꦲꦺꦴꦩꦃꦲꦶꦏꦶꦮꦸꦱ꧀ꦲꦺꦴꦭꦺꦃꦏꦤꦸꦒꦿꦲꦤ꧀꧈ꦲꦮꦶꦠ꧀ꦢꦺꦤ꧀ꦤꦺꦮꦺꦴꦁꦔꦶꦏꦸꦲꦶꦪꦲꦤ꧀ꦤꦏ꧀ꦏꦺꦆꦧꦿꦲꦶꦩ꧀꧉
꧑꧐꧉ ꦱꦧꦧ꧀ꦫꦮꦸꦃꦲꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦲꦁꦒꦺꦴꦭꦺꦏ꧀ꦏꦶꦱꦂꦠꦲꦩꦸꦭꦾꦏ꧀ꦲꦏꦺꦮꦺꦴꦁꦏꦁꦏꦱꦱꦂ꧉ ꧉
꧑꧑꧉ ꧋ꦲꦤꦢꦺꦤ꧀ꦤꦺꦲꦸꦮꦺꦴꦁꦱꦮꦸꦱ꧀ꦱꦶꦁꦔꦿꦸꦔꦸꦥꦔꦤ꧀ꦢꦶꦏꦲꦶꦏꦸꦩꦲꦸ꧈ꦪꦺꦯꦸꦱ꧀ꦲꦔꦤ꧀ꦢꦶꦏꦩꦤ꧀ꦤꦺꦃꦲꦁꦔꦁꦒꦺꦴꦥꦱꦼꦩꦺꦴꦤ꧀꧈ꦱꦧꦧ꧀ꦮꦸꦱ꧀ꦕꦼꦣꦏ꧀ꦩꦫꦁꦲꦶꦁꦪꦼꦫꦸꦱꦭꦺꦩ꧀꧈ꦱꦂꦠꦥꦤ꧀ꦚꦤ꧀ꦤꦤ꧀ꦤꦶꦁꦔꦸꦮꦺꦴꦁ꧈ꦪꦺꦤ꧀ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦧꦏꦭ꧀ꦏꦶꦤ꧀ꦤꦠꦺꦴꦏ꧀ꦲꦏꦺꦲꦶꦁꦱꦩꦼꦁꦏꦺꦴ꧉
꧑꧒꧉ ꦩꦸꦭꦤ꧀ꦤꦺꦲꦔꦤ꧀ꦢꦶꦏ꧈ꦲꦤꦱꦮꦶꦗꦶꦮꦺꦴꦁꦱꦠꦿꦶꦪꦲꦔ꧀ꦭꦼꦭꦤꦩꦫꦁꦠꦤ꧀ꦤꦃꦲꦢꦺꦴꦃ꧈​ꦧꦏꦭ꧀ꦲꦔꦭꦥ꧀ꦏꦫꦠꦺꦴꦤ꧀꧈ꦱꦮꦸꦱ꧀ꦱꦺꦏꦭꦏꦺꦴꦤ꧀ꦧꦏꦭ꧀ꦏꦸꦤ꧀ꦢꦸꦂ꧉
꧑꧓꧉ ꦱꦂꦠꦲꦔꦸꦤ꧀ꦢꦁꦩꦫꦁꦧꦠꦸꦂꦫꦺꦱꦥꦸꦭꦸꦃ꧈ꦥꦣꦏꦥꦫꦶꦁꦔꦤ꧀ꦝꦸꦮꦶꦠ꧀ꦱꦥꦸꦭꦸꦃꦩꦶꦤ꧀ꦤ꧈ꦱꦂꦠꦥꦣꦲꦤ꧀ꦢꦶꦏꦏ꧀ꦲꦏꦺꦭꦸꦩꦏꦸꦢꦒꦁ꧈ꦏꦺꦴꦁꦱꦶꦠꦸꦩꦼꦏꦲꦶꦁꦱꦫꦮꦸꦃꦏꦸ꧉
꧑꧔꧉ ꦢꦺꦤ꧀ꦤꦺꦱꦠꦿꦶꦪꦩꦲꦸꦱꦶꦤ꧀ꦤꦼꦁꦔꦶꦠ꧀ꦠꦤ꧀ꦢꦺꦤ꧀ꦤꦶꦁꦔꦧ꧀ꦢꦶꦤ꧀ꦤꦺ꧈ꦱꦂꦠꦲꦧ꧀ꦢꦶꦩꦲꦸꦲꦤꦸꦱꦸꦭ꧀ꦭꦏꦺꦏꦺꦴꦁꦏꦺꦴꦤ꧀ꦤꦤ꧀꧈ꦥꦔꦸꦕꦥ꧀ꦥꦺ꧈ꦲꦏꦸꦥꦣꦭꦸꦩꦸꦃꦪꦺꦤ꧀ꦱꦠꦿꦶꦪꦲꦶꦏꦸꦲꦔꦿꦠꦺꦴꦤ꧀ꦤꦤꦩꦫꦁꦔꦏꦸ꧉
꧑꧕꧉ ꦲꦤꦢꦺꦤ꧀ꦤꦺꦱꦮꦸꦱ꧀ꦱꦺꦏꦸꦤ꧀ꦢꦸꦂꦱꦏꦒꦺꦴꦤ꧀ꦤꦺꦲꦔꦭꦥ꧀ꦏꦫꦠꦺꦴꦤ꧀ꦩꦲꦸ꧈ꦠꦸꦩꦸꦭꦶꦣꦮꦃꦏꦶꦤ꧀ꦤꦺꦴꦤ꧀ꦲꦤ꧀ꦤꦶꦩ꧀ꦧꦭ꧀ꦭꦶꦩꦫꦁꦧꦠꦸꦂꦫꦺꦏꦁꦥꦣꦥꦶꦤ꧀ꦤꦫꦶꦁꦔꦤ꧀ꦝꦸꦮꦶꦠ꧀ꦩꦲꦸ꧈ꦏꦂꦰꦤ꧀ꦤꦺꦲꦉꦥ꧀ꦩꦫꦶꦏ꧀ꦱꦤ꧀ꦤꦶꦱꦥꦏꦁꦲꦺꦴꦭꦺꦃꦧꦛꦶ꧉
꧑꧖꧉ ꦲꦶꦁꦏꦁꦣꦶꦔꦶꦤ꧀ꦲꦸꦩꦉꦏ꧀ꦱꦂꦠꦲꦸꦩꦠꦸꦂ꧈ꦓꦸꦱ꧀ꦡꦶ꧈ꦩꦶꦤ꧀ꦤꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦱꦩ꧀ꦥꦸꦤ꧀ꦩꦤ꧀ꦤꦏ꧀ꦢꦢꦺꦴꦱ꧀ꦩꦶꦤ꧀ꦤꦱꦢꦱ꧉
꧑꧗꧉ ꦩꦺꦴꦁꦏꦓꦸꦱ꧀ꦡꦶꦤ꧀ꦤꦺꦲꦔꦤ꧀ꦢꦶꦏ꧈ꦱꦺꦴꦏꦸꦂꦧꦠꦸꦂꦏꦁꦧꦼꦕꦶꦏ꧀꧈ꦏꦺꦴꦮꦺꦲꦶꦏꦸꦠꦼꦩꦼꦤ꧀ꦩꦫꦁꦱꦛꦶꦛꦶꦏ꧀꧈ꦏꦺꦴꦮꦺꦲꦔꦸꦮꦱꦤ꧀ꦤꦤꦩꦫꦁꦤꦼꦒꦫꦱꦥꦸꦭꦸꦃ꧉
꧑꧘꧉ ꦠꦸꦩꦸꦭꦶꦲꦶꦁꦏꦁꦏꦥꦶꦟ꧀ꦝꦺꦴꦲꦸꦩꦉꦏ꧀ꦱꦂꦠꦲꦸꦩꦠꦸꦂ꧈ꦓꦸꦱ꧀ꦡꦶ꧈​ꦩꦶꦤ꧀ꦤꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏ꧈ꦱꦩ꧀ꦥꦸꦤ꧀ꦩꦤ꧀ꦤꦏ꧀ꦢꦢꦺꦴꦱ꧀ꦩꦶꦤ꧀ꦤꦒꦁꦱꦭ꧀꧉
꧑꧙꧉ ꦥꦔꦤ꧀ꦢꦶꦏꦤ꧀ꦤꦺꦓꦸꦱ꧀ꦡꦶꦤ꧀ꦤꦺ꧈ꦏꦺꦴꦮꦺꦲꦶꦪꦲꦔꦸꦮꦱꦤ꧀ꦤꦤꦩꦫꦁꦤꦼꦒꦫꦭꦶꦭꦶꦩ꧉
꧒꧐꧉ ꦠꦸꦩꦸꦭꦶꦱꦮꦶꦗꦶꦤ꧀ꦤꦺꦲꦸꦩꦉꦏ꧀ꦱꦂꦠꦲꦸꦩꦠꦸꦂ꧈ꦓꦸꦱ꧀ꦡꦶ꧈ꦱꦸꦩꦺꦴꦁꦒꦩꦶꦤ꧀ꦤꦱꦩ꧀ꦥꦺꦪꦤ꧀꧈ꦲꦶꦁꦏꦁꦱꦩ꧀ꦥꦸꦤ꧀ꦏꦸꦭꦧꦸꦤ꧀ꦠꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦕꦸ꧉
꧒꧑꧉ ꦩꦶꦭꦩꦼꦏꦠꦼꦤ꧀ꦱꦏꦶꦁꦲꦗꦿꦶꦃꦏꦸꦭꦣꦠꦼꦁꦱꦩ꧀ꦥꦺꦪꦤ꧀꧈ꦲꦮꦶꦠ꧀ꦢꦺꦤ꧀ꦤꦶꦁꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦠꦶꦪꦁ ꦏꦼꦉꦁ꧈ꦱꦩ꧀ꦥꦺꦪꦤ꧀ꦲꦩꦼꦟ꧀ꦝꦼꦠ꧀ꦲꦶꦁꦏꦁꦱꦩ꧀ꦥꦺꦪꦤ꧀ꦧꦺꦴꦠꦼꦤ꧀ꦲꦤ꧀ꦚꦺꦭꦺꦃꦲꦏꦼꦤ꧀꧈ꦱꦂꦠꦱꦩ꧀ꦥꦺꦪꦤ꧀ꦲꦔꦼꦤ꧀ꦤꦺꦤ꧀ꦤꦶꦲꦶꦁꦏꦁꦱꦩ꧀ꦥꦺꦪꦤ꧀ꦧꦺꦴꦠꦼꦤ꧀ꦚꦼꦧꦂꦫꦏꦼꦤ꧀꧉
꧒꧒꧉ ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦺꦓꦸꦱ꧀ꦡꦶꦤ꧀ꦤꦺ꧈ꦲꦺꦃꦧꦠꦸꦂꦲꦭ꧈ꦲꦏꦸꦲꦔꦢꦶꦭ꧀ꦭꦶꦩꦫꦁꦏꦺꦴꦮꦺꦲꦶꦁꦱꦥꦔꦸꦕꦥ꧀ꦩꦸ꧈ꦏꦺꦴꦮꦺꦲꦶꦏꦸꦮꦼꦂꦫꦸꦃ꧈ꦪꦺꦤ꧀ꦤꦏꦸꦲꦶꦏꦶꦮꦺꦴꦁꦏꦼꦉꦁ꧈ꦲꦔꦥꦺꦏ꧀ꦏꦁꦲꦏꦸꦲꦺꦴꦫꦲꦤ꧀ꦚꦺꦭꦺꦃꦲꦏꦺ꧈ꦭꦤ꧀ꦲꦔꦼꦤ꧀ꦤꦺꦤ꧀ꦤꦶꦏꦁꦲꦏꦸꦲꦺꦴꦫꦚꦼꦧꦂꦫ [ 203 ]ꦏꦺ꧉
꧒꧓꧉ ꦪꦒꦺꦤ꧀ꦤꦺꦏꦺꦴꦮꦺꦲꦺꦴꦫꦲꦩꦶꦠꦪꦏ꧀ꦲꦏꦺꦣꦸꦮꦶꦠ꧀ꦏꦸꦩꦫꦁꦮꦺꦴꦁꦥꦿꦺꦪꦭ꧀ꦭꦤ꧀꧈ꦱꦂꦠꦲꦶꦁꦱꦲꦸꦭꦶꦃꦏꦸꦥꦩꦸꦟ꧀ꦝꦸꦠ꧀ꦏꦸꦲꦶꦁꦱꦧꦸꦔꦃꦲꦤ꧀ꦤꦺ꧉
꧒꧔꧉ ꦠꦸꦩꦸꦭꦶꦲꦟ꧀ꦝꦮꦸꦃꦲꦶꦩꦫꦁꦮꦺꦴꦁꦏꦁꦥꦣꦔꦣꦼꦥ꧀꧈ꦢꦶꦏꦏ꧀ꦲꦏꦺꦥꦣꦔꦽꦧꦸꦠ꧀ꦠꦩꦫꦁꦩꦶꦤ꧀ꦤꦤ꧀ꦤꦺ꧈ꦧꦚ꧀ꦗꦸꦂꦢꦶ ꦮꦺꦤ꧀ꦤꦺꦃꦲꦼꦤ꧀ꦤꦩꦫꦁꦮꦺꦴꦁꦏꦁꦲꦢꦸꦮꦺꦩꦶꦤ꧀ꦤꦱꦥꦸꦭꦸꦃꦩꦲꦸ꧉
꧒꧕꧉ ꦢꦺꦤ꧀ꦤꦺꦲꦠꦸꦂꦫꦺ꧈ꦓꦸꦱ꧀ꦡꦶ꧈ꦱꦩ꧀ꦥꦸꦤ꧀ꦒꦣꦃꦩꦶꦤ꧀ꦤꦱꦢꦱ꧉
꧒꧖꧉ ꦩꦸꦭꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦱꦏꦺꦃꦲꦶꦁꦔꦸꦮꦺꦴꦁꦲꦶꦁꦏꦁꦢꦸꦮꦺꦧꦏꦭ꧀ꦏꦥꦫꦶꦁꦔꦤ꧀꧈ꦢꦺꦤ꧀ꦤꦺꦮꦺꦴꦁꦏꦁꦲꦺꦴꦫꦢꦸꦮꦺ꧈ꦱꦢꦸꦮꦺꦏ꧀ꦏꦺꦧꦏꦏ꧀ꦗꦶꦤꦸꦏꦸꦏ꧀꧉
꧒꧗꧉ ꦢꦺꦤ꧀ꦤꦺꦱꦠꦿꦸꦏꦸꦲꦶꦏꦸꦩꦲꦸ꧈ꦏꦁꦩꦺꦴꦥꦺꦴꦲꦔꦿꦡꦸꦩꦫꦁꦔꦏꦸ꧈ꦥꦣꦒꦮꦤ꧀ꦤꦼꦤ꧀ꦩꦫꦺꦤ꧀ꦤꦺ꧈ꦱꦂꦠꦥꦣꦥꦠꦺꦤ꧀ꦤꦤꦲꦤꦲꦶꦁꦔꦉꦥ꧀ꦥꦤ꧀ꦤꦏꦸ꧉
꧒꧘꧉ ꦱꦮꦸꦱ꧀ꦱꦺꦔꦤ꧀ꦢꦶꦏꦲꦶꦏꦸꦩꦲꦸ꧈ꦪꦺꦯꦸꦱ꧀ꦠꦶꦤ꧀ꦢꦏ꧀ꦲꦤꦲꦶꦁꦔꦉꦥ꧀꧈ꦱꦸꦩꦼꦁꦏꦩꦫꦁꦲꦶꦁꦪꦼꦫꦸꦱꦭꦺꦩ꧀꧉ ꧉
꧒꧙꧉ ꧋ꦲꦤꦢꦺꦤ꧀ꦤꦺꦤꦭꦶꦏꦮꦸꦱ꧀ꦕꦼꦣꦏ꧀ꦲꦤꦲꦶꦁꦧꦺꦠ꧀ꦥ꦳ꦒꦺꦭꦤ꧀ꦲꦶꦁꦧꦺꦠ꧀ꦠꦤ꧀ꦤꦶ꧈ꦲꦶꦁꦒꦸꦤꦸꦁꦏꦁꦢꦶꦲꦫꦤ꧀ꦤꦶꦌꦭꦪꦺꦴꦤ꧀꧈ꦪꦺꦯꦸꦱ꧀ꦲꦔꦸꦠꦸꦱ꧀ꦱꦏ꦳ꦧꦠ꧀ꦠꦺꦭꦺꦴꦫꦺꦴ꧉
꧓꧐꧉ ꦣꦮꦸꦃ ꦲꦺ꧈ꦏꦺꦴꦮꦺꦥꦣꦭꦸꦔꦲꦩꦫꦁꦲꦶꦁꦢꦺꦱꦔꦼꦉꦥ꧀ꦏꦲꦺ꧈ꦱꦊꦧꦸꦩꦸꦏꦺꦴꦮꦺꦧꦏꦭ꧀ꦲꦩꦿꦁꦒꦸꦭ꧀ꦭꦶꦧꦼꦭꦺꦴꦕꦶꦤ꧀ꦤꦚ꧀ꦕꦁ꧈ꦏꦁꦢꦸꦫꦸꦁꦢꦶꦠꦸꦁꦒꦁꦔꦶꦲꦶꦁꦔꦸꦮꦺꦴꦁ꧈ꦥꦣꦲꦸꦕꦸꦭ꧀ꦭꦤꦒꦮꦤ꧀ꦤꦼꦤ꧀ꦩꦫꦺꦤ꧀ꦤꦺ꧉
꧓꧐꧉ ꦢꦺꦤ꧀ꦤꦺꦩꦼꦤ꧀ꦤꦮꦲꦤꦮꦺꦴꦁꦲꦔꦫꦸꦃꦲꦫꦸꦃꦲꦶꦩꦫꦁꦏꦺꦴꦮꦺ꧈ꦲꦉꦥ꧀ꦏꦺꦴꦮꦺꦏꦥꦏ꧀ꦲꦏꦺꦲꦔꦸꦕꦸꦭ꧀ꦭꦶꦧꦼꦭꦺꦴꦲꦶꦏꦸ꧈ꦏꦺꦴꦮꦺꦲꦩꦁꦱꦸꦭ꧀ꦭꦤꦩꦼꦁꦏꦺꦤ꧀ꦤꦺ꧈ꦧꦏꦭ꧀ꦏꦠꦶꦠꦶꦪꦤ꧀ꦲꦶꦁꦓꦸꦱ꧀ꦡꦶ꧉
꧓꧒꧉ ​ꦏꦁꦲꦶꦁꦔꦸꦠꦸꦱ꧀ꦱꦮꦸꦱ꧀ꦱꦺꦩꦁꦏꦠ꧀꧈ꦲꦶꦪꦏꦠꦼꦩꦸꦏꦪꦱꦣꦮꦸꦃꦲꦺꦪꦺꦯꦸꦱ꧀ꦩꦲꦸ꧉
꧓꧓꧉ ꦧꦉꦁꦥꦣꦲꦔꦸꦕꦸꦭ꧀ꦭꦶꦧꦼꦭꦺꦴ꧈ꦮꦺꦴꦁꦏꦁꦢꦸꦮꦺꦥꦣꦲꦔꦫꦸꦃꦲꦫꦸꦃꦲꦶ꧈ꦲꦶꦏꦸꦲꦉꦥ꧀ꦏꦺꦴꦮꦺꦏꦥꦏ꧀ꦲꦏꦺꦲꦔꦸꦕꦸꦭ꧀ꦭꦶꦧꦼꦭꦺꦴ꧉
꧓꧔꧉ ꦮꦁꦱꦸꦭ꧀ꦭꦤ꧀ꦤꦺꦏꦁꦠꦶꦤ꧀ꦤꦏꦺꦴꦤ꧀ꦤꦤ꧀꧈ꦲꦶꦏꦶꦧꦏꦭ꧀ꦏꦠꦶꦠꦶꦪꦤ꧀ꦲꦶꦁꦓꦸꦱ꧀ꦡꦶ꧉
꧓꧕꧉ ꦠꦸꦩꦸꦭꦶꦒꦶꦤ꧀ꦤꦮꦩꦫꦁꦔꦂꦰꦤ꧀ꦤꦺꦪꦺꦯꦸꦱ꧀꧈ꦱꦂꦠꦱꦟ꧀ꦝꦁꦔꦤ꧀ꦤꦺꦥꦣꦲꦶꦁꦔꦼꦩꦺꦴꦠ꧀ꦠꦏꦺꦲꦤꦲꦶꦁꦧꦼꦭꦺꦴ꧈ꦧꦚ꧀ꦗꦸꦂꦏꦠꦶꦠꦶꦪꦤ꧀ꦢꦺꦤ꧀ꦤꦶꦁꦪꦺꦯꦸꦱ꧀꧉
꧓꧖꧉ ꦤꦭꦶꦏꦤ꧀ꦤꦺꦠꦶꦤ꧀ꦢꦏ꧀ꦮꦺꦴꦁꦥꦣꦲꦁꦒꦼꦭꦂꦫꦶꦱꦟ꧀ꦝꦁꦔꦤ꧀ꦤꦺꦲꦤꦲꦶꦁꦢꦢꦭꦤ꧀꧉
꧓꧗꧉ ꦱꦮꦸꦱ꧀ꦱꦺꦕꦼꦣꦏ꧀ꦲꦤꦥꦥꦺꦫꦺꦁꦔꦶꦁꦒꦸꦤꦸꦁꦌꦭꦪꦺꦴꦤ꧀꧈ꦱꦏꦺꦃꦲꦶꦁꦥꦫꦱꦏ꦳ꦧꦠ꧀ꦠꦺꦏ ꦧꦺꦃꦥꦣꦲꦮꦶꦠ꧀ꦲꦱꦸꦏꦱꦸꦏ꧈ꦥꦩꦸꦗꦶꦤ꧀ꦤꦺꦩꦫꦶꦁꦄꦭ꧀ꦭꦃꦲꦔꦁꦒꦺꦴꦱ꧀ꦮꦫꦲꦱꦿꦸ꧈ꦲꦮꦶꦠ꧀ꦱꦏꦲꦶꦁꦏꦱꦼꦏ꧀ꦠꦺꦤ꧀ꦤꦺꦏꦧꦺꦃꦏꦁꦥꦣꦢꦶꦤ꧀ꦤꦼꦊꦁ꧉
꧓꧘꧉ ꦥꦔꦸꦕꦥ꧀ꦥꦺ꧈ꦏꦭꦸꦲꦸꦂꦫꦤꦫꦡꦸꦲꦶꦁꦏꦁꦫꦮꦸꦃꦲꦔꦒꦼꦩ꧀ꦲꦱ꧀ꦩꦤ꧀ꦤꦶꦁꦦꦔꦺꦫꦤ꧀꧈ꦏꦤꦸꦒꦿꦲꦤ꧀ꦲꦤꦲꦶꦁꦱ꧀ꦮꦂꦓ꧈ꦱꦂꦠꦏꦩꦸꦭꦾꦤ꧀ꦲꦤꦲꦶꦁꦔꦏꦱ꧉
꧓꧙꧉ ꦲꦤꦱꦮꦼꦤ꧀ꦤꦺꦃꦲꦶꦁꦮꦺꦴꦁꦥꦫꦶꦱꦶꦥꦤꦸꦁꦒꦭ꧀ꦭꦤ꧀ꦤꦺ ꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦥꦣꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦓꦸꦫꦸ꧈ꦱꦩ꧀ꦥꦺꦪꦤ꧀ꦩꦸ [ 204 ]ꦒꦶꦲꦤ꧀ꦢꦸꦏꦤ꧀ꦤꦤꦣꦠꦼꦁꦱꦏ꦳ꦧꦠ꧀ꦱꦩ꧀ꦥꦺꦪꦤ꧀꧉
꧔꧐꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦩꦼꦤ꧀ꦤꦮꦮꦺꦴꦁꦔꦶꦏꦸꦥꦣꦩꦼꦤ꧀ꦤꦼꦁ꧈ꦮꦠꦸꦏꦁꦧꦏꦭ꧀ꦕꦼꦭꦸꦏ꧀ꦕꦼꦭꦸꦏ꧀꧉
꧔꧑꧉ ꦧꦉꦁꦮꦸꦱ꧀ꦕꦼꦣꦏ꧀ꦤꦼꦒꦫ꧈ꦪꦺꦯꦸꦱ꧀ꦲꦤ꧀ꦤꦶꦔꦭ꧀ꦭꦶꦱꦂꦠꦲꦤ꧀ꦤꦔꦶꦱ꧀ꦱꦶꦤꦼꦒꦫ꧈ꦥꦔꦤ꧀ꦢꦶꦏꦤ꧀ꦤꦺ꧉
꧔꧒꧉ ꦩꦸꦒꦩꦸꦒꦏꦺꦴꦮꦺꦱꦸꦩꦸꦫꦸꦥ꧀ꦥꦲꦶꦁꦢꦶꦤ꧀ꦤꦩꦸꦲꦶꦏꦶ꧈ꦲꦥꦏꦁꦢꦢꦶꦏꦧꦼꦒ꧀ꦗꦤ꧀ꦤꦩꦸ꧈ꦢꦺꦤ꧀ꦤꦺꦩꦠꦩꦸꦱꦲꦶꦏꦶꦮꦸꦱ꧀ꦏꦱꦩꦂꦫꦤ꧀꧉
꧔꧓꧉ ꦱꦧꦧ꧀ꦏꦺꦴꦮꦺꦧꦏꦭ꧀ꦏꦠꦼꦏꦤ꧀ꦤꦤ꧀ꦢꦶꦤ꧀ꦤ꧈ꦤꦭꦶꦏꦩꦸꦁꦱꦸꦃꦩꦸꦲꦒꦮꦺꦧꦺꦠꦺꦁꦲꦶꦁꦱꦲꦸꦧꦼꦁꦩꦸ꧈ꦭꦤ꧀ꦏꦺꦴꦮꦺꦧꦏꦭ꧀ꦏꦶꦤ꧀ꦤꦼꦥꦸꦁ꧈ꦱꦂꦠꦗꦶꦤ꧀ꦤꦶꦪꦠ꧀ꦲꦶꦁꦱꦲꦼꦁꦒꦺꦴꦤ꧀ꦤꦼꦁꦒꦺꦴꦤ꧀꧉
꧔꧔꧉ ꦭꦤ꧀ꦏꦺꦴꦮꦺꦧꦏꦭ꧀ꦫꦶꦤꦸꦧꦸꦃꦲꦏꦺ꧈ꦠꦼꦏꦤ꧀ꦲꦤ꧀ꦤꦏ꧀ꦩꦸꦏꦁꦲꦤꦲꦶꦁꦠꦼꦁꦔꦃꦩꦸ꧈ꦱꦂꦠꦧꦠꦧꦏꦭ꧀ꦲꦺꦴꦫꦠꦶꦤꦸꦩ꧀ꦥꦁꦔꦤ꧀ꦧꦠꦩꦤ꧀ꦤꦺꦃ꧈ꦱꦧꦧ꧀ꦢꦺꦤ꧀ꦤꦺꦏꦺꦴꦮꦺꦲꦺꦴꦫꦱꦸꦩꦸꦫꦸꦥ꧀ꦩꦁꦱꦤ꧀ꦤꦺꦒꦺꦴꦤ꧀ꦩꦸꦠꦶꦤꦸꦮꦺꦤ꧀ꦤꦤ꧀꧉
꧔꧕꧉ ꦪꦺꦯꦸꦱ꧀ꦠꦸꦩꦸꦭꦶꦭꦸꦩꦼꦧꦸꦩꦫꦁꦲꦶꦁꦏ꦳ꦏ꧀ꦧꦃ꧈ꦧꦚ꧀ꦗꦸꦂꦲꦤꦸꦟ꧀ꦝꦸꦁꦔꦶꦩꦫꦁꦱꦏꦺꦃꦲꦶꦁꦔꦸꦮꦺꦴꦁ꧈ꦏꦁꦥꦣꦲꦢꦺꦴꦭ꧀ꦲꦠꦸꦏꦸꦲꦤꦱꦗꦿꦺꦴꦤ꧀ꦤꦶꦁꦩꦼꦱ꧀ꦗꦶꦢ꧀꧉
꧔꧖꧉ ꦮꦸꦱ꧀ꦏꦠꦸꦭꦶꦱ꧀ꦱꦤ꧀꧈ꦲꦺꦴꦩꦃꦲꦶꦁꦯꦸꦤ꧀ꦲꦶꦏꦶꦲꦺꦴꦩꦃꦱꦼꦩ꧀ꦧꦪꦁꦔꦤ꧀꧈ꦤꦔꦶꦁꦱꦶꦫꦒꦮꦺꦒꦸꦮꦥꦩ꧀ꦧꦺꦒꦭ꧀ꦭꦤ꧀꧉
꧔꧗꧉ ꦩꦺꦴꦁꦏꦪꦺꦯꦸꦱ꧀ꦱꦧꦼꦤ꧀ꦢꦶꦤ꧀ꦤꦲꦩꦸꦩꦸꦭꦁꦲꦤꦲꦶꦁꦩꦼꦱ꧀ꦗꦶ ꦢ꧀꧈ꦢꦺꦤ꧀ꦤꦺꦥꦫꦥꦔꦸꦭꦸꦭꦤ꧀ꦥꦫꦔꦸꦭꦩ꧈ꦲꦥꦢꦺꦤ꧀ꦤꦺꦥꦫꦥꦔꦉꦥ꧀ꦥꦶꦁꦧꦺꦴꦁꦱ꧈ꦥꦣꦲꦔꦸꦥꦪꦢꦼꦢꦭꦤ꧀ꦒꦺꦴꦤ꧀ꦤꦺꦧꦏꦭ꧀ꦲꦩꦠꦺꦤ꧀ꦤꦶꦩꦫꦁꦪꦺꦯꦸꦱ꧀꧉
꧔꧘꧉ ꦤꦔꦶꦁꦲꦺꦴꦫꦥꦶꦏꦺꦴꦭꦺꦃꦥꦁꦒꦮꦺꦤ꧀ꦤꦺ꧈ꦱꦧꦧ꧀ꦱꦏꦺꦃꦲꦶꦁꦧꦭꦥꦣꦫꦸꦩꦏꦼꦠ꧀ꦩꦫꦁꦪꦺꦯꦸꦱ꧀꧈ꦒꦺꦴꦤ꧀ꦤꦺꦲꦔꦿꦸꦔꦺꦴꦏ꧀ꦲꦏꦺꦥꦔꦤ꧀ꦢꦶꦏꦤ꧀ꦤꦺ꧉ ꧉

---

꧋ꦧꦧ꧀ꦏꦥꦶꦁꦫꦺꦴꦁꦥꦸꦭꦸꦃ꧉

꧑꧉ ꧋ꦲꦤꦢꦺꦤ꧀ꦤꦺꦧꦉꦁꦲꦶꦁꦱꦮꦶꦗꦶꦢꦶꦤ꧀ꦤꦲꦶꦏꦸ꧈ꦪꦺꦯꦸꦱ꧀ꦲꦩꦸꦩꦸꦭꦁꦩꦫꦁꦧꦭꦲꦤꦲꦶꦁꦩꦼꦱ꧀ꦗꦶꦢ꧀꧈ꦱꦂꦠꦲꦩꦼꦂꦠꦏ꧀ꦲꦏꦺꦆꦚ꧀ꦗꦶꦭ꧀꧈ꦥꦫꦥꦔꦸꦭꦸꦲꦸꦠꦮꦥꦫꦔꦸꦭꦩꦠꦸꦮꦶꦤ꧀ꦥꦫꦥꦶꦤ꧀ꦤꦶꦠꦸꦮ꧈ꦥꦣꦲꦸꦩꦉꦏ꧀꧉
꧒꧉ ꦱꦂꦠꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦲꦠꦸꦂꦫꦺ꧈ꦱꦩ꧀ꦥꦺꦪꦤ꧀ꦲꦩꦶꦠꦸꦠꦸꦂꦫꦤꦣꦸꦩꦠꦼꦁꦏꦸꦭ꧈ꦒꦺꦤ꧀ꦱꦩ꧀ꦥꦺꦪꦤ꧀ꦲꦁꦱꦭ꧀ꦏꦸꦮꦱꦥꦤ꧀ꦢꦩꦼꦭ꧀ꦱꦩ꧀ꦥꦺꦪꦤ꧀ꦱꦼꦩꦤ꧀ꦠꦼꦤ꧀ꦥꦸꦤ꧀ꦤꦶꦏꦱꦏꦶꦁꦥꦸꦤ꧀ꦢꦶ꧈ꦲꦸꦠꦮꦶꦱꦶꦤ꧀ꦠꦼꦤ꧀ꦲꦶꦁꦏꦁꦲꦩꦫꦶꦁꦔꦶꦏꦸꦮꦱꦱꦼꦩꦤ꧀ꦠꦼꦤ꧀ꦥꦸꦤ꧀ꦤꦶꦏꦣꦸꦩꦠꦼꦁꦱꦩ꧀ꦥꦺꦪꦤ꧀꧉
꧓꧉ ꦩꦺꦴꦁꦏꦪꦺꦯꦸ ꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦧꦭꦶꦏ꧀ꦲꦏꦸꦲꦶꦪꦲꦠꦠꦏꦺꦴꦤ꧀ꦱꦥꦿꦏꦫꦩꦫꦁꦏꦺꦴꦮꦺ꧈ꦱꦂꦠꦏꦺꦴꦮꦺꦥꦣꦲꦚ꧀ꦗꦮꦧ꧀ꦧꦩꦫꦁꦥꦠꦏꦺꦴꦤ꧀ꦏꦸ꧉
꧔꧉ ꦩꦸꦁꦒꦸꦃꦥꦤ꧀ꦚꦭꦸꦭꦸꦥ꧀ꦥꦺꦪꦺꦴꦏ꦳ꦤ꧀ꦤꦤ꧀ꦲꦶꦏꦸꦲꦥꦩꦼꦠꦸꦱꦏꦲꦶꦁꦯ꧀ꦮꦂꦓ꧈ꦲꦥꦩꦼꦠꦸꦱꦏꦲꦶꦁꦔꦸꦮꦺꦴꦁ꧉
꧕꧉ ꦢꦺꦤ꧀ꦤꦺꦮꦺꦴꦁꦩꦲꦸꦥꦣꦲꦉꦫꦱꦤ꧀ꦝꦺꦣꦺꦮꦺꦏ꧀ꦏꦤ꧀꧈ꦥꦔꦸꦕꦥ꧀ꦥꦺ꧈ꦱꦲꦸꦥꦩ [ 205 ]ꦲꦏꦸꦩꦠꦸꦂꦫꦱꦏꦲꦶꦁꦯ꧀ꦮꦂꦓ꧈ꦲꦏꦸꦧꦏꦭ꧀ꦢꦶꦮꦁꦱꦸꦭ꧀ꦭꦶ꧈ꦪꦒꦺꦤ꧀ꦤꦺꦏꦺꦴꦮꦺꦥꦣꦲꦺꦴꦫꦥꦿꦕꦪꦩꦫꦁꦪꦺꦴꦏ꦳ꦤ꧀ꦤꦤ꧀꧉
꧖꧉ ꦢꦺꦤ꧀ꦤꦺꦱꦲꦸꦥꦩꦲꦏꦸꦩꦠꦸꦂꦫꦱꦏꦲꦶꦁꦔꦸꦮꦺꦴꦁ꧈ꦱꦏꦺꦃꦲꦶꦁꦧꦭꦧꦏꦭ꧀ꦥꦣꦲꦩ꧀ꦧꦭꦁꦔꦶꦮꦠꦸꦩꦫꦁꦔꦏꦸ꧈ꦱꦧꦧ꧀ꦧꦭꦲꦶꦏꦸꦥꦔꦤ꧀ꦢꦼꦭ꧀ꦭꦺꦏꦪꦟꦨꦶꦩꦫꦁꦪꦺꦴꦏ꦳ꦤ꧀ꦤꦤ꧀꧉
꧗꧉ ꦠꦸꦩꦸꦭꦶꦥꦣꦲꦩꦁꦱꦸꦭ꧀ꦭꦶ꧈ꦏꦸꦭꦧꦺꦴꦠꦼ ꦤ꧀ꦲꦸꦤ꧀ꦤꦶꦔꦲꦶꦁꦥꦸꦤ꧀ꦢꦶꦱꦁꦏꦤ꧀ꦤꦶꦥꦸꦤ꧀꧉
꧘꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦲꦏꦸꦲꦶꦪꦲꦺꦴꦫꦲꦤꦸꦠꦸꦂꦫꦶꦩꦫꦁꦏꦺꦴꦮꦺ꧈ꦲꦺꦴꦭꦺꦃꦏꦸꦏꦸꦮꦱꦥꦁꦒꦮꦺꦏꦸꦱꦼꦩꦺꦴꦤ꧀ꦤꦺꦴꦲꦶꦏꦸꦱꦏꦔꦼꦤ꧀ꦢꦶ꧉
꧙꧉ ꦪꦺꦯꦸꦱ꧀ꦠꦸꦩꦸꦭꦶꦲꦮꦶꦠ꧀ꦲꦔꦤ꧀ꦢꦶꦏꦩꦫꦶꦁꦧꦭ꧈ꦲꦔꦁꦒꦺꦴꦥꦱꦼꦩꦺꦴꦤ꧀ꦩꦼꦁꦏꦺꦤ꧀ꦤꦺ꧈ꦲꦤꦱꦮꦶꦗꦶꦤ꧀ꦤꦶꦁꦮꦺꦴꦁꦲꦤ꧀ꦤꦤ꧀ꦢꦸꦂꦥꦏꦼꦧꦺꦴꦤ꧀ꦤꦤ꧀ꦲꦁꦒꦸꦂ꧈ꦱꦂꦠꦥꦶꦤ꧀ꦤꦗꦼꦒ꧀ꦒꦏꦺꦩꦫꦁꦮꦺꦴꦁꦠꦤ꧀ꦤꦶ꧈ꦧꦚ꧀ꦗꦸꦂꦲꦭꦸꦭꦸꦔꦤ꧀ꦏꦺꦴꦁꦱꦶꦭꦮꦱ꧀​꧉
꧑꧐꧉ ꦱꦮꦸꦱ꧀ꦱꦺꦠꦸꦩꦼꦏꦲꦶꦁꦩꦁꦱꦤ꧀ꦤꦺ꧈ꦠꦸꦩꦸꦭꦶꦲꦏꦺꦴꦁꦏꦺꦴꦤ꧀ꦧꦠꦸꦂꦫꦺꦩꦫꦁꦮꦺꦴꦁꦠꦤ꧀ꦤꦶꦩꦲꦸ꧈ꦏꦶ ꦤ꧀ꦤꦺꦴꦤ꧀ꦥꦣꦲꦔ꧀ꦭꦢꦺꦏ꧀ꦏꦼꦤ꧀ꦤꦮꦼꦠꦸꦤ꧀ꦤꦶꦁꦮꦺꦴꦃꦲꦁꦒꦸꦂꦩꦲꦸ꧈ꦩꦺꦴꦁꦏꦮꦺꦴꦁꦠꦤ꧀ꦤꦶꦲꦶꦏꦸꦥꦣꦲꦁꦒꦶꦠꦶꦏ꧀ꦏꦶꦩꦫꦁꦧꦠꦸꦂꦩꦲꦸꦲꦶꦁꦔꦸꦭꦶꦃꦲꦏꦺꦠꦤ꧀ꦥꦥꦏꦺꦴꦭꦺꦃ꧉
꧑꧑꧉ ꦠꦸꦩꦸꦭꦶꦲ ꦏꦺꦴꦁꦏꦺꦴꦤ꧀ꦧꦠꦸꦂꦭꦶꦪꦤ꧀ꦤꦺꦩꦤ꧀ꦤꦺꦃ꧈ꦲꦶꦏꦸꦲꦶꦪꦧꦚ꧀ꦗꦸꦂꦒꦶꦤ꧀ꦤꦶꦠꦶꦏ꧀ꦏꦤ꧀꧈ꦭꦤ꧀ꦱꦮꦸꦱ꧀ꦱꦺꦏꦶꦤ꧀ꦤꦤ꧀ꦤꦶꦪꦪꦲꦶꦁꦔꦸꦭꦶꦃꦲꦏꦺꦠꦤ꧀ꦥꦥꦏꦺꦴꦭꦺꦃ꧉
꧑꧒꧉ ꦠꦸꦩꦸꦭꦶꦲꦏꦺꦴꦁꦏꦺꦴꦤ꧀ꦩ ꦤ꧀ꦤꦺꦃꦏꦁꦏꦥꦶꦁꦠꦼꦭꦸ꧈ꦲꦶꦏꦸꦲꦶꦪꦧꦚ꧀ꦗꦸꦂꦠꦶꦤ꧀ꦤꦠꦺꦴꦤ꧀ꦤꦤ꧀ꦱꦂꦠꦧꦶꦤꦸꦮꦁ꧉
꧑꧓꧉ ꦢꦺꦤ꧀ꦤꦺꦥꦔꦸꦕꦥ꧀ꦥꦺꦭꦸꦫꦃꦲꦶꦁꦥꦏꦼꦧꦺꦴꦤ꧀ꦤꦤ꧀ꦩꦲꦸ꧈ꦏꦁꦧꦏꦭ꧀ꦠꦏ꧀ꦒꦮꦺꦲꦥ꧈ꦲꦶꦏꦸꦧꦏꦭ꧀ꦲ ꦏꦺꦴꦁꦏꦺꦴꦤ꧀ꦲꦤ꧀ꦤꦏ꧀ꦏꦸꦏꦁꦠꦏ꧀ꦏꦱꦶꦃꦲꦶ꧈ꦪꦺꦤ꧀ꦥꦣꦮꦼꦂꦫꦸꦃꦧꦺꦴꦏ꧀ꦩꦼꦤ꧀ꦤꦮꦲꦺꦫꦶꦁꦩꦫꦁꦲꦤ꧀ꦤꦏ꧀ꦏꦸꦲꦶꦏꦸ꧉
꧑꧔꧉ ꦢꦺꦤ꧀ꦤꦺꦮꦺꦴꦁꦠꦤ꧀ꦤꦶꦩꦲꦸꦧꦉꦁꦥꦣꦮꦼꦂꦫꦸꦃꦩꦫꦁꦲꦤ꧀ꦤꦏ꧀ꦏꦺꦩꦲꦸ꧈ ꦥꦣꦲꦉꦫꦱꦤ꧀ꦝꦺꦣꦺꦮꦺꦏ꧀ꦏꦤ꧀꧈ꦥꦔꦸꦕꦱ꧀ꦥꦺ꧈ꦲꦶꦏꦸꦄꦃꦭꦶꦮꦫꦶꦱ꧀ꦱꦺ꧈ꦲꦪꦺꦴꦥꦣꦢꦶꦥꦠꦺꦤ꧀ꦤꦶ꧈ꦱꦸꦥꦪꦮꦫꦶꦱ꧀ꦱꦤ꧀ꦤꦺꦢꦢꦶꦪꦢꦸꦮꦺꦏ꧀ꦏꦸ꧉
꧑꧕꧉ ꦲꦤ꧀ꦤꦏ꧀ꦩꦲꦸꦧꦚ꧀ꦗꦸꦂ ꦧꦶꦤꦸꦮꦁꦩꦫꦁꦱꦗꦧꦤ꧀ꦤꦶꦁꦥꦏꦼꦧꦺꦴꦤ꧀ꦤꦤ꧀ꦱꦂꦠꦥꦶꦤ꧀ꦤꦠꦺꦤ꧀ꦤꦤ꧀꧈ꦢꦺꦤ꧀ꦤꦺꦭꦸꦫꦃꦲꦶꦁꦥꦏꦼꦧꦺꦴꦤ꧀ꦤꦤ꧀ꦩꦲꦸꦧꦏꦭ꧀ꦲꦔꦥꦏ꧀ꦲꦏꦺꦩꦫꦁꦮꦺꦴꦁꦠꦤ꧀ꦤꦶꦲꦶꦏꦸ꧉
꧑꧖꧉ ꦱꦠꦼꦏꦤ꧀ꦤꦺ ꦲꦺꦴꦫꦮꦸꦫꦸꦁꦧꦏꦭ꧀ꦲꦤꦸꦩ꧀ꦥꦼꦱ꧀ꦩꦫꦁꦮꦺꦴꦁꦠꦤ꧀ꦤꦶꦲꦶꦏꦸꦩꦲꦸ꧈ꦱꦂꦠꦥꦏꦼꦧꦺꦴꦤ꧀ꦤꦤ꧀ꦤꦺꦧꦏꦭ꧀ꦥꦶꦤ꧀ꦤꦱꦿꦃꦲꦏꦺꦩꦫꦁꦮꦺꦴꦁꦭꦶꦪꦤ꧀ꦤꦺ꧈ꦢꦺꦤ꧀ꦤꦺꦮꦺꦴꦁꦩꦲꦸꦱꦮꦸꦱ꧀ꦱꦺꦔꦿꦸꦔꦸꦥꦣꦲꦸꦩꦠꦸꦂ꧈ꦥꦸꦤ꧀ꦤꦶꦏꦱꦩ꧀ꦥꦸꦤ꧀꧉
꧑꧗꧉ ꦩꦺꦴꦁꦏꦪꦺꦯꦸꦱ꧀ꦲꦩꦤ꧀ꦢꦼꦁꦩꦫꦁꦮꦺꦴꦁꦩꦲꦸ꧈ꦥꦔꦤ꧀ꦢꦶꦏꦤ꧀ꦤꦺ꧈ꦠꦸꦠꦸꦭꦶꦱ꧀ꦱꦤ꧀ꦩꦼꦁꦏꦺꦤ꧀ꦤꦺꦲꦶꦏꦶꦲꦥꦠꦼꦒꦼꦱ꧀ꦱꦺ꧈ꦧꦠꦏꦁꦮꦸꦱ꧀ꦠꦶꦤ꧀ꦤꦩ꧀ꦥꦶꦏ꧀ꦢꦺꦤ꧀ꦤꦶꦁꦮꦺꦴꦁꦠꦸꦏꦁꦒꦮꦺꦲꦺꦴꦩꦃꦲꦶꦏꦸꦢꦶꦤ꧀ꦤꦢꦺꦏ꧀ꦲꦏꦺꦢꦺꦴꦩ꧀ꦧꦤ꧀ꦤꦶꦁꦠꦠꦊꦱ꧀ꦱꦶꦁꦥꦢꦺꦴꦤ꧀꧉
꧑꧘꧉ ꦱꦥꦲꦸꦮꦺꦴꦁꦏꦁꦠꦶꦧꦩꦫꦁꦧꦠꦲꦶꦏꦸꦧꦏꦭ꧀ꦉꦩꦸꦏ꧀꧈ꦭꦤ꧀ꦱꦥꦮꦺꦴꦁꦏꦁꦏꦠꦶꦧꦤ꧀ꦧꦠꦲꦶꦏꦸꦧꦏꦭ꧀ꦲꦗꦸꦂ꧉
꧑꧙꧉ ꦩꦺꦴꦁꦏꦲꦶꦁꦤꦭꦶꦏꦲꦶꦏꦸꦥꦫꦥꦔꦸꦭꦸ [ 206 ]ꦲꦸꦠꦮꦥꦫꦔꦸꦭꦩ꧈ꦥꦣꦲꦒꦺꦴꦭꦺꦏ꧀ꦢꦼꦢꦭꦤ꧀꧈ꦒꦺꦴꦤ꧀ꦤꦺꦧꦏꦭ꧀ꦲꦤ꧀ꦚꦼꦏꦼꦭ꧀ꦩꦫꦁꦪꦺꦯꦸꦱ꧀꧈ꦲꦤ꧀ꦤꦔꦶꦁꦥꦣꦮꦼꦢꦶꦩꦫꦁꦧꦭ꧈ꦱꦧꦧ꧀ꦥꦣꦱꦸꦩꦸꦫꦸꦥ꧀꧈ꦪꦺꦤ꧀ꦥꦱꦼꦩꦺꦴꦤ꧀ꦏꦁꦢꦶꦥꦔꦤ꧀ꦢꦶꦏꦏ꧀ꦲꦏꦺꦲꦶꦏꦸꦩꦫꦁꦲꦶꦁꦣꦺꦮꦺꦏ꧀ꦏꦺ꧉
꧒꧐꧉ ꦩꦺꦴꦁꦏꦮꦺꦴꦁꦩꦲꦸꦥꦣꦲꦚ꧀ꦗꦼꦗꦼꦥ꧀ꦩꦫꦁꦪꦺꦯꦸꦱ꧀꧈ꦲꦔ꧀ꦭꦏꦺꦴꦏ꧀ꦲꦏꦺꦠꦼꦭꦶꦏ꧀ꦥꦣꦲꦱꦼꦔꦢꦶꦪꦺꦤ꧀ꦲꦢꦶꦭ꧀ꦲꦮꦏ꧀ꦏꦺꦣꦺꦮꦺ꧈ꦥꦩꦿꦶꦪꦺꦲꦩꦶꦠꦼꦤ꧀ꦤꦃꦩꦫꦁꦪꦺꦯꦸꦱ꧀꧈ꦩꦼꦠꦸꦮꦗ ꦭꦂꦫꦤ꧀ꦱꦏꦥꦔꦤ꧀ꦢꦶꦏꦤ꧀ꦤꦺ꧈ꦱꦸꦥꦪꦏꦼꦤ꧀ꦤꦲꦥꦶꦤ꧀ꦤꦱꦿꦃꦲꦏꦺꦩꦫꦁꦲꦶꦁꦥꦫꦺꦤ꧀ꦠꦃꦲꦸꦠꦮꦩꦫꦁꦥꦔꦸꦮꦱꦤ꧀ꦤꦶꦁꦨꦸꦦꦡꦶ꧉
꧒꧒꧉ ꦱꦂꦠꦥꦣꦲꦠꦠꦏꦺꦴꦤ꧀ꦩꦫꦁꦪꦺꦯꦸꦱ꧀꧈ꦲꦠꦸꦂꦫꦺ꧈ꦓꦸꦫꦸ꧈ꦏꦸꦭꦱꦸꦩꦼꦉꦥ꧀ꦪꦺꦤ꧀ꦥꦔꦤ꧀ꦢꦶꦏꦱꦂꦠꦥꦩꦸꦭꦁꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦊꦉꦱ꧀꧈ꦱꦲꦱꦩ꧀ꦥꦺꦪꦤ꧀ꦧꦺꦴꦠꦼꦤ꧀ꦔꦸꦭꦠ꧀ꦠꦏꦼꦤ꧀ꦝꦠꦼꦁꦱꦼꦩꦸꦤ꧀ꦤꦶꦁꦠꦶꦠꦶꦪꦁ꧈ꦩꦭꦃꦒꦺꦤ꧀ꦱꦩ꧀ꦥꦺꦪꦤ꧀ꦩꦸꦭꦁꦔꦏꦼꦤ꧀ꦝꦠꦼꦁꦩꦂꦒꦶꦤ꧀ꦤꦶꦁꦄꦭ꧀ꦭꦃꦏꦊꦉꦱ꧀ꦱꦤ꧀꧉
꧒꧓꧉ ꦒꦺꦤ꧀ꦏꦸꦭꦚꦲꦺꦴꦱ꧀ꦱꦏꦼꦤ꧀ꦧꦸꦭꦸꦧꦼꦏ꧀ꦠꦶꦣꦸꦩꦠꦼꦁꦯꦁꦦꦿꦗꦸ꧈ꦥꦸꦤ꧀ꦤꦥꦥꦿꦪꦺꦴꦒꦶꦥꦸꦤ꧀ꦤꦥꦧꦺꦴꦠꦼꦤ꧀꧉
꧒꧔꧉ ꦢꦺꦤ꧀ꦤꦺꦪꦺꦯꦸꦱ꧀ꦱꦸꦩꦼꦉꦥ꧀ꦪꦺꦤ꧀ꦏꦤ꧀ꦤꦶꦪꦠ꧀ꦠꦤ꧀ꦤꦺꦮꦺꦴꦁꦔꦶꦏꦸꦲꦭ꧈ꦥꦔꦤ꧀ꦢꦶꦏꦤ꧀ꦤꦺ꧈ꦪꦒꦺꦤ꧀ꦤꦺꦏꦺꦴꦮꦺꦠꦼꦏꦲꦤ꧀ꦚꦺꦴꦧꦩꦫꦁꦔꦏꦸ꧉
꧒꧔꧉ ꦏꦺꦴꦮꦺꦥꦣꦲꦤ꧀ꦢꦸꦢꦸꦃꦲꦼꦤ꧀ꦤꦩꦫꦁꦔꦏꦸꦱ ꦢꦶꦤ꧀ꦤꦂ꧈ꦒꦩ꧀ꦧꦂꦭꦤ꧀ꦠꦸꦠꦸꦭꦶꦱ꧀ꦱꦤ꧀ꦤꦺꦏꦁꦲꦤꦲꦶꦁꦢꦶꦤ꧀ꦤꦂꦲꦶꦏꦸꦱꦥ꧈ꦩꦺꦴꦁꦏꦥꦣꦲꦩꦁꦱꦸꦭ꧀ꦭꦶꦲꦠꦸꦂ꧈ꦲꦶꦁꦒꦶꦃꦥꦸꦤ꧀ꦤꦶꦏꦯꦁꦦꦿꦗꦸ꧉
꧒꧕꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦩꦸꦭꦤ꧀ꦤꦺꦲꦤ꧀ꦚꦲꦺꦴꦱ꧀ꦱꦼꦤ꧀ꦤꦏꦒꦸꦁꦔꦤ꧀ꦤꦺꦏꦁꦦꦿꦨꦸꦩꦫꦁꦲꦶꦁꦯꦁꦦꦿꦨꦸ꧈ꦲꦸꦠꦮꦲꦤ꧀ꦚꦲꦺꦴꦱ꧀ꦱꦼꦤ꧀ꦤꦏꦒꦸꦁꦔꦤ꧀ꦤꦶꦁꦄꦭ꧀ꦭꦃꦩꦫꦁꦄꦭ꧀ꦭꦃ꧉
꧒꧖꧉ ꦢꦢꦶꦤ꧀ꦤꦺꦮꦺꦴꦁꦩꦲꦸꦲꦺꦴꦫꦧꦶꦱꦒꦺꦴꦤ꧀ꦤꦺꦲꦩꦱꦁꦏꦭꦏꦁꦗꦭꦂꦫꦤ꧀ꦱꦏꦥꦔꦤ꧀ꦢꦶꦏꦤ꧀ꦤꦺ꧈ꦲꦤꦔꦉꦥ꧀ꦥꦤ꧀ꦤꦶꦁꦧꦭ꧈ꦩꦭꦃꦥꦣꦏꦲꦺꦫꦩ꧀ꦩꦤ꧀ꦲꦮꦶꦠ꧀ꦱꦏꦥꦚ꧀ꦗꦮꦧ꧀ꦧꦺ꧈ꦢꦢꦶꦥꦣꦩꦼꦤ꧀ꦤꦼꦁꦧꦲꦺ꧉
꧒꧗꧉ ꦲꦤꦱꦮꦼꦤ꧀ꦤꦺꦃꦲꦶꦁꦮꦺꦴꦁꦱꦢꦸꦏꦶꦏꦁꦥꦣꦲꦩꦢꦺꦴꦤ꧀ꦤꦶꦲꦔꦫꦤ꧀ꦤꦶꦪꦺꦤ꧀ꦤꦺꦴꦫꦤ꧀ꦤꦤꦏꦶꦪꦩꦠ꧀꧈ꦥꦣꦲꦸꦩꦉꦏ꧀ꦲꦠꦠꦏꦺꦴꦤ꧀ꦩꦫꦁꦪꦺꦯꦸꦱ꧀꧉
꧒꧘꧉ ꦲꦠꦸꦂꦫꦺ꧈ꦓꦸꦫꦸ꧈ꦩꦸꦯꦱꦩ꧀ꦥꦸꦤ꧀ꦲꦩꦫꦶꦁꦔꦏꦼꦤ꧀ꦱꦼꦂꦫꦠ꧀ꦝꦸꦩꦠꦼꦁꦏꦸꦭ꧈ꦩꦤ꧀ꦤꦮꦶꦮꦺꦴꦤ꧀ꦠꦼꦤ꧀ꦠꦶꦪꦁꦱꦣꦺꦫꦺꦏ꧀ꦲꦒꦣꦃꦧꦺꦴꦗꦺꦴꦥꦼꦗꦃ꧈ꦤꦔꦶꦁꦥꦼꦗꦃꦲꦶꦥꦸꦤ꧀ꦢꦺꦫꦺꦁꦔꦤ꧀ꦤꦏ꧀ꦲꦤ꧀ꦤꦏ꧀꧈ꦱꦣꦺꦫꦺꦏ꧀ꦏꦶꦥꦸꦤ꧀ꦲꦶꦁꦏꦁꦏꦸꦮꦗꦶꦧ꧀ꦧꦤ꧀ꦲꦔꦫꦁꦔꦸꦭꦸꦣꦠꦼꦁꦲꦶꦥꦺꦤ꧀ꦤꦶꦥꦸꦤ꧀꧈ꦱꦂꦠꦲꦤꦸꦮꦸꦃꦲꦏꦼꦤ꧀ꦮꦶꦗꦶꦣꦸꦩꦠꦼꦁꦱꦣꦺꦫꦺꦏ꧀ꦏꦶꦥꦸꦤ꧀ꦮꦲꦸ꧉
꧒꧙꧉ ꦩꦺꦴꦁꦏꦮꦺꦴꦤ꧀ꦠꦼꦤ꧀ꦠꦶꦪꦁꦱꦣꦺꦫꦺꦏ꧀ꦏꦶꦥꦸꦤ꧀ꦥꦶꦥꦶꦠꦸ꧈ꦢꦺꦤ꧀ꦤꦺꦲꦶꦁꦏꦁꦥꦩ꧀ꦧꦗꦼꦁꦱꦩ꧀ꦥꦸꦤ꧀ꦲꦔꦭꦥ꧀ꦧꦺꦴꦗꦺꦴ꧈ꦥꦼꦗꦃꦢꦺꦫꦺꦁꦔꦤ꧀ꦠꦺꦴꦱ꧀ꦲꦤ꧀ꦤꦏ꧀ꦲꦤ꧀ꦤꦏ꧀꧉
꧓꧐꧉ ꦠꦸꦩꦸꦤ꧀ꦠꦼꦤ꧀ꦱꦣꦺꦫꦺꦏ꧀ꦏꦶꦥꦸꦤ꧀ꦲꦶꦁꦏꦁꦏꦥꦶꦁꦏꦭꦶꦃꦲꦁꦔꦿꦧꦺꦤ꧀ꦤꦶꦣꦠꦼꦁꦲꦶꦥꦺꦤ꧀ꦤꦶꦥꦸꦤ꧀ꦮꦲꦸ꧈ꦥꦸꦤ꧀ꦤꦶꦏꦲꦶꦁꦒꦶꦃꦥꦼꦗꦃꦢꦺꦫꦺꦁꦔꦤ꧀ꦠꦺꦴꦱ꧀ꦲꦤ꧀ꦤꦏ꧀ꦲꦤ꧀ꦤꦏ꧀꧉
꧓꧑꧉ ꦱꦣꦺꦫꦺꦏ꧀ꦏꦶꦥꦸꦤ꧀ꦲꦶꦁꦏꦁꦏꦥꦶꦁꦠꦶꦒꦭꦗꦼꦁꦲꦔꦿꦧꦺꦤ꧀ꦤꦶ꧈ꦱꦭꦗꦼꦁꦔꦶꦥꦸꦤ꧀ꦏꦢꦺꦴꦱ꧀ꦩꦼꦏꦠꦼꦤ꧀ꦲꦸꦒꦶꦱꦣꦺꦫꦺꦏ꧀ꦥꦶ [ 207 ]ꦥꦶꦠꦸꦮꦲꦸ꧈ꦱꦩꦶꦧꦺꦴꦠꦼꦤ꧀ꦠꦶꦠꦶꦭꦂꦲꦤ꧀ꦤꦏ꧀ꦱꦂꦠꦱꦩꦶꦥꦼꦗꦃ꧉
꧓꧒꧉ ꦮꦸꦱꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦱ ꦥꦼꦗꦃꦲꦶꦥꦸꦤ꧀ꦱꦢꦪꦮꦲꦸ꧈ꦠꦶꦪꦁꦔꦺꦱ꧀ꦠꦿꦶꦲꦶꦁꦒꦶꦃꦥꦼꦗꦃ꧉
꧓꧓꧉ ꦲꦶꦁꦏꦁꦥꦸꦤ꧀ꦤꦶꦏꦩꦼꦤ꧀ꦤꦮꦶꦲꦶꦁꦢꦶꦤ꧀ꦠꦼꦤ꧀ꦏꦶꦪꦩꦠ꧀ꦲꦶꦁꦏꦁꦲꦁꦒꦣꦃꦲꦶꦧꦺꦴꦗꦺꦴꦲꦶꦁꦏꦁꦥꦸꦤ꧀ꦢꦶ꧈ꦲꦮꦶꦠ꧀ꦢꦺꦤ꧀ꦤꦶꦁꦠꦶꦪꦁꦥꦶꦥꦶꦠꦸꦮꦲꦸꦱꦩꦶꦲꦔꦿꦧꦺꦤ꧀ꦤꦶꦣꦠꦼꦁꦠꦶꦪꦁꦔꦺꦱ꧀ꦠꦿꦶꦥꦸꦤ꧀ꦤꦶꦏ꧉
꧓꧔꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥ ꦔꦤ꧀ꦢꦶꦏ꧈ꦲꦤ꧀ꦤꦏ꧀ꦏꦶꦁꦢꦸꦤ꧀ꦚꦲꦶꦏꦶꦥꦣꦫꦧꦶꦭꦤ꧀ꦫꦶꦤ꧀ꦤꦧꦺꦏ꧀ꦲꦏꦺ꧉
꧓꧕꧉ ꦢꦺꦤ꧀ꦤꦺꦮꦺꦴꦁꦏꦁꦲꦶꦁꦔꦸꦠꦩꦏ꧀ꦲꦏꦺꦲꦤ꧀ꦤꦩ꧀ꦥꦤ꧀ꦤꦶꦲꦶꦁꦗꦩꦤ꧀ꦲꦏꦶꦂ꧈ꦲꦸꦠꦮꦤꦭꦶꦏꦠꦔꦶꦤ꧀ꦤꦺꦮꦺꦴꦁꦩꦠꦶ꧈ꦲꦶꦏꦸꦲꦺꦴꦫꦫꦧꦶꦭꦤ꧀ꦤꦺꦴꦫꦫꦶꦤ꧀ꦤꦧꦺꦏ꧀ꦲꦏꦺ꧉
꧓꧖꧉ ꦱꦧꦧ꧀ꦲꦺꦴꦫꦧꦶꦱꦩꦠꦶꦩꦤ꧀ꦤꦺꦃ꧈ꦤꦔꦶꦁꦥꦣꦏꦪꦩꦭꦲꦺꦏꦠ꧀꧈ꦢꦺꦤ꧀ꦤꦺꦲꦤ꧀ꦤꦏ꧀ꦏꦶꦁꦏꦶꦪꦩꦠ꧀ꦠꦶꦏꦸꦲꦶꦪꦲꦤ꧀ꦤꦏ꧀ꦏꦶꦁꦄꦭ꧀ꦭꦃ꧉
꧓꧗꧉ ꦢꦺꦤ꧀ꦤꦺꦩꦸꦁꦒꦸꦃꦠꦁꦔꦶꦤ꧀ꦤꦺꦮꦺꦴꦁꦩꦠꦶ꧈ꦩꦸꦯꦲꦶꦪꦮꦸꦱ꧀ꦲꦩꦿꦠꦺꦭꦏ꧀ꦲꦏꦺꦤꦭꦶꦏꦲꦤꦲꦶꦁꦥꦔꦼꦂꦫꦺꦤ꧀꧈ꦒꦺꦴꦤ꧀ꦤꦺꦦꦔꦺꦫꦤ꧀ꦏꦮꦼꦱ꧀ꦠꦤ꧀ꦤꦤ꧀​ꦄꦭ꧀ꦭꦃꦲꦺꦆꦧꦿꦲꦶꦩ꧀꧈ꦭꦤ꧀​ꦄꦭ꧀ꦭꦃꦲꦺꦆꦱ꧀ꦏ꧀ꦏ꦳ꦏ꧀꧈ꦠꦸꦮꦶꦤ꧀​ꦄꦭ꧀ꦭꦃꦲꦺꦪꦏꦸꦧ꧀꧉
꧓꧘꧉ ꦢꦺꦤ꧀ꦤꦺꦄꦭ꧀ꦭꦃꦲꦶꦏꦸꦢꦸꦢꦸꦄꦭ꧀ꦭꦃꦲꦺꦮꦺꦴꦁꦩꦠꦶ꧈ꦤꦔꦶꦁꦄꦭ꧀ꦭꦃꦲꦺꦮꦺꦴꦁꦔꦸꦫꦶꦥ꧀꧈ꦱꦧꦧ꧀ꦮꦺꦴꦁꦏꦧꦺꦃꦲꦶꦏꦸꦲꦸꦫꦶꦥ꧀ꦲꦶꦁꦔꦠꦱ꧀ꦱꦶꦁꦄꦭ꧀ꦭꦃ꧉
꧓꧙꧉ ꦩꦺꦴꦁꦏꦲꦤꦱꦮꦼꦤ꧀ꦤꦺꦃꦲꦶꦁꦔꦸꦮꦺꦴꦁꦔꦸꦭꦩ꧈ꦥꦣꦲꦤ꧀ꦤꦩ꧀ꦧꦸꦁꦔꦶꦲꦠꦸꦂ꧈ꦓꦸꦫꦸ꧈ꦥꦔꦤ꧀ꦢꦶꦏꦱꦩ꧀ꦥꦺꦪꦤ꧀ꦥꦸꦤ꧀ꦤꦶꦏꦊꦉꦱ꧀꧉
꧔꧐꧉ ꦢꦺꦤ꧀ꦤꦺꦮꦺꦴꦁꦲꦺꦴꦫꦮꦤ꧀ꦤꦶꦲꦠꦠꦏꦺꦴꦤ꧀ꦲꦥꦲꦥꦩꦤ꧀ꦤꦺꦃꦩꦫꦁꦪꦺꦯꦸꦱ꧀꧉
꧔꧑꧉ ꦲꦤꦢꦺꦤ꧀ꦤꦺꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦔꦶꦏꦸ꧈ꦏꦥꦿꦶꦪꦺꦥꦔꦸꦕꦥ꧀ꦥꦶꦁꦔꦸꦮꦺꦴꦁ꧈ꦪꦺꦤ꧀ꦏꦿꦶꦱ꧀ꦡꦸꦱ꧀ꦲꦶꦏꦸꦥꦸꦠꦿꦤ꧀ꦤꦶꦁꦢꦮꦸꦤ꧀꧉
꧔꧒꧉ ꦩꦺꦴꦁꦏꦱꦗꦿꦺꦴꦤ꧀ꦤꦶꦁꦏꦶꦠꦧ꧀ꦩꦱ꧀ꦩꦸꦂ꧈ꦥꦔꦸꦕꦥ꧀ꦥꦺꦢꦮꦸꦤ꧀ꦩꦁꦏꦺꦤ꧀ꦤꦺ꧈ꦦꦔꦺꦫꦤ꧀ꦮꦸꦱ꧀ꦲꦔꦤ꧀ꦢꦶꦏꦩꦫꦁꦦꦔꦺꦫꦤ꧀ꦏꦸ꧈ꦱꦶꦫꦭꦸꦁꦒꦸꦃꦲꦲꦤꦲꦶꦁꦠꦼꦔꦼꦤ꧀ꦤꦶꦁꦯꦸꦤ꧀꧉
꧔꧓꧉ ꦏꦺꦴꦁꦱꦶꦠꦸꦩꦼꦏꦲꦼꦁꦒꦺꦴꦤ꧀ꦤꦶꦁꦯꦸꦤ꧀ꦲꦤ꧀ꦚꦺꦭꦺꦃꦲꦏꦺꦱꦠꦿꦸꦤ꧀ꦤꦶꦫꦲꦤꦲꦶꦁꦔꦚ꧀ꦕꦶꦏ꧀ꦏꦚ꧀ꦕꦶꦏ꧀ꦏꦺꦱꦶꦏꦶꦭ꧀ꦭꦶꦫ꧉
꧔꧔꧉ ꦢꦢꦶꦢꦮꦸꦢ꧀ꦲꦶꦏꦸꦲꦤ꧀ꦚꦼꦧꦸꦠ꧀ꦦꦔꦺꦫꦤ꧀ꦩꦫꦁꦏꦿꦶꦱ꧀ꦡꦸꦱ꧀꧈ꦏꦥꦿꦶꦪꦺꦪꦺꦤ꧀ꦢꦢꦶꦪꦥꦸꦠꦿꦤ꧀ꦤꦺ꧉
꧔꧕꧉ ꦲꦤꦢꦺꦤ꧀ꦤꦺꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀ꦠꦺ꧈ꦏꦁꦫꦶꦤꦸꦔꦸꦲꦶꦁꦧꦭꦏꦧꦺꦃ꧉
꧔꧖꧉ ꦏꦺꦴꦮꦺꦥꦣꦩꦿꦪꦶꦠ꧀ꦤꦤ꧀ꦤꦤꦩꦫꦁꦥꦫꦔꦸꦭꦩ꧈ꦏꦁꦥꦣꦣꦼꦩꦼꦤ꧀ꦩꦸꦧꦼꦁꦩꦸꦧꦼꦁꦲꦔꦁꦒꦺꦴꦏꦸꦭꦩ꧀ꦧꦶꦗꦸꦧꦃ꧈ꦱꦂꦠꦣꦼꦩꦼꦤ꧀ꦢꦶꦲꦸꦭꦸꦏ꧀ꦏꦶꦱꦭꦩ꧀ꦲꦤꦲꦶꦁꦥꦱꦂ꧈ꦭꦤ꧀ꦪꦺꦤ꧀ꦲꦤꦲꦶꦁꦩꦼꦱ꧀ꦗꦶꦢ꧀ꦝꦼꦩꦼꦤ꧀ꦏꦸꦂꦰꦶꦲꦶꦁꦔꦉꦥ꧀꧈ ꦠꦸꦮꦶꦤ꧀ꦥꦭꦸꦁꦒꦸꦃꦲꦤ꧀ꦔꦉꦥ꧀ꦪꦺꦤ꧀ꦲꦤꦲꦶꦁꦥꦗꦒꦺꦴꦁꦔꦤ꧀꧉
꧔꧗꧉ ꦏꦁꦥꦣꦩꦁꦔꦤ꧀ꦲꦶꦱꦶꦤ꧀ꦤꦺꦲꦺꦴꦩꦃꦲꦶꦁꦫꦺꦴꦟ꧀ꦝ꧈ꦱꦂꦠꦲꦱꦼꦔꦢꦶꦱꦭꦠ꧀ꦱꦸꦮꦺ꧈ꦲꦶꦏꦸꦧꦏꦭ꧀ꦲꦺꦴꦭꦺꦃ ꦥꦲꦸꦏꦸꦩ꧀ꦩꦤ꧀ꦏꦁꦭꦸꦮꦶꦃꦲꦧꦔꦼꦠ꧀꧉ ꧉

---

[ 208 ]

꧋ꦧꦧ꧀ꦏꦥꦶꦁꦱꦭꦶꦏꦸꦂ꧉

꧑꧉ ꧋ꦲꦤꦢꦺꦤ꧀ꦤꦺꦪꦺꦯꦸꦱ꧀ꦲꦩꦤ꧀ꦢꦼꦁꦤꦶꦔꦭ꧀ꦭꦶ꧈ꦱꦏꦺꦃꦲꦶꦁꦮꦺꦴꦁꦱꦸꦒꦶꦃꦒꦺꦴꦤ꧀ꦤꦺꦲꦔ꧀ꦭꦼꦧꦺꦴꦏ꧀ꦲꦏꦺꦣꦸꦮꦶꦠ꧀ꦥꦶꦱꦸꦁꦱꦸꦁꦔꦺꦩꦫꦁꦲꦶꦁꦥꦼꦛꦶꦢꦤ꧉
꧒꧉ ꦱꦂꦠꦲꦤ꧀ꦤꦶꦔꦭ꧀ꦭꦶꦲꦶꦁꦏꦺꦴꦤ꧀ꦤꦺꦴꦲꦤꦱꦮꦶꦗꦶꦫꦺꦴꦟ꧀ꦝꦩꦭꦫꦠ꧀꧈ꦒꦺꦴꦤ꧀ꦤꦺꦲꦔ꧀ꦭꦼꦧꦺꦴꦏ꧀ꦲꦏꦺꦣꦸꦮꦶꦠ꧀ꦫꦺꦴꦁꦏꦺꦛꦺꦁ꧉
꧓꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏ꧈ꦱꦚꦠꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦩꦸꦁꦒꦸꦃꦫꦺꦴꦟ꧀ꦝꦩꦶꦱ꧀ꦏꦶꦤ꧀ꦲꦶꦏꦸꦒꦺꦴꦤ꧀ꦤꦺꦲꦔ꧀ꦭꦼꦧꦺꦴꦏ꧀ꦲꦏꦺ꧈ꦲꦔ꧀ꦭꦸꦮꦶꦃꦲꦶꦱꦏꦮꦺꦴꦁꦔꦶꦏꦸꦏꦧꦺꦃ꧉
꧔꧉ ꦱꦧꦧ꧀ꦮꦺꦴꦁꦏꦧꦺꦃꦲꦶꦏꦸꦩꦲꦸ꧈ꦲꦺꦴꦭꦺꦃꦲꦺꦲꦔ꧀ꦭꦼꦧꦺꦴꦏ꧀ꦲꦏꦺꦥꦶꦱꦸꦁꦱꦸꦁꦔꦶꦁꦄꦭ꧀ꦭꦃ꧈ꦱꦏꦲꦶꦁꦏꦭꦸꦮꦶꦃꦲꦤ꧀ꦤꦺ꧈ꦢꦺꦤ꧀ꦤꦺꦫꦺꦴꦟ꧀ꦝꦩꦲꦸꦲꦺꦴꦭꦺꦃꦲꦺꦲꦔ꧀ꦭꦼꦧꦺꦴꦏ꧀ꦲꦏꦺ꧈ꦱꦏꦲꦶꦁꦩꦼꦱꦏꦠ꧀ꦠꦺꦥꦔꦸ ꦫꦶꦥ꧀ꦥꦤ꧀ꦤꦺꦱꦢꦸꦮꦺꦏ꧀ꦏꦺꦏꦧꦺꦃ꧉ ꧉
꧕꧉ ꧋ꦭꦤ꧀ꦲꦤꦱꦮꦼꦤ꧀ꦤꦺꦃꦲꦶꦁꦮꦺꦴꦁꦲꦔꦸꦕꦥ꧀ꦩꦸꦁꦒꦸꦃꦲꦶꦁꦩꦼꦱ꧀ꦗꦶꦢ꧈ꦪꦺꦤ꧀ꦫꦶꦤ꧀ꦤꦼꦁꦒꦧꦠꦲꦺꦤ꧀ꦢꦃꦲꦺꦤ꧀ꦢꦃꦭꦮꦤ꧀ꦲꦶꦁꦥꦶꦱꦸꦁꦱꦸꦁ꧈ꦪꦺꦯꦸꦱ꧀ꦲꦔꦤ꧀ꦢꦶꦏ꧉
꧖꧉ ꦏꦺꦴꦮꦺꦮꦼꦂꦫꦸꦃꦩꦫꦁꦔꦶꦏꦸꦏ ꦧꦺꦃ꧈ꦧꦏꦭ꧀ꦠꦸꦩꦼꦏꦲꦶꦁꦩꦺꦴꦁꦱ꧈ꦲꦶꦁꦤꦭꦶꦏꦧꦠꦲꦺꦴꦫꦏꦠꦸꦩ꧀ꦥꦁꦔꦤ꧀ꦧꦠꦩꦤ꧀ꦤꦺꦃ꧈ꦏꦁꦲꦺꦴꦫꦏꦭꦮꦤ꧀ꦗꦶꦤꦸꦒꦿꦸꦒ꧀ꦒꦏꦺ꧉
꧗꧉ ꦮꦺꦴꦁꦩꦲꦸꦲꦠꦠꦏꦺꦴꦤ꧀ꦩꦫꦁꦪꦺꦯꦸꦱ꧀꧈ꦲ ꦠꦸꦂꦫꦺ꧈ꦓꦸꦫꦸ꧈ꦧꦺꦚ꧀ꦗꦶꦁꦥꦸꦤ꧀ꦤꦥꦏꦭꦩ꧀ꦥꦃꦲꦤ꧀ꦤꦶꦥꦸꦤ꧀꧈ꦱꦂꦠꦥꦸꦤ꧀ꦤꦥꦱꦱ꧀ꦩꦶꦠꦤ꧀ꦤꦶꦥꦸꦤ꧀ꦲꦶꦁꦏꦁꦧꦣꦺꦏꦭꦩ꧀ꦥꦃꦲꦤ꧀ꦥꦸꦤ꧀ꦤꦶꦏꦮꦲꦸ꧉
꧘꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏ꧈ꦏꦺꦴꦮꦺꦢꦶꦔꦠꦶꦪꦠꦶ꧈ꦲꦗꦔꦤ꧀ꦠꦶꦏꦱꦱꦂ꧈ꦱꦧꦧ꧀ꦲꦏꦺꦃꦮꦺꦴꦁꦏꦁꦧꦏꦭ꧀ꦠꦼꦏꦲꦔꦼꦁꦏꦺꦴꦏ꧀ꦏꦶꦲꦶꦁꦗꦼꦤ꧀ꦤꦼꦁꦏꦸ꧈ꦥꦔꦸꦕꦼꦥ꧀ꦥꦺ꧈ꦲꦏꦸꦲꦶꦏꦶꦏꦿꦶꦱ꧀ꦡꦸꦱ꧀꧈ꦭꦤ꧀ꦮꦸꦱ꧀ꦢꦸꦁꦏꦥ꧀ꦩꦁꦱꦤ꧀ꦤꦺ꧈ꦏꦺꦴꦮꦺꦲꦗꦏꦺꦴꦁꦱꦶꦩꦤꦸꦠ꧀ꦲꦠꦸꦠ꧀ꦧꦸꦫꦶꦩꦫꦁꦮꦺꦴꦁꦔꦶꦏꦸ꧉
꧙꧉ ꦲꦤꦢꦺꦤ꧀ꦤꦺꦧꦺꦱꦸꦏ꧀ꦪꦺꦤ꧀ꦏꦺꦴꦮꦺꦲꦔꦿꦸꦔꦺꦴꦏ꧀ꦲꦏꦺꦥꦥꦿꦁꦔꦤ꧀ꦭꦤ꧀ꦫꦸꦫꦸꦱꦸꦃꦲꦤ꧀꧈ꦲꦗꦏꦺꦴꦮꦺꦲꦸꦮꦱ꧀ꦱꦸꦮꦱ꧀꧈ꦱꦧꦧ꧀ꦥꦼꦂꦭꦸꦲꦶꦏꦸꦩꦲꦸꦭꦶꦤ꧀ꦤꦏꦺꦴꦤ꧀ꦤꦤ꧀ꦝꦶꦔꦶꦤ꧀꧈ꦤꦔꦶꦁꦮꦼꦏꦱ꧀ꦱꦤ꧀ꦤꦺꦲꦺꦴꦫꦠꦸꦩꦸꦭꦶ꧉
꧑꧐꧉ ꦢꦸꦏ꧀ꦤꦭꦶꦏꦲꦶꦏꦸꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦔꦶꦏꦸ꧈ꦧꦭꦧꦏꦭ꧀ꦲꦔ꧀ꦭꦸꦫꦸꦒ꧀ꦒꦶꦥꦣꦧꦭ꧈ꦭꦤ꧀ꦏꦫꦠꦺꦴꦤ꧀ꦲꦶꦪꦥꦣꦏꦫꦠꦺꦴꦤ꧀꧉
꧑꧑꧉ ꦭꦤ꧀ꦧꦏꦭ꧀ꦲꦤꦭꦶꦟ꧀ꦝꦸꦧꦔꦼꦠꦲꦶꦁꦱꦲꦼꦁꦒꦺꦴꦤ꧀ꦤꦼꦁꦒꦺꦴꦤ꧀꧈ꦲꦸꦠꦮꦥꦲꦶꦭ꧀ꦭꦤ꧀ꦭꦤ꧀ꦥꦒꦼꦧ꧀ꦭꦸꦒ꧀꧈ꦠꦸꦮꦶꦤ꧀ꦧꦏꦭ꧀ꦲꦔꦒꦺꦠ꧀ꦠꦒꦺꦠ꧀ꦠꦶ꧈ꦲꦥꦢꦺꦤ꧀ꦤꦺꦲꦤꦠꦠꦼꦁꦔꦼꦂꦫꦤ꧀ꦒꦼꦣꦺꦩꦼꦠꦸꦱꦏꦲꦶꦁꦭꦔꦶꦠ꧀꧉
꧑꧒꧉ ꦢꦺꦤ꧀ꦤꦺꦱꦢꦸꦫꦸꦁꦔꦺꦏꦭꦏꦺꦴꦤ꧀ꦲꦶꦏꦸꦩꦲꦸꦏꦧꦺꦃ꧈ꦮꦺꦴꦁꦧꦏꦭ꧀ꦏꦸꦩ꧀ꦭꦮꦺꦠꦔꦤ꧀ꦤꦺꦩꦫꦁꦏꦺꦴꦮꦺ꧈ꦭꦤ꧀ꦧꦏꦭ꧀ꦲꦔꦤ꧀ꦤꦶꦲꦪ꧈ꦏꦺꦴꦮꦺꦧꦏꦭ꧀ꦢꦶꦥꦫꦏ꧀ꦲꦏꦺꦩꦫꦁꦩꦼꦱ꧀ꦗꦶꦢ꧀ꦭꦤ꧀ꦩꦫꦁꦲꦶꦁꦏꦸꦚ꧀ꦗꦫ꧈ꦧꦏꦭ꧀ꦝꦶꦤ꧀ꦤꦣꦚꦾꦁꦩꦫꦁꦔꦉꦥ꧀ꦥꦤ꧀ꦤꦶꦁꦥꦫꦫꦡꦸꦲꦸꦠꦮꦥꦫꦨꦸꦦꦡꦶ꧈ꦲꦮꦶꦠ꧀ꦱꦏꦲꦶꦁꦗꦼꦤ꧀ꦤꦼꦁꦏꦸ꧉
꧑꧓꧉ꦲꦶꦏꦸ [ 209 ]ꦲꦶꦁꦏꦁꦩꦶꦤ꧀ꦤꦺꦴꦁꦏꦢꦢꦶꦱꦼꦏ꧀ꦱꦶꦩꦫꦁꦲꦶꦁꦏꦺꦴꦮꦺ꧉
꧑꧔꧉ ꦩꦸꦭꦤ꧀ꦤꦺꦏꦺꦴꦮꦺꦢꦶꦩꦤ꧀ꦠꦼꦥ꧀ꦲꦠꦶꦩꦸ꧈ꦲꦗꦏꦺꦴꦮꦺꦥꦶꦏꦶꦂꦣꦶꦔꦶꦤ꧀꧈ꦒꦺꦴꦤ꧀ꦩꦸꦧꦏꦭ꧀ꦩꦢꦺꦴꦤ꧀ꦤꦶ꧉
꧑꧕꧉ ꦱꦧꦧ꧀ꦏꦺꦴꦮꦺꦧꦏꦭ꧀ꦠꦏ꧀ꦥꦫꦶꦁꦔꦶꦥꦔꦸꦕꦥ꧀ꦭꦤ꧀ꦏꦥꦶꦤ꧀ꦠꦼꦂꦫꦤ꧀꧈ꦩꦸꦁꦱꦸꦃꦩꦸꦏꦧꦺꦃꦥꦣꦲꦺꦴꦫꦧꦶꦱꦩꦢꦺꦴꦤ꧀ꦤꦶꦱꦂꦠꦲꦔ꧀ꦭꦮꦤ꧀ꦤꦶꦩꦫꦁꦏꦺꦴꦮꦺ꧉
꧑꧖꧉ ꦤꦔꦶꦁꦏꦺꦴꦮꦺꦧꦏꦭ꧀ꦲꦶꦁꦔꦸꦭꦸꦁꦔꦏꦺꦢꦺꦤ꧀ꦤꦶꦁꦮꦺꦴꦁꦔꦠꦸꦮꦩꦸ꧈ꦲꦸꦠꦮꦱꦢꦸꦭꦸꦂꦩꦸ꧈ꦠꦸꦮꦶꦤ꧀ꦏꦸꦭꦮꦁꦱꦩꦸꦭꦤ꧀ꦥꦿꦱꦤ꧀ꦤꦏ꧀ꦏꦩꦸ꧈ꦱꦂꦠꦲꦤꦥꦤꦸꦁꦒꦭ꧀ꦭꦩꦸꦏꦁꦧꦏꦭ꧀ꦥꦶꦤ꧀ꦤꦠꦺꦤ꧀ꦤꦤ꧀꧉
꧑꧔꧗꧉ ꦭꦤ꧀ꦏꦺꦴꦮꦺꦧꦏꦭ꧀ꦱꦶꦤ꧀ꦤꦼꦁꦔꦶꦠ꧀ꦠꦤ꧀ꦢꦺꦤ꧀ꦤꦶꦁꦔꦸꦮꦺꦴꦁꦏꦧꦺꦃ꧈ꦏꦁꦲꦮꦶꦠ꧀ꦱꦏꦲꦶꦁꦗꦼꦤ꧀ꦤꦼꦁꦏꦸ꧉
꧑꧘꧉ ꦤꦔꦶꦁꦫꦩ꧀ꦧꦸꦠ꧀ꦠꦶꦁꦔꦼꦟ꧀ꦝꦱ꧀ꦩꦸꦱꦲꦼꦊꦂꦧꦏꦭ꧀ꦲꦺꦴꦫꦲꦶꦭꦁ꧉
꧑꧙꧉ ꦏꦺꦴꦮꦺꦥꦣꦲꦩꦶꦏꦺꦴꦭꦺꦃꦲꦼꦤ꧀ꦤꦩꦫꦁꦚꦮꦩꦸꦏꦁꦏꦭꦮꦤ꧀ꦱꦧꦂ꧉
꧒꧐꧉ ꦧꦺꦱꦸꦏ꧀ꦪꦺꦤ꧀ꦏꦺꦴꦮꦺꦲꦤ꧀ꦢꦼꦊꦁꦲꦶꦁꦪꦼꦫꦸꦱꦭꦺꦩ꧀ꦏꦶꦤ꧀ꦤꦼꦥꦸꦁꦥꦧꦫꦶꦱ꧀ꦱꦤ꧀ꦤꦶꦁꦧꦭ꧈ꦠꦸꦩꦸꦭꦶꦥꦣꦮꦼꦂꦫꦸꦃꦪꦺꦤ꧀ꦮꦸꦱ꧀ꦕꦼꦣꦏ꧀ꦏꦫꦸꦱꦏ꧀ꦏꦤ꧀ꦤꦺ꧉
꧒꧑꧉ ꦲꦶꦁꦤꦭꦶꦏꦲꦶꦏꦸꦮꦺꦴꦁꦏꦁꦥꦣꦲꦤꦲꦶꦁꦠꦤ꧀ꦤꦃꦪꦲꦸꦢꦶ꧈ꦥꦣꦲꦔꦸꦁꦱꦶꦪꦩꦫꦁꦲꦶꦁꦒꦸꦤꦸꦁ꧈ꦲꦸꦠꦮꦮꦺꦴꦁꦏꦁꦥꦣ ꦲꦤꦱꦗꦿꦺꦴꦤ꧀ꦤꦶꦁꦤꦼꦒꦫ꧈ꦥꦣꦲꦔꦭꦶꦪꦩꦫꦁꦲꦶꦁꦗꦧ꧈ꦭꦤ꧀ꦮꦺꦴꦁꦏꦁꦥꦣꦲꦤꦲꦶꦁꦥꦱꦮꦃꦲꦤ꧀꧈ꦲꦗꦏꦺꦴꦁꦱꦶꦥꦣꦭꦸꦩꦼꦧꦸ꧉
꧒꧒꧉ ꦱꦧꦧ꧀ꦲꦶꦁꦢꦶꦤ꧀ꦤꦲꦶꦏꦸꦩꦺꦴꦁꦱꦮꦼꦮꦊ ꦱ꧀꧈ꦱꦸꦥꦪꦏꦁꦠꦶꦤꦸꦭꦶꦱ꧀ꦱꦤ꧀ꦏꦧꦺꦃꦥꦣꦏꦠꦼꦠꦼꦥ꧀ꦥꦤ꧉
꧒꧓꧉ ꦥꦔꦣꦸꦃꦲꦶꦁꦔꦸꦮꦺꦴꦁꦏꦁꦥꦣꦲꦔꦟ꧀ꦝꦸꦠ꧀ꦝꦮꦼꦠꦼꦁꦔꦤ꧀꧈ꦲꦸꦠꦮꦮꦺꦴꦁꦏꦁꦤꦸꦱꦺꦴꦤ꧀ꦤꦶꦲꦶꦁꦢꦶꦤ꧀ꦤꦲꦶꦏꦸ꧈ꦱꦧꦧ꧀ꦧꦏꦭ꧀ꦏꦱꦸꦱꦃꦲꦤ꧀ꦧꦔꦼꦠ꧀ꦲꦶꦁꦨꦸꦩꦶ꧈ꦭꦤ꧀ꦧꦧꦼꦤ꧀ꦢꦸꦤ꧀ꦤꦶꦁꦧꦭꦲꦶꦏꦸ꧉
꧒꧔꧉ ꦭꦤ꧀ꦧꦏꦭ꧀ꦥꦣꦠꦶꦧꦱꦏꦭꦤ꧀ꦠꦂꦫꦤ꧀ꦤꦶꦁꦥꦼꦣꦁ꧈ꦱꦂꦠꦧꦏꦭ꧀ꦧꦶꦤ꧀ꦤꦺꦴꦪꦺꦴꦁꦩꦫꦁꦲꦶꦁꦗꦶꦤ꧀ꦤꦶꦱ꧀ꦏꦧꦺꦃ꧈ꦠꦸꦮꦶꦤ꧀ꦪꦼꦫꦸꦱꦭꦺꦩ꧀ꦧꦏꦭ꧀ꦏꦲꦶꦢꦏ꧀ꦲꦶꦢꦏ꧀ꦢꦺꦤ꧀ꦤꦶꦁꦮꦺꦴꦁꦏꦥꦶꦂ꧈ꦏꦺꦴꦁꦱꦶꦠꦸꦩꦼꦏꦥꦤ꧀ꦢꦸꦁꦏꦥ꧀ꦥꦺꦩꦁꦱꦤ꧀ꦤꦺꦮꦺꦴꦁꦏꦥꦶꦂ꧉
꧒꧕꧉ ꦲꦥꦢꦺꦤ꧀ꦤꦺꦱꦽꦁꦔꦺꦔꦺꦭꦤ꧀ꦉꦩ꧀ꦧꦸꦭꦤ꧀ꦲꦸꦠꦮꦭꦶꦤ꧀ꦠꦶꦁꦧꦏꦭ꧀ꦲꦤꦥꦤ꧀ꦤꦼꦔꦼꦂꦫꦤ꧀ꦤꦺ꧈ꦭꦤ꧀ꦲꦶꦁꦨꦸꦩꦶꦒꦒꦼꦠꦸꦤ꧀ꦤꦶꦁꦥꦫꦗꦶꦤ꧀ꦤꦶꦱ꧀ꦏꦲꦺꦩꦼꦁꦔꦤ꧀꧈ꦱꦼꦒꦫꦭꦤ꧀ꦲꦺꦴꦩ꧀ꦧꦏ꧀ꦲꦺꦴꦩ꧀ꦧꦏ꧀ꦥꦣꦗꦸꦩꦼꦒꦸꦂ꧉
꧒꧖꧉ ꦮꦺꦴꦁꦧꦏꦭ꧀ꦥꦣꦥꦼꦣꦺꦴꦠ꧀ꦤꦥꦱ꧀ꦱꦺꦲꦮꦶꦠ꧀ꦱꦏꦒꦶꦫꦶꦱ꧀ꦱꦺꦭꦤ꧀ꦒꦺꦴꦤ꧀ꦤꦺꦲꦔꦼꦤ꧀ꦠꦺꦤ꧀ꦤꦶꦥꦿꦏꦫꦏꦁꦠꦸꦩꦼꦏꦩꦫꦁꦲꦶꦁꦗꦓꦢ꧀꧈ꦱꦧꦚ꧀ꦕꦒꦏ꧀ꦏꦶꦁꦭꦔꦶꦠ꧀ꦧꦏꦭ꧀ꦥꦣꦒꦺꦴꦚ꧀ꦗꦁꦒꦚ꧀ꦗꦶꦁ꧉
꧒꧗꧉ ꦩꦺꦴꦁꦏꦲꦶꦁꦤꦭꦶꦏꦲꦶꦏꦸꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦧꦏꦭ꧀ꦏꦠꦶꦔꦭ꧀ꦭꦤ꧀꧈ꦫꦮꦸꦃꦲꦤꦲꦶꦁꦩꦺꦒꦲꦔꦒꦼꦩ꧀ꦥꦔꦸꦮꦱꦭꦤ꧀ꦏꦩꦸꦭꦾꦤ꧀ꦲꦏꦺꦃ꧉
꧒꧘꧉ ꦢꦺꦤ꧀ꦤꦺꦲꦮꦶꦠ꧀ꦠꦺꦏꦭꦏꦺꦴꦤ꧀ꦤꦺꦲꦶꦏꦸꦩꦲꦸ꧈ꦏꦺꦴꦮꦺꦥꦣꦠꦸꦩꦼꦁꦔꦲꦱꦂꦠꦲꦼꦟ꧀ꦝꦱ꧀ꦩꦸꦲꦔ꧀ꦭꦼꦁꦒꦏ꧀ꦏ꧈ꦱꦧꦧ꧀ꦡꦸꦱ꧀ꦕꦼꦣꦏ꧀ꦲꦶꦁꦏꦭꦸꦮꦂꦫꦩꦸ꧉
꧒꧙꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸꦲꦔꦁꦒꦺꦴꦥꦱꦼꦩꦺꦴꦤ꧀꧈ꦏꦺꦴꦮꦺꦥꦣꦲꦤ꧀ꦢꦼꦊꦁꦔꦩꦫꦁꦮꦶꦠ꧀ꦲꦫꦃꦲꦸꦠꦮꦩꦫꦁꦮꦶꦠ꧀ꦮꦶꦠ꧀ꦠꦤ꧀ꦏꦧꦺꦃ꧉
꧓꧐꧉ ꦤꦭꦶꦏꦏꦺꦴꦮꦺꦮꦼꦂꦫꦸꦃꦪꦺꦤ꧀ꦮꦸꦱ꧀ꦱꦼꦩꦶ꧈ꦏꦺꦴꦮꦺꦥꦣꦱꦸꦩꦸꦫꦸꦥ꧀ꦝꦺꦮꦺ꧈ꦪꦺꦤ꧀ꦩꦺꦴꦁꦱꦏꦠꦼꦭꦸꦮꦸꦱ꧀ꦕꦼꦣꦏ꧀꧉
꧓꧑꧉ ꦩꦼꦁꦏꦺꦴꦤ꧀ꦤꦺꦴ [ 210 ]ꦲꦸꦒꦏꦺꦴꦮꦺꦪꦺꦤ꧀ꦥꦣꦮꦼꦂꦫꦸꦃꦏꦭꦏꦺꦴꦤ꧀ꦤꦺꦲꦶꦏꦸꦩꦲꦸ꧈ꦏꦺꦴꦮꦺꦲꦶꦪꦥꦣꦱꦸꦩꦸꦫꦸꦥ꧀꧈ꦪꦺꦤ꧀ꦮꦸꦱ꧀ꦕꦼꦣꦏ꧀ꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧓꧒꧉ ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺꦱꦠꦼꦩꦼꦤ꧀ꦤꦺ꧈ꦪꦺꦤ꧀ꦧꦺꦴꦁꦱꦲꦶꦏꦶꦧꦏꦭ꧀ꦲꦺꦴꦫꦱꦶꦂꦤ꧈ꦏꦺꦴꦁꦱꦶꦠꦸꦩꦼꦏꦤ꧀ꦤꦺꦏꦭꦏꦺꦴꦤ꧀ꦤꦺꦲꦶꦏꦸꦩꦲꦸꦏꦧꦺꦃ꧉
꧓꧓꧉ ꦭꦔꦶꦠ꧀ꦭꦤ꧀ꦧꦸꦩꦶꦧꦏꦭ꧀ꦥꦣꦱꦶꦂꦤ꧈ꦢꦺꦤ꧀ꦤꦺꦩꦸꦁꦒꦸꦃꦏꦁꦠꦏ꧀ꦥꦶꦠꦸꦠꦸꦂꦫꦏꦺꦲꦶꦏꦸꦩꦲꦸꦲꦩꦼꦰ꧀ꦛꦶꦲꦺꦴꦫꦱꦶꦂꦤ꧉
꧓꧔꧉ ꦩꦸꦭꦤ꧀ꦤꦺꦏꦺꦴꦮꦺꦥꦣꦢꦶꦔꦠꦶꦪꦠꦶ꧈ꦲꦠꦶꦩꦸꦲꦗꦏꦺꦴꦁꦱꦶꦏꦧꦺꦴꦠ꧀ꦠꦤ꧀ꦲꦭꦸꦲꦩꦃꦭꦤ꧀ꦩꦼꦤ꧀ꦢꦼꦩ꧀꧈ꦠꦸꦮꦶꦤ꧀ꦏꦱꦸꦱꦃꦲꦤ꧀ꦤꦶꦁꦔꦲꦸꦫꦶꦥ꧀꧈ꦠꦼꦩꦃꦲꦤ꧀ꦤꦺꦒꦺꦴꦤ꧀ꦩꦸꦏꦠꦼꦏꦤ꧀ꦤꦤ꧀ꦲꦶꦁꦢꦶꦤ꧀ꦤꦲꦶꦏꦸꦢꦢꦏ꧀ꦏꦤ꧉
꧓꧕꧉ ꦱꦧꦧ꧀ꦲꦸꦥꦩꦤ꧀ꦤꦺꦏꦪꦗꦶꦉꦠ꧀ꦧꦏꦭ꧀ꦲꦤ꧀ꦤꦶꦧꦤ꧀ꦤꦶꦩꦫꦁꦱꦏꦺꦃꦲꦶꦁꦔꦸꦮꦺꦴꦁ꧈ꦏꦁꦥꦣꦩꦁꦒꦺꦴꦤ꧀ꦲꦤꦱꦭꦸꦩꦃꦲꦶꦁꦨꦸꦩꦶꦏꦧꦺꦃ꧉
꧓꧖꧉ ꦩꦸꦭꦤ꧀ꦤꦺꦏꦺꦴꦮꦺꦥꦣꦲꦗꦒꦲꦲꦶꦁꦱꦧꦼꦤ꧀ꦱꦧꦼꦤ꧀ꦩꦺꦴꦁꦱ꧈ꦥꦣꦲꦤ꧀ꦢꦺꦴꦢꦺꦴꦔꦲ꧈ꦱꦸꦥꦪꦏꦺꦴꦮꦺꦥꦣꦏꦗꦺꦤ꧀ꦤꦱꦸꦩꦶꦁꦏꦶꦂꦫꦏꦁꦧꦏꦭ꧀ꦏꦭꦏꦺꦴꦤ꧀ꦲꦶꦏꦸꦩꦲꦸꦏꦧꦺꦃ꧈ꦱꦂꦠꦏꦺꦴꦮꦺꦥꦣꦧꦶꦱꦲꦔꦢꦼꦒ꧀ꦲꦤꦔꦂꦱꦤ꧀ꦤꦶꦁꦥꦸꦠꦿꦤ꧀ꦤꦶꦁꦩꦤꦸꦱ꧀ꦮ꧉ ꧉
꧓꧗꧉ ꧋ꦲꦤꦢꦺꦤ꧀ꦤꦺꦲꦶꦁꦮꦪꦃꦲꦮꦤ꧀꧈ꦪꦺꦯꦸꦱ꧀ꦲꦩꦸꦩꦸꦭꦁꦲꦤꦲꦶꦁꦩꦼꦱ꧀ꦗꦶꦢ꧀꧈ꦢꦺꦤ꧀ꦤꦺ ꦠꦸꦩꦼꦏꦤ꧀ꦤꦶꦁꦮꦪꦃꦮꦼꦁꦔꦶꦠꦼꦣꦏ꧀ꦱꦶꦥꦼꦁꦩꦫꦁꦲꦶꦁꦒꦸꦤꦸꦁ꧈ꦏꦁꦢꦶꦲꦫꦤ꧀ꦤꦶꦒꦸꦤꦸꦁꦌꦭꦪꦺꦴꦤ꧀꧉
꧓꧘꧉ ꦩꦺꦴꦁꦏꦲꦶꦁꦮꦪꦃꦲꦺꦱꦸꦏ꧀ꦧꦭꦏꦧꦺꦃꦥꦣꦠꦸꦩꦼꦏ꧈ꦱꦼꦢꦾꦤ꧀ꦤꦺꦲꦔꦿꦸꦔꦺꦴꦏ꧀ꦲꦏꦺꦩꦫꦁꦪꦺꦯꦸꦱ꧀ꦲꦤꦲꦶꦁꦩꦼꦱ꧀ꦗꦶꦢ꧀꧉ ꧉

---

꧋ꦧꦧ꧀ꦏꦥꦶꦁꦫꦺꦴꦭꦶꦏꦸꦂ꧉

꧑꧉ ꧋ꦲꦤꦢꦺꦤ꧀ꦤꦺꦲꦶꦁꦢꦶꦤ꧀ꦤꦤ꧀ꦤꦺꦫꦺꦴꦠꦶꦏꦁꦠꦤ꧀ꦥꦫꦒꦶ꧈ꦏꦁꦲꦶꦁꦔꦫꦤ꧀ꦤꦤ꧀ꦥꦱ꧀ꦏ꦳ꦃꦮꦸꦱ꧀ꦲꦤ꧀ꦢꦸꦁꦏꦥ꧀꧉
꧒꧉ ꦩꦺꦴꦁꦏꦥꦫꦥꦔꦸꦭꦸꦲꦸꦠꦮꦥꦫꦔꦸꦭꦩ꧈ꦥꦣꦲꦔꦸꦥꦪꦢꦢꦭꦤ꧀ꦒꦺꦴꦤ꧀ꦤꦺꦧꦏꦭ꧀ꦲꦩꦠꦺꦤ꧀ꦤꦶꦩꦫꦁꦪꦺꦯꦸꦱ꧀꧈ꦱꦧꦧ꧀ꦱꦏꦶꦁꦥꦣꦮꦼꦢꦶꦤ꧀ꦤꦺꦩꦫꦶꦁꦧꦭ꧉
꧓꧉ ꦠꦸꦩꦸꦭꦶꦱꦺꦠꦤ꧀ꦲꦩꦚ꧀ꦗꦶꦁꦩꦫꦁꦪꦸꦢꦱ꧀ꦏꦁꦗꦸꦗꦸꦭꦸꦏ꧀ꦲꦶꦱ꧀ꦏꦫꦶꦪꦺꦴꦠ꧀꧈ꦪꦸꦢꦱ꧀ꦲꦶꦏꦸꦩꦲꦸꦥꦤꦸꦁꦒꦭ꧀ꦭꦤ꧀ꦤꦺꦱꦏ꦳ꦧꦠ꧀ꦫꦺꦴꦭꦱ꧀꧉
꧔꧉ ꦧꦚ꧀ꦗꦸꦂꦠꦸꦩꦼꦏꦲꦤꦸꦠꦸꦂꦫꦶꦩꦫꦁꦥꦫꦥꦔꦸꦭꦸꦭꦤ꧀ꦥꦫꦠꦶꦠꦶꦟ꧀ꦝꦶꦃ꧈ꦱꦒꦸꦃꦧꦏꦭ꧀ꦲꦔꦸꦭꦸꦁꦔꦏꦺꦩꦫꦁꦪꦺꦯꦸꦱ꧀꧉
꧕꧉ ꦮꦺꦴꦁꦩꦲꦸꦠꦸꦩꦸꦭꦶꦥꦣꦲꦧꦸꦔꦃꦧꦸꦔꦃ꧈ꦱꦂꦠꦥꦣꦱꦉꦩ꧀ꦧꦸꦒ꧀ꦧꦏꦭ꧀ꦲꦔꦸꦮꦺꦤ꧀ꦤꦺꦃꦲꦶꦣꦸꦮꦶꦠ꧀ꦩꦫꦁꦪꦸꦢꦱ꧀꧉
꧖꧉ ꦧꦚ꧀ꦗꦸꦂꦱꦁꦒꦸꦥ꧀ꦱꦂꦠꦲꦔꦸꦥꦪꦱꦫꦠ꧀ꦒꦺꦴꦤ꧀ꦤꦺꦲꦔ꧀ꦭꦺꦴꦭꦺꦴꦃꦲꦏꦺꦩꦫꦁꦪꦺꦯꦸꦱ꧀꧈ꦲꦗꦏꦺꦴꦁꦱꦶꦲꦒꦮꦺꦒꦺꦒꦺꦂꦫꦶꦁꦧꦭ꧉ ꧉
꧗꧉ ꧋ꦢꦺꦤ꧀ꦤꦺꦲꦶꦁꦢꦶꦤ꧀ꦤꦤ꧀ꦤꦺꦫꦺꦴꦠꦶꦏꦁꦠꦤ꧀ꦥꦫꦒꦶꦮꦸꦱ꧀ꦠꦸꦩꦼꦏ꧈ꦲꦶꦁꦤꦭꦶꦏꦥꦱ꧀ꦏ꦳ꦃꦱꦶꦤꦩ꧀ꦧꦼꦭꦺꦃ꧉
꧘꧉ ꦪꦺꦯꦸꦱ꧀ꦠꦸꦩꦸꦭꦶꦲꦔꦸꦠꦸꦱ꧀ꦩꦫꦁꦦꦺꦠꦿꦸꦱ꧀ꦲꦸꦠꦮꦩꦫꦁꦪꦺꦴꦏ꦳ꦤ꧀ꦤꦤ꧀꧈ꦥꦔꦤ꧀ꦢꦶ [ 211 ]ꦏꦤ꧀ꦤꦺ꧈ꦏꦺꦴꦮꦺꦥꦣꦭꦸꦔꦲꦲꦤ꧀ꦚꦣꦶꦪꦏ꧀ꦲꦼꦤ꧀ꦤꦥꦱ꧀ꦏ꦳ꦃꦩꦫꦁꦔꦏꦸ꧈ꦒꦺꦴꦤ꧀ꦏꦸꦥꦣꦩꦁꦔꦤ꧀꧉
꧙꧉ ꦩꦺꦴꦁꦏꦱꦏ꦳ꦧꦠ꧀ꦭꦺꦴꦫꦺꦴꦩꦲꦸꦲꦸꦩꦠꦸꦂ꧈ꦏꦂꦰꦱꦩ꧀ꦥꦺꦪꦤ꧀ꦲꦶꦁꦥꦸꦤ꧀ꦢꦶꦒꦺꦤ꧀ꦏꦮꦸꦭꦧꦣꦺꦲꦤ꧀ꦚꦣꦶꦪꦏ꧀ꦲꦏꦼꦤ꧀꧉
꧑꧐꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦭꦃꦱꦊꦧꦸꦩꦸꦩꦫꦁꦤꦼꦒꦫ꧈ꦏꦺꦴꦮꦺꦧꦏꦭ꧀ꦏꦥꦥꦒ꧀ꦏꦫꦺꦴꦮꦺꦴꦁꦲꦔꦶꦟ꧀ꦝꦶꦠ꧀ꦧꦸꦪꦸꦁꦏꦁꦔꦶꦱꦶꦧꦤ꧀ꦚꦸ꧈ꦲꦶꦏꦸꦏꦺꦴꦮꦺꦲꦠꦸꦠ꧀ꦧꦸꦫꦶꦪꦠꦼꦏꦤ꧀ꦤꦶꦁꦔꦺꦴꦩꦃꦏꦁꦢꦶꦊꦧꦺꦴꦤ꧀ꦤꦶ꧉
꧑꧑꧉ ꦱꦂꦠꦏꦺꦴꦮꦺꦲꦩꦶꦠꦸꦠꦸꦂꦫꦤꦩꦫꦁꦮꦺꦴꦁꦏꦁꦢꦸꦮꦺꦲꦺꦴꦩꦃ꧈ꦣꦮꦸꦃꦲꦺꦓꦸꦫꦸꦩꦫꦁꦏꦺꦴꦮꦺ꧈ꦲꦶꦁꦔꦼꦤ꧀ꦢꦶꦥꦁꦒꦺꦴꦤ꧀ꦤꦤ꧀ꦤꦺꦒꦺꦴꦤ꧀ꦏꦸꦧꦏꦭ꧀ꦩꦔꦤ꧀ꦥꦱ꧀ꦏ꦳ꦃꦭꦤ꧀ꦱꦱꦏ꦳ꦧꦠ꧀ꦏꦸ꧉
꧑꧒꧉ ꦲꦶꦏꦸꦧꦏꦭ꧀ꦠꦸꦩꦸꦭꦶꦲꦤꦸꦢꦸꦃꦲꦏꦺꦩꦫꦁꦏꦺꦴꦮꦺꦒꦼꦣꦺꦴꦁꦒꦼꦣꦺꦏꦁꦮꦸꦱ꧀ꦩꦶꦫꦤ꧀ꦠꦶ꧈ꦲꦶꦁꦏꦺꦴꦤ꧀ꦤꦺꦴꦏꦺꦴꦮꦺꦥꦣꦲꦤ꧀ꦚꦣꦶꦪꦏ꧀ꦲꦼꦤ꧀ꦤ꧉
꧑꧓꧉ ꦱꦮꦸꦱ꧀ꦱꦺꦭꦸꦔꦲꦶꦪꦏꦠꦼꦩꦸꦏꦪꦏꦁꦮꦸꦱ꧀ꦢꦶꦥꦔꦤ꧀ꦢꦶꦏꦏ꧀ꦲꦏꦺꦩꦲꦸ꧈ꦧꦚ꧀ꦗꦸꦂꦥꦣꦲꦤ꧀ꦚꦣꦶꦪꦏ꧀ꦲꦏꦺꦥꦱ꧀ꦏ꦳ꦃ꧉
꧑꧔꧉ ꦧꦉꦁꦮꦸꦱ꧀ꦠꦸꦩꦼꦏꦮꦪꦃꦲꦺꦪꦺꦯꦸꦱ꧀ꦥꦶꦤ꧀ꦤꦫꦏ꧀ꦲꦏꦸꦏꦸꦩ꧀ꦥꦸꦭ꧀ꦭꦤ꧀ꦭꦮꦤ꧀ꦥꦫꦲꦸꦠꦸꦱ꧀ꦱꦤ꧀ꦫꦺꦴꦭꦱ꧀꧉
꧑꧕꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦲꦸꦠꦸꦱ꧀ꦱꦤ꧀ꦩꦲꦸ꧈ꦧꦔꦼꦠ꧀ꦏꦥꦺꦔꦶꦤ꧀ꦏꦸꦲꦩꦔꦤ꧀ꦥꦱ꧀ꦏ꦳ꦃꦲꦶꦏꦶꦲꦧꦧꦉꦁꦔꦤ꧀ꦏꦫꦺꦴꦏꦺꦴꦮꦺ꧈ꦱꦢꦸꦫꦸꦁꦔꦺꦒꦺꦴꦤ꧀ꦏꦸꦲꦤ꧀ꦤꦟ꧀ꦝꦁꦥꦶꦭꦫ꧉
꧑꧖꧉ ꦢꦺꦤ꧀ꦤꦺꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦪꦺꦤ꧀ꦲꦏꦸꦧꦏꦭ꧀ꦲꦺꦴꦫꦩꦔꦤ꧀ꦥꦱ꧀ꦏ꦳ꦃꦩꦤ꧀ꦤꦺꦃ꧈ꦏꦺꦴꦁꦱꦶꦠꦸꦩꦼꦏꦤ꧀ꦤꦶꦁꦏꦫꦠꦺꦴꦤ꧀ꦤꦶꦁꦄꦭ꧀ꦭꦃꦏꦠꦼꦠꦼꦥ꧀ꦥꦏꦺ꧉
꧑꧗꧉ ꦠꦸꦩꦸꦭꦶꦲꦔꦭꦥ꧀ꦕꦁꦏꦶꦂ꧈ꦱꦮꦸꦱ꧀ꦱꦺꦱꦶꦤ꧀ꦤꦺꦴꦏꦸꦂꦫꦏꦺꦪꦺꦯꦸꦱ꧀ꦲꦔꦤ꧀ꦢꦶꦏ꧈ ꦲꦶꦏꦶꦥꦣꦏꦺꦴꦮꦺꦠꦩ꧀ꦥꦤ꧀ꦤꦤ꧈​ꦭꦤ꧀ꦥꦣꦲꦶꦢꦼꦂꦉꦤ꧀ꦤꦲꦶꦁꦠꦼꦁꦔꦃꦩꦸ꧉
꧑꧘꧉ ꦱꦧꦧ꧀ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦪꦺꦤ꧀ꦲꦏꦸꦧꦏꦭ꧀ꦲꦺꦴꦫꦲꦔꦺꦴꦩ꧀ꦧꦺꦩꦤ꧀ꦤꦺꦃꦩꦫꦁꦢꦸꦢꦸꦃꦲꦺꦮꦺꦴꦃꦲꦶꦁꦔꦁꦒꦸꦂ꧈ꦏꦺꦴꦁꦱꦶꦠꦸꦩꦼꦏꦤ꧀ꦤꦺꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧑꧙꧉ ꦠꦸꦩꦸꦭꦶꦲꦔ ꦭꦥ꧀ꦫꦺꦴꦠꦶ꧈ꦱꦮꦸꦱ꧀ꦱꦺꦱꦶꦤ꧀ꦤꦺꦴꦏꦸꦂꦫꦏꦺꦠꦶꦤꦸꦒꦼꦭ꧀ꦠꦸꦒꦼꦭ꧀ꦱꦂꦠꦥꦶꦤ꧀ꦤꦫꦶꦁꦔꦏꦺꦩꦫꦁꦱꦏ꦳ꦧꦠ꧀ꦠꦺ꧈ꦥꦔꦤ꧀ꦢꦶꦏꦤ꧀ꦤꦺ꧈ꦲꦶꦏꦶꦱꦫꦶꦫꦏꦸꦏꦁꦥꦶꦤ꧀ꦤꦫꦶꦁꦔꦏꦺꦲꦩꦶꦏꦺꦴꦭꦺꦃꦲꦶꦩꦫꦁꦏꦺꦴꦮꦺ꧈ꦲꦶꦏꦸꦥꦣꦒꦮꦺꦤ꧀ꦤꦼꦤ꧀ꦥꦔꦺꦭꦶꦁꦔꦺꦭꦶꦁꦩꦫꦁꦔꦏꦸ꧉
꧒꧐꧉ ꦏꦪꦩꦼꦁꦏꦺꦴꦤ꧀ꦤꦺꦴꦲꦸꦒꦕꦁꦏꦶꦂ꧈ꦱꦮꦸꦱ꧀ꦱꦶꦁꦧꦸꦗꦤ꧈ꦥꦔꦤ꧀ꦢꦶꦏꦤ꧀ꦤꦺ꧈ꦕꦁꦏꦶꦂꦫꦶꦏꦶꦥꦿꦗꦁꦗꦺꦪꦤ꧀ꦏꦁꦲꦤ꧀ꦚꦂ꧈ꦗꦭꦂꦫꦤ꧀ꦱꦏꦲꦶꦁꦒꦼꦠꦶꦃꦏꦸ꧈ꦏꦁꦮꦶꦤꦸꦠꦃꦲꦏꦺꦲꦩꦶꦏꦺꦴꦭꦺꦃꦲꦶꦩ ꦫꦁꦏꦺꦮꦺ꧉
꧒꧑꧉ ꦲꦤ꧀ꦤꦔꦶꦁꦮꦿꦸꦃꦲꦤ꧀ꦤꦩꦸ꧈ꦠꦔꦤ꧀ꦤꦺꦮꦺꦴꦁꦏꦁꦲꦔꦸꦭꦸꦁꦔꦏꦺꦩꦫꦁꦔꦏꦸ꧈ꦲꦤꦸꦁꦒꦭ꧀ꦏꦫꦺꦴꦲꦏꦸꦲꦤꦲꦶꦁꦩꦺꦗ꧉
꧒꧒꧉ ꦢꦺꦤ꧀ꦤꦺꦠꦶꦤ꧀ꦢꦏ꧀ꦏꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦲꦶꦪꦏꦪꦏꦁꦮꦸꦱ꧀ꦥꦶꦤ꧀ꦤꦼꦰ꧀ꦛꦶ꧈ꦤꦔꦶꦁꦧꦶꦭꦲꦶꦤ꧀ꦤꦺꦮꦺꦴꦁꦔꦶꦏꦸꦏꦁꦢꦢꦶꦩꦂꦒꦲꦮꦶꦠ꧀ꦲꦔꦸꦭꦸꦁꦔꦏꦺ꧉
꧒꧓꧉ ꦥꦫꦱꦏ꦳ꦧꦠ꧀ꦠꦸꦩꦸꦭꦶꦥꦣꦲꦮꦶꦠ꧀ꦠꦏꦺꦴꦤ꧀ꦠꦶꦤ꧀ꦤꦏꦺꦴꦤ꧀ꦤꦤ꧀꧈ꦲꦼꦤ꧀ꦢꦶꦥꦤꦸꦁꦒꦭ꧀ꦭꦤ꧀ꦤꦺꦏꦁꦧꦏꦭ꧀ꦲꦒꦮꦺꦲꦶꦏꦸ꧉
꧒꧔꧉ ꦥꦫꦱꦏ꦳ꦧꦠ꧀ꦠꦸꦩꦸꦭꦶꦥꦣꦲꦉꦉꦧꦸꦠ꧀ꦠꦤ꧀꧈ꦱꦥ [ 212 ]ꦤꦸꦁꦒꦭ꧀ꦭꦤ꧀ꦤꦺꦱꦥꦏꦁꦏꦶꦤ꧀ꦤꦶꦫꦢꦢꦶꦒꦼꦣꦺ꧉
꧒꧕꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦥꦫꦫꦡꦸꦤ꧀ꦤꦶꦁꦗꦶꦤ꧀ꦤꦶꦱ꧀ꦥꦣꦲꦩꦼꦁꦏꦺꦴꦤ꧀ꦤꦶꦩꦫꦁꦔꦧ꧀ꦢꦶꦤ꧀ꦤꦺ꧈ꦱꦂꦠꦏꦁꦲꦤ꧀ꦚꦼꦏꦼꦭ꧀ꦥꦔꦸꦮꦱꦩꦫꦁꦔꦸꦮꦺꦴꦁ꧈ꦥꦣꦲꦶꦁꦔꦫꦤ꧀ꦤꦤ꧀ꦧꦼꦤ꧀ꦢꦫꦭꦺꦴꦩ꧉
꧒꧖꧉ ꦢꦺꦤ꧀ꦤꦺꦩꦸꦁꦒꦸꦃꦏꦺꦴꦮꦺꦲꦗꦏꦪꦩꦼꦁꦏꦺꦴꦤ꧀ꦤꦺꦴ꧈ꦤꦔꦶꦁꦏꦁꦒꦼꦣꦺꦥꦤꦸꦁꦒꦭ꧀ꦭꦩꦸ꧈ꦢꦢꦶꦏꦪꦏꦁꦔꦤ꧀ꦤꦺꦴ ꦩ꧀꧈ꦲꦸꦠꦮꦏꦁꦥꦔꦉꦥ꧀꧈ꦢꦢꦶꦏꦪꦏꦁꦲꦔ꧀ꦭꦢꦺꦤ꧀ꦤꦶ꧉
꧒꧗꧉ ꦢꦺꦤ꧀ꦤꦺꦏꦁꦒꦼꦣꦺꦲꦼꦤ꧀ꦢꦶ꧈ꦲꦥꦮꦺꦴꦁꦏꦁꦭꦸꦁꦒꦸꦃꦣꦲꦂꦲꦥꦮꦺꦴꦁꦏꦁꦲꦔ꧀ꦭꦢꦺꦤ꧀ꦤꦶ꧈ꦲꦥꦠꦢꦸꦢꦸꦏꦁꦭꦸꦁꦒꦸꦃꦣꦲꦂ꧈ꦩꦺꦴꦁꦏꦲꦏꦸꦲꦶꦏꦶꦒꦺꦴꦤ꧀ꦏꦸꦲꦤꦲꦶꦁꦠꦼꦁꦔꦃꦩꦸꦏꦪꦮꦺꦴꦁꦏꦁꦲꦔ꧀ꦭꦢꦺꦤ꧀ꦤꦶ꧉
꧒꧘꧉ ꦢꦺꦤ꧀ꦤꦺꦏꦺꦴꦮꦺꦏꦁꦥꦣꦩꦤ꧀ꦠꦼꦥ꧀ꦩꦫꦶꦁꦔꦏꦸꦲꦺꦴꦭꦺꦃꦏꦸꦫꦶꦤ꧀ꦤꦼꦚ꧀ꦕꦤ꧉
꧒꧙꧉ ꦲꦏꦸꦲꦤ꧀ꦚꦣꦁꦚꦣꦁꦩꦫꦁꦏꦺꦴꦮꦺꦏꦫꦠꦺꦴꦤ꧀꧈ꦏꦁꦮꦸꦱ꧀ꦕꦶꦤ꧀ꦤꦣꦁꦔꦏꦺꦩꦫꦁꦔꦏꦸꦢꦺꦤ꧀ꦤꦶꦁꦧꦥꦏ꧀ꦏꦸ꧉
꧓꧐꧉ ꦱꦸꦥꦪꦏꦺꦴꦮꦺꦥꦣꦩꦩꦁꦔꦤ꧀ꦤꦭꦤ꧀ꦲꦔꦺꦴꦩ꧀ꦧꦺꦪꦲꦤꦩꦺꦗꦏꦸꦲꦶꦁꦏꦫꦠꦺꦴꦤ꧀ꦏꦸ꧈ꦭꦤ꧀ꦧꦏꦭ꧀ꦥꦣꦭꦸꦁꦒꦸꦃꦲꦤꦲꦶꦁꦔꦩ꧀ꦥꦂꦫꦤ꧀꧈ꦲꦔꦢꦶꦭ꧀ꦭꦶꦩꦫꦁꦧꦺꦴꦁꦏꦺꦴꦠ꧀ꦠꦤ꧀ꦤꦺ ꦆꦱꦿꦆꦭ꧀ꦫꦺꦴꦭꦱ꧀꧉
꧓꧑꧉ ꦓꦸꦱ꧀ꦡꦶꦠꦸꦩꦸꦭꦶꦔꦤ꧀ꦢꦶꦏ꧈ꦲꦺꦃꦱꦶꦩꦺꦴꦤ꧀꧈ꦱꦶꦩꦺꦴꦤ꧀꧈ꦮꦿꦸꦃꦲꦤ꧀ꦤꦩꦸꦏꦺꦴꦮꦺꦮꦸꦱ꧀ꦏꦶꦤ꧀ꦤꦉꦥ꧀ꦥꦏꦺꦢꦺꦤ꧀ꦤꦶꦁꦱꦺꦠꦤ꧀꧈ꦧꦏꦭ꧀ꦲꦔꦶꦤ꧀ꦠꦼꦂꦫꦶꦩꦫꦁꦏꦺꦴꦮꦺꦲꦥꦶꦟ꧀ꦝꦏꦪꦒꦤ꧀ꦢꦸꦩ꧀꧉
꧓꧒꧉ ꦤꦔꦶꦁꦏꦺꦴꦮꦺꦮꦸꦱ꧀ꦠꦏ꧀ꦢꦺꦴꦔꦏ꧀ꦲꦏꦺ꧈ꦲꦗꦔꦤ꧀ꦠꦶꦥꦼꦒꦠ꧀ꦲꦶꦁꦥꦔꦤ꧀ꦢꦼꦭ꧀ꦩꦸ꧈ꦢꦺꦤ꧀ꦤꦺꦱꦮꦸꦱ꧀ꦱꦺꦏꦺꦴꦮꦺꦠꦺꦴꦧꦠ꧀꧈ꦏꦺꦴꦮꦺ ꦲꦔꦸꦮꦠ꧀ꦠꦤꦩꦫꦁꦱꦢꦸꦭꦸꦂꦩꦸ꧉
꧓꧓꧉ ꦩꦺꦴꦁꦏꦦꦺꦠꦿꦸꦱ꧀ꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦓꦸꦱ꧀ꦡꦶ꧈ꦱꦼꦢꦾꦏꦮꦸꦭꦲꦔ꧀ꦭꦧꦸꦃꦲꦶꦣꦸꦩꦠꦼꦁꦱꦩ꧀ꦥꦺꦪꦤ꧀ꦝꦸꦩꦠꦼꦁꦔꦲꦶꦁꦏꦸꦚ꧀ꦗꦫꦤ꧀ꦲꦸꦠꦮꦶꦣꦸꦩꦠꦼꦁꦔꦲꦶꦁꦥꦼꦗꦃ꧉
꧓꧔꧉ ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦲꦺꦃꦦꦺꦠꦿꦸꦱ꧀꧈ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦲꦶꦁꦱꦢꦶꦤ꧀ꦤꦲꦶꦏꦶꦱꦢꦸꦫꦸꦁꦔꦺꦗꦒꦺꦴꦏꦭꦸꦫꦸꦏ꧀꧈ꦏꦺꦴꦮꦺꦧꦏꦭ꧀ꦱꦺꦭꦏ꧀ꦮꦤꦸꦃꦏꦫꦺꦴꦲꦏꦸꦏꦥꦶꦁꦠꦼꦭꦸ꧉
꧓꧕꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦢꦸꦏ꧀ꦏꦺꦴꦮꦺꦠꦏ꧀ꦲꦸꦠꦸꦱ꧀ꦠꦤ꧀ꦥꦲꦁꦒꦮꦏꦤ꧀ꦛꦺꦴꦁ꧈ꦲꦺꦴꦫꦲꦁꦒꦮꦏꦱꦁꦭꦤ꧀ꦠꦤ꧀ꦥꦠꦫꦸꦩ꧀ꦥꦃ꧈ꦏꦺꦴꦮꦺꦮꦸꦱ꧀ꦏꦏꦸꦫꦁꦔꦤ꧀ꦲꦥꦲꦥ꧈ꦲꦠꦸꦂꦫꦺꦥꦫꦱꦏ꦳ꦧꦠ꧀꧈ꦧꦺꦴꦠꦼꦤ꧀ꦏꦏꦶꦫꦁꦔꦤ꧀ꦥꦸꦤ꧀ꦤꦥꦥꦸꦤ꧀ꦤꦥ꧉
꧓꧖꧉ ꦪꦺꦯꦸꦱ꧀ꦠꦸꦩꦸꦭꦶꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦢꦺꦤ꧀ꦤꦺꦲꦶꦁꦱꦩꦼꦁꦏꦺꦴꦏꦁꦲꦢꦸꦮꦺꦏꦤ꧀ꦛꦺꦴꦁꦒꦶꦤ꧀ꦤꦮꦲ꧈ꦩꦼꦁꦏꦺꦴꦤ꧀ꦤꦺꦴꦲꦸꦒꦏꦱꦁ꧈ꦱꦂꦠꦏꦁꦲꦺꦴꦫꦢꦸꦮꦺꦮꦼꦣꦁ꧈ꦲꦔꦼꦢꦺꦴꦭ꧀ꦭꦥꦔꦁꦒꦺꦴꦤ꧀ꦤꦺ꧈ꦧ ꦚ꧀ꦗꦸꦂꦠꦶꦤꦸꦏꦺꦴꦏ꧀ꦲꦼꦤ꧀ꦤꦥꦼꦣꦁ꧉
꧓꧗꧉ ꦱꦧꦧ꧀ꦥꦶꦠꦸꦠꦸꦂꦏꦸꦩꦫꦁꦏꦺꦴꦮꦺ꧈ꦠꦸꦠꦸꦭꦶꦱ꧀ꦱꦤ꧀ꦏꦁꦩꦼꦁꦏꦺꦤ꧀ꦤꦺꦲꦶꦏꦶꦥꦼꦂꦭꦸꦠꦶꦤ꧀ꦤꦼꦠꦼꦥ꧀ꦥꦏꦺꦩꦫꦁꦲꦶꦁꦔꦏꦸ꧈ꦮꦸꦱ꧀ꦏꦊꦧꦸꦲꦶꦁꦔꦶꦠꦸꦁꦔꦤ꧀ꦤꦺꦮꦺꦴꦁꦢꦸꦂꦗꦤ꧈​ꦱꦧꦧ꧀ꦲꦶꦁꦔꦠꦱ꧀ꦱꦺꦲꦏꦸꦮꦸꦱ꧀ꦲꦔꦉꦥ꧀ꦥꦏꦺꦩꦫꦁꦲꦶꦁꦮꦼꦏꦱ꧀ꦱꦤ꧀ꦤꦺ꧉
꧓꧘꧉ ꦥꦫꦱꦏ꦳ꦧꦠ꧀ꦠꦸꦩꦸꦭꦶꦲꦸꦩꦠꦸꦂ꧈ꦓꦸꦱ꧀ꦡꦶ꧈ꦱꦩ꧀ꦥꦺꦪꦤ꧀ꦩꦸꦒꦶꦲꦤ꧀ꦤꦶꦔꦭ꧀ꦭꦤ꧈ꦲꦶꦁꦔꦿꦶ [ 213 ]ꦏꦶꦮꦺꦴꦤ꧀ꦠꦼꦤ꧀ꦥꦼꦣꦁꦏꦏꦭꦶꦃ꧈ꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦮꦸꦱ꧀ꦕꦸꦏꦸꦥ꧀꧉ ꧉
꧓꧙꧉ ​꧋ꦪꦺꦯꦸꦱ꧀ꦠꦸꦩꦸꦭꦶꦩꦼꦠꦸꦠꦼꦣꦏ꧀ꦩꦫꦁꦲꦶꦁꦒꦸꦤꦸꦁꦌꦭꦪꦺꦴꦤ꧀ꦏꦪꦏꦁꦮꦸꦱ꧀ꦏꦭꦏꦺꦴꦤ꧀꧈ꦩꦺꦴꦁꦏꦥꦫꦱꦏ꦳ꦧꦠ꧀ꦠꦺꦥꦣꦲꦟ꧀ꦝꦺꦫꦺꦏ꧀ꦩꦫꦁꦪꦺꦯꦸꦱ꧀꧉
꧔꧐꧉ ꦱꦮꦸꦱ꧀ꦱꦺꦠꦸꦩꦼꦏꦲꦤꦲꦶꦁꦥꦁꦒꦺꦴꦤ꧀ꦤꦤ꧀꧈ꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏ꦳ꦧꦠ꧀꧈ꦏꦺꦴꦮꦺꦥꦣꦲꦤ꧀ꦢꦺꦴꦢꦺꦴꦔꦲ꧈ꦱꦸꦥꦪꦲꦗꦏꦺꦴꦁꦱꦶꦏꦼꦤ꧀ꦤꦲꦶꦁꦥꦁꦒꦺꦴꦣ꧉
꧔꧑꧉ ꦪꦺꦯꦸꦱ꧀ꦠꦸꦩꦸꦭꦶꦲꦩꦶꦱꦃꦮꦼꦠꦫꦲꦤꦱꦥꦼꦩ꧀ꦧꦭꦁꦮꦠꦸꦢꦺꦴꦃꦲꦺ꧈ꦧꦚ꧀ꦗꦸꦂꦲꦗꦺꦁꦏꦺꦁꦗꦼꦁꦏꦸꦤ꧀ꦤꦺꦲꦱꦼꦩ꧀ꦧꦪꦁ꧉
꧔꧒꧉ ꦲꦠꦸꦂꦫꦺ꧈ꦣꦸꦃꦫꦩ꧈ꦩꦤ꧀ꦤꦮꦶꦏꦂꦱꦩꦼꦟ꧀ꦝꦼꦠ꧀ꦕꦁꦏꦶꦂꦥꦸꦤ꧀ꦤꦶꦏꦱꦏꦶꦁꦏꦮꦸꦭ꧈ꦤꦔꦶꦁꦱꦩ꧀ꦥꦸꦤ꧀ꦲꦶꦁꦥꦶꦏꦗꦼꦁꦏꦮꦸꦭ꧈ꦩꦭꦃꦏꦂꦰꦱꦩ꧀ꦥꦺꦪꦤ꧀ꦏꦭꦩ꧀ꦥꦃꦲꦤ꧉
꧔꧓꧉ ꦠꦸꦩꦸꦭꦶꦲꦤꦩꦭꦲꦺꦏꦠ꧀ꦠꦼꦏꦱꦏꦲꦶꦁꦭꦔꦶꦠ꧀꧈ꦲꦔꦺꦠꦺꦴꦏ꧀ꦱꦂꦠꦲꦔꦸꦮꦠ꧀ꦠꦏꦺꦩꦫꦁꦪꦺꦯꦸꦱ꧀꧉
꧔꧔꧉ ꦭꦤ꧀ꦮꦸꦱ꧀ꦏꦮꦶꦧꦸꦃꦲꦤ꧀ꦱꦁꦱꦪꦲꦱꦿꦸꦲꦶꦁꦥꦤ꧀ꦢꦺꦴꦔꦤ꧀ꦤꦺ꧈ꦩꦺꦴꦁꦏꦫꦶꦮꦺꦤ꧀ꦤꦺꦲꦥꦶꦟ꧀ꦝꦠꦺꦠꦺꦱ꧀ꦱꦶꦁꦒꦼꦠꦶꦃ꧈ꦠꦸꦩꦶꦧꦩꦫꦁꦲꦶꦁꦊꦩꦃ꧉
꧔꧕꧉ ꦱꦮꦸꦱ꧀ꦱꦺꦗꦸꦩꦼꦤ꧀ꦤꦼꦁꦒꦺꦴꦤ꧀ꦤꦺꦲꦱꦼꦩ꧀ꦧꦪꦁ꧈ꦪꦺꦯꦸꦱ꧀ꦲꦩꦫꦤ꧀ꦤꦶꦩꦫꦁꦱꦏ꦳ꦧꦠ꧀ꦠꦺ꧈ꦥꦣꦏꦠꦼꦩꦸꦠꦸꦫꦸꦲꦮꦶꦠ꧀ꦱꦏꦲꦶꦁꦏꦱꦸꦱꦃꦲꦤ꧀ꦤꦺ꧉
꧔꧖꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦥꦫꦱꦏꦁꦧꦠ꧀꧈ꦪꦒꦺꦤ꧀ꦤꦺꦏꦺꦴꦮꦺꦥꦣꦠꦸꦫꦸ꧈ꦥꦣꦠꦔꦶꦪꦲꦤ꧀ꦢꦢꦺꦴꦔꦲ꧈ꦱꦸꦥꦪꦏꦺꦴꦮꦺꦥꦣꦲꦗꦏꦺꦴꦁꦱꦶꦏꦼꦤ꧀ꦤꦲꦶꦁꦥꦁꦒꦺꦴꦣ꧉ ꧉
꧔꧗꧉ ꧋ꦪꦺꦯꦸꦱ꧀ꦧꦉꦁꦲꦶꦱꦶꦃꦲꦔꦤ꧀ꦢꦶꦏ꧈ꦠꦸꦩꦸꦭꦶꦲꦤꦒꦺꦴꦒꦺꦴꦭꦺꦴꦁꦔꦤ꧀ꦠꦼꦏ꧈ꦱꦂꦠꦏꦁꦗꦼꦤ꧀ꦤꦼꦁꦪꦸꦢꦱ꧀ꦱꦮꦶꦗꦶꦤ꧀ꦤꦶꦁꦱꦏ꦳ꦧꦠ꧀ꦫꦺꦴꦭꦱ꧀꧈ꦭꦸꦩꦏꦸꦲꦶꦁꦔꦉꦥ꧀꧈ꦧꦚ꧀ꦗꦸꦂꦩꦉꦥꦼꦏ꧀ꦏꦶꦱꦂꦠꦲꦔꦩ꧀ꦧꦸꦁꦩꦫꦁꦪꦺꦯꦸꦱ꧀꧉
꧔꧘꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦪꦸꦢꦱ꧀꧈ꦲꦺꦃꦪꦸꦢꦱ꧀꧈ꦲꦥꦲꦺꦴꦭꦺꦃꦩꦸꦔꦸꦭꦸꦁꦔꦏꦺꦥꦸꦠꦿꦤ꧀ꦤꦶꦁꦩꦤꦸꦱ꧀ꦮ꧈ꦭꦤ꧀ꦠꦂꦫꦤ꧀ꦱꦏꦥꦔꦩ꧀ꦧꦸꦁ꧉
꧔꧙꧉ ꦢꦺꦤ꧀ꦤꦺꦮꦺꦴꦁꦏꦁꦥꦣꦲꦔꦪꦥ꧀ꦩꦫꦁꦪꦺꦯꦸꦱ꧀꧈ꦧꦉꦁꦥꦣꦮꦼꦂꦫꦸꦃꦭꦭꦏꦺꦴꦤ꧀ꦤꦶꦏꦸ꧈ꦥꦣꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦓꦸꦱ꧀ꦡꦶ꧈ꦥꦸꦤ꧀ꦤꦥꦏꦮꦸꦭꦱꦧꦼꦠ꧀ꦏꦭꦪꦤ꧀ꦥꦼꦣꦁ꧉
꧕꧐꧉ ꦱꦮꦶꦗꦶꦤ꧀ꦤꦶꦁꦥꦤꦸꦁꦒꦭ꧀ꦭꦤ꧀ꦤꦺꦠꦸꦩꦸꦭꦶꦲꦤ꧀ꦚꦧꦼꦠ꧀ꦩꦫꦁꦲꦧ꧀ꦢꦶꦤ꧀ꦤꦶꦁꦥꦔꦸꦭꦸꦱꦂꦠꦥꦶꦤ꧀ꦤꦼꦂꦫꦸꦁꦏꦸꦥꦶꦁꦔꦺꦏꦁꦠꦼꦔꦼꦤ꧀꧉
꧕꧑꧉ ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦲꦸꦮꦶꦱ꧀ꦠꦲꦗꦩꦤ꧀ꦤꦺꦃ꧈ꦏꦸꦥꦶꦁꦔꦺꦠꦸꦩꦸꦭꦶꦲꦶꦁꦔꦼꦩꦺꦏ꧀ꦮꦶꦤ꧀ꦤꦫꦱ꧀ꦱꦏꦺ꧉
꧕꧒꧉ ꦪꦺꦯꦸꦱ꧀ꦠꦸꦩꦸꦭꦶꦲꦔꦤ꧀ꦢꦶꦏꦩꦫꦁꦮꦺꦴꦁꦏꦁꦥꦣꦲꦩꦫꦤ꧀ꦤꦶ꧈ꦩꦫꦁꦥꦫꦥꦔꦸꦭꦸꦱꦂꦠꦥꦫꦠꦶꦠꦶꦟ꧀ꦝꦶꦃꦲꦶꦁꦩꦼꦱ꧀ꦗꦶꦢ꧀꧈ꦠꦸꦮꦶꦤ꧀ꦩꦫꦁꦥꦫꦥꦶꦤ꧀ꦤꦶꦠꦸꦮ꧈ꦒꦺꦴꦤ꧀ꦩꦸꦥꦣꦩꦼꦠꦸꦲꦥꦶꦟ꧀ꦝꦏꦪꦲꦩ꧀ꦧꦸꦧꦸꦫꦸꦮꦺꦴꦁꦧꦺꦒꦭ꧀꧈ꦲꦁꦒꦮꦥꦼꦣꦁꦭꦤ꧀ꦥꦼꦤ꧀ꦛꦸꦁ꧉
꧕꧓꧉ ꦱꦧꦼꦤ꧀ꦢꦶꦤ꧀ꦤꦲꦏꦸꦠꦸꦠꦸꦁꦒꦭ꧀ꦭꦤ꧀ꦭꦮꦤ꧀ꦏꦺꦴꦮꦺꦲꦤꦲꦶꦁꦩꦼꦁꦱ꧀ꦗꦶꦢ꧀꧈ꦢꦺꦤ꧀ꦤꦺꦲꦺꦴꦫꦒꦸꦩꦿꦒꦺꦃꦠꦔꦤ꧀ꦩꦸꦩꦫꦁꦔꦏꦸ꧈ꦤꦔꦶꦁꦲꦶꦁꦮꦼꦏ꧀ꦠꦸꦲꦶꦏꦶꦮꦸꦱ꧀ꦩꦁꦱꦩꦸ꧈ꦱꦂꦠꦥꦔꦸꦮꦱꦤ꧀ꦤꦶꦁꦥꦥꦼꦠꦼꦁ꧉
꧕꧔꧉ ꦱꦮꦸꦱ꧀ꦱꦺꦏꦕꦼꦏꦼꦭ꧀ꦪꦺꦯꦸꦱ꧀ꦭꦶꦤ꧀ꦤꦮꦱꦂꦠꦝꦶꦤ꧀ꦤꦣꦧꦾꦁꦩꦫꦁꦢꦊꦩ꧀ꦩꦶꦁ [ 214 ]ꦥꦔꦸꦭꦸ꧈ꦩꦺꦴꦁꦏꦦꦺꦠꦿꦸꦱ꧀ꦲꦔꦺꦴꦣꦺꦴꦭ꧀ꦱꦏꦲꦶꦁꦏꦢꦺꦴꦃꦲꦤ꧀꧉
꧕꧕꧉ ꦭꦤ꧀ꦲꦤꦮꦺꦴꦁꦲꦒꦮꦺꦧꦼꦣꦶꦪꦁ꧈ꦲꦤꦱꦠꦼꦁꦔꦃꦲꦶꦁꦥꦭꦠꦂꦫꦤ꧀꧈ꦧꦚ꧀ꦗꦸꦂꦫꦶꦤꦸꦧꦸꦁꦢꦺꦤ꧀ꦤꦶꦁꦮꦺꦴꦁꦔꦏꦺꦃ꧈ꦦꦺꦠꦿꦸꦱ꧀ꦲꦩꦺꦴꦂꦭꦸꦁꦒꦸꦃꦲꦤꦲꦶꦁꦠꦼꦁꦔꦃꦲꦺ꧉
꧕꧖꧉ ꦠꦸꦩꦸꦭꦶꦲꦤꦱꦮꦶꦗꦶꦥꦉꦏ꧀ꦏꦤ꧀ꦲꦤ꧀ꦢꦼꦊꦁꦩꦫꦁꦦꦺꦠꦿꦸꦱ꧀ꦭꦸꦁꦒꦸꦃꦲꦤꦲꦶꦁꦧꦼꦣꦶꦪꦁꦔꦤ꧀꧈ꦱꦮꦸꦱ꧀ꦱꦺꦲꦩꦤ꧀ꦢꦼꦁꦩꦫꦁꦦꦺꦠꦿꦸꦱ꧀꧈ꦥꦔꦸꦕꦥ꧀ꦥꦺ꧈ꦮꦺꦴꦁꦔꦶꦏꦸꦲꦶꦪꦥꦤꦸꦁꦒꦭ꧀ꦭꦤ꧀ꦤꦺ꧉
꧕꧗꧉ ꦤꦔꦶꦁꦦꦺꦠꦿꦸꦱ꧀ꦲꦤ꧀ꦚꦺꦭꦏ꧀ꦏꦶꦩꦫꦁꦪꦺꦯꦸꦱ꧀꧈ꦥꦔꦸꦕꦥ꧀ꦥꦺ꧈ꦲꦺꦃꦮꦺꦴꦁꦮꦢꦺꦴꦤ꧀꧈ꦲꦏꦸꦲꦺꦴꦫꦮꦤꦸꦃꦭꦤ꧀ꦮꦺꦴꦁꦔꦶꦏꦸ꧉
꧕꧘꧉ ꦠꦤ꧀ꦲꦤ꧀ꦠꦫꦱꦸꦮꦺꦲꦤꦮꦺꦴꦁꦱꦺꦗꦺꦩꦤ꧀ꦤꦺꦃꦲꦤ꧀ꦢꦼꦊꦁꦩꦫꦁꦦꦺꦠꦿꦸꦱ꧀꧈ꦲꦤ꧀ꦚꦭꦛꦺꦴꦤ꧀ꦤꦶ꧈ꦏꦺꦴꦮꦺꦲꦶꦏꦸꦲꦶꦪꦥꦤꦸꦁꦒꦭ꧀ꦭꦤ꧀ꦤꦺ꧈ꦩꦺꦴꦁꦏꦦꦺ ꦠꦿꦸꦱ꧀ꦲꦔꦸꦕꦥ꧀꧈ꦲꦺꦃꦮꦺꦴꦁ꧈ꦲꦏꦸꦲꦶꦏꦶꦢꦸꦢꦸ꧉
꧕꧙꧉ ꦮꦼꦠꦫꦏꦭꦏꦺꦴꦤ꧀ꦱꦲꦼꦗꦩ꧀꧈ꦲꦤꦱꦮꦶꦗꦶꦲꦸꦮꦺꦴꦁꦭꦶꦪꦤ꧀ꦤꦺꦩꦤ꧀ꦤꦺꦃꦲꦁꦪꦼꦏ꧀ꦠꦺꦏ꧀ꦲꦏꦺ꧈ꦥꦔꦸꦕꦥ꧀ꦥꦺ꧈ꦱꦚꦠꦤ꧀ꦤꦺꦮꦺꦴꦁꦔꦶꦏꦸꦲꦶꦪꦥꦤꦸꦁꦒꦭ꧀ꦭꦤ꧀ꦤꦺ꧈ꦱꦧꦧ꧀ꦲꦶꦏꦸꦮꦺꦴꦁꦲꦶꦁꦒꦭꦶꦭꦺꦪ꧉
꧖꧐꧉ ꦢꦺꦤ꧀ꦤꦺꦦꦺꦠꦿꦸꦱ꧀ꦲꦔꦸꦕꦥ꧀꧈ꦲꦺꦃꦮꦺꦴꦁ꧈ꦲꦏꦸꦲꦺꦴꦫꦱꦸꦩꦸꦫꦸꦥ꧀ꦲꦥꦏꦁꦢꦢꦶꦕꦭꦛꦸꦩꦸꦲꦶꦏꦸ꧈ꦧꦉꦁꦲꦶꦱꦶꦃꦲꦔꦸꦕꦥ꧀ꦱꦏꦭꦠꦸꦩꦸꦭꦶꦲꦤꦗꦒꦺꦴꦏꦭꦸꦫꦸ ꦏ꧀꧉
꧖꧑꧉ ꦓꦸꦱ꧀ꦡꦶꦠꦸꦩꦸꦭꦶꦲꦤ꧀ꦤꦺꦴꦭꦺꦃꦲꦤ꧀ꦤꦶꦔꦭ꧀ꦭꦶꦩꦫꦁꦦꦺꦠꦿꦸꦱ꧀꧈ꦩꦺꦴꦁꦏꦦꦺꦠꦿꦸꦱ꧀ꦱꦸꦩꦼꦣꦺꦴꦠ꧀ꦏꦺꦭꦶꦁꦔꦤ꧀ꦩꦫꦁꦥꦔꦤ꧀ꦢꦶꦏꦤ꧀ꦤꦺꦓꦸꦱ꧀ꦡꦶꦏꦁꦩꦼꦁꦏꦺꦤ꧀ꦤꦺ꧈ꦱꦢꦸꦫꦸꦁꦔꦺꦲꦤꦗꦒꦺꦴꦏꦭꦸꦫꦸꦏ꧀꧈ꦏꦺꦴꦮꦺꦧꦏꦭ꧀ꦲꦤ꧀ꦚꦺꦭꦏ꧀ꦏꦶꦩꦫꦶꦁꦔꦏꦸꦏꦥꦶꦁꦠꦼꦭꦸ꧉
꧖꧒꧉ ꦱꦮꦸꦱ꧀ꦱꦺꦩꦼꦁꦏꦺꦴꦤ꧀ꦤꦺꦴꦦꦺꦠꦿꦸꦱ꧀ꦧꦚ꧀ꦗꦸꦂꦩꦼꦠꦸꦩꦫꦁꦲꦶꦁꦗꦧ꧈ꦲꦤ꧀ꦤꦔꦶꦱ꧀ꦏꦭꦫꦭꦫ꧉
꧖꧓꧉ ꦲꦤꦢꦺꦤ꧀ꦤꦺꦮꦺꦴꦁꦏꦁꦮꦸꦱ꧀ꦥꦣꦲꦤ꧀ꦚꦼꦏꦼꦭ꧀ꦩꦫꦁꦪꦺꦯꦸꦱ꧀꧈ꦲꦁꦒꦸꦒꦸꦪꦸꦩꦫꦁꦪꦺꦯꦸꦱ꧀ꦱꦂꦠꦲꦁꦒꦶꦠꦶꦏ꧀ꦏꦶ꧉
꧖꧔꧉ ꦱꦮꦸꦱ꧀ꦱꦺꦏꦶꦤꦸꦣꦸꦁꦔꦤ꧀ꦮꦼꦢꦤꦤ꧀ꦤꦺꦠꦶꦤ꧀ꦤꦥꦸꦏ꧀ꦱꦂꦠꦥꦣꦲꦠꦠꦏꦺꦴꦤ꧀꧈ꦥꦔꦸꦕꦥ꧀ꦥꦺ꧈ꦏꦺꦴꦮꦺꦲꦩꦼꦕꦲ꧈ꦱꦥꦏꦁꦲꦤ꧀ꦤꦥꦸꦏ꧀ꦩꦫꦁꦏꦺꦴꦮꦺ꧉
꧖꧕꧉ ꦲꦚ꧀ꦗꦧꦤ꧀ꦤꦺꦠꦼꦏꦲꦶꦏꦸꦲꦏꦺꦃꦥꦶꦠꦼꦤ꧀ꦤꦃꦲꦺ꧈ꦒꦺꦴꦤ꧀ꦤꦺꦚꦭꦛꦺꦴꦤ꧀ꦤꦶꦩꦫꦁꦪꦺꦯꦸꦱ꧀꧉ ꧉
꧖꧖꧉ ꦧꦉꦁꦠꦸꦩꦼꦏꦧꦔꦸꦤ꧀ꦫꦃꦲꦶꦤ꧀ꦤ꧈ꦥꦫꦥꦶꦤ꧀ꦤꦶꦠꦸꦮꦤ꧀ꦤꦶꦁꦧꦺꦴꦁꦱ꧈ꦥꦫꦥꦔꦸꦭꦸꦭꦮꦤ꧀ꦥꦫꦔꦸꦭꦩꦮꦸꦱ꧀ꦥꦣꦏꦭꦸꦩ꧀ꦥꦸꦏ꧀ꦏꦤ꧀꧈ꦪꦺꦯꦸꦱ꧀ꦠꦸꦩꦸꦭꦶꦒꦶꦤ꧀ꦤꦮꦩꦫꦁꦥꦉꦥꦺꦴꦠ꧀ꦠ ꦤ꧀ꦤꦺꦣꦺꦮꦺ꧈ꦥꦔꦸꦕꦥ꧀ꦥꦺ꧈ꦏꦺꦴꦮꦺꦲꦶꦏꦸꦲꦥꦏꦿꦶꦱ꧀ꦡꦸꦱ꧈ꦠꦸꦠꦸꦂꦫꦩꦫꦁꦔꦏꦸ꧉
꧖꧗꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦭꦩꦸꦤ꧀ꦲꦏꦸꦲꦤꦸꦠꦸꦂꦫꦶꦩꦫꦁꦏꦺꦴꦮꦺ꧈ꦏꦺꦴꦮꦺꦲꦺꦴꦫꦥꦿꦕꦪ꧉
꧖꧘꧉ ꦱꦤ꧀ꦤꦢꦾꦤ꧀ꦲꦏꦸꦲꦠꦏꦺꦴꦤ꧀ꦩꦫꦁꦏꦺꦴꦮꦺ꧈ꦏꦺꦴꦮꦺꦲꦺꦴꦫꦲꦚ꧀ꦗꦮꦧ꧀ꦩꦫꦁꦔꦏꦸꦱꦂꦠꦲꦺꦴꦫꦲꦔꦸꦕꦸꦭ꧀ꦭꦶ꧉
꧖꧙꧉ ꦲꦮꦶꦠ꧀ꦲꦶꦁꦱꦲꦶꦏꦶꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦧꦏꦭ꧀ꦭꦸꦁꦒꦸꦃꦲꦤꦠꦼꦔꦼꦤ꧀ꦤꦶꦁꦮꦶꦱꦺꦰꦤ꧀ꦤꦶꦁꦄꦭ꧀ꦭꦃ꧉
꧗꧐꧉ ꦩꦺꦴꦁꦏꦱꦏꦺꦃ [ 215 ]ꦲꦶꦁꦮꦺꦴꦁꦥꦣꦲꦔꦸꦕꦥ꧀꧈ꦢꦢꦶꦏꦺꦴꦮꦺꦲꦶꦏꦸꦥꦸꦠꦿꦤ꧀ꦤꦶꦁꦄꦭ꧀ꦭꦃ꧈ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏ꧈ꦲꦥꦲꦶꦁꦱꦥꦔꦸꦕꦥ꧀ꦩꦸ꧈ꦲꦏꦸꦲꦶꦪ꧉
꧗꧑꧉ ꦠꦸꦩꦸꦭꦶꦥꦣꦲꦔꦸꦕꦥ꧀꧈ꦲꦥꦲꦏꦸꦲꦶꦱꦶꦃꦏꦸꦫꦁꦱꦼꦏ꧀ꦱꦶꦩꦤ꧀ꦤꦺꦃ꧈ꦱꦧꦧ꧀ꦲꦏꦸꦮꦸꦱ꧀ꦔꦿꦸꦔꦸꦣꦺꦮꦺꦥꦔꦸꦕꦥ꧀ꦥꦺꦏꦁꦩꦼꦠꦸꦲꦶꦁꦕꦁꦏꦼꦩ꧀ꦩꦺ꧉ ꧉

---

꧋ꦧꦧ꧀ꦏꦥꦶꦁꦠꦼꦭꦸꦭꦶꦏꦸꦂ꧉

꧑꧉ ꧋ꦲꦤꦢꦺꦤ꧀ꦤꦺꦥꦏꦸꦩ꧀ꦥꦸꦭ꧀ꦭꦤ꧀ꦤꦶꦁꦮꦺꦴꦁꦏꦧꦺꦃ꧈ꦠꦸꦩꦸꦭꦶꦥꦣꦲꦔꦢꦼꦒ꧀ꦲꦁꦒꦮꦪꦺꦯꦸꦱ꧀ꦩꦫꦁꦦꦶꦭꦠꦸꦱ꧀꧉
꧒꧉ ꦱꦂꦠꦲꦮꦶꦠ꧀ꦥꦣꦲꦁꦒꦸꦒꦠ꧀ꦩꦫꦁꦪꦺꦯꦸꦱ꧀꧈ꦲꦠꦸꦂꦫꦺ꧈ꦒꦺꦤ꧀ꦏꦸꦭꦩꦁꦒꦶꦃꦲꦶꦠꦶꦪꦁꦥꦸꦤ꧀ꦤꦶꦏꦲꦤ꧀ꦤꦱꦂꦫꦏꦼꦤ꧀ꦝꦠꦼꦁꦲꦶꦁꦧꦭ꧈ꦱꦂꦠꦲꦩꦭꦁꦔꦶꦣꦸꦩꦠꦼꦁꦠꦶꦪꦁꦲꦤ꧀ꦚꦲꦺꦴꦱ꧀ꦱꦏꦼꦤ꧀ꦧꦸꦭꦸꦧꦼꦏ꧀ꦠꦶꦣꦸꦩꦠꦼꦁꦯꦁꦦꦿꦨꦸ꧈ꦥꦔꦸꦕꦥ꧀ꦥꦶꦥꦸꦤ꧀ꦪꦺꦤ꧀ꦥꦶ ꦪꦩ꧀ꦧꦏ꧀ꦏꦶꦥꦸꦤ꧀ꦥꦸꦤ꧀ꦤꦶꦏꦏꦿꦶꦱ꧀ꦡꦸꦱ꧀ꦱꦁꦦꦿꦨꦸ꧉
꧓꧉ ꦩꦺꦴꦁꦏꦦꦶꦭꦠꦸꦱ꧀ꦲꦤ꧀ꦢꦔꦸꦩꦫꦁꦪꦺꦯꦸꦱ꧀꧈ꦥꦔꦤ꧀ꦢꦶꦏꦤ꧀ꦤꦺ꧈ꦏꦺꦴꦮꦺꦲꦶꦏꦸꦲꦥꦲꦶꦪꦫꦡꦸꦤ꧀ꦤꦺꦮꦺꦴꦁꦪꦲꦸꦢꦶ꧈ꦩꦺꦴꦁꦏꦪꦺꦯꦸꦱ꧀ꦲꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧈ꦲꦶꦪꦲꦥꦲꦶꦁꦱꦥꦔꦸꦕꦥ꧀ꦩꦸ꧉
꧔꧉ ꦦꦶꦭꦠꦸꦱ꧀ꦠꦸꦩꦸꦭꦶꦲꦔꦤ꧀ꦢꦶꦏꦩꦫꦁꦥꦫꦥꦔꦸꦭꦸꦲꦸꦠꦮꦩꦫꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀꧈ꦲꦏꦸꦲꦺꦴꦫꦩꦿꦁꦒꦸ ꦭ꧀ꦭꦶꦏꦁꦢꦢꦶꦏꦭꦸꦥꦸꦠ꧀ꦠꦤ꧀ꦤꦺꦮꦺꦴꦁꦔꦶꦏꦸ꧉
꧕꧉ ꦢꦺꦤ꧀ꦤꦺꦮꦺꦴꦁꦩꦲꦸꦲꦠꦸꦂꦫꦺꦥꦣꦲꦢꦽꦁ꧈ꦠꦶꦪꦁꦥꦸꦤ꧀ꦤꦶꦏꦲꦔꦿꦩꦤ꧀ꦤꦏꦼꦤ꧀ꦝꦸꦩꦠꦼꦁꦧꦭ꧈ꦥꦩꦸꦭꦁꦔꦶꦥꦸꦤ꧀ꦏꦮꦿꦢꦶꦤ꧀ꦤꦏꦼꦤ꧀ꦲꦶꦁꦱꦠꦤ꧀ꦤꦃꦪꦲꦸꦢꦶꦱꦢꦪ꧈ꦲꦮꦶꦠ꧀ꦱꦏꦶꦁꦠꦤ꧀ꦤꦃꦒꦭꦶꦭꦺꦪ꧈ꦔꦤ꧀ꦠꦺꦴꦱ꧀ꦢꦸꦩꦸꦒꦶꦲꦶꦁꦔꦿꦶꦏꦶ꧉
꧖꧉ ꦩꦺꦴꦁꦏꦦꦶꦭꦠꦸꦱ꧀ꦧꦉꦁꦩꦶꦉꦁꦠꦤ꧀ꦤꦃꦒꦭꦶꦭꦺꦪ꧈ꦲꦤ꧀ꦢꦔꦸꦮꦺꦴꦁꦔꦶꦏꦸꦲꦥꦮꦺꦴꦁꦒꦭꦶꦭꦺꦪ꧉
꧗꧉ ꦧꦉꦁꦮꦸꦱ꧀ꦱꦸꦩꦼꦉꦥ꧀ꦪꦺꦤ꧀ꦏꦊꦧꦸꦧꦮꦃꦲꦺꦲꦺꦫꦺꦴꦣꦼꦱ꧀꧈ꦪꦺꦯꦸꦱ꧀ꦠꦸꦩꦸꦭꦶꦥꦶꦤ꧀ꦤꦫꦏ꧀ꦲꦏꦺꦩꦫꦁꦲꦺꦫꦺꦴꦣꦼꦱ꧀꧈ꦢꦸꦏ꧀ꦤꦭꦶꦏꦲꦶꦏꦸꦲꦺꦫꦺꦴꦣꦼꦱ꧀ꦥꦤꦸꦗꦸꦲꦤꦲꦶꦁꦪꦼꦫꦸꦱꦭꦺꦩ꧀꧉
꧘꧉ ꦩꦺꦴꦁꦏꦲꦺꦫꦺꦴꦣꦼꦱ꧀ꦧꦉꦁꦩꦶꦂꦰꦩꦫꦁꦪꦺꦯꦸꦱ꧀꧈ꦲꦧꦔꦼꦠ꧀ꦱꦸꦏꦤ꧀ꦤꦺ꧈ꦱꦧꦧ꧀ꦮꦸꦱ꧀ꦭꦮꦼꦱ꧀ꦒꦺꦴꦤ꧀ꦤꦺꦏꦥꦺꦔꦶꦤ꧀ꦩꦶꦂꦰꦩꦫꦁꦪꦺꦯꦸꦱ꧀꧈ꦲꦮꦶꦠ꧀ꦢꦺꦤ꧀ꦤꦺꦥꦩꦶꦉꦁꦔꦺꦲꦏꦺꦃꦲꦏꦺꦃꦩꦫꦁꦲꦶꦁꦔꦠꦱ꧀ꦱꦺꦪꦺꦯꦸꦱ꧀꧈ꦭꦤ꧀ꦥꦔꦉꦥ꧀ꦥꦉꦥ꧀ꦥꦺꦩꦶꦂꦰꦲꦲꦶꦁꦠꦠꦼꦁꦔꦼꦂꦫꦤ꧀ꦏꦁꦩꦼꦠꦸꦱꦏꦪꦺꦯꦸꦱ꧀꧉
꧙꧉ ꦱꦂꦠꦥꦤ꧀ꦢꦔꦸꦤ꧀ꦤꦺꦩꦫꦁꦪꦺꦯꦸꦱ꧀ꦏꦭꦮꦤ꧀ꦥꦔꦤ꧀ꦢꦶꦏꦲꦏꦺꦃ꧈ꦤꦔꦶꦁꦪꦺꦯꦸꦱ꧀ꦲꦺꦴꦫꦲꦩꦁꦱꦸꦭ꧀ꦭꦶꦲꦥꦲꦥ꧉
꧑꧐꧉ ꦢꦺꦤ꧀ꦤꦺꦥꦫꦥꦔꦸꦭꦸꦭꦤ꧀ꦥꦫꦔꦸꦭꦩ꧈ꦥꦣꦲꦁꦔꦢꦼꦒ꧀ꦧꦔꦼꦠ꧀ꦥꦁꦒꦸꦒꦠ꧀ꦠꦺꦩꦫꦁꦪꦺꦯꦸꦱ꧀꧉
꧑꧑꧉ ꦩꦺꦴꦁꦏꦲꦺꦫꦺꦴꦣꦼꦱ꧀ꦭꦤ꧀ꦱꦥꦿꦗꦸꦫꦶꦠ꧀ꦠꦺꦱꦮꦸꦱ꧀ꦱꦺꦲꦤ꧀ꦤꦕꦢ꧀ꦱꦂꦠꦲꦁꦒꦸꦒꦸꦪꦸꦩꦫꦁꦪꦺꦯꦸꦱ꧀꧈ꦠꦸꦩꦸꦭꦶꦱꦶꦤ꧀ꦤꦟ꧀ꦝꦁꦔꦤ꧀ꦥꦔꦁꦒꦺꦴꦩꦼꦚ꧀ꦕꦺꦴꦫꦺꦴꦠ꧀꧈ꦧꦶꦤ꧀ꦤꦭꦺꦏ꧀ꦲꦏꦺꦩꦫꦁꦦꦶꦭꦠꦸꦱ꧀ꦩꦤ꧀ꦤꦺꦃ꧉
꧑꧒꧉ ꦢꦢꦶꦲꦶꦁꦢꦶꦤ꧀ꦤꦲꦶꦏꦸꦦꦶꦭꦠꦸꦱ꧀ꦭꦤ꧀ꦲꦺ [ 216 ]ꦫꦺꦴꦣꦼꦱ꧀ꦥꦣꦲꦥꦿꦱꦺꦴꦧꦠ꧀ꦠꦤ꧀꧈ꦢꦺꦤ꧀ꦤꦺꦏꦁꦩꦲꦸꦥꦣꦲꦱꦱꦠꦿꦺꦴꦤ꧀꧉
꧑꧓꧉ ꦩꦺꦴꦁꦏꦦꦶꦭꦠꦸꦱ꧀ꦱꦮꦸꦱ꧀ꦱꦺꦲꦤꦶꦩ꧀ꦧꦭ꧀ꦭꦶꦩꦫꦁꦥꦫꦥꦔꦸꦭꦸꦲꦸꦠꦮꦩꦫꦁꦥꦁꦒꦼꦣꦺꦠꦸꦮꦶꦤ꧀ꦩꦫꦁꦧꦭ꧉
꧑꧔꧉ ꦥꦔꦤ꧀ꦢꦶꦏꦤ꧀ꦤꦺ꧈ꦮꦺꦴꦁꦏꦲꦺꦏꦺꦴꦮꦺꦮꦸꦱ꧀ꦥꦣꦲꦁꦒꦮꦩꦫꦁꦲꦶꦁꦔꦉꦥ꧀ꦥꦤ꧀ꦤꦏꦸ꧈ꦠꦶꦤ꧀ꦤꦼꦂꦏꦲꦤ꧀ꦤꦱꦂꦫꦏꦺꦧꦭ꧈ꦭꦃꦥꦩꦿꦶꦏ꧀ꦱꦏꦸꦲꦤꦔꦉꦥ꧀ꦥꦩꦸ꧈ꦤꦔꦶꦁꦮꦺꦴꦁꦔꦶꦏꦸꦲꦺꦴꦫꦤ꧀ꦤꦤꦏꦭꦸꦥꦸꦠ꧀ꦠꦤ꧀ꦤꦺ꧈ꦏꦁꦏꦺꦴꦮꦺꦒꦸꦒꦠ꧀ꦠꦏꦺ꧉
꧑꧕꧉ ꦢꦺꦤ꧀ꦤꦺꦲꦺꦫꦺꦴꦣꦼꦱ꧀ꦲꦶꦪꦲꦺꦴꦫꦲꦤ꧀ꦤꦼꦩꦸꦏꦁꦢꦢꦶꦏꦭꦸꦥꦸꦠ꧀ꦠꦤ꧀ꦤꦺ꧈ꦩꦸꦭꦤ꧀ꦤꦺꦏꦺꦴꦮꦺꦮꦸꦱ꧀ꦠꦏ꧀ꦥꦫꦏ꧀ꦲꦏꦺꦩꦫꦁꦲꦺꦫꦺꦴꦣꦼꦱ꧀꧈ꦭꦃꦪꦺꦯꦸꦱ꧀ꦲꦶꦏꦸꦲꦺꦴꦫꦤ꧀ꦤꦤ꧈ ꦏꦁꦩꦸꦁꦒꦸꦃꦩꦫꦁꦲꦶꦁꦏ꦳ꦸꦏꦸꦩ꧀ꦥꦠꦶ꧉
꧑꧖꧉ ꦩꦸꦭꦤ꧀ꦤꦺꦱꦮꦸꦱ꧀ꦱꦺꦏꦶꦤ꧀ꦤꦥꦺꦴꦏ꧀ꦲꦏꦺꦧꦏꦭ꧀ꦠꦏ꧀ꦭꦸꦮꦫꦶ꧉
꧑꧗꧉ ꦲꦤꦢꦺꦤ꧀ꦤꦺꦦꦶꦭꦠꦸꦱ꧀ꦏꦸꦮꦗꦶꦧ꧀ꦧꦤ꧀ꦲꦶꦁꦢꦶꦤ꧀ꦤꦒꦼꦣꦺꦲꦔ꧀ꦭꦸꦮꦂꦫꦏꦺꦱꦮꦶꦗꦶꦭꦭꦫꦤ꧀ꦩꦫꦁꦲꦶꦁꦧꦭ꧉
꧑꧘꧉ ꦥꦏꦸꦩ꧀ꦥꦸꦭ꧀ꦭꦤ꧀ꦤꦶꦁꦮꦺꦴꦁꦏꦧꦺꦃꦠꦸꦩꦸꦭꦶꦥꦣꦧꦼꦔꦺꦴꦏ꧀ꦧꦼꦔꦺꦴꦏ꧀ꦲꦠꦸꦂꦫꦺ꧈ꦠꦶꦪꦁꦥꦸꦤ꧀ꦤꦶꦏꦢꦶꦥꦸꦤ꧀ꦲꦁꦏꦠ꧀ꦠꦼꦤ꧀ꦤ꧈ꦱꦂꦠꦏꦮꦸꦭꦚꦸꦮꦸꦤ꧀ꦭꦸꦮꦂꦫꦶꦥꦸꦤ꧀ꦧꦂ​ꦄꦧ꧀ꦧꦱ꧀꧉
꧑꧙꧉ ꦢꦺꦤ꧀ꦤꦺꦧꦂꦄꦧ꧀ꦧꦱ꧀ꦩꦲꦸꦩꦸꦭꦤ꧀ꦤꦺꦏꦊꦧꦺꦴꦏ꧀ꦲꦏꦺꦲꦶꦁꦥꦏꦸꦚ꧀ꦗꦫꦤ꧀꧈ꦲꦮꦶꦠ꧀ꦱꦏꦔꦢꦼꦒꦏ꧀ꦏꦿꦏꦩꦤ꧀ꦲꦤꦲꦶꦁꦤꦼꦒꦫꦭꦤ꧀ꦲꦒꦮꦺꦥꦠꦶ꧉
꧒꧐꧉ ꦩꦺꦴꦁꦏꦦꦶꦭꦠꦸꦱ꧀ꦲꦔꦸꦮꦸꦃꦲꦸꦮꦸꦃꦩꦤ꧀ꦤꦺꦃ꧈ꦏꦂꦰꦤ꧀ꦤꦺꦧꦏꦭ꧀ꦲꦔ꧀ꦭꦸꦮꦂꦫꦶꦩꦫꦁꦪꦺꦯꦸꦱ꧀꧉
꧒꧑꧉ ꦢꦺꦤ꧀ꦤꦺꦮꦺꦴꦁꦩꦲꦸꦱꦁꦱꦪꦲꦱꦿꦸꦲꦶꦁꦥꦩ꧀ꦧꦼꦔꦺꦴꦏ꧀ꦏꦺ꧈ꦲꦠꦸꦂꦫꦺ꧈ꦠꦶꦪꦁꦥꦸꦤ꧀ꦤꦶꦏꦩꦸꦒꦶꦏꦥꦼꦤ꧀ꦛꦁꦔ꧈ꦏꦥꦼꦤ꧀ꦛꦁꦔ꧉
꧒꧒꧉ ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦺꦦꦶꦭꦠꦸꦱ꧀ꦩꦫꦁꦮꦺꦴꦁꦲꦏꦺꦃꦩꦲꦸꦏꦁꦏꦥꦶꦁꦠꦼꦭꦸ꧈ꦢꦺꦤ꧀ꦤꦺꦲꦶꦏꦸꦮꦸꦱ꧀ꦲꦒꦮꦺꦲꦭꦲꦥ꧈ꦲꦺꦴꦫꦤ꧀ꦤꦤꦭꦸꦥꦸꦠ꧀ꦠꦺꦏꦁꦩꦫꦁꦲꦶꦁꦏ꦳ꦸꦏꦸꦩ꧀ꦥꦠꦶ꧈ꦩꦸꦭꦤ꧀ꦤꦺꦱꦮꦸꦱ꧀ꦱꦺꦏꦶꦤ꧀ꦤꦥꦺꦴꦏ꧀ꦲꦏꦺꦧꦏꦭ꧀ꦠꦏ꧀ꦭꦸꦮꦂꦫꦶ꧉
꧒꧓꧉ ꦢꦺꦤ꧀ꦤꦺꦮꦺꦴꦁꦩꦲꦸꦥꦁꦒꦸꦧꦼꦭ꧀ꦭꦺꦏꦭꦮꦤ꧀ꦱ꧀ꦮꦫꦲꦏꦺꦃꦲꦏꦺꦃ꧈ꦥꦤ꧀ꦚꦸꦮꦸꦤ꧀ꦤꦺꦏꦥꦼꦤ꧀ꦛꦁꦔ꧈ꦢꦺꦤ꧀ꦤꦺꦱ꧀ꦮꦫꦤ꧀ꦤꦺꦮꦺꦴꦁꦔꦏꦺꦃꦩꦲꦸꦲꦧꦉꦁꦭꦤ꧀ꦥꦫꦥꦔꦸꦭꦸꦭꦸꦮꦶꦃꦲꦧꦔꦼꦠ꧀꧉
꧒꧔꧉ ꦢꦢꦶꦦꦶꦭꦠꦸꦱ꧀ꦲꦤꦸꦫꦸꦠ꧀ꦠꦶꦲꦥꦲꦶꦁꦱꦏꦉꦥ꧀ꦥꦺꦮꦺꦴꦁꦩꦲꦸ꧉
꧒꧕꧉ ꦢꦺꦤ꧀ꦤꦺꦮꦺꦴꦁꦏꦁꦭꦶꦤ꧀ꦤꦼꦧꦺꦴꦏ꧀ꦲꦏꦺꦲꦶꦁꦥꦏꦸꦚ꧀ꦗꦂꦫꦤ꧀꧈ꦏꦁꦲꦮꦶꦠ꧀ꦔꦢꦼꦏ꧀ꦏꦿꦩꦤ꧀ꦭꦤ꧀ꦲꦒꦮꦺꦥꦠꦶꦩꦲꦸ꧈ꦭꦶꦤꦸꦮꦂꦫꦤ꧀ꦲꦶꦁꦱꦥꦩꦶꦭꦶꦃꦲꦶꦁꦧꦭ꧈ꦢꦺꦤ꧀ꦤꦺꦪꦺꦯꦸꦱ꧀ꦥꦶꦤ꧀ꦤꦱꦿꦃꦲꦏꦺꦲꦶꦁꦱꦏꦉꦥ꧀ꦥꦶꦁꦧꦭ꧉ ꧉
꧒꧖꧉ ꧋ꦲꦤꦢꦺꦤ꧀ꦤꦺꦤꦭꦶꦏꦥꦣꦲꦁꦒꦮꦩꦫꦁꦪꦺꦯꦸꦱ꧀꧈ꦲꦤꦱꦮꦶꦗꦶꦮꦺꦴꦁꦏꦁꦥꦥꦒ꧀꧈ꦗꦼꦤ꧀ꦤꦼꦁꦔꦺꦱꦶꦩꦺꦴꦤ꧀ꦱꦏꦲꦶꦁꦏꦶꦫꦺꦤ꧀ꦤꦺ꧈ꦏꦁꦠꦼꦏꦱꦏꦲꦶꦁꦥꦱꦮꦃꦲꦤ꧀꧈ꦲꦶꦁꦔꦫꦠ꧀ꦏꦶꦤ꧀ꦤꦺꦴꦤ꧀ꦩꦶꦏꦸꦭ꧀ꦥꦩꦼꦤ꧀ꦛꦁꦔꦤ꧀ꦲꦤꦮꦸꦫꦶꦤ꧀ꦤꦺꦪꦺꦯꦸꦱ꧀꧉
꧒꧗꧉ ꦭꦤ꧀ꦲꦤꦥꦏꦸꦩ꧀ꦥꦸꦭ꧀ꦭꦤ꧀ꦤꦶꦁꦮꦺꦴꦁꦲꦏꦺꦃꦏꦁꦥꦣꦲꦟ꧀ꦝꦺꦫꦺꦏ꧀꧈ꦲꦥꦩꦤ꧀ꦤꦺꦃꦥꦺꦴꦁꦮꦢꦺꦴꦤ꧀ꦏꦁꦥꦣꦲꦠꦼꦧꦃꦠꦼꦧꦃꦣꦣꦱꦂꦠꦲꦤ꧀ꦤꦔꦶꦱ꧀ꦱꦶꦩꦫꦁꦪꦺꦯꦸꦱ꧀꧉
꧒꧘꧉ ꦪꦺꦯꦸꦱ꧀ꦠꦸꦩꦸꦭꦶꦤꦺꦴꦭꦺꦃ ꦊꦭ [ 217 ]ꦲꦔꦤ꧀ꦢꦶꦏꦩꦫꦁꦮꦺꦴꦁꦮꦢꦺꦴꦤ꧀ꦩꦲꦸ꧈ꦲꦺꦃꦧꦺꦴꦕꦃꦮꦢꦺꦴꦤ꧀ꦤꦶꦁꦪꦼꦫꦸꦱꦭꦺꦩ꧀꧈ꦲꦗꦏꦺꦴꦮꦺꦲꦤ꧀ꦤꦔꦶꦱ꧀ꦱꦶꦩꦫꦁꦔꦏꦸ꧈ꦢꦺꦤ꧀ꦤꦺꦏꦺꦴꦮꦺꦥꦣꦲꦤ꧀ꦤꦔꦶꦱ꧀ꦱꦤꦩꦫꦁꦔꦮꦠ꧀ꦩꦸꦢꦺꦣꦺ꧈ꦲꦸꦠꦮꦩꦫꦁꦔꦤ꧀ꦤꦏ꧀ꦩꦸ꧉
꧒꧙꧉ ꦱꦧꦧ꧀ꦮꦼꦂꦫꦸꦃꦲꦤ꧀ꦤꦩꦸ꧈ꦧꦏꦭ꧀ꦠꦸꦩꦼꦏꦤ꧀ꦤꦺꦲꦶꦁꦩꦺꦴꦁꦱ꧈ꦤꦭꦶꦏꦮꦺꦴꦁꦧꦏꦭ꧀ꦥꦣꦲꦔꦸꦕꦥ꧀꧈ꦫꦃꦲꦪꦸꦮꦺꦴꦁꦏꦁꦒꦧꦸꦒ꧀ꦭꦤ꧀ꦮꦮꦼꦠꦼꦁꦔꦤ꧀ꦏꦁꦲꦺꦴꦫꦲꦩ꧀ꦧꦧꦂꦠꦸꦮꦶꦤ꧀ꦥꦽꦩ꧀ꦧꦪꦸꦤ꧀ꦏꦁꦲꦺꦴꦫꦲꦤꦸꦱꦺꦴꦤ꧀ꦤꦶ꧉
꧓꧐꧉ ꦠꦸꦩꦸꦭꦶꦮꦺꦴꦁꦥꦣꦲꦮꦶꦠ꧀ꦲꦤ꧀ꦚꦭꦛꦺꦴꦤ꧀ꦤꦶꦩꦫꦁꦒꦸꦤꦸꦁ꧈ꦏꦺꦴꦮꦺꦥꦣꦲꦚ꧀ꦗꦸꦒꦿꦸꦒ꧀ꦒꦤꦩꦫꦁꦔꦏꦸ꧈ꦲꦸꦠꦮꦩꦫꦁꦒꦸꦒꦸꦩꦸꦏ꧀꧈ꦏꦺꦴꦮꦺꦲꦔꦸꦫꦸꦒ꧀ꦒꦤꦩꦫꦁꦔꦏꦸ꧉
꧓꧑꧉ ꦢꦺꦤ꧀ꦤꦺꦪꦺꦤ꧀ꦥꦁꦒꦮꦺꦤ꧀ꦤꦶꦁꦔꦸꦮꦺꦴꦁꦏꦪꦩꦼꦁꦏꦺꦴꦤ꧀ꦤꦺꦴꦩꦫꦁꦮꦶꦠ꧀ꦏꦁꦱꦼꦒꦼꦂ꧈ꦢꦢꦶꦤ꧀ꦤꦺꦲꦥꦩꦫꦁꦮꦶꦠ꧀ꦏꦁꦲꦔꦫꦁ꧉
꧓꧒꧉ ꦭꦤ꧀ꦲꦤꦮꦺꦴꦁꦢꦸꦂꦗꦤꦭꦺꦴꦫꦺꦴꦩꦤ꧀ꦤꦺꦃ꧈ꦏꦁꦥꦣꦒꦶꦤ꧀ꦤꦮꦧꦏꦭ꧀ꦥꦶꦤ꧀ꦤꦠꦺꦤ꧀ꦤꦤ꧀ꦧꦉꦁꦭꦮꦤ꧀ꦪꦺꦯꦸꦱ꧀꧉ ꧉
꧓꧓꧉ ꧋ꦧꦉꦁꦮꦸꦱ꧀ꦠꦸꦩꦼꦏꦩꦫꦁꦥꦁꦒꦺꦴꦤ꧀ꦤꦤ꧀ꦏꦁꦢꦶꦲꦫꦤ꧀ꦤꦶꦥꦁꦒꦺꦴꦤ꧀ꦤꦤ꧀ꦕꦸꦩ꧀ꦥ꧀ꦭꦸꦁ꧈ꦲꦶꦁꦏꦺꦴꦤ꧀ꦤꦺꦴꦥꦁꦒꦺꦴꦤ꧀ꦤꦤ꧀ꦤꦺꦪꦺꦯꦸꦱ꧀ꦥꦶꦤ꧀ꦤꦼꦤ꧀ꦛꦁꦧꦉꦁꦭꦮꦤ꧀ꦮꦺꦴꦁꦢꦸꦂꦗꦤꦩꦲꦸ꧈ꦏꦁꦱꦮꦶꦗꦶꦲꦤꦲꦶꦁꦠꦼꦔꦼꦤ꧀ꦤꦺ꧈ꦏꦁꦱꦮꦶꦗꦶꦤ꧀ꦤꦺꦲꦤꦲꦶꦁꦏꦶꦮꦤ꧀ꦤꦺ꧉
꧓꧔꧉ ꦩꦺꦴꦁꦏꦪꦺꦯꦸꦱ꧀ꦲꦸꦩꦠꦸꦂ꧈ꦮꦸꦃꦫꦩ꧈ꦱꦩ꧀ꦥꦺꦪꦤ꧀ꦲꦔꦥꦸꦤ꧀ꦠꦼꦤ꧀ꦤꦣꦸꦩꦠꦼꦁꦠꦶꦪꦁꦥꦸꦤ꧀ꦤꦶꦏ꧈ꦲꦮꦶꦠ꧀ꦢꦺꦤ꧀ꦤꦶꦁꦱꦩꦶꦧꦺꦴꦠꦼꦤ꧀ꦲꦸꦤ꧀ꦤꦶꦔꦥꦸꦤ꧀ꦤꦥꦲꦶꦁꦏꦁꦢꦢꦺꦴꦱ꧀ꦥꦤ꧀ꦢꦩꦼꦭ꧀ꦭꦶꦥꦸꦤ꧀꧈ꦱꦟ꧀ꦝꦁꦔꦤ꧀ꦤꦺꦪꦺꦯꦸꦱ꧀ꦠꦸꦩꦸꦭꦶꦲꦶꦁꦔꦼꦢꦸꦩ꧀ꦩꦼ ꦢꦸꦩ꧀꧈ꦠꦶꦤ꧀ꦤꦶꦧꦏ꧀ꦲꦏꦺꦲꦶꦁꦣꦣꦸ꧉
꧓꧕꧉ ꦩꦺꦴꦁꦏꦧꦭꦥꦣꦔꦢꦼꦒ꧀ꦲꦤ꧀ꦚꦮꦁꦚꦮꦁ꧈ꦢꦺꦤ꧀ꦤꦺꦥꦫꦥꦔꦉꦥ꧀ꦭꦮꦤ꧀ꦧꦭꦩꦲꦸꦥꦣꦲꦤ꧀ꦤꦤ꧀ꦤꦕꦢ꧀ꦩꦫꦁꦪꦺꦯꦸꦱ꧀꧈ꦥꦔꦸꦕꦥ꧀ꦥꦺ꧈ꦮꦸꦱ꧀ꦲꦤꦸꦭꦸꦁꦔꦶꦩꦫꦁꦮꦺꦴꦁꦭꦶꦪ꧈ꦮꦺꦴꦁꦔꦶꦏꦸꦪꦺꦤ꧀ꦏꦿꦶꦱ꧀ꦡꦸꦱ꧀ꦏꦁꦥꦶꦤ꧀ꦤꦶꦭꦶꦃꦲꦶꦁꦄꦭ꧀ꦭꦃ꧈ꦲꦤꦸꦭꦸꦁꦔꦤꦩꦫꦁꦔꦮꦏ꧀ꦏꦺꦣꦺꦮꦺ꧉
꧓꧖꧉ ꦥꦫꦥꦿꦗꦸꦫꦶꦠ꧀ꦲꦶꦪꦥꦣꦲꦩꦺꦴꦩꦺꦴꦪꦺꦴꦏ꧀ꦏꦶꦩꦫꦁꦪꦺꦯꦸꦱ꧀꧈ꦥꦣꦲꦩꦉꦥꦼꦏ꧀ꦏꦶꦱꦂꦠꦲꦔꦸꦭꦸꦁꦔꦠꦏꦺꦮꦼꦫꦏ꧀ꦩꦫꦁꦪꦺꦯꦸꦱ꧀꧉
꧓꧗꧉ ꦭꦤ꧀ꦥꦣꦲꦔꦸꦕꦥ꧀꧈ꦪꦺꦤ꧀ꦏꦺꦴꦮꦺꦲꦶꦏꦸꦫꦡꦸꦤ꧀ꦤꦺꦮꦺꦴꦁꦪꦲꦸꦢꦶ꧈ꦲꦩꦶꦠꦸꦭꦸꦁꦔꦤꦩꦫꦁꦔꦮꦏ꧀ꦩꦸꦣꦺꦮꦺ꧉
꧓꧘꧉ ꦱꦂꦠꦲꦶꦁꦣꦸꦮꦸꦂꦫꦺꦱꦶꦤꦸꦁꦔꦤ꧀ꦕꦶꦫꦶꦠꦸꦠꦸꦭꦶꦱ꧀ꦱꦤ꧀꧈ꦠꦶꦤꦸꦭꦶꦱ꧀ꦲꦏ꧀ꦱꦫꦪꦸꦤ꧀ꦤꦤ꧀ꦤꦶꦭꦤ꧀ꦲꦏ꧀ꦱꦫꦫꦸꦩ꧀ꦩꦤ꧀ꦤꦶꦩꦶꦮꦃꦲꦏ꧀ꦱꦫꦔꦶꦧꦿꦤ꧀ꦤꦶ꧈ꦲꦸꦤꦶꦤ꧀ꦤꦺ꧈ꦲꦶꦏꦶꦫꦡꦸꦤ꧀ꦤꦺꦮꦺꦴꦁꦪꦲꦸꦢꦶ꧉
꧓꧙꧉ ꦢꦺꦤ꧀ꦤꦺꦮꦺꦴꦁꦢꦸꦂꦗꦤꦏꦁꦥꦣꦒꦶꦤ꧀ꦤꦤ꧀ꦠꦸꦁꦩꦲꦸ꧈ꦏꦁꦱꦮꦶꦗꦶꦲꦶꦪꦲꦔꦭꦏ꧀ꦲꦏꦺꦩꦫꦁꦪꦺꦯꦸꦱ꧀꧈ꦥꦔꦸꦕꦥ꧀ꦥꦺ꧈ꦪꦺꦤ꧀ꦏꦺꦴꦮꦺꦲꦶꦏꦸꦏꦿꦶꦱ꧀ꦡꦸꦱ꧀꧈ꦲꦩꦶꦠꦸꦭꦸꦁꦔꦤꦩꦫꦁꦲꦮꦏ꧀ꦩꦸꦣꦺꦮꦺꦲꦸꦠꦮꦩꦫꦁꦔꦮꦏ꧀ꦏꦸ꧉
꧔꧐꧉ ꦢꦺꦤ꧀ꦤꦺꦏꦁꦱꦮꦶꦗꦶꦤ꧀ꦤꦺꦲꦩꦁꦱꦸꦭ꧀ꦭꦶꦲꦤ꧀ꦚꦚꦩ꧀ꦥꦃꦲꦶꦩꦫꦁꦫꦺꦴꦮꦁꦔꦺ꧈ꦥꦔꦸꦕꦥ꧀ꦥꦺ꧈ꦲꦥꦏꦺꦴꦮꦺꦲꦶꦏꦸꦲꦺꦴꦫꦮꦼꦢꦶꦩꦫꦶꦁꦄꦭ꧀ꦭꦃ꧈ꦱꦧꦧ꧀ꦏꦺꦴꦮꦺꦲꦶꦏꦸꦲꦶꦪꦲꦤ꧀ꦤꦟ꧀ꦝꦁꦥꦲꦸꦏꦸꦩ꧀ꦩꦤ꧀ꦥꦣꦭꦤ꧀ꦮꦺꦴꦁꦔꦶꦏꦸ꧉
꧔꧑꧉ ꦢꦺꦤ꧀ꦤꦺꦩꦸꦁꦒꦸꦃꦲꦏꦸꦲꦶꦏꦶꦥꦣꦏꦼꦤ꧀ꦤꦲꦶꦁꦥꦲꦸꦏꦸꦩ꧀ꦩꦤ꧀ꦏꦁꦏ [ 218 ]ꦭꦮꦤ꧀ꦧꦼꦤ꧀ꦤꦼꦂ꧈ꦱꦧꦧ꧀ꦲꦏꦸꦥꦣꦲꦤ꧀ꦤꦩ꧀ꦥꦤ꧀ꦤꦶꦲꦶꦁꦏꦁꦥꦠꦸꦠ꧀ꦭꦤ꧀ꦥꦁꦒꦮꦺꦏꦸ꧈ꦢꦺꦤ꧀ꦤꦺꦮꦺꦴꦁꦔꦶꦏꦸꦲꦺꦴꦫꦲꦒꦮꦺꦲꦭꦲꦥꦲꦥ꧉
꧔꧒꧉ ꦠꦸꦩꦸꦭꦶꦲꦸꦩꦠꦸꦂꦩꦫꦁꦪꦺꦯꦸꦱ꧀꧈ꦣꦸꦃꦓꦸꦱ꧀ꦡꦶ꧈ꦱꦩ꧀ꦥꦺꦪꦤ꧀ꦩꦸꦒꦶꦏꦲꦺꦔꦼꦠ꧀ꦠꦤꦣꦸꦩꦠꦼꦁꦏꦮꦸꦭ꧈ꦤꦭꦶꦏꦱꦩ꧀ꦥꦺꦪꦤ꧀ꦭꦸꦩꦼꦧꦼꦠ꧀ꦝꦸꦩꦠꦼꦁꦏꦫꦠꦺꦴꦤ꧀ꦱꦩ꧀ꦥꦺꦪꦤ꧀꧉
꧔꧓꧉ ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁ ꦮꦺꦴꦁꦔꦶꦏꦸꦩꦲꦸ꧈ꦲꦏꦸꦥꦶꦠꦸꦠꦸꦂꦩꦫꦁꦏꦺꦴꦮꦺꦱꦠꦼꦩꦼꦤ꧀ꦤꦺ꧈ꦲꦶꦁꦱꦢꦶꦤ꧀ꦤꦲꦶꦏꦶꦏꦺꦴꦮꦺꦧꦏꦭ꧀ꦲꦤꦲꦶꦁꦥꦶꦂꦢꦸꦱ꧀ꦧꦧꦉꦁꦔꦤ꧀ꦭꦮꦤ꧀ꦤꦏꦸ꧉
꧔꧔꧉ ꦧꦉꦁꦲꦤ꧀ꦠꦫꦮꦪꦃꦗꦩ꧀ꦤꦼꦩ꧀꧈ꦠꦸꦩꦸꦭꦶꦲꦤꦥꦼꦥꦼꦠꦼꦁꦲꦶꦁꦨꦸꦩꦶꦏꦧꦺꦃ꧈ꦏꦺꦴꦁꦱꦶꦠꦸꦩꦼꦏꦲꦶꦁꦗꦩ꧀ꦱꦔ꧉
꧔꧕꧉ ꦲꦸꦠꦮꦱꦽꦁꦔꦺꦔꦺꦏꦥꦼꦠꦼꦁꦔꦤ꧀꧈ꦲꦥꦢꦺꦤ꧀ꦤꦺꦒꦸꦧꦃꦲꦶꦁꦩꦼꦱ꧀ꦗꦶꦢ꧀ꦱꦸꦮꦺꦏ꧀ꦲꦩꦫꦺꦴ꧉
꧔꧖꧉ ꦪꦺꦯꦸ ꦱ꧀ꦠꦸꦩꦸꦭꦶꦲꦤ꧀ꦚꦸꦮꦫꦱ꧀ꦮꦫꦲꦱꦿꦸ꧈ꦲꦠꦸꦂꦫꦺ꧈ꦣꦸꦃꦫꦩ꧈ꦚꦮꦏꦮꦸꦭꦏꦮꦸꦭꦲꦠꦸꦂꦫꦏꦼꦤ꧀ꦲꦶꦁꦔꦱ꧀ꦠꦱꦩ꧀ꦥꦺꦪꦤ꧀꧈ꦱꦮꦸꦱ꧀ꦱꦺꦲꦸꦩꦠꦸꦂꦲꦶꦏꦸꦩꦲꦸ꧈ꦪꦺꦯꦸꦱ꧀ꦠꦸꦩꦸꦭꦶꦲꦥꦼꦒꦠ꧀ꦚꦮ꧉
꧔꧗꧉ ꦢꦺꦤ꧀ꦤꦺꦠꦶꦠꦶꦟ꧀ꦝꦶꦃꦲꦶꦁꦥꦿꦗꦸꦫꦶꦠ꧀ꦱꦠꦸꦱ꧀꧈ꦧꦉꦁꦮꦼꦂꦫꦸꦃꦩꦫꦁꦭꦭꦏꦺꦴꦤ꧀ꦤꦶꦏꦸ꧈ꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧈ꦥꦔꦸꦕꦥ꧀ꦥꦺ꧈ꦮꦺꦴꦁꦔꦶꦏꦸꦲꦶꦁꦱꦚꦠꦤ꧀ꦤꦺꦮꦺꦴꦁꦔꦢꦶꦭ꧀꧉
꧔꧘꧉ ꦲꦥꦢꦺꦤ꧀ꦤꦺꦱꦏꦺꦃꦲꦶꦁꦮꦺꦴꦁꦒꦺꦴꦒꦺꦴꦭꦺꦴꦁꦔꦤ꧀ꦏꦁꦥꦣꦏꦸꦏꦸ ꦩ꧀ꦥꦸꦭ꧀ꦭꦤ꧀ꦒꦺꦴꦤ꧀ꦤꦺꦲꦤ꧀ꦤꦺꦴꦤ꧀ꦠꦺꦴꦤ꧀꧈ꦧꦉꦁꦥꦣꦮꦼꦂꦫꦸꦃꦩꦫꦁꦭꦭꦏꦺꦴꦤ꧀ꦤꦶꦏꦸꦩꦲꦸ꧈ꦲꦸꦤ꧀ꦢꦸꦂꦫꦺꦥꦣꦲꦠꦼꦧꦃꦠꦼꦧꦃꦣꦣ꧉
꧔꧙꧉ ꦠꦸꦮꦶꦤ꧀ꦱꦏꦺꦃꦲꦶꦁꦏꦮꦤꦸꦃꦲꦤ꧀ꦤꦺꦏꦁꦥꦣꦔꦢꦼꦒ꧀ꦲꦤꦲꦶꦁꦏꦢꦺꦴꦃꦲꦤ꧀꧈ꦩꦶꦮꦃꦮꦺꦴꦁꦮꦢꦺꦴꦤ꧀ꦏꦁꦥꦣꦲꦟ꧀ꦝꦺꦫꦺꦏ꧀ꦲꦏꦺꦩꦫꦁꦪꦺꦯꦸꦱ꧀ꦱꦏꦲꦶꦁꦒꦭꦶꦭꦺꦪ꧈ꦲꦶꦪꦥꦣꦲꦤ꧀ꦢꦼꦊꦁꦩꦫꦁꦭꦭꦏꦺꦴꦤ꧀ꦤꦶꦏꦸꦩꦲꦸ꧉ ꧉
꧕꧐꧉ ꧋ꦠꦸꦩꦸꦭꦶꦲꦤꦮꦺꦴꦁꦱꦮꦶꦗꦶꦤꦪꦏꦁꦗꦼꦤ꧀ꦤꦼꦁꦔꦺꦪꦸꦱꦸꦥ꦳꧀꧈ꦮꦺꦴꦁꦔꦶꦏꦸꦧꦼꦕꦶꦏ꧀ꦭꦤ꧀ꦲꦢꦶꦭ꧀꧉
꧕꧑꧉ ꦏꦁꦲꦺꦴꦫꦲꦩ꧀ꦧꦶꦪꦤ꧀ꦠꦺꦴꦤ꧀ꦤꦶꦉꦩ꧀ꦧꦸꦒ꧀ꦒꦺꦲꦸꦠꦮꦥꦁꦒꦮꦺꦤ꧀ꦤꦺ꧈ꦪꦸꦱꦸꦥ꦳꧀ꦲꦶꦏꦸꦩꦲꦸꦱꦏꦲꦶꦁꦄꦫꦶꦩꦠ꧀ꦠꦺꦪ꧈ꦤꦼꦒꦫꦤ꧀ꦤꦺꦮꦺꦴꦁꦪꦲꦸꦢꦶ꧈ꦲꦶꦏꦸꦲꦶꦪꦲꦔꦉꦥ꧀ꦥꦉꦥ꧀ꦩꦫꦁꦏꦫꦠꦺꦴꦤ꧀ꦤꦶꦁꦄꦭ꧀ꦭꦃ꧉
꧕꧒꧉ ꦪꦸꦱꦸꦥ꦳꧀ꦩꦲꦸꦲꦸꦩꦉꦏ꧀ꦩꦫꦁꦦꦶꦭꦠꦸꦱ꧀꧈ꦲꦤ꧀ꦚꦸꦮꦸꦤ꧀ꦗꦶꦱꦶꦩ꧀ꦩꦺꦪꦺꦯꦸꦱ꧀꧉
꧕꧓꧉ ꦱꦮꦸꦱ꧀ꦱꦺꦲꦶꦁꦔꦸꦣꦸꦤ꧀ꦤꦏꦺꦲꦶꦁꦔꦸꦊꦱ꧀ꦱꦤ꧀ꦩꦺꦴꦫꦶꦏꦁꦱꦸꦕꦶ꧈ꦧꦚ꧀ꦗꦸꦂꦱꦶꦤ꧀ꦤꦫꦺꦏ꧀ꦲꦏꦺꦩꦫꦁꦥꦩꦏꦩ꧀ꦩꦤ꧀ꦲꦶꦁꦥꦫꦁꦏꦁꦠꦶꦤ꧀ꦤꦠꦃꦲꦤ꧀꧈ꦥꦩꦏꦩ꧀ꦩꦤ꧀ꦤꦶꦏꦸꦢꦸꦫꦸꦁꦔꦤꦏꦁꦱꦶꦤ꧀ꦤꦫꦺꦏ꧀ꦲꦏꦺ꧉
꧕꧔꧉ ꦠꦸꦩꦸꦭꦶꦠꦸꦩꦼꦏꦤ꧀ꦤꦺꦲꦶꦁꦢꦶꦤ꧀ꦤꦥꦤ꧀ꦚꦮꦶꦱ꧀ꦱꦤ꧀꧈ꦱꦂꦠꦲꦶꦁꦢꦶꦤ꧀ꦤꦱꦧ꧀ꦧꦠ꧀ꦮꦸꦱ꧀ꦲꦩꦶꦮꦶꦠ꧀ꦠꦶ꧉
꧕꧕꧉ ꦭꦤ꧀ꦲꦤꦮꦺꦴꦁꦮꦢꦺꦴꦤ꧀ꦏꦁꦮꦸꦱ꧀ꦥꦣꦲꦟ꧀ꦝꦺꦫꦺꦏ꧀ꦲꦏꦺꦩꦫꦁꦪꦺꦯꦸꦱ꧀ꦱꦏꦲꦶꦁꦒꦭꦶꦭꦺꦪ꧈ꦥꦣꦲꦔꦼꦠꦸꦠ꧀ꦠꦏꦺꦩꦫꦪꦸꦱꦸꦥ꦳꧀꧈ꦥꦣꦲꦉꦥ꧀ꦮꦼꦂꦫꦸꦃꦩꦫꦁꦥꦩꦏꦩ꧀ꦩꦤ꧀ꦤꦺꦭꦤ꧀ꦒꦺꦴꦤ꧀ꦤꦺꦲꦤ꧀ꦚꦫꦺꦏ꧀ꦲꦏꦺꦗꦶꦱꦶꦩ꧀ꦩꦺ꧉
꧕꧖꧉ ꦱꦲꦸꦤ꧀ꦢꦸꦂꦫꦺꦠꦸꦩꦸꦭꦶꦥꦣꦲꦤ꧀ꦚꦮꦶꦱ꧀ꦱꦏꦺꦫꦠꦸꦱ꧀ꦭꦤ꧀ꦗꦗꦼꦧꦢ꧀ꦢꦤ꧀꧈ꦩꦺꦴꦁꦏ [ 219 ]ꦧꦉꦁꦲꦶꦁꦢꦶꦤ꧀ꦤꦱꦧ꧀ꦧꦠ꧀ꦥꦣꦲꦱꦺꦴ꧈ꦥꦣꦲꦤꦸꦠ꧀ꦲꦶꦁꦱꦥꦏꦺꦴꦤ꧀꧉ ꧉

---

꧋ꦧꦧ꧀ꦏꦥꦶꦁꦥꦠ꧀ꦭꦶꦏꦸꦂ꧉

꧑꧉ ꧋ꦧꦉꦁꦮꦸꦱ꧀ꦠꦸꦩꦼꦏꦲꦶꦁꦢꦶꦤ꧀ꦤꦄꦏ꦳ꦢ꧀꧈ꦲꦶꦁꦮꦪꦃꦧꦔꦸꦤ꧀ꦲꦺꦱꦸꦏ꧀꧈ꦮꦺꦴꦁꦮꦢꦺꦴꦤ꧀ꦩꦲꦸꦥꦣꦠꦸꦩꦼꦏꦲꦶꦁꦥꦩꦏꦩ꧀ꦩꦤ꧀꧈ꦥꦣꦲꦁꦒꦮꦕꦕꦮꦶꦱ꧀ꦱꦤ꧀ꦤꦺꦫꦠꦸꦱ꧀꧈ꦱꦂꦠꦲꦏꦤ꧀ꦛꦶꦭꦤ꧀ꦱꦮꦼꦤ꧀ꦤꦺꦃꦲꦶꦁꦮꦺꦴꦁꦮꦢꦺꦴꦤ꧀ꦭꦶꦪꦤ꧀ꦤꦺ꧉
꧒꧉ ꦢꦺꦤ꧀ꦤꦺꦮꦠꦸꦮꦸꦱ꧀ꦏꦠꦼꦩꦸꦒꦶꦤ꧀ꦤꦭꦸꦟ꧀ꦝꦸꦁꦔꦏꦺꦱꦏꦲꦶꦁꦥꦩꦏꦩ꧀ꦩꦤ꧀꧉
꧓꧉ ꦠꦸꦩꦸꦭꦶꦥꦣꦭꦸꦩꦼꦧꦸ꧈ꦗꦶꦱꦶꦩ꧀ꦩꦺꦓꦸꦱ꧀ꦡꦶꦪꦺꦯꦸꦱ꧀ꦮꦸꦱ꧀ꦲꦺꦴꦫꦏꦠꦼꦩꦸ꧉
꧔꧉ ꦲꦤꦢꦺꦤ꧀ꦤꦺꦧꦉꦁꦧꦔꦼꦠ꧀ꦒꦸꦒꦸꦥ꧀ꦥꦺꦲꦮꦶꦠ꧀ꦱꦏꦲꦶꦏꦸ꧈ꦠꦸꦩꦸꦭꦶꦲꦤꦮꦺꦴꦁꦭꦺꦴꦫꦺꦴꦗꦸꦩꦼꦤ꧀ꦤꦼꦁꦲꦤꦲꦶꦁꦱꦟ꧀ꦛꦶꦁꦔꦺ꧈ꦥꦔꦒꦼꦩ꧀ꦩꦤ꧀ꦤꦺꦒꦸꦩꦶꦭꦥ꧀꧉
꧕꧉ ꦮꦺꦴꦁꦮꦢꦺꦴꦤ꧀ꦩꦲꦸꦥꦣꦏꦒꦺꦠ꧀꧈ꦭꦤ꧀ꦫꦲꦶꦤ꧀ꦤꦺꦥꦣꦠꦸꦩꦸꦁꦏꦸꦭ꧀ꦩꦸꦫꦶꦁꦊꦩꦃ꧈ꦮꦺꦴꦁꦭꦺꦴꦫꦺꦴꦩꦲꦸꦲꦔꦤ꧀ꦢꦶꦏꦩꦫꦁꦮꦺꦴꦁꦮꦢꦺꦴꦤ꧀꧈ꦪꦒꦺꦤ꧀ꦤꦺꦏꦺꦴꦮꦺꦥꦣꦲꦁꦒꦺꦴꦭꦺꦏ꧀ꦏꦶꦮꦺꦴꦁꦔꦸꦫꦶꦱ꧀ꦩꦫꦁꦥꦁꦒꦺꦴꦤ꧀ꦤꦤ꧀ꦤꦺꦮꦺꦴꦁꦩꦠꦶ꧉
꧖꧉ ꦲꦶꦁꦏꦺꦤ꧀ꦤꦺꦲꦺꦴꦫꦤ꧀ꦤꦤ꧈ꦤꦔꦶꦁꦮꦸꦱ꧀ꦲꦶꦁꦔꦸꦫꦶꦥ꧀ꦥꦏꦺ꧈ꦏꦺꦴꦮꦺꦥꦣꦲꦔꦺꦭꦶꦁꦔꦺꦭꦶꦁꦔꦥꦔꦤ꧀ꦢꦶꦏꦤ꧀ꦤꦺꦏꦁꦩꦫꦁꦏꦺꦴꦮꦺ꧈ꦤꦭꦶꦏꦲꦶꦱꦶꦃꦲꦤꦲꦶꦁꦒꦭꦶꦭꦺꦪ꧉
꧗꧉ ꦥꦔꦤ꧀ꦢꦶꦏꦏꦁꦩꦼꦁꦏꦺꦤ꧀ꦤꦺ꧈ꦥꦸꦠꦿꦤ꧀ꦤꦶꦁꦩꦤꦸꦱ꧀ꦮꦏꦸꦮꦗꦶꦧ꧀ꦧꦤ꧀ꦲꦶꦁꦔꦸꦭꦸꦁꦔꦏꦺꦩꦫꦁꦠꦔꦤ꧀ꦤꦶꦁꦔꦸꦮꦺꦴꦁꦢꦺꦴꦢꦺꦴꦱꦤ꧀꧈ ꦭꦤ꧀ꦧꦏꦭ꧀ꦥꦶꦤ꧀ꦤꦼꦤ꧀ꦛꦁ꧈ꦤꦔꦶꦁꦲꦶꦁꦢꦶꦤ꧀ꦤꦏꦥꦶꦁꦠꦼꦭꦸꦲꦸꦫꦶꦥ꧀ꦩꦤ꧀ꦤꦺꦃ꧉
꧘꧉ ꦠꦸꦩꦸꦭꦶꦥꦣꦏꦲꦺꦭꦶꦁꦔꦤ꧀ꦩꦫꦁꦲꦶꦁꦥꦔꦤ꧀ꦢꦶꦏꦤ꧀ꦤꦺ꧉
꧙꧉ ꦱꦲꦸꦤ꧀ꦢꦸꦂꦫꦺꦱꦏꦲꦶꦁꦥꦩꦏꦩ꧀ꦩꦤ꧀꧈ꦥꦣꦲꦮꦮꦼꦂꦠꦲꦶꦏꦸꦩꦲꦸꦏꦧꦺꦃꦩꦫꦁꦱꦏ꦳ꦧꦠ꧀ꦱꦮꦼꦭꦱ꧀꧈ꦲꦸꦠꦮꦩꦫꦁꦥꦤꦸꦁꦒꦭ꧀ꦭꦤ꧀ꦤꦺꦮꦺꦴꦁꦭꦶꦪꦤ꧀ꦤꦺꦏꦧꦺꦃ꧉
꧑꧐꧉ ꦢꦺꦤ꧀ꦤꦺꦮꦺꦴꦁꦮꦢꦺꦴꦤ꧀ꦩꦲꦸꦏꦁꦗꦼꦤ꧀ꦤꦼꦁꦩꦂꦪꦩ꧀ꦩꦒ꧀ꦢꦭꦺꦤ꧀ꦤꦺ꧈ꦭꦤ꧀ꦪꦺꦴꦄꦤ꧀ꦤ꧈ꦩꦶꦮꦃꦩꦂꦪꦩ꧀ꦲꦶꦧꦸꦤ꧀ꦤꦺꦪꦏꦺꦴꦧꦸꦱ꧀꧈ꦭꦤ꧀ꦥꦤꦸꦁꦒꦭ꧀ꦭꦤ꧀ꦤꦺꦮꦺꦴꦁꦮꦢꦺꦴꦤ꧀ꦩꦤ꧀ꦤꦺꦃ꧈ꦏꦁꦥꦣꦲꦱꦸꦁꦥꦮꦼꦂꦠꦲꦶꦏꦸꦩꦲꦸꦩꦫꦁꦥꦫꦲꦸꦠꦸꦱ꧀ꦱꦤ꧀꧉
꧑꧑꧉ ꦤꦔꦶꦁꦥꦮꦼꦂꦠꦤ꧀ꦤꦺꦮꦺꦴꦁꦮꦢꦺꦴꦤ꧀ꦤꦶꦏꦸꦩꦲꦸꦥꦣꦏꦶꦤ꧀ꦤꦶꦫꦪꦺꦤ꧀ꦢꦊꦩꦶꦁ꧈ꦱꦂꦠꦲꦺꦴꦫꦥꦿꦕꦪꦩꦫꦁꦮꦺꦴꦁꦮꦢꦺꦴꦤ꧀ꦩꦲꦸ꧉
꧑꧒꧉ ꦦꦺꦠꦿꦸꦱ꧀ꦠꦸꦩꦸꦭꦶꦔꦢꦼꦒ꧀ꦭꦸꦩꦪꦸꦠꦸꦩꦼꦏꦩꦫꦁꦥꦩꦏꦩ꧀ꦩꦤ꧀꧈​ꦱꦮꦸꦱ꧀ꦱꦺꦲꦔꦸꦔꦏ꧀ꦲꦤ꧀ꦢꦼꦊꦁꦗꦫꦶꦠ꧀ꦱꦸꦩꦺꦭꦺꦃꦣꦺꦮꦺꦣꦺꦮꦺ꧈ꦦꦺꦠꦿꦸꦱ꧀ꦩꦲꦸꦏꦲꦺꦫꦤ꧀ꦩꦤ꧀ꦲꦮꦶꦠ꧀ꦲꦶꦁꦭꦭꦏꦺꦴꦤ꧀ꦤꦶꦏꦸ꧈ꦧꦚ꧀ꦗꦸꦂꦩꦸꦭꦶꦃꦩꦫꦁꦲꦶꦁꦔꦺꦴꦩꦃꦲꦺꦣꦺꦮꦺ꧉ ꧉
꧑꧓꧉ ꧋ꦠꦸꦩꦸꦭꦶꦲꦤꦮꦺꦴꦁꦭꦺꦴꦫꦺꦴꦥꦤꦸꦁꦒꦭ꧀ꦭꦤ꧀ꦤꦺ꧈ꦲꦶꦁꦱꦢꦶꦤ꧀ꦤꦲꦶꦏꦸꦥꦣꦭꦸꦔꦩꦫꦁꦲꦶꦁꦢꦺꦱꦏꦁꦢꦶꦲꦫꦤ꧀ꦤꦶꦌꦩ꧀ꦩꦲꦸꦱ꧀꧈ꦢꦺꦴꦃꦲꦺꦱꦏꦲꦶꦁꦪꦼꦫꦸꦱꦭꦺꦩ꧀ꦭꦭꦏꦺꦴꦤ꧀ꦠꦼꦭꦸꦠꦼꦔꦃꦗꦩ꧀꧉
꧑꧔꧉ ꦢꦺꦤ꧀ꦤꦺꦮꦺꦴꦁꦭꦺꦴꦫꦺꦴꦩꦲꦸꦥꦣꦲꦉꦫꦱꦤ꧀꧈ꦩꦸꦁꦒꦸꦃꦭꦭꦏꦺꦴꦤ꧀ꦤꦶꦏꦸꦩꦲꦸꦏꦧꦺꦃ꧉
꧑꧕꧉ ꦧꦉꦁꦥꦣꦲꦉꦫꦱꦤ꧀ꦱꦂꦠꦥꦣꦲꦠꦏꦺꦴꦤ꧀ꦠꦶꦤ꧀ꦤꦏꦺꦴꦤ꧀ꦤ [ 220 ]ꦤ꧀꧈ꦧꦚ꧀ꦗꦸꦂꦥꦣꦥꦶꦤ꧀ꦤꦉꦥꦼꦏ꧀ꦏꦤ꧀ꦢꦺꦤ꧀ꦤꦶꦁꦪꦺꦯꦸꦱ꧀꧉
꧑꧖꧉ ꦤꦔꦶꦁꦩꦠꦤ꧀ꦤꦺꦮꦺꦴꦁꦭꦺꦴꦫꦺꦴꦩꦲꦸꦮꦸꦱ꧀ꦥꦣꦏꦱꦩꦂꦫꦤ꧀꧈ꦢꦢꦶꦥꦣꦥꦔ꧀ꦭꦶꦁꦩꦁꦫꦁꦪꦺꦯꦸꦱ꧀꧉
꧑꧗꧉ ꦪꦺꦯꦸꦱ꧀ꦠꦸꦩꦸꦭꦶꦔꦤ꧀ꦢꦶꦏꦤ꧀ꦤꦶ꧈ꦏꦁꦥꦣꦏꦺꦴꦮꦺꦲꦸꦕꦥ꧀ꦥꦏꦺꦲꦶꦏꦸꦲꦥ꧈ꦒꦺꦴꦤ꧀ꦩꦸꦥꦣꦲꦶꦩ꧀ꦧꦭ꧀ꦥꦔꦸꦕꦥ꧀ꦲ ꦤꦲꦶꦁꦢꦼꦢꦭꦤ꧀꧈ꦱꦂꦠꦏꦺꦴꦮꦺꦥꦣꦱꦼꦩꦸꦏꦱꦸꦱꦃꦲꦤ꧀꧉
꧑꧘꧉ ꦢꦺꦤ꧀ꦤꦺꦏꦁꦱꦮꦶꦗꦶꦲꦗꦼꦤ꧀ꦤꦼꦁꦏ꧀ꦭꦺꦎꦥꦱ꧀ꦲꦩꦁꦱꦸꦭ꧀ꦭꦶ꧈ꦲꦥꦩꦸꦁꦏꦺꦴꦮꦺꦏꦁꦩꦁꦒꦺꦴꦤ꧀ꦲꦤꦲꦶꦁꦪꦼꦫꦸꦱꦭꦺꦩ꧀꧈ꦭꦤ꧀ꦤꦺꦴꦫꦮꦼꦂꦫꦸꦃꦭꦭꦏꦺꦴꦤ꧀ꦤꦺꦲꦶꦁꦢꦶꦤ꧀ꦤꦲꦶꦏꦸ꧉
꧑꧙꧉ ꦩꦺꦴꦁꦏꦥꦔꦤ꧀ꦢꦶꦏꦤ꧀ꦤꦺꦪꦺꦯꦸꦱ꧀꧈ꦧꦧ꧀ꦥꦿꦏꦫꦲꦥ꧈ꦮꦁꦱꦸꦭ꧀ꦭꦤ꧀ꦤꦺꦮꦺꦴꦁꦩꦲꦸ꧈ꦧꦧ꧀ꦥꦿꦏꦫꦩꦸꦁꦒꦸꦃꦪꦺꦯꦸꦱ꧀ꦏꦁꦱꦏꦤꦱꦫꦺꦠ꧀꧈ꦮꦺꦴꦁꦔꦶꦏꦸꦟꦨꦶꦏꦁꦲꦱꦼꦏ꧀ꦠꦶꦥꦤ꧀ꦢꦩꦼꦭ꧀ꦭꦤ꧀ꦤꦺꦭꦤ꧀ꦥꦔꦤ꧀ꦢꦶꦏꦤ꧀ꦤꦺ꧈ꦲꦤꦔꦂꦱꦤ꧀ꦤꦶꦁꦄꦭ꧀ꦭꦃꦭꦤ꧀ꦲꦤꦔꦉꦥ꧀ꦥꦤ꧀ꦤꦶꦁꦧꦭꦏꦧꦺꦃ꧉
꧒꧐꧉ ꦒꦺꦴꦤ꧀ꦤꦺꦢꦶꦲꦼꦠꦿꦥ꧀ꦥꦶꦲꦶꦁꦏ꦳ꦸꦏꦸꦩ꧀ꦥꦠꦶꦢꦺꦤ꧀ꦤꦶꦁꦥꦫꦥꦔꦸꦭꦸꦭꦤ꧀ꦭꦸꦫꦃꦏꦸ꧈ꦱꦂꦠꦥꦶꦤ꧀ꦤꦼꦤ꧀ꦛꦁ꧉
꧒꧑꧉ ꦢꦺꦤ꧀ꦤꦺꦥꦔꦉꦥ꧀ꦥꦉꦥ꧀ꦏꦸ꧈ꦪꦺꦯꦸꦱ꧀ꦲꦶꦏꦸꦧꦏꦭ꧀ꦲꦔ꧀ꦭꦸꦮꦂꦫꦏꦺꦩꦫꦁꦧꦺꦴꦁꦱꦆꦱꦿꦆꦭ꧀꧈ꦲꦺꦮꦢꦺꦤ꧀ꦤꦺꦱꦲꦶꦏꦶꦮꦸꦱ꧀ꦠꦼꦭꦸꦁꦢꦶꦤ꧀ꦤ꧈ꦲꦮꦶꦠ꧀ꦏꦭꦏꦺꦴꦤ꧀ꦤꦺꦲꦶꦏꦸꦩꦲꦸ꧉
꧒꧒꧉ ꦩꦭꦃꦲꦤꦱꦮꦼꦤ꧀ꦤꦺꦃꦲꦶꦁꦮꦺꦴꦁꦮꦢꦺꦴꦤ꧀ꦲꦶꦪꦥꦤꦸꦁꦒꦭ꧀ꦭꦏꦸ꧈ꦥꦣꦲꦔꦒꦺꦠ꧀ꦠꦶꦩꦫꦁꦔꦏꦸ꧈ꦲꦶꦁꦮꦪꦃꦲꦺꦱꦸꦏ꧀ꦮꦸꦱ꧀ꦥꦣꦲꦩꦫꦤ꧀ꦤꦶꦩꦫꦁꦲꦶꦁꦥꦩꦏꦩ꧀ꦩꦤ꧀꧉
꧒꧓꧉ ꦤꦔꦶꦁꦱꦠꦼꦏꦤ꧀ꦤꦺꦥꦣꦲꦺꦴꦫꦏꦠꦼꦩꦸꦏꦫꦺꦴꦗꦶꦱꦶꦩ꧀ꦩꦶꦁꦪꦺꦯꦸꦱ꧀꧈ꦥꦣꦲꦔꦸꦕꦥ꧀ꦪꦺꦤ꧀ꦮꦼꦂꦫꦸꦃꦩꦭꦲꦺꦏꦠ꧀ꦥꦣꦏꦠꦺꦴꦤ꧀꧈ꦲꦔꦤ꧀ꦢꦶꦏꦪꦺꦤ꧀ꦪꦺꦯꦸꦱ꧀ꦒꦼꦱ꧀ꦱꦁꦩꦤ꧀ꦤꦺꦃ꧉
꧒꧔꧉ ꦱꦂꦠꦲꦤꦩꦤ꧀ꦤꦺꦃꦥꦤꦸꦁꦒꦭ꧀ꦭꦏꦸꦲꦶꦪꦲꦩꦫꦤ꧀ꦤꦶꦩꦫꦁꦲꦶꦁꦥꦩꦏꦩ꧀ꦩꦤ꧀ ꦲꦶꦪꦥꦣꦏꦠꦼꦩꦸꦏꦪꦩꦼꦁꦏꦺꦴꦤ꧀ꦤꦺꦴꦲꦶꦏꦸꦩꦲꦸ꧈ ꦥꦣꦭꦤ꧀ꦱꦥꦔꦸꦕꦥ꧀ꦥꦺꦮꦺꦴꦁꦮꦢꦺꦴꦤ꧀꧈ꦪꦺꦯꦸꦱ꧀ꦲꦶꦪꦲꦺꦴꦫꦏꦠꦼꦩꦸ꧉
꧒꧕꧉ꦩꦺꦴꦁꦏꦪꦺꦯꦸꦱ꧀ꦲꦔꦤ꧀ꦢꦶꦏꦩꦫꦁ​ꦮꦺꦴꦁꦭꦺꦴꦫꦺꦴꦩꦲꦸ꧈ꦲꦺꦃꦮꦺꦴꦁꦥꦸꦁꦒꦸꦁꦭꦤ꧀ꦏꦼꦛꦸꦭ꧀ꦭꦶꦁꦔꦠꦶ꧈ꦲꦺꦴꦭꦺꦃꦩꦸꦲꦺꦴꦫꦥꦿꦕꦪꦩꦫꦁꦠꦸꦠꦸꦭꦶꦱ꧀ꦱꦤ꧀ꦏꦧꦺꦃ꧈ꦏꦁꦏꦊꦧꦸꦲꦶꦁꦱꦧ꧀ꦢꦤ꧀ꦤꦶꦁꦥꦫꦟꦨꦶ꧉
꧒꧖꧉ ꦲꦥꦲꦺꦴꦫꦮꦗꦶꦧ꧀ꦏꦿꦶꦱ꧀ꦡꦸꦱ꧀ꦲꦤ꧀ꦤꦟ꧀ꦝꦁꦥꦶꦭꦫꦲꦶꦏꦸꦩꦲꦸ꧈ꦱꦂꦠꦭꦸꦩꦼꦧꦸꦩꦫꦁꦲꦶꦁꦏꦩꦸꦭꦾꦤ꧀ꦤꦺ꧉
꧒꧗꧉ ꦪꦺꦯꦸꦱ꧀ꦠꦸꦩꦸꦭꦶꦲꦩꦶꦮꦶꦠ꧀ꦠꦶꦲꦤ꧀ꦤꦼꦂꦧꦸꦏꦏ꧀ꦲꦏꦺꦠꦸꦠꦸꦭꦶꦱ꧀ꦱꦤ꧀ꦏꦧꦺꦃ꧈ꦏꦁꦩꦸꦁꦒꦸꦃꦩꦫꦁꦲꦶꦁꦔꦠꦱ꧀ꦱꦺꦱꦫꦶꦫꦤ꧀ꦤꦺ꧈ꦲꦮꦶꦠ꧀ꦱꦏꦩꦸꦯꦲꦸꦠꦮꦥꦫꦟꦨꦶꦏꦧꦺꦃ꧉
꧒꧘꧉ ꦧꦉꦁꦥꦣꦕꦼꦣꦏ꧀ꦲꦶꦁꦢꦺꦱꦏꦁꦥꦶꦤ꧀ꦤꦫꦤ꧀ꦤꦤ꧀꧈ꦪꦺꦯꦸꦱ꧀ꦠꦸꦩꦸꦭꦶꦲꦱꦼꦔꦢꦶꦏꦧꦚ꧀ꦗꦸꦂꦭꦏꦸꦤ꧀ꦤꦺ꧉
꧒꧙꧉ ꦤꦔꦶꦁꦥꦣꦲꦔꦩ꧀ꦥꦃꦥꦔꦸꦕꦥ꧀ꦥꦺꦴꦏꦺꦴꦮꦺꦔꦶꦤ꧀ꦤꦼꦥ꧀ꦥꦩꦫꦁꦔꦺꦴꦩꦃꦏꦸꦧꦲꦺ꧈ꦱꦧꦧ꧀ꦲꦔꦉꦥ꧀ꦥꦏꦺꦱꦸꦫꦸꦥ꧀꧈ꦕꦂꦠꦮꦪꦃꦲꦺꦲꦶꦏꦶꦮꦸꦱ꧀ꦭꦶꦁꦱꦶꦂꦏꦸꦭꦺꦴꦤ꧀꧈ꦠꦸꦩꦸꦭꦶꦭꦸꦩꦼꦧꦸꦧꦏꦭ꧀ꦲꦱꦶꦥꦼꦁꦭꦤ꧀ꦮꦺꦴꦁꦔꦶꦏꦸ꧉
꧓꧐꧉ ꦲꦤꦢꦺꦤ꧀ꦤꦺꦧꦉꦁꦲꦭꦸꦭꦸꦁꦒꦸꦃꦲꦟ꧀ꦝꦲꦂ꧈ꦪꦺꦯꦸꦱ꧀ꦲꦔꦭ꧀ꦫꦺꦴꦠꦶ꧈ꦱꦮꦸꦱ꧀ꦱꦺꦱꦶꦤ꧀ꦤꦺꦴꦏꦸꦂꦫ [ 221 ]ꦏꦺꦭꦤ꧀ꦠꦶꦤꦸꦒꦼꦭ꧀꧈ꦧꦚ꧀ꦗꦸꦂꦥꦶꦤ꧀ꦤꦫꦶꦁꦔꦏꦺꦩꦫꦁꦮꦺꦴꦁꦭꦺꦴꦫꦺꦴꦩꦲꦸ꧉
꧓꧑꧉ ꦩꦠꦤ꧀ꦤꦺꦠꦸꦩꦸꦭꦶꦏꦧꦸꦏꦱꦂꦠꦥꦣꦲꦺꦴꦫꦥꦔ꧀ꦭꦶꦁꦪꦺꦤ꧀ꦤꦶꦏꦸꦩꦲꦸꦪꦺꦯꦸꦱ꧀꧈ꦭꦤ꧀ꦧꦚ꧀ꦗꦸꦂꦩꦸꦰ꧀ꦤꦱꦏꦲꦶꦁꦔꦉꦥ꧀ꦥꦤ꧀ꦤꦺꦮꦺꦴꦁꦭꦺꦴꦫꦺꦴꦩꦲꦸ꧉
꧓꧒꧉ ꦠꦸꦩꦸꦭꦶꦥꦣꦲꦱꦥꦺꦴꦕꦥ꧀ꦥꦤ꧀꧈ꦱ ꦗꦿꦺꦴꦤ꧀ꦤꦶꦁꦔꦠꦶꦏꦸꦲꦥꦲꦺꦴꦫꦮꦸꦱ꧀ꦱꦸꦩꦿꦺꦴꦮꦺꦴꦁ꧈ꦤꦭꦶꦏꦲꦏꦸꦢꦶꦥꦔꦤ꧀ꦢꦶꦏꦤ꧀ꦤꦶꦲꦤꦲꦶꦁꦢꦼꦢꦭꦤ꧀꧈ꦱꦂꦠꦒꦺꦴꦤ꧀ꦤꦺꦲꦤ꧀ꦤꦂꦧꦸꦏꦏ꧀ꦲꦏꦺꦠꦸꦠꦸꦭꦶꦱ꧀ꦱꦤ꧀ꦩꦫꦁꦔꦏꦸ꧉
꧓꧓꧉ ꦥꦣꦱꦤ꧀ꦤꦭꦶꦏꦠꦸꦩꦸꦭꦶꦔꦢꦼꦒ꧀ꦧꦭꦶꦩꦫꦁꦲꦶꦁꦪꦼꦫꦸꦱꦭꦺꦩ꧀꧈ꦱꦠꦼꦏꦤ꧀ꦤꦺꦧꦚ꧀ꦗꦸꦂꦏꦠꦼꦩꦸꦏꦫꦺꦴꦱꦏ꦳ꦧꦠ꧀ꦱꦮꦼꦭꦱ꧀ꦱꦥꦤꦸꦁꦒꦭ꧀ꦭꦤ꧀ꦤꦺ꧉
꧓꧔꧉ ꦏꦁꦥꦣꦲꦔꦸꦕꦥ꧀꧈ꦲꦶꦁꦱꦚꦠꦤ꧀ꦤꦺꦓꦸꦱ꧀ꦡꦶꦮꦸꦱ꧀ꦒꦼꦱ꧀ꦱꦁꦩꦤ꧀ꦤꦺꦃ꧈ꦭꦤ꧀ꦮꦸꦱ꧀ꦲꦔꦠꦶꦔꦭ꧀ꦩꦫꦁꦱꦶꦩꦺꦴꦤ꧀꧉
꧓꧕꧉ ꦮꦺꦴꦁꦭꦺꦴꦫꦺꦴꦩꦲꦸꦠꦸꦩꦸꦭꦶꦲꦕꦕꦫꦶꦠꦲꦥꦏꦁꦮꦸꦱ꧀ꦏꦭꦏꦺꦴꦤ꧀ꦲꦤꦲꦶꦁꦢꦼꦢꦭꦤ꧀ꦩꦲꦸ꧈ꦱꦂꦠꦲꦺꦴꦭꦺꦃꦲꦺꦲꦺꦴꦫꦥꦔ꧀ꦭꦶꦁꦩꦫꦶꦁꦪꦺꦯꦸꦱ꧀꧈ꦒꦺꦴꦤ꧀ꦤꦺꦲꦤꦸꦒꦼꦭ꧀ꦫꦺꦴꦠꦶ꧉ ꧉
꧓꧖꧉ ꧋ꦧꦉꦁꦥꦣꦱꦥꦺꦴꦕꦥ꧀ꦥꦤ꧀ꦧꦧ꧀ꦥꦿꦏꦫꦲꦶꦏꦸꦩꦲꦸ꧈ꦪꦺꦯꦸꦱ꧀ꦗꦸꦩꦼꦤ꧀ꦤꦼꦁꦥꦶꦪꦩ꧀ꦧꦏ꧀ꦲꦤꦲꦶꦁꦱꦠꦼꦔꦃꦲꦺ꧈ꦱꦂꦠꦲꦔꦤ꧀ꦢꦶꦏ꧈ꦏꦺꦴꦮꦺꦥꦣꦏꦱ꧀ꦭꦩꦼꦠ꧀ꦠꦤ꧀꧉
꧓꧗꧉ ꦮꦺꦴꦁꦩꦲꦸꦧꦚ꧀ꦗꦸꦂꦥꦣꦒꦸꦩꦼꦠꦼꦂꦱꦂꦠꦮꦼꦢꦶ꧈ꦥꦔꦿꦱꦤ꧀ꦤꦺꦏꦪꦲꦤ꧀ꦢꦼꦊꦁꦩꦫꦁꦔꦼꦗꦶꦩ꧀꧉
꧓꧘꧉ ꦪꦺꦯꦸꦱ꧀ꦠꦸꦩꦸꦭꦶꦲꦔꦤ꧀ꦢꦶꦏꦤ꧀ꦤꦶꦩꦫꦁꦮꦺꦴꦁꦩꦲꦸ꧈ꦪꦒꦺꦤ꧀ꦤꦺꦏꦺꦴꦮꦺꦥꦣꦣꦼꦂꦫꦺꦴꦣꦺꦴꦒ꧀꧈ꦪ ꦒꦺꦤ꧀ꦤꦺꦲꦠꦶꦩꦸꦥꦣꦏꦸꦩꦼꦥꦾꦂ꧉
꧓꧙꧉ ꦏꦺꦴꦮꦺꦥꦣꦲꦤ꧀ꦢꦼꦊꦁꦔꦩꦫꦁꦠꦔꦤ꧀ꦏꦸꦲꦸꦠꦮꦩꦫꦁꦱꦶꦏꦶꦭ꧀ꦏꦸ꧈ꦲꦶꦪꦲꦶꦏꦶꦲꦏꦸꦣꦺꦮꦺ꧈ꦥꦣꦲꦔꦼꦩꦺꦏ꧀ꦏꦩꦫꦁꦔꦮꦏ꧀ꦏꦸ꧈ꦭꦤ꧀ꦥꦣꦩꦮꦱ꧀ꦱꦪꦺꦤ꧀ꦲꦼꦗꦶꦩ꧀ꦲꦺꦴꦫꦢꦸꦮꦺꦢꦒꦶꦁꦭꦤ꧀ꦧꦧꦭꦸꦁ꧈ꦏꦪꦥꦤ꧀ꦢꦼꦊꦁꦩꦸꦲꦏꦸꦲꦶꦏꦶꦢꦸꦮꦺ꧉
꧔꧐꧉ ꦪꦺꦯꦸꦱ꧀ꦱꦮꦸꦱ꧀ꦱꦺꦲꦔꦤ꧀ꦢꦶꦏꦲꦶꦏꦸ꧈ꦲꦱ꧀ꦠꦤ꧀ꦤꦺꦭꦤ꧀ꦱꦸꦏꦸꦤ꧀ꦤꦺꦠꦸꦩꦸ ꦭꦶꦢꦶꦤꦸꦢꦸꦃꦲꦏꦺꦩꦫꦁꦮꦺꦴꦁꦩꦲꦸ꧉
꧔꧑꧉ ꦤꦔꦶꦁꦮꦺꦴꦁꦩꦲꦸꦥꦣꦲꦶꦱꦶꦃꦲꦩꦲꦶꦢꦺꦴꦲꦮꦶꦠ꧀ꦱꦏꦲꦶꦁꦏꦧꦸꦔꦃꦲꦤ꧀ꦤꦺ꧈ꦱꦂꦠꦥꦣꦏꦲꦺꦫꦩ꧀ꦩꦤ꧀꧈ꦪꦺꦯꦸꦱ꧀ꦲꦔꦤ꧀ꦢꦶꦏ꧈ꦲꦺꦴꦭꦺꦃꦩꦸꦥꦣꦲꦤꦲꦶꦁꦏꦺꦤ꧀ꦤꦺꦲꦥꦢꦸꦮꦺꦥꦥꦔꦤ꧀ꦤꦤ꧀꧉
꧔꧒꧉ ꦠꦸꦩꦸꦭꦶꦥꦣꦲꦤ꧀ꦚꦲꦺꦴꦱ꧀ꦱꦏꦺꦒꦺꦴꦫꦺꦁꦔꦤ꧀ꦲꦶꦮꦏ꧀ꦭꦺꦴꦃꦱꦠꦸꦒꦼꦭ꧀꧈ꦱꦂꦠꦩꦢꦸꦤ꧀ꦤꦶꦁꦠꦭ꧉
꧔꧓꧉ ꦱꦮꦸꦱ꧀ꦱꦺꦠꦶꦤ꧀ꦤꦩ꧀ꦥꦤ꧀ꦤꦤ꧀ꦪꦺꦯꦸꦱ꧀ꦠꦸꦩꦸꦭꦶꦲꦣꦲꦂꦲꦤꦔꦉꦥ꧀ꦥꦤ꧀ꦤꦶꦁꦮꦺꦴꦁꦩꦲꦸ꧉ ꧉
꧔꧔꧉ ꧋ꦪꦺꦯꦸꦱ꧀ꦠꦸꦩꦸꦭꦶꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦲꦶꦏꦸꦥꦶꦠꦸꦠꦸꦂꦫꦺ꧈ꦏꦁꦮꦸꦱ꧀ꦠꦏ꧀ꦥꦔꦤ꧀ꦢꦶꦏꦏ꧀ꦲꦏꦺꦩꦫꦁꦏꦺꦴꦮꦺ꧈ꦤꦭꦶꦏꦲꦶꦱꦶꦃꦲꦤꦸꦁꦒꦭ꧀ꦭꦮꦤ꧀ꦏꦺꦴꦮꦺ꧈ꦪꦺꦤ꧀ꦱꦏꦺꦃꦲꦶꦁꦠꦸꦠꦸꦭꦶꦱ꧀ꦱꦤ꧀ꦏꦁꦏꦊꦧꦸꦲꦶꦁꦔꦁꦒꦼꦂꦩꦸꦯ꧈ꦱꦂꦠꦲꦶꦁꦥꦫꦟꦨꦶꦠꦸꦮꦶꦤ꧀ꦱꦗꦿꦺꦴꦤ꧀ꦤꦶꦁꦏꦶꦠꦧ꧀ꦩꦱ꧀ꦩꦸꦂ꧈ꦏꦁꦩꦸꦁꦒꦸꦃꦲꦶꦁꦔꦠꦱ꧀ꦱꦺꦲꦏꦸ꧈ꦮꦗꦶꦧ꧀ꦠꦶꦤ꧀ꦤꦼꦠꦼꦥ꧀ꦥꦏꦺ꧉
꧔꧕꧉ ꦮꦺꦴꦁꦩꦲꦸꦠꦸꦩꦸꦭꦶꦧꦸꦢꦶꦤ꧀ꦤꦺꦥꦣꦏꦧꦸꦏ꧈ꦲꦺꦴꦭꦺꦃꦲꦺꦱꦸꦩꦸꦫꦸꦥ꧀ꦩꦫꦁꦠꦸꦠꦸꦭꦶꦱ꧀ꦱ [ 222 ]ꦤ꧀꧉
꧔꧖꧉ ꦭꦤ꧀ꦒꦺꦯꦸꦱ꧀ꦲꦔꦤ꧀ꦢꦶꦏꦩꦫꦁꦮꦺꦴꦁꦩꦲꦸ꧈ꦩꦼꦁꦏꦺꦴꦤ꧀ꦤꦺꦴꦲꦶꦏꦸꦏꦁꦮꦸꦱ꧀ꦠꦶꦤꦸꦭꦶꦱ꧀ꦱꦤ꧀꧈ꦭꦤ꧀ꦩꦼꦁꦏꦺꦴꦤ꧀ꦤꦺꦴꦏꦿꦶꦱ꧀ꦡꦸꦱ꧀ꦏꦸꦮꦗꦶꦧ꧀ꦧꦤ꧀ꦲꦤ꧀ꦤꦟ꧀ꦝꦁꦥꦶꦭꦫ꧈ꦭꦤ꧀ꦲꦶꦁꦢꦶꦤ꧀ꦤꦏꦥꦶꦁꦠꦼꦭꦸꦲꦸꦫꦶꦥ꧀ꦩꦤ꧀ꦤꦺꦃꦱꦏꦲꦶꦁꦥꦠꦶ꧉
꧔꧗꧉ ꦱꦂꦠꦮꦶꦤ꧀ꦤꦫꦠꦏ꧀ꦲꦏꦺꦲꦶꦁꦗꦼꦤ꧀ꦤꦼꦁꦔꦺꦥꦠꦺꦴꦧꦠ꧀ꦭ ꦤ꧀ꦥꦔꦥꦸꦫꦤ꧀ꦤꦶꦁꦢꦺꦴꦢꦺꦴꦱꦩꦫꦁꦲꦶꦁꦗꦶꦤ꧀ꦤꦶꦱ꧀ꦏꦧꦺꦃ꧈ꦲꦮꦶꦠ꧀ꦱꦏꦲꦶꦁꦪꦼꦫꦸꦱꦭꦺꦩ꧀꧉
꧔꧘꧉ ꦢꦺꦤ꧀ꦤꦺꦏꦺꦴꦮꦺꦥꦣꦢꦢꦶꦪꦱꦼꦏ꧀ꦱꦶꦩꦸꦁꦒꦸꦃꦥꦿꦏꦫꦲꦶꦏꦸꦩꦲꦸ꧉
꧔꧙꧉ ꦭꦤ꧀ꦮꦼꦂꦫꦸꦃꦲꦤ꧀ꦤꦩꦸꦲꦏꦸꦲꦔꦶꦫꦶꦩ꧀ꦩꦏꦺꦥꦿꦱꦼꦠꦾꦤ꧀ꦤꦺꦧꦥꦏ꧀ꦏꦸꦩꦫꦁꦏꦺꦴꦮꦺ꧈ꦩꦺꦴꦁꦏꦏꦺꦴꦮꦺꦥꦣꦲꦱꦺꦴꦮꦲꦤꦲꦶꦁꦤꦼꦏꦫꦪꦼꦫꦸꦱꦭꦺꦩ꧀꧈ꦏꦺꦴꦁꦱꦶꦠꦸꦩꦼꦏꦤ꧀ꦤꦺꦲꦺꦴꦭꦺꦃꦩꦸꦲꦔꦁꦒꦺꦴꦏꦱꦼꦏ꧀ꦠꦺꦤ꧀ꦱꦏꦲꦶꦁꦣꦸꦮꦸꦂ꧉ ꧉
꧕꧐꧉ ꧋ꦮꦺꦴꦁꦩꦲꦸꦠꦸꦩꦸꦭꦶꦥꦣꦏꦲꦶꦫꦶꦢ꧀ꦢꦺꦤ꧀ꦤꦶꦁꦪꦺꦯꦸꦱ꧀ꦩꦼꦠꦸꦲꦶꦁꦗꦧꦩꦫꦁꦲꦶꦁꦧꦺꦠ꧀ꦠꦤ꧀ꦤꦶ꧈ꦧꦚ꧀ꦗꦸꦂꦲꦚ꧀ꦗꦸꦚ꧀ꦗꦸꦁꦲꦱ꧀ꦠꦤ꧀ꦤꦺꦒꦺꦴꦤ꧀ꦤꦺꦲꦩ꧀ꦧꦼꦂꦏꦃꦲꦶꦩꦫꦁꦮꦺꦴꦁꦩꦲꦸ꧉
꧕꧑꧉ ꦲꦤꦢꦺꦤ꧀ꦤꦺꦪꦺꦯꦸꦱ꧀ꦤꦭꦶꦏꦲꦩ꧀ꦧꦼꦂꦏꦃꦲꦶ꧈ꦧꦚ꧀ꦗꦸꦂꦲꦥꦶꦥꦶꦱꦃꦲꦤ꧀ꦭꦤ꧀ꦮꦺꦴꦁꦔꦶꦏꦸꦩꦲꦸ꧈ꦧꦶꦤ꧀ꦤꦼꦏ꧀ꦠꦩꦫꦁꦲꦶꦁꦯ꧀ꦮꦂꦓ꧉
꧕꧒꧉ ꦱꦮꦸꦱ꧀ꦱꦺꦥꦣꦲꦱꦸꦗꦸꦢ꧀ꦩꦫꦁꦪꦺꦯꦸꦱ꧀꧈ꦮꦺꦴꦁꦩꦲꦸꦠꦸꦩꦸꦭꦶꦥꦣꦧꦭꦶꦩꦫꦁꦲꦶꦁꦪꦼꦫꦸꦱꦭꦺꦩ꧀꧈ꦲꦧꦔꦼꦠ꧀ꦧꦸꦔꦃꦲꦺ꧉
꧕꧓꧉ ꦢꦺꦤ꧀ꦤꦺꦮꦺꦴꦁꦩꦲꦸꦠꦤ꧀ꦱꦃꦥꦣꦲꦤꦲꦶꦁꦩꦼꦱ꧀ꦗꦶꦢ꧈ꦒꦺꦴꦤ꧀ꦤꦺꦲꦔ꧀ꦭꦸꦲꦸꦂꦫꦏꦺꦱꦂꦠꦲꦩꦸꦩꦸꦗꦶꦩꦫꦶꦁꦄꦭ꧀ꦭꦃ꧉​ꦄꦩꦶꦤ꧀꧉

 

 

---