ꦗꦸꦩꦼꦤꦼꦁꦤꦠꦦꦿꦧꦸ Rama Kam Heng ꦮꦶꦪꦂꦱꦔꦼꦠ꧀꧉ꦩꦶꦠꦸꦫꦸꦠ꧀ꦥꦺꦔꦼꦠ꧀ꦠꦤ꧀ꦤꦶꦥꦸꦤ꧀ꦠꦶꦠꦶꦪꦁꦩꦭꦪꦸꦱꦏꦶꦁꦩꦶꦟꦁꦏꦧꦺꦴꦱꦢꦺꦫꦺꦁꦔꦶꦥꦸꦤ꧀ꦢꦸꦩꦸꦒꦶꦯꦶꦁꦒꦥꦸꦫ꧈ꦲꦶꦁꦔꦿꦶꦏꦸꦱꦩ꧀ꦥꦸꦤ꧀ꦏꦩ꧀ꦧꦃꦲꦶꦁꦠꦶꦪꦁꦯꦶꦪꦼꦩ꧀꧉ꦲꦶꦁꦮꦼꦏ꧀ꦢꦭ꧀ꦥꦸꦤꦶꦏꦤꦩꦸꦁꦤꦒꦫꦶ Lavo ꦲꦶꦁꦏꦁꦢꦺꦫꦺꦁꦏꦧꦮꦃꦲꦶꦁꦯꦶꦪꦼꦩ꧀꧉ꦱꦉꦁꦏꦶꦛꦤꦶꦁꦏꦫꦗꦤ꧀ꦤꦒꦫꦶꦮꦲꦸꦱꦩ꧀ꦥꦸꦤ꧀ꦏꦠꦼꦭꦸꦏ꧀ꦲꦏꦼꦤ꧀꧈ꦥꦔꦸꦮꦲꦺꦴꦱ꧀ꦱꦶꦥꦸꦤ꧀ꦏꦫꦗꦤ꧀ꦯꦶꦪꦼꦩ꧀ꦱꦪꦲꦒꦼꦁꦱꦔꦼꦠ꧀꧈ꦱꦲꦲꦶꦁꦠꦶꦭꦱ꧀ꦱꦶꦥꦸꦤ꧀ꦏꦶꦛꦏꦫꦗꦤ꧀ Lavo ꦮꦲꦸꦭꦗꦼꦁꦢꦶꦥꦸꦤ꧀ꦲꦼꦢꦼꦒ꧀ꦒꦶꦏꦶꦛꦏꦫꦗꦤ꧀ꦯꦶꦪꦼꦩ꧀ꦤꦩ Ajuti꧉ꦏꦭꦥꦸꦤꦶꦏꦱꦏꦶꦁꦲꦒꦼꦁꦔꦶꦥꦸꦤ꧀ꦧꦮꦃꦯꦶꦪꦼꦩ꧀꧈ꦔꦤ꧀ꦠꦺꦴꦱ꧀ꦠꦤꦃꦩꦭꦏꦃꦲꦶꦁꦒꦶꦃꦠꦸꦩꦸꦠ꧀ꦏꦧꦮꦃ꧈ꦱꦲꦥꦫꦱꦸꦢꦒꦂꦫꦶꦥꦸꦤ꧀ꦔꦤ꧀ꦠꦺꦴꦱ꧀ꦢꦸꦩꦸꦒꦶꦲꦶꦁꦥꦸꦤ꧀ꦢꦶꦥꦸꦤ꧀ꦢꦶ꧉ꦥꦏꦧꦂꦫꦤ꧀ꦲꦶꦁꦏꦁꦩꦏꦠꦼꦤ꧀ꦮꦲꦸ꧈ꦩꦶꦠꦸꦫꦸꦠ꧀ꦥꦺꦔꦼꦠꦤ꧀ꦤꦶꦥꦸꦤ꧀ꦧꦺꦴꦁꦱꦗꦮꦶꦩꦶꦭꦊꦉꦱ꧀꧈ꦲꦮꦶꦠ꧀ꦏꦭꦲꦶꦁꦠꦲꦸꦤ꧀ 1340 ꦧꦺꦴꦁꦱꦗꦮꦶꦲꦁꦒꦼꦧꦒ꧀ꦠꦤꦃꦏꦩ꧀ꦧꦺꦴꦗ꧈ꦩꦺꦴꦁꦏꦲꦶꦁꦗꦩꦤ꧀ꦥꦸꦤꦶꦏꦲꦸꦒꦶ꧈ꦏꦫꦗꦤ꧀ꦯꦶꦪꦼꦩ꧀ꦲꦶꦁꦒꦶꦃꦱꦮꦼꦒ꧀ꦏꦊꦉꦱ꧀ꦲꦁꦒꦼꦧꦒ꧀ꦏꦩ꧀ꦧꦺꦴꦗ꧈ꦩꦭꦃꦔꦤ꧀ꦠꦺꦴꦱ꧀ꦔꦽꦧꦠ꧀ꦏꦶꦛ Angkor ꦱꦲꦲꦩ꧀ꦧꦼꦏ꧀ꦠꦤꦶꦠꦮꦤ꧀ꦤꦤ꧀ 90.000꧉ꦢꦢꦺꦴꦱ꧀ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦲꦶꦁꦒꦶꦃꦲꦶꦁꦗꦩꦤ꧀ꦥꦸꦤꦶꦏꦮꦶꦮꦶꦠ꧀ꦠꦶꦥꦸꦤ꧀ꦠꦤꦃꦗꦮꦶꦱꦱꦿꦮꦸꦁꦔꦤ꧀ꦏꦭꦶꦪꦤ꧀ꦤꦒꦫꦶꦯꦶꦪꦼꦩ꧀꧉
꧋ꦮꦶꦮꦃꦲꦤ꧀ꦥꦩ꧀ꦧꦼꦱ꧀ꦩꦶꦭꦪꦺꦴꦤ꧀꧉ꦠꦸꦩꦿꦥ꧀ꦕꦕꦫꦶꦪꦺꦴꦱ꧀ꦱꦤ꧀ꦗꦮꦶꦏꦶꦤꦲꦶꦁꦒꦶꦃꦮꦺꦴꦤ꧀ꦠꦼꦤ꧀꧉ (foto)
(ꦧꦝꦼꦏꦱꦩ꧀ꦧꦼꦠ꧀ꦠꦤ꧀)
