Kaca:Kajawen 08 1928-01-28.pdf/10

Saka Wikisumber
Kaca iki durung katitiwaca

ꦫꦶ꧈​ꦥꦿꦶꦪꦪꦶ​ꦲꦥꦁ​ꦏꦠ꧀ꦭꦸꦲꦸꦂ꧈​ꦤꦺꦴꦩ꧀ꦥ​ꦧꦼꦱꦼꦭ꧀ꦫꦸꦥ​ꦥꦶꦕꦶꦱ꧀꧈​ꦱꦶꦁ​ꦗꦤ꧀ꦩ​ꦏꦁ​ꦱꦸꦒꦶꦃ​ꦪꦼꦏ꧀ꦠꦺꦴꦱ꧀꧈​꧄ꦮꦶꦒꦠꦶꦤꦼ​ꦚꦲꦺꦴꦱ꧀ꦱꦶ​ꦧꦼꦱꦼꦭ꧀ꦥꦸꦤꦶꦏꦸ꧈​ꦏꦶꦤꦕꦺꦏ​ꦲꦶꦁ​ꦱꦱꦩꦶ꧈​ꦪꦺꦤ꧀ꦊꦥꦠ꧀ꦲꦪ꧀ꦮ​ꦲꦶꦔꦸꦏꦸꦩ꧀꧈​ꦮꦱꦤ​ꦥꦿꦶꦪꦪꦶ​ꦩꦼꦭꦶꦏ꧀꧈​ꦤꦺꦴꦩ꧀ꦥ​ꦥꦶꦕꦶꦱ꧀ꦩ꧀ꦭꦼꦧꦸ​ꦏꦤ꧀ꦛꦺꦴꦁ​꧈​꧄ꦲꦝꦸꦃ​ꦲꦝꦸꦃ​ꦏꦧꦺꦃ​ꦥꦫ​ꦕꦤ꧀ꦠꦿꦶꦏ꧀ꦲꦶꦁ​ꦱꦸꦤ꧀꧈​ꦲꦪ꧀ꦮ​ꦱꦶꦫ​ꦮꦤꦶ​ꦮꦤꦶ꧈​ꦔ꧀ꦭꦏꦺꦴꦤ꧀ꦤꦶ​ꦠꦶꦤ꧀ꦢꦏ꧀ꦏꦁ​ꦢꦸꦢꦸ꧈​ꦤꦼꦫꦏ꧀ꦲꦁ​ꦒꦼꦂꦫꦶꦁ​ꦤꦒꦫꦶ꧈​ꦩꦸꦁ​ꦔꦸꦢꦶ​ꦲꦶꦱꦶꦤꦶꦁ​ꦏꦤ꧀ꦛꦺꦴꦁ​꧉꧄ꦲꦶꦏꦸ​ꦠꦼꦠꦼꦥ꧀ꦗꦤ꧀ꦩ​ꦠꦤ꧀ꦮꦿꦸꦃ​ꦱꦫꦸ​ꦱꦶꦏꦸ꧈​ꦩꦸꦁ​ꦏꦭꦸꦭꦸꦠ꧀ꦲꦼꦩꦱ꧀ꦥꦶꦕꦶꦱ꧀꧈​ꦭꦭꦶ​ꦩꦫꦁ​ꦮꦗꦶꦧ꧀ꦧꦶꦧꦸꦤ꧀꧈​ꦤꦿꦗꦁ​ꦱꦸꦩ꧀ꦥꦃꦲꦼ​ꦥꦿꦶꦧꦢꦶ꧈​ꦩꦸꦁ​ꦩꦼꦭꦶꦏ꧀ꦲꦶꦤ꧀ꦠꦼꦤ꧀ꦩꦚ꧀ꦕꦺꦴꦫꦺꦴꦁ​꧉​꧄ꦏꦠꦿꦶꦤꦶꦥꦸꦤ꧀ꦱꦠꦿꦸꦤꦶꦁ​ꦔꦲꦸꦫꦶꦥ꧀ꦲꦶꦏꦸ꧈​ꦪꦺꦏꦸ​ꦢꦒꦶꦁ​ꦔꦼ​ꦥꦿꦶꦧꦢꦶ꧈​ꦩꦾꦁ​ꦏꦧꦺꦃ​ꦏꦉꦩ꧀ꦩꦤ꧀ꦤꦶꦥꦸꦤ꧀꧈​ꦏꦁ​ꦏꦥꦿꦃ​ꦲꦶꦔꦫꦤ꧀ꦤꦤ꧀ꦩꦶꦩ꧀꧈​ꦲꦶꦏꦸ​ꦱꦶꦁ​ꦏꦶꦂꦫꦤ​ꦪꦼꦏ꧀ꦠꦺꦴꦱ꧀꧉​꧄ꦭꦸꦮꦶꦃ​ꦏꦛꦃ​ꦕꦕꦃꦲꦶꦁ​ꦲꦼꦩꦶꦩ꧀ꦥꦸꦤꦶꦏꦸ꧈​ꦩꦶꦤꦸꦩ꧀ꦩꦔꦤ꧀ꦭꦮꦤ꧀ꦩꦲꦶꦤ꧀꧈​ꦩꦢꦠ꧀ꦏꦥꦶꦁ​ꦕꦠꦸꦂꦫꦶꦥꦸꦤ꧀꧈​ꦏꦁ​ꦭꦸꦮꦶꦃ​ꦒꦼꦝꦼ​ꦱꦠꦸꦁ​ꦒꦶꦭ꧀꧈​ꦪꦺꦏꦸ​ꦏꦁ​ꦲꦶꦔꦫꦤ꧀ꦩꦢꦺꦴꦤ꧀꧉꧄ꦏꦁ​ꦱꦸꦤ꧀ꦉꦩ꧀ꦧꦸꦒ꧀ꦩꦸꦁ​ꦏꦁ​ꦲꦫꦤ꧀ꦩꦢꦺꦴꦤ꧀ꦲꦶꦏꦸ꧈​ꦲꦶꦏꦶ​ꦏꦉꦩ꧀ꦩꦤ꧀ꦤꦶꦁ​ꦢꦒꦶꦁ​꧈​ꦏꦁ​ꦭ꧀ꦮꦶꦃ​ꦒꦼꦝꦼ​ꦢꦺꦴꦱꦤꦶꦥꦸꦤ꧀꧈​ꦏꦁ​ꦤꦼꦫꦏ꧀ꦥꦿꦏꦫ​ꦲꦶꦏꦶ꧈​ꦏ꧀ꦭꦼꦧꦸ​ꦗꦤ꧀ꦩ​ꦏꦁ​ꦭ꧀ꦮꦶꦃ​ꦲꦱꦺꦴꦂ꧉​꧄ꦢꦠꦤ꧀ꦥꦲꦼ​ꦭꦤ꧀ꦱꦠꦺꦴ​ꦏꦁ​ꦲꦱꦺꦴꦂ​ꦠꦸꦲꦸ꧈​ꦩꦂꦩ​ꦱꦶꦫ​ꦥꦫ​ꦕꦤ꧀ꦠꦿꦶꦏ꧀꧈​ꦕꦼꦒꦃꦲꦼꦤ꧀ꦲꦂꦢꦤꦶꦁ​ꦏꦪꦸꦤ꧀꧈​ꦏꦁ​ꦏꦥꦼꦔꦶꦤ꧀ꦲꦸꦭꦃ​ꦉꦱ꧀ꦩꦶ꧈​ꦩꦸꦁ​ꦤꦸꦫꦸꦠ꧀ꦠꦶ​ꦧꦸꦢꦶ​ꦲꦱꦺꦴꦂ꧉꧄ꦥꦼꦫꦁ​ꦔꦤ​ꦏꦏꦉꦥ꧀ꦥꦤ꧀ꦏꦁ​ꦠꦤ꧀ꦲꦸꦫꦸꦱ꧀꧈​ꦪꦺꦏꦸ​ꦏꦉꦩ꧀ꦩꦤꦶꦁ​ꦢꦒꦶꦁ​꧈​ꦏꦁ​ꦠꦤ꧀ꦱꦃ​ꦩꦸꦫꦶꦃ​ꦩꦶꦩꦶꦫꦸꦠ꧀꧈​ꦤꦸꦠꦸꦥ꧀ꦏꦂꦤ​ꦩꦾꦁ​ꦥꦔꦺꦏ꧀ꦱꦶ꧈​ꦲꦚ꧀ꦗꦫꦒ꧀ꦔ꧀ꦭꦩ꧀ꦥꦃꦲꦶ​ꦲꦮꦺꦴꦤ꧀꧉​꧄ꦭꦩꦸꦤ꧀ꦱꦶꦫ​ꦧꦁ​ꦏꦶꦠ꧀ꦚꦤ꧀ꦝꦼꦠ꧀ꦲꦮ​ꦤꦥ꧀ꦱꦸ꧈​ꦲꦶꦏꦸ​ꦲꦸꦠꦩꦺꦁ​ꦢꦸꦩꦢꦶ꧈​ꦲꦫꦤ꧀ꦲꦸꦁ​ꦒꦸꦭ꧀ꦗꦸꦫꦶꦠ꧀ꦠꦶꦥꦸ꧈​ꦩꦼꦫꦁ​ꦔꦶ​ꦏꦸꦂꦢꦤꦶꦁ​ꦲꦶꦧ꧀ꦭꦶꦱ꧀꧈​ꦲꦶꦏꦸ​ꦩꦤꦸꦁ​ꦱ​ꦏꦶꦤꦲꦺꦴꦠ꧀꧉​꧃ꦩꦂꦩꦤꦶꦥꦸꦤ꧀ꦏꦧꦺꦃꦕꦤ꧀ꦠꦿꦶꦏ꧀ꦭꦤ꧀ꦩꦔꦸꦪꦸ꧈ꦲꦸꦝꦂꦫꦼꦤ꧀ꦧꦸꦢꦶꦤꦶꦫꦺꦏꦶ꧈​ꦗꦺꦫꦺꦁ​ꦔꦼꦤ꧀ꦠꦮꦁ​ꦤ​ꦒꦸꦥꦸꦃ꧈​ꦩꦸꦁ​ꦒꦺꦁ​ꦥꦥꦝꦁ​ꦱꦗꦠꦶ꧈​ꦲꦶꦁ​ꦏꦺꦴꦤꦺꦴ​ꦲꦥ​ꦏꦁ​ꦏꦠꦺꦴꦤ꧀꧉​꧄ꦭꦩꦸꦤ꧀ꦲꦤ​ꦏꦁ​ꦱꦶꦱꦶꦥ꧀ꦒꦼꦝꦼ​ꦱꦭꦸꦒꦸꦠ꧀꧈​ꦲꦺꦁ​ꦒꦭ꧀ꦗꦸꦩ꧀ꦥꦸꦠ꧀ꦠꦼꦤ꧀ꦥꦿꦶꦧꦢꦶ꧈​ꦕꦼꦩ꧀ꦥ꧀ꦭꦸꦁ​ꦤ​ꦲꦶꦁ​ꦒꦼꦤꦶ​ꦩꦸꦫꦸꦧ꧀꧈​ꦢꦶꦩꦺꦤ꧀ꦱꦶꦂꦤ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦶꦁ​꧈​ꦏꦫꦶ​ꦧꦼꦕꦶꦏ꧀ꦏꦼ​ꦏꦁ​ꦩꦼꦭꦺꦴꦏ꧀꧉​꧄ꦩꦸꦁ​ꦱꦩꦺꦴꦤꦺꦴ​ꦒꦢꦸꦒ꧀ꦒꦶꦁ​ꦮꦸꦮꦸꦭꦁ​ꦲꦶꦁ​ꦱꦸꦤ꧀꧈​ꦲꦝꦸꦃ​ꦱꦶꦫ​ꦥꦫ​ꦕꦤ꧀ꦠꦿꦶꦏ꧀꧈​ꦕꦛꦼꦠ꧀ꦠꦼꦤ꧀ꦩꦸꦁ​ꦒꦺꦁ​ꦏꦸꦏꦸꦭꦸꦁ​꧈​ꦩꦶꦤꦺꦴꦁ​ꦏ​ꦗꦶꦩꦠ꧀ꦥꦫꦶꦥꦶꦃ꧈​ꦪ꧀ꦮ​ꦔꦤ꧀ꦠꦶ​ꦭꦭꦶ​ꦔꦽꦫꦲꦺꦴꦱ꧀꧉​꧄ꦮꦼꦮꦼꦭꦶꦁ​ꦏꦸ​ꦱꦶꦫ​ꦏꦧꦺꦃ​ꦥꦿ​ꦩꦔꦸꦪꦸ꧈​ꦕꦤ꧀ꦝꦼꦠ꧀ꦠꦼꦤ꧀ꦲꦂꦢꦤꦶꦁ​ꦲꦠꦶ꧈​ꦲꦺꦭꦶꦁ​ꦔ​ꦩꦿꦶꦁ​ꦏꦠꦿꦶ​ꦲꦶꦏꦸ꧈​ꦱꦼꦠꦤ꧀ꦢꦺꦴꦚ​ꦭꦮꦤ꧀ꦢꦒꦶꦁ​꧈​ꦏꦠꦿꦶꦚ​ꦠꦤ꧀ꦮꦺꦃ​ꦏꦿꦲꦪꦺꦴꦤ꧀꧉​꧄ꦠꦤ꧀ꦥꦲꦼꦢꦃ​ꦱꦶꦫ​ꦕꦼꦒꦃ​ꦩꦔꦤ꧀ꦠꦸꦫꦸ꧈​ꦱꦭꦩꦶꦚ​ꦲꦚꦼꦚꦶꦫꦶꦏ꧀꧈​ꦤꦔꦶꦁ​ꦔꦸꦗ​ꦲꦮ​ꦤꦥ꧀ꦱꦸ꧈​ꦤꦸꦫꦸꦠ꧀ꦠꦶ​ꦏꦉꦥ꧀ꦥꦶꦁ​ꦢꦒꦶꦁ​꧈​ꦠꦼꦠꦼꦥ꧀ꦲꦶꦔꦫꦤ꧀ꦮꦺꦴꦁ​ꦲꦱꦺꦴꦂ꧉​꧄ꦥꦫ​ꦕꦤ꧀ꦠꦿꦶꦏ꧀ꦱꦤ꧀ꦢꦶꦏ​ꦲꦶꦁ​ꦲꦠꦸꦂꦫꦶꦥꦸꦤ꧀꧈​ꦝꦮꦸꦃ​ꦲꦤ꧀ꦢꦶꦏ​ꦏꦥꦸꦤ꧀ꦝꦶ꧈​ꦤꦼꦢꦾ​ꦔ꧀ꦭꦩ꧀ꦥꦃꦲꦶ​ꦥꦶꦠꦸꦢꦸꦃ꧈​ꦲꦤ꧀ꦢꦶꦏꦤꦼ​ꦏꦾꦲꦶ​ꦉꦱꦶ꧈​ꦱꦁ​ꦉꦱꦶ​ꦤꦸꦭꦾ​ꦩꦏꦸꦮꦺꦴꦤ꧀꧉​꧄ꦥꦫ​ꦕꦤ꧀ꦠꦿꦶꦏ꧀ꦏꦶꦤꦺꦤ꧀ꦱꦩꦾ​ꦚꦸꦮꦸꦤ꧀ꦉꦩ꧀ꦧꦸꦒ꧀꧈​ꦪꦺꦤ꧀ꦮꦺꦴꦤ꧀ꦠꦼꦤ꧀ꦥꦼꦠꦼꦁ​ꦔꦶꦁ​ꦧꦸꦢꦶ꧈​ꦏꦼꦤꦺꦁ​ꦱꦩ꧀ꦧꦼꦏꦭꦤꦶꦥꦸꦤ꧀꧈​ꦏꦁ​ꦢꦢꦾ​ꦲꦫꦭ꧀ꦭꦶꦁ​ꦲꦸꦫꦶꦥ꧀꧈​ꦥꦸꦮꦫ​ꦒꦾ​ꦱꦩꦾ​ꦧꦺꦴꦝꦺꦴꦭ꧀꧉꧄

꧋ꦦꦿꦩꦶꦭꦏꦝꦥꦸꦂꦮꦶꦕꦤ꧀ꦠꦼꦤ꧀ꦤꦶꦥꦸꦤ꧀ꦥꦤ꧀ꦝꦶꦠꦩꦸꦭꦁ​ꦥꦫ​ꦕꦤ꧀ꦠꦿꦶꦏ꧀꧈​ꦱꦸꦥꦢꦺꦴꦱ꧀ꦧꦺꦴꦠꦼꦤ꧀ꦏꦠꦶꦔꦭ꧀ꦚꦺꦴꦭꦺꦴꦏ꧀ꦩꦿꦶꦥꦠ꧀꧉​ꦒꦸꦧꦃꦲꦤ꧀ꦤꦶꦥꦸꦤ꧀꧇​ꦲꦗꦂ​ꦲꦶꦁ​ꦮꦸꦏꦶꦂ​ꦭꦮꦸ꧉​ꦥꦸꦤ꧀꧇​ R.S. ꦏꦂꦠ​ꦮꦂꦢꦪ꧉​