Kaca:Kajawen 06 1928-01-21.pdf/5

Saka Wikisumber
Kaca iki durung katitiwaca

ꦥꦿꦶꦏꦶ꧈​ꦏꦛꦃ​ꦥꦫ​ꦱꦤ꧀ꦠꦤ​ꦲꦸꦠꦮꦶ​ꦥꦫ​ꦲꦧ꧀ꦢꦶ​ꦢꦊꦩ꧀ꦲꦶꦁ​ꦏꦁ​ꦯꦶꦤꦸꦲꦸꦤ꧀ꦲꦶꦁ​ꦯꦸꦫꦏꦂꦠ꧈​ꦲꦶꦁ​ꦏꦁ​ꦱꦩꦶ​ꦏꦥꦫꦶꦁ​ꦔꦤ꧀ꦒꦚ꧀ꦗꦂꦫꦤ꧀ꦧꦶꦤ꧀ꦠꦁ​ꦏꦫꦗꦤ꧀ꦯꦶꦪꦼꦩ꧀꧈​ꦩꦭꦃ​ꦏꦧꦂꦫꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦱꦮꦼꦤꦺꦃ​ꦏꦏꦱꦶꦃ​ꦢꦊꦩ꧀ꦲꦁ​ꦱꦭ꧀ꦒꦚ꧀ꦗꦂꦫꦤ꧀ꦧꦶꦤ꧀ꦠꦁ​ꦮꦃꦕꦺꦁ​꧈​ꦲꦶꦁ​ꦒꦶꦃ​ꦥꦸꦤꦶꦏ​ꦱꦠꦸꦁ​ꦒꦶꦭ꧀ꦭꦶꦁ​ꦠꦼꦠꦼꦔꦼꦂ꧈​ꦱꦶꦤ꧀ꦠꦼꦤ꧀ꦲꦶꦁ​ꦏꦁ​ꦔꦁ​ꦒꦼ​ꦠꦼꦠꦼꦔꦼꦂ​ꦩꦏꦠꦼꦤ꧀ꦮꦲꦸ꧈​ꦩꦤꦮꦶ​ꦮꦺꦴꦤ꧀ꦠꦼꦤ꧀ꦲꦶꦁ​ꦤꦒꦫꦶ​ꦯꦶꦪꦼꦩ꧀꧈​ꦢꦶꦥꦸꦤ꧀ꦲꦗꦶ​ꦲꦗꦶ​ꦱꦔꦼꦠ꧀꧈​ꦥꦿꦱꦱꦠ꧀ꦢꦶꦥꦸꦤ꧀ꦲꦁ​ꦒꦼꦥ꧀ꦏꦢꦺꦴꦱ꧀ꦱꦤ꧀ꦠꦤꦤꦶꦁ​ꦫꦠꦸ꧉

꧋ꦲꦶꦁꦔꦶꦁꦒꦶꦭ꧀ꦱꦩ꧀ꦥꦸꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀꧈ꦧꦶꦭꦶꦃ​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦚ꧀ꦗꦶ​ꦲꦶꦁ​ꦠꦤꦃ​ꦯꦶꦪꦼꦩ꧀꧈​ꦱꦗꦏ꧀ꦏꦶꦥꦸꦤ꧀ꦲꦶꦁ​ꦗꦩꦤ꧀ꦏꦶꦤ​ꦮꦺꦴꦤ꧀ꦠꦼꦤ꧀ꦒꦒꦪꦸꦠ꧀ꦠꦤ꧀ꦤꦶꦥꦸꦤ꧀ꦲꦤ꧀ꦠꦮꦶꦱ꧀ꦱꦶꦁ​ꦠꦤꦃ​ꦗꦮꦶ​ꦏꦭꦶꦪꦤ꧀ꦏꦫꦗꦤ꧀ꦯꦶꦪꦼꦩ꧀꧉​ꦲꦩꦶꦭ​ꦏꦢꦺꦴꦱ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦮꦺꦴꦤ꧀ꦤꦶꦥꦸꦤ꧀꧈​ꦲꦸꦥꦩꦶ​ꦏꦗꦮꦺꦤ꧀ꦲꦔꦽꦩ꧀ꦧꦒ꧀ꦱꦮꦠꦮꦶꦱ꧀ꦩꦼꦁ​ꦒꦃꦲꦶꦁ​ꦧꦧꦢ꧀ꦢꦶꦥꦸꦤ꧀ꦏꦫꦗꦤ꧀ꦯꦶꦪꦼꦩ꧀꧉​ꦩꦸꦫꦶꦃ​ꦒꦩ꧀ꦧ꧀ꦭꦁ​ꦔꦶꦥꦸꦤ꧀ꦲꦶꦁ​ꦔꦿꦶꦏꦶ​ꦥꦽꦭꦸ​ꦏꦕꦫꦶꦪꦺꦴꦱ꧀ꦱꦏꦼꦤ꧀ꦫꦸꦩꦶꦪꦶꦤ꧀ꦩꦼꦁ​ꦒꦃ​ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁ​ꦠꦶꦠꦶꦪꦁ​ꦱꦲ​ꦕꦕꦃ​ꦗꦶꦮꦤꦶꦥꦸꦤ꧀ꦲꦶꦁ​ꦏꦫꦗꦤ꧀ꦯꦶꦪꦼꦩ꧀꧉

꧋ꦕꦕꦃꦗꦶꦮꦤꦶꦥꦸꦤ꧀ꦏꦫꦗꦤ꧀ꦯꦶꦪꦼꦩ꧀ꦥꦸꦤꦶꦏꦏꦶꦫꦁꦭꦁꦏꦸꦁ​ꦮꦺꦴꦤ꧀ꦠꦼꦤ꧀ 6 ꦪꦸꦠ꧉ꦠꦶꦪꦁꦱꦩꦤ꧀ꦠꦼꦤ꧀ꦏꦛꦃꦲꦶꦥꦸꦤ꧀ꦥꦸꦤꦶꦏꦧꦺꦴꦠꦼꦤ꧀ꦤꦩꦸꦁ​ꦧꦺꦴꦁ​ꦱ​ꦱꦠꦸꦁ​ꦒꦭ꧀ꦏꦼꦩꦮꦺꦴꦤ꧀꧈​ꦲꦤꦔꦶꦁ​ꦏꦼꦔꦶꦁ​ꦏꦥꦼꦫꦁ​ꦲꦶꦁ​ꦧꦺꦴꦁ​ꦱ​ꦩꦮꦂꦤꦶ​ꦮꦂꦤꦶ꧈​ꦏꦢꦺꦴꦱ꧀ꦠ꧇​ꦧꦺꦴꦁ​ꦱ​ꦯꦶꦪꦼꦩ꧀ꦥꦶꦪꦩ꧀ꦧꦏ꧀꧈​ꦏꦶꦫꦁ​ꦭꦁ​ꦏꦸꦁ​ꦱꦥꦭꦶꦃꦲꦶꦁ​ꦕꦕꦃ​ꦗꦶꦮꦤꦶꦥꦸꦤ꧀ꦲꦶꦁ​ꦤꦒꦫꦶ​ꦯꦶꦪꦼꦩ꧀꧉​ꦭꦗꦼꦁ​ꦧꦺꦴꦁ​ꦱ​ꦭꦲꦺꦴꦱ꧀꧈​ꦧꦺꦴꦁ​ꦱ​ꦡꦾꦺꦴꦁꦲ꧀ꦮ​꧈​ꦧꦺꦴꦁ​ꦱ​ꦩ꧀ꦭꦪꦸ꧈​ꦧꦺꦴꦁ​ꦱ​ꦑꦩ꧀ꦧꦺꦴꦗ꧈​ꦏꦗꦮꦶ​ꦥꦸꦤꦶꦏ​ꦠꦏ꧀ꦱꦶꦃ​ꦮꦺꦴꦤ꧀ꦠꦼꦤ꧀ꦩꦭꦶꦃ​ꦧꦺꦴꦁ​ꦱ​ꦲꦭꦶꦠ꧀ꦲꦭꦶꦠ꧀ꦱꦤꦺꦱ꧀ꦱꦶꦥꦸꦤ꧀꧈​ꦏꦢꦺꦴꦱ꧀ꦠ꧇​ꦧꦺꦴꦁ​ꦱ​ꦨꦶꦂꦩ꧈​ꦲꦶꦤ꧀ꦝꦸ꧈​ꦩꦸꦤ꧀ꦑꦫꦺꦤ꧀꧈​ꦭꦮ​ꦭꦤ꧀ꦭꦶꦪ​ꦭꦶꦪꦤꦶꦥꦸꦤ꧀꧉​ꦕꦕꦃꦲꦶꦥꦸꦤ꧀ꦠꦶꦠꦶꦪꦁ​ꦌꦫꦺꦴꦥꦃ​ꦭꦤ꧀ꦠꦶꦠꦶꦪꦁ​ꦄꦩꦼꦫꦶꦏꦃ​ꦤꦩꦸꦁ​ꦮꦺꦴꦤ꧀ꦠꦼꦤ꧀ꦮꦠꦮꦶꦱ꧀ꦱꦶꦥꦸꦤ꧀ 1200 ꦭꦤ꧀ 1300꧉ꦕꦕꦃꦱꦩꦤ꧀ꦠꦼꦤ꧀ꦮꦲꦸꦲꦶꦁ 500 ꦧꦺꦴꦁꦱꦲꦶꦔ꧀ꦒꦿꦶꦱ꧀꧉

꧋ꦧꦺꦴꦁꦱꦯꦶꦪꦼꦩ꧀ꦥꦸꦤꦶꦏꦲꦶꦁꦏꦁꦏꦛꦃꦱꦩꦶꦩꦁꦒꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦠꦤꦃ​ꦯꦶꦪꦼꦩ꧀ꦱꦶꦱꦶꦃ​ꦠꦼꦔꦃ꧈​ꦱꦤꦢꦾꦤ꧀ꦠ​ꦲꦶꦁ​ꦱꦧꦼꦤ꧀ꦝꦶꦱ꧀ꦠꦿꦶꦏ꧀ꦩꦼꦱ꧀ꦛꦶ​ꦮꦺꦴꦤ꧀ꦠꦼꦤ꧀ꦧꦁ​ꦱꦤꦶꦥꦸꦤ꧀ꦯꦶꦪꦼꦩ꧀ꦮꦲꦸ꧉​ꦧꦺꦴꦁ​ꦱ​ꦭꦲꦺꦴꦱ꧀ꦱꦩꦶ​ꦩꦁ​ꦒꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦯꦶꦪꦼꦩ꧀ꦲꦶꦁ​ꦱꦶꦱꦶꦃ​ꦮꦼꦠꦤ꧀꧉​ꦧꦺꦴꦁ​ꦱ​ꦩ꧀ꦭꦪꦸ​(ꦢꦼꦤꦼ​ꦲꦶꦁ​ꦏꦁ​ꦢꦶꦥꦸꦤ꧀ꦮꦱ꧀ꦠꦤꦶ​ꦧꦺꦴꦁ​ꦱ​ꦩ꧀ꦭꦪꦸ​ꦥꦸꦤꦶꦏ​ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦲꦶꦁ​ꦒꦶꦃ​ꦧꦺꦴꦁ​ꦱ​ꦆꦤ꧀ꦝꦺꦴꦤꦼꦱꦶꦪꦃ​ꦱꦩꦁ​ꦏꦼ​ꦥꦸꦤꦶꦏ)ꦱꦩꦶ​ꦕꦩ꧀ꦥꦸꦂ​ꦏꦭꦶꦪꦤ꧀ꦧꦺꦴꦁ​ꦱ​ꦯꦶꦪꦼꦩ꧀꧈​ꦱꦲ​ꦢꦸꦢꦸꦤꦸꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦠꦤꦃ​ꦯꦶꦪꦼꦩ꧀ꦱꦶꦱꦶꦃ​ꦏꦶꦢꦸꦭ꧀꧈​ꦧꦺꦴꦁ​ꦱ​ꦡꦾꦺꦴꦁꦲ꧀ꦮ​​ꦲꦶꦁ​ꦯꦶꦪꦼꦩ꧀ꦮꦫꦢꦶꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦥꦸꦤ꧀ꦢꦶ​ꦥꦸꦤ꧀ꦢꦶ꧈​ꦲꦤꦔꦶꦁ​ꦲꦶꦁ​ꦏꦁ​ꦏꦛꦃ​ꦱꦩꦶ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦶꦛ​ꦏꦶꦛ꧉​ꦏꦢꦺꦴꦱ꧀ꦠ​ꦲꦶꦁ​ꦨꦁ​ꦏꦺꦴꦏ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦏꦶꦛꦤꦶꦁ​ꦏꦫꦗꦤ꧀ꦯꦶꦪꦼꦩ꧀꧈​ꦥꦸꦤꦶꦏ​ꦕꦕꦃ​ꦗꦶꦮꦤꦶꦥꦸꦤ꧀ꦏꦶꦫꦁ​ꦭꦁ​ꦏꦸꦁ​ꦮꦺꦴꦤ꧀ꦠꦼꦤ꧀ 650.000꧉ꦠꦶꦪꦁꦩꦤ꧀ꦠꦼꦤ꧀ꦏꦛꦃꦲꦶꦥꦸꦤ꧀ꦮꦲꦸꦲꦶꦁꦏꦁꦱꦥꦿꦠꦶꦒꦤ꧀ꦧꦺꦴꦁ​ꦱ​ꦡꦾꦺꦴꦁꦲ꧀ꦮ​꧉​ꦲꦶꦁ​ꦔꦿꦶꦏꦶ​ꦕꦼꦛ​ꦮꦼꦭꦮꦼꦭ꧈​ꦧꦶꦭꦶꦃ​ꦧꦺꦴꦁ​ꦱ​ꦡꦾꦺꦴꦁꦲ꧀ꦮ​​ꦥꦸꦤꦶꦏ​ꦥꦚ꧀ꦕꦺꦤ꧀ꦲꦁ​ꦒꦝꦃꦲꦶ​ꦝꦝꦱꦂ​ꦝꦠꦼꦁ​ꦭꦩ꧀ꦥꦃ​ꦢꦒꦁ​ꦲꦩꦶꦭ​ꦥꦩꦁ​ꦒꦺꦤ꧀ꦤꦶꦥꦸꦤ꧀ꦲꦶꦁ​ꦏꦁ​ꦢꦶꦥꦸꦤ꧀ꦉꦩꦼꦤ꧀ꦤꦶ​ꦲꦶꦁ​ꦒꦶꦃ​ꦮꦺꦴꦤ꧀ꦠꦼꦤ꧀ꦥꦁ​ꦒꦼꦤ꧀ꦤꦤ꧀ꦲꦶꦁ​ꦏꦁ​ꦫꦩꦼ​ꦫꦩꦼ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦲꦶꦁ​ꦏꦶꦛꦏꦶꦛ꧉​ꦲꦶꦁ​ꦠꦤꦃ​ꦯꦶꦪꦼꦩ꧀ꦥꦸꦤꦶꦏ​ꦩꦤꦮꦶ​ꦏꦱꦩꦺꦏ꧀ꦲꦏꦼꦤ꧀ꦏꦭꦶꦪꦤ꧀ꦠꦤꦃ​ꦱꦤꦺꦱ꧀ꦱꦶꦥꦸꦤ꧀ꦲꦶꦁ​ꦠꦤꦃ​ꦮꦼꦠꦤ꧀ꦤꦤ꧀ꦔꦿꦶꦏꦶ꧈​ꦏꦊꦧꦼꦠ꧀ꦱꦏꦼꦝꦶꦏ꧀ꦥꦶꦪꦩ꧀ꦧꦏ꧀ꦠꦶꦠꦶꦪꦁ​ꦔꦶꦥꦸꦤ꧀ꦥꦿꦤꦏ꧀ꦏꦤ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦲꦤꦏ꧀ꦠꦸꦫꦸꦤ꧀ꦤꦶꦥꦸꦤ꧀ꦧꦺꦴꦁ​ꦱ​ꦌꦫꦺꦴꦥꦃ​ꦭꦤ꧀ꦧꦺꦴꦁ​ꦱ​ꦄꦱꦶꦪꦃ꧉​ꦏꦗꦮꦶ​ꦧꦺꦴꦁ​ꦱꦧꦺꦴꦁ​ꦱ​ꦏꦱ꧀ꦧꦸꦠ꧀ꦔꦶꦁ​ꦒꦶꦭ꧀꧈​ꦲꦶꦁ​ꦠꦤꦃ​ꦥꦉꦢꦺꦤ꧀ꦲꦶꦁ​ꦯꦶꦪꦼꦩ꧀꧈​ꦮꦺꦴꦤ꧀ꦠꦼꦤ꧀ꦱꦠꦸꦁ​ꦒꦶꦭ꧀ꦭꦶꦁ​ꦧꦺꦴꦁ​ꦱ​ꦩꦭꦶꦃ꧈​ꦲꦶꦁ​ꦏꦁ​ꦏꦏꦶꦤ꧀ꦠꦼꦤ꧀꧈​ꦧꦶꦭꦶꦃ​ꦥꦸꦤꦶꦏ​ꦠꦶꦠꦶꦪꦁ​ꦯꦶꦪꦼꦩ꧀ꦲꦶꦁ​ꦏꦁ​ꦧꦏꦸ꧉​


(ꦧꦝꦼ​ꦏꦱꦩ꧀ꦧꦼꦠ꧀ꦠꦤ꧀)