Kaca:Kajawen 02 1928-01-07.pdf/20

Saka Wikisumber
Kaca iki durung katitiwaca

꧋ꦏꦮꦂꦠꦺꦴꦱꦏꦼꦤ꧀ꦞꦺꦴꦏ꧀ꦠꦼꦂꦖꦶꦥ꧀ꦠꦩꦔꦸꦤ꧀ꦏꦸꦱꦸꦩꦏꦭ​ꦏꦭ​ꦲꦶꦁ​ꦢꦶꦤ꧀ꦠꦼꦤ꧀ꦗꦸꦩꦸꦮꦃ​ꦏꦼꦥꦼꦁ​ꦏꦼꦂ꧈​ꦮꦚ꧀ꦕꦶ​ꦒꦒꦠ꧀ꦧꦔꦸꦤ꧀ꦱꦩ꧀ꦥꦸꦤ꧀ꦏꦲꦁ​ꦏꦠꦏꦼꦤ꧀ꦝꦠꦼꦁ​ꦥꦥꦤ꧀ꦥꦢꦸꦤꦸꦔꦤꦶꦥꦸꦤ꧀ꦲꦺꦁ​ꦒꦭ꧀꧉​ꦧꦶꦝꦭꦶꦥꦸꦤ꧀ꦱꦏꦶꦁ​ꦗꦸꦁ​ꦧꦿꦸꦁ​ꦢꦶꦥꦸꦤ꧀ꦲꦶꦫꦶꦢ꧀ꦲꦶꦁ​ꦏꦺꦴꦩꦶꦱꦫꦶꦱ꧀ꦥꦸꦭꦶꦱꦶ Stein ꦱꦂꦠ​ꦏꦤ꧀ꦛꦶꦤꦶꦥꦸꦤ꧀꧉ꦮꦺꦴꦤ꧀ꦠꦼꦤ꧀ꦲꦶꦁꦨꦤ꧀ꦝꦸꦁꦢꦶꦥꦸꦤ꧀ꦥꦥꦒ꧀ꦲꦶꦁꦥꦫꦩꦶꦠꦿꦤꦶꦥꦸꦤ꧀꧉​ꦱꦏꦶꦁ​ꦨꦤ꧀ꦝꦸꦁ​ꦝꦠꦼꦁ​ꦯꦸꦫꦧꦪ​ꦤꦸꦩ꧀ꦥꦏ꧀ꦱꦼꦥꦸꦂ​ꦲꦺꦏ꧀ꦱ꧀ꦥꦿꦺꦱ꧀ꦏꦼꦭꦱ꧀ I꧈ꦏꦼꦠꦶꦔꦭꦶꦥꦸꦤ꧀ꦞꦺꦴꦏ꧀ꦠꦼꦂꦖꦶꦥ꧀ꦠꦲꦪꦼꦩ꧀ꦏꦼꦩꦮꦺꦴꦤ꧀꧉ꦢꦸꦩꦸꦒꦶ​ꦔꦪꦺꦴꦓꦾ​ꦱꦼꦥꦼꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦩꦥꦒ꧀꧉​ꦱꦢꦸꦩꦸꦒꦶꦤꦶꦥꦸꦤ꧀ꦯꦸꦫꦏꦂꦠ꧈​ꦏꦛꦃ​ꦲꦶꦁ​ꦏꦁ​ꦔꦸꦂꦩꦠꦶ꧈​ꦲꦶꦁ​ꦒꦶꦃ​ꦥꦸꦤꦶꦏ​ꦩꦶꦱ꧀ꦠꦼꦂ​ꦯꦶꦁ​ꦒꦶꦃ꧈​ꦠꦸꦮꦤ꧀ꦑꦺꦴꦥꦼꦂꦧꦺꦉꦃ​ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈​ꦥꦸꦤꦥꦢꦼꦤꦼ​ꦲꦶꦁ​ꦏꦁ​ꦫꦩ​ꦲꦶꦧꦸ꧉​

꧋ꦚꦩ꧀ꦧꦼꦠꦶꦮꦂꦠꦺꦴꦱ꧀ꦲꦶꦁꦧꦧ꧀ꦧꦝꦼꦫꦮꦸꦲꦶꦥꦸꦤ꧀ꦤꦉꦤ꧀ꦢ​ꦲꦶꦁ​ꦯꦶꦪꦼꦩ꧀ꦝꦠꦼꦁ​ꦠꦤꦃ​ꦗꦮꦶ꧈​ꦏꦭ​ꦢꦶꦤ꧀ꦠꦼꦤ꧀ꦱꦼꦠꦸ​ꦏꦼꦥꦼꦁ​ꦏꦼꦂ꧈​ꦏꦺꦴꦁ​ꦱꦸꦭ꧀ꦗꦼꦤ꧀ꦢꦿꦭ꧀ꦯꦶꦪꦼꦩ꧀ꦲꦶꦁ​ꦯꦶꦁ​ꦒꦥꦸꦫ​ꦫꦮꦸꦃ​ꦲꦶꦁ​ꦨꦠꦮꦶ꧈​ꦥꦽꦭꦸ​ꦫꦶꦫꦶꦒꦼꦤ꧀ꦧꦝꦼ​ꦫꦮꦸꦲꦶꦥꦸꦤ꧀ꦤꦉꦤ꧀ꦢꦿ​ꦯꦶꦪꦼꦩ꧀ꦮꦲꦸ꧈​ꦫꦮꦸꦲꦶꦥꦸꦤ꧀ꦱꦩ꧀ꦥꦸꦤ꧀ꦏꦠꦼꦠꦼꦥꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦲꦏꦶꦫꦶꦥꦸꦤ꧀ꦮꦸꦭꦤ꧀ꦗꦤꦸꦮꦫꦶ꧉​ꦮꦺꦴꦤ꧀ꦠꦼꦤꦶꦥꦸꦤ꧀ꦲꦶꦁ​ꦠꦤꦃ​ꦗꦮꦶ꧈​ꦱꦿꦶ​ꦤꦉꦤ꧀ꦢꦿ​ꦲꦸꦒꦶ​ꦧꦝꦼ​ꦩꦂꦠꦩꦸ​ꦝꦠꦼꦁ​ꦯꦸꦫꦏꦂꦠ​ꦠꦸꦮꦶꦤ꧀ꦔꦪꦺꦴꦓꦾꦏꦂꦠ꧉

꧋ꦱꦼꦢꦾꦠꦩꦩꦂꦠꦺꦴꦱꦏꦼꦤ꧀꧈ꦏꦫꦩ꧀ꦥꦸꦔꦤꦶꦁꦏꦺꦴꦁꦒꦿꦺꦱ꧀꧉ B.O: B.O. ꦩꦊꦧꦼꦠ꧀ P.P.P.K.I.꧉ꦝꦺꦴꦏ꧀ꦠꦼꦂ​ꦯꦸꦥꦩ​ꦏꦠꦼꦠꦼꦥꦏꦼꦤ꧀ꦢꦢꦺꦴꦱ꧀ꦩꦸꦝ​ꦥꦔꦂꦱ꧈​ꦫꦢꦺꦤ꧀ꦩꦱ꧀ꦯꦸꦥꦿꦥ꧀ꦠ​ꦢꦢꦺꦴꦱ꧀ꦥꦤꦶꦠꦿ​ II꧉ꦔꦮꦺꦴꦤ꧀ꦠꦼꦤꦏꦼꦤ꧀ꦥꦤꦶꦠꦾꦔ꧀ꦭꦫꦱ꧀ꦥꦿꦤꦠꦤ꧀ꦲꦒꦼꦁ꧈ꦲꦶꦁ​ꦏꦁ​ꦏꦥꦶꦭꦶꦃ​ꦫꦢꦺꦤ꧀ꦠꦸꦩꦼꦁ​ꦒꦸꦁ​ꦙꦏ꧀ꦱꦢꦶꦥꦸꦫ​ꦠꦸꦮꦶꦤ꧀ꦫꦢꦺꦤ꧀ꦱꦸꦠꦥ​ꦮꦤꦧꦪ꧉​ꦣꦶꦥꦸꦤ꧀ꦥꦔꦂꦱꦤꦶ​ꦥꦔꦿꦺꦃ​ꦲꦒꦼꦁ​ꦥꦶꦪꦩ꧀ꦧꦏ꧀꧉

꧋ꦮꦶꦮꦶꦠꦶꦁꦏꦺꦴꦁꦒꦿꦺꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦢꦶꦤ꧀ꦠꦼꦤ꧀ꦊꦩ꧀ꦔꦲꦢ꧀꧈​ꦔꦿꦶꦤ꧀ꦠꦼꦤꦏꦼꦤ꧀ꦠꦲꦸꦤ꧀ꦧꦫꦸ꧈​ꦲꦶꦁ​ꦏꦁ​ꦱꦩꦶ​ꦫꦮꦸꦃ​ꦏꦛꦃ꧈​ꦮꦏꦶꦭ꧀ꦮꦏꦶꦭꦶꦁ​ꦥꦏꦼꦩ꧀ꦥꦭꦤ꧀ꦥꦼꦥꦏ꧀꧈​ꦥꦸꦤꦥꦢꦼꦤꦼ​ꦮꦏꦶꦭꦶꦁ​ꦥꦺꦉꦱ꧀꧉​ꦮꦺꦴꦱꦶꦁ​ꦉꦩ꧀ꦧꦒ꧀꧈​ꦩꦶꦒꦠꦺꦴꦱꦏꦼꦤ꧀ꦧꦧ꧀ꦲꦗꦼꦔꦶꦁ​ꦠꦤꦃ​ꦆꦤ꧀ꦢꦶꦪ꧉

꧋ꦏꦗꦶꦯꦭꦶꦩ꧀ꦩꦼꦤ꧀ꦠꦱ꧀ꦝꦠꦼꦁꦲꦶꦁꦔꦪꦺꦴꦓꦾ꧈ꦏꦗꦮꦶꦤꦶꦤ꧀ꦢꦏꦏꦼꦤ꧀ꦥꦽꦭꦸ​ꦮꦂꦤꦶꦮꦂꦤꦶ꧈​ꦲꦸꦒꦶ​ꦥꦽꦭꦸ​ꦔꦽꦩ꧀ꦧꦒ꧀ꦲꦶꦁ​ꦧꦧ꧀ꦒꦼꦤ꧀ꦢꦿ​ꦲꦶꦁ​ꦏꦭꦔꦤ꧀ꦆꦱ꧀ꦭꦩ꧀ꦲꦶꦁ​ꦏꦁ​ꦧꦝꦼ​ꦏꦉꦩ꧀ꦧꦒ꧀ꦲꦶꦁ​ P.S.I. ꦭꦁꦏꦸꦁꦩꦭꦶꦃꦲꦶꦁꦧꦧ꧀ꦧꦧꦒꦤ꧀ꦑꦸꦫꦤ꧀꧉

꧋ꦧꦼꦚ꧀ꦗꦶꦁꦱꦧꦶꦧꦫꦶꦁꦱꦥꦼꦏꦼꦤꦤ꧀ꦏꦿꦩꦤ꧀ꦲꦶꦁꦏꦫꦠꦺꦴꦤ꧀ꦔꦪꦺꦴꦓꦾ꧈​ꦲꦶꦁ​ꦦꦏꦸꦤꦶꦔꦿꦠꦤ꧀ꦧꦝꦼ​ꦏꦥꦫꦶꦔꦤ꧀ꦫꦶꦁ​ꦒꦶꦠ꧀ꦠꦶꦪꦁ​ꦱꦏꦶꦁ​ꦏꦫꦠꦺꦴꦤ꧀꧈​ꦩꦶꦤꦺꦴꦁ​ꦏ​ꦥꦏꦸꦂꦩꦠꦤ꧀ꦝꦠꦼꦁ​ꦲꦶꦁ​ꦏꦁ​ꦤꦼꦩ꧀ꦧꦼ​ꦏꦿꦩ꧉​ꦫꦢꦺꦤ꧀ꦩꦱ꧀ꦯꦸꦢꦂꦠ​ꦩꦁ​ꦏꦸꦱꦸꦧꦿꦠ꧈​ꦲꦶꦁ​ꦏꦁ​ꦏꦥꦶꦭꦶꦃ​

꧋ꦢꦢꦺꦴꦱ꧀ꦭꦶꦢ꧀ꦥꦿꦺꦴꦥꦶꦤ꧀ꦱꦶ꧈ꦲꦁꦒꦼꦤ꧀ꦠꦺꦴꦱꦶꦱꦸꦮꦂꦒꦶ​ꦲꦶꦁ​ꦏꦁ​ꦧꦸꦥꦠꦶ​ꦖꦶꦉꦧꦺꦴꦤ꧀꧈​ꦤꦩ꧀ꦥꦶꦏ꧀ꦥꦶꦭꦶꦲꦤ꧀ꦮꦲꦸ꧈​ꦲꦶꦁ​ꦱꦥꦸꦤꦶꦏ​ꦧꦝꦼ​ꦥꦶꦭꦶꦲꦤ꧀ꦩꦭꦶꦃ꧉

꧋ꦝꦮꦲꦶꦁꦢꦶꦤ꧀ꦠꦼꦤ꧀ꦥꦶꦏꦿꦩꦤ꧀ꦲꦶꦁꦏꦫꦠꦺꦴꦤ꧀ꦔꦪꦺꦴꦓꦾ꧈​ꦧꦝꦼ​ꦩꦮꦶ​ꦥꦱꦩꦸꦮꦤ꧀ꦲꦒꦼꦁ​꧈​ꦲꦶꦁ​ꦏꦁ​ꦧꦝꦼ​ꦩꦫ​ꦠꦩꦸ꧇​ꦥꦢꦸꦏ​ꦠꦸꦮꦤ꧀ Welter ꦭꦶꦢ꧀ꦫꦢ꧀ꦥꦤ꧀ꦆꦤ꧀ꦝꦶ꧈ꦚꦺꦴꦚꦃ Greutzberg ꦏꦭꦶꦪꦤ꧀ꦥꦸꦠꦿ꧈ꦗꦺꦤ꧀ꦢꦿꦭ꧀ La Lau꧈ꦗꦺꦤ꧀ꦢꦿꦭ꧀ Scheffer꧈ ꦏꦺꦴꦤ꧀ꦱꦸꦭ꧀ꦗꦼꦤ꧀ꦢꦿꦭ꧀ꦆꦁꦒꦿꦶꦱ꧀꧈ꦠꦸꦮꦤ꧀ Crosby꧈ꦏꦺꦴꦤ꧀ꦱꦸꦭ꧀ꦗꦼꦤ꧀ꦢꦿꦭ꧀ꦦꦿꦚ꧀ꦕꦶꦱ꧀꧈ꦠꦸꦮꦤ꧀ Bodard ​ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧉

꧋ꦏꦮꦺꦴꦤ꧀ꦠꦼꦤꦤꦶꦁ​ꦏꦿꦩꦤ꧀ꦲꦶꦁ​ꦏꦫꦠꦺꦴꦤ꧀ꦔꦪꦺꦴꦓꦾꦏꦂꦠ꧇​ ꧑ ꦥꦸꦠꦿꦢꦊꦩ꧀ꦨꦤ꧀ꦢꦫꦫꦢꦺꦤ꧀ꦲꦗꦼꦁꦯꦶꦠꦶꦯꦸꦢꦫꦸꦤꦶꦪꦃ꧈​ꦲꦱ꧀ꦩ​ꦏꦁ​ꦗꦼꦁ​ꦬꦠꦸ​ꦦꦩ꧀ꦧꦪꦸꦤ꧀꧈​ꦏꦠꦫꦶꦩꦏꦏꦼꦤ꧀ꦨꦤ꧀ꦢꦫ​ꦦꦔꦼꦫꦤ꧀ꦄꦂꦪ​ꦦꦏꦸꦤꦶꦔꦿꦠ꧀꧈​ ꧒ ꦫꦪꦶꦢꦊꦩ꧀ꦨꦤ꧀ꦢꦫꦬꦢꦺꦤ꧀ꦄꦗꦼꦁꦑꦸꦫꦸꦤ꧀ꦠꦗꦶꦪꦤꦥ꧀꧈ꦏꦠꦫꦶꦩꦏꦏꦼꦤ꧀ꦬꦢꦺꦤ꧀ꦡꦸꦩꦼꦁ​ꦒꦸꦁ​ꦩꦔꦸꦤ꧀ꦏꦸꦱꦸꦩ꧈ ꧓ ꦫꦪꦶꦢꦊꦩ꧀ꦨꦤ꧀ꦢꦫꦬꦢꦺꦤ꧀ꦄꦗꦼꦁꦩꦸꦂꦏꦶꦱ꧀ꦬꦸꦤꦠ꧀ꦩꦶ꧈ꦏꦠꦫꦶꦩꦏꦏꦼꦤ꧀ꦬꦢꦺꦤ꧀ꦡꦸꦩꦼꦁ​ꦒꦸꦁ​ꦨꦿꦤ꧀ꦠꦢꦶꦤꦶꦔꦿꦠ꧀꧈​꧔ ꦥꦸꦠꦿꦢꦊꦩ꧀ꦨꦤ꧀ꦢꦫꦬꦢꦺꦤ꧀ꦄꦗꦼꦁꦯꦶꦠꦶꦯꦪꦢꦶ꧈ꦏꦠꦫꦶꦩꦏꦏꦼꦤ꧀ꦬꦢꦺꦤ꧀ꦡꦸꦩꦼꦁ​ꦒꦸꦁ​ꦯꦶꦤ꧀ꦢꦸꦉꦗ꧈​ ꧕ ꦥꦸꦠꦿꦢꦊꦩ꧀ꦨꦤ꧀ꦢꦫꦬꦢꦺꦤ꧀ꦄꦗꦼꦁꦯꦶꦠꦶꦯꦢꦫꦶ꧈ꦏꦠꦫꦶꦩꦏꦏꦼꦤ꧀ꦬꦢꦺꦤ꧀ꦡꦸꦩꦼꦁ​ꦒꦸꦁ​ꦦꦸꦂꦧꦮꦶꦤꦠ꧉

꧋ꦲꦶꦁꦙꦱꦶꦔꦧꦮꦃꦨꦺꦴꦒꦺꦴꦂꦢꦶꦥꦸꦤ꧀ꦮꦺꦴꦤ꧀ꦠꦼꦤꦏꦼꦤ꧀ꦪꦤ꧀ꦠꦸꦤ꧀ꦎꦤ꧀ꦢꦼꦂ​ꦝꦶꦱ꧀ꦠꦿꦶꦏ꧀ꦏꦤ꧀ꦛꦶ​ꦥꦩ꧀ꦧꦤ꧀ꦠꦸ​ꦠꦶꦒ꧈​ꦥꦽꦭꦸ​ꦤꦶꦤ꧀ꦢꦏꦏꦼꦤ꧀ꦥꦢꦩꦼꦭꦤ꧀ꦠꦸꦩꦶꦤ꧀ꦢꦏꦶꦁ​ꦮꦁ​ꦱꦸꦭꦶꦥꦸꦤ꧀ꦱꦶꦠꦶ​ꦥꦂꦠꦶꦏꦼꦭꦶꦂ​ꦝꦠꦼꦁ​ꦒꦸꦥꦼꦂꦩꦺꦤ꧀꧉​

꧋ꦏꦮꦂꦠꦺꦴꦱꦏꦼꦤ꧀꧈ꦱꦫꦝꦝꦸꦧꦺꦴꦁꦱꦩꦼꦤꦝꦺꦴꦤꦩ Wuntuh ꦠꦸꦮꦶꦤ꧀ Wenas꧈ꦲꦶꦁꦏꦁꦱꦩꦶꦠꦸꦩꦸꦠ꧀ꦢꦩꦼꦭ꧀ꦲꦺꦴꦉꦒ꧀ꦲꦺꦴꦉꦒꦤ꧀ꦏꦭꦮꦸꦭꦤ꧀ꦗꦸꦭꦶ꧈​ꦲꦶꦁ​ꦏꦁ​ꦭꦗꦼꦁ​ꦏꦱꦶꦉꦥ꧀꧉​ꦏꦫꦩ꧀ꦥꦸꦔꦤꦶꦁ​ꦥꦔꦢꦶꦭꦤ꧀ꦩꦶꦭꦶꦠꦺꦂ​ꦲꦶꦁ​ꦖꦶꦩꦲꦶ꧈​ꦠꦶꦪꦁ​ꦏꦏꦭꦶꦃ​ꦮꦲꦸ​ꦏꦲꦸꦏꦸꦩ꧀ꦢꦿꦺꦭ꧀꧉​ꦲꦶꦁ​ꦮꦸꦭꦤ꧀ꦥꦸꦤꦶꦏ​ꦲꦥꦺꦭ꧀ꦝꦠꦼꦁ​ꦥꦔꦢꦶꦭꦤ꧀ꦭꦸꦲꦸꦂ​ꦩꦶꦭꦶꦠꦺꦂ꧉​

꧋ꦤꦒꦫꦶ​ꦮꦭꦤ꧀ꦢꦶ​꧉

꧋ꦏꦮꦂꦠꦺꦴꦱꦏꦼꦤ꧀ꦱꦏꦶꦁꦞꦺꦤ꧀ꦲ꦳ꦃ꧈ꦧꦶꦭꦶꦃꦲꦶꦁꦤꦒꦫꦶꦮꦭꦤ꧀ꦢꦶ​ꦗꦮꦃ​ꦱꦭ꧀ꦗꦸ​ꦏꦤ꧀ꦛꦶ​ꦲꦔꦶꦤ꧀ꦲꦒꦼꦁ​꧉​ꦩꦂꦒꦶ​ꦱꦼꦥꦸꦂ​ꦠꦸꦮꦶꦤ꧀ꦱꦱꦩ꧀ꦧꦼꦠꦤꦶꦁ​ꦏꦥꦽꦭꦸꦮꦤ꧀ꦠꦶꦭ꧀ꦥꦸꦤ꧀ꦱꦩꦶ​ꦩꦁ​ꦒꦶꦃ​ꦥꦩ꧀ꦧꦼꦔꦤ꧀꧉​

꧋ꦌꦫꦺꦴꦦꦃ꧉

꧋ꦪꦦꦨꦺꦴꦝꦼꦩꦂꦠꦺꦴꦱꦏꦼꦤ꧀꧈ꦗꦮꦃꦱꦭ꧀ꦗꦸꦲꦔꦶꦤ꧀ꦲꦶꦁꦢꦶꦤ꧀ꦠꦼꦤ꧀ꦑꦺꦉꦱ꧀ꦩꦶꦱ꧀ꦏꦥꦼꦁ​ꦏꦼꦂ​ꦥꦸꦤꦶꦏ꧈​ꦲꦶꦁ​ꦏꦁ​ꦲꦒꦼꦁ​ꦥꦶꦪꦩ꧀ꦧꦏ꧀ꦲꦶꦁ​ꦮꦶꦮꦶꦠ꧀ꦠꦲꦸꦤ꧀ 1886꧉ꦏꦛꦃꦥꦁꦒꦼꦤꦤ꧀ꦲꦶꦁꦏꦁꦏꦼꦠꦸꦠꦸꦥ꧀ꦲꦶꦁꦱꦭ꧀ꦗꦸꦔꦤ꧀ꦠꦺꦴꦱ꧀ꦥꦶꦤ꧀ꦠꦼꦤ꧀​ꦥꦶꦤ꧀ꦠꦼꦤ꧀ꦏꦏꦶ꧉​ꦲꦶꦁ​ Yokshire ꦱꦼꦥꦸꦫꦶꦥꦸꦤ꧀ꦔꦤ꧀ꦠꦺꦴꦱ꧀ꦏꦸꦫꦸꦒꦤ꧀ꦲꦶꦁꦱꦭ꧀ꦗꦸ꧈ꦏꦼꦢꦃꦢꦶꦥꦸꦤ꧀ꦝꦺꦴꦁ​ꦏꦂ꧉​ꦭꦩ꧀ꦥꦲꦶꦁ​ꦠꦼꦠꦸꦩ꧀ꦥꦏꦤ꧀ꦲꦶꦁ​ꦩꦂꦒꦶ​ꦩꦂꦒꦶ​ꦏꦼꦢꦃ​ꦠꦤ꧀ꦱꦃ​ꦒꦿꦒ꧀ꦒꦽꦒ꧀ꦏꦺꦤ꧀ꦢꦼꦭ꧀꧉​ꦏꦥꦭ꧀ꦲꦥꦶ​ꦥꦶꦠꦸꦭꦸꦔꦤ꧀ꦲꦶꦁ​ꦏꦁ​ꦠꦸꦫꦸꦠ꧀ꦥꦱꦶꦱꦶꦂ​ꦠꦤ꧀ꦱꦃ​ꦭꦸꦩꦩ꧀ꦥꦃ​ꦭꦭꦪꦫꦤ꧀ꦲꦶꦁ​ꦱꦒꦤ꧀ꦠꦼꦤ꧀ Het Kanaal꧉ꦢꦔꦸꦤꦶꦁꦗꦮꦃꦱꦭ꧀ꦗꦸꦲꦔꦶꦤ꧀ꦮꦲꦸꦔꦤ꧀ꦠꦺꦴꦱ꧀ 36 ꦗꦩ꧀


꧋ꦠꦸꦮꦤ꧀ Lindbergh ꦗꦸꦫꦸꦲꦁꦒꦼꦒꦤꦲꦶꦁꦏꦁꦩꦶꦱꦸꦮꦸꦂ꧈ꦲꦧꦸꦂꦫꦶꦥꦸꦤ꧀ꦱꦏꦶꦁ Maxico City ꦱꦩ꧀ꦥꦸꦤ꧀ꦢꦸꦩꦸꦒꦶꦲꦶꦁ Guatemala꧈ꦧꦶꦝꦭꦶꦥꦸꦤ꧀ꦲꦶꦁꦮꦚ꧀ꦕꦶꦲꦁꦒꦒꦠ꧀ꦧꦔꦸꦤ꧀꧈ꦔ꧀ꦭꦁꦏꦸꦔꦶ Centraal Amerika꧈ꦥꦁꦒꦼꦒꦤꦤꦶꦥꦸꦤ꧀ꦮꦲꦸꦏꦁꦒꦼꦏꦥꦽꦭꦸꦮꦤꦶꦁꦥꦁꦒꦒ ꦤ Goodwill꧉ꦱꦧꦶꦝꦭꦶꦁꦠꦸꦮꦤ꧀ Lindbergh꧈ꦲꦶꦧꦸꦤꦶꦥꦸꦤ꧀ꦭꦗꦼꦁꦱꦸꦭ꧀ꦝꦠꦼꦁ Detroit ꦲꦸꦒꦶꦤꦸꦩ꧀ꦥꦏ꧀ꦏꦥꦭꦧꦸꦂ꧉

꧋ꦄꦱꦶꦪꦃ

꧋ꦱꦫꦺꦃꦤꦶꦁꦠꦤ꧀ꦝꦧꦼꦭꦱꦸꦁꦏꦮꦱꦼꦢꦤꦶꦥꦸꦤ꧀ꦤꦠꦲꦶꦙꦼꦥꦁꦱꦩꦤ꧀ꦥꦸꦤ꧀ꦝꦠ꧀꧉​ꦑꦭ​ꦲꦶꦁ​ꦢꦶꦤ꧀ꦠꦼꦤ꧀ꦯꦼꦤꦺꦤ꧀ꦠꦁ​ꦒꦭ꧀ꦏꦥꦶꦁ 26 ꦞꦼꦱꦺꦩ꧀ꦧꦼꦂ 1927 ꦥꦩ꧀ꦧꦶꦏꦏꦶꦁꦥꦂ꧀ꦭꦼꦩꦺꦤ꧀ꦲꦶꦁꦥꦿꦗꦡꦺꦴꦏꦶꦪꦺꦴ꧈ꦢꦶꦥꦸꦤ꧀ꦊꦏ꧀ꦱꦤꦤꦶ​ꦢꦼꦤꦶꦁ​ꦱꦁ​ꦤꦠ​ꦲꦺꦁ​ꦒꦭ꧀꧉​ꦲꦶꦁꦠꦲꦸꦤꦶꦥꦸꦤ꧀ 1928

ꦧꦝꦼꦩꦲꦂꦒꦗꦸꦩꦼꦤꦼꦔꦤꦶꦥꦸꦤ꧀ꦤꦠ꧉