Kaca:Kajawen 01 1928-01-04.pdf/8

Saka Wikisumber
Kaca iki durung katitiwaca

ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀​ꦠꦤꦃ​ꦢꦭꦃ​ꦠꦶꦠꦶꦪꦁ​ꦔꦶꦥꦸꦤ꧀​

꧋ꦕꦫꦶꦪꦺꦴꦱ꧀​ꦱꦮꦠꦮꦶꦱ꧀ꦧꦧ꧀​ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦧꦁ​ꦱ​ꦑꦭꦁ​​

꧋ꦲꦶꦁ​​ꦱꦼꦫꦠ꧀ꦲꦁ​ꦒꦼꦂ​ꦤꦮꦭ​ꦥꦿꦢꦠ​ꦲꦶꦁ​​ꦯꦸꦫꦏꦂꦠ꧈​​ꦲꦶꦁ​ꦏꦁ​​ꦏꦠꦶꦠꦶ​ꦠꦁ​ꦒꦭ꧀ 4 ​​ꦎꦏ꧀ꦠꦺꦴꦧꦼꦂ​1818​꧈​​ꦮꦺꦴꦤ꧀ꦠꦼꦤ꧀​ꦲꦶꦁ​ꦏꦁ​​ꦚꦫꦶꦪꦺꦴꦱ꧀ꦱꦏꦼꦤ꧀ꦧꦧ꧀​ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦧꦁ​ꦱ​ꦑꦭꦁ​꧈​​ꦦꦶꦁ​ꦒꦶꦂ​ꦭꦤ꧀꧈​​ꦓꦗꦃꦩꦠꦶ꧉​​ꦲꦶꦁ​​ꦱꦫꦺꦃꦤꦶꦁ​​ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀​ꦠꦶꦪꦁ​​ꦑꦭꦁ​​ꦮꦲꦸ​ꦫꦒꦶ​ꦱꦸꦩꦼꦧꦂ​ꦏꦱꦸꦩꦼꦉꦥ꧀ꦥꦤ꧀ꦲꦶꦁ​​ꦠꦶꦪꦁ​꧈​​ꦲꦶꦁ​​ꦔꦿꦶꦏꦶ​ꦧꦝꦺ​ꦲꦚꦫꦶꦪꦺꦴꦱ꧀ꦱꦏꦼꦤ꧀ꦱꦮꦠꦮꦶꦱ꧀ꦩꦼꦁ​ꦒꦃ​ꦕꦕꦿꦶꦪꦺꦴꦱ꧀ꦱꦤ꧀ꦱꦶꦥꦸꦤ꧀ꦠꦶꦪꦁ​​ꦑꦭꦁ​​ꦮꦲꦸ꧈​​ꦱꦺꦴꦏꦸꦂ​ꦧꦒꦺ​ꦮꦺꦴꦤ꧀ꦠꦼꦤ꧀ꦥꦫ​ꦩꦲꦺꦴꦱ꧀ꦲꦶꦁ​ꦏꦁ​​ꦏꦂꦱ​ꦲꦩꦼꦮꦃꦲꦶ​ꦩꦼꦁ​ꦒꦃ​ꦲꦶꦁ​ꦏꦁ​​ꦢꦢꦺꦴꦱ꧀ꦏꦶꦏꦶꦫꦁ​ꦔꦤ꧀ꦤꦶꦥꦸꦤ꧀꧈​​ꦥꦸꦤꦶꦏ​ꦧꦝꦺ​ꦏꦠꦩ꧀ꦥꦶ​ꦏꦤ꧀ꦛꦶ​ꦱꦸꦏ​ꦧꦶꦔꦃꦲꦶꦁ​​ꦩꦤꦃ꧉​​

꧋ꦩꦼꦁ​ꦒꦃ​ꦏꦭ​ꦥꦸꦤꦥ​ꦮꦶꦮꦶꦠ꧀ꦠꦶꦥꦸꦤ꧀ꦠꦶꦠꦶꦪꦁ​​ꦑꦭꦁ​​ꦢꦼꦢꦸꦤꦸꦁ​​ꦮꦺꦴꦤ꧀ꦠꦼꦤ꧀ꦲꦶꦁ​​ꦠꦤꦃ​ꦗꦮꦶ꧈​​ꦥꦸꦤꦶꦏ​ꦢꦸꦩꦸꦒꦶꦤꦶꦁ​​ꦱꦥꦿꦶꦏꦶ​ꦧꦺꦴꦠꦼꦤ꧀ꦏꦱꦸꦩꦼꦉꦥ꧀ꦥꦤ꧀꧈​​ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦱꦢꦺꦫꦺꦁ​ꦔꦶꦥꦸꦤ꧀ꦲꦒꦩꦶ​ꦆꦱ꧀ꦭꦩ꧀ꦱꦸꦩꦼꦧꦂ​ꦲꦶꦁ​​ꦠꦤꦃ​ꦗꦮꦶ꧈​​ꦠꦶꦠꦶꦪꦁ​​ꦮꦲꦸ​ꦱꦩ꧀ꦥꦸꦤ꧀ꦱꦩꦶ​ꦩꦁ​ꦒꦺꦤ꧀ꦮꦺꦴꦤ꧀ꦠꦼꦤ꧀​ꦲꦶꦁ​​ꦔꦿꦶꦏꦶ꧉​​ꦱꦒꦼꦢ꧀ꦲꦸꦒꦶ​ꦧꦶꦭꦶꦃ​ꦧꦁ​ꦱ​ꦑꦭꦁ​​ꦥꦸꦤꦶꦏ​ꦱꦸꦮꦲꦸꦤꦶꦥꦸꦤ꧀ꦠꦶꦠꦶꦪꦁ​​ꦠꦮꦤꦤ꧀ꦲꦱ꧀ꦭꦶ​ꦱꦏꦶꦁ​​ꦠꦼꦥꦶꦱ꧀ꦮꦶꦫꦶꦁ​ꦔꦶꦥꦸꦤ꧀ꦠꦤꦃ​ꦑꦼꦝꦃ꧈​​ꦑꦼꦭꦺꦴꦁ​​ꦲꦸꦠꦮꦶ​ꦠꦤꦃ​ꦦꦼꦒꦸ꧈​​ꦲꦶꦁ​ꦒꦶꦃ​ꦥꦸꦤꦶꦏ​ꦲꦶꦁ​​ꦠꦲꦸꦤ꧀​ 800 ​​ꦥꦺꦠꦔꦤ꧀ꦱꦏ꧉

​​꧋ꦮꦺꦴꦤ꧀ꦠꦼꦤ꧀​ꦲꦶꦁ​ꦏꦁ​​ꦲꦚꦫꦶꦪꦺꦴꦱ꧀ꦱꦏꦼꦤ꧀꧈​​ꦧꦶꦭꦶꦃ​ꦧꦁ​ꦱ​ꦑꦭꦁ​​ꦥꦸꦤꦶꦏ꧈​​ꦲꦶꦁ​​ꦏꦶꦤꦤꦶꦥꦸꦤ꧀ꦤꦩꦤꦶꦁ​​ꦱꦠꦸꦁ​ꦒꦶꦭ꧀ꦭꦶꦁ​​ꦧꦁ​ꦱ​ꦲꦶꦁ​ꦏꦁ​​ꦧꦺꦴꦠꦼꦤ꧀ꦠꦼꦠꦼꦥ꧀ꦥꦢꦸꦤꦸꦔꦤ꧀ꦤꦶꦥꦸꦤ꧀꧈​​ꦲꦤꦔꦶꦁ​​ꦠꦤ꧀ꦱꦃ​ꦥꦶꦤ꧀ꦝꦃꦥꦶꦤ꧀ꦝꦃ​ꦏꦺꦩꦮꦺꦴꦤ꧀꧉​​ꦱꦉꦁ​​ꦲꦶꦁ​ꦏꦁ​​ꦗꦸꦩꦼꦤꦼꦁ​​ꦤꦠ​ꦲꦶꦁ​​ꦩꦡꦫꦩ꧀꧇​​ꦲꦶꦁ​ꦏꦁ​​ꦯꦶꦟꦸꦲꦸꦤ꧀ꦏꦁ​ꦗꦼꦁ​​ꦯꦸꦭ꧀ꦠꦤ꧀ꦲꦒꦸꦁ​꧈​​ꦠꦶꦠꦶꦪꦁ​​ꦮꦲꦸ​ꦭꦗꦼꦁ​​ꦱꦩꦶ​ꦏꦝꦮꦸꦃꦲꦤ꧀ꦩꦁ​ꦒꦺꦤ꧀ꦲꦶꦁ​​ꦥꦥꦤ꧀ꦲꦶꦁ​ꦏꦁ​​ꦠꦼꦠꦼꦥ꧀꧈​​ꦱꦲ​ꦱꦭꦗꦼꦁ​ꦔꦶꦥꦸꦤ꧀ꦏꦩ꧀ꦥꦸꦁ​ꦔꦶꦥꦸꦤ꧀ꦠꦶꦪꦁ​​ꦑꦭꦁ​​ꦮꦲꦸ​ꦏꦤꦩꦏ꧀ꦲꦏꦼꦤ꧀꧇​​ꦑꦭꦁ​ꦔꦤ꧀꧈​​ꦢꦸꦩꦸꦒꦶꦤꦶꦁ​​ꦱꦩꦁ​ꦏꦺ​ꦲꦶꦁ​​ꦯꦸꦫꦏꦂꦠ​ꦏꦩ꧀ꦥꦸꦁ​​ꦑꦭꦁ​ꦔꦤ꧀ꦮꦲꦸ​ꦲꦶꦁ​ꦒꦶꦃ​ꦮꦺꦴꦤ꧀ꦠꦼꦤ꧀꧈​​ꦲꦶꦁ​ꦏꦁ​​ꦠꦼꦒꦼꦱ꧀ꦱꦶꦥꦸꦤ꧀ꦢꦢꦺꦴꦱ꧀ꦧꦭꦧꦒ꧀ꦥꦢꦸꦤꦸꦁ​ꦔꦤ꧀ꦤꦶꦥꦸꦤ꧀ꦥꦫ​ꦲꦧ꧀ꦢꦶ​ꦢꦊꦩ꧀ꦑꦭꦁ​꧉​​ꦲꦶꦁ​​ꦮꦸꦱꦤ​ꦠꦶꦠꦶꦪꦁ​​ꦑꦭꦁ​​ꦮꦲꦸ​ꦭꦗꦼꦁ​​ꦏꦝꦮꦸꦃꦲꦤ꧀ꦲꦩ꧀ꦧꦪꦂ​ꦥꦲꦺꦴꦱ꧀ꦱꦶꦫꦃ꧈​​ꦥꦲꦺꦴꦱ꧀ꦱꦶꦫꦃ​ꦮꦲꦸ​ꦏꦭ​ꦱꦩꦤ꧀ꦠꦼꦤ꧀ꦠꦶꦠꦶꦪꦁ​​ꦗꦮꦶ​ꦧꦺꦴꦠꦼꦤ꧀ꦏꦮꦗꦶꦧ꧀ꦧꦏꦼꦤ꧀ꦲꦩ꧀ꦧꦪꦂ꧉​​ꦢꦺꦤꦺ​ꦠꦶꦠꦶꦪꦁ​​ꦑꦭꦁ​​ꦮꦲꦸ​ꦥꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦱꦩꦶ​ꦢꦢꦺꦴꦱ꧀ꦲꦸꦤ꧀ꦝꦒꦶ꧈​​ꦱꦲ​ꦢꦶꦥꦸꦤ꧀ꦥꦔꦒꦼꦁ​ꦔꦶ​ꦢꦺꦤꦶꦁ​​ꦱꦠꦸꦁ​ꦒꦶꦭ꧀ꦭꦶꦁ​​ꦧꦸꦥꦠꦶ꧉​​ꦢꦸꦩꦸꦒꦶꦤꦶꦥꦸꦤ꧀​ꦗꦩꦤ꧀ꦯꦸꦫꦏꦂꦠ​ꦲꦸꦒꦶ​ꦠꦏ꧀ꦱꦶꦃ​ꦮꦺꦴꦤ꧀ꦠꦼꦤ꧀ꦥꦢꦩꦼꦭ꧀ꦭꦤ꧀ꦏꦭꦁ​​ꦮꦲꦸ꧉​​ꦮꦸꦱꦤꦤꦶꦥꦸꦤ꧀ꦑꦭꦁ​​ꦮꦲꦸ​ꦭꦗꦼꦁ​​ꦢꦢꦺꦴꦱ꧀ꦤꦩꦤꦶꦁ​​ꦲꦧ꧀ꦢꦶ​ꦢꦊꦩ꧀ꦲꦶꦁ​ꦏꦁ​​ꦏꦥꦱꦿꦃꦲꦤ꧀ꦥꦤ꧀ꦢꦩꦼꦭ꧀ꦭꦤ꧀ꦪꦪꦱꦤ꧀ꦧꦧ꧀ꦏꦗꦼꦁ​꧈​​ꦔꦤ꧀ꦠꦺꦴꦱ꧀ꦢꦸꦩꦸꦒꦶꦤꦶꦥꦸꦤ꧀ꦲꦶꦁ​​ꦗꦩꦤ꧀ꦱꦩꦁ​ꦏꦺ꧈​​ꦱꦲ​ꦲꦶꦁ​ꦒꦶꦃ​ꦠꦏ꧀ꦱꦶꦃ​ꦢꦶꦥꦸꦤ꧀ꦏꦥꦭꦤꦶ​ꦲꦶꦁ​​ꦧꦸꦥꦠꦶ꧈​​ꦲꦶꦁ​ꦏꦁ​​ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇​​ꦧꦸꦥꦠꦶ​ꦑꦭꦁ​꧉​​ꦲꦤꦔꦶꦁ​​ꦥꦸꦤꦥ​ꦲꦧ꧀ꦢꦶ​ꦢꦊꦩ꧀ꦑꦭꦁ​​ꦱꦩꦁ​ꦏꦺ​ꦥꦸꦤꦶꦏ​ꦠꦸꦫꦸꦤꦶꦥꦸꦤ꧀​ꦧꦁ​ꦱ​ꦑꦭꦁ​​ꦏꦢꦺꦴꦱ꧀ꦲꦶꦁ​ꦏꦁ​​ꦏꦕꦿꦶꦪꦺꦴꦱ꧀ꦱꦏꦼꦤ꧀ꦲꦶꦁ​​ꦔꦶꦁ​ꦒꦶꦭ꧀ꦮꦲꦸ꧈​​ꦥꦸꦤꦶꦏ​ꦧꦺꦴꦠꦼꦤ꧀ꦏꦱꦸꦩꦼꦉꦥ꧀ꦥꦤ꧀꧈​​ꦲꦤꦔꦶꦁ​​ꦤꦶꦠꦶꦏ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦢꦺꦴꦱ꧀ꦱꦤꦺꦱ꧀꧉

꧋​​ꦏꦭ​ꦫꦸꦩꦶꦪꦶꦤ꧀ꦧꦁ​ꦱ​ꦑꦭꦁ​​ꦥꦸꦤꦶꦏ​ꦱꦧꦼꦤ꧀ꦱꦧꦠꦶꦃ​ꦢꦶꦥꦸꦤ꧀ꦏꦺꦔꦶꦁ​ꦔꦏꦼꦤ꧀ꦥꦲꦺꦴꦱ꧀ꦱꦫꦶꦁ​ꦒꦶꦠ꧀꧈​​ꦲꦤꦔꦶꦁ​​ꦱꦉꦁ​​ꦲꦶꦁ​ꦏꦁ​​ꦗꦸꦩꦼꦤꦼꦁ​​ꦓꦸꦥꦼꦂꦤꦸꦂ​ꦗꦺꦤ꧀ꦢꦿꦭ꧀ꦲꦶꦁ​​ꦠꦤꦃ​ꦲꦶꦤ꧀ꦢꦶꦪ​ꦱ꧀ꦮꦂꦒꦶ​ꦏꦁ​ꦗꦼꦁ​​ꦠꦸꦮꦤ꧀ꦲꦶꦁ​ꦏꦁ​​ꦮꦶꦕꦏ꧀ꦱꦟ​ꦣꦲꦺꦤ꧀ꦢꦺꦭ꧀ꦱ꧀ꦲꦂꦠ​ꦥꦲꦺꦴꦱ꧀ꦏꦱ꧀ꦧꦸꦠ꧀ꦔꦶꦁ​ꦒꦶꦭ꧀ꦏꦲꦶꦕꦭ꧀ꦭꦏꦼꦤ꧀꧈​​ꦮꦶꦮꦶꦠ꧀ꦥꦸꦤꦶꦏ​ꦠꦶꦠꦶꦪꦁ​​ꦑꦭꦁ​​ꦭꦗꦼꦁ​​ꦩꦶꦮꦶꦠ꧀ꦠꦶ​ꦱꦒꦼꦢ꧀ꦏꦼꦩ꧀ꦥꦭ꧀ꦏꦭꦶꦪꦤ꧀ꦧꦁ​ꦱ​ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧉

꧋​​ꦲꦶꦁ​​ꦗꦩꦤ꧀​ꦩꦡꦫꦩ꧀ꦏꦛꦃ​ꦱꦔꦼꦠ꧀ꦠꦶꦪꦁ​​ꦑꦭꦁ​​ꦲꦶꦁ​ꦏꦁ​​ꦱꦩꦶ​ꦩꦁ​ꦒꦺꦤ꧀​ꦮꦺꦴꦤ꧀ꦠꦼꦤ꧀ꦲꦶꦁ​​ꦩꦡꦫꦩ꧀꧈​​ꦩꦭꦃ​ꦢꦸꦩꦸꦒꦶꦤꦶꦁ​​ꦱꦩꦁ​ꦏꦺ​ꦠꦶꦪꦁ​​ꦑꦭꦁ​​ꦲꦶꦁ​ꦏꦁ​​ꦱꦩꦶ​ꦢꦸꦢꦸꦤꦸꦁ​​ꦮꦺꦴꦤ꧀ꦠꦼꦤ꧀ꦲꦶꦁ​​ꦔꦪꦺꦴ