Kaca:Kajawen 01 1928-01-04.pdf/6

Saka Wikisumber
Kaca iki durung katitiwaca

ꦌꦏꦺꦴꦤꦺꦴꦩꦶ​

꧋ꦥꦔꦶꦤ꧀ꦠꦸꦤ꧀ꦤꦤ꧀ꦥꦶꦱꦁ​​ꦱꦏꦶꦁ​​ꦨꦚꦸꦮꦔꦶ​ꦝꦠꦼꦁ​​ꦎꦱ꧀ꦠꦿꦭꦶ​꧉

꧋ꦱꦧꦼꦤ꧀ꦠꦲꦸꦤ꧀ꦥꦔꦶꦤ꧀ꦠꦸꦤ꧀ꦤꦤ꧀ꦥꦶꦱꦤ꧀ꦱꦏꦶꦁ​​ꦨꦚꦸꦮꦔꦶ​ꦝꦠꦼꦁ​​ꦎꦱ꧀ꦠꦿꦭꦶ꧈ꦥꦸꦤꦶꦏ​ꦏꦠꦶꦔꦭ꧀ꦠꦤ꧀ꦱꦃ​ꦩꦶꦤ꧀ꦝꦏ꧀ꦏꦺꦩꦮꦺꦴꦤ꧀ 1913 ​​ꦥꦶꦱꦁ​​ꦲꦶꦁ​ꦏꦁ​​ꦏꦏꦶꦤ꧀ꦠꦸꦤ꧀ꦤꦏꦼꦤ꧀ꦝꦠꦼꦁ​​ꦎꦱ꧀ꦠꦿꦭꦶ​ꦏꦶꦫꦁ​​ꦭꦁ​ꦏꦸꦁ​​ꦮꦺꦴꦤ꧀ꦠꦼꦤ꧀​ 30.000 ​​ꦠꦸꦤ꧀ꦝꦸꦤ꧀꧈​​ꦲꦤꦔꦶꦁ​​ꦲꦶꦁ​​ꦠꦲꦸꦤ꧀​ 1916 ​​ꦥꦔꦶꦤ꧀ꦠꦸꦤ꧀ꦤꦶꦥꦸꦤ꧀ꦮꦲꦸ​ꦩꦶꦤ꧀ꦝꦏ꧀ꦢꦢꦺꦴꦱ꧀​ 150.000 ​​ꦠꦸꦤ꧀ꦝꦸꦤ꧀꧉​​ꦩꦸꦫꦶꦃ​ꦒꦩ꧀ꦧ꧀ꦭꦁ​ꦔꦶꦥꦸꦤ꧀꧈​​ꦲꦶꦁ​​ꦔꦤ꧀ꦝꦥ꧀​ꦥꦸꦤꦶꦏ​ꦥꦿꦠꦺꦭꦤ꧀ꦕꦕꦃꦲꦶꦁ​​ꦥꦶꦱꦁ​​ꦲꦶꦁ​ꦏꦁ​​ꦏꦏꦶꦤ꧀ꦠꦸꦤ꧀ꦤꦏꦼꦤ꧀ꦝꦠꦼꦁ​​ꦎꦱ꧀ꦠꦿꦭꦶ​ꦲꦶꦁ​​ꦢꦊꦩ꧀ꦱꦠꦲꦸꦤ꧀ꦠꦲꦸꦤ꧀ꦤꦶꦥꦸꦤ꧀꧇​​ꦲꦶꦁ​​ꦠꦲꦸꦤ꧀​ 1913 ꦔꦶꦤ꧀ꦠꦸꦩ꧀ꦤꦏꦼꦤ꧀​30.000 ​​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀ 1914​​ꦔꦶꦤ꧀ꦠꦸꦤ꧀ꦤꦏꦼꦤ꧀​ 60.000 ​​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀ 1915 ​​ꦔꦶꦤ꧀ꦠꦸꦤ꧀ꦤꦏꦼꦤ꧀ 80.000 ​​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀​ 1916 ​ꦔꦶꦤ꧀ꦠꦸꦤ꧀ꦤꦏꦼꦤ꧀ 100.000 ​​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀ 1917 ​​ꦔꦶꦤ꧀ꦠꦸꦤ꧀ꦤꦏꦼꦤ꧀​ 98.000 ​​ꦠꦸꦤ꧀ꦝꦸꦤ꧀​꧋​ꦲꦶꦁ​​ꦠꦲꦸꦤ꧀​ 1918 ​ꦔꦶꦤ꧀ꦠꦸꦤ꧀ꦤꦏꦼꦤ꧀ 90.000 ​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀ 1919 ​​ꦔꦶꦤ꧀ꦠꦸꦤ꧀ꦤꦏꦼꦤ꧀​ 114.000 ​​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀ 1920 ꦔꦶꦤ꧀ꦠꦸꦤ꧀ꦤꦏꦼꦤ꧀​ 104.000 ​​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀ 1921 ꦔꦶꦤ꧀ꦠꦸꦤ꧀ꦤꦏꦼꦤ꧀​ 125.000 ​​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀​ 1922 ꦔꦶꦤ꧀ꦠꦸꦤ꧀ꦤꦏꦼꦤ꧀ 130.000 ​​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀​ 1923 ꦔꦶꦤ꧀ꦠꦸꦤꦏꦼꦤ꧀​ 119.000 ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀​ 1924 ꦔꦶꦤ꧀ꦠꦸꦤ꧀ꦤꦏꦼꦤ꧀​ 137.000​​ꦠꦸꦤ꧀ꦝꦸꦤ꧀​ ꧋​ꦲꦶꦁ​​ꦠꦲꦸꦤ꧀​ 1925​​ꦔꦶꦤ꧀ꦠꦸꦤ꧀ꦤꦏꦼꦤ꧀​ 163.000 ​​ꦠꦸꦤ꧀ꦝꦸꦤ꧀ ​꧋​ꦲꦶꦁ​​ꦠꦲꦸꦤ꧀​ 1926 ꦔꦶꦤ꧀ꦠꦸꦤ꧀ꦤꦏꦼꦤ꧀​ 150.000 ꦠꦸꦤ꧀ꦝꦸꦤ꧀​

꧋ꦤꦭꦶꦏ​ꦲꦶꦁ​​ꦠꦲꦸꦤ꧀​ 1913 ​ꦮꦺꦴꦤ꧀ꦠꦼꦤ꧀ꦥꦏꦼꦩ꧀ꦥꦭ꧀ꦭꦤ꧀ꦢꦒꦁ​​ꦎꦱ꧀ꦠꦿꦭꦶ​ꦒꦝꦃ​ꦱꦼꦢꦾ​ꦧꦝꦺ​ꦢꦢꦒꦁ​ꦔꦤ꧀ꦥꦶꦱꦁ​​ꦝꦠꦼꦁ​​ꦠꦤꦃ​ꦎꦱ꧀ꦠꦿꦭꦶ꧈​​ꦭꦤ꧀ꦥꦶꦱꦁ​​ꦲꦶꦁ​ꦏꦁ​​ꦧꦝꦺ​ꦏꦱꦢꦺ​ꦝꦠꦼꦁ​​ꦎꦱ꧀ꦠꦿꦭꦶ​ꦮꦲꦸ​ꦥꦶꦱꦁ​​ꦠꦤꦼꦩꦤ꧀ꦤꦶꦥꦸꦤ꧀ꦠꦶꦠꦶꦪꦁ​​ꦥꦿꦶꦧꦸꦩꦶ꧈​​ꦱꦭꦗꦼꦁ​ꦔꦶꦥꦸꦤ꧀ꦱꦭꦃ​ꦱꦠꦸꦁ​ꦒꦶꦭ꧀ꦭꦶꦁ​​ꦄꦩ꧀ꦠꦼꦤꦂ​ꦝꦺꦥꦂꦠꦼꦩꦺꦤ꧀ꦭꦤ꧀ꦧꦲꦎ​ꦏꦏꦶꦤ꧀ꦠꦸꦤ꧀ꦤꦏꦼꦤ꧀ꦝꦠꦼꦁ​​ꦎꦱ꧀ꦠꦿꦭꦶ​ꦱꦸꦥꦢꦺꦴꦱ꧀ꦲꦤꦶꦠꦶꦥꦿꦶꦏ꧀ꦱ​ꦥꦸꦤꦥ​ꦥꦢꦒꦁ​ꦔꦤ꧀ꦥꦶꦱꦁ​​ꦲꦶꦁ​​ꦎꦱ꧀ꦠꦿꦭꦶ​ꦥꦸꦤꦶꦏ​ꦱꦒꦼꦢ꧀ꦩꦗꦼꦁ​꧉​​ꦲꦶꦁ​​ꦱꦫꦺꦃꦤꦶꦁ​​ꦠꦸꦩꦿꦥ꧀​ꦄꦩ꧀ꦠꦼꦤꦂ​ꦮꦲꦸ​ꦠꦺꦠꦺꦭ꧈​​ꦧꦶꦭꦶꦃ​ꦢꦒꦁ​ꦔꦤ꧀ꦥꦶꦱꦁ​​ꦲꦶꦁ​​ꦎꦱ꧀ꦠꦿꦭꦶ​ꦧꦝꦺ​ꦏꦛꦃ​ꦥꦥꦗꦼꦁ​ꦔꦤ꧀ꦤꦶꦥꦸꦤ꧀꧈​​ꦲꦩꦶꦭ​ꦝꦺꦥꦂꦠꦼꦩꦺꦤ꧀ꦏꦱ꧀ꦧꦸꦠ꧀ꦔꦶꦁ​ꦒꦶꦭ꧀ꦲꦩꦁ​ꦒꦭꦶꦃ​ꦥꦽꦭꦸ꧈​​ꦧꦶꦭꦶꦃ​ꦥꦿꦏꦮꦶꦱ꧀ꦮꦲꦸ​ꦏꦼꦢꦃ​ꦏꦧꦤ꧀ꦠꦸ​ꦏꦤ꧀ꦛꦶ​ꦱꦩꦼꦱ꧀ꦛꦶꦤꦶꦥꦸꦤ꧀꧉​​

꧋ꦱꦢꦺꦫꦺꦁ​ꦔꦶꦥꦸꦤ꧀​ꦠꦲꦸꦤ꧀​ 1913 ​​ꦥꦏꦼꦩ꧀ꦥꦭ꧀ꦭꦚ꧀ꦕꦒꦁ​​ꦏꦱ꧀ꦧꦸꦠ꧀ꦔꦶꦁ​ꦒꦶꦭ꧀ꦲꦸꦒꦶ​ꦱꦩ꧀ꦥꦸꦤ꧀ꦲꦚꦺꦴꦧꦶ​ꦲꦔꦶꦤ꧀ꦠꦸꦤ꧀ꦤꦏꦼꦤ꧀ꦥꦶꦱꦁ​​ꦄꦩ꧀ꦧꦺꦴꦤ꧀ꦲꦱ꧀ꦭꦶ​ꦱꦏꦶꦁ​​ꦑꦼꦝꦶꦫꦶ꧈​​ꦤꦔꦶꦁ​​ꦥꦶꦱꦁ​​ꦄꦩ꧀ꦧꦺꦴꦤ꧀ꦱꦏꦶꦁ​​ꦨꦚꦸꦮꦒꦶ​ꦥꦸꦤꦶꦏ​ꦝꦠꦼꦁ​ꦔꦶꦥꦸꦤ꧀ꦲꦶꦁ​​ꦠꦤꦃ​ꦎꦱ꧀ꦠꦿꦭꦶ​ꦭꦁ​ꦏꦸꦁ​​ꦱꦲꦺ꧈​​ꦲꦩꦶꦭ​ꦲꦶꦁ​ꦒꦶꦃ​ꦧꦺꦴꦠꦼꦤ꧀ꦏꦺꦔꦶꦁ​​ꦢꦶꦥꦸꦤ꧀ꦥꦲꦶꦧꦼꦤ꧀ꦧꦶꦭꦶꦃ​ꦥꦏꦼꦩ꧀ꦥꦭ꧀ꦭꦤ꧀ꦢꦒꦁ​​ꦮꦲꦸ​ꦭꦗꦼꦁ​​ꦩꦶꦭꦶꦃ​ꦥꦶꦱꦁ​​ꦄꦩ꧀ꦧꦺꦴꦤ꧀ꦮꦼꦢꦭ꧀ꦭꦤ꧀ꦲꦶꦁ​​ꦨꦚꦸꦮꦔꦶ꧉​​ꦲꦤꦔꦶꦁ​​ꦏꦭ​ꦥꦸꦤꦶ