Kaca:Kajawen 01 1928-01-04.pdf/3

Saka Wikisumber
Kaca iki durung katitiwaca

ꦤꦶꦁꦮꦫꦮꦫ꧈​ꦲꦶꦁꦱꦸꦩꦂꦩꦮꦶꦩ꧀ꦧꦤꦶꦫꦏꦁꦩꦸꦂꦮꦤ꧀ꦤꦶ꧈​ꦥꦶꦤꦸꦗꦶꦲꦭꦸꦤꦶꦫ꧉​꧄​ꦩꦾꦁꦮꦶꦤꦫꦃꦲꦶꦔꦁꦏꦃꦱꦪꦼꦏ꧀ꦠꦶ꧈​ꦲꦶꦱꦶꦤꦶꦫꦪ꧀ꦮꦩꦮꦺꦃꦏꦸꦕꦶꦮ꧈​ꦥꦶꦤꦥꦤ꧀ꦠꦼꦱ꧀ꦱꦏꦺꦕꦤꦺ꧈​ꦩꦿꦶꦃꦲꦶꦱꦶꦤꦁꦒꦺꦁꦏꦮꦿꦸꦃ꧈​ꦏꦁꦩꦺꦢꦃꦲꦶꦩꦿꦶꦁꦧꦺꦴꦁꦱꦗꦮꦶ꧈​ꦩꦾꦁꦚꦏꦼꦠ꧀ꦫꦱꦤꦶꦫ꧈​ꦏꦗꦮꦺꦤ꧀ꦱꦠꦸꦲꦸ꧉​ꦩꦶꦮꦃꦏꦮꦿꦸꦃꦮꦂꦤꦮꦂꦤ꧈​ꦲꦶꦁꦏꦁꦢꦲꦠ꧀ꦲꦒꦸꦁꦥꦶꦒꦸꦤꦤꦺꦲꦸꦒꦶ꧈​ꦩꦫꦶꦁꦥꦫꦤꦸꦥꦶꦏ꧀ꦱ꧉​꧄​ꦩꦾꦁꦥꦼꦛꦶꦏ꧀ꦏꦤ꧀ꦏꦲꦤꦤ꧀ꦤꦶꦁꦮꦂꦠꦶ꧈​ꦲꦶꦁꦏꦁꦮꦺꦴꦤ꧀ꦠꦼꦤ꧀ꦭꦭꦢ꧀ꦢꦤ꧀ꦲꦶꦤ꧀ꦝꦶꦪ​.​ꦫꦶꦁꦏꦼꦱ꧀ꦏꦼꦕꦏꦸꦥ꧀ꦥꦽꦭꦸꦤꦺ꧉​ꦏꦤ꧀ꦤꦩꦶꦮꦂꦠꦤꦶꦥꦸꦤ꧀​ꦏꦲꦤꦤ꧀ꦤꦶꦁꦱꦗꦧꦤ꧀ꦤꦒꦿꦶ꧉​ꦩꦾꦁꦗꦒꦢ꧀ꦢꦶꦁꦮꦤꦶꦠ꧉​ꦭꦤ꧀ꦩꦭꦶꦃꦥꦸꦤ꧀ꦦꦺꦠꦿꦸꦏ꧀​ꦲꦁꦒꦸꦁꦢꦺꦤ꧀ꦤꦶꦫꦧꦚꦺꦴꦭ꧀ꦭꦤ꧀​ꦏꦁꦠꦤ꧀ꦏꦼꦤ꧀ꦝꦠ꧀ꦲꦫꦱꦩꦲꦶꦤ꧀ꦕꦼꦩꦼꦛꦶ꧈​ꦩꦸꦁꦭꦒꦸꦱꦼꦱꦼꦩ꧀ꦧꦿꦤꦤ꧀꧈​꧃​ꦩꦾꦁꦲꦶꦁꦩꦁꦏꦾꦥꦸꦤꦁꦏꦭꦮꦂꦠꦶ꧈​ꦥꦤ꧀ꦒꦶꦤꦼꦭꦂꦥꦥꦤ꧀ꦤꦺꦲꦮꦶꦪꦂ꧈​ꦚꦣꦶꦪꦤ꧀ꦤꦶꦏꦉꦤꦤ꧀ꦤꦺ꧈​ꦥꦫꦏꦁꦲꦸꦭꦃꦏꦶꦢꦸꦁ꧈​ꦩꦸꦁꦥꦶꦤꦸꦗꦶꦥꦺꦢꦃꦲꦺꦲꦸꦒꦶ꧈​ꦤꦸꦤꦸꦤ꧀ꦠꦤ꧀ꦲꦸꦭꦃꦏꦿꦶꦣ꧈​ꦫꦔꦱ꧀ꦗꦮꦭꦸꦒꦸ꧈​ꦭꦤ꧀ꦤꦤꦔꦶꦏꦲꦺꦔꦼꦠ꧀ꦠꦤ꧀​ꦩꦿꦶꦃꦠꦸꦩꦤꦼꦩ꧀ꦠꦩꦤ꧀ꦥꦩꦼꦤ꧀ꦔꦁꦒꦶꦠ꧀ꦲꦁꦒꦶꦠ꧀​ꦏꦁꦱꦶꦤꦮꦸꦁꦲꦶꦁꦱꦼꦏꦂ꧉​꧃ ꦭꦮꦤ꧀ꦲꦸꦒꦶꦉꦣꦏ꧀ꦱꦶꦤꦩ꧀ꦥꦺꦤ꧀ꦤꦶ꧈​ꦥꦠꦤ꧀ꦚꦤ꧀ꦤꦶꦁꦏꦁꦥꦫꦊꦁꦒꦤ꧀ꦤꦤ꧀​ꦏꦁꦏꦶꦤ꧀ꦠꦼꦤ꧀ꦩꦮꦺꦃꦥꦺꦢꦃꦲꦺ꧈​ꦲꦫꦤ꧀ꦠꦸꦤ꧀ꦠꦸꦤ꧀ꦠꦶꦤꦸꦤ꧀ꦠꦸꦤ꧀​ꦲꦩ꧀ꦧꦏꦤ꧀ꦤꦶꦥꦼꦠꦼꦁꦔꦶꦁꦲꦠꦶ꧉​ꦲꦥꦤ꧀ꦩꦁꦏꦺꦠꦺꦠꦺꦭ꧈​ꦲꦶꦁꦏꦲꦤꦤ꧀ꦤꦶꦥꦸꦤ꧀​ꦏꦗꦮꦺꦤ꧀ꦱꦪꦱꦸꦩꦿꦩ꧀ꦧꦃ꧈​ꦢꦠꦤ꧀ꦥꦶꦱꦤ꧀ꦏꦮꦸꦂꦪꦤ꧀ꦩꦼꦁꦏꦸꦥꦏꦺꦴꦭꦶꦃ꧈​ꦏꦁꦲꦶꦔꦫꦤ꧀ꦠꦤ꧀ꦪꦺꦴꦒꦾ꧉​꧄​ꦲꦶꦁꦮꦸꦱꦤꦠꦤ꧀ꦏꦼꦤ꧀ꦝꦠ꧀ꦩꦩꦸꦗꦶ꧈​ꦩꦾꦁꦤꦸꦤꦸꦮꦸꦤ꧀ꦩꦿꦶꦁꦥꦫꦊꦁꦒꦤ꧀ꦤꦤ꧀​ꦩꦿꦶꦃꦱꦼꦠꦾꦲꦶꦁꦥꦩ꧀ꦧꦪꦂꦫꦺ꧈​ꦠꦤ꧀ꦤꦥꦶꦲꦩ꧀ꦧꦶꦪꦤ꧀ꦠꦸ꧈​ꦲꦤ꧀ꦠꦸꦏ꧀ꦫꦺꦴꦮꦁꦊꦁꦒꦤ꧀ꦤꦤ꧀ꦩꦭꦶꦃ꧉​ꦠꦶꦤ꧀ꦢꦏ꧀ꦲꦶꦁꦏꦁꦩꦁꦏꦤ꧈​ꦲꦶꦁꦥꦶꦒꦸꦤꦤꦶꦥꦸꦤ꧀​ꦢꦢꦾꦠꦸꦤ꧀ꦠꦸꦤ꧀ꦤꦤ꧀ꦱꦪꦺꦴꦒ꧈​ꦲꦚ꧀ꦗꦼꦩ꧀ꦧꦂꦏꦼꦤ꧀ꦠꦼꦧꦤꦶꦁꦏꦗꦮꦺꦤ꧀ꦪꦼꦏ꧀ꦠꦶ꧈​ꦩꦿꦶꦃꦱꦸꦩꦼꦧꦂꦮꦫꦠ꧉​꧄​ꦭꦤ꧀ꦥꦶꦤꦶꦤ꧀ꦠꦱꦽꦤ꧀ꦝꦤꦶꦁꦥꦁꦒꦭꦶꦃ꧈​ꦏꦉꦤꦤ꧀ꦤꦲꦸꦫꦸꦤ꧀ꦏꦏꦫꦁꦔꦤ꧀​ꦏꦁꦩꦺꦢꦃꦲꦶꦥꦶꦒꦸꦤꦤꦺ꧉​ꦏꦥꦤ꧀ꦠꦶꦤꦶꦠꦶꦱꦩ꧀ꦥꦸꦤ꧀​ꦏꦁꦮꦮꦫꦃꦩꦺꦴꦁꦏꦩꦸꦫꦮꦤ꧀ꦤꦶ꧈​ꦮꦶꦩ꧀ꦧꦤꦶꦫꦺꦁꦮꦶꦮꦶꦠ꧀ꦠꦤ꧀​ꦲꦶꦁꦥꦸꦂꦮꦤꦶꦁꦠꦲꦸꦤ꧀​ꦠꦼꦠꦼꦥ꧀ꦥꦲꦶꦁꦮꦸꦫꦶꦤꦶꦫ꧈​ꦲꦤꦸꦩꦸꦱ꧀ꦱꦶꦏꦢꦶꦱꦫꦱꦤꦶꦁꦥꦸꦗꦶ꧈ꦲꦩꦿꦶꦃꦮꦶꦢꦢꦤꦶꦫ꧉


ꦫꦲꦺꦴꦱ꧀ꦗꦮꦶ

꧋ꦫꦲꦺꦴꦱ꧀ꦠꦸꦩꦿꦥ꧀ꦲꦶꦁꦒꦺꦴꦁꦱ꧉

꧋ꦩꦼꦁꦒꦃꦲꦶꦁꦧꦺꦴꦁꦱꦗꦮꦶ꧈​ꦠꦩ꧀ꦠꦸꦧꦺꦴꦠꦼꦤ꧀ꦏꦶꦏꦶꦭꦥ꧀ꦥꦤ꧀ꦝꦠꦼꦁꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦒꦺꦴꦁꦱ꧈​ꦲꦮꦶꦠ꧀ꦥꦸꦤꦶꦏꦩꦺꦴꦏꦺꦔꦶꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦱꦩ꧀ꦥꦸꦤ꧀ꦢꦢꦺꦴꦱ꧀ꦏꦤ꧀ꦛꦶꦤꦶꦥꦸꦤ꧀​ꦏꦺꦔꦶꦁꦏꦁꦒꦺꦱꦫꦤꦲꦔ꧀ꦭꦲꦶꦂꦫꦏꦼꦤ꧀ꦫꦲꦺꦴꦱ꧀ꦧꦶꦔꦃꦲꦶꦁꦩꦤꦃ꧈​ꦧꦧ꧀ꦲꦶꦁꦲꦸꦔꦼꦭ꧀ꦭꦶꦥꦸꦤ꧀ꦲꦶꦁꦏꦁꦫꦶꦤꦫꦱ꧀ꦱꦏꦼꦤ꧀ꦲꦶꦁꦒꦼꦤ꧀ꦝꦶꦁ꧈​ꦱꦒꦼꦢ꧀ꦤꦸꦮꦸꦃꦲꦏꦼꦤ꧀ꦫꦲꦺꦴꦱ꧀ꦮꦂꦤꦶꦮꦂꦤꦶ꧈​ꦲꦶꦁꦏꦁꦒꦽꦒꦼꦠ꧀​ꦱꦒꦼꦢ꧀ꦲꦢꦩꦼꦭ꧀ꦒꦩ꧀ꦧꦶꦫꦤꦶꦁꦩꦤꦃ꧈​ꦲꦶꦁꦏꦁꦔꦼꦉꦱ꧀​ꦔꦤ꧀ꦠꦺꦴꦱ꧀ꦱꦒꦼꦢ꧀ꦢꦩꦼꦭ꧀ꦠꦽꦚꦸꦃ꧉​ꦲꦶꦁꦏꦁꦩꦏꦠꦼꦤ꧀ꦮꦲꦸꦢꦢꦺꦴꦱ꧀ꦠꦺꦠꦺꦭꦧꦶꦭꦶꦃꦒꦺꦴꦁꦱꦥꦸꦤꦶꦏꦱꦠꦸꦁꦒꦭ꧀ꦭꦶꦁꦪꦪꦱꦤ꧀ꦭꦶꦤꦁꦏꦸꦁ꧈​ꦏꦢꦺꦺꦴꦱ꧀ꦏꦼꦢꦸꦤꦸꦁꦔꦤ꧀ꦢꦪ ꦥꦁꦒꦺꦤ꧀ꦢꦺꦁꦲꦶꦁꦏꦁꦔꦺꦔꦶꦁꦔꦶꦣꦠꦼꦁꦢꦪꦒꦼꦱꦁꦔꦶꦁꦠꦶꦪꦁ꧈​ꦭꦤ꧀ꦠꦺꦠꦺꦭꦧꦶꦭꦶꦃꦲꦶꦁꦏꦁꦪꦱꦲꦶꦁꦒꦶꦃꦥꦫꦭꦶꦤꦁꦏꦸꦁꦲꦶꦁꦧꦸꦢꦶ꧈​ꦲꦮꦶꦠ꧀ꦱꦢꦪꦲꦤ꧀ꦠꦸꦏ꧀ꦲꦤ꧀ꦠꦸꦏ꧀ꦏꦤ꧀ꦤꦶꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀​ꦤꦩꦸꦁꦱꦂꦮꦲꦔꦺꦔꦶꦁꦔꦶꦣꦠꦼꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦩꦤꦸꦁꦱ꧈​ꦩꦭꦃꦱꦮꦼꦤꦺꦃꦮꦺꦴꦤ꧀ꦠꦼꦤ꧀ꦲꦶꦁꦏꦁꦭꦗꦼꦁꦢꦶꦥꦸꦤ꧀ꦭꦺꦫꦺꦒ꧀ꦒꦏꦼꦤ꧀ꦝꦠꦼꦁꦔꦺꦭ꧀ꦩꦸꦏꦱꦩ꧀ꦥꦸꦂꦤꦤ꧀꧈​ꦭꦺꦫꦺꦒ꧀ꦲꦶꦁꦏꦁꦩꦏꦠꦼꦤ꧀ꦮꦲꦸꦠꦸꦩꦿꦥ꧀ꦥꦶꦥꦸꦤ꧀ꦧꦺꦴꦁꦱꦗꦮꦶꦲꦔꦁꦒꦼꦥ꧀ꦱꦩ꧀ꦥꦸꦤ꧀ꦏꦼꦏꦼꦠꦺꦴꦒ꧀ꦒꦤ꧀​ꦲꦮꦶꦠ꧀ꦩꦼꦁꦒꦃꦲꦶꦁꦲꦶꦁꦒꦶꦭ꧀ꦭꦶꦁꦱꦼꦱꦼꦉꦥ꧀ꦥꦤ꧀​ꦩꦤꦮꦶꦲꦺꦚ꧀ꦕꦺꦴꦏ꧀ꦏꦶꦥꦸꦤ꧀ꦱꦩ꧀ꦥꦸꦤ꧀ꦩꦿꦶꦏꦸ꧈​ꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦒꦃꦲꦶꦥꦸꦤ꧀ꦩꦭꦶꦃ꧉