Kaca:Kajawen 01 1928-01-04.pdf/19

Saka Wikisumber
Kaca iki durung katitiwaca

ꦮꦮꦲꦺꦴꦱ꧀ꦱꦤ꧀

꧋ꦱꦸꦱꦸꦥꦼ​ꦲꦒꦼꦩ꧀ꦩꦶꦥꦸꦤ꧀ꦫꦗꦥꦸꦠꦿꦶ​ꦲꦶꦁ​ꦯꦼꦧ꧉​

꧇꧓꧇

꧋ꦱꦸꦱꦸꦥꦼ​ꦮꦺꦴꦤ꧀ꦠꦼꦤ꧀ꦲꦶꦁ​ꦤꦒꦫꦶ​ꦆꦔꦿꦱ꧀꧈

꧋​ꦏꦸꦭ​ꦤꦸꦤ꧀ꦠꦼꦤ꧀ꦩꦶꦮꦶꦠ꧀ꦠꦶ​ꦕꦫꦶꦪꦺꦴꦱ꧀ꦩꦏꦠꦼꦤ꧀꧇​ꦏꦢꦺꦴꦱ꧀ꦲꦶꦁ​ꦏꦁ​ꦏꦝꦮꦸꦃꦲꦏꦼꦤ꧀ꦢꦼꦤꦶꦁ​ꦠꦸꦮꦤ꧀ꦥꦿꦺꦴꦥꦼꦱꦺꦴꦂ​ꦮꦲꦸ꧈​ꦏꦸꦭ​ꦏꦕꦼꦥꦼꦁ​ꦢꦼꦤꦶꦁ​ꦥꦫ​ꦏꦭꦶꦥꦃ​ꦱꦂꦠ​ꦢꦢꦺꦴꦱ꧀ꦠꦲꦤ꧀ꦤꦤ꧀ꦔꦤ꧀ꦠꦺꦴꦱ꧀ꦒꦁ​ꦱꦭ꧀ꦠꦲꦸꦤ꧀ꦭꦩꦶꦤꦶꦥꦸꦤ꧀꧉​ꦥꦔꦶꦤ꧀ꦠꦼꦤ꧀ꦏꦸꦭ​ꦤꦩꦸꦁ​ꦏꦸꦭ​ꦥꦶꦪꦩ꧀ꦧꦏ꧀ꦲꦶꦁ​ꦏꦁ​ꦧꦺꦴꦠꦼꦤ꧀ꦲꦔꦿꦱꦸꦏ꧀ꦲꦒꦩꦶ​ꦆꦱ꧀ꦭꦩ꧀꧈​ꦱꦂꦠ​ꦲꦶꦁ​ꦏꦁ​ꦧꦺꦴꦠꦼꦤ꧀ꦥꦶꦤꦼꦗꦃꦲꦤ꧀꧉​ꦲꦶꦁ​ꦏꦁ​ꦩꦏꦠꦼꦤ꧀ꦮꦲꦸ​ꦩꦂꦒꦶ​ꦗꦭꦂꦫꦤ꧀ꦏꦸꦭ​ꦥꦸꦤꦶꦏ​ꦝꦺꦴꦏ꧀ꦠꦼꦂ꧈​ꦧꦺꦴꦏ꧀ꦩꦤꦮꦶ​ꦮꦺꦴꦤ꧀ꦠꦼꦤ꧀ꦲꦸꦒꦶ​ꦥꦲꦼꦢꦃꦲꦶꦥꦸꦤ꧀ꦝꦠꦼꦁ​ꦠꦶꦠꦶꦪꦁ​ꦮꦲꦸ꧉​ꦱꦭꦗꦼꦁ​ꦔꦶꦥꦸꦤ꧀ꦏꦸꦭ​ꦔꦸꦩ꧀ꦧꦫ​ꦤꦸꦫꦸꦠ꧀ꦱꦒꦤ꧀ꦠꦼꦤ꧀ꦮꦼꦝꦶ​ꦱꦶꦱꦶꦃ​ꦭꦺꦂ꧈​ꦔꦸꦥꦢꦺꦴꦱ꧀ꦱꦶ​ꦲꦤꦏ꧀ꦏꦸꦭ​ꦥꦸꦤ꧀ Roderick꧉​ꦠꦸꦮꦤ꧀ꦥꦿꦺꦴꦥꦼꦱꦺꦴꦂ​ꦧꦺꦴꦏ꧀ꦩꦤꦮ​ꦲꦶꦪ​ꦲꦶꦱꦶꦃ​ꦏꦺꦔꦼꦠ꧀ꦠꦤ꧀ꦩꦫꦁ​ꦲꦤꦏ꧀ꦏꦸ​ꦩꦲꦸ꧈​ꦲꦮꦶꦠ꧀ꦤꦭꦶꦏ​ꦲꦤ​ꦲꦶꦁ​ꦩꦼꦯꦶꦂ​ꦱꦫꦶꦫꦩꦸ​ꦥꦿꦱꦱꦠ꧀ꦧꦥꦏ꧀ꦏꦼ​ꦲꦁ​ꦏꦠ꧀꧈​ꦏꦗꦧ​ꦲꦶꦏꦸ​ꦲꦏꦸ​ꦲꦶꦪ​ꦱꦺꦴꦏ꧀ꦔꦶꦫꦶꦩ꧀ꦩꦏꦼ​ꦥꦺꦴꦠꦿꦺꦠ꧀ꦠꦼ​ꦤꦭꦶꦏ​ꦲꦶꦱꦶꦃ​ꦕꦶꦭꦶꦏ꧀꧉​ꦠꦸꦮꦤ꧀ꦥꦿꦺꦴꦥꦼꦱꦺꦴꦂ꧇​ꦧꦼꦤꦼꦂ​ꦥꦔꦤ꧀ꦢꦶꦏꦩꦸ​ꦲꦶꦏꦸ꧈​ꦝꦺꦴꦏ꧀ꦠꦼꦂ꧈​ꦮꦶꦱ꧀ꦱꦮꦠꦫ​ꦠꦲꦸꦤ꧀ꦭꦮꦱ꧀ꦱꦼ​ꦲꦏꦸ​ꦠꦩ꧀ꦥ​ꦭꦪꦁ​ꦱꦏ​ꦥꦸꦠꦿꦩꦸ​ꦲꦶꦏꦸ꧈​ꦏꦁ​ꦢꦶꦠꦸꦭꦶꦱ꧀ꦏꦧꦼꦤꦼꦂꦫꦤ꧀ꦲꦶꦁ​ꦢꦶꦤ​ꦒꦤ꧀ꦠꦶꦤꦶꦁ​ꦠꦲꦸꦤ꧀꧉​ꦤꦔꦶꦁ​ꦔꦤ꧀ꦠꦶ​ꦱꦥꦽꦤꦼ​ꦲꦏꦸ​ꦲꦺꦴꦫ​ꦏꦿꦸꦔꦸ​ꦩꦤꦺꦃ​ꦏꦧꦉ꧈​ꦎ꧈​ Adams꧈​ꦱꦲꦶꦏꦶ​ꦥꦸꦠꦿꦩꦸ​ꦲꦤ​ꦲꦶꦁ​ꦔꦼꦤ꧀ꦢꦶ꧉​

꧋ꦏꦸꦭ​ꦤꦸꦤ꧀ꦠꦼꦤ꧀ꦲꦔ꧀ꦭꦗꦼꦁ​ꦔꦏꦼꦤ꧀ꦕꦫꦶꦪꦺꦴꦱ꧀ꦏꦸꦭ꧇​ꦱꦱꦩ꧀ꦥꦸꦤ꧀ꦤꦶꦁ​ꦥꦼꦗꦃ​ꦧꦶꦪꦸꦁ​ꦔꦶꦥꦸꦤ꧀ꦥꦸꦤ꧀ Roderick ꦏꦺꦱꦃ​ꦲꦩ꧀ꦧꦸꦧꦸꦗꦼꦁ​ꦧꦗꦸꦭ꧀ꦝꦠꦼꦁ​ꦲꦶꦁ​ꦭꦺꦥꦺꦤ꧀꧈​ꦱꦤꦗꦤ꧀ꦲꦶꦁ​ꦏꦁ​ꦩꦏꦠꦼꦤ꧀ꦥꦸꦤꦶꦏ​ꦲꦤꦼꦫꦏ꧀ꦮꦮꦊꦂ​ꦏꦸꦭ꧉​ꦏꦭ​ꦱꦩꦤ꧀ꦠꦼꦤ꧀ꦱꦮꦼꦒ꧀ꦲꦸꦩꦸꦂ​ꦏꦭꦶꦃ​ꦮꦼꦭꦱ꧀ꦠꦲꦸꦤ꧀꧉​ꦏꦊꦉꦱ꧀ꦱꦤ꧀ꦮꦺꦴꦤ꧀ꦠꦼꦤ꧀ꦧꦁ​ꦱ​ꦩꦃꦢꦶ​ꦔꦸꦩ꧀ꦧꦫ​ꦢꦸꦩꦸꦒꦶ​ꦲꦶꦁ​ Assouan꧉​ꦥꦸꦤ꧀ Roderick ꦏꦺꦔꦶꦁ​ꦢꦶꦥꦸꦤ꧀ꦲꦥꦸꦱ꧀ꦱꦶ​ꦢꦼꦤꦶꦁ​ꦧꦁ​ꦱ​ꦩꦃꦢꦶ​ꦮꦲꦸ꧈​ꦤꦸꦤ꧀ꦠꦼꦤ꧀ꦏꦱꦢꦼ​ꦝꦠꦼꦁ​ꦠꦶꦪꦁ​ꦱꦤꦺꦱ꧀꧈​ꦢꦢꦺꦴꦱ꧀ꦉꦚ꧀ꦕꦁ​ꦠꦸꦩ꧀ꦧꦱ꧀ꦱꦤ꧀꧉​ꦮꦶꦮꦶꦠ꧀ꦏꦭ​ꦱꦩꦤ꧀ꦠꦼꦤ꧀ꦏꦸꦭ​ꦠꦤ꧀ꦱꦃ​ꦔꦸꦩ꧀ꦧꦫ​ꦔꦸꦥꦢꦺꦴꦱ꧀ꦱꦶ​ꦥꦶꦪꦩ꧀ꦧꦏ꧀ꦏꦶꦥꦸꦤ꧀꧈​ꦲꦮꦶꦠ꧀ꦥꦸꦤ꧀ Roderick ꦠꦤ꧀ꦱꦃ​ꦒꦺꦴꦤ꧀ꦠꦱ꧀ꦒꦤ꧀ꦠꦺꦴꦱ꧀ꦧꦼꦤ꧀ꦢꦫ꧉​ꦲꦶꦁ​ꦱꦫꦺꦃꦤꦼ​ꦭꦉ​ꦮꦲꦸ​ꦥꦶꦤ꧀ꦠꦼꦂ​ꦤꦼꦩ꧀ꦧꦁ​ꦱꦂꦠ​ꦩꦔꦼꦂꦠꦺꦴꦱ꧀ꦝꦠꦼꦁ​ꦧꦧ꧀ꦩꦸꦱꦶꦏ꧀꧈​ꦧꦺꦴꦏ꧀ꦩꦤꦮꦶ​ꦢꦔꦸ​ꦢꦔꦸ​ꦲꦶꦁ​ꦒꦶꦃ​ꦱꦒꦼꦢ꧀ꦤꦧꦸꦃ​ꦠꦠꦧꦸꦃꦲꦤ꧀ꦤꦶꦥꦸꦤ꧀ꦧꦁ​ꦱ​ꦧꦁ​ꦱ​ꦲꦶꦁ​ꦄꦦꦿꦶꦏꦃ꧉​ꦲꦶꦁ​ꦒꦶꦃ​ꦱꦏꦶꦁ​ꦏꦺꦴꦤ꧀ꦝꦁ​ꦔꦶꦁ​ꦏꦱꦒꦼꦢ꧀ꦢꦤ꧀ꦤꦶꦥꦸꦤ꧀ꦲꦶꦁ​ꦧꦧ꧀ꦩꦸꦱꦶꦏ꧀ꦭꦤ꧀ꦠꦼꦩ꧀ꦧꦁ​ꦮꦲꦸ​ꦲꦶꦁ​ꦏꦁ​ꦲꦚ꧀ꦗꦭꦂꦫꦶ​ꦲꦁ​ꦒꦺꦤ꧀ꦏꦸꦭ​ꦠꦤ꧀ꦱꦃ​ꦱꦒꦼꦢ꧀ꦱꦸꦩꦼꦉꦥ꧀ꦥꦢꦸꦤꦸꦁ​ꦔꦤ꧀ꦤꦶꦥꦸꦤ꧀꧉​ꦧꦺꦴꦁ​ꦱ​ꦄꦫꦧ꧀ꦩꦱ꧀ꦠꦤ꧀ꦤꦶ​ꦥꦸꦤ꧀ Roderick ꦠꦸꦏꦁ​ꦠꦼꦩ꧀ꦧꦁ​ꦱꦏꦶꦁ​ꦲꦶꦁ​ꦩꦼꦯꦶꦂ꧈​ꦲꦮꦶꦠ꧀ꦩꦤꦮꦶ​ꦤꦼꦩ꧀ꦧꦁ​ꦱ꧀ꦮꦫꦤꦶꦥꦸꦤ꧀ꦱꦲꦼ​ꦱꦔꦼꦠ꧀꧉​ꦱꦥꦸꦤꦶꦏ​ꦥꦸꦤ꧀ Roderick ꦢꦢꦺꦴꦱ꧀ꦉꦚ꧀ꦕꦁ​ꦠꦸꦩ꧀ꦧꦱ꧀ꦱꦤ꧀ꦤꦶꦥꦸꦤ꧀ꦧꦺꦴꦁ​ꦱ​ Fung​꧈​ꦲꦶꦁ​ꦏꦁ​ꦢꦸꦢꦸꦤꦸꦁ​ꦲꦶꦁ​ꦠꦼꦔꦃ​ꦠꦼꦔꦃꦲꦶꦁ​ꦠꦤꦃ​ꦄꦦꦿꦶꦏꦃ​ꦱꦶꦱꦶꦃ​ꦭꦺꦂ꧉​ꦱꦉꦁ​ꦥꦫ​ꦏꦭꦶꦥꦃ​ꦏꦱꦺꦴꦂꦫꦤ꧀ꦥꦼꦫꦁ​ꦔꦶꦥꦸꦤ꧀꧈​ꦏꦸꦭ​ꦭꦗꦼꦁ​ꦧꦶꦝꦭ꧀ꦝꦠꦼꦁ​ꦤꦒꦫꦶꦤꦶꦥꦸꦤ꧀ꦧꦁ​ꦱ​ Fung ꦮꦲꦸ​ꦔꦸꦥꦢꦺꦴꦱ꧀ꦱꦶ​ꦥꦶꦪꦩ꧀ꦧꦏ꧀ꦏꦶꦥꦸꦤ꧀꧈​ꦱꦱꦉꦁ​ꦔꦤ꧀ꦏꦭꦶꦪꦤ꧀ꦥꦫ​ꦱꦸꦢꦒꦂ​ꦧꦺꦴꦁ​ꦱ​ꦧꦢꦸꦮꦶ​ꦲꦶꦁ​ꦏꦁ​ꦏꦼꦱꦃ​ꦢꦢꦒꦁ​ꦔꦤ꧀ꦝꦠꦼꦁ​ꦤꦒꦫꦶꦤꦶꦥꦸꦤ꧀ꦧꦁ​ꦱ​ Fung ​ꦥꦸꦤꦶꦏ꧉​ꦭꦩ꧀ꦥꦃ​ꦏꦸꦭ​ꦔꦤ꧀ꦠꦺꦴꦱ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦠꦲꦸꦤ꧀ꦭꦩꦶꦤꦶꦥꦸꦤ꧀꧉​ꦏꦸꦭ​ꦲꦶꦁ​ꦒꦶꦃ​ꦩꦔꦁ​ꦒꦼ​ꦏꦢꦺꦴꦱ꧀ꦠꦶꦪꦁ​ꦨꦢꦸꦮꦶ꧉​ꦲꦤꦸꦗꦸ​ꦲꦶꦁ​ꦮꦚ꧀ꦕꦶ​ꦢꦭꦸ꧈​ꦏꦸꦭ​ꦱꦏꦚ꧀ꦕ​ꦏꦺꦤ꧀ꦢꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦥꦱꦶꦠꦺꦤ꧀ꦲꦶꦁ​ꦏꦁ​ꦊꦝꦺꦴꦏ꧀ꦲꦶꦁ​ꦱꦗꦮꦶꦤꦶꦁ​ꦥꦒꦼꦂ​ꦠꦼꦩ꧀ꦧꦺꦴꦏ꧀ꦲꦶꦁ​ꦏꦁ​ꦔꦸꦧꦼꦁ​ꦔꦶ​ꦥꦁ​ꦒꦼꦤ꧀ꦤꦤ꧀ꦱꦸꦕꦶ꧉​ꦲꦶꦁ​ꦱꦊꦧꦼꦠ꧀ꦠꦶꦁ​ꦥꦒꦼꦂ​ꦠꦼꦩ꧀ꦧꦺꦴꦏ꧀ꦮꦲꦸ​ꦮꦺꦴꦤ꧀ꦠꦼꦤ꧀ꦧꦿꦲꦭꦤꦶꦥꦸꦤ꧀ꦲꦶꦁ​ꦏꦁ​ꦱꦶꦤꦼꦩ꧀ꦧꦃ​ꦱꦼꦩ꧀ꦧꦃ​ꦢꦼꦤꦶꦁ​ꦧꦺꦴꦁ​ꦱ​ Fung​꧉​ꦏꦸꦭ​ꦤꦸꦤ꧀ꦠꦼꦤ꧀ꦤꦸꦩ꧀ꦥꦏ꧀ꦏꦥꦭ꧀ꦲꦔꦼꦤꦼꦂ​ꦥꦒꦼꦂ​ꦠꦼꦩ꧀ꦧꦺꦴꦏ꧀ꦮꦲꦸ꧉​ꦱꦏꦶꦁ​ꦲꦶꦁ​ꦏꦺꦴꦫꦶꦤꦶꦁ​ꦒꦥꦸꦫ​ꦲꦶꦁ​ꦏꦁ​ꦏꦊꦉꦱ꧀ꦱꦤ꧀ꦩꦼꦔ꧈​ꦏꦸꦭ​ꦩꦶꦉꦁ​ꦠꦶꦪꦁ​ꦩꦼꦚꦚꦶ꧈​ꦱ꧀ꦮꦫꦤꦶꦥꦸꦤ꧀ꦱꦲꦼ​ꦱꦔꦼꦠ꧀꧈​ꦭꦒꦸꦤꦶꦥꦸꦤ꧀ꦭꦒꦸꦤꦶꦁ​ꦥꦫ​ꦔꦸꦭꦩ​ꦆꦔ꧀ꦒꦿꦶꦱ꧀ꦲꦶꦁ​ꦏꦁ​ꦲꦱꦿꦶꦁ​ꦏꦸꦭ​ꦮꦸꦭꦁ​ꦔꦏꦼꦤ꧀ꦝꦠꦼꦁ​ꦲꦤꦏ꧀ꦏꦸꦭ꧉​ꦧꦺꦴꦠꦼꦤ꧀ꦲꦤ꧀ꦠꦮꦶꦱ꧀ꦢꦔꦸ​ꦠꦼꦠꦼꦭ꧈​ꦧꦶꦭꦶꦃ​ꦱ꧀ꦮꦫ​ꦥꦸꦤꦶꦏ​ꦱ꧀ꦮꦫꦤꦶꦥꦸꦤ꧀ꦲꦤꦏ꧀ꦏꦸꦭ꧉​ꦏꦸꦭ​ꦤꦸꦤ꧀ꦠꦼꦤ꧀ꦩꦤ꧀ꦝꦥ꧀ꦱꦏꦶꦁ​ꦲꦶꦁ​ꦏꦥꦭ꧀ꦭꦗꦼꦁ​ꦭꦸꦩꦼꦧꦼꦠ꧀ꦝꦠꦼꦁ​ꦲꦶꦁ​ꦥꦁ​ꦒꦼꦤ꧀ꦤꦤ꧀ꦲꦶꦁ​ꦏꦁ​ꦱꦸꦕꦶ​ꦮꦲꦸ​ꦩꦼꦢꦭ꧀ꦲꦶꦁ​ꦒꦥꦸꦫ​ꦲꦶꦁ​ꦏꦁ​ꦏꦺꦴꦫꦶꦤꦶꦥꦸꦤ꧀ꦥꦶꦤꦸꦗꦸ​ꦩꦼꦔ​ꦥꦸꦤꦶꦏ꧉​ꦭꦩ꧀ꦥꦃ​ꦏꦸꦭ​ꦲꦭꦺꦴꦤ꧀ꦲꦭꦺꦴꦤ꧀ꦤꦤ꧀ꦲꦚ꧀ꦗꦺꦴꦒ꧀ꦲꦶꦁ​ꦥꦁ​ꦒꦼꦤ꧀ꦤꦤ꧀ꦗꦼꦩ꧀ꦧꦂ꧉​ꦲꦶꦁ​ꦔꦿꦶꦏꦸ​ꦏꦸꦭ​ꦤꦶꦔꦭ꧀ꦭꦶ​ꦠꦶꦪꦁ​ꦤꦼꦤꦼꦩ꧀ꦩꦤ꧀ꦭꦶꦁ​ꦒꦶꦃ​ꦲꦶꦁ​ꦥꦁ​ꦒꦼꦤ꧀ꦤꦤ꧀ꦲꦶꦁ​ꦏꦁ​ꦫꦒꦶ​ꦲꦶꦁ​ꦒꦶꦭ꧀꧈​ꦲꦚꦏꦼꦠ꧀ꦠꦶ​ꦢꦶꦭꦃ​ꦱꦮꦠꦮꦶꦱ꧀꧈​ꦏꦲꦝꦼꦥ꧀ꦲꦶꦁ​ꦠꦶꦠꦶꦪꦁ​ꦲꦶꦁ​ꦏꦁ​ꦱꦩꦶ​ꦩꦶꦉꦁ​ꦔꦏꦼꦤ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦩꦼꦚꦚꦶ꧉​ꦱꦉꦁ​ꦏꦸꦭ​ꦤꦶꦔꦭ꧀ꦭꦶ​ꦫꦲꦶꦤꦶꦥꦸꦤ꧀꧈​ꦠꦼꦠꦼꦭ​ꦧꦶꦭꦶꦃ​ꦠꦶꦪꦁ​ꦤꦼꦤꦼꦩ꧀ꦩꦤ꧀ꦮꦲꦸ​ꦲꦤꦏ꧀ꦏꦸꦭ꧉​ꦱꦤꦗꦤ꧀ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦔꦁ​ꦒꦼ​ꦱꦼꦂꦧꦤ꧀ꦭꦤ꧀ꦗꦸꦧꦃ꧈​ꦩꦏꦠꦼꦤ꧀ꦲꦸꦒꦶ​ꦱꦤꦗꦤ꧀ꦲꦁ​ꦒꦺꦤ꧀ꦏꦸꦭ​ꦥꦶꦱꦃ​ꦭꦤ꧀ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦱꦩ꧀ꦥꦸꦤ꧀ꦭꦩꦶ꧈​ꦤꦔꦶꦁ​ꦏꦸꦭ​ꦧꦺꦴꦠꦼꦤ꧀ꦥꦔ꧀ꦭꦶꦁ​ꦝꦠꦼꦁ​ꦲꦤꦏ꧀ꦏꦸꦭ​ꦮꦲꦸ꧉​ꦱꦤꦭꦶꦏ​ꦏꦸꦭ​ꦏꦢꦺꦴꦱ꧀ꦠꦶꦪꦁ​ꦲꦺꦮꦃ​ꦱꦂꦠ​ꦲꦔꦸꦮꦸꦃ​ꦲꦸꦮꦸꦃ​ꦱꦺꦴꦫ꧇​ Roderick, Roderick꧉ ​ꦩꦶꦉꦁ​ꦲꦁ​ꦒꦺꦤ꧀ꦏꦸꦭ​ꦲꦚꦼꦧꦸꦠ꧀ꦤꦩꦤꦶꦥꦸꦤ꧀ꦲꦩ꧀ꦧꦭ꧀ꦲꦩ꧀ꦧꦭ꧀ꦭꦤ꧀ꦮꦲꦸ​ꦠꦶꦪꦁ​ꦤꦼꦤꦼꦩ꧀ꦩꦤ꧀ꦥꦸꦤꦶꦏ​ꦏꦠꦶꦔꦭ꧀ꦏꦒꦺꦠ꧀꧈​ꦭꦗꦼꦁ​ꦤꦶꦔꦭ꧀ꦭꦶ​ꦏꦶꦮ​ꦠꦼꦔꦼꦤ꧀꧈​ꦩꦏꦠꦼꦤ꧀ꦲꦸꦒꦶ​ꦠꦶꦠꦶꦪꦁ​ꦲꦶꦁ​ꦏꦁ​ꦱꦩꦶ​ꦩꦶꦉꦁ​ꦔꦏꦼꦤ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦩꦼꦚꦚꦶ​ꦮꦲꦸ꧉​ꦱꦉꦁ​ꦮꦺꦴꦤ꧀ꦠꦼꦤ꧀ꦱꦠꦸꦁ​ꦒꦶꦭ꧀ꦲꦶꦁ​ꦏꦁ​ꦱꦸꦩꦼꦉꦥ꧀ꦝꦠꦼꦁ​ꦏꦸꦭ꧈​ꦠꦶꦠꦶꦪꦁ​ꦮꦲꦸ​ꦱꦩꦶ​ꦥꦠꦶꦁ​ꦧꦉꦔꦺꦴꦏ꧀꧈​ꦲꦩ꧀ꦧꦸꦗꦼꦁ​ꦏꦸꦭ​ꦱꦂꦠ​ꦏꦠꦶꦔꦭ꧀ꦱꦩꦶ​ꦤꦼꦥ꧀ꦱꦸ​ꦱꦔꦼꦠ꧀꧈​ꦩꦂꦒꦶ​ꦏꦸꦭ​ꦭꦸꦩꦼꦧꦼꦠ꧀ꦝꦠꦼꦁ​ꦥꦁ​ꦒꦼꦤ꧀ꦤꦤ꧀ꦱꦸꦕꦶ​ꦮꦲꦸ꧉​ꦏꦸꦭ​ꦤꦸꦤ꧀ꦠꦼꦤ꧀ꦭꦸꦩꦗꦼꦁ​ꦱꦶꦥꦠ꧀ꦏꦸꦥꦶꦁ​꧇​ꦏꦢꦺꦴꦱ꧀ꦠꦶꦪꦁ​ꦗꦶꦫꦶꦃ꧈​ꦩꦼꦢꦭ꧀ꦲꦶꦁ​ꦏꦺꦴꦫꦶꦤꦶꦁ​ꦒꦥꦸꦫ꧉​ꦱꦤꦗꦤ꧀ꦏꦸꦭ​ꦤꦤ꧀ꦝꦁ​ꦠꦠꦸ​ꦏꦼꦔꦶꦁ​ꦢꦢꦩꦼꦭ꧀ꦭꦶꦥꦸꦤ꧀ꦧꦺꦴꦁ​ꦱ​ Fung꧈​ꦧꦺꦴꦠꦼꦤ꧀ꦲꦤ꧀ꦠꦮꦶꦱ꧀ꦢꦔꦸ​ꦢꦸꦩꦸꦒꦶ​ꦲꦶꦁ​ꦥꦁ​ꦒꦼꦤ꧀ꦤꦤ꧀ꦤꦶꦁ​ꦏꦥꦭ꧀ꦏꦸꦭ꧈​ꦏꦸꦭ​ꦤꦸꦤ꧀ꦠꦼꦤ꧀ꦲꦚꦼꦁ​ꦏ꧀ꦭꦏ꧀ꦏꦥꦭ꧀ꦏꦸꦭ꧈​ꦭꦗꦼꦁ​ꦏꦸꦭ​ꦱꦤ꧀ꦢꦼꦂꦫꦏꦼꦤ꧀ꦱꦏꦶꦪꦠ꧀ꦠꦶꦥꦸꦤ꧀꧉​ꦱꦉꦁ​ꦱꦩ꧀ꦥꦸꦤ꧀ꦠꦼꦧꦶꦃ​ꦏꦸꦭ​ꦤꦼꦩ꧀ꦧꦼ​ꦩꦼꦔꦺꦴ​ꦝꦠꦼꦁ​ꦲꦶꦁ​ꦮꦶꦁ​ꦏꦶꦁ​꧉​ꦱꦏꦶꦁ​ꦏꦠꦼꦧꦶꦃꦲꦤ꧀ꦏꦠꦶꦔꦭ꧀ꦧꦶꦭꦶꦃ​ꦥꦁ​ꦒꦼꦤ꧀ꦤꦤ꧀ꦤꦶꦥꦸꦤ꧀ꦏꦺꦤ꧀ꦢꦼꦭ꧀ꦥꦫ​ꦱꦸꦢꦒꦂ​ꦧꦁ​ꦱ​ꦨꦢꦸꦮꦶ​ꦏꦚ꧀ꦕ​ꦏꦸꦭ​ꦔꦸꦩ꧀ꦧꦫ꧈​ꦢꦶꦥꦸꦤ꧀ꦧꦼꦱ꧀ꦩꦶ​ꦢꦼꦤꦶꦁ​ꦧꦺꦴꦁ​ꦱ​ Fung꧈​ꦧꦺꦴꦏ꧀ꦩꦤꦮꦶ​ꦢꦶꦥꦸꦤ꧀ꦏꦶꦤ꧀ꦠꦼꦤ꧀ꦱꦩꦶ​ꦠꦸꦩꦸꦠ꧀ꦲꦔꦽꦱꦃꦲꦶ​ꦥꦁ​ꦒꦼꦤꦤ꧀ꦱꦸꦕꦶ​ꦮꦲꦸ꧉​ꦧꦺꦴꦠꦼꦤ꧀ꦲꦤ꧀ꦠꦮꦶꦱ꧀ꦭꦩꦶ​ꦏꦸꦭ​ꦩꦶꦉꦁ​ꦮꦂꦠꦺꦴꦱ꧀ꦧꦶꦭꦶꦃ​ꦱꦸꦢꦒꦂ​ꦱꦸꦢꦒꦂ​ꦧꦺꦴꦁ​ꦱ​ꦨꦢꦸꦮꦶ​ꦮꦲꦸ​ꦱꦩꦶ​ꦢꦶꦥꦸꦤ꧀ꦥꦼꦗꦃꦲꦶ꧉​ꦏꦸꦭ​ꦲꦶꦁ​ꦏꦁ​ꦲꦢꦩꦼꦭ꧀ꦗꦭꦂꦫꦤ꧀ꦤꦶꦁ​ꦠꦶꦮꦱ꧀ꦱꦶꦥꦸꦤ꧀ꦏꦚ꧀ꦕ​ꦏꦚ꧀ꦕ​ꦏꦸꦭ​ꦮꦲꦸ꧈​ꦱꦒꦼꦢ꧀ꦲ