Kaca:Kajawen 01 1928-01-04.pdf/14

ꦏꦶꦪꦶ​ꦲꦺꦴꦫ​ꦤꦼꦢꦾ​ꦲꦉꦥ꧀ꦥꦢꦸ꧈​ꦲꦤꦔꦶꦁ​ꦲꦉꦥ꧀ꦲꦚ꧀ꦗꦭꦸꦏ꧀ꦧꦸꦏ꧀ꦠꦶꦤꦺ꧈​ꦗꦫꦺꦤꦺ​ꦮꦺꦴꦁ​ꦠꦸꦮ​ꦏꦸꦮꦶ​ꦱꦭꦃ​ꦱꦶꦗꦶ​ꦏꦸꦢꦸ​ꦲꦤ꧀ꦢꦸꦮꦺꦤꦶ꧈​ꦪꦏꦸꦮꦶ꧇​ꦲꦸꦮꦸꦂ꧈​ꦱꦼꦩ꧀ꦧꦸꦂ​ꦲꦸꦠꦮ​ꦠꦸꦠꦸꦂ꧈​ꦤꦺꦏ꧀ꦔꦸꦮꦸꦂꦫꦶ​ꦏꦶꦫꦏꦸ​ꦏꦺꦴꦮꦺ​ꦲꦺꦴꦫ​ꦧꦶꦱ꧈​ꦲꦩꦂꦒ​ꦱꦏ​ꦥꦤ꧀ꦢꦼꦊꦁ​ꦔꦤ꧀ꦏꦸ​ꦗꦫꦶꦠ꧀ꦩꦸ​ꦱꦶꦗꦶ​ꦧꦲꦺ​ꦮꦶꦱ꧀ꦏꦺꦴꦮꦁ​ꦒꦺꦴ​ꦏꦧꦺꦃ꧈​ꦩꦭꦃ​ꦏꦥꦼꦏ꧀ꦱ​ꦒꦼꦤ꧀ꦠꦺꦤ꧀ꦤꦤ꧀ꦏꦫꦺꦴ​ꦱꦶꦩ꧀ꦧꦺꦴꦏ꧀꧉​ꦤꦺꦏ꧀ꦱꦼꦩ꧀ꦧꦸꦂꦫꦺ​ꦏꦶꦫꦏꦸ​ꦲꦶꦪ​ꦲꦺꦴꦫ​ꦩꦤ꧀ꦢꦶ꧈​ꦩꦂꦒ​ꦮꦶꦱ꧀ꦏꦏꦺꦃꦲꦤ꧀ꦩꦏ꧀ꦱꦶꦪꦠ꧀꧈​ꦲꦩꦫ꧈​ꦢꦸꦮꦺ​ꦢꦺꦴꦔ​ꦥꦁ​ꦒꦼꦤ꧀ꦢꦩ꧀ꦧꦪ꧈​ꦏꦛꦶꦏ꧀ꦧꦚ꧀ꦗꦸꦂ​ꦏꦁ​ꦒꦺꦴ​ꦲꦁ​ꦒꦸꦤꦤꦶ​ꦫꦤ꧀ꦝ​ꦱꦸꦒꦶꦃ꧈​ꦭ꧈​ꦧꦚ꧀ꦗꦸꦂ​ꦏꦠꦸꦠ꧀ꦝꦺꦮꦺ꧉​ꦢꦢꦶ​ꦩꦸꦁ​ꦏꦫꦶ​ꦥꦶꦠꦸꦠꦸꦂꦫꦺ​ꦧꦲꦺ꧉​

꧋ꦯꦼꦩꦂ​꧇ ​ꦌ꧈​ꦏꦛꦶꦏ꧀ꦔꦶꦤ​ꦮꦺꦴꦁ​꧉​(ꦲꦁ​ꦒꦒꦱ꧀)ꦭꦸꦮꦶꦃ​ꦧꦼꦕꦶꦏ꧀ꦠꦏ꧀ꦏꦭꦃꦲꦤꦺ​ꦧꦲꦺ​ꦱꦶ​ꦓꦫꦺꦁ​ꦏꦶꦪꦶ꧈​ꦲꦮꦶꦠ꧀ꦪꦺꦤ꧀ꦤꦼꦥ꧀ꦱꦸ​ꦱꦺꦴꦏ꧀ꦲꦩ꧀ꦧꦸꦧꦿꦃ​ꦲꦒꦩ​ꦠꦼꦩꦼꦤ꧀ꦤꦤ꧀꧈​ꦲꦶꦁ​ꦩꦁ​ꦏ​ꦧꦺꦴꦏ꧀ꦤꦺ​ꦭꦒꦶ​ꦔꦺꦴꦭꦃ​ꦗꦔꦤ꧀ꦩꦼꦤꦸꦂ꧈​ꦲꦺꦴꦫ​ꦮꦸꦫꦸꦁ​ꦢꦢꦶ​ꦏꦫꦁ​ꦲꦧꦁ​ꦩꦼꦁ​ꦏꦺꦴ​ꦗꦔꦤ꧀ꦏꦸ꧉​(ꦮꦶꦕꦤ꧀ꦠꦼꦤ꧀ꦱꦺꦴꦫ)ꦭꦺꦴ​ꦫꦺꦁ​꧈​ꦱꦶꦁ​ꦲꦉꦥ꧀ꦏꦺꦴꦠꦏꦺꦴꦏ꧀ꦲꦏꦺ​ꦲꦥ꧉​

꧋ꦓꦫꦺꦁ​꧇ ​ꦲꦺꦴꦫ꧈​ꦩ꧈​ꦩꦸꦁ​ꦒꦸꦃ​ꦱꦶꦁ​ꦲꦉꦥ꧀ꦢꦏ꧀ꦠꦏꦺꦴꦏ꧀ꦲꦏꦺ​ꦚꦁ​ꦏꦺꦴꦮꦺ​ꦏꦸꦮꦶ​ꦧꦧ꧀ꦮꦮꦠꦼꦏ꧀ꦏꦤꦺ​ꦮꦺꦴꦁ​ꦚꦩ꧀ꦧꦸꦠ꧀ꦒꦮꦺ​ꦏꦸꦮꦶ​ꦏꦼꦥꦿꦶꦪꦺ꧈​ꦭ​ꦮꦺꦴꦁ​ꦏꦼꦥꦿꦶꦪꦺ​ꦏꦼꦥꦿꦶꦪꦺ​ꦠꦼꦏ​ꦠꦤ꧀ꦱꦃ​ꦏ꧀ꦭꦶꦫꦸ​ꦧꦲꦺ꧉​

꧋ꦦꦺꦠꦿꦸꦏ꧀꧇​ ꦲꦏꦸ​ꦪ​ꦩꦁ​ꦏꦺꦴꦤꦺꦴ꧈​ꦏꦼꦥꦿꦶꦪꦺ​ꦏꦼꦥꦿꦶꦪꦺ​ꦠꦤ꧀ꦱꦃ​ꦏ꧀ꦭꦶꦫꦸ꧉​ꦮꦺꦴꦁ​ꦲꦸꦫꦶꦥ꧀ꦏꦸꦮꦶ​ꦗꦫꦺꦤꦺ​ꦢꦶꦏꦺꦴꦤ꧀ꦱꦶꦁ​ꦱꦸꦩꦺꦃ꧈​ꦏꦁ​ꦩꦁ​ꦏꦺꦴꦤꦺꦴ​ꦩꦲꦸ​ꦮꦶꦱ꧀ꦩꦼꦱ꧀ꦛꦶ​ꦲꦶꦪ​ꦠꦏ꧀ꦲꦺꦱ꧀ꦠꦺꦴꦏ꧀ꦲꦏꦺ​ꦧꦔꦼꦠ꧀꧈​ꦲꦺꦴꦫꦲ​ꦏꦧꦼꦊꦠ꧀ꦒꦸꦪꦸ​ꦲꦶꦪ​ꦠꦏ꧀ꦲꦺꦱꦼꦩ꧀ꦲꦺꦱꦼꦩ꧀ꦩꦏꦺ꧈​ꦮꦸꦱꦤ​ꦏꦚ꧀ꦕ​ꦏꦚ꧀ꦕꦏꦸ꧈​ꦲꦥ​ꦩꦤꦺꦃ​ꦥꦁ​ꦒꦼꦝꦺꦏꦸ​ꦲꦁ​ꦒꦺꦴꦤꦺ​ꦔꦫꦤꦶ꧇​ꦲꦸꦮꦺꦴꦁ​ꦏꦲꦺ​ꦲꦥ​ꦫꦢ​ꦒꦼꦤ꧀ꦝꦼꦁ​꧈​ꦕꦁ​ꦏꦼꦩ꧀ꦩꦺ​ꦏꦛꦶꦏ꧀ꦲꦩ꧀ꦧ꧀ꦭꦺꦮꦺꦃ​ꦧꦲꦺ​ꦏꦪ​ꦕꦺꦭꦺꦁ​ꦔꦤ꧀꧉​ꦧꦉꦁ​ꦫꦲꦶꦏꦸ​ꦠꦏ꧀ꦥꦽꦔꦸꦠ꧀ꦲꦏꦺ꧈​ꦗꦫꦺꦤꦺ꧇​ꦲꦸꦭꦠ꧀ꦠꦺ​ꦏꦪ​ꦮꦺꦴꦁ​ꦱꦶꦁ​ꦭꦒꦶ​ꦧꦼꦧꦼꦊꦤ꧀꧉​

꧋ꦯꦼꦩꦂ​꧇​ ꦭ​ꦲꦶꦪ​ꦮꦶꦱ꧀ꦩꦼꦱ꧀ꦛꦶ​ꦧꦲꦺ꧈​ꦪꦺꦤ꧀ꦏꦪ​ꦩꦼꦁ​ꦏꦺꦴꦤꦺꦴ​ꦏꦸꦮꦶ​ꦲꦺꦴꦫ​ꦲꦤ꧀ꦢꦢꦺꦏ꧀ꦲꦏꦺ​ꦉꦤꦤꦺ​ꦥꦁ​ꦒꦼꦝꦺ​ꦲꦸꦠꦮ​ꦩꦤꦺꦃ​ꦏꦚ꧀ꦕ​ꦏꦚ꧀ꦕꦩꦸ꧈​ꦮꦺꦴꦁ​ꦩꦺꦱꦼꦩ꧀ꦲꦸꦠꦮ​ꦩꦽꦔꦸꦠ꧀ꦏꦸꦮꦶ​ꦏꦸꦢꦸ​ꦲꦤ​ꦏꦭ​ꦩꦁ​ꦱꦤꦺ꧉​ꦲꦗ​ꦏꦺꦴꦏ꧀ꦩꦺꦱꦼꦩ꧀ꦠꦼꦫꦸꦱ꧀ꦠꦼꦫꦸꦱ꧀ꦱꦤ꧀ꦲꦸꦠꦮ​ꦩꦽꦔꦸꦠ꧀ꦝꦸꦂ​ꦝꦸꦂꦫꦤ꧀꧉​ꦲꦸꦥꦩꦤꦺ​ꦏꦺꦴꦮꦺ​ꦭꦒꦶ​ꦢꦶꦢꦸꦤꦸꦁ​ꦢꦸꦤꦸꦁ​ꦔꦏꦺ​ꦢꦺꦤꦶꦁ​ꦥꦁ​ꦒꦼꦝꦺꦩꦸ​ꦠꦸꦩꦿꦥ꧀ꦲꦶꦁ​ꦥꦒꦮꦺꦪꦤ꧀ꦩꦸ꧈​ꦲꦶꦁ​ꦩꦁ​ꦏ​ꦏꦺꦴꦮꦺ​ꦠꦸꦁ​ꦏꦸꦭ꧀ꦩꦺꦱꦼꦩ꧀ꦩꦺꦱꦼꦩ꧀ꦧꦲꦺ꧈​ꦮꦶꦱ꧀ꦩꦼꦱ꧀ꦛꦶ​ꦏꦺꦴꦮꦺ​ꦧꦚ꧀ꦗꦸꦂ​ꦲꦺꦴꦭꦺꦃ​ꦱꦼꦏꦿꦺꦴꦧꦶ꧈​ꦲꦮꦶꦠ꧀ꦢꦶꦏꦶꦫ​ꦪꦺꦤ꧀ꦏꦺꦴꦮꦺ​ꦏꦸꦫꦁ​ꦲꦗꦂ​ꦭꦤ꧀ꦲꦺꦴꦫ​ꦩꦶꦏꦶꦂ​ꦲꦥ​ꦝꦮꦸꦃꦲꦺ​ꦥꦁ​ꦒꦼꦝꦺ​ꦩꦲꦸ꧉​ꦩꦼꦁ​ꦏꦺꦴꦤꦺꦴ​ꦲꦸꦒ​ꦪꦺꦤ꧀ꦏꦺꦴꦮꦺ​ꦩꦽꦔꦸꦠ꧀꧈​ꦏꦸꦮꦶ​ꦏꦺꦴꦮꦺ​ꦧꦶꦱ​ꦢꦶꦏꦶꦫ꧈​ꦪꦺꦤ꧀ꦲꦺꦴꦫ​ꦱꦼꦤꦼꦁ​ꦢꦶꦢꦸꦤꦸꦁ​ꦢꦸꦤꦸꦁ​ꦔꦏꦺ​ꦥꦒꦮꦺꦪꦤ꧀ꦩꦸ​ꦢꦺꦤꦶꦁ​ꦥꦁ​ꦒꦼꦝꦺꦩꦸ꧈​ꦢꦢꦶ​ꦏꦧꦺꦃ​ꦏꦧꦺꦃ​ꦩꦲꦸ​ꦏꦸꦢꦸ​ꦱꦶꦁ​ꦱꦩꦢꦾ​ꦧꦲꦺ꧈​ꦲꦗ​ꦏꦼꦠꦸꦁ​ꦏꦸꦭ꧀ꦩꦺꦱꦼꦩ꧀ꦩꦺꦱꦼꦩ꧀꧈​ꦲꦤꦔꦶꦁ​ꦲꦶꦪ​ꦲꦗ​ꦩꦽꦔꦸꦠ꧀꧉​ꦢꦺꦤꦺ​ꦩꦸꦁ​ꦒꦸꦃ​ꦮꦮꦠꦼꦏ꧀ꦏꦤꦺ​ꦮꦺꦴꦁ​ꦲꦚꦩ꧀ꦧꦸꦠ꧀ꦒꦮꦺ​ꦏꦸꦮꦶ​ꦲꦤ​ꦥꦠꦁ​ꦥꦿꦏꦫ꧉​ I ꦏꦸꦢꦸ​ꦲꦔꦼꦁ​ꦒꦺꦴꦤꦶ​ꦮꦮꦠꦼꦏ꧀ꦏꦤꦺ​ꦟꦏꦸꦭ​ꦭꦤ꧀ꦱꦢꦺꦮ꧈​ II ꦮꦮꦠꦼꦏ꧀ꦏꦤꦺ​ꦲꦂꦗꦸꦟ꧈​ III ꦨꦿꦠꦱꦺꦤ꧈​ꦭꦤ꧀꧈​ IV ꦮꦮꦮꦠꦼꦏ꧀ꦏꦤꦺ​ꦦꦸꦤ꧀ꦠꦢꦺꦮ꧉​

꧋ꦓꦫꦺꦁ​꧇​ ꦮꦝꦸꦃ꧈​ꦩ꧈​ꦱꦗꦏ꧀ꦏꦺ​ꦠꦼꦏ​ꦚꦩ꧀ꦭꦼꦁ​꧈​ꦱꦶꦁ​ꦏꦁ​ꦒꦺꦴ​ꦠꦸꦭꦢꦤ꧀ꦏꦛꦶꦏ꧀ꦱꦢꦸꦭꦸꦂ​ꦥꦤ꧀ꦝꦮ꧉​ꦤꦺꦏ꧀ꦮꦮꦠꦼꦏ꧀ꦏꦤꦺ​ꦫꦢꦺꦤ꧀ꦲꦂꦗꦸꦤ​ꦏꦪ​ꦏꦪ​ꦲꦺꦴꦫ​ꦲꦔꦺꦭ꧀꧈​ꦲꦏꦸ​ꦧꦲꦺ​ꦲꦁ​ꦒꦼꦫꦺ​ꦢꦸꦮꦺ​ꦝꦸꦮꦶꦠ꧀ꦧꦲꦺ​ꦲꦶꦪ​ꦧꦶꦱ꧈​ꦪ​ꦏꦸꦮꦶ​ꦲꦁ​ꦒꦺꦴꦤꦺ​ꦫꦺꦴꦪꦭ꧀ꦏꦲꦺ꧉​

꧋ꦦꦺꦠꦿꦸꦏ꧀꧇​ ꦮꦮꦠꦼꦏ꧀ꦏꦤꦺ​ꦫꦢꦺꦤ꧀ꦧꦿꦡꦱꦺꦤ​ꦲꦏꦸ​ꦏꦶꦫꦤꦺ​ꦲꦶꦪ​ꦧꦶꦱ​ꦔ꧀ꦭꦏꦺꦴꦤꦶ꧈​ꦲꦁ​ꦒꦼꦂꦫꦺ​ꦲꦏꦸ​ꦲꦗ​ꦢꦶꦮꦊꦱ꧀꧈​ꦪ​ꦏꦸꦮꦶ​ꦲꦁ​ꦒꦺꦴꦤꦺ​ꦥꦶꦗꦼꦂ​ꦥꦶꦗꦼꦂ​ꦲꦁ​ꦒꦼꦉꦁ​ꦭꦤ꧀ꦩꦸꦤꦶ꧇​ꦲꦶ꧈​ꦲꦶ꧈​ꦲꦶ꧈​ꦠꦏ꧀ꦗꦺꦴꦠꦺꦴꦱ꧀꧉​

꧋ꦯꦼꦩꦂ​꧇ ​ꦌ꧈​ꦱꦶꦁ​ꦢꦶꦥꦶꦭꦶꦃ​ꦏꦶ​ꦏꦛꦶꦏ꧀ꦱꦶꦁ​ꦏꦥꦺꦤꦏ꧀ꦏꦥꦺꦤꦏ꧀ꦧꦲꦺ꧉​ꦲꦺꦴꦫ​ꦩꦁ​ꦏꦺꦴꦤꦺꦴ​ꦩꦸꦁ​ꦒꦸꦃ​ꦏꦉꦥ꧀ꦥꦺ꧈​ꦭꦶꦪ​ꦢꦶꦤ​ꦧꦲꦺ​ꦢꦏ꧀ꦕꦿꦶꦠꦤꦶ​ꦮꦮꦠꦼꦏ꧀ꦏꦤꦺ​ꦱꦶꦗꦶ​ꦭꦤ꧀ꦱꦶꦗꦶꦤꦺ꧉​