Kawruh Kalapa

by Ki Padma Susastra

[ ? ]

Seri ultgaven door bemiddeling der Commissie voor de
Volkslectuur No. 23

---

꧋ ꦏꦮꦿꦸꦃ

ꦤꦤꦼꦩ꧀ꦏꦭꦥꦱꦂꦠꦥꦆꦢꦃꦲꦶꦥꦸꦤ꧀

ꦏꦫꦁꦔꦤ꧀ꦤꦶꦥꦸꦤ꧀

ꦦꦢ꧀ꦩꦯꦸꦱꦱ꧀ꦠꦿ​

ꦠꦶꦪꦁꦩꦂꦢꦶꦏꦲꦶꦁꦏꦁꦩꦂꦱꦸꦢꦶꦏꦱꦸꦱꦱ꧀ꦠꦿꦤ꧀ꦗꦮꦶ

ꦲꦶꦁ

ꦯꦸꦫꦏꦂꦠ꧉

---

꧋ ꦏꦲꦼꦕꦥ꧀ꦲꦶꦁꦥꦔꦼꦕꦥ꧀ꦥꦤ꧀ꦤꦶꦥꦸꦤ꧀ꦠꦸꦮꦤ꧀

ꦲ꧈​ꦄ꧈​ꦨꦺꦚꦩꦶꦤ꧀​​ꦲꦶꦁꦤꦒꦫꦶꦯꦼꦩꦫꦁ꧈

ꦲꦶꦁꦠꦲꦸꦤ꧀​꧑꧙꧑꧒꧉

[ Title ]

KAWROEH KALAPA


DOOR


KI PADMA SOESASTRA


TE


SOERAKARTA.

---

Semarang-Drukkerij en Boekhandel
H. A. Benjamins, Semarang
1912.

[ 5 ]

꧋ꦧꦸꦧꦸꦏ꧉

꧋ꦠꦤꦼꦩ꧀ꦩꦤ꧀ꦏꦭꦥꦥꦸꦤꦶꦏꦏꦺꦔꦶꦁꦏꦲꦸꦥꦩꦺꦏ꧀ꦲꦏꦼꦤ꧀ꦩꦸꦰ꧀ꦛꦶꦏꦤꦶꦁꦠꦤꦼꦩ꧀ꦩꦤ꧀ꦲꦶꦁꦔꦭꦩ꧀ꦢꦸꦚ꧉ꦲꦱꦶꦭ꧀ꦭꦶꦥꦸꦤ꧀ꦭꦸꦩꦶꦤ꧀ꦠꦸꦏꦢꦺꦴꦱ꧀ꦮꦼꦢꦭ꧀ꦭꦶꦁꦠꦺꦴꦪꦲꦸꦩ꧀ꦧꦸꦭ꧀​​ꦲꦤꦔꦶꦁꦱꦥꦶꦤ꧀ꦠꦼꦤ꧀ꦥꦶꦠꦸꦭꦸꦁꦔꦶꦁ​ꦄꦭ꧀ꦭꦃꦚꦼꦏꦥ꧀ꦏꦧꦼꦠꦃꦲꦤ꧀ꦤꦶꦁꦩꦤꦸꦁꦱ꧈ꦏꦢꦺꦴꦱ꧀ꦠ꧇ꦧꦺꦴꦠꦼꦤ꧀ꦱꦸꦱꦃꦢꦺꦤꦶꦁꦠꦺꦴꦪ꧈ꦧꦺꦴꦠꦼꦤ꧀ꦱꦸꦱꦃꦢꦺꦤꦶꦁ​ꦭꦠꦸ꧈ꦧꦺꦴꦠꦼꦤ꧀ꦱꦸꦱꦃꦢꦺꦤꦶꦁꦲꦔꦶꦤ꧀ꦲꦶꦁꦏꦁꦏꦺꦔꦶꦁꦏꦢꦩꦼꦭ꧀ꦱꦤ꧀ꦠꦸꦤ꧀ꦲꦩ꧀ꦧꦼꦏ꧀ꦏꦤ꧀​ꦩꦤꦸꦁꦱꦱꦏꦱꦸꦥꦺꦤ꧀ꦔꦤ꧀ꦠꦺꦴꦱ꧀ꦧꦺꦴꦠꦼꦤ꧀ꦒꦣꦃꦥꦤꦫꦶꦩꦃꦣꦠꦼꦁꦲꦶꦁꦏꦁꦲꦥꦫꦶꦁꦒꦼꦱꦁ꧈ꦢꦺꦤꦺꦒꦩ꧀ꦥꦶꦭ꧀ꦲꦶꦁꦥꦶꦏꦤ꧀ꦠꦸꦏ꧀ꦏꦶꦥꦸꦤ꧀꧈ꦩꦏꦠꦼꦤ꧀ꦲꦸꦒꦶꦠꦤꦼꦩ꧀ꦩꦤ꧀ꦏꦭꦥ꧈ꦩꦶꦤ꧀ꦠꦶꦂꦏꦺꦔꦶꦁꦏꦥꦼꦟ꧀ꦝꦼꦠ꧀ꦲꦱꦶꦭ꧀ꦭꦶꦥꦸꦤ꧀ꦱꦧꦼꦤ꧀ꦢꦶꦤ꧀ꦠꦼꦤ꧀ꦧꦺꦴꦠꦼꦤ꧀ꦢꦶꦥꦸꦤ꧀ꦲꦺꦔꦼꦠ꧀ꦠꦶ꧈ꦠꦂꦏꦣꦁꦩꦭꦃꦢꦶꦥꦸꦤ꧀ꦫꦶꦱꦏ꧀ꦏꦥꦼꦟ꧀ꦝꦼꦠ꧀ꦗꦤꦸꦂꦩꦁꦒꦂꦫꦶꦥꦸꦤ꧀꧈
꧋ꦠꦤꦼꦩ꧀ꦩꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁꦏꦁꦏꦛꦃꦮꦼꦢꦭ꧀ꦭꦶꦁ​ꦮꦺꦴꦃꦲꦶꦥꦸꦤ꧀ꦤꦩꦸꦁꦱꦥꦶꦱꦤ꧀ꦱꦠꦲꦸꦤ꧀​ꦏꦛꦃꦲꦸꦠꦮꦶꦱꦏꦼꦣꦶꦏ꧀​ꦠꦂꦏꦣꦁꦧꦺꦴꦠꦼꦤ꧀ꦲꦮꦺꦴꦃ꧈ꦤꦔꦶꦁꦏꦭꦥꦧꦺꦴꦠꦼꦤ꧀ꦩꦏꦠꦼꦤ꧀​ꦏꦼꦩ꧀ꦧꦁ꧈ꦲꦥꦼꦤ꧀ꦠꦶꦭ꧀​ꦧꦺꦱꦺꦂꦠꦤ꧀ꦥꦏꦺꦤ꧀ꦢꦼꦭ꧀꧈ꦲꦶꦁꦏꦁꦱꦒꦼꦢ꧀ꦤꦲꦤ꧀ꦤꦏꦼꦤ꧀ꦥꦔꦸꦟ꧀ꦝꦸꦃꦲꦶꦥꦸꦤ꧀ꦏꦭꦥꦱꦥꦶꦱꦤ꧀ꦔꦤ꧀ꦠꦺꦴꦱ꧀ꦒꦫꦶꦁ꧈ꦥꦸꦤꦶꦏꦭꦗꦼꦁꦱꦒꦼꦢ꧀ꦔꦸꦟ꧀ꦝꦸꦃꦏꦭꦥꦱꦧꦼꦤ꧀ꦮꦸꦭꦤ꧀ꦠꦤ꧀ꦥꦏꦼꦟ꧀ꦝꦠ꧀꧈ꦱꦲꦸꦥꦩꦶꦠꦶꦪꦁꦒꦣꦃꦠꦤꦼꦩ꧀ꦩꦤ꧀ꦏꦭꦥꦱꦢꦱ꧈ꦱꦲꦸꦮꦶꦠ꧀ꦠꦶꦥꦸꦤ꧀ꦱꦒꦼꦢ꧀ꦔꦸꦟ꧀ꦝꦸꦃ 5×10=50á 5cts×50=ƒ2.50×12=ƒ30.—​ꦢꦢꦺꦴꦱ꧀ꦏꦭꦥꦱꦢꦱꦲꦶꦁꦢꦊꦩ꧀ꦱꦠꦲꦸꦤ꧀ꦩꦼꦢꦭ꧀ꦲꦱꦶꦭ꧀ꦭꦶꦥꦸꦤ꧀​ 30 ꦫꦸꦥꦶꦪꦃꦲꦸꦠꦮꦶ 60 ꦫꦸꦥꦶꦪꦃ [ 6 ]ꦧꦶꦭꦶꦃꦱꦲꦸꦮꦶꦠ꧀ꦠꦶꦥꦸꦤ꧀ꦱꦒꦼꦢ꧀ꦔꦸꦣꦸꦤ꧀ꦤꦏꦼꦤ꧀ꦱꦢꦱ꧈ꦥꦸꦤꦶꦏꦏꦗꦮꦶꦲꦗꦶꦤꦶꦁꦏꦗꦼꦁꦔꦶꦥꦸꦤ꧀꧈

꧋ ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁꦲꦶꦁꦏꦁꦒꦺꦴꦠꦼꦤ꧀ꦱꦸꦩꦼꦉꦥ꧀ꦮꦂꦟꦶꦤꦶꦥꦸꦤ꧀ꦠ ꦤꦼꦩ꧀ꦩꦤ꧀ꦏꦭꦥ꧈ꦱꦂꦠꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁꦲꦶꦁꦏꦁꦧꦺꦴꦠꦼꦤ꧀ꦢꦺꦴꦪꦤ꧀ꦤ꧀ꦫꦲꦺꦴꦱ꧀ꦱꦶꦏꦭꦥ꧈ꦲꦶꦁꦥꦸꦭꦺꦴꦗꦮꦶꦏꦮꦿꦢꦶꦤ꧀ꦤꦤ꧀ꦠꦤꦼꦩ꧀ꦩꦤ꧀ꦏꦭꦥ꧈ꦠꦸꦮꦸꦃꦲꦶꦁꦏꦭꦥꦮꦶꦮꦶꦠ꧀ꦱꦏꦶꦁꦥꦱꦶꦱꦶꦂꦢꦸꦩꦸꦒꦶꦲꦶꦁꦠꦤꦃꦥꦉꦢꦺꦤ꧀​​ꦤꦔꦶꦁꦠꦤꦃꦥꦉꦢꦺꦤ꧀ꦲꦶꦁꦏꦁꦲꦶꦁꦒꦶꦭ꧀ꦭꦶꦥꦸꦤ꧀​​ 1500 ꦢꦸꦩꦸꦒꦶ 2000​ ꦏꦏꦶꦱꦩ꧀ꦥꦸꦤ꧀ꦲꦮꦶꦱ꧀ꦲꦮꦶꦱ꧀ꦏꦭꦥ꧈ꦢꦺꦤꦶꦁꦧꦺꦴꦠꦼꦤ꧀ꦠꦲꦤ꧀ꦏꦺꦔꦶꦁꦲꦮꦲꦱꦽꦥ꧀​​​ꦮꦺꦴꦤ꧀ꦠꦼꦤ꧀ꦤꦲꦶꦁꦒꦶꦃꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦩꦼꦢꦭ꧀ꦮꦺꦴꦃ ꦲꦶꦥꦸꦤ꧀​​ꦲꦶꦁꦏꦁꦱꦒꦼꦢ꧀ꦩꦼꦢꦭ꧀ꦮꦺꦴꦃꦲꦶꦥꦸꦤ꧀ꦤꦩꦸꦁꦱꦒꦼꦣꦶꦏ꧀​​ꦢꦢꦺꦴꦱ꧀ꦒꦼꦱꦁꦔꦶꦥꦸꦤ꧀ꦠꦤꦼꦩ꧀ꦩꦤ꧀ꦏꦭꦥꦤꦼꦣꦮꦺꦴꦤ꧀ꦠꦼꦤ꧀ꦥꦁꦒꦺꦤ꧀ꦤꦤ꧀ꦲꦶꦁꦏꦁꦲꦮꦤꦶꦥꦸꦤ꧀ꦧꦼꦤ꧀ꦠꦺꦂ꧈​ꦩꦶꦭꦲꦶꦁꦠꦤꦃ​ꦌꦫꦺꦴꦦꦃꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦤꦼꦩ꧀ꦩꦤ꧀ꦏꦭꦥ꧈

꧋ ꦠꦶꦪꦁꦗꦮꦶꦲꦩꦱ꧀ꦠꦤꦶ꧇​ꦏꦿꦩ꧀ꦧꦶꦭ꧀​꧇​ N.ꦏꦭꦥ K.

꧋ ꦤꦔꦶꦁꦠꦶꦪꦁꦥꦱꦶꦱꦶꦂ​   ”  ​ K.   ”   N.

꧋ ꦠꦶꦪꦁꦩꦭꦪꦸ​​​   ​ ꦲꦩꦱ꧀ꦠꦤꦶ꧇​ kalapa

꧋   ”  ​ꦱꦸꦟ꧀ꦝ

꧋   ”  ꦫꦶꦪꦺꦴ​   ”  ꦚꦶꦪꦸꦂ꧈

꧋   ”  ꦗꦺꦴꦲꦂ

꧋   ”  ꦩꦭꦲꦃ

꧋   ”  ꦩꦢꦸꦫ   ”  ꦚꦺꦪꦺꦴꦂ꧈

꧋   ”  ꦨꦭꦶ   ”  ​ꦚꦺꦴ꧈ꦲꦸꦠꦮꦶ꧇ꦤꦶꦪꦸ꧉

꧋ ꦠꦼꦩ꧀ꦧꦸꦁ​​ Kw. ꦩꦸꦔꦼꦭ꧀​   ​ꦚꦸ꧈​  ”  ꦠꦶꦫꦶꦱ꧀ [ 7 ]꧋ ꦠꦼꦩ꧀ꦧꦸꦁ Skr.ꦩꦸꦔꦼꦭ꧀​ꦤꦣꦶꦏꦼꦭ꧈ꦲꦸꦠꦮꦶꦤꦫꦶꦏꦼꦭ꧈^[1]
꧋ ꦠꦶꦪꦁꦕꦶꦤ꧈ꦲꦩꦱ꧀ꦠꦤꦶ꧇ꦕꦺꦠꦼꦱꦎ꧉
꧋ ꦲꦮꦶꦠ꧀ꦱꦏꦶꦁꦥꦸꦤꦶꦏꦏꦸꦭꦩꦤꦃꦥꦼꦂꦭꦸꦲꦁꦒꦶꦪꦫꦏꦼꦤ꧀ꦏꦮꦿꦸꦃꦧꦧ꧀ꦥꦤꦤꦼꦩ꧀ꦩꦶꦁꦏꦭꦥꦱꦂꦠꦲꦱꦶꦭ꧀ꦭꦶꦥꦸꦤ꧀​​​ꦲꦤꦤꦔꦶꦩꦤꦃꦲꦶꦥꦸꦤ꧀ꦧꦺꦴꦁꦱꦏꦸꦭꦠꦶꦠꦶꦪꦁꦗꦮꦶꦲꦶꦁꦏꦁꦢꦺꦫꦺꦁꦱꦸꦩꦼꦉꦥ꧀ꦥꦶꦒꦸꦤꦤꦶꦁꦏꦭꦥ꧉ꦥꦔꦗꦼꦁꦲꦗꦼꦁꦏꦸꦭꦱꦸꦥꦢꦺꦴꦱ꧀ꦥꦸꦭꦺꦴꦗꦮꦶꦏꦲꦺꦧꦼꦏ꧀ꦏꦤ꧀ꦠꦤꦼꦩ꧀ꦩꦤ꧀ꦏꦭꦥꦢꦢꦺꦴꦱ꧀ꦥꦢꦒꦁꦔꦤ꧀ꦲꦒꦼꦁ꧈ꦲꦩꦼꦮꦃꦲꦶꦥꦁꦒꦼꦱꦁꦔꦤ꧀ꦤꦶꦥꦸꦤ꧀ꦠꦶꦪꦁꦗꦮꦶ꧈ꦱꦂꦠꦠꦶꦪꦁꦗꦮꦶꦲꦺꦔꦼꦠ꧀ꦠꦪꦺꦤ꧀ꦏꦠꦧꦼꦫꦺꦤ꧀ꦤꦤꦼꦩ꧀ꦏꦭꦥꦧꦺꦴꦠꦼꦤ꧀ꦱꦥꦶꦤ꧀ꦠꦼꦤ꧀ꦤ꧈ꦤꦩꦸꦁ​ꦭꦶꦤꦩ꧀ꦥꦃꦲꦤ꧀ꦱꦥꦶꦱꦤ꧀ꦫꦩ꧀ꦥꦸꦁꦏꦁꦒꦺꦲꦶꦁꦱꦭꦩꦶꦤꦶꦥꦸꦤ꧀​ꦏꦔꦺꦭ꧀ꦭꦤ꧀ꦤꦶꦥꦸꦤ꧀ꦏꦤ꧀ꦠꦸꦤ꧀ꦔꦸꦟ꧀ꦝꦸꦃꦲꦶꦏꦺꦩꦮꦺꦴꦤ꧀ꦏꦟ꧀ꦛꦶꦧꦶꦔꦃꦲꦶꦁꦩꦤꦃ꧉
꧋ꦥꦱꦶꦠꦺꦤ꧀ꦲꦶꦁꦏꦁꦤꦩꦸꦁꦏꦠꦤꦼꦩ꧀ꦩꦤ꧀ꦏꦭꦥꦤꦩ꧇ꦥꦏꦫꦁꦔꦤ꧀​ Zie J. Z. I. 29-11꧉ꦲꦶꦁꦧꦮꦃꦢꦊꦩ꧀ꦥꦫꦺꦱꦶꦣꦺꦤ꧀ꦤꦤ꧀ꦱꦸꦫꦏꦂꦡ꧈ꦱꦥꦸꦤꦶꦏꦲꦶꦁꦏꦁꦤꦩ꧇ꦥꦏꦫꦁꦔꦤ꧀​ꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀꧈ꦏꦭꦥꦱꦩꦶꦏꦠꦤꦼꦩ꧀ꦮꦺꦴꦤ꧀ꦠꦼꦤ꧀ꦱꦊꦧꦼꦠ꧀ꦠꦶꦁꦥꦏꦩ꧀ꦥꦸꦁꦔꦤ꧀ꦱꦂꦠꦥꦣꦸꦱꦸꦤ꧀ꦤꦤ꧀ꦏꦲꦸꦫꦸꦠ꧀ꦠꦏꦼꦤ꧀ꦲꦶꦁꦥꦶꦁꦒꦶꦂꦱꦕꦼꦭꦏ꧀ꦏꦶꦁꦥꦒꦼꦂ꧉ꦪꦺꦤ꧀ꦲꦶꦁꦧꦮꦃꦢꦊꦩ꧀ꦔꦪꦺꦴꦓꦾꦏꦂꦡꦱꦂꦠꦧꦮꦃꦲꦶꦥꦸꦤ꧀ꦏꦁꦗꦼꦁꦓꦸꦥꦼꦂꦩꦺꦤ꧀​​ꦲꦶꦁꦏꦁꦤꦩ꧇ꦥꦏꦫꦁꦔꦤ꧀​ꦠꦏ꧀ꦱꦶꦃꦮꦺꦴꦤ꧀ꦠꦼꦤ꧀​ꦏꦫꦁ꧈ꦠꦼꦩ꧀ꦧꦸꦁ Kw. ꦠꦼꦒꦼꦱ꧀ꦱꦶꦥꦸꦤ꧀꧇ꦏꦭꦥ꧉

---

[ 8 ]꧋ ꦲꦩꦂꦒꦶꦱꦏꦶꦁꦠꦶꦠꦶꦪꦁꦧꦸꦩꦶꦩꦺꦃꦱꦧꦼꦤ꧀ꦢꦶꦤ꧀ꦠꦼꦤ꧀ꦔꦁꦒꦺꦏꦧꦼꦠꦃꦲꦤ꧀ꦏꦭꦥ꧈​ꦏꦠꦼꦣꦲꦸꦠꦮꦶꦏꦢꦩꦼꦭ꧀ꦧꦸꦩ꧀ꦧꦸꦲꦺꦴꦭꦃꦲꦺꦴꦭꦃꦠꦸꦮꦶꦤ꧀ꦏꦁꦒꦺꦗꦗꦩ꧀ꦥꦶ​ (ꦏꦭꦥꦲꦶꦗꦼꦩ꧀) ꦥꦸꦤꦥꦢꦺꦤꦺꦩꦭꦶꦃꦏꦥꦼꦟ꧀ꦝꦼꦠ꧀ꦏꦗꦼꦁꦔꦶꦥꦸꦤ꧀​ꦩꦶꦭꦧꦺꦴꦠꦼꦤ꧀ꦲꦔ꧀ꦊꦁ ꦏꦫꦱꦢꦪꦥꦺꦩꦃꦲꦤ꧀ꦠꦸꦮꦶꦤ꧀ꦥꦣꦸꦱꦸꦤ꧀ꦤꦤ꧀ꦮꦺꦴꦤ꧀ꦠꦼꦤ꧀ꦠꦤꦼꦩ꧀ꦩꦤ꧀ꦤꦶꦥꦸꦤ꧀ꦏꦭꦥ꧀꧈​ꦱꦒꦼꦝꦔꦽꦁꦒꦤꦶꦩꦶꦱꦸꦮꦸꦂꦫꦶꦥꦸꦤ꧀ꦠꦤꦃꦗꦮꦶ꧉

꧋ ꦱꦏꦶꦁꦏꦠꦼꦧꦶꦃꦲꦤ꧀ꦠꦶꦠꦶꦪꦁꦱꦩ꧀ꦥꦸꦤ꧀ꦱꦸꦩꦼꦉꦥ꧀ꦝꦠꦼꦔ꧀ꦮꦶꦠ꧀ꦏꦭꦥ꧈ꦢꦺꦤꦶꦁꦲꦶꦁꦒꦶꦭ꧀ꦭꦶꦥꦸꦤ꧀ꦏꦠꦶꦔꦭ꧀ꦧꦒꦸꦱ꧀ꦲꦔꦽꦱ꧀ꦥꦠꦺꦤꦶ꧈​ꦧ꧀ꦭꦫꦏ꧀ꦏꦶꦥꦸꦤ꧀ꦢꦢꦺꦴꦱ꧀ꦉꦉꦁꦒꦤꦶꦔ꧀ꦮꦶꦠ꧀​ꦧꦶꦭꦶꦃꦏꦠꦼꦩ꧀ꦥꦸꦃꦲꦶꦁꦲ​ꦔꦶꦤ꧀​ꦱꦩ꧀ꦢꦢꦾꦤ꧀ꦤꦩꦸꦁꦲꦔꦶꦤ꧀ꦱꦸꦩꦶꦭꦶꦂ꧈​ꦥꦥꦃꦲꦶꦥꦸꦤ꧀ꦏꦼꦠꦶꦔꦭ꧀ꦏꦸ ꦩ꧀ꦭꦺꦧꦠ꧀ꦔꦶꦮꦤꦼꦔꦼꦤ꧀​​ꦲꦶꦰ꧀ꦛꦶꦤꦶꦥꦸꦤ꧀ꦏꦢꦺꦴꦱ꧀ꦠꦔꦤ꧀ꦲꦔꦮꦺꦲꦮꦺꦔꦺꦁꦒꦭ꧀ꦭꦏꦼꦤ꧀ꦭꦩ꧀ꦥꦃ꧈​ꦲꦩꦶꦭꦲꦶꦁꦧꦱꦱꦱ꧀ꦠꦿ​ꦠꦲꦩꦱ꧀ꦠꦤꦶꦮꦶꦠ꧀ꦏꦭꦥ꧇​ꦤꦣꦶꦏꦼꦭ꧈​nadi kela 1).

꧋ ꦲꦶꦁꦒꦶꦭ꧀ꦭꦶꦔ꧀ꦮꦶꦠ꧀ꦏꦭꦥꦱꦂꦠꦭꦸꦫꦸꦱ꧀ꦱꦶꦁꦢꦼꦊꦒ꧀ꦒꦶꦥꦸꦤ꧀​ꦥꦸꦤꦥꦢꦺꦤꦺꦫꦺꦴꦩ꧀ꦥꦾꦺꦴꦃꦫꦺꦴꦩ꧀ꦥꦾꦺꦴꦃꦲꦶꦁꦧ꧀ꦭꦫꦏ꧀ꦏꦶꦥꦸꦤ꧀​ꦠꦸꦮꦶ ꦤ꧀ꦧꦶꦪꦼꦠ꧀ꦠꦶꦔ꧀ꦮꦺꦴꦃꦏꦼꦩ꧀ꦧꦁꦲꦥꦼꦤ꧀ꦠꦶꦭ꧀​ꦱꦸꦩꦼꦣꦼꦁ꧈​ꦱꦼꦥꦸꦃꦲꦸꦠꦮꦶꦒꦫꦶꦁ꧈​ꦢꦢꦺꦴꦱ꧀ꦉꦉꦁꦒꦤꦶꦔ꧀ꦮꦶꦠ꧀​ꦤꦼꦁꦱꦼꦩ꧀ꦩꦏꦼꦤ꧀ꦥꦤꦶꦔꦭ꧀​ ꦏꦺꦔꦶꦁ​ꦮꦶꦤꦱ꧀ꦠꦤ꧀꧇​ꦮꦶꦠ꧀ꦏꦭꦥꦩꦸꦱ꧀ꦛꦶꦏꦤꦶꦁꦠꦠꦤꦼꦩ꧀ꦩꦤ꧀꧈

꧋ ꦯꦸꦫꦏꦂꦡ꧈​ꦎꦏ꧀ꦡꦺꦴꦧꦼꦂ​ 1906꧉

{{jawa|

ꦏꦶ꧇ꦦꦢ꧀ꦩꦯꦸꦱꦱ꧀ꦠꦿ꧉

___________

1) ꧋ ꦥꦩꦲꦺꦴꦱ꧀ꦲꦩꦿꦶꦏ꧀ꦱꦲꦤꦸꦠ꧀​ 1 ꦲꦶꦁꦏꦕ꧇​ 7꧉ [ 9 ]

꧋ꦕꦫꦶꦪꦺꦴꦱ꧀꧈

<poem> ꧋ ꦲꦶꦁꦢꦤ꧀ꦤꦩ꧀ꦱꦼꦫꦠ꧀ꦩꦤꦶꦏ꧀ꦩꦪꦚꦫꦶꦪꦺꦴꦱ꧀ꦱꦏꦼꦤ꧀ꦏꦢꦢꦺꦴꦱ꧀ꦱ​ꦤ꧀ꦤꦶꦁꦮꦶꦠ꧀ꦏꦭꦥ꧉ ꧋ꦱꦺꦴꦱꦺꦴꦠꦾꦉꦠ꧀ꦤꦢꦸꦩꦶꦭꦃꦲꦶꦁꦏꦁꦠꦤ꧀ꦱꦃꦮꦺꦴꦤ꧀ꦠꦼꦤ꧀ꦒꦼꦒꦼꦩ꧀ꦩꦤ꧀ꦤꦶꦥꦸꦤ꧀ꦲꦾꦁꦟꦫꦢ꧈ ꦥꦸꦤꦶꦏꦉꦁꦱꦶꦤꦶꦢꦶꦏꦫꦢꦺꦤꦶꦁꦱꦁꦲꦾꦁꦭꦸꦫꦸ꧈ ꦩꦭꦶꦃꦮꦤꦺꦴꦢꦾꦱꦏꦭꦁꦏꦸꦁꦲꦪꦸꦮꦂꦟꦶꦤꦶꦥꦸꦤ꧀ꦏꦥꦫꦶꦁꦔꦤ꧀ꦤꦩꦢꦺꦮꦶꦡꦶꦱ꧀ꦤꦮꦠꦶ꧉ ꦱꦁꦲꦾꦁꦭꦸꦫꦸꦔꦤ꧀ꦠꦺꦒꦶꦥꦁꦲꦶꦁꦒꦭꦶꦃꦧꦿꦺꦴꦁꦠꦝꦠꦼꦁꦱꦉꦠ꧀ꦤꦱꦂꦠꦭꦗꦼꦁꦏꦲꦁꦏꦃꦒꦂꦮ꧈ꦤꦔꦶꦁꦉꦠ꧀ꦤꦱꦔꦼꦠ꧀ꦭꦸꦩꦸꦃ꧈ ꦭꦗꦼꦁꦒꦝꦃꦥꦥꦁꦒꦶꦭ꧀ꦲꦶꦁꦏꦁꦲꦺꦭꦺꦴꦏ꧀ꦏꦶꦤꦶꦤ꧀ꦠꦼꦤ꧀ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦥꦤꦁꦏꦤꦶ꧈ ꦲꦤꦥꦔꦶꦤ꧀ꦠꦼꦤ꧀ꦮꦲꦸꦔ꧀ꦤꦥꦠ꧀ ꦱꦁꦲꦾꦁꦭꦸꦫꦸꦱꦒꦼꦢ꧀ꦩꦶꦤꦁꦏꦤꦶ꧈ ꦥꦸꦤꦶꦏꦢꦩꦼꦭ꧀ꦏꦮꦼꦏꦺꦤ꧀ꦤꦶꦁꦒꦭꦶꦃꦲꦶꦥꦸꦤ꧀ꦢꦮꦶꦡꦶꦱ꧀ꦤꦮꦠꦶ꧈ ꦤꦔꦶꦁꦲꦶꦁꦒꦶꦃꦠꦏ꧀ꦱꦶꦃꦥꦺꦥꦺꦏꦏꦛꦃꦱꦁꦤ꧀ꦠꦺꦴꦭ꧀ꦭꦤ꧀ꦤꦶꦥꦸꦤ꧀ ꦱꦁꦲꦾꦁꦭꦸꦫꦸꦲꦶꦁꦒꦶꦃꦚꦫꦤ꧀ꦠꦺꦴꦱ꧀ꦱꦏꦼꦤ꧀ ꦤꦔꦶꦁꦠꦤ꧀ꦥꦮꦱꦤ꧉ ꦱꦁꦲꦾ​ꦭꦸꦫꦸꦧꦺꦴꦠꦼꦤ꧀ꦱꦒꦼꦢ꧀ꦚꦧꦂꦫꦏꦼꦤ꧀ꦩꦭꦶꦃ꧈ ꦱꦏꦶꦁꦲꦢꦽꦁꦔꦶꦁꦏꦂꦰ꧈ꦢꦺꦮꦶꦡꦶꦱ꧀ꦤꦮꦠꦶꦮꦶꦤꦶꦱꦺꦱꦲꦶꦁꦥꦥꦽꦩ꧀ꦩꦤ꧀ ꦮꦱꦤꦲꦠꦼꦩꦃꦭꦪꦺꦴꦤ꧀ꦠꦤ꧀ꦥꦏꦫꦤ꧈ ꦱꦁꦲꦾꦁꦭꦸꦫꦸꦏꦕꦸꦤ꧀ꦲꦶꦁꦒꦭꦶꦃꦱꦔꦼꦠ꧀ꦥꦶꦢꦸꦮꦸꦁꦔꦶꦥꦸꦤ꧀꧈ ꦱꦁꦉꦠ꧀ꦤꦭꦗꦼꦁꦱꦶꦤꦫꦺꦏ꧀ꦲꦏꦼꦤ꧀ꦲꦶꦁꦥꦤ꧀ꦠꦾꦱ꧀ꦠꦤꦲꦶꦁꦝꦸꦏꦸꦃꦩꦼꦟ꧀ꦝꦁꦑꦩꦸꦭꦤ꧀ ꦏꦠꦼꦁꦒꦲꦶꦁꦲꦧ꧀ꦢꦶꦗꦸꦫꦸꦠꦤꦶꦤꦩ꧇ ꦏꦶꦗꦏꦦꦸꦫꦶꦁ꧉ ꦮꦱꦥꦱꦫꦺꦪꦤ꧀ꦤꦶꦥꦸꦤ꧀ꦢꦮꦶꦡꦶꦱ꧀ꦤꦮꦠꦶꦛꦸꦚꦸꦭ꧀ꦠꦸꦠꦸꦮꦸꦃꦲꦤ꧀ꦤꦶꦥꦸꦤ꧀ꦏꦢꦺꦴꦱ꧀ꦲꦶꦁꦔꦟ꧀ꦝꦥ꧀ꦥꦸꦤꦶꦏ꧇ [ 10 ]꧄ꦱꦥꦿꦥ꧀ꦠꦤꦶꦁꦩꦺꦴꦁꦱꦲꦶꦁꦏꦁ​​ꦮꦶꦗꦶ꧈ꦤꦶꦏꦺꦤ꧀ꦡꦶꦱ꧀ꦤꦮꦠꦶꦭꦪꦺꦴꦤ꧀ꦤꦶꦫ꧈ꦲꦥꦤ꧀ꦝꦸꦏꦸꦭ꧀ꦱꦢꦪꦤꦺ꧈ꦮꦗꦤꦺꦛꦸꦏꦸꦭ꧀ꦗꦒꦸꦁ꧈ꦒꦺꦴꦤ꧀ꦥꦂꦗꦶꦤꦺꦥꦤ꧀ꦝꦸꦏꦸꦭ꧀ꦥꦫꦶ꧈ꦱꦶꦫꦃꦛꦸꦏꦸꦭ꧀ꦏꦭꦥ꧈

. . . . . . . . . . . . . . . . . . . . . . . . . . . . . . . . . . . . . . . . . . .

꧋ꦲꦮꦶꦠ꧀ꦱꦏꦶꦁꦥꦸꦤꦶꦏꦏꦭꦥꦱꦠꦧꦺꦴꦤ꧀ꦤꦶꦥꦸꦤ꧀ꦏꦺꦔꦶꦁꦏꦢ ꦩꦼꦭ꧀ꦭꦶꦤ꧀ꦠꦸꦤꦶꦁꦱꦶꦫꦃꦲꦶꦥꦸꦤ꧀ꦮꦢꦾꦧꦭꦲꦶꦁꦏꦁꦥꦼꦗꦃꦲꦶꦁꦥꦥꦿꦁ​ꦔꦤ꧀ꦏꦏꦼ ꦛꦺꦴꦏ꧀ꦱꦶꦫꦃꦲꦶꦥꦸꦤ꧀ꦢꦺꦤꦶꦁꦩꦼꦁꦱꦃ꧈ꦗꦶꦱꦶꦩ꧀ꦥꦶꦏꦁꦒꦶꦃꦠꦤ꧀ꦥ ꦱꦶꦫꦃ꧈ꦥꦸꦤꦶꦏꦥꦩꦼꦠꦏ꧀ꦏꦶꦥꦸꦤ꧀ꦩꦮꦶꦱꦶꦫꦃꦏꦭꦥꦱꦠꦧꦺꦴꦤ꧀ꦤꦶ ꦥꦸꦤ꧀꧈ꦭꦶꦭꦶꦤ꧀ꦠꦸꦤꦶꦁꦱꦶꦫꦃꦲꦶꦕꦭ꧀ꦲꦶꦁꦏꦁꦏꦏꦼꦛꦺꦴꦏ꧀ꦲꦶꦁꦩꦼꦁꦱꦃ ꦮꦲꦸ꧈ꦥꦶꦫꦶꦠ꧀ꦠꦤ꧀ꦤꦶꦥꦸꦤ꧀ꦏꦢꦢꦺꦴꦱ꧀ꦱꦤ꧀ꦤꦶꦁꦏꦭꦥꦱꦏꦶꦁꦱꦶꦫꦃꦲꦶ ꦥꦸꦤ꧀ꦢꦺꦮꦶꦡꦶꦱ꧀ꦤꦮꦠꦶ꧈ꦩꦶꦭꦏꦺꦔꦶꦁꦢꦢꦺꦴꦱ꧀ꦭꦶꦭꦶꦤ꧀ꦠꦸꦤꦶꦁꦱꦶꦫꦃ꧉

__________

• )꧋ ꦥꦫꦩꦲꦺꦴꦱ꧀ꦲꦩꦿꦶꦏ꧀ꦱꦲꦱꦩ꧀ꦧꦸꦁꦔꦤ꧀ꦲꦶꦁꦏꦕ꧇ 45-46.

___________

[ 11 ]

꧋ ꦏꦮꦿꦸꦃꦤꦤꦼꦩ꧀ꦏꦭꦥ꧈ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧈

꧋ ꦥꦱꦶꦠꦺꦤ꧀꧈

1꧋ꦥꦱꦶꦠꦺꦤ꧀ꦲꦶꦁꦏꦁꦥꦿꦪꦺꦴꦒꦶꦏꦠꦤꦼꦩꦤ꧀ꦏꦭꦥ꧈ꦥꦸꦤꦶꦏꦱꦶꦠꦶꦭꦣꦸꦲꦶꦁꦏꦁꦏꦮꦺꦴꦮꦺꦴꦂꦫꦤ꧀ꦮꦼꦣꦶ꧈ꦲꦶꦁꦒꦶꦃꦥꦸꦤꦶꦏꦠꦤꦃꦦꦗꦁ꧉ꦢꦺꦤꦺꦱꦶꦠꦶꦊꦩ꧀ꦥꦸꦁꦲꦧꦿꦶꦠ꧀ꦲꦸꦠꦮꦶꦕꦼꦩꦼꦁ꧈ꦥꦸꦤꦥꦢꦺꦤꦺꦱꦶꦠꦶꦤꦼꦭ꧈ꦏꦶꦫꦁꦥꦿꦪꦺꦴꦒꦶ꧈ꦲꦶꦁꦒꦶꦃꦥꦸꦤꦶꦏꦠꦤꦃꦯꦸꦏꦮꦠꦶ꧉ꦩꦶꦭꦠꦤꦼꦩ꧀ꦩꦤ꧀ꦏꦭꦥꦏꦛꦃꦠꦤꦃꦦꦗꦁꦠꦶꦤꦶꦩ꧀ꦧꦁꦏꦭꦶꦪꦤ꧀ꦠꦤꦃꦯꦸꦏꦮꦠꦶ꧈ꦠꦸꦂꦮꦶꦪꦂꦫꦶꦥꦸꦤ꧀ꦠꦶꦏꦼꦭ꧀ꦩꦭꦃꦏꦥꦫꦭꦁꦏꦸꦁ꧉

꧋ ꦭꦸꦮꦁꦔꦤ꧀꧈

2​​​ ꧋ ꦱꦊꦧꦼꦠ꧀ꦠꦶꦥꦸꦤ꧀ꦢꦩꦼꦭ꧀ꦮꦶꦗꦶꦕꦶꦏꦭ꧀꧈ꦲꦢꦩꦼꦭ꧀ꦭꦭꦸꦮꦁꦔꦤ꧀ꦫꦸꦩꦶꦪꦶꦤ꧀ꦮꦶꦪꦂꦫꦶꦥꦸꦤ꧀ꦱꦲꦱ꧀ꦠꦩꦸꦧꦼꦁ꧈ꦊꦧꦼꦠ꧀ꦠꦶꦥꦸꦤ꧀ꦲꦶꦁꦒꦶꦃꦱꦲꦱ꧀ꦠꦩꦸꦧꦼꦁ꧈ꦢꦶꦥꦸꦤ꧀ꦱꦺꦴꦏ꧀ꦏꦶꦧꦿꦁꦏꦭ꧀ꦲꦸꦠꦮꦶꦱꦺꦭꦱꦮꦠꦮꦶꦱ꧀꧈ꦭꦗꦼꦁꦢꦶꦥꦸꦤ꧀ꦲꦸꦫꦸꦒ꧀ꦒꦶꦮꦸꦃꦲꦸꦠꦮꦶꦫꦧꦸꦏ꧀ꦠꦭꦺꦛꦺꦴꦁ꧈ꦏꦲꦤ꧀ꦠꦮꦶꦱ꧀ꦱꦏꦼꦤ꧀ꦔꦤ꧀ꦠꦺꦴꦱ꧀ꦢꦢꦺꦴꦱ꧀ꦱꦶꦠꦶꦫꦸꦩꦶꦪꦶꦤ꧀ꦥꦸꦤꦶꦏꦱꦮꦼꦒ꧀ꦏꦺꦔꦶꦁꦏꦠꦤꦼꦩ꧀ꦩꦤ꧀ ꦢꦺꦤꦺꦊꦠ꧀ꦠꦶꦥꦸꦤ꧀ꦭꦸꦮꦁꦔꦤ꧀ꦲꦤ꧀ꦠꦮꦶꦱ꧀ꦏꦭꦶꦃꦭꦟ꧀ꦝꦺꦪꦤ꧀꧈ꦥꦲꦶꦢꦃꦲꦶꦥꦸꦤ꧀ꦩꦮꦶꦧꦿꦁꦏꦭ꧀ꦲꦸꦠꦮꦶꦱꦺꦭ꧈ꦲꦺꦴꦪꦺꦴꦢ꧀ꦢꦶꦁꦕꦶꦏꦭ꧀ꦱꦒꦼꦢ꧀ꦏꦼꦏꦃ꧈ꦲꦢꦼꦒ꧀ꦒꦶꦥꦸꦤ꧀ꦧꦣꦺꦗꦼꦗꦼꦒ꧀꧈ꦧꦺꦴꦠꦼꦤ꧀ꦱꦒꦼꦢ꧀ꦝꦺꦴꦪꦺꦴꦁꦱꦂꦠꦧꦺꦴꦠꦼꦤ꧀ꦱꦒꦼꦢ꧀ꦧꦕꦼꦏ꧀ꦢꦺꦤꦶꦁꦠꦺꦴꦪ꧈ꦫꦧꦸꦏ꧀ꦲꦢꦩꦼꦭ꧀ꦊꦩꦤꦶꦁꦕꦶꦏꦭ꧀꧈

꧋ ꦮꦶꦗꦶ꧉

3​​ ꧋ ꦮꦶꦗꦶꦏꦭꦥꦲꦶꦁꦏꦁꦥꦿꦪꦺꦴꦒꦶꦲꦩꦶꦭꦶꦃꦲꦏꦭꦥꦥꦸ [ 12 ]ꦱꦼꦂ꧈​ꦲꦶꦁꦒꦶꦃꦥꦸꦤꦶꦏꦏꦭꦥꦗꦚ꧀ꦗꦁꦔꦤ꧀ꦲꦶꦁꦏꦁꦔꦟ꧀ꦝꦥ꧀ꦥꦶꦪ ꦩ꧀ꦧꦏ꧀​​ꦱꦂꦠꦱꦗꦚ꧀ꦗꦁ​ꦔꦶꦥꦸꦤ꧀ꦤꦩꦸꦔ꧀ꦮꦺꦴꦤ꧀ꦠꦼꦤ꧀ꦱꦠꦸꦁꦒꦭ꧀꧈​ꦥꦸ ꦤꦶꦏꦧꦣꦺꦏꦛꦃꦮꦺꦴꦃꦲꦶꦥꦸꦤ꧀ꦱꦂꦠꦲꦒꦼꦁꦲꦒꦼꦁ꧈​ꦤꦔꦶꦁꦏꦼ ꦢꦃꦏꦭꦥꦲꦶꦁꦏꦔ꧀ꦮꦶꦠ꧀ꦠꦶꦥꦸꦤ꧀ꦱꦩ꧀ꦥꦸꦤ꧀ꦱꦼꦥꦸꦃ​ (1)꧉​ꦢꦺꦤꦺꦏ ꦭꦥꦤꦺꦩ꧀​​ꦲꦸꦠꦮꦶꦕꦶꦏꦭ꧀​​ꦧꦺꦴꦠꦼꦤ꧀ꦱꦒꦺꦏꦢꦩꦼ ꦭ꧀ꦮꦶꦗꦶ꧉​ꦏꦭꦥꦮꦲꦸꦭꦗꦼꦁꦏꦒꦟ꧀ꦝꦺꦁꦏ ꦭꦶꦃꦏꦭꦶꦃ꧈ꦏꦒꦟ꧀ꦝꦸꦭ꧀ꦭꦏꦼꦤ꧀ꦮꦺꦴꦤ꧀ꦠꦼꦤꦁ​ꦔꦶꦁ​ꦮꦶꦠ꧀ꦮꦶꦠ꧀ꦠꦤ꧀ꦲꦶꦁꦏꦁꦲꦪꦺꦴꦩ꧀​ꦱꦸꦥꦢꦺꦴꦱ꧀ꦏꦺꦔꦶꦁꦱꦸꦩꦸꦏ꧀ꦏꦶꦁꦥꦤꦱ꧀ꦱꦂꦠꦏꦧꦫꦠ꧀ꦠꦤ꧀ꦠꦸꦮꦶꦤ꧀ꦏꦗꦮꦃ ꦲꦤ꧀ꦫꦶꦤ꧀ꦠꦼꦤ꧀ꦢꦭꦸ꧈​ꦩꦿꦶꦥꦠ꧀ꦠꦶꦁꦏꦭꦥ​ (ꦮꦶꦗꦶ) ꦭꦗꦼꦁꦏꦠꦶꦔꦭ꧀ꦛꦶ ꦏꦶꦭ꧀ꦲꦶꦁꦔ꧀ꦊꦧꦼꦠ꧀ꦲꦔꦼꦟ꧀ꦛꦺꦴꦱ꧀​ꦩꦶꦭꦲꦶꦁꦒꦶꦃꦤꦩꦏꦼ ꦟ꧀ꦛꦺꦴꦱ꧀꧈​ꦠꦶꦪꦁꦩꦭꦪꦸꦲꦩꦱ꧀ꦠꦤꦶꦭ꧀​ꦠꦺꦴꦩ꧀ꦧꦺꦴꦁ꧈​ꦠꦶꦪꦁ​ ꦯꦸꦟ꧀ꦝꦲꦩꦱ꧀ꦠꦤꦶ꧇​ꦧꦸꦠꦸꦃ꧉​ꦏꦼꦟ꧀ꦛꦺꦴꦱ꧀ꦲꦕꦏꦠꦼꦣ꧈​ ꦫꦲꦺꦴꦱ꧀ꦱꦶꦥꦸꦤ꧀ꦊꦒꦶꦏꦿꦥꦼꦱ꧀ꦏꦿꦥꦼꦱ꧀꧈​ꦏꦼꦟ꧀ꦛꦺꦴꦱ꧀ꦲꦔꦶꦱꦼ ꦥ꧀ꦠꦺꦴꦪꦤꦶꦁꦏꦭꦥꦔꦤ꧀ꦠꦺꦴꦱ꧀ꦠꦼꦭꦱ꧀​​ꦏꦼꦟ꧀ꦛꦺꦴꦱ꧀ꦢꦢꦺꦴꦱ꧀ꦱꦁ

__________

1)꧋ ꦩꦤꦮꦶꦢꦩꦼꦭ꧀ꦧꦶꦧꦶꦠ꧀ꦏꦭꦥ​ (ꦕꦶꦕꦭ꧀) ꦏꦗ​ꦮꦶꦏꦭꦥꦤꦶꦥꦸꦤ꧀ꦥꦸꦪꦩ꧀ꦧꦏ꧀ꦏꦼꦢꦃꦱꦼꦥꦸꦃ​ꦲꦶꦁꦏꦁꦔꦤ꧀ꦝꦥ꧀ꦒꦫꦶꦔ꧀ꦮꦺꦴꦤ꧀ꦠꦼꦤ꧀ꦲꦶꦁꦗꦚ꧀ꦗꦁꦔꦤ꧀ꦲꦸꦒꦶꦏꦼꦢꦃꦩꦶꦭꦶꦃꦮꦶꦠ꧀ꦏꦭꦥꦲꦶꦁꦏꦁꦱꦼꦥꦸꦃ꧉​ꦮꦶꦠ꧀ꦏꦭꦥꦲꦶꦁꦏꦁꦮꦺꦴꦃꦲꦶꦥꦸꦤ꧀ꦱꦩ꧀ꦥꦸꦤ꧀ꦏꦺꦔꦶꦁꦏꦁꦒꦺꦧꦶꦧꦶꦠ꧀​ꦲꦶꦁꦒꦶꦃꦥꦸꦤꦶꦏꦱꦏꦼꦣꦶꦗ꧀ꦏꦶꦥꦸꦤ꧀ꦔꦸꦩꦸꦂ​ 20 ꦠꦲꦸꦤ꧀​ꦒ꧀ꦭꦸꦒꦸꦤꦶꦥꦸꦤ꧀ꦲꦶꦁꦏꦁꦏꦠꦶꦔꦭ꧀ꦲꦒꦼꦁ꧈​ꦱꦸꦧꦸꦂ꧈​ꦠꦸꦮꦶꦤ꧀ꦏꦛꦃꦥꦥꦃꦲꦶꦥꦸꦤ꧀​ꦮꦺꦴꦲꦶꦁꦥꦸꦤ꧀ꦲꦶꦁꦏꦁꦲꦒꦼꦁꦲꦒꦼꦁꦱꦂꦠꦏꦛꦃ​ꦗꦚ꧀ꦗꦁꦔꦶꦥꦸꦤ꧀꧈

꧋ ꦮꦶꦗꦶꦏꦭꦥꦲꦶꦁꦏꦔꦺꦤꦺꦩ꧀ꦲꦶꦁꦠꦼꦩ꧀ꦧꦺꦤꦶꦥꦸꦤ꧀ꦮꦤꦮꦶꦲꦮꦺꦴꦃꦧ꧀ꦭꦸꦭꦸꦏ꧀​​ꦕꦼꦁꦏꦶꦂ꧈​ꦱꦂꦠꦮꦼꦒ꧀ꦒꦤ꧀ꦤꦶꦥꦸꦤ꧀ꦠꦤ꧀ꦱꦃꦫꦺꦴꦤ꧀ꦠꦺꦴꦏ꧀​​ꦗꦚ꧀ꦗꦁꦔꦤ꧀ꦤꦶꦥꦸꦤ꧀ꦱꦩꦶꦱꦺꦁꦏ꧀ꦭꦺꦴꦢꦶꦥꦸꦤ꧀ꦮꦱ꧀ꦠ​ꦤꦶ꧇​ꦏ꧀ꦭꦥꦒꦼꦧꦿꦺꦴꦒ꧀꧈

꧋ ꦧꦶꦧꦶꦛꦶꦁꦏꦁꦤꦩꦥꦸꦤ꧀ꦔꦸꦩꦸꦂ꧇​ 5 ꦢꦸꦩꦸꦒꦶ꧇ 8​​ ꦠꦲꦸꦤ꧀​ꦮꦶꦠ꧀ꦠꦶꦥꦸꦤ꧀ꦱꦩ꧀ꦥꦸꦤ꧀ꦩꦼꦢꦭ꧀ꦲꦶꦁꦒꦶꦭ꧀꧇​ 40 a 60 cM. ꦱꦂꦠꦱꦩ꧀ꦥꦸꦤ꧀ꦮꦶꦮꦶꦠ꧀ꦩꦼꦢꦭ꧀ꦲꦺꦴꦪꦺꦴꦢ꧀ꦢꦶꦥꦸꦤ꧀ꦱꦏꦶꦊꦧꦼꦠ꧀ꦩꦼꦢꦭ꧀ꦲꦶꦁꦗꦮꦶꦤꦶꦁꦏꦧꦺꦴꦤ꧀​​ꦩꦤꦮꦶꦲꦺꦴꦪꦺꦴꦢ꧀ꦮꦲꦸꦱꦩ꧀ꦥꦸꦤ꧀ꦩꦼꦢꦭ꧀ꦏꦛꦃ꧈​ꦱꦩ꧀ꦥꦸꦚ꧀ꦕꦚ꧀ꦕꦶꦤꦶꦥꦸꦤ꧀ꦏꦺꦔꦶꦁꦏꦠꦤꦼꦩ꧀꧈ [ 13 ]ꦱꦪꦲꦒꦼꦁꦭꦗꦼꦁꦲꦁꦒꦿꦺꦴꦁꦒꦺꦴꦁꦔꦼꦧꦏ꧀ꦏꦶꦱꦸꦮꦸꦁ꧈ꦲꦶꦱꦶꦤꦶꦁꦏꦭꦥꦱꦪꦫꦶꦱꦏ꧀ꦔꦤ꧀ꦠꦺꦴꦱ꧀ꦠꦶꦥꦶꦱ꧀꧈ꦮꦱꦤꦠꦼꦭꦱ꧀꧈ꦏꦿꦶꦔꦼꦠ꧀ꦠꦶꦁꦏꦭꦥꦢꦢꦺꦴꦱ꧀ꦭꦶꦱꦃꦏꦼꦟ꧀ꦛꦼꦭ꧀꧈ꦮꦂꦤꦶꦤꦶꦥꦸꦤ꧀ꦥꦼꦛꦏ꧀꧈ꦛꦶꦏꦶꦭ꧀ꦭꦶꦁꦕꦶꦏꦭ꧀ꦱꦪꦲꦒꦼꦁ꧈ꦭꦗꦼꦁꦚꦺꦴꦧꦿꦃꦲꦔꦺꦴꦪꦺꦴꦢ꧀ꦱꦗꦮꦶꦤꦶꦁꦧꦛꦺꦴꦏ꧀꧈ꦏꦥꦽꦤꦃꦲꦶꦁꦥꦺꦴꦏ꧀ꦔꦶꦁꦒꦶꦭ꧀꧈ꦤꦊꦱꦼꦥ꧀ꦝꦠꦼꦁꦠꦧꦺꦴꦤ꧀ꦤꦶꦁꦏꦭꦥꦏꦠꦶꦔꦭ꧀ꦥꦠꦶꦁꦏꦿꦶꦔꦶꦥ꧀꧈ꦧꦶꦭꦶꦃꦕꦶꦏꦭ꧀ꦱꦩ꧀ꦥꦸꦤ꧀ꦲꦒꦼꦁꦲꦒꦺꦴꦣꦺꦴꦁꦱꦏꦮꦤ꧀ꦏꦲꦸꦣꦸꦤ꧀ꦤꦏꦼꦤ꧀꧈

꧋ꦕꦶꦏꦭ꧀꧈

4 ꧋ꦱꦱꦩ꧀ꦥꦸꦤ꧀ꦤꦶꦁꦕꦶꦏꦭ꧀ꦏꦲꦸꦣꦸꦤ꧀ꦤꦏꦼꦤ꧀ꦱꦏꦶꦁꦮꦶꦠ꧀ꦮꦶꦠ꧀ꦠꦤ꧀꧈ꦏꦱꦺꦭꦺꦃꦲꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦏꦶꦮꦤ꧀ꦫꦸꦩꦶꦪꦶꦤ꧀꧈ꦲꦤ꧀ꦠꦮꦶꦱ꧀ꦱꦥꦼꦏꦼꦤ꧀ꦢꦔꦸꦤꦶꦥꦸꦤ꧀ꦭꦗꦼꦁꦏꦠꦤꦼꦩ꧀꧈ꦥꦸꦤꦶꦏꦭꦗꦼꦁꦒꦼꦱꦁꦲꦤ꧀ꦢꦼꦢꦼꦭ꧀ꦲꦺꦁꦒꦭ꧀ꦲꦒꦼꦁ^[2]꧈ꦧꦶꦭꦶꦃꦱꦩ꧀ꦥꦸꦤ꧀ꦮꦺꦴꦭꦸꦁꦠꦲꦸꦤ꧀ꦏꦠꦶꦔꦭ꧀ꦲꦁꦒꦼꦤꦸꦏ꧀ꦏꦶ(ꦧꦺꦴꦁꦏꦺꦴꦠ꧀ꦠꦶꦥꦸꦤ꧀ꦲꦩ꧀ꦧꦊꦟ꧀ꦝꦸꦏ꧀ꦧꦣꦺꦢꦢꦺꦴꦱ꧀ꦒꦭꦸꦒꦸ)ꦭꦗꦼꦁꦤꦩ꧇ꦏꦭꦥ꧉

꧋ ꦕꦶꦏꦭ꧀ꦏꦁꦒꦺꦱꦿꦏꦃꦲꦶꦁꦥꦔꦤ꧀ꦠꦺꦤ꧀꧈ꦏꦛꦃꦲꦶꦥꦸꦤ꧀ꦏꦏꦭꦶꦃ꧈ꦱꦂꦠꦏꦁꦒꦺꦲꦶꦱꦫꦠ꧀ꦔꦢꦼꦒ꧀ꦒꦏꦼꦤ꧀ꦒꦿꦶꦪꦱꦱꦩꦶꦤꦶꦥꦸꦤ꧀꧈ꦏꦒꦟ꧀ꦝꦸꦭ꧀ꦭꦏꦼꦤ꧀ꦲꦶꦁꦩꦺꦴꦭꦺꦴꦏꦛꦃꦲꦶꦥꦸꦤ꧀ꦲꦸꦒꦶꦏꦏꦭꦶꦃ꧈ꦏꦭꦶꦪꦤ꧀ꦥꦤ꧀ꦠꦸꦤ꧀ꦱꦧꦼꦭꦃꦢꦶꦥꦸꦤ꧀ꦱꦟ꧀ꦝꦶꦁꦔꦏꦼꦤ꧀ꦲꦶꦁꦕꦶꦏꦭ꧀ꦮꦲꦸꦮꦺꦴꦤ꧀ꦠꦼꦤ꧀ꦔꦶꦁꦒꦶꦭ꧀ꦩꦺꦴꦭꦺꦴ꧉

꧋ ꦕꦶꦏꦭ꧀ꦏꦺꦔꦶꦁꦏꦲꦁꦒꦺꦥꦔꦺꦔꦼꦠ꧀ꦲꦺꦔꦼꦠ꧀​ꦏꦠꦤꦼꦩ꧀ꦱ

______
[ 14 ]ꦉꦁꦱꦢꦶꦤ꧀ꦠꦼꦤ꧀ꦏꦭꦶꦪꦤ꧀ꦧꦪꦶꦲꦶꦁꦏꦁꦱꦮꦼꦒ꧀ꦭꦲꦶꦂ꧈ꦩꦶꦤꦺꦴꦁꦏꦠꦺꦴꦟ꧀ꦝꦏꦛꦃꦏꦼꦣꦶꦏ꧀ꦏꦶꦁꦲꦸꦩꦸꦂꦫꦶꦥꦸꦤ꧀ꦧꦪꦶ꧈ꦏꦢꦺꦴꦱ꧀ꦠ꧇ꦕꦶꦏꦭ꧀ꦱꦮꦼꦒ꧀ꦲꦁꦒꦼꦤꦸꦏ꧀ꦏꦶ꧈ꦲꦸꦩꦸꦂꦫꦶꦁꦭꦫꦺꦏꦶꦫꦁꦭꦁꦏꦸꦁꦱꦏꦼꦣꦶꦏ꧀ꦱꦮꦼꦒ꧀ꦮꦺꦴꦭꦸꦁꦠꦲꦸꦤ꧀꧈ꦩꦏꦠꦼꦤ꧀ꦱꦥꦶꦠꦸꦫꦸꦠ꧀ꦠꦶꦥꦸꦤ꧀꧈ꦲꦮꦶꦠ꧀ꦲꦶꦁꦗꦩꦤ꧀ꦏꦶꦤꦭꦲꦶꦂꦫꦶꦁꦗꦧꦁꦧꦪꦶꦲꦤꦏ꧀ꦏꦶꦥꦸꦤ꧀ꦠꦼꦠꦶꦪꦁꦲꦭꦶꦠ꧀ ꦲꦮꦶꦱ꧀ꦏꦥꦺꦔꦼꦠ꧀ꦠꦤ꧀ꦲꦶꦁꦥꦫꦶꦩ꧀ꦧꦺꦴꦤ꧀ ꦢꦺꦤꦶꦁꦠꦏ꧀ꦱꦶꦃꦲꦮꦶꦱ꧀ꦠꦶ ꦪꦁꦱꦒꦼꦢ꧀ꦩꦲꦺꦴꦱ꧀ꦱꦂꦠꦚꦼꦫꦠ꧀꧈ꦲꦶꦁꦏꦁꦢꦢꦺꦴꦱ꧀ꦭꦶꦭꦶꦤ꧀ꦠꦸꦤꦶꦁꦕꦛꦼꦠ꧀ꦠꦤ꧀꧇ꦕꦶꦏꦭ꧀꧈

꧋ꦏꦭꦥ꧉

5​ ꧋ꦲꦤ꧀ꦠꦮꦶꦱ꧀ꦠꦲꦸꦤ꧀ꦩꦭꦶꦃꦱꦏꦶꦁꦲꦁꦒꦼꦤꦸꦏ꧀ꦏꦶꦮꦶꦮꦶꦠ꧀ꦮꦭ(ꦱꦼꦏꦂ=ꦩꦁꦒꦂ)ꦱꦠꦸꦁꦒꦭ꧀꧈ꦏꦭꦶꦃ꧈ꦠꦶꦒꦱꦥꦶꦠꦸꦫꦸꦠ꧀ꦠꦶꦥꦸꦤ꧀ꦠꦸꦟ꧀ꦝꦠꦸꦩꦸꦟ꧀ꦝ(ꦏꦼꦩ꧀ꦧꦁ꧈ꦲꦥꦼꦤ꧀ꦠꦶꦭ꧀꧈ꦤꦺꦩ꧀ꦱꦂꦠꦱꦼꦥꦸꦃ)ꦩꦶꦭꦩꦤꦮꦶꦥꦔꦸꦟ꧀ꦝꦸꦃꦲꦶꦥꦸꦤ꧀ꦱꦥꦶꦱꦤ꧀ꦢꦶꦥꦸꦤ꧀ꦱꦫꦤ꧀ꦠꦺꦴꦱ꧀ꦱꦏꦼꦤ꧀ꦔ ꦤ꧀ꦠꦺꦴꦱ꧀ꦏꦶꦫꦶꦁ(=ꦒꦫꦶꦁ)ꦱꦧꦼꦤ꧀ꦮꦸꦭꦤ꧀ꦱꦒꦼꦢ꧀ꦔꦸꦣꦸꦤ꧀ꦤꦏꦼꦤ꧀ꦏꦭꦥꦏꦶꦫꦶꦁ꧈ꦏꦛꦃꦏꦼꦣꦶꦏ꧀ꦏꦶꦥꦸꦤ꧀ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦠꦩ꧀ꦠꦺꦴꦏ꧀ꦲꦏꦼꦤ꧀꧈ꦢꦺꦤꦶꦁꦒꦺꦴꦒꦿꦺꦴꦒ꧀ꦲꦸꦠꦮꦶꦧꦺꦴꦠꦼꦤ꧀ꦤꦶꦁꦧꦭꦸꦭꦸꦏ꧀ꦏꦶꦥꦸꦤ꧀꧈ꦮꦺꦴꦤ꧀ꦠꦼꦤ꧀ꦲꦶꦁꦏꦁꦲꦕꦫꦶꦪꦺꦴꦱ꧀ꦱꦮꦼꦤꦺꦃꦲꦶꦁꦗꦚ꧀ꦗꦁꦔꦤ꧀ꦏꦭꦥꦮꦺꦴꦤ꧀ꦠꦼꦤ꧀ꦲꦶꦁꦏꦁꦔꦤ꧀ꦠꦺꦴꦱ꧀ꦱꦭꦮꦺ꧈ꦤꦔꦶꦁꦏꦸꦭꦢꦺꦫꦺꦁꦚꦶꦥꦠ꧀ꦠꦶꦥꦶꦪꦩ꧀ꦧꦏ꧀꧈ꦢꦺꦤꦺꦲꦶꦁꦏꦁꦏꦛꦃ꧇ 5 ꦢꦸꦩꦸꦒꦶ꧇ 15꧉ꦏꦗꦮꦶꦏꦭꦥꦫꦶꦱꦏ꧀ꦢꦺꦤꦶꦁꦊꦥꦠ꧀ꦠꦶꦁꦥꦔꦸ ꦟ꧀ꦝꦸꦃꦲꦶꦥꦸꦤ꧀꧈ꦢꦺꦫꦺꦁꦮꦚ꧀ꦕꦶꦤꦶꦥꦸꦤ꧀ꦱꦩ꧀ꦥꦸꦤ꧀ꦏꦲꦸꦟ꧀ꦝꦸꦃ꧈ꦲꦸꦠꦮꦶꦏꦥꦼꦟ꧀ꦝꦼꦠ꧀ꦩꦁꦒꦂꦗꦤꦸꦂꦠꦸꦮꦶꦤ꧀ꦢꦼꦒꦤ꧀ꦤꦶꦥꦸꦤ꧀ꦲꦶꦁꦏꦁꦧꦺꦴꦠꦼꦤ꧀ꦩꦮꦶꦏꦶꦤ꧀ꦠꦼꦤ꧀ꦏꦶꦤꦶꦤ꧀ꦠꦼꦤ꧀꧈ꦥꦸꦤꦶꦏꦥꦚ꧀ꦕꦺꦤ꧀ꦤꦩꦏꦫꦶꦱꦏ꧀꧈ꦩꦶ [ 15 ]ꦭꦏꦛꦃꦏꦺꦩꦮꦺꦴꦤ꧀ꦏꦭꦥꦏꦤ꧀ꦠꦿꦏ꧀ꦭꦗꦼꦁꦲꦔ꧀ꦭꦏꦤꦶ(ꦧꦺꦴꦠꦼꦤ꧀ꦲꦮꦺꦴꦃꦢꦺꦤꦶꦁꦩꦁꦒꦂꦫꦶꦥꦸꦤ꧀ꦠꦤ꧀ꦥꦧꦭꦸꦭꦸꦏ꧀꧈ꦲꦸꦠꦮꦶꦮꦺꦴꦤ꧀ꦠꦼꦤ꧀ꦧꦭꦸꦭꦸꦏ꧀ꦏꦶꦥꦸꦤ꧀ꦤꦔꦶꦁꦫꦺꦴꦤ꧀ꦠꦺꦴꦒ꧀)ꦥꦸꦤꦶꦏꦲꦔꦺꦭ꧀ꦲꦁꦒꦺꦤ꧀ꦤꦶꦥꦸꦤ꧀ꦩꦸꦭꦶꦃꦲꦏꦼꦤ꧀꧈ꦏꦼꦢꦃꦏꦏꦺꦤ꧀ꦢꦼꦭ꧀ꦭꦏꦼꦤ꧀ꦔꦤ꧀ꦠꦺꦴꦱ꧀ꦱꦮꦠꦮꦶꦱ꧀ꦮꦸꦭꦤ꧀꧈ꦱꦂꦠꦏꦼꦢꦃꦏꦉꦱꦶꦏ꧀ꦏꦤ꧀ꦠꦥꦱ꧀꧈ꦩꦁꦒꦂ꧈ꦩꦚ꧀ꦕꦸꦁꦔꦶꦥꦸꦤ꧀꧈ꦥꦸꦤꦥꦢꦺꦤꦺꦧꦺꦴꦁꦏꦺꦴꦠ꧀ꦠꦶꦥꦸꦤ꧀ꦲꦶꦁꦏꦁꦱꦩ꧀ꦥꦸꦤ꧀ꦒꦫꦶꦁꦠꦏ꧀ꦱꦶꦃꦠꦸꦩꦺꦩ꧀ꦥ꧀ꦭꦺꦏ꧀ꦲꦶꦁꦲꦸꦮꦶꦠ꧀꧈ꦥꦸꦤꦶꦏꦏꦧꦸꦕꦭ꧀ꦭꦤꦱꦢꦪ꧈ꦲꦶꦁꦥꦸꦥꦸꦱ꧀ꦢꦶꦥꦸꦤ꧀ꦢꦺꦏꦺꦏ꧀ꦏꦶꦱꦉꦩ꧀ꦱꦕꦺꦴꦟ꧀ꦛꦺꦴꦁ꧉ꦩꦶꦭꦲꦶꦁꦏꦁꦥꦿꦪꦺꦴꦒꦶꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦠꦭꦺꦴꦩ꧀ꦥꦺꦱꦧꦼꦤ꧀ꦔꦸꦣꦸꦤ꧀ꦤꦏꦼꦤ꧀ꦏꦭꦥꦒꦫꦶꦁꦏꦱꦩ꧀ꦧꦶꦪꦏꦭꦶꦪꦤ꧀ꦲꦔꦽꦱꦶꦏ꧀ꦏꦶꦮꦶꦠ꧀ꦏꦭꦥꦥꦶꦱꦤ꧀꧈ꦢꦢꦺꦴꦱ꧀ꦧꦺꦴꦠꦼꦤ꧀ꦏꦱꦺꦥ꧀꧈ꦠꦤ꧀ꦱꦃꦉꦱꦶꦏ꧀ꦏꦺꦩꦮꦺꦴꦤ꧀꧈ꦩꦏꦠꦼꦤ꧀ꦩꦭꦶꦃꦧꦺꦴꦁꦏꦺꦴꦠ꧀ꦠꦶꦁꦮꦶꦠ꧀ꦏꦭꦥꦱꦕꦼꦭꦏ꧀ꦏꦶꦁꦥꦺꦴꦏ꧀ꦏꦶꦥꦸꦤ꧀ꦏꦫꦩ꧀ꦥꦱ꧀ꦱꦲꦶꦁꦏꦁꦉꦱꦶꦏ꧀꧈ꦏꦶꦮꦠꦼꦔꦼꦤ꧀ꦤꦶꦥꦸꦤ꧀ꦏꦥꦕꦸꦭ꧀ꦭꦤ꧀ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦮꦺꦴꦤ꧀ꦠꦼꦤ꧀ꦛꦸꦏꦸꦭ꧀ꦭꦤ꧀ꦫꦸꦩ꧀ꦥꦸꦠ꧀꧈ꦥꦸꦤꦶꦏꦲꦢꦠ꧀ꦠꦶꦥꦸꦤ꧀ꦭꦗꦼꦁꦱꦒꦼꦢ꧀ꦥꦸꦭꦶꦃꦮꦁꦱꦸꦭ꧀ꦱꦲꦺꦩꦭꦶꦃ꧈ꦢꦺꦤꦺꦲꦶꦁꦏꦁꦭꦁꦏꦸꦁꦥꦿꦪꦺꦴꦒꦶ꧇ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦉꦱꦶꦏ꧀ꦏꦤ꧀ꦭꦗꦼꦁꦏꦢꦺꦫꦺꦱ꧀꧈ꦧꦶꦭꦶꦃꦱꦩ꧀ꦥꦸꦤ꧀ꦏꦭꦩ꧀ꦥꦃꦲꦤ꧀ꦱꦠꦼꦔꦃꦠꦲꦸꦤ꧀ꦢꦶꦥꦸꦤ꧀ꦏꦺꦤ꧀ꦢꦼꦭ꧀ꦭꦶꦩꦤ꧀ꦠꦸꦤ꧀ꦢꦶꦥꦸꦤ꧀ꦢꦺꦫꦺꦱ꧀꧈ꦥꦸꦤꦶꦏꦮꦺꦴꦃꦲꦶꦥꦸꦤ꧀ꦏꦢꦺꦴꦱ꧀ꦢꦶꦥꦸꦤ꧀ꦱꦺꦴꦏ꧀ꦲꦏꦼꦤ꧀꧈

꧋ꦥꦺꦫꦁꦔꦤ꧀ꦤꦶꦁꦮꦶꦠ꧀ꦏꦭꦥ꧈ꦲꦱꦶꦭ꧀ꦱꦂꦠꦏꦁꦒꦺꦤꦶꦥꦸꦤ꧀꧈

꧋ꦒꦭꦸꦒꦸ꧉

6​ ꧋ꦮꦶꦠ꧀ꦏꦭꦥꦲꦶꦁꦏꦁꦠꦏ꧀ꦱꦶꦃꦤꦺꦩ꧀ꦤꦩ꧇ꦕꦶꦏꦭ꧀꧈ꦲꦶꦁꦏꦁꦱ [ 16 ]ꦩ꧀ꦥꦸꦤ꧀ꦱꦼꦥꦸꦃꦤꦩ꧇ꦒꦭꦸꦒꦸ꧈ꦤꦔꦶꦁꦧꦺꦴꦠꦼꦤ꧀ꦥꦠꦺꦴꦱ꧀ꦏ ꦫꦤ꧀꧈ꦠꦶꦪꦁꦏꦛꦃꦲꦩꦱ꧀ꦠꦤꦶ꧇ꦮꦶꦠ꧀ꦏꦿꦩ꧀ꦧꦶꦭ꧀ N.꧈ꦮꦶꦠ꧀ꦏꦭꦥ K.꧈ꦢꦺꦤꦺꦏꦁꦒꦺꦤ꧀ꦤꦶꦥꦸꦤ꧀ꦧꦶꦭꦶꦃꦧꦣꦺꦩꦱ꧀ꦠꦤꦶꦒꦭꦸꦒꦸꦩꦏꦠꦼꦤ꧀꧇ꦮꦺꦴꦠ꧀ꦠꦺꦒꦭꦸꦒꦸꦗꦺꦗꦺꦂꦠꦼꦭꦸ꧈ꦧꦺꦴꦠꦼꦤ꧀ „ꦏꦿꦩ꧀ꦧꦶꦭ꧀”꧉

꧋​ ꦧꦺꦴꦁꦏꦺꦴꦠ꧀ꦠꦶꦁꦒꦭꦸꦒꦸꦠꦶꦪꦁꦥꦱꦶꦱꦶꦂꦲꦩꦱ꧀ꦠꦤꦶ꧇ꦧꦼꦢꦒ꧈ꦲꦸꦠꦮꦶ꧇ꦧꦺꦴꦁꦒꦺꦴꦭ꧀꧈ꦲꦶꦁꦯꦸꦫꦏꦂꦠꦲꦶꦁꦏꦁꦤꦩꦧꦺꦴꦁꦒꦺꦴꦭ꧀꧈ꦧꦺꦴꦁꦏꦺꦴꦠ꧀ꦠꦶꦁꦮꦶꦠ꧀ꦥꦶꦱꦁꦲꦶꦁꦏꦁꦏꦼꦥꦼꦟ꧀ꦝꦼꦩ꧀꧈

꧋ ꦒꦭꦸꦒꦸꦥꦸꦤꦶꦏꦩꦼꦰ꧀ꦛꦶꦮꦺꦴꦤ꧀ꦠꦼꦤ꧀ꦥꦚ꧀ꦕꦢ꧀ꦢꦤ꧀ꦤꦶꦥꦸꦤ꧀꧈ꦢꦺꦤꦺꦥꦚ꧀ꦕꦢ꧀ꦢꦤ꧀ꦮꦲꦸꦢꦼꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦶꦪꦁ꧈ꦏꦤꦩꦏ꧀ꦲꦏꦼꦤ꧀꧇ꦠꦠꦂꦫꦤ꧀꧈ꦥꦶꦫꦤ꧀ꦠꦺꦴꦱ꧀ꦥꦚ꧀ꦕꦢ꧀ꦢꦤ꧀ꦩꦺꦤꦺꦏ꧀ꦧꦶꦭꦶꦃꦧꦣꦺꦔꦸꦟ꧀ꦝꦸꦃꦏꦭꦥ꧉ꦥꦚ꧀ꦕꦢ꧀ꦢꦤ꧀ꦒꦭꦸꦒꦸꦏꦺꦔꦶꦁꦏꦢꦩꦼꦭ꧀ꦮꦁꦱꦭ꧀ꦭꦤ꧀꧈ꦏꦢꦺꦴꦱ꧀ꦠ꧇

꧄ ꦔꦠꦶꦔꦭ꧀ꦭꦱꦏꦼꦣꦥ꧀ꦩꦱ꧀ꦏ꧀ꦮꦫꦶ꧈ꦱꦸꦤ꧀ꦠꦼꦧꦱ꧀ꦱꦺꦭꦪꦺꦴꦤ꧀ ​ꦥꦚ꧀ꦕꦢ꧀ꦢꦤ꧀ꦩꦸꦁꦒꦺꦁꦒꦭꦸꦒꦸꦲꦁꦒꦺꦂ꧈ꦏꦮꦼꦤ꧀ꦠꦫꦏꦮꦸꦭꦠꦤ꧀ꦲꦗꦿꦶꦃ꧈....ꦏꦮꦼꦤ꧀ꦠꦂ꧈ꦲꦁꦱꦭ꧀ꦢꦺꦤꦶꦁ꧇ꦠꦠꦂꦫꦤ꧀ zie M. L. 329-4꧉

꧋ ꦒꦭꦸꦒꦸꦏꦺꦔꦶꦁꦏꦢꦩꦼꦭ꧀ꦧꦭꦸꦁꦔꦤ꧀ꦒꦿꦶꦪꦲꦶꦁꦒꦶꦏ꧀ꦭꦤ꧀꧈ꦏꦢꦺꦴꦱ꧀ꦠ꧇ꦧ꧀ꦭꦤ꧀ꦢꦂ꧈ꦥꦔꦼꦉꦠ꧀꧈ꦩꦺꦴꦭꦺꦴ꧈ꦲꦤ꧀ꦢꦼꦂꦱꦂꦠꦧꦼꦏꦏꦱ꧀ꦏꦽꦠꦼꦒ꧀꧈ꦥꦸꦤꦥꦢꦺꦤꦺꦠꦿꦸꦕꦸꦏ꧀ꦧꦼꦤ꧀ꦢꦸꦁꦔꦤ꧀꧈ꦠꦸꦮꦶꦤ꧀ꦠꦽꦠꦧꦤ꧀ꦒꦼꦣꦺꦴꦒ꧀ꦒꦤ꧀꧈ꦲꦸꦠꦮꦶꦱ꧀ꦭꦫꦏ꧀ꦏꦟ꧀ꦝꦁ꧈ꦭꦤ꧀ꦲꦭꦸ꧈ꦢꦺꦤꦺꦲꦶꦁꦏꦁꦭꦁꦏꦸꦁꦏꦁꦒꦺꦥꦶꦪꦩ꧀ꦧꦏ꧀꧈ꦏꦢꦩꦼꦭ꧀ꦏꦗꦼꦁꦲꦺꦴꦧꦺꦴꦁꦠꦸꦩꦿꦥ꧀ꦠꦶꦪꦁꦧꦼꦱ꧀ꦩꦶꦧꦤꦺꦴꦤ꧀꧈ꦏꦗꦼꦁꦒꦭꦸꦒꦸꦥꦶꦤꦶꦭꦭꦱꦔꦼꦠ꧀ ꦲꦮꦶꦠ꧀ꦲꦸꦫꦸꦧ꧀ꦧꦶꦥꦸꦤ꧀ꦭꦁꦏꦸꦁꦥꦤꦱ꧀ꦠꦶꦤꦶꦩ꧀ꦧꦁꦏꦭꦶꦪꦤ꧀ꦭꦠꦸꦏꦗꦼꦁꦱ [ 17 ]ꦤꦺꦱ꧀ꦱꦶꦥꦤ꧀꧈ꦏꦗꦼꦁꦒꦭꦸꦒꦸꦧꦺꦴꦠꦼꦤ꧀ꦏꦺꦔꦶꦁꦏꦢꦩꦼꦭ꧀ꦧꦼꦛꦏ꧀​ꦲꦮꦶꦠ꧀ꦲꦱꦿꦶꦁꦱꦒꦼꦢ꧀ꦲꦔ꧀ꦭꦸꦭꦸꦃꦲꦏꦼꦤ꧀ꦢꦤ꧀ꦢꦁꦢꦺꦤꦶꦁꦥꦤꦱ꧀ꦮꦲꦸ꧉

꧋ꦥꦺꦴꦟ꧀ꦝꦺꦴꦃ꧉

7 ꧋ꦒꦭꦸꦒꦸꦧꦶꦭꦶꦃꦢꦶꦥꦸꦤ꧀ꦠꦼꦒꦺꦴꦂ꧈ꦥꦸꦕꦸꦏ꧀ꦏꦶꦥꦸꦤ꧀ꦲꦶꦁꦏꦁꦠꦏ꧀ꦱꦶꦃꦲꦼꦩ꧀ꦥꦸꦏ꧀ꦲꦤꦩ꧇ꦥꦺꦴꦟ꧀ꦝꦺꦴꦃ꧈ꦠꦶꦪꦁꦯꦸꦟ꧀ꦝꦲꦩꦱ꧀ꦠꦤꦶ꧇ꦲꦸꦩ꧀ꦧꦸꦠ꧀꧈ꦫꦲꦺꦴꦱ꧀ꦱꦶꦥꦸꦤ꧀ꦲꦚꦼꦥ꧀ꦠꦸꦁꦠꦸꦁꦊꦒꦶꦧꦺꦴꦠꦼꦤ꧀ꦲꦺꦕꦢꦶꦥꦸꦤ꧀ꦠꦼꦣꦩꦼꦤ꧀ꦠꦃꦲꦤ꧀꧈ꦤꦔꦶꦁꦲꦺꦕꦏꦢꦩꦼꦭ꧀ꦭꦭꦧ꧀ꦤꦼꦣꦏꦭꦶꦪꦤ꧀ꦱꦩ꧀ꦧꦼꦭ꧀꧈ꦢꦺꦤꦺꦲꦶꦁꦏꦁꦭꦁꦏꦸꦁꦲꦺꦕꦩꦭꦶꦃꦧꦶꦭꦶꦃꦏꦢꦩꦼꦭ꧀ꦲꦕꦂꦧꦸꦩ꧀ꦧꦺꦴꦤ꧀꧈ꦏꦫꦗꦁꦲꦭꦶꦠ꧀ꦲꦭꦶꦠ꧀꧈ꦲꦼꦩ꧀ꦥꦸꦏ꧀ꦩꦶꦫꦲꦺꦴꦱ꧀ꦏꦼꦕꦸꦠ꧀ꦠꦸꦁꦠꦸꦁꦊꦒꦶꦔꦸꦁꦏꦸꦭ꧀ꦭꦶꦲꦕꦂꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦧꦿꦺꦠꦺꦤ꧀ꦏ^[3]ꦒꦸꦣꦼꦒ꧀ꦲꦶꦁꦒꦶꦃꦲꦺꦕ꧈ꦤꦔꦶꦁꦏꦼꦢꦃꦏꦥꦼꦉꦱ꧀ꦲꦶꦁꦏꦁꦔꦤ꧀ꦠꦺꦴꦱ꧀ꦲꦥꦸꦃ꧈ꦱꦸꦥꦢꦺꦴ ꦱ꧀ꦫꦲꦺꦴꦱ꧀ꦱꦶꦁꦊꦒꦶ꧈ꦲꦶꦕꦭ꧀꧈

꧋ꦧꦺꦴꦁꦏꦺꦴꦏ꧀​ꦲꦸꦠꦮꦶ꧇ꦥꦥꦃ꧉

8 ꧋ꦥꦁꦔꦶꦁꦒꦭꦸꦒꦸꦥꦺꦴꦏ꧀ꦏꦶꦥꦸꦤ꧀ꦤꦩ꧇ꦧꦺꦴꦁꦏꦺꦴꦏ꧀꧈ꦩꦶꦁꦒꦃꦲꦶꦥꦸꦤ꧀ꦢꦸꦩꦸꦒꦶꦥꦸꦕꦸꦏ꧀ꦤꦩ꧇ꦥꦥꦃ꧈ꦠꦶꦪꦁꦥꦱꦶꦱꦶꦂꦲꦩꦱ꧀ꦠꦤꦶ꧇ꦧꦺꦴꦁꦏꦺꦴꦏ꧀=ꦧ꧀ꦭꦸꦁꦏꦁ꧉ꦥꦥꦃꦒꦭꦸꦒꦸꦲꦶꦁꦏꦁꦠꦏ꧀ꦱꦶꦃꦠꦼꦊꦱ꧀ꦏꦕꦫꦲꦭꦸꦏꦁꦒꦺꦲꦟ꧀ꦝꦼꦥ꧀ꦭꦺꦴꦏ꧀ꦲꦺꦴꦫꦤ꧀ꦲꦺꦴꦫꦤ꧀ꦢꦢꦺꦴꦱ꧀ꦗꦢꦃꦮꦺꦴꦤ꧀ꦠꦼꦤ꧀ꦲꦶꦁꦏꦿꦺꦴꦱꦺꦴ(zie ꦧ꧀ꦭꦫꦏ꧀ꦠꦼꦊꦱ꧀)ꦭꦶꦪꦥꦸꦤꦶꦏꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦢꦩꦼꦭ꧀ꦭꦶꦥꦸꦤ꧀꧈ꦏꦼꦗꦮꦶꦩꦤꦮꦶꦱꦩ꧀ꦥꦸꦤ꧀ꦒꦫꦶꦁꦏꦢꦩꦼꦭ꧀ꦏꦗꦼꦁꦲꦺꦴꦧꦺꦴꦁ꧉

_____________
[ 18 ]

꧋ ꦗꦤꦸꦂ꧉

9 ꧋ ꦥꦸꦥꦸꦱ꧀ꦏꦭꦥꦤꦩ꧇ꦗꦤꦸꦂ꧈ꦮꦂꦟꦶꦤꦶꦥꦸꦤ꧀ꦏꦸꦤꦶꦁꦒꦣꦶꦁ꧈ꦲꦮꦏ꧀ꦏꦶꦁꦗꦤꦸꦂꦤꦩ꧇ꦱꦢ꧉ꦗꦤꦸꦂꦏꦁꦒꦺꦏꦸꦥꦠ꧀꧈ꦠꦏꦶꦂꦥꦺꦴꦟ꧀ꦛꦁ꧈ꦥꦚ꧀ꦗꦁꦲꦶꦭꦁ꧈ꦧꦸꦤ꧀ꦠꦼꦭ꧀ꦗꦢꦃ꧈ꦗꦼꦤꦁ꧈ꦮꦗꦶꦏ꧀꧈ꦮꦭꦤꦶꦥꦸꦤ꧀ꦧꦼꦏꦼꦭ꧀ꦝꦸꦱꦸꦤ꧀ꦝꦠꦼꦁꦭꦸꦫꦲꦶꦥꦸꦤ꧀ꦥꦠꦸꦃꦤꦒꦫꦶꦱꦧꦼꦤ꧀ꦒꦉꦧꦼꦒ꧀ꦱꦶꦪꦩ꧀꧈ꦩꦸꦭꦸꦢ꧀ꦠꦸꦮꦶꦤ꧀ꦧꦼꦱꦂ꧈ꦥꦸꦤꦥꦢꦺꦤꦺꦏꦁꦒꦺꦒꦒꦂꦩꦪꦁꦉꦁꦒꦤꦶꦁꦥꦔꦤ꧀ꦠꦺꦤ꧀ ꦠꦸꦮꦶꦤ꧀ꦏꦁꦒꦺꦠꦸꦮꦸꦲꦤ꧀ ꦏꦿꦸꦤ꧀ꦱꦂꦠꦲꦺꦴꦩ꧀ꦧꦏ꧀ꦧꦚꦸ (ꦥꦊꦁꦏꦸꦁꦲꦭꦶꦠ꧀ꦲꦭꦶꦠ꧀ꦱꦠꦼꦥꦶꦤꦶꦁꦩꦂꦒꦶꦲꦸꦫꦸꦠꦶꦥꦸꦤ꧀ꦱꦏꦶꦁꦥꦱꦁꦒꦿꦲꦤ꧀꧈ꦲꦸꦠꦮꦶꦱꦏꦶꦁꦱꦠꦸꦁꦒꦭꦶꦁꦥꦁꦒꦺꦤ꧀ꦤꦤ꧀ꦲꦶꦁꦏꦁꦏꦠꦼꦣꦏꦤ꧀ꦥꦚ꧀ꦗꦼꦤꦼꦔꦤ꧀ꦫꦠꦸꦲꦸꦠꦮꦶꦠꦶꦪꦁꦲꦒꦼꦁꦱꦤꦺꦱ꧀ꦱꦶꦥꦸꦤ꧀​ꦩꦶꦤꦺꦴꦁꦏꦏꦲꦸꦂꦩꦠꦤ꧀)ꦗꦤꦸꦫꦶꦥꦸꦤ꧀ꦏꦱꦸꦮꦶꦂꦱꦸꦮꦶꦂ꧉

꧋ ꦠꦥꦱ꧀꧈

10 ꧋ ꦧꦸꦤ꧀ꦠꦼꦭꦶꦁꦗꦤꦸꦂꦲꦶꦁꦥꦺꦴꦏꦶꦥꦸꦤ꧀ꦤꦩ꧇ꦠꦥꦱ꧀​ꦏꦺꦔꦶꦁꦏꦢꦩꦼꦭ꧀ꦧꦿꦺꦴꦁꦱꦺꦴꦁꦗꦩ꧀ꦧꦸ꧈ꦲꦮꦺꦠ꧀ꦲꦁꦒꦺꦤꦶꦥꦸꦤ꧀꧈ꦧꦺꦴꦠꦼꦤ꧀ꦫꦶꦱꦏ꧀ꦢꦺꦤꦶꦁꦗꦮꦃꦱꦂꦠꦥꦤꦱ꧀꧈ꦠꦸꦮꦶꦤ꧀ꦏꦺꦔꦶꦁꦏꦢꦩꦼꦭ꧀ꦏꦤ꧀ꦝꦶꦲꦂꦠ꧉

꧋ꦧ꧀ꦭꦫꦏ꧀꧈

11 ​꧋ ꦒꦺꦴꦣꦺꦴꦁꦏꦭꦥꦤꦩ꧇ꦧ꧀ꦭꦫꦏ꧀꧈ꦠꦶꦪꦁꦱꦸꦤ꧀ꦝꦲꦩꦱ꧀ꦠꦤꦶꦧꦫꦁꦧꦁ꧉

a. ꦧ꧀ꦭꦫꦏ꧀ꦠꦼꦊꦱ꧀꧈ꦏꦲꦁꦒꦺꦧ꧀ꦭꦼꦏ꧀ꦠꦺꦥꦺ꧈ꦧꦺꦴꦁꦏꦺꦴꦠ꧀ꦏꦏꦼꦛꦺꦴꦏ꧀ꦫꦸꦩꦶꦪꦶꦤ꧀꧈ꦧꦺꦴꦠꦼꦤ꧀ꦏꦭꦥ꧀ꦲꦶꦁꦢꦩꦼꦭ꧀꧈ꦥꦥꦃꦏꦱꦶꦒꦂ꧈ꦧ꧀ꦭꦫꦏ꧀ꦢꦢꦺꦴꦱ꧀ꦏꦭꦶꦃ꧈ꦥꦥꦃꦢꦶꦥꦸꦤ꧀ꦫꦩ꧀ꦥꦶꦔꦏꦼꦤ꧀ꦱꦸꦥꦢꦺꦴꦱ꧀ꦱꦩꦶꦲꦸꦠꦮꦶꦏꦲꦺꦴꦠ꧀ꦱꦏꦼꦣꦶꦏ꧀ꦏꦭꦶꦲꦤ꧀ꦥꦸꦕꦸꦏꦶꦥꦸꦤ꧀꧈ꦭꦗꦼꦁꦢꦶꦥꦸꦤ꧀ꦲꦤꦩ꧀꧈ꦠꦁꦏꦼꦧꦶꦁꦧ꧀ꦭꦫꦏ꧀ꦏꦮꦶꦪꦏ꧀ꦢꦢꦺꦴꦱ꧀ꦲꦣꦥꦸꦂ [ 19 ]ꦭꦺꦴꦩ꧀ꦧꦏꦠꦶꦔꦭ꧀ꦮꦶꦪꦂ꧈ꦧꦺꦴꦁꦏꦺꦴꦠꦶꦁꦱꦢꦊꦠ꧀ꦱꦠꦸꦁꦒꦭ꧀ꦏꦕꦺꦴꦏ꧀ꦭꦺꦏ꧀ꦢꦢꦺꦴꦱ꧀ꦝꦮꦃꦩꦪꦠ꧀꧈ꦲꦶꦁꦏꦁꦧꦺꦴꦠꦼꦤ꧀ꦏꦕꦺꦴꦏ꧀ꦭꦺꦏ꧀꧇ꦔꦢꦼꦒ꧀꧈ꦲꦶꦁꦒꦶꦃꦏꦮꦶꦪꦏ꧀(ꦏꦗꦺꦩ꧀ꦧꦿꦺꦁ=ꦏꦗꦺꦫꦺꦁ)ꦏꦁꦒꦺꦥꦪꦺꦴꦤꦶꦁꦠꦫꦸꦧ꧀꧈ꦠꦼꦠꦶꦪꦁꦗꦮꦶꦩꦤꦮꦶꦒꦣꦃꦢꦩꦼꦭ꧀ꦩꦼꦱ꧀ꦛꦶꦩꦮꦶꦠꦫꦸꦧ꧀ꦧꦭꦫꦏ꧀꧈ꦱꦤꦢꦾꦤ꧀ꦱꦩ꧀ꦥꦸꦤ꧀ꦩ ꦮꦶꦠꦫꦸꦧ꧀ꦏꦗꦁ꧈ꦲꦶꦁꦒꦶꦃꦠꦏ꧀ꦱꦶꦃꦏꦼꦢꦃꦏꦠꦸꦩ꧀ꦥꦔꦤ꧀ꦧꦭꦫꦏ꧀ꦱꦥꦥꦃ꧈ꦩꦶꦤꦺꦴꦁꦏꦲꦶꦱꦫꦠ꧀ꦮꦶꦭꦸꦗꦼꦔꦶꦁꦲꦁꦒꦺꦤꦶꦥꦸꦤ꧀ꦒꦣꦃꦢꦩꦼꦭ꧀꧈ꦱꦩ꧀ꦥꦸꦤ꧀ꦤꦼꦠꦼꦥꦶꦠꦫꦸꦧ꧀ꦧꦭꦫꦏ꧀꧈

꧋​ ꦭꦤ꧀ꦩꦭꦶꦃꦏꦺꦔꦶꦁꦏꦢꦩꦼꦭ꧀ꦮꦶꦣꦶꦒ꧀ꦭꦶꦤ꧀ꦠꦸꦤꦶꦥꦸꦤ꧀ꦒꦼꦭꦫꦤ꧀꧈ꦏꦁꦒꦺꦊꦁꦒꦲꦤ꧀ꦱꦂꦠꦠꦶꦊꦩꦤ꧀꧈ꦤꦔꦶꦁꦥꦔꦤꦩꦶꦥꦸꦤ꧀ꦧꦺꦢ꧉ꦧ꧀ꦭꦫꦏ꧀ꦧꦶꦭꦶꦃꦱꦩ꧀ꦥꦸꦤ꧀ꦏꦱꦶꦒꦂꦱꦂꦠꦱꦩ꧀ꦥꦸꦤ꧀ꦏꦫꦩ꧀ꦥꦶꦔꦏꦼꦤ꧀ꦭꦗꦼꦁꦏꦲꦤꦩ꧀ꦒꦛꦸꦏ꧀꧈ꦢꦢꦺꦴꦱ꧀ꦲꦶꦁꦥꦶꦁꦒꦶꦂꦏꦶꦮꦠꦼꦔꦼꦤ꧀ꦩꦮꦶꦮꦠꦺꦴꦤ꧀ꦥꦥꦃ꧈ꦱꦂꦠꦥꦔꦤꦩꦶꦥꦸꦤ꧀ꦧꦺꦴꦠꦼꦤ꧀ꦩꦮꦶꦏꦗꦺꦫꦺꦁ꧈ꦢꦢꦺꦴꦱ꧀ꦲꦣꦥꦸꦂꦫꦁꦏꦼꦥ꧀꧈ꦠꦸꦮꦶꦤ꧀ꦱꦢꦤꦶꦥꦸꦤ꧀ꦧꦺꦴꦠꦼꦤ꧀ꦏꦕꦺꦴꦏ꧀ꦭꦺꦏ꧀꧈ꦤꦩꦸꦁꦢꦶꦥꦸꦤ꧀ꦧꦊꦁꦏꦸꦏꦏꦼꦤ꧀ꦏꦺꦩꦮꦺꦴꦤ꧀꧈ꦥꦸꦕꦸꦏ꧀ꦏꦶꦮꦠꦸꦩꦭꦶꦲꦶꦁꦮꦼꦁꦏꦸꦠꦼꦔꦼꦤ꧀꧈ꦥꦸꦕꦸꦏ꧀ꦠꦼꦔꦼꦤ꧀ꦠꦸꦩꦭꦶꦲꦶꦁꦮꦼꦁꦏꦸꦏꦶꦮ꧉

꧋​​ ꦲꦸꦫꦤ꧀ꦲꦸꦫꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦔꦁꦒꦺꦮꦁꦱꦭꦤ꧀ꦮꦶꦣꦶꦒ꧀꧈ꦩꦏꦠꦼꦤ꧀꧇

꧄ ꦒꦸꦤꦸꦁꦲꦭꦶꦠ꧀ꦏꦂꦠꦱꦸꦫ꧈ꦮꦶꦗꦶꦭ꧀ꦭꦺꦧꦺꦴꦕꦃꦗꦼꦭꦟ꧀ꦛꦶꦂ꧈ꦧꦭꦫꦏ꧀ꦢꦺꦤ꧀ꦲꦤꦩ꧀ꦏꦺꦥꦁ꧈ꦧꦣꦶꦣꦶ (=ꦧꦣꦼꦣꦼꦒ꧀) ꦒ꧀ꦲꦤꦥꦮꦺꦱ꧀ꦠꦿꦶ꧈

꧋ ꦧ꧀ꦭꦫꦏ꧀ꦏꦺꦔꦶꦁꦏꦢꦩꦼꦭ꧀ꦏꦿꦺꦴꦱꦺꦴ꧈ꦏꦲꦤꦩ꧀ꦩꦗꦸꦥꦠ꧀​ꦠꦶꦫꦃꦲꦤ꧀ꦤꦶꦥꦸꦤ꧀ꦱꦏꦮꦤ꧀ꦏꦫꦁꦏꦸꦱ꧀ꦢꦢꦺꦴꦱ꧀ꦕꦼꦥꦼꦁꦔꦤ꧀꧈ꦏꦁꦒꦺꦮ [ 20 ]ꦣꦃꦧꦽꦏꦠꦤ꧀ꦗꦒꦺꦴꦁꦠꦶꦪꦁꦒꦣꦃꦢꦩꦼꦭ꧀ꦲꦶꦁꦣꦸꦱꦸꦤ꧀꧈

b. ꧋ ꦧ꧀ꦭꦫꦏ꧀ꦏꦺꦔꦶꦁꦏꦢꦩꦼꦭ꧀ꦠꦭꦱꦂꦒꦿꦶꦪꦮꦼꦭꦶꦠ꧀ ꦱꦂꦠꦏꦺꦔꦶꦁꦏꦢꦩꦼꦭ꧀ꦮꦼꦭꦶꦠ꧀ꦏꦢꦺꦴꦱ꧀ꦮꦼꦭꦶꦠ꧀ꦠꦶꦁꦏꦩ꧀ꦧꦼꦁꦔꦤ꧀​ꦲꦸꦒꦶꦏꦁꦒꦺꦥꦪꦺꦴꦤ꧀ꦒꦿꦶꦪ꧉

꧋ ꦏꦁꦒꦺꦲꦭꦶꦁꦲꦭꦶꦁꦱꦫꦤꦏꦒꦥꦶꦠ꧀꧈

꧋ ꦏꦺꦔꦶꦁꦏꦢꦩꦼꦭ꧀ꦥꦪꦸꦁꦧꦺꦧꦺꦏ꧀ K.N.(ꦥꦪꦸꦁꦔꦶꦥꦸꦤ꧀ꦭꦫꦺꦲꦔꦺꦤ꧀ꦏꦩ꧀ꦧꦁꦔꦤ꧀)ꦱꦫꦤꦏꦒ꧀ꦭꦩꦶꦠ꧀꧈

꧋ ꦏꦁꦒꦺꦲꦺꦴꦧꦺꦴꦂꦫꦶꦥꦸꦤ꧀ꦠꦶꦪꦁꦔꦔ꧀ꦭꦁꦲꦶꦁꦮꦚ꧀ꦕꦶꦢꦭꦸ꧉

꧋ ꦏꦁꦒꦺꦲꦶꦱꦫꦠ꧀ꦔꦺꦴꦧꦺꦴꦂꦫꦶꦭꦫꦺꦤꦩ꧀ꦥꦺꦤ꧀ꦤꦶꦒꦚ꧀ꦗꦂꦫꦤ꧀ (ꦥ꧀ꦭꦼꦟ꧀ꦛꦶꦁꦔꦼꦤ꧀) ꦲꦶꦁꦮꦚ꧀ꦕꦶꦱꦺꦴꦤ꧀ꦠꦼꦤ꧀ꦗꦩ꧀ꦮꦺꦴꦭꦸꦔꦸꦧꦼꦁꦔꦶꦒꦿꦶꦪꦭꦸꦩꦩ꧀ꦥꦃꦩꦔꦶꦮꦏꦭꦪꦤ꧀ꦮꦸꦢ꧉ꦲꦶꦁꦏꦁꦔ꧀ꦭꦩ꧀ꦥꦃꦲꦶꦥꦢꦩꦼꦭ꧀ꦭꦤ꧀ꦥꦸꦤꦶꦏꦏꦼꦢꦃꦧꦥꦏ꧀ꦏꦶꦥꦸꦤ꧀ꦭꦫꦺꦲꦶꦁꦏꦁꦤꦩ꧀ꦥꦺꦤ꧀ꦤꦶꦒꦚ꧀ꦗꦂꦫꦤ꧀ꦮꦲꦸ (ꦧꦶꦭꦶꦃꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦒꦣꦃꦧꦥ꧈ꦧꦺꦴꦠꦼꦤ꧀ꦏꦕꦫꦶꦪꦺꦴꦱ꧀)꧈

꧋ꦱꦢ꧉

12 ꧋ ꦒꦒꦁꦲꦸꦠꦮꦶꦧꦭꦸꦁꦔꦶꦁꦧ꧀ꦭꦫꦏ꧀ꦤꦩ꧇ꦱꦢ꧈ꦠꦶꦪꦁꦩꦭꦪꦸꦲꦩꦱ꧀ꦠꦤ꧀ꦤꦶ꧇ꦭꦶꦣꦶ꧈ꦠꦶꦪꦁꦱꦸꦟ꧀ꦝꦲꦩꦱ꧀ꦠꦤ꧀ꦤꦶ꧇ꦚꦼꦫꦺ꧉ꦱꦢꦱꦠꦼꦏꦼꦩ꧀ꦩꦁꦔꦁꦢꦶꦥꦸꦤ꧀ꦠꦁꦱꦸꦭ꧀ꦭꦶꦲꦸꦠꦮꦶꦢꦶꦥꦸꦤ꧀ꦱꦸꦃꦲꦶꦤꦩ꧇ꦱꦥꦸ꧈ꦏꦁꦒꦺꦉꦉꦱꦶꦏ꧀ꦲꦸꦮꦸꦃꦲꦶꦁꦥꦭꦠꦂꦫꦤ꧀꧈ꦧꦶꦭꦶꦃꦱꦥꦸꦮꦲꦸꦱꦩ꧀ꦥꦸꦤ꧀ꦕꦼꦟ꧀ꦝꦏ꧀ꦤꦩ꧇ꦱꦥꦸꦒꦼꦫꦁ꧉ꦱꦥꦸꦒꦼꦫꦁꦏꦺꦔꦶꦁꦏꦢꦩꦼꦭꦆꦱꦫꦠ꧀ꦥꦤꦸꦭꦏ꧀ꦏꦶꦁꦗꦮꦃ꧈ꦱꦫꦤꦮꦶꦤꦭꦶꦏ꧀ꦢꦶꦥꦸꦤ꧀ꦢꦼꦒ꧀ꦒꦏꦼꦤ꧀ꦲꦶꦁꦠꦼꦔꦃꦭꦠꦂ꧈ꦱꦲꦸꦧꦼꦁꦔꦶꦁꦱꦥꦸꦢꦶꦥꦸꦤ꧀ꦮꦸꦂꦮꦸꦫꦶꦲꦮꦸ꧈ꦱꦤꦢꦾꦤ꧀ꦩꦼꦟ꧀ꦝꦸꦁꦔꦶꦥꦸꦤ꧀ꦱꦩ꧀ꦥꦸꦤ꧀ꦩꦼꦤ꧀ꦠꦶꦪꦸꦁ꧈ꦲꦶꦤ꧀ꦱꦄꦭ꧀ꦭꦃꦱꦤ꧀ꦢꦺꦗꦮꦃ꧉ꦥꦸꦤꦥꦩꦭꦶꦃꦏꦺꦔꦶꦁꦏꦢꦩꦼꦭ꧀ꦆꦱꦫꦠ꧀ꦠꦼꦁꦒꦤꦧꦪꦶꦭꦲꦶꦂ꧈ [ 21 ]ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏꦺꦔꦶꦁꦲꦶꦁꦱꦫꦥ꧀ꦱꦮꦤ꧀꧈ꦱꦥꦸꦒꦼꦫꦁꦲꦸꦒꦶꦮꦶꦤꦭꦶꦏ꧀ꦏꦲꦢꦼꦒ꧀ꦒꦏꦼꦤ꧀ꦕꦼꦭꦏ꧀ꦏꦭꦶꦪꦤ꧀ꦲꦗꦸꦒ꧀ꦲꦗꦸꦒ꧀ꦢꦶꦭꦃ꧈ꦲꦶꦁꦥꦸꦕꦸꦏ꧀ꦢꦶꦥꦸꦤ꧀ꦠꦚ꧀ꦗꦼꦧ꧀ꦧꦶꦭꦺꦴꦩ꧀ꦧꦺꦴꦏ꧀ꦲꦧꦿꦶꦠ꧀​ꦧꦿꦩ꧀ꦧꦁꦱꦂꦠꦧꦮꦁꦚꦠꦸꦁꦒꦭ꧀꧈ꦠꦸꦮꦶꦤ꧀ꦲꦼꦩ꧀ꦥꦺꦴꦤ꧀ꦲꦼꦩ꧀ꦥꦺꦴꦤ꧀ꦱꦥꦼꦥꦏꦶꦥꦸꦤ꧀ꦚꦲꦶꦫꦶꦱ꧀꧈ꦱꦥꦸꦒꦼꦫꦁꦮꦲꦸꦮꦶꦤꦱ꧀ꦠꦤ꧀꧇ꦠꦸꦩ꧀ꦧꦏ꧀ꦱꦺꦮꦸ꧉

꧋ ꦩꦁꦒꦂ꧉

13 ꧋ ꦱꦼꦏꦂꦏꦭꦥꦲꦶꦁꦏꦁꦢꦺꦫꦺꦁꦩꦼꦒꦂꦮꦶꦤꦱ꧀ꦠꦤ꧀꧇ꦥꦠꦽꦩ꧀ꦲꦶꦁꦏꦁꦱꦩ꧀ꦥꦸꦤ꧀ꦩꦼꦒꦂꦮꦶꦤꦱ꧀ꦠꦤ꧀꧇ꦩꦁꦒꦂ꧈ꦩꦁꦒꦂꦲꦶꦁꦏꦁꦠꦏ꧀ꦱꦶꦃꦤꦺꦩ꧀ꦲꦺꦕꦢꦶꦥꦸꦤ꧀ꦒꦸꦣꦼꦒ꧀​ꦮꦺꦴꦮꦺꦴꦂꦫꦤ꧀ꦤꦶꦥꦸꦤ꧀ꦧꦭꦸꦭꦸꦏ꧀ꦏꦭꦶꦪꦤ꧀ꦲꦼꦩ꧀ꦥꦺꦴꦭ꧀ꦭꦶꦁꦕꦼꦁꦏꦶꦂ꧈ꦲꦸꦭꦩ꧀ꦩꦶꦥꦸꦤ꧀ꦲꦪꦩ꧀ꦧꦧꦺꦴꦤ꧀ꦩꦣꦼꦥ꧀​(ꦔꦗꦼꦁꦔꦏꦼꦤ꧀ꦤꦶꦒꦤ꧀)ꦥꦸꦤꦶꦏꦲꦺꦕꦤꦶꦥꦸꦤ꧀ꦲꦔꦸꦁꦏꦸꦭ꧀ꦭꦶꦒꦸꦣꦼꦒ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦤꦔꦶꦁꦲꦶꦁꦏꦁꦏꦱꦼꦧꦸꦠ꧀ꦲꦶꦁꦲꦸꦫꦤ꧀ꦲꦸꦫꦤ꧀꧈ꦣꦲꦂꦫꦶꦥꦸꦤ꧀ꦫꦢꦺꦤ꧀ꦭꦺꦴꦑꦗꦪ(=ꦯꦸꦟꦤ꧀ꦏꦭꦶꦗꦓ)ꦲꦶꦁꦏꦁꦲꦺꦕꦒꦸꦣꦼꦒ꧀ꦲꦪꦩ꧀ꦲꦭꦱ꧀꧈ꦧꦺꦴꦠꦼꦤ꧀ꦧꦧꦺꦴꦤ꧀ꦩꦣꦼꦥ꧀꧈ꦏꦢꦺꦴꦱ꧀ꦠ꧇

꧄ ꦲꦼꦩ꧀ꦥꦭ꧀ꦧꦟ꧀ꦛꦺꦁꦥꦣꦩꦫꦱꦥꦶ꧈ꦒꦼꦕꦺꦴꦏ꧀ꦏꦶꦢꦁꦣꦺꦟ꧀ꦝꦺꦁꦔꦺꦩꦼꦚ꧀ꦗꦔꦤ꧀꧈ꦩꦲꦺꦱꦒꦫꦁꦔꦱꦼꦩ꧀ꦩꦺ꧈ꦩꦲꦺꦤ꧀ꦢꦧꦺꦕꦺꦏ꧀ꦏꦶꦥꦸꦤ꧀꧈ꦲꦺꦴꦥꦺꦴꦂꦧꦺꦧꦺꦏ꧀ꦗꦒꦺꦴꦱꦶꦤꦥꦶꦠ꧀ꦧ꧀ꦭꦼꦒꦸꦣꦼꦒ꧀ꦲꦪꦩ꧀ꦲꦭꦱ꧀​ ......

꧋ ꦢꦺꦴꦭꦺꦂ

14 ꧋ ꦒꦒꦁꦔꦶꦁꦩꦁꦒꦂꦮꦶꦤꦱ꧀ꦠꦤ꧀꧇ꦢꦺꦴꦭꦺꦂ꧉ꦢꦺꦴꦭꦺꦂꦧꦶꦭꦶꦃꦏꦒꦼꦥꦸꦏ꧀ꦧꦺꦴꦁꦏꦺꦴꦠ꧀ꦠꦶꦥꦸꦤ꧀ꦱꦏꦼꦣꦶꦏ꧀꧈ꦢꦢꦺꦴꦱ꧀ꦲꦸꦱꦂꦭꦧꦸꦂ꧈ꦕꦼꦥꦼꦁꦔꦤ꧀ꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦥꦸꦕꦸꦏ꧀꧈ꦧꦶꦭꦶꦃꦏꦒꦼꦥꦸꦏ꧀ꦏ [ 22 ]ꦛꦃꦢꦢꦺꦴꦱ꧀ꦏꦼꦭꦸꦢ꧀ꦲꦩ꧀ꦧꦺꦤ꧀꧈

꧋ꦩꦚ꧀ꦕꦸꦁ꧈

15 ꧋ ꦩꦁꦒꦂꦲꦶꦁꦏꦁꦠꦏ꧀ꦱꦶꦃꦤꦺꦩ꧀ꦏꦼꦧꦸꦤ꧀ꦠꦼꦭ꧀ꦏꦭꦺꦴꦛꦺꦴꦏ꧀ꦏꦤ꧀ꦤꦶꦥꦸꦤ꧀ꦮꦶꦤꦱ꧀ꦠꦤ꧀꧇ꦩꦚ꧀ꦕꦸꦁ꧈ꦠꦶꦪꦁꦱꦸꦟ꧀ꦝꦲꦩꦱ꧀ꦠꦤ꧀ꦤꦶ꧇ꦱꦶꦤ꧀ꦠꦸꦁ꧉ꦧꦶꦭꦶꦃꦩꦁꦒꦂꦱꦩ꧀ꦥꦸꦤ꧀ꦲꦚ꧀ꦗꦼꦧꦿꦺꦴꦭ꧀꧈ꦩꦚ꧀ꦕꦸꦁꦔꦶꦥꦸꦤ꧀ꦱꦶꦒꦂꦱꦱꦶꦱꦶꦃ꧈ꦧꦶꦭꦶꦃꦱꦩ꧀ꦥꦸꦤ꧀ꦱꦼꦥꦸꦃꦏꦥꦼꦟ꧀ꦝꦼꦠ꧀ꦱꦫꦤꦏꦲꦶꦫꦶꦱ꧀ꦲꦶꦁꦲꦫꦶꦠ꧀ꦥꦺꦴꦏ꧀ꦏꦶꦥꦸꦤ꧀꧈ꦩꦚ꧀ꦕꦸꦁꦏꦺꦔꦶꦁꦏꦢꦩꦼꦭ꧀ꦲꦸꦥꦼꦠ꧀꧈ꦲꦶꦁꦏꦁꦏꦤ꧀ꦢꦼꦭ꧀ꦢꦶꦥꦸꦤ꧀ꦲꦺꦴꦔꦺꦴꦠ꧀ꦠꦶ꧈ꦢꦶꦥꦸꦤ꧀ꦒꦼꦥꦸꦏ꧀ꦏꦲꦁꦏꦃꦤꦩꦸꦁꦲꦺꦩꦸ꧈ꦭꦗꦼꦁꦢꦶꦥꦸꦤ꧀ꦥꦺ꧈ꦲꦶꦁꦏꦁꦠꦶꦥꦶꦱ꧀ꦢꦶꦥꦸꦤ꧀ꦲꦸꦤ꧀ꦠꦶꦁꦔꦶ꧈ꦢꦶꦥꦸꦤ꧀ꦱꦸꦩꦼꦢ꧀ꦔꦸꦉꦁꦧꦺꦴꦠꦼꦤ꧀ꦱꦒꦼꦢ꧀ꦥꦼꦗꦃ꧉ꦲꦶꦁꦏꦁꦯꦶꦟꦸꦲꦸꦤ꧀ꦏꦁꦗꦼꦁꦯꦸꦯꦸꦲꦸꦟꦤ꧀​ꦩꦮꦶꦲꦩ꧀ꦥꦶꦭ꧀ꦭꦤ꧀ꦲꦸꦥꦼꦠ꧀ꦒꦼꦥꦸꦏ꧀ꦏꦤ꧀ꦏꦫꦁꦏꦼꦥ꧀ꦠꦶꦒꦏꦠꦁꦱꦸꦭ꧀ꦭꦤ꧀ꦲꦶꦁꦭꦮꦺꦮꦼꦤꦁꦲꦧꦿꦶꦠ꧀ ꦢꦢꦺꦴꦱ꧀ꦲꦮꦸꦗꦸꦢ꧀ꦒꦶꦭꦶꦒ꧀꧈ꦭꦢꦺꦴꦱ꧀ꦱꦤ꧀ꦤꦶꦥꦸꦤ꧀ꦲꦧ꧀ꦢꦶꦢꦊꦩ꧀ꦲꦁꦒꦟ꧀ꦝꦺꦏ꧀꧈ꦏꦁꦗꦼꦁꦠꦸꦮꦤ꧀ꦫꦺꦯꦶꦣꦺꦤ꧀ꦲꦶꦁꦯꦸꦫꦏꦂꦠ꧈ꦧꦶꦭꦶꦃꦊꦁꦒꦃꦲꦶꦁꦏꦤ꧀ꦠꦺꦴꦂꦩꦮꦶꦱꦸꦣꦶꦪꦤ꧀ꦲꦸꦥꦼꦠ꧀ꦲꦸꦤ꧀ꦠꦶꦁꦔꦤ꧀꧈ꦏꦗꦒꦶꦲꦶꦁꦲꦸꦥꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦗꦮꦶ꧉ꦱꦢꦺꦫꦺꦁꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦫꦺꦏ꧀ꦧꦸꦭ꧀꧈ꦠꦶꦠꦶꦪꦁꦲꦭꦶꦠ꧀ꦲꦶꦁꦯꦸꦫꦏꦂꦠꦲꦶꦁꦒꦶꦃꦱꦩꦶꦩꦮꦶꦲꦸꦥꦼꦠ꧀ꦏꦁꦒꦺꦲꦸꦢꦸꦢ꧀꧈ꦱꦥꦸꦤꦶꦏꦤꦩꦸꦁꦏꦁꦒꦺꦭꦸꦩꦩ꧀ꦥꦃꦲꦶꦁꦮꦚ꧀ꦕꦶꦢꦭꦸ꧈ꦩꦶꦤꦺꦴꦁꦏꦠꦺꦴꦟ꧀ꦝꦪꦺꦤ꧀ꦠꦶꦪꦁꦱꦲꦺ꧉ꦧꦶꦭꦶꦃꦧꦺꦴꦠꦼꦤ꧀ꦲꦩ꧀ꦧꦼꦏ꧀ꦠꦲꦸꦥꦼꦠ꧀꧈ꦏꦲꦟ꧀ꦝꦼꦒ꧀ꦲꦶꦁꦠꦶꦪꦁꦥꦠꦿꦺꦴꦭ꧀꧈ꦩꦚ꧀ꦕꦸꦁꦏꦒꦟ꧀ꦛꦺꦠ꧀ꦠꦶꦒꦲꦸꦠꦮꦶꦱꦏꦮꦤ꧀ ꦏꦺꦔꦶꦁꦏꦢꦩꦼꦭ꧀ꦠꦶꦩ꧀ꦧ꧈ꦱꦩꦶꦏꦺꦩꦮꦺꦴꦤ꧀ꦏꦭꦶꦪꦤ꧀ꦠꦶꦩ꧀ꦧꦲꦸꦥꦶꦃ꧈ꦩꦭꦃꦩꦼꦤꦁꦲꦮꦺꦠ꧀ꦠꦶꦩ꧀ꦧꦩꦚ꧀ꦕꦸꦁ꧉ [ 23 ]

꧋ ꦊꦒꦺꦤ꧀꧈

16 ꧋ ꦩꦁꦒꦂꦲꦶꦁꦏꦁꦠꦏ꧀ꦱꦶꦃꦤꦺꦩ꧀꧈ꦏꦺꦔꦶꦁꦏꦢꦺꦫꦺꦱ꧀ꦏꦢꦺꦴꦱ꧀ꦢꦔꦸꦤꦶꦁꦲꦫꦺꦤ꧀꧈ꦥꦸꦕꦸꦏ꧀ꦏꦶꦥꦸꦤ꧀ꦥꦶꦤꦚ꧀ꦕꦱ꧀ꦠꦺꦠꦺꦱ꧀ꦠꦺꦴꦪꦤꦶꦥꦸꦤ꧀ ꦠꦺꦠꦺꦱ꧀ꦱꦶꦁꦠꦺꦴꦪꦏꦠꦣꦃꦲꦤ꧀ꦲꦶꦁꦧꦸꦩ꧀ꦧꦸꦁ꧈ꦧꦶꦭꦶꦃꦱꦩ꧀ꦥꦸꦤ꧀ꦏꦼꦧꦏ꧀ꦏꦲꦸꦣꦸꦤ꧀ꦤꦏꦼꦤ꧀ꦤꦩ꧇ꦊꦒꦺꦤ꧀꧈ꦏꦱꦤ꧀ꦠꦸꦤ꧀ꦤꦤ꧀ꦧꦸꦩ꧀ꦧꦸꦁꦩꦭꦶꦃ^[4] ꦩꦁꦒꦂꦏꦥꦚ꧀ꦕꦱ꧀ꦩꦭꦶꦃꦱꦏꦼꦣꦶꦏ꧀꧈ꦩꦏꦠꦼꦤ꧀ꦱꦭꦗꦼꦁꦔꦶꦥꦸꦤ꧀ꦔꦤ꧀ꦠꦺꦴꦱ꧀ꦱꦠꦼꦭꦱ꧀ꦱꦶꦁꦩꦁꦒꦂ꧈ꦫꦲꦺꦴꦱ꧀ꦱꦶꦥꦸꦤ꧀ꦭꦼꦒꦶꦠꦸꦁꦠꦸꦁꦲꦫꦸꦩ꧀꧈ꦩꦺꦃꦱꦩꦶꦏꦭꦶꦲꦤ꧀ꦭꦼꦒꦺꦤ꧀ꦲꦫꦺꦤ꧀꧈

a. ꧋ ꦊꦒꦺꦤ꧀ꦭꦗꦼꦁꦢꦶꦥꦸꦤ꧀ꦒꦺꦴꦣꦺꦴꦒ꧀꧈ꦧꦶꦭꦶꦃꦱꦩ꧀ꦥꦸꦤ꧀ꦤꦶꦠꦶꦱ꧀​(ꦱꦼꦥꦸꦃ) ^[5]ꦢꦶꦥꦸꦤ꧀ꦲꦼꦤ꧀ꦠꦱ꧀ꦱꦂꦠꦭꦗꦼꦁꦢꦶꦥꦸꦤ꧀ꦕꦶꦛꦏ꧀ꦏꦶꦤꦩ꧇ꦒꦼꦟ꧀ꦝꦶꦱ꧀ꦏꦭꦥ꧈ꦫꦲꦺꦴꦱ꧀ꦱꦶꦥꦸꦤ꧀ꦭꦼꦒꦶꦊꦢ꧀ꦲꦱꦶꦤ꧀꧈ꦥꦶꦁꦒꦶꦂꦫꦤ꧀ꦤꦶꦥꦸꦤ꧀ꦤꦩ꧇ꦏꦼꦫꦺꦁꦔꦤ꧀꧈ꦒꦼꦟ꧀ꦝꦶꦱ꧀ꦏꦭꦥꦲꦶꦁꦏꦁꦱꦪꦺꦴꦒꦶꦏꦁꦒꦺꦲꦺꦴꦭꦃꦲꦺꦴꦭꦃꦥꦔꦤ꧀ꦤꦤ꧀꧈ꦲꦺꦕꦫꦲꦺꦴꦱ꧀ꦱꦶꦥꦸꦤ꧀ꦭꦼꦒꦶꦠꦸꦁꦠꦸꦁꦒꦸꦫꦶꦃ꧉ꦲꦸꦠꦮꦶꦏꦺꦔꦶꦁꦏꦢꦩꦼꦭ꧀ꦮꦺꦴꦮꦺꦴꦂꦫꦤ꧀ꦧꦸꦩ꧀ꦧꦸꦥꦼꦕꦏ꧀ꦲꦸꦭꦩ꧀꧈ꦤꦔꦶꦁꦒꦼꦟ꧀ꦝꦶꦱ꧀ꦠꦼꦧꦸꦲꦸꦠꦮꦶꦥꦱꦶꦂꦏꦁꦒꦺꦲꦺꦴ [ 24 ]ꦭꦃꦲꦺꦴꦭꦃꦥꦔꦤ꧀ꦤꦤ꧀꧈ꦲꦸꦠꦮꦶꦏꦁꦒꦺꦮꦺꦴꦮꦺꦴꦂꦫꦤ꧀ꦧꦸꦩ꧀ꦧꦸꦥꦼꦕꦏ꧀ꦲꦸꦭꦩ꧀꧈ꦏꦶꦫꦁꦲꦺꦕꦠꦶꦤꦶꦩ꧀ꦧꦁꦏꦭꦶꦪꦤ꧀ꦒꦼꦟ꧀ꦝꦶꦱ꧀ꦏꦭꦥ꧉

b. ꧋ ꦊꦒꦺꦤ꧀꧈ꦩꦤꦮꦶꦢꦶꦥꦸꦤ꧀ꦥꦺꦢꦢꦺꦴꦱ꧀ꦕꦺꦴꦏꦏ꧀ꦗꦮꦶ꧈ꦫꦲꦺꦴꦱ꧀ꦱꦶꦥꦸꦤ꧀ꦏꦼꦕꦸꦠ꧀꧈ꦕꦺꦴꦏꦏ꧀ꦏꦺꦔꦶꦁꦏꦢꦩꦼꦭ꧀ꦮꦺꦴꦮꦺꦴꦂꦫꦤ꧀ꦧꦸꦩ꧀ꦧꦸꦲꦶꦁꦏꦁꦩꦸꦫꦸꦒ꧀ꦒꦏꦼꦤ꧀ꦱꦼꦒꦼꦂꦫꦲꦺꦴꦱ꧀ꦱꦶꦥꦸꦤ꧀ ꦏꦢꦺꦴꦱ꧀ꦠ꧇ꦲꦸꦭꦩ꧀ꦲꦸꦭꦩ꧀ꦩꦤ꧀ꦠꦸꦮꦶꦤ꧀ꦗꦼꦗꦔꦤ꧀ꦤꦤ꧀꧈ꦥꦸꦤꦥꦢꦺꦤꦺꦏꦺꦔꦶꦁꦏꦢꦩꦼꦭ꧀ꦠꦺꦴꦪꦧꦺꦴꦫꦺꦃꦱꦸꦩꦾꦃꦣꦠꦼꦁꦲꦶꦁꦧꦢꦤ꧀ ꦲꦸꦠꦮꦶꦏꦺꦔꦶꦁꦏꦢꦩꦼꦭ꧀ꦲꦩ꧀ꦧꦶꦭꦱ꧀ꦱꦶꦥꦔꦸꦩ꧀ꦧꦃꦲꦶꦥꦸꦤ꧀ꦕꦼꦊꦥ꧀ꦥꦤ꧀ꦱꦒꦼꦢ꧀ꦩꦼꦊꦱ꧀ꦱꦂꦠꦲꦚꦸꦢꦏ꧀ꦲꦏꦼꦤ꧀ꦒꦤ꧀ꦢꦤꦶꦁꦤꦶꦭ꧉

꧋ꦧ꧀ꦭꦸꦭꦸꦏ꧀

17 ꧋ ꦥꦼꦤ꧀ꦠꦶꦭ꧀ꦭꦶꦁꦏꦭꦥꦮꦶꦤꦱ꧀ꦠꦤ꧀꧇ꦧ꧀ꦭꦸꦭꦸꦏ꧀꧈ꦢꦶꦥꦸꦤ꧀ꦲꦺꦴꦚ꧀ꦕꦺꦏ꧀ꦏꦶꦏꦸꦭꦶꦠ꧀ꦠꦶꦥꦸꦤ꧀ꦭꦗꦼꦁꦢꦶꦥꦸꦤ꧀ꦫꦗꦁꦠꦶꦥꦶꦱ꧀ꦠꦶꦥꦶꦱ꧀꧈ꦲꦺꦕꦏꦒꦸꦣꦼꦒ꧀ꦏꦭꦶꦪꦤ꧀ꦩꦁꦒꦂꦱꦂꦠꦲꦼꦩ꧀ꦥꦺꦴꦭ꧀ꦭꦶꦁꦕꦼꦁꦏꦶꦂ꧉ꦧ꧀ꦭꦸꦭꦸꦏ꧀꧈ꦏꦥꦫꦸꦢ꧀ꦏꦁꦒꦺꦧꦺꦴꦫꦺꦃꦮꦔꦶ꧉

꧋ ꦕꦼꦁꦏꦶꦂ

18 ꧋ ꦲꦒꦼꦁꦔꦶꦁꦧ꧀ꦭꦸꦭꦸꦏ꧀ꦤꦩ꧇ꦕꦼꦁꦏꦶꦂ꧈ꦠꦺꦴꦪꦤꦶꦥꦸꦤ꧀ꦠꦏ꧀ꦱꦶꦃꦫꦲꦺꦴꦱ꧀ꦥꦼꦱꦶꦁ꧈ꦢꦶꦥꦸꦤ꧀ꦥꦼꦟ꧀ꦝꦼꦠ꧀ꦲꦼꦩ꧀ꦥꦺꦴꦭ꧀ꦭꦶꦥꦸꦤ꧀ꦏꦫꦗꦁꦠꦶꦥꦶꦱ꧀ꦠꦶꦥꦶꦱ꧀ ꦲꦺꦕꦏꦒꦸꦣꦼꦒ꧀ꦏꦭꦶꦪꦤ꧀ꦩꦁꦒꦂꦱꦂꦠꦧ꧀ꦭꦸꦭꦸꦏ꧀ ꦥꦸꦤꦥꦢꦺꦤꦺꦲꦺꦕꦏꦫꦸꦗꦏ꧀ꦝꦼꦥ꧀ꦭꦺꦴꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦭꦸꦩ꧀ꦥꦁ꧉ꦤꦔꦶꦁꦕꦼꦁꦏꦶꦂꦊꦒꦶꦲꦺꦕꦏꦠꦼꦣꦩꦼꦤ꧀ꦠꦃ꧈ꦲꦶꦁꦏꦁꦲꦼꦩ꧀ꦥꦸꦏ꧀ꦢꦶꦥꦸꦤ꧀ꦲꦸꦭꦸ꧈ꦱꦺꦴꦤ꧀ꦠꦿꦺꦴꦠ꧀ꦠꦶꦥꦸꦤ꧀ꦢꦶꦥꦸꦤ꧀ꦭꦼꦥꦺꦃ꧈ꦫꦲꦺꦴꦱ꧀ꦱꦶꦥꦸꦤ꧀ꦭꦼꦒꦶ꧈ꦩꦶꦭꦤꦩ꧇ꦕꦼꦁꦏꦶꦂꦊꦒꦶ꧈ꦱꦂꦠꦏꦺꦔꦶꦁꦢꦶꦥꦸꦤ꧀ꦭꦺꦴꦠꦶꦱ꧀꧈ꦕꦼꦁꦏꦶꦂꦒꦣꦶꦁꦏꦁꦒꦺꦠꦸꦮꦸꦃꦲꦤ꧀ꦤꦶꦥꦸꦤ꧀ꦠꦶꦪꦁꦒꦣꦃꦢꦩꦼꦭ꧀꧈ꦤꦩꦸꦁꦩꦤ [ 25 ]ꦮꦶꦏꦁꦒꦺꦠꦸꦮꦸꦃꦲꦤ꧀ꦤꦶꦥꦸꦤ꧀ꦠꦶꦪꦁꦠꦶꦁꦏꦼꦧ꧀ꦩꦮꦶꦏꦱꦼꦫꦠ꧀꧈ꦑꦩꦗꦪꦭꦤ꧀ꦫꦠꦶꦃ꧈ ꦲꦸꦠꦮꦶꦗꦤꦏꦭꦤ꧀ꦱꦸꦩ꧀ꦧꦢꦿ꧈​ ꦥꦸꦤꦥꦦꦚ꧀ꦗꦶꦭꦤ꧀ꦏꦶꦫꦟ꧉​zie T. Tj. 14-3 v. o. en 16-9 v.o.

꧋ ꦢꦼꦒꦤ꧀ verk. v.​ ꦢꦮꦼꦒ꧀ꦒꦤ꧀꧈

19 ꧋ ꦲꦒꦼꦁꦔꦶꦁꦕꦼꦁꦏꦶꦂꦤꦩ꧇ꦢꦼꦒꦤ꧀꧈

a. ꦢꦼꦒꦤ꧀ꦒꦼꦩꦫꦶꦠ꧀꧈ꦢꦺꦫꦺꦁꦏꦺꦔꦶꦁꦏꦥꦼꦟ꧀ꦝꦼꦠ꧀ꦲꦶꦱꦶꦤꦶꦥꦸꦤ꧀​

b. ꦢꦼꦒꦤ꧀ꦏꦼꦩ꧀ꦭꦩꦸꦠ꧀꧈ꦢꦢꦺꦴꦱ꧀ꦠꦼꦣꦤꦶꦁꦧꦪꦶꦲꦶꦁꦏꦁꦱꦮꦼꦒ꧀ꦭꦲꦶꦂ꧈

c. ꦢꦼꦒꦤ꧀ꦏꦼꦩꦼꦫꦸꦏ꧀ꦧꦸꦤ꧀ꦠꦸꦠ꧀꧈ꦩꦶꦫꦲꦺꦴꦱ꧀ꦱꦔꦼꦠ꧀꧈ꦥꦩꦼꦟ꧀ꦝꦼꦠ꧀ꦠꦶꦥꦸꦤ꧀ꦱꦫꦤꦱꦺꦟ꧀ꦝꦺꦴꦏ꧀꧈ꦭꦗꦼꦁꦏꦠꦼꦣ꧈ꦏꦗꦮꦶꦲꦺꦕꦫꦲꦺꦴꦱ꧀ꦱꦶꦥꦸꦤ꧀꧈ꦏꦺꦔꦶꦁꦏꦢꦩꦼꦭ꧀ꦗꦩ꧀ꦥꦶꦏꦸꦮꦠ꧀ ꦠꦶꦪꦁꦱꦼꦥꦸꦃꦥꦿꦪꦺꦴꦒꦶꦤꦼꦔꦼꦤ꧀ꦤꦏꦼꦤ꧀ꦤꦼꦣꦢꦼꦒꦤ꧀ꦏꦼꦩꦼꦫꦸꦏ꧀ꦧꦸꦤ꧀ꦠꦸꦠ꧀

d. ꦢꦼꦒꦤ꧀ꦱꦸꦩꦼꦣꦼꦁ꧈ꦥꦸꦤꦶꦏꦲꦺꦕꦲꦺꦕꦤꦶꦥꦸꦤ꧀ꦏꦠꦼꦣ꧈ꦏꦢꦩꦼꦭ꧀ꦥꦶꦥꦶꦱ꧀ꦢꦼꦒꦤ꧀ ꦫꦸꦗꦏ꧀ꦢꦼꦒꦤ꧀ ꦥꦿꦺꦴꦭ꧀ꦢꦼꦒꦤ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈

꧋ꦏꦭꦥ

20 ꧋ ꦢꦒꦶꦔꦶꦁꦏꦭꦥꦲꦶꦁꦒꦶꦃꦤꦩ꧇ꦏꦭꦥ K. ꦏꦿꦩ꧀ꦧꦶꦭ꧀ N.​ꦠꦶꦪꦁꦱꦸꦟ꧀ꦝꦲꦩꦱ꧀ꦠꦤ꧀ꦤꦶ꧇ꦧꦸꦏꦸꦂ꧈^[6]

a. ꦏꦭꦥꦲꦶꦁꦏꦁꦲꦶꦱꦶꦤꦶꦥꦸꦤ꧀ꦤꦩꦸꦁꦱꦏꦼꦣꦶꦏ꧀꧈ꦲꦸꦠꦮꦶꦤꦩꦸꦁꦱꦥꦭꦶꦃꦤꦩ꧇ꦏꦭꦥꦢꦫꦶ꧉

___________
[ 26 ]b. ꦏꦭꦥꦲꦶꦁꦏꦁꦲꦶꦱꦶꦤꦶꦥꦸꦤ꧀ꦫꦶꦱꦏ꧀ꦤꦩ꧇ꦒꦫꦺꦴꦃ꧉

c. ꦏꦭꦥꦲꦶꦁꦏꦁꦲꦶꦱꦶꦤꦶꦥꦸꦤ꧀ꦔꦶꦁꦒꦶꦭ꧀ꦥꦶꦱꦃꦏꦭꦶꦪꦤ꧀ꦧꦛꦺꦴꦏ꧀ꦏꦶꦥꦸꦤ꧀ꦤꦩ꧇ꦏꦭꦥꦏꦺꦴꦥꦾꦺꦴꦂ꧉ꦠꦶꦪꦁꦥꦱꦶꦱꦶꦂꦲꦩꦱ꧀ꦠꦤꦶ꧇ꦏꦭꦥꦥꦸꦃꦲꦤ꧀꧈

d. ꦏꦭꦥꦏꦼꦩꦺꦟ꧀ꦝꦺꦴꦱꦩ꧀ꦥꦸꦤ꧀ꦏꦺꦔꦶꦁꦏꦥꦫꦸꦢ꧀ ꦤꦔꦶꦁꦢꦺꦫꦺꦁꦏꦏꦒ꧀꧈ꦠꦏ꧀ꦱꦶꦃꦥꦺꦭꦃꦥꦺꦭꦺꦴꦃ꧈ꦥꦶꦏꦤ꧀ꦠꦸꦏ꧀ꦏꦶꦥꦸꦤ꧀ꦏꦢꦩꦼꦭ꧀ꦏꦺꦟ꧀ꦝꦺꦴꦲꦸꦫꦁ꧈ꦩꦶꦭꦤꦶꦥꦸꦤ꧀ꦮꦶꦤꦱ꧀ꦠꦤ꧀꧇ꦏꦼꦩꦺꦟ꧀ꦝꦺꦴ꧈ꦩꦮꦶꦢꦶꦥꦸꦤ꧀ꦠꦺꦴꦪꦤꦶꦲꦶꦁꦠꦺꦴꦪꦏꦭꦥꦥꦸꦤꦶꦏ꧈ꦫꦲꦺꦴꦱ꧀ꦱꦶꦥꦸꦤ꧀ꦢꦢꦺꦴꦱ꧀ꦭꦼꦒꦶꦒꦸꦫꦶꦃꦩꦮꦶꦱꦼꦒꦼꦂꦢꦺꦤꦶꦁꦮꦺꦴꦤ꧀ꦠꦼꦤ꧀ꦢꦸꦢꦸꦃꦲꦶꦥꦸꦤ꧀꧈

e. ꦏꦭꦥꦒꦼꦩꦺꦴꦧꦺꦴꦂ꧈ꦩꦁꦒꦺꦤ꧀ꦤꦶꦥꦸꦤ꧀ꦏꦢꦩꦼꦭ꧀ꦏꦼꦭꦤ꧀ꦧꦺꦴꦧꦺꦴꦂ꧈ꦏꦠꦸꦠ꧀ꦢꦭꦃꦲꦩ꧀ꦥꦱ꧀ꦱꦶꦥꦸꦤ꧀ꦩꦭꦃꦱꦪꦲꦺꦕ꧉

f. ꦏꦭꦥꦏꦼꦩꦽꦩ꧀ꦥꦃꦱꦩ꧀ꦥꦸꦤ꧀ꦫꦒꦶꦏꦏꦒ꧀ꦏꦺꦔꦶꦁꦏꦥꦫꦸꦢ꧀ꦥꦶꦏꦤ꧀ꦠꦸꦏ꧀ꦏꦶꦥꦸꦤ꧀ꦏꦢꦩꦼꦭ꧀ꦉꦩ꧀ꦥꦃ꧈ꦥꦔꦺꦴꦭꦃꦲꦶꦥꦸꦤ꧀ꦏꦒꦺꦴꦫꦺꦁ꧈ꦱꦮꦼꦤꦺꦃꦢꦶꦥꦸꦤ꧀ꦮꦸꦁꦏꦸꦱ꧀ꦭꦗꦼꦁꦏꦒꦺꦴꦣꦺꦴꦒ꧀꧈ꦤꦩ꧇ꦉꦩ꧀ꦥꦃꦒꦺꦴꦣꦺꦴꦒ꧀꧈

g. ꦏꦭꦥꦏꦺꦴꦕꦏ꧀꧈ꦠꦶꦪꦁꦲꦶꦁꦧꦚꦸꦩꦱ꧀ ꦲꦩꦱ꧀ꦠꦤꦶ꧇ꦏꦺꦴꦕꦺꦴꦏ꧀꧈ꦠꦶꦪꦁꦯꦸꦟ꧀ꦝꦲꦩꦱ꧀ꦠꦤꦶ꧇ꦏꦺꦴꦕ꧀ꦭꦏ꧀ ꦥꦸꦤꦶꦏꦱꦩ꧀ꦥꦸꦤ꧀ꦮꦶꦮꦶꦠ꧀ꦱꦼꦥꦸꦃ꧉

h. ꦏꦭꦥꦱꦼꦩꦤ꧀ꦠꦼꦤ꧀꧈ꦥꦸꦤꦶꦏꦏꦛꦃꦏꦛꦃꦲꦶꦁꦱꦤ꧀ꦠꦼꦤ꧀ꦤꦶꦥꦸꦤ꧀ꦤꦔꦶꦁꦢꦺꦫꦺꦁꦥꦠꦺꦴꦱ꧀ꦏꦼꦟ꧀ꦛꦼꦭ꧀꧈

i. ꦏꦭꦥꦏꦼꦩꦔꦿꦁ꧈ꦥꦸꦤꦶꦏꦱꦼꦣꦼꦁꦱꦼꦣꦼꦁꦔꦶꦥꦸꦤ꧀ꦏꦛꦃꦲꦶꦁꦱꦤ꧀ꦠꦼꦤ꧀ꦤꦶꦥꦸꦤ꧀꧈ꦱꦂꦠꦱꦩ꧀ꦥꦸꦤ꧀ꦏꦼꦟ꧀ꦛꦼꦭ꧀꧈ꦲꦶꦁꦏꦁꦱꦪꦺꦴꦒꦶꦏꦢꦩꦼꦭ꧀ꦲꦺꦴꦭꦃꦲꦺꦴꦭꦃꦣꦺꦟ꧀ꦝꦺꦁꦫꦒꦶꦱꦂꦠꦠꦼꦫꦶꦏ꧀꧈ [ 27 ]j. ꦏꦭꦥꦏꦶꦫꦶꦁ(ꦒꦫꦶꦁ)ꦱꦩ꧀ꦥꦸꦤ꧀ꦏꦶꦫꦁꦮꦼꦢꦭ꧀ꦭꦶꦁꦱꦤ꧀ꦠꦼꦤ꧀ꦤꦶꦥꦸꦤ꧀ꦤꦔꦶꦁꦥꦶꦏꦤ꧀ꦠꦸꦏ꧀ꦧꦶꦭꦶꦃꦢꦶꦥꦸꦤ꧀ꦏꦊꦤ꧀ꦠꦶꦏ꧀ꦏꦛꦃꦮꦼꦢꦭ꧀ꦭꦶꦥꦸꦤ꧀꧈ꦉꦉꦒꦼꦢ꧀ꦲꦸꦠꦮꦶꦲꦩ꧀ꦥꦱ꧀ꦱꦶꦁꦭꦶꦱꦃꦤꦩ꧇ꦧ꧀ꦭꦺꦴꦟ꧀ꦝꦺꦴ꧈ꦏꦠꦼꦣꦲꦺꦕ꧈ꦫꦲꦺꦴꦱ꧀ꦱꦶꦥꦸꦤ꧀ꦊꦒꦶꦒꦸꦫꦶꦃꦔꦤ꧀ꦠꦺꦴꦱ꧀ꦲꦚꦶꦂ꧈ꦩꦶꦭꦩꦤꦮꦶꦠꦶꦪꦁꦤꦼꦣꦧ꧀ꦭꦺꦴꦟ꧀ꦝꦺꦴꦲꦱꦿꦶꦁꦩꦸꦫꦸꦱ꧀ꦏꦢꦺꦴꦱ꧀ꦲꦸꦫꦸꦱ꧀ꦲꦸꦫꦸꦱ꧀꧈

꧋ꦭꦶꦱꦃ

21 ꧋ ꦲꦶꦁꦮꦠꦼꦱ꧀(ꦔꦪꦺꦴꦓꦾꦏꦂꦠ)ꦲꦶꦁꦑꦸꦛꦉꦗꦱꦂꦠꦲꦶꦁꦦꦽꦩ꧀ꦧꦸꦤ꧀꧈ꦲꦶꦁꦔꦿꦶꦏꦸꦥꦁꦒꦺꦤ꧀ꦤꦤ꧀ꦥꦢꦒꦁꦔꦤ꧀ꦏꦭꦥ꧈ꦠꦼꦠꦶꦪꦁꦕꦶꦤꦱꦩꦶꦠꦸꦩ꧀ꦧꦱ꧀ꦏꦭꦥꦏꦊꦧꦼꦠ꧀ꦠꦏꦼꦤ꧀ꦲꦶꦁꦒꦸꦣꦁ꧈ꦏꦕꦸꦏꦶꦭ꧀ꦭꦗꦼꦁꦢꦶꦥꦸꦤ꧀ꦥꦺꦤꦩꦏꦺꦴꦥꦿ(=kopra)ꦱꦂꦠꦭꦗꦼꦁꦢꦶꦥꦸꦤ꧀ꦥꦺꦥꦺꦢ꧀ꦢꦢꦺꦴꦱ꧀ꦭꦶꦱꦃꦏ꧀ꦭꦼꦤ꧀ꦠꦶꦏ꧀꧈ꦏꦺꦴꦥꦿꦱꦣꦕꦶꦤ꧀ꦢꦢꦺꦴꦱ꧀ꦭꦶꦱꦃꦉꦱꦶꦏ꧀3ꦧ꧀ꦭꦺꦒ꧀꧈a f 4.50x3= f 13.50꧈ꦉꦒꦼꦢ꧀ꦢꦶꦁꦭꦶꦱꦃꦮꦲꦸꦤꦩꦧ꧀ꦭꦺꦴꦛꦺꦴꦁ꧈ꦲꦩ꧀ꦧꦼꦠ꧀ꦠꦶꦥꦸꦤ꧀ꦧꦔꦼꦂ꧈ꦥꦶꦏꦤ꧀ꦠꦸꦏ꧀ꦱꦧ꧀ꦭꦺꦒ꧀ꦏꦱꦢꦺꦏꦁꦒꦺꦲꦧꦼꦤ꧀ꦥꦤ꧀ꦢꦩꦼꦭ꧀ꦭꦶꦁꦱꦧꦸꦤ꧀꧈ꦥꦗꦼꦁ f 6.50 ꦢꦢꦺꦴꦱ꧀ꦏꦺꦴꦥꦿꦱꦣꦕꦶꦤ꧀ꦢꦢꦺꦴꦱ꧀ꦱꦶꦥꦸꦤ꧀ꦭꦶꦱꦃꦏꦊꦧꦼꦠ꧀ꦧꦭꦺꦴꦛꦺꦴꦁꦔꦶꦥꦸꦤ꧀ꦥꦗꦼꦁ f 20.-

꧋ ꦥꦤ꧀ꦢꦩꦼꦭ꧀ꦭꦶꦁꦭꦶꦱꦃꦲꦶꦁꦏꦁꦧꦺꦴꦠꦼꦤ꧀ꦱꦫꦤꦏꦥꦺꦥꦺꦢ꧀ ꦏꦭꦥꦏꦧꦺꦴꦱꦺꦴꦏ꧀ꦏꦏꦼꦤ꧀ꦫꦸꦩꦶꦪꦶꦤ꧀꧈ꦭꦗꦼꦁꦢꦶꦥꦸꦤ꧀ꦥꦼꦉꦱ꧀ꦏꦭꦪꦤ꧀ꦠꦔꦤ꧀꧈ꦭꦗꦼꦁꦢꦶꦥꦸꦤ꧀ꦥꦤꦱ꧀ꦱꦶꦤꦩꦸꦁꦱꦮꦠꦮꦶꦱ꧀꧈ꦩꦶꦭꦠꦏ꧀ꦱꦶꦃꦏꦠꦶꦔꦭ꧀ꦥꦼꦛꦏ꧀ꦏꦢꦺꦴꦱ꧀ꦢꦺꦫꦺꦁꦩꦠꦼꦁ꧈ꦲꦶꦁꦒꦶꦃꦭꦶꦱꦃꦢꦒꦁꦔꦤ꧀ꦲꦶꦁꦏꦁꦉꦒꦶꦤꦶꦥꦸꦤ꧀ꦩꦶꦫꦃꦥꦸꦤꦶꦏ꧈ꦧꦺꦢꦏꦭꦶꦪꦤ꧀ꦭꦶꦱꦃꦏ꧀ꦭꦼꦤ꧀ꦠꦶꦏ꧀ꦢꦩꦼꦭ꧀ꦭꦤ꧀ꦱꦸꦫꦏꦂꦡꦩꦠꦼꦁꦱꦪꦼꦏ꧀ꦠꦺꦴꦱ꧀꧈ꦢꦺꦤꦶꦁꦤꦩꦸꦁ [ 28 ]ꦢꦩꦼꦭ꧀ꦱꦏꦼꦣꦶꦏ꧀ꦱꦏꦼꦣꦶꦏ꧀ꦕꦼꦏꦥ꧀ꦢꦶꦥꦸꦤ꧀ꦲꦁꦒꦺꦥꦶꦪꦩ꧀ꦧꦏ꧀​ ꦏꦭꦥꦤꦶꦥꦸꦤ꧀ꦢꦶꦥꦸꦤ꧀ꦥꦫꦸꦢ꧀​ꦩꦶꦭꦉꦒꦶꦤꦶꦥꦸꦤ꧀ꦲꦮꦶꦱ꧀꧈^[7]

꧋ꦏꦺꦴꦥꦿꦧꦺꦴꦠꦼꦤ꧀ꦤꦩꦸꦁꦏꦱꦢꦺꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶꦏꦺꦩꦮꦺꦴꦤ꧀ ​ꦲꦶꦁꦒꦶꦃꦲꦸꦒꦶꦏꦱꦢꦺꦣꦠꦼꦁꦠꦤꦃꦌꦫꦺꦴꦦꦃ꧉^[8]

ꦗꦚ꧀ꦗꦁꦔꦤ꧀ꦏꦭꦥ꧉

22 ꧋ ꦣꦺꦴꦩ꧀ꦥꦺꦴꦭ꧀ꦭꦤ꧀ꦏꦭꦥꦤꦩ꧇ꦗꦚ꧀ꦗꦁꦔꦤ꧀꧈ꦠꦶꦪꦁꦲꦶꦁꦨꦚꦸꦩꦱ꧀ꦲꦩꦱ꧀ꦠꦤꦶ꧇ꦧꦚꦏ꧀꧈ꦠꦶꦪꦁꦯꦸꦟ꧀ꦝꦲꦩꦱ꧀ꦠꦤꦶ꧇ꦩꦁꦒꦂ꧉ꦗꦚ꧀ꦗꦁꦔꦤ꧀ꦏꦺꦔꦶꦁꦏꦢꦩꦼꦭ꧀ꦮꦁꦱꦭ꧀ꦭꦤ꧀꧈ꦏꦢꦺꦴꦱ꧀ꦠ꧇

꧄ꦥꦱꦼꦂꦭꦁꦏꦥ꧀ꦮꦗꦥꦶꦤꦿꦶꦃꦭꦏꦶꦁ꧈ꦩꦤꦃꦲꦶꦫꦭꦶꦂꦮꦺꦴꦁꦏꦼꦤꦺꦁꦒꦸꦤ꧈ꦢꦸꦭꦸꦩꦤꦶꦱ꧀ꦱꦶꦁꦭꦛꦶꦤꦺ꧈ꦕꦕꦢ꧀ꦢꦶꦫꦮꦺꦴꦁꦲꦪꦸ꧈ꦣꦺꦴꦩ꧀ꦥꦺꦴꦭ꧀ꦭꦤ꧀ꦤꦺꦏꦁꦠꦶꦫꦶꦱ꧀ꦒꦣꦶꦁ꧈ꦱꦫꦶꦫꦏꦸꦫꦁꦗꦚ꧀ꦗꦁ...

______
[ 29 ]

꧋ ꦥꦫꦸꦢꦤ꧀ꦏꦭꦥ

23 ꧋ ꦥꦫꦸꦢ꧀ꦢꦤ꧀ꦏꦭꦥꦮꦺꦴꦤ꧀ꦠꦼꦤ꧀ꦮꦂꦤꦶꦏꦭꦶꦃ꧇

a. ꦧꦶꦭꦶꦃꦥꦚꦼꦥꦼꦁꦔꦶꦥꦸꦤ꧀ꦮꦮꦫꦤꦶꦁꦏꦭꦥꦏꦲꦶꦫꦶꦁꦔꦏꦼꦤ꧀ꦤꦩ꧇ꦥꦫꦸꦢ꧀ꦢꦤ꧀ꦭꦶꦩꦿꦃ꧈ꦮꦂꦤꦶꦤꦶꦁꦥꦫꦸꦢ꧀ꦢꦤ꧀꧇ꦲꦭꦸꦱ꧀꧈ꦥꦸꦤꦶꦏꦲꦶꦁꦏꦁꦢꦶꦥꦸꦤ꧀ꦥꦸꦫꦶꦃꦮꦼꦢꦭ꧀ꦭꦶꦁꦱꦤ꧀ꦠꦼꦤ꧀ꦤꦶꦥꦸꦤ꧀ꦱꦒꦼꦢ꧀ꦏꦛꦃ꧉

b. ꦧꦶꦭꦶꦃꦥꦚꦼꦥꦼꦁꦔꦶꦥꦸꦤ꧀ꦮꦮꦫꦤ꧀ꦤꦶꦁꦏꦭꦥꦢꦶꦥꦸꦤ꧀ꦭꦸꦩꦃꦲꦏꦼꦤ꧀ꦤꦩ꧇ꦥꦫꦸꦢ꧀ꦢꦤ꧀ꦱꦶꦁꦒꦠ꧀ꦠꦤ꧀꧈ꦥꦸꦤꦶꦏꦲꦶꦁꦏꦁꦏꦁꦒꦺꦲꦧꦼꦤ꧀ꦥꦔꦤ꧀ꦤꦤ꧀ꦱꦂꦠꦲꦸꦭꦩ꧀ꦲꦸꦭꦩꦤ꧀ꦏꦠꦼꦣꦩꦼꦤ꧀ꦠꦃꦲꦸꦠꦮꦶꦩꦠꦼꦁ꧈ꦏꦼꦫꦲꦺꦴꦱ꧀ꦒꦸꦫꦶꦃꦲꦶꦥꦸꦤ꧀꧈

꧋ ꦠꦶꦫꦃꦲꦤ꧀ꦤꦶꦁꦏꦭꦥꦲꦶꦁꦏꦁꦢꦶꦥꦸꦤ꧀ꦥꦫꦸꦢ꧀꧈ꦱꦩ꧀ꦥꦸꦤ꧀ꦲꦔꦺꦭ꧀ꦢꦶꦥꦸꦤ꧀ꦕꦼꦥꦼꦁꦲꦶꦁꦠꦔꦤ꧀ꦤꦩ꧇ꦕꦶꦏꦭ꧀ꦭꦤ꧀꧈

꧋ ꦥꦫꦸꦢꦤ꧀ꦏꦭꦥ(a)ꦢꦶꦥꦸꦤ꧀ꦒꦺꦴꦫꦺꦁꦏꦭꦶꦪꦤ꧀ꦭꦶꦱꦃꦩꦮꦶꦲꦸꦭꦩ꧀ꦩꦲꦺꦱꦲꦸꦠꦮꦶꦊꦩ꧀ꦧꦸꦤꦩ꧇ꦣꦺꦟ꧀ꦝꦺꦁꦫꦒꦶ꧉

꧋ ꦢꦶꦥꦸꦤ꧀ꦒꦺꦴꦫꦺꦁꦠꦤ꧀ꦥꦭꦶꦱꦃꦔꦱ꧀ꦠꦺꦴꦱ꧀ꦏꦸꦤꦶꦁ꧈ꦏꦲꦼꦤ꧀ꦠꦱ꧀ꦭꦗꦼꦁꦏꦣꦼꦥ꧀ꦭꦺꦴꦏ꧀ꦲꦶꦁꦭꦸꦩ꧀ꦥꦁꦤꦩ꧇ꦲꦸꦪꦃꦒꦺꦴꦫꦺꦁ꧉

꧋ ꦢꦶꦥꦸꦤ꧀ꦒꦺꦴꦣꦺꦴꦒ꧀ꦏꦭꦶꦪꦤ꧀ꦒꦼꦟ꧀ꦝꦶꦱ꧀ꦏꦭꦥꦤꦩ꧇ꦲꦼꦤ꧀ꦠꦺꦤ꧀ꦲꦼꦤ꧀ꦠꦺꦤ꧀(ꦥꦔꦤ꧀ꦤꦤ꧀)ꦫꦲꦺꦴꦱ꧀ꦱꦶꦥꦸꦤ꧀ꦊꦒꦶꦒꦸꦫꦶꦃ꧉

꧋ ꦏꦼꦠꦤ꧀ꦏꦲꦼꦢꦁꦩꦮꦶꦥꦫꦸꦢ꧀ꦢꦤ꧀ꦏꦭꦥꦤꦩ꧇ꦲꦺꦴꦫꦤ꧀ꦲꦺꦴꦫꦤ꧀ ꦭꦗꦼꦁꦏꦗꦺꦴꦗꦺꦴꦃꦮꦺꦴꦤ꧀ꦠꦼꦤ꧀ꦲꦶꦁꦏꦿꦺꦴꦱꦺꦴꦏ꧀ꦏꦭꦪꦤ꧀ꦲꦭꦸꦥꦥꦃꦧ꧀ꦭꦫꦏ꧀ꦤꦩ꧇ꦗꦢꦃꦲꦸꦠꦮꦶꦗꦸꦮꦢꦃ꧉

꧋ꦥꦫꦸꦢ꧀ꦢꦤ꧀ꦏꦭꦥ (b) ꦏꦁꦒꦺꦲꦧꦼꦤ꧀ꦤꦶꦥꦸꦤ꧀ꦏꦼꦠꦤ꧀꧈ꦕꦼꦛꦺꦴꦠ꧀ (ꦗꦢꦃꦠꦤ꧀ꦥꦏꦭꦥ) ꦭꦺꦴꦥꦶꦱ꧀ (ꦏꦼꦠꦤ꧀ꦩꦮꦶꦱꦉꦩ꧀​ꦧ꧀ꦭꦼꦁ) ꦊꦒꦼꦤ꧀ꦢꦂ(ꦮꦺꦴꦱ꧀ꦩꦮꦶꦱꦉꦩ꧀​ꦧ꧀ꦭꦼꦁ)ꦕꦟ꧀ꦛꦺꦭ꧀ꦱꦂꦠꦗꦺꦥꦺꦤ꧀꧈ [ 30 ]꧋ ꦗꦼꦤꦁꦏꦠꦸꦭ꧀ꦩꦮꦶꦥꦫꦸꦢ꧀ꦢꦤ꧀ꦏꦭꦥꦱꦂꦠꦱꦶꦱꦶꦂꦫꦤ꧀ꦒꦼꦟ꧀ꦝꦶꦱ꧀ꦏꦭꦥ꧉

꧋ ꦱꦤ꧀ꦠꦼꦤ꧀꧈

24 ꧋ ꦥꦫꦸꦢ꧀ꦢꦤ꧀ꦏꦭꦥ​($ 23 lett. a) ꦢꦶꦥꦸꦤ꧀ꦲꦸꦭꦺꦤꦶꦏꦭꦶꦪꦤ꧀ꦠꦺꦴꦪꦭꦗꦼꦁꦢꦶꦥꦸꦤ꧀ꦥꦼꦉꦱ꧀ꦲꦶꦁꦠꦔꦤ꧀ꦏꦠꦣꦃꦲꦏꦼꦤ꧀ꦲꦶꦁꦏꦭꦺꦴꦱꦔꦶꦁꦒꦶꦭ꧀ꦭꦶꦁꦕꦸꦮꦺꦴ꧈​ꦠꦺꦴꦪꦤꦶꦥꦸꦤ꧀ꦤꦩ꧇​ꦱꦤ꧀ꦠꦼꦤ꧀

a ꦥꦼꦉꦱ꧀ꦱꦤ꧀ꦱꦥꦶꦱꦤ꧀ꦤꦩ꧇​ꦏꦤꦶꦭ꧀

b   ” ​ꦏꦥꦶꦁꦏꦭꦶꦃ​   ”  ꦱꦤ꧀ꦠꦼꦤ꧀

c   ”    ” ꦠꦶꦒ   ”  ꦏꦧꦂ꧉

꧋ ꦱꦤ꧀ꦠꦼꦤ꧀ꦏꦤꦶꦭ꧀ꦏꦒꦺꦴꦣꦺꦴꦒ꧀ꦱꦂꦠꦠꦤ꧀ꦱꦃꦢꦶꦥꦸꦤ꧀ꦏꦼꦧꦸꦂ꧈​ꦩꦠꦼꦁꦔꦶꦥꦸꦤ꧀ꦤꦩ꧇​ꦲꦫꦺꦃ꧈​ꦏꦁꦒꦺꦲꦺꦴꦥꦾꦺꦴꦏ꧀ꦥꦔꦤ꧀ꦤꦤ꧀​ (ꦱꦼꦩꦂꦩꦼꦤ꧀ꦢꦼꦩ꧀ enz.) ꦭꦮꦸꦃꦲꦤ꧀​ (ꦲꦠꦺꦴꦩꦶꦱ꧀​ enz.) ꦱꦂꦠꦲꦸꦭꦩ꧀ꦲꦸꦭꦩ꧀ꦩꦤ꧀​ (ꦣꦺꦟ꧀ꦝꦺꦁꦲꦒꦺ enz.)꧉

꧋ ꦱꦤ꧀ꦠꦼꦤ꧀​ꦏꦁꦒꦺꦏꦼꦭꦤ꧀ꦧꦸꦏꦼꦠ꧀ꦱꦂꦠꦱꦩ꧀ꦧꦼꦭ꧀ꦒꦺꦴꦫꦺꦁ​ enz.꧉​ꦒꦼꦩ꧀ꦥꦺꦴꦭ꧀ꦥ꧀ꦭꦺꦫꦺꦢ꧀​ ꦣꦮꦼꦠ꧀​​ꦕꦶꦩꦥ꧀ꦭꦸꦁꦱꦂꦠ   ꦔꦁꦒꦺꦱꦤ꧀ꦠꦼꦤ꧀ꦩꦼꦤ꧀ꦠꦃ꧉ ꦗꦼꦤꦁꦲꦧꦿꦶꦠ꧀​ enz.

꧋ ꦱꦤ꧀ꦠꦼꦤ꧀ꦏꦧꦂ꧈​ꦤꦩꦸꦁꦏꦁꦒꦺꦲꦁꦒꦺꦴꦣꦺꦴꦒ꧀ꦲꦸꦭꦩ꧀​​ꦧꦶꦭꦶꦃꦱꦩ꧀ꦥꦸꦤ꧀ꦩꦠꦼꦔ꧀ꦭꦗꦼꦁꦢꦶꦥꦸꦤ꧀ꦱꦺꦴꦏ꧀ꦏꦶꦱꦤ꧀ꦠꦼꦤ꧀ꦤꦩ꧇​ꦲꦶꦮꦏ꧀ꦢꦸꦢꦸꦃ꧉​ꦩꦤꦮꦶꦏꦒꦫꦶꦁꦔꦏꦼꦤ꧀ꦤꦩ꧇​ꦠꦼꦫꦶꦏ꧀꧈

꧋ ꦲꦩ꧀ꦥꦱ꧀ꦏꦭꦥ꧉

25 ꧋ ꦲꦩ꧀ꦥꦱ꧀ꦏꦭꦥꦠꦏ꧀ꦱꦶꦃꦏꦭꦥ꧀ꦢꦩꦼꦭ꧀ꦭꦶꦥꦸꦤ꧀​ꦏꦺꦔꦶꦁꦏꦲꦺꦴꦭꦃꦢꦢꦺꦴꦱ꧀ꦭꦮꦸꦲꦤ꧀​​ꦢꦶꦥꦸꦤ꧀ꦥꦺꦱ꧀ꦤꦩ꧇​ꦱꦼꦩꦪꦶ꧉ [ 31 ]ꦢꦶꦥꦸꦤ꧀ꦲꦺꦴꦫꦺꦤ꧀ꦁꦠꦤ꧀ꦥꦭꦶꦱꦃꦏꦕꦫꦸꦧ꧀ꦭꦤ꧀ꦏꦕꦁꦤꦩ꧀꧇​ꦱꦿꦸꦤ꧀ꦢꦺꦁꦏꦧꦸꦭ꧀​​ꦢꦢꦺꦴꦱ꧀ꦠꦼꦣꦤꦶꦥꦸꦤ꧀ꦧꦲꦸꦣꦸꦱꦸꦤ꧀꧈

꧋ ꦒꦼꦧꦶꦂꦔꦤ꧀ꦏꦭꦥ꧉

26 ꧋ ꦒꦼꦧꦶꦂꦔꦤ꧀ꦏꦭꦥ꧇

a. ꦢꦶꦥꦸꦔꦺꦴꦫꦺꦔ꧀ꦭꦗꦼꦁꦢꦶꦥꦸꦤ꧀ꦮꦺꦴꦂꦫꦶꦏꦕꦁꦒꦺꦴꦫꦺꦁꦔꦤ꧀ꦤꦩ꧇​ꦱꦿꦸꦤ꧀ꦢꦺꦁꦱꦼꦩꦫꦢꦤ꧉

b. ꦢꦶꦥꦸꦤ꧀ꦧꦼꦱ꧀ꦠꦏꦭꦶꦪꦤ꧀ꦏꦕꦁꦕꦶꦤꦤꦩ꧀꧇​ꦒ꧀ꦭꦭꦶꦒꦼꦧꦶꦁꦔꦤ꧀​ (ꦥꦔꦤ꧀ꦤꦤ꧀)

c. ꦗꦼꦤꦁꦱꦸꦫꦤ꧀꧈

d. ꦊꦒꦺꦴꦟ꧀ꦝ​ (ꦏꦼꦠꦤ꧀)​​​   ​ꦒ꧀ꦭꦭꦶꦒꦼꦧꦶꦁꦔꦤ꧀

e. ꦭꦺꦴꦟ꧀ꦛꦺꦴ (ꦮꦺꦴꦱ꧀)

f. ꦲꦥꦼꦩ꧀ꦲꦶꦁꦏꦁꦩꦮꦶꦒꦼꦧꦶꦁꦔꦤ꧀ꦏꦭꦥꦮꦺꦴꦤ꧀ꦠꦼꦤ꧀​​​ ꦏꦁꦒꦺꦮꦶꦭꦸꦗꦼꦁꦔꦤ꧀ꦔꦶꦤ꧀ꦠꦸꦤ꧀ꦭꦸꦭꦸꦲꦸꦂ꧉ꦲꦥꦼꦩ꧀꧇ꦆꦱ꧀ꦧꦠ꧀ꦠꦶꦁꦱꦺꦴꦁꦱꦺꦴꦁ꧈ꦲꦶꦫꦶꦱ꧀ꦱꦤ꧀ꦏꦭꦥ꧇​ꦆꦱ꧀ꦧꦠ꧀ꦠꦶꦣꦟ꧀ꦝꦤ꧀ꦱꦺꦴꦁꦱꦺꦴꦁ​ꦮꦲꦸ꧉

꧋ ꦱꦼꦥꦼꦠ꧀꧉

27 ꧋ ꦏꦸꦭꦶꦠ꧀ꦏꦭꦥꦮꦶꦱꦤ꧀ꦠꦤ꧀꧇​ꦱꦼꦥꦼꦠ꧀​​ꦲꦸꦠꦮꦶ꧇​ꦠꦧꦺꦴꦤ꧀​​ꦏꦢꦺꦴꦱ꧀ꦠ꧇ꦏꦭꦥꦱꦠꦧꦺꦴꦤ꧀ꦤꦶꦥꦸꦤ꧀​ꦱꦱꦼꦥ꧀ꦱꦼꦠ꧀ꦠꦶꦥꦸꦤ꧀꧈

꧋ ꦠꦶꦪꦁꦥꦱꦶꦱꦶꦂꦲꦩꦱ꧀ꦠꦤꦶ꧇ꦠꦼꦥꦼꦱ꧀꧈

꧋   ”  ​ꦨꦠꦮꦶ​  ”  ​ꦠꦥꦱ꧀꧈

꧋ ꦱꦼꦥ꧀ꦱꦼꦠ꧀ꦏꦺꦔꦶꦁꦏꦢꦩꦼꦭ꧀꧇

a. ꦏꦱꦸꦂ꧈ꦒꦸꦭꦶꦁꦠꦸꦮꦶꦤ꧀ꦧꦤ꧀ꦠꦭ꧀ꦭꦶꦁꦥꦗꦼꦒ꧀ꦒꦤ꧀ꦏꦺꦴꦧꦺꦴꦁꦔꦤ꧀​ꦏꦠꦶꦔꦭ꧀ꦏꦼꦁꦏꦼꦁꦠꦤ꧀ꦥꦏꦶꦩꦺꦱ꧀​​ꦧꦺꦴꦠꦼꦤ꧀ꦏꦢꦺꦴꦱ꧀ꦏꦥꦸꦏ꧀꧈​ꦱꦮꦁ [ 32 ]ꦔꦤ꧀ꦤꦶꦥꦸꦤ꧀ꦱꦲꦺ꧈ꦠꦸꦂꦧꦺꦴꦠꦼꦤ꧀ꦢꦶꦥꦸꦚ꧀ꦕꦕꦃꦲꦶꦁꦠꦶꦏꦸꦱ꧀ ​​​ꦢꦺ ꦤꦶꦁꦠꦤ꧀ꦥꦏ꧀ꦊꦟ꧀ꦝꦼꦁ꧉ b. ꦏꦺꦱꦺꦢ꧀ꦠꦸꦮꦶꦤ꧀ꦏꦼꦭꦸꦢ꧀ꦲꦩ꧀ꦧꦺꦤ꧀꧈ c. ꦲꦸꦥꦼꦠ꧀​​ꦱꦫꦤꦏꦠꦩ꧀ꦥꦂ꧉ d. ꦠꦁꦱꦸꦭ꧀ꦭꦶꦁꦧꦲꦶꦠꦭꦪꦂꦱꦫꦤꦏꦠꦩ꧀ꦥꦂꦠꦼꦭꦺꦴꦤ꧀ꦱꦂꦠ ꦏꦼꦏꦼꦂ꧈ꦤꦔꦶꦁꦲꦶꦁꦒꦶꦃꦧꦺꦴꦠꦼꦤ꧀ꦔꦮꦺꦴꦤ꧀ꦤꦏꦼꦤ꧀ꦠꦁꦱꦸꦭ꧀ꦩꦤꦶꦭ꧈ꦥꦸ ꦤꦶꦏꦲꦶꦁꦏꦔ꧀ꦮꦸꦊꦢ꧀ꦥꦶꦪꦩ꧀ꦧꦏ꧀ꦠꦶꦤꦶꦩ꧀ꦧꦁꦏꦭꦶꦪꦤ꧀ꦠꦁꦱꦸꦭ꧀ꦱꦤꦺ ꦱ꧀ꦱꦤꦺꦱ꧀ꦱꦶꦥꦸꦤ꧀꧈ e. ꦠꦁꦱꦸꦭ꧀ꦭꦶꦁꦕꦼꦩ꧀ꦥꦸꦫꦶꦠ꧀ꦫꦶꦁꦒꦶꦠ꧀ꦥꦸꦂꦮꦲꦸꦠꦮꦶꦒꦼꦝꦺꦴꦒ꧀​​​ꦱꦂꦠ ꦠꦁꦱꦸꦭ꧀ꦭꦶꦭ꧀ꦁꦕꦟ꧀ꦛꦶꦁꦧꦛꦶꦏ꧀ꦏꦤ꧀​​ꦤꦔꦶꦁꦏꦥꦼꦟ꧀ꦝꦼꦠ꧀ꦭꦤꦁꦔꦤ꧀ꦤꦶꦥꦸꦤ꧀ꦏꦺ ꦩꦮꦺꦴꦤ꧀​​ (ꦱꦼꦫꦠ꧀ꦠꦶꦥꦸꦤ꧀ꦲꦶꦁꦏꦁꦲꦒꦼꦁꦲꦒꦼꦁ)꧉​ 1)

꧋ ꦏꦼꦕꦺꦂ꧉

28 ꧋ ꦒꦤ꧀ꦠꦶꦭ꧀ꦭꦤ꧀ꦤꦶꦏꦭꦥꦤꦩ꧇ꦏꦼꦕꦺꦂ꧉ ꧋ ꦠꦶꦪꦁꦧꦔ꧀ꦮꦺꦠꦤ꧀ꦲꦩꦱ꧀ꦠꦤꦶ꧇ꦠꦸꦩ꧀ꦥꦶ꧉  " ꦨꦚꦸꦩꦱ꧀  "  ꦏꦼꦚ꧀ꦕꦺꦁ꧉  " ꦯꦸꦟ꧀ꦝ   "  ꦠꦥꦺꦴꦏ꧀꧈ ꧋ ꦏꦼꦕꦺꦫꦥꦸꦤꦶꦏꦥꦺꦴꦏ꧀ꦏꦶꦁꦲꦺꦴꦤ꧀ꦠꦺꦪꦤ꧀ꦩꦁꦒꦂꦩꦼꦟ꧀ꦝꦺꦴꦭ꧀ꦧꦝꦺꦢ ꦢꦺꦴꦱ꧀ꦨꦭꦸꦭꦸꦏ꧀​​ꦧꦶꦭꦶꦃꦧꦺꦴꦠꦼꦤ꧀ꦒꦺꦴꦒꦿꦺꦴꦒ꧀ꦱꦪꦲ ꦒꦼꦁꦢꦢꦺꦴꦱ꧀ꦏꦭꦥ꧉ꦒꦤ꧀ꦠꦶꦭ꧀ꦭꦤ꧀ꦤꦶꦥꦹꦤ꧀ꦲꦶꦁꦒꦶꦃꦱꦪꦲꦒꦼꦁꦲꦚ꧀ꦗꦼ ꦧꦿꦺꦠ꧀​​ꦤꦸꦠꦸꦥ꧀ꦥꦶꦥꦼꦤꦼꦂꦫꦶꦁꦩꦿꦶꦥꦠ꧀ꦏꦭꦥꦤꦶꦟ꧀ꦝꦲꦁꦏꦸꦥ꧀ꦲ ꦮꦶꦮꦶꦫꦺꦴꦤ꧀ꦤꦤ꧀ꦧꦸꦤ꧀ꦢꦼꦂ꧈ꦲꦮꦏ꧀ꦏꦶꦁꦩꦁꦒꦂꦱꦲꦶꦱ꧀ꦛꦕꦼꦥꦼꦁꦔꦤ꧀​​ꦕꦺꦴ

________
1) ꧋ ꦩꦼꦥꦼꦠ꧀ꦥꦸꦤꦶꦏꦲꦸꦠꦩꦶꦤꦶꦥꦸꦤ꧀ꦏꦁꦒꦺꦝꦟ꧀ꦝꦤ꧀ꦤꦶꦁꦧꦲꦶꦠ꧈ꦢꦶꦥꦸꦤ꧀ꦠꦩꦩ꧀ꦥꦂ ꦲꦶꦁꦏꦁꦲꦒꦼꦁꦲꦶꦁꦏꦁꦏꦼꦏꦼꦂ꧈ꦝꦝꦸꦁꦩꦼꦥꦼꦠ꧀ꦥꦸꦤꦶꦏꦠꦸꦩꦿꦥ꧀ꦲꦶꦁꦠꦺꦴꦪꦲꦱꦶꦤ꧀ꦱꦒꦼ ꦤ꧀ꦠꦲꦤ꧀​​ꦠꦸꦂꦱꦒꦼꦢ꧀ꦗꦭꦸꦂꦧꦺꦴꦠꦼꦤ꧀ꦒꦩ꧀ꦥꦶꦭ꧀ꦫꦤ꧀ꦠꦱ꧀ꦱꦶꦥꦸꦤ꧀꧈ [ 33 ]ꦥ꧀ꦭꦺꦴꦏ꧀ꦏꦶꦥꦸꦤ꧀ꦱꦏꦶꦁꦠꦧꦺꦴꦤ꧀ꦤꦶꦁꦏꦭꦥꦲꦥꦶꦟ꧀ꦝꦏꦼꦕꦺꦂ꧈ꦩꦶꦭꦮꦶꦤꦱ꧀ꦠꦤ꧀ꦏꦼꦕꦺꦂ꧉

꧋ ꦧꦛꦺꦴꦏ꧀

29 ꧋ ꦕꦁꦏꦺꦴꦏ꧀ꦏꦭꦥꦮꦶꦤꦱ꧀ꦠꦤ꧀꧇ꦧꦛꦺꦴꦏ꧀꧈

a. ꦲꦶꦁꦏꦁꦲꦒꦼꦁꦏꦥꦒꦱ꧀ꦱꦮꦠꦮꦶꦱ꧀ꦢꦢꦺꦴꦱ꧀ꦏꦠꦶꦔꦭ꧀ꦚꦭꦶꦔꦸꦥ꧀꧈ꦏꦁꦒꦺꦠꦏꦼꦂꦫꦤ꧀ꦲꦸꦮꦺꦴꦱ꧀ꦮꦶꦤꦱ꧀ꦠꦤ꧀꧇ꦧꦼꦫꦸꦏ꧀ ꦮꦺꦴꦱ꧀ꦱꦧꦼꦫꦸꦏ꧀꧈ꦱꦩꦶꦏꦭꦶꦪꦤ꧀꧇꧒꧇ꦏꦠꦶ꧉ꦲꦸꦠꦮꦶꦏꦁꦒꦺꦕꦺꦮꦺꦴꦏ꧀ꦏꦤ꧀ꦧꦪꦶꦏꦭꦩ꧀ꦧꦂꦫꦤ꧀ꦕꦸꦮꦺꦴ꧉

b. ꦩꦤꦮꦶꦏꦥꦒꦱ꧀ꦫꦒꦶꦮꦶꦪꦂꦏꦁꦒꦺꦕꦶꦣꦸꦏ꧀ꦠꦺꦴꦪꦲꦶꦁꦗꦼꦩ꧀ꦧꦁꦔꦤ꧀ꦥꦶꦫꦤ꧀ꦠꦺꦴꦱ꧀ꦲꦢꦸꦱ꧀꧈ꦩꦮꦶꦒꦫꦤ꧀ꦕꦼꦟ꧀ꦝꦏ꧀ꦮꦶꦤꦱ꧀ꦠꦤ꧀꧇ꦱꦶꦮꦸꦂ꧉

c. ꦲꦶꦁꦏꦁꦣꦫꦥꦶꦤꦒꦱ꧀ꦱꦮꦠꦮꦶꦱ꧀ꦏꦠꦶꦔꦭ꧀ꦚꦭꦶꦔꦸꦥ꧀ (zie a) ꦤꦔꦶꦁꦩꦮꦶꦒꦫꦤ꧀ꦥꦚ꧀ꦗꦁꦲꦶꦁꦒꦶꦃꦮꦶꦤꦱ꧀ꦠꦤ꧀꧇ꦱꦶꦮꦸꦂ (zie b) ꦱꦂꦠꦏꦢꦩꦼꦭ꧀ꦔꦼꦢꦸꦱ꧀ꦱꦶꦠꦶꦪꦁꦥꦼꦗꦃ꧈ꦩꦶꦭꦲꦶꦁꦧꦱꦏꦱꦂꦮꦺꦴꦤ꧀ꦠꦼꦤ꧀ꦲꦸꦔꦼꦭ꧀ꦲꦸꦔꦼꦭꦤ꧀꧇ꦩꦺꦴꦢꦂꦢꦶꦫꦸꦧꦸꦁꦱꦶꦮꦸꦂ꧈ꦲꦸꦠꦮꦶꦏꦁꦒꦺꦮꦁꦱꦭ꧀ꦭꦤ꧀꧇ꦱꦶꦮꦸꦂꦠꦸꦏꦸꦁ꧇ꦧꦺꦴꦏ꧀ꦔꦤ꧀ꦠꦺꦤ꧀ꦲꦩ꧀ꦧꦿꦸꦏ꧀ꦏꦺꦮꦭ꧈ꦲꦁꦱꦭ꧀ꦢꦺꦤꦶꦁꦧꦼꦫꦸꦏ꧀꧈

d.ꦏꦥꦒꦱ꧀ꦫꦒꦶꦮꦶꦪꦂ꧈ꦢꦶꦥꦸꦤ꧀ꦭꦸꦱ꧀ꦔꦤ꧀ꦠꦺꦴꦱ꧀ꦏꦠꦶꦔꦭ꧀ꦩꦼꦊꦁꦩꦼꦊꦁ꧈ꦕ꧀ꦭꦤ꧀ꦒꦥ꧀ꦥꦶꦥꦸꦤ꧀ꦲꦶꦁꦗꦮꦶꦱꦲꦸꦧꦼꦁꦔꦶꦥꦸꦤ꧀ꦲꦤ꧀ꦠꦮꦶꦱ꧀ꦱꦚꦫꦶꦮꦶꦪꦂꦫꦶꦥꦸꦤ꧀꧈ꦢꦶꦥꦸꦤ꧀ꦲꦸꦏꦶꦂꦔꦿꦮꦶꦠ꧀ꦝꦥꦸꦂꦩꦺꦴꦢꦁꦔꦤ꧀꧈ꦲꦸꦠꦮꦶꦱꦤꦺꦱ꧀ꦱꦶꦥꦸꦤ꧀꧈ꦏꦁꦒꦺꦲꦒꦼꦩ꧀ꦩꦶꦥꦸꦤ꧀ꦲꦩ꧀ꦧꦼꦁꦥꦫꦥꦸꦠꦿꦮꦪꦃꦢꦊꦩ꧀ꦠꦸꦮꦶꦤ꧀ꦥꦸꦠꦿꦮꦪꦃꦲꦶꦥꦸꦤ꧀ꦥꦫꦲꦒꦼꦁꦲꦶꦁꦏꦁꦠꦏ꧀ꦱꦶꦃꦠꦶꦩꦸꦂ꧈ꦤꦩꦸꦁꦮꦶꦤꦱ꧀ꦠꦤ꧀꧇ꦧꦛꦺꦴꦏ꧀ꦏꦺꦩꦮꦺꦴꦤ꧀꧈

꧋ ꦧꦛꦺꦴꦏ꧀꧈ꦏꦺꦔꦶꦁꦏꦢꦩꦼꦭ꧀ꦥꦫꦶꦧꦱꦤ꧀꧇ꦲꦗꦁꦧꦛꦺꦴ [ 34 ]ꦏ꧀ꦱꦸꦫꦸꦣꦸꦭꦁ꧈ꦠꦼꦒꦼꦱ꧀ꦱꦶꦥꦸꦤ꧀ꦏꦼꦩꦫꦸꦏ꧀꧈ꦲꦁꦱꦭ꧀ꦢꦺꦤꦶꦁ꧇ꦧꦼꦫꦸꦏ꧀꧈ꦲꦶꦁꦒꦶꦃꦥꦸꦤꦶꦏꦠꦶꦪꦁꦩ꧀ꦭꦫꦠ꧀ꦭꦗꦼꦁꦏꦼꦕꦼꦏꦥ꧀ꦥꦤ꧀ ꦥꦸꦫꦸꦤ꧀ꦩꦔꦁꦒꦺꦲꦶꦁꦏꦁꦢꦺꦢꦺꦊꦉꦱꦶꦥꦸꦤ꧀꧈

꧋ ꦠꦶꦪꦁꦔꦼꦩꦶꦱ꧀ꦲꦶꦁꦗꦩꦤ꧀ꦏꦶꦤꦲꦶꦁꦒꦶꦃꦩꦮꦶꦲꦩ꧀ꦧꦼꦏ꧀ꦠꦧꦛꦺꦴꦏ꧀ꦏꦁꦒꦺꦤꦩ꧀ꦥꦺꦤ꧀ꦤꦶꦱꦼꦏꦸꦭ꧀ꦥꦮꦺꦮꦺꦃꦲꦶꦁꦠꦶꦪꦁꦲꦶꦁꦏꦁꦢꦶꦥꦸꦤ꧀ꦲꦼꦩꦶꦱ꧀ꦱꦶ꧈ꦲꦸꦠꦮꦶꦏꦲꦛꦸꦁꦔꦏꦼꦤ꧀ꦏꦁꦒꦺꦤꦩ꧀ꦥꦺꦤ꧀ꦤꦶꦲꦂꦠꦏꦠꦣꦃꦲꦤ꧀ꦲꦶꦁꦧꦛꦺꦴꦏ꧀꧈ꦲꦮꦶꦠ꧀ꦠꦶꦪꦁꦮꦺꦮꦺꦃꦣꦠꦼꦁꦠꦶꦪꦁꦔꦼꦩꦶꦱ꧀ꦧꦺꦴꦠꦼꦤ꧀ꦠꦩ꧀ꦥꦺꦤ꧀ꦠꦶꦤꦩ꧀ꦥꦺꦤ꧀ꦏꦭꦶꦪꦤ꧀ꦠꦔꦤ꧀꧈ꦩꦮꦶꦱꦫꦤꦔꦛꦸꦁꦔꦏꦼꦤ꧀ꦧꦛꦺꦴꦏ꧀ꦮꦲꦸ꧈ꦤꦔꦶꦁꦱꦥꦸꦤꦶꦏꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦼꦕꦫꦠꦶꦪꦁꦔꦼꦩꦶꦱ꧀ꦩꦮꦶꦲꦩ꧀ꦧꦼꦏ꧀ꦠꦧꦛꦺꦴꦏ꧀꧈ꦥꦮꦺꦮꦺꦃꦲꦶꦁꦠꦶꦪꦁꦲꦮꦂꦟꦶꦪꦠꦿꦢꦶꦥꦸꦤ꧀ꦲꦸꦚ꧀ꦕꦭ꧀ꦭꦏꦼꦤ꧀ꦏꦺꦩꦮꦺꦴꦤ꧀꧈ꦱꦸꦢꦠꦠꦏꦿꦩꦤꦶꦥꦸꦤ꧀꧈ꦩꦶꦭꦠꦶꦪꦁꦔꦸꦭꦁꦔꦏꦼꦤ꧀ꦥꦸꦤꦥꦥꦸꦤꦥꦏꦲꦸꦚ꧀ꦕꦭ꧀ꦭꦏꦼꦤ꧀ꦤꦩ꧇ꦢꦶꦏ꧀ꦱꦸꦫ꧉ꦱꦤꦢꦾꦤ꧀ꦧꦛꦺꦴꦏ꧀ꦥꦔꦼꦩꦶꦱ꧀ꦱꦤ꧀ꦱꦩ꧀ꦥꦸꦤ꧀ꦱꦶꦂꦟ꧈ꦤꦔꦶꦁꦲꦶꦁꦥꦫꦶꦧꦱꦤ꧀ꦠꦏ꧀ꦱꦶꦃꦏꦁꦒꦺ꧈ꦏꦢꦺꦴꦱ꧀ꦠ꧇ꦲꦁꦒꦮꦧꦛꦺꦴꦏ꧀꧈ꦠꦼꦒꦼꦱ꧀ꦱꦶꦥꦸꦤ꧀꧇ꦔꦼꦩꦶꦱ꧀꧈ꦏꦁꦒꦺꦲꦶꦁꦧꦱ Ks.꧈

꧋ ꦕꦣꦺꦴꦁꦔꦤ꧀ꦱꦼꦏꦸꦭ꧀ꦝꦠꦼꦁꦫꦺꦚ꧀ꦕꦁꦩꦮꦶꦠꦏꦼꦂꦫꦤ꧀ꦧꦛꦺꦴꦏ꧀​​ ꦮꦶꦤꦱ꧀ꦠꦤ꧀꧇ꦏꦠꦺꦤ꧀꧈

e. ꦢꦺꦤꦺꦩꦤꦮꦶꦏꦥꦒꦱ꧀ꦏꦛꦃ꧈ꦤꦩꦸꦁꦢꦶꦥꦸꦤ꧀ꦏꦤ꧀ꦠꦸꦤ꧀ꦤꦏꦼꦤ꧀ꦏꦸꦮꦸꦁꦔꦶꦁꦧꦺꦴꦁꦏꦺꦴꦠ꧀ꦠꦶꦥꦸꦤ꧀ꦏꦺꦩꦮꦺꦴꦤ꧀꧈ꦏꦁꦒꦺꦮꦣꦃꦠꦥꦼꦭ꧀ ꦥꦶꦭꦶꦱ꧀꧈ꦥꦸꦥꦸꦏ꧀ ꦮꦼꦣꦏ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ (=ꦥꦢꦢꦃꦲꦤ꧀)ꦤꦩꦸꦁꦮꦶꦤꦱ꧀ꦠꦤ꧀꧇ꦧꦛꦺꦴꦏ꧀ꦏꦺꦩꦮꦺꦴꦤ꧀꧈

f. ꦏꦭꦥꦒꦧꦸꦒ꧀ꦧꦛꦺꦴꦏ꧀ꦏꦶꦥꦸꦤ꧀ꦲꦭꦶꦠ꧀ꦱꦔꦼꦠ꧀꧈ꦱꦂꦠꦏꦭꦥꦥꦸꦪꦸꦃꦠꦸꦮꦶꦤ꧀ꦒꦣꦶꦁꦧꦛꦺꦴꦏ꧀ꦏꦶꦥꦸꦤ꧀ꦲꦶꦁꦒꦶꦃꦲꦭꦶꦠ꧀꧈ꦥꦸꦤꦶ [ 35 ]ꦏꦢꦶꦥꦸꦤ꧀ꦥꦒꦱ꧀ꦲꦶꦁꦔꦶꦁꦒꦶꦭ꧀ꦱꦏꦼꦣꦶꦏ꧀꧈ꦩꦤꦮꦶꦢꦶꦥꦸꦤ꧀ꦒꦫꦤ꧀ꦤꦶꦤꦩ꧇ꦕꦟ꧀ꦛꦶꦁ꧉ꦩꦶꦭꦮꦺꦴꦤ꧀ꦠꦼꦤ꧀ꦮꦁꦱꦭ꧀ꦭꦤ꧀꧇ꦕꦟ꧀ꦛꦶꦁꦧꦸꦩ꧀ꦧꦸꦁꦥꦶꦪꦂꦰꦏ꧀ꦤ꧈ꦲꦁꦱꦭ꧀ꦢꦺꦤꦶꦁꦥꦶꦪꦂꦰ꧈ꦱꦏꦶꦁꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦕꦟ꧀ꦛꦶꦁꦏꦭꦥ꧉ꦢꦺꦤꦺꦩꦤꦮꦶꦧꦺꦴꦠꦼꦤ꧀ꦢꦶꦥꦸꦤ꧀ꦒꦫꦤ꧀ꦤꦶꦤꦩ꧇ꦧꦼꦫꦸꦏ꧀ꦥꦗꦩꦺꦴꦤ꧀꧈ꦲꦶꦁꦗꦩꦤ꧀ꦏꦶꦤꦭꦶꦩꦿꦃꦲꦶꦥꦸꦤ꧀ꦠꦶꦪꦁꦲꦺꦱ꧀ꦠꦿꦶꦧꦶꦭꦶꦃꦲꦗꦼꦗꦩ꧀ꦥꦶꦏꦲꦺꦴꦩ꧀ꦧꦺꦮꦺꦴꦤ꧀ꦠꦼꦤ꧀ꦲꦶꦁꦧꦼꦫꦸꦏ꧀ꦥꦗꦩꦺꦴꦤ꧀꧈ꦱꦥꦸꦤꦶꦏꦤꦩꦸꦁꦱꦏꦺꦔꦶꦁꦔꦶꦥꦸꦤ꧀ꦏꦺꦩꦮꦺꦴꦤ꧀꧈ꦮꦺꦴꦤ꧀ꦠꦼꦤ꧀ꦲꦶꦁꦕꦁꦏꦶꦂꦲꦸꦠꦮꦶꦲꦶꦁꦩꦁꦏꦺꦴꦏ꧀꧈ꦤꦩꦸꦁꦩꦤꦮꦶꦩꦼꦤ꧀ꦠꦱ꧀ꦒꦣꦃꦲꦤꦏ꧀꧈ꦲꦗꦗꦩ꧀ꦥꦶꦱꦂꦠꦲꦸꦪꦸꦥ꧀ꦲꦸꦪꦸꦥ꧀ꦮꦺꦴꦤ꧀ꦠꦼꦤ꧀ꦲꦶꦁꦧꦼꦫꦸꦏ꧀ꦥꦗꦩꦺꦴꦤ꧀꧈ꦠꦶꦪꦁꦗꦊꦂꦲꦗꦼꦗꦩ꧀ꦥꦶꦢꦶꦥꦸꦤ꧀ꦲꦸꦤ꧀ꦠꦭ꧀ꦱꦫꦤꦥꦶꦱꦁ꧈ꦗꦩ꧀ꦥꦶꦤꦶꦥꦸꦤ꧀ꦢꦶꦥꦸꦤ꧀ꦒꦭꦶꦤ꧀ꦠꦶꦂꦫꦶ꧈ꦲꦒꦼꦁꦔꦶꦥꦸꦤ꧀ꦱꦮꦶꦢꦫꦮꦶꦢꦶꦫ꧈ꦲꦶꦁꦗꦩꦤ꧀ꦱꦥꦸꦤꦶꦏꦩꦺꦃꦱꦶꦂꦤ꧉ꦠꦶꦪꦁꦲꦗꦼꦗꦩ꧀ꦥꦶ꧈ꦔꦺꦴꦩ꧀ꦧꦺꦲꦸꦫꦸꦱ꧀ꦲꦸꦫꦸꦱ꧀ꦱꦂꦠꦔꦸꦤ꧀ꦠꦭ꧀ꦥꦶꦭ꧀ꦱꦏꦶꦁꦗꦸꦫꦸꦔꦿꦕꦶꦏ꧀ꦗꦩ꧀ꦥꦶ(Apotheker)꧉

g. ꦧꦛꦺꦴꦏ꧀ꦕꦸꦮꦶꦭ꧀ꦭꦤ꧀ꦥꦶꦤꦒꦱ꧀ꦱꦏꦺꦔꦶꦁꦔꦶꦥꦸꦤ꧀꧈ꦤꦩꦸꦁꦏꦥꦼꦟ꧀ꦝꦼꦠ꧀ꦏꦸꦮꦸꦁꦔꦶꦥꦸꦤ꧀ꦱꦮꦠꦮꦶꦱ꧀ꦏꦥꦶꦟ꧀ꦝꦠꦼꦥꦏ꧀ꦩꦮꦶꦒꦫꦤ꧀꧈ꦮꦶꦤꦱ꧀ꦠꦤ꧀꧇ꦲꦶꦫꦸꦱ꧀꧈ꦏꦁꦒꦺꦲꦺꦴꦭꦃꦲꦺꦴꦭꦃꦲꦁꦒꦼꦒꦺꦴꦫꦺꦁꦱꦂꦠꦏꦼꦭꦤ꧀꧈ꦱꦮꦼꦤꦺꦃꦏꦁꦒꦺꦲꦺꦟ꧀ꦛꦺꦴꦁꦱꦼꦏꦸꦭ꧀ꦩꦮꦶꦒꦫꦤ꧀ꦏꦗꦼꦁ꧈ꦲꦶꦁꦏꦁꦠꦤ꧀ꦥꦒꦫꦤ꧀ꦏꦁꦒꦺꦏꦼꦫꦸꦏ꧀ꦱꦼꦏꦸꦭ꧀ꦠꦶꦪꦁꦱꦢꦺꦫꦠꦼꦁꦔꦤ꧀ꦲꦺꦚ꧀ꦗꦶꦁ꧈ꦏꦮꦔꦸꦤ꧀ꦭꦶꦚ꧀ꦕꦶꦥ꧀ꦏꦶꦮꦠꦼꦔꦼꦤ꧀ꦏꦢꦺꦴꦱ꧀ꦠꦁꦒꦭ꧀ꦭꦶꦁꦉꦩ꧀ꦧꦸꦭꦤ꧀꧈ꦠꦸꦮꦶꦤ꧀ꦏꦁꦒꦺꦔꦼꦚꦺꦏ꧀ꦲꦼꦚꦺꦏ꧀ꦭꦺꦢꦿꦺ꧉ꦭꦤ꧀ꦮꦺꦴꦤ꧀ꦠꦼꦤ꧀ꦩꦭꦶꦃꦏꦢꦩꦼꦭ꧀ꦧꦸꦤ꧀ꦢꦼꦂꦚꦼꦏꦼꦣꦸꦁꦏꦕꦺꦴꦩ꧀ꦥ꧀ꦭꦺꦴꦁꦕꦺꦴꦩ꧀ꦥ꧀ꦭꦺꦴꦁꦏꦁꦒꦺꦤꦸꦠꦸꦥ꧀ꦥꦶꦩꦼꦁꦏꦸꦉꦧ꧀ꦥꦸꦕꦸꦏ꧀ꦏꦶꦁꦏꦸꦏꦸꦱ꧀ꦱꦤ꧀ꦲꦶꦁꦊꦧꦼꦠ꧀꧈ꦤꦩ꧇ꦥꦚꦠꦺꦴꦤ꧀꧈ [ 36 ]h. ​ꦧꦛꦺꦴꦏ꧀ꦏꦤ꧀ꦢꦼꦭ꧀ꦏꦺꦔꦶꦁꦏꦢꦩꦼꦭ꧀ꦱꦼꦱꦸꦥꦺ꧈ꦱꦫꦤꦢꦶꦥꦸꦤ꧀ꦲꦸꦉꦏ꧀ꦏꦶ꧈ꦠꦶꦠꦶꦪꦁꦗꦮꦶꦮꦺꦴꦤ꧀ꦠꦼꦤ꧀ꦲꦶꦁꦏꦁꦉꦩꦼꦤ꧀ꦔꦁꦒꦺꦱꦸꦥꦺꦧꦛꦺꦴꦏ꧀꧈ꦏꦁꦒꦺꦲꦶꦱꦫꦠ꧀ꦠꦶꦁꦏꦮꦶꦭꦸꦗꦼꦁꦔꦤ꧀꧈

i. ꦧꦶꦏꦶꦂꦫꦤ꧀(=ꦒꦁꦱꦶꦁꦔꦤ꧀)ꦧꦏꦭ꧀ꦭꦶꦥꦸꦤ꧀ꦧꦛꦺꦴꦏ꧀ꦏꦧꦸꦤ꧀ꦢꦼꦂꦫꦏꦼꦤ꧀꧈ꦲꦤ꧀ꦠꦮꦶꦱ꧀ꦱꦏꦏꦔꦶꦁꦧꦺꦟ꧀ꦝꦲꦒꦼꦁꦔꦶꦥꦸꦤ꧀꧈ꦩꦮꦶꦱꦸꦏꦸꦲꦶꦫꦱ꧀ꦠꦼꦩ꧀ꦥꦏ꧀ꦱꦏꦶꦁꦭꦚ꧀ꦕꦶꦥ꧀ꦥꦶꦁꦱꦶꦭꦶꦠ꧀ꦧꦛꦺꦴꦏ꧀ ꦩꦮꦶꦮꦊꦱ꧀ꦱꦤ꧀ꦮꦶꦭꦃꦱꦂꦠꦩꦮꦶꦠꦁꦱꦸꦭ꧀ꦏꦁꦒꦺꦔꦸꦧꦼꦁꦔꦏꦼꦤ꧀ꦧꦶꦏꦶꦂꦫꦤ꧀ꦮꦲꦸ꧉

j. ꦲꦼꦩꦺꦴꦁꦲꦼꦩꦺꦴꦁꦧꦪꦶ꧈ꦲꦸꦒꦶꦤꦩ꧇ꦲꦶꦟ꧀ꦛꦸꦏ꧀ꦲꦶꦟ꧀ꦛꦸꦏ꧀ꦏꦮꦣꦲꦤ꧀ꦲꦶꦁꦧꦛꦺꦴꦏ꧀ꦧꦺꦴꦭꦸ Zie T. Tj. 75-6 v.o. ꦲꦶꦁꦒꦶꦃꦥꦸꦤꦶꦏꦧꦛꦺꦴꦏ꧀ꦲꦶꦁꦏꦁꦮꦶꦤꦭꦶꦏ꧀ꦏꦁꦒꦺꦤꦶꦥꦸꦤ꧀ ꦲꦶꦁꦏꦁꦧꦺꦴꦁꦏꦺꦴꦠ꧀ꦏꦧꦸꦕꦭ꧀꧈ꦲꦶꦁꦏꦁꦥꦸꦕꦸꦏ꧀ꦏꦁꦒꦺ꧈ꦢꦢꦺꦴꦱ꧀ꦏꦠꦶꦔꦭ꧀ꦧꦺꦴꦭꦺꦴꦁꦧꦺꦴꦭꦺꦴꦔꦶꦥꦸꦤ꧀ꦲꦶꦁꦔꦟ꧀ꦝꦥ꧀ꦩꦿꦶꦥꦠꦶꦁꦏꦭꦥ꧇ꦠꦶꦠꦶꦒ꧉

k. ꦧꦛꦺꦴꦏ꧀ꦮꦼꦢꦭ꧀ꦭꦤ꧀ꦲꦶꦁꦧꦭꦺꦴꦫ꧈ꦩꦶꦱꦸꦮꦸꦂꦲꦒꦼꦁꦔꦶꦥꦸꦤ꧀​ꦏꦺꦔꦶꦁꦏꦢꦩꦼꦭ꧀ꦧꦺꦴꦏꦺꦴꦁꦔꦤ꧀ꦉꦧꦧ꧀꧈ꦱꦫꦤꦢꦶꦥꦸꦤ꧀ꦱꦶꦒꦂꦱꦕꦼꦭꦏ꧀ꦏꦶꦁꦱꦶꦭꦶꦠ꧀ꦱꦮꦠꦮꦶꦱ꧀​ꦢꦢꦺꦴꦱ꧀ꦲꦶꦁꦏꦁꦏꦛꦃꦱꦂꦠꦲꦶꦁꦏꦁꦏꦁꦒꦺꦩꦭꦃꦩꦿꦶꦥꦠ꧀ꦠꦶꦥꦸꦤ꧀​​ ꦩꦶꦭꦲꦶꦁꦒꦶꦃꦤꦩ꧇ꦧꦛꦺꦴꦏ꧀ꦧꦺꦴꦭꦸ(= lett. j.)ꦠꦼꦩ꧀ꦧꦸꦁ꧇ꦧꦺꦴꦭꦸ꧈ꦧꦺꦴꦏ꧀ꦩꦤꦮꦶꦫꦶꦱꦏ꧀ꦏ (verk. v.) ꦤ꧀ꦱꦏꦶꦁ꧇​ ꦧꦺꦴꦭꦺꦴꦁꦠꦼꦭꦸ꧈ꦲꦮꦶꦠ꧀ꦩꦿꦶꦥꦠ꧀ꦠꦶꦁꦏꦭꦥꦲꦶꦁꦒꦶꦃꦮꦸꦗꦸꦢ꧀ꦧꦺꦴꦭꦺꦴꦁꦠꦶꦒ꧈ꦲꦶꦁꦏꦁꦏꦭꦶꦃꦲꦶꦰ꧀ꦛꦤꦶꦁꦩꦿꦶꦥꦠ꧀​ꦲꦶꦁꦏꦁꦱꦠꦸꦁꦒꦭ꧀ꦲꦶꦁꦠꦼꦔꦃꦏꦥꦫꦔꦟ꧀ꦝꦥ꧀ꦲꦶꦰ꧀ꦛꦶꦤꦶꦁ [ 37 ]ꦕꦁꦏꦼꦩ꧀(ꦥꦁꦒꦺꦤ꧀ꦤꦤ꧀ꦮꦶꦗꦶꦲꦶꦁꦏꦁꦧꦣꦺꦏꦛꦸꦏꦸꦭ꧀ꦭꦤ꧀ꦕꦶꦏꦭ꧀)꧈

l. ꦧꦛꦺꦴꦏ꧀ꦏꦲꦺꦴꦧꦺꦴꦁ꧈ꦲꦉꦁꦔꦶꦥꦸꦤ꧀ꦏꦺꦔꦶꦁꦏꦢꦩꦼꦭ꧀ꦗꦩ꧀ꦥꦶꦱꦏꦶꦠ꧀ꦲꦸꦤ꧀ꦠꦸ꧉

꧋ ꦲꦶꦁꦮꦠꦼꦱ꧀(ꦔꦪꦺꦴꦓꦾꦏꦂꦠ)ꦥꦢꦒꦁꦔꦤ꧀ꦢꦩꦼꦭ꧀ꦭꦶꦱꦃ꧈ꦧꦛꦺꦴꦏ꧀ꦏꦶꦥꦸꦤ꧀ꦔꦊꦩ꧀ꦥꦏ꧀​ ꦠꦸꦩ꧀ꦥꦸꦏ꧀ꦏꦤ꧀ꦤꦶꦥꦸꦤ꧀ꦔꦤ꧀ꦠꦺꦴꦱ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦥꦁꦒꦺꦤ꧀ꦤꦤ꧀ ꦥꦸꦤꦶꦏꦧꦺꦴꦠꦼꦤ꧀ꦤꦩꦸꦁꦏꦁꦒꦺꦏꦗꦼꦁꦲꦺꦴꦧꦺꦴꦁ꧈ꦲꦶꦁꦒꦶꦃꦲꦸꦒꦶꦏꦺꦔꦶꦁꦏꦢꦩꦼꦭ꧀ꦲꦉꦁ꧈ꦱꦲꦺꦤꦶꦥꦸꦤ꧀ꦲꦔꦸꦁꦏꦸꦭ꧀ꦭꦶꦲꦉꦁꦏꦗꦼꦁꦲꦼꦩ꧀ꦥꦸꦏ꧀꧈

꧋ ꦠꦺꦴꦪꦏꦭꦥ

30 ꧋ ꦠꦺꦴꦪꦏꦭꦥ꧈ꦠꦶꦪꦁꦯꦸꦟ꧀ꦝꦲꦩꦱ꧀ꦠꦤꦶ꧇ꦕꦆꦏꦭꦥ꧈ꦠꦶꦪꦁꦩꦭꦪꦸꦲꦩꦱ꧀ꦠꦤꦶ꧇ꦄꦌꦂꦏꦭꦥ꧉

꧋ ꦠꦺꦴꦪꦏꦭꦥꦧꦶꦭꦶꦃꦏꦲꦺꦴꦩ꧀ꦧꦺꦱꦩ꧀ꦥꦸꦤ꧀ꦏꦶꦫꦁꦊꦒꦶꦤꦶꦥꦸꦤ꧀꧈ꦤꦔꦶꦁꦩꦤꦮꦶꦢꦶꦥꦸꦤ꧀ꦥꦺꦮꦺꦴꦤ꧀ꦠꦼꦤ꧀ꦲꦶꦁꦒꦼꦤ꧀ꦢꦸꦭ꧀ꦱꦒꦼꦢ꧀ꦢꦢꦺꦴꦱ꧀ꦕꦺꦴꦏꦏ꧀꧈ꦫꦲꦺꦴꦱ꧀ꦱꦶꦥꦸꦤ꧀ꦏꦼꦕꦸꦠ꧀= art. 16 lett. b. ꦱꦂꦠꦏꦺꦔꦶꦁꦏꦢꦩꦼꦭ꧀ꦧꦚꦺꦴꦤ꧀ (ꦱꦶꦱꦶꦒ꧀ꦲꦸꦤ꧀ꦠꦸ) ꦩꦮꦶꦲꦧꦼꦤ꧀ꦱꦤꦺꦱ꧀꧈

꧋ ꦠꦺꦴꦪꦢꦼꦒꦤ꧀ꦥꦸꦤꦶꦏꦩꦶꦫꦲꦺꦴꦱ꧀ꦱꦔꦼꦠ꧀꧈

a. ꦢꦢꦺꦴꦱ꧀ꦥꦏꦸꦂꦩꦠ꧀ꦠꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦭꦶꦠ꧀ꦲꦶꦁꦣꦸꦱꦸꦤ꧀ꦧꦶꦭꦶꦃꦏꦫꦮꦸꦃꦲꦤ꧀ꦠꦼꦠꦶꦪꦁꦲꦒꦼꦁ (=ꦥꦫꦭꦸꦲꦸꦂ) ꦱꦂꦠꦏꦣꦠꦼꦁꦔꦤ꧀ꦭꦸꦫꦃꦲꦶꦥꦸꦤ꧀ꦥꦠꦸꦃꦤꦒꦫꦶ꧈ꦱꦢꦺꦫꦺꦁꦔꦶꦥꦸꦤ꧀ꦏꦲꦠꦸꦂꦫꦤ꧀ꦱꦸꦒꦠ꧈ꦏꦲꦠꦸꦂꦫꦤ꧀ꦠꦺꦴꦪꦢꦼꦒꦤ꧀ꦫꦸꦩꦶꦪꦶꦤ꧀꧈ꦢꦼꦒꦤ꧀ꦥꦫ [ 38 ]ꦱ꧀ꦱꦤ꧀ꦱꦂꦠꦱꦩ꧀ꦥꦸꦤ꧀ꦢꦶꦥꦸꦤ꧀ꦧꦺꦴꦭꦺꦴꦁꦥꦶꦱꦤ꧀ ꦏꦠꦸꦠꦸꦥ꧀ꦥꦤ꧀ꦥꦚ꧀ꦕꦱ꧀ꦱꦤ꧀ꦤꦶꦥꦸꦤ꧀ ꦥꦔꦸꦚ꧀ꦗꦸꦏ꧀ꦏꦶꦥꦸꦤ꧀ꦢꦶꦥꦸꦤ꧀ꦭꦺꦴꦁꦒ꧉ b. ꦠꦺꦴꦪꦱꦼꦒꦤ꧀ꦩꦤꦮꦶꦢꦶꦥꦸꦤ꧀ꦒꦿꦺꦴꦚꦏ꧀ ꦫꦲꦺꦴꦱ꧀ꦱꦶꦥꦸꦤ꧀ꦏꦢꦺꦴꦱ꧀ꦱꦩ꧀ꦥꦚꦼ꧉ J. Z. I. 141. 8. ꦏꦸꦭꦚꦸꦮꦸꦤ꧀ꦩꦝꦺꦫꦤꦶꦥꦸꦤ꧀ꦏꦺꦩꦮꦺꦴꦤ꧀ ꦏꦲꦺꦴꦩ꧀ꦧꦺꦏꦭꦶꦪꦤ꧀ꦠꦺꦴꦪꦏꦭꦥ꧇ ꦱꦼꦒꦼꦂ꧉ c. ꦠꦺꦴꦪꦱꦼꦒꦤ꧀ꦏꦭꦥꦲꦶꦗꦼꦩ꧀ ꦏꦺꦔꦶꦁꦏꦢꦩꦼꦭ꧀ꦗꦩ꧀ꦥꦶꦱꦏꦶꦠ꧀ꦧꦼꦔꦁ꧈ꦱꦫꦤꦢꦶꦥꦸꦤ꧀ꦧꦼꦤꦼ (ꦏꦲꦸꦫꦸꦒ꧀ꦒꦤ꧀ꦲꦮꦸꦲꦶꦁꦏꦁꦠꦏ꧀ꦱꦶꦃꦥꦤꦱ꧀) ꦩ꧀ꦲꦶꦁꦭꦠꦸꦧꦭꦸꦧꦸꦏ꧀ꦏꦤ꧀ ꦲꦗꦼꦁꦢꦶꦥꦸꦤ꧀ꦧꦸꦤ꧀ꦧꦸꦤ꧀ꦤꦏꦼꦤ꧀ꦱꦢꦭꦸ꧈ꦲꦺꦚ꧀ꦗꦶꦁꦏꦲꦺꦴꦩ꧀ꦧ꧉ d. ꦠꦺꦴꦪꦢꦼꦒꦤ꧀ꦏꦭꦥꦲꦶꦗꦼꦩ꧀ꦔꦺꦔꦶꦁꦏꦢꦩꦼꦭ꧀ꦥꦤꦸꦭꦏ꧀ꦏꦶꦁꦠꦶꦪꦁꦲꦶꦁꦏꦁꦏꦊꦧꦼꦠ꧀ꦠꦤ꧀ꦮꦶꦱ꧈​ꦏꦲꦺꦴꦩ꧀ꦧꦺꦤ꧀ꦤꦤ꧀ꦠꦺꦴꦪꦢꦼꦒꦤ꧀ꦥꦸꦤꦶꦏꦮꦶꦱꦤꦶꦥꦸꦤ꧀ꦱꦒꦼꦢ꧀ꦠꦮꦂ꧉ e. ꦠꦺꦴꦪꦢꦼꦒꦤ꧀ꦏꦭꦥꦲꦶꦗꦼꦩ꧀ꦏꦺꦔꦶꦁꦏꦢꦩꦼꦭ꧀ꦗꦩ꧀ꦥꦶꦱꦏꦶꦠ꧀ꦏꦺꦴꦭꦺꦫꦃ꧈ꦤꦩꦸꦁꦏꦲꦺꦴꦩ꧀ꦧꦺꦱꦏꦼꦝꦶꦏ꧀ꦱꦏꦼꦝꦶꦏ꧀ ꦥꦸꦤꦶꦏꦥꦩꦁꦒꦶꦃꦲꦶꦥꦸꦤ꧀ꦩꦱ꧀ꦔꦧꦺꦲꦶꦯꦸꦢꦶꦫꦲꦸꦱꦢ꧈ꦝꦺꦴꦏ꧀ꦠꦼꦂꦗꦮꦶꦲꦶꦁꦏꦁꦪꦺꦴꦓꦾꦏꦂꦡ꧉

꧋ꦤꦩꦤꦶꦁꦏꦭꦥ꧉

31 ꧋ ꦏꦭꦥꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦺꦴꦭꦸꦁꦮꦂꦟꦶ꧈ꦏꦢꦺꦴꦱ꧀ꦠ꧇

1° ꦏꦭꦥꦲꦧꦿꦶꦠ꧀	$\scriptstyle {\left.{\begin{matrix}\ \\\\\ \\\ \ \end{matrix}}\right\}\,}$ꦥꦫꦸꦢ꧀ꦢꦤ꧀ꦤꦶꦁꦏꦭꦥꦱꦂꦠꦱꦤ꧀ꦠꦼꦤ꧀ꦤꦶꦥꦸꦤ꧀ꦱ
2°   " ꦲꦶꦗꦼꦩ꧀

[ 39 ]ꦩꦶꦏꦺꦩꦮꦺꦴꦤ꧀​ꦤꦩꦸꦁꦩꦤꦮꦶꦏꦢꦩꦼꦭ꧀ꦲꦺꦴꦭꦃꦲꦺꦴꦭꦃ꧇ꦧꦺꦢ꧈​ꦱꦤ꧀ꦠꦼꦤ꧀ꦤꦶꦥꦸꦤ꧀ꦏꦭꦥꦲꦧꦿꦶꦠ꧀꧇​ꦱꦲꦺ꧈​ꦏꦠꦶꦔꦭ꧀ꦥꦼꦛꦏ꧀ꦱꦸꦩꦿꦶꦔꦃ꧈​ꦤꦔꦶꦁꦱꦤ꧀ꦠꦼꦤ꧀ꦤꦶꦥꦸꦤ꧀ꦏꦭꦥꦲꦶꦗꦼꦩ꧀꧇ꦲꦮꦺꦴꦤ꧀​ꦏꦠꦶꦔꦭ꧀ꦕꦼꦩꦼꦁꦲꦚ꧀ꦗꦊꦧꦸꦠ꧀꧈​ꦥꦿꦪꦺꦴꦒꦶꦤꦺꦥꦸꦤ꧀ꦏꦭꦥꦲꦶꦗꦼꦩ꧀ꦤꦩꦸꦁꦏꦠꦼꦣꦩꦼꦤ꧀ꦠꦃ꧈​ꦩꦤꦮꦶꦏꦠꦼꦣꦩꦠꦼꦁꦤꦩꦸꦁꦏꦢꦩꦼꦭ꧀ꦝꦺꦟ꧀ꦝꦺꦁꦫꦒꦶ꧉

3° ꦏꦭꦥꦥꦿꦶꦮꦸꦭꦤ꧀​ꦮꦂꦟꦶꦤꦶꦥꦸꦤ꧀ꦥꦼꦛꦏ꧀꧈

4°  ”   ꦊꦒꦶ꧈​ꦧꦭꦸꦭꦸꦏ꧀ꦱꦂꦠꦕꦼꦁꦏꦶꦂꦫꦶꦥꦸꦤ꧀ꦫꦲꦺꦴꦱ꧀ꦱꦶꦥꦸꦤ꧀ꦊꦒꦶ꧈​ꦩꦤꦮꦶꦱꦩ꧀ꦥꦸꦤ꧀ꦱꦼꦥꦸꦃꦲꦶꦁꦒꦶꦃꦭꦶꦩꦿꦃꦏꦢꦺꦴꦱ꧀ꦏꦭꦥꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈

5° ꦏꦭꦥꦒꦶꦩ꧀ꦧꦭ꧀​ꦮꦂꦟꦶꦤꦶꦥꦸꦤ꧀ꦲꦒꦼꦁ꧈ꦩꦺꦃꦱꦩꦶꦏꦭꦶꦪꦤ꧀ꦏꦭꦥꦨꦭꦺꦴꦫ꧈​​ (¹) ꦏꦕꦫꦶꦪꦺꦴꦱ꧀​​ꦏꦭꦥꦒꦸꦩ꧀ꦧꦭ꧀ꦮꦲꦸꦮꦶꦗꦶꦤꦶꦥꦸꦤ꧀ꦲꦶꦁꦒꦶꦃꦱꦏꦶꦁꦨꦭꦺꦴꦫ꧉

6° ꦏꦭꦥꦏꦺꦴꦥꦾꦺꦴꦂ꧈​ꦤꦩꦸꦁꦏꦥꦤꦸꦗꦺꦴꦤ꧀ꦱꦭꦃꦱꦠꦸꦁꦒꦭ꧀ꦭꦶꦁꦗꦚ꧀ꦗꦁꦔꦤ꧀ꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦏꦺꦴꦥꦾꦺꦴꦂ​ꦫꦶꦥꦸꦤ꧀ꦱꦠꦸꦁꦒꦭ꧀​ꦥꦸꦤꦶꦏꦢꦢꦺꦴꦱ꧀ꦲꦢꦶꦲꦢꦶꦤꦶꦁꦏꦭꦥ꧈​ꦉꦒꦶꦤꦶꦥꦸꦤ꧀ꦔꦤ꧀ꦠꦺꦴꦱ꧀ꦠꦶꦏꦼꦭ꧀ꦠꦶꦒꦠꦶꦤꦶꦩ꧀ꦧꦁꦏꦭꦶꦪꦤ꧀ꦏꦭꦥꦭꦶꦩꦿꦃ꧉​ꦏꦭꦥꦏꦺꦴꦥꦾꦺꦴꦂꦩꦶꦫꦲꦺꦴꦱ꧀ꦱꦔꦼꦠ꧀ꦢꦶꦥꦸꦤ꧀ꦠꦼꦣꦏꦭꦶꦪꦤ꧀ꦠꦺꦴꦪꦤꦶꦥꦸꦤ꧀ꦥꦶꦪꦩ꧀ꦧꦏ꧀​ꦢꦶꦥꦸꦤ꧀ꦢꦺꦏꦺꦏ꧀ꦏꦶꦒꦼꦟ꧀ꦝꦶꦱ꧀ꦧꦠꦸꦲꦸꦠꦮꦶꦥꦱꦶꦂ꧇​ꦱꦲꦺ꧈​ꦤꦩ꧇ꦫꦸꦗꦏ꧀ꦏꦺꦴꦥꦾꦺꦴꦂ꧉​ꦏꦢꦩꦼꦭ꧀ꦲꦶꦱꦺꦤ꧀ꦥꦶꦥꦶꦱ꧀ꦲꦶꦁꦒꦶꦃ

_________

(1) ꦲꦶꦁꦥꦸꦭꦺꦴꦗꦮꦶꦤꦩꦸꦁꦲꦶꦁꦨꦭꦺꦴꦫꦥꦶꦪꦩ꧀ꦧꦏ꧀ꦏꦭꦥꦤꦶꦥꦸꦤ꧀ꦲꦒꦼꦁ꧉ [ 40 ]ꦏꦺꦔꦶꦁ꧈ꦤꦩ꧇​ꦥꦶꦥꦶꦱ꧀ꦏꦺꦴꦥꦾꦺꦴꦂ꧉ 7° ꦏꦭꦥꦥꦸꦪꦸꦃ  ꦏꦁꦲꦺꦥꦱꦿꦺꦤ꧀ꦏꦠꦤꦼꦩ꧀ꦮꦺꦴꦤ꧀ꦠꦼꦤ꧀ꦲꦶꦁꦔ 8°   ”   ꦒꦣꦶꦁ  ꦗꦼꦁꦔꦤ꧀

꧋ ꦥꦔꦽꦏ꧀ꦱꦤꦶꦁꦏꦭꦥ

32 ꧋ ꦒꦼꦱꦁꦔꦶꦁꦏꦭꦥꦧꦺꦴꦠꦼꦤ꧀ꦤꦩꦸꦁꦢꦶꦥꦸꦤ꧀ꦮꦏ꧀ꦲꦏꦼꦤ꧀ꦏꦺꦩꦮꦺꦴꦤ꧀​ꦏꦼꦢꦃꦢꦶꦥꦸꦤ꧀ꦲꦺꦴꦥꦺꦤ꧀ꦤꦶ꧈​ꦱꦸꦥꦢꦺꦴꦱ꧀ꦏꦛꦃꦮꦺꦴꦃꦲꦶꦥꦸꦤ꧀ꦱꦂꦠꦧꦺꦴꦠꦼꦔꦺꦴꦒꦿꦺꦴꦒ꧀​​ꦲꦮꦶꦠ꧀ꦩꦤꦮꦶꦢꦶꦥꦸꦤ꧀ꦮꦺꦴꦏ꧀ꦲꦏꦼꦤ꧀​​ꦮꦺꦴꦃꦲꦶꦥꦸꦤ꧀ꦱꦏꦼꦣꦶꦏ꧀​​ꦠꦂꦏꦣꦁꦒꦺꦴꦒꦿꦺꦴꦏ꧀​​ꦢꦺꦤꦺꦥꦔꦽꦏ꧀ꦱꦤꦶꦥꦸꦤ꧀ꦩꦏꦠꦼꦤ꧀꧇

a. ꦱꦧꦼꦤ꧀ꦮꦸꦭꦤ꧀ꦱꦥꦶꦱꦤ꧀​​ꦏꦭꦥꦢꦶꦥꦸꦤ꧀ꦉꦱꦶꦏ꧀ꦏꦶꦠꦥꦱ꧀​ꦩꦚ꧀ꦗꦁꦱꦂꦠꦩꦁꦒꦂꦫꦶꦥꦸꦤ꧀​​ꦩ꧀ (ꦱꦔꦶꦁꦒꦶꦭ꧀ꦭꦶꦁꦒꦠꦿꦤꦶꦥꦸꦤ꧀ꦧꦭꦸꦭꦸꦏ꧀ꦢꦶꦥꦸꦤ꧀ꦲꦒꦱ꧀ꦱꦫꦤꦢꦢꦩꦼꦭ꧀ꦱꦼꦭꦺꦴꦏ꧀) 1) b.​​ ꦱꦧꦼꦤ꧀ꦱꦠꦼꦔꦃꦠꦲꦸꦤ꧀ꦱꦥꦶꦱꦤ꧀​ꦥꦸꦥꦸꦱ꧀ꦱꦶꦁꦏꦭꦥꦢꦶꦥꦸꦤ꧀ꦢꦺꦏꦺꦏ꧀ꦏꦶꦱꦉꦩ꧀ꦠꦩ꧀ꦥꦼꦂꦱꦕꦺꦴꦟ꧀ꦝꦺꦴꦁ꧈​ꦥꦸꦤꦶꦏꦱꦒꦼꦢ꧀ꦢꦩꦼꦭ꧀ꦥꦼꦗꦃꦲꦶꦁꦠꦶꦒꦤ꧀ꦤꦶꦥꦸꦤ꧀ꦮꦔ꧀ꦮꦸꦁꦲꦶꦁꦏꦁꦔꦿꦶꦱꦏ꧀ꦗꦤꦸꦂ꧈ꦱꦂꦠꦱꦒꦼꦢ꧀ꦢꦩꦼꦭ꧀ꦲꦤ꧀ꦢꦢꦺꦴꦱ꧀ꦱꦶꦥꦸꦤ꧀ꦮꦺꦴꦃꦲꦶꦁꦏꦭꦥ꧈ c. ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦥꦼꦟ꧀ꦝꦼꦠ꧀ꦗꦤꦸꦂ꧈​ꦩꦁꦒꦂꦱꦂꦠꦢꦼꦒꦤ꧀ꦤꦶꦥꦸꦤ꧀​​ꦱꦤꦢꦾꦤ꧀ꦔꦸꦟ꧀ꦝꦸꦃꦏꦭꦥꦲꦶꦁꦏꦁꦢꦺꦫꦺꦁꦱꦼꦥꦸꦃꦲꦶꦁꦒꦶꦃꦧꦺꦴꦠꦼꦤ꧀ꦏꦺꦔꦶꦁ꧈​ꦲꦮꦶꦠ꧀ꦧꦣꦺꦔꦔꦿꦶꦱꦏ꧀ꦏꦏꦼꦤ꧀ꦲꦶꦁꦏꦤ꧀ꦠꦸꦤ꧀꧈ d. ꦕꦶꦏꦭ꧀ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦢꦺꦏꦺꦏ꧀ꦏꦶꦠꦠꦂꦫꦤ꧀ꦫꦸꦩꦶꦪꦶꦤ꧀

________
1) ꦕꦼꦭꦺꦴꦏ꧀ꦥꦸꦤꦶꦏꦧꦼꦟ꧀ꦝꦺꦴꦲꦭꦶꦠ꧀ꦱꦂꦠꦠꦶꦥꦶꦱ꧀ꦢꦶꦥꦸꦤ꧀ꦲꦱꦃꦭꦟ꧀ꦝꦼꦥ꧀꧈ [ 41 ]꧋ ꦲꦮꦶꦠ꧀ꦒꦭꦸꦒꦸꦲꦶꦁꦏꦁꦠꦏ꧀ꦱꦶꦃꦤꦺꦩ꧀ꦱꦺꦮꦭ꧀ꦏꦁꦒꦺꦠꦠꦂꦫꦤ꧀ꦱꦒꦼꦢ꧀ꦧꦺꦴꦱꦺꦴꦏ꧀ꦱꦂꦠꦭꦗꦼꦁꦮꦺꦴꦤ꧀ꦠꦼꦤ꧀ꦏꦺꦮꦤ꧀ꦤꦶꦥꦸꦤ꧀ꦲꦭꦶꦠ꧀ꦢꦢꦺꦴꦱ꧀ꦲꦸꦫꦺꦠ꧀ꦧꦏꦭ꧀ꦭꦶꦁꦮꦁꦮꦸꦁꦤꦼꦣꦲꦠꦶꦤꦶꦁꦒꦭꦸꦒꦸ꧈ꦠꦼꦩꦃꦲꦤ꧀ꦒꦼꦫꦶꦁꦮꦱꦤꦥꦼꦗꦃ꧉ꦏꦺꦔꦶꦁꦔꦶꦥꦸꦤ꧀ꦢꦶꦥꦸꦤ꧀ꦢꦺꦏꦺꦏ꧀ꦏꦶꦠꦠꦂꦫꦤ꧀ꦧꦶꦭꦶꦃꦒꦭꦸꦒꦸꦤꦶꦥꦸꦤ꧀ꦱꦩ꧀ꦥꦸꦤ꧀ꦲꦠꦺꦴꦱ꧀꧈

e. ꦲꦺꦴꦪꦺꦴꦢ꧀ꦢꦶꦁꦏꦭꦥꦱꦼꦥꦸꦃꦲꦶꦁꦏꦁꦱꦩ꧀ꦥꦸꦤ꧀ꦏꦠꦶꦔꦭ꧀ꦱꦔꦶꦁꦒꦶꦭ꧀ꦭꦶꦁꦱꦶꦠꦶ꧈ꦢꦶꦥꦸꦤ꧀ꦫꦩ꧀ꦥꦱ꧀ꦲꦶꦁꦏꦁꦲꦭꦸꦱ꧀ ꦥꦸꦤꦶꦏꦲꦔꦼꦤꦺꦩ꧀ꦩꦏꦼꦤ꧀ꦮꦶꦠ꧀ꦏꦭꦥ꧈ꦮꦺꦴꦃꦲꦶꦥꦸꦤ꧀ꦱꦒꦼꦢ꧀ꦮꦁꦱꦸꦭ꧀ꦏꦢꦺꦴꦱ꧀ꦏꦭꦥꦠꦏ꧀ꦱꦶꦃꦤꦺꦩ꧀꧈

f. ꦏꦭꦥꦩꦸꦫꦶꦃꦧꦺꦴꦠꦼꦤ꧀ꦢꦶꦥꦸꦤ꧀ꦕꦺꦴꦭꦺꦴꦁꦲꦶꦁꦠꦶꦪꦁꦢꦺꦤꦶꦁꦏꦺꦔꦶꦁꦢꦶꦥꦸꦤ꧀ꦥꦺꦤꦺꦏ꧀꧈ꦒꦭꦸꦒꦸꦤꦶꦥꦸꦤ꧀ꦏꦼꦢꦃꦢꦶꦥꦸꦤ꧀ꦱꦼꦫꦸꦁ꧉ (ꦢꦼꦭꦶꦁꦏꦱꦶꦒꦂꦩꦿꦥꦠ꧀ꦢꦶꦥꦸꦤ꧀ꦭꦶꦚ꧀ꦕꦶꦥ꧀ꦥꦶꦔꦟ꧀ꦝꦥ꧀ꦔꦶꦁꦒꦶꦭ꧀꧈ꦥꦚ꧀ꦗꦁꦔꦶꦥꦸꦤ꧀ꦱꦣꦼꦥ꧈ꦏꦲꦤꦩ꧀ꦫꦸꦗꦶꦠꦶꦩꦸꦤ꧀ꦥꦼꦛꦸꦏ꧀ꦏꦤ꧀꧈ꦲꦶꦁꦠꦼꦔꦃꦲꦸꦧꦼꦁꦔꦶꦁꦒꦭꦸꦒꦸꦏꦒ꧀ꦭꦩꦶꦠ꧀ꦲꦶꦁꦲꦶꦫꦠ꧀ꦠꦤ꧀ꦢꦼꦭꦶꦁ꧈ꦢꦢꦺꦴꦱ꧀ꦥꦸꦕꦸꦏ꧀ꦏꦶꦥꦸꦤ꧀ꦔꦟ꧀ꦝꦥ꧀ꦔꦶꦁꦒꦶꦭ꧀ꦔꦿꦤ꧀ꦒꦥ꧀ꦏꦢꦺꦴꦱ꧀ꦠꦸꦩ꧀ꦧꦏ꧀ꦏꦤ꧀꧈ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦥꦺꦤꦺꦏ꧀ꦱꦏꦶꦁꦔꦟ꧀ꦝꦥ꧀꧈ꦲꦸꦠꦮꦶꦏꦢꦩꦼꦭ꧀ꦩꦸꦣꦸꦤ꧀ꦱꦏꦶꦁꦔꦶꦁꦒꦶꦭ꧀ꦏꦭꦪꦤ꧀ꦏꦱꦼꦱ꧈ꦲꦮꦶꦠ꧀ꦧꦣꦺꦏꦕꦺꦴꦕꦺꦴꦒ꧀ꦲꦶꦁꦠꦸꦩ꧀ꦧꦏ꧀ꦏꦤ꧀ꦮꦲꦸ꧉ꦢꦺꦤꦺꦧꦶꦭꦶꦃꦧꦣꦺꦔꦸꦟ꧀ꦝꦸꦃꦏꦭꦥ꧈ꦏꦼꦢꦃꦲꦩ꧀ꦧꦶꦏꦏ꧀ꦱꦼꦫꦸꦁꦔꦤ꧀)꧉

꧋ ꦲꦩꦤꦶꦁꦏꦭꦥ꧉

33 ꧋ ꦏꦭꦥꦥꦸꦤꦶꦏꦮꦺꦴꦤ꧀ꦠꦼꦤ꧀ꦲꦩꦤꦶꦥꦸꦤ꧀꧈ꦲꦶꦁꦒꦶꦃꦥꦸꦤꦶꦏ [ 42 ]ꦧꦗꦶꦁ꧉ꦏꦭꦥꦲꦶꦁꦏꦁꦪꦏ꧀ꦱꦶꦃꦤꦺꦩ꧀ꦏꦥꦽꦤꦃꦲꦶꦁꦔꦶꦫꦶꦁꦔꦤ꧀ꦢꦶꦥꦸ ꦤ꧀ꦲꦸꦪꦸꦃꦲꦶꦱꦼꦥꦼꦠ꧀ꦠꦶꦥꦸꦤ꧀​​ ꦕꦼꦥꦼꦠ꧀ꦏꦺꦔꦶꦁꦲꦸꦪꦸꦃꦲꦶꦁꦧꦗꦶꦁꦭ ꦗꦼꦁꦩꦺꦴꦥꦺꦴꦭ꧀ꦱꦂꦠꦭꦗꦼꦁꦢꦶꦥꦸꦤ꧀ꦏꦿꦶꦏꦶꦠ꧀ꦠꦶꦏꦭꦪꦤ꧀ꦠꦤ꧀ꦱꦃꦢꦶ ꦥꦸꦤ꧀ꦲꦸꦪꦸꦃꦲꦶꦱꦏꦼꦝꦶꦏ꧀ꦱꦏꦼꦝꦶꦏ꧀ꦔꦤ꧀ꦠꦺꦴꦱ꧀ꦢꦸꦩꦸꦒꦶꦲꦶꦁꦧ ꦛꦺꦴꦏ꧈​ꦧꦛꦺꦴꦏ꧀ꦧꦺꦴꦭꦺꦴꦁꦧꦸꦤ꧀ꦢꦼꦂꦤꦩꦸꦁꦱꦕꦼꦏꦥ꧀ꦥꦶꦁꦲꦮ ꦏ꧀ꦧꦗꦶꦁ꧉ꦧꦺꦴꦭꦺꦴꦁꦔꦶꦁꦧꦠꦺꦴꦏ꧀​​ꦠꦺꦴꦪꦏꦭꦥꦒꦸꦩꦿ ꦗꦒ꧀ꦩꦼꦢꦭ꧀​​ꦧꦗꦶꦁꦩꦊꦧꦼꦲꦁꦔꦿꦶꦏꦶꦠ꧀ꦠꦶꦏꦭꦥꦲꦶꦁꦥꦸꦕꦸ 1) (ꦕꦼꦭꦏ꧀ꦒꦤ꧀ꦠꦶꦭ꧀ꦭꦤ꧀) ꦏ꧀ꦏꦭꦪꦤ꧀ꦔꦺꦴꦩ꧀ꦧꦺꦠꦺꦴꦪꦲꦶꦁꦔꦟ꧀ꦝꦥ꧀ ꦭꦗꦼꦁꦤꦼꦝꦏꦭꦥꦲꦶꦁꦔꦟ꧀ꦝꦥ꧀ꦔꦤ꧀ꦠꦺꦴꦱ꧀ꦠꦼꦭꦱ꧀​​ꦱꦉꦁꦏꦭꦶ ꦪꦤ꧀ꦠꦼꦭꦱ꧀ꦱꦶꦁꦠꦺꦴꦪ꧈ꦏꦭꦥꦢꦢꦺꦴꦱ꧀ꦏꦺꦴꦛꦺꦴꦁ꧈ꦱꦂꦠ ꦭꦗꦼꦁꦲꦭꦸꦩ꧀​​ꦮꦱꦤꦉꦤ꧀ꦠꦃꦱꦏꦶꦁ​ꦮꦶꦠ꧀ꦤꦩ꧇ꦕꦸꦩ꧀ꦥ꧀ꦭꦸꦁ꧉ꦏꦼꦟ꧀ꦝ ꦏ꧀ꦏꦶꦁꦧꦗꦶꦁꦱꦫꦤꦢꦶꦥꦸꦤ꧀ꦒꦺꦴꦥꦿꦏ꧀ꦏꦶ꧈ (ꦢꦼꦭꦶꦁꦱꦶꦒꦂꦏꦭꦶꦃꦠꦁꦏꦼ ꦧ꧀ꦧꦤ꧀ꦏꦠꦁꦱꦸꦭ꧀ꦭꦤ꧀ꦏꦭꦶꦪꦤ꧀ꦥꦥꦃ꧈ꦩꦮꦶꦠꦁꦱꦸꦭ꧀ꦩꦔꦟ꧀ꦝ ꦥ꧀ꦏꦢꦺꦴꦱ꧀ꦠꦁꦱꦸꦭ꧀ꦏꦺꦫꦺꦏ꧀ꦏꦤ꧀ꦥꦼꦏ꧀ꦱꦶ꧉​​ꦱꦩꦺꦴꦁꦱꦧꦗꦶꦁꦏꦠꦶꦔ ꦭ꧀ꦝꦠꦼꦁ​​ꦭꦗꦼꦁꦢꦶꦥꦸꦔꦺꦴꦥꦿꦏ꧀ꦏꦶꦱꦂꦤꦠꦁꦱꦸꦭ꧀ꦮꦲꦸꦲꦩ꧀ꦧꦭ꧀ꦲꦩ꧀ꦧ ꦭ꧀ꦭꦤ꧀) ꦧꦗꦶꦁꦲꦗꦿꦶꦃꦭꦗꦼꦔ꧀ꦭꦸꦩꦗꦼꦁ꧈ꦤꦔꦶꦁꦩꦤꦮꦶꦏꦭꦶꦩ꧀ꦥꦺ ꦧꦗꦶꦁꦧꦺꦴꦠꦼꦤ꧀ꦲꦗꦿꦶꦃꦝꦠꦼꦔ꧀ꦮꦸꦗꦸꦢ꧀ꦢꦶꦁꦒꦺꦴꦥꦿꦏ꧀​​ꦩꦭꦃꦥꦸꦫꦸ ꦤ꧀ꦲꦔꦼꦚ꧀ꦕꦶꦏ꧀ꦏꦶ꧈ꦢꦢꦺꦴꦱ꧀ꦲꦶꦁꦏꦁꦢꦶꦥꦸꦤ꧀ꦲꦗꦿꦶꦃꦲꦶꦮꦲꦸ꧇​ ꦠꦶ ꦪꦁ꧈ꦩꦶꦭꦲꦶꦁꦏꦁꦱꦪꦺꦴꦒꦶ꧈ꦧꦗꦶꦁꦤꦩꦸꦁꦢꦶꦥꦸꦤ꧀ꦱꦚ꧀ꦗꦠꦤꦶ

________
(1) ꧋ꦗꦩ꧀ꦧꦸ꧈ꦕꦼꦭꦏ꧀ꦒꦤ꧀ꦠꦶꦭ꧀ꦭꦤ꧀ꦮꦶꦤꦱ꧀ꦠꦤ꧀꧇ꦥꦸꦕꦸꦏ꧀ = ꦏꦭꦥ꧈ꦤꦔꦶꦁꦥꦼꦊꦩ꧀ enz.  " " "  ꦧꦺꦴꦁꦏꦺꦴꦠ꧀꧈ [ 43 ]꧋ ꦏꦺꦩꦮꦺꦴꦤ꧀​ꦏꦺꦔꦶꦁꦲꦸꦠꦮꦶꦧꦺꦴꦠꦼꦤ꧀​ꦥꦸꦤꦶꦏꦧꦗꦶꦁꦲꦶꦁꦏꦁꦱꦩ꧀ꦥꦸꦤ꧀ꦤꦠꦺꦔꦩ꧀ꦧꦃ꧇ꦏꦥꦺꦴꦏ꧀꧈ꦧꦗꦶꦁꦱꦤꦺꦱ꧀ꦱꦶꦥꦸꦤ꧀꧇ꦲꦗꦿꦶꦃ꧉

꧋ ꦲꦩꦧꦗꦶꦁꦧꦺꦴꦠꦼꦤ꧀ꦱꦥꦶꦤ꧀ꦠꦼꦤ꧀ꦤꦏꦔꦺꦭ꧀ꦭꦤ꧀ꦤꦶꦥꦸꦤ꧀ꦲꦩꦸꦫꦶꦃꦏꦼꦟ꧀ꦝꦏ꧀​ꦲꦶꦁꦏꦁꦲꦁꦒꦼꦒꦶꦫꦶꦱ꧀ꦱꦶꦥꦸꦤꦶꦏꦲꦩꦠꦶꦏꦸꦱ꧀꧈ꦠꦶꦏꦸꦱ꧀ꦲꦤꦼꦣꦤꦶꦲꦼꦩ꧀ꦥꦺꦴꦭ꧀ꦭꦶꦁꦧꦭꦸꦭꦸꦏ꧀꧈ꦱꦂꦠꦧꦭꦸꦭꦸꦏ꧀ꦏꦶꦥꦸꦤ꧀ꦭꦗꦼꦁꦱꦩꦶꦉꦤ꧀ꦠꦃ꧉ꦱꦫꦤꦤꦶꦥꦸꦤ꧀ꦧꦺꦴꦠꦼꦤ꧀ꦭꦶꦪꦤꦩꦸꦁꦒꦭꦸꦒꦸꦤꦶꦥꦸꦤ꧀ꦢꦶꦥꦸꦤ꧀ꦠꦭꦏꦸꦥ꧀ꦲꦶꦁꦒꦼꦩ꧀ꦧꦿꦺꦁꦩꦸꦧꦼꦁ꧈ꦲꦶꦁꦔꦶꦁꦒꦶꦭ꧀꧇ꦒꦼꦩ꧀ꦧꦿꦺꦁꦔꦶꦥꦸꦤ꧀ꦏꦮꦭꦶꦏ꧀ꦩꦸꦧꦼꦁꦢꦶꦥꦸꦤ꧀ꦕꦏꦼꦣꦸꦁꦔꦏꦼꦤ꧀ꦩꦼꦢꦭ꧀꧈ꦱꦤꦢꦾꦤ꧀ꦠꦶꦏꦸꦱ꧀ꦱꦒꦼꦢ꧀ꦩꦚ꧀ꦕꦶꦏ꧀ꦲꦸꦠꦮꦶꦩꦿꦩ꧀ꦧꦠ꧀ꦒꦼꦩ꧀ꦧꦿꦺꦁꦭꦸꦚꦸ꧈ꦲꦶꦁꦒꦶꦃꦲꦸꦒꦶꦧꦺꦴꦠꦼꦤ꧀ꦱꦒꦼꦢ꧀ꦩꦶꦁꦒꦃꦧꦧ꧀ꦭꦱ꧀꧈ꦢꦺꦤꦶꦁꦏꦟ꧀ꦝꦼꦒ꧀ꦱꦏꦶꦁꦧꦊꦁꦏꦸꦏ꧀ꦏꦶꦁꦒꦼꦩ꧀ꦧꦿꦺꦁ꧉

 

꧋ꦠꦩꦠ꧀꧈

[ 45 ]

꧋ ​ꦱꦩ꧀ꦧꦸꦁꦔꦤ꧀ꦏꦕ꧇ ​10꧉

  *) ꧋ ꦢꦺꦤꦺꦱꦤꦺꦱ꧀ꦱꦶꦥꦸꦤ꧀ꦢꦺꦴꦔꦺꦁꦒꦢꦢꦺꦴꦱ꧀ꦱꦤ꧀ꦤꦶꦥꦸꦤ꧀ꦏꦭꦥ꧈​ꦲꦶꦁꦧꦧꦢ꧀ꦠꦤꦃꦗꦮꦶ​ (ed. Meinsma) p: 115. ꦮꦺꦴꦤ꧀ꦠꦼꦤ꧀ꦢꦺꦴꦔꦺꦁꦔꦶꦥꦸꦤ꧀ꦧꦧ꧀ꦏꦭꦥꦏꦢꦺꦴꦱ꧀ꦲꦶꦁꦔꦟ꧀ꦝꦥ꧀ꦥꦸꦤꦶꦏ꧇ ꧋ ꦏꦕꦫꦶꦠꦺꦴꦱ꧀​ꦏꦶꦲꦒꦼꦁꦓꦶꦫꦶꦁ​ꦮꦲꦸꦲꦶꦁꦒꦶꦃꦱꦔꦼꦛꦁꦒꦺꦤ꧀ꦤꦶꦥꦸꦤ꧀ꦠꦥ꧈​ꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦲꦤ꧀ꦢꦺꦫꦺꦱ꧀꧈ꦲꦶꦔ꧀ꦮꦚ꧀ꦕꦶꦲꦺꦚ꧀ꦗꦶꦁꦏꦶꦲꦒꦼꦁꦲꦔꦶꦁꦒꦃꦲꦶꦥꦢꦺꦫꦺꦱ꧀ꦱꦤ꧀ꦤꦶꦥꦸꦤ꧀ꦲꦶꦁꦔꦿꦶꦏꦸꦏꦸꦮꦺꦴꦤ꧀ꦠꦼꦤ꧀ꦠꦶꦫꦶꦱ꧀ꦱꦤ꧀ꦱꦠꦸꦁꦒꦶꦭ꧀ꦕꦏꦼꦠ꧀ꦭꦤ꧀ꦲꦶꦁꦏꦁꦢꦶꦥꦸꦤ꧀ꦲꦶꦁꦒꦃꦲꦶꦏꦶꦲꦒꦼꦁ꧈​ꦠꦶꦫꦶꦱ꧀ꦱꦤ꧀ꦮꦲꦸꦱꦭꦩꦶꦤꦶꦥꦸꦤ꧀ꦢꦺꦫꦺꦁꦤꦠꦺꦲꦮꦺꦴꦃ꧈​ꦲꦶꦁꦢꦶꦤ꧀ꦠꦼꦤ꧀ꦥꦸꦤꦶꦏꦮꦺꦴꦤ꧀ꦠꦼꦤ꧀ꦮꦺꦴꦃꦲꦶꦥꦸꦤ꧀ꦱꦠꦸꦁꦒꦶꦭ꧀​ꦢꦮꦼꦒ꧀ꦒꦤ꧀​​ꦏꦶꦲꦒꦼꦁꦱꦮꦼꦒ꧀ꦲꦠꦿꦥ꧀ꦧꦸꦩ꧀ꦧꦸꦁꦔ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦶꦁꦒꦶꦭ꧀ꦠꦶꦫꦶꦱ꧀ꦱꦤ꧀ꦲꦤꦸꦤ꧀ꦠꦼꦤ꧀ꦩꦶꦉꦁꦱ꧀ꦮꦫ꧈​ꦥꦽꦤꦃꦲꦶꦁꦱ꧀ꦮꦫꦮꦺꦴꦤ꧀ꦠꦼꦤ꧀ꦲꦶꦁ​ꦢꦮꦼꦒ꧀ꦒꦤ꧀ꦱꦠꦸꦁꦒꦶꦭ꧀ꦮꦲꦸ꧉ ꧋ ꦲꦸꦗꦂꦫꦶꦁꦱ꧀ꦮꦫ꧇​ꦏꦶꦲꦒꦼꦁꦓꦶꦫꦶꦁ꧈ꦮꦿꦸꦃꦲꦤ꧀ꦤꦩꦸ꧈​ꦱꦥꦏꦁꦔꦺꦴꦩ꧀ꦧꦺꦧꦚꦸꦢꦮꦼꦒ꧀ꦒꦤ꧀ꦲꦶꦏꦶꦠꦺꦤ꧀ꦏꦺꦴꦁꦱꦶꦲꦼꦤ꧀ꦠꦺꦏ꧀​​ꦲꦶꦏꦸꦱꦠꦸꦫꦸꦤ꧀ꦠꦸꦫꦸꦤ꧀ꦤꦺꦧꦏꦭ꧀ꦧꦶꦱꦢꦢꦶꦫꦠꦸꦒꦼꦣꦺꦲꦩꦼꦁꦏꦸꦠꦤꦃꦗꦮꦏꦧꦺꦃ꧉ ꧋ ꦏꦶꦲꦒꦼꦁꦒꦶꦫꦶꦁꦱꦉꦁꦩꦶꦉꦁꦱ꧀ꦮꦫꦩꦏꦠꦼꦤ꧀​​ꦲꦺꦁꦒꦭ꧀ꦩꦸꦣꦸꦤ꧀ꦱꦏꦶꦁꦲꦁꦒꦺꦤ꧀ꦤꦶꦥꦸꦤ꧀ꦲꦤ꧀ꦢꦺꦫꦺꦱ꧀​​ꦮꦺꦴꦤ꧀ꦠꦾꦗ꦳꧀ꦤ꧀ꦔꦟ꧀ꦝꦥ꧀ꦱꦩ꧀ꦥꦸꦤ꧀ꦱꦭꦺꦃꦧꦺꦴꦚ꧀ꦗꦺꦴꦂ꧈​ꦭꦗꦼꦁꦲꦩꦺꦤꦺꦏ꧀ꦢꦮꦼꦒ꧀ꦒꦧ꧀ꦱꦠꦸꦁꦒꦶꦭ꧀ꦮꦲꦸ꧈​ꦱꦩ꧀ꦥꦸꦤ꧀ꦥꦶꦤꦼꦟ꧀ꦝꦼꦠ꧀ꦏꦧꦼꦏ꧀ꦠꦩꦸꦣꦸꦤ꧀꧈​​ꦢꦺꦤꦺꦢꦺꦫꦺꦱ꧀ꦱꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦢꦶꦥꦸꦤ꧀ꦩꦤꦃ꧈​ꦲꦩꦸꦁꦢꦮꦼꦒ꧀ꦒꦤ꧀ꦲꦶꦁꦏꦁꦥꦶꦤꦼꦊꦁꦧꦶꦤꦼꦏ꧀ꦠꦩꦤ꧀ꦠꦸꦏ꧀꧈​ꦱꦣꦠꦼꦁꦔꦶꦥꦸꦤ꧀ꦲꦶꦁꦒꦿꦶꦪꦭꦗꦼꦁꦢꦶꦥꦸꦤ꧀ꦥꦫꦱ꧀ꦱꦶ꧈ꦤꦔꦶꦁꦧꦺꦴꦠꦼꦤ꧀ꦭꦗꦼꦁꦢꦶꦥꦸꦤ꧀ꦲꦸꦚ꧀ꦗꦸꦏ꧀꧈​ꦩꦶꦭꦩꦏꦠꦼꦤ꧀​​ꦥꦩꦤꦃꦲꦶꦥꦸꦤ꧀ꦏꦶꦲꦒꦼꦁꦱꦫꦺꦃꦤꦶꦁꦠꦏ꧀ꦱꦶꦃꦲꦺꦚ꧀ꦗꦶꦁꦢꦢꦺꦴꦱ꧀ꦏꦲꦶꦤ꧀ꦠꦼꦤ꧀ꦧꦺꦴꦠꦼꦤ꧀ꦠꦼꦭꦱ꧀ꦪꦺꦤ꧀ꦏꦲꦸꦚ꧀ꦗꦸꦏ꧀ꦏ꧈​ꦱꦧꦧ꧀ꦢꦺꦫꦺꦁꦔꦼꦭꦏ꧀꧈​ꦏꦂꦰꦤꦶꦥꦸꦤ꧀ꦏꦶꦲꦒꦼꦁꦧꦣꦺꦧꦧꦢ꧀ꦝꦠꦼꦔ꧀ꦮꦤꦫꦸꦩꦶꦪꦶꦤ꧀ꦲꦢꦩꦼꦭ꧀ꦔꦼꦭꦏ꧀꧈ꦢꦮꦼꦒ꧀ꦒꦤ꧀ꦭꦗꦼꦁꦏꦱꦶꦁꦒꦃꦲꦏꦼꦤ꧀ꦲꦶꦁꦥꦒꦱꦔꦶꦁꦒꦶꦭ꧀ꦭꦶꦁꦥꦮꦺꦴꦤ꧀꧈​ꦲꦶꦁꦱꦢꦶꦤ꧀ꦠꦼꦤ꧀ꦥꦸꦤꦶꦏꦏꦶꦲꦒꦼꦁꦧꦺꦴꦠꦼꦤ꧀ꦲꦤ꧀ꦔꦺꦴꦥꦺꦤ꧀ꦤꦶꦥꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦲꦁꦒꦺꦴꦣꦺꦴꦒ꧀ꦊꦒꦺꦤ꧀ꦲꦢꦩꦼꦭ꧀ꦒꦼꦟ꧀ꦝꦶꦱ꧀​​ꦲꦩꦸꦁꦩꦤꦃꦢꦮꦼꦒ꧀ꦒꦤ꧀ꦏꦺꦩꦮꦺꦴꦤ꧀꧈ꦏꦶꦲꦒꦼꦁꦓꦶꦫꦶꦁꦤꦸꦤ꧀ꦠꦼꦤ꧀ꦏꦺꦱꦃꦣꦠꦼꦁꦲꦶꦔ꧀ꦮꦤꦱꦸꦩꦼꦗꦧꦧꦢ꧀꧈ ꧋ ꦱꦩꦼꦁꦏꦼꦂꦫꦶꦥꦸꦤ꧀ꦏꦶꦲꦒꦼꦁꦓꦶꦫꦶꦁ꧈​ꦏꦶꦲꦒꦼꦁꦩꦡꦮꦶꦱ꧀ꦝꦠꦼꦁꦲꦶꦁꦔꦿꦶꦏꦸ꧈​ꦱꦂꦠꦥꦶꦠꦏꦺꦤ꧀ꦝꦠꦼꦁꦱꦺꦩꦃꦲꦶꦥꦸꦤ꧀ꦏꦶꦲꦒꦼꦁꦓꦶꦫꦶꦁ꧇ ꧋ ꦧꦏ꧀ꦪꦸ꧈​ꦮꦏ꧀ꦏꦤ꧀ꦤꦺꦠꦼꦁꦥꦸꦤ꧀ꦢꦶ꧈​ꦢꦺꦤꦺꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦏꦠꦶꦔꦭ꧀꧉ ꧋ ꦚꦲꦶꦓꦶꦫꦶꦁꦱꦸꦩꦲꦸꦂ꧇​ ꦫꦏꦢꦶꦏꦏꦺꦱꦃꦣꦠꦼꦁ​ꦮꦤꦲꦸꦕꦭ꧀ꦭꦗꦼꦁ꧉ ꧋ ꦏꦶꦲꦒꦼꦁꦩꦠꦮꦶꦱ꧀ꦭꦗꦼꦔ꧀ꦭꦸꦩꦼꦧꦼꦠ꧀ꦲꦶꦁꦥꦮꦺꦴꦤ꧀ꦱꦸꦩꦼꦗꦔꦸꦚ꧀ꦗꦸꦏ꧀ꦏꦶꦭꦁ꧉ꦱꦉꦁꦲꦤꦶꦔꦭ꧀ꦭꦶꦲꦶꦁꦥꦮꦺꦴꦤ꧀ꦱꦼꦥꦼꦤ꧀​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦏꦶꦭꦁꦲꦸꦠꦮꦶꦊꦒꦺꦤ꧀ꦲꦩꦸꦁꦢꦮꦼ [ 46 ]ꦒ꧀ꦒꦤ꧀ꦱꦠꦸꦁꦒꦶꦭ꧀ꦲꦶꦁꦮꦺꦴꦤ꧀ꦠꦼꦤ꧀ ꦠꦸꦩꦸꦩ꧀ꦥꦁꦲꦶꦁꦥꦒꦲꦺꦁꦒꦭ꧀ꦏꦥꦼꦟ꧀ꦝꦼꦏ꧀ꦢꦺꦤꦶꦁꦏꦶꦲ ꦒꦼꦁꦩꦡꦮꦶꦱ꧀ ꦏꦧꦼꦏ꧀ꦠꦭꦸꦩꦼꦧꦼꦠ꧀ꦲꦶꦁꦒꦿꦶꦪꦔ꧀ꦤꦁꦒꦃꦲꦶꦁꦲꦩ꧀ꦧꦺꦤ꧀ ꦱꦂꦠꦲꦩ꧀ꦧꦺꦭꦺꦴꦁ ꦢꦮꦼꦒ꧀ꦒꦤ꧀ꦱꦩꦼꦗꦢꦶꦥꦸꦤ꧀ꦲꦸꦚ꧀ꦗꦸꦏ꧀ꦠꦺꦴꦪꦤꦺꦴꦥꦸꦤ꧀꧈ ꦮꦶꦝꦤ꧀ꦠꦼꦤ꧀ꦤꦶꦥꦸꦤ꧀ꦝꦠꦼꦁꦚꦲꦶꦓꦶꦫꦶꦁ꧇ ꧋ ꦧꦏ꧀ꦪꦸ꧈ ꦱꦸꦤꦥꦲꦢꦺꦤꦺꦧꦺꦴꦠꦼꦤ꧀ꦲꦁꦒꦠꦝꦺꦴꦒ꧀ꦭꦒꦺꦤ꧀ ꦏꦸꦭꦝꦠꦼꦁꦥ ꦮꦺꦴꦤ꧀ꦔꦸꦥꦢꦺꦴꦱ꧀ꦭꦼꦒꦺꦤ꧀ꦲꦗꦼꦁꦏꦸꦭꦲꦺꦴꦩ꧀ꦧꦺꦧꦺꦴꦠꦼꦤ꧀ꦤꦺꦴꦤ꧀ꦠꦼꦤ꧀꧈ ꧋ ꦚꦲꦶꦓꦶꦫꦶꦁꦱꦸꦩꦲꦸꦂ꧇ ꦲꦶꦁꦒꦶꦃꦲꦩꦸꦁꦱꦢꦶꦤ꧀ꦠꦼꦤ꧀ꦥꦸꦤꦶꦏꦠꦺꦴꦮꦺꦴꦁ꧈ ꦏꦂꦮꦤꦺꦫ ꦏꦢꦶꦠꦲꦱꦺꦴ꧉ ꧋ꦱꦲꦚꦲꦶꦓꦶꦫꦶꦁꦏꦒꦺꦠ꧀ꦲꦤꦶꦔꦭ꧀ꦭꦶꦢꦮꦼꦒ꧀ꦒꦩ꧀ꦧꦝꦺꦢꦶꦥꦸꦤ꧀ꦲꦸꦚ꧀ꦗꦸꦏ꧀ꦢꦤꦶꦁꦏꦶ ꦲꦒꦼꦁꦩꦡꦮꦶꦱ꧀ ꦮꦶꦕꦤ꧀ꦠꦼꦥꦸꦤ꧀ꦚꦲꦶꦓꦶꦫꦶꦁ꧇ ꧋ ꦲꦝꦶ꧈ ꦢꦮꦒ꧀ꦒꦤ꧀ꦤꦶꦏꦸꦲꦼꦩ꧀ꦥꦸꦤ꧀ꦢꦶꦏꦲꦸꦚ꧀ꦗꦸꦏ꧀ ꦮꦼꦭꦶꦁꦔꦺꦫꦏꦢꦶꦏꦮꦤ꧀ꦠꦺꦴꦤ꧀ꦤ ꦤ꧀ꦠꦺꦴꦱ꧀ ꦪꦺꦤ꧀ꦱꦶꦪꦺꦴꦝ꧀ꦢꦶꦏꦲꦸꦚ꧀ꦗꦸꦏ꧀ ꦲꦩꦼꦠ꧀ꦝꦶꦏꦸꦭꦢꦶꦒꦶꦝꦶꦏ꧀ꦏꦶꦩꦫꦁꦫꦏꦢꦶꦏ꧉ ꧋ ꦏꦶꦲꦒꦼꦁꦩꦡꦫꦩ꧀ꦱꦸꦩꦲꦸꦂ꧇ ꦧꦏ꧀ꦪꦸ꧈ ꦲꦼꦩ꧀ꦥꦸꦤ꧀ꦩꦫꦱ꧀ꦲꦠꦶꦢꦶꦏ꧈ ꦢꦶꦏꦱꦚ꧀ꦗꦁ ꦪꦺꦤ꧀ꦏꦭꦏꦁꦩꦼꦁꦏ꧀ꦱ꧈ꦱꦧꦧ꧀ꦔꦼꦭꦏ꧀ꦏꦭꦱꦔꦼꦠ꧀ ꦥꦶꦤꦸꦗꦸꦤꦶꦥꦸꦤ꧀ꦮꦺꦴꦤ꧀ꦠꦼꦥ꧀ꦢꦮꦼꦒ꧀ꦒꦤ꧀ꦲꦶꦁ ꦥꦮꦺꦴꦤ꧀ ꦧꦺꦴꦠꦼꦤ꧀ꦱꦸꦱꦃꦩꦺꦤꦺꦏ꧀ꦥꦶꦪꦩ꧀ꦧꦏ꧀꧈ ꧋ꦏꦶꦲꦒꦼꦁꦩꦡꦩ꧀ꦭꦗꦼꦁꦔꦸꦚ꧀ꦗꦸꦏ꧀ꦠꦺꦴꦪꦤꦶꦁꦢꦮꦼꦒ꧀ꦒꦤ꧀ ꦠꦼꦭꦱ꧀ꦱꦏꦭꦧꦺꦴꦠꦼꦤ꧀ꦏꦤ꧀ꦪ ꦤ꧀ꦱꦕꦼꦉꦒ꧀ꦕꦼꦉꦠ꧀ꦠ꧈ ꦱꦏꦭꦁꦏꦸꦁꦤꦶꦏ꧀ꦩꦠ꧀ꦫꦲꦺꦴꦱ꧀ꦱꦶꦥꦸꦤ꧀꧈ ꦧꦺꦴꦠꦼꦤ꧀ꦲꦤ꧀ꦠꦮꦶꦱ꧀ꦢ ꦔꦸꦫꦶꦲꦒꦼꦁꦓꦶꦫꦶꦁꦝꦠꦼꦁ꧈ ꦱꦂꦠꦲꦔꦽꦩ꧀ꦧꦠ꧀ꦏꦗꦼꦁꦲꦚ꧀ꦗꦗꦸꦒ꧀ꦲꦶꦁꦥꦮꦺꦴꦤ꧀꧈ ꦏꦗꦼꦁꦝꦩ꧀ꦥꦸ ꦤ꧀ꦏꦱꦺꦭꦺꦴꦲꦏꦼꦤ꧀ ꦏꦂꦰꦤꦶꦥꦸꦤ꧀ꦏꦶꦲꦒꦼꦁꦓꦶꦫꦶꦁꦧꦝꦺꦭꦗꦼꦁꦔꦸꦚ꧀ꦗꦸꦏ꧀ꦠꦺꦴꦪꦤꦶꦁꦢꦮꦼ ꦒ꧀ꦒꦤ꧀꧈ ꦱꦉꦁꦢꦶꦥꦸꦤ꧀ꦠꦶꦔꦭ꧀ꦭꦶꦲꦶꦁꦥꦒꦢꦮꦼꦒ꧀ꦒꦤ꧀ꦧꦺꦴꦠꦼꦤ꧀ꦤꦺꦴꦤ꧀ꦠꦼꦤ꧀ ꦏꦶꦲꦒꦼꦁꦓꦶꦫꦶꦁꦲꦺꦁ ꦒꦭ꧀ꦭꦸꦩꦼꦧꦼꦠ꧀ꦲꦶꦁꦒꦿꦶꦪꦲꦩꦁꦒꦶꦃꦲ꧀ꦲꦶꦒꦼꦁꦩꦡꦮꦶꦱ꧀꧈ ꧋ ꦥꦶꦠꦏꦺꦤ꧀ꦤꦶꦥꦸꦤ꧀ꦏꦶꦲꦒꦼꦁꦓꦶꦫꦶꦁꦝꦠꦼꦁꦠꦼꦁꦲꦶꦁꦏꦁꦲꦺꦥ꧀ꦠꦿ꧇ ꦮꦺꦴꦁꦮꦢꦺꦴꦤ꧀ ꦢꦮꦼꦒ꧀ꦒꦤ꧀ꦏꦶ ꦢꦏ꧀ꦢꦺꦴꦏꦺꦴꦏ꧀ꦲꦶꦁꦥꦒꦩꦲꦸꦤꦔꦼꦤ꧀ꦢꦶ꧉ ꧋ ꦝꦺꦩꦃꦲꦶꦥꦸꦤ꧀ꦲꦩꦁꦱꦸꦭ꧀ꦭꦶ꧇ ꦫꦪꦶꦢꦶꦏꦤꦶꦏꦸꦏꦁꦩꦼꦟ꧀ꦝꦼꦠ꧀ ꦏꦸꦭꦥꦼꦔꦶꦁꦧꦺꦴꦠꦼ ꦤ꧀ꦏꦺꦔꦶꦁ꧈ ꦮꦶꦕꦤ꧀ꦠꦼꦤ꧀ꦤꦺꦱꦏꦶꦁꦔꦼꦭꦏ꧀ꦏꦺ꧈ ꦭꦗꦼꦁꦤꦶꦥꦸꦤ꧀ꦲꦸꦚ꧀ꦗꦸꦏ꧀꧈ ꧋ ꦏꦶꦲꦒꦼꦁꦩꦡꦮꦶꦱ꧀ꦱꦸꦩꦩ꧀ꦧꦁ꧇ ꦲꦶꦁꦒꦶꦃꦱꦪꦼꦏ꧀ꦠꦺꦴꦱ꧀ ꦏꦸꦭꦏꦁ꧈ ꦏꦁꦔꦺꦴꦩ꧀ꦧꦺꦢꦮꦼ ꦒ꧀ꦒꦤ꧀ ꦠꦶꦪꦁꦱꦔꦼꦠ꧀ꦲꦁꦒꦺꦒꦺꦤ꧀ꦏꦸꦔꦼꦭꦏ꧀ ꦱꦩ꧀ꦥꦺꦪꦢ꧀ꦢꦸꦏꦤꦶꦲꦶꦁꦒꦶꦃꦱꦸꦩꦺꦴꦁꦒ꧉ p: 433. ꧋ ꦢꦺꦤꦺꦢꦮꦼꦒ꧀ꦒꦤ꧀ꦥꦸꦤꦶꦏ꧈ ꦲꦶꦁꦱꦗꦼꦁꦔꦶꦥꦸꦤ꧀ꦢꦢꦺꦴꦱ꧀ꦒꦝꦃꦲꦤ꧀ꦤꦶꦥꦸꦤ꧀ꦠꦸꦫꦸꦤ꧀ꦤꦶꦁꦏꦶꦮꦟꦏꦸꦱꦸꦩ꧉ ꧋ ꦥꦸꦤꦥꦩꦭꦶꦃꦲꦶꦁ p.431. ꦏꦱꦼꦧꦸꦏ꧀ꦮꦺꦴꦤ꧀ꦠꦼꦤ꧀ꦲꦸꦭꦩ꧀ꦭꦺꦭꦺꦏꦏꦭꦶꦃꦩꦺꦤꦺ ꦏ꧀ꦲꦶꦁꦮꦶꦏ꧀ꦏꦭꦥ꧉

_________________

[ 47 ]

Alphabetisch register.

ꦲꦩ꧀ꦥꦱ꧀ꦏ꧀ꦭꦥ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​25.

ꦕꦶꦏꦭ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​4.

ꦕꦼꦁꦏꦶꦂ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​18.

ꦏꦭꦥ꧈ ꦲꦩꦤꦶꦁ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​33.

" ​ ꦏꦼꦕꦺꦂꦫꦶꦁ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​28.

"  ꦲꦁꦒꦼꦤꦸꦏ꧀ꦏꦶ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​5.

"  ꦤꦩꦤꦶꦁ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§31.

" ​ ꦢꦒꦶꦁꦔꦶꦁ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​20.

" ​ ꦥꦔꦽꦏ꧀ꦱꦤꦶꦁ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​32.

ꦢꦺꦴꦓꦺꦂ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​14.

ꦱꦼꦒꦤ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​19.

ꦠꦥꦱ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​10.

ꦠꦺꦴꦪꦏꦭꦥ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​30.

ꦱꦤ꧀ꦠꦼꦤ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​24.

ꦱꦢ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​12.

ꦱꦶꦠꦶ꧇ ꦥꦱꦶꦠꦺꦤ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​1.

ꦱꦼꦥꦼꦠ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§27.

ꦮꦶꦗꦶ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§3​.

ꦭꦶꦱꦃ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​21.

ꦭꦸꦮꦁꦔꦤ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​2.

ꦊꦒꦺꦤ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​16.

ꦥꦺꦴꦟ꧀ꦝꦺꦴꦃ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​7.

ꦥꦫꦸꦢ꧀ꦢꦤ꧀ꦏ꧀ꦭꦥ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​23.

ꦗꦚ꧀ꦗꦁꦔꦤ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​22.

ꦗꦤꦸꦂ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​9.

ꦩꦚ꧀ꦕꦸꦁ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​15.

ꦩꦁꦒꦂ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​13.

ꦒꦭꦸꦒꦸ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​6.

ꦒꦼꦧꦶꦁꦔꦤ꧀ꦏꦭꦥ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​26.

ꦧ꧀ꦭꦫꦏ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​11.

ꦧ꧀ꦭꦸꦭꦸꦏ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​17.

ꦧꦛꦺꦴꦏ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​29.

ꦧꦺꦴꦁꦏꦺꦴꦏ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

§​8.

________

[ 48 ]

VERKORTINGEN.

_______

J. Z. I. = Javaansche Zamenspraken.

K. = Krama.

K. N. = Krama Ngoko.

M. L. = Ménak Lare.

N. = Ngoko.

T. Tj. = Tatatjara.

_______

[ Cover ]

KAWROEH KALAPA

DOOR

KI PADMA SOESASTRA

TE

SOERAKARTA

1. ꧋ꦊꦉꦱ꧀ꦲꦶꦁꦏꦁꦏꦱ꧀ꦧꦸꦠ꧀ꦲꦶꦁ꧇ Kawi-Balineesch Woordenboek, deel:1 p.602, sub:​ ꦠꦶꦫꦶꦱ꧀​ꦏꦮꦱ꧀ꦠꦤ꧀​ꦤ꧀ꦚꦸ꧈ꦭꦤ꧀​ꦤ꧀ꦚꦸꦃ꧉ꦲꦶꦁ Sanskrit-woordenboek (Cappeller) ꦏꦮꦱ꧀ꦠꦤꦤ꧀​ꦤꦫꦶꦏꦺꦫ꧈ꦠꦸꦮꦶꦤ꧀​ꦤꦭꦶꦏꦼꦭ꧉
2. ꧋ ꦱꦸꦥꦢꦺꦴꦱ꧀ꦕꦶꦏꦭ꧀ꦲꦶꦁꦏꦁꦤꦼꦩ꧀ꦧꦺꦠꦤꦼꦩ꧀ꦥꦸꦤꦶꦏꦧꦺꦴꦠꦼꦤ꧀ꦏꦠꦼꦣꦢꦺꦤꦶꦁꦫꦪꦥ꧀ꦲꦸꦠꦮꦶꦫꦔꦱ꧀​ꦭꦸꦮꦁꦔꦤ꧀ꦲꦶꦁꦏꦁꦏꦁꦒꦺꦤꦤꦼꦩ꧀ꦢꦶꦥꦸꦤ꧀ꦮꦸꦂꦲꦸꦮꦸꦂꦫꦶꦲꦮꦸꦥꦮꦺꦴꦤ꧀ꦲꦶꦁꦏꦁꦫꦒꦶꦏꦤ꧀ꦢꦼꦭ꧀​ꦭꦁꦏꦸꦁꦥꦿꦪꦺꦴꦒꦶꦩꦭꦶꦃꦠꦠꦺꦴꦤ꧀ꦤꦶꦁꦮꦶꦗꦶꦢꦶꦥꦸꦤ꧀ꦲꦺꦴꦱꦺꦂꦲꦺꦴꦱꦺꦂꦫꦶꦠꦶꦂ꧉
3. ꦥꦸꦕꦸꦁꦔꦤ꧀꧈
4. ꧋ꦲꦤ꧀ꦢꦢꦺꦴꦱ꧀ꦱꦏꦼꦤ꧀ꦕꦸꦮꦢꦺꦤꦺꦏꦶꦦꦢ꧀ꦩꦧꦺꦴꦠꦼꦤ꧀ꦲꦚꦼꦠꦸꦠ꧀ꦠꦏꦼꦤ꧀ꦥꦼꦂꦭꦸꦤꦶꦁꦱꦗꦺꦤ꧀ꦏꦭꦶꦪꦤ꧀ꦫꦥꦭ꧀ꦭꦶꦥꦸꦤ꧀ꦠꦶꦪꦁꦲꦤ꧀ꦢꦺꦫꦺꦱ꧀ꦩꦁꦒꦂ
5. ꧋ ꦲꦶꦁꦱꦫꦺꦃꦤꦶꦁꦏꦶꦦꦢ꧀ꦩꦧꦺꦴꦠꦼꦤ꧀ꦲꦚꦼꦧꦸꦠ꧀ꦠꦏꦼꦤ꧀ꦲꦠꦸꦂꦫꦤ꧀ꦤꦶꦥꦸꦤ꧀ꦠꦶꦪꦁꦲꦁꦒꦺꦴꦣꦺꦴꦒ꧀ꦭꦼꦒꦺꦤ꧀​ꦥꦿꦩꦶꦭꦏꦸꦭꦱꦩ꧀ꦧꦼꦠ꧀ꦠꦶꦏꦺꦴꦱ꧀ꦲꦶꦁꦔꦟ꧀ꦝꦥ꧀ꦥꦸꦤꦶꦏ꧇꧋ ꦊꦒꦺꦤ꧀ꦮꦲꦸꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦊꦧꦼꦠ꧀ꦠꦏꦼꦤ꧀ꦲꦶꦁꦏꦮꦃ꧈ꦭꦠꦸꦱꦪꦏꦲꦒꦼꦁꦔꦏꦼꦤ꧀​ꦧꦶꦭꦶꦃꦊꦒꦺꦤ꧀ꦱꦩ꧀ꦥꦸꦤ꧀ꦲꦸꦩꦺꦴꦧ꧀ꦭꦗꦼꦁꦏꦕꦼꦩ꧀ꦥ꧀ꦭꦸꦁꦔꦤ꧀ꦥꦫꦸꦢ꧀ꦢꦤ꧀ꦤꦶꦁꦏꦭꦥ꧈ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦱꦕꦁꦏꦶꦂꦏꦛꦃꦲꦶꦥꦸꦤ꧀​ꦩꦼꦁꦒꦃꦥꦼꦂꦭꦸꦤꦶꦥꦸꦤ꧀ꦲꦸꦩꦺꦴꦧ꧀ꦧꦶꦁꦊꦒꦺꦤ꧀ꦭꦗꦼꦁꦩꦼꦟ꧀ꦝ(ꦏꦺꦤ꧀ꦢꦼꦭ꧀)꧈꧋ ꦱꦥꦸꦤꦶꦏꦮꦶꦮꦶꦢ꧀ꦢꦶꦥꦸꦤ꧀ꦲꦸꦧ꧀ꦭꦼꦒ꧀ꦔꦤ꧀ꦠꦺꦴꦱ꧀ꦏꦠꦶꦔꦭ꧀ꦏꦼꦟ꧀ꦛꦼꦭ꧀​ꦢꦺꦤꦺꦧꦶꦭꦶꦃꦱꦩ꧀ꦥꦸꦤ꧀ꦱꦼꦥꦸꦃ꧈ꦏꦺꦔꦶꦁꦭꦗꦼꦁꦏꦠꦶꦠꦶꦱ꧀ꦱꦏꦼꦤ꧀ꦮꦺꦴꦤ꧀ꦠꦼꦤ꧀ꦕꦶꦛꦏ꧀ꦏꦤ꧀ꦤꦶꦥꦸꦤ꧀​ꦥꦸꦤꦥꦮꦺꦴꦤ꧀ꦠꦼꦤ꧀ꦲꦶꦁꦧꦛꦺꦴꦏ꧀ꦲꦸꦠꦮꦶꦱꦥꦿꦪꦺꦴꦒꦶꦤꦶꦥꦸꦤ꧀꧈
6. ꧋​ꦮꦺꦴꦤ꧀ꦢꦤꦺꦱꦊꦉꦱ꧀ꦱꦶꦥꦸꦤ꧀ꦲꦶꦁꦏꦁꦏꦮꦱ꧀ꦠꦤ꧀ꦧꦸꦏꦸꦂꦲꦶꦁꦠꦼꦩ꧀ꦧꦸꦁꦯꦸꦟ꧀ꦝꦥꦸꦤꦶꦏ꧈ꦏ꧀ꦭꦥꦲꦶꦁꦏꦁꦱꦩ꧀ꦥꦸꦤ꧀ꦢꦢꦺꦴꦱ꧀ꦲꦶꦱꦺꦤ꧀ꦲꦶꦱꦺꦤ꧀ꦤꦶꦁꦱꦼꦠꦿꦸꦥ꧀(ꦯꦸꦫꦏꦂꦠ꧇ꦕꦲꦺꦴ)꧉
7. ꧋ ꦏꦁꦒꦺꦗꦩ꧀ꦥꦶ꧉
   ꧋ ꦱꦸꦥꦢꦺꦴꦱ꧀ꦠꦶꦪꦁꦱꦒꦼꦠ꧀ꦠꦲꦤ꧀ꦝꦠꦼꦁꦔꦏꦼꦤ꧀ꦲꦮꦱꦽꦥ꧀​ꦧꦢꦤ꧀ꦤꦶꦥꦸꦤ꧀ꦱꦏꦺꦴꦗꦸꦂꦏꦧ꧀ꦭꦺꦴꦚꦺꦴꦃꦲꦭꦶꦱꦃꦏ꧀ꦭꦼꦤ꧀ꦠꦶꦏ꧀꧈ꦭꦁꦏꦸꦁꦥꦼꦂꦭꦸꦠꦸꦩꦿꦥ꧀ꦠꦶꦪꦁꦲꦶꦁꦏꦁꦢꦩꦼꦭ꧀ꦭꦶꦥꦸꦤ꧀ꦥꦢꦺꦴꦱ꧀ꦲꦸꦭꦩ꧀ꦲꦶꦁꦱꦒꦤ꧀ꦠꦼꦤ꧀​ꦱꦧꦧ꧀ꦠꦤ꧀ꦱꦃꦏꦸꦁꦏꦸꦩ꧀ꦠꦺꦴꦪꦱꦧꦼꦤ꧀ꦢꦶꦤ꧀ꦠꦼꦤ꧀꧈
   ꧋ ꦩꦏꦠꦼꦤ꧀ꦲꦸꦒꦶꦭꦶꦱꦃꦏ꧀ꦭꦼꦤ꧀ꦠꦶꦏ꧀ꦥꦸꦤꦶꦏꦏꦺꦔꦶꦁꦏꦁꦒꦺꦤꦸꦭꦏ꧀ꦱꦏꦶꦠ꧀ꦠꦺꦉꦁ꧈ꦥꦔꦁꦒꦺꦤꦶꦥꦸꦤ꧀ꦢꦶꦥꦸꦤ꧀ꦲꦺꦴꦩ꧀ꦧꦺꦲꦸꦠꦮꦶꦢꦶꦥꦸꦤ꧀ꦧꦭꦺꦴꦚꦺꦴꦃꦲꦏꦼꦤ꧀ꦲꦶꦁꦧꦢꦤ꧀꧈
   ꧋ ꦱꦠꦸꦁꦒꦶꦭ꧀ꦭꦶꦁꦣꦺꦴꦏ꧀ꦠꦼꦂꦲꦕꦫꦶꦪꦺꦴꦱ꧀​ꦩꦤꦮꦶꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦤꦭꦶꦏꦠꦏ꧀ꦱꦶꦃꦲꦭꦶꦠ꧀ꦱꦒꦼꦢ꧀ꦱꦫꦱ꧀ꦱꦏꦶꦁꦱꦏꦶꦠ꧀ꦠꦶꦥꦸꦤ꧀ꦏꦺꦉꦁ꧈ꦱꦫꦤꦱꦧꦼꦤ꧀ꦢꦶꦤ꧀ꦠꦼꦤ꧀ꦧꦢꦤ꧀ꦤꦶꦥꦸꦤ꧀ꦏꦧ꧀ꦭꦺꦴꦚꦺꦴꦃꦲꦶꦔ꧀ꦭꦶꦱꦃꦏ꧀ꦊꦤ꧀ꦠꦶꦏ꧀꧈
   ꧋ꦲꦸꦒꦶꦥꦿꦪꦺꦴꦒꦶꦏꦁꦒꦺꦗꦩ꧀ꦥꦶꦱꦏꦶꦠ꧀ꦧꦺꦫꦶꦧꦺꦫꦶꦱꦫꦤꦢꦶꦥꦸꦤ꧀ꦲꦁꦒꦺꦧ꧀ꦭꦺꦴꦚꦺꦴꦃ꧉
   ꧋ ꦠꦶꦠꦶꦪꦁꦲꦶꦁ꧇Samoa (Polynesie) ꦲꦶꦁꦏꦁꦥꦩꦼꦢꦭ꧀ꦭꦶꦥꦸꦤ꧀ꦲꦶꦁꦔꦿꦶꦏꦸꦏꦛꦃꦏ꧀ꦭꦥ꧈ꦱꦩꦶꦏꦸꦭꦶꦤꦧ꧀ꦭꦺꦴꦚꦺꦴꦃꦲꦤ꧀ꦭꦶꦱꦃꦏ꧀ꦭꦼꦤ꧀ꦠꦶꦏ꧀​ꦤꦔꦶꦁꦏꦢꦩꦼꦭ꧀ꦱꦫꦸꦥꦶꦭꦶꦱꦃꦮꦔꦶ꧉
   
8. ꧋ ꦩꦼꦁꦒꦃꦏ꧀ꦭꦥꦲꦶꦁꦏꦁꦏꦏꦶꦤ꧀ꦠꦸꦤ꧀ꦤꦏꦼꦤ꧀ꦝꦠꦼꦁꦠꦤꦃꦌꦫꦺꦴꦦꦃꦏꦛꦃꦱꦔꦼꦠ꧀​ꦔ꧀ꦠꦺꦴꦱ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦭꦼꦏ꧀ꦱꦉꦩ꧀ꦧꦠ꧀​ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦲꦤ꧀ꦢꦢꦺꦴꦱ꧀ꦱꦏꦼꦤ꧀ꦏꦲꦸꦤ꧀ꦠꦸꦁꦔꦤ꧀ꦤꦶꦥꦸꦤ꧀ꦠꦶꦪꦁꦗꦮꦶꦲꦁꦒꦺꦤ꧀ꦤꦶꦥꦸꦤ꧀ꦲꦤꦤꦼꦩ꧀ꦏꦭꦥ꧉