Kaca:Yesus Panguculan.pdf/8

Saka Wikisumber
Kaca iki wis dikorèksi

[Nanging mungsuhé mbisiski Gusti Yésus ing pikirané supaya ninggal kerjanané sing sangka Gusti Allah.]

[Sétan:] Jaréné anakké Gusti Allah, jajal watu kuwi dikongkon kon dadi roti.

[Yésus:] Ora! Awit nang kitab ketulis ngéné: Manungsa uripé ora namung sangka mangan roti waé, nanging sangka saben tembungé Gusti Allah.

[Sétan:] Nèk kowé anakké Gusti allah tenan, kana anjlok mudun. Nang ... ketulis ta: Gusti Allah bakal ngongkon mulékaté kon nampani kowé nganggo tangané

[Yésus:] Nang kitab uga ketulis: Kowé aja njajal Gusti Allahmu.

[Sétan:] Delok kaé kabèh! Kuwi kabèh bakal tak kèkké kowé, nèk kowé gelem sujut nyembah aku.

[Yésus:] Kana lunga sétan, awit nang kitab ketulis ngéné: Nyembaha Gusti déwé, Dèkné Allahmu. Namung Dèkné sing kudu mbok ladèni.

[Sakwisé ngono kuwi, sétan terus lunga. Para mulékat terus teka pada ngladèni Gusti Yésus.]

[Gusti Yésus kebak karo roh Sutyi dongé balik nang Galiléa sak kuloné kuta Israèl. Wong-wong pada mèlu Gusti Yésus. Kabèh pada kepéngin ngerti apa Gusti Yésus iki pangutyulané manungsa kaya sing ketulis ing kitab miturut para nabi.]