Kaca:Wasis Maca 6.pdf/20

Saka Wikisumber
Kaca iki wis divalidasi

-18-

7. Disiplin Birkenhead



 Nalika taun 1954 kapal pengangkutan tentara Inggris Empire Windrush (Ampaie Winros) Jagi lelayaran ing Laut Tengah, 50 mil saka pasisir Aljazair.

 Pinuju wayah esuk nalika wong-wong lagi ngematake nyawang mletheking Sang Bagaskar ing Cakrawala wetan, krungu swara gumuruh saka ngisor.

 Disusul metune kukus ireng saka njero kapal.
Ana mantros metu liwat andha kamar mesin, rambut lan alise entek kobong. Pipine tatu amba.

 Karo megap-megap dheweke kandha : ”Kobongan ! Kobongan ! Sawuse muni mangkone, ambruk mati.
Kancane, masinis-masinis kang isih ana kamar mesin wis mati kabeh. Genine ngamuk.

 Kapal bagiyan tengah wis murub.
Perwira-perwira kapal lan anak buahe wis tumandang sakatoge nyoba nyirepake geni utawa ngalang-alangi aja nganti ngambra-ambra. Ananging tanpa guna. Geni saya suwe saya gedhe.

 Sawatara perwira lan mantros padha nuntun wong-wong. Dijak unggahi menyang gladhag. Padha diaturi sáreh, dierih-erih, aja cilik ati.

 Kapten kapal William Wilson mutusake supaya wong-wong mudhun kabeh saka kapal Empire Windrush.